العميلة رقم 7 الجزء السادس

فاش ياسر ولا كايبغيني ... ماكانش عندي كيف ندير نراقبو ...وضطريت نتقرب من اسد شي لي خلا ياسر يغير كتر كان يحسابو ان بيناتنا علاقة ...حتى لواحد نهار مشيت للبانكة ودخلو علينا شفارا سرقو بزاف ديال لفلوس وقتلو بزاف ديال الرهائن ...كانت من بين دوك شفارا واحد لمرا طماعة بزاف ...فاش شعلو لعافيا فلبانكا ...جات لعندي كاتسبك وسرقاتلي مخفضتي وخاتم الالماس لي كان هداه لي ياسر كاعتدار حيت شك فيا كانبغي اسد ...بفضل مهاراتي والتدريبات الشاقة لي كتاسبتها بفضل المنضمة قدرت نهرب ...رجعت لداري وانا نلقى اسد مقتاحم داري وكان كالس كايشوف فيا بحقد ولوم ...قربت منو باش نتصنع الثقة...

وئام- اسد شنو كادير فداري...

تجاهل اسئلتي بابتسامة ساخرة وشعل تلفازة ...دكر المعلق اسماء الضحايا فقضية سرقة البانكا لي تحرقات ..ومن بين الاسماء كان اسمي ...كانضن ان لي شفراتنى ماتت...وبسبب اغراضي محفضتي وخاتمي يحسابلهم بلي هي وئام...تسعقت من الخبر ولاكن لي خلعني كتر هوا نضرات اسد المخيفة ...قال ببرود من بعد ماطفى تلفازا

اسد-كنت ناوي نقتلك فالحقيقة...لاكن ماقادرش نقتل شخص مات مسبقا...

وئام-تقتلني ...ههههههه حماقيتي لا...

اسد-علاش ماقلتيليش انكي كنتي خدامة فالمنضمة ومكلفا تراقبيني...

وئام-كيفاش عرفتيها ...لا مستحيل انا كونت حريصة باش ماتكشفنيش...

اسد- باراكا من تمتيل وقوليلي علاش دعستي على قلب صاحبي ياسر بكل هاد السهولة ...

وئام-وعلاش ماتسولتيش على سبب مراقبتي ليك...امور صاحبك ماعندنا مانديرو بيها فوسط هاد النقاش...

اسد-قلب صاحبي اهم من هاد تخربيق ...اشنو غادي يوقاع لصاحبي فاش يكتاشف خيانتك واستغلالك مشاعرو 

وئام-ماغاديش يعرف الى ماقلناهاليهش...

اسد-اكيد ماغاديش نخليه يعرف بامرك...الى كان هادشي لي خالعك وماباغياهش يكشف سرك...ماكاين لاش يعرف حيت خايف عليه...نتي غادي تبقاي ميته بالنسبة ليه ...مابقيتش بغيت نشوف وجهك من بعد اليوم ...غادي تغبري كمارتك على ياسر ومابغيتش نشوفك لا ليوم ولا غدا ...غادي تختفى بنفس الطريقة لي ضهرتي بيها ...والى حاولتي تتقربي من ياسر مرا اخرى غادي تخسري حياتك ...انا غادي نقولو بانني بعدتك عليه وغادي يلومني انا ...يكرهني انا احسن مايتئلم بسببك

وئام- اوووه شحال فيك ديال لبجوق...غادي يكرهك ويلومك فاش يشوف الاخبار فالتلفازا وعرف انني مت ماعمرو غادي يسامحك انا متئكدا...

اسد-ماشي صوقك شنو غادي يوقاع ... غير درقي كمارتك عليه 

وئام-الى كان هادشي غادي يستر امري ماعنديش مشكل غادي نمشي بحالي...

__________________

في المساء رجع اسد بسيارتو للدار وهوا حاليا مازال واقف امام الباب وفداخل سيارتو كان كايهضر فتلفون

اسد-سفيان ...قولي واش ماكاينش شي جديد على ديك البنت 

سفيان-والو اسيدي بسبب القناع لي كانت لابسا ماقدرناش نعرفوها شكون الرئيس عطى امر للمخبرين لاكن مكاين حتى شي نتيجة

اسد-(تنهد ومسح على وجهو بيديه) هي قالت بانها مكاتعرفنيش مايكونش سيفطهالي شي حد ...تقدر تكون شي عميلة سرية ...لانها دارت للمجرم لمينوط

سفيان-ماشي ضروري تكون شرطية باش يكون عندها لمينوض ...انا شكيت فوحدا وهي لي غادي تقدر ديرها

اسد-شكون ...سربيني شكون

سفيان-على ما اضن وئام...

اسد-(صمت فلحضة كايفكر) مكانضنش

سفيان-هضر معاها وسولها 

اسد-مستحيل نهضر مع هاديك الحقيرة ..صافي نسا لموضوع

قطع الخط دخل للدار وطلع مع دروج وتفاجئ بنورسين لي وقفاتلو فطريقو فاول درجة لي كاتئدي لغرفتو تمسكت بالدرابزين وكاتشوف فيه

اسد-علاش مامشيتيش لدارك...ماشفتيش شحال فساعة ...

نورسين-ايلا كانت مريضة ومانعستش وهي كاتسناك

اسد-اوكي حيدي من طريق خليني ندوز

نورسين- انا غادي نرجع للدار على رجلي حسن مانمشي معاك...

اسد-(بسخرية) سيري...طريق السلامة

نورسين-توسعو غينيها بصدمة وهي كاتشوفو غادي وماداهاش فيها) بنادم كيف داير ...ل..

غير نزلات من دروج وسمعات صوت ارتطام وطلعات كاتجري ولقات ايلا طايحا فالارض وبين يدين اسد

اسد-(غوت بعتاب) واش ماقلتليكش تبقاي فسريرك ..علاش نتي متهورا هاكا...

ايلا-(جراتو من شعرو ) فين كونتي...كون ماكونتش مريضة كون قتلتك عصا 

اسد-(حيد ليها يديها من على راسو) اجلي هادشي من بعد...غادي نخليك ضربيني شحال ما بغيتي غير براي بعدا

اسد-(جرات لعندهم نورسين وخايفا نزلت راسها عند ايلا لعيانة كاطمائن عليها ورجعت شافت فاسد) واش تبغي شي مساعدة...

اسد-(هز ايلا من الارض ووضعها على سرير وشاف فنورسين ببرودا) علاش ماتديهاش فراسك ...الحمقا

خرجات وهي معصبا من طريقة كلامو وهبطات للمطبخ بينما هوا كان كالس حدى ختو وشادليها فيديها 

اسد-ياربي ماكرهتش يسالي هاد نهار ...ديك المكالمة ..وئام ودابا زادتني حتى ايلا ..واش غادي نصبر ياربي ..واش غادي ننجح باختبار صبرك ليا ...عطيني القوة يارحيم فانا فقير ليس لي سواك يا جبار...

كانت واقفا مسمرا فمكانها امام الباب وفيديها صينية وكاتستامع لشكواه لخالقو....فكرت ومابغاتش تقاطعو وحطت صينيا حدا الباب وخرجات اوقفات على برا ...

نورسين- اسد مشغول مع ختو وكولشي ناعس ....(خرجات تلفون من جيبها وتاصلات بياسر)

ياسر-(جاوب وهوا ناعس) الو شكون معايا...

نورسين-(ترددت وحشمات من راسها حيت فيقاتو من نعاسو) اااام انا...

ياسر-(وقف من سريرو بحماس) نورسين ...واش نتي بيخير...

نورسين-(بتردد) واش ممكن تجي توصلني...

ياسر-ااه اه بطبع فين نتي دابا 

نورسين-انا فدار اسد

ياسر(تفاجئ عن سبب وجودها تما ) اوه ...انا غادي نجي 20 دقيقة نكون عندك تسنايني...

قطعات الخط وعلات راسعا للسماء كاتشوف فالقمر لي نعاكس ضوئو على وجهها الفاتن والحزين..مر وقت طويل وياسر مازال ماوصل ...وجاوها بعض الافكار وحست بالحزن لسبب هي ماعارفاهش...

واش حيت شافت جانب اسد الحزين؟ ...اولا بدات تشعر بالندم من كلماتها القاسية لي قالتهملو فاش كانو فبريطانيا؟؟؟.....كتاشفات جانب اسد لي محتاج للامان والاهتمام...فقط حاجة وحدا بغاتها...مابقاتش بغات تشوف نضرات الانكسار الخاصة بيه من جديد ...لانها كاتئلم فاش كاتشوف شخص قوي و كايتهزم فلحضة ... شعور محبط ...وقفتلها لهضرة فحلقها بصعوبة ...قرابا تبكي ...لا .مابغاتش تبكي ..ماشي دابا وماشي فهاد لبلاصة ...ماشي امام ياسر لي مابقالو والو ويوصل ...

نورسين-(وضعت يديها على وجهها) لا...ماتبكيش لا

(كانت كاتمنع دموعها من الخروج حتى تفاجئت بشي حد حتاضنها عندو بقوة ...شكون هدا؟..لا ماشي معقول...هوا ياسر؟..لاكن ريحت عطرو كانت مألوفة ..بعدت يديها على وجهها وتقابلات مع دقنو الملتحي ...لا مايمكنش!!

اسد- سمحيلي....ماتبكيش...

بدات كاتفكر بدعر بينها وبين نفسها وهي بين دراعو ...

نورسين- اشنو واقع ...شنو هادشي

لاحض توترها ويحسابو كاتبكي ومسح بيديه لكبيرة على راسها وطبع قبلة على شعرها من جانب الايسر...

اسد-صافي راني عتادرت منك ...ماتبكيش الصغيورة

خرج ياسر من سيارة وكايحاول يستوعب داكشي لي كايشوف علاش نورسين بين دراع اسد...حس بصدمة كبيرة ...ماصدقش لي كايشوف بعينيه .. كان كايكدب عليه ...لا...

اسد عارف بانه كايبغيها ...ادا علاش هوا حاضنها ...هوا خدا منو وئام ..ودابا نورسين ...نزلو دموع من عينيه واعلن عن انكسارو وثبت مدى غيرتو وحزنو...وضع يديه فوق راسو ومامصدقش ..تراجع للخلف بدون وعي وركب فسيارتو ورجع ادراجو وعلى ملامحو الصدمة ...كره اسد كتر وكتر ...حقد دفين تولد ...مكايشوفش من غير الغضب وقلبو مكسور...

بينما كانت نورسين متوترا بين يدين اسد تنهد بضيق فاش تاكد ان ياسر صافي مشا وبعد...بعدها على صدرو بينما التوتر باين على وجهها وشعرها مغطي عينيها

اسد-شوفي فيا...

نورسين-نتا راك كاتصرف بغرابة 

اسد-(وضع اصبع السبابة تحت دقنها ورفعو باش يتسناليه بشوف وجهها الفاتن وعلى وجهو ابتسامة نبيلة...) بغيت نتأكد من مشاعر واحد شخص ...سمحيلي الى خلعتك بتصرفي....

نورسين-لا ...نتا دابا عاد بديتي تخلعني ...عاملني بقسوة كيف ديما غادي نحس بالراحة 

اسد- مانسيتش هضرتك لي قلتيلي فبريطانيا قلتيلي مانبقاش نهتم بيك ومانقربش منك كانعتادر مرا اخرى

نورسين-(حست بتانيب الضمير) لا ...انا...(قاطعها) 

اسد-يالاه نوصلك...

نورسين-لا شكرا...كانتسنى ياسر...غادي يجي مورايا..

تنهد بضيق قرب منها وجرها معاه ودخلها للسيارة وقال قبل مايسد الباب...

اسد-مكانضنش انه غادي يجي...

نورسين- وعلاش...

اسد-(ركب فسيارة ولتافت ليها بابتسامة باهتا) الدنب ماشي ديالو ..تقدري تلوميني انا....صافي بلاما تهتمي...

نورسين-(تكات براسها على زاج النافدة وتنهدت بضيق...) غادي نعوضهالو...اكيد غادي يغضب عليا ..تاصلت بيه فوقت متاخر وزعجتو...

بعد اسد بسيارتو على الفيلة اوصل امام فيلتها وفتح ليها الباب بابتسامة لطيفة ...شاف فيها اسد ومستغرب من عدم نزولها من سيارة ...تحنى عندها بكل نبل ونزاهة وعلى وجهو ابتسامة مطمئنة ..

اسد- نونور مالكي

نورسين-(شافت فيه بطفولية) اش هاد اللقب عاود 

ضحك بخفة وشاف فوجهها بطفولية ورفع يديه وبعد خصلات شعرها لي زعجات عينيها 

اسد- واش ماعجبكش اانسة نونور

نورسين-(غوتت بسرعة) لا لا رائع

اسد-(ضحك وهوا كايراقب حماسها الطفولي وقال بنبرة مليئة باللطف) مناش نتي خايفا

نورسين- اسد نوض من الارض غادي توسخ حوايجك

اسد- نورسين ماتتهربيش 

نورسين-( خرجت من سيارة اوقفاتو) ماعرفتش دماغي متوقف 

اسد-(قرب منها) وشنو هوا السبب 

نورسين- ماعرفتش خايفا وماعارفاش مناش 

اسد- واش كاتقصدي بنت عمك سماح خايفا منها

نورسين- كيف شفتي فالفيديو هداك نهار انا درتليها شوها فالشركة ...ولى ستغربت منو انني فاش قتاحمت الدار وقررت نسكن فيها انا وصاحبتي مالقيتش منها شي ردت فعل خايب بلعكس ستقبلتنا بكل فرح وكانه عمري درتلها شي حاجة ...مع العلم انه ماشي هدا هوا طبعها 

اسد- خفتيها لاتكون كاتمتل عليك

نورسين- تماما هادشي لي كانفكر فيه واش نتيق فيها ... ولا ناخد حدري منها 

اسد- (تردد قبل مايهضر) نورسين ماكونتش باغي نقولك هاد الهضرة لاكن خصك تعرفي ...الشركة ديال باباك دخلت فيها شريك وانا دابا كانمتالك فيها النصف

نورسين-(تصدمت) اشنو كيفاش مافهمتش

اسد- سمعت مؤخرا بان الشركة كاتواجه الافلاس وعليها ضرائب كتيرا ... كان صعيب عليا نتاخد هاد القرار لانه ماشي ساهل تدخل فشراكة مع شركة متهالكة وقربت توصل للصفر لاكن غامرت وشريت النصف ديال اسهمها وبفضل الله قدرنا نقدوها من الافلاس

