قدري أن أحبك الجزء 46

من تأليف غزلان ش.
2018

محتوى القصة

رواية قدري أن أحبك قدر لا هروب منه

كان جالس فالمكتب ديالو ... 
دخلات جهينة للشركة مع تولاي ... وصلو للمكتب ديالو و علماتهم السكريتير بلي كايتسناها .. 
توجهو للباب .. لقاتو مشقوق .. سمعات الهضرة ...طلات بانت ليها نيرمين كاتحط يدعا على كتافو و كتحاول تستلطفو كيف عادتها و هو مامسوقش ليها .. 
نطرات يدها و قالت ليه : ايرتان صافي هاذشي ديالك طلع ليااا فراااسي .. واش غانبقا حياااتي كلهاا كانتسناااك هكااا .. انا خطيييبتك حترااامني شوية .. 
جعينة مع الكلمة دارت يدها على فمها مصدومة .. دارت عند تولاي لي ماكانتش فااهمة ... و قالت ليها جهينة .. 
جهينة : ناري اشراق كان عندها الحق .. 
تولاي : اشنو كاين .. 
جهينة : ولد الحرااام .. خاطب هااذي .. 
تولاي ؛ كيفااش 😨 
جهينة : غييير بلاااتي .. انبااالي بواالظييها الملب . نوريها دظوور ليا بجلاختي .. 
دقات و دخلاات نيشان .. كان ايرتان معول يلوح الغضب ديالو و يفاريها معاها .. و لكن توقف منين شاف جهينة .. كانت جهينة ماشي اينور .. ماشي بلباسها الكلاااس ديال المشااهير و انما لباس جهينة ... شعر طبيعي مموج براحتو و لا نقطة ماكيااج .. علقات عينو عليها للحظة ... تشابه كبييير لبنت لي فاحلاامو خاصة منين رجعات شعرها اسود .. لاحظت جهينة علووقو و شرودو فيها عرفات راسها نجحات القضية .. 
رحبات بيهم نيرمين و قالت ليهم يتفضلو ... 
نيرمين و هي كاتنغز ايرتان : كانعتااذرو .. حنا ..
قاطعتها جهينة : لا .. ماعليش ... انا لي كانعتاذر حيت عطلت الخدمة عليكم .. خاصة انت اسي ايرتان .. 
ايرتان : ا...ماعليش .. من الاحسن نعجلو دابا .. باش تفرغي لشغالك .. 
جهينة استغربت لنبرتو فالكلام : ا.. اه .. ماعنديش مشكل .. 
علقات عيونهم فبعض للحظة .. بعدها هز عينو فنيرنين و قال : جهينة .. جيبي العقد باش ناقشووه دابا .. 
و رجع شاف فجهينة لي ملامحها كانت مستغربة و فنفس الوقت عجبها الحااال .. اما نيرمين فكانت علاين تبكي .. ناداها باسم اخرى ماعرفاتش ديالمن.. حتى انه ماردش البال بلي نادها بغير اسمها...
لاحظ بلي مزالة واقفة و شاف فيها : ايرتان ... تحركي اش كاتسنااي .. 
مشات و هازة غصة فقبلبها في حين جهينة كاتشفى فخااطرها و عاجبها الحال .. الا انها لاحظت نظرات ايرتان غريبة ليها .. حتى انه ماكايطولش فيها الشوفة و كايبعد بانظاارو ... 

