بغاني الجن الجزء الخامس

وصلنا لكازا ومن بعد شديت طاكسي لداري ودخلت كيادن لفجر توضيت وصليت نعست ضرباتني لفيقة فظهر نضت دوشت ونقيت حالتي توضيت وصليت بدلت حوايجي لبست سورفيت وسروال ديالها فلوردي وسبرديلة فلبيض وسرحت شعري بسيشوار ودرتو على شكل ذيل الحصان وهزيت صاكي وخرجت من دار معرف واش نتغذا ولا نفطر مهم تغديت فواحد مطعم وكنفكر فين يكون كوزير ولفتو هو اكثر واحد كان باغي ليا الخير تخنقت بزاف بينما جلست بان لي واحد دري مقابا معايا كيغمزني حشمت بزاف كون كان كوزير كون شنق عليه اوف شوي سمعت واحد صوت خلاني نسد ودني كان قوي بزاف خفت يمشي ليا سمع صوت" لا لا لا لا اا لاااااااا مستحيييييييل انا سبب لاااااااااا " كان صوت ديال شي بنت وسديت ودني ملي هدا صوت حليت ودني وكشي فدك المطعم تيشوفو فيا ودك دري جا لعندي دري.. ممكن نجلس اختي /شفت فيه بان لي وخا دار حركات حامضين ولكن بان لي ضريف من وجهو معندي منخسر اصلا بغيت نهضر مع شي واحد جنان.. تفضل دري.. شكرا /وجلس ونظراتو عاديين مد لي يديه وسلمت عليه دري.. انا سميتي محسن ونتي جنان.. انا سميتي جنان محسن.. مشرفين اختي جنان جنان.. الشرف لي اخوي محسن.. شنو كديري فحياتك جنان.. بصراحة والو ودبا نيت غنقلب على خدمة ان شاء الله ونتا اشكدير فحياتك محسن.. سائق خاص الا بغيتي نقلب ليك على الخدمة نشوف لك جنان.. وخا شكرا مهم تكون خدمة شريفة قولي علاش جيتي لعندي محسن.. بلا ما تفهميني غلاط انا شفتك قبيلة سديتي ودنيك وكاع ناس فلمطع شافو وتعابير وجهك كيف كانو بغيت نعرف مالك جنان.. والو ضروني ودني صافي نتا باين عليك فضولي بلا قياس محسن.. تال هد درجة شوفي خلي ليا نمرتك بش نتاصل بك الا لقيت لك شي حاجة /عطيت ليه نمرة ومن بعد مشيت لدار مهم داز شهر لفلوس قربو يكملو ليا داز شهر على غياب كوزير وتا سيخلار عمرها بانت يمكن هذشي حسن ليا بش يبعدو من لمشاكل بديت تنولف شوي نعيش بوحدي بلا انس وبلا جن هد صباح فقت توضيت وصليت وفطرت ورجعت لبيتي تنقلب في فيس شوي حسيت بدار تهزات وتهدنات واك واك واقيلا هزة ارضية كتوجد توضع انا جريت خذيت صاكي وتلفون وعوتاني كتهز دار وجريت فدروج لي كان كيترعد ونزلت لجريت وحليت لباب وهربت وطاحت دار كلها وجيران كولهم مجموعين اشهد لمصيبة واقعة لي عوتاني معرفت مندير وجيران كلهم تيشوفو في وجات لجارة خالتي رقية كبيرة اتكون عندها 60 سنة وخا مكنهضرش معاهم بزاف حدودية بزاف مع جيران رقية.. اه ابنتي معندك زهر فهد دنيا حتا دار لي بقات لك طاحت بالاول باباك من بعد ماماك وخالك وولادو ها دبا دار الله يحن عليك /تصدمت كيفاش خالي مالو هو وولادو مفهمتش جنان.. خالتي كيفاش خالي وولادو علاه مالهم رقية.. ياك هو خالك غريبة هادي يا مشيتي معه اخر لمرة جا لهنا ملي ماتت ماماك ره خالك وولادو ومرتو ماتو كلهم وقالو بلي حتا بوليس ماتو فدارو الله يحفظنا ره ماتو محروقين ودار كلها تحرقات جنان.. امتا وقع هادشي رقية.. شحال هادي كثر من عام هادي قرب لعامين /ويلاه بغات تسول وزدت وخليتها لانه تانا معندي بش نجاوبها

