حبيبي شبح الجزء الثاني

شهد: وااااااي اححح 😨😨😨 بابا ؟؟

عزيز: هادا عزراين ... ماشي باباك ... اس قات ليك الصباح ... شهد شادها من ودنها و شاد عليها البغلة وهي كتدور فعينيها كتفكر اش قال ... هزات راسها فمها لقاتها كتحلف عليها و خوها شاد الركنة كيموت بالضحك ... تفكرات الشبح دورات وجها لقاتو متكي على الحيط قدامها مربع ايديه وكيضحك .. 

حشمات منو عاد سرات معاها باها ليشاد ودنها كيغوت ..

عزيز: بطبيعة الحال كدوري فعبنيك حيت معاقلاش ... السكايىية لبوك وليتي ضربي الطاسة ها ؟ هادي تربيتي ...😡😡😡

شهد: صافي ابابا بلا شوهة ... مبقبتش نعاود وتلله غير طلقني دابا...

عزيز: اينا شوهة راه كاينة غبر مك وخوك بلا داك التبوهيل ديالك تاني راه حافظك ...😡😡

شهد: لا راه معانا الغرباء ..

عزيز حط البلغة شد ليها وجها حل ليها فمها وبدا يشم ...

عزيز: ياكما شاربة تاني 😠😠 شكون هاد الغرباء لبوك رجع هز البلغة .. كتسطاي عليا لوالديك ... لالا نتي غيخصني نعرف شكون هاد صحابك لي مخرجينك من الطريق...

شهد: اي .. والله ابابا حتا كاينا غير اميمة راه نظل نشرح ليكم مغتعرفونيش اش كنقخربق...

عزيز : وراه نيت لوالديك كتخربقي ..

شهد فلتات من ايدو ونقزت طايرة مشات لبيتها وسدات عليها بالساروت ...

عزيز: والله لا بقات فوالديك ... من اليوم الدخول مع 6 الى فتيها نgرد لبوك المكافش ...

سناء: صافي اعزيز خليها دابا يطلع ليك السكر تاني راه ظل تغوت عليها وفالاخير غدير لي فراسها ...

شهد مابقاتش سمعت حسهم وهي طوع السبادري ولاحت الساك وتلاحت فوق السرير كتاخد النفس ...و غمضت عينيها حلاتهم تفكرات الشبح ... دارت للجهة الاخرى لقاتو متكي حداها و كيشوف فالسقف...

شهد ناضت جلست : ش.. شتك متكي حداية ..

هو شاف فيها ورجع شاف فالسقف وقال ...

هو: هداك باك ... مسكين باينة مشيباه ... سكرتي gاع ..

شهد: راه فاش قلت ليك نرونين ليا حياتي راه هادشي لي قصدت ...

هو: امممم منخافيش هاد الكوضوع غيتصلح ... ههه ولكن سليخ دار ليك ...كيعيبها ... انا ماشي بنيتة عندي 22 عام ... 22 عام وكتاكلي العصا بالبلغة ...

شهد رجعات لبلاصتها: راه مسكين حنين وكيبغي يربيني بلا مباتر عليا عارفها مكتقصحنيش و كيرليني مسكين ... هههه انا راه ظريفة وماشي ديال داكشي راه الجن ديال قبايلة هو لي دار ليا ديك الحالة سكرني و مجيت حتال 5 الصباح... جيت كليت سلخة بحال هادي اححح واخا هكاك شي شحطات عندو 😒😒

هو: الله يخليه ليك ... 

شهد دارت نعست على جنبها و تقابلت معاه : امين ونتا فين عائلتك ؟

هو: معرفتش ...

شهد: كيفاش معرفتيش ... واش موضر ... 

هو: معرفتش ...

شهد: اااو كيفاش ... معارفش راسك كيفاش متي ...

هو: لا ...

شهد: شنو سميتك ... و شكون نتا ...

هو تكا على جنبو وتقبل معاها وقال...

هو: انا معارف والو لا شكون انا ولا شنو سميتي ولا كيفاش مت ... انا فاقد الداكرة ...

شهد: كيفاااش😱😱

هو: ايه الالا ... و وريني كيف غتحلي هاد القضية ...

شهد: م.. متخافش انا عارفة راسي الى درت شي حاجة فبالي كنديرها وانا وياك والزمان طويل ...

هو: انا غادي نشوف ...

شهد: اخحح عييت اليوم ... خاصني ندوش ونبدل نوض خرج برا ...

هو: وعلاش خايفة من شبح معندي مندير ليك غير قضي غرضك ...

شهد: لا ... مدام كنحس بيك وكتحس بيا نخااف و دابا نوض ويقول ليك راسك دخل عندي ... بقات كدور فراسها ...

هو : هههه اش غديري ...

شهد: ب ... ب... معندي مندير ولكن من باب الاحترام مخاصكش تدخل عليا 😒😒

هو: هههه....غمزها واختفى ...

دخلات دوشات وحاضيا راسها دلرت داكشس خفا زربا و نشفات راسها و لبسات فالحمام تحسبا ... وخرجات ...مكانش حلات الباب مشات لصال امونجي و لقاتهم مجموعين على العشاء ولقاتو جالس فبلاصتها و جرات الكورسي لي حداه وشافو فيها العائلة ...

اشرف: راه بلاصتك علاش غتجلسي تم ...

شهد: دخل سوق راسك 😠😠

عزيز ماباغاش تجلسي حدايا مغنضربكش دابا وقت العشاء هدا غير جي لبلاصتك...

شهد: لا ابابا مرتاحة هنا ...

هز عزيز راسو فيها زعما متزيديش معيا الهضرة ... و ناصت وقفت مفقوصة جرات الكورسي لي فيه غير بالزز و بدات كدير بايديها حيد و واقفة وساكتة كتهضر معاه غير بعينيها وهو عاد تسرح ليها تما وبدا كيضحك و بفقص فيها هز باها راسو فيها هبط نظاظرو و قال ...

عزيز: واش لبوك تصطيتي😡😡...

شهد مكانتش رادا البال كتخنزر فيه حتاقفزها بها و قفزت ...

شهد : ا..اه 😨😨

عزيز: معامن كتهضري واش حملقيتي جلسي لابغيتي تجلسي ..

شهد: ولكن 😨😨

عزيز: جلسي😡😡

شهد سرطات ريقها كتشوف فلاخر كيضحك عجبو الحال ..شافت فالوخريم كيشوفو فيها ... و هي تجلس عليه هي حاسا بيه تحتها ولكن العائلة كيشوفوها جالسة على كرسي عادي حيت مكيشوفوهش ..

