بغاني الجن الجزء السادس

من تأليف أميرة بلهادي
2018

محتوى القصة


جنان.. اشنو كشفتي مفهمتكش ايناس.. جنان نتا جنية ياك غير قولي لي انا ره مهووسة بعالم الجن ديما كنقرا عليهم في اتترنيت وعندي بزاف كاب على هد عالم جنان.. واقيلا حماقيتي انا انسية والله ماشي جنية ايناس.. اذا نتي كتواصلي مع الجن حيت شفت حركاتك داخل الغرفة كنتي تتهضري مع شي واحد وملي دخلي تسد لباب بوحدو وضو كيشعل ويطفى ونتا بقيت فبلاصتك شحال ومن بعد دوك لافاليز ختفاو كررت الفيديو بزاف المرات ونتي كنتي تتهضري مع شي حد وملي كنت حدا لباب سمعتك تتقولي نتا هبيل شرحي لي هادشي /حصلاتني ديال بصح معرفت بش نجاوب تلفت لكوزير لقيتو تيشوف فايناس شي نظرات فشكل نظرات ماكرة بحالا باغي يخوفها وشاف فيا وبتاسم ايناس.. فاش كتشوفي هو ياك هو جالس حداك ياك الا معتارفتي انخرجك من لخدمة جنان.. ههه بصح الا خرجت من لخدمة عقلك غيخرج من بلاصتو حيت معرفتي والو ايناس.. غير كنضحك معك وصافي بغيت نخوفك شوي عافام عاودي ليا انا غنموت بلفضول ره كينة ضي حاجة جنان.. وايني نتي اكبر فضولية شوفي ايناس انا ليوم عرفتك انا منقدرش نثيق فيك ونعاود ليك اسراري فهميني ايناس.. جنان تيقي في والله منغدرك تقدري تحرضي علي جن ديالك الا غذرتك /بتسمات وبانت عليها صادقة جنان.. صافي وخا ولكن ملاحظة انا مكنحرضش لجن اختي على بنادم هذا كيتسمى شر وخبث ايناس.. يلاه عافاك قولي ليه يبان عافاك بغيت نشوفو جنان.. لا منقدرش نغامر بيك كوزير.. جنان انا غنمشي دبا نخليك تا من بعد جنان.. عافاك متمشيش اكوزير عوتاني غيتشطن بالي معاك ايناس.. كوزير ههههه هذي سميتو كوزير يا كوزير عافاك خرج لي هنا نشوفك ههه /كنشوف كوزير حتى ختافا جنان.. اجي جلسي متبقايش واقفة وكوزير ره مشا خاف منك مسكين ههه / وجات جلسات حدايا ايناس.. شكون هو هد كوزير واش راجلك الجني ولا حبيبك جنان.. هههه لا لا اشكتقولي فهمتي غلاط كوزير كنعتابرو بحال خوي /جلست عاودت ليها كلشي ونزلو دموعها وحتانا بكيت وعنقاتني ايناس.. هادشي لي داز عليك اجنان ماشي ساهل لحياة كانت معك قاسية بزاف وبنادم خايب اختي ولكن خالك لي حيرني فهادشي كيفاش مات فدك نهار بضبط مابغيتش نزرع فيك شك ولكن مية فلمية كوزير هو لي قتل خالك ولادو ومراتو جنان.. لالا اشكتقولي كوزير مستحيل يديرهاايناس.. جنان مالك ديما نية ومكلخة حركي شوي ذكاء ديالك راكي ذكية غير نية كتخليك غبية وسمحلي ولكن جن كيبغيك ومعاونك ومساندك ديما كيفاش تتقولي مستحيل جنان.. انا كنعرفو عمرو اذى شي حد ظلما ايناس.. مهم انا هادشي لي بان لي واك واك انا لي كندوي هنا بكل جراة عنداك يسحابليه اني كنحرضك جنان.. لا لا متخافيش هو ضريف كون كان خايب كاع منتيق فيه
