قدري أن أحبك الجزء 34

بعدما سالات جهينة جدول اعمال اليوم ... قررات تدوز لبنتها للروض .. 

وقفات كاتسنا وسط السيارة لي كانت خاصة بالمشاهير .. سوداء فيمي و بالشيفور و كل مقعد بوحدو ... خرج الشيفور يجيبها و بقات جهينة مسندة راسها لور و محيدة الصباط بالعيا ... 

جهينة : عرفتي عيييت .. ماخليتينيش الكارتة ناخد عطلة نقابل بنتي شوية ... 

تولاي و هي خدامة فالبيسي : اش بغيتي نديير ليك ... يكفي مخلية الخدمة غير فحدوود تركيااا باقي ماوصلنا لمنطقة الاماان .. خاصك تبتي راسك و تبااني .. ماتعطيش فرصة فين تكفاي .. خاصك تبقاي اكتيف فهااد المدة ... واخا درتي البوووز و طلعتي طلعة صاروخية مورا تاني دور ليك ... داك الدور فالمسلسل الكوميدي و الرومانسي .. خلا الناااس يتلفتو و ليك و حبووك ... لدرجة انك وليني معروفة باسمك ديك الشخصية .. و من بعد داك الدور المطرطق فاخر فيلم اكشن درتيه غادي تصدمي ليا البشر .. انت موهوبة و الدور لي تعطاك كاتقنيه ... داكشي علااش ماخاصكش تضيعي حتى فرصة .. 

جهينة :اه داكشي علااش بززتي عليا نقبل بهاد الفيلم لي تعرض عليا .. 

تولاي : مافهمتش مالك مع الدور .. دور بطولي شبااابي جديد اكييد سااهل علاش كاتحتجي .. 

جهينة : فيه الحركة .. مزال الاكشن قبلت حيت اصلا سابق ليا مدربة ... و لكن دور ديال شخصية موهبتها الرقص و فيلم موسيقي شي حاجة جدييدة عليا ..

تولاي : بالعكس .. انا عارفاك عااجزة على التدريب و لكن اكييد غادي تقدي علليه .. 

جهينة : امري لله ... اختي انت رااك عندك واحد السلطة .. ماكانقدش نقول ليك لا .. 

تولاي : هههه عارفة راسب معدية عليك .. و لكن كوولشي لمصلاحتك .. تيقي فالخبرة ديالي .. 

جهينة : تااليقة فيك الالا .. و كون ماهكا غاعما نطول معااك .. 

تولاي : هههه يخليك ليا .. 

جهينة : و ليا ... قولي ليا قالو ليك فين غادي نتدرب ؟ 

تولاي : ماعرفتش .. كاين واحد معلم الرقص غايتكلف بيك انت و بقية ديال الممتلين لي معاك .. راك جلستي و ناقشتي معاهم ... 

جهينة : و الله الا هاد الفيلم ..غايكوون شي حااجة .. المخرج دار خطوة ذكية كنين جمع ممتاين من بقع العالم .. غادي ينفعو باش يتشهر .. 

تولاي : اوى اشنو راه الماركيتينغ هذاك ابنتي .. مهم فين غاتدربي باقي ماعرفنا .. و لكن غادي نحاول نخوي ليك الجدول و تكوني متفرغة للتدريب بوحدو .. 

جهينة : غاديري فيا خيير .. 

تفتح الباب و دخلات هيفين .. 

جهينة : اهلا اهلا الفنكوووشة ديال مااامي .. اجي لهنا .. 

طوعات هيفين شكارتها على تولاي و عنقات ماماها .. 

تولاي : بحالك بحال مك .. 

جهينة : يخليلي الزغنوونة ديالي توحشتك .. 

هيفين : حتى انا ... انمشيو عند تشيم تشيم و جدو و جدة يااااك ... عااافاك امممامي .. 

جهينة : واخا اماامي .. غانمشيو عند جداتي جدو .. و لكن ماديريش القبااحة .. 

هيفين : ههههه اندير ااييير شوية .. 

جهينة : لا ... حتى شوية ماديريهش ... 

تولاي : خاصك تعلمي تعاقبيها شوية على القباااحة .. 

جهينة :هههه خلييها تلعب .. باقية صغيرة .. و هادشي طبيعي .. 

تولاي : ااه .. ولكن راها نشيطة و فيها الحركة بزاااف و القبااحة خلاص ... خاصك تعرفي كيفاش تسيطري على هادشي .. 

جهينة دورات وجهها لزاجة و قالت بالدارجة : اكييد بنت الجلاخة ماغاتخرج غيير جلااخة .. 

