قدري أن أحبك الجزء 30

هدى مشات عند جهينة و حطات يدها على ظهرها و قالت ليها : ماعليييش .. دايرة الضحك فراسها و كوولشي عارف اصلها منيبن .. انت اصل بنت اصل ماتكونيش بحالها .. 

جهينة : الله كايشوووف .. ضبر راسها .. و الله هضرتها ماكاتدخل لا من هنا و لا من هنا .. 

هدى : هكااك نبغييك ... 

كملات جهينة طيابها و هي كاتخمم ..

تبعات الحاجة وفاء و سدات الباب و راهم و قالت : 

الحاجة : تحل لييك الفم دابا حيت كاين داك المسخوط ديال ولدك ياااك .. ماتنسايش حتى انا عندي ولدي مرضي لي نقولو ليه يديرو .. فبلاش ماتلعبي ورايا الله يرضي عليك الى بغيتي مانسيفطوكش لشي سبيطار الحماق يغبرك و نتهنااو منك .. ااه هاادشي لي بغيتي .. 

نفات وفاء كلامها بخوف و توتر و هي كاتلعب بصباعها و جاوبت الحاجة و هي كاتبسم بشر .. 

الحاجة : اوى احسن ليك تيمعي الكلام و تدخلي سوق راسك ... فين دوااك .. ماشربتيهش اليوم .. 

وفاء: ش .. شربتو .. 

احاجة : عاودي شربيه قدااامي ... ياله تهزي .. 

هزات جهينة البلاطو .. و طلعات بالشوية عليها .. حتى وصلات للباب ... تنهدات و لاحت كولشي المشاعر السلبية لور باش ماتشوشوش ... كفاية هم الخدمة و باه ماتزيدوش من عندها .. رسمات ابتسامة فوجها .. و دخلات .. 

غير شافها ايرتان ووقف خداه من عندها و باس راسها .. 

ايرتان : شكرا احبيبة عدبتك .. 

جهينة : عدابك رااحة .. بصحتك .. 

ايرتان : اوى اجي تاكلي معايا .. 

جهينة : غهماتني الريحة .. غير بصحتك .. *جلسات حداه * 

ايرتان : اممم يخليلي هاد اليديدات *باس يدها*.. 

جهينة تبسمات و قالت : كيف داز يومك فالخدمة .. 

ايرتان : عادي ... 

جهينة : و اشراق بدات تولف .. اش دارت معاه .. 

ايرتان ضحك و قال : هذاك حلو كان بااين غير تكلخنا فهادي .. 

جهينة : هي طااح فالشبكة .. 

ايرتان : هههه غير شافها .. و لا كل شوية يعيط ليها .. بحال والو ينقلها لعندو .. 

جهينة : بصراحة انا تشوشت عليها .. 

ايرتان : ههه ماتخافيش هاذيك فران و قاد بحومة .. 

جهينة : و عالله ... اشرف هضر معايا قباايلة ههه مابقا ليه غير يبكي من الغيرة .. 

ايرتان : هضر معاااك .. اش قالك .. 

جهينة : والو غير شكا عليا و صافي .. عاود ليا على لبسها لي ماعجبووش .. 

ايرتان ؛ وا بصراااحة باااز لييه كوون انا كون طحنتك ... 

جهينة : هههه اناني ماكاتسواااش .. 

ايرتان : ههههه و لكن بالصح .. حتى انا مابغيتش ليها هااذشي .. اشراق جزء من فرقتنا و ماشي ديال داكشي .. و لكن مابقا لينا حتى خياار اخر و اشرف عاارف هادشي .. 

جهينة : عندك الحق .. 

ايرتان : فاش هضرتو مزاال .. 

جهينة : هضرة خاوية بحال ديما .. 

ايرتان : نوضي جيبي داك تيليفون .. 

جهينة بتذمر : ايرتاااان .. 

ايرتان : ياااله يااله .. 

جهينة : اوووف .. ناضت مدااتو ليه و بدا يقرى الميساجات ... 

ايرتان : اممم مابااغيش يدير عقلو و يتفرق ليا من مراتي .. علااش كايقول ليك مشعكة انا لي نقولها ايك بووحدي .. 

جهينة قالبة عينيها .. 

ايرتان : وييبنو كايهضرو على بنتي و كيفاش كاتحرك و .. واش لمك بااغية تمووتي .. 

جهينة : عااادي شنو فييها .. راه غير جاه الفضول و صافي شيء عاادي .. 

