قدري أن أحبك الجزء 28

اشراق : واكولي و مسحي فمك مافيا لي يوحل مع داك المصعور ديالك ..

جهينة : سوقي و ديها فسوق راسك ...

رجعو للاوطيل و طلعو هازين لي ساشي ديال الحوايج فيديهم ..

سونات و حل ليها اشرف ..

اشرف : اش هاد الوقت هاادشي غير وصيناكم ..

عنقاتو اشراق و باست حنكو ..

اشراق : وينو اللوين ديالي معصب ..

اشرف : تبتيني لمك .. راه كانجمعهم ليك ..

اشراق ؛ اوى صااافي فرفشها ياعم بقى ..

اشرف مع جهينة : دخلي انت راك مقو***

جهينة : هي الى حيدتو من قدامي ..

دخلات جهينة و لقاتو قدامها ..

ايرتان : جيني نيشان و قولي بغيتي تموتي علاش كاتعدبي راسك بهادشي كولو ..

جهينة : و مالي اش درت

ايرتان : معطلة .. ماكاتجاوبيش .. و منين جاوبني قطعتي فوجهي .. و منين عاودت لقيت تيليف المدام مشغووول .. معمان لمك كنتي كاتهضري ..

جهينة : من بعد و نقووولك .. خليني نرتاح دابا عييت ..

عز : هادشي كامل شريتووه ..

جهينة : اجيو تشوفو اشنو خديت ..

ايرتان : مابقا غير هادشي .. نوضي تغعدي لمك دردبي قدامي ..

جهينة :بلاتي ...

جبدات سيكانها و بدات تشتت قدامهم ز بداو يشوفو و يضحكو و يتعجبو ..

ايرتان : و علااش شريتي بووحدك .. كنت بااااغي نشرييو ب2 ..

جهينة : ماعلييش بااقي شلاا مايتشرى ..

اشرف : وييينو .. البيبي غايكون صغيكر قد هكا ..

جهينة : ههه يمكن اصغر ..

فؤاد : الله يجيبها ليكم بالسلامة ..

جهينة : امييين ..

رجعو لدارهم ...كانت جهينة جارا كلابها و هو هاز

ايرتان : مساء الخير ..

وفاء: على سلامتكم اوليداتي .. جيتو ..

جهينة دخلات عند وفاء: اجي تشوفي اماما شنو شرييت ..

دخل ايرتان معاهم حتى هو و جلس... جبدات الحوايج بدات توريها و نطقات جداه..

الحاجة : لاش مدخلين ليا هاد الزبل لقلب ادار خرجهم عليا ...

ايرتان طلقهم و قال : مربيين غير تهناي ..

الحاجة : قلت لبك خىج هليا الزبل للزنقة مابغبتهمش ينقزو عليا .. ناض تيرتان كاينغر هزهم و طلع .. طنشات جهينة لي واقع و كملات مع وفاء لي كاتشوف و تضحك عجبوها .. حنزرات فيها الحاجة و قالت

الحاجة : منين شارية هاد الشراوط.. و جايباهم مشتتةاهم علبنا هنا .. جمعي زبلك و نوضي تهزي من قداامي يااخ على كمامر .. كاتجيبو غير الفقايص .. من نهار دخلتي لهاد الدار و انا ماعارفاش نرتاح بخاطري ...

جهينة بقا فيها الحال من كلاام الشاارفة .. شافت فوفاء لي كانت كاتغنزها .. بداو كايجمعوهم باش يطلعو و دخل عمر .. جلس بعدما باس راس امو ...شاف حوايج البيبي و دار رجل على رجل و ضحك بسخرية ..

عمر : فرحاانين .. مسبقين العصا على الغنم ... خليو بعدا غير حتى تولد صحيحة يعدا .. ماخفتوش يضيعو الفلوس هكاك ..

جهينة : بنتي غاتولد بصحيحتها ان شاء الله ..

