قصة بغاني الجن

انا سميتي جنان وفعمري عشرين بشرتي بيضاء وعيوني قهويين كبار ومشفرين وشعري كحل طويل وكلشي تيقولو لي زوينة انا غير فدار حيت عطلة دبا قريت تال سيزيام وخرجت بحكم ظروف ديالي انا كنعيش مع ماما بابا توفى مني كنت صغيرة وماما لي كبراتي وانا الوحيدة عندها وخدمات وضربات تمارة مسكينة طول هد سنين علي بش نقرا وندير شي حاجة ولكن ظروف قاصحة بزاف وحتا انا مكنجيبش نقط وديما كنسقط هي كتخدم غير فديور ومؤخرا صحتها تدهورات ملي نسولها مالها متتبغيش تقولي حاسة انها مخبية شي حاجة حتى طبيب مابغاتش نديها ليه وما خلاتنيش نخدم انا يلاه فقت مشيت توضيت صليت ووجدت لفطور ومشيت نفيق ماما مفاقتش ليوم ماشي عوايدها وخا مريضة تتفيق حليت بيتها كنشوف لونها مبدل جنان.. ماما فيقي تفطري ره وجدت لفطور / متحركاتش وقرب لعندها / جنان.. ماما في في واش كضحكي معايا فيقي بش تفطري ره صبح لحال /متحركاتش! وحركتها بجهد والو متحركاتش وجسمها بارد بزاف لقيت نبض عندها توقف جنان.. ماما فيقي عافاك ماما متموتيش عافاك وماما اهئ اهئ اهئ ماما عافاك لمن تخليني عافاك / شي ساعة وانا من تتحرك فيها ونبكي حتى نشفو دموعي وخرجت عند جيران كنغوت لربي لي خلقني جنان.. وا اعيباد الله ماما ماتت ماما مات / كلشي كيجيرو عندي ودخلو لدار وانا خرجت ماقدرت نبقا تما وروح ماما مشات من دنيا بقيت تنجري فشوارع ونبكي ونغوت ونقول ماما مشات شي كيهرب مني شي كنشوف فيهم نظرة شفقة حتى وصل ليل ورجعت لدار رجعت الجحيم ... دقيت لباب بامل يكون هادشي كامل حلم بامل تفتح لي ماما وكنشوف لباب تفتح ودخلت مشفت شكون حل مشيت تنجري لبيت ماما مكيناش هنا داوها دفنوها مشيت الحمام توضيت وصليت ودعيت لها بالمغفرة وقريت شوي دلقرآن وحشيت بالامان بلاتي شكون لي فتح لي لباب ديال دار خرجت من بيتي نزلت قلبت لتحت ما لقيت والو وحتا لفوق واقيلا شي جارة وخرجات ومشيت نعست فبيت ماما مهما حاولت منقدرش ننساها وبقيت تنبكي تنبكي ونشهق ليل كولو تا وصلات دك 3 وانا غير عاطياها للبكا وكنحس بشي يد تحطات علي وسمعت صوت رجولي "باركة عليك طيبتي لي قلبي " درت مالقيت والو حيت كنت شاعلة ضو جنان.. شكون كين هنا شكون قلبت فلبيت ما لقيت حد /واقيلا بديت نفقد عقلي ومشيت للحام غسلت وجهي ونعست ...

