العميلة رقم 7 الجزء العاشر

فاقت نورسين فجئة مع لفجر وكلست على سريرها كاتصنة على الصمت ولقات راسها غير كاتحلم هوا فاش خرج ماتبعاتوش خلاتو على خاطرو

دخلت للحمام دوشات وخرجات ونعسات يعني القبلة والاعتراف مجرد حلم ...حلم جميييل... تمنات لو انه عتارف ليها بحبو لاكن فنضرها مستحيل

ومن بعد ناضت وتمشات لعند النافدة وفتحتها وكاطل على الفناء الهادئ الملئ باشجار الصنوبر

مازالة دكرى الليلة الفايتة حية فكل جزء منها..حيت شافت ناحية من اسد ماسبقلهاش شافتها من قبل

كانت عارفا انه ملئ بالتناقضات بامكانو يكون تارة ساحر مغري...وتاره اناني حدر ..لاكن ماكانتش عارفا انه ممكن يصبح خطير

فديك اللحضات لقليلة لي دوزاتها بين دراعو كان الجو بينهم مشحون ..لاكن شعرات بانها عايشا وحست باحساس عمرها جرباتو من قبل

حاولت تستعين بالمنطق باش تحلل داكشي لي وقاع فشافت انه من الرغم الاضطراب لي لاحضاتو على اسد كان كايحاول يتبت ليها شي نقطة

كايحسابو انها خدعاتو وهوا ماقادرش يستحمل وصلح الامر امام الضيوف لاكن كرامتو خلاتو يستعرض سيطرتو عليها فاش كانو غير بوحدهم ..بغا يوضح ليها انها ليه سواء بغات ولا كرهات ونجح ..هي دابا عارفا مزيان ان اقل لمسة منو يمكنلها دوبها

لاكن هوا تفكيرو مختالف ..الشر لي فعينيه اخافها.. هوا مايسمحش لنفسو يكون ليها وماعليها غير ترضا وتكون ليه فاش رفعات عينيها فالشرفة قدرات تشوف وهج السماء البنفسجية 

والنجوم مازالة متلألئه مازال ماطفات 

لابد ان اسد فاق دابا هي باغيا تسمع صوتو لاكن تلفونو كان مطفي..وفاش دخلت لغرفتو مالقاتوش

تدمرت وتقلقات كانت محتاجة تخرج من الدار 

وداكشي لي دارت خرجات من دار وتمشات فالطريق متعرج....هاديك هي حياتها حاليا طريق متعرج مجهول الواجهة والمصير ...صوت من داخلها نبهها باش تهرب من الجميع

لاكن الم حلو المداق في قلبها بغاها تبقا

وصلت امام واحد البحيرة صغيرة وبدات كاتمشا على ضفافها مستمتعة بجمال النهار ...كانت ضبابة ديال صبح تلاشات واغاريد الطيور سرات فالجو

حتى شافت شي لي خلاها توقف وهي حابسة انفاسها ..كان تماك راجل كالس على الارض ومتكي على شجرة ومازال لابس نفس لحوايج ديال البارح

ماعدا معطفو لي كان لايحو فالارض حداه 

كان قميصو مفتوح الازرار وكايبرز عضلات صدرو 

وعنقو متكي للخلف 

كلست بهدوء بجنبو وشافت فعيونو لمغمضين وكانه ناعس بقات تما فترة كاتشوف فدقنو الملتحي وشعرو مدلي على جبهتو 

شعرت بحنان ماعمرو وراهلها من قبل 

كانت عارفا غادي يكره فكرت شي حد 

يتفحصو بهاد الشكل ...لاكنها ماقدراتش تبعد انضارها..

حتى فتح عينيه

وبدل مايكون معصب ادهلها مرا تانية وادا به بقا كالس ..ببساطة ...بدون حراك..كايشوف فيها ماحيدش عينيه عيلها حتى تسائلة واش كايشوفها ولا لا ..

نورسين-واش دوزتي هاد الليلة كولها هنا..

اسد-اه...ملي خرجت من عندك

نورسين-كان يحسابلي فغرفتك لاكن مالقيتكش

اسد-كونت محتاج نبعد عليك..ولاكن ماقدرتش نبعد ادا كنتي فاهما قصدي..

فهمات قصدو مزيان فاش خرج لبارح بحال العاصفة شعرة بانقباض فصدرها ..وكانها كانت متاصلا بيه بخيط غير مرئ ..وعرفات حتي هي انه حس بنفس الشعور

كلست حداه ...وشدات فيديه الباردا وبدات كاتدلكها 

خلاها على راحتها ..الارهاق كان مانعو يدير اي ردة فعل ..

لاكن عينيه كانت على يديها لي مافيهاش الخاتم

قالتلو وهي كاتفسر ليه

نورسين-مازال ماقلبت عليه...غادي يكون غير فشي بلاصا من غرفتي الواسعة

تسالات لهضرة وخدا فمكانها صمت مشحون

وبعد لحضة تحركو اصابعو وشدو فاصابعها وسولها بهدوء وهوا كايراقب ملامحها الحزينة

اسد-واش نتي بيخير

بتاسمت بتصنع

نورسين-باحسن حال

ضغطت اصابعو على اصابعها بلطف وقال بنبرة مملوئة بالندم 

اسد-واش نتي متأكدا ..انا سئ الطباع مع الاسف

نورسين-ماكنتيش قاصد تاديني 

اسد-لا لا غير كنت كانحاول نتير انتباهك..فاش كنت صغير تعودت نواجه الاحباط بصراخ هكا عاد كايتصنتولي ناس..

قالت برقة

نورسبن-اه ...كان خصني نعرف هادشي

اسد-جا الوقت باش نكبر على هاد الاشياء كاينا ولا لا

بتاسمة بلطف

نورسين-ناس ماكايغيروش طباعهم ..ونتا ماكاتخلعنيش 

شعرت بتنهيدة راحة خرجات من اعماقو وقال

اسد-الحمد لله.. لان هادي اخر حاجة نبغيها ..عافاك انورسين نساي اي حاجة وقاعت لبارح

نورسين-كولشي كولشي واش كاتعني...

قاطعها

اسد-كولشي ..تقدري تمشي لدار روبرت فلوقت لي بغيتي ..لي فات فات ..وداكشي لي وقاع فقط نوع من الجنون

نورسين-لاكن شنو لي وقاعلك لبارح ااسد 

اسد-مانقدرش نفسر ليك ..ولاكن كاينا شي حاجة داخلي مالاقيلهاش تفسير ..خلينا نقولو انني كانغير بكل سهولو لانني متملك ...سمحيلي

ضغطات على يديه وهي كاتفكر انها عمرها شافت شي راجل كايغير بهاد الطريقة اللطيفة والخشنة

وقال بصوت ضعيف

اسد-الى لقيتي الخاتم .....واش غادي تلبسيه ..

قالت بتردد

نورسين- ماعرفتش

اسد-الى مشيتي بهاد السرعة مور الحفلة ديال لبارح غادي تكتر الاقاويل...و..وهادشي غادي يادي عائلتي لدرجة كبيرة

نورسين- ماغاديش نمشي حاليا..

اسد-شكرا...

مال براسو شوية وتكا براسو عليها كان كئيب ويائس وهي حاوطاتو بدراعها متلهفة لمواساتو حنات براسها وريحات خدها على شعرو الحريري الاسود .حاولات تخليه يعرف من قوة عناقها انها بجنبو وشعرات بدراعانو وحدا تسللت مور ضهرها والثانية على بطنها وزير عليها وكانه لقى لحاجة لي يتعلق بيها ...كلسو بدون حراك بينما جرات السخونية فجسمها وكان احساسها مختلف ماعمرها جرباتو ..وكانها رغبة عنيفة فحمايتو.. اشبه بالحب

ناض غير بشوية وناضت حتى هي ولتافتت ليه كاتبتاسم لاحضت انه عيان وقالتلو

نورسين-واش نتا بيخير ..من البارح ماكليتي والو ..نتا راك مريض بفقر الدم واش نسيتي ..ماتهملش نفسك..

بتاسم ومسح على شعرها وقال بابتسامة ماكرة

اسد-غادي ناكلك نتي اش بانليك

نورسين-وندوزليك

اسد-اممم بنينا ...(عنق كتافها وقربها ليه وهوما كايتمشاو بخطى بطيئة) واش نسيتي نهار لي بغيتي تاكلي شعري وقلتي بنين...

شافت فيه بغيض طفولي

نورسين-اساااااد ماتبقاش تفكرني فداك نهار غير كانتفكرو كاتجيني الرغبة فقتل محمد وبراهيم

ضحك اسد على ردة فعلها الطفولية ...ورفع دراعها وحطا فوق عنقو وهووووب هزها فوق كتافو وبدا كايجري بينما هي كاتغوت وشعرها كايطير فالسماء

رجعو للدار وكانت ساعة 6 ديال صبح وتفرقو كل واحد مشا لغرفتو ونعسو حتى دارت ل1 عاد فاقو

فتح اسد عينيه ..وشاف حولو فغرفتو المعتادة دات الالوان الداكنة ورسمية الدوق

نفسها غرفت اسد لمرتبا ولمنضما عكس غرفة براهيم تماما..

ماكاينينش تقاشر سوى رائحة عطره الرجولية وغرفتو الواسعة ببلاطها الاسود وحائط حليبي اللون 

لطالما اسد كان منضم فحياتو الروتينية حتى دخلاتها نورسين وقلباتها رأسا على عقب 

ماشي غريب ان نورسين مجنونة الطباع فهادشي لي كان محتاج اسد فحياتو

______الجنون____

ناض متوجه للحمام وغسل ورفع شعرو للخلف ولبس ملابس رياضية ومن بعد توجه للباب فتحها وادا بها نورسين واقفا امامو بابتسامة كئيبة على وجهها كاتقول وهي كاترجع شعرها للخلف وكايزلق ويرجع ليها 

رفع حواجبو كايتسناها تهضر ...وحنات راسها كاتقول باستياء

نورسين- كانعتادر على اي حاجة درتها

غلق شفايفها لمودين باصبعو السبابة والابهام بينما كاتشوف فيه مامصدقاش قال بصوتو الرجولي الفخم ولي بان من نبرتو انه كان ناعس

اسد-واش فخبارك كانشوف فيك شي حوايج ماكاتملهمش عيني 

شافت فيه ببرائة وكمل بابتسامة جانبية ساحره ..

اسد-شعرك الاسود الحريري ...شفايفك لموردين ...اضافتا لعينيك زرقين 

طلق من شفايفها وكمل

اسد-هاد الاشياء تلاتة لي فيك كاتمزق كياني ..

قلبها بدا يضرب بسرعة وعينيها توسعو وقال وهوا كايمسح على راسها بلطف

اسد-لهدا...بقاي بعيدا عليا قبل مانتمادا اخطيبتي لبريئة 

خرج من قدامها بينما هي شدات فكتفو وقالت 

نورسين-الى حسيتي انك مريض غير قولهالي وغادي نجي عندك فالحال..

ضار لعندها وبتاسم ابتسامة خلاتها تحمار وقال

اسد-لبقائ بعيد عليك حاجة صعيبا عليا بزاف..

ستغل امر انها شادا فيديه وسحبها بين دراعو لقوية وعنقها بنبل حتى ودعت رجليها لحفيانين الارض

وقال بهمس

اسد-كاتعجبيني كونك قصيرة...بهدا نقدر تحتاكرك لي بوحدي

توردو خدودها بالخجل لاكنها مابادلاتوش العناق لانها فالحقيقة مازالة غضبانة منو على لي دار فاش جبرها تزوج بيه ...تنحنحت وقالت بكدب

نورسين-ااا...ايلا كاتعيط لينا

حسات بيديه كاتزير عليها كتر شي لي خلاها تحرك اصابع رجليها محاولة منها تلمس الارض

اسد-ماغاديش نخليك تهربي ...ماغاديش نطلقك..

نورسين-الى شافونا هاكا غادي يسيئو الضن

اسد-وان يكن ...انا ليك ونتي ليا ..فاياش غايسيئو الضن

حاولت تهرب من بين دراعو لاكن بدون جدوى وقالت

نورسين-واخا هكاك حشوما..

حررها من بين يديه وحطها على الارض وقال بتهجم طفولي

اسد-دائما كاتهربي مني ..ودايما كاتختالقي الاعدار باش تهربي من بين احضاني

عقدت حواجبها بانزعاج وهي كاتراقب وجهو الطفولي..

نورسين-نتا ماباغينيش نعاملك بحال دراري صغار ..بينما نتا كاتصرف تماما بحالهم

اسد-انا بغيتك قوليلي شكون لي كايشغلك عليا هاه ..ايلا ؟ باش عمراتلك داك دماغ لخاوي

نورسين-لا لا حتى واحد هدا قرار تاخدتو انا بنفسي لهدا بسلاما

سمحات فيه ومشات وخلاتو وسط احباطو ونزل حتى هوا مع دروج غير بشوية ...ولقا صديقات نورسين مجتامعين على نفس الطاولة وهوما منغامسين فالاحاديت

غير شافوه وسكتو كاملين حتى نطق براهيم بسخرية

ابراهيم-حضورك قوي يا ولد خالتي

قرب اسد وختار كورسي حدا محمد لي كان كالس جنبو وعطاه ابتسامة بريئة وبادلو اسد نفس الاباسامة 

رفع انضارو وشاف كولشي كايشوفو فيه بدهول تنحنح وقال

اسد-مالكوم؟ علاش كاتشوفو فيا هاكا؟؟

سعلت لمار بسبب الشوربا ومدلها محمد كاس ديال الماء باش تشرب شافت فيه ايلا وقالت

ايلا-صديقات نورسين مولفين يشوفو جانبك الصارم لهدا تعجبو فاش شافو تصرفك مع محمد ..فالحقيقة انا مانلومهمش حيت نتا ماكاتضهرش جانبك لحنين سوى لمحمد 

سكتت واحد شوية وشافة فاسد لي كان كايشوف بسخرية قدامو ..دورات راسها وشافة فنورسين كاتشوف فيه بغيض وكانها كاتهدد بصمت بلغة مكايفهموها غير هوما..

تنحنحت ايلا وخطرت فبالها فكرة شيطانية وقالت

ايلا-سحبت كلامييييي...كاينين شي ناس اخرييين محضوضين بجانبك الحنون ومتمتعين بيه

رتابكت نورسين كاتحاول تاخد الماء لي فجنبها لاكن الكأس خاوي ..بتاسم اسد بسخرية وكب ليها الماء 

بنفسو بينما عينيه كاتشرح شي حوايج مكايفهمها حتى شي واحد من غير نورسين...

لي بزقات الماء فجئة وشافو فيها كاملين مفجوعين

السبب الرئيسي لي خلاها تبزق الماء هوا رجلين اسد لمست رجلين نورسين من تحت الطبلة

شافت فيه بحقد بينما هوا مكتافي بابتسامة غير مبالية..

عتادرات من الجميع وكملات شربها للماء وهي كاتحاول تتمالك نفسها وتتجاهل ابتسامة اسد الساخرة

لحضة صمت وكلشي كاياكلو بصمت شي لي خلا اسد يمل رفع رجليه باغي يلمس رجلين نورسين لاكنها مادارت حتى شي ردة فعل ..وادا بالخالة مريم تنحنحت وقربت منو وهمست بصوت هادئ

مريم-هاديك راها رجلي انا احبيبي اسد

هز عينيه فنورسين لي كانت هازا لمعلقة وكاتاكل بينما دماغها فعالم تاني..كاتفكر فالحلمة زوينة

بتاسم اسد بسخرية وهمس فودن خالتو وقال وكانه كايشكرها.

اسد-لحسن حضي كانت رجليك نتي ..فلو كانت رجلين عمي سماعيل لخسرت احترامو ليا ولربما ضن انني شاذ

همست ليه بسخرية وكاتكتم ضحكتها 

مريم -والله ماكاتحشم..

قال باستياء وهوا كايتأمل فخطيبتو لي ماكايناش فهاد العالم..

اسد- وهي لي ماداياهاش فيا

مريم-حاول تنسا وجودها كليا..وهي لي غادي تعيرك الاهتمام

اسد-هي راها كاتغضب فاش ماكانديهاش فيها ...غادي ضمري حياتي اخالتي لعزيزا..

