قدري أن أحبك الجزء 35

في البحر الخالي من جنس البشر و تحت السماء المظلمة الصافية ، كان ايرتان جالس فوق سيارتو و سيجارتو في فمو ... عقلو كايفكر و كايخمم فحياتو لي مراااضيش عليها نهائيا ... شي حاجة وسط منو ناافرة كولشي هادشي لي هو فيه ... ماقادرش يستوعب و ماقدرش يتقبل ... كتار اوقاتو لي كايجالس نفسو فيها و يحاول و يحاول يتذكر ... هادشي خلا منو انسان منطوي و وحيد ... وسط عالم كامل من الغموض .. وسط عالم هو نكرة فيه .. عارف ولد من و اشمن عائلة هاز سميتهم .. و لكن وسط منهم غريب .. حاس بلي ماكاينتاميش ليهم ... ماقادرش يفتح قلبو لباه و يعاود ليه .. ماقادرش يبغيه .. بل ماقادرش يتقبلو كاب رغم معاكلتو المزيانة ليه .. نعم عمر كايعاملو مزيان .. نفاقا بااش يقدر يلعب بيه .. وهادشي ماخافيش على ايرتان .. حااس بهادشي و هادو من العوامل لي مخلينو ماتايقش فيه ... انت ولدنا الوحيد انت و اختك ... انت كنتي كاتبغي خدمتك معايا و كنا انا و ياك صحااب ... كانتشابهو فكولشي .. ماماك ماتت و خلاتطم صغار بين يدي .. ماتزوجتش على قبلكم و جداتكم لي رباتكم معايا .. كنتي خاطب و قريب تزوج و كنتي كاتبغيها و تفدي حياتك على قبلها ...كنا عائلة سعيدة حتى النهار لي درتي حادتة دخلتي فيها شهر غيبوبة و خليتينا خايفين نفقدوك و بقينا هكاك بلا روح .. هاد الكلام كان غريب على اذانو نهار سمعو ... حتى حاجة من هادشي ماكانت مألوفة بالنسبة ليه ... حاول يتقبل الوضع فاش طلب صور تتبت هادشي ... قبر امو .. اي حاجة تتبت هادشي .. ولكن اكيد ردهم كان بدون معنى .. الصور لي شاف كانت غير من صغرو لمراهقتو .. بعدما كبر ماكاينش اتار .. لا صور خطوبة و لا حتى مناسبة ... و تفسير لي عطاوه .. قالو ماكايبغيش يتصور .. قبر امو مابغااش يوريه ليه لحد دابا و كل مرة مهرب ليه بعذر فشكل ... تاحاجة من هادشي مامقتانع بيها ... هرااء و تفاهات كايضحكو علبه بحال شي دري صغير ... جداه .. ديك المرأة لي خاصها تكون مصدر حنان تاني بعد الام و خاصة هي لي رباتو و كبراتو ... مالتامسش فيها داك الحب الامومي و لا داك القرب العاطفي .. بل بعاد بعد السماء و الارض حتى امرأة غربية عليه كان ممكن يشوفها امو مقارنة بهاد العجوز .. كايشوف فعيونها .. كايقرى واحد الخوف .. كره .. برود .. ماقادرش يحدد .. و لكن حاس بلي علاقتهم عمرها كانت مزيانة ..على الاقل هي عكس ولدها لي كاينافقو ... اما ديك خطيبتو لي ماقادرش يتجاوب معاها .. باارد برود الجليد معاها ... ماحاسش بشي نوع من الروابط بيناتهم ... ماكايغيرش عليها ... مامتحمسش لزواجهم لي للدابا كايأجلو .. ماعمرها قدرات تنجح فاغراءو رغم محاولاتها المتكررة .. اكيد وحدة غنية بحااالها .. ماغاديش يهمها الحلال من الحرام قدما كايهمها داكشي لي غاتحصل عليه فالاخير .. وهي باغية قلبو باي وسيلة كانت .. كاتزين بابهى الحلل و ديما مبدلة اللوك ديالها .. ماكياج و لبس ... و لكن ماعارفاش بلي هكا كايزيد ينفرها .. هو ماعارفش السبب لي مخلي شكلها كايثير اشمئزازو اكتر مايثير شهوتو فيها ... و لكن لي متأكد منو .. بلي هو ماشي هو داك الشخص لي كايرسمو ليه ... من ديما كان عندو شك فكلامهم .. ماتاق فحتى واحد .. سول الخدم .. سول كولشي لي فمحيطو .. كلهم نفس الكلاام .. حتى انه استاعن بمحقق يبحت ورااه .. كان متحمس .. و كايطلب الله يجيب ليه كلاام لي يكوون مألوف .. لي يقدر يتقبلو .. و لكن ظنو .. و جاب ليه نفس المعلومات ... و هكاك عااش مع نفسو .. منعازل على كولشي .. كل مرة غادي لشي بلاصة .. هلى امل يوقفو شي حد و يقول ليه ايرتان ... انا كانعرفك ... 