كيفاش مات خالي مسكين وولادو ومرتو حتى سعد مسكين مات اهى اهى وبقيت تنبكي ناس يسحابليهم تنبكي على دار انا تنبكي على خالي ولادو لي ماتو بلا منعرف وتفكرت دك رسالة لي لقيتها بين حوايجي فسبيطار اشا ماشي فاطمة لي كتباتها واقيلا ماتو دك ليلة دبال راس سنة مسحت دموعي ومشيت عند خالتي رقية جنان.. خالتي قولي لي امتا ماتو عندك شي نهار معين رقية.. اه ابنتي سمعت ماتو فليلة راس سنة سمحي لي اسحابليا نتي عارفة كلنا غنموتو ابنتي متزيريش راسك /من بعد مشيت فين غنمشي دبا داري طاحت بينما تنفكر وتنمشي فشارع سكعن تلفون تاتصوني شفت رقم غريب جنان.. الو شكون معايا محسن.. انامحسن مالك صوتك مبحوح جنان.. والو قولي لباس عليك محسن.. لباس هد ساعة ونتي شوي ره لقيت لك خدمة عند ناس لي تنخدم عندهم وتقدري تبداي من دبا جنان.. واش بصح عطيني لعنوان /صيفت ليا لعنوان فمسج مشيت شريت صندالة انا لابسة دبا غير بيجامة ديال دار ولكن معندي مندير مشيت شديت طاكسي شحال ديال طريق ووقفات حدا واحد لفيلا او بالاصح قصر قدو وقداش كانو جوج حراس حدا لباب جنان.. سلام عليكم انا جيت من طرف محسن سائق لخاص ديال هد ناس حارس1.. نتي هي جنان لي جاية تخدم هنا جنان.. اه /حلو لي لباب ودخلت انا نبهرت فجمالية المكان دخلة ديال لفيلا كانت زوينة بلا قياس وللفيلا ولا اروع بقيت غير حالة فمي وجردة حتى هي قدها وقداش ملي تشوف فين عايشين بورجوازين تتقول انامعايش ولكن راحة البال هي كلشي مشيت تال حدا لباب ووقفت معرفت مندير وتاصلت بمحسن جنان.. محسن انا قدام لباب دخلت ومعرف اشندير محسن .. صافي انا غنتاصل برئيسة الخدم غتحل ليك /وقطع تسنيت شوي وها لباب تحل حلات لي واحد لبنت باينة عليها من الخدم لابسة لباس لخدم لخدامة.. نتي جنان دخلي اختي جنان.. وخا شكرا /دخلت وكانت دار تتحمق ديال بصح ودروج فيه زربية فلحمر نبهرت بجمال هد القصر بقيت واقفة فبلاتي حتا قطعات دك لخدامة صمتي خدامة.. يلاه اختي جنان.. اها وخا / وتبعتها دخلنا لكوزينة لي كان كبيرة بزاف وعصرية بامتياز ولخدامة كل وحدة تدير خدمتها لخدامة لي حلا لي جات لعندي مدات لي يديها عد تفكرات سلام هه خدامة .. انا سميتي عيشة عندي 26 انا وهادي سميتها ريم عندها25 ونتي جنان.. تشرفت بكم انا جنان 21 عام قربت نطله ل 22 ريم.. تشرفنا بيك وتحد صوت ورايا ديال شي