كوزير .. حينت نتي كنبغيك اجنان انا كنعشقك ومنقدرش نعيش بلا بيك ومنقدرش نخليك نفضل نموت على فراقك ومتفرقني عليك غير لموت انا طول ما نتي فمستشفى انا لي عتانيت بك وشعرك ديما تنمشطو ليك وعاونتك ووقفت بجنبك لاني كنبغيك ولو مكنتض تنبغيك غنعاونك وغنبغيك فجميع حالات غنحبك اجنان
كما توقعت انا مابغيتش هادشي يوقع ولكن معندي مندير وفاجئني متوقعتش يكون تيبغيني لهد درجة
جنان.. ولكن اكوزير علاقتنا مستحيلة نتا عارف مزيان انك جن وانا انسية انا منكذبش عليك انا كنعتابرك صديق غالي
/وفدك لحظة نقز وشد ليا يدي
كوزير.. انا يكفيني نكون صديث غالي عندك غير خليني بجنبك وصافي او بالاحرى متفريش مني ومتخافيش مني مني ابدا واي حاجة بغيتيها اتكون بين يديك بغيتي فلوس قصر طوموبيل اي حاجة بغيتيها ومن بيوم اتعيشي كاميرة حيت نتي اميرة ديالي ومنخلي شوكة تضربك متصوريش اشو نقدر ندير على قبلك غير حاجة وحدة بغيتك تديريها هي انك تلبسي هد لخاتم وعمرك تحيديه دك لمرة ملبستيهش مبي حطيتو لك ولكن هد لمرة اتلبسيه
كوزير.. لا وياك تخافي طول مانا عايش مغاتقدرش توصل ليه
دازت ثلاث شهور انا ديما مع كوزير اي بلاصة قلتها ليها كيديني ليها ومعرقني فحوايج وديكا كناكل فبرا برعني مزيان ومكيغبرش علي حتا فليل كيجلس جنب سرير تا ننعس حيت كنخاف ننعس بوحدي ولفتو بزاف لكن كصديق وخا هادشي معذبو بزاف ولكن منقدرش نكذب عليه وهو فرحان غير كيشوفني ديما معه ومابقيتش تنخاف منو وزعمت عليه ونساني فهمومي
فقت فصباح نزلت مالقيتش كوزير انا دبا فواحد دار فلغابة زوينة بزاف لبارح جينا لهنا حيت تتعجبني طبيعة قلبت فداؤ مالقيتوش كنعيط عليه والو مكيجاوبش معرفت فين مشا دخلت للكوزينة عوتاني لقيت تما وحدة لبسات لبيض وشعرها كحل مشعكك ودارت لعندي اه هي كانت هي وانا نطلق برجلي هربت من دار كنجري كنجري دخلت فدك الغابة متوقفتش وانا لابسة غير صندالة ديال ميكة ضربت مسافة كبيرة ودرقت مالقيتهاش وجلست ستارجعت قوتي وشوي كنسمع خطوات درت لقيتها هي وكضحك ضحكة ضريرة اوف منك اكوزير فينك فينك غيقتلوني اشداني لشي جن اوف كنترعد بلخوف مقدرتش نجري رجلي كيترعدو كتمشي حتا وصلات لعندي وشدات يديا وانا غير شفت وجهها وفقدت لوعي مقدرتش نستحمل ملي فقت لقيت راسي فنفس بلاصة ولكن ظلام مكتشوفش رجلي ولا يدي من كثرة ظلام تملكني واحد لخوف رهييب ليوم غنموت غنموت عمرني خفت بحال هاكا كوزير موفاش بكلمتو معرفتش فاينا جهة نمشي خاني نسقل وصافي وبقيت فبلاصتي شوي كنسمع ضحكات شيطانية تعلي المكان وباين ماشي بوحدي لي هنا وشوي كنلقا اكبر صدمة فحياتي شعلو لعافية فعدة بلايص بش يضوا المكان شكون هوما شي مخلوقات عندهم يدين ورجلين بحالنا ولكن كلهم كحلين وبنيين وتيخوفو وعندهم الكرون فوق الجبة وكين لي عند قرن واحد بحال وحيد القرن وكانت بيناتهم سيخلار واحد سيف قدو قدام دارو دورة علي انا وسطهم انا بوحدي يشر وسديت عيني ذكرت اسم الله وفتحتهم لقيتهم متحركوش وقربات لعندي سيخلار انا تشللت مقدرتش نتحرك ربطات لي رجليا وعلقاتني من رجلي فواحد شجرة تما وهزات دك سيف لجيهتي بش تقتلني وهادوك مخلوقاتي كاملين
/غير خرجات حيدت سيروم وتبعتها خرجات وطليت مكين حد وهي مشات دخلات لواحد لبيت مشيت حداك دك لبيت سمعتها تتهضر مع شي وحدة