بعد حيين .. كانو ناقشو العقد و اسناو ب2 ... ناض ايرتان بعدما ناداوه يوقف على شي حاجة و استأذن .. جهينة تبعاتو حتى خرج و شافت فنيرمين لي كانت حادرة عينيها كاتفقص ... 
جهينة : دابا هااد خيتي تقرب ليا لجلااختي .. انا نصرب تماارة و نباتت نتفقص و نحلم بيه باش نلقى وحدة ملوية عليبه .. اصلا هو كيفااش واافق عليهاا .. لا لا خااصني نشوف كيفاش نطيرها .. 
جهينة : احم ..انسة نيرمين .. شفتك ماشي هي هاذيك .. واش انت بيخير .. 
ني مين بابتسامة مصطنعة : لا واالو .. 
تبسمات جهينة و قالت : واش بينك و بين السي ايرتان شي حاجة ؟ حيت تلون وجهك منين عيط ليك واحد السمية ماعقلتش عليها .. 
نيرمين : ياك حتى انت سمعتيه .. قال ليا جهينة .. انا خطيبتو ماراعاش لمشاعيرو و ماعاقش غااع اش داار .. 
جهينة كاتلوي غمها : امم .. خطااب .. جداد ؟ 
نيرمين : لا .. 4 سنين هاذي .. بغيت نقول اكتر م 4 سنين .. 
جهينة : كيفاش ؟ زعما علاش باقي ماتزوجتو .. 
ني مين : خطيبي تعرض لحادتة فقد بيها الذاكرة .. و هو مصر مانتزوجو حتى يعقل ..
جهينة فخاطرها : الى مشا حتى عقل .. غادي يطوع مك لشي خلاا .. الزوااج قالت لييك .. 
جهينة : احم .. و علاش لا يعني الا كانت بيناتكم علاقة حتى قبل مايدير الكسيدة فراه ماكاينش شي مشكل يحبسو من هاد .. 
نيرمين : اه .. علاقتنا قديمة .. و لكن هو مامرتاحش و بغا الوقت و انا صابرة معااه حتى يقتانع .. 
جهينة : و علااش يقتانع و ماشي ترجع ليه الذاكرة .. علااش ماتعرضوهش لشي اخصائي يعاونو .. 
تلبكات نيرمين و قالت : لا .. زعما اه كان متبع مع طبيب خاص و لكن ماكانت حتى نتيجة .. و حنا متأكدين عمرو يرجع ذاكرتو .. 
جهينة : امم .. متأكديين .. المهم انا غانوريك كيفاش تخليه يتفكرك و يقرب ليك .. 
نيرمين بحماس : بالصح .. زعما بالصح تعاونيني ؟ 
جهينة : اكيييد .. انا عندي خبرة بما انني كانمتل فانا على اطلاع بامور بحال هاذي .. سمعي مزيان الرجال عزيز عليهم المراة لي كاتهلى فراسها بزافو ديما شييك ... حيدي عليا هاد اللبس الرسمي و هاد الالوان المغموقة و ركزي فالاوان الفاتحة ... خااااصة الاحمر ... الاحمر .. الاحمر ركزي فييه مزياان .. و اختاري لبس لي بين جسمك باش يبقا ديما مشوق ليك و يبقا تابعك و باغيييك ... الماكيااج خاصك ديما تبيني ملامحك و ديري ماكياج لي باين و تقيل باش تغبري عليا هاد الصفوورية .. اه و الرواايح .. بعدي ليا على دوك الروايح الباردة بحال الفاني و الورود .. شوفي الروايح المجهدة السخووونة التقييلة بااش تبقى ديما ريحتك فنيفو .. و ماتبقاايش لاصقة فيه ... بعدي عليه . ماتسوليش فيه خليه هو .. واخا مايهضرش معاك .. ماتنازليش ... فهمتي .. و داكشي ديال ماح ماح و العناق نقصيه .. لا حيديه غاااع ... و هادشي كولو ان شاء الله غايخليه يمووت علييك و هو لي غايولي تاابعك .. 
نيرمين : وااش بالصح .. زعما لادرت هادشي غادي يولي يبغيني .. 
جهينة : و على هو ماكايبغبكش ؟ 
ني مين : لا زعما يرجع كيف كان و يهتم بيا .. 
جهينة : الله اودي .. بطبيعة الحااال .. 

تحل الباب و دخل ايرتان رابط حواجبو كايشوف فجهينة .. حتى جلس و تقابل معاهم .. 
ايرتان : سمحو ليا كان عندي شي شغل .. 
جهينة : ماعليش .. خود رااحتك .. 
شاف فيها و رجع حدر عينيه ... 