ايرتان : اوى يتزوج و يحمل مرتو و يسولها هي .. مابانت ليه غير مرات ايرتان .. 

جهينة : ايرتااان .. 

ايرتان : ابلاتي لمك انا عارف كيفاش غاندير معاكم .. 

خدا تيليفون ديالو و سكانا الكود ديال واتساب ديالها وولا عندو .. 

ايرتان : اااه دااابا مزياان .. 

جهينة : اشنو دابا غاتولي تجسس عليا .. 

ايرتان : بحااال داكشي .. 

جهينة : واش حمااقيتي خصووصياتي هاذوك راه ماكانهضرش غير مع اشرف .. راه كانهضر حتى مع البنااات و كاينين امور خااصة بيناتنا .. 

ايرتان : غانقرا غير الميساجات ديالك مع الدراري .. 

جهينة ناضت : زدتي فيه ..

جرها و جلسها على رجلو .. 

ايرتان : انا كانغييير .. تقبليها امداام .. 

جهينة : غيير ولكن ماشي من دراري راه خووتي هاذوك .. 

ايرتان : لا الغزالة مااشي خووتك .. 

جهينة جاتها الضحكة من غيرتو و بدات تضحك و نشووف فيه .. 

ايرتان : ضحكي الالة انت لي جاات معااك .. 

جهينة : وا اشنو غانديير عندي بيبي فكرشي وبيبي اخر حتى هو ندير ليه الخاطر .. 

ايرتان : هههه انا بيبي لمك .. 

جهينة : اااه .. giant baby ... 

ايرتان : كمل ماكلتو و مسح فمو و شرب كاس الماء و قال .. 

ايرتان : شبعت الحمد الله ... و دابا اري الديسير .. 

جهينة : ماطلعتش ليك... شنو بغيتي ..

قاطعها و هو هازها : لا الديسيير الااخر .. 

بعد 3 ايام .. 

كان ايرتان جالس فمكتبو .. كانت وقيتة الغذاء .. جاه اتصال من بورطابلو .. هزو و جاوب .. 

ايرتان : اش داكشي ادبدوبتي .. 

جهينة : تعطلتي .. 

ايرتان : غير يمحي ليا احبيبة ماغانجيش للغداء عندي مايدار .. 

جهينة : واخرج كول شي حاجة و رجع كمل ماتبقاش بجووعك ... 

ايرتان : واااخا احبيبة .. كولي دوااك .. فاتك الدوخة .. 

جهينة : حمد الله .. 

ايرتان : اوى الحمد الله .. ياله انا غانقطع .. 

جهينة : الله يعاونك .. 

قطعات جهينة و دخلات اشراق بعدما دقات .. 

اشراق : عتق عتق داك الشاارف طلب ينقلوني عندو .. 

ايرتان : ها الماء طااااب شفتو تعطل .. 

اشراق : بالشوية بالشوية... كايقولو بالمهل كايتكال بودنجال .. 

ايرنان : ههههههههه كون سمعك اشرف كون دبح مك .. 

اشراق : ههههه غير خليه حريرتو بووحدو هذاك ... مهم انا لحد دابا متقلة و ماعاطياهش عين .. خاص تجي من عندو باش مايعيقش .. 

ايرتان : يرضي علييك ... عااارفة اش كااديري .. مهم .. سيري دابا .. هو عارفني ماغانعارضش انت غير سيريه بلاماتعارضي .. الى مابقا عندك والو .. سيري شوفي شغلك ..

اشراق : واخا .. *مشات و رجعات* بلاتي ايرتان .. 

ايرتان : اش كاين .. 

اشراق : دييك نيرمين برا .. كاتسناك ...

ايرتان : مصيبة كحلة مع هاذيك تاني .. 

اشراق : احم .. بصراحة هاذيك جاتني فشكل .. 

ايرتان : كيفاش ؟ 

اشراق: زعما طريقتها فالتعامل معااك .. غريبة .. 

ايرتان : جيني غووود ... اش كاتقصدي .. 

اشراق : زعمة كاتغازلك .. ماحسيتيش ؟... شوفاتها و طريقتها فالتصرف معاك .. و هضرتها .. لبسها .. و كل نهار جايا عندك .. او ماديتي ماجبتي .. 

ايرتان : سبحاااان الله .. ماكامباش سيمانة و انت هنا دغيا قلعتيها... عينيك كايضورو مافلتات ليك حتى حاجة .. 

