جموح الشهوة الجزء الخامس

كملت خدمتي واخا عقلي كيدي ويجييب وصل وقت الغدا ومشيت نتغدا فواحد الصناك حدانا تما تلاقيت بالكليكة ليخدامة معانا وبقينا كنتبادلو اطراف الحديث تا وصلنا لموضوع الحاج لينقلوووه والمدير الجديد ليجايبيلنا

سعاد:فخباركوم كيقولو المدير الجديد ليجايبينا مزال عازب ولبااس عليييه

نعيمة:(خدامة معانا)هههه دجاجة بكامووونها هههه

سعاد:الله يمسخك متقولي خاطب متقولي مصااحب

نعيمة:وا الشرع عطاااهوم ربعة اصاحبتي ههه اولا ا منال شتك ساكتة

انا:ااا كلشي مكاتيب

سعاد:منال معمرك عاودتيلنا مخطوبة مصاحبة كتعرفي شي وااحد قولينا هه

انا نزل عليا كلامها بحال الصاعقة الشريط ديالي كلو مع معتز داز قداااامي بففف حاولت نتلف الموضوع 

انا:اا البنات سالا وقت الغدا غا ينقصونا من الصاليغ على قبل التعطال

نعيمة:اه عندك الحق يالله 

توجهنا للشركة وبدينا الخدمة النهار كامل وانا كفكر فمعتز الصراحة توحشتو بزااف وجاني الحنين لييه كنت كنتمااالك راسي اني منبكييش فعلا هو حبي الاول ليمنقدرش نسااه وصلات وقيتة الخروج وخرجت توجهت لداري غا دخلت شديت التيلي ليالله شريتو ودخلت للفايس دمعتز لقيتو لايح شي تصاور يالله جداد ياااه شحاال زيااان ولا كيحمق درتلو اعجااب بالصور وخرجت بقيت كنلاهي راسي فالبيت كنخملو تا سمعت صوت التيلي مع مخلية الكنكس مطلوقة وجاني اتصال فالميسنجر توجهتلو غا شفتو قباالتي يدي فشلو عليا وبداو كيترعدو كان معتز كيصووني معرفت منديير الخوف تملكني خووف كبير معرفتش مناااش تنفست مزيااان وضغطت على زر القطع قطعت لابيل وسديت الكنكس وخبعت التيلي غا تستاغربو غلاش ولكن مبغيتش نظلم معتز وتا راسي معاه لانو بزاف دالحوايح كيعيقوونا بجووج انا يالله كنبدى حياتي ونأسسها وزيد عليها وضع عائلتي ومن بعد ما يعرف كلشي شووف واش يتقبلني ويبقا باغيني ولا لا وبيني وبينكووم مبقااتش عندي القدرة على الخذلان مرة خرا دقت مرارة الحب وحلاوتو من حبي دفعت ثمن غالي وماشي غي انا بوحدي تا الناس ليكنبغيهووم تعذبو معايا ديك الليلة حلف النعاس لا جااني بقوة مكنفكر خفت نحل التيلي ديالي ونلقااه كونكط اوووف بعد صراع طويل عاد قديت نغفى....

اصبحنا واصبح الملك لله نضت وكنتجبد فبلاصتي وهي اطلع معايا ونقزت

انا:اوييييليييييي ااويييييلييي الخدمة فين رااه المشقوووف الملعووون تفوو نسيت الباارح نريييكلو

نعم يا سااادة تعطلت على الخدمة راها دابا 05:40 والطوبيس فاتني وانا خصني ندخل مع 06:00 بديت غي كنطير ونولول تفووو لبست عليا بالزربة وهزيت صاكي كانت واصلة 06:10 وخرجت كنجري ناري اليوومة نهاري اليووومة يجريو علياا وفاش كتعكس كتعكس بمرة تا طاكسي مبغاات توقف يأست بالانتظار عاد حبساتلي وحدة وصلاتني للشركة مي كنت روطار وعنا واحد شاف طخافو ولد الحراام كيكره البنات دالشركة وصلت لعندو

انا:سمحلي(وكنهج) راه تعطلت فاتني الطوبيس والطاكسي مبغااش يحبسلي

هو:متعاوديليش قصة حياتك انا سجلت غيابك يجي المسؤول الجديد هو غا يتصرف

انا:الله يرحملك الولدين شوف من حالي راه معنديش من غير هاد الخدمة

هو:اا انا كندير غي خدمتي دابا توجهي للبوسط ديالك ماشي معايا الهدرة

حرقني كمارة الزفت توجهت للبوسط وانا يائسة كنظن غايجريو عليا بففف بديت كنخدم وعقلي ما معاياش تا جا عندي نفسو كمارة الزفت

