قدري أن أحبك الجزء 33 (الفصل الثالث)

🙋🙋 انيووووونغ يوووروووبووون 💃💃 

رجعت ليكم بالفصل التالت من قصتنا #قدري_أن_أحبك 💘... لي ولات بعنوان #قدر_لا_هروب_منه 💞 

كولشي خااايف منو و من شنو غايوقع 😂 و لكن كانطلب منكم تيقو فيا ... و تبعو معايا للأخير ... كان ممكن نقضي على عمر و نساليها و لكن قررت نطول الرحلة معاكم .. و ندير قصة وسط قصة ...رحلة التقاء و حب من جدييد ... اكيد غادي نرجع ليها الطابع الكوميدي .. ماليش فالنكد ياخواتي 😂 مالكم مامليتوش منهم النهار كولو و هما مع بعضياتهم كايتحابو و يترومانسااو انا بعدا طرطقو ليا المرارة 😛😋

💀بقلم : غزلان ش. 

🎋بعنوان : قدري ان احبك : قدر لا هروب منه ...

📚مقدمة : 

- جرها من دراعها بكل وحشية مغرس صباعو فيها ... دخل و سد الباب و راه ... خلا يديه فدراعها و هاجم عنقها بقبضتو و لصقها مع الحيط .. باش تكون هي محاصرة بينو و بين عينيه لي كيف الجمر الملتهب ... ملاميحو ماوحاتش بخير و عمرها ما وحاات بيه .. طاقة كبييرة كاتجول اجسامهم ب2 ... حاسة بييه غايقتلها و يقتل نفسو وراها ... نفسو طالع وسط جسمو سخوون كايحرقها ... نظراتو و الطريقة باش كايحرك فكو .. ماتبدلوووش .. و بااقي كايأتر فيها بنفس الحدة .. و لكن هاد المرة كوولشي تبدل ... هي مابقاتش ديك الضعيفة ديال الماضي ...

خدا نفس و نفت كلماتو محترقة بلهيب كره و غضب ..و قال : كاتجرأي تتحدايني ... 

ظهرات على وجهها ابتسامة جانبية مستفزة و كأنها غير مبالية بخطورة الوضع لي هي فيه و قالت ببرود : انا ماتحديتك فحتى حاجة .. كانظن انت ماعندكش تقة كاافية ... كانقرى هاادشي فعيوونك .. 

هو تصلبت ملامحو من طريقة كلامها و شدد قبضتو على عنقها و قال : ماتحاااوليييش معايا .. 

ضحكات رغم الالم لي حاسة بيه ..و جاوبت : اه ... انا ماكانحاولش حيت اصلا كولشي باين وواضح ...انت كاتقاااومني و كاتفااداني و لكن ماقدرتيش ... ماقادرش تخرجني من عقلك *هزات صبعها وجهاتو لراسو* استحوذت على فكرك كووولو حتى وليتي تعيط لخطيبتك باسمي ههههههه عرفتي شنو كايعني هاذشي ... 

فجأة طلق منها و بعد بخطوة و كأنو شاف وحش كايتحول من قوي لاقوى .. و كأنها عدو و شهرات سلاح اقوى و اكبر من سلاحو ... كملات بنفس النبرة و هي كاتقرب : 

- هههه انت ماشي ديالها ... و عمرك كنتي و لا غاتولي ديالها .. حيت بكل بساطة ماكاتعرفكش .. 

قربات و حطات يديها على سدرو و بنظراتها لي واقعة عليه كيف المغنطيس كايجدبو و بحراكاتها لي كاتأسرو و اخيرا بكلامها لي مخليه بحال شي تعبان اصم متبع الناي بكل اهتماام ... الشيء لي عمر حواء قدرات توصل ليه ... كملات و هي كاتشوف فيه بكل تقة و تحدي : ماكاتعرفكش كيف كانعرفك ... ماكاتفهمكش كيف كانفهمك ... *سكتات و دوزات يدها على خدو بحنية * هي ماكاتمسكش كيف كاندير ... ماقادراش على الحيوان لي فيك حيت انا لي روضتو ... انا لي قادرة نتحكم فيه .. و انا لي عارفة كيفاش نسيطر علييه ... هي مااعارفة عليه وااالو .. انا ..هههه انا لي عندي كوولشي ... في حين حتى وحدة... و لا وحدة قادرة توصل لداكشي لي وصلت ليه انا ... 