اشراق : هي فراسك .. 

ايرتان : عااارف .. و فااهم و عيينا مانقمعوها و نعطيوها بالبارد مابغاتش تفهم .. الى جيتها نيشان ممكن تخسر الشراكة بين الوالد و عائلتها و يفشلو لينا البلانات .. اللهم نصبر ليها بينما تفكيت من هاد الحزااق كاامل .. المهم انت ماتوصليش هادشي لجهينة .. عرفتي و نعرفك قلتي ليها هاذشي .. غاننفيييك انت و تشيم تشيم ديالك .. 

اشراق : اكييد ماغانقوول ليها واالو هي واحلة فراسها ماخاصهااش .. و لكن ماغاديش نسكت .. ماتطلبش مني نسكت .. غادي نشوف كيف ندير معاها .. اجي مالك ماتقول ليها مزوج و تهنا منها .. 

ايرتان : هههههههه .. جلسي جلسي .. 

جلسات اشراق و قال ليها : هاد الهضرة تبقى بيناتنا .. 

اشراق : سير عالله .. 

ايرتان : حاس و لكن مامتأكدش .. سيهم عمر كايحاول يقربنا ب2 ... المشروع ممكن نديرو بوحدي .. كما ان ديك الهضرة ديال نعاونها غير خضرة فوق طعاام .. كايخطط لشي حاجة و خااصني نعرفها .. 

اشراق : نواااي .. 

ايرتان : هاذشي ماقايلوش لجهينة .. حيت مابغيتش نشغل بالها ... مهم حال هاديك سااهل .. ماتشغليش راسك بيها .. 

اشراق : واخا ... مهم الى بغيتي شي حاجة انا موجودة .. 

ايرتان : ياله لحقي شغلك .. 

خرجات اشراق و عطات لاذن للنيرمين تدخل .. دقات و دخلات .. 

نيرمين : سلاام اييرتاان .. 

ايرتان ببرود : اهلا .. ياااك علمتك البارح بلي اليوم ماعندنا والو .. 

نيرمين : ءءء ..انا جيت نتخد منك شي استفساارات ..

ايرتان : واخا .. تفضلي .. كانسمعك .. 

-فمكتب عمر ... 

دخلات اشراق و قالت : طلبتيني موسيو .. 

عمر بعيون فاحصة : ااه .. بغيت نعلمك بلي غاتولي تخدمي معايا .. عجباتني خدمتك .. و قررت نخطفك من ولدي ههه 

اشراق بضحكة صفراء : هههه مرحبا ... *فنفسها : الله يحفر ليك الجذر ... تقييل على القلب * 

عمر : احم .. مهم بغيتك ترتبي ليا شي اوراق ترونو ليا .. 

اشراق : اوكي فين هما .. 

اشار لمطولة ااجتماعات : تما .. جلسي و خودي وقتك بما ساليت حتى انا شي شغل .. 

اشراق : اووكي موسيو .. 

مشات اشراق كاتعوج و كاتعوج فمها .. لحد دابا طلباتو تافهة غير باش تبقى قدام عينيه .. جلسات مغاودة معاه باش تلعب عليه ... و هو مستحليها على الااااخر .. 

□هبطات جهينة من غرفتها شادا ظهرها .. عاوناتها وفاء تجلس فالسغرة و قالت ليها .. 

وفاء: مزيان دابا ؟ فاتك الحال .. 

جهينة : اه حسيت براسي مزيان منين رتااحيت ..

الحاجة : التبعكيييك .. غير انت لي حاملة فالدنيا .. راه هازات 3 و كايدردغو كيف العوداات .. عيالات اخر الزمن .. 

وفاء تبسمات فوجه جهينة و عمرات ليها الطبق ديالها .. 

وفاء: كولي ابنتي ... 

بدات جهينة كتاكل و الحاجة كاتشوف فيها و جالسة على اعصابها ... 

حسات جهينة بالريق كايجري في فمها و ناضت زربانة للحمام باش ترد و تبعاتها وفاااء ... 

ناضت الشارفة خدات كاس الماء حطاتو قدامها و خوات فيه شي محلول ... حتى سداتو و رجعاات كبااات مزاال .. خدات معلقة و بدات تحرك فيه ... 

و رجعات جهينة و وفاء شادة فيها جلساتها .. 

