قدري أن أحبك الجزء 45

من تأليف غزلان ش.
2018

محتوى القصة

رواية قدري أن أحبك قدر لا هروب منه

كان فؤاد كايسول ايرتان اسئلة عادية باش يحيدو من جو الغرابة .. الا ان ايرتان كان بالو مع اشرف لي كايوشوش هو و جهينة .. فهم بلي هو مقرب منها حتى اكتر من طه لي زوجها .. 
مد اشرف يدو وراء كرسي جهينة و لاح يدو كايهضر معاها و يضحك ... 
لاحظت اشراق شوفاتو النارية الموجهة ليهم ... و مامركزش معاها هي و فؤاد ... غمزات اشراق فؤاد لي حتاهو لااحظ ... 
جهينة : تجمع لهييه باراكة من ضحك البناية ديالك .. 
اشرف حط يدو على شعرها و قااال ...
اشرف : وا تي غيير سكتي ... بغييت نشووف اش غااايدير ... 
جبد ايرتان الكرسي ديالو بالنفيض و عاود تقااد فيه .. جهينة غير تحرك بديك الطريقة فهماات بلي هاذيك حركة تحذيرية ... اما اشرف فعجبو الحاال و كمل على فعايلو ... 
جهينة : تفرق مني الخرىىى .. انا لي غانصرفق مك دابا ... 
اشرف : هههه ناري على شووفات .. صافي طاااب .. تحمست تحمست ..
زعزعهم صوت ايرتان لي قال بعصبية : مافهمتش .. انت راجل هاذي ياك .. 
اشراق : هضر مقااد .. 
اشرف : اه .. كاين شي مشكيل .. 
ايرتان شاف فاشراق : راجلك لاااصق فوحدة اخرى و انت ساااكتة اش هااد برودية الدم ... واااش انتوووما عندكم اعاااقة فالمشاعر و لا فاهمين الدنيا غلط ... 
اشراق : عاادي ولفت راها بحاااال ختووو .. 
ايرتان : لاواااه جدااه ... ابااردة القلب ..
اشرف : هي ماعندها مشكيل مولفينا هكا .. حتى راجلها ماعندوش مشكل .. علاش انت واخد موقف .. ولا كاتحااول تدهل بخيط اكحل *دار ابتسامة عبيطة فوجهو و حط يدو على كتفها*
ايرتان فهم بلي استافزو ... ماحسو غير بالطبلة طارت فالسماء و ايرتان دخل فيه كيف الترااان طاحو هو و ياه بكورسيه فالبيسين لور شاانق عليه ... اشراق ناضت كاتولول هي و جهينة .. و فؤاد تم جاي يفك زلق بالماء لي كان مرشووش طااح عليهم من الفوق صدق فارقهم بلا مايديير مجهووود .. و هنا جهينة و اشراق شدو فبعضياااتهم خاريين بالضحك و هيفين معااهم ... 
اللحظة لي غوت فؤاد و هو كايطييح .. دازت فبال ايرتان لقطة .. كان فغابة مع بعض الاشخااص .. كانو دراري و كانو كايضحكو باصواتهم الخشنة .. لمحة شخص كااايطيح من شجرة عريان ... و دازت لقطات فغابة و رجلو مهرسة و مسند على البنت لي كانت شادة فيه و حاادرة رااسها .. بقات لقطة كاتجرو للقطة حتى رجع للواقع .. لقاهم باقيين كايضحكو .. شاف في فؤاد لي كايضرب فاشرف و هو زاايد كايفقص فيييه و يستاافزو .. 
فؤاد : لبوووك الكلب انت واااش وليتي بالمراة و حااملة و حمااقك غيير مازاايد ... رحمنا و رحم راااسك شوية .. 
اشرااق : واا رخيي ليااا الرااجل الله يلغييها ليك الحلوووف .. 
جهينة لاحظت بلي ايرتان شاارد بغرابة و قالت : اييرتاان خرج من تمااا ... 
شاف فيها غير مدرك .. حتى مدات يدها .. طلع بيديه و خلا يديها منشورين .. وقف قداامها .. كايرمقها بعينيه .. تلبكات و توتراات .. 
جهينة : ا.. ا.. خ.. خاصك ت..تبدل حوايجك .. فؤاد عافاك اجي عطيه من لي عندك .. انت قدو .. 
طلع افؤاد و وقف قبالتو : ياله اصاحبي نعطيك .. 
ايرتان : لا .. انا غادي نمشي .. 
فؤاد : ماحانش ترجع هكاا .. غير ياله .. 
جرو معاه بزز منو و هو غادي بقا كايخنزر فجهينة حتى غبر من قداامها ... 
جهينة بقات فبلاصتها مسمرة .. حتى نطقات اشراق : ههههههه من ديما كان كايقولك واش باغية تمووتي .. دابا ماغايتشاورش معااك  😂😂 
جهينة شافت فاشرف لي كان كايعوم رااشقة ليه : كوولشي من دااك الحلوووف الحيواان القرد ديال راااجلك.. ياك قلت لمك هنيييناااا

