قدري أن أحبك الجزء 36

خرجات هي و ياها .. و لكن مالقاو حتى حد .. 

جهينة : فين هو .. كاتحماقي عليا ياهاد البنت .. 

هيفين : اووف مشا .. والله اماما حتى كان بالصح .. 

جلسات امها قدامها و قالت ليها : احبيبة .. اخر مرة تهضري مع الناس لي ماكاتعرفيهومش .. تفاهمنا .. 

هيفين : واخا اماما .. ماعمري مانعاودها .. 

باستها جهينة و شدات فيها دخلو و هي كاتدور تشوف بعينيها ... 

فالشركة .. دخلات نيرمين هازة شي وراق .. استاذنات و دخلات .. 

جلسات قدام عمر .. و قال ليها .. 

عمر : كاين شي جديد ..

نيرمين : لقيت العارضة لي غاتكون اواجهة ديال منتوجاتنا .. 

عمر : بالصح و شكون هي .. 

نيرمين : ممتلة تركية مغربية الاصل .. ناجحة و مشهورة فتركيا و تعرفات حتى فباقي الدول العربية بعدما تعرضو اعمالها فالتلفازة العربية .. دخلات للمغرب اليوم .. بسبب بعض الاشغال عندها هنا .. و هاذي فرصة لا تعوض باش نقدرو نتواصلو معاها و ناقتارحو علبها .. و عااد هي زوينة و ملامحها شابة و طبيعية .. كولشي المواصفات مناسبانا .. هااك هاذي صورتها .. 

خداها من عندها و شاف فيها و قال .. 

عمر : اممم .. زوينة .. كولشي كاين فورمة و زييين .. هااد الشوفة لي دايرة كاتبان عندها شخصية و كاريزما .. 

نيرمين : شفت شي مقابلات و قريت شي مقالات عليها .. هي شخصية مستقلة و قوية .. عندها تأتير زوين .. جدية فالعمل ديالها و قدرات تتبت راسها غير ف3 سنين .. ادوارها واحد ماكايشبه لاخر و هادشي لي كاتبت بلي هي متمكنة .. 

قال و عينيه مابعدوش على الصورة : واشنو جالتها الاجتماعية .. 

نيرمين : هي مزوجة و عندها بنت هادشي لي كاتقول ولكن ماحاطاهمش فالصورة و مخلية عائلتها فالخفاء .. 

عمر : امم خسااارة .. هاد الزيين كامل مربوط .. احم مهم تواصلي مع مدير اعمالها و حددي شي موعد .. 

نيرمين : واخا اعمي .. 

عمر : تباركالله عليك ابنتي .. هكا نبغيك .. 

تبسمات و خرجات .. تلاقات بايرتان داخل .. غير شافها و زفر قالب وجهو .. جات عنقاتو .. بغات تبوسو وبعدها .. 

ايرتان : شحاال من مرة كانقولك مااقربيش ليا و ماتمرينيش بديك الصباغة لي فوجهك ... 

نيرمين : احم .. نسيت .. مالك ماتسنيتيني نخرجو نتغداو برا .. 

داز دخل لمكتبو بلا مايجاوب .. تبعاتو و سظات الباب .. 

نيرمين : واش غاتبقا ديما تتجاهلني هكا .. واش ماقادرش تحس بيااا ؟ 

ايرتان : اوى مالك ماتحيي بيا انا و تخليني مع همي .. ماخاصنيش همك حتى انت .. 

كان واقف قدلم الزجاج كايطل على التحت ..قربات ليه و حطات يدها على كتفو : علاش مصعبها على راسك و عليا .. اشنو بغيتي الماضي الى الحاضر و المستقبل كولو قدامنا ..خلينا نزيدو بعلاقتنا للقدام و نطوروها .. خلينا نتزوجو .. 

نفض يدها و قال : الزواج هو لي ماغايكونش مادام انا باقي ماتفكرت والو ... سيري من قدامي هاد السااعة مامساليش ليك .. 

