جموح الشهوة الجزء 12 و الأخير

انا:(كالسة ومقابلة مع باولو)باولو فكرت فالعرض ديالك واتااخذت قراري

باولو: وتا انا كنسمعك واي قرار اتاخذتييه كوني على يقين بلي مغا نعاارضكش فيه ولا نبزز عليك شي حاجة مباغياهاش

انا:امم باولو فكرت مزياان فعرض زوااجك دابا انا مسؤولة على راسي وعلى ملاك وياالله كنبني حيااتي مبغييتش شي حاجة ليتشوش على حياتها لذلك انا قاابلة بغيتها تعيش حياة طبيعية بحال كاع الدراري الصغار

باولو:(دار زفير وابتاسم)لبرهة حسابلي غا ترفضي(وشدني من يدي)صدقيني مغاتندمييش ومعمري نخذلك

انا(سحبت يدي)باولو انا غا نتزوج بيك حيث عييت بغيت سند نعول عليييه ونتشاارك معاه الهمووم

باولو:وغا نكووون ليك خير سند

انا:مهم غا نديرو الاجراءات كلها بغيت نتزوجو وصافي بلا حفلة لا والو راك عارف ظروفي ماما فالحبس وانا بلا عائلة 

باولو:ليتبغي ا منااال متخايليش انا اسعد وااحد فهااااد الدنيا 

انا:(جاملتو بابتسامة واخا ماشي من قلبي هو مد يديه وشد يدي باسهوم وبقا شادهوم مقديتش نحيدهوووم لانو دابا ولات تقرييا كتربطنا علاقة رسمية

باولو:اخيراا غا نولي وااحد الانسان طااهر وغا نبني حياة جديدة معاك ومع بنتنا اولا ا ملووكة ههه

ابتااسمت مرة خرا كمجاملة حاولت نصدرو بالفعل مشا سديت الباب وانا انهار بالبكاا علاش كنبكي معاارفااش ندمت حيث وافقت صراع كبير بين عقلي وقلبي بقيت كنبكي صورة وحزة بييين عيني صورة كرييم حسيت بنفس الاحساس ديال نهار ليباسني فيه شنو كيوقعلي فكل مرة كنتفكر ديكشي كنزيد بالبكا معتز تا هو تفكرتو ولكن مكانتش عندي نفس ردة الفعل بحال كريم بقيت كنبكي ونشهق تا سمعت صوت ملاك ونطقاات بسمية فااش كانت حنان حية مكانتش تسرحها ودابا نطقااتتها نيشان

ملاك:مااماا

توقفت على البكا وتوجهت لعنزها بسرعة وعيني مزالين دامعين هزيتها

انا:الحبيبة ديالي شنو قلتي دابا ماما يااكي عاوديها ماما ماااما

نسيت الهم ولي انا فيه وانا كنتصنت لبنوتي وهي كتنطق فهاد الكلمة خزيتها ين يدي وانا فرحانة وتوجهت للسرجم كان طاح الظلام وشفت فالسما ليمزينة بالنجووم

انا:حنان صاحبتي ومامات الملاك ليبين يدي كنآمن بلي نتي راكي نجمة فالسما بحال الدراري الصغار هه بنتك اختي اليوومة نطقاات ماما غا نكوون ليها خير الام كنواعدك ا صااحبتي مغا نسمحش ليها تحس بفرااقك ولا بفقدااانك غا نعمر بلاصتك بنتك غا تعيش حياة طبيعية مع اب وام

لفيت بنظري فالارجاء وانا نلمح كريم فاللوطو مدرت تاردة فعل شافني وشفتو بعدت من السرجم وخليتو مبقيتش كنفهم رااسي شنو ليكندير ولا كيجيني غي كنخربق لاهيت راسي مع ملاك تا نعستها وهنا جبدت مقالي ليبدا كيتااخد آخر اللمساات قربت نساليه....

#بعد_مرور_اسبوع

طق طق طق.....

