بغاني الجن الجزء الثالث

من تأليف أميرة بلهادي
2018

محتوى القصة


وصليت .. وحليت لافاليز نلبس بش نخرج وبقيت تنقلب خرجت حوايج لي غنلبس وحليت لافاليز لخرا خرجت من صباط وشوي بانت ليا واحد الروقة فجيب ديال لافاليز خديت وحليتها كنلقا فيها كتبة وهي " بنتي انا مرات خالك فاطمة ملي تفيقي من غيبوبة غتشوفي هد رسالة مهم ابنتي ره انا لي نقلتك لدك الكنينيك والمحسنين هوما لي تيخلصو عليك هد مدة لي نتي تما .. من بعد دك ليلة ولدي عمر ودراري ديناهم لسبيطار وحتا نتي معاهم بعد مدة فاقو دراري كلهم ولكن تا عمر فاق ولكن جاه شلل نصفي وديناه لدار وديما ساكت عرضناه على اطباء نفسيين والو وواحد نهار لقيناه نتاحر ذبح راسو مقدرش يعيش فدك الحالة وانا لولة شفتو وفورا تاصلت بمسشفى ينقلوك بتخبية ويكتبو بلي خرجتي حيت عمك الا عرف عمر نتاحر غيقتلك وبالتالي الا قتلك ولادي وراجلي غيموتو وانا مابغيتش نخسرهم بعد موت عمر خالك بغا يقتلك مشا لسبيطار مالقاكش تما قالو لي خرجتي ومشا لدارك وملقا فيها والو ومن بعد انا قلت له انك سافرتي للخارج وانا شديت ورقة لي خلاك توقعي عليها وحرقتها بش مياخدش ليك دارك وحوايج ره صيفتهم ليك وحاجة لي نقوليك عمرك ترجعي لمراكش حيت الا جيتي خالك غيقتلك غيقتلك وحاجة خرا كنتمنى متلوميش راسك على موت عمر حيت نتي البريئة فهادشي كامل مضربتي حد ماذيتي حد ولدي لي غلط ودفع ثمن غلطو وبوحدو قرر يقتل راسو وشرطة موصلوهمش اخبار تا حاجة خالك كقال والو خوفا على ولادو .. وبسلامة عليك " /شديت دك ورقو رجعتها لافاليز بقا في عمر مسكين وخا كان شرير ولكن هادشي مابغيهش لعدوك ما علينا انا غنبدا حياة جديدة بعيدة على لمشاكيل ونرجع لداري اكبر غلط درتو مشيت مع دك خالي لغذار جمعت لافاليز ديالي ولبست حوايجي لي جاوني كبار بسبب وزني لي نقص بزاف لبست سروال دجين فزرق مفتوح شوي كان مكيجيش قدي ودبا جا قدي مع قاميجة فلبيض وصباط فلكحل وصاك فلكحل شوي ها فرملية لي كانت تتقابلني دخلات فرملية.. صافي غتمشي جنان.. اه معندي باقي مندير هنا فرملية .. انعيط لدكتور يشوفك قبل ما تمشي جنان.. وخا /خرجات وشوي ها دكتور دخل معاه شي ستة دكاترة خرين ملي شافوني كلهم تبسمو لي وسلمو علي وقالو بي علا سلامة وعبرو لي انهم فرحو ملي فقت واخيرا ومشاو بقا غير دك فرملية جنان.. ممكن تعاونيني اختي نخرج لافاليز فرملية.. اه طبعا بلا ماتحتاجي تطلبيها / وخرجنا لافاليز من مستشفى وشدات لي طاكسي وسلمت عليها جنان.. شكرا لكم بزاف فرملية .. هذي خدمتي اختي مكين لاش تشكريني / وركبت فطاكسي وحطاتني حدا دار كنشوف فناس تا حاجة متبدلات من غير دراري كبرو شوي توحشت بزاف داري عواني مول طاكسي حتى حطينا لافاليز قدام لباب ومشا بحالو وحطيت يدي كنتحسي لباب وشوي تفتح بوحدو واك واك واقيلا داري ديما مفتوحة ليكون شماكرية حلوها وداروها دارهم واشكون يخرجهم ليا من دار غير تحل باب وانا نتصدم دارنا ولاد كي لغابة عامرة بلوسخ وشبكات العنكبوت ولات كتخوف عام وتص وهي مسدودة دخلت حوايجي تسد لباب بوحدو تملكني رعب ودبا لمغرب بغيت شعلت ضو ماشعلش واش غنعس فهد روينة معرفت منين نبدا انا خاصني نفتش دار ياكما مخبي فيها شي حد ولكن مبانت لي اثار بنادم هنا دروج عامر بلغبرة لمراح كون هزيت صاكي وخرجت مشيت عند مول الحانوت خظيت بولات وسانيك روا جافيل وتيد شطابة وكراطة وحطيت كلشي قدام دار وغير بغيت نحل عوتاني لباب تحل بوحدو واذا بالصاعقة ممتيقاش داكشي لي تتشوف عيني ....