وقفات السيارة داخل فيلا السيد ايدين .. غير تفتح الباب و خرجات هيفين كن السيارة كاتجري و كاتعيط .. 

هيفين : تشييييم تشييييييم ... تشيييم تشيم .. 

جهينة : اديك البنت .. اجي لواالدييك للهنا .. الله اميمتي الله و هااد الفزغولة و مادايرة فيا .. 

تولاي : اوى ها لي كنت كانقول ليك .. 

دخلات هيفين .. لقات اشرف جاي منين سمع صوتها .. مد يديه و هزها كايضحك و باسها فحناكها .. 

اشرف قال بالدارجة : الزييوونااات ديااال تشييم تشييم .. توحشتك 

جاوباتو هيفين حتى هي بالدارجة : تانا .. تحوشتك ... 

ضحك اشرف و هنا وقفات قدامو جهينة و تولاي : 

جهينة بالدارجة : كانقولو توحشتك .. 

هيفين : تحوشتك .. 

اشرف : ههههههه ديما كانقوول ليك هضري معاها بالدارجة فالدااار .. هاهي متلفة العربية .. 

جهينة : اش بغيتي ندير ليها ... ولفااتها ليا .. و ماكاتبغيش تهضر بالعربية .. 

اشرف : و اجي ندخلو بعدا .. 

دخلو و انضمو لبقية الدراري لي كانو جالسين الداخل بالاضافة لاشراف ... 

اشراق : يويوي على سلاامتنا كنين شفنااك .. اختي مابقينا عارفين نتلاقاوك .. 

جهينة كاتسلم عليها : و اوى رااك عارفة ماغاديش نبقا نشرح .. فين ازووزة .. 

عز : كاتقلبي على شي نص واقلة ... 

جهينة : ههههه فوفة .. 

فؤاد : هههه اش غاانقوول ليك .. الله يخلصك .. مادوزنا مين مين .. جبتي لينا فوفة ... 

جهينة: كاندلع العشران اش فيها .. فين ماما و بابا .. 

اشراق : خارجين هاد العشية .. شوية و يدخلو ... 

اشرف : اشت النااس لي عايشين .. بحالك انت لمك مطلعا عييني فهااد التجوجية .. غاتقولبت .. 

اشراق : ماغاندييش عللييك .. 

جهينة : اوى دوزي اختي حتى انت حقك فالنكد .. هما غااعما عافين هاد التقل و شنو مصايبو ياله يعرف يقولك مالك هكا .. مالك فاعلة و لا تاركة .. 

اشرف : بووحاطيات .. عكاكم الله باااش تبوووحطو .. 

اشراق : ماعندي بااش نجاوبك حاليا .. غير بسيؤر تخرى .. 

هيفين : سير تحرى .. 

اشراق دارت يدها على فمها نسات بلي هيفين معاهم 

جهينة : ويلي ويلي ويلي... سكتي حشوومة .. 

هيفين : سيييير تححرى ... 

جهينة : غانضربك .. حشووومة 😠 

اشرف لاشراق : ولايني راك مكلخة .. كاتشوفي الدرية قدامك و كاتخسري الخضرة .. 

هيفين : مكلحة .. 

دار اشرف عندها و سد فمو بيدو .. 

جهينة : تي كووني تحشمي ياهاد البنت ... 

اشراق : احياااني على النمرووضة عندك كاتشد غير لي بغات .. 

هيفين : نمروضة .. 

جهينة : العااار لاما سدو عليا دلاااقشكم كاتجي هنا كاتضربو ليا كولشي ف0 

هيفين ليهم كاملين : سد دلاأشكم ... 

جهينة ناضت و حيدات البانطوفة من رجليها : حيدو عليا نوري لهاد البرهوووشة ... 

مشات هربات كاتضحك و تخشات بين عز و فؤاد .. 

جهينة : اجي لهنا .. 

هيفين : لااااا

عز : هههه خليها ليا غير سيري تجلسي .. تاواحد فيكم ماصالح يربي .. غير مسابقين مع الوقت .. 

جهينة :حتى تولدهم و نشوفو هاد العيااقة .. 

جلسات جهينة فبلاصتها .. 

و جر عز هيفين جلسها على رجلو و قال .. 

عز : مالك على القباحة ... حشومة تجاوبي مع ماماك .. و تعيري بكلام الخايب ... ياك ماغاتبقاايش ديريها ... عرفتي الى عاودتي .. غانقطع هاد الودنيات و ناخدهم ... 