فقت على صوت القرع فالباب هزيت عيني للساعة كانت الوحدة دالليل اويلي شكون غا يجي عندي فهاد الوقت زعما يكون باولو مكنظنش راه كان عندي هاد العشية اووف توجهت باتجاه الباب قبل ميهرسو الطارق ويفيق تا ملاك من ورا الباب خاطبتو

انا:ااا شكوووون شكووون جاي عندنا فهااد الوقت 

مسمعت تا جواب مجرد نهكات وصوت تنفس متسااارع خلعني مقدرت نزيد تا بحرف تا سمعتو نطق كان كريييم

كريم:مناااااال

الما طاحلي فالركابي اويلي هذا شنو جا يدير عندي فهاد الوقت 

انا:ااا كريييم شنو بااغي فهاد الوقت حماااقيتي 

كريم:حماااقييييت اه حماااقييييت نتييي حمقتيييينيي نتييييي حلي الباب(وكيغوت)حلييييي

انا:(بخوف)كريييم الله يخليييك سير بحالك بلا متغوت غا يسمعووك الجيران وتجبدلي المشاااكل

كريم:هاا ممحركش من هنااااا حليييي بغيييت نهدر معاااااك حلييييييييي

محسيييتش براسي تا حليتلو الباب باينة فيه مصر مغا يتهنا تا نهدر معاااه خاحليتلو الباب تدفع الجسم ديالو ليكان مسند بيه على الباب وكان غا يطييح كون مشديتوش غا ديتو شميت منو واحد الريحة قبيحة

انا:ااا كريييم شربااان اويلي جايني فهاد الوقت ومن الفوق سكران

كريم: سكراان امناال انا مدوخ بسبااابك هادشي كيوقعلي بسباااابك جريتو وسديت الباب دخلتو وكلس بغيت نمشي نجيبلو قهوة قاصحة يشربها ولكن شدني من يدي 

كريم:متمشييييش راكي غا تمشي لللابد ونتحرم منك للابد متبعدييش عليا دابا على الاقل

انا:(نترت يدي)شكاتخربق ا كريم فين عندي نمشي غا نجيبلك غي قهوة

تميت غادة وهو يوقفني بكلامو

كريم:مغاتزوجيييش يااك اولا غا تزوجي بموول البار

انا:وقفت مصدومة اويلي هذا منين جاب هاد الخباار درت عندو 

انا:منين عربتي شكوون قالهاالك

كريم(بحرقة والدموع تحجرو فعينيه)يعني بصاااح بصاح غا تزوجي علااش واش انا معمرتلكش العين علاش هو وماشي انا علااش

انا:(بقا فيا الصيغة باش كان كيهدر وجعاتني قربت منو)كريييم تهدن رااه كلشي مكاااتيب انا ونتا ممكتابلنااش نكونو بجووج

كريم:متقوليليش هاااااكة متهدريييش متقوليش هاااكة كتسمعي 

انا:كريم الله يخلييك بلا متغوت ملاك ناعسة الداخل بلا منفيقوها بهاد الليل ونخوفوها

كريم تمعني مزيان واحد اللمعة فعينيه من الدموع والضو الخافت دالسرجم ليضرب فيه بورشوني محسيتش براسي امتا جرني وجابني مزدوحة على صدروو كنا قراب بزاف من بعضياتنا هز يدو ودوزها على وجهي

كريم:(وكيدوي بخفت)منااال شنوو درتي فيا حشووومة عليييك تعذبيني بغييييت نكرهك مبغيييتش نبغييييك حيث كنتعذب مبقيت نركز لا فخدمتي ولا فحيااتي كنفكر فيك غي نتي

انا:كريم الله يخليك سكت..