وفاء : بيخير دابا ؟ 

جهينة : كانتروع مرة مرة و لكن بيخير دابا .. 

وفاء: هاكي كاس الماء يهدنك شوية .. 

خداتو جهينة غير قرباتو لفمها و حسات بريحة غريبة ...مع الحمل ولات حساسة للروايح بزاااف .. و الريحة الى ماعجباتهاش فاي حاجة كاتنفرها ...شافت فالكاس و لاحظت جهينة بلي وسطو كان نفاخات صغار وسط منو .. وهادشي بفعل التحراك و الماء بوحدو ماغاديش يدير دوك الفقاعات الى اذا كان مضاف ليه شي حاجة .. و عااد تفكرات بلي ماكانش الماء قدامها قبل ماتنوض .. و اخر حاجة شافت فالشارفة لي كاتشوف في فمها و فالكاس و قانية علييها .. 

قاطع تفكيرها صوت وفاء: ياله شربي احبيبة .. 

تبسمات ليها و قربات الكأس لفمها .. و باصطنااع الخطأ كباتو على حوايجها ووقفات ... 

لاحظت بلي الحاجة تعصبت وقالت : ااااش هااادشي درتيييييي ... 

جهينة : ماقصدتش نكوب..

الحاجة مقاطعة : واش انت درية صغيييرة ..ماقااادرااش تشدي كاس 

وفاء: ماعليش .. طلعي احبيبة بدلي علييك ... 

طلعات جهينة بالزربة .. سدات عليها الباب .. حيدات التيشورت دياله و خدات كاس عصراات لي بقا فيه .. 

عصراتو جهينة فكأس .. قدرات تحصل على القليل منو و حطاتو قدامها .. هزات حوايجها كاتشم و كانت الريحة باين منها شوية ... 

جهينة : ناااري واش هاذشي بالصح و لا غيير جايب ليا الله .. زعما تكون دارت ليا شي حاجة .. ياااربي اسنو ندير نعيط لايرتان ؟ ... والى ماكانش هادشي بالصح نصدق مبرزطاه على والو .. صافي عز لي غادي يعتقني .. 

بدلات حوايجها و جلسات كاتعيط ليه ... لقات بلي مابقاش عندها الصولد .. مشات لواتساب و عيطات ليه .. 

كان ايرتان خدام بعدما مشات نيرمين .. بان ليه اتصال من عندو اي من جهينة لعز .. 

هزو و شاف فيه باستغراب .. جاوب عز و كان بحال الى جاوبو هو .. و حطو على ودنو باش يفرتك الجقلة .. و لكن صوت جهينة الخايف خلاه يسكت .. 

عز : جهينة لاباس.. 

جهينة : مالاباس وااالو اعز .. 

عز : ياك لاباس اش كاااين .. فين ايرتان .. 

جهينة : راه خداام مابغيتش نبرزطو .. وقعات شي حااجة و بغيتك تأكد ليا .. 

عز : ياك لاباس شوشتيني .. 

جهينة : كنت كانتغدا .. مهم عيبت ز نضت رضيت فاش رجعت لقيت كاس الماء قدامي .. وريحتو كانت فشكل .. مهم مازعمتش نشربو و درت راسي كوبيتو عليا .. 

عز : و حوايجك لي كوبيتي عليهم فينهم .. 

جهينة : راه عصرتو فكأس .. 

عز : واخا .. انا جاي .. فاش نعيط ليك خورجي عندي .. عيطي لايرتان حتى هو .. 

جهينة : لا ماتقول ليه والو حتى نتأكدو .. مابغيتش نبرزطو على وااالو و عاةد الى كان هادشي بالصح خفت يتهور و يظير شي حاجة .. 

عز : صافي .. غير تهدني انا غادي نتصرف .. ماتاكلي والو من عندهم .. صاوبي ماكلتك بيديك حتى نشوفو اشنو غانديرو .. 

جهينة : و .. واخا .. انا غانتسناك .. 

عز : ياله انا جاي .. 

قطعو ب2 و حط ايرتان تيلي تاهو .. ملامحو ماكانات كاتبت حتى ذرة من الخير ... وقف كايدوز يدو فشعرو بعصبية غادي جاااي .. و فالاخير هز الكونطاكت و خرج كايجري ... 

-فمكتب عمر .. 

اشراق سالات ترتيب الملفات و خرجات .. 

دخلات عندو بعدما دقات و قالت ليه : موسيو .. جا السي ياسين لي طلبتيه يحضر عندك .. 