ايرتان وهو كايفكر نفت دخانو لي انداتر فالرييح و قال : اشكون انت .. شكون انت ا ايرتان التااازي ... كلهم كايكذبو فوجهك و كلهم كاينافقووك .. كلهم كايتفاداو يشوفو فعينيك .. حيت كلهم كذاابين ... مناافقين ... الوالد .. هذاك الراجل مخبي شي حاجة .. و خااصني نلقى طريقة بااش نعرفها ... و لكن كيفااش .. كيفااش؟ ... لي خاصني ندير دابا هو نصبر مزال و نبقا بيناتهم.. ضروووري غايجي النهار لي غايسالي هادشي .. قدما طاال الحال .. غايسالي هادشي .. 

بعدما تعشاو جهينة و البقية .. 

طلعات هي و بنتها .. تخشاو ففراشهم كيف العادة و جبدات قصة تقراها .. 

جهينة وهي كاتقرى : قال الاب ارنوب ...

قاطعتها هيفين و قالت : ماما ! 

جهينة : نعام احبيبة .. 

هيفين :دابا هذي ماماهم ارنوبة و هذا باباهم ارنوب و هذا ولدهم و هاذي بنتهم ياك ؟ 

جهينة : ايه .. 

هيفين : بحالك انت و عمو و انا .. خاصني غير خويا .. و لكن انت كانقوليك ماما و عمو علاش مانقولش ليه بابا ..

جهينة : حيت كاشي هو باباك .. 

هيفين : وشكون هو بابا .. هو عمو وين وين ؟ 

جهينة : لا ماشي هو .. 

هيفين : ماشي عمو مين مين القبيح ؟ 

جهينة : هههه لا .. 

هيفين : اوى بقا غير تشيم تشيم .. خذاك خطيبي غانتزوجو منين نكبرو ماتقوليش ليا هو بابا 😠 

جهينة : ماشي تشيم تشيم .. باباك سميتو بونغ بونغ .. 

هيفين : بونغ بونغ ؟!! هههه زويينة بوونغ بوونغ و فيين هو .. 

جهينة : فبلاصة بعيييدة .. حتى انا كانتسناه يجي .. 

هيفين : و علااش باقي ماجاش اشنو كايدير .. واش مابقاش عاقل على الطريق .. علااش باقي ماجاش ؟ 

جهينة : حتى انا ماعرفتش ... 

هيفين : اجي نعيطو ليه .. 

جهينة : مابقاتش عندي نمرتو .. 

هيفين : اوى ياله نمشيو حنا نقلبو عليه .. 

جهينة : مانقدروش احبيبة .. 

هيفين : وعلااش اماما .. عافاك بغيت نشوف بابا .. حتى انا بغيت يكون عندي بابا .. 