عزيز: ايوا اش وقع ليك دابا...

قرب ليها الشبح وقال ليها فودنها ...

هو: عندو الصح اش وقع دابا 😂😂

شهد كتعض على شفايفها بالفقصة .... هزات طبسيل وحطات ليها ومكتحركش وجالسة غير على قدام رجليه باش متقيسوش فداكشي .. بدات كتاكل بشوية كانت دايرة ليهم سوب ... شهد جاتهة سخونة وكتجر شوية و تسوط باش تبرد ... ولاخر حاضيها بانت ليه هزات معيلقة وعمراتها ياله غتسوط وهز بيها ركابيه كباتها على وجها وهي تغوت ....

شهد: اااااي سخوووونة ...

هو تفرgع بالضحك ...

شافو فيها معجبين...

سناء : اويلي ابنتي كيف درتي تا كبيتيها على وجهك راه باينة سخون ...

عزيز: والله ابنيتي مابقيت فاهمك ... فمك التحت اش وصل المعلقة لوجهك ... انا راه واقلة غنخلي كلشي و نحضيك غانتي ...

شهد مسحات وجها و معندها كيف دير ترجع وجها لور تخنزر فيه قرساتو فرجلو ... وهو غير كيضحك شاد فيها ...

القصة نُسِخت من 9isas modareb.. ولات حاضيا معاه لا يديرها ليها تاني داز شوية الوقت و كياكلو...

عزيز: جات بنينة زيدي شي طبسيل اخر ...

سناء: هو الاول ...

ناضت تكب ليه وشهد هزات كاس الماء تشرب شافها الشبح وشد ايدها سرحها وهي شادا كاس الماء وعينيها خرجو .. شافتو غادي بيها للسوبيرا نيشان و هي تغوت ...

شهد: لاااااا 😱😱😱.... كوب الماء فالسوبيرا وهو كيضحك ...

هز باها وجهو فيها بسلو موشن و رجع شاف فيها رجع بالكورسي لور وهي كتشوف فيه غير تحنا يهز البغلة بغيت نقول البلغة و هي تعلق ... ناض تبعها كيتحلف ...

عزيز: ها هي فبوك الكلب كترضي الصرف ... 😡😡 هاد البنت انا راه مابقيتش فاهم داك الراس عندها كيفاش كيخدم ... 22 عام بولادهم وانا عندي باقا كتكوب سوب على وجها ... 

اشرف سخف بالضحك حداهم وسناء كيف العادة ناضت تبردو ...

سناء: صافي اعزيز ... رام عارف دريا كيف دايرا واقيلا كيف كايقولو ليا العيالات نمشيو نزوروها..

عزيز: اشنو قلتي ... تودي القراية اودي تفلستي حتا نتي مع دوك الجماعات الخاوية ... باقا تجبدي ليا هاد الهضرة غنضبر معاك على اخر يامي نجرجر بنتي مع المتخلفين 😡😡

مشا دخل لبيت واشرف ناض تاهو ومبقات سناء كتجمع الطبلة وتبرgم ....

شهد بعدما هربات لبيتها دخلات كتندب وسدات عليها بالساروت حتا لقاتو قدامها... 

شهد: اويلي اش هادشي درتي 😱😱

هو: هههههه ناري علام هاد عائلتك 😂😂😂 شتي وجه باك ... 😂😂😂

شهد: كان كيسحاب ليا بعقلك ساعة صدقتي موضرو ..

مشا تكا فالناموسية...

هو: العقل خليه لماليه ... نتي لي كتعضري على العقل راه حتا نتي معندكش ..😂😂

شهد مشات جلسات حداه: لا غلطتي انا بعقلي نتوما لي كتخليوني ندير تصرفات يخليوهم يشوفوني حمقة ..ونوض ليا من بلاصتي بغيت نعس ...

هو: نعسي شكون حبسك ... 

شهد: اكيد مغنعسوش فبلاصة وحدة ...

هو قرب حتا لوجها وشاف فيها بنظرة متيرة دوخاتها وقال : النعاس و الاكل و الجنس ضرورات جسدية ماشي روحية متخافيش مني ...ودار ابتسامة جانبية ورجع لور وتكا كيشوف فالسقف...

شهد: ش.. شك..شكون جبد داكشي انا غير .. زعما نتا راجل وانا بنت مخاصناش نشركو الفراش و نتا مكتجيني والو...

هو: هههه نعسي لافيك ماينعس غدا راه مشغولين ... 

شهد تكات حطات راسها ..كتشوف فالسقف تاهي وقالت ...

شهد: دابا نتوما مكاتاكلو مكاتنعسو 😮😮

هو: لا ... 

شهد: واخا واش غدير دابا ...

هو: غنتسناك تفيقي ... 

شهد: و مغتعياش و تمل...

هو: لا مولف عامين و انا هكا..

شهد : ادا متي هادي عامين ... تصبح على خير 

هو : نتي لي تصبحي على خير 

شهد مشات ... هو بقا شحال كيفكر دار لعندها هز راسو كلاه بدراعو كيشوف ويتامل فيها ... بقا ساهي كيفكر هز خصلة من شعرها الاسود بدا يلعب بيه وقال...

هو: علاش حاس بانك مألوفة بالنسبة ليا 😒😒

بقا حداها هكاك الليل كولو حتا صونات الماgانة و والو مفاقتش ليها .. و هو كيشوف فيها هكاك ووالو مفاقتش و هو يعطيها للجبهة ... 

ناضت قافزة معرفات باش تبلات و هي تلقاه قدامها ..

هو: صباح الخير النعاسة ...

شهد:عاطيني للجبهة محشمتيش واش معارفش انك خاصك تحتارم حرمة الناعسين 😡😡

هو: حتا تحتارمي حرمة لي فايقين نتي بعدا .. وشي شخير و الهضرة والريوg لي شاف هاد الوجه ميقولش نعاسك داير هكا ...

شهد كتقلب فمها لايكون الريوg وهي تقول: غير نتا مكتنعسش يسحاب ليك راسك نتا بيرفاكت ... غنعرفك شكون وغنسول عليك الناس لي كيعرفوك غنشوفو واش كنتي كتشخر ...

الدقان فالباب...

سناء: شاااهد نوضي 7 هادي ...

شهد: انا فااايقة ...