خرجات و الدمعة على عينها و رجعات لمكتبها سدات عليها .. 

ايرتان شعل غارو و ساطو قدامو .. بعد انظارو لبعيد كايفكر فديم الصغيورة لي صورتها و ضحيكتها بقاات قدامو .. 

ايرتان ؛ ديك البنت شي حاجة فيها ماشي طبيعية .. تولدات فالوقت لي كنت شبه ميت فيه ..

#فلاشباك ↪ 

بعدما ايرتان دار الكسيدة ... 

خرج ياسين من سيارتو شافو لقاه مدغدغ و واحل وسط حطام السيارة .. هز الوراق و اي حاجة فالسيارة كاتتبت هوية ايرتان و هرب ... 

تجمعو الناس و عيطو للاسعاف .. داوه و ياسين بقا متبع لي واقع .. خبر عمر بلي وقع و قال ليه يبقى حتى يعرف واش مات .. 

بقى فالمستشفى غيبوبة تحت اسم مجهول و تاحد ماوصل ليه .. الوقت لي كانو الدراري قالبين عليه الدنيا ... 

و عمر لي كان حاجبو على الانظار باش ايدين مايوصلوش حتى من السيارة تخلص منها ... 

قدرو الدراري يوصلو لداك المستشفى و عمر سبقهم بخطوة و سيفط لي يديه من تما و هاذشي ماكانش صعيب عليه .. الفلوس كادير الطريق وسط البحر .. سفرو لبلد تاني لندن .. و تما كان خلاه مدفون فغيبوبة لا والي و لا تالي داز عليه شهر هكاك .. قبل كان كايخطط يصفيها ليه فمرة ... و لكن منين شافو فغيبوبة .. تراجع و امل انه عمرو يفيق مرة اخرى ..حتال النهار لي جاه اتصال و قالو ليه ولدك فاق و لكن ماعاقل على والو .. و هنا ضرب الف حساب و حساب و استاغل الوضع لصالحو .. مشا لعندو و عرفو لي بغاه يعرف و رسم ليه حياة غير لي كان عايشها .. عجنو و شكلو كيف بغا .. ايرتان كان كيف الاطرش فالزفة فالاول .. كان تحت تأتير المهئات و حتى الصدمة .. من بعد خلاه تما لشهور طويلة و كان معاه فيها .. قنع كولشي نيرمين و المحيطين باش يقنعوه بنفس الكدبة .. و هادشي باش مايتفكرش الماضي الاليم مع امو .. ديك المراة الحمقاء لي كانت عايشة بادوية مضادة الاكتئاب و الشراب .. المراة الغدارة الحقيرة لي كانت السباب ايرتان فحادتو حيت كان كايتخاصم معاها .. هاذشي باش كذب عليهم و كذب على العالم كامل و كلهم تيقوه ز دارو لي قال ليهم ... و خرج منها داك الزوج لي كان صبور و الاب المحب .. كان عارف كيفاش يرد كولشي لصالحو .. طلقها و لاحها فمستشفى الحماق حتى لقاها ايدين و خلصها .. عرف عمر بهادشي و مابقاش عندو لزوم بيها من غير ماتقربش .. عرف بلي هي ماغاتخلاش على ولدها و بلي ايدين غادي يدير جهدو باش يقلب عليه و لكن عرف كيفاش يحصنو و يخفيه عن عينو ...

بعد شهور تعافى كليا و رجعو داك ايرتان التازي لي بغا .. ايرتان كان يدور و يدور و يسول ... و لكن عمر اجوبتهم رضاتو ... 

تعاشات العشية ...هابطة تولاي كاتجري فوسط الاوطيل .. توجهات لفين جالسين مجوعين .. هازة تيلي و جلسات كاتشهق .. 

جهينة : اويلي مالك .. 

تولاي : ماغاتيقيش لي وقع .. 

جهينة : اش غايوقع امتر من هاد الحريرة لي انا فبها .. 