هو:نوضي المسؤول الجديد كيتسناك

انا:ااا واش قلتيهالو

هو:اكيد راه كيتسناك

نضت محبطة وانا غادة تلاقيت سعاد

سعاد:ا مالكي صفرة

انا:غي سكتي يا سعاد اليومة يجريو عليا ما فيها

سعاد:اويلي علاش شنو درتي

انا:راه تتعطلت و شاف طخافو قالها للمسؤول الجديد

سعاد:ويلي قفرتيها مع يالله جديد غا يبغي يتبدر فيك

اما:شكرا بزااف ا سعاد ريحتيني بزااف بهدرتك

سعاد:انا قلتلك غي ليكاين مهم الله يسمعك خبار الخير

انا:امين

خليتها وزدت قربت من بيرو ودقيت ويدي كيترعدو تا سمعت "دخل" دخلت وانا كنترعد كان داير وعاطيني بالظهر

انا: اا موسيو سمحلي راه عارفة القانون قانون مي والله مدرتها بالعاني فاتني الطوبيس و تا طاكسي مبغا يوقفلي.....

شفتو هز يدو بمعنى حبسي وهو مزال داير وتبكمت شوية وقف ودار وهنا انا صافي تساليت مزال صغير وزوين من الفوق بقيت غي كنشوف فيه هو عادة خصني نسرح فيه ولكن فحالتي راني فورطة وكبيرة 

خو:مدايرينلكوومش طرونسبوور للشركة

انا:اا لا

هو:امم دونك غا نديروه تقدري تمشي

انا:ااا نمشي اه شكرا

هو:هاد المرة سامحاك لانو فعلا خصنا نديرو طرونسبور للشركة ولكن مرة خرا غا نتاخد الاجراءات اللازمة

انا:اا اه شكرا

خرجت وانا غانطير بالفرحة ممصدقاش بهاد السهولة تعاامل معايا مكنتش عارفة من ورا هاد الوجه البريء ليوراهلي هاد السيد شيطااان مخبي .....

الفصل الثالث : عهري خلفية روحي المأسورة بالحب

ممصدقااش الدنيا ابتااسماااتلي لانو بالنسبة ليا ميجريش عليا هاد المدير الجديد معجزة والله رجعت للبوسط ديالي وانا كنفرنس تلقاتلي سعاد

سعاد:امضرا شنو درتي

انا:الحمد الله سمحلي وراه قالي غا يديرولنا طرونسبور للشركة

سعاد:بصااااح اوا مزيان

مشات وخلاتني الفرحة كتشع من عينيا كملت نهاري عادي فالعشية خرجت ومشيت تقديت شي حويجات ودزت عند الحاجة و ملاك من شحال هادي مشفتهوم وصلت ودقيت حلاتلي الحاجة وكي العادة ملوكة طارت وجات عندي انا هزيتها 

انا:ملاااك صغيورة حبيبة ديالي(وبستها)الحاجة لباس

الحاجة:(ووجهها شاحب)نقولو لباس ا بنتي دخلي

انا:(دخلت):الحاجة ياك لباس شنو واقع وجهك شاحب

الحاجة:اودي ا بنتي حنان

انا:(بخوف) حنان مالها ياكما وقعاتلها شي حاجة

الحاجة:شي واحد ضربها وراها فبيتها لداخل

انا:اويييلي كيفااااش شكوون هذا

الحاجة:معرفناش راها الداخل ناعسة الى بغيتي تشوفيها 

انا:اه اه واخا

خليت الحاجة ودخلت لعند حنان كانت ناعسة وعاطياني بالظهر

انا:(وكنقرب منها)حنان (وحطيت يدي على كتفها غي دارت تصدمت وغوت وانا شادالها فوجهها)اويلي شكووون داار فيييك هاااكة واااش حماقوو شكون هاد الهمج ليدارلك هاكة

حنان:اهئ اهئ وجهي مشوه ياااك ولييت كنخلع اهئ اهئ تا من بنتي خلعتها اهئ فخبارك ولات تخاف تجي عندي 

انا:(عنقتها)ششش احبيبة ششش تهدني باش تعاوديلي 

حنان:كنت خدامة كالعادة وجاني واحد الكليان مشيت معاه كان قااصح بزااف وعنييف فالفرااش وهوليدارلي هاااكة فاش بغيت نمنعو هو ليخرمطلي وجهي هاكة