شدات هيفين فودنيها و كمل .. 

عز : باقا تقوليها .. 

هيفين جاوباتو بالتركية : لا مانبقاش نعاودها .. 

عز : لا .. قوليها بادارجة ... 

هيفين شافت فماماها و رجعات شافت فيه .. 

عز : هههه وحلتي .. قولي مانبقااش .. 

هيفين : متنبآش .. 

عز : نعاودها .. 

هيفين : نعاودها ... 

عز : مانبقاش نعاودها .. 

هيفين : مانبآش نعاودها .. 

عز : ياله بوسي .. عمو .. 

باستو و قال : هههه هكااك ياله لحغي مك .. 

هبطات من عندو و مشات تخشات بين رجلين امها .. 

ضحكو كاملين و قالت جهينة : ياا خويا و شحاال كاتخااف منك .. كولشي طالعة ليه فوق الراس .. جات حتال عندك و تحدو ليها .. 

اشراق : بطبيعة الحاال .. تخاف منو و هو قد الغوريلا .. انا و كايخلعني .. 

عز : اشرف سكت مرتك .. 

اشرف : بيناتكم اخوويا .. 

عز: انت كاتخافي انت .. الله يعطيني وجهك .. 

اشراق : جمالي مايجيش مع بادرك .. 

جهينة : هههههههههههه تخيلتووووووووو ... 

دخل ايدين و بيراي ... 

غير شافتهم هيفين و مشات عندهم كاتجري ... 

هزها ايدين كايضحك و باسها .. 

و قال بالتركية : اهلااا ببنتي الصغييرة .. 

باستها بيراي و قالت : الغزااالة ديااالي توحشتك .. 

جاوباتهم و هي كاتضحك ... 

دخلو و سلمو على البقية و جلسو معاهم .. 

ايدين : توحشناك ابنتي ..علاش كاتغبري 

جهينة : غير مع الخدمة ابابا .. غير سمحو ليا ..

شدات بيراي فيدها وقالت : ماعليش احبببة عارفين اش كاين .. مهم انت اشنو اخبارك .. 

جهينة : من غير هاد الفصعونة لي محمقاني .. كولشي بيخير .. 

ضحكو و قال ايدين لهيفين : علاش كاديري لماماك القباحة .. ياك تافقنا داك النهاار .. 

هيفين : مادرتش القبااحة غير كاتكدب عليكم .. 

جهينة : اوى هااكاك ابنتي الله يرضي عليك .. 

هيفين : ماتهضريش معايا انا اصلا مخاصمة معاك .. غانتجوج و نمشي فحالي غااع .. 

كولشي حل فمو بالصدمة و شي جلس يضحك ..

اشراق : تي سمعي الدرية اش كاتقول .. 

جهينة : راه جني و جنووني نعرف منيببن كاتجييب هااد الهضووور .. 

فؤاد : هنهههه بنتك ذكية .. شحااال من مرة كانقول لك حضي فااش كاتفرج ... و هاانتي دابا ... 

جهينة : بلاتي هاد الجملة قلتها فشي دور .. 

ايدين : كايعجبها تفرج فبرامجك .. مامناسبينش لسنها خاصك تحبسيهم عليها ... 

هبطات هيفين من عند جدها و مشات عند اشرف هزها جلسها عندو و هي كاتخنزر فكولشي .. حيت فاهمة اش كايقولو ... و جرات ودنو ووشوشات ليه .. غير سالات عينين تشرف خرجو و هي تقول ليه جهينة .. 

جهينة : اش قاالت ليك .. 

اشرف لهيفين : اناااا .. 

هيفين هزات راسها بايجاب و قالت ؛ اااه انت لي زوييين فييهم كااملين .. 

اشراق : تا قووول اش قالت .. 

هيفين عنقات وجه اشرف و قالت : ماتهضرييسش مع تشيم نشييم ديااالي .. 

اشراق : نعااام اختي .. 

اشرف : هههههههههههه ... احح غيرة العيااالات شحال زويبنة ..

جهينة : مابقييتييش تحشمي .. اجي لهما .. اش قاالت ليك هاد الفزغووولة انا راه هاذا الله .. 

اشرف : ههههه بنتك خطباتني قالت ليا تجوج بيا .. هههههههههه

عز : لا كملااات ... يسمعك باااها يسيفطك لبجزر الكناري تزرع البصلة ...

جهينة هزات يدها دارتها فوق راسها و اشراق دارت عندها .. 

اشراق : تي هاااذي ولاات باغية تدي ليااا الرااجل .. تي هضري .. 