كملو الخدمة و ناضت جهينة تخرج هي و تولاي ..
جهينة : اذا من هنا ليوماين ان شاء الله .. 
ايرتان : ان شاء الله .. 
خرجات هي و تولاي .. و مافبالها غير مالو و اش كايدور فبالو .. اول حاجة برودو و فنفس الوقت شوفاتو لي كاانو غرااب ... 
اما ايرتان جرى على نيرمين و جلس كايخمم .. 
ايرتان كايتفكر كلامها مع نيرمين لي سمعو .. 
نطق و قال : نيرمين متأكدة بلي ماغاديش نرجع ذاكرتي .. علااش زعما .. مايكونوش دارو ليا شي حاجة باش مانعقلش ؟ اصلا مبعدين اي حاجة ممكن ترجع ذاكرتي بحال ذاك البيت لي مسدود .. و علاش دابا فجأة ورا هاد المدة كاملة بدات كاترجع .. زعما كاين شي محفز ؟ بحال جهينة و اي حاجة دايرة بيها .. حتى من صحابها ....
يكون عندهم علاقة بالماضي ديالي ؟ هاذشي فشكل و ماشي منطقي ... جهينة قبايلة و هي كاتهضر مع نيرمين عطاتها نصائح غريبة .. كولشي داكشي لي ذكرااتو ماكانحملووش .. تكون قاصدة ؟ واش كانت عارفة هادشي و لا غير جات فبالها... واش هاادي تكوون كلها صدفة ... بانت بحاال الى كاتعرفني مزيان و قالت ليها هكاك باش نزيد نكرهها .. و هادشي ماغاديرو الا اذا غارت منها .. وايلي داباا جهينة كاتغير عليا ؟ و علاش غاتغير عليا .. راها مزوجة .. بلاتي بعد النوبات كاتجيني هي و البنت لي فالحلم نفس الشخص .. الضحكة و الصوت و دابا فالشعر واخا شعرها قصير و رقيقة ... واش يكون غير جاب ليا الله .. هي قالت بلي راجلها الاول مختافي و موضر ... و هو اب بنتها ... عمرها عاودات عليه و لا قالت ظروف اختفائو .. مانكونش هو انا ... انا فاقد مراتي و بنتي .. و هي نيت عندها بنت و كاتقلب على راجلها ؟ *سكت شوية و بدا يضحك بهيستييرية* ههههههههه بااان ليا بديت كاانخرف .. اكيد غير صدفة .. كون كنت هو انا كانت غاتقولها علاش غاتسكت .. و هي كاتعامل معايا على اساس شخص ياله تعرفات عليه .. حيت اصلا هادشي لي كاين .. و اصلا فين كانت باش ياله تبان ... اكيد غير بديت كانخرف .. دخت و مابقيت عارف الصحيح من الغلط .. جهينة مراتي و هيفين بنتي .. هههههههه حمااقيت ..