جهينة : ماكرهتش ليك احبيبة .. راه كان بابا حتا انا .. و لكن .. 

هيفين : ياله عطيني نشوف تصويرتو .. 

جهينة : كولشي خليتو فالمغرب .. 

هيفين تقلقت و خبطات فوق غطاها : اوووف .. انا بغيت نشوف بابا .. 

جهينة تنهدت لحال بنتها و قالت : انا غادي نقولك كيف داير و انت تخيليه .. 

هزات هيفين عيونها فماماها كاتسناها تتكلم .. 

جراتها امها لحضنها اكتر كاتلعب فشعرها و قالت : بااباك احبيبة .. كان راجل طوييل و قد عمو تشيم تشيم و عمو وين وين ..

هيفين : ماشي بحال عمو مين مين القبيح .. 

جهينة : اولا ماتقوليش على عمو مين مين قبيح حشومة .. تانيا لا .. عمو مين مين كبير بزاف .. باباك كان شوية ... كان شعرو كحل و طويل شوية .. كانت عويناتو عسلية بحال ديالك .. و شفيرات طويلين حتاهما بحالك ... كانت عندو اللحية و عزيز عليه يلبس غير الكحل .. كان قلبو ابيض و حنين واخا كاتباان فيه قبييح .. و كان احسن طباااخ ماكلتو بنييينة بزاااف ... كااان ذكي و راسو عاااامر كان عااارف بزاااف الحواايج ... هو لي علمني بزااف ديال الحواايج ..و هو لي سمااك هيفين .. كان كايتسناااك بفاارغ الصبر .. حتى و انت فكرشي كان يظل يهضر معااك و انت كاتضربي فكريشتي .. 

هيفين بحماس : بالصح بالصح .. واش كان كايبغبني؟ 

هيفين : اكيييد .. كان كايموووت علييك و كان ديما كايفكر كيفاش غاتكووني و كاان باغيك تشبهي ليا ... و فالاخير تحقق حلمو و لكن ماشافوش .. 😔 

هيفين ناضت وقغات فوق السرير : انا بغيت نشووف بابا ... ياله نمشيو عندو .. 

جهينة : فين غانمشيو ابنتي .. جلسي واش كايسحاب ليك ساهلة هكا ؟ 

هيفين : انا ماشي سوقي بغيت بابا .. 

جهينة : و على انا مابغيتوش ؟ حتى انا بغيتو .. 

هيفين : اوى باله نمشيو عندو .. يقدر يكون هو موضر و ماعارفش الطريق .. 

جهينة : الله ابنتي و كون كانت الامور ساهلة كيف كاتبان ليك .. 

هيفين جلسات بخيبة امل و كاتغبن : دابا انا ماغاديش نتلاقى مع بابا ؟ ماعمري ماغادي نشوفو بعينيا .. انا غاعما قنعني نتخيلو .. عافاك اماما ياله نقلبو علييه .. عااافاااك .. 

جهينة: هيفين .. صافي وقت نعاسك دابا .. 

هيفين : الا .. مابغيبتش .. انا غانمشي ننعس مع عمووو .. انا مخاااصمة معاااك 😠😢 

مشات هيفين و خلات امها جالسة .. مقلقة باغية تبكي حيت توحشاتو ... معصبة منو حيت تخلى عليهم .. و اخر شي بقات فيها بنتها لي ماليها ذنب فهادشي .. هاد المرة فكرات من ناحيتها هي .. بعيد على مشاكلها معاه .. خاصو يتلاقا ببنتو و هي تتلاقا معااه .. نعسات و هي كاتفكر .. و لكن ماقدراتش توصل لحل لهادشي لي هي فيه .. اولا هي لي كاتقاوم لاخر نفس باش ماتدمرش داكشي لي بناتو هاد 4 سنوات كاملة 

اصبح يوم جديد .. 