مع كلامها الاخير لوى دراعها لوراء ظهرها و قربها بل جدبها بعنف باش تصطادم بجسمو الصلب ... قرب لوجهها بملامح اقل مايقال عنها ساخطة ... حط جبهتو على جبهتها و هو كايلهت بحال الى تصلق كيلوميترات من طول جبل ... لاح كلامو فوجهها بسخط و غضب عااارم و قال : اشنوووووو انت ؟ اشنووووو بغيييتي منيييي ؟؟ 

طلعات نفسها و خرجاتو بشكل قهقهااات مستفزة و لسانها كايراوغ وسط شفتيها بإغراء .. و كأنها ساحرة القات تعويذة ناجحة باستدعااء شيطاان .. قاطع حربهم الدامية صوت رناان صغيير قائل ..

- ماما !!

قراءة ممتعة ✌

👣الحياة كولها غادية بسياسة هاك و ارى ... ماشي ديما كاناخدو لي بغينا ... و مايمكنش نااخدو كولشي ... لي مهم هو نعرفو بقيمة لي عندنا و نحافظو عليه ... و نقنعو بيه ... نلوحو كولشي وراانا و نبداو بداية جديدة .. انطلاقة جديدة ... ماكاينش المستحيل ... ماكاينش مانقدرش ... كولشي بمشيئة الله ... و كوولشي بيدينا ... 

حطات المجلة من يديها و جلسات قدام طه لي كان جالس حتى هو فالسفرة كايفطر ... حطات نظاظرها ووجهات انظارها ليه و قالت بالانجليزية.. 

..... : المقال خرج كامل مكمول ... 

طه : هههههه عاارف .. جهينة دايرة بحال الحمق لي كايخرج من فمو غير الحكمة .. 

جاوباتو : من ناحية حمقة هي نيييت حمقاااء ... و لكن اكييد غاتحمقني حتى انا ... 

هز عينيه فيها و ضحك بعدما رشف من قهوتو و قاال : مااعليش ... غير صبري عليها .. ماعندها لي يهز حماقها من غيرك .. و انت لي قادة بيها ... دوزات مايقارب 10 ديال مدراء الاعمال .. شباب و سيدات و غير فمدة عامين ... و لكن انت اول وحدة كاتصبر و تكمل معاها عاام .. و عااد باان ليا بغااتك و ولفاتك .. 

تبسمات و قادت شعرها بافتخار و قالت : اوى واخا هكااك .. حتى انا لقيت فيها الاخت ... ماكاينش بحاالها الصرااحة .. كاتعطييني وااحد الطاااقة واحد الرغبة فالحيااة ... ماعرفتش كيفاش نشرح ليك .. 

ضحك و جااوب : ههههه عااارف .. و على انا علاش مسميها الفايروس السعيييد ... حيت مزاجها و فرحتها كاتعاادي و كاتخلي كولشي لي ضااير بيها فرحان و كأن الدنيا مافيها لاهمووم لا حتى حاجة خايبة .. واخا كولشي دااكشي لي دوزاتو ... مناعتها قوية و هادشي كانحسدها علييه .. لي كايشوفها من بعييد يقول هادي ضعيفة و ماقادا على واالو .. و لكن تبتاات لكولشي العكس .. 

ضحكات و جاوباتو : هههه عندك الحق ... 

دارت للمقعد لي حداها ووقفات شاهقة .. 

شاف فيها طه و قال : ماالك ؟ 

جاوباتو : فين ديك الفصعوونة عااد كاانت هناا .. 

ضحك و قال : ههههه حتى انا مارضيتش ليها البال ... غاتكون طلعات عند ماماها .. 

رجعات نظاظرها و هزات مذكرتها و مشات كاتغوت ... 

.....: هيييفيييييين ... 

ضحك طه و عيط باسمها ؛ تولااي .. 