عمر : دخليه 

خرجات اشراق و عطاتو الاذن ...دخل و مشات لشغلها .. 

عمر : اشنو درتي .. 

ياسين : جبت كولشي لي طلبتيه اسيدي .. 

عمر : ياله .. سمعني .. 

ياسين : سميتها الكاملة جهينة الطاهري ... بنت السيد اسماعيل الطاهري و زكية راحيم... 

عمر : اشنو قلتي ؟ 

ياسين : بنت السي اسماعيل الطاهيري .. 

قاطعو : ههههه كايمكنش ... واش هاذي صدفة و لا شي بلاان تما ... 

ياسين : مافهمتش ؟ 

عمر: بلاش عليك .. كمل .. 

ياسين : باها ميت 24 سنة هاذي ... و امها عايشة مع خوها و عائلتو ف**** ... عندها غير هما و عمها لي هو السيد نعيم الطاهيري واحد من اهم المستتمرين فايطاليا ... كانت ممرضة فمستشفى **** قبل ماتزوج ... و كانت على علاقة ب.. 

عمر : عطيني المهم .. 

ياسين : رجع عمها وولدو يصيلو معاها الرحم و لكن هي راافضااا بسبب مشاكل قديمة 

عمر : هههههه فااق عليييه الضميييير ... حمق و غايبقا ديييما حمق كمل ..

ياسين : امها مريضة بالقلب و متبعة مع الدكتور**** 

بقا ياسين كايعطيه معلوماات علييبها و على ماضيها ... حتى اكتفى و طلب منو الانصراف .. 

عمر : امممم صدقت بنت صحااابي الاعزاااء هههه ... و علاااش باقي ماشفت امها و طاسلتها .. اكيد داك الحيوان عرفهم على داك التركي الكلب على اساس عائلتو .. الحيواان غادي نربيييك غير صبر عليا ... نبالي بديك المصيبة لي جبتي ليا و نبالي بييك .. 

□ وقف عز بسيارتو قدام الفيلا و اتاصل بيها ... ما هي غير 5 د حتى كانت عندو .. حل ليها باب السيارة طلعات و طلع حداها .. 

جهينة : اوووف .. خرجت غير ب66 كشيفة ... هاكا هاهو الكاس .. 

عز : شافك شي حد فاش خرجتي ... 

جهينة : الشارفة خليتها فبيتها و ماما فالجردة اللور ... 

هز عز الكاس كايشم و دار شوية في فمو كايدوق .. 

جهينة : اويلي دفل داكشي لا يكون شي مصيبة .. 

عز : فيه بحال مذاق المعدن و لا مااعرت .. اكيد فيه شي حااجة .. و لكن انت باش عقتي .. 

جهينة : قلت ليك .. كاس ماكانش قدامي و عاد لاحظت كشكوشة ديال التحرااك وسطو و زيد ريحتو .. 

عز : ههههه ماعلييييكش اااه ... 

جهينة : وراه وصايا ايرتان مامشاوش خلاا .. وليت حاضية جناابي .. مهم ماتقول لايرتان والو حتى نتأكدو .. 

عز : فات الحال .. 

جهبنة : اش كاتقصد .. 

تحل الباب من جيهتها .. 

جهينة ضارت لجهتها و خرجو عينيها : ا...اييرتاان 😨 

ايرتان : اش وااقع هنا .. 

جهينة : ء..ء.. 

ايرتان : هبطي طلعي لور .. 😡

هبطات جهينة ... ركبات و هي كاتعض على شفايفها بالخلعة ... ردخ الباب و جلس حدا عز و شاف فيهم .. 

ايرتان : اش كاين .. 

جهينة : الموضوع و مافيه ..ء 

ايرتان : سكتي انت .. عز .. اش كاين .. 

رجعات لور كاتفكر كيفاش ... عاد تفكرات الواتساب لي عندو حتى هو .. اكيد سمع مكالمتهم حيت ماشي وقت رجووعو .. 

ضربات جبهتها بندم و جلسات تصنت ساكتة .. 

عز : مهم جهينة مابغاتش تشغل بالك ... و عيطات ليا انا .. 

ايرتان : و انا لمك اشمن زمر غايشغلني علييك .. دوييي ... 

جهينة : عااافاك ا ايرتان بلا ماتعصب عليا لي فياا يكفييني .. باااقي مامتأكدة من واالو ... كولشي دابا فدغيير افتراض .. 

