قدري أن أحبك الجزء 31

جهينة : اييرتان .. انا راه تهلكت .. و ماكاتسمعش هضرتي .. اشنو درتي .. 

ايرتان كايحيد حوايجو : مادرت واالو .. غير هضرت معااها .. صافي ..تاكدت بلي داكشي نيت لي دارت ليك سم .. 

جهينة :جلسات الله ياربي و اش بغاات فيا .. 

ايرتان جلس قدامها و قال : و حياااتك عندي .. ماغاتبقاش فيهم .. 

جهينة سكتات كاتشوف فيه و قال .. 

ايرتان : وا صافي فكيها .. 

جهينة : انا فاكاها ... الله يخرج عواقبنا سليمة يا ربي .. 

-يوم غد تغيب عمر من خدمتو فاش شاف امو عيانة من خلعة البارح و بطبيعة الحال ماجبت سيرة لحد .. عيطات ليه اشراق و خبراتو بلي كاينين اوراق ضروري يتسيناو .. و دعاها للحضور لفيلتو ... 

كانو وفاء و الحاجة فالصالة و عمر فمكتبو .. 

دخلاتها الخادمة و سلمات عليهم من بعيد بعدما طلعو و هبطو فيها .. اشراق قلبات بعينيها على جهينة و هي كاتفحص فالاسخاص الموجودين .. و كان من السهل التعرف على العجوز الشمطاء .. و مشات وراء الخادمة و ابتسامة شر على وجهها .. دخلاتها للمكتب ديالو .. و استاذنات الخادمة .. 

عمر : تفضلي ا ايشراق .. 

اشراق : سمحلي اموسيو على الازعاج و لكن توقيعك ضروري ..

عمر : اريهم .. تفضلي ماتبقايش واقفة .. 

جلسات ودارت رجل فوق رجل و هي كاتشوف في الوراق بتبات .. كل شوية يهز عينو فيها و يتبسم ليها كيف الابله و هي كاتبادلو من فوق قلبها .. 

انتهى و مدهم ليها ... 

وقفات باش تستأذن ووقفها .. 

عمر : جلسي تشربي شي حاجة .. 

اشراق : لا شكرا اموسيو زربانة خاصني نسيفط الوراق .. 

خرجات قبل مايصر و هي كاتبرغم : فين عمر شي سوكخيتيغ كاتجلس تشرب مع موديرها الله يحفر لييك الجذر و يسلطهم علييك كااملين .. دابا خاصني نلقا بيت المشعكة .. ضروري نشوفها .. 

دورات وجهها ليمين و شمال و طلعات فالدروج كاتدردغ .. 

اشراق : فين بيتها ياربي .. 

كانو 3 الغرف و غرف مفتوحة على مفرشة بشكل صالات .. 

سمات الله و حلاات الباب الاول .. كانت غرفة و لكن مافيهاش جهينة .. دازت للتانية و لقات الكلاب كايضورو حدا الباب و بداو ينبحو .. دخلات و سدات الباب دغية .. خرجات جهينة من الحمام و تصدمات من شووفتها .. 

جهينة : اوييلي حي ااش كااديري انت هنا ..

اشراق : هههه جيت ناخد روح الساحرة الشمطاء .. 

جهينة ضربات فخاضها : اويلي حاااي 😨 

اشراق : ههههه ماتخافيش غيير غادي نلاهيوها شي شوية بيما قضينا الغرض مع ولدها .. 

جهينة : اش غاديري ؟ 

اشراق : وريني غير بيتها و تسووخري لووور .. 

جهينة : لا لا لا ... غادي تمشي منين جيتي بلاااش منو هااد الضحك البااسل .. 

اشراق : الصحك الباااسل هو لي دارت هي و بلا حشمة بلاحيا بغاات تقتل بنتك .. انا ماجاياش نتشاور معاك .. كيفما لقيت بيتك .. غادي نلقا بيتها .. حيدي لهيه .. 

خرجات اشراق و تبعاتها جهينة كاتطلطل .. سدات على الكلاب و طلعو .. 

جهينة كاتوشوش : غيير قوولي ليا .. اش غاديري

اشراق : صبري ابنتي يرضي علييك .. هذا بيتها ؟ 

جهينة : ااه .. عنداك تكون فيه .. 

اشراق : خليتها التحت .. زيدي بلا حس .. 

دخلو لغرفتها و بدات اشراق كادور فعينيها .. 