انا بغيت نووض ونبعد عليه ولكن هو زاد جرني هااد المرة قربني لييه كثر من اللازم

ساد صمت عميييق بقيت غي كنشوووف فيه وفالحركاات كيفاش كيحرك عينيه فرمشة عين قرب مني بزااف واكثر من الاازم لدرجة وليت كنحس بانفااسو كضرب فيا معرفتش انا ليدرتها بلا منشعر ثارني قربت منو وبستو لمرة ثااانية بستو بووسة خفيفة طيرااااتني فالسموااات العليااا بعدت عليه وبقيت كنشوف فيه هو ليكان ساد عينيه حلهووم ورمقني بنظرتو الثاقبة

كريم:(زاد شدني بيدي وزير عليا)متقدرييييش حتا نتي تقاااوميني تا نتي كتبغييييتي ياااااك

انا:ااا كريم طلق من راك مزيرني بزااف

كريم:(وكيرخف يديه)علااش كتقربيني ليييك كثر علاااش كتقربي مني وتبوووسيني وفالتااالي غا تزوجي فسريلي هادشي ليكديريييه الا مكاانش حب فسريييه

انا:اهى كريم عافاااك بعد مني

كرييم:قووليييها ا منااال نطقيييها كتبغييييني ولا لا نطقييييييييهاااااااا

انا:(بصوووت مرعد)كريم خليييني بحالي...

كريم:(غوت اكثر)كلمة وحدة نسمعهااا كتبغيني ولا لاااا

انا:لااااا لا مكنبغييييكش بعد مني وخرج من حياااتي بعد مني

كريم تصدم لبرهة وملامحو انكاسرو قبل ما يتحولو لنظرة غاضبة بلا ميقوول تا كلمة ناض وبعد بقيت كنشوف فيه وهو كيتمشى بخطوات غيز متوازنة باتجاه الباب وكأن وااحد الاحساس دفين الداااخل مني صحاااا وخلاني انتاافض ونرااجع شنو كندير شنو كديري فيه امنااال شنو كتخربقي علاش مصرة ديما قلبك تآذيييه وتجرحيييه علااش لاش ديما خصك تدمي جرااحك وتنزفيها مشعرتش براسي امتا تهزيت من بلاصتي وجريت باتجاااهوو قبل ما يخرج من الباب عنقتو من ظهرو....

انا:اهى اهئ كريييم متمشييش الله يخليييك مغانساااامحش راسي لو انك تمشي انا كنبغيييك ا كريييم كنبغييك بزااف كنكذب على راسي فااش كنقول بلي كنكرهك اهئ اهئ 

حسيت بيدين كريم تهزو وتحطو على يدي ليمحاوطينو ودوروني تا قابلوني معاه هزيت عيني المدمعيبن فييه

كريم:ششش(وكيمسح دمووعي)منبغييش نشوووف دموووعك كتسمعيني كنت عارفك عارفك كتبغيني(طبع قبلة حارة على جبيني)

عنقني كريم عنااااق حاااار شوية بعد عليا وتحنى على ركااابيه وجبد بواطة من جيبو

كريم:منال هاد شحال وانا مخلي هاد الخاااتم كان ديال الوالدة الله يرحمها وقررت البنت ليغاتسرق قلبي هي ليغاتلبسو فيا اميرة قلبي تقبلي تزوجيني

انا بقيت كنشوف فيه وطاحو دموع حارين من عيني

انل:كرييم ولكن باااولو...

كريم:عارف سمعتو كيهدر هو هذاك ليغا يبيعلو البار وقالو بلي غا يتروجك وان يكن واش تقبلي على راسك تزوجي واحد مكتبغيييهش

انا:ماشي هاكاك ولكن مجااش وانا مزالة مهدرت معاه ندير شي حاجة

كريم:انا لاش كنسولك اصلااان (وشد يدي ركب الخاتم فيه)دابا نتي رسميا نتاع كريييم ومغاتنساايهااش

هزيت يدي كنشوف فالخاتم اللمااع كلشي جا بالزربة هاد الليلة ابتاسمت وشفت فكريم 

انا:غي نحل مشكلة باولو وانا معاااك 

كريم:(باس يدي)وانا مستعد نتسنااك للابد

مشا كريييم من بعدما ودعتووو غا خرج ضغطت على الباب قلبي كيزدح باازربة ممصدقااش واخيرااا سمحت لقلبي يفرح ويضحك هزيت يدي وتأملت الخاااتم ممصدقاش من بعد مكنت مقررة نكون مع باولو دابا هاني مع كريم محسيتش بالذنب اتجاه باولو فعلا الاثم الكبير هو كون كنت معاه وانا مكنبغييهش كون تعذبت وعذبتو معايا...

