قدري أن أحبك الجزء 39

خداتو هيفين بالهضرة و هنا فين قشعاتها جهينة .. 

وهو كايهضر وقف عليهم طه .. 

طه : هيفين .. حشومة نوضي اجي .. سمح لينا اسيدي على هاد الازعاج .. 

علا فيه ايرتان عينو ببرود و قال : بنتك ؟ 

طه : ا.. 

هيفين قاطعاتو : لا هذا عمو طووها .. 

ايرتان :عمو طوها ..

جرها طه و قال : كانعاتذر مرة اخرى .. 

جرها داخا و ايرتان بقا مقابلهم .. حتى جلسو .. شاف فحهينة لقاها كاتشوف بنصف عين .. حط الكاس لي فيديه مسح فمو و يديه .. و هز عبنو فيها بطريقة بينات ليها بلي كايشوف فيها .. 

دورات وجهها و شافت فهيفين : 

جهينة : اش عااد القبااحة انت.. فين كاتعرفي داك لراجل .. 

هيفين : انا مانعرفو .. ولا صديقي .. 

جهينة : و من امتى هادشي بالسلامة .. 

هيفين : شفتو داك النهار فاش كنا كانتغداو حدا الحديقة .. هو لي قلت ليك نعرفك عليه .. 

جهينة : اشنووووو .. 

طه : تهدني اجهينة .. 

وفجأة قاطعهم صوت ايرتان .. 

ايرتان : مدام اينور .. 

غير سمعات صوتو و هي تجمد فبلاصتها .. دارت عندو بسلو موشن و قالت : ن.. نعام .. 

ايرتان : انا غير بغيت نلقي عليك التحية .. مادام احنا زملاء عمل دابا .. اولا ؟ 

جهينة :ا.. ا.. اه .. عندك .. الحق .. 

طه : تفضل مرحبا .. 

ايرتان : كاترحب بيا ... واخا ماعارفش شكون انا ؟ 

تلبك طه و قال : ا.. الا كانعرفك .. عاودات جهينة بغيت نقول اينوور على خدمتها و صفقتكم .. 

ايرتان : اممم و لكن باش عرفتي بلي هو انا بالظبط.. 

تلبك طه و جاوبات جهينة بالزربة ..

جهينة : د .. دابا .. شفتك و قلتها ليه .. دابا .. 

ايرتان : اممم ... هي شفتيني و تجاهلتيني .. حشوومة .. 

جهينة : اا.. انا .. زعما كيف كاتشوف .. جالسة مع عائلتي راجلي و بنتي *وركات عليهم * مابغيتش نبرزطهم بشغلي .. انا كانحتارم وقتي لي كانعطيهم 

قالت هاد الكلام و كاتسناه يتفقص و يتبدلو ملامحو .. و لكن علات وجهو ابتسامة جانبية و قال : اممم باينة فيكم اسرة سعيدة و متفااهمين .. الله يخليكم لبعضكم .. *شاف فطه* عندك اسرة غزالة.. تهلا فيهم .. انا غادي نمشي الله يعاونكم .. *شاف فهيفين* بسلامة المشعكة ماديريش القباحة *غمزها و رجع شاف فجهينة و باقية على وجهو ديك الابتسامة الساخرة و مشا *

بقات جهينة كاتشوف فديك النقطة لي كانت فبها صورتو بعدما انداترت .. قلبها اعتاد يضرب بالجهد كولما شافتو و لا سمعت غير صوتو .. 

شاف فيها طه و قال : شي حاجة ماشي هي هاديك .. 

جهينة : س..سمعتيه اش قاال .. 

طه : انا بصراحة ماعرفتش اش غانقول ليك.. 

شافت جهينة فهيفين ... و هي كاتفكر فكلامو .. 

قالت بالدارجة : وصاك على عائلة لي اصلا كانت ديالو .. واش كان كايطنز عليا .. واش نيت دار الملح فالجرح و لا غير جاب ليا الله .. 

طه : ياله نمشيو فحالنا .. 

ناضو مشاو و جهينة كاتفكر و تخمم .. 

في فرانسا ... 

