جموح الشهوة الجزء الرابع

2018

محتوى القصة

رواية جموح الشهوة

انا:ولكن واخا هاكاك كتوكلي بنتك وماك فلووس حراام
حنان:فهاد الوقت الفلوس فلوس سواء حرام ولا حلاااال خصك تعرفي بلادنا الى مكانتش العااقة عندك رااك نتا مكاااينش فالاصل تا حاجة مغاتعطيك قيمة فهاد الوقت من غير بزطاامك ويكوون عاامر
انا:لا ماشي كلشي فلوس
هي:ههه مزالة بريئة اختي شتي الفلووس هي نتي عندك مااانيي راكي كاينة معندكش مكايناش مهم لبسي علييك انا غانخرج ناكل ونجيبلك متاكلي 
خرجات بالفعل وانا نفذت ليطلباتو وكنفكر فكلامها زعما لهاد الدرجة الفلووس بقيمتها بفف غا وسخ الدنيا وصااف لبست عليا وانا كنلبس تفكرت الفلوس ليهازااها فصدري ودورت كلامها فمخي فعلا الفلوس كنعطيوها قيمة واخا بلا منشعرو هه والدليل هاني خبعتها فصدري بلا منشعر رجعات حنان وحطاتلي الماكلة كانت عبارة على مطيشة والبيض وكاس لبن والخبز
حنان:كولي
انا:لا لا مافيا ليااكل
حنان(ضحكات)متقوليليش عفتيهوم حيتاش مشريين بفلووس حراام هه كولي راه الذنوب كلها عليا نتي وغيرك معندكوومش ذنب
انا:مزال مفهمت والو علااش متقبلة هاد الوضع علاش قابلة انك تكوني(سكت عاد نطقت)قحبة علاش
حمان(شافت فيا بحرقة)تا انا كتت بحاالك كنت كنشوف ليسميتهووم عاهرات بحال الحثالة ولكن تا عشت وجربت عاد فهمت علاش ولاو هاكة راه تاوحدة فينا مكتحل رجليها لراجل وهي فرحاانة حسابلك حنا كنديرو هادشي حيتااش معشوقين فال*وا راكي غالطة راه عنا ظرووف كتخلينا نبيعو لحمنا باش غيرنا يعيش مزيان
انا:و ان يكن هادشي ماشي مبرر
حنان:دابا نتي بالنسبة ليك نخلي بنتي تموت ومنحلش رجلي يااك فخبارك ملاك ليشفتيها قبيلة كلاويها مكيخدموش عندها قصور كلوي خصها كل مرة دير تصفية للدم بزبابل دالفلوس مي كذلك عندها السكر والطونسيو الى مجبتش ليها الدوا غادي تموت نبقا نشووف فالنااس ليكنبغي كينموتو قدامي باش نتي وليبحالك ميشووفش فيا هاد الشوفة دالقرف
انا(بصدمة)لا لا مقصدتش هاكة
حنان:امم دابا تعاطفتي معايا ياك من بعد معرفتي المبرر اوا من هنا الفووق معمرك تفكري تجبدي شي وحدة بحالنا بلا متعرفي اسبابها لانو اي وحدة كتوجه لهاد الضومين الا وعندها اسباب قاهرة
انا:وبابات ملاك فين هو
حنان(شافت فيا بنظرة منكسرة)بغيتي تقولي باواتها
انا:(بصدمة)شنووووو
حنان:(والدموع فعينيها)بحالي اختي بزااف فالمجتمع ديالنا غا ممسلطينش عليهوم الكاميرة بحالي انا تغتاصبت من طرف خمسة تا وااحد مشدلي حقي ولا فكر فيا ومن الفوق حملت ببنتي وانا معارفااش باها
انا بقيت كنشوف فيها بقات فيا فعلا يا ما اسرار مخبية وراء الستاار ماشي ليكنشوفووه هو ليكيكون حقيقة
حنان؛انا دابا منخارطة فجمعيات هما ليكيعاونوني من بعد موقعلي هما ليتكلفو بيا ونقولك واحد السر بنتي وتا من مي فخطر لانهوم الى تعرف شنو كندير وفاش كنخدم غا يحيدولي بنتي ويديوها للميتم ومي لشي ماوى للعجزة لاني غا نكوون غير لائقة باش يعيشو معايا
انا:اويلي وااش حماقيتي ياك هما كيعاونوك علااش كديري هادشي كامل
حنان:اودي انا معاونة منكرش بلا مجهودهوم بنتي كنت غا نكون دافناها تحت التراب ولكن المصاريف كثاار وخصني نخدم باش نقوووم بيها وهانتي كتشوفي فبلادنا شكون غا يخدمك بلا باك ولا يعبرولك
انا:اودي متفكرينيش هاني عندي الباك وسنة اولى فلافاك طفرتو
حنان:اا عندك البااك؟؟
انا:اه
حنان:تبغي تخدمي
انل:حنان ختي انا واخا تشوفيني هاكة راني بنت محتارمة ومربيني والدياا
حنان:فخبارك راك جرحتيني بهاد الهدرة كنت كنظن من بعد معاودتلك على ليوقعلي مغاتبقايش تشوفي فيا هاد الشوفة سعا دوماج مغانلوومكش مجتمعنا كيشوف لبنت الليل كحثالة معارفش بلي هاد البنت تا هي كانت بنت دارهوم ولكن الظروف هي ليخلاتها تولي كيف كيشوفوها
انا:لا لا عافاك متقوليش هاكة غا وكان الى الدعارة ليمنتوجهلهاش واخا نكون يائسة لانو كيف كان الحاال هذاك مستنقع ليدخلاتلو متقدرش تخرج منو
حنان:مال مخكك خامج اش جاب القراية للدعارة هاد الضومين منبغييه لا حبيبي لا لعدويا ان فوا كدخليلو كتولي تشمي ريحة خانزة منك مهم راه انا عندي ليك خدمة وطالبين فيها الباك
انا:بصاااح
حنان:خدمة وي وخدمة محترمة......