ضرباتني لفيقة فصباح نضت توضيت صليت صلاتي ويلاه نازلة مع دروج كنحس بدوخة وكرشي خاوية جوج هذا من مول لبارح مدقت نعمة مشيت لكوزينة صيبت فطوري وجلست تنفطر فجو كئيب فهد وقت تتكون معايا ماما ولكن مشات معندي حد نمشي لعندو فهد لمدينة كين عندي غير واحد خالي فمدينة خرا واقيلا معرفش بلي ماتت كملت فطوري وخا مكين منين يدوز ولكن وجمعت ماعن غسلتهم ومشيت خديت تلفوني تاصلت بخالي شحال كيصوني تلفون عاد جاوبني جنان.. الو خالي خالي.. الو بنتي جنان هادي نتي جنان.. اه اخالي انا جنان بغيت نقوليك شي حاجة خالي.. راني عرفت ابنتي هاني فطريق جاي لعندك مقدرتش نجي لبارح حيت معرفت تال ليل غنوصل فوقت لغذا جنان.. وخا طريق سلامة غنوجد ليكم لغذا / خالي.. بلا ما تعذبي راسك غنجيب لغذا ره جيت انا وولادي ومرتي جنان.. لواه لاخالي عذابكم راحة غنوجد لغدا متجيب والو/ وقطعت جمعت دار وسيقت طليت على ثلاجة مابقا فيها والو لبست علي وخرجت جيت تقضية جيران كامليين رحمو لي ماما ملي خرجت شي كيعنق شي كيبكي ومدخلت لدار حتى ما ما بقا طريق تيبان لي من دموع غسلت وجهي وستغفرت الله درت لغدا يطيب وتفكرت اني نسيت ديسير نقصت لبوطة وخرجت من كوزينة بش نمشي نجيب ديسير سمعت شي حاجة طاحت واقيلا كوكوت طاحت دخلت كنجري لقيت واحد مقلة طاحت هزيتها حطيتها فبلاكار عجب مكانت هنا هد لمقلة وشفو فوق بوطاجي واحد قفة منين جات هد قفة حبيتها لقيت ديسير منين جا هد ديسير انا ماشريتش فواكه اش هادشي تيطرا معاية واقيلا بديت نحماق واقيلا جبتو ونسيتو حيت كل تفكيري غير فماما لي خلاتني ومشات زدت لبوطا .. طاب لغذا وعدلت ديسير وشوي كنسمع دقان ....

حليت لباب كان خالي وولادو بثلاثة ومراتو سلمت عليهم ودخلو جنان.. مرحبا بكم خالي غسلو يديكم انا نحط لغذا اتكونو جيعانين /حطيت ليهم لغذا وتغذينا انا بزز بش كليت مافيا منين يدوز.. ويلاه بغيت نجمع ماعن خالي.. جنان بنتي خلي ماعن اتجمعهم خالك فاطمة جنان.. لا اخالي هي عيانة حشومة تقول هاكا انا جالسة غير فدار فاطمة.. لا احبيبة مكين تا عذاب /غير تدور فعينيها قالتها غير بزز جمعت طابلة ورجعت عندهم خالي.. جنان خاصنا نديرو صدقة على ماماك جنان.. اه اخالي وانا كنت ناوية نديرها غذا اش بان ليك خالي.. يه ابنتي وخا انا خاصني نرتاح دبا جيت ليهم اغطية ونعسو كاملين بان عليهم لعيا بزاف توضيت صليت ونعست تا فيقتني شي يد تحطات فوجهي وصوت "سيري لبيت ماماك دبا!" حليت عيني ما لقيت والو ستغفرت الله ونضت من بلاصتي مشيت مباشرة لبيت ماما كنسمع تخرشيش حبيت لباب لقيت مرات خالي تتقلب فحوايج ماما خوات نص ماريو غير شافتني طاح فيها نص باينة عليها علامات توتر جنان(بغضب.. اشنو كديري لبيت ماما وباشمن حق تتقلبي فحوايج ماما هاااا! فاطمة(بتوتر .. والو والو ابنتي غير تنخوي حوايج ماماك نصدقوهم وصاقي بش يوصلها الاجر جنان.. آخر مرة نشوفك فبيت ماما انا هي بنتها انا لي غنتكلف بهادشي بنفسي فاطمة. سمحي لي ابنتي غير بغيت ندير لخير وصافي مالك معصبة تال هد درجة جنان.. ره لبارح ماتت لبارح واش كتفهمي شنو هو لبارح ودبا خرجي من بيت ماما انا ما عندي خاطر لحد وكنتمنا تعذريني /خرجات بلا تهضر وهزيت حةايج ماما عنقتهم وشميت ريحتها فيهم ونزلو دموعي بشلال ومسحتهم دغيا مابغيتش يشوفو فوجهي نظرة شفقة خاصني نكون قوية داز دك نهار ونهار ثانية درنا صدقة جاو جيران كلهم داز نهار متعب ...

