قدري أن أحبك الجزء 44

جهينة : ا..صدقائي .. ك.. كانو صحاب رااجلي الاول .. و بقينا مجموعين .. 

ايرتان : صحااب راجلك الاول و بقيتو مجموعين ؟ 

جهينة : ا.. اه.. ماكانتش صداقة عادية راه مشاركين الحلوة و المرة .. و كلهم خوتي .. عاونوني وقفو فجنبي فالوقت لي ماكان معايا حد .. و عاونوني فبنتي بزاف .. هزو عليا شحال من تقل .. مامانعتابرهمش غير صحاب راجلي و صافي .. 

ايرتان : اممم ... لاحظت بلي باقية كاتقولي على راجلك الاول راجلك ... مع العلم انك مجوجة دابا و لا نقولو شبه مجوجة ... 

جهينة : غ.. غير ولفت .. 

ايرتان : علاش تزوجتي مرة اخرى ؟ 

جهينة حدرات عينيها و مالقاات بااش تجااوبو .. بحال الى كايلومها بطريقة غير مباشرة ... الا انها هظات عينيها فيه تاني و تبسمات و قالت : بعض كليوقعو شي امور و ماكانستوعبوها حتى كايفووت الفوت .. 

ايرتان تحلو عينيه و قال : هي ناادمة على زواجك بيه .. 

جهينة : احم .. كانظن موضوع بحال هذا ماكايخصكش ..و عاد احنا ماشي فوضع يسمح لينا 

تراجع ايرتان بعد اندفاعو و شاف فهيفين لي ماكانت فاهمة والو و قال ليها : علاش انت ماكاتهريش بالدارجة .. 

هيفين : حييت صعيييبة .. 

ايرتان : لا ماصعيباش .. الى حاولتي غادي تقدري .. 

هيفين : اوى علمني كيفاش .. 

ايرتان : راه ماماك .. و صحابها يعلمووك .. 

كتمات جهينة ضحكة طالعة من اعماق قلبها لي كايرفرف .. علاش لا و هي حااسة بغيرتو كاتحيا شوية بشوية .. 

هيفين : لا كلهم مشغولين كايقلبو على بونغ بونغ .. حتى خطيبي تشيم تشيم مانساليش .. 

ايرتان هز عينو فجهينة و قال : كيفاش قضية هاد خطييبها .. واش هو دري صغير قدها ؟ 

جهينة : لا .. واحد من صحاب باها .. عزيز عليها حيت مطلوق و مضصرها عليه ... 

ايرتان : امم فهمت .. باان ليا بنتك خااصها بااها حداها .. و الا الى مشات حتى كبرات غادي تمحنك و باان ليا انت متساهلة معااها ... 

جهينة فخاطرها واهي الا نضتي من ديك التصمقييلة الله يلغيييها ليييك نفختي لياا راسي علاا انا كرهت باااها يكووون معاناااا... تهنيني من كااريتك رااه شهمااتني .. ياااخ شبهاااتك فتااجلاخيت و قسووحية الراااس .. 

قاطع تفكيرها و قال بتعبيير غريب : كاتسبييني ؟ 

جهينة : اشنووو ؟ 

ضحك ايرتان و قال : هاادشي كاان وااضح فوجهك .. 

سكتاات جهينةو حشمت و دورات وجهها كاتشوف بنصف عين ..للحظة نسات راسها قدامن ... 

تبسم و شاف فهيفين ... 

و لكن لاحظ نظراتها لاشخاص بعااد عليهم .. كان اب و 2 ولادو و امهم .. 

شاف فين كاتشووف ... كان الاب كايصرخ على ولدو و الظاهر وسخ ليه حوايجو .. و كانت على حنك الولد صورة يد حمراء ... شادها كايبكي و الام معنقة ولدها .. رجع ايرتان عينو لهيفين بفضوول .. كانت رابطة غوباشة صغيرة ... حتى وقفات .. 