ايناس.. ياكي هههه هرب مسكين مابغاش يبان جنان.. اه ههه خوفتيه /بقينا مجمعين انا وايناس من بعد مشات تنعس وبقيت تنفكر فكلامها وكلامها خلاني نشك فكوزير بانه هو لي قتل خالي وخا خالي شرير وغذا ولكن ماشي لدرجة يقتلو حيت ميستاهل لقتل كيبقا خالي فجميع الاحوال نعست وانا راسي غيطرطق نعست بحوايج لخدمة حيت معنديش بش نبدل وضرباتني لفيقة ف 6 صباح مابقاش نعاس دبا لخدمة حسيت بالمسؤولية على كتافي مشيت لطواليت بدلت علي اولويز وخرجت جففت دار لتحت ونظفت كلشي ودروج حتى هو وشوي ها ايناش مع مها نازلين لابسين لابسين رياضة جنان.. صباح لخير لالة حليمة ومدموزيل ايناس حليمة.. صباح نور تبارك الله دنيا نقية كتشعل ايناس.. صباح الياسمين جناني كي صبحتي وجات سلمات علي جنان.. الحمد لله بخير شكرا ونتي كي صبحتي ايناس.. بخير ميغسي /ماماها واقفة كتعجب منها ماشي نفخة ولكن ملي تقربات مني حيت غي لبارح انا متعجبتش من ايناس حيت بان عليها مهووسة بعالم الجن وتقربها مني عادي اي واحد بحالها غيتقرب مني من بعد ما خرجو طلعت للفوق جففتو ونقيت دنيا ودخلت للغرف كاملين جففتهم كانو في قمة روعة وكل غرفة قدها قداش الا غرفة وحدة مسدودة مقدرتش نحلها من بعد جمعت حوايج تصبين وحطيت فبيت صابون ملي سليت نزلت لتحت لقيت لبنات وجدو لفطور جنان.. صباح نور لبنات كي صبحتو ريم وعيشة.. صباح لخير بخير ونتي كي صبحتي جنان.. بخير يسولكم لخير فين هي مدام سمية ريم.. مشات مع محسن تجيب لي خاص ليوم عندنا شغل بزاف جنان.. اشنو كين ليوم عيشة .. ولد لالة حليمة جاي ليوم وغيديرو ليه حفلة جنان.. علاه هو فين كان ريم.. امريكا الالة امريكا جنان.. واو بنادم مجهد امريكا كاع عيشة.. ايه الالة حنا عمرنا شفناه طول ما حنا هنا انا ست شهور وانا هنا جنان.. علاش اشكيدير فامريكا هو عيشة.. عندهم شريكات فامريكا وفي المغرب ولكن هو نقل خدمو للمغرب دبا / من بعد فطرنا جنان.. لبنات انا غنخرج ريم.. علاش ياك لباس جنان.. بغيت نجيب حوايجي عيشة.. غير متعطليش بش متسمعكش سمية لهضرة جنان.. وخا شكرا . / نزلت لبيتي خديت صاكي وخرجت خديت طاكسي مشيت شريت لحوايج لي خاصيني ورجعت لقيت لبنات كيوجو فلغذا نزلت لبيتي حطيت دوك حوايج وداكشي لي جبت فلماريو ويلاه بغيت نخرج من لبيت حتى تقطع ضو وكنحس بفمي تشلل مقدرتش ندوي وداتي بحال لبارح تشللات بزاف حشرات طالعين مع رجلي بغيت نغوت مقدرتش قلبي غيوقف وشعل ضو ضو كنشوف بيتي عامرة بلعقارب وانا كنخاف منهم بزاف بان لي واحد راجل كاملو دمايات وعندو شعر طويل ومشعكك و عينيه حمرين وعندو جوج كرون وشي سنان بحال ديال سيخلار ووجهو عامر بدم ورلسم ابتسامة شر ومكر فوجهو وكامل ذاتو فيه دوك ديدان كحلين لي تيمصو دم جا قرب تا عند وجهي ولحس وجهي وباسني من فمي صافي هز واحد عقرب وكلات وفجاة غطاو وجهي كامل مقدرتش نستحمل وفقدت لوعي