جهينة : انا صااافي غادي نقدم استقاالتي .. ضبرو لحلوفتكم معاها ... 

كانت اشراق و جهينة مشادات كايتساراو فالجردة ... كايستنشقو نسيم فصل الربيع .. 

جلسو يرتاحو فالجلسة تحت سماء الغرووب ... 

جهينة : واقولي ليا ... كيف غادية مع الحمالة ..

اشراق : كيف كاتشوفي .. غير الفقايص و الركييل .. 

جهينة : ادااك العفرريت .. تكاايس على ماامي .. 

اشراق : خليك من البيبي و قولي ليا .. 

جهينة : اش غانقول لك بلاماتبدااي تاني .. 

اشراق : بلا ماتعصبيني و قولي ليا ... فين وصلتي انت و طه .. 

جهينة تنهدت و قالت : باقين كيف اخر مرة .. ماقادرينش نتجاوزو حدود الصدااقة .. كابشوفني بنت عمو .. صديقتو .. كانشكيو و نفضفضو على بعضنا صااافي .. و معاوني بالبنت .. عادا هاادشي واالو .. انا براسي .. زعما واخا كانحاول نسمع نصائحكم و نحاول و لكن ماعرفتش شي حاجة حاابسانا .. 

اشراق : زعما والو والو .. عمرو بين ليك حتى اهتمام بسيط لناحيتك .. 

جهينة : الا .. 

اشراق : ولو حتى تعقيب على لبسك و ماكياجك و لا خروجك .. 

جهينة : و تقوووولي .. 

اشرف قاطعهم : انا بااان ليا بلي ميت لييه الحووت من جيهتك .. 

اشراق : اجي جلس تسمع .. 

اشرف جلس قدامهم و قالت جهينة .. 

جهينة : كيفاش زعما .. 

اشرف : منين ماكيغير عليك ماوالو .. راه ماغايكون كايشوفك غير ختو .. لا غير .. و اكييييد كاينة شي وحدة شاغلة بااالو

جهينة : واااييه .. هاادشي لي بااان ليا حتى انا ... و بصراحة ماهامنيش والله .. فيين يااامك الجلااخة .. كنتي ماتخرجني حتى تغلفني و تطلع عيني على الماكيااج ...كانت هضرتوو كولها تهديد و خبيط .. 

اشراق : شوووف لك الدرية ... توحشتييييه .. 

جهينة: بلا ماتشوفو فيا هكااك .. انا .. انا غير قارنتهم .. 

اشرف : عهههه و علاش حتى تقارنيهم .. اعتااارفي راه كوولشي فاااهمك .. 

جهينة : و من بعد .. اشنو .. انا قلت ليكم ماقادراش ننساه .. و ماقادراش نخرجو من باالي .. اشنو غاادي يتبدل ... وااالو ... هو لي تخلى عليا .. هو لي تخلى علينا .. انا و بنتو .. كون كاان بااغينا كون بااان على الاقل مرة وحدة ولو غير من بعيييد .. و يجي يسول غير فبنتو .. غير بنتو .. 

اشرااق : ماتعصبيش رااسك احبيبة ... و الله الى حاالك مابقاش عااجبني .. 

جهينة : حالي .. ماكايهمش .. انا كانفكر لبنتي .. لي مالاقيا لمن تقول بابا ... و منين تبدا تسولني عليه اش غانقول ليها 

اشرف : علااش بااقي مافكرتي تمشي توااجهيه ..

اشراق : اويييلي مااالك تسطييتي .. هي لي تمشي تقلب علييه .. هز لي خااصو يجي و يدييه فووق راسو 

اشرف : واخا تسمعييه غير على وذنيه و ترجعي ..مهم ترضي راسك و ماتبقاايش مشوقة بحال هكا .. 

جهينة : لا .. ماعنديش الجرأة مانقدرش .. اصلا مستحيل نوصلووه .. شفتي بااه اش داير عليبه .. و اا بااابااا ايديين اعبااااد الله ماقدرش بقييت غير انا .. و غااع الى زعمت .. و قدرنا نوصلووه غادي يدير ليا مادار لعز و يدوز فبه و كانه عمرو عرفو .. انا بصراحة خايفة و مابغيتش نرجع للور .. صافي حياتي غانعيشها هكا ... مكتاب ليا نعيش محروقة فقلبي .. تقبلتها و تعودت عليها .. 

اشرف : غير كاتكذبي على راسك .. باينة فييك باغية تشوفيه .. 