نورسين- ماعرفتش شغانقولك لاكن انا كانشكرك بزاااف 

اسد- مكاين لاش تشكريني فلخر انا هوا الرابح خديت نصف فشركة كبيرة ومعروفة ... مضيعاها بنت عمك بزاف وماكاتعرفش تتصرف لو غير كونتي دخلي تخدمي فيها وتزيدي بيها للقدام 

نورسين- فكرت فيها لاكن قررت من الاحسن نخليها هي تتكلف ... ونعيش فسلام ونرتاح فدماغي لي كايهمني هي نبقى فدار ديال وليديا ونشم ريحتهم ..واخا انا عارفا انني خدلت بابا الله يرحمو حيت كان عندو امل باش نرجع الشركة ليا ..(تنهدت) لاكن والله حتى عيت وماكرهتش نعيش مرتاحا بحالي بحال كاع لبنات...انا غادي نخليلها الشركة لاكن ماشي فخطرا غير على مانرتاح ونستجمع افكاري ومنها نكونو تفاهمنا انا وياها كيف ماكان الحال كاتبقى بنت عمي 

اسد- ديري دابا لي يريحك لاكن واياك تامني ليها 

نورسين- عارفا لي كاين (شافت وبعدت انضارها عليه بخجل)

اسد- مالكي ...واش نتي بيخير(ماجاوباتوش وضورات راسها للاتجاه المعاكس شي لي خلاه يتقلق بطفولية سحب يديها لعندو شئ لي خلاها ترتاطم بصدرو وتتمسك بدراعو بشدة ) واش قصحتك انورسين

نورسين-(همست بحزن) اشنو غادي دير...الى قلتليك ماكرهتش نرجع معاك لعند ايلا والبقية

ستغرب من سئالها وتمسك بكتافها الناعمة وبعدها عليه باش يشوف وجهها الحزين

اسد- قوليلي شنو كاين 

حنات راسها وتهزو خصلات شعرها فالهواء بينما اسد متمسك بكتافها 

نورسين- الامر خارج على ارادتي ...مانقدرش

تحلات الباب فجئة وادا بها بنت عمها سماح ...شافت فيها بدهشة ..وشافت الوضعية لي هوما فيها شي لي خلا نورسين تنتر من يدين اسد وتبعد 

نورسين- غير سير انا بيخير

تجاهل اسد وجود سماح وشدها من يديها فاش بغات تدخل وقال بغضب

اسد- رتاحي نتي وماتخافي من والو ...ولي حاول ياديك غادي نعاقبو بيديا 

بعدت يديها عليه ودخلات وطلعات مع دروج وانضار اسد لي خايف عليها مازالة فنفس مكان نورسين الفارغ وشاف نحو سماح ببرود بينما هي بتاسمت بخبث وتكات على لحيط وكاطلع فيه من راسو لرجليه

سماح- هممم...ماساهلاش هاد البنت مكايضورو بيها غير رجال الوسيمين والاغنياء ...جاتني لغيرا على راسي ...واش ماعندكش شي خوك كبر منك بنفس ثرائك وجمالك

وضع يديه فجيوبو وطلع وهبط فيها بنفس نضراتها وعرفها هي من شمن نوع وقال بصوت واضح

اسد- كوني حدره

سماح-(تعدلات فوقفتها ) كيفاش اشنو كاتقصد عطاها بالضهر بكل ثقة وتوجه لسيارتو وسط نضراتها الكريهة

سماح - صاحب هاديك الحقيرة ,,,هاني بنضراتو ليا عاد دابا ماقادراش نصدق ...كانكرهك انورسين (دارت اتصال ) الو فينك

قاسم- نعام ابنتي انا ناعس دابا واش ماشفتيش شحال فساعة

سماح- علاش ماقلتيليش بان شريك لي دخل معانا كايعرف نورسين

قاسم- اشنو انا ماعندي حتى شي فكرة على هادشي لي قولتي عاد دابا 

سماح- ايوا الله يجيبك على خير هاديك الحقيرة دارتها بينا وشرالها صاحبها النصف فالشركة 

قاسم- ولاكن راه العقد فسميتو هوا ماشي هي 

نسماح- ايوا واشنو يضمنلي بانها ماغاديش طيرو وتزوج بيه داكساع غادي تاخدلي الشركة وغادي تقوى وتجبر عليا

قاسم- ايكون خير ابنتي ومن هنا لتما يكون خير 

سماخ- انا ماغاديش نخليها تكون هي حسن مني غادي نضمرها هي مكانش خصها تعيش خصها تموت عاد باش نرتاح منها

________________________

جاء صبح جديد وعلن عن ضهور شمس مشرقة عانقت كل حزين وكل من يرتجف بردا ...كانت الشمس دافئة وكايسميوه اليوم المعجزة الدافئ ففصل الشتاء

لمار-(حلت باب غرفة نورسين ودخلات) صلاااااات وسلااااام علىىى رسول الله الى جاه الى جاه سيدنا محمد الله معااااا جاه لعالي يويويويويويويويويوويويووييووي 

نورسين-(حيدت لخدية لي كانت ناعسا عليها وضرباتها بيها) لقوى انشاء الله ...طيرتيني الحمارا

لمار- نوضي تكعدي هادي 10 دابا وشدي تلفونك من قبيلة وهوا يصوني مسيو ياسغ 

نورسين-(شدات من عندها تلفون) شحال من مرا غانقولك سميتو ياسر ماشي ياسغ 

لمار- ايوا انا كايعجبني نعيطلو هاكا فين عندك نتي المشكل ياسر ياسغ ناسغ ديها فسوق راسك

نورسين-(شافت فيها بنفاد صبر) الله يمسخك ...هاهوا كايتاصل ماعرفت شنو باغي...

لمار-(تلاحت حداها باش تتصنت)... جاوبي سربيييي

نورسين- الو ياسر صبح الخير

ياسر- صبح نور عاد فقتي

نورسين- اه ..اوو صراحة انا حشمانة منك بزاف على قبل لبارح 

ياسر- نتي لي سمحيلي حيت البارح فاش بغيت نجي نوصلك مابغاتش سيارة تتحرك خصرات وانا عيطت باش نعتادر

نورسين- اه واش بصاااح ...ماشي مشكل حتى كون جيتي ماكنتيش غاتلقاني حيت اسد هوا لي وصلني 

ياسر- مزيان ... عندك شي حاجة هاد نهار 

نورسين-لا ماعندي والو ...

ياسر- انا عارض عليك فلعشية نتي وصاحبتك 

نورسين-(ستغربت ) وبشمن مناسبة

ياسر- باش نعتادر منك على لبارح

ياسر- انا قبلت اعتدارك فمكاين لاش تعدب راسك

لمار-(طيرتليها تلفون) مسيو ياسر حنا موافقين غير سيفط لينا العنوان وفلعشية نكونو عندك

ياسر- هههههههه لعفريتا ...عنداكي تقوليلها شي حاجة

لمار- (خافت لاتسمعها) احم احم كون هاني ...(قفلات الخط)

نورسين- (ببرود)مالكي كاطيري 

لمار- نوضي نوضي (جراتها من يديها) انا تاصلت بلكوافورا وخديت موعد خصك طلعي بحال الاميرات ديال الف ليلة وليلة 

نورسين- هههههههه حمقا غير لمكياج نديروه بيدينا ونتي صوبيلي شعري وانا نصوبليك شعرك اشنو قلتي

لمار- واناااري هاد البنت غاتحمقني 

____________________________

في المساء 

كانت واقفا قدام لمرايا وكاتشوف فراسها ومبتاسمة كانت لابسة فستان ازرق غامق سامبل ومزير وكان ناحت شكل جسمها المثير قصير حد ركابي ومن لفوق شال من الريش وللونو ابيض وكعب عالي فاللون الباج لامع وتسريحة شعر كيرلي من الاسفل وسامبل من فوق بينما لمار كانت لابسا فستان اسود حد ركابي مزير من صدر ومنفوش من الاسفل وكعب عالي اسدو وحقيبة سوداء وعاملة مكياج خفيف وتسريحة شعر كلاسيكية جاو بحال شي ممثلات راقيات

نورسين- ماشي عيقنا بهادشي لي يشوفنا يقول غادين للعرس

لمار- سكتي خلينا نعيشو حياتنا ...هاه هاهوا ياسر كايصوني 

نورسين- عطيتيه نمرتك ماعندي مايتسالك الالة

لمار- غرتي اشعيبية غرتي غرتي هاه هههههههه

نورسين-هههههههههه حمقاااا فوقاش غاديري عقلك

لمار- الو ...واش بصح هاحنا نازلين..(قفلات الخط) زيدي ياسر كايتسنانا فالباب

نورسين- (بدهشة) علاش جاي مورانا 

لمار- الهبلة ..لقيتي لي يفششك وزايداها بلهضرة ...زيدي نمشيو 

____________________

خرجو من الغرفة وفطريقهم طلاقاو مع سماح لي غير شافتهم بتاسمت بتصنع وقال ليهم 

سماح- سهرة ممتعة شوية ونخلط عليكم

نورسين- اشمن سهرة

لمار(باررتباك) اام احم نورسين هبطي سبقيني على مانجي ماتخليش ياسر يتسنى

نورسين-واخا هانا صبقتك (هبطات مع دروج)

لمار- كونتي غادي تفرشينا اصاحبتي هي راها مافخبارها والو يعني مفاجئة

سماح-(بابتسامة ماكرة) اااه هههههه كونت قريبا نفرش كولشي ههههه سيري احبيبة غايكونو كايتسناوك 

لمار- (بتاسمت ) واخا باي باي عنداك تعطلي غادي نتسناك

سماح-(كاتلوح بيديها مودعا لمار) واخا احبيبه (بقات مبتاسما حتى غبرات من حداها وجمعت الضحكة بشر) بغيت ليكم الموت كاملين ونتهنا من كمامركم ....

___________

كان متكى على سيارتو ومربع يديه وكايشوف فالفراغ كان لابس تيشرت ابيض وفيست فاللون الباج وسروال جينس فاللون الباج الغامق وحداء كلاسيكي اسود ومسرح شعرو الحريري والجيل مثبتو باحكام عيونو رمادية زادتو جمال ..حس بالحركة وضور وجهو وكانت هي واقفا ولوحتليه بيديها شي لي خلاه يبتاسم لا اراديا

ياسر- واااو اش هاد الجمال كولو

نورسين- (بخجل) اوه عويناتك لي زوينين وكايشوفو كولشي زوين

لمار-(قاطعتهم بصراخ) هانا جييييييت

ياسر- (بتاسم) ولاش جايا كونتي تعطلي شوية

لمار- (بخفة دم) نمشي نرجع نعاودو لمشهد من جديد 

ياسر- هههههههههههه اجي اجي غير كانضحك معاك

نورسين-(عقدت حواجبها باستغراب) فاجئتوني صراحتا مكانش يحسابلي وليتو اصدقاء ...بتزكرو من وراياا

لمار- عنداكي تغيري كيف قولتي حنى غير اصدقاء

نورسين- وعلاش غادي نغير حتى انا غير صديقتو كاينا ولا لا اياسر

ياسر-(جمع ضحكة) احم اه اصدقاء ولاكن شكون عرف مانبقاوش اصدقاء ونكونو حاجا اخرى كوبل مثلا

نورسين- هههههههههههه اشنو غانكونو شعيبية وكبور 

ضحكو جميع على دوك لكلمات لاكن هي مكانتش عارفا بلي فعلا هوا باغي يطور صداقتهم وتولي علاقة وعلاش لا زواج تاخد قرار مع نفسو مين شاف اسد حاضنها فليلة امس انه ماغاديش يخليليه فرصة وياخدلو حتى نورسين كيف مادار مع وئام...تحرك ياسر بالسيارة وبعد على فيلة نورسين لي كانت سماح كاتراقب المشهد من نافدة غرفتها وفقلبها حقد كبير على نورسين ...كيفاش هي بنت الناس لي كانت باغياهم يكونو واليديها بوحدها...بانسبة ليها هي لعنة وداهمة حياتها...ولادتها كانت ميئوس منها بسبب عمر امها لكبير؟؟...علاش فاش خلاقت هي خدات منها كامل اهتمام وليديها؟؟ ...علاش هملوها هي وهتمو فقط بالمولودا جديدا؟؟... حقدها كان دفين...فششوها بزاف ...كاتبغي لفلوس والسلطة...كيفاش طفلة صغيرة غادي تشاركها فكلشي حتى فواليديها...هدا هوا دنب نورسين...مكانش خصها تكون موجودا فالدنية...خربت كولشي على سماح...مع دالك هي فرحانا وعندها اصدقاء مع انها مرت من ضروف صعيبة مازالة كاضحك واجتماعية فحياتها وعندها كريزما كاتخلي كولشي يبغيها ويتعلق بيها ...عكس سماح ماعندهاش لا رفيق العمر ولا اصدقاء ..من ديما هي وحيدا كاتبغي الوحدا فكولشي ومكاتبغي حتى شي حد يشاركها فحياتها....اشنو نسميو هدا مرض نفسي؟؟ ...او حب الدات ؟؟؟

وصلت سيارة ياسر امام باب اوطيل كبير فمدينة فاس البوابة ديالو كانت كبيرة وكلها الوان وعلى الارض سجاد احمر طويل كايئدي للداخل خرج ياسر وهرول عند نورسين وفتحليها الباب وسط استغرابها من تصرفاتو اللطيفة والجنتلمانية مدلها يديه وتمسكت بيها وحطت اول قدم على السجادة الحمرا وتقدمت وهي متمسكا بدراعو وغادين على السجاد الاحمر بحال شي فنانين مشهورين وموراهوم لمار لي كانت مبتاسما وفرحانا لصديقتها ...تخطاو الباب الرئيسية وكان فاستقبالهم بعض الموضفين لي رحبو بيهم فوسط هادشي كامل نورسين مافاهما والو وغير غاديا معاهم بابتسامة اصطناعية ...تفتح باب كبير ودخلو للقاعة لي كانت مضلاما وغير دخلات تشعلو الاضواء مع صرخات الحضور ( عيد ميلاد سعيييييييييييييد) فتحت فمها بصدمة بعدما شافت عدد الحضور والمكان الراقي والاضواء والشموع وكولشي كايشوف فيها والابتسامة على وجهوم....بادلتهم نفس الابتسامة وشكرتهم وضارت عند ياسر

نورسين- ياسر....

ياسر- (قاطعها وهوا كايمسح على شعرها ) عيون ياسر ماتقولي حتى حاجة هادشي كامل خططنا ليه انا ولمار ..فاش عرفت بامر عيد ميلادك قولت هادي هي المناسبة باش نتقربو لبعضياتنا كتر

نورسين-(مافهمتش كلامو او بالاحرى تداعة الغباء لان كلامو واضح ..بتاسمة وقالتلو) شكرا بزااااااااف على هاد المفاجئة لي وجدتوهالي نتا وهاد الحمقى 

لمار- اوووف عاوتاني حمقة ...مقبولة منك

نورسين- ياسر غادي ناخد هاد الحمقة واحد شوية

ياسر- اه خودي راحتك لاكن ماتعطليش...