جهينة : جلسي فين غاادية .. 

وقفها ايرتان و شافت فيه باستغراب .. 

مشات هيفين لعند الراجل.. هزات الميتشوب بلا حشمة و كبااتو عليه .. 

ناضت جهينة تعتق الموقف وقفها ايرتان كايتبسم .. 

ايرتان : خليها .. 

وقف الرااجل كايغوت : شكوون باات هااد البرهووشة .. 

ضرباتو هيفين بركلة لساقو وهي كاتغوت بالتركية ... حتى حد مافهمها ... ولكن هي بغات تفهمو بلي ضرباتها النفس على ولد عمرها ... و بغات تعايرو على ضربو ليه ...و لكن عارفاهومافهم واالو ماجات فبالها غير كلمة لي عاارفة مزياان بلي شتيمة .. و لاحتها فوجهو بلاحشمة .. 

هييفين : سسييير تحرىىى 😠

فهمها و تعصب من قلة ادب هاد البنييتة دفعها من قدامو كايغوت : حيدي من قدامي يااهاد البرهووشة و لا غا.. 

ماكملهاش ... جاتو ضربة غير متوقعة طيحاتو للارض ... و جر هيفين وراه .. 

ايرتان : تعلم تشد يدك عندك .. و تسد فمك .. ماشي زوينة يشوفوك ولادك بهااد الصوورة .. و البنت ماقالت غير الحق .. واش باقي لي كايضرب ولادو على اسباب تافهة ... راجع نفسك و الى مادرتش فيك راسي ..غير على قبل الدراري الصغار لي هنا .. 

هز هيفين باس حنكها كايضحك و رجع لطابلتهم حدا جهينة لي مدرقة وجهها كاتندب .. 

جلس ايرتان و خلا هيفين جالسة على رجلو .. 

ايرتان : برااافو عحبتييبني فيييه .. 

جهينة : اويلي اش كاااتقووول ليها .. هاذيم راها صعصع بلا وااالو .. غاتزيبدهااا حتى انت .. راه انا لي ملنوحل فييبها اعيبااااد اللله ... واش لي جا يضرب ليا كولشي فال0 ... 

ايرتان : تهذني البنت ماغلطات فوااالو .. بالعكس .. بان ليا غاتكون عندها شخصية قوية .. عجبااتني هاد البنت ... مادات منك غيير الشكل .. 

جهينة : هكا كااان باااغي باااها ... 

تجمدت ملامحو لبرهة .. عجباتو فالاول وولا يحلم بيها .. من بعد ولا كايتمنا لو كانت مراتو مكفاهش وولا يغير عليها .. و دابا كره هاد راجلها الاول لي متعلقة بييه و تمنى لو كانت هيييفين بنتو .. ااه وهي فحضنو دابا كايحس باحساس غريب تجااهها .. فاش دفعها دااك الرااجل ماتحملش و كانت رغبة قوية منو بااش يحميها خلاتو ينووض يوقفو عند حدو ... ايرتان عاارف راسو شخصية سيئة و شيئا ما شرير و دمو باارد .. و لكن هاد النااس لي دخلو فجأة لحياتو خلاوه يكتاشف جانب اخر منو .. وهو الانانية .. هو اناني و بغا هاد الاسرة الصغيرة لييه هو .. شي حاجة كاتجدبو ليهم ... بحااال الى كايت رابط قوي بيناتهم و خفي ... كايحس بالحنين وهو وسطهم .. بحال الى كايولي شخص اخر .. اولا نقولو على طبيعتو ... داك الحناان لي لمحو من ام لبنتها ... ماكرهش لو يدووق منو حتى هو .. و دوك النظرات المحبة البريئة من البنت لامها .. ماكرهش تكون نظرات انتماء موجهة ليه .. باش ديما يكون ليها الظهر الحامي .. الاميرة الصغيرة لي غاتعيش فعرشو مدللة ... بحال هااد الافكاار عمرها طرقاات لراسو .. كان فباالو غييبر يعرف شكوون هو .. و لكن دابا و لا اهتمامو موجه لهاد 2 انثياات لي حمقووه و سلبووو عقلو لدرجة ولا بااغي يسلبهم من ايدي اخرى ماكاتستاهلهمش ... فهااد النقطة .. مابقااش فاهم راسو .. هادشي ماشي منطقي.. مخلط و عشوائي ماليه لاساس و لا راااس .. و لكن متأكد بلي لي فقلبو حقيقي .. 