سناء: العجب كيدرتي ليها ... 

شهد: صافي اماما بلاما تبداو على فريع الراس الصباح هذا ...

ضربها على راسها: هضري بادب مع مك...😠😠

شهد: ونتا مالك ...

ناضت كتنفخ دخلات للحمام و هو متبعها كيضحك ..غسلات وجها وايديها وسنانها مشطلت شعرها ... خرجات ...

شهد: غتبقا هنا خرج نبدل..

هو مفياش دخلي نتي للحمام ...بدلي تم ...

شهد: لا خرج ...

شاف فيها و تكا و تقابل معاها زعما : الااااءحح

جمعات شفايفها عندها مفقوصة و هزات حوايجها و دخلات للحمام و هو كيضحك حيت غلبها ..خرجات عندو مخنزرة هزات ساك وخرجات وهو تابعها ...

جلسات تفطر معاهم وحاضيا مع الشبح ... وواليدها حاضيين معاها... فطرات وقالت ليهم بسلامة وقال باها...

عزيز: تفوتي 6 مترجعيش اولا غتلقاي البلغة كتسناك 

شهد: واخا ...بسلامة..

خرجات مبزمة كتنgر و لاخر جنبها كيضحك ...

خرجات وغادا كتمشا معاه...

شهد : دابا عندي حصة ساعتين و نشوفو منين نبداو حريرتك ...

هو: واخا ...

تيلي كيصوني...

شهد: صبحنا عالله...

اميمة: مال مك الزمر ...معيتيش ليا البارح حتا داني نعاس ... اش درتي مع حبيبك ...

شهد: اش غندير معاه والو دازت عادية مخاصمش شي مخاصمة تناقشنا شوية وتصالحنا...

اميمة: وا المهم غتجي اليوم ...

شهد: انا جايا فالطريق..

اميمة: حتا انا نتلاقاو ...

شهد: اوكي 

القصة منشورة على 9isas modareb.. قطعات.... بقات غادة معاه وكيتمشاو و فينما يدوز حداها شي واحد كتفادا شوفاتو عاد سرات معاها ولات معاها الحمية وهي تبدا تشوف فيهم عادي وتاخد راحتها ... و لي داز من حداها كتحنزز وتبسم حيت رتاحت ...وتلاشباح الاخرين كيبغيو يزعمو عليها ولكن غير كيشوفو لي معاها شكون وكيخنزر فيهم كيتراجعو ...حيت هو معروف بيناتهم بلي عندو القدرة انه يغبر ليهم الشقف داكشي لاش كيتفاداوه....

شهد: الله على راحة .... ويزعم شي جن فيكم ...احححح الحرية دابا...

هو: مبغيتش نغص عليك فرحتك ولكن ا انسة راك فالزنقة بين بنادم كتهضري غير بوحدك  😂😂😂

شهد بدات تشوف جنابها و جبدات تيلي دارتو على ودنيها زعما كتهضر فالتيلي...

شهد: ويلي على حشمة ...

هو: ههههه يالاه زميه اصلا صدعتيني....

شهد بلاتي نشدو طاكسي ... شيرات و قف طلعو حطها قدام لافاك خلصاتو وهبطات ... مشات نيشان للقاعة دخلات لقات اميمة مجمعة مع البنات شافتها وجات لعندها ...جات تجلس وهي تحبسها...

شهد: منجلسيش هنا 😨

اميمة: باسم الله عليك ...

شهد : غنحط الساك هنا ..حطاتو عليه ...جلسي من هنا ... 

جلسات اميمة كتقول لا حول... 

اميمة: ايوا ؟

شهد: من عندك؟

اميمة: نتي لي ديما عندك الجديد ... دقتي الحلوة ..😂😂

شهد كتنغز فيها : اش اشمن حلوة ..

هو قرب لعند وجه شهد و بدات كتسرط فريقها حشمات قدامو ... 

اميمة: اويلي على الدرية ياك البارح سولتيني على ..

شهد سدات ليها فومها : نوضي تق*** من قدامي يالحمارة جيبي ليا قرعة الماء شحفت ...

امية: اويلي مال هادي جبيه راسك ...😠😠

شهد كتقرص : تي نوووضي ...

اميمة: هاهي 😠😠

ناضت اميمة و دارت شهد تقادت فالجلسة كتشوف لجهة الطابلو وهو حداها مشافتش لجيهتو حتا كتحس بيه ..وجهو حدا حنكها ودارت راسها معاقتش بيه وقال ...

هو: على اشمن نوع من الحلوة كانت كتهضر عليها هادي....

شهد: ا..اه .. حلوة العزوة ديك لي فيها الشكلاط والكوك ...

هو: كتسطاي عليا ... باك عارف على قضية الحلوة ..

شهد: ش..شغيعرف ... من نيتك ...

هز راسو لفوق ولتحت ورجع لور كيفكر ...جات اميمة وعطاتها الماء دوزو الحصة و خرجو برا للبيفي و جا عندهم امجد سلم على اميمة و باس شهد فحنكها و كان جالس هو قدامها بان ليه غيجلس حداها و هو ينوض اختفى وبان حداها وهي تنقز فجأة شهد...

شهد: لا لا لا متجلسش هنا ...

هو ربع ايدو مبتاسم ...

امجد: مالك تاني ...

شهد : بغيت نحط رجلي هنا...😨

امجد: من نيتك اشهد..

اميمة: مديش عليها تانا دارتها ليا...

جلس امجد مقابل معاها ... و هي مفرقة رجليها حاطاها على رجلو و هو ميت بالضحك و هي كتهرب وجها و كتحلف عليه ... 

امجد: ايوا الفتيات ندوزو النهار فشي بلاصة ...

اميمة: انا اوكاي 

شهد: غير سيرو ... انا عندي مايدار ...

امجد: اشنو هو هاد الغرض ...

الشبح: دخول الصحة هدا ... شكون هاد ميخي ...

شهد مدات ايدها نغزاتو : حبيبة ...غير شي صخرة بلا منتقلكم غير سيرو ...

الشبح: حبيبك ... اه هدا هو مول الحلوة ...

شهد: مول الخرى 😡😡

امجد واميمة:😨😨 

شهد: ا..ا ههه ماشي معاكم ... بسلامة ...

هزات الساك ومشات كتجري وتبعها الشبح....

شهد: مالك مالك ... شوشتي ليا مخي ...

خو: شكون هداك ...

