جموح الشهوة الجزء العاشر

2018

محتوى القصة


رواية جموح الشهوة

دخلت ولقيت ملاك الصغيرة قلبها فالت وكتشهق هزيتها وبقيت كنطمنها وانا حاضناها مسكينة حسات بيا وعرفاتني بلي جيت وتهدنات
انا:(التافت للسيدة)الله يخليك قوليلي كيفاش وقع لحنان كانت بيخير
هي:تا انا معرفاش جات عندي الحاجة بكري وقالتلي نشد حفيدتها صافي
انا:اووف ياربي مصاب غي تخرج سالمة وميكون واقع والو خطير على الله
بقينا كالسين مدة ليست بالطويلة تا جات الحاجة غا شفتها الما طاحلي فالركاابي كانت صفرة وكترجف و الدمووع مالييين خدها طاحت فالارض على ركابيها وبدات كتضرب ففخادها و تغوت
الحاجة:الله على بنتيي حنااااااااااااااان (وكتغوت بسميتها)حناااااااااااااان اهئ اهى بنتيييي بنتييي واعبااد اللله بنتيييييي
مقدرتش نكبح رااسي وبديت كنبكي اسوء الاحتمالات فكرت فييييهووووم صافي غا يكون فيها شي مرض قبيييح 
مقدرتش نحط ملاك ليغا سمعات اببكا بدات كتغوت السيدة ليكانت عندها ملاك توجهات لعند الحاجة وحاولات تهدنها والو تا انا بدوري حطيت ملاك واخا كتبكي و مشيت باتجاهها عنقتها
انا:اهى اهى الله يخليك اخالتي الى ما تهدني مغايوقع والو لحنان غا تبرى شنو مكان ليعندها خلي ايمانك بالله قوي
الحاجة(شافت فيا بانكسار قبل ماتشنق عليا من عنقي وبدات كتغوت)غا تبرى اا قولتي غا تبرى ا مناال يااك اهئ اهى بنتي صااافي غا ندفنها تحت الترااب صااافي بنتي مبقاااتش فهاااد الوجوووود مااااتت ا مناااااال ماااااااااااااااااتت
الانكسااار كان الصوت ليسمعتو شي حاجة تهرسات الداخل مني تراجعت بخطوة غير متوازنة اللور ممصدقاش شنو ليسمعتو لا ميمكنش حنان تموووت لا مستحييل بلا منشعر هويييت للارض وغيبت من اثر الصدمة........
كنحل عيني فبيت الجارة دالحاجة تخطفت من بلاصتي على ريحة البصلة ليكانو كيديرولي شفت فالحاجة ليمزالة طايحة فالارض والجارات دايرين بيها مع سمعو الغواااات تنترت من بعضهوم ليكانو شاديني وتوجهت عندهاااا وشديتلها فيدها والدمووع كيطيحو
انا:اهئ اهى الله يخليييك اخالتي الى ما قوليلي الصراحة حنان مماتتش غي كضحكي معايا اهى اهى
الحاجة كانت منهارة كليا اكتافات غي بالبكا بحرقة والعيالات شادينها وحدة منهوم تقدمات باتجاهي وطبطبات على راسي
هب:صبرو راسكووم ا ختي هادا المكتوب
شفت فيها وانا نطرطق بالبكا والغواان كنبكي وصورتها مزالة قدام عيني صوتها كيتردد فودني وتا من ملاك بحال الى حسات بدورها كتبكي ومبغات لا تسكت..........

......وتختفي ارواح بريئة وتندثر 
ولا تسمع صرخات العالم المحتقر......

كلشي فات بسرعة معرفتش كيفاش وقع بين ليلة وضحاها مبقااتش معانا باح تختافاات البنت ليتعلمت منها بزاف دالحوايج صافي مبقاااتش فالوجوود داز عزوها بسرعة محسيتش نهائيا بشنو كان كيوقع وكاني كنت مخدمة موض صامت الحاجة الوحيدة ليكانت كتثيرتي هي ملاك ليمكانت كتسكت غي فحضني تاكل وتغفى غي بين يدي...