نورسين-(جرات لمار لبعيد بغضب) اشنو هادشي لي درتي

لمار- اشنو درت اصاحبتي مالك مقلقا

نورسين- عيد ميلادي ماشي ليوم حتى لغدا 

لمار-(تصدمت ودارت يديها على فمها) مايمكنش اليوما 7 فشهر...

نورسين-لا ليوما 6

لمار-(جبدت تلفونها باش تتاكد) هاني شوفي تلفوني فيه اليوم 7 ...بلاتي غادي نمشي نسول ناس....

مشات عند مجموعة ديال لبنات لي كانو واقفين وسولاتهوم على تاريخ اليوم وكان 7 ورجعت عندها

لمار-اري نشوف تلفونك....

نورسين-هاكي 

لمار(شداتو وتحققات منو ) تلفونك مامريكلش اشريفا ...اووووف خلعتيني ...

نةرسين-يعني انا هي لي مدوخا دابا...(بتاسمت بطفولية) اوووووووووه حبيبتييييييي كانموت عليك

لمار-صافي ماتقيصيني مانقيصك بعدي مني

نورسين-غضبتيييي.... نموت انا على لعيون لغضبانين خليني نبوسك خلينيييي....

وهي كاتغازل صديقتها وقف قدامها شخص بكل جنتلمانية بملابسو الانيقة بدلة فاللون الاسود وتسريحة شعر كلاسيكية... ريحة عطرو الفريدا خلات نورسين ضور تشوف هداك الشخص لي موراها وتبتاسم بخجل ....

حست بيه قريب وشمت ريحة عطرو المؤلوفة وضارة وعلى وجهها ابتسامة لاكن سرعانوماختفات الابتسامة فاش شافت نيهال مقبطى بدراعو وكاتبتاسم كانت زوينا بزاف ولابسة ملابس انيقة وكاتبان بحال شي عارضة ازياء بقوامها للممشوق

نهال-(قربت عندها وسلمت عليها برقي) كل عام وانتي بخير نورسين...

نورسين-(بتاسمة بتصنع) شكرا احبيبة ...

نهال- الحفلة زوينا بزاف عجبني تنضيم ديالها..

نورسين- هادشي بفضل مسيو ياسر وصديقتي لمار ...

كانت كاتسرق النضر لاسد لي كان واقف بشموخ ويديه فجيابو وكايشوف فيها ماحيدش عينيه عليها مكايحشمش هاد اسد ...

لمار- (بتاسمت وهي كاتقرب من نهال) كانتمنى تستمتعي بالحفل امدموزيل (شافت فنضرات نورسين واسد وقررت تبعد تهال) مادموزيل نهال انا صديقة نورسين وماكرهتش حتى نتي تكوني صديقتي

نهال-(بابتسامة) ااه طبعا لي كامل الشرف

لمار(شافت فاسد ورجعت دارت عند نهال) اجي معايا نعرفك على اصدقائي...

نهال-بصاح واخا....اسد حبيبي انا غادي نمشي مع صديقتي جديدة 

اسد-(ببرود) خودي راحتك...

نهال-(باستو من خدو) اووه كانبغيك ...

نورسين حنات راسها فاش شافت مدى حب لي كاتكن نهال لاسد وحست بالدنب حيت واعدت راسها تقتل كل المشاعر لي كاتحس بيهم من جيهت اسد لاكن ماقدراتش ... ماشي بيديها ...قاطع تفكيرها اسد وهوا كايقرب منها تمسك بيديها وقال بكل جنتلمانية ...

اسد- عيد ملا سعيد ننور..

نورسين-(بتاسمة) شكرا بزاف 

اسد- (جبد علبة من جيبو وعطاهالعا) تقبلي مني هاد الهدية بسيطة ..

فتحة ديك العلبة طويلة وكانت فيها اسوارة دهبية رائعة بتاسمت نورسين غير شافتها وشافت فاسد بابتسامة عريضة..

نورسين- شكرا بزااف والله عجبتني

اسد-(فرح حيت عجبتها) بصحة والراحة..

كان ياسر واقف مع بعض الاصدقاء وعينيه على اسد ونورسين ولاحض كيفاش فرحات بالهدية تنهد بغضب وتقدم عندهم وهوا داير يديه فجيوبو

ياسر- اه صاحبي لعزيز مرحبا بيك ...غادي تسمحلي غادي ناخدها منك واحد شوية .....

جرها معاه وخلاه كايشوف فالفراغ ومعصب تنهد ودار يديه فجيوبو وتكا على الحيط ...

كانت القاعة مليانة بالشباب ومنهم ايلا وعمر ومحمد وابراهيم لي كان غير تابع فلبنات وكايصيد ...

ايلا- ماعرفتش فين هي نورسين من قبيلة وانا نقلب عليها خداولي نورسين ديالي...

عمر- راها فين واقفا مع ياسر ...مالاحضتيش شحال متعلق بيها هداك الولد..

ايلا-كان عزيز عليا ولاكن دابا لا ...

عمر-وعلاش شنو دارليك

ايلا-(تنهدت بغضب) باغي ياخد خطيبت خويا مستحيل نورسين تكون لشي حد من غير اسد

عمر-(ضحك بسخرية) وشوفي نهال كيفاش شادا فاسد وكاضحك وفرحانا ... 

ايلا- ولاكن لاحض فوجهو هوا كاع مافرحانش ...ومكايضحكش عكسها هي لي غير كاتنقز ...هاديك البنت كاع ماحملتهاش ...

عمر- الله يهديك راه ماختارها الى وكايبغيها ..

ايلا- غير عقل على كلامي والله مايكملو حيت مامفاهمينش ...

عمر- (تمسك بيديها) ياصاحبة السموو يالاه نمشيو نهنئو البنت بعيد ميلادها ...

قربو من عند نورسين وياسر لي كانو واقفين مع مجموعة من اصدقاء ياسر وكايهضرو ويضحكو وفاجئتها فاش شداتها يديها بجوج من خصرها ضارت تشوف وكانت ايلا سلمات عليها بحرارة

ايلا- عيد ملاد سعيد احبيبتي تقبلي مني هاد الهدية لبسيطة

نورسين-شكرا احبيبتي ومكانش عليك تعدبي راسك

ايلا-(شافت فياسر بغيض) كون كان يحسابلي عيد ميلادك اليوم كون عملتليك حفلة حسن من هادي لاكن ..ماعرفت بالامر حتى لهاد الصباح فاش قالهالي ياسر...

ياسر-علاش اايلا ماعجباتكش لحفلة لي درت انا

ايلا- (بسخرية) لا زوينا ولاكن كون درتها انا كانت غاتكون حسن حيت ماعنديش ماغلا من حبيبتي نورسين وزوجة خويا لمستقبلية...

تفاجئة نورسين من كلام ايلا لي قالتو بعفوية بتاسمة بدورها فوجه ايلا كانها سمعت شي نكتة

ياسر- هاهاهاهاها.... واش نسيتي اايلا رااها خطيبت خوك فين شانقا عليه من كل جيها دايراليه حصار باش مايشوفش من غيرها 

عمر- (شاف فياسر بسخرية ورجع شاف فنورسين) عيد ميلاد سعيد

نورسين- شكرا خويا عمر لهلا يخطيك...

فالمقابل كان محمد ولمار كالسين على احدى الطاولات وكايتبادلو الحديت والغزل لمار كانت فرحانة بزاف وكاتبتاسم من كل قلبها مدام محمد فجنبها بينما فالجانب الاخر كانت سماح داخلة من باب القاعة وفجنبها شاب وسيم بحال شي عارض ازياء طويل وكتافو عراض شعرو حريري للون عيونو بحال سواد الليل رموشو كثيفة ومكاينش مسافة بين عيونو وحواجبو نضراتو حادة وابتسامتو ساحرة ..

سماح- (شافت فيه وبتاسمة... ) راها...هي لي لابسة فستان فاللون الازرق...

جاد- وااو ... زوينا بزاف...

سماح-(بعصبية) ماقلتليكش ديرليها سكانير بعينيك ...غادي دير خدمتك تقرب منها هاد نهار وحاول تكسب ثقتها.. عنداك تحشمني..

جاد- ماتخافيش من هاد النحية (بتاسم وعلى حاجب واحد ولعق شفايفو وهوا كايشوف فنورسين)

______________

كان الحفل غادي مزيان الموسيقى الصاخبة ...رقصو لبنات ودراري على موسيقى شبابية بينما اسد كان غير كالس بوقار وكايشوف بعينيه نهال ماكلستش كانت كاترقص مع نورسين وهي وياها كانو منساجمين وكايضحكو وتصورو وقطعو لحلوة بجوج هي وياها وضحكو لان نورسين مقتانعة بان اسد ماشي ديالها وماعندها حتى شي حق فيه...نيهال كاتعتابر نورسين صديقتها وبحال ختها لقلوب صافية بيناتهم ... محمد ولمار حتى هوما كانو منساجمين رقصو بجوج وفرحو ... عمر كان كالس حدا اسد وكايشوف بعينيه ومرا مرا يتكلم مع اسد ويتناقشو هوا وياه ...براهيم هاداك بوحدو فينما كانت شي بنت تابعها وكايتغزل فيها ..ايلا كانت واقفا مع بعض لبنات وكاتشوف فخوتها محمد فرحان بوجود لمار ..عكس اسد لي غير مربع يديه ومتبع كل حركات نورسين من لبعيد ...سماح كانت كالسة امام طاولة ودايرا ساق على ساق وشافت فجاد ودارتليه اشارة بعينيها...بينما هوا هز راسو بمعنى الموافقة..

لمار- ( شافتها خارجا) نورسين فين غاديا

نورسين-(قربت منها وقالتلها فودنيها) تخنقت وبغيت نشم شوية ديال لهواء

لمار-نجي معاك..

نورسين- لا مكاين لاش

لمار-(شداتها من يديها) خليني نقولها لياسر يمشي معاك

نورسين-(باستياء طفولي) لمار واش مكاتفهميش شنو هي بغيت نشم شوية ديال لهواء يعني بغيت نكون بوحدي ونرتاح...

محمد-لمار خليها على خاطرها...

نورسين- شكرا امحمد حيت فكيتيني من هاد للصقة.

لمار- ( بغضب طفولي) واخا فيك انا لصقة....

____________

اسد- نهال شوية و نرجع..

نهال-فين غادي تمشي احبيبة

اسد- واش خصني نقولك كولشي بالتفصيل..

نهال- سمحلي احبيبة ماتقلقش مني...

اسد-(تنهد بندم وشدليها فيديها) سمحيلي احياتي انا عارف راسي كانقصى عليك بزاف...

نهال-( مررت اصابعها على خدو الملتحي) ماشي مشكل احبيبة خود راحتك...غير ماتعطلش عليا بزاف

اسد-(حيد يديها من على وجهو) واخا...

_____________

وهوا فطريقو للخارج شعل سيجارة وقلبها بين اصابعو وقف فالباب ويد وحدا كانت فجيبو واليد الثانية كانت كانت شادة السيجارة رفع انضارو للسماء وسحب نفس من سيجارة وطلق دخانو فالهواء البارد بحال روحو... تعمق فانضر فجيهت المسبح وشافها كالسا امام المسبح ومتكيا على كرسي لي كايكون حدى المسبح كانت حاطا راسها عليه وطالونها فالارض بينما رجليها مطلوقين براحة على هداك الكرسي انضارها كانت بين النجوم لمضوية فالسماء ...وكاتفكر بينها وبين نفسها ...

نورسين- الله يلعن ابو مشاعري لمعفنه هادي ..البنت مسكينة ضريفة وكاتعامل معايا مزيان وانا كانبغي خطيبها اشنو هاد المستوى لي وصلت ليه ...هادو ماشي اخلاقي ...خصك تقتلي هاد المشاعر....اوف ديما كانقول نفس الهضرا ومكاندير والو بلعكس غير مكانزيد نتعلق بيه... (قاطع افكارها شخص.. بصوتو الخشن والرجولي)

الشخص- احلام اليقضة...

نورسين-(علات راسها باش تشوف شكون وكان شخص وسيم كايشوف فيها بعيونو ورموشو الكثيفة ) مافهمتش شنو بغيتي تقصد

الشخص- ممكن نكلس ونشرحليك...

نورسين- ( ماعجبوهاش نضراتو اوقفت ) تقدر تكلس خود راحتك انا غادي ندخل..

(بغات تمشي لاكنو شدها من يدها فجئة وجرها عندو )

الشخص- انا سميتي جاد بغيت غير نقوليك عيد ميلاد سعيد امدموزيل...

نورسين-(كانو انفاسو قريبا منها بينما هي كاتحاول تفك يديها من قبضتو ) تشرفت اسي جاد طق مني الى سمحتي

جاد- علاش مالكي مزروبا خلينا نهضرو شوية ونتعرفو على بعضياتنا

نورسين- مابغيتش نتعرف عليك اوكي

تقلق جاد من رفض نورسين وطلق منها دار يديه فجيوبو اوقف امام المسبح بجسمو الطويل واكتافو العريضة ...

جاد- سمحيلي الى شديت فيك انا غير كونت باغي نتكلم معاك بنتيلي مخنوقا ...ونضراتك كلهم فالسماء ياكما عندك مشاكل مع الحب....

كانت باغيا تمشي لاكن كلماتو ستفزتها وضارت عندو..واش صوقو فيها اصلا....يخ على بنادم ...تقيل على القلب...واخا وسيم...

نورسبن- كايبانلي نتا لي عندك مشكل....نصيحتي ليك سير تعالج راك مريض

قالتليه دوك لكلمات وضارت باش تمشي لاكنو تداركها وجرها وعندو حتى صطادمات بيه هوا كان طويل عليها وراسها كان على صدرو كانو قراب على بعضهم بينما هوا شادليها فيديها...

نورسين-(كاتحاول تفك يديها) طلق مني ابنادم 

جاد-(شدها من اليد تانية وشل حركتها) 

جاد- تقدري تعالجيني نتي حيت عجبتيني بزااف تهدني وخلينا نتعرفو على بعض ماغادي تخسري والو

نورسين-(بصراخ) طلق منيييي ...

جاد-بلا غوات الغزالة غايحسابهم كانتحرش بيك...

قاطعهم صوت خشن من الوراء

اسد- وشنو تسمي هادشي اسي

جاد-( شاف لقضية حماضة وطلق منها) مادموزيل كيف قلتليك عيد ميلاد سعيد...(شاف فاسد ) خليتلك الراحة...(مشا بحالو)

اسد-(قرب من نورسين) شنو بغا هداك بنادم ...

