جموح الشهوة الجزء التاسع

#بعد_مرور_شهرين

كعادتي كالسة قدام البيسي كنكتب ة كنكتب اياااش هادشي ليغاتعرفوه الحمدالله من هاد الخدمة جمعت صالير زوين وشريت لابتووب باش بيه نوصل لمبتغااي دابا غا نصفحليكووم على سر قبولي الخدمة فالبار السر بسيط هو اني بغيت نكون فقلب الحدث باش نقدر نوثق باللفظ الصريح المعانات ليكيمرو منها بنات الليل وهاكة نقدر نكتب مقالتي ونبعثها للمجلة ليفاتجة فرصة امام الكاتبين الهوات يصردو مقالاتهوووم ويتنشرو فعلا كنت محظوظة اني شفت الاعلان فآخر ايااامو وعمرت الاستمارة وتسجلت ودابا راني كنكتب فهااد المقالة لي درت فييه كاع احاااسيسي وكتبت فيها كاع ليكيعيشووه هاد البنات وكيمرو منو فعلا فالبااار قدرت نشووف بزااف دالحواااايج كيفاش كيتعاملو هاد البنات وكيفااش كيتصرفو مع تصرفات الرجال الشهوانية كنتمنى لهاد المقالة تكون ذاا صدى وتوصل للناس الراقيين ويتفهموووني ويتفهمو هاد البنات غا نكون رابحة واخا نقدر نتوشي غا 10%من الناس لانو هاد الناس بيدهوووم غا يغيرو غيرهووم هذا المتوقع ساليت وبلعت البيسي ونضت كنوجد راسي باش نمشي للخدمة مبقاليش بزاف ونسالي من هاد الخدمة ونبدى صفحة جديدة توجهت للبار كالعااادة للبوسط ديالي وبديت خدمتي وانا كنراقب الشادة والفاادة انا هاكاك جات عندي واحد البنت زوينة وكلسات

هي:عطيني واحد الويسكي

انا:اه دابا نجيبولك

بديت كنصيبولها ومديتولها هودات عليه فخطرة

هي:زيدي

زدت بلا مبالاة لانو ممنحقيش ندخل واخا ضرني خاطري عليها مزالة صغيرة وكدير هادشي فراسها بقيت كنمدلها كاس ورا كاااس تا سكرات بالبيااان هنا صوناالها التيلي بلا منشعر استرقت السمع

هي:اهئ اهئ شنو باااقي باااغي مني مكفاااكش ليدرتييه فياا.....كتعرف شنو معناات انا كنبغيييك مي نتا مع الاسف مكتستااااهلش...فين غانكون فالجايحة الكحلة شنو باغي مني مزال.....راني فالبااار

قالت هاد الهدرة وقطعات عليه ونزلات على كاس كان قدامها شرباتو فدقة وحطات راسها هلى البار وبدات تبكي بلا منشعر قربت منها حسيت بوجعها والامها شافت فيا بنظرة باردة وهي تبغي توقف وكانت غا تفقد التوازن كون مشديتهاش

انا:غي بالشوية نعاااونك 

حاولت معاها نعاونها حنا هاكاك وقف علينا واحد الانسان متوقعتش نشوفو تصدمت...

بقيت جامدة فبلاصتي والسيناريو الاسود ليجمع بيني وبينو كيدوز قدامي بالعرض البطيئ تراجعت اللور من بعد ما شفت بلي البنت ليكنت غا نعاونها تلاحت عليه بطريقة غير متوازنة وبدااات كتنخصص

هي:كريم اهى اهىئ رجعتيلي ياااك مبقيتيش غا تخليني

كريم:(ومزال كيحدق فيا ويطلعني ويهبطني)امم نور يالله نمشيييو 

جرها من يدها وخرجو وانا غي كنشووف معرفت باش باش تبليييت علاااش يا ربي علاااش وااش كان من المفرووض نتلاقاااه هو بالظبط فهاد الظروف ياربي لطفك دورت عيني ورايا لقيت تشيللو كيرمقني بنظراتو ليولاااو مخيفين فالآونة الاخيرة بفف خليتو ومشيت لغرفة تبديل الملابس بدلت حوايجي وتميت خارجة وهو ينقزني كان كيتسناني على برا

انا:(وشادة على قلبي)الله ا تشييللو شهااد الخلعة مالك كتخلس بحال الشفارة

تشيللو:بغيت نتمشى ومنها نيت نهدرو شوية

انا:اه واخا

بدينا كنتمشااو والريح كيسووط والصمت سيد الموقف تا نطق تشيللو

تشيللو:سميتي فالحقيقة ماشي تشيللو سميتي باولو غريبة ياك لانها بالاسبااانية الام ديالي كانت راقصة تانغوو وتعرفات على الاب ديالي المغريبي الاصل هو من تطوان من بعد ما حملات بيا الام ديالي رجعات لاسبانيا وبقينا تماك فين تزاديت وكبرت تا وصلت ل 5 سنين وهي ترجعني للمغرب خذاتني عند الاب ديالي وتخلات عليا 