فاقت نيسرين كاتحك فعينيها و تجبد وسط السرير .. ناضت شوية و شداات فراسها بالم الصداع لي كاتحس بيه و خسرات سيفتها .. شافت حواليها ... حاولت تذكر اشنو وصلها لهنا .. و لكن ماعقلات على والو .. ناضت كاتمايل و خااسرة .. كان شعرها البني المذهب مبعتر و ماكياجها سايح الشي لي زااد من حدة ملامحها ... قادت كسوتها... هزات صباطها كاتلبس و افكارها مشاو بيها .. 

نيسرين : فين انا ياربي .. فين ماكسيم .. ياكما جيت مع شي وااحد هنا اوووف هااد السكرة لي خاارجة على ديييلمي .. ديما كانقول لداك ولد الق*** يحضيني .. خاصني نكركب جد مو طلع ليا فراسي .. 

ناضت متوجهة للباب .. بغات تحل لقاتو مسدود .. دار الساروت فديك اللحظة و تحل .. رجعات للور .. و تلاقات بعينيه القاسية .. توترات و خافت .. شكلو اخر حاجة ممكن توحي ليها بيه .. شي رئيس عصابة ماكايرحمش .. طلع و نزل فيها بطريقة خلاتها تهبط حوايجها على فخاضها .. 

تقدمات عازمة تدوزو و ترجع لحال سبيلها .. و لكن سد الباب فوجها و قال : 

عز : فين غادية الغزاالة .. 

بعدات نيسرين عليه و شافت فيه بخوف .. شخص شكلو ماترتاحش ليه نهائيا بنية ضخمة ببعض الوشوم ..ريحة رجالية قوية مرفقة بريحة السجائر.. نظرة شرقية حادة .. وقفة رجولية .. هادشي كان كافي باش تقدر تفكر تاخد منو الحذر و ظي ها بينها و بينو مسافة امان .. 

نيسرين : غ.. غادية فحالي .. 

عز : دخلي دخلي .. ماعندك فين تمشي .. 

نيسرين : ا.. كيفاش .. ماعندي فين .. نمشي .. شكون انت اصلا و كيفاش وصلت هنايا معااك .. 

شدها من دراعها و دخلها .. رماها جالسة فالفوتوي وقف قدامها كايعض على شفاهو السفلية و كايطلع و يهبط فيها ... 

شافت حوليها بخوف و توتر و جلسات بغير ارتياح .. هزات عينيها كاينقطو خوف و قالت : ش..شكون انت .. و كيفاش وصلت لهنا 

عز بسخرية : ماعارفاش ؟ اكيد السكاايرية مغاتعرفيييش .. و انت كاتلاوحي بين اليدين كيف شي ق*** معرية خراك و كاتشربي .. هادو فعايل بنااات النااااس ..

وقفات مقابلاه و عازمة تدفع جبهة .. اكيد ماكايقربها ماكايعرفها ماعندوش الحق يحااسبها . نيسرين: احتااارم رااسك ..و شكووون انت اصلااا لي تقووول ليا اشنو ندير و اشنو مانديرش .. شغلي هذااك .. حل ليا الباب بغييت نخرج... 

عز : ماخارجاااش ... هنا غاتبقااي .. 

نيسرين : اااش تسحاااب راسك الدنياا سايبة رااه فرانسا هاادي ماشي المغرب .. و زايدوون شكوون انت فهمني شكووون انت .. منين تسلطتي علياا 😡 

عز : انا الزوينة مسيفطاني مك نجيبك .. جالسة فتركيا ماعارفتك فييين مهولة علييك .. و انت هنا جالسة على الشطيح و الزديح و التقح*** مع اشباه الرجال .. 

نيسرين : ترجعني لماما حيت مهولة عليا !؟.. حل حل داك الباب .. باراكة من التخربيق .. 

قرب ليها و شدد قبضتو حول دراعها و قال ؛ اه .. مهولة عليك .. وانت غاترجعي معايا بلا ماتزيدي كلمة .. 

نفضات يدها منو و قالت : ماراجعة لفين و ماغاديا لفيين .. انا هنا بانية حياتي .. ماعندي عندمن نمشي ... 

عز : اشمن حياة باانية .. عايشة ليا مع رااجل مابينك و بينو وااالو .. ماكاتقرااايش ... لاااش عاايشة .. 

نيسرين :و علااش غانقرى و بابا كايسيفط ليا القد لي بغييت .. علاش نضيع وقتي فصدااع الراس .. اللهم ننشط و نعيش شبااابي .. هادشي ماكايعنيبكش اسي .. طلقني نمشي فحالي .. 