ايرتان : عاودي ليا كوووولشي منين خرجت حتى وقفت علييك دابا .. 

جهينة : *عاوداات كولشي*

ايرتان خبط لي قدامو و كايغوت : غااااانقتوولهوم

عز : تهدن اصاااحبي راك خلعتييها .. ماغاديييش تهووور .. خلينا نتأكدو بعدا .. 

جهينة : ع .. عز .. عندو ... الحق .. 

ايرتان شاف فيها .. حدرات عينيها و رجع شاف فيه .. 

ايرتان ؛ تحرك من هنا بعدا قبل مانرتاكب شي جريمة .. 

ديمارا عز لاوطيل .. هبطو فيه و طلعو للجناح .. 

كان اشرف و فؤاد موجودين كايتيناو عز حيت علمهم قبل مايخرج .. 

اشرف : اش واقع .. جهينة ماالك .. 

ايرتان : حيد اشرف من طريقي هاد الساعة .. 

دخلو جلسات جهينة و البقية و ايرتان بقا غادي جاي .. 

ايرتان : عرفتي و يكووون فييه شي مصييبة و بربي لارحمت شيييي واااحد .. صااافي تحدااو الخط الاحمر .. 😡 

جهينة : ايرتاان عاااافاك .. 

ايرتان : مااانسمععش حسسسك... هادشي واااقع و ماعلمتينيش .. يعلم الله شحااال مخبية عليااا .. 

عز : و هي اش داارت علاااش كاتغوت علييها .. من عذرها شوووف غيير حالتك كيف وليتي .. هاذشي باااقي غير ماتأكدنا .. 

فؤاد : عندو الحق .. خاصك تهدن .. 

عز : انا غادي نديه للمختبر يتحلل و من بعد نهضروو ... 

ناض عز خرج و جهينة بقات فبلاصتها كاتبكي و اشرف جالس كايشوف بغير فهم و فؤاد كايهدن فييه .. 

ايرتان : هادشي بزاااف ... وااش مافقلبهم لا رحمة و لا شفقة لهااد الدرجة ..باغيين يرزيوني فمرتي و بنتي... مارحماااتش امراة حاااملة اعيباااد الله وااش لهاااد الدرجة مابقااات رحمة *هز فااز هرسو *

جهينة قفزات و سدات ودنيها .. كانت حالتو كاتخوف .. فكرها فاليوم لي جهل عليها .. 

نوضها اشرف من حداه و دخلها للبيت ... ايرتان فهاد اللحظة معمية ليه البصيرة ... مامسول فحد و الا بقاات قدامو ماغايوقع خييير .. 

اشرف : ارتاحي هنا .. ماتخرجيش .. ها هي اشرااق دابا غاتجي .. 

جهينة : عافاك .. بقاو معااه .. راه حمق و ممكن يدير شي حااجة .. واحنا باقي ماتأكدنا و حيح علينا .. و اما لا عرف اش غايديير و اللهتا خفت .. كون غيير سكتت ... يا ربي اش دااني .. 

اشرف : واش انت حمقة .. و الى سكتي مرة اخرى تدخل عليك للبيت و تقجك عين باين .. ماتخافيش دابا .. احنا غانتصرفو غير تهدني .. 

جهينة : و واخا .. 

اشرف : بلاتي نجيب ليك كاس الماء .. 

مشا اشرف لاكوزينة و فهاد اللحظة دخلات اشراق للجناح .. شافتهم على ديك الحالة و قالت : 

اشراق : مالكم .. ناري اش واقع فين جهينة ؟ 

ايرتان انتابه ؛ فين هي ؟ جهينة .. 

اشرف خرج من الكوزينة: هاهي فالبيت .. 

دخل اشرف و تبعاتو اشراق .. و ايرتان جلس شااد راسو .. 

جلسات حداها و ترمات جهينة فحضنها .. 

عنقاتها اشراق و هي كاتسول اشرف بعينيها .. 

اشراق : مالك احبيبة .. اش وقع لييك .. 

اشرف : هاكي كاس الماء .. واتهدني اجهينة ماوقع والو دابا الحمد الله خرجات سليمة .. 

خدات من عندو و بدات تشرب 

اشراق : اش وقع ؟ 

اشرف ؛ جدات ايرتان .. واقلة كانت ناوية تسممها .. 