ناضت وفاء ووقفاتها : ياله ابنتي نطلعو ..

هظات حوايجها و طلعو .. خلاوه كايضحك هو و امو ..

الحاجة : انا مابقيتش قادرة نتحمل هادي بيناتنا .. ماكرهتكش تهنيني منها هي و الزبل لي فكرشها ..

ضحك عمر و قال : غيير صبري عليا نسالي ليها .. حتى انا بغيت نتفك منها .. راه عاودت ليك على نيرمين بنت شريكي .. الى عرفاتو مزوج غايضيع لينا كولشي .. كواشي هو هذاك خاصني نلقا غيير منين نشدها .. و مدير ليها طريق مايرجعش ..

احاجة : اوى سربي اولدي .. قبل ماتفرخ و نوحلو فيها ..

عمر : وا لا علييك ..

وفاء بعدما طلعات هي وجهينة وقفة قدام البيت عطاتها سيكانها و قالت : ماتبكيش احبيبة ... راك عارفة ماتديش عليهم ..

جهينة كاتبكي : شفتيهم اش قاالو على بنتي ..

عنقاتها وفاء و قالت : صافي احبيبة خليهم ربي يخلصهم .. دخلي رتاحي انا نسيفط هدى تجيب ليك شي حاجة تاكليها ..

جهينة : لاء واكلة اماما .. انا ندخل غير نرتاح شوية ..

وفاء: واخا احبيبة ..

هزات سيكانها و دخلات للبيت و سدات الباب .. حطات الحوايج على جنب .. سمعات ايرتان كايدوش الداخل ... بدلات حوايجها و تكات شاعلة التلفازة .. و شادة بومبا فيدها خرج ايرتان عندها و قال :

ايرتان : امتى طلعتي ..

جهينة : عاد دابا شوية ..

قرب ليها اكتر و لاحظ ملامحها حزينة و اتار البكاء فعينيها .. جلس قدامها و جات نايضة باش ماتعيقش .. شد دراعها و قال : مالك ؟

جهينة حاولت تنكر : والو .. اش غايكو..

قاطعها : هضري بلا لف و دوران .. اش قالت لك ..

جهينة : ماكاين والو و الله ..

ايرتان ناض كايلبس : ماتحلفيييش .. وجهك منفوووخ و كاتقولي ليا والو ..

ناضت لعندو : ايرتان عافاك .. بلااش ماتجبد الصداااع الليل هذا صاافي راك عاارف .. هضرة خاوية و دازت ..

ايرتان بعدما لبس تيشورت ديالو: تخرجي من البيت نضبر معااك ..

خرج و ردخو جلسات جهينة كاتعض ظفارها بالخلعة و كاتطلب الله مايكبرش المووضوع ..

هبط ايرتان عندهم .. لقاهم باقين مجمعين ب2 ..

ايرتان : اااه قول حتى انت هنا ..

عمر : اش كاين ؟

ايرتان : هاذيك لي طالعة ووجها حمر بالبكا .. شكون هضر معاها ..

الحاجة : وصلاتها ليك سخوونة ..

ايرتان : هي انت الشارفة ..

عمر : احتاارم رااسك الحيوااان ..

ايرتان : مابقا احتراام .. شرطت علييكم تعطيوها بالتساااع .. علاش كاتلعبو ورايا .. انا راه ممكن نشقلب مو هاد الحزاااق كامل غير الى قلقتووها .. انا نراري و نصبر عليها باش تجيو انتوما تبكيوها .. عند باالكم غانسكت ليبكم ..

الحاجة : اخر الزماان هذا منين الولااد ولاو يوقفو قدامنا هكا عيني عينك ..ماربيتيهش اولدي .. و ديك اللفعة عرفات تلعب بعقلو .. غاتبقا سااكت هكاا ..