عز : اكيد لقيتيها سايبة .. لا باك لا حوك مساليين ليك .. درتي مابغيتي تاحد ماجايب خباارك .. 

نيسرين ضحكات بمرارة و قالت : قلتيها بفمك .. ماكاينش لي يتسوق ليا .. لا بابا .. و لا حتااا خويااا .. خليني لحال سبيلي ... نعيش و لا نمووت ماكايهمكش .. 

عز : قلت ليك ماغاتمشي فيين .. هادشي غييير نسااايه .. انت غادي تنساي عليا هاد عيشة الخرى لي عايشاها هنا .. غاترجعي لاصلك .. تلبنت المسلمة .. تجمعي راسك و تحصني راسك ... تنساي هاد الصحاب و الغارو و القصاير و الشراااب .. غاترجعي لقرايتك .. و تعيشي بحال ايها الناااس .. مفهوووم .. 

ضحكااات فوجهو باستنكااار .. بحال الى قال نكتة مضحكة .. 

استفزااتو و مالقا غيير يديه عطاها بطرشة سكاتاتها و جابتها للارض .. 

هبط لمستواها و شدها من ذقنها .. و قال بتهديد و هو كايغزز بسنانو : مفهوووم .. 

عند جهينة .. لي كانو مجموعين فالكافي ديال الاوطيل .. 

فؤاد : كيف قال طه .. الامر ولا غرييب بصراحة .. تلاقيتوه فمكان عمومي ماكان لاباه لاوالو و بقا مصر على فعلو .. 

جهينة : انا بصراحة تلبكت .. مابقيتش كانعرفووو .. احساس غريب و لا كاينتابني .. من جيهتو .. ايرتان عمرو فحياتو نوى و لا كان ناوي يجرحني .. هو عارف شكون انا و بلي لي معايا بنتو هو .. علاش قاال هكااك .. حاسة براسي غانحماااق .. تصورو نعت بنتو بمشعكة قدامي .. 

اشرف : بصراحة زدت تشوفت نشوفو .. و نعرف هااد الشوفات لي كاتوصفوهم كيف دايرين .. اجي سولتي هيفين اش قال ليها ؟ 

جهينة : هضرو هضرة عاادية .. هضرات ليه عليكم ... و عليا .. هضرات على خطوبتها مع نشيم تشيم 

ناض اشرف شاهق و قال : واااايليييي 😨

اشراق : ههههههههههههههه ضرتي وصلاااتها ليبه سخووونة .. نااري غانولي هجااالة .. 

اشرف : باااينة لاصبر عليك انت .. انا غايشوفني غايذبحني بدون تردد الا هااذي مادرت فبها لابيدي لا برجلي .. 

فؤاد : هههههه وقتك هذا .. واش حنا فين و لا فين ..

اشرف : ااه .. حيت ماشي انت لي فبلاصتي هو اصلا ماكايحملنيش .. انا دابا راه غانولي اب .. تابعاني مسؤولية.. كل حاجة ليها الف حساب و حساب .. 

جهينة : هههههه كون هااني .. السيد اصلا مامسوق لحد ... واشافني فحالة مخلة مع طه و ماتزعزش .. ماديرش فباااالك .. ايرتاان مابقاش كيف شحاال هاذي .. 

رجعو الكل تاني لحزنهم و قال فؤاد : جهينة .. حيدي عليا دابا هاد مشاعر الضعف و ركزي .. مادام باقي ماعرفناش السبب .. فراه كاين احتمال يكون مظلوم .. 

جهينة : كيفاس مظلوم و هو طلقني بلا حتى مايهضر معايا و لا يقولها ليا .. كون ماشيت لداري عمري نعرف ديك البرة و لا نشوفها .. 

اشراق : فؤاد عندو الحق .. حنا ضيعنا الوقت بزاف و حكمنا غير من الفوق .. دابا منين وليت باحتكاك معاه و كاتعاودو ليا جااتني شيي حااجة ماشي هي هااديك .. ايرتان لي كانعرفووه ... كاكيخاف من حد .. ذكي و عندو غير نيشان .. الى بغا يضرب كايضرب فوجهك .. 