جاوبها ايرتان و قال : اممم .. هي باها كان كايبغييك .. لدرجة انه يرغب يشوف بنتو صورة صغيرة على امها .. 

جوبات جهينة بعيون مبتسمة : ااه ... هادشي لي كان كاايقوول ليا .. 

جاوبها ايرتان بعيون مظلمة : ااه .. و فيين هو دابا .. 

جهينة : كانقلبو عليه ...و باقي ماوصلنا لييه .. و لكن قريب ان شاء الله .. 

ايرتان : شفتك متأكدة .. 

جهينة : ااه .. حاسة بلي قرييب يرجع لينا .. 

ايرتان : يرجع لييكم !!

جهينة : ااه ... 

هز ايرتان حاجب و عض على طرف شفاتو التحتية و دور و جهو .. شاف فهييفين و بحركة لا ارااادية منو قرب فمو.. باس راسها و غمض عينيه كايشم عطرو ... و كأنها سحر بلون وردي بدد دام السواد المحيط بيه و تسرحاات ملامحو و ريحتها البريئة فنيفو ... 

حل عينيه و شااف عيوونها الصغاار كاييشوفو فيه ضااحكين .. و تبسم لييها بحب ابوي .. 

دارت هيفين عند ماماها لي كانت هايفة فمنظر الاب مع بنتو لي ليالي كاييرة كانت كااتخاايلو .. فيقها صووت بنتها الصغير قالت : ماما .. واش نقدر نبوسو .. 

جهينة اومأت براسها ليها ... طبيعي تاخد اذنها و جهينة ديما كاتوصيها ماتخليش الغرباء يقربو ليها و لايبوسوها ... 

رجعاات شافت فايرتان و حطات كفها الصغيير على حنكو و باستو فوق لحيتو و شافت فيه بضخيكة عريضة بدووك السنينات الصغااار لي مازادوها غير براءة ... ماكرهش لو عيونو كانت كتلتاقط صور .. باش يحتافظ بصورة هاد الملاك كايضحك ليبه بقلب بريئ صافي ... و بال هاني .. 

تلقى قبلتها الصادقة بحب .. و ماكرهش المزييد من داك العطف البريئ.. بادلها بسمتها و شاف فجهينة .. لي كانت دمعة فطرف عينها و بسمة فرحة حزينة على وجهها .. استغرب فاش دورات وحهها و مسحاتها بالخف و كأن شيئا لم يكن .. 

همس فودن هيفين و قال : ماماك واقلة غارت مني ... 

ضحكات هيفين و قالت فوذنيه ببراءة : ااه ماما مغيارة و ديما كاتبكي فاش كاناكل ليها الشكلااط ديالها .. 

ضحك ايرتان حتى رجع رااسو للور و جهينة عارفة بلي هادي حركة عفوية منو كاتصدر منين كايكون فرحاان .. 

رجع شاف فيها و قال : قد هكا و كاتبكي على الشكلااط .. 

همسات هيفين تاني و قالت : اه .. حيت طاتي تولاي ماكاتخليهاش تاكلو و هي كاتشريه بالتخبية وانا كانلقاه و كناكلو ليها ... 

ضحك و جاوبها : ههههع شوييطيينة .. عمرك تبكي ماماك .. ديما ردي ليها البال و لي بكاها ركليه كيف درتي قبااايلة .. و ظابا سيري عندها عنقيها و بوسيها كيف درتي ليا .. 