بتاسمة بلطف

مريم-لا شكرا على الواجب..

نتهاو كاملين من وجبة الغداء وناضو غسلو يديهم وتوجهو لغرفة المعيشة يدردشو اما نورسين وصحاباتها قررو يغسلو لاواني..ففالت نورسين بغيض لاية

نورسين- راه كايعصبني...كايعرف كيفاش يخليني نغضب بسهولة 

قالت اية وهي كاتغسل لاواني 

اية-لخطيبك لعزيز لي كاتبغيه بجنون ..اولا كاتقصدي شي حد اخر..راكي كاتحيريني اختي..

لمار-هادي كاتفتاخر كاتفتااخر..

نورسين-انا كانبغيه اه..وبشكل مؤلم عاد..ولاكنو كايزعجزني بزاف وكايضحك عليا ديما..

لمار-واش كاضني انه غادي يتبدل الى تزوجتو 

نورسين اسد مالك يتغير على قبل مرا ...هه هه غادي نموت بالضحك

"""بغيت نشرب"""

ضارت نورسين بسرعة وشافتو هوا صاحب الصوت المبحوح الكسول هوا نفسو خطيبها المزعج والجداب بشعرو المموج الاسود موراها ويديه فجيوبو

كرر طلبو بتملل

اسد- كأس ديال الماء من فضلك..

عطاتو بالضهر بلعاني وقالت

نورسين-جيبو لراسك..

اسد-الى ماعطيتيهليش نتي ... غاندير بناقص

نورسين-اداك لولد لمشاغب...تسنا غادي نجيب ليك الماء

بينما حنات للبلاكار كاتخرج الكاس عطا اشارة بحواجبو الكثيفة للمار واية باش يخرجو وفهمو رسالتو وخرجو بحماس وشادين ضحكاتهم..

عمرات الكأس بالماء البارد وضارت وادا بها تفاجئة باختفاء اية ولمار وقالت باستغراب

نورسين-فين مشاو

قال ببرود

اسد-وباش غادي نعرف انا ...كانبانليك وكالة الانباء كاتخدم تحت ادارتك

نورسين-مالك مالك راني سولتك غير سؤال بسيط

اسد- ايوا انا رشقاتلي مانجاوبكش

ماداتهاش فيه وعطاتو بالضهر وتوجهات لمغسلة لاواني كاتكمل لغسيل بالماء لي كولو رغوة 

نزل اسد الكأس على الطاولة وكايراقب مضهرها وديل الحصان لي ربطات شعرها بطريقتو

توجه لعندها وعنقها من الخلف كان صدرو ملتاسق بضهرها ودقنو متكي على راسها 

رفع يديه وغمرها فالماء وادا به كايشدها من يديها بجوح بكل لطف وهمس بصوت اجش خلاها تتسمر فمكانها وقال

اسد-فين هوا الخاتم..

حررت يديها من يديه وضارت بجرئة ماتوقعاتهاش من نفسها وواجهاتو بتبات

نورسين-خلي مساحة بيناتنا الى سمحتي عافاك

شاف فيها بنضرات فارغة نشرات الرعب فقلبها وتحنا لعندها فهمات شنو باغي يدير كان باغي يبوسها ..

لاكنها عمرت يديها بالرغوة ورماتها على وجهو

تفاجئ من فعلتها وتسمر للحضة 

ومن بعد بدا كايبعد الرغوة من على وجهو وكايشوف فيها بصدمة 

توقعاتو يغوت

يعاتب

اولا يولي بارد بحال التلج 

لانها رفضاتو بوضوح

لاكنو مادار والو ملي كانت متوقعا شدها من خصرها بيديه واليد التانية هزاة الرغوة ودفن يدو فوجهها الفاتن وكايضحك بطريقة شريييرة

بينما هي وكانها كانت كاتعوم فالبحر باغيا تهرب منو

لااااكن فاش تاكدت انها حرب 

اطلقة الهجوم وبدات كاتعمر يديها بالرغوة وسط تفاجئو وكاتحاول تبعد يديه على وجهها كانت قرابة طيح لاكنو تداركها وشدها من كتافها وتنهد براحة وكايشوف فيها

وقال بنعومة ووجهو عامر بالرغوة لي محاوطة لحيتو 

اسد-واش نتي بيخير

قالت وهي كاتتامل هاد الجمال لي قدامها وباصابعها بعدات الرغزة على لحيتو

نورسين-كونا فاحرب علاش عاونتي عدوتك..

قال بسخرية وهوا شادها من ديها بلطف

اسد-ماشي دنبي ..لانها ستخدمت اقوى اسلحتها وضعفات دفاعاتي

كانت عارفا الجواب مسبقا لاكنها بغات تسول

نورسين- وشنو هوا السلاح ..

رفع يديها وقبل باطنها وعينيه كاتلمع

اسد-جمالكي يا زوجتي ...

قاطعتهم تصفيقات من موراهوم وادا بصوت ساخر كايقول كاتقلدو بالفصحة

ايلا-حسنا يا رومي المغرب وجوليت المجنونه..ما الدي يجري لمطبخي العزيز ..

شير بصبعو لنورسين وقال 

اسد-جوليت المجنونا هي من بدات الحرب

صدمها ولد لادينا وقالت حتى هي بالفصحى بحالهوم

نورسين-خوفك من اختك يثير سخريتي يا روميو المغرب هاهاها..

قال بسخرية بالفصحة عاود

اسد-هل تضحكين..انها ملقبة بشيطان المنزل ..حتى زوجها احيانا يهرب منها وينام في غرفتي..انت تعرفين جانب ايلا اللطيف فقط..

غوتت عليهم ايلا بغيض بالفصحة عاود

ايلا-اخرجاا قبل ان اضهر جانبي الاخر...

غير خرجو من لمطبخ بداو فالسباق فالدروج نورسين باغيا تهرب منو وفلمح البصر لقات راسها محاصرة بين جوج دلحيوط .. حيط صلب ... وحيط بشري صلب وجداب ومثير..

تلعتمت وهي كاتقول بارتباك ..

نورسين-ااا...ااشنو دابا عاود

تحنى عندها وقال

اسد-كيفاش غادي نصبر على فراقك غدا

قالت وهي كاتتجنب تشوف فعينيه 

نورسين-اشنو كاتقصد

خرج شي حاجة من جيبو ووضعها على باطن يديها وادا به خاتم الخطوبة توسعت عينيها بدهشة وقالت

نورسين-ملبارح وانا نقلب عليه

وسدات فمها بيديها بارتباك صافي فرشات راسها 

اسد كان مصدوم حيت طول هاد الوقت كان يحسابو ماعندها غاراض فالخاتم 

باس جبهتها وغمضت عينيها 

ولصق جبينو مع جبينها 

وعينيه العسلية كاتتأمل عينيها الزرقاء 

ويديه الرجولية عنقت يديها الناعمة

همس بشوق..

اسد-غادي نصافر غدا فرحلة عمل لمدة اسبوعين ..يالاهي معايا اصغيورا ديالي نورسين فانا ماقادرش نبقا بعيد عليك كل هاد المدة..

شافت فيه باستنكار لواحد المدة ومن بعد خرجات لسانها بسخرية 

اسد-واش هدا كايعني الموافقة

هزات راسها 5ديال لمرات بالنفي كاتحاول تهرب منو حتى شدها من معصمها وعبس وقال

اسد-الى ضطريت غادي نهزك فوق ضهري ونديك

بتالعت ريقها وهزت راسها 10 ديال لمرات عضة شفتها السفلية بحيرة وقالت فجئة

نورسين- عنداك عندااك فيل موراك..

مائتراتش عليه كدبتها حيت فارق الدكاء بيناتهم كبيير زفر بتملل طلق منها وتراجع للخلف

ستغلات الفرصة وهبطات مع دروج حتى جرها فجئة من يديها لعندو باش تقابل عيونو لي كانت غضبانة وقال باستياء

اسد-واش وليتي كاتكرهيني..

نورسين-نتا هوا السبب حيت بززتي عليا نتزوج بيك..

بعدت دراعها عليه ونزلات من دروج متوجهة لغرفة الجلوس لقات جميع اعائلة كالسين وضايرين على واحد الطاولة وعليها قرعة ديال الماء وادا بها لقات محمد واقف وداير فوق راسو كاس ديال الماء ...وواقف بارتباك ...تسائلت وهي كاتكلس على الارد بجنب اية 

نورسين-اشنو واقع

قالت اية وهي كاتحاول تمنع ضحكتها

اية-حنا كانلعبو لعبة تحدي او صراحة ..والدور على محمد دابا

كان واقف بتوتر وتوردو خدودو وهوا كايشوف فلمار لي كاضحك عليه كان كايحاول يوازي نفسو وقال ابراهيم بسخرية

ابراهيم-الى هرقتي الكاس غادي تهزني فوق ضهرك مفهوم

ضحك عمر فجئة وقال

عمر-براهيم نتا محتاج لناقلة نفط هي لي تقدر تهز مؤخرتك..

طاحت اية للارض شادا فكرشها وكاضحك بينما براهيم كايشوف فيه بحقد ماكرهش كون ضربو بركلة يخرجو من سرجم ...يينما محمد كان واقف بوحدو وحشمان هوا مامولفش شي حد يراقبو بداك شكل وماباغي يلفت انتباه حد حيت هوا من النوع الخجول ..

صفقت نورسين بحماس وقالت

نورسين-كولشي كاين حتى انا غادي نلعب

قالت مي عيشة وهي كالسا على الاريكة قدام نورسين بينما كانت كاضربها على راسها بلطف باش تلفت انتباها

مي عيشة- هادوك راهوم اشرار ابنتي لحبيبة..غادي يحطوك بين نارين...ردي بالك من عمر وبراهيم هادوك راهوم شلاهبيا..

هزت راسها نوريسين مستغربة من تصرف مي عيشة اللطيف حيت لاطالما كانت كاتكرهها

واخيرا مي عيشا كتاشفات شخصية بطلة روايتنا لهبلة اااايه دابا ولات محبوبا من طرف عائلة اسد مالك باكملها وكانها كانت فرد من العائلة لوقت طويل

لاكنها غبية باش تلاحض هادشي بسرعة ...

بينما كانو كايحسبو الدقائق لي باقين لمحمد لي كان كايكابر باش مايطيحش الكاس 

نزل اسد من دروج وشاف فيهم كاااملين وعلى وجهو امارة الملل هاد بطل الرواية مكايعجبوش لعجب 

قرب منهم بخطوات بسيطة ولقا محمد كايشوف باستغراب 

بلا عكز عليه اسد هز الكاس من فوق راس محمد وهبط عليه شربو كولو دفعة وحدا وسط مراقبة الجميع لي مدهوشين

ومنين سالا قرب من نورسين وحط ليها لكاس فوق راسها وكايشوف فيها بعتاب ااااااييييه ياودي مفسد اللحضات معدرها مابغاتش تمشي معاك..

توجه لعند جداتو وكلس حداها بارتياح ودار رجل على رجل بشموخ وماحس براسو حتى نزلة عليه ضربة من يد مي عيشة لكتفو وكاتعاتبو ...

مي عيشة-ضيعتي اللعبة كاملة اداك لبرهوش

رفع حواجبو الكثيفة وقال

اسد-لميمة لحبيبة واش فخبارك انني وقعت فحبك كانبغييييك اجدااا...

شافت فيه بشك وقالت بينما كولشي كايشوفو فيهم باستغرام

مي عيشة-هدا مالو تقدرو تفهموني

جاوب عمر

عمر-عاشق مغرم ...ومن الحب ما قتل

قرب منها اسد باغي يعنقها بينما هي كاتحاول تهرب مخلوعا من حفيدها

مي عيشة-بعد عليا ...ماتقيصنيش

ضحكو كاع لي فالغرفة الا نورسين لي ستغربات من تصرفاتو لي تغيرات 

ولا اسد حيوي كتر وباينة السعادة والبشاشة على وجهو لبرونزي الفاتن..

بينما كان كايعنق جداتو لي كانت واضعا يديها على وجهها باش مايبوسهاش 

لمح نضرات نورسين وسط نضرات الجميع لي فالغرفة وبتسم وابتسامة ماكرة ضهرة على وجهو الجميل حتى عاقت براسها وبعدات انضارها عليه كاتشوف فكلشي لا فيه فقال لجداتو

اسد-لميمة تزوجيي بيا..

قالت بسخرية وكاتمنع ضحكتها ماتخرجش

مي عيشة-انا وفية لجدك واخا مات ...سمحلي حيت حطمت قلبك

طلق منها وكايتضاهر بالاستياء وكايشوف فنورسين بنضرات مبهمة لاكنو كايبتاسم...

اسد-ماشي مشكل...حتى انا وفي لشي وحدين

تعالات اصواتهم بالهتافات ..شي لي خلا نورسين تشعر بالخجل بغات تنوض لاكن اسد سبقها وقال

اسد-فين غاديا عاد بدينا اللعبة

قالت ببرود

نورسين-مباغياش نلعب

اسد-هممم عجيب...حنا عاد فبداية اللمتعة ونتي غاتهربي

تدخلات ايلا وقالت بملل

ايلا-صافي صافي ماتشوفوش فبعضياتكم بنضرات التحدي ياهاد لخطاب لمهبولين

جرات يد نورسين وكلساتها فبلاصتها وقالت

ايلا-يااه نبداو

ضورات القرعة وجات عاوتاني فمحمد بتالع ريقو بانزعاج وضحك عليه براهيم

ابراهيم-صراحة او تحدي

محمد-باراكا عليا من التحدي ..ااااممم...صراحة..

ابراهيم-اوكي ...واش كاتبغيني

محمد-لا

ضحكو كاملين بينما ابراهيم شعر بالتحطم وشد فقلبو

محمد-تفووو علاش سولت سأل محرج بحال هدااا

بتاسم محمد واخيرا حس بالامان

ضورات ايلا القرعة وجات فنورسين لي بتالعة ريقها وقالت ايلا باستمتاع

ايلا-صراحة ام تحدي

نورسين-اوكي انا مغامرة... لهدا غادي نختار تحدي..

ضحك اسد على حماسها الطفولي وقال 

اسد-ايلا بينيلها جانبك الشرير

ايلا-نورسين بغيتك ت...

شافت فيها نورسين وقالت

نورسين-....ت....اش

ايلا-تعنقي براهيم...

ناضت نورسين بحماس وسط دهشة اسد لي تسمر فبلاصتو بينما ايلا كاتشوف فيه بشر ومكر

نورسين-اوكي ...

عنقت براهيم بلطف بينما اسد ضور راسو تكره مابغاش يشوف فيهم..

رجعات كلسات فبلاصتها وادا بها شعرات بنضرات كايشوفو فيها بحرص هزات عينيها وادا به اسد كايشوف فيها ببرود

بتالعت ريقها بحدر وقالت فنفسها

نورسين-اش هاد النضرات..تعصب...اكيد اكيد تعصب

ضورات ايلا القرعة وعاوتاني جات فنورسين..

قالت نورسين بصوت مرتفع

نورسبن- شبلي الصغييير

ناضت من بلاصتها باغيا تهرب لاكنو وقفها بصوتو فاش قالها

اسد-رجعي لبلاصتك

كانت عاطياه بالضهر ومسمرا غير نطق بدوك الكلمات ورجعت لبلاصتها بإحباط

تعوط اسد فجلستو وقال

اسد-صراحا او تحدي..

فكرات نورسين بينها وبين نفسها ...

"الى ختاريت الصراحة غادي يسولني شي سؤال محرج...والى ختاريت التحدي غادي يجبرني ندير شي حاجة كاباغياهاش"

ستجمعات قواها وقالت

نورسين-تحدي..

اسد-كانتحداك ماتاكليش حتى لغدا فبحال هاد الوقة بالضبط ..

ضحكات وسط الهدوء لي عم المكان وقالت

نورسين-صاافي... غير هادشي موافقا..

بدا كايضور فراسو وقال بتحدير واضح 

اسد-الى لقيتك كاتاكلي غادي تندمي..