اشراق : اويل الشييطان .. 😨 

اشرف هزز راسو و رجعات اشرااق عنقااتها .. 

اشراق : ناري على الشقفة بنت الشقفة الشارفة الهارفة ... صدقت ماااساااهلااش وااش الدنيااا سااايبة .. 😡 

جهينة : انا خاايفة ا اشراق لاتعااودها .. مابغيتش نخسر بنتي .. 

اشراق : ماتخااافيش احبيبة هادشي ماغايوقعش .. 

لاخظو دخول ايرتان .. و انساحبو يخليوهم مع بعضهم .. سدو الباب و خرجو .. 

جلس ايرتان حداها و جرها لعندو .. عنقها و باس راسها .. 

ايرتان : بنتنا ماغايوقع ليها والو .. ديري هاذشي فراسك .. و سمحي ليا احبيبة ماقصدتش نغوت عليك 

جهينة :ماعليش ... صراحة انا دابا خايفة من ديك الداار .. ماحاساش بالاماان فيها .. اشنو غانديرو .. 

ايرتان : حتى انا مامأمنكش تما .. و لكن حاليا .. ماكلتك انا بوحدي لي غانصابوبها ليك .. بيتك ماغاتبيهش .. و تيمون ماتحركيش بلا بيه .. هو عدواني جهة الغرباء ... 

جهينة : و واخا .. 

ايرتان و كايمسح دموعها ؛ صافي ماتبكييش .. الحمد الله منين عقتي بيه .. كون شربتيه دابا فين كنت غاندير راسي .. 

جهينة : هاد المرة خدمت عقلي .. انا ماشي حمقة كيف مولف تقول ليا .. 

ايرتان : انا لي حمق ... 

ضحكات جهينة و رجعات عنقاتو .. 

ايرتان : اكيد ماكليتي والو .. 

جهينة : لا .. و فيا الجوووع .. 

ايرتان : ياله ندي مراتي تاكل لي تشهاات .. 

خرجات جهينة شادا فيد ايرتان .. وقفو قدامهم و قال .. 

ايرتان : احنا غاديين .. و الى جا عز عيط ليا .. 

اشرف : واخا .. 

ايرتان : ياله اجهينة .. 

جهينة : بسلامة عليكم .. 

اشراق : بسلامة بليل غانعيط ليك 

جهينة : واخا .. 

داها ايرتان لمطعم .. طلب ليها لي بغات .. حتى شبعو و تمشاو شوية و رجعو فتاكسي حيت ماداش سيارتو .. 

دخلو للفيلا و لقاو وفاء جالسة فالصالة و كانت على اعصابها .. غير شافتهن و ناضت كاتجري .. 

وفاء: جهينة .. فين كنتي ابنتي كان غايسكت ليا القلب .. شحال و انا نعطي ليك .. 

جعينة : سمحي ليا اماما خرجت بلا مانقولها ليك كنت زربانة و نسيت حتى تيلي .. 

وفاء: اش وااقع .. واش كنتي كاتبكي .. 

ايرتان باس راس امو و قال : ماتخافيش الوالظة ما وقع واالو .. غير تناقشنا شوية .. راك عارفاها ولات قبييحة 

ضحكات جهينة و عنقاتها .. 

جهينة : انا غانطلع اماما ضارني راسي .. 

وفاء: واش بغيتي نوجد ليك شي .. 

ايرتان : ماعليش اماما كليما قبل مانجيو .. 

وفاء: واخا احبيبي .. 

استأذنو و طلعو .. غير دخلات جهينة للبيت و سد الباب عليها و دور الساروت .. هي سمعات الساروت دار و مشات كاتدق ..و تعيط اسمو .. هو مشا طلع لبيت جداه ..و هو كايشوف جنابو .. حتى دخل و سد الباب عليهم من الداخل .. 

كانت متكية غير سمعات الحس و ناضت .. 

ايرتان وقف قدامها كايلعب بالساروت : مساء الخير جداتي العزيزة .. 

الحاجة بتوتر : ا.. ايرتان .. اش .. دخلك عندي .. 

ايرتان : جاي نبوس يديك و نااخد رضااتك اجدة العزيزة .. ههه 

الحاجة : ء.. خرج .. من ضحكك الباسل .. 

ايرتان : و على انت شفتي شي حاجة من الضحك الباااسل..

قرب ليها ووقفات بخوف كاتعورج برجليها المقوسين تقول فيها الكسااح .. 

ايرتان : مالك ؟ خفتي .. 

