بغاني الجن الجزء العاشر

دخلني لاوطيل مالقيتش تما ايناس جنان.. فين هي ايناس منير.. وقت لغذا هذا جنان.. حطني راك عيقتي منير.. نتي قلتي ضاراك كرشك ومقادراش تنوضي جنان.. انا بخير دبا بغيت ناكل /نزلني ومشينا عند ايناس جالسة هي وامين كيضحكو نسات تصرفيقة هه جلست وجابو لي لماكلة انا واباك بحالا راجعين من صومال طحنا فماكلة بحالا عمرنا دقنا نعمة منير.. بشوي عليك الحلايلف مالكم تال هد درجة جنان.. مكبنس شي حلوف من غير شوف قدامك منير.. نتي غير بلاتي عليك حسابك من بعد جنان.. خوفتيني منير.. وعلاش هربتي كبيلة جنان.. حبت كرشب خاوية دك ياعة ودبا كنشارجي البنزين خليني براحتي منير.. عنداك تاكليني امين.. خوي يلاه نهربو هادو غياكلونا ايناس.. خليزنا ناملو براحتنا /كملنا مكلتنا ايناس.. جنان يلاه نمشيو لبيتنا جنان.. وخا /نضنا ومشينا جهة الاسانسور وتبعنا منير وامين طلعنا وصلنا لفين كين شومبر حل لينا منير لبيت ودخلنا انا وايناس يلاه بغبت نسد لباب وبغا منير يدخل جنان.. فين داخل منير.. حيدي من قدامي خارجين علام الله من امتا وجايين فعز النهار وبغيتي ندوزها ليكم وزايدبن لابسين فساتين غريبة نتوما دايرين شي كارثة /دفعني ودخل هو وامين دارت اايناس كتشوف فيهم ايناس.. خليونا بعدا حتا نرتاحو ونقولو ليكم كلشي منير.. لا دبا اتقولو فين كنتو ايناس.. بغيت نمشي لطواليط جنان.. حتانا /مشينا لطواليت انا وايناس قضينا حاجتنا وبدلنا وغسلنا ايناس.. شغانديرو دبا جنان.. نقولو ليهم مشينا لحفلة تنكرية ايناس.. بنهار اجنان مغيتيقوناش جنان.. معرفت هادشي لي بان لي ايناس..صافي يلاه داكشي لي غنديرو /خرنا من طواليط امين.. تافقو اشغتقولو ايناس.. اه تافقنا ههه منير.. ايناس قولي لي فين كنتو لبارح ايناس.. نتا بالضبط متهضرش معايا منير.. ايناس نتي عارفة علاش ضربتك لانك خلعتني عليك ايناس.. الصمت منير.. قولو ليا فين كنتو من صباح جنان.. كنا فحفلة تنكرية ديال واحد صديقة ديال ايناس منير.. شكون هد صديقة فين تتعرفها جنان.. من فيس هي فرنسية ودارت حفلة تنكرية فهد صباح مشينا لتما نشطنا شوي هي حفلة غير ديال لبنات منير.. وعلاش جيتو جيعانين جنان.. ره طيبو لحم الخنزير داكشي علاش ماكليناش ومكتاش هازين لفلوس حيت جات داتنا بطموبيتها/هد لمرة عرت نكذب ههه منير.. علاش مقلتوهاش لينا تشطنا عليكم ايناس عافاك سمحي ليا ايناس.. نتا مكتيقش فيا امنير منير.. انا غير خايف عليك سمحي ليا /جا لعندها عنقها وباسها من جبهتها ايناس.. مسامحاك اخوي عافاكم ره عينا بغينا نرتاحو شوي منير.. وخا نخليكم ليلة بغيت نخرجوايناس.. بصح اخوي منير.. اه بصح /جا منير لقدامي كنتيناه يعتاذر منير.. الا تعاود بحال هادشي ايكون حسابي معك عسير نتي كتعلمي ختي بش تخبي علي جنان.. طز الا معجبك لحال ضرب سما بركلة انا مكنخاف لا منك ولا من غيرك منير.. هد لسان غنقطعو ليك شي نهار /خرج منير وهنا بدلنا حوايجنا لبسنا بيجامات خفاف ونعسنا فناموسية طحنا كاو فقت لقيت ايناس مزالة غارقة شفت بتلفون لقيت 9 