تنشوف دار نقية تتشعل وضو شاعل تزعزعت كلشي مرتب وريحة اه هي ريحة المسك فكل مكان ودخلت داكشي صافي مكين لاش نبقا نتصدم ره ليوم فقت من لغيبوبة مابغيتش نموت عوتاني يلاه بغيت نسد لباب وانا نتصدم كنشوف وحدة شعلها مشعكك ولابسة لبسة بيضا وعينيها كلهم بيضين وظفارها قدو وقداش وخنزرات فيا واحد تخنزيرات ووجهات لي سبابة ديالها انا بقيت تنشوفيها مسمرة فبلاصتي وانا نرمش وذكرت اسم الله حليت عيني مبان لي والو وتسد باب دار بقوة وتنسمع بحال لعاصفة او الاعصار برا واصوات مخيفة ديال لغوات ديال شي بنت ولكن صوت رقيق بزاف ومخيف مقدرتش نحل لباب كنت خايفة بزاف وقريت القرآن ودخلت دخلت طواليت كلشي نقي ودنيا كتشعل لقيت دوش مشعول توضيت ملي خرجت مابقيتش تنسمع دوك اصوات ومن بعد طلعت حوايجي للبيتي لفوق حليت لبيت تا هي كتشعل وخرجت حوايج ديال صلاة وصليت وستفت حوايجي لقيت تما فلوس وذهب تا حاجة مناقصة و تاجهت لبيت ماما تا هي نقية توحشت ماما مسكينة بزاف اجي تشوفي اماما شنو طرا لبنت بعد ما خليتيها وتكيت فناموسيتها حتى داتني عيني فقت على واحد صوت نفس صوت لي تنسمع ديما صوت"جنان فيقي بش تعشاي غتموتي بجوج" /حليت عيني وانا كنلقا واحد راجل فكامل الوسامة عمرني شفت شي حد بحالو هذا ملاك ماشي بنادم شعرو بين الاشقر والبني عيني خضرين وفمو غوز تيحمق غيز ديالو بوسان😘 عندو لحية كثية شوي ومقادة وطويل وكتافو عراض وعندو عضلات صدر بارزين لابس قاميجة فلكحل حد لكتاف وسروال جينز انا ذبت بقيت مخرجة فيه فمي جنان.. شكون نتا .. /قلتها وانا كنتهجا الحروف حيت ضيعت اللغة وكلشي صاحبنا.. انا سميتي كوزير وعمري 160 عام جنان(باستهزاء .. هههههها .. بلا ما تضحك علي كيفاش عندك 160 ونتا بهد شكل واشنو جابك لبيتي ولداري وفهد لوقت غتخرج علي من داري ودبا /وطلق واحد ابتسامة ساحرة كوزير.. انا ماشي انس انا جن ونتي كتعرفيني شكون انا بلا منشرح ليك ودبا يلاهي تاكلي ره جبت ليك متاكلي /فاجئني بجرأة ديالو ولكن عندو لحق انا عرفتو صافي كوزير.. وكتقولها بهد بساكة مخفتنيش نتسطا كوزير.. لا مغيوقع ليك والو دبا انا متاكدة ويلاه تاكلي جنان.. واش نتا صيبتي لي مناكل ؟ /تفكرت انهم متاياكلوش لملح كوزير.. لالا متخافيش انا شريتو من عند الانس ....