الحاجة : و ولدي .. اءء.. 

ايرتان : ششششش واايااك و تقوولي دييك الكلمة .. انا بزاااف علييك باش نكوون ولدك .. ولدك هو داك لي مسميااه عمر سمعتي .. دابا غاتعطيني داكشي لي كبيتيه فكاس مرتي و لا غاتشوفي لي مايعجبكش .. 

الحاجة ؛ءء اش..نو .. اش كاتقول .. منيين .. جبتي هاد الهضرة .. 

ايرتان : ههه عليا انا .. تسحابيها ناعسة على ودنها .. مأترين فيك الافلام .. مخلطة سم فالماء هههه بان ليا بديتي تخرفي .. و داك المخيخ عندك تكمش حتى هو ولا على قد الحال .. ياله مانكترش كعاك الهضرة .. خرجي لي عندك .. 

الحاجة : ما عندي والو .. 

حمر فيها ايرتان و بدا يبقشش فيها بلا مايحشم .. خشا يدو فشونها و جبدو .. و هي بصحيحة على قد الحال غلبها و جلسات شادا الارض .. 

ايرتان : اكييد ... دايرة جحر تما ... شنو هذا .. 

الحاجة : د .. دواء ديالي .. 

ايرتان : ااه دوااء .. اوى اجي شربيه لا كان دواء .. 

الحاجة : ا .. انا شربتو قبايلة .. 

ايرتان : هههه عاودي .. باش تصحي و تشطحي فسبوع بنتي ..*كايخلطو فكاس الماء* يااك اجدة العزيزة .. 

الحاجة : ل .. لا ماكيتشربش 2 مراات .. 

ايرتان : لا .. غاتشربيه .. 

مد لبها الكاس ووقف عليها : شربي دوااك .. فالهنااء و الشفااء .. 

الحاجة :غادي يجي بااك غانقولها ليبه .. 

ايرتان : هادشي الى لحقتي تشوفيه .. ياله شربي ..

دارت رايها غاتشرب و زبقاتو لاحتو تهرس فالارض .. 

ضحك ايرتان و قال ؛ يديك ترااجلو ..مابقيتيش قادرة تشدي كاس ؟ 

بقات كاتشوف فيه .. و ماعارفة ماادير .. تحنى لمستواها و على وجهو ابتسامة تهديدية و بنظرات حاادة قدر يبت فقلبها الخوف .. قال .. 

ايرتان : زيدي فلاباراي باش تسمعي مزيان .. 

زادت و هي كاترعد .. 

ايرتان : هما 2 كلمات خليهم حلقة فودنيك .. مراتي و الوالدة .. غاتعطيهم حق 60 مترو ديال التسااع .. و لا بربي حتى ندير فيك راسي و نلعب خو لعبك .. و فبلاصة مانسيفطك انت غانسيفك كبيدتك و ليد مامي ديالك .. و نضبر ليه فبن يزلق جمل ماشي غير هو .. و ماتستاهنيش بيا كيف درتي من قبل حيت غاتجيبيها فعظيمات ولدك و انا لا هضرت كانوفي و سولي عليا .. شتي غير لا كانت غادية و تعكلات .. غانعلقك انت .. تفاهمنا ؟ 

هززات راسها و عاود سول : تفاهمنا ؟ 

هززات راسها بتأكيد و قال ؛ دابا هضرت بفمي .. و ان شاء الله المرة الجاية غادي نطبق .. انا غانوجد من دااابا .. اااه .. و هادشي مايوصلش لعمر .. و لا الخبااار فراسك .. *ربت فكتفها* مزيااان ؟ 

الحاجة : ا..ام .. 

ايرتان : اوى الله يرضي عليك .. 

ابتاسم فوجهها بانتصار و خرج مع احسن ردخة حتى قفزت .. 

الحاجة : لا .. لا .. الولد حماااق مافييهاش  😨 

هبط ايرتان عند مراتو لقاها غاتحماق بالدقان و حتى حد ماسمعها .. حل الباب و دفعها برفق .. سدو و دخلها .. 

ايرتان : مالنا حااميينها اش وااقع .. 

جهينة بتوتر : ا .. اش درتي .. اش درتي ياا هاااد الجلاااخة غااادي تحمقنيييي .. 

ايرتان : هههه وااالو .. خديت رضى جدااتي .. مالك حتى حد مابقا يااخد الرضى ... 

يتبع