جهينة : ااه .. عندك الحق .. و هادشي لي محيرني .. ايرتان قوي و كايعرف كيفاش كايتصرف و لكن حتال الغيرة .. نقطة ضعفو الغيرة و كوولنا عاارفين هادشي .. و راكم عاقلين اش كان داير ليا ... دابا كولشي لي كايعصبو و يستافزو درتو قدامو و ماتحرك فيه والو .. قبل كنت كانقول تجاهل .. و لكن دابا كانقول ماابقيتش كانعرفو .. شخص غرييب عليا تماما .. بحال الى شخص مااشس ايرتان .. ماشي راجلي .. ماشي هو نهاااائيا .. 

فؤاد : هادشي جاني معكل بزاااف و كاااين شي غموووض .. 

طه ؛ ضروري مايكون قال لهيفين شي حاجة .. تفكري اشنو قالت ليك .. ممكن تكون شي حاجة عادية و لكن تكون هازة مفتاح لهادشي .. 

جهينة سهات كاتفكر اشنو قالت و فجأة : اااه قالت ليا شي حااجة غريبة .. 

كولهم بحماس: اشنو هي .. 

جهينة : قالت ليا بلي عمرو 4 سنين و اميد هادا شيىء ماشي صحيح .. انا مافهمتش علاش قال ليها هكاك .. كان كايسحاب لي نيت تلاقات ولد فعمرو 4سنين .. و لكن صدق نيت راجل كبير .. 

اشرف : مايكونش قصد .. زعما .. بلي ..زعما .. 

اشراق : هضر اشنو .. 

اشرف : زعما بلي ياله عاد حس براسو عاش غير ورى 4سنين .. 

جهينة : زعمما بعدما تفك منا كاملين .. راك ماماتعاونيش و ممكن نوض نقتلك فهاد اللحظة .. 

اشرف : لا لا .. هضرة ماشي منطقية غير طاحت فبالي و صافي .. متأكد ايرتان عندو شي حاجة .. ايرتان مستحيل يصدرو منو هاد الفعايل .. 

نطق فؤاد و هو كايفكر : عاش ورى 4 سنين .. و فين مشاو السنين الاولى .. مايكوش فاقد الذاكرة ؟ 

جهينة : فاقد الذاكرة ؟!! و علاش زعما غايفقدها .. اشرف : اااه عندو الحق... نسيتو بلي غبر بعدما جبد الوراااق .. و راها مابقاش بان حتى داز علييها وقت .. 

جهينة و كان دخلها الشك : و منين باان .. بان شخص اخر .. و فوق هادشي عايش وسط باه و اجداه .. عمر كان عارف هادشي و تفك من ماما بيراي باش يدير فيه مابغا .. 

طه : ههههه سلو دااون غييرل .. 

جهينة : اااه .. وا تحلاات الحجاااية .. داكشي علاااش محصنو و حتى بابا ايدين ماقدرش يوصلو .. استغل وضعو و داار فيه مااابغااا .. يعني حبيبي ايرتااان ماتخلااش علينا و لكن كيف قالت بنتو .. هو موضر طرييقو ... 

فؤاد : هادشي جااني منطقي .. مستحيل ايرتان يتخلى على حياتو باش يبقى مع هاداك .. 

اشرف : ناااري الصهد طلع معاايا فهااد اللحظة .. هاذشي صدق ضدنا .. 

اشراق : بلاتي خليونا نتمهلو .. الطلاق ماتنسااوهش .. كيفاش واحد فاقد الذاكرة غادي يطلق مراتو .. 

جهينة : ااه .. ديما كانسا هاد القضية .. 

فؤاد : ايرتان واخا تكون فيه الموت مايطلقكش .. عنرها دخلات لراسي .. و بما انه بين يدين هذاك باه .. غايكون اكيد زور توقيعو و سيفطو .. حيت الورقة دازت فالمحكمة باش قدرتي تزوجي بطه .. 

اشراق : واااايلي هي زوااجها بطه غايكوون بااطل و باقية على زمة ايرتاان 😍😍

فؤاد : تمااما .. 

خرجو عينين جهينة ووقفت و هي على ديك الحالة و تمات غادية .. شدها طه و قال : اجي فين غادا .. 

جهينة دارت عندهم بملامح مصدومة قالت : غانمشي ننتاحر .. انا راه مقوداها اكبر تقويدة دازت فعالم البشرية منين تخلقاات الارض ... نقتل راسي ارحم مانشوف دااكشي لي تاابعني .. 

يتبع