شهد: صاحبي 😒😒

هو: فخبار باك الى مفخبارش ... راه ماشي مزيان شهد ماشي سوقك ... تبعني وسكت ...

مشا وراها خرجو من لافتك وخرجو كيتمشاو وجلسو فواحد البارك ...

شهد: دابا خاصنا نلقاو شي راس مين نبداو البحت ديالنا ...

شهد: دابا خاصنا نلقاو راس الخيط منين نبداو...

هو: ااه ...

شهد: بلاتي اول حاجة خاصني نلقا لبك شي سمية منباقاش نعيط ليك بالمجهول....

هو: مكايهمش انا غير مجهول اصلا ...

شهد: متقولش هكاك غنعرفوك شكون نتا ... اشمن سمية امممممم بندر ؟؟

هو: بندر ؟ اش كتعني بعدا ...

شهد: ماعرت غير كنسمعها ...و كتعجبني ...

خو : gوgليها ..

شهد: اويلي راه غير سمية لاش باغيني نعرف اش كتعني ...

هو: انا بغيت نعرف اولا ديري سمية عادية ومفهومة ..

شهد: فارس...

هو: ههههه فارس !!

شهد: م..مالك كتشوف فيا هكاك 😨😨

هو: علاش زعما فارس... انا نقول ليك ... حيت جيتك بحال فارس الاحلام ديالك ياك 😜😜

تم نقل القصة من قصص مدرب.. شهد: ها ها ها عندي فارس الاحلام ديالي منحتاجش واحد اخر ...

هو: مممم ايوا لي عندها فارس الاحلام ديالها مكتحلش فمها فواحد اخر 😂😂

شهد: و ايمتا حليتو فك اه ؟

هو: يسحاب ليك معقتش بيك البارح فاش شفتيني دخلت للطرام قربت لوجهك عاد عقتي برايك ودرتي فيها مطورة ... كانت باينة فيك غير من رجليك لي مزgاوش .. وريقك لي وحل لبك وعينيك لي مكانوش كيشوفو لجيهتي وعاد صباعك لي بقيتي طرطقي فيهم 😂😂

شهد: او هادشي كولو درتو ... ناري دقة الملاحظة عندك ....😨😨 انا دابا متحمسة نعرفك شكون اكتر منك نتا ...

هو: و هي لا طلقتينا ...

شهد: صافي ... سميتك فارس ...

هو: موافق .. وغمزها ...

شهد: احم ...دابا افارس ... غتقول ليا اول مرة حليتي عينيك فيها فاينا بلاصة ...

هو دور راسو القدام كيفكر وكيوصف: حليت عيني فواحد الشارع عرفت سميتو من بعد هو **** 

شهد: يعني غتكون متي تما ؟

فارس: كنضن اه ...

شهد: واخا.... من خلال اللبس لي لابس نتا دابا كنظن متي فالدار ... حيت لابس غير سروال سورفيط ...

فارس: اولا نقدر كونت كنتريني فشي جيم اولا برا ... 

شهد: امممم احتمال وارد ... خلينا نمشيو تما بعدا ونشوفو ....

ناضت شهد هي وياه شدات طاكسي ومشاو هبطو فداك الشارع ...كيتمشاو ...ووقفها فالبلاصة فبن فاق اول مرة ...

شهد: كيفاش هادشي تاني ...راه وسط الشارع هدا ...

فارس: تانا معرفتش ... نقدر نكون كنت كنجري هنا ودرت كسيدة؟

شهد: اوبلي تجري فهاد الشارع العريض و هكا غتكون كنتي حمق اخويا لاكانت بالصح..

فارس: عندك الصح ...

شهد: تقدر تكون طحتي من شي عمارة من هادو ..

هو: لا مكاينة حتا شي علامة على جسمي هادشي لي محيرني ... طريقة موتي غامضة وممعروفاش ... مكاينة حتا شي امارة ...

شهد: اشمن امارة ...

فارس: كولشي الارواح باش كتموت كيبقا السبب باش مات مرسوم فبه .

شهد: ااااه مكنتش عارفة واخا كنت كنشوفو ... 

فارس: ماعلينا ... احتمال انني نكون طحت من شي بلاصة هنا تاهو ملغي ...

شهد: اه بالصح ...اجي نتمشاو ونشوفو لالقينا شي حاجة ... 

فارس: هادشي لي بان ليا تانا ...

بقاو كيتمشاو شحال ... وهو سابقها كيشوف و يتمعن بعينيه لايعقل على شي حاجة ... 

شهد: عييت افارس مالقيتي والو ..

دار عندها: لا معقلت على والو ...شحال فالساعة ...

شهد: 5و نصف...

هو: زيدي قدامي داركم ...

شهد: لا غنتلاقا مع دوك 2 خليتهم قبايلا ... مفاهمين والو يقدرو يتقلقو...

فارس: لا باك وصاك ترجعي ف6 ... غترجعي ف6 ...

شهد: ونتا مالك سوقك ... 😡😡

فارس: اه سوقي ... 

شهد قربات ليه وقالت : ايوا حبسني ... دارت باش تشد طاكسي حتا حسات بجسمها ولا فشكل و الاحاسيس مخلطة والتبوريشة شاداها حتا ولات ماقاداش تحكم فجسمها عرفاتو سكنها ... هي داخل كتهضر معاه وهو متحك فجسمها راجع ...

شهد: سكنتيتي اولد الحرام مصدقتييش😠😠

فارس: قلتي ليا احبسني احبستك ... بان ليا مكتحتارميش والديك ...خاص لي يربيك ..

شهد: دابا نتا لي غتربيني ... 😠😠

فارس: اه الغزالة غنربيك ...

شهد سكتات كتفقص وهو غادي بيها للدارهم شد طاكسي وركب حطها قدام الباب و دخل بيها للدار عاد خرج منها ...ووقف قدامها... ومشات لبه كضربو فيدرو وهو قدامها كيشوف فبها ويعض فسنانو و مقابلها كتغوت وتخاصم عليه ... و اقف قدامها حاضي وجها عقلو غيب مفيه غير صورتها لي قدامو ... حتا شد فايديها وقربها حتا تساطحت معاه و هي وجها عند سدرو مصدومة عينيها خارجين من شدة الصدمة حيت قريبة ليه ... وهو كيشوف ففوق راسها وقال ...

فارس: ريحي 

شهد: هزات راسها سهات فيه و فعينيه المغولشين قدامها قلبها خبط ف90 و سرطات ريقها و بعدات عليه متوترة وجمعات ايدها عندها و دورات وجها دغيا دخلات لبيتها وتكات على الباب شادة فقلبها ...مصدومة ..