اصبحنا واصبح الملك لله فقت ودرت روتينياتي مع ملااكي ومن بينهوم اتاصلت بباولو خصني نطرق هاد المسمار فاسرع وقت فعلا من بعد مدة زمن كان عندي استاقبلتو وكلسنا كعادتنا كندردشو

باولو:منال مزية ليعيطتيلي تا انا عندي منقولك راه وجدت كلشي بقالنا غي نكتبو العقد

انا(بتردد):باولو امم تا انا هادشي علاش عيطتلك

باولو:اه كنسمعك

انا:امم باولو انا.......

شي واحد كان كيدق فالباب ومعطانيش فرصة نكمل كلامي

انا::باولو نمشي نشوف شكون ونجي

باولو:اه خودي راحتك

توجهت للباب حليتو وانا نتصدم بمول الدار مكجكج 

مول الدار:(بالغواات) ا لالة شهاد قلة الترابي تا يوليو الجيران يتشكاو من شي واحد ساكن فداري

انل:ااا شوااقع اسيدي مفهمتش

هو:هااا قالك مفهمااتس ا سمعيني غا تخويلي داري معنديش الديور للبنات يجيبو ليهوم السكرااانة فنصاصاات الليل ويديرونجييو الجيراان بغيتي ديري شي حااجة خرجيلي من داري ودبري مخك

مشا قبل ميعطيني فرصة نشرحلو لكاين غا يكون كيهدر على كريم سديت الباب موراه وانا مصدوومة غا درت تصدمت كان باولو وملامحو ممسووحين تقدم باتجاهي بخطوااتي ودفعني على الحيط بالجهد

باولو:شكوون هذا شكوووووووون هذا ليكيجي عندك هدري

انا:باااولو اا راه غا نشرحلك على وديت هادشي عيطتلك

باوبو:شغا تشرحيلي شغا تشرحي واش انا دابا دمدووومة دوي

انا:غا تهدن كلشي غا نعاودولك

بديت كنعاودلو قصتي مع كريم من البدية تا ساليت وبقا كيشوف فيااا

باولو:(بصوت مهرس على الاخر)واااش كتبغييييه دوي امناال كتبغيه

مقدرتش نجاوبو اكتافيت باني حدرت راسي و درتلو اماءة براسي بمعنى اه ساد صمت عميق مكسرو غا صوت قبضتو اليدوية ليضربها فالحيط تا زعزني

باولو:(رجع خطواتو اللور)ديجا قلتها وغا نعاودها مغانبزز عليك والو الله يجيبلك ليفيه الخير نتمنا فعلا يكون هاد الانسان كيستااحق تبغيه فعلا هو محظووظ 

مزااد تا حرف حل الباب فسكوووت وخرج تا انا مقدرت ندير تا حركة قلبي ضرني عليه ولكن هااكة من الافضل وضعنا حد لعلاقتنا قبل تا متبدااا علاقة مبنية على الكذووب معندها تا معنى فالاصل.....

