بغاني الجن الجزء التاسع

دخلنا للاوطيل تعشينا لقينا منير حجز ثلاث غرف ايناس.. خوي لغي الحجز ديال الشمبر الثالث هنا غنباتو فشومبر واحد منير.. وخا لي بغيتو امين.. منير هادو معجبونيش كيخططو لشي كارثة ايناس.. نتا مالك اجي وعلاش لاصق فينا امين.. راني حاجز هنا تانا وانا لي حجزت ليكم /لغا امين الحجز وطلعنا فالاسانسور وصلنا فين كين الشومبر ديالنا ايناس.. تصبحو على خير منير.. تصبحو على خير /دخلنا انا وايناس حطات ايناس لافاليز كان شومبر تيحمق وساحر ولكن العيا غالب علينا ومشينا تكينا فوق النموسية متنا بالعيا تكينا شي نص ساعة حتى رتاحينا وتفكرت اوليز خاصني نبدلو جنان.. ايناس مصيبة ايناس.. مالكي اشمن مصيبة عوتاني خلعتيني جنان.. نسيت اولويز مجبتوش ايناس.. تفو عليك طيرتيها مني خلعة اسحابلي جليتي القلادة ره تانا فيا دم وجبت معايا / ناضت حلات لافاليز وجبدات اولويز عطاتو ليا مشيت لحمام كين فشومبر غسلت وبدلت خرجت ودخلات ايناس شوي تا هي خرجات ايناس .. دبا غنمشي جنان.. فين غنمشيو فهد ليل ايناس.. فنظرك فين غنتاقلبو للعالم الاخر جنان.. حماقيتي حنا فليل تال غذا ايناس.. واش اسحابليك بلي غيخليونا غذا نغفلو وامين بدا تيشك فينا جنان.. وخا ولكن انا خايفة نتحصلو تما ايناس.. متخافيش انا معاك مغنتخصلوش تما غنرجعو بنفس طريقة لي غنمشيو بيها جنان.. وخا انا خايفة عليك ايناس عنداك طرا ليك شي حاجة ايناس.. متخافيش احبيبة مغيوقع والو بلاتي خاصنا نبدلو حوايجنا جنان.. ره حنا لابسين اشغنبدلو ايناس.. راني جبت معايا جوج فساتين نلبسوهم شريتهم لعام لفايت هوما تيلبسوهم في الافلام الخيالية /جبدات جوج فساتين بحال هادوك لي فمسلسل حريم السلطان واحد في البني واحد في الزرق هادي هبيلة نيت ههه جنان.. ايناس نتي علام منين شريتيهم ايناس.. لبسي وسكتي ره مخاصناش نضيعو الوقت/عطاتني البني جا نيت على شكل عيني وهي خدات الازرق كانو فساتين طوال مزيرين من البطن والصدر ولتحت واسع ونص كوم دخلات لطواليط تبدل وانا بدلت تما شفت فمراية جاني داكشي تيحمق شوي خىجات ايناس جاتها تتحمق جنان.. ما شاء الله بحال الاميرات ايناس.. حتا نتي امىات خوي تتهبلي الا شافك غيخطفك جنان.. بديتي عوتاني حتى قلت نسيتي لموضوع ايناس.. نسيتي حصلتكم تتبوسو العفريتة مرتاحيتي حتى تباوستي معاه انتقام من نسرين /قرصتها جنان.. اشتاتقولي ايناس غتقلقيني منك انا ماشي هكاك ره خوك لي حاصرني وبسني بزز ايناس.. ههههه باينة بوس ديال بزز لقيت معنقاه تتقولي بوس ديال بزز باز ليك وصافي غير عتارفي انك معجبة بيه بحالي انا معحبة لدك راس طارو ديال امين وبيني وبينك مكرهتش شي بوسة احح جنان.. اووف ايناس سكتينا انا مكنحملش خوك تيقيني ايناس.. صافي بلا ما تعصبي الاميرة ديالنا تيقتك جنان.. بصح زعما تيقتني ايناس.. هنههههههه خلي هد موضوع تا نرجعو من العالم الاخر