اشرف : ههههه احححح النشوة لي حااس بيها داابا ماتقيمش بمال الدنيااا .. 
اشراق : ههههه جهلتيييه المسخووط .. 
اشرف : واشوفي السيد نسا مراتو و مانساش يغيير علييها .. الى ما خليتو يتفكر على يدي مانتسمااااش .. 
جهينة : خرج سووقو اعيبااد الله خليه ليا ... هضري انت مع رااجلك .. ماغايجي فين يتفكر ايرتان حتى يفقدها هو .. 
اشراق : هههههه بيناااتكم اعزااوة .. انا غيييير كانتفررج .. 
جهينة : الله يلغييهاا لييك انت و ياااه .. 
اشرف : هفهوووفتي .. نقزي .. 
جهينة : لا .. لابسة حوايج...
ماجات فين تكملها حتى تلاحت هيفين كاتضحك و عنقات اشرف شادها ... 
هزات جهينة يديها قلشاتهم فوق راسها و قالت : انا راه ماشي غير القووق لي ناض فووق رااسي .. حتى الخرشووف اعييباااد الله واش درت فحيااتي .. 
اشراق : شهيتيني فطاجين باللحك و الجلبانو و القوق .. 
جهينة : اللهم طولك ياارووح .. 
مشات و خلاتهم .. 
دارت اشراق عند اشرف لي مان كايلعب مع هيفين و قالت : ادااك العتروووس .. خرج ضبر ليا فطاجين بالقوق و الجلبااانة .. 