دازو ساعات طوال ودابا الساعة 9 مساء وماكلاتش نورسين سوى ماكلة ديال لغداء

كانو صديقاتها مشاو ومابقى فالغرفة الجلوس سوى

براهيم لي كان كايلعب بتلفونو لعبة ديال الحرب وصوت الاسلحة مسيطر على الجو الصامت

اما محمد كالس على الاريكة وكايقرا كتاب شيفرة دافنشي وكان وجهو هادئ وهوا كايقرا

اسد كان ناعس ومستلقي على الاريكة وحاط راسو على حضن ختو ايلا 

لي كانت كاتفرج فواحد المسلسل تركي هي من لمعجبين بهاد المسلسلات كانت كاتفرج ف إزيل..

اما عمر كان مازال خدام فالمستشفى كيف قلنا قبل دكتور

الجدة مي عيشة كانت ناعسا بينما الخالة مريم كانت مازالة برا مع العم اسماعيل توحشو بعضياتهم بزااف

كان الجو مضلم والسماء مغيما كاتنبئ بنزول المطر كلست نورسين امام محمد بملل وعينيها على اسد لي ناعس فراحة وطمئنينة ..اكيد غادي ينعس فراحة حيت كرشو عامرا

شدات فمعدتها لي كانت كاتستنجد وهمست بغيض

نورسين-علاش تحديدا اسد مالك...تفو ماعمرو مكايتراجع على قراراتو ابدا

بينما كانت ايلا منساجما مع المسلسل قالت

ايلا-نورسين واش مازالة كاتناضلي ؟ ماكليتي والو

نورسين-اكيد ماغاديش نخسر التحدي قدام خوك لحمق..

ضورات ايلا وجهها شافة فاسد لي كان كايبان ناعس 

كانت رموشو الكثيفة هابطة بسلام وخافية جمالية عدسته العسلية كانو شفايفو رقاق مغلوقين كان داير بحال شي طفل ..كانت يديه على كرشو ورجليه طوالين خارجين برا اطار الاريكة

فقالت نورسين بغضب

نورسين-علاش ختار الاكل بالضبط ..لماكلة اهم من البشرية بالنسبة ليا ..

ناض اسد فجئة وشاد فراسو بتعب وعينيه مغمضين شي لي خلا نورسين تتجمد فبلاصتها ايلا كانت مستغربة بينما براهيم ومحمد ماراهومش فهاد العالم 

اسد-صوتك...مزعج..

قالت ايلا وكانها كاتوضع بيناتهم جدار باش مايدابزوش 

وحطت يديها فوق راسد اسد وكاتعاتبو

ايلا- نتا لي جهدتي راسك فالخدمة ودابا هانتا كاتلقى العقاب

قال بنفاد صبر

اسد- بدل ماتنكري جيبيلي شي دوا يخففف من المي

تنهدت ايلا وناضت طالعا لغرفتو فين كايحط الادوية بينما نورسين حمدات الله انهم ماشي بوحدهم فالغرفة ..

لاكن واخا هكاك وجود داك جوج حماق بحال عدم وجودهم ماكانوش كاع فالواقع منغامسين شي فلكتاب وشي فالتلفون

قالت بتوتر

نورسين-واش تبغي شي مساعدة 

.بتالعت ريقها وخافت لايغوت عليها عاود فهادي هي عادة احمق مالك 

لاكنو اكتفى بتنهيدة وهز راسو بالرفض ورجع راسو على لوسادة لي كانت موراه كايحاول ينعس 

لاكنو ماقدش وكان شاد فراسو بعصبية شي لي خلا محمد يشد لكتاب ويتوجه لعند خوه وكلس حداه على حافة الاريكة

محمد-واش مابقيتيش كاتشرب ادويتك

همس اسد بنعاس وحواجبو معقودين

اسد-لا غير حريق الراس كيف العادة

رجعات ايلا وفيديها كاس ديال الماء والمسكن ولقاتو رجع ينعس لاكن ايلا ومحمد ماخلاوهش بقاو معاه...وهادشي لي لاحضاتو نورسين ..انهم خوت ديال بصح ..ماكايتخلاوش على بهضياتهم ..ديما مهلين فبعضياتهم ومتمسكين ببعض ..لاحضت ان محمد هوا الأخ المدلل ..بينما اسد المسؤل على امور العائلة المالية..بينما ايلا فهي الام بالنسبة ليهم

عمر كايعشق مرتو لدجة لاحضوها كولهوم الجدة مي عيشة والخالة مريم عندهم ضور كبير فتماسك العائلة وبراهيم هوا نبض روح الدعابة ...ايوااا ونورسين....اشنو غايكون ضورها فالعائلة

قاطع تفكيرها صوت تصفير ماعدتها وشدات فكرشها بالم وحشمات وهربات ..

وفاش خرجات طلق اسد واحد الضحكة شي لي خلا ايلا ومحمد يشوفو فيه مستغربين فقالت ايلا

ايلا-هممم ماكنتيش ناعس..

ناض وتجاهل هضرتهم وعلى وجهو الاستمتاع وتوجه للمطبخ لقى نورسين كاطيب لعشاء لراسها..

تكا حداها كايراقبها وهي كاطيب بينما كاتتجنب النضر ليه لانها غادي تعطيه نضرات قاتلة بكل تأكيد

بقات هاكاك حتى طلقات معدتها صفارة الاندار تعلن انها جيعانا بزااف شي لي خلا اسد يضحك وشاد فكرشو بينما هي كاتشوف فيه باحباط

اسد-غادي نعفي عليك الى وافقتي تمشي معايا..

شافت فيه بكراهية كاتشوف فهداك الشخص لي منعها تاكل نهار كامل قالت بتكاسل بينما شادا فكرشها

نورسين-بعد مني عندي مايدار وماتحاولش تغريني حيت مكانتأترش

تغيرات نضراتو من السخرية للجدية 

اسد- انا مادرتش هادشي للمتعة فقط ..حيت بغيتك تمشي معايا

نورسين-وعلاش

اسد-لانني متأكد غادي نتوحشك

نورسين-تخربيييق

خرجات من المطبخ بينما هوا كايشوف فضهرها حتى ختفات وقال باستياء

اسد- هه ...هادشي لي قديتي عليه ااسد..

بقات نورسين كاتناضل الجوع القاتل وهي كاتستامع لمحادثة براهيم وسط غرفة المعيشة لمدة ساعتاين فاجاها نعاس وقررات تطلع لغرفتها تنعس فتحات باب الغرفة بتملل علات عينيها وتصدمات

كانت امامها طاولة كبيرة عامرا بالاكل الساخن والشهي ..لحم طري كايطلع منو البخار بقوة لي سخون واومليت ديال البيض ودجاج محمر ...وبطاطس مهروسا واصابع الدجاج المقلي بلونها الدهبي والمقرمش نصلاح ندير شي اشهار لكنتاكي احم احم ..اه وبيتزا من الحجم الكبير والعديييد من المشروبات الغازية والعصائر وشليضات خفاف وقراعي ديال الماء المعدني

بتالعت ريقها مامصدقاش داكشي لي كاتشوف بينما اسد كان لابس طابليا ديال المطبخ ومستلقي على سرير كان كايبان ناعس

قالت نورسين بسخرية

نورسين-واش ناوي يرجعني غليضا بحال لبكرة

عليا الطلاق انتي مش وش نعمة انا عطيني غير ديك لبيتزا نمشي معاه حتى للفضاء حسبي الله عليكي 😛😛

لاكن ابتسامة دافئة عتلات وجهها وكلست على سرير امام الطاولة وجراتها لعندها وعلات كمامها وبدات كاتاكل بسرعة قالك ماباغياش تولي بحال لبكرا اشك في ذالك... وهي كاتاكل فاق اسد وقال وهوا مغمض عينيه

اسد-عاوناتني وحدا من الخادمات لاكن ماشي بزاف

ضارت عندو باستغراب وشكلها كان كايقتل بالضحك بينما فمها موسخ بالاكل ...شاف فوجهها للحضة ومن بعد بتاسم وسحب منديل من الطاولة ومسح ليها فمها بسيف عليها وقال بابتسامة ساخرة لاكن لاطيفة

اسد- لبريهيشا ديالي صغيورا

شافت فيه بانزعاج وضورات راسها كاتكمل لماكلة قرب باغي ياخد صبيع ديال دجاج لاكنها غوتات فجأة وبيديها كاتحمي طبلتها ..

نورسين-بعااد هادي ماكلتي بوحدي

رفع حواجبو بغيض وضرب جبهتها بصبعو

اسد-راه انا لي طيبت هادشي..

نورسين-الى مديتي يديك على ماكلتي ماغاديش نمشي معاك غدا..

توسعت عينيه بدهشة وقال..

نورسين-واش...واش قررتي تمشي معايا

ضورات وجهها ماباغياش تشوف فيه وقالت

نورسين-اممم... بحال داكشي...

فرح لاكنو مابينلهاش رجع ستلقى على سرير وغمض عيينه وفاش سالات من لماكلة عيطات لوحدا من الخادمات باش تاخد الاكل ومن بعد لتافتت خلفها ولقاتو ناعس 

زفرت بتملل وكلسات على سرير امامو كاتشوف فيه بشوق حيت فديك الايام لي دازت كانت كاتتجاهلو وكاتجنب النضر ليه ...لاكن دابا عندها بزااف ديال الوقت باش تستمتع بالنضر ليه ...ستلقات فجنبو كاتشوف فيه حتى غلبها النعاس..

جاء صبح جديد وحل عينيه بينما كان ناعس على جنبو الايسر ولقاها امامو..ناعسا..تسائل فقتاش داه نعاس ..واش كان عيان لهاد الدرجة ؟ ناض وخرج من الغرفة بعدما باسها قبلة الصباح وغطاها مزيان ..نزلو كاملين يفطرو وادا بنورسين نزلات اخر شخص كلسات بجنب محمد وكاتحس بالنعاس لدرجة انها غمضات عينيها لمدة دقيقة كانت متكيا على يديها كولهوم يحسابلهم نعسات ..وادا به اسد بلا عكز عليه سحب يديها فجئة شي لي خلا راس نورسين يتضرب من طبلة ضحكو كاملين على منضرها بينما هي ضربات محمد لكتفو بغضب يحسابلها هوا لي جر يديها ...تألم محمد من الضربة وغوت..

محمد-ااااه قصحتيني ولاش كاضربيني انا ضربيه هوا لي سحب يديك

شافت فاسد بسخط وادا به كايحاول يكتم ضحكاتو وكايصفر بفمو وكاشوف فسقف والغرفة والاثات الا فيها هي حيت الى شاف فيها غادي يضحك والى ضحك غاتقلب عليه الطبلة ..

ايلا-هادي مالها ..دايرا بحال زومبي

قال اسد بسخرية وماكايشوفش فيها 

اسد-مانلومهاش...لبارح كلات بزاف ديال لماكلة لميدما اكيد غادي يغلبها النعاس

ايلا-هاااكاااك ادن ماقدراتش على التحدي

اسد-لا بقات فيا ..مسكينا

شافت فيه نورسين باغيا طير عليه وتاكلو وقالت

نورسين- خوكي لحمق غرانيي ..بالدجاج ولحم ولبيتزا وبغيتيني نبقا صابرا كيف فلتليك عندي الاكل اهم من البشرية كاملة..

ايلا-دابا الى خيرناك شنو تختار خطيبك لحمق ولا شي شواية ديال الحوت مشوي فشي قهوا على لبحر

جاوبت بدون تردد

نورسين- اكييييد اكييد نختار لحوت (لوات شفايفها وشافت فيه بغيض)ماشي حمقا نختار شي حمقين

اسد-صافي صافي زيدي نطلعك لغرفتك وليتي كادخلي وتخرجي فالهضرة

ناض متوجه لعندها وسحبها داها معاه غير بزز مابغاتش تطلع..

وصل لغرفتها وجبد شانطتها وكايعمرها بلحوايج شافت فيه بصدمة وقالت وعلامات الغباء على راسها

نورسين-شفتك كاتجمعلي حوايجي واش غادي تجري عليا..

على راسو شاف فيها بصدمة ورجع طلق واحد الضحكة خلاها غير كاتشوف ومافاهما والو شوية وعاااد طلعت معاها سيدا تفكرات انها قبلات عرضو باش تصافر معاه ..وحكت فراسها بغباء..

تمالك نفسو من الضحك وقال

اسد- غادي نصافرو غير بالسيارة ولمدينا قريبا

ودعو الجميع وخرجو وبعد عدة ساعات وصلو امام فندق خمس نجوم طلعو باش يرتاحو بينما هوا فرش وراقيه ديال الخدمة كايتمعن فيها ومنغامس بينما نورسين كاتشوف فيه بملل وهي كالسا على كرسي وقالت

نورسين-كانحس بالملل ...بغيت نخرج نتسارا

اسد-حنا راه غير فالمغرب اكيد غادي تملي 

رفعت حواجبها وقالت 

نورسين-نتا هوا الشخص الممل الوحيد لي هنا..

شافتو ماداهاش فيها وهي تقوليه

نورسين-واش نغنيليك ولا نقوليك شي نكتة..

هز راسو فيها وتفكر اخر مرا غنات كانو غادي يديرو حادثة بسبب صوتها واخر مرا عاوداتلو نتكة كانت غادي تموت عرقانا فالبحر ...رجع لوعيو وقالها وهوا كايهز راسو بالنفي

اسد-لا لا بلاش ..نوضي نخرجو

نورسين-لا غادي نمشي بوحدي

اسد-باراكا من لعناد

نورسين-غادي تقلب نزهة جحيم..

ناض وشاف فيها بنبرة طوييلة خلاتها ترتابك وهز معطفو وخرج بينما هي شدات فقلبها باريحية

نورسين-اووف ضنيتو يهجم عليا فأي لحضة ..اوف كايخلع

ناضت لحقاتو كاتجري وهبطت كاتجري فالدروج باغيا تصبقو حتى تعترات رجليها وكانت غاطيح لو ماشدهاش ومنعها من السقوط وقال ببرود

اسد-فقتاش غادي تكبري..

نورسين-حتى تولي تعرف تشعل لبوطا

اسد-اشنو انا كانعرف نشعلها

نورسين-كداااب

شاف فيها وطلق منها ونزل ..برزت شفايفها وقالة بتملل

نورسين-كيفاش قدرت نبغي رجل ممل ...ولاكن جداااب..

صوتها الباطني صريح بلا قياس ..

وصلو امام الشارع الرئيسي والسيارات كانت كاتمر من جنبها بسرعة البرق لدرجة ان اسد تمسك بيدين نورسين لي كانت كاتشوف فشي حاجة بخوف بسبب شي حاجة ..ضغط على يديها باش يخرجها من افكارها وقال..

اسد-نورسين توكدي الحمقا..

شداتو من يديه بجوج شي لي خلاه يستغرب بدعر وكانها كاتخبعو من شي حاجة

شاف فيها مستغرب بغا يسولها ولاكن ماشي قبل مايخرجو من زحام

وفاش وصلو ودخلو لوتحد المنتزه سولها وجاوباتو بخوف 

نورسبن- كان واحد الراجل كايشوف فينا...لابس ملابس كحلا ومغطي وجهو وكايبانو غير عينيه لي كايخلعو ..وكان كايشوف فينا بشكل مرعب ...اسد خلينا نرجعو انا خايفا لايوقاع نفس الشي نهار لي ضربك هداك السفاح حتى كنتي غاتموت ..

بغا يجاوبها لاكن قاطعو صوت رنين الهاتف ديالو وجاوب

اسد-اشنووو...

شافت فيه بينما هوا بدا كايشوف من حولو وكانه كايقلب على شي حاجة قبل مايغلق الخط

اسد-فهمت..

شدها من اكتافها بجوج وقال

اسد-انا هنا ماعندك مناش تخافي ماحدي معاك

هزات راسها بتوتر ورجعو للفندق 

وصلها لغرفتها وعرا لغطا باش تستلقي 

على السرير وداكشي لي دارت ستلقات وغمضات عينيها وغطاها بدفئ..

وكلس على طرف سرير كايشوف فالفراغ وكايفكر حتى هضرات وخرجاتو من دوامة التفكير ...

نورسين-اسد واش غادي تخرج غادي تمشي لشي بلاصا

اسد-اه ..ولاكن غادي نرجع دغية ماتخافيش

بتاسمة بطمأنينة وغمضات عينيها عاود..