مشات ايناس جابت واحد الابرة عطاتها ليا ايناس.. خشيها بشوي يخرج شوي دم شوفي ملي غتضغطي على الحجرة غتسدي عينيك ومطلقيش من يدي وخا وقولي سيخلار جهدي صوتك شوي جنان.. وخا /خديت الابرة خشيتها بشوي فصبعي حتى خرج دم وشديت فيد ايناس وسديت عينيا وقلت سيخلار بجهد شوي حسيت بحالا كندخلو من شي اونبوب طويل ورجلينا تهزو من الارض وكينة الريح كضربنا على وجهنا شي خمسة دقايق وحنا على ديك الحالة حتى حسينا بان تحطو رجلينا فالارض ايناس.. حلي عينيك اجنان صافي وصلنا /حليت عينيا لقيت بلي حنا فواحد الغابة وقدامنا واحد القصر اسود وكين والغابة مخيفة حنا في نهاية الغابة قدام دك القصر جوج حرام طولهم واصل ب3 متر جنان.. ايناس اشغنديرو دبا فين هي سيخلار ايناس.. ره سيخلار اكيد كينة فهد القصر وخاصنا ندخلو حيت جنان.. ايناس ره دبا مكينش حجاب بيننا وبيناتهم حيت حنا دخلنا لعندهم ويلا سجنونا ولا شي حاجة ايناس.. مالكي خوافة يلاه نمشيو عند دوك الحراس نسولوهم جنان.. ايناس انا خايفة عليك انا غنقدر نرجع ولكن خايفة يفرقونا ايناس.. مغنتفارقوش تيقي بيا يلاه خاصنا نكشفو هد الحقيقة ونعرفو كيفاش..... /مكملاتهاش حتى سمعنا صوت من ورانا درنا لقبناه دك لعيش هو وواحد من لجن واقف كي لبوطو حدانا سيفاخور.. كيفاش نتخلصو من سيفاخور هههه جنان مرحبا بيك فعالم الجن بغيتي شي كويس اتاي ولا شوي الفاكية جنان.. بسم الله الرحمان الرحيم سيفاخور.. شوفي ره مغاديش نختافي وخا نكون شيطان حيت نتي فعالمي دبا هههههه وانا غير جني مسلم جنان.. باز ليك ولوجهك القاصح عطيني بتيساع الله يعطيك شي مصيبة سيفاخور.. ماشي قبل مناخد روحك ايناس.. اشنو دارت ليك لبنت تحقد عليها قوليا سبب مقنع انا مكتهمنيش الا كنتي جن هادشي ظلم فحق جنان هي ماذات تا واحد جنان.. عافاك ايناس مدخليش فهادشي سيفاخور.. اي هاي على الصديقة المخلصة ديال جنان حتى نتي غنسكتك للابد جنان.. هضر معايا انا هي مدارت ليك والو ايناس.. بلا متعصبيني اجنان خليني نهضر /كتهضر وكترعد/ شوف اسيفاخور جنان معندها حتى ذنب وكل حياتي عمرني شفت شي وحدة بريئة بحالها وهي طيبة عمرها اءات تا واحد ومعندها حد فدنيا والديها ماتو كلشي مات وبقات يتيمة وتقهرات فحياتها وتا حد ممعايا ونتا بغيتي تزيد عليها هي اصلا كتعاني وحيدة خليها تعيش حياتها وسير عيش حياتك الا خوك مات فهو قتل ناس ابرياء معندهم ذنب وجنان معندها حتى دخل فداكشي ومطلباتش منو حتا حاجة وهي هذا ظلم الا كنتي ملك وحاكم عرفناها ولكن ره غتكون حاكم ظالم مكينش قانون يعاقب بريء