اشرف : ماعليش .. غايجي عز و غادي يقدر يعاونا نلقاو شي خطة .. 

تولاي : وا الحل جاكم برجليه .. 

الكل : اشنووو .. 

تولاي : عيطات ليا وحدة من المدراء المشرفين من شركة beauty&me .. شركة التازي لمستحضرات التجمييييل .. 

اشراق : نووواااي .. 

جهينة : واش متأكدة .. الشركة لي خداام فيها عمر التاازي و ايرتاااان .. اوييلي واااش كاتهضري بالصح 

تولاي : ياله ساااليت معاها الاتصال... كانظن عرفو بمجيأك .. 

جهينة للدراري : ناااري.. عرفني جيت و يقدر يحيد ليا البنت .. اننااا خايفة من داااك عمر .. 

فؤاد : جهينة تهدني ... اكيد ماعارف واالو .. كون كان عاارف مستحيل يدخلك لشركتو .. و البنت هو اصلا مابغاهاش علاش غاياخدها ليك .. 

اشرف : و زيدي عليها انت مبدلة تماما على الماضي .. شعرك ولا قصير مسرح مبدل لونو .. الماكيااج لي وليتي ظيري شحال هادي ماكنتيش كاديره .. و اغلب الوقت كنتي كادير نظاظر مغبرين كمارتك .. زيدي عليها اللبس و الستيل و فورمتك .. و بحال هذاك الناس لي كايخرجو من حياتو كاينسااهم .. و اكيد مابقاش دايرك فراسو .. 

طه : و زيدي عليها بلي حياتك الشخصية جتى حد ماهارف عليها شي حاجة .. الحاجة الوحيدة لي عارين هي اصلك مغربي مزوجة و عندك بنت .. و اسمك خفي .. اشنو لي مخوفك اكتر .. 

جهينة : ناااري طلع معايا الصهد ديال بصح دابا .. بلاني قولي ليا اشنو قلتو و فاش هضرتو .. 

تولاي : بااينة بغاوك واجهة لمنتجاتهم .. راك مشهورة حتى هنا و خاصة انت مغربية الاصل غادي تكوني سفيرة لمنتجهم .. 

فؤاد : خبر احسن هذا ماكاينش .. 

اشرف : و فرصة بحال هاذي ماكاتعوضش .. 

اشراق : و الى قلتي لا غانوض نقتل مك .. 

جهينة : و .. واخا .. غادي نغامر .. راه باقي احتمال انه يكون كايعرفني .. و ايرتان فين من هادشي كولو .. الى خفيت على عمر ماغانخافاش على لاخر .. 

طه : و هادشي لي بغينا .. ماكايهمكش عمر .. لي كايهمك ايرتان لي خاصك تشوفيه .. 

جهينة ؛ واخا .. و الى مابغاش يهضر معايا و تجاهلني .. 

فؤاد : شوفيه بعدا و من بعد غادي نهضرو .. 

جهينة : يااربي تستر ياربي .. تولاي امتى الموعد .. 

تولاي : غذا .. 

جهينة : اشنووووووو  😱😱 

تولاي : وا ماعندك والو غذا اش بغيتي نقوليهم العام الجاااي .. 

جهينة : نااري رجليا فشلو عليااا .. 

اشراق : من هادشي كولو .. توحشتيه و بغيتي تشوفيه .. 

نغزها اشرف تسكت حيت معاهم طه .. لي دور وجهو كايحك مؤخر راسو .. 

جهينة : احم .. انا غانطلق نشوف هيفين كوراها فاقت .. 

مشات و خلاتهم كايناقشو الموضوع .. 

طلعات للبيت .. لقاتها باقية ناعسة .. تكات حداها .. باست راسها و عنقاتها .. 