نورسين-(بارتباك) هاه....والو غير كان كايسولني على الحمام فين جا...

اسد-(بنبرة غضب) ياك واخا...

شاف فجاد لي كان مازال مابعدش وعيطلو

اسد- هييييي ...اجي لهنا نتا...

توقف الرجل وبلا مايضور عندو غمض عينيه وحلهم بتعب وضار عندو

جاد- شنو بغيتي امسيو...

لاحضة نورسين نضرات اسد الغاضبة اوقفت بيناتهم

نورسينراني قلتليك ااسد راه غير كان كايسولني على الحمام واش ماتيقتينيش...

شاف فيها بغضب ورجع شاف فجاد

اسد- لا صدقتك...

لتف براسو يمين وشمال... وشاف قرعة ديال زاج محطوطا فوق واحد طبلة وهزها بدون سابق انضار نزل عليه بيها للراس 

جاد بقوة الضربة طاح فالارض وغارق فدمياتو ...بينما نورسين كانت كاتجر اسد باش مايزيدش يضرب جاد

اسد-(بصراخ) طلقي منييييي.....غادي نقتل هاد الحقير...

خلعها بديك الغوتا وطلقت منو وقربت عندو وهي كاتترجاه

نورسين- كانترجاك ااسد صافي طلق منو....

غوت عليها بغضب وكاياشو بصبعو السبابة ناحية جاد

اسد-نورسين راه كان كايتحرش بيك

نزاعجت من صراخو فوجهها عدت مرات وغوتت حتى هي

نورسين-ماشي صوقك اسيدي ديها فسوق راسك

صدماتو نورسين بديك الهضرة وماصدقش كيفاش غوتت عليه....هوا راه كان كايدافع عليها...علاش غوتات عليه...

اسد- نورسين علاش كاتهضري معايا بهاد الطريقة

نورسين- (بصراخ)بغيت نتنفس منك شوية فينما ضرت كانلقاك واقف قدامي ..

وقف جاد وهوا شاد فراسو وكايضحك بسخرية 

ه

جاد- سمعتي هاد زوينا شنو قالتلك ..ضيعتي وقتك على والو....بلحق انا ماغاديش نسامحك بهاد السهولة غادي نقتلك...

اسد ...كان اسم على مسمى فديك اللحضة كان بحال شي اسد شرس فاش سمع كلام نورسين وكمل عليه جاد نقض على فريستو وبدا كايضرب فيه بحال شي مجنون ...كان الفاصل بين القاعة والمسبح جدار زجاجي كاع الحضور لي كانو فالقاعة شافو لمدابزا وخرجو كايفرقو ...عمر نقض على اسد وجرو من يديه وبعدو بينما ياسر وقف جاد لي كان كولو دمايات ...

جاد-(كايمسح الدم من على فمو) انا كانعرفك مزياان عتابر راسك ميت ...من هاد نهار غادي نقتلك

اسد-(جعر وا بحال شي وحش وبغا يقتلو لاكن كانو شادينو عمر وابراهيم) اجي قتلني احقير... حيت الى ماقتلتينيش هاد نهار انا لي غادي نقتلك الحيوان..

سماح كانت واضعا يديها على فمها ومامصدقاش شنو دار اسد فجاد ايلا ونهال كانو شادين فاسد لي كان كايتنفس بسرعة وعروق وجهو باينين وكايغوت ويسب .... نتر يديه من ايلا ونهال وخرج من وسط زحام وفقلبو شاعلة لعافية....فنضرو نورسين زادت فيه ...هوا كايعاملها مزيان وهي كاتقابلو بالسيئة ...علاش غوتات عليه....هوا راه دافع عليها من لمفروض تشكرو ماشي تغوت عليه.... خرج اسد من الاوطيل وكانت نورسين تابعاه وكاتعيطليه بصوت مرتفع لاكنو ماداهاش فيها وركب فسيارتو وكسيرا بسرعة ... تبعاتها ايلا وعمر ومحمد...

نورسين-(قربات عند عمر وعيونها مبلولين بالدموع) عمر عافاك عطيني مفاتيح سيارتك ...

عمر-ولاكن...

ايلا-(حطت يديها على كتف نورسين ) تهدني احبيبتي...تهدني ...قوليلي شنو وقاع...

نورسين-(وهي كاتبكي) انا اديتو بزاف هاد لمرا زدت فيه بلا قياس...اديتو واديت مشاعرو ...هئ هئ..( شدات فعمر) كانترجاك عطيني مفاتيح سيارتك...

ايلا-(غمضت عينيها وفتحتهم) عطيها اعمر...

عمر-(عصاهوملها) صوقي بحدر ....وغير بشوية عليك...

شداتهم من عندها وركبت فسيارة وكسيرات بسرعة بينما ياسر كان كايقلب عليها بين الناس هوا ولمار

توقفت سيارة اسد فوق واحد الجبل عالي كايطل على كامل المدينة كانت الساعة انداك 7 مساء طاح ضلام بكري بما انه فصل الشتاء ...كان داخل السيارة وكايشوف فالفراف ...كيفاش قدرات تعاملو بهاد الطريقة...دارتهالو لمره لولة وعدرها حيت كانت كاتكرهو ..ودابا اشنو دافع لي خلاها تغوت عليه ...هوا مدارش شي حاجة عيب ...صافي هاديك البنت زادت فيه بلا قياس... ضم قبضة يديه بغضب وضرب المقود بقوة وكايتنفس بسرعة ...خرج من سيارة وغوت بقوة حتى برزو عروق وجهو اولا حمر فرغ كاع اعصابو بديك الصرخة لقوية لي لقات صداها فوق الجبل بحيت ان صوتو تكرر مرارا وتكرارا ...تنهد بحيرة وقرب لراس الجبل ووقف وكايشوف فالفراغ..فهاد الاثناء نورسي وصلات لدار اسد دقات بالجهد وفتحت ليها الخادمة سولتها على اسد لاكن جاوبتها بالنفي وانه مكاينش ومارجعش للدار كلست على الدرجة وعنقة راسها بيديها ...

______________

كان واقف وكايشوف فالفراغ حتى سمع صوت مئلوف بالنسبة ليه جاوبها بلاما يضور عندها

اسد- نتاليا ... كيفاش عرفتي مكاني

نتاليا-(قربات عندو وعنقاتو من الخلف وقبلة كتفو وحطت راسها عليه وهمست بتلاعب) عندي رادارات كايوصلولي اخبارك...

اسد-(ماشتكاش من عناقها وغمض عينيه العسلية وهمس بجفاء) علاش كاتبغي تعدبيني لهاد الدرجة ...واش ماقلتليكش من قبل انني مكانملك حتى شي مشاعر تجاهك ...وحتى الى كانت ماغاديش نخليها تكبر

نتاليا- غادي نتمسك بمشاعرك ...ماشي غبية باش نفرط فيها

اسد-( حيد ليها يديها وضار عندها) كيف قلت قبل لوئام وغانعاودهالك حتى نتي ...الشئ الوحيد لي جامعنا هوا انتقامي ..انا ماشي حمق باش نغرق فحبك انا مشغول فما هوا اهم بلاماتشوشيني

نتاليا- باراكا من لكدوب نتا ماتقدرش تعيش بلا بيا

اسد-(شاف فيها بابتسامة فارغة) بلعكس نقدر

نتاليا-(قربت منو وتمسكت بيديه ) اوه لا لا ماتقدرش كل محاولاتك بائت بالفشل ...اشنو سميتها هاديك خطيبتك ..نهال؟ حتى هي ماغاديش تقدر تخليك تنساني

اسد-(نفض يديه منها وقال بنبرة قاسية) اشنو هاد الثقة كاملة ...بالنهاية انا رجل وعندي غرائزي ...انا شحال هادي قلتليك بانني معجب بيكي ..وقلتليك غير غادي نلقا البنت لي غادي تسلب مشاعري وتتملكها غادي نشوف فيك بسخرية وماغانعطيكش قيمة..

نتاليا-(شعرت بالغيرة) البنت لي كاتهضر عليها مكايناش فالوجود

اسد- (دار يديه فجيويو بعدم اكترات ) مزيان حاولي تصدقي كلماتك وبعدي عليا

المفاجئة هي نهال لي كانت موراهوم ومامصدقاش داكشي لي سمعات يعني هوا مازال لحد الان مالقاش البنت لي غادي تسلب مشاعرو وشنو محلها هي من الاعراب ...بغات تتكلم لاكن صوتها مابغاش يخرج وقالت بصعوبة

اشنو واقع هنا ...تبعتك باش نعرف شنو واقعليك ... لاكن شنو هادشي لي شفت

بسرعة ميز اسد صوتها ولتافت ليها وكانت نهال كاتشوف فيه بصدمة ...تدارك الامر وسط نضرات نتاليا الساخرة لنهال لي كانت قرابا تبكي قرب منها وتمسك بكتافها ...

اسد- سمحيلي ....كانترجاك تسمحيلي...

قربات نتاليا من اسد وحيداتليه يديه لي كانت على نهال وقالت لنهال ببرود

نتاليا- نتي مجرد اداه نسيان خاسرة بالنسبة ليه

شد اسد نتاليا من معصمها بقوة وسحبها حتى واجهت نضراتو القاتلة ...غوت عليها حتى تسمرات فبلاصتها

نتاليا- علاش كاتغوت عليا انا غير كانسهل عليك الامر

اسد-(تجاهل كلامها وضار عند نهال ) هدوئك كايخلعني انهال...كانترجاك تسمحيلي ...ماكونتش باغي نجرحك

نهال-(بتاسمت ابتسامة مزيفة ) انا ماسمعت والو ...غادي نرجع لدارك وغادي نعاون ايلا فاعداد لعشاء نشوفك تما ماتعطلش..

ركبت فسيارتها وختفات عن الانضار اسد لي تمالك نفسو من كلمات نتاليا

نتاليا- خوافة ...رافضة تتقبل انك مكاتبغيهاش

اسد-(غوت فوجهها شي لي خلاها تبتالع ريقها بالخوف) وحتى نتي جبانة حيت رافضة تتقبلي انني مكانبغيكش (جرا نحو سيارتو )

نتاليا- (غوتات بنفاد صبر) علاش... علاش تابعهاااا

اسد-(ضار عندها وقال بنبرة مستفزو) ببساطة ...لانني مخلص ليها

_____________________

تدقات الباب بعجلة وسارعة نورسين وفتحات الباب ..تفاجئة بطولو امامها ..لاكن انضارو ماجاتش عليها ..تجاهل وجودها بالكامل ..ودخل كايقلب على نهال ..تعصب ونفد صبرو وغوت وسط دار شي لي خلا نورسين تخلع من ردة فعلو

اسد- نهاااال خرجيي

لاكن لا اجابة ...هبطو كاملين مخلوعين من صراخ اسد

ايلا- اسد علاش كاتغوت ..اشنو واقع

طلع مع دروج متجاهل اسئلتهم ..كان خايف وكايتنفس بتثاقل..فتح باب غرفتها لاكن لا وجود لها ..ضرب الحيط بقبضة يديه وكمل البحت عليها ..كولشي كانو خايفين وبالخصوص نورسين لي كانت كاتراقب تصرفاتو لي كاتخلع ... فكرات ان غضبو كان بسببها ..طلعات مع دروج ولحقاتو

نورسين- (ببرود) نتا معصب مني ... خلي عليك نهال فتيقار

اسد-(تمالك اعصابو وقرب منها وشدها من فستانها لي كانت لابساه ورفعها شي لي خلا اضراف اصابعها هوما الوحيدين لي كايلامسو الارض ...وبتاسم ببرود لاكن ماتكونش ابرد من ابتسامتها

اسد- واش كايحسابك الكرة الارضية كاضور غير على قبلك قولتيلي نبعد عليك وبعدت شنو بغيتي مني

نورسين- (نزاعجات من طريقة لي شادها بيها) اسد راك كاتقصحني ...باراكا

اسد-(دفعها حتى كانت غاطيح فالارض وغمض عينيه بضياع) لا انا كانتهاوى من جديد...خصني نتماسك

فتح باب الحمام وبانت ليه نهال مرتابكة وعلى ملامحها الحزن

نهال- مادخلش نورسين فهادشي عافاك

اسد-(باستياء) حياتي ..خرجي من تما ...انا مستاعد نشرحليك كولشي

نهال- ماعندك ماتشرحلي ...انا ماشفت والو

اسد- ماتكونيش عنيدة انهال

نهال-(قربات منو وعنقانو) انا لي خصني نبكي دابا ماشي نتا ... لطيف كيف عادتك (وضعات يدها على فمو وقالت بتلاعب) انا ماشفت ماسمعت..شحال من مرا غادي نقولها (بعدها عليه وجرها موراه ودخلها للغرفة وسد الباب)

ايلا- ملل كون دار هادشي مع نورسين كان غايكون اكتر رمنسية

تجاهلة نورسين لي قالت ايلا بينما عمر ضحك بسخرية

عمر- لغزالة مرتي ...وليتي فضولية بلا قياس

ايلا-( قرصاتو من ودنيه) غادي نقتلك

ابراهيم- (شاف فمراد وايلا وقال بسخرية) جوج ديال لحماق

ايلا- واش سمعتيه شنو قال شنو نديرو فيه هدا

عمر- نعطيوه تدكرة دهاب بدون اياب لجزيرة مهجورة

رفعت كمامها متوجهة عند براهيم لي كان كايضحك بسخرية

ايلا- يالاه نبداو دابا ...انا غادي نربطو ونتا رميه داخل طيارة

عمر-(رفع كمامو وقال بابتسامة شريرة) لك هدا يا زوجتي الفاتنة ههههه

تسوطاو على براهيم كايحاولو يشدوه وسط صرخاتو وكايطلب النجدة من ماماه لي نساحبة لغرفتها بانزعاج بينما محمد تنهد بملل وقال

محمد- عائلتي مجوعة من لحماق

نورسين-(ضحكت ومسحت على شعرو بحال شي طفل) محمد ضريف... تتزوج بيا

محمد-(بعد يديها بحرج وقال) قلبي ملك لمار

نورسين-(تلاعبة بخدودو وكاتمددها بحال المطاط ) علاش خصك تكون لطيف هكا علاش علاش وينووو

محمد-(تلاعب بخدودها حتى هوا ) نورسين الطف مني بزاااف وينووو

نورسين-(قالت بتالم بينما هوا مستمتع بقرص خدودها) محمد محمد باراكا باراكا

محمد(ضحك بتلاعب ) بشرط...تعاوديلي على كل حاجة كاتخص لمار ...حتى عاداتها السيئة

نورسين- اوكي...(كاتحاول تحيدليه يديه بطفولية) عقدنا اتفاقنا طلق مني صافي

_______________

كلسها على كرس وركع امامها بينما هي كانت معانقا وجهو بيديها

اسد- نهال...ماتخليش كلماتها تدخل لعقلك..انا مخلص ليكي وغادي نبقى مخلص ليكي حتى نطلعليك فالراس

نهال- واش غادي يكفي اخلاصك ليا وعقلك كايردد اسم مراه اخرى ( طلق من يديها ونضراتو كانت حزينة ) عارفا..عارفا انك كاتشفق عليا هدا لاش طلبتي مني نكون خطيبتك ... ماغاديش نحاول ننتاحر هاد المرا غير رتاح

اسد-صافي انهال...انا ماشي قاسي لهاد الدرجة ...انا خايف حتى من نطقك كلمات الموت

نهال- كاتبغيها ...