سيفاخور.. بصراحة هضرتك معقولة بزاف وكلشي صحيح ولكن منساش ان خوي مات بسبابها اه مطبات منو والو ولكن هادشي متيعنيش انه ماشي بسبابها ره حاانا فقدت اعز ما عندي بسبالها مات خوي وحتى بابا مات حيت مصبرش حتى موت ولدو ومات حتى هو وبقيت وحيد لحاجة لوحيدة لي غتريحني هي نقتلها وناخد روحها بيدي وغندير المستحيل بش ناخد روحك اجنان ومغاديش نشفق عليك لانه كون ما نتي كاع ميموت خوي جنان.. مكنتسناش شفقة من عديم الاحساس بحالك الهيش ويلا كانت موتي بيديك فما عندي هروب منها ولكن هادشي متيعنيش اني غنستاسلم غنقاوم حتال اخر لحظة/شوي تبدل الجو كانت ريح مجهدة شوي وطيرات شعري لي طلقتو وسيفاخور بقا تيشوف فشعري تنشوف حيت كينة الكمرة سيفاخور.. قاومي يا جميلة فصراحة نتي اجمل ما شفت عيني وتمنيت لو اني عرفتك انا مكنتش غنرتاكب خطا ونموت ولكن مكتوب نكون عدوك يا جميلة انا فهمت خوي لي بغاك حيت ميمكنش شي حد يشوف هد لجمال وميعجبوش منساوش لالة ايناس لي كتبان بحال حوريات ولكن هادشي مكيعنيش اني مغندوقكمش العذاب هههههه /كنشوفوهم جراو بسرعة البرقة حتى ختافاو بين الشجر

ايناس.. يلاه نمشيو للقصر جنان.. وخا مطلقيش مني ايناس.. وخا منطلقش منك /مشينا تجاه القصر كنمشيو وكنترعدو خصوصا اننا كنسمعو صوت الغوات وصوت سناسل وصوت الجلد هادوك لحراس غيكونو شافونا مهم تنمشيو حتى وصلنا قدامهم اشغنقوليكم بحالنا فشكل شوي عندهم يدين ورجلين ولكن جسمهم اكبر من ديالنا ولكن عندهم كرون وعينيهم حمرين وسنانهم بحال ديال نمر ونيفهم بحال ديال القرد ووذنيهم طوال كيخوفو انا تملكني الخوف وكنترعد اول مرة ندخل لعالمهم جنان.. سلام حراس بجوج.. وعليكم سلام ههههههه انس عندنا هنت جنان.. ره عارفين شفتونا من شحال حارس1.. علاش كتقلبو هنا جنان.. تنقلب على سيخلار حارس2.. اشنو بغيتيها الا بغيتي نصيحة سيري رجعي منين جيتي راكي قدام السجن جنان..انا تنقلب على سيخلار عافاكم قولو فين كينة حارس.. 1في السجن /وشوي تفتح باب القصر وخرج منهم واحد طول منا بشوي ولكن غليض قدو قداش معندوش الكرش وعندو كروب بحال ديال الحولي وبصوت مخيف "اشنو كديرو هنا الانسيات انا شفعمان مسؤول على السجن " جنان.. حنا جينا بغينا نشوفو سيخلار ممكن تدينا تشوفوها شفعمان.. منين تتعرفو الاميرة سيخلار واش بغيتو عندها جنان.. هي تتعرفني عافاك ديني نشوفها شغعمان.. الا كتكذبي غتعاقبي نتي ولي معاك جنان.. لا مكنكذبش شفعمان.. وخا دخلو ولكن بالاو غتسول الملك عاد نخليكم تشوفوها جنان.. وخا / دخلنا انا وايناس لقينا فطريق عامر تما بالحراس واقفين هازين سيوف ودخلنا لداخل وسجن عامل بصوت الغوات وجلد وسناسل وشفعمان تابعنا من بعد ما صيفت جوج من حراس يسولو