ضارت عندو و قالت بالتركية : افندم (نعام)

اشاار للوراق لي طااحو ليها .. تنهدات و تحنات هزاتهم و طلعات كاتقلب عليها ... 

رجع للفطورو كايضحك و يلوح براسو ... 

فغرفة غالب فيها اللون الابيض ... ملابس كتيرة مبعترة فكل مكان ... ماركات ماكيااج و عطووور كتييرة مستفة بإهمال فوق الكوافوز ... طلعات هيفين وقفات فوق الكورسي قدام المرآة ... خدات العكر دوزاتو في فمها و كملات بالوان و هايلايت رونات الدنيا اكتر ماهي مرونة .. دخلات تولاي .. و غوتت 

تولاي : هييفيييين ... 

طوعات هيفين داكشي لي فيديها و هبطات كاتضحك بشقاوة بصويتها الصغير ... قفزاات حتى جهينة من سريرها .. و جلسات مشقلبة بشعرها مشعكك و ريوغها لي نشفو على حنكها طلعات هيفين حداها كاتضحك و تنقز فووق السرير .. هزاات فيها جهينة عينيها و الشعا عاالب عليها ... كاتحك راسها و ماعارفاش اش وااقع .. 

تولاي كاتصيح بالتركية : هبطي العفرييتة من تما .. ديما كانقوول ليك ماكيااج مامي ماتلعبييش فييه .. 

شافت فجهينة و هي تغوت : ااش هاااااد الحاااالة .. واش هاااذي حااالة نجمة صاااعدة نااجحة ... *شدات راسها* ياااربي غااتحمقني هاد السيدة و بنتها ... اش درت فحيااتي بااربي اش دررت .. ركبني اسكر و قلب غايتجلط ماافيهاااش .. فين المهدئ ديالي فيين هو .. 

*مشات كاتقلب عليه * 

شافت جهينة فبنتها بغير فهم و قالت ليها .. 

جهينة : واش لحسك انت غاتبقاي ديما تجيبيها لعندي تنغص عليا نعااسي .. 

ضحكات هيفين بشقاوة وبقات كاتنقز ... 

جهينة شافت فيها و بدات تضحك حتى هي .. 

جهينة : هههههه اش هاذيك الحاالة داايرة فوجهك .. 

هيفين و هي كاتبعد شعرها الطويل المموج من وجها : درت بحال مامي فديك التصوييلة .. انا شفتي كاانشبه لييك .. بلاتي .. 

هبطات من السرير و هزات اماكياج و رجعات كاتشعبق بجسمها الصغيير حتى وصلات لعند ماماها .. 

جهينة : اش غااديري يا هااد الفصعوونة ... 

هيفين : غادي ندير ليك بحالي باش نتشااابهو بززاف .. 

جهينة ؛ نتشاابهو بزاااااف ههههه واخا الالا .. ياله ديري نشوف .. 

دارت ليها و بدات هيفين كاتضحك و تنقز .. 

جهينة : هههههه اشنو علااش كااضحكي .. 

هيفين : ههههه حيت كاتشبهي لديك الشريرة لي كاتقتل الكلااب باش تصايب بيهم حوايج .... فداك الفيلم لي تفرجنا فيه البارح .. 

جهينة : ههههه ياك لمك .. 

شداتها و بقات تبوسها عمرااتها عكر (لي كان لونو غرونة) 

هيييفين : ههههه ماما .. خصرتي ليا كووولشي .. 

طلقاتها جهينة كاتضحك .. ووقفات هيفين كاتعاود دير العكر و كاتنقز .. طلعات حداها امها و بداات تنقز معاها ... 

جهينة : هاانتي غير انت لي تعرفي تنقزي .. 

ضحكاات هيفين و شدات فيديها و بقاو يلعبو .. 

دخلات تولاااي كاتغوت عليهم و هبطو هرباانين كايضحكو .. وقفو قدام طه لي شافهم برك كايضحك حتى هو ... 

طه: رحمي دييك السيدة رااك شيتيها فعز شبااابها 😂😂😂😂 

جهينة ضحكات جهينة و هزات بنتها ... 

جلسات تولاي و شربات كاس ماء و قالت .. 