هلطات من عندو كاتضحك .. و قربات لماماها .. حلات يديها و هزاتها جهبنة غير مدركة بالحديت لي داز بينهم .. 

عنقااتها هيفين و حتى هي باادلااتها و هي كاتخشيبها فحضنها .. باستها بووسة كبييرة و ضحكاات جهينة كاتشوف فايرتاان لي كان هايم فيهم و مااكرهش لو يخشييهم ب2 فسدرو و يضمهم ليه بدون توقف ... 

هيفين : انا كانبغييك بزااااف اماما واخا كناكل شكلاط ديالك .. 

ضحكات جهينة و باست خدها و قالت : حتى انا كاانبغييك احبيبة الصغيرة ديالي .. 

وصلهم للاوطيل فين كاينيين ... شافت فيه جهينة و قالت : شكرا على هااد الخرجة دازت زويينة .. اما على العقد كانواعدك غدا نجي للشركة .. 

تبسم ايرتان و قال : ان شاء الله .. 

شاف فهيفين و قال : مال المشيعكة الصغيرة مقلقة .. 

هيفين : انا مابغييتش نرجع للاوطيل قنطت فييه .. 

جهينة : و ياله كنا خاارجين .. اش بغيتي اكتر .. 

هيفين : بغيت عمو ايرتان يدخل معانا للوطيل و نيت نعرفو على تشيم تشيم ... 

شافت جعينة فايرتان بحال الى كاتسولو بعينيها و كيف ديما كايفهم لغة عيونها جاوبها و قال .. 

ايرتان : نتعرف على تشييم تشييم .. علااش لا .. 

دخلات هييفين كاتنقز فرحاانة للمكان في جالسين اشرف و فؤاد و اشراق ... كان ايرتان و جهبنة وراها ..

هيفين : تشيييم تشييييم .. 

شافها اشرف جايا ماتجري عندو و حل يديه هزها كايبوسها كيف عادتو : اهلااا هفهووفتي ... توحشتتك .. فين مشيتي بلاا بيا الغذاارة...

هييفين : كنت مع ماما و عمو الجديد .. 

اشرف : شكون هاد عمو الجدييد .. صافي وليتي كاتخونيني دابا .. 

ايرتان : اذا انت هو تشيم تشيم ... 

هز ااشرف راسو فداك الصوت لي شحال ماسمعو و خرجو عينيه .. فؤاد وقف بالصدمة و اشراق حلات فمها و عينيها خاارجين .. 

اما جهينة تصوخرات لوووور ميتة بالضحك على تعابيرهم ... 

شاف فيها ايرتان مستغرب و هي تجمع ... 

ايرتان : واش هادو صحاابك .. 

جهينة : ا.. اه .. 

ايرتان : ومالهم ... واش شافو شبح ؟ 

جهينة : ا.. ههه .. غير .. احم ... 

فؤاد : احم سمح لينا اسيدي غير تفاجأنا شوية ...ب

اشراق : ااه .. تشاالبهتي لينا بوااحد السيد كانعرفوووه .. 

ايرتان : امم فهمت .. اينور ماغاتعرفيناش ؟

جهينة : اه .. هه .. ماتديوش عليا .. هدا هو مين مين لي اسمو فؤاد ... فؤاد هذا هو ايرتان لي عاودت ليكم عليه 

شاف فيها ايرتان على كلمة عاودت ليكم عليه مد يدو للفؤاد .. لي مدها ليه حتى هو مبتاسم .. 

فؤاد : تشرفت بمعرفتك اسي ايرتان .. 

ايرتان ماجاوبش دغيا .. حس بصوتو و طريقة هضرتو مألوفين كيفما حس مع جهينة ..نفض تفكيرو منين لاحظ استغراب فؤاد .. و قال 

ايرتان : حتى انا تشرفت بمعرفتك .. 