انا:(بلهفة) شنو هي اختي اي حاجة محترمة وحلال قاابلة عليها انا ماشي من النوع ليكيعفط على النعمة فااش كتجيه ليديه
حنان: فواحد الشركة ديال الخياطة كاين واحد البوسط وطالبين فيه تكون بنت عندها الباك
انا:شركة دالخياطة؟؟؟ ولكن انا معندي تا فكرة على الخيااطة كيغانديرلها
حنان:ا عادي مهمتك غا تكون ديري لومبلاج للحوايج ليعندهوم وصاف
تنا:وزعما علاش غا يطلبو الباك على ليمقاريش مغا يقدش يدير هاد المهمة البسيطة
حنان:اودي بنادم وصااف دابا ابسط الحوايج ولاو يطلبو فيهوم الباك
انا:اهاه وفين جات هاد الشركة
حنان:فالحي الصناعي هي شركة يالله بدات ما نتي بحال هاد البوسط والله لا لقيتيه كيشدووه النااس وكيكون فيه الراحة والصالير عالي
انا:اهاه نجرب علاش لا 
حنان:مهم غدا انا خدامة فالصباح نمشي انا وياك نوريك الشركة دخلي تما شوفي المسؤول
انا:حنان واش كتخدمي تا فالصباح
حنان:اه مي ماشي فديكشي ليفبالك انما انا كنخدم فواحد الشركة نتاع رايبي جميلة ماشي شي خدمة مي كتعاوني
انا:مكرهتلكش تبعدي نهائيا على هاد الضومين وتبعي شي حاجة حلال
حنان:مكرهتش تا انا مهم خصك تنعسي دابا 
انا:اه عندك الحق فين هي بنتك
حنان:ملاك راها على برة مع جداها كتنعسها تعذاي و نعسي هنايا فالجنب لهيه انا نمشي نجيب بنتي ونجي
مشات حنان وانا كليت واخا معندي منين يدوز باش منحشمهاش و تجبدت وبقيت كنفكر فهدرتها قااصحة بزااف هادشي ليكتعيشو حطيت راسي بلاصتها وهنا دخلت فدوامة ديال الافكار كون كنت انا بلاصتها واش تا انا كنت غا نتوجه للدعارة باش نعيش الناس ليكنبغي معرفتش كنظن فقط الى تحطيت فداك الموقف هي فين عا نقدر نقرر تحل باب البيت ودخلات هازة ملاك ليناعسة ومحاساش بشنو داير بيها شافتني حنان كنشوف فيه
حنان:بريئة بزاف يااك وملاك فالحقيقة
انا:(ابتاسمت)اه الله يخليهالك
حنان(وكتقادها فبلاصتها)هاد البنية هي الوحيدة ليمخلياني نزيد اصرار على الحياة واخا العفن ليداير بيا مجرد مكنلمسها كنحس براسي وليت طااهرة سميتها ملاك باش تكون ملاك روحي فاي وقت تحولت لشيطان هي كتجي وبلمساتها ونعومتها كتفكرني بلي انا غا حنان ليماماها وبلي هي ملاكي الحارس
انا بقيت كنشوف فيها تحسرت لحالها مسكينة ليشوف حنان كبنت الليل يقول هادي قليلة الترابي ومكتسواش خانزة ومسخة معارفينش بلي هي هازة فوق كتاافها هم الدنياا كلو وبحالها عدااااد منهوم غمضت عيني وبغيت نعس وانا نتفكر محسن بلا منشعر خاطبت حنان ليكانت يالله تجبدات حدايا 
انا:حنان خويا محسن مسولش فيا
حنان: لا اختي اصلان هذا ليشدك ولاحك للزنقة ميستاهلش تبقاي تعيطيلو خويا
انا:اودي معنديش من غيرو معندي مندير
حنان:دابا نعسي باش غدا غا تبداي نهار جدييد
انا:انشاء الله
نعست وانا بانية بزاف ديال الاامال على غدا شكون كان كيقوول الظلمة والسواد ليشفتها فحنان غا نلقا من وراها غا البياض والنوور فعلا المظااهر خداااعة من هنا نتعلمو منحكمووش على بناادم قبل منعاشرووه ونعرفوه على حقيقتو....