حك راسو بنفاد صبر وناض خرج من الغرفة بعدما طفا الضوء

نورسين شكات فشي حاجة لاكن قنعات راسها بان الامور بيخير ناضت وخرجات باغيا تجيب الماء لاكنها تسمرات فمكانها فاش سمعات اسد كايقول لشي حد فالهاتف

اسد-شارع الكرامة..مقر واحد من الرئساء ..لاكن الاجتماع غدا هادشي لي قالولي ..

سكت شوية ورجع قال..

اسد-ولاكن هاديك المهمة...لا ماشي الوقت المناسب ..ماباغيش ننضم ليها

كمل بنفاد صبر

اسد-صافي غادي نجي دابا اسفيان ...

غلق الهاتف ودارو فجيبو وخرج

نورسين-سفيان....شارع الكرامة...اشنو عوال دير عاود ااسد ... كيفاش غادي نحميك دابا وانا حطيت استقالتي ااسد ...علاش كادير هكا علاش

لبسات حدائها الرياضي وهزات معطفها وخرجات موراه كاتجري وتداركت راسها وقالت

نورسين-ادن هداك الراجل لي كان ملتم كان هوا سفيان لي كان معاه فاخر مهمة ضيعتهالهم ..

خرجات تابعاه شافتو ركب فسيارتو ولحسن حضها كانت طاكسي يالاه وقفات امام باب الاوطيل كاتنزل شي اجانب وركبات بسرعة وقالت للشيفور

نورسين-بسرعة تبعلي هاديك السيارة لكحلة ..

نزلت من الطاكسي امام باب مبنى شاهق

ترددت واش ضق فالباب لاكن الباب كان مفتوح

نورسين-غريب...علاش جا اسد لهنا ...معقول تكون عندو مهمة فهاد المبنى....تفوو ماعندي لا سلاح ولا قناع نتخفى فيه 

دخلت بحدر وكاتشوف فداك المكان الراقي كاتمشى بجنب لحيوط باش تتفادا لكاميرات كان المكان ملئ بالتماتيل الاغريقية واللوحات لمعلقة امامها ..

سمعت اصوات الاقدام متوجهين لعندها وتخبات مور واحد الباب وادا اول شخص ميزاتو عينيها وداكرتها هوا اسد لي كان نازل من دروج بكل هيبة وموراه وموراه 4 ديال رجال لابسين الاسود

كانت ملامحو مخيفة وجادة بينما لمحت نورسين سلاح لي كان شاد فيديه ..

توسعت عينيها وبتالعت ريقها بدهول ...قال اسد وهوا كايلتافت ناحية رجال

اسد-سفيان نتا مازال مبتدئ لهدا غادي تبقا معايا ...زهير ..ماعارفش واش نتا باغي تشد معايا داك السفاح ولا لا

بتاسم زهير وقال بحماس غريب

زهير-لي باغي نشوف هي كيفية قتلك مجرد التخيل كايخليني نتحمس كتر

عقد اسد حواجبو وقال

اسد-فين هي نتاليا ..

نتاليا-انا هنااا...

ضارو كاملين وادا بها واقفا امام الباب وعلى وجهها نضرات عدم الاكترات

نورسين-شكون هداك لي سميتو زهير....وعلاش نتاليا هازا سلاح واش حتى هي من اعضاء المنضمة 

هادشي ماكنتش دايراه فحسابي ..اشنو غادي ندير دابا...

خرجو كاملين متاجهين لسياراتهم السوداء وقررت نورسين تتبعهم كان مازال مول طاكسي كايتسناها ركبات وغوتات

نورسين-تبع هادوك سيارات سربي اش كاتسنا..

هز راسو بالموافقة وكسيرا بالسيارا ..

وقفة سيارة اسد فجئة وتاصل بنتاليا وقال

اسد-سيارة تاكسي تابعانا ...

نتاليا- وي شفناها...

اسد-خلينا نبعدو عليها ونشتتو انتباهها باش نقدرو نهربو ...

نتاليا-علم...

فاش اسرعة سياراتهم ختفو وسط زحام السيارات وسط الطريق السريع ووقف سائق التاكسي..

السائق -سمحيلي....تلفولي ...

غوتات وهي كاتشتم وتكات براسها على المقعد

دخلو لمخزن كبير لي كان مخبي فيه المجرم ..

دفع الراجل نتاليا بدعر باغي يهرب حتى طاحت بين يدين زهير وقال بسخرية

زهير-ياكما باغيا تغويني ..

بعدت راسها عليه بنفور واشمئزاز 

وادا بشي واحد فيهم طلق رصاصة جات فرجل المجرم خلاتو يطيح على الارض قدام الباب ..

كان اسد هوا لي ضربو بالرصاصة بينما كايشوف فيه ببرود

نزل من دروج بهدوء وقرب من الرجل لي كان راكع على الارض وركل كرشو بقسوة وقال..

اسد-كونتي باغي تهرب هااه؟؟...باغي تهرب من مصيرك المحتوم الحقير؟؟

برقت عيون زهير باستمتاع وهوا كايراقب اسد الجاد والمخيف وهوا موجه سلاحو لراس المجرم لي قال وهوا كايرجف..

المجرم-اشنو بغيتوو مني ...

ضهرت ابتسامة مبهمة على وجه اسد لمضلم كان وكانه كايستمتع بداكشي لي كايدير

اسد-جيت باش نجيبلك لموت لبين يديك..

ضحك زهير بحماس بينما نتاليا كاتشوف فيه بررود اما سفيان كان كايشوف فيه بدهشة..

وفاش بغا اسد يضغط على الزناد باش تنطالق رصاصة وتختارق جمجمة المجرم قاطعو صوت ملئ المكان وخلاه يتسمر فبلاصتو

""وقاااااف""

هز اسد راسو وادا بها نورسين كايشوف فيها بانكسار ومامصدقش...

رتاجفات يديه وكايشوف فيها بصدمة بينما المجرم ستاغل الفرصة وجر نورسين بخشونة تخبع موراها وحط لموس على عنقها وكايشوف فأسد المجرم

المجرم-رمي سلاحك ...كانقسم ليك غادي ندبحها

كانت نورسين مصدوما كليا وكاتشوف فالفراغ بينما اسد كايشوف فيها بحدر وكايحط سلاح على الارض ..كان يحسابها صافي تغيرت تصرفاتو ادن حتى هوا تغير ضنات انه ترك المنضمة بشكل نهائي وبغا يتزوج بيها ويستاقر لاكن كانت غالطا فيه هاد الوقت كامل 

غوت المجرم عاود وهوا كايضغط السكين على عنقها 

المجرم-هز يديك لفوق..وحتى صحابك قولهوم يرميو اسلحتهم

رفع يديه اسد وقال بصوت جاد وبحدر وهوا كايشوف فنورسبن لي كانت مسمرا فمكانها وهي بين يدين المجرم

اسد-ديرو داكشي لي قاال..

غوتت نتاليا معارضة

نتاليا-ولاكن..

غوت اسد بصوتو المهيب شي لي خلا نتاليا تخلع وجسد المجرم يرجف كتر...

اسد-(بصراخ)ديري داكشي لي قااال...

سمعو لكلام اسد ورماو اسلحتهم واحد وراء الثاني امام رجلين المجرم لي تحنا بحدر كايجمع الاسلحة وكايحشيهم فحقيبتو لكحلة لي كان معلقها على خصرو ..

شتم اسد نفسو وقال وهوا كايشوف فجسد نورسين لي ماكايتحركش

اسد-علاش ماكاتقاومش...اشنو وتقع ليها

قبطها المجرم بقصوة من كتفها حتى تالمت وخرجها من صدمتها بينما اسد قلبو تقطع مليون مرا فاش سمع تأوهاتها ...جرها المجرم وهوا كايتراجع للخلف

المجرم-ركعو .. ركعو كاملين

شاف فيه اسد ببرود شي لي خلا المجرم يبتالع ريقو بتوتر ورجع غوت..

اسد-انا ماغاديش نتردد نقتلها ...انا ميت على كل حال لهدا غادي نديها معايا للموت الى مادرتوش داكشي لي قلت ...

قال زهير بتدمر

زهير -نركعو ...واش حماقيتي..

ركع اسد على ركابيه شي لي خلا زهير يتنهد بملل وركع بحال اسد وتبعوه نتاليا وسفيان كاملين نزلو للارض .

خرج المجرم ونورسين من الباب لكبير وغفلها وضربها على مؤخرة راسها حتى طاحة مغمى عليها شافو اسد بغا يحماق غوت بحرقة حتى برزو عروق عنقو وولا حمر وناض كايجري باغي يمشي عندها لاكن المجرم وجه المسدس لنورسين لي كانت مغمى عليها فالارض وقال وهوا كايرجف...

المجرم-كانقسم ليك الى قربتي ماغاديش نتردد نفرغ فيها هاد المسدس ....

بتالع اسد ريقو وعينيه مغرغرين بالدموع بينما زهير ونتاليا وحتى سفيان كانو مصدومين منو ماعمرهم ماشافو دموعو ...

بعدما تراجع اسد وعينيه ملهوفين على نورسين نقز المجرم وسد عليهم الباب الحديدي وهز نورسين ورماها فواحد السيارة وكسيرا بعد على المكان .....

بينما بدات كاتسترجع وعيها كانت الرئية عندها مشوشا كان صوت انينها واصل لمسامع المجرم لي ضار كايشوف فيها ....

وقف السيارة امام واحد المنزل قديم وفشارع ومهجورا نزل من السيارة تفحص المكان ورجع حل باب السيارة وجرها خرجها ...وقال بصوتو لي كايرعش والالم واضح عليه بسدد الاصابة لي فرجلو

المجرم-الى بغيتي تعيشي ماتقاومينيش ...

لاكنو تفاجئ منها فاش قاوماتو غفلاتو وعطاتو ضربة لكرشو حتى طاح ..المهرات لي كتاسباتهوم بفضل المؤسسة هوما لي عاونوها تقاومو ..

كانت باغيا تهرب لاكنو قاوم المو وناض كايجري مورتها وجرها من شعرها وعطاها بصقلة قوية حتى طاحت على العشب الاخضر وغوت عليها

المجرم -واش ماحدرتكش ...باراكا ماتصرفي بحال الابطال ولا قتلتك الحقيرة ...

سالة شفتها بالدم بسبب الصفعة وسندت راسها بيديها كاتشوف على يمين وشمال وكاتنفس بسرعة وعرقانا حتى شافة غصن ديال واحد الشجرة وهزاتو بسرعة وضرباتو بيها لرجليه المصابة حتى طاح للارض بسبب الالم بينما هي ناضت باش تهرب وادا بالمجرم جبد المسدس وضربها برصاصة لي ستقرات ففخضها وارداتها طريحة الارض كانت طيحا قاسية بزاف ...

ناض وهوا كايعرج وشاد فرجليه وجرها من شعرها بقوة بينما هي شاداليه فيديه كاتحاول تقاومو وهوا جارها حتى وصلها لواحد الحفرة غارقا ومضلما ولاحها فيها بكل قسوة ...وقال وهوا باستمتاع وهوا كايغلق الحفرة ووضع عليها حجرة كبيرة باش ماتهربش..

المجرم -كانتمنى تستمتعي مع صديقك جديد..

مافهماتش شنو كايقصد حتى لتافتات موراها بعدما سمعات تأوهات شي حد كايتألم

تبعت الصوت وهي كاتزحف بسبب الاصابة وقالت بصوت مرتعش

نورسين -شكون تما...شكون نتا..

قال يصعوبا وبصوتو الرجولي... "" إياد.... انا إياد....كانترجاك ...انا عيان بزاف ""

تمشى بخطوات بطيئة حتى طاح فالارض على ركابيه لاكنها قدرات تسمع انفاسو تقيلة رفعت يديها وهي ماكاتشوف الى ضلام الدامس لي لامس وجهو ...عندو دقن مثالي نطقت بخوف مع تأوهاتها كانت كاتتألم ورجليها كاتنزف بشدة... نورسين-إياد... واش هدا نتا...لي كانقيس فيه... بتالع ريقو وشد فيديها بلطف وقال بتعب إياد-اه انا... يديك رقيقة ...كانحس بالامان لشي سبب ماعرفتوش.. بتاسمة بدفئ وحتى هي شعرات بالامان لان صوتو كان نبيل ولطيف نورسين-شنو كادير هنا ا إياد.. طلق من يديها وشد فضلعو كايحاول ينوض بعجز وقال... إياد- هداك الرجل المجنون ...هداك راه مريض ..كيفاش حتى تورطتي معاه.. رتابكة وقالت نورسين-خطفني وجابني معاه لهنا... عنقة وجهها بيديها بجوج وقالة .. نورسين-انا ماقادراش نشوف والو ...بسبب ضلام لي كايخلع مد يديه حتى قدر يلمس راسها ومسح عليه بلطف وقال إياد- مادامني هنا ومعاك..ماتخافيش رفعات راسها وقالت بينما دموعها نسابة على خدودها وقالت بصوت مرتعش بسبب البكاء نورسين-اسد ...حتى هوا قالي نفس الهضرة وها أنا هنا بوحدي نزل يديه لمست خدودها وقال بحنية إياد-ماعارفش شكون هوا اسد لاكن انا هنا ..لهدا ماتخافيش .. نورسين -كاتبانلي حتى نتا عيان...واش أداك هداك الوحش إياد-دابزنا شوية قبل مايرميني فهاد الحفرة على غفلة ..لاكن هنا كان واحد المصباح رماهلي هداك لمريض لاكني ماقدرتش نلقاه بعد ماشد لحفرة حيت هاد لبلاصة مضلمة وماشي بساهل نلقاه... مسحة دموعها وقالت نورسين-غادي نقلب عليه.. تحركت فالضلام وهي غير كالسا بينما شادا ففخضها لي كاينزف كاتقلب غير بيديها لاكن بلا فائدة حتى رتاطمة يديها مع شي جسم صلب وغوتت متألما شي لي خلا إياد ينوض عندها مخلوع وادا براسو تضرب مع راسها عن طريق الخطئ شدو بجوج بيهم فريوسهم بتألم وقال إياد.. إياد- سمحيلي واش تأديتي

ضحكت وقالت نورسين-ماشي من لمفروض نضحك ...وانا فحفرة مضلمة..لاكن اه تألمت بزاف بتاسم اياد حتى هوا... إياد-غير نلقى المصباح اول حاجة غانشوفها هي وجهك ... كانراهن انك عندك وجه طفولي بحال ضحكتك تماما.. نورسين-صافي لقيتو شدات المصباح لي لقاتو وشعلاتو اوجهت الضوء الساطع على اياد لي غمض عينيه بانزعاج نورسين-ماكونتش متوقعا غاتكون زوين حتى لهاد الدرجة ...كاتبانلي فالاربعينيات من عمرك.. بعدت المصباح على وجهو وصبح المكان مضئ تسمر اياد فبلاصتو فاش شاف فيها بينما هي شافة فيه باستغراب.. نورسين-مالك....واش خيبت امالك.. إياد-نتي كاتشبهيلها بزاف... نورسين-شكون هي... إياد- لواليدا ديالي الله يرحمها مورسين-الله يرحمها... طلع وهبط فيها وادا بعينيه جات على رجليها المصابة والدم كايسيل منها ...وقرب عندها باهتمام إياد- نتي راكي كاتنزفي... شافت اهتمامو بيها وبتاسمت نورسبن-هداك المجنون ضربني بالرصاص فاش بغيت نهرب قال إياد وهوا كايفك زرار قميصو وحيدو وبقا غير بالزبطا بينما كايربط قميصو على رجليها .. إياد-الى بقيتي هاكا كاتنزفي غادي تغيبي بلاشك نورسين-اسد لي غادي ينقدنا محبوس فهداك لكاراج ..حبسنا كاملين هداك الجبان .. إياد-شكون هاد اسد.. نورسين-خطيبي ..وولد خالتي فنفس الوقت إياد-ولد خالتك....كيف داير ممكن توصفيهلي.. نورسبن-تقريبا الى فكرت فالامر...نتا كاتشبهليه بزاف كاتبان بحال خوه لكبير إياد-انا عندي خويا صغير ..لاكن كانراقبو وكانعتاني بيه غير من بعيد ملي كان صغير وسميتو بحال سميت خطيبك نورسين-غريب ..وعلاش ماتعتانيش بيه عن قريب إياد-تبناتو عائلة اخرى ..ماتت لوالدة ديالنا فاش كونا صغار لهدا تفرقنا انا وهوا يمكن ماعاقلش عليا وماعارفش حتى انه عندو خوه المهم انني عاقل عليه وكانتفكرو نورسين-سعداتو بيك ...نتا اخ مزيان إياد-هوا دابا فالثلاثين من عمرو ..وبنا لنفسو نجاح باهر ..كانتمنا نخرج من هنا عايش باش نقابلو ونقولو انا خوك .. نورسين-غادي يتفهم ابتعادك عليه وغادي يسامحك..