ليل حركت ايناس جنان.. ايناس فيقي في ايناس.. خليني اجنان جنان.. نوضي ره وصل ليل ايناس.. متخليش بنادم انعس شوي /ناضت مغوبشة ههه مشات لحمام دوشات وخرجات وحتانا دوشت صيبات شعرها بسيشوار وحتانا صيبات ليا جبدات من صاك جوج فساتين عطاني الاسود وهي خدات الاخضر لبسناهم برزو مفاتنا جاو معانا كيحمقو عطاتني صباط طالون فلبيض وصاك صغير فالبيض درنا مكياج خفيف جنان.. واو تبارك الله اسخد الجمال ايناس.. ماشي كتر منك اكيد خوي غيهبل ليوم جنان.. خليه يهبل ههه وحتا امين غيتسطا ملي يشوفك ايناس.. بغيتو يتسطا ويحماق علي انا كنموت عليه اجنان جنان.. وعلاش تتناكري معه ايناس.. حيت كنبغيه بحالك تا نتي كتبغي خوي جنان.. اووف /وسمعنا لباب مشات ايناس حلات كان منير دخل بقا حال فيا فمو كان لابس كلاص جا كيهبل ودوك لعينين تيحمقو

 ايناس.. خوي منير واش مشايفنيش منير.. اه غير سهيت شوي اشهادشي لابسين خصوصا نتي اجنان واش غتخرجي بحال هاكا جنان.. مالي انا لابسة حوايج عادي منير.. هادشي عايق لي لبستي جنان.. ونتا مالك شكون نتا اصلا منير.. اوا بقاي هنا مغتخرجيش معانا بقاي هنا جنان.. غنخرج مغتمنعنيش منير.. سيري خرجي مغنمنعكش ولكن مغاتخرجيش معانا سيري فيما بغيتي وحتا هد شومبر منلقاكش فيه الا رجعت /ملي قال هاكا حسيت بضعف حسيت باني وحدة رخيصة لاصقة فيهم معندي حتا قيمة وانا نفضل لموت ولا نثقل على شي حد بان لي غير لباب جريت حليت لباب ومشيت لاسانسور حليتو تحل دغيا وايناس كتجري تسد ملي وصلت لتحت خرجت من اوطيل عنكشاتني صباط لحتهم كنجري وكنبكي كون غي قتل سيفاخور ولا نحس هد احساس معقتش براسي باني فبلاصة ماشي ديالي ولكن كلشي علي انا اشداني نجي لشي باريس ولا شي زبلة كنجري فداك شارع وتنبكي حسيت بالقهرة حسيت اني بلا قيمة كنجري حتى وصلت لواحد جردة دخلت ليها ومشيت لواحد بلاصة مظلمة جلست فيها كنبكي انا معندي حد فدنيا وهمت راسي وعشت لحظة وخا ايناس حاسباني بحال ختها ولكن منساش اصلي منساش بلي انا ماشي من هد طبقة اه كون غير بقات مزال ماما عمرني نطيح فهد موقف اه اما انا نتي لي تتوصيني ديما ندير قيمة لراسي ليوم طاحت قيمتي اماما انا طيحتها بقيت تنبكي حتى نشفو دموعي وجلست تما حتى داني نعاس [[فمكان اخر // منير وايناس وامين كيقلبو على جنان ايناس.. عمرني غنسامحك امنير على هادشي منير.. انا غير شديت فيها ماشي قصدت نجرحها ايناس بلغوات.. ماشي شغلي كلامك كان جارح وجنان بنت حساسة كيفاش عطاتك خاطرك تدير هادشي الا وقعات ليها شي حاجة عمرني غنسامحك اهى اهى فينك اجنان لبنت معندها حد فدنيا يتيمة انا جبتها تغير لجو وتنسا همومها ونتا دمرتي كلشي الله ياخد فيك الحق //غير سمع منير هادشي تصدم مكانش عارف انها كتعاني وكتعيش ظروف قاسية غير هادشي لي عارف اما ما خفي كان اعظم زاد لام راسو من بعد تفرقو امين وايناس مشاو اقلبو فجهة ومنير فجهة //عند جنان نعست فقت لقيت شي حد حاط يديه على وجهيشفت لقيت واحد دري شاعل فيا ضو نضت بزربة بغيت نهرب وشدني مني يدي كنجر وكيجر