شهد: اويلي علاش كتخبط نتا ... رصا ...رصا خاصك تخبط لفارس بوحدو ...ا..ا لامجد بوحدو.... اوووف اش هادشي ...لا متزعطش فيه ههه اويلي دوزنا غير يوماين مع بعضنا اش هاد التخربيق ... الله يستر وليت نخربق....

دخلات للحمام ..حيدات حوايجها ودخلات تحت الدوش ... دوشات لوات عليها فوطة بشعرها فازg خرجات كتقلب بعنيها مابانش ليها ... مشات للماريو .. جبدات الملابس الداخلية وكتلوح وراها فوق السرير .. جبدات شورط و تيشورت لاحتهم تاهما ..دارت وهي تغوت لقاتو مسرح فالسرير مقابل معاها زطولشي حوايجها لي لاحت فوقو ... و هز سوتياماتها و شاف فيهم و عاود شاف فيها شهد قربات نطراتهم ليه شادا الفوطة ...

شهد: ..ا شس. شكدير هنا اش دخلك عندي ... 

فارس: ملك كترعدي عليا ... 22 عام وباقا كتلبسي سليب فيه هيلو كيتي...

شهد: متباقاش تهز هادشي 😡😡 خرج عليا خليني لبس ...

فارس: لبسي محبستكش 😂😂😂 

شهد: فارس بلا متعصبني ... قدامك حماقيتي...

اختفى وبان قدامها مقابل معاها ... لسقها مع الماريو وايدو على الماريو تقابل مع وجها هي تشوكات ووقفات قدامو كتغزل ... قرب لودنها وقال...

فارس: بان ليا نتي باقي مافهمتيش ... انا غير روح مستحيل نقرب ليك واخا تمشاي قدامي عريانة ...و تعرضي راسك عليا ... مغتزعزعي فيا والو ... عرفتي علاش ... حيت كيف سلق لي وقلت ليك الجنس ماهي الى ضرورة جسدية ... و غريزة حيوانية .. معندها علاقة بروح ... اخر مرة غنوضح ليك هادشي ... بعد عليها و تم غادي لجهة الباب ... ودار عندها وقال...

فارس: اه ... ولكن كون كنت حي مغنزgلكش ...غمزها وخرج ...

شهد: ويلي ويلي ... خرج ليها طاي طاي ولد الحرام ... حمد الله ياربي جعلتي داك الموضوع ضرورة جسدية اما كوراه اغتاصبوني شحال هادي .. اوووف اووف ..نلبس قبل مايرجع...

لبسات شهد حوايجها نشفات شعرها وخرجات من البيت ... ملقاتوش 

شهد: فين مشا هدا ... فارس ؟؟ فااارررس؟ نوجد شي حاجة بيما بان ...

دخلات للكوزينة تصاوب شي حاجة خوها وواليديها باقي ماجاو ...

حطات خبز قدامها ... حلات تلاجة جبدات فرماج احمر و كاشير و دارت تحطهم لقاتو جالس فوق البوطاجي و هي تغوت ... 

شهد: خلعتيني الويل عود حنحن... ياااخ😡😡

فارس: عامين ...وباقي ماولفتي ... واش نتي مكلخة ..

شهد حطات داكشي و بدات تقطع: بزاف عليك فين مشيتي ...

فارس: مامشيت فين هبطت التحت وعاودت رجعت ..

شهد: اممم ... 

باب الدار تحل داخل باها ومها كيهضرو ...

عزيز: هانتي 7 و الكارتة باقي مرجعت ... راه غتسكت ليا القلب قبل وقتو ...

سناء: ششش كنسمع الحس ...😨😨

عزيز صقل كيتصنت بدا كيقرب بخطوات منلاطئة طل هو ومىتو من الباب الكوزينة كتبان ليهم بنتهم كتهضر وتاكل وكتضحك مع الخوا .... عزيز كيوشش لمرتو..

عزيز: شوفي الحمقة ديال بنتك ... دابا غا قولي ليا معامن كتهضر و كتفرنس من الفوق...  القصة مستضافة على موقع قصة بالدارجة

سناء: راه ديما كنقوليك بنتك ملبوسة وساكنها شي عدو الله ...😟😟

عزيز: بلا متبداي تاني بنتك مادام شربت غتكون غير كتقرقب ولا كتحشش مافيهاش 😡😡 انا غنحصلها ...

خرج ليها ...

عزيز: تي اش كتقووولي 😡😡😡

شهد كانت كتشرب العصير وكتاكل شافتو وحلات لبها وبدات كتكحب حيت خلعها ... و فارس تفرقع بالضحك حداها .... 

شهد كتكحب: بالا من ايمتا ونتا هنا 😱😱

عزيز: منبن كنتي كتحتي مع خيالك لي اصلا تاهو ماكابنش .... واش لبوك حماقيتي صافي 😡😡

شهد: لا ابابا راه كاين معامن كنهضر راه غير مكتشوفوهش ... واخا نشرح مغتيقوش ...

فارس : تي غاسكتي راك غير كتكحليها 😂😂😂

شهد: سكت نتا ...

هزيز: نتا ؟؟ اش هاد المستوى اقليلة الترابي😡😡 تهضري مع باك بهتد الطريقة ...

شهد: والله ما معاك ابابا ...😨😨

عزيز: زيدي قدامي ...

سناء: فين غادي بيها اويلي ...

عزيز: غندير ليها تحاليل نشوف طاسيلتها واش كتبوق ...هادشي راه ماشي طبيعي 

سناء: 7 هادي اشمن سبيطار غتمشي ... عطا الله فين ..

شهد: بابا اشمن حشيش ولا تبويقة اش كتسحابني مكندخلش داك السم لداتي انا ...

عزيز: وتقولي رجلي على رجلك ..على لي فايتة ساكرة مغتبوقش 😠

شهد: تيق بيا ابابا واللهما ... 

جرها معاه و سناء وراه كتولول و لاخر شبعان ضحك فيها و كيتشفى...

فارس: هههه بقا لبك غير تهمة الحشايشة هاهي لبساتك حياتك عداب 😂😂😂😂

شهد مجرورة : كتشفى الله يحرق طباسل مك ...😡😡

فارس: هاد الساعة معندي مي لي يحرق طباسلها 😂😂

عزيز: واش باقا زايدا فيه لوالديك اليوم مايفكني منك غير لي خلقك ...