جنان.. وخا شكرا لك مكين لا تعذب راسك /شاف في وبتاسم جوزير..لا ابدا عذابك راحة الحبيبة ديالي سيري كولي انا غنمشي وغنرجع فليل خليت لك راحة /ومشا خرج انا تزعزت كتر ملي قال يا حبيبة هذا مالو علاش تيقوليا هكا انا ماشي حبيبتو واش تسطا هذا هادشي لي ناقصني ونضت نزلت لتحت لقيت لعشا معتبر وقلت بسم الله وكليت حسيت بحاجة غريبة مزال ممتيقاش هادشي طرا معايا .... جمعت جابلة وتوضيت وصليت لعشا وطلعت لبيتي وحطيت تلفون اتشارجا مات معايا مسكين موحال كاع اخدم لي ما بغاش اتشارجا لي وخليتو تما وتكيت شوي حتا نعست وكيفيقني شي حد حط يدير فوجهي تخلعت ليقتو كوزير كوزير.. سمحي لي خلعتك جنان.. ماشي مشكيل كوزير.. كيف جاك العشا جنان.. زوين بزاف شكرا لك كوزير.. مكين لاش تشكريني جنان.. بصح شكرا بزاف على كاع داكشي لي درتي على قبلي كوزير.. ناي تستاحقي كار معزتك عندي كبيرة كتر مما تصوري جنان.. قولي علاش تدير هادشي كولو كوزير.. نتي غالية عندي ونتي بنت بريئة وخالية من شر وساعدتك واي واحد فبلاصتي يديرها جنان.. عجيييب هادشي لي تيطرا معايا بشر باغي ياذيني وجن تيعاوني باغي ليا لخير انا مهما فعلت منقدرش نرد ليك خيرك كوزير.. مديري والو ودبا نعسي على خاطرك وتاكدي ما دامني معك تا حاجة مغا طرا ليك /يلاه بغيت نجاوبو وهو يغبر حقيقة وخا هو من الجن ولكن رتاحيت له حسيت معه بالامان ونسيت مسولتوش على دك لمرا لي شفت ملي دخلت لدار يقدر تكون منهم ولا تكون شي وحدة مسطية كملت نعاس وفقت فلثلاثة دليل خرجت نشرب نزلت للكوزينة وهي تبان لي دك لما فباب كوزينة تتمشا بشوي وجاية لعندي وكضحك ضحكات كتخوف جنان(بخوف.. شكون نتي واشنو كديري فداري واش باغا مني /ضحكات ضحكة شيطانية وقالت *انا انا انا لي غناخد روحك /وجرات لعندي وانا بجرية طلعت لدروج ودخلت لبيتي وسديتها وخديت نفس عميق اشكون هدي 

وبان لي واحد لفاز مشيت نهزو الا هرسات لباب نضربها بيه ويلاه كنتمشى جهة لفاز حتا شداتني واحد اليد ودرت لقيتها هي كيفاش دخلات غير شفتها بلت فسروالي من كثرت لخلعة وكلي كنترعد وجهها كيخوف وقالت"ليوم نقتلك الا مقتلتك اليوم انقتلك شي نهار " /وعضاتني فعنقي فجهة ليسرى تحت الاذن وغوووت وفقدت لوعي وانا نقفز من بلاصتي كان غير حلم ولكن صدقت بلت فسروالي وخايفة حتى نخرج نمشي نغسل وحسيت بعنقي فجهة يسرى ضارني بزاف ورجعت نعست وبزز بش داني نعاس خفت بزاف ولكن معندي مندير الا نصبر فقت فصباح توضيت وشفت فمراية لقيت عنقي ولا بنفسجي وضارني بزاف ومن بعد صليت وبدلت علي بدا يسخن لحال شوي لبست واحد فستان صيفي طويل تال ركبة وطلقت شعري ولا طويل بزاف خبيت دك طبعة وصندلة ديال صبع وهزيت صاكي وخديت من دوك فلوس شوي غيكونو شي 3 مليون وخرجت مشيت لمحلبة فطرت فيها وقررت نمشي نشري ليا شي حوايج مشيت لمول لي خديتها تنلقاها غالية شريت غير 3 لبيسات وخرجت تساريت فلمدينة شوي حتا وصل ليل ويلاه بغيت ناخد.طاكسي حتى وقفات واحد طوموبيل قدامي كتحمق وطلع جاج تصدمت كان كوزير قالي طلعي . وطلعت كوزير.. سدي عينيك تا نقوليك حليهم جنان.. علاش غنسدهم ياك لباس كوزير.. صافي سديتهم /سديت عيني شي عشر ثواني وقالي نفتحهم حليتهم كنلقا راسي فواحد بلاصة متنعرفهاش عمرني شفتها وقف طوموبيل جنان.. كوزير قولي فين حنا انا عمري شفت هد بلاصة كوزير.. نتي في تركيا /تصدمت كيفاض تركيا واش تيضحك علي جنان.. واش كضحك علي كيفاش حنافتركيا واش عارف راسك اشكتقول ره تركيا بعيدة على المغرب بزاف /دار لعندي تيشوف في وكيضحك كوزير.. راني جن ماشي بنادم انا جن فهميها خلاص حنا فتركيا وسلام شوفي خودي مونطو ها هو لور ولبسي لبوط راكي ملابسة والو بش ميضربكش لبرد جنان.. واااهو انا ممتيقاش تركيا من شحال وانا كنحماق عليها شكرا ليك بزاف نتا هو احلى جني في جنون كلهم وسعداتي بيك وبستو فحنكو ويلاه بغيت نرجع وهو يشدني وباسني من خدي حتا هو وعنقني بجهد اشهد مصيبة درت ضروري نكحلها انا بقا معنقني مابقاش يطلق مني وجريت على راسي نحل وشوي طلقني ورجعن لبلاصتي حشمت بزاف جنان.. كنعتاذر منك مكانش علي ندير هاكا / جاتني لبكية فدك لحزة حسيت اني كنخون شي حاجة كنخون طبيعة خيانة غريبة ولكن هادشي بش حسيت هو مردش علي