تولاي : خاصك تمشي توجدي راسك ... عندك عقد خاصك تسنيه ... و 3 المقابلات و كل وحدة فجيه و الوقت ضيق .. ممكن تسربي ... انا صاافي شحفت .. 

جهينة : واش مايمكنش تلغيهم توحشت بنتي بغيت نجلس معاها .. 

تولاي غوتت : الاااا ... طلعي دااابا فكي ديك الحالة .. وجدت ليك حوايجك لي غاتلبسي .. يال سربي .. 

شافت جهينة فهيفين و قالت ليها : حبيبة ... ماغانقدرش نلعب معاك اليوم .. 

طه : ماعليش هيفين عندها مدرسة اليوم .. 

جهينة : اااه نسيت .. صافي غانسالي شغالي بكري و نطرغ حبيبة مامي نجيبها من المدرسة .. 

ضحكات هيفين و قالت : واخا امامي ... 

باستها جهينة و طلعات تبدل .. 

تولاي : اجي نبدل ليك بما سالات ماماك .. 

مشات معاها و هز طه تيلي ديالو .. دوز نمرة بااه و جاوبو .. 

نسيم : اهلا ولدي .. 

طه : اهلا الوالد لاباس عليك .. 

نسيم ؛ حمد الله .. اس خبار مراتك و الصغيرة .. 

طه : حمد الله الوالد بخيير .. قولي انت كيف دايرة صحتك .. كاتشرب دواك فوقتو 

نسيم : ااه اولدي ماتشطنش بااالك .. الخدمة كيف غادية .. 

طه : كولشي مزيان الوالد ماتشطنش رااسك انت خرج سوقها .. و ديها غير فصحتك .. 

نسيم : ماعليش اولدي غير سولتك .. عارفك قاد بيها .. 

طه : اياله الوالد غادي نقطع نمشي نشوف شغالي .. 

نسيم : الله يعاونك اولدي .. 

عند جهينة ... دوشات و لبسات بينوارها .. خرجات لبيت كاتنشف شعرها ... شافت فالمراية الطويلة ... و طلقات الفوطة من يديها ... حتى حاجة من جهينة القديمة مابقات ... مابدلاتش غير مصيرها و انما حتى شكلها ... و هذا فعل كان مقصود منو الانتقاام ... داك الشعر المموج الطويل لي كان يظل يتغزل فيه و يخلل صباع يديه بين خصلاتو قطعات نصفو و تبرعات بيه لمرضى السرطان ... بدلات لونو من اسود لبني مشقر ... جسمها لي كان كايعجبو بشكلو كيفما هو بل كان كايعشقو كانت كاتشووف بصمات يديه عليها ... و قررات تنحي اي حاجة كاتعجبو فيها و دمرات باش قدرات تحيد دوك الباونادات الزائدة .. رشاقتها تحسد عليها الان و صحافة المجالات يقحمون اسئلة كيفية حفاظها على رشاقتها ... 

لبسات ملابسها لي كانو واجدين



و بدات تسرح شعرها و تنشفو و من بعد تصففو .. كانت كاتشوف فانعكاسها .. و نظرات تحدي يمكن او رضى من النتيجة لي وصلات ليها ... طلقات شعرها بعدما سرحاتو و دازت للماكياج .. 

ديما صورتو و هو كايخاصم عليها بسبب الماكياج كاتكون فودنها باش تعطيها الدافع و دير الضد ديال داكشي لي كان يطلبها .. و فالاخير انتهت بفون دو تاان لي درق دووك النميشات لي كانو عاطيينها جمال طبيعي ... و دارت احمر شفاه برز لون شفهها بلون كرز دموي ... وخط آي لاينر عريض مع رموش اصطناعية طبيعية ... رشات من عطرها ... و لبسات صباط طالو مناسب .. لي ماميزدها غير دلال على دلال .. وقفات قدام المراية بنظرة حادة و قالت ... 

جهينة : نتمنى تكوون كااتشوووف الحااالة لي رضييتيني عليها .. كانتمنا تكون كاااتموت كيفما قتلتيني فاش سيفطتي ليا برااتي ... انا تجاوزتك .. و بنيت حيااتي و تحديييت ديك جهينة لي صنعتي .. و ها انا جهينة .. جهينة لي صنعتها بيدي ... مزاال تلاقينا الايااام ... 