إياد-لاكن ماغاديش يبغي يعيش معايا ..لانه عندو اخ اخر من غيري ..وعائلة..كما انني قريت فالجرائد انه عرض الزواج على شي بنت غادي تكون مرتو المستقبلية ..ماعندي حتى شي مكان فحياتو.. نورسين-واش هوا مشهور لهاد الدرجة ..وماتقولش هاد الهضرة ..حقيقة كونو خوك الحقيقي مايمكتش ينكرها لهدا تفائل إياد-بالمناسبة ماقلتيليش شنو سميتك نورسين-...نورسين... إياد-هممم ...زوين شكرا لانكي زرعتي الامل فقلبي نورسين-العفو...لموهيم كيفاش غادي نقدرو نخرجو.. إياد-ماباغيش نخلعك لاكن انا هنا من البارح.. قالت بنفس تقيل نورسين-بصااح ...غايكون فيك جوع...عندي بيمو فجيبي إياد-شكرا... كان كاياكل بينما هي كاتراقبو وقالت.. نورسين- واش لديد.. إياد-همم واش تاخدي طريف. نورسبن-لا لا مابغيتش غير بالصحة.. إياد-انا ونتي عارفين انكي باغيا طريف.. ضحكو بجوج بيهم وعطاها طريف من لبيمو وكلاتو وقالت.. نورسين-واش كاتتوقع غادي ينقدنا شي حد .. إياد-هاد لبلاصة كاتبانلي مهجورا من زمان ... بقاو تماك نصف ساعة ولاحض ان نورسين بدات كايغلبها النعاس بالاحرى دخلت فمرحلة الهلوسة بسبب الاصابة ولات باردا بحال الثلج ويديها كاترجف بينما انفاسها تقيلة ورئيتها ولات شبه معدوما كانت كاتسمع صوت إياد المتقطع لي كان ساندها على حضنو وكايحاول يخليها فوعيها .. إياد--نورسين ...بقاي معايا...نورسين...حاولي تتنفسي ..

كان اسد كايضرب فالباب بكل قوتو ولاكن بدون جدوى حتى عيا وكلس على الارض متكي على الباب قربت نتاليا عندو وتمسكت بكتفو خافة عليه وقالت نتاليا-اسد...ماتفقدش اعصابك ..سفيان وزهير كايحاولو يحلو الباب.. اسد-هي...ضعيفة...ماتقدرش تقاومو ..ماتقدرش دافع على نفسها ..هي راها فخطر .. نتاليا-ماتقولش هادشي ... غادي نقدوها كاملين صافي.. اسد-والى وقاعلها بحال لي وقاع لعائلتي ...هوا نفسو السفاح لي قتل عائلتي ... منير لبحري..لي قتل مي وبا امام عينين خويا صغير ...قلتليكم انه ماشي الوقت المناسب .. ماكنتش باغي نشارك فهاد المهمة حيت ماكنتش مستاعد .. نتاليا-واش بصح هوا....حتى واحد ماقالهالي..لاكن هادشي لي كاتقول ماغاديش يوقاع ...هداك السفاح ماغاديش يقتلها ..حيت هي مهربو الوحيد وماغاديش يفرط فيها ويقتلها بهاد السهولة ..ونتا غادي تقتلو حيت مابقيتيش اسد ولد 12 لعام غادي تنفدها بكل تاكيد حيت مابقيتيش صغير نتا دابا قوي بزاف.. اسد-انا خايف ماقادرش نتخيل شنو واقع ليها دابا ؟؟وشنو كايدير فيها ؟..واش كايعدبها...واش كايقطع اطرافها.. انا كانتعدب انتاليا.. نتاليا-ماغاديش نخليوه...صافي جا وقت انتقامك ..غادي تنفد المهمة وغادي تنتاقم لعائلتك اسد- غادي نتاقم لعائلتي وغادي ننقدها.. نتاليا-اكييد هدا هوا اليوم المنتضر ااسد... اسد-اه عندك الحق... نتاليا- زهيير فين وصلتو جاوب زهير بتملل زهير-سفيان لحمق كايحاول بكل جهدو واش ممكن تسدي فمك وتخليه يكمل خدمتو .. ناض اسد متوجه عند سفيان وشد فكتفو... اسد-خرجنا من هنا..اسفيان.. شعر سفيان ببعض من الثقة وقال وهوا كايضرب النافدة بالمطرقة.. سفيان-واخا اسيدي..

فجئة وبضربة قاضية تعوجت دفة الحديدية ديال النافدة وقدر سفيان يدخل يديه وجبدها عندو بقوة بمساعدة من زهير حيت كانت مصدية وقديمة تدخل حتى اسد وجروها بكل قوتهم حتى تحلات النافدة خرج اسد هوا الاول وتبعوه كاملين .. وصل اسد لسيارتو وجبد واحد الجهاز كايشبة لهاتف نقال فوسط منو شاشة ونقطة حمرا مرتاكزا فواحد المكان قرب منو زهير بفضول وكايشوف فالشاشة زهير-ديالاش هاد النقطة اسد- موقع السفاح منير ..رصاصة لي كانت فرجليه هي عبارة عن اشارة تتبع وضعتها فيه لانني مابغيتش نضيعو من بين يدي من بعد كاع هاد سنين زهير-تبارك الله عليك ...كاتفوق توقعاتي.. ضار عند نتاليا وسفيان وجوج ديال رجال لي كانو موراهوم اسد-غادي تمشيو معايا هداك السفاح فالدار لقديما لي كاينا فالشارع الرئيسي المهجور ..تدكرو تدريباتكم ...نتوما كاتعاملو مع رجل مجنون كايعشق الدم. هزو ريوسهم وركبو فسياراتهم السوداء تابعين سيارة اسد لي سبقاتهم باقصى سرعة.. قالت نتاليا وهي تابعاه بسيارتها.... نتاليا-كانترجاك ااسد ماتهورش وتقتل راسك.. توقفة سيارة اسد امام المنزل وركن سيارتو لكحلة امام ديك الحفرة لي كانت مغطيا بالخشبة وعليها حجرة ولي كانت نورسين وإياد من تحتها بالضبط وبعادين على اسد غير ببضعة خطوات فقط خرج بندقية طويلة من سيارتو واشار بصبعو لنتاليا وسفيان باش يتبعوه بينما زهير بقا مع دوك جوج رجال فاتعصب وقال.. زهير-علاش نبقا انا ويمشي هداك المتدرب دخل اسد لديك الدار بحدر تام وكانت الدار مؤلوفة ليه هداك الموقد لمطفي لي كان فواحد نهار مدفي ومضوي منزل العائلة 

وهاديك الكنبة الكراملية لي كان باباه ارسلان كايتكا عليها من بعد يوم متعب من العمل.. المنزل مؤلوف بشكل مئلم كان محمد صغير كالس على الارضية وكايلعب بالعابو لي معمرا الارض ودايرا زحام فطريق احيانا كايتخطاها اسد واحيانن كايزطم عليهم ويهرسهم عن طريق الخطئ وكايبقا محمد يبكي بحرقة وكايضطر اسد يشتت انتباهو برقصة البطريق والدجاجة وماماه ايات لي كانت كاتخدم سترة صوفية للجدة مي عيشة ايلا كاتفرج فالتلفاز وماداياهاش فالعالم بينما مي عيشة كاتأنبها باش تبعد تطفي تلفازة وتتجمع مع العائلة.. اما الخالة مريم لي عايشا معاهوم داكساع كانت كاتجي غير ضيفة مع ولدها براهيم هادي دار اسد قبل الحادثة قبل مايتقتلو واليديه وقبل ماتسلب حياتو السعيدة والدافئة قبل ماتتحول حالة محمد للحضيض والسبب الرئيسي لكاع لي وقاع السفاح.... السفاح لي مخبي فهاد الدار.. فتح اسد باب غرفة ايلا قديما ببطئ لاكنو مالقا حتى شي واحد كانت الغرفة خاوية مجرد غبار فكل مكان وسرير عامر بخيوط العنكبوت ضار وادا به سفيان كايشوف فيه بعطف وقال سفيان-سيدي واش نتا بيخير.. تجاهل اسد سؤالو وقال وهوا كايراقب المكان بحدر اسد-حنا دابا فموقف مكايسمحش نسولو على بعضنا ركز اسفيان ركز قالت نتاليا وهي خارجا من غرفة محمد لقديمة .. نتاليا-اسد ..حتى شي واحد ماكاين فهاد الغرفة توجه اسد لغرفة واليديه تردد باش يدخل ويديه كانت كاترجف وهوا شاد فمقبض الباب فقالت نتاليا... نتاليا-اسد...واش نتا بيخير تعصب من كترت الاسئلة صافي راه بيخير بيخييبر

ضرب الباب برجليه بقوة حتى تفتح ولقا السفاح منير لبحري بنفسو موجه سلاح لراس اسد لي خفض سلاحو مامصدقش.. كان منير لبحري كايرجف بالخوف وقال وهوا موجه سلاحو لاسد ويديه كايرجفو.. منير-علاش تابعيني...انا عتازلت القتل ..ملي قتلت ديك العائلة وانا ماكانقدرش نعس بسلام..هداك لولد صغير ماكايخرجش من كوابيسي ..غير هادشي راه كافيني..بعدو مني وخليوني نتعدب بسلام.. شاف فيه اسد ببرود وقال بابتسامة خلعات منير اسد-بسلام....نتا ضمرتي حياتي وحياة خويا صغير وباغي تعيش فسلام..سلبتي سعادتنا وعائلتنا وباغي تعيش فسلام.. تراجع سفاح للور متفاجئ بخوف وكايقول بتلعتم منير-نتا....نتا خوه؟!..لاكن ...هداك راجل قالي ان ارسلان عندو غير جوج ولاد بنت وولد... اسد-انا الابن المتبنى ...لي غادي ينتاقم ليهم على لي درتي فيهم..وماغاديش نغفرليك.. طاح منير على مؤخرتو ومازال موجه سلاح عند اسد.. منير-هددني ..هداك الراجل لمريض بانه غادي يقتل بنتي الى ماقتلتش ايات وارسلان وولادو محمد وايلا ...لاكني ماقتلتش محمد وايلا وهادشي كلفني حياة بنتي لي لقيلها مقتولا بحال الماشية فوسط داري ودمها الطاهر فالارض وفجنبها رسالة كان مكتوب فيها .. "هدا جزائك لانك خليتي محمد عايش" شاف سفيان فنتاليا ماعارفش شنو يدير لاكن بغا اجابة منها...لاكن حتى هي ماعارفا ماتقول ..الاجابة عند اسد.. لي كان واقف بحال الصنم غوتات نتاليا نتاليا-واش تعاطفتي معاه ...راه هدا لحيوان لي دبحليك واليديك لاكن اسد بقا ساكت شي لي خلا نتاليا تغوت عاود نتاليا-راه قتلهوم قدام خوك صغير.. غوت منير وسط بكائو منير- كانترجااك ..خليني نعيش...انا نادم على لي درت ماتقتلنييش نتاليا-اسااااااد... منير -كانترجاااك.. شافت نتاليا فاسد بسخط نتاليا-اسد...اشنو كاتسنا.. طاح سلاح من يد منير لي عنق راسو وكلس كايبكي منير-ماتقتلنيييش...هئ هئ غوتت كاتهز فكتافو كاتسناه يرفع سلاحو ويقتلو نتاليا-اشنو كاتسنا...قتلو...بحال الماشية ااسد..هادشي لي كنتي كاتقولي.. فاش حس منير ان حياتو ميؤس منها بغا يعتارف ويريح ضميرو ويموت فسلام.. منير-غادي نقوليك شكون راجل لي سيفطني نقتل عائلتك ..راجل لي قتل بنتي هوا... ماجا يكمل جملته حتى نفاجرة جمجمته ونتاشرت دمائو على قميص اسد الابيض لي تفاجئ وكايشوف فقميصو لي عامر دم توسعو عيني اسد مامصدقش اما البقية عاجزين على الحركة 

جرا سفيان ناحية النافدة لي دخلات منها الطلقة لي قتلات منير لبحري لي كان طايح فالارض جثة هامدة ..ونزل عندو اسد شاد وجهو بين يديه وكايغوت اسد-لا ماتموتش ...مايمكنش يكون دمك هداا همس اسد بوهن وكانه فعالم ثاني.. اسد-هوا الوحيد....لي عارف مكان نورسين...لاكنو مات دابا.. شافت فيه نتاليا مخلوعا وناض دفع سفيان من طريقو وشد منير من كتافو كايهزو ..وكايغوت.. اسد-فين هيااا....قولي فين هي نورسين...كانترجاك تقولي فين هي...انا غادي نسامحك على كل مادرتي ..سامحتك حيت ماشي لخاطرك عارف ...كانترجاك تقولي فين هييي... تمسكت نتاليا بدراعو كاتحاول توقفو وتخنقات حنجرتها بالبكاء نتاليا-اسد.... كانترجااك بعد يديها عليه وشنق على منير وكايغوت ودموعو نسابت على خدو اسد- فين هي نورسبن الحقير...هي لوحيدا لي خرجتني من ضلام لي خليتيه نتا يضور بيا.. وهانتا عاود كادير نفس الشئ ...كاترجعني للضلام وتسلب سعادتي من جديد ...انا كانترجااك.. فيين هيااااا طلق منو وكلس على الارض الباردا وعنق راسو وكايبكي بصمت وسط الدماء لي معمرا المكان امام سفيان لي بتالع ريقو بخوف وحنا راسو من النافدة وكلس على الارض كايشوف فاسد نتاليا كانت كاتمسح على شعرو بلطف ويديها لوخرا على فمها كاتحاول تمنع صوت بكائها دخل زهير كايجري بانفاس متقطعة وقال وكاينهش زهير-لقينا شي حاجة ... رفع اسد انضارو بعينيه لحمرا مامصدقش وناض بسرعة تبع زهير وخرجو برا الدار وموراهوم سفيان ونتاليا... وادا به زهير وقف فوسط الحديقة الخلفية وهز فردا من حداء نورسين لي كان فيها الدم توسعو عينين اسد مامصدقش داكشي لي شاف تلطخت يديه بدم نورسين لي كان على الحداء تبعو اثار الدم حتى وصلو لواحد لحفرا لي كانت مكشوفا ضرب فيها زهير الضوء وكانت خاوية مافيها حتى شي واحد ماعدا فردة الحداء الثانية ودم نورسين لي على الارض ... بدون شعور اسد يدا كايضرب فزهير وسفيان بكل قوتو لاكن هوما ماقاوموهش عارفينو ماشي لخاطرو كايغوت بأعلى صوت حتى قربت تتقطع احبالو الصوتية طاح فالارض كايهز بيديه تراب لي مخلط مع دم نورسن يشوف فيه مسكين ويبكي """اسد مالك""" صوت نادا اسد من الخلف خلاه يلتافت موراه ويوجه سلاحو بخوف تصدم فاش شاف نورسين بين دراعو هازها بينما شعرها يتهاوا مع الرياح ويديها منزالقة فالهواء كانت وكأنها ميتا مكاتحركش عينيها مغمضن ... طاح قلب اسد بين رجليه وهوا كايشوف جسد حبيبتو بين دراع شخص غريب ...كان موجه ليه سلاحو وغوت بحدر... اسد-نورسين...نورسين...شكون نتا الحقير