جهينة ؛ غذا غانشوف باباك ... غدا غادي نوقف قدامو و غانواجهو عيني لعينو .. عندي بزاف الاسئلة نسولها ليه .. غادي نضربو و نشفي فيه سمي و نوريه فين وصلت بلا بيه .. غادي نخبي عليه شحال باقا كانبغيه .. غانخبي عليه بلي انا تعيسة بلا بيه .. غانبقا قوية و ماغانطيحش قدامو ... مابقيتش جهينة ديال شحاال هاذي ..

#فلاشباك ↪

دارو للجهينة عملية قيصرية و قدرو يخرجو حميلها لي خرج قبل الوقت باسبوعين .. و لكن حالتها ساأت اكتر و اكتر .. دخلات غيبوبة و خلاتهم كايواجهو مشكل كبير فالرحم ديالها .. 

خرجات الطبيبة و لقااتهم كولهم واقفين و قلق كان حبس اي كلمة كانت غاتخرج من فمهم .. قالت الطبيبة : البنيتة الحمد الله لاباس عليها .. و لكن ماماها .. 

نسيم : بنت خويا اشنو بيها .. 

الطبيعة : دخلات غيبوبة ..كيف قلت ليكم حالتها النفسية ماساعدتش بل زادت كفيات الوضع دابا الام .. معرضة لخطر عدم التمكن من الولادة مرة اخرى .. وهذا بسبب مشكل وقع فالرحم ديالها .. خاصها عملية ضرورية و مستعجلة.. 

اشرف : اشنو كاتسناي .. ديرو ليها العملية .. 

الطبيبة : هاد النوع من العمليات غير متوفر هنا فالمغرب لسبب غياب المستلزمات الطبية المناسبة .. ولكن ممكن تجرى فامريكا و تما غاتضمن نجاح العملية بنسبة اكبر .. 

كولشي تصدم .. و مابقاو لقاو مايقولو .. قالت الطبيبة : شكون الزوج ديالها فيكم .. 

اشرف : ماجاش .. شي ظروف حبساتو .. 

نسيم : انا عمها .. و العملية غاتم .. و انا غادي نتكلف بكولشي .. 

الطبيبة : واخا تفضل معايا .. 

تنقلات جهينة لامريكا و كولشي تبعها .. بقا عز بوحدو لي كايقاب على ايرتان هو و ايدين لي كان كايقلب على براي فداك الوقت .. 

جهينة نجحات ليها العملية .. و اصبحت قادرة تولد مرة اخرى و لكن الغيبوبة مزال مافاقت منها .. 

كانو كلهم معاها مساندينها .. كل يوم عندها .. 

بعد شهر ديال الغيبوبة .. فاقت هي و ايرتان من الغيبوبة فنهار واحد .. غير هو فبريطانيا و هي فامريكا ... 

اول مافاقت .. لقات ماماها جالسة قدامها و هازة بنتها .. و كاتبكي عليهم .. 

شافت فبها و عقلها غير مدرك .. كاتشوف فماماها غير كاتحرك فمها و كاتبكي و تضحك و تبوس فيها .. 

بعد مدة ما استرجعات وعيها و معاينة الطبيب دخلو كولشي عندها .. و كان عز التاحق بيهم هو ايدين .. وقعو اشتباكات بينو و بين نسيم و لكن قدرو يحلو المشكل .. 

جهينة لي مااستوعباتش هو امها .. لي حية ترزق قدامها .. 

طانت غير كاتشوف فيها و كانها غير مصدقة .. و كولشي ضايرين بيها فرحانين .. و لكن لي شرحوه ليها من بعد .. هو ان امها كان سكت ليها القلب و لكن قدرو يعتقو الوضع من بعد ..و دابا شفيت تماما من مرض القلب لانها كانت محتاجة غير ديك العملية و هي عمرها ذكرات هادشي لبنتها باش كاتهزش هم الفلوس و لكن الوضع اختالف من بعد .. فرحات جهينة و كانها حيات من جديد .. بل نيت حيات من جديد منين عنقات ماماها و بنتها بين يديها .. 

يتبع