جنان بلغوات.. طلق مني الحمار ولا غنوريك وجهك فمراية /كيهضر فرنسي معرفت لش تيقول مع ختكم ناجحة ديما دفعتو وهربت ولكن تعكلات رجلي وطحت وشدنا جارني من رجلي جنان كنغوت.. عتقو روح عتقو روح //منير بينما كيقلب حدا واجد جردة حتا كيسمع صوت ديال جتان تنادي النجدة تهز قلبي من بلاصتو مشا كيجري جهة صوت بانت ليه جنان كيجرها واحد الحمار غير شافو خرجو عيني وجرا بسرعة عندها // كنغوت علاش شي حد يعتقني حتى بان ليا منير كيجري

بان لي منير كيجري لعندي وصل شد دك الحمار فرشخو بقا تيضرب فيه تيضرب تا قلت غيقتلو انا ستغليت فرصة وهربت مابغيتش شفقة ديال حد خصوصا ديال هد منفوخ //منير وهو كيضرب هذاك الفرنسي حتى بانت ليه جنان هاربة قربات تخرج من جردة دفع هداك لفرنسي وجرا عندها وكيصوني تلفون كان منير جاوب منير.. خوي راه لقيتها صافي قطع حتا نشدها و نجيبها ره هربانة //هرلت منو تلفت تيبان لي كيجري قرب يوصل لي وزدت فسرعة رجلي طابو بكثرة الجرية والبرد بقيت تنجري وقطعت شارع بجرية كلشي تيغوتو علي كانت غضربني واحد طوموبيل وقفات حدا رجلي وهربت من تما تلفت ما بانش لي منير جلست فالارض حدا واحد الحيط والبرد قتلني مابقيت تنحس بصباع رجلي شوي تيبان لي سيفاخور قدامي تيضحك سيفاخور.. مسكينة حالتك تشفي القلوب /نضت ليه بلا ما نهضر عطيت ليه جوج تصرفيقات عمري تصورت نضرب الجن ولكن درتها اليوم و ختافا فدك بلاصة نيت عييت مابقيتش قادرة على حد هو لي ناقصني انا معصب ومحطة هو لي بقا ليا جنان.. الله ياخد فيك لحق نتا لي بقيتي لي اعديم الاحساس الا بنتي مرة خرا تنا لي غنقتلك الحمار //بينما كملت هد لهضرة حتى كنسمع منير منير.. جنان واش حماقيتي مع من تتهضري هنا بوحدك /جرا لعندي نوضني من الارض بزز مابغيتش ننوض عنقني بجهد مافهمت فيه والو قبيلا سمعني هضرة خلاتني نكره راسي ودبا جاي يعنقني منير.. جنان عافاك سمحي لي والله ماقصدت نجرحك انا غير شديت فيك وصافي عافاك سمحي لي كيفاش سمحات ليك خاطىك ديري هادشي فينا تخلعنا عليك كلشي تيقلب عليك وشوفي دك الحمار كون ما جيتش فوقت مناسب ... الله يحفظك جنان عافاك هضري جنان.. الصمت منير.. انا عارف اني اذيتك وجرحتك فكرامتك ولكن صدقيني مقصدتش نجرحك انا غير شديت فيك قلت اتنفاجري علي عوتاني حيت تتعجبيني ملي تعصبي انا مكنتش عارفة ان ظروفك قاسية وانك يتيمة معندك حد //قاطعتو// جنان بالغوات.. تال هنا صافي انا مابغبت لا شفقة ديالك ولا ديال حتا واحد ان يتيمة وكنمر من ظروف شوي صعيبة ولكن انا مطالبة شفقة من حتا واحد وهد بلاصة ماجيتش لها بارادتي ايناس لي طلباتها مني وانا اصلا مابغيتش نجي انا صديقة ديال ختك اه ولكن تنا مكنستغلهاش كنا اسحاب ليك وسولها انا رفضت اني نجي لهنا واي حاجة خسرتوها علي هنا غنردها ليكم ره ممحتاجة حتا وتحد وشفقة حد واخر مرة كرامة ناس ومشاعرهم ماشي ديال لعب منير.. جنان عارفة هادشي انا ماقلتش بيك لعكس كون مكنتيش طيبة كاع متصاحب معك ايناس انا تايق فيك جنان.. هادشي مكيهمنيش تيق ولا متيقش هداك سوقك /حط يديه على وجهي وحيدتها منير.. جنان واش كنتي تتبكي وجهك حمر جنان..