الملك كنتمشاو تما حتا وصلنا لواحد لبلاصة باينة منصة الاعدام وكين تما شي جنب غيتعذب حاطين راسو على المقصلة شفعمان.. يلاه عدموه لش كتسناو جنان.. لا لا عافاكم متقتلوهش /كلشي تلفت ليا وبقاو تيتعجبو مني لتيقولو فعقلهم اش كدير هد انسية هنا شفعمان.. كتجاوزي حدودك اجنان لزمي حدودك نتي معندك تا علاقة بهادشي جنان.. شنو دار مسكين يش تقتلوه ماشي حرام عليكم شفعمان.. هذا لي تتقولي عليه مسكين ره حاول يقتل الملك وطببعا هذا عقابو جنان.. اه صافي ولكن خليوه حتا نخرج عد قتلوه راني مابغيتش نشوف هد المنظر /قاطعني واحد الصوت مورايا "كون غير كان كلشي بحالك اجنان ما تطيب قلبك وما ارحمك " /درت لقيت واحد راجل غيكون فخمسين عام لابس لباس بحال ديال افلام الخيالية لباس ملكي وجهو بحال ديال بنادم نيفو لي ممقادش وعيينيه لونهم اصفر وجسمو رياضي بحال ديال مصارعين وعندو شعر حد لعند وعندو جوج كرون صغار وولكن طويل بزاف بحال الحراس ولابس تاج فوق راسو وداير لحية جنان.. منين كتعرفي نتا الملك ياك الملك.. اه انا هو اب سيخلار قالو لي الحراس انك بغيتي تشوفيها جنان.. اه انا بغيت نشوفها الملك.. وخا سيخلار عاقبتها لانها ختارقات القانون وانا لي سجنتها هنا وخا بنتي ولكن القانون هو القانون شفعمان سير ديها لتما /خرج واحد الخاتم عطاه لي فيدي فيه حجر في اللون الابيض زوين بزاف تيحمق الملك.. هد الخاتم غيحمي افكارك تا حد من معشر الجن غيعرف فاش كتفكري وحاجة خرا حافظي على القلادة واياك ضيعيها ابنتي كون قدرت نعاونك بكثر منترددش ولكن اليد قصير سيفاخور هو ملك حتا هو وعندو جيشو وعماه الانتقام جنان.. شكرا لك بزاف وسمح لينا على الازعاج الملك .. مرحبا بك انا خوك في الاسلام ومثابة جدك او جدك جدك /خرج واحد القلادة زوينة بزاف فيها احجار زوينة عطاها لايناس لي تقطع حسها الملك/هادي لالة ايناس بش متقلقش منا تقول الملك لخيل ايناس.. شكرا سيدي الملك كم انت كريم /طيراتني تتهضر بالفصحة الملك.. العفو

مشينا مع شفعان دزنا غلى زنزانات بزاف حتى وصلتا لزنزناتة سيخلار شفعمان.. هادي هي سيخلار /شفنا فيها من ورا القضبان عي ماشي كما كتجيني هي تتشبه بنادم طويلة علينا بشي خمسين سنتيم عندها جوج كرون صغار ونيفها قشكل وشغرها طويل ولكن مشعكك جنان.. هادي نتي اسيخلار سيخلار.. اه انا كيفاش جيتي لهنا جنان.. نسيتي القلادة سيخلار.. شكون وراك كيفاش تجي هذا لي بغيت نقول جنان.. ماشي مهم جيت نسولك على سيفاخور سيخلار.. اولا اجنان سمحي ليا بزاف على كلشي درتو كوزير وصاني عليك قبل ميعدموه بش نرد ليك لبال وانا كنحس بندم بزاف جنان.. ماشي مشكيل مهم انك نادمة دبا قولي لي كيفاش نتخلص من سيفاخور سيخلار..