كانت جهينة و تولاي و طه و حتى هيفين لي قالبة وجهها جالسين كايفطرو .. 

جهينة : باقية مخاصمة معايا ؟ 

هيفين : بعدي مني ..😠 *ناضت طلعات كاتجري*

طه : مالك مع هفهوفة ديالي .. جاتني كاتبكي البارح مابغاتش تسكت حتى نعسات .. 

جهينة : بغات تشوف باباها .. 😔

تحلو عينيهم فيها ب2 .. و نطقات تولاي .. 

تولاي : و لكن اش فكرها فيه فجأة .. 

جهينة : هاد النهاار كان لابد غايجي .. و انا وحلت و ماعرفتش اشنو ندير ... ماشي من حقي نهائيا نحبسها منو و فنفس الوقت ماعرفتش واماعندي حتى فمرة على ردة فعلو .. نسيتو النهار لي مشا عندو عز .. 💭💭 

#فلاشباك ↪

هادشي كان وراء8 اشهر وراء الحادتة ..

عز كان متنكر بلباس من السيكيريتي داخل الشركة .. قدر يسلت بعد مشقة فالدخول .. 

قلب على مكتب ايرتان .. و فودنيه مسمعات باش يتواصل مع البقية .. كولشي كاان كايتسنى خبارو باشد من الشوق .. 

وهو كايقلب ... داز من حدا واحد من السيكيريتي ... دور وجهو باش مايقعووش .. داز داك السيكريتي و بقا كايحقق فيه و لكن فلت منها .. مشا تحرك يربح الوقت قبل مايتكشف ... طلع كايقلب طابق بطابق .. و لكن قبل مايوصل لهدفو .. لقا مجموعة ديال الاجسام الضخمة جايا لجهتو .. بدا كايجري و يقلب .. لحقوه و قدرو يشدوه و نوضها معاهم .. سلخ اغلبيتهم و لكن الحمية كاتغلب السبع .. قاوم لآخر نفس .. حتى تحل الباب العريض قدامهم و خرج ايرتان بملامح غاضبة غوت : اش وااقع هنا .. 

توقفو كااملين و شدو عز ... 

تفاجأ عز من نظراتو .. لي اصلا ماتوجهاتش ليه ... اش هاد البروود .. ايرتان الحقيقي كاان غادي يدخل معااه فالعرااك واخا بكون عز الظالم ... ياله غاينطق باسمو و خرج عمر .. ربت فظهر ولدو و قال ... 

عمر : اش كاين اولدي .. 

ايرتان : ماعرفتش هادو ماالهم .. 

عمر : اش وااقع انتوما .. داخلين عندي حتال هنا و نرونين ليا الدنيا .. 

واحد منهم : كانعتاذرو اسيدي .. خطأ ماغايتكررش .. 

تيرتان : باله خرجو من هنا .. و سويو مشاكلكم فجهة اخرى .. 

دخل ايرتان و تبعو عمر ... عز بقاو عينيه خاارجين من الصدمة .. ماتيقش .. كانت نظرتو ليه فاارغة بحال الى عمرهم كانو عشران ... هزوه خرجوه و مشا نيشان عند البقية عاود ليهم .. حتا واحد مادخلات ليه هاد الهضرة لراسو .. و بعدها كولشي محاولاتهم فشلات لان عمر خدا حيطة اكبر ... بعد هاد الاحدات وصلات جهينة البرة ديال طلاقها .. و هنا بداو كايتقبلو بلي ايرتان كايتبدل و لا على الاقل كاينة شي حاجة ماشي هي هااديك ... 

#عودة للواقع... 

طه : و لكن هاذي راه بنتو .. وداكشي راه داز عليه 4 سنين و زيادة دابا .. علاش ماتغامريش على قبلها .. 

جهينة : و الى رفضها .. انا مابغيتش تجرح مشاعر بنتي ... مابغيتهاش تصاب بخيبة امل .. ماكانش عليا نهضر عليه .. 