ايرتان : اخر الزماان جبتووه انتوما منين مابقيتو ترحمو و قلبكم تحجر .. لا انت لا ولدك .. اخر تحذيير .. مراتي ..ماتجيوش جيهتها .. تكون جايا قلبو طريقكم و لابربي حتى تشوفو الوجه الخاااسر ديال بالصح .. هاااني علمتك انت و ياااه ..

خنزر فيهم و طلع ..

الحاجة : اوىىى شفتيي علاااش كانقووول ليك سربي هنينا منها ..

عمر : الدري مربوووط فيها نيييت .. القضية غاتكوون صعييبة الحااجة .. انا من هاذشي كولو .. صفقتي و شراكتي مع عائلة الزيتوني خاصها تبقى و نوصل لاهدااافي .. و ماغانوصل ليهم غير بداك ايرتان .. و انا خاصني نتهنا من هاديك البنادمة بلا فضايح و بلا مشاكل .. و لكن بااقيماعرفتش اشنو نديير ..

الحاجة : سير هبش فماضيها .. عرف فين والديها و منين جابها بعدا ماعرفتي تلقا منين تشدها ..

عمر : عندك الحق فلتات ليا هاذي ... مهم انت حاليا خليها فحالها ماتهضريش معاها .. نتفاداو الصداع مع داك بنادم بيما لقيت اش ندير ..

الحاجة : نصبرو .. ماعلييش ..

عمر : وفاء كاتشرب دواها فوقتو ..

الحاجة : ماتختاافش رادا البال معاها حتى هي ...

عمر ؛ نطلع نفكرها بشغالها شوية .. مرة مرة حاصها نغيزة ..

الحاجة : سير اولدي الله يرضي عليك .. (الله يعطينا وجهك نديرو بيه اكسبوزي😂)

دخل ايرتان للبيت .. لقاها جاسة على اعصابها بغات تنوض و حبسها ..

ايرتان : غير خليك جالسة ..

جلس حداها و شافت فيه و قالت : واش تخاصمتو اش قلتي ليهم .. ايرتان عاافاك ماتقولش ليا غوتي فوجههم على قبلي ..

ايرتان : جهبنة .. اش قلنا فهادشي ديال الاخلاق ديالك .. لي اذاك اذيه .. حلو عليك فامهم حليه حتى انت .. راك متشي ملااك ..

جهينة : لا انا و لا انت خاصنا نردو علييهم .. راهم والديك ا ايرتان ..

ايرتان : سدي عليا هاد السيرة الله يرضي علييك .. اخر مرة نشوفك كاتبكي بمسبتهم ..

جهينة : واخا .. واقول ليا اش قلتي ليهم ..

ايرتان : ماتهزي هم .. دوزي حطي راسك رتاحي ..

جهينة : خليتي شي راحة .. اخر حاجة نبغيها هي تدي السخط على قبلي ..

ايرتان : ههه تي اشمن سخط الله يهديك .. و ربي سااخط عليهم ب2 ... انا نخاف من سخطهم .. مرضي ميمتي كافيني هادشي ..

جهينة : عمري عقلت على راسي وصيتك بشي حاجة و درتيها ..

ايرتان : وا صااافي صاافي .. مابغبتك تهزي هم لتاحاجة .. يالله قولي ليا قبايلة .. معامن كنتي كاتهضري .. قلتي ليا حتى لمن بعد و تعاودي ليا ..

جهينة مسحات دموعها و قالت : طه لي عيط ليا ..

ايرتان بحدة : شكوون هااد طه ..

جهينة : واد عمي.. فيك الزهايمر ؟

ايرتان : كيفاش فجأة هضرتي معاااه .. و لا ياكما فايتة هااضرة معاه و ماقلتيهاش ليا ..

جهينة : لا .. عمري هضرت معاه اول مرة .. طلب نمرتك و عطيتها ليه .. و بغا يتلاقاني ..

ايرتان : و علاش بالسلامة .. ياك قلتي مابغيتيش تهضري معاهم ..

جهينة : فكرت فكلامك .. و لقيت بلي عندك الحق .. هو ما عندو دنب فهادشي .. باش نخرج فيه سمي ...