قاطعها صوت رجولي قائل : ولكن انا مااشي هادشي لي كانشووف .. 

ضارت بعينيها خارجين .. لقات طه مسند على الحيط .. وقف و جا جلس فالسرير قبالتها .. 

جهينة : ا.. اشنو كاتقصد .. 

طه : ديري لي درتي .. واخا تبقاي واقفة هنا قدام هااد المراية حتال الصباح و انت كاترددي نفس الكلاام ... فراك غييير كاتكدبي على راسك .. 

ضحكات جهينة و قالت : بركة من البهلان .. ماتنساش حنا مزوجين .. ماجاتش فحقك تهضر لمراتك على الاكس ديالها .. 

طه : حتى تكوني انت معتابرة راسك مراتي .. عاااد نشوف حريرتي انا .. 

جهينة : طه اش كاتقول .. ياك .. 

طه : عاارف .. عارف ... انا ماكانلومكش .. حيت انا ويااك واحلين فنفس المشكل ... زواجنا دااز عليه 8 اشهر .. و باقي مقدرنا نتجاوزو هاذشي ..حتى واحد فينا ما تزحزح من بلاصتو و لو بخطوة وحدة .. 

جهينة تنهدت و قالت : انا داايرة جهدي .. خلينا نصبرو ... الموضووع خاااصو وقت .. 

تبسم طه و قرص حناكها و قال : ماتجبري راسك على واالو .. انا ماكانلومكش .. انا غير كانفضفض عليك .. 

بادلاتو جهينة الابتسامة ... و عنقاتو .. 

جهينة : ربي ماباركش ليا فشريك حياتي و لكن ديما كايباارك ليا فالصحاااب .. لحد دابا عمري صادقت شي حد و ندمت .. 

طه : ليا الشرف نكون الصديق ديال مراتي العزيزة .. 

ضحكات جهينة على طريفتو و قالت : هههه ياله اراجلي العزييز .. خلينا نهبطو راه ديك الحمقة غاطلع ليا تاني ... 

في فيلا آيدين ... 

كان جالس فالجردة كايقرى الجوورنال ديالو كيف عاادتو .. هبطات عندو كاتسلل و دارت يديها على عيونو .. ضحك و عرف شكوون غير من عطرها .. 

ايدين بالتركية : فقتي احبيبة .. 

باست حنكو و جلسات حداه : علااش مافيقتينيش ... 

ايدين : ما عليش ا مراتي الغزالة ديالي .. كنتي غاطسة فنعاسك و ماسخيتش نفيقك .. 

شافت فيه و تنهدت .. 

ايدين شد فيدها و قال : بيراي ...ماالك؟ 

بيراي (عرفتوها شكون وفاء سابقا) : انا قدما فرحانة حيت تطلقت من داك الحيوان .. و رجعت ليك و رجعاات ليا حيااتي .. الا وبااقيا كانحس بالنقص ... ولادي بعااد عليا و يعلم الله كل واحد فيهم اش وااقع لييه .. 

آيدين : نسرين ... غادي نسيفط عز يجيبها لك من فرانسا حلها ساااهل .. و لكن ايرتان .. 

بيراي: اااه اييرتااان ... ولدي الحبييب ... و لدي و اقرب النااس ليا لي يعلم الله اش واااقع فييه .. انا متأكدة ولدي ماشي لخااطرو ... يطلق مراتو .. ماشي لخااطرو يسمح فينا كااملين ... انا ماقااادرااش نرتااح بالي ماغادييش يهناا ... ولدي بعييد على مراتو و بنتو .. ايرتان لي كاان ممكن يسمح فكواشي الا مراتو و بنتو ... 

شد يديها و قاطعها قائل : عااارف ... كانعرف داااك الولد مزيااان .. الفعاايل لي داار اكييد عندها تبرير .. اكيد شي حاجة تمااا ... المشكل هو مااقادرش نوصل لييه ... ماقااادرش نحيبو حاااس ب اااسي مربووط ... عييت مانخطط و نقلب على شي طريقة كيفاش نوصلو لييه .. و لكن باان ليا داك الكلب مخبيه و عاارف كيفاش يحصنو .. مابقييتش عاارف و لا فااهم .. 