لبنت .. واش فاقت
فرملية ..وديت لها لماكلة صراحة للبنت بان عليهت لخوف
فوجهها وناس دوار خداو قرار صائب ملي تاصلو بي البوليس
/غير سمعت هادشي تزعزت بوليس انا مدرت والو ولكن بش غنجاوبهم انا الا قلت لحقيقة غيديوني لسبيطار الحماق مباشرة اشغندير شوي بانت لي واحد لبيت خرا فيها شي جلابة فحمر معلقة مشيت على اطراف صباع رجلي خديت دك جلابة وواحد شال تا هو فلحمر ولبستهم وخرجت من دك سبيطار وشديت طاكسي وانا معندي ريال غير وصلنا لمدينة تاز وقف وخرج معرفت لش خرجو وستغليت فرصة وهربت وخليت ناس لي ركبو معايا تيغوتو من مورا حيت غذرت مول طاكسي
ضربتها بجرية شوي حتا بعدت شوي كنسمع العصر وتبعت صوت الاذان حتى للمسجد دخلت توضيت وبقيت تما صليت مع نسا قلال جايين وبقيت تندعي بش نخرج من هد مصيبة كيفاش نوصل لكازا ومعندي ريال وحسيت بواحد ليد فكتفي درت لقيت واحد لمرا كبيرة فلعمر اتكون عندي 50 عام لمرا.. مالكي ابنتي جنان.. اشغنقوليك اخالتي متيقيش لمرا.. غير قولي ابنتي جنان.. انا من كازا اخالتي وتحصلت هنا فتازة معنديش فلوس ديال لكار وبقيت فشارع لمرا.. عندك زهر ابنتي حتانا كنسكن فكازا وغير جاية عند ختي هنا دارت لعرس لبنتها وغذا غنرجع يلاهي معايا جنان.. شكرا بزاف اخالتي عمرني منسا خير لمرا.. العفو هذا واجب ابنتي يلاه دبا لدار جنان.. وخا اخالتي لمرا.. تبارك الله نتي زوينة بزاف ابنتي جنان.. الله يحفظك اخالتي حتا نتي مزال محافظة على جمالك /بانت لي محافظة على زينها مشيت معها شدات طاكسي وطول طريق وهي كتشاطي جنان.. عندك لفيس اخالتي لمرا.. كلشي عندي ابنتي علاه غير نتوما شبب لي تشاطيو حنا لا وغمزاتني وشوي وقفات بينا طاكسي فواحد شارع خلصات وخرجنا مشينا وقفنا حدا واحد دار لمرا.. بنتي متحركيش من هنا انمشي ونرجع دبا /مشات شوي ورجعات حلات باب دار ودخلنا مرا.. بنتي رتاحي فصالون بينما ما نوجد كويل اتاي جنان.. وخا اخالتي فين هوما مالين دار لمرا.. خارجين ابنتي عندهم شي غرض /تكيت فصالون حتا داني نعاس فقت على يد شي حد على خدي حليت عيني وانا نتصدم لقيت واحد راجل اتكون عندو شي 40 هكاك راجل.. نتي زوينة بزاف بحال شي ملاك منين جيتي /حيدت يديه من وجهي جنان.. شكون نتا وفين هي لمرا لي جيت معاها راجل.. انا هو لي غياكلك ليوم وقرب ليا واحد كلينيس لجهة وجهي عرفت انه مخدر ضربتو فيديه ودفعتو حتا طاح وحطيت دك كلينيس فنيفو حتى نعس انا اكبر هبيلة كيفاش ثقت فمرا متنعرفهاش لي بان لي معندي دبا ريال وخاصيني لفلوس وقلبت فجيبو لقيت عندو بزطام حليتو لقيت لفلوس هزيت منهم لي يكفيني نوصل لدار ورجعت ليه لباقي وخرجت من دار وشديت طاكسي للمحطة بعد شي عشرين دقيقة واخيرة وصلت لامحطة خلصت مول طاكسي ومشيت لامحطة قطعت لورقة ديال 12 ليل وخرجت شريت سوندويتش وعصير وكليتو وبقيت تنتسنا فمحطة مرة كنجلس مرة كنوقف حتا ضربات 12 ومشيت للكار وشدينا طريق طول طريق منعستش كنفكر غير فهد وضع لي حطني فيه كوزير بلا ميهضر معايا ولا حتى يخليني نهضر واقيلا عيا ودبا خاصني نعتامد على راسي وتفكرت دك لمرا انا مخاصنيش نبقا نتيق فبنادم حيت بنادم غذار نجوت ليوم بمشقة الانفس
بغاني الجن الجزء الرابع
محتوى القصة
التنقل بين الأجزاء