مشات لمجرها و حلاتو .. جبدات قرعة ديال الدواء ... 

جهينة : اش غااديري .. 

اشراق جبدات الدواء لي فالقرعة و بدلاتو بواحد اخر كان عندها .. سدات القرعة و رجعاتها لبلاصتها

جهينة : العاااار قولي ليا اشنو هاذشي .. 

اشراق : تيقي فيا ماغايموتهااش مع انني تمنيت يديرها .. 

جهينة : واخا و منين عرفتي بلي عندها هاد الدواء .. 

اشراق : مانيش ساهلة بحالك ابنتي .. و الى سكتي انت انا غانهضر .. ياله دردبي قداامي .. 

جهينة : ماكفاني جلاخة .. تزادتني عيشورية .. الله يخرج سربيسي على خيير .. 

-بعد اسبوع ... 

كانت 6 العشية ... فالشركة و بالظبط فمكتب عمر .. كانت اشراق واقفة .. كاتدون و واحد من الموظفين جالس كايعطي لعمر بعض المعلومات من الخدمة .. ماكانش مركز معاه و انما تركيزو كلو مع ديك خضرة العيون لي كاتبسم ليه و تغريه بنظراتها .. 

مابغاش يتقادا داك الطرف التالت من الكلام .. و صرفو بعصبية ... ناض استأذن بذعر من صراخو و خرج ... وجه نظراتو لاشراق مبتسم بخبت .. و هي غلقات القلم و شافت فيه و قالت ؛ 

اشراق : موسيو .. الى مابقا عندي مايدار انا غادي ن .. 

قاطعها و هو نايض لجهتها : ماعندك فين تمشي .. خلينا نهضرو شوية .. 

اشراق : و فااش غانهضرو امسيو .. 

قاطعها و هو كايجدبها تجلس : اول حااجة حيدي عليا ديك موسيو .. وقت الدوام سالا .. 

اشراق : احم .. انا مان...

قاطعها من جديد : ششش ... سمعي الكلام .. ماعنديش مع لي كايعارضني .. 

اشراق : اووكي واخا .. اعمر .. 

عمر : الله .. خاارجة من فمك كيف نقطة العسل على قلبي .. 

جاوباتو اشراق بضحكة صفراء و قالت فخاطرها : عندك القلب الشيبة العاااصية .. غيير بلاتي على مك ... 

عمر : اوى نخرجو نشربو شي حااجة .. و ماتقوليش لا .. شحال و انت كاتهربي هااد المرة ماغانطلقش منك .. 

اشراق : ههه .. واخا .. مرحبا .. 

هبطات اشراق معاه و ركبات معاه فسيارتو و ماخلااش ليها الفرصة فين تعيط لاشرف و تخبرو .. 

ولكن لي ماكانتش عارفة .. هو جليو اشرف فيسارتو كايتسناها .. تقاد فالجلسة باهتمام كايشوف فيها كاتركب مع عمر و ديمارا .. 

اشرف : هااا ليي مااابغيناااش ... فيين غاديااا معاااه .. نااااري قو***** اليوم جنااازتك .. 

تبعهم بالسيارة ... بل طااار فالطريق ... اشراق كانت كاتبادل عمر اطراف الحديت .. حتى بان ليها اشرف من جيهة عمر .. كايصوغ و يشوووف فيها و يتحلف بالسكاات .. هي غيير شااافتو و شهقات و عينيها خااارجين .. 

شاف فيها عمر مستغرب و بغا يدور يشوف و شداااتو كاتضحك ضحكة صفراء .. 

عمر : هههه مال الزيين .. واش 

قاطعاتو : هههه لا والو ... يسحااب لي شفت شي حاجة .. 

عمر : اوى فيبن بغيتي نمشيو .. 

اشراق: لي بان ليك ... 

رجعات شافت فاشرف و دوز يدو على عنقو .. 

و هي تعض شفاتها التحتية بالخلعة و شادا البكية .. و كاتشير بعينيها باش يرجع فحالو و قالت فخاطرها : سمانة كولها و انا نطلبو يتعرض ليا و يعجز .. نهار لي عرض عليا هاد الشيبة العاصية وقف عليا كيف الزلط .. لييلتك سووودة يا اشرااااق .. 

-كانت جهينة متكية فبيتها و كاتفرج .. و ياله قطعات مع ماماها ... 

سمعات الدقان و قالت: دخل .. 

دخلات هدى هازة حوايج جهينة و ايرتان مطويين و حطاتهم ليها .. 

