حنا بجوج بينا جمعنا القدر فظروف غريبة لكل وحدة فينا الداخل منها وجع صامت كينخر فيها غا بالشوية انا وياها صورة وانعكااسها على مرآة الحياة الفرق الوحيد هو انو هي بلون غامق قاتم وانا لون ابيض مي مسخ دموعي ملوثين صورتي ومضببينها وهي خطاياها مسودين صورتها فاش كنقوول حنا كنقصد راسي وحنان انا وياها بحال بحال ونموذج ديال واحد المرأة بحالنا ويمكن الالاااف فمكان بالعااالم كتعذب وساااكتة كتسنا شي نهاار تهرس ديك الصوورة ليراسمااهالها المراااية اللعينة ولكن بدوون جدوى الانتظاار قتل فيها الرغبة فالحياة كيفما الحال عنا حنا باختصار حنا شركاء فدرب التعااسة ديال الدنيا كنتساااءل واش ممكن شي نهار الدنيا تفرحلنا وتبتااسملنا غا نستغرب ولكن كلشي ممكن وكلشي بيدو سبحانو هو قادر على كلشي بقيت كنبكي فحضن حنان وكنحس بدمووعها بدورها كينهاامرو فعلا ما كتحس بالمرا غي مراا عااشت نفس الألم حنان هي ليحااسة بيا دابا وانا حاسة بيها كل وحدة فينا عارفة علاش كتبكي مكيهمنيش محسن فحد ذاتو ولا تا عصاتو واهانتو مي انا كنبكي على كوني وحيدة معندي تا واحد ليداافع علياااا ومخلي بحال خويا وغيرو يتمادى عليا من جهة ومن جهة خراا الم الحب داار فيا عماايلو كنقوي راسي وكنداعي اني قوية ونسيتو ولكن لا ديما كلمااتو كيترددو على مساااامعي الراابط الوحييد بين كل هادشي هو كلمة وحدة كلمة دمرااتلي حياتي وانهاتها فرمشة عين كلمة نتوما عارفينها وانا عارفاها تنعت بيها من دون اي سبب ولا تا ذنب #عاهرة من خويا تنعت بهاد الصفة من عند الراجل ليكنبغي ومن عند المجتمع وشنو باقي كثر من هادشي الى كنت فعينين هاد الناس كاملين انا وحدة عاهرة فاش غا تنفعني طهاارتي وعفاافي ما انا فكل الاحوال بالنسبة ليهووم نكرة احساس قوي الداخل مني دفعني لاني نتمرد على كلشي على علاقااتي على المجتمع ونديرهالهوووم قد فمهووم نعلمهووم انو الى نعتووني بشي حااجة مدايراهاش نكون انا اشجع منهووم وندرهالهوووم على قد فمهووم واحد الصوت خاافت نطق الداخل مني كان صوت روحي البريئة خلاني نوعا بشنو كنفكر ورجعني للواقع بعدت على حضن حنان وبديت كنمسح دموعي وانا كنبعد هاد الفكرة ليمبغااش عقلي ينساها وكاني تبرمجت عليها انتابهت ل حنان ليكانت كتخاطبني
حنان:حبيبة واش شوية
انا:راني بيخير ا حنان بلا متشوشي
حنان:(شداات فكتفي وبحسرة نطقات)ضربك بزاف???
انا:مكيهمش ا حنان دابا شكون قالك هادشي
حنان:هو رااه جا وهددني الى مبعدتش علييك غا نشوف ميعحبني سمحيلي الى كان وجودي بقربك خالقلك مشاكل انا مستعدة نبعد علييك للابد
انا:(شديت فيدها)لا لا متقوليش هااكة ديك الشماتة دابا عاد بانلو يدير فيها خويا ليخايف على شرف العائلة فين كان نهار لاحني برا الدار للزنقة ولا ديك الوقت كان ضميرو ناعس ومواااعيش دابا عاد فاق
بقات معايا حنان وكتحاول تنسيني وضحكني تا بدا يطيح الظلام و ناضت مشات انا بقيت كالسة وعقلي كيدي ويجييب جاني الفضول نعرف شنوو هي الحيااة ديال العاااهرات فالليل واخا انا معاشرة مع حنان ولكن معمري كنت فبلاصة خدمتها تفكرت الجردة دالبار نضت لبست عليا سورفيت مع البرد كان محرك وخرجت من الدار رجلي كيقودوني بلا هوايا لديك البلاصة وصلت وخطيت خطواتي لداخل بانلي واحد الكرسي خاوي كلست فيه الحركة كانت شبه منعدمة تما استغربت هادي هي البلاصة ليكيعيطولها العشاق هه شوية بانلي واحد الراجل جا ودوز ابيل وهي تخرج عندو واحد البنت من لباسها وشكلها معروف شكون سلم عليها وطلعها فالطموبيل ومثيلاتها عدد وكأنو سيناريو كيتعااود نفس الشيء كيوقع لبزاف كيجي راجل يصوني ويخرجو بقيت غا كنشوف تا حسيت بشي واحد كلس حدايا.....