فقت لقيت راسي فدك لغابة اه لغابة لي هربت منها لي حاولات سيخلار تقتلني فيها اشنو لي جابني لهنا شكون جابني شوي بان لي دك لهيش جاي لجيهتي وانا نطلق رجليا وضربتها بجرية كنجري شحال وانا نتصاطح معاه وشدني من كتفي وقالي "غنقتلك اجنان الا مقتلتكش ليوم يجي نهار لي نقتلك فيه" /وفقت ليه ايناس بجنبي ووجهي فازك كبات علي لماء ايناس.. هلا سلامتك اجنان خوفتني عليك اشنو واقع ليك جنان.. كيفاش حتى جيتي لهنا انا بخير موقعي ليا والو ايناس..نسيتي لكاميرا شفت منها وجيت كنجري عندك اشنو واقع ليك ولش سيخلار عوتاني جنان.. لا ماشي هي هد لمرة واحد لهيش كيهدد يقتلني /وعنقاتني ايناس ايناس.. الله يحفظك ايناس قولي لي شكون هذا تاني جنان.. معرفتش عمرني شفتو ايناس.. وعلاش باغي يقتلك جنان.. انا بحالك معارفاش علاش ايناس.. شوفي انا عندي كتاب تحضير لجن بطريقة مامنة ومافيها حتا شي خطورة وليلة بعد لحفل انزل عندك خاصنا نعرفو شكون هذا جنان.. لا واش حماقيتي ايناس غتعرضي راسك للخطر ومنسمحش ليك تعرضي حياتك للخطر بسببي ايناس.. بلاما تحاولي مغتقدريش تمنعيني جنان تاي انقى بنت عرفتها فحياتي كلها ونتي بريئة معندك حتا ذنب فهادشي وانا غنعاونك صافي قررت جنان..منقدرش نعرض حياتك لاخطر صافي انا غنمشي من هنا مابغيتكش تاذاي بسببي ايناس.. انا غندير داكشي لي فراسي مشيتي ولا بقيتي ويلا فعلا كتخافي علي متمشيش حيت نتي خاصك تبقاي معايا وتفيقيني ودبا ديري ختاري لي بغيتي /شوي كنسمع دقان وشي حد كيدفع لباب نضت حليت لباب كانت سمية وعاقدة غوباشتها سمية.. شجال وانا كندق فين كنتي جنان.. هاني امدام سمية سمحي لي سمية.. شكون لي معطلك هنا ره لبنات تيتسناو فيك للغذا ايناس.. انا كنت معاها اخالتي سمية سمية.. نتي كينة هنا ابناي ايناس ره ماما كتقلب عليك تغداي ايناس.. وخا سيري ها حنا جايين /مشات سمية جنان.. عافاك ايناس انا خايفة عليك مابغيتك تاذاي بسببي انا ولفت هدشي ولكن نتي لا ايناس.. اووف اجنان بلاما تعصبيني عوتاني صافي قررت هي قررت ونتلاقاو فليل جنان.. نتي عنيدة بزاف اجنان ايناس.. هادشي معروف علي هههه/طلعنا انا وجنان هي مشات عند امها وانا مشيت للكوزينة لقيت لبنات كيتسناو فيا غسلت يدي وجلست معاهم جنان.. عافاكم سمحو لي علاش متغداوش ريم وعيشة.. ماشي مشكيل يلاه جلسي /تغدينا ومشيت جمعت طابلة لي كلاو فيها لالة حليمة وايناس ولالة حليمة كتشوف في مفهماش علاش تتشوف في جمعت كلشي وحطيت ليهم ديسير ويلاه بغيت نمشي حليمة.. جنان قولي لي ابنتي شحال عندك فلعمر جنان.. قربات تولي عندي 22 حليمة.. تبارك الله باقة صغيرة نتي وايناس قد قد جنان.. الله يحفظكم لبعضيتكم حليمة.. امين قولي ابنتي فين هوما والديك علاش خولاوك تخدمي ونتي صغيرة الا عندكم شي ظروف نقدر نساعدكم /ملي سولاتني نزلو دموعي شلال مقدرتش نحبسهم تفكرت ماما جنان.. ماتو اخالتي وخلاوني اهى اهى خلاوني بوحدي فهد دنيا تيقي بي اخالتي تمنيت لو اني مت معاهم لاني معندي حد فهد دنيا /ناضت حليمة من بلاصتها وجات عنقاتتي تانا عنقتها بجهد توحشت ماما وخا عارفاها ماشي هي ولكن محتاجة لهد لحضن وخا غريبة علي حليمة.. سمحي لي بزاف ابنتي اهى اهى معرفتش انك يتيمة فكرتيني فراسب اجتان حتانا ماتو لي والديا وانا صغيرة