ايرتان : منين خرج ليا هاذا تاهو ..

جهينة : اش قلتي ..

ايرتان : والو .. و اش قلتي ليه ..

جهينة : قلت ليه نفكر و نرد علييه .. انا بغيت رأيك ..

ايرتان : ضبري راسك و لكن رجلي برجلك ..

جهينة : اوى حتى ترشق ليا و نقولها ليه ..

ايرتان : وا فكيها دااابا ..

جهينة : و علااش غانفكها و انا مزمرة عليا من كولشي الجواايه ..

ايرتان : وا علااش كانقول ليك ماتفكري فوالو .. و خوي راسك من كوولشي ..

جهينة سكتات ساهية قدامها .. عنقها و خلا يدو على ظهرها كايهدنها و يدوزها عليها بحنان ..

أصبح الصبااح .. فاقت جهينة كاتجمع فالسويك ديالها ... و ايرتان حتى هو كايلبس حوايجو ..

جهبنة : بلا ماتصدع راسك معايا .. راه غايدوز اشرف يوصلنا و غايرجعني معاه..

ايرتان : غادي يديكم و منين تسالي عيطي ليا نرجعك انا ..شحال غاتحتاجو ديال الوقت .. ساعة ؟

جهينة ؛ هههههههههه ساعة ياله غانسخن .. تبربقتي و لا مالك ..

ايرتان : اااه بطبيعة الحال .. انتوما 3 ديال الفاام غاديين ماغاديش تقاداو .. الغاز و المازوط و العافية غاديين فدقة .. بااز لمو دااك الحمام اليوم ..

جهينة : ماتعايرش ليا صحااباتي ..

ايرتان : اااه دافعي عليهم .. ياله باش تهبطي تفطري ..

جهينة : واش نسد على تيمون و بومبا بالساروت ..

ايرتان : غانوصي الوالدة ..

هبطو ب2 ... حط ايرتان ساكها فالطرف و جلسو .. كانت غير امو و جداه .. و على ما بان بلي باه عاد مشا ..

ايرتان باس حنك ماماه و جلس : صبااح الخير اوالدة ..

وفاء: صبااح الخير اولادي .. كيف صبحتو ..

جهينة : حمد الله ..

شاف ايرتان فجدااه .. لقاها غاتاكلهم بعينيها و قالت ..

الحاجة : صباح الخير غير للسفريطة ديال مك .. و جداك لا ..

ايرتان : وييييينو غرتي ..

الحاجة ناضت : قليل التراابي .. *مشات*

ايرتان ؛ هههه انت لي بقيتي ليا فهاد الصبااح .. ياله الغزالة ديالي فطري باش تاخدي دواك ..

وفاء: ديالاش دااك الصااك اولدي ..

جهينة : ديالي اماما .. غانمشي للحمام ..

وفاء؛ حمام ؟!!

ايرتان : *قال اسمو بالتركية *

وفااء : اااه ... عندنا فتركيا و عمري مشيت ليه ..

جهينة : ياله معايا اماما غايعجبك الحال ..

ضحكات وفاء و قالت : لاء ماعليش احبيبة غير سيري انت بصحتك .. و لكن خفت عليك مايمكنش تمشي بوحدك ..

ايرتان : ماتخافيش عليها راها غادية مع فرقة العونيات ديالها ..

وفاء: معامن !!

جهينة :احتارم رااسك غالاك العونياات ..

ايرتان : هههههه صحاباتها اماما ..

وفااء: اااه .. اوى هكا احسن ...

فطرو و خرجو بعدما جاهم اتصال من اشرف ..

ركبات جهينة لور و قال ايرتان لاشراق : شوفي اديك العافية ... غاتردي ليها البال .. مابقاوش بزااف لاتسخف ..