جهينة : اشرف بلا ماتظغط عليا .. مفىوض تنبهوني و ترجعوني لعقلي .. انت براسك غاضب منو على هادشي لي دار فينا .. كيفاش دابا كاتجي منو .. 

اشرف : انا ماكانجيش منو .. انا كانشوفك انت اشنو بغيتي ... 

جهينة : مابغيت وااالو .. بعد داكشي لي عانييت بغيت غير السلام فحياتي ... 

#فلااشبااك ↪ 

جهينة فالارض كاتبكي و تندب : ايرتاااان ... 😭 

نسيم كايوقفها : نوضي ابنتي الله يرضي علييك.. ياله نلحقو عليهم .. 

هزها و سندها عليه و هي غادية و رجليها ماهازينهاااش ... 

شير لطاكسي حيت سيارة ولدو مشا فيها ولدو بام جهينة للمستشفى... ركب هو و ياها .. مسندها على كتفو كايهدن فيها .. عيط لولدو و خبرو باشمن مستشفى توجهو ... 

وصلو و هبطو و لقاااوها فالمستعجلاات .. بعدما استفسراات من طه و خالها اشنو وقع ..

طه : غير تهدني بااقي ماخرجو من عندها .. 

جهينة : الله ياااربي و مااااما تش وااااقع فيييهااا .. 

خالها : كاااتبكييي داااابااا .. انت سبااابها .. حنا يسحاااب لينا مربية و طلقناااا لييك الحبل .. ساااعة لاااعبة ورااانا و مرغتي براسنا للارض .. كووولشي لي واااقع دااابااا من تحت راااسك .. خلييتي بنااادم يحل علييينا فوموو و ي.. 

وقفو نسيم : خلي عليك البنت .. ماكاتشوووفش فحااالتها .. لي فيها مكفييها .. لي وقع وقع .. و باااينة هذاااك ولدو شاااف الظرية صغيرة ووحدانية لعب بعقلها .. و كووولشي من داااك باااه .. حيت عدوبا انا و باااها .. و يعلم الله اش كاان نااوي اكتر من هكااا .. 

جهينة : مااتقووولش هووكااا .. هو راااه متكايحملش باااه .. راه عدوو .. 

نسيم : كاين شي اب عدو ولدو .. و منيبين غااع هو عدوو... اش كايدير معااه فالدااار .. 

جهينة: القصة طوييبلة و اكبر من هكااا .. راجلي ماليه دنب فحتى حاااجة .. 😭😭 

خالها : باااقي عندك الفم لي يهضر مزااال .. سكتي قبل مانديير فييك شي مصيبيبة .. قلييلة الحيااء .. 

نسيم : قلت ليبك تفرق منها .. كولشي وااضح و بااين 

قاطعهم خروج طبيب و ممرضات كابجريو بعجاالة و كولشي تخلع ووقف يستفسرو لي كااين و لكن حتى حد مااعطاهم جواااب لقلقهم .. 

جهينة : ياااربي اش وقاااع... مااامااا .. اش وقع ليها شيي حد يشراااح لياااا ... 

طه عاونها و قال : تهدني احنا غادي نعرفو اش كااين .. 

خرجوها فوق الباياس كايجريو .. 

جا الطبيب و ضارو بيه ... 

جهينة : قووول ليا... ما..مااا .. اشنو بييهااااا .. 

الطبيب : تهدني ابنتي .. حنا خاصنا نديرو ليها عملية مستعجلة .. 

نسيم : واش الوضع خطيير .. 

الطبيب : ماعرفنااش كولشي بيد الله .. نديرو لي علينا و الكماال على الله .. 

مشا و خلاهم بوجوه باهتة .. 

الخااال : كانت صحة سلااام .. حتى تسلط علييناا هااد النهااار *شاف فجهينة* الله يخلص لي كاان سباااب .. 

بعد ساعات ديال الانتظار قدام قاعة العمليات .. 

كانت جهينة جالسة و حداها ايناس و عتمان .. لي هي كانت عيطات ليهم يكونو معاها ... 

كانت متكية فحضن صديقتها كاتبكي و حريق الوجع باديها من شحااال .. 

ابناس: صافي احبببة تهدني غاتكووون بخير ان شااء الله .. 

جهينة : كوووولشي بسبااااابي ... كووولشي بسبااااابي ... اااااه .... اااااااي .. 

كولشي انتابه ليبعا و تجمعو عليها.. 

ابنااس : مااالك .. 

جهينة : ااااااي غااانمووووت ... 

نسيم : سييير شوووف علاامن تعيط راااه كاااتولد .. 