طه : هضري معاه انت اولة .. و ديك الساعة شوفي .. 

جهينة : ماعرفتش قلبي مقبووط ... خايفة .. راه انا و ماغانستحملش .. عرفني كانقولةهادشي و مستغربااه .. ايرتااان .. عرفتو شكوون هو اييرتااان .. داكشي لي كاان بيناتنا راااه شي حاجة لي اعمق من غير 2 كايبغيو بعضهم .. ولكن فاش مانتفكر بلي كلقني و ناقلبش عليا .. صافي كانسى كوولشي دامشي لي فات بيناتنا .. انا غانحمااق ماعارفاش راسي اشمن اتجاه نشد .. 

تولاي : عندي ليك الحل .. هو تواجهيه .. بيناتكم بنت اجهينة .. بنت .. على ااقل ديري لي عليك .. بنتك مقيدة على كنيتك .. واش ماعارفاش هادشي غيأتر فمستقبالها من بعد .. سيري ديري السبة بالنسب ديال بنتك ... و ديك الساعة هضري معاه وواجهيه .. 

جهينة سهات كاتفكر و قالت : ايه... و نخلي الخدمة و قراية البنت و نمشي للمغرب ؟ 

تولاي :بنتك غير فالحضانة راه كاتمارس غير انشطة... ماغايأترش... و البارح قلت ليك غادي نأجل كولشي باش تفرغي للتدريب ... و شوفي الصدف كيف دايرة .. التدريب ديال الرقص ديالك انت و باقي الممتلين غايتم فالمغرب .. 

جهينة : اويلي .. واش هاذي كاملة صدفة .. 

توباي : اه الالة .. حتا انا استغربت ولكن راه هاد المدرب لي بغا يخدم معاه المخرج .. عندو صالة كبيرة فالمغرب .. و كولشي الممتلين غايمشيو حتى هما .. 

طه : اوى شوفي هادي اشارة من الله باش تمشي .. كولشي الامور مسهل ليك فيها باش تمشي .. 

جهينة : غاديا لموتي برجلي .. و لكن كولشي على قبل ديك الفصعوونة غاتجيب اخري .. صافي .. غانمشي و امري لله .. 

طه : غادي نوقف الخدمة و نمشي معاكم .. 

جهينة : بلاش خليك فخدمتك .. 

طه : لا ضروري نكون معاكم .. 

تولاي : اذا نبدا نوجد من اليوم .. 

جهينة : وجدي اختي .. انا غادي نمشي نعلم ماما و بابا ... نطلع نشوف ديك الفصعونة اش كادير .. 

تصالحت جهينة مع بنتها .. بعدما خبراتها بلي موافقة و غايهبطو للمغرب يقلبو عليه .. فرحات و قلبات الدنيا بضحكها .. بدلات ليها و خرجات هي و ياها .. ركباتها لور و ركبات القدام و انطالقت لفيلا ايدين .. 

بعدما وصلات .. دخلات هي و بنتها ... لقات ايدين و بيراي و اشراق مجمعين .. 

سلمات عليهم و جليات .. 

اشراق : مالك بايتة تحلمي بينا ؟ 

جهينة : جيت نخبركم بشي حاجة .. فين الدراري .. 

دخلو اشرف و فؤاد ..سلمو وجلسو .. 

فؤاد : ها حنا ... ياك لاباس .. 

جهينة : فين عز .. 

ايدين : مسافر عندو شي شغل .. ياك لابتس اش كاين .. 

هيفين : حنا انمشيييو نقلبو على بااابااا 😁 

الكل علات وجووهم الصدمة .. 

جهينة : كاطيري ابنتي .. 

ايدين : واش هادشي بالصح .. 

جهينة : اه ابابا .. ماغاديش نرتاح الى ماواجهتوش .. غاندير لي عليا ... 

اشرف : ولكن شنو هاد التغيير المفاجئ عاد البارح .. 