دخل ايرتان للفيلا .. كيف ديما فالاخر ديال العشية ... الدار كيف العادة خاوية .. عمر ملاهي فقصايرو و الحاجة فبيتها مخبية .. 
دخل ايرتان لكوزينة و قال لكبيرة الخدم : سلام .. بغيت نسولك .. 
.....: مرحبا اسيدي ... 
اي تان : قبل ماندير الكسيدة .. كانت عايشة هنا امرأة .. كانت قصيرة و شعرها طويل و ملوي و كانت عامرة شي شوية ..و كانت حاملة ... 
...: غير سمح لينا اسيدي .. ولكن حنا راه قبل 4 سنين ماكناش خدامين هنا .. يعني ماعارفينش .. 
ايرتان .: كلكم .. حتى واحد ماقديم .. 
....: لا اسيدي .. 
ايرتان : واخا... 
خرج كايدورها فراسو و خلا البقية كايشوفو فبعضهم .. 
مشا كايقلب على الخدامة لي برا .. دار مع اللور ديال الفيلا فين كاين بيت ملحق عايش فيه عسااس ... عيط ليه و خرج عندو ... 
العساس :نعلم اسي ايرتان .. 
ايرتان : بغيت غير ننسولك فشي حاجة .. 
العساس : مرحبا اسي ايرتان .. 
ايرتان : شحال و انت خداام هنا .. 
العساس : جايا لشي 4 سنين و الزيادة .. 
ضرب ايرتان على جبهتو بعصبية و قال : صافي ...صافي ... 
كان باب الدار محلوول بانو ليه 2 كلاب كباار خارجين لجيهتو .. جاو كاينبحو و يتعلقو فيه بكريقة متحمسة و كايجريو حداه و يرجعو ليه .. 
شاف فالعساس لي حتى هو مستغرب .. و قال 
العساس : واش ديالولك اسيدي ... كايعرفووك 
تحنا عندهم ايرتان كايلاعبهم بيديه و جات فبالو لحظات اخرى كان كايلعب معاهم و هوما صغاار ..و لحظات كانت جهينة لي شاداهم و معنقاهم .. 
هز عينيه فالعساس و قال : من ايمتا و هوما هنا .. 
العساس : لقيتهم هنا اسيدي ... ديما فالدار هنا ..يمكن كانو ديال العساس لي قبل و خلاهم هنا .. 
حدر ايرتان عينيه و رجع شااف فيهم كايلاعبهم ..مدام عرفوووه .. الا و هوما جزء من ماضيه ... رجع وقف وقال : تهلا فيهم ... غادي نرجع ليهم .. 

مشا و خلاه كايشوف ... 
طلع ايرتان لبيتو و جلس كايشووف ...تحنا شااد راسو ... فهاد النقطة عاارف بزززاف الامووةر و فنفس الوقت باقي ماعارف والو .. باقة حياتو لغز ... دايخ بين اينور و جهينة .. دايخ بين الناضي و الحاضر ... 

بعد مرور يومين ... 
في تركيا .. وصلو عز و نيسرين بالسيارة و دخلو فيلا ايدين ووقفو .. شاف فيها و قال .. 
عز : مرحبا بيك فدار امك .. نتمنى تخطاي كولشي و تسمعي لماماك .. ماشي حيت فرضت عليك و لا خايفة مني .. ديري هادشي على قبلك انت .. باش ترتاحي .. ابني حياة جديدة راه مافاتش الحال ... 
كانت كاتصنت ليه حادرة عينيها كاتلعب بيديها ... ناض خرج ... و حل ليها الباب و جرها وراه .. دخلو .. و كانو البقية كايتسناو ... غير شافتها امها و جرات خداتها فحضنها كاتعنقها و تبكي ... الا ان ملامح نيسرين كانو مترددين .. 
بيراي : توحشتك احبيبة .. توحشتك بزاف .. لا باس عليك ؟ 
هززات راسها بملامح متصلبة .. 
شافت بيراي فعز و قالت : شكرا بزااف اولدي مين جبتييها لياا .. محنتك معايا .. 
عز : ماعلييش درت غير واجبي ... اخت عشيري راها اختي .. 
هزات نيسرين عينيها فيه و رجعات حدراتهم .. 
بيراي ؛ حبيبة .. قالك عز اشنو وقع ؟ 
شافت فايدين لي كان كايبتاسم ليها بملامح لطيفة و قالت : تزوجتي ؟ على امتى طلقتي من بابا... 
بيراي : قصة طويلة .. غانعاود ليك كولشي احبيبة .. هذا راجلي ايدين جينكين (انا متأكدة عطيتو شي كنية اخرى قبل 😂الزمايمر)
شافت نيسرين فايدين و قالت : تشرفت بمعرفتك ...
ايدين : حتى انا الغزالة ديالنا .. اجي لهنا .. 
قربت ليه و عنقها و قال : مرحبا بيك فدارك ابنتي ... اجي ندخلو ... 

