قدري أن أحبك الجزء 50

وقف قدام الاوطيل و شاف فبها .. 

ايرتان : هبطي فحالك دابا .. و من بعد غانفسخو العقد .. 

جهينة : و لكن علااش .. واش حيت .. 

ايرتان : لا لكن و لا حتى .. كلمة عندي و قلتها تفضلي دابا الله يعاونك .. 

شافت فيه جهينة كاتفقص و قالت .. 

جهينة : الله يعاونك .. 

خرجات من باب السيارة و تعترات و دارت راسها شداتها الدوخة من جديد .. ناض خرج من السيارة دار عندها و شد فيها .. 

ايرتان : واش دختي تاني .. بالشوية عليك .. 

جهينة : باقية كانحس بالدووخة .. 

سد ايرتان السيارة و هزها .. 

جهينة : ا.. اشنو .. كادير ..

ايرتان : غانطلعك لبيتك .. كاتباني ماقادلش طلعي بوحدك .. 

تم غادي بيها و هي معنقة سدرو و كلتفرنس من ورا عينيه ... حطات راسها على سدرو و غمضات عينيها .. 

حدر عينيه شاف فيها .. كانت كاتمخشش فيه و ملامحها مرتاحة .. تبسم و مانكرش بلي اشتااق ليها و لقربها ليه... و حتى هاد اللحظة الصغيرة بيناتهم استغلها و ضمها ليه قدما قدر يخلي الوضع طبيعي .. هو كايستاغل و هي كاتستاغل و هادشي غير باش يطفيو شوق بعضهم لبعض .. 

في الطريق .. تلاقا اشرف و كان شاد هيفين فيديه ..كان كايشوف فيهم باستغراب .. طرح سؤالو مستفسر .. 

اشرف: اش وااقع ... 

ايرتان شاف فيه و فبنتو ... توحش صغيرتو لي اصلا ماشافهاش و لا حضر لاهم لحظاتها الاولى مع امها .. هاهي بين يدين اشرف كاتشوف فيه و فماماها باستغراب كذلك .. جاوبت جهينة لعد طول صمت و قالت .. 

جهينة : انا بيخير غير دخت شوية. 

اشرف : ديما كانقول ليك ردي البال لصحتك .. اش هاد التهااون ..

زاد بيها ايرتان قبل مايجاوب .. ضحك اشرف و تبعو .. 

وصل لغرفتها لي نعتاتها ليه جهينة و دخلو ... 

حطها فالسرير .. و حط اشرف هيفين لي نقزت تخشات فماماها .. حاوطت خصرها بدريعاتها الصغار و حطات راسها على سدرها ... 

هيفين : ماما واش انت مريضة ؟ 

جهينة : لاء احبيبة .. 

هيفين : كاتكدبي عليا .. و علاش عمو ايرتاان كان هاازك .. 

اشرف : اجي احبيبة نمشيو نتغداو و نخليو ماما ترتاح .. 

ايرتان : خليها حدا امها .. 

شافت جهينة فاشرف باستغراااب .. اما هو تبسم فوجه جهينة و غمزها و هو كايشير لايرتان و فهمات بلي وصاها تستاغل الوضع .. 

خرج و خلاا ليهم الجو .. كان ساهي كايشوف فبنتو فحضن امها .. و شحاال تمنى يتخشى فحضنها حتى هو و يشم ريحتها .. و لكن باقي الوقت .. ماعليه غير يصبر شوية .. نطق و قال .. 

ايرتان : انا غادي نمشي .. طلبي غذا و تغداي انت و بنتك ... و رتااحي ..*رسم بسمة لطيفة* هيفيين ... بسلاامة .. 

دار غادي و قالت جهينة بالزربة لهيفين : قولي لييع يبققا ... سربيييي 

هيفيين : عمووووو .. 

دار عندها و قال : نعام الغزالة .. 

ناضت هيفين لعندو بجسدها الصغير و شعرها المموج كاينقز وراء ظهرها .. شدات يدو و قالت .. 

هيفين : ديني نتغدا بالدجااج بحاال ديك المرة .. 

خرجو عينين جهينة .. حيت ماشي هادشي لي طلباتها .. تحنى كايتبسم و هزها لعندة و قال .. 

ايرتان : و عنقيني و بوسيني و نشووف .. 

دارت كيف قال ليها .. ضحك و قال ليها .. 