#بعد_مرور_شهر

الحيااة بدات كتدب فحياتي وفقلبي بديت كتستااقر وكنعييش الحب مع حبي الحقيقي اكيد كندوي على كريييم من بعد مطبات بزااف مريت منها وغيراتلي حياااتي اليوومة يوم مهم اليومة حفلة عقد قراااني ب كريم اصرارو على انو يديرلي حفلة ولو بسيطة مقدرتش نكبحو حفلة بسيطة غا يحضرو فيها خواتاتي ليتصالحت معاهوم شحال قدي منهرب منهوم وغايكوون بعض اطراف عائلتو ولكن الشخص ليميمكنلييش نسااه فبحال هاد النهار كندوي على ماما لذلك مشيت انا وكريم لزيارتها اليووم تعااطف بزااف معاها وزاز احتارمها من بعد معرف ليدارتو على قبلي بكيت بزااف انا ويااها تمنيتها تحضر معاايا ولكن مكتابنا هاكة انا دابل كالسة فالشومبر كنتسناهوم يعيطولي فاش يجي العدول باش نهود فهاد اللحظوة بالضبط تفكرت معتز ونظرتو الخاطئة عليا مديت يدي للبيسي ديالي ودخلت لمقاالي ليالله تنشر اخيرا ساليتو وبعثتو للجريدة ولقا اقبال كبير من عند الناس مقال كيحكي على قصة حياة عااهرة عذرااء مقال مجرد مايقراه معتز غايعرف كلشي عليا والحقيقة كوبيتو وصردتولو عبر ايميل فهاد الاثناء جات ختي سهام تعلمني بمجيئ العدول خليت البيسي ومعاه الماضي وخرجت تابعاها درنا كاع الرسميات انا وكريم ووقعنا على العقد واخيرا ولينا زوجا وزوجة.......

حياة جديدة حياة زوجية عادية فرحانة بزاف حيث فعلا لقيت فكريييم ديكشي ليكنت نفلب عليييه انساان حنين بزااف وكيبغيني بزااب مراات دابا شهراين على زواجنا اليومة غا يرافقني حب حياتي للمستشفى على قبل جلسة ملاك نتاع تصفية الدم دخلت وخليتو هو مشا يجيب الما دخلو ملاك لجلستها وانا بقيت على برا كنتسنا فهاد الاثناء مرات من حدايا مرا كتوجع حاملة كانت غا تولد بقيت كنشوف فيها لمست كرشي بلا شعور تا انا مكرهتش نجرب هاد الشعوور هه ضحكت على راسي هزيت راسي وضحكتي تختافاات شيئا فشيئا تصمكت وانا كنشوفو قدامي هاز صاك مزال كيف كان متبدل فيه والو من غير انو ضعاف عرفتوني علامن كندوي على معتز اه من بعد ما تجاوزاتني الصدمة تقدمت باتجاهو وبابتسامة خاطبتو

انا:معتز لبااس عليك

معتز:(شاف فيا بعينين متحسرين)منااال عفاك سمحيلي

انا:(يالله غا نجاوبو قاطعاتني الممرضة)سيدي نتا هو راجل السيدة ليكتولد الداخل

انا:(شفت فيه بصدمة)اا ديك السيدة مرااتك

معتز:امم اه 

الممرضة:لحق عليا للاستقبال تدير شي اجراءات بما انكوم برا البلاد وجيتو غي عذلة وشدها الوجع هنا

مشات ومعتز رجع شاف فيا انا ليخاطبتو بابتسامة ببساطة لاني نبقيت كنحس اتجاهو بوالو بالعكس فرحتلو لانو كيكون عائلة

انا:مبروووك عليييك امعتز

معتز:منال انا...

انا:شش متحتااجش تشرحلي سير دابا راه نراتك كتسناااك اا ويكبر فعزكووم البنية ولا الوليد ليانشاء الله جاي