جهينة قاطعاتو : ااه .. حتال البارح كولشي كان هو هذاك و لكن هيفين .. كنت انانية و مافكرتش فيها .. داكشي علاش بدلت رأيي .. 

فؤاد : و الى دار ليك لي دار لعز ؟ 

جهينة : تما .. يحن الله .. 

بيراي شدات غيدها و قالت بترجي : انا بصراحة بغيتك تمشي عندو .. بغيتك تباني يمكن يحن و نعرفو شنو بيه و علاش تبدل .. 

جهينة : ماتخافيش اماما .. ان شاء الله يكون خير .. 

ايدين : ولكن ابنتي القضية ماساهلاش .. كيفاش غاتشوفيه .. انت ماعارفاش تش درنا باش نوصلو ليه .. بااه عارفني مانسيفط رجالي ليه باش نوصل ليه .. داك الكلب حااضي .. لا فيلتو و لا الشركة .. ايرتان ديما مرااقب ... قول ليا انت كيفاش غادي تدخلي لعندو .. 

جهينة : غانشي تما و يحن الله .. اصلا عندي خدمة فالمغرب .. 

افؤاد : اذا صافي غانهبطو معاك للمغرب .. 

جهينة : واش بالصح .. يعني ماغانبرزط.. 

اشرف : اكيد واش حنا غانعرفوك غاديا للمجهول و نخليوك .. مهم غادي نتعاونو و نشوفو كيفاش نوصلوه .. 

جهينة : ان شاء الله .. مهم انا غادية غانمشي نجمع حوايجي .. غذا ان شاء الله غانمشيو .. 

الكل : ان شاء الله .. 

جهينة : ياله هي .. هيفيين فيبنك .. فين مشات خادي باسم الله الرحمان الرحيم . 

اشرف : هههه راه خرجات للجردة .. 

جهينة : ياله الله يعاونكم .. 

✈بعدما وصلو للمغرب ... تفرقو لغرف الاوطيل 

اشراق و اشرف .. جهينة و بنتها و تولاي .. فؤاد بوحدو و طه كذلك .. 

بعد ما استاراحو .. 

جا وقت الغذاء .. تجمعو و خرجو لاقرب مطعم عائلي.. منها يتغداو و منها يناقشو اشنو يديرو .. 

جهينة : هيفين جلسي اماما كملي ماكلتك.. 

هيفين : لا اماما بغيت نلعب تما *كاتشير لحديقة ملحقة بالمطعب فيها العاب للصغار و بيناتهم زاج كايبين * 

جهينة : لا ماغاتمشي فين .. 

اشراق : خليها راها غير قدامنا .. 

جهينة : واخا .. بقاي قريبة .. 

هلطات هيفين و خرجات تلعب .. 

فؤاد ؛ انا بصراحة تقاداو ليا و ماعرفتش اشمن طريقة تخلينا ندخلو للشركة ولا للدار عندو .. 

خرجات هيفين تلعب مع الوليدات .. و لكن حتى وااحد ماقدر يفهمها .. حيت كاتعرف تهضر غير بالتركية .. كاتفهم شوية الدارجة و لكن ماكاتعرفش تهضر بيها ... بقا فيها الحال .. دورات عينيها و بان ليها مقعد بعيد شوية على فين كاينين الدراري الصغار .. جلسات كاتشوف بعينيها مقلقة .. شافت فجنبها .. كان راجل فاواخر العشرينات ... لاحظت بلي لابس ملابس سوداء بكويرة ... خواتم و سلاسل .. لحية و شعر اسود مبعتر و غارو فيديه .. قربات ليه و بقات كاتشوف فيه .. 

تلفت ليها و لفتو شكلها .. بنيتة صغيرة بكسيوة وردية و شعرها كتيف طويل و مموج .. عوينات عسلية كبار مشفرين .. و حنيكات مزينغين .. 