جهينة : شكرا اهدى .. معدبااك معايا .. 

هدى : عداابك رااحة اختي كانديير غير خدمتي .. ااه كوون كانو كولشي اناس بحالك و بحال مداام وفاء .. 

جهينة : واابه ديبما كانقولها حتى انا .. 

ضحكات هدى على طريفتها و قالت : و الله الى كانتسخر لييك و بالفرحاات عليا .. طاتيناهلب كل خيير .. ماشي بحال ديك الشاارفة .. 

جهينة : هههه حشومة اصاحبتي دابا يسمعووك و يتريو علييك .. 

هدى : اوى صااافي حتى انت بناقص منها غاااع الى كانت غير مع هاادو .. 

جهينة : وا الصبر ماعندك مااديري .. *ناضت جلسات* اجي .. كيف بقاات الحاجة .. 

هدى قربات و جليات حداها : اويييلي غيير سكتي .. مابقاتش كاتخرج من بيتها من الفضييحة لي وقعاات ليها 😂 

جهينة : هههههه ياااربي تسمح ليا و لكن ماتبغيهاش لعدوك .. تكوني فشي اجتماع بين عرام ديال البشر و تجيك لا دياااغي و ماعندك حتى الركااابي باش تجري لطواليط .. تفضحاااات ياااختي مووحال وااش باقي عندها الوجه تشوف فشي حد من هادوك لي كانو حاضرين ... هههه

هدى : ههههههه يا بنتي غزا فيها الله .. الانسان ماكايحصد غير لي زرع ... و اصلا جماعتها تشفاو فيها .. شفتي النفااق كيف دااير .. 

جهينة : و كيف بقات دابا .. 

هدى : ويلي لهلا يوريك .. غامازايد عليها الحال .. مابقاتش كاتشدها وااالو .. كل شوية نتحماو نبدلو ليها اختي قهرااتنا .. طااليا ادنيا .. 

جهينة : هههه لاا حول و خلاص .. يحسن عواانكم .. 

هدى : وا نخليبك دابا .. نمشي لشغاالي .. 

جهينة : سيري اختي .. 

خرجات هدى و بقات جهينة تخمم .. 

جهينة : هههه بلانات اشراااق المسخووطة .. خرجات على المراة .. 

ايرتان : معاامن كااتهضري اديك احمقاء .. 

جهينة قفزت : الحمقة هي طااطاك 😤 

- خدا اشرف مقعد مقابل مع طابلة عمر و اشرااق .. و جلس شاد جورنال و كيطل عليبهم .. 

اشراق ماعرفات ماادير جات بين المطرقة و السندان .. ماحيلتها لعمر و لا لاشرف .. 

لاحظ توترها و قال .. 

عمر ؛ مال الزين مبدل .. واش مامرتاحاش ؟ 

اشراق : ه..هاها.. لا .. عاادي .. 

عمر : خليني نطلب ليك شي حاجة .. 

عيط للسرباي و طلب منو نوع من مشروبات غير كحولية و مشا .. 

عمر : بصرااحة غاادي نجيك نيشاان .. انا ماعزيزش عليا كترة المراوغة .. انا عجبتيني و طيرتي ليا العقل .. 

اشراق ماصدمهاش بكلامو و لكن ديك ردة الفعل دبال الخووف لي داارت كانت بسباب اشرف .. لي جورنالو كان كايترهد بوااحد الطريقة .. عرفاتو غادي يتسطى بالفقصة .. 

الشارف ماكفاهش هاد الكلمة مد يدووو و شد يد اشرااق .. هنا اشرف تسطى .. و اجورنااال ولا شروييطة فيدييه .. لاحو و غوت .. 

اشرف : هاااذاااك السرباااااااي .. فييين كااس السم لي طلببتك تجييييبووووو .. 

قفزت اشراااق كاتسرط ريقها .. دار عمر شااف فيه .. كيف حااال كولشي الموجودين .. مشا عندو السرباي كابجري.. و رجع عمر شاف فاشراق و قال .. 

عمر : هههه هاذ الشباااب ديال اليوم .. هلكاتهم الشمة .. 

ضحكات اشراق من فووق قلبها .. 

عمر : فبن كنا .. ااه .. انا عجبتيني و ماكرهتش .. تكوني ليا .. 