ايرتان : اااه دابا مانردهااش فوجهك .. *شاف فجهينة* هاهي معايا .. من بعد نرجعها ليك .. 

تم غادي و قالت : ب. بلاتي .. ديوني معاكم حتى انا باقية بلاا غذاء .. 

ايرتان : لا .. امت خاصك ترتااحي .. و غذاك طلبيه غايوصل حتال عندك .. *شاف فهيفين* ياله قولي لماماا باااي .. 

دارت هيفيين عند ماماها ... و ضحكات بشقاوة و قالت : باااي ماامي .. 

ضحك ايرتان و خرج .. 

جهينة : واخا على مك البرهووشة .. حتى تجيني .. علاش غانتسنا .. 

ناضت هزات نظاظرها و خرجاات .. 

كانو تحركو ايرتان و هيفين بالسيارة .. و جهينة ركبات سيارتها و تبعاتهم ... 

كان اشرف قدام المراية لابس حوايجو و كايمشط شعرو .. دخلات اشراق شادا كرشها .. شافت فيه و تقدمات لعندو .. وقفات حداه فالمراية و فهمات بلي كايستاعد لخروج .. هزات يدها و حطاتها على مؤخرتو .. ماداهاش فيها حيت ولفات ديرها .. 

اشرف : فيين كانت غااابرة شروووقتي .. 

اشراق ماجاوباتوش .. شددات بيدها على مؤخرتو من جهة وحدة و هي تجرها لجهتها .. قفز و تقلب عاطيها بوجهو و شد ورااه .. 

اشرف : واااش لمك تسطيييتييي .. 

اشراق : حسيييتي بالانتعاااش يااك ؟ 

اشرف : اشنووو .. 

اشراق : زعما فرقتهم ليك و دخل بيناتهم البرد .. 

اشرف : ههههههههههههههه واااش ضااارب بوووك الله .. و لا الحماالة خوورجات ليك داك شوية العقل لي عندك .. 

اشراق بتدمر :اوووف ... انا راااه قنطت .. جهينة الكلبة من الصبااح ماشفتها .. و انت ماكاتشدش بلاصة ندخل تخرج نخرج تدخل .. واش لمك انا مجوجة براجل و لا بالزااوااق .. 

اشرف : ههههه انت لي ماكاتشديش الارض .. رتاحي شوية و خلي البيبي يتصنت لعظامو .. 

اشراق : كانقنط بالجلووس .. فين غادي ديني معااك .. 

اشرف جرها لعندو و شد حناكها كايقرصها : عندي شي شغل خاصني نقضييه احبيبة .. 

اشراق : مااسووقييش .. لصقو فواحد من دووك الحتاارف و خرجني .. 

اشرف : الى خرجت دغيا غاتقنطي و غاتقولي ليا يالله نرجعو .. فعايلك احبيبة و انا عاارفهم .. 

اشراق : I promise I won t 

اشرف : You promised ... 

اشراق : trust me الخرى ... 

اشرف : زيدي قبل مانشقلب مك 😤.. 

اشراق : وا بلاتي نبدل ... 

اشرف : وا طلقي و باقا تشدي ترمتي هكاك غادي نعرف اش ندير معااك .. 

اشراق كاتقلب ماتلبس : مالك .. ماعجبكش الانتعااش .. 

اشرف كايغمغم : مصييبة مع هااد الحمقة لي بلاني بيها الله .. ماعرفت مالها مع ترمتي ... 

مشا بتفكيرو لليلة العمر .. 

#فلاشبااك ↪ 

في غرفتهم في فيلا ايدين ... فين دارو العرس .. بعد نهاار طويل ديال الاحتفال بيوم زواجهم .. كان واقف وراء الباب المسدود باناقتو ... دوز يدو على شعرو و رش عطر فموي في فمو و قااد حوايجو .. رسم على وجهو بسمة لطيفة كايدرق جو الانحراف لي فعقلو .. و حل الباب .. دخل كايفرنس فرحاان .. سد الباب بالساروت و دخل .. كانو موجدين غرفتهم و مزينينها باضواء الشموووع و الوروود تحت اجواء هادئة و ضوء خافت ... اما اشراق فكانت جالسة فطرف السرير بكسوتها البيضاء بحال شي اميرة ... حادرة راسها و الكرحة مخبية وجها .. قلبو رفرف و عيونو برقت و حلف اليوم حتى يخربها .. قرب لعندها و جلس قبالتها .. 