في العشية من بعد ما سالينا جلسنا فصالون خالي.. جنان جمعي حوايجك ابنتي بش غذا نديوك معانا جنان.. لا اخالي انا مغادة فين نتا اخالي يلاه قاد بعائلتك وعندك اولاد انا غنبقا هنا ندير على راسي خالي.. مستحيل اجنان اشكتقولي نتي غتمشي معايا انا لي مكلف بيك دبا /شفت حتى عييت ما لقيت الا انني نمشي معاه حيت معندي حد جنان. وخا اخالي انا غنمشي نرتاح / طلعت لبيتي جمعت حوايجي كلهم مشيت لبيت ماما لقيت فاطمة يلاه خرجات منها وهازة صاكها شافتني وتوترات وقبل منهضر سبقاتني فاطمة.. خليت هنا صاكي وجيت ناخدو قبل منساه جنان.. اه وخا تصبحي على خير /دخلت جمعت صور ديال ماما وكلشي لي كان جامعنا ونعست فصباح فقت توضيت صليت نزلت نصيب فطور لقيتهم كيفطرو جلست فكرت معاهم جمعت طابلة وغسلت ماعن وغطينا فراش دار كاملة وجمعت لافاليز ديالي دخلناهم طوموبيل ونطلقنا وطول هد لمدة فاطمة كدير في شي شوفات ماشي تال لهيه حسيت بيها بحالا بغات تهضر معايا

انا جلست فلقدام ... انا نعست كل دك مدة تا وصلنا خالي.. جنان فيقي ره وصلت /حليت عيني لقيت خالي تيفيقني خرجنا كان حي راقي شوي خالي مكيسكنش هنا كان تيسكن فحي شعبي جنان(باستغراب.. خالي فين حنا فين هي دارك خالي.. ره نتقلت ابنتي لهنا علاه مفخباركم جنان.. فين غيكون فخبارنا ونتا اصلا قليل فش تتهضر معانا من لعيد للعيد خالي.. غير مع لوقت ابنتي راكي عارفة دنيا كيف دايرة /وعنقني وباس لي فوق راسي ودراري خرجو لافاليز بلاتي نعرفكم على ولاد خالي عمر كبر مني عندو 23 منير قدي سعد 15 ولكن كيبان فيهم كبر من عمرهم طول لمدة مكيهضروش معايا ولا حتانا اصلا مديتهاش فيهم حزني كان كبر من نديها فشي حد دخلنا كانت دار كبيرة وزوينة فيها جوج طوابق خالي .. بنتي اجي نوريك بيتك ومرحبا بيك فدارك داني لواحد لبيت لفوق دخلت لقيت حوايجي تما ونعست حيت ميتة من تعب نعست شحال وفقت وخرجت تنقلب على حمام حتا لقيتو توضيت ورجعت صليت كرشي خاوية نزلت مالقيت حتا واحد بحالا مكين حد فدار قلبت على كوزينة حتا لقيتها حليت ثلاجة لقيت تما طريف دجاج محمر وفريت فواحد طبسيل جلست عمرت كرشي غسلت ماعن قلبت فدار كلها وحليت بيوتة تحت وطلعت فوق قلبت فيه مكين حد وشوي كنسمع شي صوت جاي من لتحت نزلت بسرعة كنلقا لافاليز ديالي حدا باب دار وكنحس بشي حد مورات اش هادشي كيطرا شكون لي جاب لافاليز ديالي لهنا درت كنشوف عمر ولد خالي كنشوف عيني حمريه وخرج عيني في وتيوجه سبابة ديالو لي عمر .. غتخرجي