اشرف كايكحب بالجهد و كايجبدها من اعماااقو : اووووح ... اووووووح .. اش هااد الخرىىى جااايب ليبياا .. بدلووووو .. 😡

اشراق صافي غرقو ليها هنا و مابقاش خلااها تركز فشغلها ... ناضت و قالت ليه : اس ..اسكح ليا انا رااجعة .. 

تبسم و قال : خودي راحتك .. 

ناضت لاحمام و تبعها اشرف و الشيااط وراه ... 

تقنتو حدى الحمام و شد دراعها .. 

اشرف : اليوم ندبح مك .. 

اشراق : انا لي غادي نقج وااالديك حتى يخرجو عينيك .. 

شنق عليها و دور يدو على عنقها و هي مالقات غير شعرو نتفاااتو كاتجر فيه .. تلوااو فبعضهم و لبدو .. 

اشرف : طلقي شعري لمك داايراها قد رااسك و كاتقاابحيي .. 

اشراق ؛ رخي و انت و نطلق .. انا 10 سنين هادي و انا كانقنعك .. بلي هااد الحزااق غير تمتيلية ..شوهتيينا .. على شوية و يعييق .. اااي .. 

اشرف : والله ماني طاالقك حتى تزيدي قداامي الاوطييل .. و الله يامك حتى الgييرا غاتنووض غير بلاتي... 

اشراق: وا على هااد الحسااب ماغاتخلينيش ندير شغلي فخاااطري .. اااي و الله حتى شااد تيقارو .. مامخلياهش يتجاوز حدودو .. 

اشرف : احسن لييك .. و لا غانقتلو بيدي و نتهنا من هاد الحزااق فمرة .. دابا غاتخرجي تستأدني و تسبقيني للسيارة و لا بربي حتى نفرشخك و نخرجك بياس ديتاشي .. 

اشراق : صافي صافي واخا .. انا خارجة .. 

طلقها و قادت حوايجها و بعداات عليه و شافت فيه و قالت .. 

اشراق : بلاتي على مك .. 

و مشاات .. كيف قال ليها اشرف .. اعتاذرات منو و هزات ساكها و خرجات .. خرج اشرف من بعد منها .. شاف السرباي غادي بمشروباتهم .. عكلو و طاح عليه كب كولشي عليه و خلاه كايغوت .. 

حل السيارة و طلعات و طلع حداها .. 

اشرف : اححح الله .. 

اشراق : تبربقتي فداك المخ .. تحرك قبل مايخرج ... 

- كان جالس ايرتان و خدام كايبلاني .. و جهينة .. غادية جااية حداه .. 

ايرتان : يا هااد المراة جلسي راك دوختيني 

جهينة : قنطت .. 

ايرتان : ما شااء الله عليك .. القنطة ماجاتك حتال 9 ديال الليل .. 

جهينة كاتجرو : حط داكشي و نوض عطيني شوية دالوقت .. 

ايرتان : وقتي كولو ليك احبيبة و لكن خاصني نكمل هادشي قبل غدا .. 

جهينة كتغبن : ماسووقيش .. نوض شوف باش تلاهيني .. 

ايرتان : جهينة واش جاك داك الحماق عاوتاني .. 

جهينة كاتجر فيه و تنخض : وا نوووض .. 

ايرتان :هداااي .. تء ..وايلي مصيبة هاذي .. شووفي اه .. راه طلعو ليا هوورمووناتتك فرااسي

جهينة : ماتعايرش ليا هوورموونااتي .. 

ايرتان : هورمونات ديال المرض .. هورمونات ديااال الوييل الكحل لي ضربني معاك .. 

عوجات فمها كاتغبن .. و هو يسد البيسي و نااض .. 

ايرتان : ينعل مها هاد الخدمة لي تقلق ليا مراتي انا غااع .. اش بغيتي هااني .. 

جراتو للسرير .. جلس وسطو و هي طلعات حداه و حطات راسها على رجليه و تكات معنقاهم .. 

ايرتان : هههه صافي هاذشي لي بغيتي .. 

جهينة ؛ ااه .. 

ايرتان : وانا يسحااب ليا شي حاجة كاتعجبني .. 

جهينة : ششش خليني نتصنت لعظامي .. 

ايرتان : ايااه الالا .. تصنتي لعظامك .. 

ضحك و هو كايتأملها ... شدات يدو و عنقاتها .. هز يدو الاخرة و خشاها فشعرها كايماصي ليها .. لاحظ من تعابيرها بلي ريحها و كمل و هو مراقبها .. 

ايرتان : شعرك خفاف .. 

جهينة : اااه .. 