اشرف : الزين ديالي حشمان و مخبي .. واهزي عينيك نشوفوك .. ااه انا لي خاصني ندير الافتتاحية .. اححح جاااء الفرج و اخييييرا ... يا بسم الله .. 

هز الطرحة عليها و كانت كاتبسم و حادرة وجها.. 

اشرف :مااا شااء الله .. فيييين كاان مخبي لياا هاادشي😍😍 ... صاافي غانسخف بالفرحة .. 

ماهزاتش عينيها فيه .. شد ذقنها هز راسها شوية بالشوية .. غير تقابلت عيونهم و تفاجأ بيها ماتشوف فعينيه مباشرة بلا حشمة بلا ترميشة .. و دغية تحولات ديك الابتسامة الخجوولة .. لنظرة انحراااف .. وقفات و هو جمع الضحكة كايشوووف اش غايوقع .. زربات عليه و قلبااتو نعس على كرشو فووق السرير و هي طلعات بكسوتها جلساات فوووق ظهرو و تقاابلت مع مؤخرتو .. 

اشرف : ااااش كاااديييرييي .. 

اشرااق : كاانحقق احلااامي .. *حطاات يديها على مؤخرتو * اححح شحااال كنت كانتمنى ندير هااادشي... 

اشرف : اشراااق .. نووضي عليااا غادي نشقلب مووك .. 

اشراق ماداتهاش فيه و مدات تلمس بشكل دائري و تضرب عليها .. و هو كايحاول ينوضعا و مضارب مع كسوتها لغطااتو .. 

اشرااق : ياااله .. كييف جاااتك دااابااا هااااا .. انا لمك تحط يدددك عليااااا .. ياله شاااد... اححح على ملمس و على خوييخة عندك شحااال كيوووت ... 

اشرف : واااش دااكشي باااقية عاااقلة علييييه اعيبااد الله .. ماااشي هااادشييي لي تخيلللت .. كان خاصك تكوني حشمانة و ماقادرااش تشووفي فيا .. و انا نبقى نتعنب علييك و نتغزل فييك .. اش هااد الخرىى .. عاااد كنتي بعقلللك .. نوضي لمك و لا غاانقاد ليك الضلووع .. 

اشرااق ناضت و جلسات عليه تاني بحال الى كاتضرب فيه و بقاات كاادير هكاك و كااتقوول : هههههههه طحتي بييين يديااا المسخوووط هههههههه غانربيييك و انا لي غاانقااد لييك الضلووووع ... *كملات بضحك شرير مكمشة يديها و كاتشووف فالسقف *

#عودة_للواقع

اشرااق : شاشا ديالي .. انا وجدت فيين مشيتي .. 

اشرف انتفض و شاف فيها عينيه خارجين و بعد و دار حركة دفاعية و قال : ابتعدي ايتها الاروااح الشرييرة .. 

كان ايرتان مع بنتو فنفس مطعم ديك المرة .. كايوكلها و يمسح ليها .. فرحان و بنتو معاه .. هاد المرة الوضع مختاف عارف بلي ديك الصغيرة بنتو و جزء منو .. كل شوية يبوس يدها و حنيكاتها ..بحال الى باقي مامتيقش .. بحال الى كل شةية يتأكد بلي ماشي فحلم .. 

ايرتان : غزالة ديالي .. 

هزات عويناتها و شافت فيه كاتبسم و قالت : امم .. 

ايرتان : اشنو درتو فقضية باباك .. 

ههيفين : باقين كايقلبو عليه .. ماما البارح قالت ليا قربو بقا ليهم غييير قد هكا .. 

ايرتان : هههه قد هكاك صافي .. 

هيفين : اممم .. 

ايرتان : انا سمعت مامام قبايلة فاش قالت ليم قولي ليه يبقى علاش العفريتة قلبتي الهضرة .. 

هيفين : هههه سمعتيينا ... انا قلت هكاك باش نعصبها .. 

ايرتان : ههههه و يااك وصيتك ماتفدقلقييش ماماك حتى يجي باباك .. 

ضربات جبهتها و قالت : اووف نسييت .. 

ايرتان : هههه ماتبقاايش تنسااي .. هانتي شوفي .. بقاي ديما لاصقة حدا ماماك .. ماتخلي حتا واحد يقرب ليها .. لا عمك مين مين لا وين وين و خاااصة دااك طوها ... بقااي ديما تنعسي حداها و ماتخليو حتا واحد يتشاارك معااكم .. 