حليمة.. وحتى راجلي مات هادي عامين وخلاني ولكن اجنان عمرني ضعافيت بقيت ديما قوية وحتا نتي خاصك تكوني قوية جنان.. ماشي مشكيل الالة حليمة اه عندك لحق لحياة تستمر فجميع احوال حليمة.. ملي كنشوفك كتفكريني فراسي اجنان كنت بحالك ملي كنت صغيرة حتانا كان شعري طويل جنان.. اوا الحمد لله /شفت ايناس حتا هي عينيها حمرين حتا هي بكات هد ناس قلوبهم طيبة بزاف... من بعد مشيت للكوزينة جاو ثلاث ليشيف تعاونا فشغل حتا ليل درنا لعشا ووجدنا كلشي غيديرو لحفلة فجردة حدا لابيسين طاولات الاكل لي على شكل مستطيل ستفناهم درناهم صف وكراسي ديالهم ودرنا خرين طبالي خرين طويلات مهم قادينا كلشي ووصل ليل وناس قربو يجيو انا مشيت بدلت على اولويز وغسلت وهبطت لبيتي نرتاح حيت عييت بزاف تكيت شوي حتا رتاحيت وكنفكر فكوزير فين غبر علي مكانش هاكا معرفت مالو اووف راسي غيطرطق واش هو نيت لي قتل خالي معرفت انا ضعت قاطع تفكيري ايناس دخلات علي خلعاتني ايناس.. ههههه تخلعتي كيخلعك غير بنادم / وغمزاتني كانت في قمة الروعة لابسة واحد لاغوب فزرق وجاتها تتحمق ممعيقاش وشعرها سرحاتو جات فنة وهازة فيدها واحد كرتونة ديال هدايا جنان.. ما شاء الله اشهد الجمال اشهد الاناقة ايناس..سربينا يلاه جنان.. فين ايناس.. اتمشي تغسلي حالتك دغيا ليوم اتحضري للحفلة جنان.. لالا انا بغيت غير ننعس ايناس.. الا نعستي انقجك بغيتي تهربي مني ياك جنان.. اوف ايناس اخا خايفة عليك ..قاطاتني ايناس.. شوشو صاقي بلاما تعطليني سيري دوشي واجي دغيا دغيا جنان.. انا غنبقى هنا مغنعسش ايناس.. واي نوضي بغيتك تحضري معايا للحفلة ره حتا ماما طلباتها منك /ما شفت الا نستسلم خرجت بينوار شريتو ولي خاصني دوشت ونزلت لعند ايناس لقيتها موجدة سيشوار وميكاج هادشي مكتساليش تشفات وسرحات لي شعري بسيشوار ودارت لي مكياج خفيف وجابت لي دك كرتونة عطاتها لي ايناس.. كينة فيها واحد فستان لبسيه هانا كنتسناك على برا جنان.. مكانش عليك تعذبي راسك اختي ايناس.. تا نتي اشمن غذاب مهم لبسي دغيا جنان.. شكرا بزاف ايناس.. بلا شكر اجنان /خرجات ولبست دك فستان لونو فصفر طويل وصباط ديال طالو شفت فلمراية جيت زوينة ولكن القلادة لي خسرات لي لبسة ههه معليت وخرجت عند ايناس ايناس.. تبارك الله ممتيقاش هادي نتي اجنان نتي ملاك اجنان قلبا وقالبا / وعنقاتني جنان.. ماشي بحالك يا ام عيون زروقين ليوم اضبري على عريس متاكدة ههه ايناس.. اه اجنان كنتمنى غير صاحب خوي شفتو في الفيس حمقني جنان.. علاه يلقا حسن منك ايناس.. خفتك تخطفيه لي جنان.. ويلا كان هاكا سيري انا غنرجع للبيت ننعس ايناس.. وايني نتي حمقة اجنان غير ضحكت معك الا مكتاب ليا ره معندو فين يمشي ويلا مكتابش ره مكتابش يلاه نزيدو ره تعطلنا