ايرتان : واخا هكاك باقي زوين .. و مزياان ملي وليتي تسرحيه .. كايجي معاك هكا .. 

جهينة : كانديرو هكا على قبلك .. 

ايرتان : هههه هااكدااك .. 

جهينة : ايه .. 

حلات عينيها و ناضت جلسات قدامو على رجليه و تقابلت معاه .. 

ايرتان : حاس ببك ماشي هي هاذيك .. مالك ؟ 

جهينة : انا قريبة نقفل التامن و ندخل التاسع .. 

ايرتان : ايه ؟ 

جهينة : انا .. خايفة من الولادة .. خايفة توقع ليا شي حاجة و لا توقع لبنتي شي حاجة و مانشوفهاش ... مابغيتش نولد هنا ... و مابغيتش بنتي تجي لهنا .. 

ايرتان : هاادشي كولو خايفة منو .. و فين انا من هادشي كولو .. تاحاجة ماغاتوقع و انا معاك .. انت غاتولدي بالسلامة ان شاء الله و غانهزو بنتنا ب2 و غانكون معاك فالولادة و حتى انا ماباغيكش تولدي هنا .. مابقا والو و نسالي هادشي و غانرجعو فحالنا لتركيا .. 

جهينة : واخا تواعدني .. 

ايرتان : كاانوااعدك امراتي الحبيبة .. 

جهينة : و الى ماوفيتيش بيه .. 

ايرتان : ديك الساعة غايكون مانع قوي .. و مانضنش كاين شي مانع يقدر يخليني نوفي بوعدي الا الموت .. 

جهينة : الله ينجيك .. 

ايرتان : و يخليك ليا ابنت قلبي .. 

تبسمات و عنقاتو و كذلك هو .. 

داز شهر على هاد الاحدات ... 

شهر لي شهد على تطورات كتيرة ... 

عمر لي باقي كايقلب كيفاش يتهنى من جهينة و كذلك كيفاش يوصل لداكشي لي بغا من اشرااق لي باقية مشطحاه على وحدة و نصف .. 

ايرتان قدر بمساعدة اشراق انه يشد عليه مجموعة من الدلائل لي غادي تخليه يتحبس و لكن هاذشي غايتحقق الى وصل لمستندات لي غاتكون ضربة قاضية ليه .. كولشي فحالة تأهب .. آيدين و بقية الاعضاء كايتسناو الوراق يوصلو ليديهم بااش يقدرو يتولاو زمام الامور و من تما غادي ينساحب ايرتان و يدي امو و مراتو .. اما مشروعو مع نيرمين سالا و لكن باقية كادير السبة باش تجي عندو ... 

كان اليوم الاحد .. و بالظبط 6 العشية .. 

طلعات جهينة و ايرتان لبيتهم بعدما كانو فلقاء مع طه لي شحال و هي كاتأجلو و استاعن طه بايرنان باش يساعدو و قدر يقنعها .. كان لقاء حيبي بدون نزاع بحيت ماجبدش ليها موضوع عمها ... كان فقط كايعاود ليها على حياتو و كايسولها على احوالها .. مواضيع مختلفة فقط .. قدر طه يدخل لقلبهم بحيت التامسو فيه الهدوء و طيبة القلب .. و واعداتو جهينة باش يبقاو مرة مرة يتلاقاو .. واخا ايرتان ماعجبوش الحال بزاف ... 

جهينة : بصراحة كنت ظالماه .. ولد عمي مسكين صدق غير مغدم بحالي .. 

ايرتان ؛ اوى صاافي غاتبقاي تهضري عليه .. 

جهينة : ههه هاهي سااكتة .. اااه .. *شدات كرشها*

ايرتان قرب ليها و شدها بخوف : ماالك ؟ 

جهينة : و والو .. ديك النغصة لي كلتشدني مرة مرة .. 

ايرتان : قالت لبنا الطبيبة طبيعي .. حيت ق يب تولدي .. 

جهينة : ااه .. 

ايرتان : اجي تجلسي .. 

جلسات جهينة كاتمسد كرشها و هو وقف كايبدل .. 

جهينة : ايرتان ماما ... قبايلة عيطات ليا ماما .. 

ايرتان : مزيان كيف دايرة .. فاتها الحال ؟ 

جهينة : راه ولات شوية .. راه مشوشة عليا .. قالت ليا بغات تجي عندي للدار تقابلني .. 

ايرتان : و اش قلتي ليها .. 