مشا اطه يعيط على ممرضين .. و فهااد اللحظة خىج الطبييب .. كولشي نسى الوجع و شااافو فيه .. 

الخااال : كيف بقاات ادكتوور .. 

الدكتور : لاسف ... القلب توقف و 

قبل مايكمل كلامو .. جهينة غوتااات بكل حرقة و عصبية .. وجع بنتها وجع امها لي اكبر بااشواااط .. ماكملااتعاش و طاحت مغشي عليها غير مستحملة هادشي كاامل لي وااقع ... 

هزوها فباياس نيشان للمستعجات.. فيقووها و ما لقات راسها غير بين يدين طبيبة و ممرضات كايوجدوها للولادة ... الالاام غييير مااازاد علييها لا فجسمها و لاحتى قلبها ... كاتغوت و صوورة امها بين عينييها ... 

كان عتمان و ايناس و طه و عمها كايتسناو بخوف و قلق كايسمعو وجعها و غوااتها .. 

طه بعد من حداهم و دوز نمرة ايرتان .. كايصوني و لا رد ... عاود وعاود .. و لكن لا جواب .. رجع و شاف فصحابها و قال .. 

طه : انا كانعيط لراجلها ماكايجاوبش واش كاتعرفو شكون ممكن يوصلنا ليه .. 

ايناس كاتبكي : ماعرفتش .. كايمين صحابو و لكن ماعنديش نمرتهم .. ااه بلاتي إشرااق .. 

عتمان : عيطي سولي .. 

ناضت عيطات ليها و جاوباتها .. 

اشراق بصوت قلق : ايناس عافاك احبيبة عيطي لبا من بعد مامسالياش داب.. 

قاطعتها : قولي ليا غير فين هو ايرتان راه مراتو كاتولد .. 

اشراق : اشنوووو .. 

ايناس كاتبكي : مصااايب وقعوووو .. ا تيشراق وراحلها فيين غااابر .. عيطو ليه ... و اجيو .. 

اشراف : المصيبة راااه غاابر مااقادرينش نوصلووو لييه ... حتا حنا مشطوونين عليييه .. 

ايناس : اش كااتقولي .. 

اشراق : الصباااح كامل وهو غااابر ... و ماسمعنا عليه وااالو .. اينا مستشفى نتوما .. 

ايناس : ***** 

اشراق : احنا جايين ... 

وصللات اشراق بمرافقة اشرف .. اما فؤاد و عز بقاو يقلبو على ايرتان .. 

دخلو استفسرو منهم اش كاااين ... حتى قاطعااتهم خرووج الطبيبة لي كاانت زربانة .. 

نسيم : اش وقع لبنت خويا .. واش كولشي مزياان .. 

الطبيبة : الصرااحة الوضع مأزم شوية ... الحبل السري تلوى فعنق البيبي و خاصنا نديرو عملية قيصرية دابا .. وهادشي بسباب حالتها انفسية لي ماعوناتناااش نهااائيا ..فين زوجها ؟ 

اشرف : ماكاينش دابا .. 

الطبيبة : من الاحسن تستدعييو زوجها حالا .. 

دخلات خلاتهم كايشووفو ... مصدومين ملي وااقع .. ايناس عاودات لاشرف و اشراق اشنو وقع ليها .. 

و هنا عرف اشرف بلي خطتهم فشلاات .. و اكييد تيرتاان وااقعة ليه شي حاجة بمسبة باااه .. 

مشا عيط لعز و جاوبو ... 

عز : قول كيف بقات .. ولداات ؟ 

اشرف : لا القضية مستعصية و غايديرو ليها عملية . واش اي تان باقي مابان .. 

عز : ماكاينش حسو لا فالفيلا و لا فالشركة .. بحال الى سرطاااتو الارض .. تيلي كايصووني و ماكاينش جواااب .. غادي نتسطى .. 

اشرف :اش هادشي يا ربي... باااه راه خرج على البنت .. راه دااار ليها بلااان مزفت ... 

عز : اش داار ليها دوي .. 

اشرف : عيط لعائلتها شوهها بيناتهم ...و جرى عليهم من بعد .. 

عز : ولد القح***** اكييد دااار شي حااجة لايرتااان ميييغد .. 

#عودة للواقع 

هاد الماضي ماشي غير جهينة لي تفكرااتو .. و إنما عز كذلك لي كان واقف كايشوف فبنت صاحبو لي كبرات بلا بييه ... 

فيقو من سهوتو صوت أيدين و قال ليه .. 

ايدين : حقا .. عظ بغيتك فواحد المهمة .. 