عزيز: واش باقا زايدا فيه لوالديك اليوم مايفكني منك غير لي خلقك ...هزها فوق كتفو حيت باقي شاد فراسو هبطها فدروج ولاحها فالوطو ور كبات معاه مها كتبرد فيه و شهد مربعة ايديخا لور وحداها فارس شاد فيها وهي شادة راسها غير بزز باش متزيدش تكفسها على راسها ... هبطو فالنستشفى ودخلها مجرورة مشا لكابينيوبقا معاهم حتا وافقو وبطبيعة الحال التضويرة عاد وافقو يديرو ليها التحليلة ...

دخلوها خداو عينة من الدم وخرجات عندهم كتنفخ و تخبط بالبانطوفة لي باقا لابسة ... 

سناء ؛ جلسي اوجه المحاين ...

جلسات مبزمة عاقدة غوباشتها و مربعة ايديها و دايرة رجل فوق رجل وقال ليها باها...

عزيز: يا ربي نلقا شي وتشوفي لما سيفت بوك لاعسكر منتسماش عزيز فرحاتي...

شهد: مغتلقا والوو ابابا ... كووون هاااني ...

بقو شحال و فارس غادي جايو كل شوية يفقص فيها ... 

خرج الطبيب و دخل عزيز عندو ...

الطبيب: بنتك ما كتعاطا لوالو ودمها مافيه والو ... 

عزيز: واش متأكد ادكتور ... بصراحة بنتي فاقت من غيبوبة هادي عامين ... ومن داك الوقت تبدلات و تشطنات ولات كدير تصرفات غريبة ... كتعطل بزاف معىفتها معامن مرافقة كتهضر بوحدها اولا غير مخشية فبيتها ... معرفتش اش غندير معاها...

الطبيب: يقدر يكون عندها مشكل نفسي ... كنصحك تعرضها على شي طبيب نفساني كنظن ممكن يعاونها..

عزيز: ها دشي لي بان ليا شكرا ادكتور ...

الطبيب: ما كاين مشكيل ...

خرج عزيز و تبعاتو سناء و شهد وراهم جارا رجليها كتحلف على فارس حيت كولشي بسبابو .. رجعو للدار دخلات لبيتها نيشان ووالديها جلسو برا...

سناء: شتي ملقيتي والو غير ظلمتيها ...

عزيز: انا مظلمتهاش انا ماباغيش بنتي تخرج الكريق وتخرج على راسها حنا مادايمينش ليها و بغبتها تبني مستقبالها ... 

سناء: عاارفة 😨😨

عزيز: بان ليا غنشوف ليها شي اختصاصي ونعرفو اشمن مشكل عندها ... 

سناء: واخا ان شاء الله...

شهد دخلات للبيت و تلاحت فوق السرير ...

شهد: قالك كنتحشش هادشي لي بقا ليا 😡😡

فارس: هههه وراه بسيف ميديرو احتمالات بحال هادو .. راه خاصك تعرفي تصرفي قدامهم ...

شهد: صعيب ... 

فارس : حاولي ...

شهد: و خلينا دابا من هاد الهضرة .. اش غنديرو فحريرتك ...

تكا حداها ... 

فارس: معرفتش ... غدا نرجعو تما و نعاودو نقلبو ...

شهد: كنظن بلي غتكون ساكن تما فداك الشارع ..

فارس: كاين احتمال ... ولكن باس غنعرفو عرفتي شحال من بارطمة كاينة تم ...

شهد: اوووف بالصح .. 

فارس: نؤاي دابا غدا ونشوفو ... عاودي لبا على راسك كيفاش حتا وليتي كتشوفيتا ... شنو قصتك...

شهد: فاش كان عندي 18 سنة نهار لي شديت فبه الباك جايا كندردg انا واميمة البنت لي شفتيها معايا... كنا فرحانين راجعين للدار نفرحو والدينا .... قطعات الشانطي وانا بقيت متلية حتا وحلات رجلي فواحد الفتحة ديال القادوس ماجبت فين نفك رجلي حتا خبطاتني طوموبيل من تما معقلتش اش وقع ... حتا 

فقت وكانت دازت عام ونصف وانا فغيبوبة ... ملي فقت وانا كنداوا حتا رجعت عافيتي نهار خرجت وليت كنشوف شي امور فالاول يسحاب لي هلوسات من بعد عرفت باي داكشي بالصح .عرفت راسي قادرة نشوف الارواح ... دخلت فالصدمة وحاولت نشرح لوالدية متاقزش ببا تعزلت شي شهرابن فالدار مكنخرجش .. تال واحد النهار عيبت وقررت نواجه مخاوفي مابقيتش كنخافهم شوبة شوية حتا ولفت وقررت منقول لتاحد هاد السر حيت اصلا مغيايقوش .. و من داك الوقت وانا كنعاني معاهم حتا تلاقيتك نتا ..

فارس: ااااه 

.. غتكوني دوزتي وقت صعبب ..

شهد: ضروري ولكن تكيفت مع الوضع من بعد رجعت لقرايتي وحياتي عادي واخا المصاعب ..

فارس بقا كيشوف فيها .... شهد تاهي ...عاقت براسها وناضت ..

شهد: انا ... غنخرج نتعشا و بقا هنا ... 

فارس: ههههه انا غير هنا 😏😏

خرجات شهد وهو بقا مكسل الداخل ... لقات ماماها وجدات العشاء جلسات تعشات معاهم في هدوء مكاين لي يبرزطها و والديها حاضين سلوكها ولاو حاضين معاها... القصة أُخذت من قصص مدرب..

سلات هزات الماعن غسلاتهم و خلاتهم مجمعين ..دخلات لبيت ..كتفوه وتلاحت فالناموسية طفات الضو خلات ضو خفيف وقالت...

شهد: عيييبت...

فارس: عييتي .. تمشينا شوية عييتي فيهم عولنا عليك بكري ...

شهد كتهضر بعبنين مغمضين: انا ماشي هي نتا ... تصبح على خير...

فارس: ونتي من اهلو ....

قرب و حط راسو مقابل براسها ... التاسم لوجها الطفولي الملائكي كولها طبيعية مناتفا حجبان مانافخة شلاقم مسابغة شعر بنت كاملة مكمولة كيفما خلقها الله ... تبسم مد ايدو متردد ... وحطها على شعرها كيدوز صباعو بين خصلات شعرها بقا كيدوز ويعاود ...وحيد ايدو .... مدات ايدها مغمضة عينيها ورجعات ايدو لشعىها تعجب وتبسم من بعد وقالت ليه..