هيفين : حتى خطيبي تشيم تشيم .. 

ايرتان : هذاااك بالظبط ماتهضروووش معااه ب2 .. هذااك ماشي خطييبك شحاال فعمرك البهلوكة حتى ديري خطيييب .. 

هيفين : لاء خطيييبببي .. 

ايرتان بالدارجة : الهضرة ماشي معااك .. مع داك الحيوان ... كولي ابابا .. غير بلاتي حتى نرجع ليهم .. 

كانت جهينة جالسة بعيد مخبية تحت نظتظرها و قبيتها .. 

جهينة : كييف نديير نتهشاا حدااهم اوووف يااخ .. اش كايقوولو .. حتى انا بغيتو يلغب فشعري و يبوس حناكي .. عكاتك ليا ابنت كرشي ..جيتي من ورايا و جمعتي مك بنص هادا هو خيري لمك .. ترعو كرشي على قبلك باش تجي و تدي ليا راجلي هكا باااردة .. غير بلاتي على مك حتا تجييني .. ااه كاحت فبالي فكرة .. 

جبدات جهينة و عيطات ليه .. بقات حاضياه .. جبد تيلي .. لقا سميتها و جاوب .. 

ايرتان : اش كاين .. 

جهينة قلبات وجهها و دارت يدها فتياي باش مايتسمعش الصداع : فينكم .. انا بغيت ندي بنتي عندنا مانديرو .. 

ايرتان : و اش عندكم ماديرو و انت مخشية فداك القنت .. 

جهينة : ا.. اه ؟ 

ايرتان : ههههه دوري عندي .. 

دارت كاتشوف بنصف عين و لقاتو كايشير ليها .. 

طفات تيلي و هي كاتلعن فراسها .. مد صبعو و شير ليها تجي .. 

حيدات النظاظر و القب و تمات جاايا .. 

شافتها هيفين و قالت : مااماا جيتيييي .. 

اي تان : هههه علاش تبعتينا .. 

جهينة : ا.. ح.. على قبل بنتي .. 

ايرتان هز حاجبو و قال : اشنو .. خفتي عليها مني ؟ 

جهينة : ل.. لا .. البنت قبيحة و خفت دير ليك المشاكل ... 

ايرتان : ههه جلسي جلسي .. 

جلسات جهينة كاتفرنس .. شافت فهيفين و هي تهز حجبانها كاتقلي ليها السم .. 

جهينة : وا طلب ليا شي حاجة .. 

ايرتان : طلبي انت انا خدام عندك .. 

جهينة : غير من باب اللباقة زعما ... *دورات وجها* جلااخة يااخ .. 

ايرتان : نعاام .. 

جهينة : لا .. والو .. 

تبسم ايرتان و قال فخاطرو : شحاال توحشت حمااقك و هاد الكلمة من فمك .. 

مدات جهينة يديها كاتعيط على السربااي .. 

دوموندات شي حاجة بسيطة و دارت عندهم .. 

ايرتان : متأكدة غايشبعك داكشي 

جهينة : اه .. كانحافظ على رشاقتي ..ماخاصنيش نغلاض .. 

ايرتان : وشنو فيها لاغلاضيتي .. 

جهينة : نووو.. ضربت تمارة بااش قظرت نولي هكا .. ماغاديش نضرب كولشي ف0 .. ماكاين ماحسن من الخفة و الرشاااقة .. 

ايرتان : الخفة و الرشااقة !؟ 

جهينة : ااه .. اهم حاجة الانسان يكون خفيف باش حتى الى لزم الامر و بغا يهرب مايتقلوش عليه شحيماتو .. 

ايرتان : و علااش زعما غادي تهربي .. هي دايرة علايااش .. 

جهينة : ضواسا عندي مطخطخيين .. غير الله يشوف من حالي .. 

ايرتان شاف فيها و هو كايشد ضحكتو غير بالزز كمل كلامو و قال : اشنو كاتقصدي ؟ 

جهينة : ماتديش عليا .. غير كانهضر .. ها الدوموند ديالي جااااا .. 

ضحك ايرتان و هو كايشووف فيها و قال : غيير بلاتي طيحي بين يدي .. غادي تموتي غير بعناقي من الشوق ليك ..عالله ماتكون وقعات بيناتكم حتا حاجة كيف قاال عز و الا بربي حتى نقتلكم ب2 و نشرب دمكم ... 

يتبع