كان ايرتان فالحمام كايلبس و عقلو كايفكر ... 
ايرتان : غريييب هاذشي لي كايوقع ليا مؤخرا .. زيادة على البنت المشعكة بانو اشخاص اخرين .. و لكن علاش ماكايبااانوش الملاامح غااادي نحماااق .. و حتى ذكرى من هادو مابانت الا فاش تلاقيت هااد الناااس ... علاااش زعما .. يمكن حيت كايتقااربو ليهم .. *طاحت فبالو جهينة* هااديك غاااتحمقنييي ... غاديا تسطيييني .. شحاال من رااجل ضااير بيها واش ماكاتعرفش ترسم حدودهم .. شوف شكون كايهضر انا منهم هي راه .. راه ... لا لا هاادشي مانافعش .. انا مابقييتش قاادر نتحمل عااد الحقيقة هاادي .. غااانااخدها ليبه .. اصلا السيد غاعما مسوق ليها .. و ماشي حالة 2 مجوجين .. ديك الكاريتة المصيبة لي تسلطااات علييااا ولات شااغلة باالي ... لا ماشي مصيبة ..هي جهينة .. جهينة... عيطو ليها 2 مرات جهينة ... اكيد هذا اسمها الحقيقي ... *قال بتلقائية* جهينة بنت قلبي ... بنت قلبي ؟ هههه اشمن نوع من القاب عطيتها ذابا ... بنت قلبي .. 
كمل لبسو و هو كايرددها في فمو ... خرج و شاف فيه فؤاد مبتاسم .. 
ايرتان : جاو قدي .. شكرا انا غاي نسؤغطهم ليك مع .. 
فؤاد : ماعليش غير خليهم عندك.. 
ايرتان : اذا هاهما حوايجي خليهم عندك .. 
ضحك فؤاد ولوح براسو و ضرب على كتفو : ياله راه كايتسناونا ... 
خرجو و لقاو جهينة فالباب .. 
جهينة : و اخيرا .. 
ايرتان : اش وقفك هنا .. 
جهينة : ا..غي.. غير كانتسنااكم .. 
داز ايرتاان كايخنزر بنصف عين ... شاف فيها فؤاد و قال ؛ رخفي علييه 😂😂😂 
جهينة : وا انا اش درت رااه داك الصغع ديال اشرف لي شرى ليا هااد الصدااع .. كايخنزر فيا بحال الى ماعرفت اش درت .. 
فؤاد : سمعي .. خاصك ديري فبالك بلي ايرتان كايعرفك على اساس ممتلة ياله تعرف عليها .. لفتي اناباهو و اهتمامو .. و بما انه بظا يغير الى مشاعيرو من جيعتك حيات ... و لكن سااكت حيت انت مزوجة .. يعني القضية اصلا صعيبة عليه... و انت الالا مرة مع طه .. مرة مع اشرف .. و ها الرقص و ها لبسك و زيد و زييد غاطيحي ليه النقطة ... علاش كانقول ليك رجعي جهينة قدامو.. نساي عليا طه و اشرف و ركزي عليه غير هو .. ماشي غير الغيرة و لكن امور اخرى انت ادرى .. ذكريات بيناتكم شي امور خاصة بيك كاتعجبو بحاال هكا ... 
جهينة : اممم .. فهمت .. 
فؤاد : و ماتنسايش .. ايرتان ذكي و مايغركش سكووتو حيت كوولشي كايوقع هنا عندو فالدمااغ ... و بحاال والو يكون بدا كايتفكر .. مهم حنا خاصنا نبقاو مكملين 
جهينة : وااخا .. ياله نتبعووه قبل مايرجع ... 

في فرنساا ... 
كانت 10 الليل .. 
دخل عز للغرفة و رما عينو على العشاء لي ماقاصتوش ... قرب ليها و ناوي هاد المرة يخشيه فوجهها بزز منها .. كانت متكية و مغطية كااملة .. 
نطر عليها الغطا كايغوت ... 
عز : نوووضي تغاااعدي واااش رااااسك ماكااايدخلش الهضراااااا .. وااش كانباان لييك كاانضحك معاااك ... 
ماتحركااتش .. حركها و ماكانت منها حتى استجابة .. سمع انينها .. دورها لعندو .. لقاها مزنغة و عرقااانة و كاتهمس بكلام غير مفهوم .. 
حط يدو على جبهتها و كانت حرارتها مرتفعة .. نفض غطاها عليها .. و نقص حوايجها ... جاب منشفة فزغها فالماء و حطها فجبهتها ... عيك فتيلي ووصا على ادوية للحمى ... و رجع يبدل ليها الفوطة ... كان شعرها على وجهها لاصق بالعرق و الماء .. بعدو و هزو لاحو فوق الوسادة .. للحظة و لاول مرة قدر يلاحظ ملامحها البريئة لي كانت ديما مشوهة بالالوان لي كايبدلو هويتها .. بنت شابة فعمر الزهوور ... بدات بقمة البرائة .. بلا شوفاها الحزينة و الماضية و لا قلة ادبها و التمرد ديالها .. 
بدل ليها الفوطة تاني و هو كايمسح على عنقها و دراعيها .. 
عز : بنت صغيرة و غزاالة بحااالك ماخاصهااش تضيع حياااتها ... راسك قاااسح و غادي نهرسو ليك شي نهاار ... اكييد شبهتي الحيواان دياال خووك ... تااهو روينتو رويينة.. 
سمع انينها بكلام كتير غير مفهووم .. ولكن قدر يفهم بلي باغية ماماها و باباها لي هاملينها و مامسوقينش ليها ... 
تنهد و بقاات فييه.. و لكن عاارف بلي الى رجعات لماماها و هضرات معاها و شرحات ليها اش واقع غادي تفهم و ممكن تصلح علاقتها معاها هي على الاقل ... هاذشي علااش قرر يوقف عذاابها و يرجعها سواءا اقتاتعت و لا لا .. 
كان الدقان .. مشا حل الباب .. خدا الدواء و رجع عندها ... حطو و جلس يضرب حناكهاةبحنية كايفيقها .. 
حلات عينيها بتتاقل ماواعيااش .. 
عز : نيسرين .. حلي عينيك .. 
نيسرين : اممم .. 
جبد عز الدواء و وقف راسها لاحو في فمها و شربها الماء .. 
عز : شربي مزااال .. 
سالات طلق راسها و رحعات لنومها... وهو جلس كايشوف فيها .. 