حتى من الدراري .. حاولو اكتر من مرة و منين قدر عز يوصل ليه .. دار بحال الى ماعرفوووش ... 

بيراي : 4 سنين و نصف ... و باقي ماقدرنااش نوصلو ليه ... اشمن حيااة هااادي ... علاااش ضروري تاخد مني شي حاجة ... دابا منين خديت حريتي تحرمت من ولااادي ... 

ناض ايظين لعندها عنقها و قال : ماتخافيش ... غادي نوصلو ليه .. ضروري ماغادي نلقاو طريقة نوصلو ليه ... 

بيراي : و الى وصلنا ليه و دار كيفما دار مع عز .. اشنو غانديرو .. راه طلق مراتو حتى بلا مايشووفها و لا حتى يهضر معاها .. صورها فالمجلاات ماعرفت و افلاامها اكييد وصلووه واش غاتكون تبدلات علييه لدرجة مايعرفهااش ..دارت التمتيل ضد فيه واش عادشي ماحرك فيه وااالو ... و بنتو لي عمرو قلب علييها ... او لا حتى انا لي مو .. خلى حيااتو كاملة هنا فتركيا ... و مااعرفتش اشنو كاايديير تمااا .. مااعرفتش ... 

ايدين : تهدني .. كوولشي غاايتصلح ... الحمد الله بعدا تهنيت عليك انت و رجعتي ليا ... و ولدك حتى هو غادي يرجع .. غادي يرجع لمراتو و بنتو .. 

بيراي : صااافي ماابقاااتش مراتو .. هي تزوجااات و بناات حيااتها .. واخا متأكدة بلي حتى هي تعيسة .. ولدي اكيد ماشي احسن منها ... حياتهم تدمراات بسبااابي .. كان كوولشي مزياان حتى جا بااش يخلصني .. قدر يخلصني و لكن مقابل حياتو .. تدمراات حياااتو مسكيين .. هاانا حدااك .. كون غير بقييت فداك سبيكار المجانين لي رمااني فييه على الاقل كنت ديما دايخة و لا هااد العذاااب لي كانعيشو كل يوم ... 

ايدين : مابغييتش نسمع منك هااد الكلام مرة اخرى .. انا ماصدقت عرفتو طلقك و قلبت عليك الدنيا شهر كامل بااش لقيتك ... و دابا كاتقولي بقيتي فييه ... تهدني و انا راه واعدتك ... و اكييد غانوفي بيه ... 

بيراي : ان شاء .. على الاقل غير نشوفو قدامي .. 

ايدين : ان شاء الله ..

فالصالة ديال الفيلا ... كان اشرف و عز و فؤاد جالسين ... 

عز : ههههه و لاايني مصيبة مع هذا ... 

اشرف : اااه اسيدي .. غير طنز عليا .. كوون كنتي فبلاصتي يعلم الله اش غادير... 

فؤاد : انت لي بغيتي الزوااج .. و ايااله ضبر لرااسك ... 

عز : فييبنك ادييب الفجر ... اجي تشوووف بعينيك اشرف لي كاان مطلع عينك ... هاهو كاايعااني حتى هو 😂😂

فؤاد : و الله الى كان غادي يعجبووو الحااال و يتشفى فيك من دااكشي .. 

اشرف : اوى فيين هو .. راه قلب علينا بحال الى عمرو عرفنا .. كولشي حياتنا تشقلباات ... 

فؤاد : ماتكونش حتى انت بحال جهينة .. هذاك صاحبنا ... ماعارفينش ظروفو مدام ما ماسمعنا وااالو من فمو .. 

عز : فؤاد عندو الحق ... جهينة استسلمات و الاخير سمعات كلام امها و عمها .. و قررات تزوج ... شحااال عارضناها و فالاخر دااارت لي قال ليها راااسها .. 