مرا "ولي شرف/ درت لقبت وحدة لابسة تاهي كي عيشة وريم لمرا.. انا سمية رئيسة الخدم وكلشي يشوف خدمتو دبا بلا شك نتي جنان خدامة جديدة انا جنان.. اه هي انا مشرفين سمية.. مزال معرفتيش خدمك مهم نتي اتكلفي بالتنظيف وترتيب والتصبين عيشة حيبي ليها لباس لخدمة وشوفي دبا غير عاونيهم فكوزينة تا لغدا تبداي لخدمة حيت دار نقية دبا جنان.. وخا بغيت نسولك ولش كين لمبيت هنا سمية.. اه وحسن ليك المبيت بش متعذبيش فطريق يلاه طلقي راسك / جابت لي عيشة لبسة لبستها لي عبارة عن صاية ديال ثوب فلكحل وقاميجة فلبيض

لبستهم وعاونت لبنات درت صيبت شلاضة والديسير اما هوما صيبو الغذا حتا وجد كلشي شوي كنسمع صوت طوموبيل جنان.. شكون جاي ريم.. غتكون لالة حليمة وبنتها ايناس جنان.. شكون هوما هادو عيشة.. مالين دار جنان.. اه /شوي كنسمعو لباب وصوت طالون وسمعت صوت لمرا لمرا.. سمية سمية فينك واش لغدا واجد سمية خرجات لعندهم كتجري سمية.. اه الالة الغذا واجد حليمة.. اوا جيبوه دبا ره فينا جوع سمية.. وخا الالة /جات سمية لكوزيرة سمية.. لبنات يلاه ديو لغذا وحتا نتي معاهم اجنان سربيو راسكم /توترت شوي حيت اول مرة فحياتي نخدم هزيت مع لبنات لغذا حطينا كلشي في طاولة الاكل في صالون ويلاه بغينا نرجعو كنسمعو صوت طالون نازلين من دروج واحد لمراة اتكون عندها 48 هكاك وانيقة شعرها فلبيني قصير وعينيها بنيين بحالي ومحافظة على رشاقتها والبنت تا هي شعرها بني بوكاتو زوينة تتحمق عينيها زرقين وطايتها زوينة من ملامحهم باينين عليهم ظريفات بقيت ساهية فيخم حتا نزلو شوي كنسمع ريم.. جنان واش كستمعيني /عاد فقت ومشيت عندها تغدينا فلكوزينة وهوما تغذاو تما وعيطات حليمة ناخدو لماعن دينا ديسير لي صيبت وجمعتنا لماعن وشوي شي حد تاصل بسمية سمية.. الو شكون اه كينة صافي حلو ليها /وقطعات سمية.. جنان ره جاية عندك واحد لبنت قالت هي من طرف معقلتش على سمية سخار لاخار /تعزعزت من بلاصتي شنو بغات فيا هادي جنان.. سيخلار سمية.. يه هي سمية شوي سمعت لباب ديال دار تحل مشيت فيها وخرجت من لكوزينة كنجري مديتهاش فمالين دار لي كياكلو ديسير بانت لي حدا لباب واحد لبنت لابسة فستان بيض نص كوم وطويل شعرها حمر ماين للبرتقالي طويل ومبوكلي وهازة جوج لافاليز وداخلة حطاتهم فالارض وصلت لعندها وتلفت للالة حليمة وايناس لي كانو جايين لجيهتنا وسربيت شديتها من كتفها وخرجنا من دار وتوجهنا للحديقة جنان.. اشنو بغات مني سيخلار عوتاني قولي لها تعطيني تيساع لبنت.. شوفي سيخلار ماشي عدوتك جنان.. ماشي عدوتي وحاولات تقتلني واش كضحكي علي اسحابليك انا بشر وساهل تضحكو علي اشنكو كين فدوك لافاليز لي جايبة لبنت.. وصاتني سيخلار نجيب لك حوايج