اسد- لا لا لا كانترجاك بلما نهضرو عليها

نهال- ماههضرتش على ديك البنت لي كانت معاك فالجبل

اسد-(باستغراب) وشكون

نهال- كانقصد نورسين

اسد-(بتالع ريقو وحنا راسو) لارد

نهال-(بتاسمة بحزن ) كاتشفق عليا... كاينا ولا لا

اسد- انا مكانبغيش نتاليا صدقيني..

نهال-( بنبرة هادئة) ماخصكش تتجاهل مشاعرك

اسد-(بنبرة معاتبة) مافكرتيش علاش لحقت عليك وتبعتك... لانني رافض مشاعري تجاهها ...علاش نتي غبية لدرجة ملاحضتيش هادشي

نهال-( ضحكة بسخرية) شحال كنت غبية.. كان يحسابلي انني اقرب الناس ليك .. وماشفتش المسافة لي بيناتنا ...مالاحضتهاش...سمحلي ...وماعارفاش علاش كانعتادر ...لاكني كانعتادر على كل ماتسببت ليك فيه ...كانتمنا ربي يسامحني على اي حاجة درتها معاك والله ونادمة على كل كلمة عتاب قلتهالك ...كان يحسابلي اننا قرابين لبعضياتنا وماشفتش المسافة لي فارقانا هدا لاش كانعتادر

(شاف فيها ومامصدقش ...صافي خدات قرارها وقالت وهي كاتتهرب من النضر ليه)

نهال-غادي نسولك سؤال واحد وجاوبني بصراحة

اسد- نهال صافي باراكا

نهال- (بتاسمة بتصنع) واش كاتبغيني...واش فكرتي شي نهار تولي تبغيني

اسد-(تردد) نهاال

نهال(صرخت ودموع فعينيها) جاوب على سؤالي وماتتهربش

اسد- (تنهد بضيق ) حاولت صدقيني ... حاولت بكل طاقتي لاكني ماقدرتش

نهال-(تالمت من داخلها لاكن خفاتها بابتسامة كادبة) شكرا على صراحتك معايا ...كنتي تقدر تكدب وكنت غادي نصدقك وهادا اكتر سبب خلاني نوقع فحبك اكتر من الف مره (ناضت وعينيه مراقبينها)

اسد- فين غاديا

نهال-(مسحت دموعها وتضاهرت بالقوة) باش نعاون ختك

اسد-(بصوت حدر ) ومن بعد شنو غادي ديري؟؟

نهال-(سكتت ويديها على مقبض الباب وقالت بحزم وبلاماتشوف فيه اولا ضور عندو) غادي نرجع لامريكة... مابقى حتى شي سبب لوجودي هنا ...

اسد-(بترجي) لا ماتمشيش انهال..

شعرت بنبرة شعورو بالدنب ...جاتها غصة عميقة ..واقع انها دمرات اسد فقط لمصلحتها ..واقع ان اسد تشبت بيها فقط خوفا عليها لاتحاول الانتحار من جديد ... صافي دمراتو بما يكفي وجاء وقت اطلاق صراحو ليتنفس الصعداء ...وباش يحب بجد...ماباغياش تكون عائق بينو وبين سعادتو ...عيات من تمتيل دور السعيدة لان اسد ماعمرو كان سعيد ..هوما كانو اصدقاء الطفولة ...لطالمة عاملها بحال ختو صغيرة لطالمى عتنى بيها ..لطالما كانو افضل الاصدقاء ...لاكنها دمرت صداقتهم بوقوعها فحبو بعدما حاولت تنتاحر بسبب حبيبها السابق لي تخلى عليها ...فقط لانه كان خايف عليها تقبل مشاعرها ...وجاء وقت اطلاق سراحو ...

نهال-(بنبرة بكاء) مابغيتكش تشعر بالدنب ...انا غادي نطلق صراحك لانني كانبغيك لدرجة ماتصورهاش..

فاش جات تخرج عنقها من الخلف بشدة ..تفاجئة من فعلتو لانه اول مرة غايدير معاها شي حاجة عاطفية من دون عتابها ...همس بنبرة متعبة وكانه عيا..

اسد-ظنيت انكي سعيدة معايا...ماكونتش عارفك كاتعدبي فالسر

ضارت عندو وعنقات وجهو بيديها 

نهال-ماشي بسببك ..نتا الطف كائن فالعالم ااسد ...نتا ماشي قاسي كيف يحسابلك او كيف يحسابهوم...

اسد-(وضع يديه على يدها لي معنقا وجهو وهمس بينما جبهتو قاصت جبهتها) غادي تبقاي مختالفة عليهم كاملين 

نهال-(شدات نيفو بصباعها وقالت وهي كاتشوف فوجهو الحزين) بالطبع رغما عن انفك...

لاكنو ماتئترش بروحها المرحة الزائفة ...عارفها كاتعاني من داخلها ...همس بصوت مبحوح وكايعاتب نفسو..

اسد-نتي وياسر ومحمد ...حاولت قدر المستطاع باش مانئديكمش ...لاكني فشلت انهال ..انا كانكره نفسي لهدا انا ...قاسي...

نهال-(كبحت دموعها وماخلاتهومش يخرجو) ولا حنا عارفين انك مهتم بينا وهدا هوا المهم...

فتحت الباب وخرجات متاجهة للدروج ..سد اسد الباب وتكى عليها نزولا للارض بتهالك وضهرو حتك بالباب ...سمع دقان فالباب واذا به صوت نورسين ...كانت بسيف باش متمالكة نفسها ...وفيديها كاس ديال الماء وقرص من الدواء

نورسين- دواء ديالك طلبات مني ايلا نعطيهلك حيت هي مشغولة كاتصوب لعشاء

اسد-(بصوت جافي وكانه ماباغيش يهضر معاها) مابغيتش دواء...قوليلها انني مامريضش 

نورسين-(بعتاب) هاد دواء مضاد لفقر الدم ...غادي تندم الى ماشربتيهش..

اسد-(ببرود) سيري بحالك انورسين

لاحضت نبرتو الغريبة ...وشعرت بانه كايعاني ...نزلت صينيه على الارض وهمست بصوت لطيف كيف عادتها...

نورسين- اسد انا كانعتادر منك على داكشي لي وقاع انا غوت عليك حيت مابغيتكش ضارب بسبابي مابغيتكش تادي نفسك...

اسد-نورسين...

نورسين-(نتاضرت بشغف شنو غادي يقول) اسد...انا كانسمعليك...

اسد-انا اديتك بزاف...كانعتادر منك...

نورسين-لا لا ماتعتادرش مادرتي والو انا لي..

اسد-(قاطعها) هاد المرة كانعتادر بصدق ...مابغيتكش تكوني بحال نهال ... خاوية ومرهفة ...مابغيتكش تلوميني فاش نكسرك...

نورسين- مافهمتش شنو كاتعني ...اشنو كاين ااسد

اسد-انا اكبر سافل عرفاتو البشرية 

نورسين-واش نهال بيخير

اسد-نهال غادي تمشي...غادي تمشي وتبعد ...اديتها بزاف انورسين

نورسين-فتح الباب ااسد...

سكت وماجاوبهاش وبغات تحل الباب لاكن الباب ضربت فضهرو 

نورسين-(شهقت) واش تاديتي

اسد- ماشي جسديا...

نورسين-(فهمت قصدو وبغات تعتادر منو مرا اخرى) اسد انا....

اسد-(صد اعتدارها) سيري كانترجاك...

نورسين-(سكتت كاتفكر)...كرهو ليها افضل...غادي يسهل عليا نقتل مشاعري...(قالت وهي كاتتراجع) صافي لي بغيتي...

اسد-(وقفها بصوتو لمبحوح والمكسور) نورسين...

نورسين-(رجعت بسرعة وقفت امام الباب) نعام...

اسد-(تنهد وقال بتردد..) والو ..بغيت...بغيت نتاكد واش كنتي كاتبكي ...

نورسين-(بتاسمت بدبول) لا ...انا بيخير

قاطعهم براهيم

ابراهيم-نورسين ...نهال دارت سكر فلماكلة فبلاصة لملحة 

نورسين-اشنووووو ... مشات فيها زغبية...

ابراهيم- راها طلباتني نعيطليك ...ايلا تعدبات باش وجداتو غادي تقتلها

ضارت شافت فالباب لسبب مجهول وحست بلي كايمر منو .. ونزلت مع دروج للمطبخ 

نورسين-نهال شنو واقع...

نهال-(قالت نهال وهي شادا فيدها المغرف اواقفا قدام طانجرا لي كانت على لبوطة) كيفاش كاتفرقي بين لملح وسكر..

نورسين-(جاوبت بلاماتفكر) الملح لونو بيض

نهال-(بسخرية) والسكر خضر مثلا

نورسين-(بسخرية ايضا) يمكن ...علاش طلبتي مساعدتي ...انا لقبي مغناطيس المشاكل...الى دخلت للمطبخ

نهال-نتي لوحيدة لي تقدري تعاونيني ..براهيم مكايعرفش حتى يشعل لبوطة 

نورسين-(حكت فراسها ) اصلا هداك غير متقل على الكرة الارضية...انا اخر مرا دخلت لهاد المطبخ جرات عليا طباخة شيبانية حيت حرقت لبيض لي كنت كانطيب

ضحك براهيم على نورسين وسط نضراتها لي ماكرهاتش تشنقو وقالت نهال

نهال- ايوا وشنو غادي نديرو دابا

نورسين-(قالت بحماس بعدما ركلات مؤخرة ابراهيم لي كان كايضحك عليها) عندي فكرة ...نخبعو طنجرة فشي مكان سري ونتاهمو بلي عمر هوا لي كلاها

لفت انتباه براهيم دكر اسم عدو اللدود ودخل فالنقاش بفضول ...حتى قالت نهال بتسائل...

نهال-وعلاش

نورسين(قالت وسط ضحكاتها هي وبراهيم) عمر مولف بضربات ايلا ماغاديش يتئثر...

نهال-(لاحضت ضحكاتهم وبتاسمات ...لاكن قالت بتوتر) مكانضنش انها فكرة زوينة 

نورسين-(وضعت نورسين يديها على خصرها واليد الثانية على كتف ابراهيم) خصنا نضحيو....هدا لاش غادي نضحيو براجلها لمسكين...

ابراهيم-(رفع يديه بحماس) انا موافق...

ضحكت نورسين وهي كاترفع شعرها طويل للجنب وكاتشير بصبعها لبراهيم لي كان كايضحك بشر

نورسين- شفتي براهيم مازال حاقد عليه هههه

نهال-(تنهدت بقلق) صافي متافقا ...واخا بقا فيا مسكين

قالت نورسين وهي واضعة يديها فوق راس ابراهيم لي طويل عليها وكانت واقفا على صبعانها باش وصلتليه وكان كايشوف فيها بسخرية بسبب طولها

نورسين-ماتخافيش فالحقيقة هدا روتين ..مكاين لاش تشعري بالدنب ( غير لاحضت نورسين ضحكات براهيم وهي تعطيه ضربا للراس) اشنو فائدة طولك ودماغك خاوي ...

ضحكات نهال ونسات القلق بالكامل وهي كاتراقب مدى لطافتهم حتى قاطعهم صوت تنحنح ايلا لمعصبة

ضارو عندها كاملين ...وشافو فيها مامصدقينش وغوتو كاملين فدقة وحدا...

لااااا

ايلا-(بسخرية) لا...باغين تاكلو لعشاء بوحدكم وتلسقوها فراجلي ... احبطت خططكم ...نورسين ديالي كاتتأمر ضدي ...يالقساوة الحياة ...

نورسين-(بتالعت ريقها بتوتر وشريت بصبعها لبراهيم) هوا...هوا لي غسل دماغي ..كاينا ولا لا انهال...

نهال-(توترات من مناداتها فجأة وقالت بتوتر وهي كاتهز براسها) اه اه هوا

ابراهيم-(قال وهوا مصدوم من خيانتهم) تعلمت درس واحد ...جوج ماتيقش فيهم لمراه والراجل

(نتيقو فالحيوانات مثلا 😛)

طاحت نورسين على ركابيها وكاضحك وهي شادا فكرشها بينما نهال تزاد ارتباكها وبعدت عليهم ...وقالت ايلا ببرود وهي كاتشوف فنهال...

ايلا-براهيم حسابي معاك هوا لخر ...لاكن ماشي دابا...اما نهال كايبانلي انكي كاتخبعي شي حاجة شنو هي...

نهال-(تلعتمت) فالحقيقة....

نورسين-(همست نورسين وهي كاتنقز مور ايلا وكاتهدد نهال) الى هضرتي غادي ندفن الجثة ديالك مور دار

نهال-(صرخت بدعر موجها كلماتها لايلا) انا ماعارفا ولو...

ايلا-(ضارت عند نورسين لي تسمرات فبلاصتها) اما نتي سيري عيطي لخويا لحمق

نورسين-(باستفهام) شكون فيهم...

ايلا- اسد اسد اسد اسد...

نورسين-(بنفاد صبر) فهمت فهمت...لاكن علاش...

ايلا-باش يشوف شنو دارت خطيبتو فطيابي...

نورسين-(شافت فيها بشك) وشنو دارت

ايلا-دارت سكر فبلاصت الملح

نورسين-(تصدمات) وكيفاش عرفتي...

ايلا-(سكتت وعرفت راسها فضحت راسها) اوه لعفووو...

نورسين-(هزت كتافها بحماس) اوه...صافي عرفنا المجرم تحلات القضية...

ايلا-(بغضب مسطنع) واش كاتحاولي تلعبي ضور شارلوك هولمز الحمقا...

وضعات يديها حول رقبة براهيم وجراتو معاها وخلاتهم بجوج يهضرو ...

نورسين-يالاه نمشيو ابراهيم ...من بعد وننتاقمو من عمر...