حنان حنان حنان اسم كيتطلق على بزاف دالبنات ولكن الانسانة ليكنت كنعرفها ملقبة بهاد الاسم مكاينش منها جوج رفيقة دربي حبيبتي اختي كانت عندها معزة كبيرة فقلبي هي دابا تحت التراب ومعاها تدفنات اسرار البنت ليكانت عاهرة بسبب المخلفات الذكوورية تنهات حياتها ومعاها جوج ارواح بريئة الام ديالها وبنتها انما الاعمار بيد الله ولكن فكل مرة كنفكر بلي حنان ماتت بسبب سرطان الرحم كنكره هاد الجنس ليوصلها لهادشي كانت توقفات على الخدمة دالليل لانو فعلا كانت وصلات فمراحل متقدمة نن المرض لواخا الاصتئال دالرحم معندو فاش ينفعها عاشت نظلووومة ظلمها القدو بزااف وخلا موراها جوج دالناس يتظلمووو كنبكي ونشهق فكل مرة كنجبد فيها سيرتها فكل مرة كنتفكر انو ممكن تكون كتعاني دابا عذاب قبر والعذاب فالآخرة كانبقا ندعي معاااها ياربي تغفرلها وترحمها كيف مكان الحال كتبقا امتك ليمعندها لا حول ولا قوة.....
يوم جديد فقت على الجسم الصغير ليمخشي فيا كندوي على ملاك الصغيورة مسكينة هادي شهر باش ماتت ماماها وانا ليمقابلاها مكترتاح غا فحضني تحركت من حداها وخرجت من البيت الصغير للصالون داري فين ناعسة الحاجة ليذبلات بزااف من بعد موت بنتها كرهات الدار ليكانت ساكنة فيها وبعدات عليها كلياا جاو سكنو معايا الحزن والكآبة مزالة مخيكة علينا ولكن الجديد هو انو صافي مبقيناش قادرين نعيشو مع شبح جنان ليكنشوفوه فكل بلاصة ماشي حيث نسيناها لا و معمرنا نساوها ولكن على قبل البنت ليخلاتلنا على قبل ملاك خصنا نحاربو ونقويو راسنا باش تعيش حياة طبيعية ملقيتش الحاجة فبلاصتها كالعادة ديالها تشطنت عليها انا هاكاك تحل الباب ودخلات 
انا:الله الحاجة فين كنتي خلعتيني
الحاجة:هاني ا بنتي ما مشيت فين راه غي مشيت نقضي واحد الغراض وصاف
انا:اه ياك لباس
الحاجة:شوفي ا بنتي(وكلسات وكلساتني حداها وهي شادة فيدي)انا صافي عيييت من ورا موت بنتي حسيت براسي تساليت الجمعيات باغيين يديولنا ملاك باش تعييش بالميتم وانا مبغيتش بنت بنتي تشنشط غا نديرو الاجراءات القانونية وباش يعذيوهالنا غا نبيع دار اصلان نبياتش تسكن ونديرو الفلوس فالبانكة وهاكة غا نضمو مستيبل البنية باش ناخدو حضانتها ومكرهتش نتي ليتكلفي بحضانتها تا وحدة خرا من غيرك من امنها على بنت بنت من غيرك
انا:اه الحااجة بكل فرح ملاك فعيني انا وياك غا نكبروها ونوصلووها لاش كتمنايه فيها
الحاجة:لا ا بنتي غا تربيها بوحدك انا صافي عييت ورا الربعين دبنتي غا نمشي لواحد الخيرية راه من عندهوم مجيتي
انا:اويلي الحاجة جماقيتي مستحييل ياك ما قلقكك شي واحد درتلك شي حاجة مريحااتكش ولا شنو هادي داارك متقوليش هاكة
الحاجة:بنتي انا راه قررت متصوريش بلي ساهل عليا نفرق ديك الملاك الصغير هي ليبقاتلي من ريحة بنتي ليمدفونة من تحت التراب(وتغرغرو عنيها)ولكن فهميني وارحميني راه الشوفة فملاك كتعذبني كتخليني نكره الحياة بلا حنان مبقيتش قادرة نشوف ملاك قدااامي وماماها مكيناش معاها بغيت نكمل ليبقا فعمري بعييدة على عذاب الضمير حيث كنقول لولا اني كنت عاجزة ومريضة مكانش غا يوقع هادشي مكنتش غا نخسر بنتي
انا:شش الحاجة الله يخليك متقوولييش هااكة راه الاعمار بيد الله وكلشي مكاتيب
الحاجة:عندك الحق هانتي شفتي غا فكرت فهادشي بديت نحماق اللهم نبعد الله يخليك ابنتي متمنعينيش بغيت نساا ماشي نسا بنتي انما نسا الوجع ليخلاه فراقها فقلبي تما غا نلقا ناس بحالي فارقينهوم عائلاتهووم وغا نتشاطر معاهوم اوجااعي
انا(تفهمتها وبست على يدها)مغانمعكش ا الحااجة ديري ليترتاحي فيه ولكن الله يخليك متنساايش بلي رااه ديما واحد البنت كتسنااك وداري مفتووحالك فاي لحظة تلجئي ليها
الحاجة(مسحات على شعري)انا غا تهلايلي فملاك ومنحتاجش نقولك راني عارفااك كيفاش دايرة متهزي الهم من جيهتي بتاحاجة
انا:الله ياودي متحتاجيش تقوليلي نديرها فعيني راها بنتي ولات.....