يوم جديد كيحمل فطياتو الجديد فقت على صوت ملوكة كتبكي طليت مكانتش حدايا حنان لذلك تقدمت باتجاهها وهزيتها مسكينة غا هزيتها سكتات
انا:ملووكة حبيبة نتي بحاالي تماما انا ماما ضحات على قبلي وراها دابا كتموت ورا القطبان ونتي ماماك فجنبك ولكن كل نهار كتمووت وهي كتبيع فلحمها باش تعيشك نتي
بستها وبقيت هازاها تا دخلات حنان
حنان:هاي هاي شكون فايق
انا:صباح الخير اختي
حنان(هزات بنتها): صباح النور سمحيلي البارح كامل وحنا نهدرو نسيت نسولك على سميتك
انا:اا معليش انا منال
حنان:اه منال مهم خصك تزربي ها الحوايج هنا راني وجدتلك من حوايجي ضغيا لبسي باش نمشيو للخدمة
بالفعل لبست حوايجها ليكانو عبارة على جينز سليم وبودي شوية طويل وصبيبيط بلا جمعت شعري كودشوفال فطرت انا وياها وخرجنا توجهنا بالطوبيس للحي الصناعي نزلنا وبقينا كنتمشاو
حنان:اوو وصلنا هادي هي الشركة
انا هزيت راسي فيها ماشي شي شركة كبيرة ولكن كنتمنا نتقبل فالخدمة ليعارضينها توادعت مع حنان وتقدمت للداخل توكلت على الله سولت على المسؤول وراتولي البيرو ديالو كان مزال ماجا بقيت كنتسنااه مع فالشركة كيدخلو الخدامة بكري مع 6 عييت وانا كنتسنا تا ل 08:30 عاد جا كان سيد كبير يكون فالخمسينات جا وبدا كيحل البيرو
هو:خصك شي حاجة ابنتي
انا:اا اه اسيدي جيت نشوف الخدمة ليقلتو علييها
هو:اه مرحبا تفضلي معايا
حل الباب ودخلت كلس و كلست قدامو 
هو:بنتي عندك الباك ياك
انا:ااه وراني كنقرا فلافاك
هو:مزيان مهم كيف العادة كاع ليكنجيبوهوم هنا كيدوزو سطاج ديال سيمانة عاد كيبداو نيشان 
انا: اه اه ندوز السطاج الله يخليك اسيدي الى معاوني راه محتاجة هاد الخدمة بزاف
هو:مرحبا انا ابنتي مغانديرلك والو كلشي بخدمتك المهم انا الحاج محمد هاكة كيعيطولي هنا انا المسؤول على الفرع دالشركة هنا هو فالاصل الشركة الاصلية ماشي هنا كاينة فطنجة ولكن حلينالها فرع هنا
انا:اه الله يقوي الخير
هو:غا نعيط لشي واحد يجي يوريك فين تخدمي تبداي سطاجك.......

#بعد_مرور_3_أشهر

الحياة ولات كتدب فحيااتي استاقريت الحمد الله هادي 3 اشهر وانا خدامة فديك الشركة راني حاليا كارية بيت مع الجيران حنان علاقتها بيا مزالة مستمرة كنشاركو انا وياها السراء والضراء خويا مشيت عندو للدار لقيتو كلو مسخ وسكران وقراعي الشراب فين مكان مليوحين بغيت نعاونو ولكن منعني وجرا عليا شنو غاندير معاه معرفتش ماما مسكينة كنزورها فكل ما سنحاتلي الفرصة مع الخدمة منين عرفاتني خدمت ارتاحت من جيهتي اليوم كعادتي نضت بكري باش نشد الطوبيس ونمشي للخدمة وصلت وبديت خدمتي ساليت واحد الكروب وقيدتو فلاليسط ونضت نديه للحاج محمد يقيدو مي استغربت منين لقيتو مكاينش غريبة ميمكنش هو غيب هاكة بلا سبب تشوشت عليه هاد الراجل الله يعمرها دار كيخلي مكانتو فقلوب الخدامة رجعت للبوسط ديالي بانتلي وحدة خدامة معانا سميتها سعاد عيطتلها
انا:سعاد ياك لباس علاش الحاج محمد مجاش
هي:مفخباركش الحاج محمد نقلوه غايجي اليومة واحد جديد
انا : اا بصاااح خساارة ديك السيد من اطيب خير الله
سعاد: واايييه
مشات سعاد وبقيت كنفكر معرفت شكون هذا ليغا يجي جديد وكيفاش غا يكون كيتعامل معانا....

#يتبع

التنقل بين الأجزاء

صفحة القصة
سيتم تشغيل صندوق التعليقات بعد لحظات
معظم التعليقات تم إخفاءها بواسطة الفيسبوك، نحاول بكل الوسائل المتاحة إستعادتها في أقرب وقت ممكن.