خرجو بجوج ونطقات ايلا...

ايلا-درت هادشي بلعاني حيت بغيت نعاقبك 

نهال-(مامصدقاش) ولاكن علاش..

ايلا-(ببرود) فالبداية بدلت اماكن سكر والملح فقط باش نتاهمكي...انا مازال ماتقبلتكي وراكي عارفا...حسيت بالدنب لاكن دابا ماندماناش حيت خليتي خويا حزين ...دخلت لغرفتو عاد دابا وكان كالس فوسط ضلام وعلى الارض ...اكيد اديتي مشاعر خويا ...

نهال-(بصوت دابل) كانضن انني مجبرة نقولك...

ضهر صوت مبحوح من الخلف 

اسد-نهال...نتي مامجبورة تشرحي حتى شي حاجة 

نهال- اسد مال وجهك صفر هاكا ...

دار عند ايلا وقال بنبرة حزينة 

اسد-ايلا نتي كاتعكسي الادوار انا لي اديتها 

ايلا-(فتحت فمها ومامصدقاش) كيفاش

اسد-(تكا على الحيط وكايتضاهر بالبرود) ...كيف كاتسمعي .. لهدا هي باغيا تمشي بحالها

تداركت ايلا نفسها وحست ببشاعة كلماتها وقالت بنبرة لينة تجاه نهال...

ايلا-فقتاش...فقتاش غادي تمشي...

نهال-كونت ناويا نتعشا معاكوم لاخر مرة ...ونويت نمشي غدا ...

اسد-(شاف فيها ومدهوش وقال بنبرة استياء) وبلاما تودعيني

نهال-(بابتسامة كادبة) سمحلي حيت ماقلتهالكش ...اما نتي اايلا ...عافاك ماتقوليش لنورسين وبراهيم والبقية انني غانمشي ... بغيت يكون عشاء لطيف ومكايحتاويش على اي طاقة من الحزن ...

ايلا-(تلعتمت وخانها التعبير) وا..واخا لي بغيتي

___________

خرجت ايلا من المطبخ وخلاتهم بجوج وتوجهات لغرفت الجلوس 

ايلا-نورسين اجي عندي

ابراهيم-خليها معايا ..مازال باغي نضحك معاها

نورسين-(عطاتو ضربة للراس) قول باغي تضحك عليا ....خسئت

ابراهيم - يااااااك والله لابقات فيك ...غادي نضيفك لقائمت اعدائي من بعد عمر ...

نورسين- يااااك انا غادي ...(قاطعت شجارهم ايلا)

ايلا-(بغضب) واش ماغاديش ديرو عقلكم ولا شنو ...براهيم دير عقلك ولا غادي نضوقك ركلاتي كايبانلي توحشتيهم 

براهيم- صافي صافي مابقا حد يضحك معاكوم...هانا هضرو على خاطركم...(خرج وخلاهم على انفراد)

........

ربعت ديها وهي كاتشوف فنورسين وتنهدت شي لي خلا نورسين تتوتر ...

نورسين- ختي ياك لاباس

ايلا- علاش ضارب خويا قبيلة فالحفلة ديالك ...

نورسين-(بتالعت ريقها وهي كاتشوف صرامة لي على وجه ايلا) انا تخنقت فالحفلة وبغيت نخرج نشم شوية ديال الهواء ...وانا كالسا جا عندي واحد الشاب وبدا كايتحرش بيا بطريقة خايبا كان شاد فيا وكايجرني ....

ايلا-(تخلعات) واش بصاااااح اووه لحقير ...عليها خويا ضارب معاه ياك

نورسين- اه انا ماحسيتش بيه حتى لقيتو واقف بيناتنا وبدا كايضارب معاه....

ايلا-(بنبرة فخر) ايوا شنو يحسابو خويا راجل ومايرضاش بحاجة بحال هادي يعطيه موصيبا ..ضيعليك لحفلة احبيبتي...

نورسين- ماشي مشكل الحمد لله غير منين خرجات القضية سالمة ...

ايلا-( مسحت على شعر نورسين) وعلاش قولتيلي انكي اديتي مشاعرو فاش بغيتي سيارة عمر....

نورسين- (رتابكات) هاه اااااام.... انا كونت خايفا على اسد وبلامانحس غوت عليه باش يبعد على هداك الشاب حيت خفت لايقتلو ..ماشفتيهش كيف كان ...عرفتي بحال شي اسد هايج...

ايلا-وهوا مارضاش حيت غوتي عليه ...

نورسين- تماما...

ايلا- اووه خويا وكانعرفو نفسو حارة وماكايرضاش ( تنهدت وشافت فيها ولاحضت انها مازالة بملابس الحفل) اجي ماعيتيش بهداك طالون ..اجي نعطيك شي حاجة تلبسيها باش ترتاحي...

نورسين-لا اختي مكاين لاش انا غادي نمشي بحالي تعطل الوقت 

قاطع كلامهم اسد لي دخل عندهم...

اسد-نتي ماغاتمشي لحتى شي بلاصة ...

ايلا-(بتاسمت فاش شافتو ماخلاش نورسين تمشي) اه اه نتي غادي تباتي معانا....

اسد- اه خليك باتي معانا ... انا غادي نقول لمحمد يتاصل بلمار يقولهالها باش ماتهولش عليك....

نداهشت من كلامو وهوا كايتهرب من النضر ليها وهزت راسها بالموافقة

ايلا-(بحماس) مزيااان يالاه نعطيت حوايج مريحين حسن من هادو...

_________________

وجدو الخادمات العشاء وجلسو الجميع على المائدة سوى اسد لي فضل يدخن سيجارة فالحديقة ومستمتع بالهواء العليل ...شعرت نهال بوخز السكاكين فقلبها لاكنها تجاهلت ....اما بالنسبة لنورسين شعرت بالدنب ...وتدكرت كلمات اسد حول رحيل نهال ...لهدا كانت عارفة الوجه الحزين لي على نهال ...وقالت متعمدة باش تخرج نهال من الكئابة لي هي فيها...

نورسبن- نهال كولي ماكلتك راه مافيهاش سكر...

ضحكت نهال من اعماق قلبها وسط غيظ ايلا لي لاحضت ملامح السخرية على وجه نورسين لي كانت كاتهز حواجبها غير باش تفوج عليها شوية

ايلا- نورسين غادي نحسن ليك حجبانك صافي باراكا 

براهيم لاحض عمر لي كان كاياكل بهدوء وقال بنبرة شريرة

ابراهيم...عمر واش تبغي تاخد طبسيلي...

عمر- فيك لعياقا زعما راني شفتك فاش بزقتي فيه عاد دابا...

ابراهيم-(تنهد بملل ومد كاس ديال الماء ببرائة مصطنعة) واش باغي تشرب...

عمر-كونت حاضيك فاش عصرتي فيه لحامض

ابراهيم-(عقد حواجبو ) مايدير حد الخير فهاد الوقت

عمرا-عفوا...

ابراهيم..والو

محمد-(وهوا كايقلب صحن الازانية بالشوكة ) مجموعة دلحماق...

ضربات الجدة مي عيشة راس محمد بغيض بينما مريم كانت كاتشوف فيهم ومبتاسمة

مي عيشة-راه حنا عائلتك والطيور على اشكالها تقع الحمق... 

محمد-انا مختالف اجدا

نورسين-(طلقت واحد الضحكة وقالت بسخرية ) مختلف....باش كاتحس فاش كتاكل...واش كاتمشي بالمقلوب عكسهم ...

محمد-(ضم وجهو بيديه) اوه...نقاشي معاكم كايحسسني بالغباء ....

قاطع ضحكاتهم دخول اسد للقاعة وكايتمشى ببطئ...وتغلغلة فنفيوفهم ريحة عطرو ممزوج برائحة السجائر ...توجه للمائدة ...وقشعر جسم نورسين فاش لاحضت يديه لي تحطات على كتفها ..تحنى براسو وهمس فودنيها بكلمات سمعوها غير هوما بينما انضار الجميع فيهم ...توسعت عينيها بدهشة لاكن سرعان مارجعت لوضعها الطبيعي وهزات راسها بالموافقة ...كلس حداها متجاهل دراعو لي تلسقات مع دراعها ...وتنهد بملل ...بينما نهال كاتبتاسم ليه وكأنه ماوقع والو...

ايلا-(ببرود استفزازي) شحال من علبة سجائر ستعملتي اليوم...

اسد-(بسخرية) تاخدي شي وحدا ...

ايلا-(بتاسمت بشر ومدت يديها) اهاه ارا...

عمر-(تنهد عمر وتمسك بيديها) مابغيتش تفوح من فم مرتي زوينة ريحة السجائر..

ايلا-واش ماغاديش تعطيني...

اسد-(شاف فعمر لي كان كايرفض بالاشارات) عمر مابغاش...

ايلا-(شافت فعمر وضربات راسو وقالت ببرود) من امتى كان رئي هاد لحمق مهم...عطيني وحدا

عمر- (بعتاب) ياك دابا انا رئي كاع مامهم ايوا الله يرحم لوالدين (ناض من على طبلة بغضب ولحقات عليه ايلا وهي شادا ضحكتها باش ماتخرجش

محمد-(بملل) مجموعة من حمقى

وضعات نورسين لمعلقة ففم محمد لي تفاجئ وقالت بابتسامة شريرة ...

نورسين-علاش مكاتاكلش علاش علاش...وينو على غزيول...يحفضك وينجيك

ضحكات نهال بشكل ملفت ...شافو فيها بنضرات طفولية بينما اسد شاف فيها بشك...

اسد-نهال مالكي...

نهال-(بابتسامة) كانضحك علاش...

اسد-كدابة ...

تفاجئو كاع لي على الطبلة من لهجة اسد الحادة شي لي خلا نهال تستغرب

نهال-هاه...

اسد-(شاف فيها مدة طويلة وقال ) كاتكدبي انهال...

نورسين-(شدات فيد محمد ) محمد براهيم يالاه نمشيو ....

ناض براهيم ولحق عليهم ..وقالت مريم بصوتها المعتاد

مريم- كانضن بلي محتاجين بعض الخصوصية

غير خرجو ناضت نهال حتى هي وادا باسد شدها من يديها

اسد- انا غادي نمشي معاك

نهال( ضارت عندو بدهشة) اسد...اشنو كاتحاول تتبتلي...نتا مكاتبغينيش علاش باغي تتبعني

شاف فنورسين بطرف عينيه لي كانت واقفا فالدروج وكاضحك مع محمد

اسد- انا عايش فوسط الفوضة حاليا ...باغي نتحرر شوية ونفس على غضبي

نهال- يعني اجازة مؤقته؟؟

اسد- بحال هاكاك

نهال- ماشي مشكل ...لاكن واش وافقو عائلتك

اسد-(ربفع حاجب ببرود) واش خصني نعلمهم ولا كيفاش

نهال- لا ماشي هكاك ...لاكن ضاروري تودعهم

تنهد بملل وطلق من معصمها ومتوجه للدروج ...غير شافتو نورسين وعطاتو بالضهر ...وبدلات ملامح المرح لملامح جدية

اسد-(ناداها ببرود ويديه فجيوبو) نورسين ...اجي

نورسين-(تمالكت نفسها ومتاجهة لعندو) اشنو بغيتي

اسد-(شاف فملامحها لي ستفزاتو وقال بلهجة غير مبالية) ديري هداكشي لي قلتليك

نورسين-(شافت فيه بسخرية واستخفاف) انا ماغانديرش هادشي على قبلك لهدا بلاما تامرني بحال شي خدامة عندك

قرب عندها وتضارتب انفاسو الدافئة على خدودها وشد خصلة من شعرها الاسود بتلاعب وعينيه على عينيها

اسد- من امتى وليتي بهاد لوقاحة

نورسين-(بتاسمت بسخرية) انا كانتعلم منك

اسد-(لمس خدها باصبعو باغي يشوف تاثيرو عليها) نتي فتي معلمك ببراعة وباشواط

نورسين-(لاكن هي مابانش عليها حتى شي تاثير وبتاسمة ابتسامة جانبية خلاتو يتسمر فمكانو ومامصدقش ) واش نقدر نمشي

اسد-(بعد يديه على وجهها ببرود) من امتى كاطلبي مني الادن

عطاتو بالضهر وقربات من براهيم وحطات يدها على كتفو على غفلة باش ضحك معاه وكانها مامهتماش ..شي لي خلا اسد يستغرب منها ...كيفاش ماتاثراتش ...طلعليه الدم ودخل لغرفتو وزدح الباب موراه بقوة ...غير لاحضات نورسين انه بعد وتنفست بتثاقل وهي كاتلامس خدودها بنفس المكان لي دار صبعو عليه وهمست باستياء

نورسين- نتا حمق وغادي تحمقني معاك

_________________

وضبت نهال اغراضها استعدادا لصفرها فالغد لموطنها لي خلاقت فيه وتربات فيه ...فكرت انه ماغايستقبلها حد على اي حال ...ماعندهاش عائلة من غير اسد...علاش باغيا ترجع بشغف؟؟قاطع افطارها دقان فباب غرفتها ...ناضت وفتحات الباب وادا بها نورسين كاتبتاسم ببشاشة وهي لابسة ملابس النوم وردية وشعرها مطلوق على ضهرها كيف العادة

نورسين- واش ممكن نبات معاك هاد لليلة

نهال-(بدهشة) كيفاش..عائلتك ماغاديش يتقلقو عليك الى بتي هنا

نورسين- (ضحكت بصوت منخفض باش ماتفيقض لي ناعسين) ماتخافيش راه فخبارهوم ...

نهال- اه سمحيلي...ادم تفضلي..

دخلات نورسين ونقزات على سرير وستلقات براحة ...تسمرت نهال ...وترددت باش تقول

نهال- نورسين سمحيلي بزاف

نورسين-(ناضت وقالت بسخرية) علاش كولشي كايعتادرلي اليوم

نهال-(جرات نهال عند نورسين وعنقاتها وسط دهشة نورسين) كانبغيك انورسن

نورسين-(قالت نورسين بارتباك ممزوج مع السخرية) انا كانميل للرجال فالحقيقة ...سمحيلي حيت حطمت قلبك

نهال- هههههههههههههههههههه (ضحكات نهال على كلام نورسين وتكات حداها على سرير) اي نوع من رجال كاتميلي ليهم

نورسين-(بابتسامة) الرجل البارد من الخارج لاكنو دافئ من الداخل ...الرجل لي يحضنك وكانه خايف انكي تهربي منو...الرجل النبيل ولي مكايبينش مشاعرو الا ليك...الرجل لي يخاف عليك رغما عن كبريائه ..الرجل لي كايتميز بالرجولة ولي كايبغي عائلتو اكتر من اي شئ ...الرجل ...(قاطعتها نهال)

نهال- هوا اسد

نورسين-(فتحت فمها بدهشة) اشنو مستحيل

نهال- مكاين لاش تخبعي كتر... انا عارفا كولشي..