هذا راسي حرة فبه نبكي ولا نصحك نتا مالك ديها فراسك نتا ناقصني فهد لحياة منير..لهد درجة حقدتي علي اجنان من عينيك باينة حاقدة علي جنان.. شوف امنير انا حياتي كلها عمر شي حد قالي بحال هد لهضرة خالي لي كان اكبر غدار عرفتو لي حاول يسرق مني داري مجرحنيش كيما درتي نتا نتا جرحتني فكرامتي خليتني نحس اني بلا قيمة بلا كرامة جرحك عميق انا محاقدلش عليك انا كنلوم فراسي اني تيقت راسي منير.. جنان عافاك سمحي ليا انا قلت ليك كنعتارف بغلطي /حط يديه على وجهي طاحو جوج دموع من عيني مسحهم وعنقني حسيت انه ندم جنان.. وخا انا مسامحاك ولكن عمرك تعاود هد لمزح ديالك مزحك تقيل بزاف منير.. لا لا عمرني نعاود نمزح مع حد مزال نتي باردة بزاف اجنان /طلق مني حيد كوستيم لي لابس لبسو لي جيت كنضحك وهزني انا اصلا رجلي طابو مافيا لي يمشي داني لاوطيل دخلني للبيت عضر فتلفون مع امين منير.. امين مابقيناش جايين جنان عيانة رجعو دبا // دخلت لحمام بدلت حوايجي لبست بيجامة لقيتو مزال واقف تما تخشيت فناموسية لبرد قتلني وكلي كنترعدجا منير جلس فطرف ناموسية منير.. عمرني غنسامح لراسي لاني اذيتك اليوم جنان.. صافي نسا انا نسيت مهم انك مقصديش منير.. فخبارك اجنان نتي اجمل بنت شفتها قلبا وقالبا جنان.. هههه منبن جيتي لخد هضرة عوتاني منير.. كتكوني زوينة ونتي كضحكي جنان.. عوتاني كتشد فيا منير.. لا بصح تنهضر نتي زوينة ملي تكون كضحكي ضحكتك كتحمق الله يخليك ديما ضاحكة رتاحي دبا قبل متوصل واحد لعاصفة جنان.. اشمن عاصفة منير.. ايناي ليوم غتقتلك عرفتي مكياجها خسر من كثرة لبكا وعايراتني ديال بصح اول مرة تعايرني جنان.. عافاك متمشيش امنير شكون غيفكني منير.. فين غنمشي كين شي حد يخلي هد لجمال ويخرج جنان.. هههههه طيرتني امنير منير.. نتي لي طيرتي مني لعقل ملي خرجتي كنت غنحماق كون ما عيانة انا نفرشخك جنان.. جرل تقرب لي تشوف اشندير فيك هاا جنان.. وتيك وتيك على لعصبية /جبد ليا حنيكاتي جنان.. ايي راك وعتيني منير.. الا منتاقمش ولو شوي منرتاحش جنان.. ههه شرير منير.. قولي اجنان شكون نتي منير خرجتي ليا جنان.. كيفاش شكون انا انا جنان هههههههه / بقا تيضحك وشوي تبسم وتيشةف في فمي توترت بقا ايشوف فعيني وفمي انا سهيت فعينيه نسيت كلشي وتحنا لعندي وقرب لوجهي كنحس لانفاسو قرب شفايفو لشفايفي سديت عيني كنتسنا يبوسني تسنيت والو حليت عيني لقيتو رجع لبلاصتو اوووف قمعني هذا بغا يجيب ليا جلطة

منير.. جنان مالكي علاش سديتي عينيك جنان.. ونتا مالك /دورت وجهي وغطيت راسي عصبني وحشمت بزاف وشوي حسيت بيه تيجر ليا الغطا وحيدو ليا منير.. مالكي تقلقتي حيت مابستكش جنان.. ممكن تخرج علي بغيت نرتاح منير.. صافي غنبوس الحبيب ديالي بش ميتقلقش /جا قرب لعندو وباسني فحكني حاولت ندفعو والو وعاود باسني فحنكي لاخر جنان.. بعد امنير اشهادشي كدير واش حماقيتي منير.. نتي لي حمقتيني /وفدك لحظة سمعنا دقان ناض منير مشا فتح