طلعنا انا وايناس ومشيما للحفلة لقينا دنيا عامرة وسلمنا على كلشي لي سولها تتقوليه صاحبتي ههه ودنيا عامرة بتيتيز اشكال والوان كلشي مخرج عينيه فينا وبزاف لبنات لابسين مقزب ودايرين كيلو مجياج تخنقت شوي حيت ممولفاش هادشي او ممولفاش بنادم ومشينا عند لالة حليمة حليمة.. تبارك الله جيتو فنات ليوم نزوجكم ههه جنان.. حتا نتي جيتي تتحمقي ايناس.. ياك اماما بغيتي تهناي مني حليمة .. اشغندير بيك بلاتي خوك جاي /كنسمعو صوت طوموبيل ومشات لالة حليمة هزات تمر ولوز كان فواحد صينية وكلشي تاجهنا لتما وصلنا لقيت جوج شبان لابشين كلاص لول كان لابس كوستيم فالزرق وسروال ديالو فزرق وقاميجة فلبيض من لتحت طويل وكتافو عراض وجسمو رياضي شعرو كحل وعينيه زرقيه وبشرتو سمرا انا تيحمق بزين وجرات حليمة عندو باس ليها جبهتها وكلا تمر وشرب لحليب وسلمات عليه ايناس وعنقاتو خو ايناس.. نعرفكم هذا صاحبي امين امين هذي ماما وهذي ختي ايناس /وحتا هو كلا تمر وشرب لحليب وسلمات عليه ايناس وانا شديت صينية من عند لالة حليمة وبقيت تنتفرج فلالة حليمة طارت على ولدها تتنعنقو وتبوسو وحتا ايناس معنقاهم انا لي لحظة غرت منهم حسيت بالوحدة حسيت باني معندي لي يسول فيا ويلاه درت نمشي ندخل بلاطو مع مموالفاش طالون ضربتها بطيحة عالمية والحمدلله متكبش علي لحبي حيت شربوه كامل هه اخ تقصحت بزاف مقدرتش ننوض من الام وشوي حسيت بيدي ديال راجل علي نوضني من الارض درت لقيتو خو ايناس بقيت ساهية فوجهو نسيت الالم عينيه كيحمقو جنان.. سمحو ليا تعكلات رجلي حليمة.. ياك متقصحتي ابنتي جنان.. لا انا بخير خو ايناس.. الا مكتعرفيش تمشاي بطالون لاش لابساه من الاصل /فمي خانز ما بغيتش نرد عليه حيت كينين ناس وحيت كاينة لالة حليمة وايناس وجات عندي ايناس دارتني دخلنا لدار ايناس.. بقاي هنا حتا نرجع جنان.. وخا /مشات طلعات للفوق وشوي رجعات وفيدها صباط بلا فلكحل ايناس.. لبسي هادو سمحي لي اجنان بسببي طحتي واش تقصجتي بزاف بان عليك تقصحتي جنان.. لا متقصحتش بزاف مدرتي والو انا لي مرديتش لبال /لبست دوك صباط لي جابت عاد لقيت راحتي ورجعنا للحفلة جاو سيرفاي كيفرقو لعصير خديت عصير تانا كين بزاف صداع كلشي كيهضر ايناس مشات عند خوها كنشوفها من بعيد فرحانة كتضحك خصوصا كين امين تما لخوينزة تاتشير لي نمشي عندهم تجاهلتها ودك خوها مرة مرو تنحصلو تيشوف فيا انا وقفت بوحدي حدا طبلة ومديتها فحد لان وخا كنهضر تفكيري كولو فعالم اخر شاطني كوزير بزاف هو الوح لي كنعرف من قبل بغيت دبا سجاوبني على اسئلتي كلها سهيت حتى حسيت بيد تحطات على كتفي ومن الخلعة جنان.. كوزير جاوبني ايناس.. بسم الله عليك هاذي غير انا هههه واش كوزير هنا جنان.. سمحي لي خلعتك ره لقيتني تنفكر فيه داكشي علاش ايناس.. فاش تتفكري جنان.. بغيتو اجاوبني على اسئلتي انا غنموت بلفضول بغيت نعرف لحقيقة ايناس.. نساي هادشي دبا تا وقتو ونهضرو فيه اجي علاش مجيتيش عندنا عييت منشير جنان.. خليني بوحدي هنا ايناس.. واش نتي مقلقة من خوي على داكشي بي قال ليك ره هو مقصدش زعما يقلقك زعما تعصب ملي طحتي وهو ره متيحملش طالون ههه داكشي علاش ملي شافك ستاغل فرصة جنان.. عصبني صراحة صافي ايناس عافاك سيري انا مابغيتش /شكون سمعني جراتني من يديها وداتني لدك طابلة لي واقفين فيها لالة حليمة ووولدها وامين وصلنا عندهم

يتبع

التنقل بين الأجزاء

صفحة القصة
سيتم تشغيل صندوق التعليقات بعد لحظات
معظم التعليقات تم إخفاءها بواسطة الفيسبوك، نحاول بكل الوسائل المتاحة إستعادتها في أقرب وقت ممكن.