اشرف : نسيتو هي اشنو دوزااات ... نسيتو ولادتها كيف دازت ... نسيتو العذاب لي دااز عليها مع امها ... نسيتو بلي كوولشي تخطااتو بووحدها... فين كاان هو فديك المدة كااملة .. كولنا عارفين بلي ايرتان اي حاجة كايديرها كايقولها لينا .. و حتى الى ماقالش لينا كايقول للبوص ... يعني داك القضية ديا بقا باش ينتاقم من بااه .. ماداخلاش لراسي ... و غاع كون مانت بصح ماغاديش ياخد مدة 4 سنين كااملة .. موقف جهينة صحيح و من حقها دير لي داارت .. حيت تخلى عليها .. و سيفط برااتها بلا حتى ماياخذ اذنها ... كون ماشفت بعيني ماكنتش غانتيق .. ولدات بلا بيه .. و دوزات ديك الفترة ديال النحس غير بوحدها و مع ذلك .. كانت كاتسنااه .. كانت فاضعف حالاتها .. و لكن ديما كانت كاتقول غايجي .. ديك الفترة لي مابانش الاتر ديالو ... ماتبقاوش تلوحو اللوما عليها .. حيت هي داارت لي علييها .. 

فؤاد : جهينة اكيد عزيزة و غالية علينا ... احنا ماكانلوموهاش حنا غير هضرنا .. 

عز : اكييد ... 

اشراق جات شادة كرشها لي وصلات بيها للشهر السابع : هذااك العتروووس .. شحال و انا كانغوت علييك .. فين غااطس ... 

اشرف شد راسو : ها حناا بدينا تاني .. 

اشراق دخلات هزات مخدة و خبطاتو بيها عاد جلسات : 

اشراق : نوض تغعد .. شوف كيف دير توصلني بغيت نشوف جهينة .. 

اشرف : بغيتي تقولي النجمة أينور ... 

اشراق : اوى هذاك اسمها الفني ... اما بيناتنا حنا بااقية جهينة .. 

عز : حركة ذكية منها ماتشهرش اسمها .. ممكن زعما ايرتان يكون ماعرفهاش .. 

فؤاد : ماتنياوش هي مشهورة فتركيا ... مانظنش شهرتها غاتوصل للمغرب .. 

عز : و لايني راك مكلخ .. و على ايرتان ماشي نصفو تركي .. اكيد عندو اطلاع على اش واقع هنا .. 

فؤاد : و اش وصلو هو لعالم الفن .. حتى من افلام لي كايتفرج فيهم غير ديال القتيلة و الاكشن .. و جهينة لحد دابا دارت 2 افلام كوميديا رومانسية و مسلسل و عاد ادوار اخرى تانوية بعيدة على داكشي لي كايشوف هو .. 

اشراق : جهينة عااد كملات تصوير ديال فيلم اكشن .. ممكن يتفرج فيه .. 

اشرف : من هنا لعام و لا اكتر عاد يتطرح فالسوق .. مالو فيديو ديال 10 د كايتمونطا فبلاصتو .. 

اشراق : انت غاتقريني .. نوض تغعد ديني عندها .. 

اشرف : وا هضرت معاها البارح .. راه القضية مبلوكية عندها اليوم .. قالت ليا الى سالات بكري فاتجي فالعشية و تجيب معاها الصغيرة .. 

اشراق : احلف .. ياكما طالقها عليا .. 

اشرف :و الله الالا ماكانكدب علييك .. 

عز : ههههه هبل واحق لي ليه الحق ... 

✈في المغرب ... 

في فيلا عمر التاازي .. و بالظبط فغرفة بالطابق الاعلى ... كانت كلها سودااء من الطلاء حتى الفراش ... حتى من الضوء الرحمان مالاقيش تغرة يتسلل منها ... 

كان جسد بصدر عاري وسط فراش حريري ... ماكانش مغلضم بزااف و تقيل .. بل جسم رشيق منحوت و ممشوق ... كان هاز الوسادة دايرها على وجهو ... يمكن باش مايصلوش صوت يزعج نعاسو و لكن كاان الهدووء و ماكانش صوت لي يزعجو .. ممكن كان كايسكت اصوات لي اصلا فدمااغو .. 