لباب وتانا نضت دخلات ايناس وامين جاية كتجري عندي عنقاتني وكتبكي ايناس.. علاش درتي فيا هاكا كان قلبي غيوقف خلعتني بزاف المرض جنان.. صافي هاني رجعت ايناس.. كون وقعات ليك شي حاجة عمرني نسامح راسي جنان.. لا ميوقع والو ايناس متزيديش فيه انا كبيرة مابقيتش صغيرة ايناس بلغوان .. جنان نتي عارفة علاياش كنهضر حياتك مهددة كيفاش قدري ديري هاكا معرفتيش ان قلبي كان غيسكت هااا منير.. كيفاش حياتها مهددة شرحو لي ايناس.. نتا بضبط متهضرش معايا نتا سباب فهادشي نتا خربتي كلشي خرج علي دبا منير.. ايناس انا غير شديت فيها ومزحي كان تقيل ره طلبت منها سماحة وسامحاتني وعمر هادشي يتكرر ايناس.. ولكن انا مغنسمحكش فهمتي خرج دبا علي خربتي علي سفر ديالي معرفت اش جابك اصلا منير.. ايناس علاش تتهضري معايا هاكا جنان رها سامحاتني نتي عارفة انا ماشي هكاك ايناس.. حيت جنان حنينة وقلبها كبير انا اول مرة تكون عندي صديقة وعمرك عاملتيها مزيان بحال ناس جنان.. ايناس صافي ماشي هو حاس بغلط وانا سامحتو انا مغنرتاحش الا تخاصمتو بسببي ايناس.. لمرض نتي علاش هاكا مابغيتش نتصالح معه دبا جنان.. وانا انتقلق منك ايناس.. وخا منير انا مسامحاك ولكن الا عمرك قلقتيها غنوريك /عنقها منير وباسها من جبتها وقرصها منير.. يحفظ ليلي اجم اايناس انا غير مابغيتكم تلبسو بحال هاكا لبسو حاجة طويلة /من جابو لعشا تعشينا وطول العشا امين وايناس تيتبادلو نظرات ومنير محيدش عينيه علي كملنا لعشا وجاو خدمة لغرف جمعو كلشي منير.. نخليكم ترتاحو وتصبحو على خير ايناس.. وانتم من اهل الخير /خرجو بقينا غير انا وايناس ايناس.. جنان سمحي ليا بزاف على هادشي لي طرا اليوم جنان.. ماشي مشكيل مدرتي والو نتي نساي ايناس.. الله لا يحرمنا منك انا بغيت نشوف اطفالم نتي ودك راس طارو دخوي جنان.. هههه اشكتقولي ايناس.. عارفة انه جىحك اليوم جرح كبير ولكن تيقي بيا هو ماشي هكاك غير تعصب ملي شافنا هكاك هصوصا نتي كسوتك مزيرة ومثيرة وشفت عينيه كيف خرجو عرفتي ملي خرجتي كان غيحماق باين كيبغيك جنان.. كتزيدي فيه عرفتي ليوم درت وتحد مولاتي المصيبة ملي كنت فبرا ايناس.. اشنو درتي باينة من غينيك كحلتيها جنان.. ملي كنت برا بان لي سيفاخور كيضحك كيتشفا قيا وعطيتو جوج تصرفيقاتايناس.. متقوليهاش المصيبة علاش ضربتيه نتي هبلتي اجنان كينة لي تيضرب الجنون جنان.. ره لقاني معصبة ايناس.. غيزيد حقد على حقد عنداك ياذيك اجنان انا خايفة عليك جنان.. متخافيش علي انا بخير ومحافظة بالقلادة مغيقدرش يمسني ايناس.. بغيت نقوليك واحد الخبر سيء جنان.. اشنو هو ايناس .. جليت لخاتم ملي طنا تنقلبو عليك جنان.. لمرض ايناس لمرض علاش جليتيه ياك قلت ليك ردي ليه لبال ايناس.. ره ملي هربتي تخلعت عليك وماديتها فتا حاجة جنان.. اووف منك ايناس انا خايفة عليك ايناس.. متخافيش علي اجنان ره سيفاخور باغيك نتي ماشي انا مهم يلاه نعسو ره عيت /بدلات ايناس حوايجها ونعينا هي نعسات وانا مقدرتش ننعس خفت عليها بزاف فالاخير غلبني نوم ونعست

يتبع