للاسف اجنان معندي بش نعاونك الا نقوليك تردي البال للقلادة جنان.. قولي جات عندي واحد لبنت قالت من طرفك شكون هاديك وعلاش غوتات علي سيخلار.. هادي الخادمة ديالي وحصلها تما سيفاخور وضربها كان غيقتلها لمرة الاولى جنان.. الله ياخد فيه لحق واش دبا هي بخير سيخلار.. اه لباس عليها جنان.. سيخلار نتي بسبابي داخلة هنا ياك سيخلار.. لا ماشي بسببك متبقايش ديما تلومي فراسك ره بسبب اخطائي جنان.. ياكما غيعدموك سيخلار.. لالا ردي لبال مزيان للقلادة اجنان والخاتم ايناس تا تا نتي ردي لبال ايناس.. شكرا لكي ايتها الاميرة المسجونة سيخلار.. ههههه ره كنهضر بدارجة كتر منك جبتي لي ضحكة ايناس.. هههه وخا زعما غير قلت نهضر تنا بفصحة جنان.. مهم الله بعاونك حنا غنمشيو دبا /رجعنا انا وايناس من عند سيخلار وقفنا فواحد بلاصة ضغط على جرحة وخرج دم شديت فيدين ايناس وضغط على القلادة وسدينا عينينا نفس الحاجة لي وقعات فلول حلينا عينينا لقينا راسنا فشارع حدا الاوطيل وطلع النهار غيكون ظهر ايناس.. اوااااه مل هد الوقت حنا تما جنان.. دبا ناس غيكونو تغذاو انا كنحس بكرشي خاوية ايناس.. واك واك اجنان غيقتلنا خوي جنان.. اوف زعما مشينا بليل بش معيق بينا حد دبا بش غنبرؤو ريويهاايناس.. معرفت اجنان لي عارفة اني غناكل العثا انا وياك مغيتيقناش الا قلنا ليه كنا فسجن ديال الجن جنان.. نتي مبرزطانا نمشيو لتما اشنو ستافدنا دبا ايناس.. كيفاش اشنو ستافدنا مشفتيش اخاتم ديالك والسنسلة دبالي الغزالة انا جبت بعدا سنسلة زوينة دك لملك ظريف بزاف وخا دك بلاصة مخيفة جنان.. عندك لحق دبا مغيقدر حد يقرا افكاري ايناس.. يلاه ندخلو دبا /كنتمشاو انا وايناس ندخلو كلشي تيشوف فينا دخلنا لاوطيل مع دخلة تلاقينا مع منير وامين جا منير كيجري عطا واحد تصرفيقة لايناس انا شفتو ضربها خفت تجي نوبتي وجريت خرجت من الاوطيل وتبعني كيجري انا كنجري وهازة دك لكسوة كلشي تيشوف فيا كندور كنلقاه قريب يشدني وانا نضربها بواحد طيحة عالمية مقدرتش ننوض تقصحت ديال بصح حيت كين البرد بزاف وبقيت هكاك كنبكي من الالم لي تنحس بيه ولكن منستحملش يضربني شي حد جا منير هزني من الارض لقاني غارقة فدموعي وكرشي تتقطع من الالم منير.. واش نتي هبيلة علاش هرلتي دايراها قد راسك وهربتي جنان.. اهى اهى طلق مني متنوضنيش كرشي كضرني منير.. الله يصبرني اشهد المصيبة قولي ليا علاش هربتي واش حماقيتي جنان.. انا مابغيتكش ضربني ماشي حيت خايفة منك انا اثلا مكنخافش من حتا واحد ولكن منسمحش لتا واحد يمد علي يديه ويحاسبني /هزني منير من الارض وغادي بيا وكلشي تيشوف فينا منير.. عاجبك الحال ياك حسابي معك من بعد جنان.. زيد وسكت ماشي شغلك فيا منير.. وزايداها بطولة اللسان

يتبع