بعد انظارو عليها و قال : سيري تلعبي البنت .. 

نطقات و قالت بالتركية : مابغاوش يلعبو معايا .. 

تفاجأ من لغتها وساط غارو بعيد على وجهها و دوزو للجهة الاخرى و جاوبها بالتركية : انت ماشي مغربية اذا .. 

هيفين : ياااي كاتهضر بلغتي انت تركي ؟ 

جاوبها : شوية ... 

هيفين : انا ماما مغربية ولكن كبرت فتركيا .. 

جاوبها : و علاش جيتي للهنا .. اجي بعدا فين مك .. ماكاتعفيش باي ماخاصكش تهضري مع الغرباء و خاصة ناس بحالي .. 

هيفين : اه عارفة .. و لكن ماتقدر دير ليا واالو .. حيت تشيم تشيم و وين وين و مين مين و طوها غادي يلقاوك و يضربوك .. 

جاوبها :هههه و شكون هادو اصدقائك الخياليين و لا نونسات ديالك .. 

هيفين : الاا .. هادو عماامي .. و واحد فيهم خطيبي هو تشيم تشيم .. 

جاوبها : اشنوووو .. خطيبك !! 

هيفين : ااه .. فاش غانكبر غانتجوجو .. 

جاوبها :جدييدة هاادي فين الحمقة ديال مك .. و الاهم من هادشي فييين داك المكلخ المهمل ديااال باااك .. واش عارفك كاتقوولي هااد الهضرة .. 

هيفين : ماتعايرش ليا ماما و باابا .. انا و ماما جينا نقلبو على بابا حيت موضر لينا .. 

جاوبها : سعداتو عندو لي يقلب عليه .. شنو سميتو ... نقدر نكون كانعرفو .. 

هيفين : سميتو .. بونغ بونغ .. 

ايرتان ضحك و رددها : بونغ بونغ .. كيفاش بونغ بونغ .. هاذي سمية ؟ انت لي سميتيه هكا؟ 

هيفين : لاء ماما .. و سمات عمامي كااملين .. 

ضحك و قال : هههه هااد ماماك بان ليا انت عندك العقل عليها ... *كمل و قال * و اشنو سميتو من غير بونغ بونغ .. 

دورات وجهها و دايرة صبعها في فمها ماتفكر و قالت : ماما .. قالت ليا فاش كنا فالطيارة .. واحد السمية و نسيتها .. 

طفى الغارو و لاحو و جاوبها: كيفاش نسيتي .. كاينة شي بنت كاتنسا سمية باباها ؟ 

هيفين : ااه تفكرت .. ج..جلااا...ااجلااا

جاوبها : جلاال .. ؟ 

هيفين : لااا .. جلاا..جلاا.. *داز راجل كايغوت فتيليفون ؛ شد دااك الجلاااخة انا جااي لبووه *

هيغين : اااه جلااخة .. 

ايرتان باستغرااب : جلاااخة .. هادي راه ماشي سمية 

هيفين : اوى ماما بقات كاتقول لطاتي عليه جلاخة .. اتكون هادي سميتو .. 

ضحك و بانو اسنانو .. اول مرة ف4 سنوات كايضحك من قلبو .. اااه كان ايرتان .. 

جاوبها : سمعي ... حشومة تقولي هكاك على باباك حيت كلمة خايبة ..ماماك وحدة غبية منين كاتعاير باباك قدامك .. 

هيفين : اذا حتى انت غبي منين كاتعاير ماما قدامي .. 

ضحك و قال : بااينة فييك بنت ذكية .. و اكيد ذكاءك ماوارتاهش من ماماك .. 

هيفين : كولشي كايقول ليا ذكية بحال باباك .. داكشي علاش بغيت نتلاقا معاه و نعرف هادشي .. 

ايرتان : واخا .. ماعرفتيش سميتو قولي اشنو خدام .. 