من هد دار دبا ولا ميعجبكش لحال غترجعي لداركم دابا واش كتسمعي /وزاد كيقرب لي وانا كنرجع جنان.. عمر اشنو كدير فين نرجع معندي حد خالي لي جابني لهنا /وبلا ما نحس عطاني واحد تصرفيقة حسيت بلي ضربني بشي بالة ماشي بيدي ومنها فقدت لوعي لقيت حليت عيني لقيت راسي فبيتي وخالي حدايا خالي.. واش باقي مابغيتيش تفيقي من نعاس نوضي تاكلي شي حاجة جنان.. ره كليت اخالي شكون جابني لهنا خالي.. كيفاش ره لقيتك ناعسة هنا جنان.. خالي بلاما تضحك عليا علاش جبتيني لدارك مدام ولدك عمر ماباغينيش نبقا معاكم انا شنو درت ليه حتى ضربني خالي(بصدمة.. اشنو شكون قالت هد لهضر امتا ضربك ولدي ره حنا خرجنا كلنا مجموعين ورجعنا مجموعين ره غير كتحلمي اجنان /تصدمت انا متاكدة بلي مكنحلمش واقيلا كيغطي عليه خالي حيت ولدو شي حاجة كينة فهادشي جنان.. من كثرة نعاس مابقيت تنفرق بين حلم وواقيع سمحلي اخالي ممكن تخلي دبا بش نبدل حةايجي ونرتبهم فلماريو /خرج خالي ونضت توضيت صليت و بدلت علي لبست واحد سروال فلكحل ديال رياضة فيه خطوط بيضاء وسورفيت ديالو ودرت شعري على شكل كيكة ورتبت حوايجي وخرجت من بيتي نزلت عندهم لتحت لقيتهم كاملين فصالون جلست معاهم كنشوف فعمر كيشوف شي نظرات ديال شهوة دخلني شك بلي انا واقيلا كنت تنحلم خالي.. بنتي ياكما فيك جوع جنان.. لا اخالي مافياش جوع خالي.. ره عارفة كوزينة فين كينة ملي يكون فيك جوج متحشميش دار دارك ابنتي جنان. وخا اخالي الله يكثر من خير انا بغيت نخرج شوي اخالي قنطت خالي.. عمر سعد سير خرج مع جنان شوي ومتعطلوش سعد.. وخا ابابا جنان يلاه نمشيو /خرجنا انا وسعد بصراحة سعد ظريف بزاف ديما تيضحك نساني فهمي ونساني فكلشي مشينا لواحد جردة سعد.. انا فرحان بزاف حيت اتعيشي معانا واخيرا اتكون عندي ختي جنان.. انا فرحانة ايكون عندي خوي انا معندي لا خوي ولا ختي ولكن دبا ايولي عندي / تسارينا فجردة تا وصل لمغرب ورجعنا لدار دقينا تا حد مفتح لينا بقينا تندقو والو حاا تخلعنا عليهم سعد.. معرفت فين هوما علاش مكيحلوش لينا جنان.. واش عندك سوارت سعد.. اه عندي جنان.. وعلاش باقي كتسنا /خرج سوارت وفتح لباب وانا نتصدم لقيت لقينا دار مقلوبة سفاها على علاها وكنشوف فلحيط اصابع مطبوعة ديال دم كنسمع غوات من كوزينة لقيت مرات خالي هي وخالي مليوحين فلارض وروسو مقطوعة وكلهم دمايات وريوسهم معلقين فثرية ديال كوزينة وكنحس شي حاجة وراية درت لقيت عمر واقف ورايا وراسو مقطوع وهو هازو .....

يتبع