نزلها للارض بلطف وقال بصوتو المهيب ""ماتخافش ماغاديش ناديها كيفاش غادي نادي بنت خالتي ااسد ...انا اياد خوك.."" مافكرش اسد ومافكرش حتى بشئن صحة كلامو وقال وهوا موجه سلاحو لاياد مستاعد يطلق رصاصة فأي وقت الى فكر يادي حبيبتو نورسين اسد- يديك على راسك وتراجع للور...يالااه سربي داكشي لي دار ...حط يديه مور راسو وتراجع للور ...بينما اسد عطا اشارة لزهير ونتاليا باش يحميو ضهرو ويبقاو مراقبين تحركات إياد... جرا لعندها وأحاطها بين دراعو وعنقها بشدة ..فاش شعر انها فعلا هي ننور... صغيورا ديالو ننور .. نزلو دموعو لمست محاجر عيونو بحرقة دموع الفرح لانه لقاها.. لاكن علاش هي باردا بحال ثلج رتاجف جسدو خايف يبعدها على احضانو وضع ادنو على جانب صدرها الايسر كايقلب علي نبضات لي تعلن انها مازالة عايشا نبضات.... نبضات.... وانفاس تقيلة ودافئة تنهد براحة وحيد معطفو الاسود محاوط جسدها بيه وبعد شعرها طويل باش يتسنالو يشوف تعابير وججها .. لا وجود لتعابير مسكينة نورسين لاول مرا غاتكون هادئة لاول مرا غايشوف عجزها لاول مرا غايشوفها ضعيفا .. لاول مرا غايحس بان حياتو ماعندها معنى بلا بيها لطالما كانت نورسين دات الشخصية لقوية العفوية المرحة والمجنونا مشتاق يسمع ضحكاتها رنة صوتها لي كاتأتر فيه بشكل كبير مشتاق لغبائها الخارق مشتاق لنفسها لمضطرب فاش كايقرب منها مشتاق ومشتاق ولاول مرا ولتاني مرا غادي يجرب يفقد شخص عزيز الى وقاعتليها شي حاجة غادي يحماق مافيهاش الشك هي صغيورا ديالو ننور ... الى ماعمرو تجرئ يقولها كلمة كانبغيك كان غباء من قلبو كبريائو اللعين منعو يقول ديك الكلمة هي مكانتش محتاجة تسمعها حيت تصرفاتو عكست مشاعرو والى مقالهاش بلسانو قالها بافعالو .. نورسين واسد رواية معقدا لاقصى حدود ... هي تخلات على المخابرات على قبلو يا ترى واش غادي يتخلى على المنضمة على قبلها؟؟ رفعها من الارض بين دراعو لقوية ودخلها للسيارة للمقعد الخلفي غطاها بسترته لكحلة ومن بعد خرج من السيارة وقفل الباب باحكام .. كان باغي يركب فالمقعد الامامي بسرعة باش ينقد حبيبتو 

ضهرت ابتسامة على محيا إياد وشافو فاش كان غادي يركب فسيارتو وغوت باش يسمعو.. إياد-لواليدا ديالنا ... كليلة...وخالتنا ..ماجدولين... وهاديك البنت لي فسيارة بنت خالتنا نورسين لي مابغيتش نقتلها حيت ماتستاهلش الموت برئي.. تصدم اسد فاش سمع ديك الهضرة وكان الدنية وقفة عند ديك الجملة لتافت اسد عند سفيان وقال بأمر اسد-سفيان ... غادي توصل نورسين لاقرب مصحة ...سربي شكاتسنا... سفيان -واخا اسيدي ... ركب سفيان وحرك السيارة لي كانت فيها نورسين بينما هوا رفع سلاحو ناحية إياد.. إياد-واش ماتقتيش بيا.. شاف فيه اسد بحقد وقال بصوتو الرجولي اسد-رجل قتال بحالك يقدر يكدب بسهولة تنهد بملل وقال إياد-صافي ادن ...خليني نوريك شي حاجة .. فجيبي ...غادي نخرجو غير بشوية ..اوكي دار يديه فجيبو وشعر اسد بالخطر وغوت بصوت كايخلع اسد-وقاااااف.. خرج إياد صورة من جيبو كايجمع فيها امراه اولد فعمر المراهقة معنقين طفل صغير بشعرو الاسود فوسط منهم إياد-واش شفتي شكون فالصورة ..انا ونتا وماما.. ميز اسد صورتو وصورت ماماه ولاكن هداك الولد المجهول عمرو شافو من قبل ...وغوت اسد-نتا كداااب.. إياد-واش عاقل فاش كنتى صغير كنتي ديما كاتلجئلي ...كونت ديما مهلي فيك ..لاكن فاش ماتت ماما سلبوك مني ...عائلة ارسلان السفلة غوت اسد بصوت كايخلع اسد-لا ...لا مايمكنش عتاصر الصورة بيديه إياد-كرهتهم ...حقدت عليهم...سلبو خويا صغير مني.. توسعت عينين اسد وهمس اسد-هدا لاش قتلتيهم ....ياك قال إياد بعدما حشا الصورة فجيبو إياد-اكيد .لاكن بطريقة غير مباشرة ...سيفطت منير لبحري هوا لي يقتلهم لاكنو فشل ماقتلش محمد وختو ايلا... فشل فالمهمة هداك الحقير

اسد على شفتو وقال بغيض اسد -وقتلتي بنتيو إياد-ماتهتمش بهادشي...نتا خويا الوحيد لي ماقدرتش نوقف كانشوف فيهم وهوما كايسرقوك مني سكت اسد ومازال موجه سلاحو ناحية خوه لكبير اسد-إياد...نتا مريض شاف فيه إياد بشوق إياد- واش عاقل على كلمات ماما فالمستشفى..قالتلي ماتسمحش فخوك ابدا وماتخلي شي واحد يفرقكم تعصب اسد وغوت فقد اعصابو امام زملائو اسد-انا ماعاقلش حتى عليك ..وكانحمد الله ...نتا راك مريض اإياد قرب منو والحزن واضح على وجهو وقال إياد-انا خوك...انا ونتا كانتشاركو نفس الدم ..اخويا صغير غرقو عيون اسد بالدموع وقال بصوت مرتعش اسد - انا عندي فقط جوج ديال لخوت ..محمد وايلا... اما نتا .....مكانعتابركش...نتا لعنة داهمت حياتي إياد-ملي تبناتك ديك العائلة وانا كانرعاك غير من بعيد ...كنت باغي نرجعك ليا ماكنش باغيت تعيش مع ناس غرباء ... واحد نهار قلبت على شركة ارسلان ولقيتها ...مشيت لعندو وقلتليه شكون انا ....طلبتو وقلتلو يرجعك ليا...لاكن هوا مابغاش ... وقالي... سمعني اولدي ...خوك ولا فرد من عائلتي وواحد من ولادي ..نتا مزال صغير وماتقدرش تعتاني بيه ...نتا براسك مازال خاصك تكمل قرايتك وتبني مستقبلك ...خوك ماتخافش عليه انا معتاني بيه اولادي ولاو متعليقين بيه ...نانقدرش نفرط فيه إياد-رفض يرجعك ليا ...وكبر الحقد فقلبي كلمات ماما كانت كاتردد فمسامعي وهي كاتوصييني عليك قبل ماتموت ... مع مرور الايام تعرفت على واحد الراجل كان سميتو سيزار ايطالي الاصل ...وتاضحلي انه عندو شي عداوة مع مرت ارسلان ايات ... كانو سارقينلو شي مجوهرات هي وشي شخص سميتو مراد عنداك يحسابك بلي هادوك ناس ابرياء نتا ماعارفش هاديك لي سميتها ايات فاش كانت خدامة كانو كايخدمو مع رئساء المافيات لكبار والخطيرين ماتمشيش غالط ...بمكرهم رسموليك صورة زوينة عليهم لاكن فالحقيقة هوما شياطين ... بقيت كانمشي معندو مرا مرا حتى تصاحبت معاه مع المدة غراني قالي لي قتلتي الرجل لي سميتو مراد غادي نعاونك ترجع خوك... داكشي لي درت فواحد الليلة تسللت المنزل ديالو خفية ودخلت عليه كان فوسط الحمام كايستاحم غفلتو من اللور وقتلتو ...دبحتو من عنقو من الوريد الى الوريد 

قدرت نكسب تيقتو اوليت اغنى واغنى وليت كانلعب بلفلوس لعب ... ومن بعد تافقنا انا وياه على الهدف جديد ايات ..هوا ماكان عندو غراض بارسلان كان همو هوا ايات يقتلها لاكن انا كان الحقد فقلبي عليهم بجوج بالخصوص ارسلان لي مشت طلبتو وترجيتو باش يرجعك ليا ورفض وجرا عليا ... كنت كانكرهو وصيفطت سفيان لبحري هوا لي يقوم بديك المهمة ويقتل ارسلان ومرتو وولدو ...لاكن سفيان ماقتلش ولادو وخسر بنتو فالمقابل اسد مسكين ماكانش مصدق داكشي لي سمع كان قلبو كايتقطع..وهس وقال من بين دموعو اسد-نتا غادي تموت....انا غادي نقتلك إياد-ماديرهاش مابغيتكش تعيش حياتك ونتا كاتفكر بانك قتلتي خوك ولد مك وباك ..ماكرهتش تبعد على القتل تخويا.. قال اسد بشك اسد-كيفاش.. إياد-انا عارف كولشي على المنضمة..وبأنك لتاحقتي بيها بفضل عمك سماعيل...هوا لي ردك قتال.. شد اسد فراسو بارهاق اسد-علاش درتي هاكا...انا كنت سعيد ...انا خوك علاش سلبتي مني سعادتي.. إياد-لا لا كانت سعادة وهمية ... طاح سلاح من يد اسد وكلس على ركابيه فالارض ويده على راسو وهمس بضياع والدنية كاضور وضور وضور من حولو اسد-انا ماعمري غادي نسمحليك على شي لي درتي ماعمري إياد-من المفروض تشكرني شد اسد فشعرو وغوت حتى قربات احبالو الصوتية تتقطع.. اسد- الله يعطينا جهنم بجوح بينااااااااا... انا كانكرهك ..كانتمنى لو ماعمري كنت خوك..كانشعر بالخزي لانني كانملك نفس الدم لي عندك..انا ..انا هوا السبب ...انا لي خليت شخص مريض بحالك يقتل عائلتي ...كانستاحق نموت حاول إياد يقرب من اسد باغي فقط يعنقو بقوة ويمسح على شعر اسد بانهيار باغي يعنقو واخا يرفضو إياد-انا ماباغيكش تقتل راسك...ماباغيش لواليدا ديالنا تحزن لاكن نتاليا وزهير وحتى داك جو رجال وجهو سلاحهم ناحية إياد لي وقف بحدر كايشوف فيهم وهمس اسد بصوت مبحوح اسد-لواليدا ديالنا.. بعد انضارو على زملاء اسد لي كانو رافعين سلاحهم باش حميوه اإياد-اه الواليدا ديالنا ..لي لاطالما كانت كاتوصيني نحميك...مابغيتكش تموت...فقط واعدني انك غادي تستاقل من المنضمة وتعيش فسلام مع بنت خالتنا نورسين أسد-وشكون نتا باش تقرر فحياتي ..وشكون قالك انني غادي نواعدك بشي حاجة قرب بخطى حدرة وبطيئة من اسد بينما البقية كانو متشوقين يقتلوه ورجع شاف فاسد لي كان كايشوف فيه متألم بتاسم بانكسار وقال إياد-سمحلي بزاف اخويا ...لواليد هوا ابسبب لي خلاني مريض هوا كان كايضربني كل ليلة وكايحبسني فالقبو وكان كايضرب حتى لواليدا .لاكن انا وهي ماكناش كانسمحو ليه يقيسك ابدا ..كان كايدير ليا هادشي قبل مايسمح فالواليدا ... انا كانعاني من شي حاجة اخويا صغير ...سمحلي بزاف اخويا لانني خليتك تعاني بسببي

مازال اسد عاجز ينوض تمسك بصدرو وهمس بضعف وهوا كاينوض من الارض اسد-انا كانتألم بسببك..علاش درتي فيا هادشي علاش.. قال إياد وهوا كايشعر بالدنب إياد-هوس ...هوس زاد على حدو فحمايتك...ماعرفتش هادشي بكري لاكن انا فعلا مريض شاف فأسد لي كان كايشوف فيه بلؤم وبألم عميق...عميق بزااف وقال.. إياد-كانترجاك ...خليني نعنقك كانترجاك حنا اسد راسو وسقطت دموعو لكريسطالية على الارض وكانه كايقولو عنقني.. عنق اسد بشدة ...وحتوى ضهرو بجوج يديه وهمس بودنو .. إياد-انا كانبغيك اخويا ...كتمني شي نهار تغفرلي ..وصيتي ليك تهلا فبنت خالتنا نورسين وحاول تبعدها على سماح بكل جهدك ...حيت هي لي قتلات خالتي وراجلها اياك تخليها تنتاقم حيت الانتقام عدالة الهمجين فقط اخويا...سمحلي بزاف وهكدا غادي نكفر على دنبي.. رفع سلاحو من خلف اسد وحطو على راسو وضغط على الزناد نتاشرت الدماء على وجه اسد وطنين الطلقة مازال كايتردد على مسامعو شد اسد فخوه قبل مايطيح ماقادرش يصدق كان زهير مصدوم ونتاليا دايرا يديها على فمها وعينيها قرابين يخرجو من بلايصهم قال زهير بصدمة زهير -قتل راسو.... هدا راه ماشي غير حمق عنق اسد خوه وهمس بين دموعو وكايبكي بحرقة أسد--سمحيلي....سمحيلي الواليدا اااا مسح دموعو بباطن يديه ومن بعد سحب الصورة من جيب خوه كايتأملها والالم كايعصر فقلبو ابتسامة خوه البريئة لي حولها الاب ديالو السادي لوحش كايقتل ببساطة الدنب كلو على باهوم لي كان السبب فاختراع شخصية إياد لمهوسة إياد مايستاحقش هاد النهاية كان اخ مثالي وابن مثالي وكان غادي يكون اب وزوج مثالي ابتسامة لواليدا ديالهم الحنونة وهي معنقاهوم بجوج شحاااال كانت مراه مكافحة نقدت اولادها من انياب زوجها السادي وماتت قبل ماتشوف نهاية ولدها الاكبر المؤساوية وتدمر سعادة ولدها صغير تمسك بالصورة وباسها ودارها فجيبو وعنق خوه وكايبكي بحرقة اسد-علاش مفروض تكون نتا هوا شخص لي دمرني علاش اخويا علاش تمسكت نتاليا بدراعو وفالدارع الثانية زهير بينما واحد من رجال بعد إياد من بين دراع اسد...وقال زهير زهير-طلق منو ااسد همس بصوت مرتعش اسد-هدا راه خويا ...انا عقلت عليه عنقاتو نتاليا من الخلف وقالت وهي كاتساعدو باش ينوض نتاليا-غادي ندفنوه غدا....ضاروري خصنا ندفنوه ااسد دار يديه على فمو وكايشهق وهوا كايتأمل خوه لميت وزهير كايعاون واحد من رجال باش يحطوه فكوفر سيارة بحرص غمض عينيه ومابقاش قادر يشوف داك المنضر وتوجه بسيارتو ...ركب فيها وكسيرا بسرعة بعد على المكان وقاصد المستشفى عند نورسين لي ماعارفش اشنو واقعليها

مسكين اسد كان راكب فسارتو وكايسوق باقسى سرعة يبكي ويمسح موعو بكم قميصو باش يشوف طريق... دم خوح مازال ملطح وجهو ..دكريات عطشانة وكان ليها هوا الراوي خوه لي كان سبابو فكاع العداب لي عاشو صوت صراخو الداخلي كايقول

اسد-رجعات دموعي تنزف من جديد ومابغاش يبرا جرح الماضي..

رجعت من هجرتي وبديت نرسم خيوط سعادتي 

لونت احزاني افراح وحاولت نبني الجدار لمهدوم

وزاج لمكسور ...اه...مانجحتش فشلت مرى اخرى

فقدت الامل وضاعت مفاتيح سعادتي مرى اخرى

جات صاعقة وعاصفة فديك الليلة 

هاديك لليلة لكحلة ...بعترت جميع اوراقي...بعترت الزجاج المكسور مرا خرى 

خاب ضني ومات املي 

كنت كانجري بين عالم الخيال والحقيقة 

اه انا كانشبه لداك الطير لي كايطير رغم جناحو لمكسور 

لحضة رسمت حياتي

حزن

بكاء

صراخ 

الم.