جهينة : بقيت عليها بلاش راه ايرتان غادي يجلس معايا .. قالت ليا لا .. ماغاترتاح حتى نولد قدامها .. رااه مصيبة الى جات راه عند بالها جالسين فدارها .. راه مافخبارها والو ... ماتنساش بلي ماعارفة والو على والديك .. و عاد ولادتي لي قريبة و هي عند بالها باااقي شهر اخر .. الى مشيت حتى تكشفت ا ايرتان .. الى مشات ماما حتى عرفات غاادي توقع ليبها شي حااجة .. ماغاديش تتحمل .. و هي اصلا مريضة ماناقصاااش 

ايرتان جلس حداها عنقها : و ماالنا على هادشي .. ماغايوقعش .. قربنا .. حنا قربنا و نوصلو لمبتغاانا .. صبري عليا غير هااد الليلة .. 

جهينة : علاش مال هااذ الليلة .. 

ايرتان : ماديريش فبالك .. انت غير كوني ليا على رااحتك ... 

برى وراء بابهم لي ماكانش مسدود كانت آذان كاتصلغا ليهم باهتمام ... كان عمر لي كان غير دايز و سمع حديتهم و قرر يكمل للاخر .. شاف قدامو بحقد و عرف ولدو سبقو بخطواات و لكن الحظ وقف فجنبو هاذ المرة و قرر يستاغل الوقت لصالحو و يتغدا بيهم قبل مايتعشاو بيه .. و هلط كايجري لمكتبو و سدو عليه و خدا تيلي عيط .. 

عمر : ياسين .. حل ودنيك مزيااان بغيتك ... 

- دخلات الحاجة عند وفاء لي متكية فبيتها .. كيف عادتها جاية تأكد بلي كاتشرب دوااها .. 

الحاجة : هزي شربي دوااك .. 

ناضت وفاء كيف عادتها حلات القرعة و لاحتها في فمها و شربات الماء .. 

الحاجة خنزرات فيها و ضارت باش تعود ادراجها و كاتمتم : الله بهنييني منكم .. كل مصيبة من جيه ... 

غير خرجات ناضت وفاء دفلاتها من فمها و لاتها فطواليط و سيغطاتها .. 

هزات عينيها و تفكرات 

#فلاشباك .. 

كانت الحاجة خارجة من بيت وفاء بعدما شرباتها دواها .. و هادشي تحت انظار ايرتان .. 

دخل عند امو و استفسر منها اشنو بغات و قالت ليه على موضوع الدواء .. شك و طلب من عز يعرف ماهيتو .. و تبت شكو بلي دواء مخدر كايبلد الشخص و يخليه مهدن و ساهل التحكم فيه ... طلب امو عمرها تشربو مزااال و ردخات لامر ولدها .. و من داك الوقت و هي فتحسن .. بل ولات على الخط و عارفة بخطط ولدها بتخليصها .. و كاتسنا داك اليوم بفارغ الصبر .. 

#عودة للواقع 

وفاء بالتركية : جا الوقت باش نتحرر منك .. جا الوقت باش نرجع بيرااي .. 

-فالاوطيل اشراق كاتلبس و تقاد و الدراري واقفين عليها كايوصيو فيها .. 

عز : اشراق مابغييت حتى غلط .. انا تقت فيك و مادرت حتى عدة تصنت حيت ممكن يشوفهم .. حنا غانكونو برى .. غير تعرفي فبن حااط المستنادات غاتخرجي ... 

اشراق : واخا واخا فهمت .. 

فؤاد : اهم حاااحة سكريييه.. خاصو يطيح كاااو و الى ماطاحش ليك هاكي هاد الدروغ .. غادي يخليه كيف العلكة في فمك .. 

اشراق : ارا اخويا .. *وقفات * صافي انا واجدة ..راه سيفط ليا ميساج بلي كايتسناني .. 

شافت فاشرف قلب وجهو ماعاجبو حال مشات لعندو عنقات و باست حنكو ... 

اشراق: شاشا ديالي ... تييق غيا كوولشي غايدووز مزياان .. انا اذكى من انه يوقع ليا شي حاجة مع هاذاك .. حفظتو و فهمت عقلو مزياان .. 

اشرف : توااعديني تردي البال .. غير تعرفي و خورجي .. 

اشراق : كانوااعدك .. هادي اخر مرة غادي نشوفو .. وا دعي معايا .. 

اشرف : ان شاء الله كولشي غايدوز مزيان ... 

يتبع