هادشي لي كانت نهال باغيا تقولو لاكنها شدات راسها فاش شافت تسمر نورسين المضحك ...مابغاتش توضعها تحت موقف محرج ...وتكات حدا نورسين وشداتها من يديها وقالت وهي كاتشوف فالسقف

نهال- واش اسد لي سيفطك عندي

نورسين- (بدهشة) كيفاش عرفيتي

نهال-(بتاسمت) ضريف كيف عادتو

نورسين- غادي يقتلني الى قولتيهالو غايحسابو شكامة

نهال- اسد الطف كائن شفتو فحياتي ..مايقدرش يادي نملة

نورسين- (قالت بسخرية وهي كاتخيل وجهو قدامها ) مايقدرش يادي الحشرات ...ولاكن بنادم اه يقدر وبسهولة...

نهال-هههههههه (شدات فكرشها وهي كاضحك ) كاضحكيني انورسين ...خصني نشكر اسد حيت سيفطك ليا ..كنت كانحس بالكأبة ...وهادشي كايعني انكي عارفة انني غانمشي

نورسين-(سكتت معبرة ع حزنها) ..عارفا ...غادي نتوحشك

نهال-(عنقات خدود نورسين بلطف) انا غادي نتوحشك اكتر من اي شخص اخر...نتي هي الشخص الوحيد لي كنتي واقفا بجنبي ...كانتمنى شي نهار نكون بحالك

نورسين-(حمارت بالخجل) لا لا انا ماشي المثال المناسب ليك

نهال-(ضحكت وهي كاتتاملها) نورسين حشمانا يالجمالها

نورسين-(غطات عينين نهال بيديها)اويلي لا لا كاع ماحشمانة

________________________

صبح صبح وفاقت نهال بخمول ...ضارت على براسها ولقات نورسين ناعسة بعمق ..تخنقات الغصة فحلقها وبعدات دراع نورسين عليها ودخلت للحمام ...وجدات راسها وهزات حقيبتها لممتلئة بالفساتين البراقة ونزلات لقات كولشي كايتسناها ...فكرات مع راسها ان اسد هوا لي قالهالهم ...شافت فالحقيبة الكحلة لي كانت فيد اسد ..ادن قالهم على امر سفرو ...شعرات بالاستياء لان نورسين ناعسة ...ماقدراتش تودعها ..ماشي مشكل... على الاقل سهرات معاها فالليل...ودعات ايلا والجميع وقالها اسد تركب فالسياره وغادي يلحقها ..هزات راسها بالموافقة وعطى لبراهيم يهز الحقيبة ديالها وقالهم بلي نسا ماجابش تلفونو من غرفة نهال ....طلع مع دروج بتكاسل وفتح الباب وتفاجئ بنورسين قريبا طيح فالارض ...تنهد بملل ودار تلفونو فجيبو وخرج ...لاكنو رجع وكايشتم راسو ..قرب منها وكلس على حافة سرير وكايشوف فيها ..تحررات يديه من وجهو وهبطات على راس نورسين وبأطراف اصابعو بعد شعرها من على وجهها وهوا كايراقب طريقة نومها ...رفع يديها وطبع قبلة على باطن يدها ...لاكن سرعان ماسحبها لعندو وضمها بين يديه لقوية يد محاوطة ضهرها والاخرى تدفن راس نورسين لي ناعسة على صدرو ماحستش بيه لانها مانعسات حتى صبح الصبح وهوا ضامها عندو قال بهمس

اسد- انا مازال غضبان عليك حيت عاملتيني بقسوة ...لاكن كيفاش غادي نقدر نبقى غضبان منك فاش كانشوف هاد الوجه البرئ (دفن راسو على كتفها وهمس بسخرية دافئة) الى فقتي ونتي بين دراعي غادي نضطر نقتلك ( بعدها عليه شوية ويديه محاوطة ضهرها ولالخرة ساندة راسها ووضعها على سرير ببطئ باش مايفيقهاش ..غطاها وقرب منها وقبل خدها المتورد بنبل وهمس ليها) بسلاما انورسين (تلاعب بخصلات شعرها الاسود ...ومسح على خدودها باصابعو وقال بنبرو يعتليها الصدق والدفئ) كوني بيخير حتى نرجع المشاغبة ...باش ندابزو كيف عادتنا ...ماتتصرفيش ببرود معايا ...غادي تعصبيني كتر ... انا محتاج ترتاح شوية ونريح بالي وغادي نرجعليك وجدي راسك للمقاتلة ...

ناض وعطاها بالضهر وتمشى بتثاقل ..مالاحضش وجود ايلا لي تخبات غير شافتو خارج من الغرفة وكانت واضعا يدها على فمها مصدومة وهي متكية على الحيط ..لاكن سرعان ماسيطرت ابتسامة اريحية على وجهها ...

فاقت نورسين بتثاقل وهي كاتفرك عينيها خدات دقيقة باش توكدات ولتافتات على يسارها ومالقاتش نهال عرفات انها مشات وزفرة بضيق حيت ماقدراتش تودعها دخلات للحمام غسلات وجهها وهبطات مع دروج وهي مازالة لابسة بيجامة ديال نعاس ولقات براهيم فطريقها 

ابراهيم-(تحنى ليها) جلالة الملكة فقتي..

نورسين-(دازت من حداه وهي كاتفوه ) ماراشقاليش باش نضربك ابراهيم...

ابراهيم-(وقفها وفيديه مفاتيح سيارة اسد) يالاه نوصلك لدارك...

هزت راسها بالموافقة وخرجت معاه متوجهين لسيارة اسد لكحلة..تسمرة فبلاصتها وضارت عند براهيم...

نورسين-غادي توصلني بسيارة اسد...

قال وهوا كايفتح باب السيارة وهوا منحاني بلباقة وكانه مفتاخر بديك السيارة الفاخرة 

ابراهيم- اسد لي سلفهالي علما يرجع من امريكا..

نورسين- هاكاك مزيان...

ركبت فالسيارة وضرب فيها هواء المكيف ورائحة العطر الرجالي دغدغت انفها هدا زيادتا على رائحة السجائر لعالقة فالسيارة ..تكات براسها على زجاج النافدة وسولات براهيم بتردد

نورسين-علاش مشا اسد لامريكة 

ابراهيم-ماعرفتش والله...لاكن بسيف باش قنع ايلا...

نورسين-(ندمات حيت سولاتو لاكن كملات هضرتها) وفقتاش غادي يرجع...

ابراهيم-(ضار عندها وغمزها بتلاعب) ومن امتا كنتي همتما بيه...

نورسين-(شافت فطريق بملل) غادي نحس بالملل بلا بيه هوا الوحيد لي كانتسلى بدباز معاه..

ابراهيم-(بتاسم) ماغاديش يطول سيمانة ويرجع...

نورسين-(بقلق طفولي) امريكا مخيفة ..واش غادي يكون بيخير..

ابراهيم-(طلق ضحكا بالجهد وقال بسخرية) واش كاضحكي اسد قضى نصف طفولتو كانت مع لواليد فامريكا...

نورسين-(تسائلة) باباك...

ابراهيم-(ختفات الابتسامة) اه لواليد سميتو سماعيل...مشغول شي شوية ...لا حياتو كولها خدمة هوا اسوء من اسد 

نورسين-(حسات بيه) صعيبة ..ديما مشغول...

ابراهيم-(تنهد بضيق) مابقاتش صعيبة..ولفتو ديما غابر... بالاخص ماما حتى هي ولفات ومابقاتش كاتشكى منو .. بجوج بينا تقبلنا واقع ان لواليد ديما مشغول وعندو لخدمة اهم من منا...بعد لمرات كانحس بالغيرة من اسد حيت كان قريب بزاف من بابا كتر مني...انا عارف ماخسنيش نحس بهاد الشعور لان اسد خسر باباه فلحضة ولاكن حتى انا كانحس بانني خسرت لواليد ..كانحس انني خسرتو للابد ..مابقيتش شفتو هادي 8 سنين ..وكايعيط لينا مرا ف 3 سنين ...لهاد الدرجة مشغول ... بزاف ديال ناس كايحسابهم ان ماما ارملة وديما كاتوضح للناس ان راجلها خدام هدا لاش حتى حد ماكايشوفو

نورسين-(حست بالدنب حيت جبدات معاه هاد الموضوع) انا كانعتادر...

ابراهيم-(ضحك بعفوية كيف عادتو وعينيه على طريق ) ماتعتادريش ...بلعكس عادي..فالحقيقة كانحس بالراحة حيت خويت عليك قلبي...

داز واحد الصمت كئب فارجاء السيارة حتى نطقات نورسين فجئة...

نورسين- على الاقل معاك ماماك وبابا مازال عايش وكايتاصل بيك وكاتسمع صوتو واخا من مدة لمدة ...انا فقدتهم للابد ابراهيم ياريت لوكانت بقاتلي غير ماما نحط راسي عليها واخا عارفاها انانية من عندي ...هدا قداء الله وقدره ..لاكن توحشتهم بزاف ابراهيم ..كانقول صافي كبرت اوليت قد المسؤلية لاكن فداخلي مازال محتاجة لصوت بابا يغوت عليا الى خطئت وصوت ماما دافع عليا وتنكر عليا وضربني كاع اهم حاجة نسمع صوتهم معايا...ستاغل كل لحضة مع ماماك ابراهيم مكاتحس بقيمة الشئ حتى كاتفقدهو ...

تنحنح ماقادرش يعبر ...مشاعرو متضاربة نبرة نورسين وهي كاتهضر بحالي باغيا تبكي خلاتو زير على المقود خوفا من دموع نورسين حيت هوا فاشل فالمواساة

ابراهيم- نورسين...

نورسين-(بتاسمات وضربات راسو بمرح) ماعارفاش فاش كاتفكر لاكني قوية وماغانكاسرش بسهولة...لا ماتخافش عليا...

كمل القيادة وساد الصمت الكئيب من جديد ..مابين شعور بالدنب ..وشعور بالاستياء..

وصلها امام باب فيلتها ودعاتو وشكراتو على توصيلة وخرجات من سيارة بقات واقفة حتى ختفى بسيارتو تنهدت بتعب وبغات تدخل لاكن سمعات صوت كلاكسون ديال سيارة وضارة تشوف شكون ..كانت سيارة كحلة قديمة الطراز ...تنهدت بضيق وتوجهات عند السيارة فتحت الباب وركبت ..وبسرعة تحركات سيارة وختفات من حدا فيلتها...

نورسين- ماقادراش نصدق انني خرجت من سيارة فاخرة باش نركب فهاد الخرشاشة ... واش ماعوالش تبدلها عليك خلاص ...

عابد- ماتهضريش على سيارتي بهاد الطريقة راه مكانرضاش هادي 12 لعام وهي صابرة معايا وماعرها تشكات ولا حرقها راسها...

نورسين-(بسخرية) ايوا انا قلت زعما شوية ديال تغير .. جيب عليها ضرة ...شي مرسدس كحلة ولا شي هامر كبيرة

عابد- (شاف فيها وعلى حاجب واحد) منين نكون خدام فنرويج نشريها راحنا غير فالمغريب والى قداتك الخلصة لراس شهر ماتقولها لحد ... ا

نورسين-(ضحكات على كلامو) ههههههههه 

عابد-(شاف فيها ورجع شاف فالطريق باستياء) بسيف ضحكي دابا نتي وليتي من ناس الاغنياء 

نورسين- ( شافت فالطريق باستياء ورددت كلمة) غنية ...غنية...غنية...غنية

عابد-(عقد حواجبو وهوا كايشوف فيها) مالكي سرطتي اسطوانة ولا كيفاش ..

نورسين- كانفكر فهاد الكلمة غنية وماعنديش سيارة بحالي بحال ناس ...(بسخرية) هاد بنت عمي بخيلة بلا قياس ...انا مابغيتش نطلبهالها وهي حرام واش فهمات راسها...اجي بعدا فين غادين 

عابد-(قلب وجهو)للمقر ماتوحشتيش لخدمة...

نورسين- بااااينا لقضية حامضا اشاف... (حطت رايها على جاج النافدة وساد الصمت حتى وصلت السيارة امام المقر ..وخرجو من سيارة ودقو وبويكا هوا لي حل الباب)

بويكا- (بتاسم) نورسين مرحبا بيك طولتي علينا لغيبة 

نورسين- توحشتكم بزااااااااااف وبالاخص ستيفانيا

ستيفانيا- سمعت سميتي (بتاسمات غير شافتها ومشات عندها وعنقاتها) توحشتك بزاااف

نورسين-وحتى انا توحشتك...

عابد-اجلو هادشي لمن بعد واجيو محتاجكوم لداخل...

دخل عابد ونورسين وتبعوهم البقية لواحد الغرفة مضلمة ضغط عابد على مكبس الضوء وتشعل وتشعلو معاه الاجهزة الحواسيب والتلفازات اوتوماتيكيا وبانت صورة وجه ديال شخص مرسوم

عابد- ...

تاريخ الميلاد:غير معروف

الاسم الحقيقي:غير معروف

اسم الشهرة:سلاوي

سلاوي .. هو الاسم الأشهر الذي أطلق على السفاح مجهول الهوية ينشط في المناطق الراقية جداً شملت الجرائم المنسوبة إلى سلاوي السفاح مومسات كنَّ يعشن ويعملن في الأحياء الراقية وقد قُطِّعت حناجرهن قبل القيام بتشويه بطونهن قام بازالة الأعضاء الداخلية من ثلاث ضحايا على الأقل وهدا يدل على أن القاتل كان يمتلك معرفة تشريحية أو جراحية

بويكا-واش بغيتي تقول انه دكتور ...

عابد- ماعرفناش بالضبط لانه مجهول الهوية ممكن اه وممكن لا هوا ملقب بالسلاوي واسمو الحقيقي ماعرفناهش بالضبط ....هاد الصورة لي كاتشوف على الشاشة رسم لوجه السفاح لي وصفاتو احدى الناجيات لي تاصلات بالشرطة فور استرجاع وعيها كانت مطعونة فبطنها ورجليها السفاح يحسابو ماتت وسلمت روحها لربها لاكن هي ماماتتش ...تم نقلها للمستشفى بحيت عملولها عملية معقدة ...وبعدما فاقت اعطات افادتها للشرطة اوصفتلهم وجهو وهوا لي كاتشوفوه قدامكوم لاكن مع الاسف السيدة ماتت فالغد من العملية بسبب النزيف الداخلي ... مامعروفش عدد الضحايا لي قام بقتلهم هاد السفاح بسبب العدد لكبير من لجرائم لي تعرضات ليهم النساء فااطريق 

...وسجلات شرطة العاصمة 11 لجريمة قتل منفصلة 

نورسين-مجرم خطييير هدا ...