انا:احححح عليك احببتي وممشيتيش للطبيب

حنان:الله يهديك ا منال شغا نقولهوم فالطبيب وباش غا نبرر هاد الحالة العصا والاغتصاب

انا:(شديت على فمي)اويلي واش اغتاصبك 

حنان:(وكتشهق)اه كاااع السيناااريو دالمااضي مر قدام عيني فاش اغتاصبوني دووك الوحوووش اهئ اهى انا تعيسة بزاف كلشي ضدي اهئ اهئ

بقات فيا بزااف عنقتها وضغطت عيها يا من المظالم والمغلوب على امرهوم ليمعندهووومش شكون يدافع عليهووم ولا يحن عليهووووم بقيت معاها تهدنات وخرجت لقيت الحاجة منعسة ملاك وشاداها فحجرها قربت منها وكلست حداها

انا:الحااجة

الحاجة:شفتي ابنتي شنو دارولهااا(وتغرغرو عينيها)معرفتش علااش تعداولي على بنتي مداارت والو

الحاجة:شفتي ابنتي شنو دارولهااا(وتغرغرو عينيها)معرفتش علااش تعداولي على بنتي مداارت والو بالعكس هي بريئة وكتخدم علينا

انا:الله يعطييه القصااص هذا ليمد يدو عليها مهم الحاجة انا غا نخرج نجيبلها شي دوا بااش ميبقاااوش الضرابي فوجهها زرقين ونتي وجديلها متااكل اكيد مغاتكون واكلة والو

الحاجة:الله يرضي عليك ابنتي انا غانحط ملاك تنعس ونوض للكوزينة

خرجت من الدار قلبي كيضرني على حنان مسكينة من فوووق الالااام الجسمية ليكتحس بيهووم زادووها الالااام النفسية والجروح القديمة ليعاودو تحلو عليها وصلت للصيدلية حكيت مشكيلتها للبنت ليتما وصفااتلي شي بوماضات ودوايات خديتهوم ورجعت كانت الحاجة كتوجد لحنان متاكل عاونتها سالينا قادينا ليوجدنا فالبلاطو وهزيتو انا مع الدوا ودخلتو لعندها كانت كالسة وعينيها مركزاهوم فالفراغ شافت فيا بنظرة باردة وحدرات عينيها

انا:(حطيت البلاطو جنبها)حنان غا تاكلي باش ديري دوا هاني جبتو 

حنان:منال ما فيا لياااكل بغيت نبقا وحدي

انا:مغانخليييكش بووحدك متحلميش نهار انا كنت محتاجة ليك خليتيني بووحدي لا ياك اوا دابا جا دووري غا تااكلي وغا تاخدي الدواا وغا تصحي وغا ترجعي لبنتك ولماماك كولي ماشي على قبلك مي على قبل النااس ليكبغيوك وكيتسنااوك

حنان شدات البلاطو وبدات كتاااكل بدون اعتراض سالات وعطيتها شي مسكنات للالام خداتو وبديت كنديرلها شي بومضات للجرح وليطراس فين ما قستها كتوجع مسكينة عريتلها لحمها كل عضاضي وليطراس ديديه ودمصاتو تعمرو عيني هذا وحش ساادي تكرفص عليها نيشان ساليت وبغيت نوض وهي تشدني من يدي

حنان:شكرااا بزااف ا مناااال

انا:شششش متشكرنيييش مكنديير غي الواااجب كصديقة احبيبة وكأخت اكثر راحنا مشاركين الحلوة والمرة اولا