سمع دقان و ماجاوبش ... دقاان استمر واستمر .. حتى تعصب .. الشيء لي اصلا ديما ملازمو .. شير بالوسادة و غوت : اشنوووووو ... 

دخلات خادمة .. من الخدم الجداد لي بدلاتهم الحاجة بعد الواقعة ... 

شافت فيه و هي كاترجف من الخوف و قالت : اسمح لي اسي ايرتان .. و لكن الانسة نيرمين التحت و بغ.. 

ايرتان : اش بغااات هاادي تاااني .. اوووف .. مايمكنش ندوز نهااار باا مااتصدعو لياا راااسي .. خرجي برااا ... ماتبقاايش تجي عندي . 

جاوبت بتردد : و لكن اشنو غانقو... 

قطاعها : قو**** براااااا ... 

خرجات كاتجري و سدات الباب و هو رجع لسريرو ... 

شاف فالسقف كايفكر ... 4 سنين لي عاش من حيااتو .. اه غير 4 ... هو ماعارفش اشنو كاان قبل 4 سنين ... مجرد ذكريات لي تقالو ليه و تعاوذو ليه .. من طرف باه .. جداه و خاطيبتو نيرمين ... قالو ليه بلي ذاكرتو ممكن ترجع فاي وقت .. و لكن 4 سنين و هو فنفس النقطة .. ماكاين حتى تقدم ولو غير شوية منو ... قاطع تفكيرو دخول نيرمين ... غير شافها و ساط و دور وجهو و تغطى .. جلسات حداه و قالت .. 

نيرمين : ايرتان ... علاش مابغيتيش تخليني نشوغك .. 

ايرتان : كيف كاتشوفي عيان و مافيا لي يهضر مع حد .. 

نيرمين : حتى انا خطيبتك ... حتال امتى غانبقاو هكا .. انا صبرت معاااك هاد المدة كااملة و هادشي باش كاتجازيني الاهمال و عدم المبالات .. كولشي كايسولني امتى غادي نتزوجو .. امتى غانديرو العرس .. 

ناض جلس و قاطعها : نساي الزواج هااد الساعة .. ماحدي باقي ماعاقلش على راسي ... فراه مامستاعدش ... بغيتي تصبري مرحبا ... مابغيتيش انت مامظطراش تسنايني ... دابا خورجي و خليني بغيت نرتاح ... رجع لبلاصتو و غطا وجهو .. 

نيرمين : و علاااش بااغي تفكر ... كولشي قلنااه لييك ... 

ايرتان : نوضي خرجي ... 

بقات كاتشوف فيه و الدمعة فعينها .. عيطات باسمو و ماجاوبهاش .. ناضت خرجات و سدات الباب وراه ... 

خرجات و ركبات سيارتها نيشان للشركة ... 

دخلات بعدما خدات اذن تدخل عند عمر ... 

غير دخلات رحب بيها بابتسامة عريضة .. 

عمر : مرحبا ابنتي .. لاباس عليك .. 

نيرمين : حمد الله اعمي ... 

عمر : جلسي .. مالك .. 

نيرمين : تناقشت مع ايرتان تاني .. انا بان ليا عمرو ماغايبغييني .. و ماكايفكرش يتزوجني نهائيا الى مارجعاتش ليه ذاكرتو ... و انت عاارف الى رجعات ليه ذاكرتو .. غايعرفنا كذبنا علييه و وهمناه بلي هو خاطبني ... 

عمر : ماتخافبش .. ماغادي يتفمر واالو .. انا واقف على هاد المسألة .. و غادي نهضر معاااه بلا ماتقلقي .. 

نيرمين : بالصح .. 

عمر : اااه .. غير مسحي دموعك دابا ... و خلينا فالمهم ... لقيتي العارضة لي غاتكون الوجه الجديد لمنتوجاتنا ؟ 

نيرمين : باقي اعمي ... انا كانقلب على عارضة مناسبة لمفهوم منتوجاتنا ... 

عمر : تايق فذوقك ... بغيت شي عارضة لي بكون مسلط عليها الضوء و تكوون معروفة فوسط العيلات ... راك عاارفة .. زعما باش تلفت النظر للمنتوج

نيرمين ؛ و لا علييك .. 

يتبع