وربما سعادة

هوا السبب هوا

ليك نتا ياخويا لي سلب سعادتي ...

ليك نتا لي موتك اتر على حياتي

ليك نتا يا خويا طعنتيني فبدايتي وقتلتيني فنهايتي

ليك نتا نبعتليك اشواقي لمدلولة نبعتليك مشاعري لمكسورا ...

حروفي تبعترت على بساط الاسى 

كانبغيك وكانكرهك اكتر ملي كانبغيك

كانكرهك وكانبغيك اكتر ملي كانكرهك

تناضق فداخلي سببو تصرفك المجنون ..تغلغل فدواخلي..دكرياتك القاتلة لي رفضة ابتسامة الخسارة على ملامحي

لمساتك الحانية لي صبحات اقسى من طعنات الخنجر لمسموم

كانبغيييييك...وكايغوت جرح الخدلان فداخلي كايكرهك

كانكرررررهك...وكايغوت قلبي لمكسور كايبغيك

فسلاما يارجلا تساقطت اوراق حياتي على بابه ..

""خويا لكبير انا كانرهك""

__________

توقفت سيارتو امام باب المستشفى وكانت تابعاه نتاليا بسيارتها من اللور دخل كايجري باغي يطمن على حبيبتو قلبو محروق من جوج جيهات خايف تموت حتى هي ..مستحيل تموت لي كانت سبب سعادتو ...الى وقاعت ليها شي حاجة غادي يلوم راسو طول حياتو

طلع كايجري فالممرات كلو شوق باغي يعرف حالة نورسين حتى شاف سفيان كالس على كرسي الانتضار ومشا عندو كايجري

أسد-سفيان ...فين هي ..كيف بقات ..واش هي بيخير ...كانترجاك طمني عليها

وقف سفيان بارتباك مصدوم من منضر اسد كولو دمايات وحتى وجهو ملطخ بدم خوه ماعمرو شاف اسد فديك الحالة وقال بتوتر

سفيان-ماتخافش الدكتور طمني وقالي بلي غادي يحيدولها رصاصة من رجليها وغادي تولي بيخير ..سيدي واش هدا الدم ديالك

اسد-لا انا بيخير...بغيت نشوفها

سفيان-مايمكنش اسيدي هي مازالة فغرفة العمليات

كلس بتهالك على الارض وعنق راسو بيديه وانضارو على الارضية ناصعة البياض كان كايفكر فكاع الاحدات لي وقعو ليه فهاد الليلة لكحلة حتى قربات منو نتاليا وتحنات عندو..

نتاليا-ماتنساش تعرض عليا لعرسك مفهوم

شاف فيها بنضرات مبهمة وقال

اسد-علاش كاتقولي هاد الهضرة وانا فهاد الوضع

نتاليا-لانني ماكنتش عارفا ان ديك البنت هي سعادتك

اسد-نتاليا...انا غادي نستقيل من المنضمة نهائيا وهادشي كانت اخر مهمة ليا..وغادي نقطع علاقتي مع كولشي وحتى نتي..

نتاليا-صافي ماشي مشكل ماغاديش نحضر لعرسك...اصلا الى حضر غادي نتضمر كتر...لاكني كانتمنالك السعادة مع نورسين ... واش غادي تقولها ان سماح هي لي قتلات واليدها؟؟

اسد-مستحيل ...وايااك انتاليا وتجرئي تخرجي نصف كلمة من هاد لموضوع لنورسين ..مابغيتهاش تعيش حياتها بحالي بقلب فارغ وحقير عندها حياة وردية غاتعيشها معايا مابغيت حتى شي مخلوق يدخل فحياتنا ويبعترها محتاج نعيش معاها فسعادا باراكا عليا غير هادشي لي داز كافي يقتلني مليون مرا فكل مرا نتفكرو

قاطع حديتهم صوت الدكتور لي خرج وهوا كايحيد الكمامة من على وجهو ...

لاحض اسد خروج الدكتور وناض عندو بسرعة كايحاول ياخد منو بعض الكلمات لي هوا محتاج يسمعهم..

اسد-دكتور..دكتور ...مرتي .. كيف بقات

طبطب الدكتور على كتف اسد لي كانو ملامحو دبلانين

الدكتور-الوضع ديالها مستقر الحمد لله وقدرنا نحيدولها رصاصة لي جاتها ففخضها الحمد مكانت الاصابة بليغة كانت سطحية مع الاسف فقدات لكتير من الدم وكان مرافقها الحض قدرنا نوفرولها الدم لي حتاجو جسمها ضعيف ...غادي تحتاج لواحد الاسبوع عاد تولي لحالتها الطبيعية ...(شاف فالدم لي مغطي وجه اسد) واش نتا بيخير اسيدي

اسد-اه بيخير

الدكتور-اوكي على سلامتها

تنهد اسد براحة اجمل شعور شعر بيه فهاد الليلة الكحلة تاكد ان ربي مازال باغيه يفرح فالدنية ..قال بصوت مرتعش

اسد-فقتاش نقدر نشوفها ادكتور ...

الدكتور-على ماتفيق من البنج اسيدي ..اه وقبل مانسا ضاروري تعطيو افادتكم للشرطة على قبل الحادثة

بتالع ريقو اسد بتوتر وقال

اسد-شكرا بزاف ادكتور ....

بعد ساعة من الانتضار دخلت الممرضة تطمن على نورسين ومن بعد خرجات وهي هازا فيديها ميلف احمر وقالت

الممرضة-شكون لي جاي مع هاد البنت

وقف اسد بسرعة وقال بلهفة

أسد-انا...انا راجلها..

الممرضة-تفضل تقدر تدخل لاكن ماطولش بزاف وخليها ترتاح

قال والفرحة مرسوما على وجهو

اسد-واخا ...شكرا بزااف

دخل غير بشوية وسط غرفة بيضاء معتمة فقط اضواء الشارع لي مضوية المكان 

كانت ناعسا وملامحها دبلانين وقف امامها وداير يديه على فمو كايمنع صوت بكائو يخرج جر كورسي وكلس حداها بهدوء ...

تمسك بيديها الناعمة بلهفة ووضعهم بين شفايفو وقبلهم باعتدار ...همس بنبرة حزينة ومبحوحة ويديه كاتمسح على شعرها

أسد- انا فجنبك احياتي ... شحال قلتليك هاد لكلمة ..شحال قلتليك انا معاك ماتخافي من والو ..لاكن خدلتك وماقدرتش نحميك كيف واعدتك ...

قتاحمات مشاعر الحيرة قلبي وخلاتني نعيش فالعداب والالم قوليلي شنو ندير نصحيني ..انا ضايع ...انا عارف راسي اناني نتي كاتعاني بسببي وانا مازال طامع فعطفك وحنانك سمحيلي بزاف احياتي...

حنى على يدها وتكا براسو على السرير كايبكي مسكين حتى شعر بعد لحضات بتحركاتها على فراشها وصوت انينها وكانه كايعلن على المها المبرح ...كان وجهها شاحب وصفر مايل للبياض وكان فعينيها بريق الحمى كانت كاتتنفس باجهاد وكان حلقها جاف بحال لوراق وفمها مر بحال الاغصان الدفلى كانت فوضعية الهديان المستمر فوسط الحمى لي غلفتها وكاتنادي بهمس

نورسين-اسد....اسد....اسد...

بلهفة قرب منها وكايطمنها بقلب مرهف وحزين

اسد-انا معاك احياتي ماتخافيش انا معاك...غادي نعيط للممرضة حالتك ماكاتبشرش بالخير

تمسكت بيديه ومنعاتو يخرج ...وهمست بصوت مبحوح...

نورسين-بقا معايا ...ماتمشيش...

اسد-انا معاك احبيبتي انا معاك طول عمري ...

طلق من يديها وخرج نادا على الممرضة لي جات بسرعة عطاتها خافض للحرار وكانت باغيا تعطيها مهدئ باش تنعس وترتاح لاكن نورسين رفضات ..

بعدما خرجات الممرضة رجع اسد كلس امام نورسين 

ومعنق يديها بيديه بجوج

شافت فيه بعينين دبلانين وبنضرات حزينة ونطقة بصوت مبحوح

نورسين-إياد ...مات ...ياك..

توسعو عينين اسد بصدمة ماعرفش كيفاش حتى كرفات ماقدرش يجاوبها...حتى همست هي

نورسين-جا عندي لغرفة العمليات عتادر مني وقالي بلي غادي يمشي وماغاديش يرجع كنت كانمدليه يدي قلتليه ديني معاك.. .لاكن مابغاش ...قالي انا حياتي نتهات ...ونتي حياتك مازال طويلة عيشيها بكل تفاصيلها...

ماقدرش اسد يصبر ونزلو دموعو حرقت جفونو

نورسين-ادن مات ...اسد انا فخباري كولشي ....إياد عاودلي كولشي ... انا عارفا انك خدام فالمنضمة كاتقتل المجرمين ... (تحول صوتها لمرتعش بسبب البكاء)واش قتلتيه ...علاش قتلتيه ااسد ..هداك راه خوك هئ هئ

وير على يديها بقال بصوت خشن وحزين

اسد-نقسم ليك انورسين ماقتلتوش هوا لي نهى حياتو بيديه

كلس فجنبها ووضع راسها على كتفو قبل كتفها وهمس بتعب

أسد-خويا الحقيقي مات بين يدي انورسين ...علاش كايموتو كاع لي من حولي انورسين ..علاش

ستامعات ليه بحرص لاكنها ماجاوباتوش وكمل بهمس

أسد-كون وقاعتليك شي حاجا بسببي كنت غادي نحماق

هز يديها ووضعها على ناحية صدرو الايسر وشعرت بنبضات قلبو المتسارعة 

قال بترجي 

أسد-سمحيلي ...انا غادي نستاقل من المنضمة لهدا كانترجاك سامحيني ..مابغيتش نرجع للضلام من جديد

بعدت يديها على صدرو بلاماتشوف فيه وقالت بصوت ناعم ومرتعش

نورسين-شحال من واحد قتلتي همم..قولي

سكت ماقدرش يجاوبها وقالت عاود بصوت اشبه بمبحوح بسبب بكائها

نورسين-ماعاقلش ياك

تأمل طرف من وجهها لي ضوراتو بعيد عليه وتمسك بدفنها باغيها ترجع تشوف فعيونو الحزينة

اسد-كانتمنى ربي يغفرلي

نزلو دموعها من محاجر عيونها وهمست

نورسين-فاش كنت مع إياد فديك الحفرة قالي كيفاش عاش حياتو وكيفاش حتى ولا مجرم وكيفاش حتى قتل واليديك ...هوا كان مامزيانش

مسح على شعرها وقال بانكسار

أسد-لا...هوا فقط ضيع سبيلو بسبب لواليد ..بابا الحقيقي لي حولو لهادشي لي عليه دابا ولي مات عليه ...ماشي إياد لي مكانش مزيان لواليد هوا الملام ..

سكتت كاتمسح دموعها وقالت

نورسين-كانعتادر على خسارتك لخوك ...ولباراكا فراسك

هز راسو ببطئ وكانه كايشكرها على المواساة

اسد- غادي ندفنوه غدا ...ماغايحضر حتى شي واحد من غيري ..انا عائلتو الوحيدة

مسحت دموعو بيديها على خدودو وقالت

نورسين-غادي نمشي معاك

أسد-ماغاديش تقدري نتي مازالة عيانا

نورسين-واش عقلتي فاش هربت بيك بالكرسي المتحرك دابا جا دورك دير نفس الشئ.

شاف فيها بقلق وقال

أسد-واش سمحتيلي ..حيت كنت خدام فالمنضمة

قاطعاتو وهي كاتشد فيديه وضغطات عليها بلطف

نورسين-الانسان كايكون اعمى امام اخطائ لي كايبغي..

____________

تمشى بتثاقل وشاد فيديه باقة ورد الاقحوان ووقف امام قبر إياد كايشوف فيه بانكسار

كانت نورسين موراه لابسا فستان اسود قاتم وكالسا على الكرسي المتحرك ومازال اثر التعب على وجهها

ركع على ركابيه ووضع الباقة جنب القبر وعض على شفايفو كايمنع دموعو ماتخرجش

وقفت بصعوبة وكلسات بجنبو وشدتليه فيديه وتشابكو اصابعهم وضعية امساكها ليديه كانت بحال الدرع لي كايحمي قلبو 

قال وهوا كايضغط على يديها وعنق اصابعها بعصبية لاكنو كان لطيف بلمستو

أسد-إياد ..انا كانكرهك..انا كانتألم بسببك ..انا كانكرهك..

حنى راسو بانكسار وهمس

أسد-لو ماتبناتنيش ديك العائلة ماكانوش غايموتو..مكان عندهم حتى شي دنب مساكن

جاوباتو نورسين بعد تنهيدة عميقة خرجت من قلبها

نورسين-مكتاب ليهم .... ماتلومش راسك كانو غادي يموتو سواء بيك اولا بلا بيك توقف اجلهم مساكن تعددت الاسباب والموت واحدة ...

_____________

بعد الجنازة رجع اسد للفندق ونورسين ببدلته السوداء الرسمية كان جار بيها الكرسي المتحرك

دخلو للغرفة اوقفت بصعوبة وساعداتو يحيد كوستيمو وكلس على حافة سرير وضام راسو بجوج يديه ونضراتو فارغة وحانية للارض 

كانت نورسين عارفا انه ماغاديش يتخطى هاد المرحلة بسهولة

ماشي ساهلا يعرف ان خوه قتل عائلتو على قبلو

وماشي ساهل يموت اخر فرد من عائلتو الحقيقية ويبقا اسد صامد

لانه مجرد بشري والبشر ضعفاء بالفطرة ماعندهمش من غير الله

داز اسبوع وهوا على عاد الحالة

احاديت قصيرة ابتسامات دابلة وكادبة

باغي يطمئنها انه على خير لاكنو فاشل فالتمثيل

الحزن منعاكس على عيونو الشمسية

هي عارفاه انه محطم وكايتألم من الداخل لاكنو كايتضاهر بالقوة من الخارج

تسناتو يخرج داكشي لي فقلبو لاكن بدون فائدة

كانت واقفا قبالتو ومتكيا على الحيط رفع انضارو الناعسة المرهقة ليها وبقا كايتأمل وجهها وملامح التفكير باينا على وجهها

قال بنبرة مبحوحا ومثيرة

أسد-ننور

خرجت من تفكيرها وشافت فيه

نورسين-هاه..اشنو

بتاسم بدبول وقال بوجهو الوسيم المرهق

أسد-ماتبقايش واقفا تما اجي قربي

قربات منو بخطى بطيئه اوقفت امامو متسائلة شنو بغا

وادا به تمسك بيديها بجوج ورفع راسو باش يشوف فعينيها وخفق قلبها بجنون 

همس بصوت رجولي 

وعينيه على عيينيها ..

أسد-بغيتك ترجعي لفاس ...ماتبقايش هنا..

توسعت عينيها بدهول وقالت

نورسين-ولاكن ..ولاكن علاش

تنهد بضيق ومن بهد ضغط على يديها باش تركز معاه 

اسد-فهاد الحالة لي انا فيها ..مكانسمح لحتى واحد يشوفني هاكدا...محطم ودابل فهمتيني شنو كانقصد

لاكنها عارضت باستياء

نورسين-لاكني مابغيتكش تغرق راسك فحزنك بوحدك

طلق من يديها ومرر اصابعو على خصلات شعرها وقال بابتسامة جانبية 

أسد-بعد المرات خاص الانسان يبقا وحيد مع نفسو ..ماقادرش نكمل تمتيل القوة امامك ...نتي مرتي وانا مابغيتكش تشوفي هاد الجانب ضعيف مني ..

مازال كايئثر عليها واخا غير حاجة بسيطة بحال مداعبة شعرها وقالت بحزم

نورسين-كلنا بشر وكلنا كانوليو ضعفاء احيانا لان الحياة ماشي دائما بجنبنا ..حنا كانطيحو باش نتعلمو كيفاش نوقفو على رجلينا

قالت بصوت شبه عالي وهوا كايمرر يديه على شعرو باضطراب

اسد-بغيت نبقا بوحدي شويا..كانترجاك تحتارمي رغبتي 

نورسين-صافي لي بغيتي.. لاكن تفكر فالوقت لي تكون فيه وحيد ..تعلم تنوض

هز راسو وهمس

اسد-مانقدرش نواعدك ..