حنان:اه يخليك ليا

تكات وغطيتها

انا: امين ويخلينا لبعضنا يالله حنان حاولي تنعسي وارتاحي

حنان:اه ملاك شكادير

انا:ملاك متشطنيش عليها راها واكلة شاربة والحاجة نعساتها

حنان:اه صافي

خرجت وخليت حنان ترتاح ودعت الحاجة على امل نعاود نزورها مرة خرا باش نطمن على حنان وخرجت غادة فالطريق وكنفكر فحنان والبنات ليبحاالها بالنسبو للمجتمع هما مهمشيين نكرة معندهومش وجود ها هي حنان تكرفص عليها ديك الوحش ليمستحيل يكون انسان جنسيا وجسميا تحت ذريعة انو كليان ومخلصها على خدمتها وهي معندها مدير غا تبرد دقتها وتسكت وااش غي انو بنات الليل كيسخرو اجسامهووم باش يجيبو الفلوس الكليان ديالهوم يعتابرو راسهوم ملووك ويديرو فيهوم مبغااو هادي ماشي عداالة المذنب الاول والاخير فهادشي هي الظرووف ليكون محتماااتش على اي بنت تخرج لهااد المستنقع المعفن مكناااش غا نلقاااو ضحاايا مفتضيييين جنسيا وجسميااا ونفسيا وحياتيا هااد النووع دالبنات الى فكرنا غالطين ومع ذلك الى تابو وتوجهو لله بتوبة نصوحة كيسمحلهووم ويغفرلهوم فعلاااش مجتمعنا كيحكم عليهووم بالمؤبد ويبصم عليهوم بلي هما مصدر للقرف مجتمعنا كيحكم على المنظر والاحكام المسبقة عندها قيمة كبيرة كينسا بلي دااخل ديك الجسد ليلطخوووه اعضااء ذكرية متعطشة للجنس رووح برييئة كتستنجد وتغوت ولكن تا واحد مكيسمعها نتعلمو نحتاارمو الانسان كروح ماشي كجسد عااد نقدرو نقولو بلي غا نقدرو نعطيو للمرأة او غيرها حقوق وقوانين تحميها

المفاجآت السارة اولا المحزنة كتنزل علينا من حيث لا نحتسب وصلت لداري وانا نلقا فوجهي ختي سهام وبنتها

انا:اااا سهااام

سهام:منال لباس

انا:الحمد الله شنو كديري هنا 

سهام:هادي طريقة بااش ترحبي بضيوفك اختي

انا:ااا مقصدتش مرحبا اختي تفضلي

حليت باب البيت ودخلات هي وبنتها وكلسو كلست انا قبالتهوم

انا:شكون وراك فين ساكنة 

سهام:ماما عطاتني العتوات

انا:اه مرحبا 

سهام:منال انا جيت بغيت نهدر معاك على محسن

انا:(بتأفف)مالو واخا مبقاش كيهمني فخبارك حيدتو من بالي وقلبي من النهار ليجرا فيه عليا بلا ميسوق ولاحني للزنقة

سهام:عرفت اختي ولكن بغيتك توقفي معايا ونمشيو نخرجوه

انا:منين غا تخرجيه

سهام,:من الحبس راه دابز وشدووه البوليس

انا:مزيان خلييه يتربا

سهام:شنو واش فرطلك راه خونا هذا ليكتهدري عليه

انا:شوفي ا سهام خويا فحدود وزايدون محسن ماشي خونا غي حنا عندو جوج خواتاتو خرين فمدن خرا عايشن مهنيين مع رجالاتهوم منهزووش هبالو غي حنا هو كان عزيز عليل ولكن انو يخرجني على برااا وبلا ميهمو امري منقبلهاش كيف منساني نسااه وفاش تمشي تخرجيه قوليلو ميفكرش يدور بساحتي لاني غا نرجعو فين كان 

سهام: خسارة تبدلتي براف جيت قاصداك زعما نخرجوه سعا طلعتي تبدلتي بزااف مبقيتيش منال ليكنعرفو

انت:اه تبدلت مبقيتش منال ليجي يمسح فيها رجلها 

سهام:يا خوفي عليييك ا مناااال ضيعي ياخووفي عليييك

جرات بنتها وخرجات وانا بقيت كالسة عقلي كيدي ويجيب واش كان ضروري نتصرف هاكة باش نرد اعتباري لراسي اووف خديت تيليفووني حليت كنكس و هنا بداو يطلعولي الميسااجات وكانو من عند معتز ترددت قبل مندخلهوم تنفست ودخلت كانو كلهووم "منال جاوبي" . "علاش مكتجاوبيش" . "توحشتك فين غبرتي" . "وا متعصبيش ديلمي فييينك"

تنفست مزيان وكتبتلو ''سلام'' بقيت كنخرب فالتيلي تا تكونيكطا وهو يجاوبني "وعليكم السلام.... منال عصبتيني علاش مصرة تعذبيني علااش شنو درتلك انا واش عمري غلطت معاك و لا تجاوزت معاك الحدود بغيت غي نفهم اشنو ذنبي" 

قريت هاد الميساج وتغرغرو عيني زعما تا لهاد الدرجة كان كيبغيني اوووف دوزتلو ابيل من بعد بضع رنات جاوبني

انا:الووو

معتز:اوووه شحال توحشت صوتك لباس عليك

انا(وكنكبح البكية)ملبااس والو ا معتز كوون

يتبع