حيت مابقا عندك ما تلبسي من بعد ما طاحت دارك ووووصاتك تحافظي على القلادة والخاتم وياك ثم وياك تحيديها ولا تضيعيها جنان.. نتوما اكيد جايبين حوايج دايرين فيهم شي لعبة بش تقتلوني ياك لبنت.. لا لا انا جبتهم لك والله مافيهم تا حاجة مهم هاني خليتك وردي بالك ره ضربة من القريبة كتجي صعيبة جنان.. اشنو كتقصدي اجي وقفي قولي لي فين هو كوزير فين غبر علي لبنت.. كوزير ره ...... /وطلقات واحد لغوتة مجهدة وختافات في البلاصة هادي مالها عوتاني

كون ماسديتش ودني بزربة كانت اطير ليا شبكة وغنبقا صمكا طول حياتي رجعت لدار لقيت لباب مسدود دقيت شوي فتحات لي ايناس ودخلت كانت هي وماماها وعيشة وسمية وريم قدام لباب معرفت علاش تجمعو جنان.. سمحو لي برزتكم حليمة.. اشنو كين اجنان شكون دك لبنت لغريبة وفينا هي ره تسد لباب مابغاش يتفتح لي حاولنا معاه تا عيينا وتفتح غير ملي دقيتي مفهمنا تا حاجة فهادشي لي واقع جنان.. هد لبنت كتجي لوااحد صاحبتي لباب دبا ره مشات لبنت ايناس.. جنان دك لبنت شكلها وكلشي فيها غريب ملامحهة جامدين انا خفت منها جنان.. معندك لاش تخافي هي شوي غريبة الاطوار وحدودية بزاف داكشي علاش بانت ليك هكاك ايناس.. معرف اختي واهاد لافاليز ديال من جنان.. هادو ديالي جابت ليا /هزيت وحدت من دوك لافاليز مقدرتش نهزهم كلهم جنان.. مدام سمية ممكن توري بيتي عافاك سمية.. وخا تبعيني تبعتها لبيت ديالي كان فلاكاب بيت كبيرة على ديالي فيها سرير صغيرة لشخص واحد والماريو وصباغتها فلخضر مفتوح حطيت دك لافاليز ويلاه بغيت نرجع وبانت لي عيشة مسكينة مقاتلة مع لافاليز لخرا جنان.. مكين للش تعذبي راسك اختي عيشة عيشة .. مكين تا عذاب اختي سمية.. جنان يلاه لشغلك الا بغيتي تخدمي هنا جنان.. وخا دبا /حطات عيشة لافاليز وخرجات هي وسمية انا وتبعهم ودخلنا انا وعيشة للوزينة مافهمت والو فهادشي علاش سيخلار تصيفت لي حوايج زعما مفهمتش وعلاش هاديك لي صيفتات قالت لي دك لهضرة وعلاش ملي سولتها على كوزير ما بغاتش تجاوب ما فهمت والو شوي كنحس بشي حاجة اوف دم جاتني جنان.. عيشة عيشة.. نعم اجنان جنان.. واش عندك شي اولويز ولا كوشة ره جاتني لحاجة عيشة.. اه ههه تسناي انجيبو لك دبا/شوي جابت لي عيشة بكية اولويز جنان.. شكرا بزاف اختي عيشة عيشة.. حتا نتي اشنو درت يلاه سيري /مشيت لطواليت غسلت ودرت دك اولويز وجعت للكوزينة غسلات ريم لماعن مهم تعاونا على شغل ودرنا لعشا وجبة خفيفة مالين دار كيحافظو على رشاقتهم ما علينا حطينا لهم لعشا اينلس محيداتش عينيها علي غير كتبسم ليا ما فهمت فيها والو تانا تبسمت لها عادي وتعشينا حنا فلكوزينة وجمعات ريم لماعن ملي سالينا هبطنا لاكاب حيت تما تينعسو الخدم ريم وعيشة.. تصبحي على خير اجنان جنان.. وانت من اهل الخير /غير دخلت لبيتي وضرباتني ريحة المسك اه كوزير هنا تشعل بوحدو وتسد لباب بجهد وضو كيقطع ويرجع