خليتو وتوجهت لبلاصتي اه واخيرا غا نحس براحة البال ونقول فعلا بلي طويت الماضي ورايا كنت مشطونة على معتز مي بما نو كيكون عائلتو فريحني انا هاكة حسيت بيدين حاوطوني من خصري عرفتو كروومي ههه بقيت انا وياه تا خرجو ملاك هزها كريم وشابك يدي مع يديه وحنا غاديين فتنا على غرفة لمحت منها معتز هاز وليد صغير بين يديه ومراتو حداه شفت فيه وابتاسمت وتا هو بادلني الابتسامة كملت طريقي وهاكة كنت سديت اخر صفحة من صفحات الماضي الاسود ديال جمووح الشهوة كل واحد فينا كيعيش الحياة ليمكتابالو نقدرو نعرفو بزاف دالناس ونبغيوهوم ولكن ليغايكتاابلنا وااحد ووحييد ومتمشي غي فين مامشااك الله هادي غي عامين اللور كنت كنظن بلي حياااتي غا تكون الاا مع معتز لا غير ولكن شووف دابا انا أم لجوج وليدات ملاااك ومعتز هه سميت ولدي من كرييم معتز طبعا من بعد معرف راجلي حبيبي كاع القصة ديالي الماضية معتز كذلك غا كون دابا اب لاكثر من بب باولو بدورو سمعت بلي تزوج ورجع لاسبااانيا كلشي اقدااار تتقاذفنا وحنا اسماااك كتعووم عكس التياار فخصنا نكونو اذكياء فتحركاتنا فمشوااري كنت غا انزااح فكل مرة كنتفكر بلي فكرت شي نهار نلجأ للدعارة باش نتمرد على المجتمع كنتبوورش فعلا كنت ساذجة فاااك المجتمع ليخليني نخسر راسي باش نهزمو يزييدها فرااسو منخسرش راسي واحترامي باش نهزم مجتمع لا يرحم الانثى على وجه الخصووص متنساااوش فاش تحسو راسكووم قنطتو والمجتمع طغط عليكووم قولولو #فاااك_يو وتجاوزوووه تا واحد ميستااهل تضحي على ودو اي انثئ الا اذا كان كيستااهل ديما تفكرو بلي اي بنت عندهااا قوة خاارق فاذا كاانت قادرة تهز المهد بيدها راها تهز العااالم كلو بصوووتها😘😘😘

#كنبغييكوم

#أميمة_الموساوي

#نهاية_جموح_الشهوة

وهكذا غا نكونو سالينا قصة الدراما المأساوية #جموح_الشهوة

متبخلوووش عليااا بتعااليقكووم وآراءكوووم

قصة #منال ما هي الاااا نمووووذج من عدد القصص الحقيقية ليمزال متسلط عليها الضوء قصص مخفية وتا واحد معارفها نفوس مأسورة وكتستانجد تحت راية الظلم والقهر قبلت اني نكتب هاد القصة لاني لقيت انها فعلا كتووشيني انا كانثى ونتوما كإناث قاارئات نتحدى اي وحدة تقول بلي متأثراتش بواقع منال وبحال والو تكون بكات وتعاطفات معاها انا ومنال توجهنالكوم لاننا عارفين بلي الانثى المجروحة مغا تفهمها غا شبيهتها المجروووحة حنا كاملين كنعرفو بلي فداخل كل وحدة فينا وجع صاامت ف #عزيزاتي متخليوش هاد الوجع يفتك بيكوم بل نتوما تغلبو عليه واجهوووه ماشي دافعو على راسكوم منو لانو اولى اسااليب الدفااع الهجووم 

نتمنى تكون القصة فمستوى توقعااتكوم ونتمنى تا انا نكوون عند حسن ظنكووم 

سمحولي كنت كنتعطل عليكوم مي لظروف قاااهرة كنشكر كل وحدة تبعاات معايا القصة حدث بحدث وبروح قارءة هاوية شريفة تعاطفاات مع البطلة الحقيقية

كيفما بدينا غا نختموو بالحق متقلقوووش قريبا قصة جديدة من قصصي غا تنزل للساحة الزرقااء قصة بافكار جداد مدايريييينش غا تكون أطول قصة نكتبها فمسيرتي انتظروووني

💋💋💋💋💋💋💋💋💋

#متمردة_القلم

#الكاتبة_أميمة_الموساوي