عز : نعام بوص .. 

ايدين : بغيتك تقلب على خت ايرتان فينما كانت جيبها .. بالزز و لا بالخاطر .. 

عز : علاش كابن شي مشكل .. 

ايدين : لا .. ولكن امها خايفة عليها .. و اللنت طااايشة و ماعليها حكاام .. 

عز : اااه فهمت .. ولا علييك .. خليها عليا .. 

ايدين : من غدا ان شاء الله .. جيبها فاسرع وقت .. 

عز : واخا .. ان شاء الله 

خرجات هيفين عندهم للجريدة و مدات يديها لاشرف عزها لعندو .. 

اشرف : الكتكوتة دياالي .. 

هيفين بالتركية : اشنو هي تكوكتوكة 

اشرف : هههههه و الله ابنتي ماعرفت .. 

هيفين بالتركية : انا ماشي بنتك .. انا خاطيبتك .. 

جهينة ؛ نوضي قداامي .. اشتك شديتي فهاد الكلمة .. 

عنقاتو هيفين و خنزرة فماماها و كاتغوت : بعدي منيييي .. 

جهينة لاشرف : تاخرج فيها عينيك كيف كايدير عز .. اويلي ندب حنااكي انا . 

اشرف زاد عنقها : و على انا نقدر .. هادي راااه الدلووعة الصغيييرة ديالنا .. 

دخلات جهينة و تولاي و هيفين بين يدين ماماها لفيلتهم ... 

كان طه موجود ووصل منذ دقائق قليلة .. 

هبطات من امها و مشات لعندو .. هزها باسها و قال .. 

طه : اهلا اهلا هفهوفة .. كيف داز يومك .. 

هيفين : داااز زوييبن عموو ... انا ولا عندي خطييب .. 

جهينة طالعة : لا حول ولا قوة الا بالله .. 

طه مستغرب و كايضحك : فين فالروض ؟ ههه انت باقة لاصقة فالارض و درتي الخطيب .. 

هيفين : لا .. تشيم تشيم ديالي هو خطيبي .. فتش نكبر انتجوجو .. 

طه : هههه اوى لاباس منين حتى تكبري ههههه *شاف فتوالاي و غمزها متسائل*

هزات كتافها و قالت : حمقة بنت حمقة .. تش كاتسنى منها .. 

مشات و بقا متبعها و كايضحك .. شاف فهيفين و قال .. 

طه : شفتي طلعو و خلاونا هنا بوحدنا.. 

هيفين : اجي نلعبو خدام و اميرة .. 

طه ؛ ماحشمتييش .. دابا اناديريني خدام .. ديك المرة درتيني القزم و انت بلونش نيج .. و دابا انا خدام .. 

هيفين : غير اجي نلعبووها .. غااتعجباااك .. 

ضحك و قال : ياله الالا .. طلباتك اوامر ... 

خرجات جهينة من الدوش كاتنشف شعرها ... 

جلسات كاتهتم ببشرتها من كريمات و سيرومات و هي ساارحة كاتفكر فكلام اشراق و اشرف .. اعتارفت لنفسها بلي كلامهم صحيح و قدما حاولت تنكر ولكن داكشي اقوى منها .. حلات المجر .. جبدات العطر لي كان هذاها .. لي مابقاتش كاتستعملو ... رشاتو فمعصمها .. شماتو و غمضات عينيها باش تسلت منها دمعة هاربة .. 

حلات عينيها ز شافت فيه بحال الا كاتشوف فهاديه ليها و قالت : 

جهينة : ماقدرتش نتخلص منك فقلبي .. ضعيفة قدام حبك .. و اكيد غانكون ضعيفة قدام عيونك الى لاقاتنا الايام شي مرة .. انت ماعارفش الحياة شحال صعيبة ورااك .. انت ماعارفش بلي انا و بنتي محتاجينك ... ماعارفش بلي واخا وليت مرات واحد اخر قلبي و عقلي باقين ديالك .. ماعارفش الى رجعتي و طلبتي مني نسا كولشي و نبداو من جديد ماغانترددش .. اااه حيت ضعييفة قدااامك .. و انت قوتي .. و لكن خساارة ... فعلا خسااارة ... 

قاطعها صوت هيفين كاتنادي بماما .. 

مسحات جهينة دموعها و قالت .. 

جهينة : حبيبة ماما .. اجي عنقيني .. 

قربات عندها و هزاتها جلساتها قدامها مقابلة معاها .. 

مسحات هبفين عينين ماماها و قالت ليها : علاش كاتبكي تاني اماما .. واش انا لي قلقنك .. 