عابد-ماشي غير خطير(وضع صورة بنت على الشاشة)ثرية الحناوي اخر ضحية عُثر على جثتها مشوهة تشويه شنيع وملقاة على السرير في الغرفة التي كانت تعيش فيها وهادشي في الساعة 10:45 صباحاً في يوم الجمعة وكان حلقها قد قُطع وصولاً إلى العمود الفقري وفُرغ بطنها من أعضائه كلها تقريباً، كما أن قلبها كان مفقوداً

ستيفانيا- ياربي سلامة هدا ماشي بنادم 

ركان-لي غايدير هادشي مستحيل يكون طبيعي 

نورسين-وهاد القاتل المتسلسل فين نقدرو نلقاوه ...يعني خصنا عليه معلومات كتر باش نقدرو نشدو

عابد- ماشي غير اجي وشدو هدا راه مجرم خطير وكايقصد البنات والنساء الحسناوات فقط لهدا بعد تفكير طويل انا غادي نستبعد نورسين وستيفانيا ..خوفا عليهم 

ستيفانيا- بلعكس اشاف انا قادرا غير عطيني فرصة

بويكا-(بغضب) قادا على نبك كلسي وتكمشي فالقنت

ستيفانيا-شفتي شفتي اختي نورسين ديما كايغوت عليا

نورسين-(بغات تهدئها) راه غير خايف عليك استيفانيا ماتزيديش فيه...

عابد- ستيفانيا تهدني ماتخافيش حتى نتوما عندكم مهمة غير ماتزربيش على راسك....(ضار عند رجال) ركان وبويكا نتوما غادي تكلفو بهاد المهمة ....

وقفو وعملو تحية عسكرية

بويكا//ركان--اوكي شاااف...

عابد-تقدرو تمشيو (شاف فلبنات بابتسامة بعدما خرجو بويكا وركان) نورسين وستيفانيا فتياتي الجميلات وجدو راسكوم حتى نتوما ... 

نورسين//ستيفانيا- اوكي شااااف...

عابد-(بنضرت افتخار) ستيفانيا كاتشبتي بالشكوك حتى لاخر لحضة وكادرسي الاحتمالات بشكل جيد وهدا امر رائع توقعت انني عارف عليك كولشي لاكن حاليا انا متفاجئ...

ستيفانيا(بتالعا ريقها بتوتر) مافهمتش اشاف شنو كاتقصد ...

عابد- غادي نسامحك هاد المرة على دوك المشتبهين فيهم لي حققتي معاهم فقضيت دار الغابة ....يعني غادي نتغابا وندير راسي ماشفت ماسمعت...

ستيفاننيا-(حنات راسها بحزن) سمحلي اشاف انا عارفا انني خيبت ضنك لاكن كون ماعرفتش الحقيقة ماعمري ماكنت غانرتاح

عابد- (تنهد بضيق) كيف قلتليك غاندير راسي ماشفت ماسمعت وهادي اخر مرة تتصرفي من راسك وراكي عارفا العقوبات ديال هادشي ...

ستيفانيا-(كاتشوف غير فالارض وماقادراش تشوف فيه) سمحلي اشاف...

عابد-(شاف فنورسين...) نورسين ماعرفتش واش نفتاخر بيك ولا نتقلق منك...

نورسين-(بتالعة ريقها بتوتر) هاه ااا عععلاش اشاف..

عابد-(سكت لواحد المدة بسيطة ورجع نطق بلهجة جامدة ونضرات غامضة) مازال مادخلتليش فدماغي فكرة ان اسد برئ....

نورسين-هاه اام وشنو لمعمول اشاف انا قلتليك لي عندي حضيتو وكنت بحال ضلو شهر وانا كالسا معاه فنفس الدار تصرفاتو وحركاتو كولهم كانو طبيعين ..ماغفلش على عيني لدرجة سافرت معاه لبريطانيا وتبعت كل خطواتو لاكن بدون جدوى كاع لقئاتو ومكلاماتو كايضورو على خدمتو فقط 

عابد- امممم وكيفاش حتى شكيتي فيه داك نهار ..

نورسين-(شافت فستيفانيا بتوتر ورجعت شافت فيه) انا غادي نعاودليك كولشي بالتفصيل ...فداك نهار انا كونت كانتصنت على مكاامتو وانا نسمعو كايهضر مع شي شخص وكايقولو لقينا الهدف واليوم غادي نفدو العملية ...ودخلني الشك

عابد-وقلتي انه عندو عملية قتل

نورسين-تماما فاش تبعتو لقيتو داخل لشركتو وراك شفتي فداك الوقت لمتأخر مكاتكونش لخدمة هدا لاش شكيت فيه تبعتو ودخلت للشركة بتخبية بلامايشوفني حتى وتفاجئة فاش شفتو فمكتبو هوا وجوج رجال اعمال وكانو كالسين حول واحد الطاولة وكايسنيو على بعض العقود والملفات ومين سالاو تسالمو عادي ....

عابد-وفاش خرجتي بالصدفة تلاقيتي مع هداك المجرم وهوا خاطف رهينة

نورسين-هاه ...اااه تماما...

عابد- (تكا ودار رجل على رجل) باش تقتل باش تموت املاك الموت ....

نورسين-(بتالعة ريقها) ممافهمتش

عابد-واش كاتمتلي عليا انورسين الدروس لي خديتي فالكدب فادوك بززاف

نورسين-(تصدمات لاكن تضاهرات بالثقة) الى ماصدقتينيش تقدر ديرلي جهاز كشف الكدب

عابد-ام ام .... ماعنديش الوقت لهاد تخربيق وشي لي مخليني نصدقك هي الرهينة قالت فئفادتها انكي نتي لي نقدتيها وكنتي غير بوحدك 

نورسين-(تنفست الصعداء وقالت فنفسها) الحمد لله 

عابد-(وقف فجئة ) مزيان هادي 10:00 صباحا غادي تلحقو عليا نتي وستيفانيا لاوطيل لي غانعطيكم العنوان ديالو و مع 12:00..وغادي نقوليكم على المهمة ديالكوم تقدرو تمشيو دابا..

وقفو لبنات بجوج ودارو تحية عسكرية

نورسين//ستيفانيا-- اوكي شاف....

_____________

في امريكا

جاه اتصال من رئساء المنضمة ...وكان صوت مشوش

""الهدف الجديد .. فالمغرب...""

جاوب اسد بتملل واضع ساق على ساق ومتكي على سور الشرفة ومعنق حبيبتو الوحيدة سيجارتو لي كانت طالقا دخانها فالارجاء الباردة وسط الاضواء المزهرجة واضواء المباني تطفي سحرا براقا يبعت الحنين بينما قميصو مفتوح ازرارو وبارز صدرو...

اسد- كيفاش انا مكاينش تما. ..

جاوبو نفس الصوت الفخم

'' سميتو سلاوي مجرم كايختاطف لبنات الحسناوات وكايقتلهم بابشع الطرق...ماتتجاهلش المهمة...غادي يموتو بزاف بسبب عدم اكتراثك...هدا مجرم من الدرجة B

رمى سيجارتو فالهواء وقال بصوت جاد ومثير بينما كايمرر يديه على شعرو...

اسد- انا رهن اشارتك...

الصوت- غادي تجي غدا...

ضهرت ملامح حزن عميق فقلبو وجاوبو

اسد- اوكي...

الصوت- كون حريص باش مايلاحضش وجودك ..غادي يحاول ياخد رهينة وياك تسمح ليه

بتالع ريقو وغمض عينيه وجاوب بدون اكترات

اسد-اعتبره من عداد الاموات...(غمض عينيه ) انا جاي..

اصوت- غادي نسيفطليم لي يجيبك من المطار ...اه وكانعتادر على ازعاجك وسط اجازتك

دخل من الشرفة للداخل بخطواته المثيرة بينما اكتافو يتمايلان مضهران مدى فحش رجولته القاتلة ...مالقيتش كيفاش نوصفو بالدارجة كانموت على الفصحى😞لمهم قالو...

اسد- مكاين لاش انا ماكلستش حتى نهار ...كيفاش غادي نكلس ونخلي مشاكلي خلفي..

رمى جسدو على الاريكة بارهاق وغلق الهاتف وحطو على صدرو وكايشوف فالسقف ...غمض عينيه بتثاقل شيئا فشئا حتى نعس وسط شقة باردة ومضلمة ...مكاين نكير ايلا ولا ضحكات براهيم ولا غضب عمر ...لا وجود لجداتو لي ديما كاتعاتبو ولا خالتو الهادئة ولا محمد وتعليقاتو الوقحة ...ولا وجود لجنون نورسين ....

________________

في الساعة 12:40 ظهرا بتوقيت المغرب....

نزلو من سيارة الطاكسي نورسين وستيفانيا امام باب الفندق كان باستقبالهم عابد ...

عابد- (غير شافهوم وهوا يتعصب)تعطلتو البنات 

نورسين-علاش جينا فالوقت

عابد-(تنهد بتعب) انا درت معاكوم 12:00 ..ونتوما جايني مع 12:40 

ستيفانيا-(بسخرية ) عابودي 40 دقيقا ماشي شي حاجة راك عارف حنا لبنات كانبغيو نقادو لحالة 

عابد-(توسعو عينيه بدهشة صدماتو بسمية) عابودي واش كاتفلاي عليا واش انا عبودك

نورسين-(شادا ضحكة بسيف باش ماتخرجش ) اسم الدلع الشاف ماتقلقش....

عابد-(غمض عينيه بنفاد صبر) الله يصبرني يارب بويكا وركان اهون منكوم...جنس يالطيف ..(بصراخ) يالاه تبعوني...

دخلو لهداك لاطيل الفخم وطلب منهم عابد يكلسو ويتسناوه على مايجي توجهو ستيفانيا ونورسين للصالة لكبيرة وكلسو على احدة الكاولاة نورسين كانت كالسا بوقار وقت الخدمة وخصها تنسى شوية لحماق وتخدم الجد ...ستيفانيا كانت كالسا ومتضايقة وكاتشوف على يمينها ويسارها بتوتر 

نورسين- (بصوت خافت) ستيفانيا مالكي 

ستيفانيا- شوفي هاديك لمرا لي كالسا تماك لابسة عقد لؤلئي مرصع باحجار الالماس الكريمة وهازا بيديها مراية دهبية وهداك الراجل لي كايشرب من كاس فضي 

نورسين-شفتهوم مالهوم

ستيفانيا- فخبارك هداك الكاس بشحال ثمنو

نورسين-(نداهشات من سال وضحكة بسخرية ) ههههه من قبيلة ونتي توصفيلي في المراه باش توصلي للكاس لي هاز الراجل

ستيفانيا- كاضحكي واش عارفا هداك الكاس بشحال كايدير كونت قريت عليه قمته ما يفوق جوج مليون ...

نورسين-(توسعو عينيها بدهشة) وباش عرفتي نتي هادشي 

ستيفانيا- هداك واحد الامير خليجي وهوا ومرتو انا كانحتاقر بحال هاد الناس كاينين لي عايشين فخرابة وهوما كايتزينو وياكلو في اشياء ثمنها يمكن يضمن حياة كريمة لالاف العائلات ...بزاف على هاد البدخ فاق الحدود وكسر كل القوانين ناس كاتموت بالجوع وناس عايشا فترف وسخاء اشنو دنب الطفل لي تولد فقير واش ماشي بحالو بحالي لي تولد غني او ان المبادئ والاخلاق ماتت وكل مكايهم هوا لفلوس 

نورسين-(بتاسمت باستياء) فعلا عندك الحق وانا عشت وجربت الفقر واليتم الله يهدي ماخلق والله يعمر قلبنا بالايمان 

قاطعهم عابد فاش جاء موراهوم وامرهم باش يتبعوه وركبو فالمصعد 

نورسين- فين غادي بيا علاش هابطين للطابق السفلي 

عابد-( قال بنبرة تحدي رائعة) للمهمة يا فتيات

نورسين-شاف ماغاديش نخيبو ضنك

عابد- تبارك الله عليكم ...

دخلو لغرفة دات انارة خافتة مملوئة بالحواسيب متراصة كانو عشرة جنب بغض اواحد منفرد بوحدو

عابد- تفضلو كلسو...فهاد الفندق كايش شخص كليهدد رجل بالقتل خصكوم تشدوه قبل ماينفد تهدداتو ..يسمح لكم القبام باي شئ في سبيل دالك ...(توجه بانضارو لنورسين) لاكن خاصكي تشديه وهوا عايش ...هاد الغرفة متصلة بكل كامرات الفندق وغادي تحتاجي لهاد الحقيبة نورسين برهنيلي انني على صواب وتعبي معاك مامشاش على الخاوي 

ستيفانيا- كاتهضر معاها غير هي وانا اشاف شنو هي مهمتي

عابد- نتي مهمتك تراقبي الكمرات ...ونورسين هي لي غادي تقوم بالمهمة ونتي غادي تعاونيها وغادي توجههيها يعني غادي تكوني العينين ديالها 

ستيفانيا- اوكي شااف

عابد-(ضار عند مورسين ) هادي صورة الرجل لي تم تهديدو (الضحية)وهادي الحقيبة غادي تحتاجيها ...تهلاو فراسكوم وكانتمنى ليكم حض موفق 

فتحات نورسين الحقيبة بعدما نصارف عابد وكانت كاتحتاوي على ري العاملين بالفندق بطاقة تعريفية على ان نورسين من العاملات لي فالفندق بالاضافة لمسدس ودخيرة وجهاز ارسال صغير ...بينما نورسين كاتقلب فالحقيبة ستيفانيا شعلت الحاسوب لي كان منفرد وتشعلو معاه الحواسيب العشرة كاملين 

ستيفانيا- نورسين كانضن اننا مراقبين 

نورسين- -هاه...شكون لي غادي يراقبنا

ستيفانيا- عابد وشكون من غيرو كانضن باغي يشوفك كاتخدمي تحت انضارو (قربت من ودنيها باش مايسمعها حد ) عابد مكايتيقش فيك انورسين واسد مازال مراقب من طرف عميل اخر مجهول الهوية

نورسين-(حلت فمها بصدمة) مايمكنش 

ستيفانيا- انا غير علمتك باش تكوني فالصورة ... حاولي تكسبي ثقتو فهاد المهمة (هزت راسها نورسين بالموافقة كلمات ستيفانيا صدموها بزاف بزاف مكانتش متوقعاها يحسابها قطعت الواد ونشفو رجليها لاكن راها غاااالطا)