واقيلا حشم بحالي انا مشيت للور خديت مونطو ولبستو ولبست لبوط وخرجت من طوموبيل بصح حنا فتركيا شحال زويمة تركيا بشاخ على الجن جايبني نتسارى جاتني ضحكة وخرج هو طوموبيل وجاي لعندي وجات واحد فكرة فراسي نضربها بجرية نشوف واش يلقاني وطلقت رجلي فدك شارع كلشي تيشوفو في وانا معنكشة والو مقدرت نجري والو درت كنشوفو باقي حدا طوموبيل قمعني تقول واش تحرك حسيت باني مبرهشة زعما هو حاسبني مرزنة وثابتة وانا كناصرف هاكا ولكن شحال هادي مضحكت ولا جريت ولا لعبت اه كتر من عام وفلاخر رجعت لعندو غير وصلت ضلق واحد طلق واحد ضحكة 
كوزير.. طيرتيني اجنان ولكن قولبيتك وغمزني شوف انا نجري دبا وتي شديتي ههه 
حسيت بيه مغرور وتنفخ علي مكنحملش لغرور 
جنان.. زعما تتقول هاكا بش تقولي انا جن قوي نجري نفعل حسن منك واسرع منك طز 
/قرب لعندي وشدني من حناكي وجبدهم بحال دراري صغار وضحك
كوزير.. غير شديت فيك الفنيكيشة ديالي عرفتك اتعصبي ودرتها نشوف لعصبية ديالك حتا ونتي معصبة كتكوني زوينة 
حيدت يديه من وجهي 
كوزير انا ماشي بنت صغيرة انا كبيرة وراشدة متصرفش معايا بحال صغار 
كوزير.. وتيك وتيك على لبرهوشة ههه لي فعمرك عدنا مزال كيرضع مو ومزال طفل صغير 
جنان.. الحمد لله اني انسية وماشي جنية اي تمارة هاديك سنين عديدة فتربية 
كوزير
.. كون غير نت جنية انتزوج بيك بيوم قبل غذا ومتولدي ما تمحني غير كوني مراتي صافي 
جنان.. ياك هههه 
/هذا واقيلا كيبغيني انا كنعتابرو صديق ديالي وخا منجذبة ليه ولكن هادشي غير على هد شكل لا اكثر لا اقل 
كوزير.. مالكي سهيتي فاش تتفكري 
جنان.. ياك نتا جن مغتقراش افكاري 
كوزير.. نقدر نقرا افكار الانس كلهم الا نتي
جنان.. علاش انا لا

يتبع

التنقل بين الأجزاء

صفحة القصة
سيتم تشغيل صندوق التعليقات بعد لحظات
معظم التعليقات تم إخفاءها بواسطة الفيسبوك، نحاول بكل الوسائل المتاحة إستعادتها في أقرب وقت ممكن.