شهد كتهضر شبه ناعسة: بعدا فيك الفايدة ... حك تم هكااااك😴😴

فارس ضحك عجبو الحال ...بقا هكاك حتا نعسات وحط راسو حداها بقا كيشوف فيها هكاك مملش حتا طلع النهار ... هو لي فيقها ... ناضت دارت الروتين الصباحي لبسات وخرجات معاه فطرات معاهم تحت توصيات باها خرجات ... 

ركبات فالطوبيس والشبح ملازمها مكيفارقهاش ولات تايقة فراسها مبقاتش كديها فالاشباح الاخرين هبطات منو ودخلات لافاك الى بغات تهضر معاه كدير تيلي فودنها باش متبينش .... تلاقات امجد فالباب مجمع شيرات ليه جا عندها وقالت ...

شهد: شكون هاداكشي لي كنتي معاهم ...

امجد: شي صحاب اوى سافا ... 

شهد: حمد الله .. فبن اميمة 😊

امجد: خلينا من اميمة متوحشتينيش ديما غابرة علبا وغير نتلاقاو تبقا لاسقانا اميمة ...

شهد: واش بغيتي ندير صاحبتي هاديك ...

امجد: راه تانا صاحبك اولا ؟ 

شهد: واخا هاني معاك دابا .. 

امجد: نهبطو للبحر ...

شهد: على الصباح ...😟😟

امجد: الهواء نقي وعاد .. الدنيا خاويا دابا...

شهد: واخا اسيدي ..بلاتي نمشي لطواليط ...

امجد: انا غنتسناك 

نمشات شهد حتا تعزلات على بنادم و دارت لقاتو مخنزر نعاجبو حال ...

شهد: راك سمعتي امجد بغنا نغرجو...

فارس: ومن بعد 😠😠

شهد: غادي تغبر حتا نرجع لافاك و نخرجو نبحتو تاني ..

فارس: لا غنبقا معاكم ... علاش مخايفاش من الاسباح بوحدك ...

شهد: غندير نظاظر كحلين ... و هو غيكون معايا غنتشغل معاه ...

فارس حس بالعافية طالعة معاه ... معجبوس الحال ومحملوش يستفرد بيها وقال...

فارس: علاش مباغانيش نمشي معتك هو مكابشوفنيش مناش خايفة ...😠😠

شهد: لا مغنتخدش راحتي وغتشتتني ..

فارس: كيفاش غنشتتك ...

شخد: ماشي سوقك دير هادشي لي قلت ليك وصافي ...

مشات سهد شدات فامجد ركبات معاه فموطورو ومشاو .... هبطو حدا البحر .. و هبطو يتمشاو .. كيهضرو وجلسو فالرملة يستاراحو ...

امجد: ايوى ...

شهد: من عندك ... 😊😊

امجد مد ايدو كيدوز على شعرها ...

امجد: كتعجبيني 😍

شهد: ههه حتا نتا ...

امجد كيقرب لوجها وكيشوف في فمها ... فهمات اش بغا تفكرات كلام اميمة وعاد احاسيسها لي كتلخبط فاش كيقرب ليها فارس... غمضات عينيها ... بغات تاكد انها كتبغي امجد و متلدلاتش من جيهتو ... حتا كتحس بشي حاجة اختارقت جسدها وشهقات ...

قرب لبها امجد وهي دور وجها ...شاف فبها مستغرب وقال...

امحد: مالك ... 

شهد: ماماليش غير عرف حدودك ومتقربش ليا ...

امجد: كيفاش ... انا راه صاحبك كيفاش منقربش ليك وعلاش حنا مصاحبين منين مموافافاش...

شهد: بغيتيني هكا مرحبا مبغيتيش بسلامة ...

امجد: واخا ...

ناض رجع فالسكوتر ديالو وخلاها ... حتا بعد وخرج فارس من جسمها .... 

شهد: علاش درتي هكا حماقيتي ... اش دخلك بيني وبينو ... هاهو تقلق خاصمتينا هكاك دابا😡😡😡😡

فارس: سكتي احسن ليك ... باك مسيفطك تقراي ولا ت... اعود بالله من الشيطان الرجيم ... البنت المربية مكاديرش هكاك .. باك تايق فيك خاصك تحتارمي هادشي ...

شهد: ماشي شغلك فيا ...اصلا عمري درتها اول مرة ..😔😔

فارس: متأكدة اول مرة ...

شهد: اه ... دابا شوف كيف دير حتا تصالحنا ياله..

فارس: اش عندك مديري بيه هاداك كيشوفيك غير حاجتو ... واكبر دليل رجع وخلاك هنا بوحدك ... كاين شي واحد كيخلي البنت لي كيبغي بوحدها فبلاصة بحال هادي اه ... احسن ليك بعدي علبه مايصلاحش ليك  😡😡

شهد: ب.. ب.. بسيف مايرجع هو راه تقلق مني ... من حقو ...

فارس: نتي ظاهر ليا مكتفهميش .... زيدي رجعي فحالك ...

شهد: الاااا.😡😡

فارس: رلك عارفاني علاش قاد بلا متخليني نستعمل وسائل اخرى ...

شهد: اوووف هاهي ...

مشات قدامو غادا كتنفخ وهو وراها رابط الغوباشة ..حتا خرجو من الرملة وبقاو كيتمشاو ركبو فطاكسي و مشاو ...

شهد هزات التيلي كتهضر ..

شهد؛ دابا مقريتش نرجعو للشارع كيف تافقنا البارح ...

فارس: واخا ...

قالتها للطاكسي وحطهم تما ... خلصاتو ومشا ...

شهد : البارح تمشينا من هاد الجهة ... خلينا نشوفو الجهة الاخرى ...

فارس: ياله ...

بقاو كيتمشاو بحال البارح كيشوف هنا ولهيه ... شهد حداها غير حاضياه ...

شهد: ما بان ليك والو ؟؟؟

هو: لا ...

تم النسخ من قصص مدرب.. شهد: فالشارع لي ورة هادا كاين الكلينيك فين كنت ناعسة...

دار عندها متفاجأ كاين مستشفى هنا 😮

شهد: اه ...

هو : علاش مقلتيهاش ليا سربي وريني فبن ...

شهد: اوكاي اوكاي تبعني ...