بعد مدة كانت نيسرين و امها الفوق كايهضرو و عز و ايدين فالمكتب .. 
ايدين : جا وقتك باش تدير يديك .. الدراري قدرو يعرفو بتحرياتهم بلي داك الحيوان كان كايعرقل لايرتان الطرق باش يوصل للحقيقة .. كان سااد عليه كولشي البيبان و استغل ضعفو و وراه لي بغا ..كايتسناو ايرتان يرجع ذاكرتو باش يقدرو يتحركو ضد عمر .. و قدرو يتهناو من دوك لي كايظلو مراقبينو ... ايرتان دابا اكيد غايكون تذكر شي حاجة بسيطة .. هادشي لي كاتقول لينا جهينة ... يقدر يكون عقل و ماقال لحد حيت ماتايق فحد ... خاثك تبان انت و تعاونو يلقا طريقو بلا ماتقول ليه والو .. خليه يستكشف بوحدو .. ردو البال لجهينة و حفيدتي .. تحسبا لاي خطر ممكن يوصلها من داك الحيوان .. هاد المرة ماغانقبل حتى غلط .. 
عز : واخا ... هاد المرة غاتكون نهاية حقيقية لداك الحيوان .. 
ايدين : اكيييد ... و غانخلصو على كولشي داكشي لي دااار فولدي ... كفاية كبر بعيد عليا .. و خلاه يعيش الكواابيس .. و طفولة مرييضة .. و بقلبو شر و حقد .. 
استغرب من طريقة كلام ايدين ... لاحظو.. ضحك و قال : اه .. ههه ايرتان ولدي انا .. من لحمي و دمي .. جزء من روحي و ذاتي ... عرفات بيراي بحملها من بعد زواج النحس لي تزوجاتو .. و سكتات حيت خافت على ولدنا... و مؤخرا عاد قدرات تقولها ليا ... 
رجع شاف فعز لي حال فمو بالصدمة و قال : هعههه .... ايرتان ولدي انا ... حااس براالسي اسعد واحد فالدنيا و اخيررا كولشي غادي يتصلح.. ولدي غايفرح بهاد الهضرة و ماغاديش يظطر يحس بالخزي حيت هاداك باه .. انا لي بااه و غاتولي سميتو ايرتان ايدين جينكين ... و غادي ندم دااك الحيواان على لي دار فولدي ..

في المغرب ... 
كانو كيف عادتهم مجموعين كايتغداو .. 
فؤاد : عز غدا غايجي .. 
جهينة : مزيااان .. الله يجيبو على خير .. 
اشرف : هو لي غادي يكمل لينا البلان و يخلي ايرتان يعقل على كولشي .. 
جهينة : انا بدااتني الخلعة .. فراسكم ايرتان كايتجنبني ... اليوم كان عندنا اجتماع معاه .. و كلف ديك السفريطة هي لي تنوب عليه .. و هو كان موجود .. 
اشراق : و علاش زعما .. 
جهينة : حتى انا ماعرفتش ... 
فؤاد : اكيد هو فحالة ضياااع دابا .. 
جهينة : و اشنو ندير دابا ... 
فؤاد : واها غاتصعااب عليه .. و لكن بقاي لاصقة فيه و زيدي الدوز علاشما قديتي .. هادشي لي غايخليه يتفكرك اكتر .. 
جهينة : و علا مالي غانفاارقو .. و عمر اشمن خطط درتو ليه .. 
فؤاد : ماقادرين نديرو والو بلا ايرتان .. 
جهينة : اااه فييين اياامك اذييب الفجر ... 
اشرف : جاااياايين فالطريق و غايباالي بيك انت الاولى .. 
جهينة : دابا وقتك توحلو لياااا .. 
اشرف : و ذكر فإن الذكرى تنفع المؤمنين .. 
جهينة : بغيتهم يشدوك .. 
اشرف : هعهه شكون هما .. 
جهينة : المومنين .. 
اشراق : بغيتي تقولي المسلمين .. 
جهينة : و اشنو الفرق اتريكة النااقصة الله يلغييها ليكم كحلة زحلة ... 

يتبع 

التنقل بين الأجزاء

صفحة القصة
سيتم تشغيل صندوق التعليقات بعد لحظات
معظم التعليقات تم إخفاءها بواسطة الفيسبوك، نحاول بكل الوسائل المتاحة إستعادتها في أقرب وقت ممكن.