هيفين : ماما قالت ليا كان كايخدم بحال خدمة ديال سوبر مان .. 

ايرتان : هههه كيفااش .. زعما بوليسي 

هيفين : لاا سووبر مااان كايحارب الاشرار ...

ايرتان

ايرتان : قولي ليا شحال فعمرك .. 

هيفين : فعمري .. 4 سنين .. 

ايرتان متمتم : عقلك كبير بالمقارنة مع سنك .. 

هيفين : و انت 

ايرتان : حتى انا 4 سنين .. 

ضحكات و قالت : مايمكنش .. كاتفلى عليا .. 

ضحك لضحكها و العفوية باش كاتهضر .. خلاتو مشدود ليها بطريقة غريبة .. طريقتها باش كاتهضر و حركاتها و صويتها الصغير .. خلاه فعالم من الوان من صنعها .. بحال الى هي و ياه بوحدهم .. جاوبها : بالصح .. حتى انا عشت غير 4 سنين .. 

جاوباتو : اممم اذا انا و ياك قدقد .. قوليا كيف درني كبرتي دغيا باش حتى انا نديرها و نتجوج دغيا بتشيم تشيم .. 

ضحك و قال : ماعرفتش علااش حاس بهاد تشيم تشيم شخص ماكايسواش وخاصو شي قتلة العصا .. 

هيفين : لا .. تشيم تشيم زوين و ديما كايجيب ليا الكادواات و كايخرجني بزاااف و كايخليني نطلع فوق ظهرو و يدير بحال حصان الاميرة .. 

ايرتان : شفتك طولتي معايا الهضرة و مابانتش هاد ماماك .. 

هيفين : ماما غاتكون مشغولة دابا مع وين وين و تشيم تشيم و طاتي اشراق و طاتي تولاي و عمو طه .. 

ايرتان بالدرجة: تبااركالله فرقة ديال كورة ماقادين يشدو بنيتة .. دابا كون ديتها مايجيبو للدنيا خباار .. نسحاب راسي غير انا لي صغع فعاد الدنيا و زايد وسط شلة ديال المنافقين .. هاهي بنت زايدة وسط شلة ديال المسطيين .. خطيب و نونوسات و سوبر مان و ام حمقة ... و لكن دارها بااك المكلخ لي ماعرت فين مخشي و مخلييك .. 

هيفين بالتركية : اشنو قلتي مافهمتش .. 

ايرتان : نوضي البنت .. سيري عند ماماك .. و ماتبقايش دوري بووحدك .. و اخر مرة تهضري مع الناس لي ماكاتعرفيهمش .. و فاش تشوفي باباك عاودي ليه على هاد تشيم تشيم .. لعلا وعسا يعطيه شي دقات ... ياله نوضي سيري .. 

ضحكات ووقفات و قالت ليه : انت ضريف واخا كاتبان شرير .. بحال بابا .. بسلاااااامة .. 

مشات و خلاتو كايشووف فيها حتى غبرات .. احس بيها قرييبة ليه و لاول مرة كايجالس شي حد و يهضر معاه باريحية بلا مايبقا يخاف من النفاق و لا الكذوب ... بنيتة نقية بريئة ماكاتعرف لا غش و لا كذوب و لا نفااق ... ماكرهش كون كانو بالو هاني بحالها .. 

كانت جهينة خارجة حتى هي تقلب على الفصعونة حتى بانت لبها جايا داخلة .. 

جهينة: احي لاهنا العفريتة .. قلت ليك ماتبعديش من قدامي .. فين كنتي ؟ 

هيفين : كنت لهيييه .. تلاقيت مع صدييق حتى هو كايهضر بالتركية .. و كايشبه لبابا .. 

جهينة : ك.. كيفاش ؟ 

هيفين : ياله معايا .. نوريه لييك .. 

جهينة كاتفكر : زعما يكون ايرتان هذا .. 

يتبع