انا بقيت غي كنشوف فيه مستغربة كيفااش غا يعاودلي على حياتو وفنفس الوقت متعاطفة معاه وحديثو عطاني فكرة خرا نزيدها فمقالي تحت عنوان الدافع الذي يدفع النااس للاتجار في الدعارة تشيللو كمل كلامو

تشيللو:هاد الضومين اولا البار ليكتشوفيه ورثتو على الاب ديالي اه هذاك كان ديالو وانا زدت طورتو تشيللو اسم انا اختارعتو لراسي اسم كيرمز للقوة والهيمنة وبيه غا نقدر ندير قيمة لراسي غا تستاغربي علاش كنعااودلك هاادشي عندي بزااف دالاسباب واهمها هو اني كنحسك اكثر انسانة كتستااحق اني نشااركها الحلوة والمرة فحياااتي نتي ليتقدري تفهميني وتفهمي جراااحي(ووقف لبرهة وشاف فيا)كتعجبيني ا منال كلشي فيك كيسطينيي كنبغي نبقا غي نشووف فيك ومنسمح لتا واحد من غيري يشووف فييك

بقيت مصمكة الله اكبر منين خرجلي تا هذا عاااود سبحان الله كاع الرجال ليمن حولي جابولي غي المشاكل فالوقت لانا كنبني فيه حياتي بانلي هذا يهدم ليبنيتو باعجاابو اووف تنهدت وجاوبتو

انا:تشيلو شووف انا دابا كنحاول نبني راسي وممستعدة ندخل فتاشي علاقة مغانقولكش متبقاش معجب بيا لانو ذيكشي قناعتك ولكن متنساش بلي انا ماشي مجبرة نبادلك نفس المشاعر.....

تشيللو:عارف ا منال انا بغيت غي نصارحك بمشاعري باش نبقا نبغييك على خاطري مكرهتش تبادليني ولكن هادشي مغايمنعنيش من اني نعشقك

انا:احم احم صافي وصلنا شكرا على التوصيلة

تشيللو:هذا وااجب متقولييش هاكة

خلييتو ودخلت وقلبي كيزدح ياربي شوف من حالي دايمان مخربقة غا دخلت لداري درت روتينياتي وتجبدت فبلاصتي عقلي كيدي ويجييب كنفكر فبزاف دالحوايج فآن واحد من جهة تشيللو وهاد الخبز لينزلو عليا كي الجبل ومن جهة كريم ليمعرفتش علاش قدري خلاه يدخل لدااك الباار بالضبط ونتشاوفو وفهااد الافكار المتداحمة صورة خفيفة نتاع حبي الاول بانت صورة معتز معرفتش شنو ليفكرني بيه يمكن تشيللو واعترافو باعجابو ليا ويمكن قلبي عاود حيل جراحو بديت كنربط الاحداث فيما بينها 3 رجال=3المصائب

معادلة توصلتها الرجل الاول كان معتز ليبغيتو واخا عن بعد وموراه تدمرات حياتي كلياا الراجل الثاني كريم ليسرق مني حلاوة اول لمسة واول قبلة وكان هو ليحظى بشرف انو يكون من السباقين وتا من ورااه طاحو عليا المصائب وكنت غا انحاارف ونخرج الطريق اما الراجل الثالث فهو تشيللو اولا باولو لياعترفلي باعجابو وكيظهرلي من وراه غا تكون نهايتي لانو بان مقتطع طرق ليهو كريم ومغا منتصدمش الى بان تا معتز كلشي ممكن فاش كيتعلق الامر بي انا صاحبة الحظ العاثر تنهدت وجمعت الوقفة مبغاش يجيني النعاس توجهت للسرجم وبقيت كنطل وانا كنتدكر ليوقعلي تا بداو عيني كيتسدو عاد قدرت نغفى...

يوم جديد فيييه الجدييييد اكيد اليووم ا نزور حنان وبنتها توحشتهوم بزااف حنان خبر مفرح فرحاتني بيه اخيرا قررات تبعد على هاد المستنقع هادا شهر باش صافي حبسات الخدمة دالليل كعادتي خديت معايا ليقسم الله وتوجهت لدارهوم دقيت ولكن ما من مجيب عاودت دقيت ووالو وهي تنطق .جارتهوم

هي:كتقلبي على الحاجة

انا:اا اه

هي:مكايناش سخفات بنتها وراها داتها للسبيطار فلومبيلوونص وخلاتلي حفيدتها

انا:اويييلي(بخوف)حنان ماالها

هي:معرفتش وبنتها شحال فيها دالصداع قلباتلي راسي مبغات لا تسكت

انا:(سمعت صوت ملاك كتبكي)انا نردلها البال نقدر ندخل نشوفها

هي:اه دخلي عالله تسكتلك...

يتبع