كان ايرتان طالع لبيتو فوقت معطل من الليل ... 
طالع كايلعب بكونطاكت السيارة حتى طاح ليه .. تحنا يهزو .. رفع راسو و لقا راسو قدام باب مغلوق ... هاد الغرفة لي 4 سنين و هو كايدوز قدامها و عمرو اهتم ليها ... لي عارف عليها غير انها غرفة دايرين فيها الحاجيات الغير الضرورية ... قلب على المفتاح فالجوانب مالقااهش ... هبط للكوزينة شقلبها كاملة و فالتخير لقا مجموعة مفاتيح و رجع طلع .. دوزهم كاملين بلا حس .. و اخيرا لقا المفتاح لي حلو ... دخل و كان ظلام دامس مرافق باحساس غريب كايسرااه .. سد عليه الباب و شعل الضو ... تفاجأ من لي لقا .. كان سرير مفرش و مرتب ... كانت غرفة خالية مهجورة .. الشرجم مغلق و كولشي مرتب فبلاصتو ... دخل جلس على السرير و هز عينيه كايدورو فالغرفة ... شيئ غريب بحال الى كايعرف هاد الغرفة .. بحال الى غالية عليه و عندو معاها اكور خاصة .. 
مد يدو حل المجر لي حداها .. و جات فبالو لقطة .. كان متكي على رجل شي حد و يد كاتمد حلاتو و جبدات بواطة .. علات على عينو نظرة استغرااب ... ناض حل مجورة اخرين لقا خاتم الزواج رجولي .. دوزو قدام عينيه .. و دازت لقطة كان كايلبس فيها ذات الشعر الاسود الخاتم وسط ناس لي كانو قلال و التصفيقات و الضحك عالي ... 
ايرتان و كانت على وجهو علامات الصدمة و الخاتم قدام عينيه : انا .. انا تزوجتها ... 
رجع كايقلب تاني بلهفة لقا خواتم اخرى و اشياء كاتشبه للامور لي كاتعجبو و لفت نظرو خاتم كان كبير و عليه ذئب منقوش .. و دازت على راسو لقطة لي كانت كاتلبسها ليه و هو كايشوف فالخاتم و يدوزو قدام عينيه فرحان ... دخلو لنفس صبعو و بقا كايشووف فيه ... 
دغيا حل الماريو لقاه خااوي .. و لكن طايح لبيسة صغيورة ديال بيبي فالوردي .. هزها و سرحها قدامو و حجبانو مربوطين ... 
ايرتان : اشنو هاادشي .. 
دازت لقطة قدامو .. ديك اللبسة محطوطة فوق كرش كبيرة والشعر الملولب مدلي من الجوانب ...صوت قهقهاتو معاها كيف الصدا فوذنييه .. 
شد راسوو بغير تصديق .. 
ايرتان : اشنو هاذشي ياربي .. ديك البنت .. ديك البنت كانت مراتي و حااملة .. و لكن فيين هي دااابا ... فييين .. علااش هادشي مااشي فخبااري علااش ماكاين عليها اتر فحياتي داابا .. علاش ماكاين غير دووك 3 المنافقين علاااش ... فين مرااتي و ... و .. بنتي(لون اللبسة) ... سند على الحيط و دوز يدو على شعرو ... خرج من الغرفة بعدما طفا الضو و دا معاه دوك المقتطفات الغالية لي لقا .. سد الباب رجع الساروت و طلع ابيتو .. سد الباب و اللبيسة و الخاتم فيدييه ... جلس فالسرير و بجسم مهدود ... مصدوم من كمية امعلومات لي نزلات فخطرة .. منين بداتو العشية و هو صدمة وراء الاخرى ... تااح فبلاصتو بلا مايبدل و لا يحيد صباطو ... ادوخة و عدم الارتيااح خلاوه يرغم فالنوم بشدة ... 