هذا كان فصل من الدراااما المأساوية الواقعية #جموح_الشهوة 
سالا بوفاة حنان ليهي مثال على بزاف دالبنات ليانزاخو وراء الشهوة غصبا وماشي رغبا جموح الشهوة مزالة مستمرة مع بطلتنا المتميزة #منال ليعاشت وقاسات بزاف ولكن صمداات نتمنا متتبعااتي متكونوش مليتو لانو القصة درامية مأساوية معندي منديرلكووم منقدرش ندخل الكوميديا ولا السفاالة دابا لانو هاكة غا نقتل ديك الرووح ليبغيت نوصلهالكوم والاحاسيس مي انشاء الله غا يكون هادشي مع قرب النهاااية 
الفصل جديد ديال هاد القصة غا يكون بتغييراااا جذرية وغا يكون تحت عنوان #وألتمس_نورا 🔥🔥??🔥
الكاتبة أميمة الموساوي
متمردة القلم

وألتمس نورا
#للكيان والروح تبعثر يا حبي⚡⚡⚡💥💥💥

دولاب الحياة كيمر بسرعة ومكنحسووش بيه مكنعطيو قيمة للوقت واللحظات تا كيفوتو ومكنبقاوش قادرين نلحقوهوم مزالة كنعقل على راسي وانا صغيرة كنهرب لحضن الام ديالي فاش كنحس بالخطر الصراحة كنحن لدووك الايام فاش كنت صغيرة وكنشوف خواتاتي كبارات كنحسدهوم كنت كنتمنى غ امتا نكبر وهانا كبرت ومن بعد جبت لراسي غي الهم والحزن اه لو بامكاني نرجع اللور مكنتش غا نعاود هاد الغلطة كنتذكر راسي مرااهقة وشنو جابتلي معاها ولكن بين ليلة وضحاها درت قفزة نوعية فمدة قصيرة تقلبات حيااتي جذرياا وليت مسؤولة على راسي وعلى بنت فمثابة بنتي واكثر مسؤوليتها فرقبتي جداها امناتها عندي وخلاتهاااالي باااش نصوون امانتها على اكمل وجه لذلك غا نكون قد المسؤولية حاليا انا المسؤولة والوصية الشرعية على ملووكة اصلان ولفتها فراغ كبير فحياتي عمراتو هي منقدرش نتصور راسي ياخدوهااالي كالعااادة اليومة غا نرجع للخدمة بحكم انو ديجا دويت مع باولو وتفهمني وعطاني هاد المدة وبما انني منقدش نتحمل فراق ملاك غا ناخدها معايا للبار غا تقولو هادي حماقت ولكن فعلا منقدش نتصور تبعد على عيني وزايدون مكاين تا شي واحد اخور نتيق فيه ونخليها معاها كنت غا نفكر فماكا ولكن فوضعنا ماما وراء القضبان لذلك خصني نتصرف بوحدي ديتها معايا كيف قررت للبار ودخلنا لفين كنبدلو بدلت حوايجي وقاديتلها بلاصة فين نخليها انا هاكاك دخل باولو ودرت مفزوعة
انا:اا سمحلي متشاورتش معاك قبل منجيبها ولكن منقدش نخليها بعيدة عليا ومعنديش اصلان معامن نخليها
باولو:(بابتسامة)لا بالعكس انا معندي تا مشكل كنعشق الدراري الصغار ولكن ملاحظتيش بلي هاد البلاصة متصلاحش لطفلة فلاج ديالها
انا:وشنو نديييير معندي تا شي حل اخور الى عندك شي اقتراح فيدني بيه
باولو:(شاف فيا بنظرة باردة ومنكسرة)الحل بين يديك وماشايفاهش ا منال على العموم رديلها البال هاد البلاصة مآمناش
انا:اه اه واخا
خرج وخلاني غا كنشوف مفهمتووش شنو بغا يقصد درت شفت ملاك ليكانت كتلعب بيديها بستها وحاولت نعسها انا هاكاك دخلات الهام
الهام:(بفرح)منااااااال رجعتي
انا:ششششش كنعسهااا غا تفيقيها
الهام:ااا شكون هادي
انا حطيت ملاك ليكانت نعسات بين يدي وغطيتها من بعد ما طبعت قبلة على راسها وخرجت انا والهام وانا كنعاودلها شنو وقع تصدمات مسكينة وخوفاتني بحكم انها ام لجوج وليدات ومطلقة فهماتني انو تربية طفل بوحدي عيبة الطفل خصو اب ومنين غا نجيب اب لبنتي ملاك ههه بدينا الخدمة تشيللو مبانش حسو معرفت فين راه غاطس بقينا خدامين وفكل مرة كنطمن على بنتي ليغااطة فنوم عميق بدا البار يخوى تا من الهاام مشات لانها عندها وليداتها كيتسناوها بقيت غي انا ليخدامة ومراداش البال للعينين ليكانو مراقباني وكيتربصو بيا ساليت مناوبتي وتميت خارجة غادة باتجاه البيت ليناعسة فيه ملاك وهي يد تجبدني وجابتني مزدوخة مع الحيط وجسم حديدي لصق معايا هزيت عيني وانا نتصدم

يتبع

التنقل بين الأجزاء

صفحة القصة
سيتم تشغيل صندوق التعليقات بعد لحظات
معظم التعليقات تم إخفاءها بواسطة الفيسبوك، نحاول بكل الوسائل المتاحة إستعادتها في أقرب وقت ممكن.