اشراق بالغوات : وااا فهممناا الخرىىى واش غيير انت لي مزواااج .. 😡😡

ايرتان : ههههههههه اشرف راه السيدة عندك مفقووصة .. ضرب الكحل فالاحمر و خليونا نفرحو بيكم ..

جهينة :هههه كانقولو الابيض تا اشمن احمر ..

ايرتان : سكتي انت خلينا نشوفو هاذو ..

اشرف لاشراق : بالصح .. بغيتي نضربو الكحل فالاخضر ..

جهينة : وا الابيض حتى انت اشمن خضر اويلي حي 😂😂

اشراق : اوى العبد يمشي بالدبزة و الحمار بالغمزة ..

جهينة : اش كاتخرااي تما حتى انت ..

اشراق: على كيف قلتها .. ماعرفت غااع مهم لا بان المعنى لا فايدة فالتكرااار ..

ايرتان : و لايني ا اشرف صدقتي واحد بااارد القلب .. حادg فيا غير انا .. مخلي السيدة كاتخلل حداك اش كاتسناا .. تخطبك هي ..

جهينة : اااه مادرتي فيها مايصلااح .. فين تلقا احسن منها تقااد ليك الضلووع ..

اسراق : اوى الله يجيب لي يقووول الحق ..

اشرف ؛ ههههه ناااري مالكم ضورتوووني بحااال هكاا راه ممكن نهرب ..

اشراق : وحررررر بوووش ديررها و اللهتا نلبس عليبك الابيض ..

اشرف : ههههههه القضية فييها الابيض .. كوون عليا من اليووم ... و لكن بصراحة كانفكر فعائلتك ..

اشراق : تا اشمن عائلة الله يهديك .. لايحيني لا سؤال لا وااالو .. نوض انا نقوول ليهم .. اهلا عائلتي انا قربت نتزوج بغيتكم تحضرو لفرحي ..

اشرف : و على ماشي عائلتك ..

اشراق : سير تخرى انت و يااهم .. و الله عمري قربت لجهتهم .. حتى يقووولها ليا مخي .. دابا حياتي و انا حرة فيها .. لي ماباغينيش مابغيتووش ..

ايرتان لجهينة : تعلمي اباردة القلب ..

جهينة : راه نتوما لي باردين القلب .. اهم شي الاخلاق و المبادئ ..

ايرتان و اشراق : المبادئ كوووليهم ..

ايرتان : غانطلبك طليبة ا اشرااق ... حكيها من هاد المبادئ معااك .. راها فاقصااني ..

اشراف : ههههه كون هااني .. غانكردها ...

ايرتان : هههه ياله الله يعاون .. الى خرجتو عيطي لبا انت ..

جهينة : واخا .. بااي ..

ايرتان : ياله دردبو مع الطريق ..

سد الباب و مشا لسيارتو ..

ديمارا اشرف و قال لاشراق : واش بالصح باغيانا نتزوجو ..

اشراق : و علاش ماشي دابا .. مابغيتيش؟ ..

اشرف : واش انت حمقاء مانبغيش ؟! انا راه بديت كانفكر فهاد الموضوع شهراين هاذي .. و خايف ماتبغيش على قبل عائلتك ..

جهينة : و الله اولديدي ياحتى مكلخ ..

اشراق : وا مجمك مطمس غااع ..

ضحك و مد يدو ليها صرفقها بالخف : كانقول لمك ماتبقايش تعايري ..

اشراق : حيد ايدك لهيه .. و انت لي ديما مطرطق ليا المرارة ..

اشرف بخبت: لهلا يطرطقها للحب دياالي .. من غدا نضرب على مك الكااغط ..

اشراق بتحلوين : اويلي كاتطلبني للزواج و لا كاتهددني ..

اشرف بخبت : نااااااري غادي نديير شي مصييبة ..

اشراق : ههههههههه

جهينة : هااادوووك الجووج ... تجمعو الله يرضي عليبكم اش كانبان ليكم فاازة محطووطة هنايا... 😡

يتبع