جهينة : و هاذي اشرااق صحايبتي و عشيرتي 

اشراق مدات يدها كاتفرنس: اهلا الجلاخ...*ضرباتها جهينة بمرفقها* السي ايرتان هه .. 

ايرتان تبسم و قال : متشرفين .. واش فايت تلاقينا .. ؟ 

ضحكات اشراق حتى بانو ضراسها و رجعات شعرها لور كاتقلي ليهم السم .. حيت هي لي عقل عليها ..جهينة عوجات فمها دوراتو كاتفقص و اشرف دار كايتحلف علييها .. 

الا ان اشراق ماداتهتداش فيهم و جاوباات ايرتان فرحانة : ممكن جدا شكوون عرف .. 

ضحك ايرتان و شاف فتشيم تشيم ... لي هاد الاخير جمع اي تعبير من وجهو ... كايشوف فيه بتفحص و خااصة منين ايرتان طول فيه الشوفة و هو ساكت .. دوز ايرتان عينو على هيفين لي معلقة فيه كاتفرنس ... بغا يحطها اشرف و لصقات فيه كيف الغرادة .. 

اشرف : هبطي اهيفين .. 

هيفين : لا ...ههه.. غانبقا لاصقة فييك .. 

اشرف همس: ماشي وقتك غاتشرييهم ليا لمك .. 

ماطلقاتوووش .. فؤاد و اشراق و جعينة غايتسطاو بالضحك لور و اشرف مزال مضارب معاها .. 

هيفين : لا .. بقا هاازني اخطيبي ... عمو ايرتاان هذا هو تشيم تشين خطييبيييي ... 

اشرف : كوني تحشمي ياااهاد البنت .. 

جهينة : هههههههه دابا عااد كاتقوليها تحشم .. فاش كنت كانقول ليك ماضسرهاش فين كنتي ... 

ايرتان : اشنو لي خلا بنت صغييرة تفكر فالخطوبة فهااد الوقت ...

اشرف كايبعدها و كاترجع ليه و كايقول : و اللهما ذنبي ... انا براااسي ماعرفت كيييفاااش دارتني فرااسهااا .. جهاااينة شدي بزغووولتك ... 

جهينة جراتها و هي كاتماااوت بالضحك ... 

وقف قداام ايرتان و مد يدو ليه .. 

اشرف : انا سميتي اشرف .. 

ايرتان : تشرفنا .. ا اشرف ... 

كانو كلهم جالسين ... الجو كولو awkward ماعرفو اشنو يقولو و لا اشنو يجبدو قدامو .. انا هو .. كايحلل و يناقش غير مع راسو .. و احساسو بينهم احساس غريب .. عادة ماكايطولش الهضرة مع بنادن و لكن هادو جاالس معاهم و مرتااح ... 

قرب اشرف لوذن جهينة و قال : كنت متشوق نشوف كيفاش دايرة ديك الشوفة الغريبة لي دار فيكم انت و عز .. و لكن الصراحة .. انا راه جاني ماتبظل والو . نفسها ديك الشووفة ديال شحاال هاذي .. شوفي هاانتي غايقتلني بعينيه .. 

جهينة : اوى انت لي لااصق فيااا .. على ماشي شقلب مها الدنيا فالستوديو .. غير بسباب الغيرة .. 

اشرف : كاتفرنسي عاجبك الحال .. على الاقل الخطة غادية مزياان .. و احسن حاجة درتي هي جبتيييه .. توحشت نطرطق مراارتو .. 

جهينة : هههه مانصحكش .. شحال هاذي كان يتصرف على اساس انك عشيرو .. دابا ماعارفكش شكون .. غادي ينوض يشقلب مك يقسمك على 2 .. 

اشرف : ماتخافيش .. ماغانزيدش فيه .. 

جهينة : اوى ضبر لراسك .. ماتشكااش عليا من بعد .. 

يتبع