بعد ساعتين ... 
كانو الكوابيس لقاو طريق باش يخليوه يلهت و يتمتم بكلام غير مفهوم و العرق دايز فجبهتو بحال كويرات زجاجية ... بنت قلبي بنتي قلبي ترددات فبزاف اللقطاات ... مشادات مع شخص(اشرف) ... ضحك و لعب رجولي مع دراري ... و لقطاات لمسو لبطن كبير و مرات كتيرة معنقها كايهضر معاها و ديما يدين فوق راسو كاتحسس شعرو .. و ما كاان غير هز رااسو يتقاابل مع ملامحها حتى شهق و ناااض جلس .. كايتنفس بالزربة و اللبسة باقية فيديه .. 
ناض حيد حوايجو .. و دخل للدوش ... 
دخل تحت الرشاشة كايدوش و دوك اللقطات بين عينيه .. 
ايرتان : انا مزوج و ممكن تكون عندي بنت ... ماكاينش حسهم و لا حس الرجال الاخرين .. فين هما و علااش ماوصلوونيش ... علاش مخبين عليا هادشي .. حتى المحقيقين لي كلفتهم بالبحت ورايا جابو معلومات لاعلاقة بهادشي .. علاش كايكذبو .. اكيد كولشي فراس داك الوالد .. منين عقلت و انا مامرتااحش لييه .. اكيد كولشي ورااه هو و مو .. من ديما كنت حااس بهاادشي ... علاش مخبيين عليا مراتي .. تكون وقعات ليها شي حااجة ... ياااربي غااادي نحمااااق ...*دازت فعينو جهينة* ...جهينة .. دييك جهينة و لا اينووور .. انا كاتجيني دكريات على حياتي الماضية و ماكانلقا غير صورتها قدامي .. علاش كانربطها مع حياتي القديمة ... علاش مركز فبها هي بالظبط و ناسي حيااتي .. انا عرفت بلي عندي امراة و بنت و عقلي بااقي كايجيبها قداامي .. لا لا ... هادشي خاصو يحبس ... خاصني نركز فمراتي و بنتي و حيااتي لي باقية لغز .. هاد الذكرياات مازاادت غير رونااتني ... خاصني ضروري نعرف علاش خبااو عليا و نلقا فيينهم ؟ ضروووري ... 

بعدما سالا لبس و تلاح فبلاصتو و باقي كايخمم .. 
ايرتان : دابا غاتكون ناعسة حدا رااجلها ... و بيناتهم بنتها ... غير التفكير فهاادشي كاانبغي نتسطىىىى ... *ناض جلس كايحرك راسو بعنف* لااا ا ايييرتااان لاااا .. غادي تنساها و تخرجهااا من بااالك .. همك الوحييييد دابا هو مراااتم و بنتك .. و حياااتك الغااامضة .. صااافي .. هااديك اينووور عندها حيااتها و انا غااادي نلقى حياااتي ... 

يتبع 

التنقل بين الأجزاء

صفحة القصة
سيتم تشغيل صندوق التعليقات بعد لحظات
معظم التعليقات تم إخفاءها بواسطة الفيسبوك، نحاول بكل الوسائل المتاحة إستعادتها في أقرب وقت ممكن.