جهينة باست يديها الصغيورين و قالت : لا احبيبة .. انت حياتي عمري ماكانتقلقش منك .. 

هيفين : و علااش كاتبكي ... 

جهينة : كانبكي حيت صراتني واحد البلاصة .. 

هيفين : شربي الدوااء .. 

جهينة : الدوااء ماكاينش هنااا ..فبلاصة بعييدة .. 

هيفين تقلقات وعنقاتها : انا مابغيتش نشوفك كاتبكي عااوتااني .. ياله نقلبو على الدوااء .. 

جهينة تبسمات و قالت : ماعليش .. عندي دوااء اخر .. 

هيفين : فين هو .. 

جهينة : قدامي ... هو تعطيني اكبر بووووسة و اكبببر عناااقة .. 

هيفين ضحكات و تلاحت عليها كاتبووس و تعنقها و جهينة كاتضحك ... 

هيفين : انا انبقى دييمااا نعنقك بااش ماتبقى ضرك تاحاجة .. 

جهينة : يخليك ليا احبيبتي و نور عيووني ... ااح الله على روييحة .. زيديني الحب زييدي ... 

دخلات تولاي و قالت : جهينة العشاء واجد .. 

جهينة : واخا نلبس و اني التحت .. 

تولاي : هفهوفة .. اجي احبوبتي ... 

هبطاتها امها ووقفات حتى .. و خرجات هيفين مضاربة مع شعرها شدات فتولاي و هبطات .. 

هزات جهينة عطرها و خباتو للقاءه غدا فنفس الوقت ... 

في المغرب .. 

خرج ايرتان من غرفتو بملابسو السوداااء لي ماتبدلش ذوقو فاختيارهم ... يدو و عنقو عامرين باكسيسوارات باشكال المخالب او الجماجم ... و لا عطرو الجديد دو الذوق الرفيع الفريد ...

هبط بمشيتو التقيلة لي كاتعكس غموض شخصيتو .. 

كانت الحاجة وعمر فالصالة ... داز قدامهم و عياو يعيطو باسمو و ماداهاش فيهم و لا كأن سمعهم و خرج .. 

تبعات الحاجة لي وقع .. كان شعرها اكتمل بياضو و قواس ظهرها ودعمات جسمها بعكاز .. شافت فولدها لي ماتبدل فيه والو وقالت : شفتي هاد الجلاخة ديال ولدك اش كايدير .. سبحاان الله بحال الى تقول حاسس بلي دايرين فيه ... طبعو ماتبدلش واخا ماعارف وااالو ماكايحملنااش .. عمرو عاملنا كجداه ولا حتى بااه .. 

عمر ؛ يضبر رااسو .. الطبيب وضح بلي واخا فاقد الذاكرة .. و لكن ماغاتبدلش شخصيتو و جميع اذواقو ... احنا هادشي ماكايعنيناش .. لي كايهمنا هو بلي فاقد ذاكرتو و خاتم فصبعنا .. و هو وسيلة تمينة باش وصلت لهادشي كولو لي وصلتو ... باقي ذكي و حاذق ... كنت غادي نغلط منين قررت نقتلو .. و لكن الحمد الله ههههه كولشي كاان لصالحي .. 

الحاجة : واخا هكاك .. انا مامطمناش ... انا جالسة فالدار و خايفة ترجع ليه فاي وقت .. واش عرفتي الى تفكر شكون حنا و اشنو درنا .. واش عرفتي الى عرف بلي هو كان مزوج و عندو برهوش .. واش عارف الى عرف بلي زورنا توقيع طلااقو مع هااذيك ... و كذبنا عليه و قلنا بلي مو ميتة و خاطب نيرميين ... راه يقطعنا طرااف و حنا حيين ... راه ولدك احمق و كااايخلعنيي .. غير من دااك النهاار و ديك الطريقة بااش هضر معاايا .. خلعني و خلا ذااتي كوولها كاترعش .. انا ماامطمناااش لهاادشي اولدي .. تخلص منو الله يرضي عليبك و خليما نتهناااو .. 

عمر : ماتخافيش الحااجة .. ماكانعرفكش خوافة هكا .. هاذاك عمرو ماغادي يقدر يرجع ذاكرتو ماحدو كايشرب داك الدواء ... انت غير بقاي ديما تأكدي بلي ديك الخدامة كاديرها فماكلتو و شرابو .. وو لا علييك .. انا .. *بنظرة حادة* حتى حد مايقدر يهزمني و لا يقدر عليا ... 

يتبع