ومن بعد شعل ضو وزكا تحطو دوك لافاليز بوحدهم وخرجو منهم بزاف ديال لحناش انا مقدرتش نتحرك من بلاصتي بغيت نغوت فمي تجمد ماشي من لخوف ولكن شي حاجة محكمة فيا وقلبي غيخرج من بلاصتو من لخوف سيخلار عوتاني بغات تقتلني باحترافية هد لمرة كنتفرج بدوك حنوشة خرجو كاملين بزربة كلهم كحلين وطلعو ليا كلهم وسديت عيني غطاو لي ذاتي كلها وحتا وجهي صافي قرب قلبي يوقف واقفة تنتسنا موتي وشوي كلهم نزلو حليت عيني كيبانو لي دخلو لدوك لافاليز وشوي ها كوزير جاي جيهة لافاليز وبان لي دخان وختافات لافاليز وطلق مني داكشي مزال منتيقاش كوزير هنا وجا عندي عنقني كوزير.. متخافيش اجنان تا حاجة متقدر وانا موجود جنان.. فين كنتي اكوزير كل هد لوقت كوزير.. كنت فلحبس اعمري ودبا راني رجعت لعندك وغنعيشو حياتنا فسعادة من الان جنان.. علاش دخلتي للحبس حاجة خرا متبقاش تقولي هاكا انا بحال ختك وخا نتا كتبغيني ولكن انا كنعتابرك بحال خوي كوزير.. بسبب سيخلار حيتضاربت معاها ومع هي من عائلة ملكية هي اميرة داكشي علاش تسجنت وهاني دبا راجل اجي من امتا انا خوك انا حبيبك ونتي حبيبتي /حيدت منو ومشيت جلست بناموسية جنان.. كيفاش اشكتقول اكوزير انا ديما تنعتابرك بحال خوي وغالي على قلبي وعمرني لمحت لشي حاجة عكس ذلك وخا نتا كتبغيني ولكن متفهمني ومرتاح انا مزال منسيت داكشي بي درتي خليتيني فدك دار فلغابة لا حنين لا ريم وحاولات سيخلار تقتلني مكلفتيش راسك تصيفت لي شي حد من دوك جنون لي تتعرف كوزير.. عافاك سمحي لي اجنان انا معنديش اصدقاء ومكين تا حد نقدر نثيق فيه منقدرش نعرضك للخطر جنان.. صافي وخا ماشي مشكيل /كوزير عطاني واحد صندوقة صغيرة فيدي حليتها لقيت ذهب ديال ماما جنان.. كوزير كيفاش قدرتي تجيبو انا بعدا حيدتو من بالي حيت طاحت دار ودنيا مرونة كوزير.. انا جن وقوي راني ماشي انس / وضحك وجلس حدايا جنان.. شكرا بزاف اكوزير لي درتي على قبلي ماشي قليل وعمرني ننسا خيرك كوزير.. نتي تستاهلي كل خير علاه شحال من جنان كنعرف غير وحدة وهي نتي جنان.. نتا هبيل هههه ديما تنقولها لك /وفهد اثناء لي قلت هد لهضرة دخلات علي ايناس انا تصدمت شفت فكوزير باقي فبلاصتو متحركش وشفت فيها دخلات وسدات لباب كانت لابسة ملابس نوم كوزير .. بلا متخافي هي مكتشوفش بلا متشطني ايناس.. ليوم قررت ننعس هنا معك جنان.. علاش امدموزيل ياك لاباس ايناس.. بلاما مديري فيها ذكية/وغمزاتي جنان.. كيفاش مفهمتكش ايناس.. راني كشفتك اجنان درت كاميرا عرفتك حيت من لغذا وبالي معك من لغذا

يتبع