مشاو و دارو لشارع لاخر ... لقاو مستشفى كبير و واسع ... دخلو مع الباب و هو غير كيسوف هنا ولهبه وهي كتقولبع على الاماكن حيت حفظاتو منين كانت هنا كتعالج واخا كبير ....

شهد: مالك ؟؟

فارس: حاس براسي فايت جاي لهنا ...

شهد: تقدر تكون جيتي هنا لهاد المستشفى ومتي فيه ...

فارس: اه بالصح .... دابا خاصنا نعرفو ونتاكدو ... والى نيت مت هنا غيكون شي دوصي لي فيه كولشي المعلومات ديالي ...

شهد: اه ... وكيفاش غنسولو وحنا ماعارفينش لا اسمك ولا تصويرة ولا تاحاجة ...

فارس: الارشيف فيه كولشي ...

شهد: ايوى كيفاش غنديرو .... الارشيف ماشي لي بغا كيدخل ليه ...

فارس: سكتي خليني نفكر...😠😠😠

شهد: فكر اخويا فكر ماهي خربانة (سمية لصقتيها فيا الجنية 😂😂😂)...

فارس: صاااافي لقيتهااا....

دار شاف فشهد بنظرة شريرة ...

شهد خرجو عينيها و قالت: ياربي دوز هاد النهار على خير 😨😨😨

شهد: اش غدير 😨

فارس: غاديا دخلي للفيستيار ديال الفرمليات .... غتسلتي ودخلي غتلبسي حوايجهم وحاولي تغبري وجهك وتخبيه ... وخرجي عندي ...

شهد: لا لا خايفة ...اويلي يحصلوني مشيت فيها ...

فارس: شهد ضروري متغامري ... متكونيش جبانة ...

شهد: لا لا شوف شي حل اخر ...

شاف فيها مطولا .. قرب ليها مغوبش ودخل فيها ... 

شهد هضرات من الداخل والهضرة ديالهم غير نفسية الداخل مكيسمعهم حد ...

شهد: واش عند بالك هدا هو الحل المناسب ... غيشدوني انا واخا نتا لي متحكم فجسمي ... 

هو غادي بيعا وكيهضر: غير سكتبني دابا مغيوقع والو ...

بقا غادي كيتسلت حتا دخل ليه كان خاوي .. ولدا يقلب هز لبسة الفرمليات...

شهد: اويلي غتلبسني 😨😨

فارس: قلت ليك سكتيني ...

شهد: وضور متشوفش فالمراية وغمض عينيك ...

فارس: مغنحيدش كولشي غير سكتيني ....😒😒

شهد: اوووف ...

لبس فارس و نيت محيدش كولشي ...

دار الكمامة على وجها و خرج كيتسلت داير ايدو فالجياب .... وغادي ...

شهد: شفت بنادم غير كيشوف فيا... ياكما عاقو ...

فارس: المستشفى قد الخلا وفيه شلا طبا و فرمليات... كيفاش غيعرفوك ماشي فرملية معاهم ...

شهد: ماعرفتش 😟😟

دازو قدام جاجة كتبين شافت فيها وقالت شهد...

شهد: اويلي قاد المشية راه جسم بنت هدا ماشي عسكري ... ويلي ويلي على شوهة ...

فارس: اااه نسيت ... كيفاش ندير ...

شهد: غير طلق ايدك و رخي كتافك و متبقاش مكنزز وسير مرتاح ..

فارس: الزوبنة على اساس مكنتش كنتمشى مرتاح مهم ماعلينا غير نقضيو الغرض ونخرجو ... بقا غادي وكيتيلت على بنادم و مكيشوفش فيهم و زرب في المشية حتا بان لبه الارشيف ... بقا قاني عرف بلي ماكاين حد ... حل الباب ... ودخل ... لقاو العرارم ديال الضوسيات ...

شهد: تبارك الله مشاء الله .... كيفاش غنلقاو ضوسي ديالك ... راع بحايلا كنقابو على ابرة وسط كومة قش ...

فارس: تباركالله على القارية والفاهمة راه كاينة شي حاجة سميتها الترتيب بالسنين ... لا حول ... 

شهد: اااه هكااك...

فارس: بما انني مت هادي عامين فالضوسي ديالي غيكون ف2015....

شهد: عقل رليك اشمن شهر باش تزيد تسهل عليك الموضوع...

فارس: عندك الصح ... النهار لي مت فيه ... بعدما لقيت نفسي كندور فالشوارع ... كانت الحركة و الزنقة فيهابنادم و كنت كنسمع مبروك العيد ...كان العيد الصغير 12 ربيع الاول ...

شهد: من نيتك ...غتلقاهم مرتبين بالشهر الهجري اولا الميلادي ... 😒😒 يالاهي حريق الراس بدا ..

فارس: سكتيني ...فين التيلي ...

شهد: راك درتيه فالجيب ... 

جبدو زحلو و دار كالوندريي ديال 2015 قلب ولقا التاريخ المقابل ل12 ربيع الاول .... 

فارس: 10 مارس 2015...

شهد: بالصح ... وايلي النهار لي فقت فيه متي نتا 😟😟

فارس: واش فقتي فهاد التاريخ ...

شهد: اااه ..

فارس: ههه اش هاد الصدفة النهار لي رجعتي فيه للحياة انا ودعت هههه 

شهد حزنات لهضرتو وكلامو سكتات ...

فارس: معندك لاش تقلقي ... هادشي عادي ماعلينا .. بما اننا عرفنا التاريخ خاصنا نقلبو ...

شهد: واخا ..

قلب على السنة والشهر وقابهم ضوسي ضوسي ..بقاو شحال واحد واحد و شهد لي كانت كتشوف الصورة حيت هو معارفش وجهو كيف داير .. حيت ماكاببانش فالمراية وفاقد داكرتو مهارفش وجهو كيف داير ... يقاو تقريبا شي 3 السوايع فاتو تاريخ وفاتو وقلبو الشهر كامل ...

شهد: مكاين والو 😔😔

فارس: اوزوف اش هادشي ... تاكدي مزيان اشهد ... واش تاواحد فيهم ما انا ...

شهد: والو ماكاين والو ... راه حتا الناس لي مساكن ماتو مشوهين اولا كدا دايرين صورة ليهم عادية يعني راه مكاينش هنا ...

فارس: اووووف اش كايعني هادشي ...

شهد: كيعني بلي مامتيش هنا ...

▪▪▪يتبع▪▪▪