هنا غا يبداا الفصل ديال #جموح_الشهوة ديال بصاااح منال الحقيقية كترجاكووم متحكمووش عليييها من خلال ليغا تقراوه داارتو ما هي انساان وكيخطأ فعلا خطات خطوات على الجمر وبلا متفكر فعواقبهووم ولكن سرعان مرجعات للطريق الصحيح وتابت لله وهي دابا عايشة حياة نقية متحكموش عليها وتبعو قصتها بحالي تا للنهاااية
تصدمت تبكمت معرفت منديير ولا بااش نتصرف شنوو ليدرتو انا وااش تا لهااد الدرجة فقدت التحكم فراااسي لهاد الدرجة وليت سااهلة خرجت بلا مندور نشووف فيه كيفااش كان كيغوت دزت لبيرويا هزيت صاكي وخرجت وانا مرفوعة مفهمت والو علاش وقع هاكا وشنو درتو انا شنو خربقتو انا محسيتش براسي امتا طحت فالشارع على ركابي وخشيت وجهي بين يديا وبديت كنبكي وكنشهق مهمونيش الناس ليكيفوتو ويشوفو فيا كان خصني نبكي شنو هاااادشي ليدرتو شنو خربقتو وعلااش دارلي هاكاااك كنبكي ونلوم فراسي يدي كيرجفو بزاف شي عيالات بقيت فيهوم جاو ونوضوني من الارض من بعد مكانت تجمعات جقلة عليا الناس يبحان الله خصهوم غي يتفرجو بداو كيعطيوني فالما ويحاولو يسكتووني ووالو كنبكي لانو معندييش من غير البكا هو ليقزر يريحني قدرو يسكتوني وبداو كيتحاورو معايا
...: لا حول ولا قوة الا بالله ابنتي مديريش فبالك تا حاجة متستاهل
....2:اه ابنتي مسحي دموعك راهوم غاليين
فعلا كان كلامهووم صحيح قويت راسي ووشكرتهوم على مساعدتهوم و خليتهووم من بعد ما تهدنت وتوجهت للداري ...
الاحلام كنحلمووها وكنسعاو اننا نحققوها احلامي انا تدفنااات فهاد الليلة ليقضيت مقدرتش نعس نهائيا كنفكر بزاف ولذلك قررت اني غا نولي حربااء حرباااء كتبدل جلدتها مع الظروف غانولي قوية ومنافقة غا نسااا وجه مناال ليشفتو فالمراية وهي كتبكي غا نسا وجه منال ليكترجا فالنااس يرحمووها غا نتمرد على كلشيي طلع الصباح بلا منقد نغفى تا دقيقة نضت وجدت قهوة وبديت كنشربها ساليت ووجدت راسي وخرجت الوجهة الشركة اكيد اول سؤال غا يتبادر لذهنكوم علاش علاش غا نرجع لتما من بعد ليوقع كلشي فوقتو حلو دخلت للبيرو ديالي وبديت كنجمع وراقي كنتسنا فالمدير يجي هو وصل بنتلو فالبيرو وبدا كيتوجه باتجاهي دخل وزدح الباب
كريم:شنو كدير نتي هنا بانلي بلي مفهمتيش كلامي البارح غا نقولهالك بطريقة خرا نتي مطرودة برا شركة يالله
انا هزيت صاكي ليدرت فيه وراقي وتوجهت عندو وشفت فيه بحزم
انا:متحتاااجش تجري علياااا انا غانستااقل رااسي ميشرفنيش نكوون خدامة مع واحد بحالك كيستااغل موظفاااتو
جموح الشهوة الجزء السابع
محتوى القصة
التنقل بين الأجزاء