لاكنها ماقدراتش تمنع راسها وعنقاتو بين دراعها وتكى على كتفها وقالت هي بصوت حاني

نورسين- تفكر مزيان...انا كانبغيك بزف

هز براسو وغمض عينيه حتى هبطت رموشو وحاوط ضهرها بييديه وكان عناق فيه بزااف ديال المشاعر المرهفة

رجعات نورسين ديك الليلة لفاس فالطاكسي وبقا اسد واقف كايراقب السيارة وهي كاتبعد حتى اختفت

رجعات نورسين لدار لمار ديك الليلة توحشاتها بزاف

وقفات امام باب الدار ودقالت ..شوية وسمعات اصوات الاقدام وصوت كايقول

"""هانا جايا"""

فتحات لمار الباب وهي عاضا فكمها لي كان طويل وتوسعت عينيها غير شافتها وطارت عليها عنقاتها بقوة وهي كاتقول

لمار-نورسين مالكي ...واش وقعاتليك شي حاجة

بعدت عليها وقالت

نورسين- توحشتك هدا ماكاين 

لمار-وحتى انا توحشتك

قالت بحماس 

نورسين-ادن اليوما غانبات معااااااك وغادي نعنقك

هربت لامار طلعت فالدروج وكاتقول

لمار-انا ماشي لمار بسلاما

تبعتها غير بشوية ماكرهاتش تجري عندها لاكن مازال الاصابة لي ففخضها كاتألمها الى دارت شي مجهود

نورسين- اجييي...بلاتي

لمار-شكون انا...شكون نتي...بسلاما رجعي فين كنتي

نورسين-والله ونشدك يالبكرا... بلاتي واش عاجبينك رجليك ...

لمار-انا فضائية...

وقفات نورسين باستياء وبرزت شفايفها ماقدراتش تمنع ابتسامتها الواسعة

نورسين-يخ على بنت شحال مملة...ماتهربيش وقفي تمااا فين هربتي نلقاك نلقاك...

دخلات للمطبخ وعطاتها ريحة طاجين ديال لكفتا لي عزيز على نورسين كانو كايطيبوه بزاف فاش كانو ساكنين بجوج بيهم

نورسين- اممممم الله الله الله على هاد الريحة

لمار-جيتي باش تاكليلي لكفتا ديالي

نورسين_الى ماسكتيش غادي ناكلك حتى نتي

حطو طاجين على الطبلة وكلسو كايتعشاو بجوج وكايضحكو ويتعايرو ومرا مرا وحدا تقرص تانية اوحدا تريش تانية كانو مستمتعين بوقتهم حتى قالت لمار فجئة

لمار-اه عرفتي معامن طلاقيت

قالت وهي كاتحيد عضم زيتون الاخضر من فمها

نورسين-همممم...شكون

لمار-عصام زعترب عقلتي عليه 

نورسين- لا شكون هدا 

لمار- حتى انا ماعقلتش عليه هوا لي فكرني فيه وتصدمت فاش قالي خدام عند اسد سكرطيرو

وحلتلها لماكلا فحلقها وبدات كاتكح ولمار كباتلها كاس ديال الماء وكاضربلها على ضهرها

لمار-حلال حلال..غير بشوية عليك

نورسين- فكريني فيه قولتي عصام زعتري سكرطير اسد كان صديقنا فالخيرية

لمار- كان كبير علينا بقا من بعد ماجيتي نتي غير بعام وخرجوه 

نورسين-ماشي هوا لي كان كايشفر لبطاطا لمقلية من المطبخ ويجيبهالنا

لمار-هوااااا بالضبط

ضربت يديها على الطبلة وقالت باستياء

نورسين- اوييييلي هوا لي كان كايوصلني للمرحاض فالليل فاش كانخاف نخرج فضلام ...هوا لي واحد لمرا بزقت عليه وهربت...اواحد لمرا حصلني كانبول مول شجرة ويلي ويلي ويلي ويلي واحد لمرا تقيت عليه فاش خرجونا فرحلة ...وععععع لا والمصيييبا هي واحد نهار نعست على السرير ديالو وبلت عليه تختختووو

طاحت لمار للارض كاضحك وشادا فكرشها بينما نورسين كاضرب راسها مع طبلة من شدة الحرج

لمار -وااااااااااكرشيييي هههههههه داك تفنطز لي فيك وشياكا ولبخ لخاوي سدق محصلك كاتبولي مور شجرة وانااااري غانمووووووت بالضحك

علات راسها كاتشوف فيها بشر باغيا تقتلها

نورسين-الى ماسكتيش غادي نخشيليك راسك فهاد طاجين ...

لمار-هههههه صافي صافي والله مانضحك

نورسين-دابا هداك تبدل اولا عصام ...عصام الوسيم والنبيل .. تبدل بزاااف والله ماعرفتو والا عقلت عليه واخا دوزنا عام وحنا اصدقاء فنضرك يكون دار شي عملية تجميل ويلي ويلي زيان لعفريت

__________________

بعد اسبوعين تقريبا...

خرج اسد من حمامو الساخن وستلقة على سريرو كان لابس سوى فوطا على خصرو ومغمض عينيه..

صونا تلفونو وضهر صوت رجالي ضخم

أسد-شكون معايا..

اسماعيل-عمك سماعيل...

اسد-اهلااا عمي لاباس عليك ..

اسماعيل-لاباس اولدي...سمعت من الرئساء لي مازال كايتواصو معايا وقالولي انك نساحبتي من المنضمة ...مزيان ملي درتي بحالي وتهنيتي..

بتاسم اسد وقال

أسد-تماما بغيت نرتاح.. ماعرفتش اعمي علاش نتا ستاقلتي من المنضمة

اسماعيل-فالحقيقة ستاقلت فاش عرفت ان لي سيفط منير البحري هوا خوك الحقيقي ..فاحسيت ان الامر زاد وتعقد كما انني عيت من الخدمة فديك المنضمة لي متصات حياتي بما فيه الكفاية ..بالاضافة ماشي غير نتا لي ستقلتي

اسد-عارف...وئام حتى هي ستقالت

اسماعيل-ماشي غير هي...زهير تشد فالحبس وتحكم عليه بسنوات طويلة بتهمة محاولة قتل سائق طاكسي طالبو بلفلوس تبرئو منو المنضمة فخطرة ...كانت نهايتو مئساوية كاينا ولا لا..وسخيفة

قال اسد بعد تفكير

أسد-الله ماكنتش متوقع غاتكون هاكا نهايتو

اسماعيل-هداك زهير لطالما كان محترف ..لاكن كاينقصو العقل ورزانة لي عندك نتا ..اما بالنسبة لنتاليا حتى هي استقالت ومشات بخاطرها مع خوها عصام الزعتري للمصحة النفسية؟؟

اسد- احسن حاجة دارت لمصلاحتها

اسماعيل-وحتى طالبك المبتدئ سفيان رجع لكلية الحقوق يكمل قرايتو بعيد على المنضمة..فريقك استقالو كاملين اشنو درتي فيهم

ضحك اسد بحزن وقال

اسد-ماعرفتش ...يمكن تعلمو درس مني انا وخويا إياد .. ماعادا زهير مسطي..

اسماعيل-ولدي اسد كانعتادر على خسارتك ليه البراكا فراسك

أسد-مامشا معاك باس

تمتم بصوت ماسمعوش اسماعيل وقال

أسد-انا كانطيح باش نتعلم نوض

قال اسماعيل بحماس

اسماعيل- ضاروري تجي غدا ...

اسد-علاش 

اسماعيل-دايرين حفلة فالدار بمناسبة حمل ختك ايلا غادي تولي خال

توسعو عيون اسد من شدة الصدمة ورجع ضحك بالفرحة

اسد-واش بصااح واخيرا غادي نولي خال

اسماعيل- ايلا عاد باغيا تعيطليك وتقولهالك وانا خصرت ليها المفاجئة الى عيطاتليك تضاهر انك مافخبارك والو ...

_______________

جا صبح جديد وكان اليوم الموعود

ايلا غاطير بالفرحة اما عمر الفرحة ديال العالم مكانتش قاداه

كانو عائلة اسد مجموعين فوسط الدار لي كانت كاطيح بالورد والزينة والشموع والروائح العطرية كولشي كان حاضر سوى الابن الاكبر اسد مالك

بالاضافي لبعض الضيوف لي عندهم زبابل ديال لفلوس ...

تافق عمر وياسر باش يديرو حفلة مشتركة حيت نسائهم بجوج حوامل فاخطط ياسر يجيب لوئام فستان العرس الابيض باش تفرح براسها حيت وقاعتليهم شي ضروف وضطرو يديرو العقد بلا عرس لموهم انهم تزوجو ...

كانت وئام متوترا بزاف خرجات من الغرفة كاتجري بحماس وفستانها الابيض كايتجر موراها على البلاط الدهبي 

كانت متوجها عند نورسين لي كانت لابسا فستان ضيق كلاسيكي فاللون الاسود وشعرها الفحمي كان مرفوع فوق راسها وصابغا شفايفها باحمر شفاه دموي ولابسا عقد اسد الدهبي بالاضافة لخاتم خطوبتهم لي كان فصبعها

وئام-نورسين كيف جيت زوينا ياك ...ولا ناقصاني شي حاجة قوليلي وبلا كدوب كيف جيت

قالت نورسين بابتسامة واسعة وهي كاتشوف فافستان وئام الناصع البياض وبلا اكمام.

نورسين-جيتي بحال شي ملاك...

وئام-وحتا نتي كاتباني زوينا غادي تسرقي الاضواء مني 

نورسين-سمحيلي واش بالغت فالتزين

ضحكت وئام

وئام-ماشي التزين...نتي اصلا زوينا

نورسين- نتي اجمل

وئام- لا لا نتي الاجمل

قالت نورسين بمزاح

نورسبن-واش غادي ندابزو

وئام-الى بغيتي اه..

نورسين-ياسر محضوض بزاف بيك

وئام-واسد حتى هوا محضوض بمرا زوينا بحالك

ضهر ياسر من الخلف كايشوف فوئام بدهول

ساير-وئام كاتباني زوينا بزاف احياتي

غوتات نورسين مخلوعا

نورسين- سربي دخلي ماخصوش يشوفك .. والا غادي تولدو قرد قبيح

ضحكو بجوج بيهم وباسها من خدها خرج ياسر ودخلة وئام للغرفة..

قالت نورسين باستياء..

نورسين-وعلاش انا مصدعا راسي شكون لي غادي يولد قرد هوما ماشي انا...

""غادي تولدي ولد كايشبهلي ..واش غادي يكون خايب فنضرك""

شهقت بخوف وضارت بعدما ميزات الصوتو الفخم والمثير

كان واقف ومتكي على الحيط ومربع يديه وعلى وجهو ملامح دات معنى عميق بينما عينيه كايشوفو فيها بامعان نادرا مكايهضر بعينيه العسلية

كان لابس بدلة رسمية سوداء اللون كان جداب برجولتو الساحرة 

كانت تسريحة شعرو جديدة

فخامة وقفتو وهوا كايتمعن فطلتها ونضراتو العميقة خلاتها ترتابك 

عقدت حواجبها بانزعاج متوجها لعندو بينما هوا فك عقدة يديه ورتابك من ردة فعلها

هزات يديها باش تسرفقو لاكن فجئة عنقت وجهو بلطف

اوكي هوا توقع تسرفيقا حيت ولف تسرفيقاتها لاكنو ماتوقعش ردة فعل بحال هادي 

قالت وهي كاتشوف فيه باستياء

نورسين-فقتاش جيتي ..

يتاسم ابتسامة جانبية فاتنة وقال

اسد-قبيلة واحد شوية

نورسين-وكيف بقيتي شوية

علا حاجب واحد وشاف فيها بابتسامة جانبية ماكرة

اسد-اجييي...نجاوبك بغرفتي...

طلعات وهبطات فيه بغيض من راسو حتى لاخمض قدميه وقالت

نورسبن-شناهوا ...

ضحك على الطريقة لي قالت قالت بيها ديك الكلمة وهجم عليها تحنا وهزها فوق كتافو بحال شي طفلة بينما هي كاتهضر بصوت خافة باش مايسمعهم حد و باش ينزلها بينما كان طالع مع ضروج

نورسين-اساااد دير عقلك غادي يشوفنا شي حد ويفهمنا غلاط

اسد-انا غادي نوريك كيفاش تحنزي فيا وتقوليلي شناهوا

نورسين- اسااااااااد غادي نقتلك الى مانزلتينيش

وصلها للغرفة ورماها على سرير

نورسين-ااااه علاش رميتيني ابنادم

ماداهاش فيها ومشا للباب وسدها بسوارت وشاف فيها وغمزها وهوا كايعض على شفتو السفلية ...

حيد لفيست ولاحها على وجهها وبدا يفك ازرار قميصو بينما هي شافت فيه وعنقت راسها بخوف وتخلعات

نورسين-ااااشنو ...اشنو عوال دير شوف انا كانحدرك واياااك قول لداك لعقل لمنحرف يدخل صوق راسو راني عندي الحزام الاسود فالتيكواندو

توقف على فك ازرار قميصو وشاف فيها بابتسامة ماكرة

اسد-اشنو بانليك نعيطو للعدول ونضربو لكحل فلبيض ونحتافلو حتى حنا بمناسبت قدوم ولدنا ولا بنتنا

ضحكت بشخير بينما وكملات بصوت عالي بينما كاضرب يديها مع سرير وتضحك بينماةهوا كايشوف فيها باستياء

نورسين-ههههههه اااااه نكتة بايخا

تلاح على حرشو على سرير قدامها وتوسد ركبتها وقال وهوا كايشوف فيها بنضرات خبية امل

اسد- مملة ..مكانش يحسابلي غانتزوج ببنت امل من الملل..انا غير جاني صهد وبغيت نتبرد شوية

مررت اصابعها بين خصلات شعرو الاسود وهي كاتشوف فيه بعشق ...وقالت

نورسين-فرحت بزاف فاش شفت البسمة رجعت لينيك من جديد .. كانشوف فيهم بريق عمري لاحضتو هاد المرا نتا فرحان من قلبك خصني نشكر ايلا حيت قدرات تفرحك بخبر حملها واخيرا انا غادي نولي مرت خال ونتا غاتولي خال

اسد-انا سر سعادتي هي نتي 

نورسين-واش بصح كاتكدب

اسد-فرحت لختي حيت غادي تولي ام لاكن غادي نفرح كتر فاش غادي تولي نتي ام وانا اب غادي نطير بالفرحة غادي يكون عندنا شي وليد ولا بنيتا صغيورين (جمع يديه وقال) قاد هاكا ...

بتاسمت نورسين من كلماتو العفوية والصادقة ماكرهتش تنوض تنقز بالفرحة لاكن تمالكت نفسها وتضاهرت بالرزانة

غمض عينيه وفتحهم وهوا كايشوف فيها نضراتو لتاحمت بنضراتها رفع يديه ولمس خصلة من شعرها ومن بعد ناض وقف وجرها من يديها اوقفها حضن خدودها بين يديه الرجوليه وقال وهوا كايتمعن فعينيها السماوية اللون ..

اسد-انا كانحمل فجسدي قلب مرهف قلب كايسامح دائما لاكنو كايكره الخيانة قلب كايأمن بالحب بدون اي عبارات اخرى ..واش غادي تسمحيليا نقولك جهرا انني كانبغيك ......

كانت مسمرا فبلاصتها كاقادراش تتحرك بسبب الكلمة لي قال ماكرهاتش لي يقرصها باش تعرف راسها ماكاتحملش هاد المرا ...بينما هوا لاحض تسمرها المضحك وكمل بنفس الوتيرة بصوت رجولي مبحوح ومثير

اسد-كانبغيك بشكل مؤلم ..ستغرق مني الامر كل جشاعتي باش نتجرئ ونقولك هاد الكلمة لي ديما على طرف لساني لاكن عمري قدرت ننطق بيها مكانش عندي وقت نكتبلك رسالة اعتراف بالحبي حيت كنت خايف ننطقها بلساني ماكنتش عارف شنو نقول وبالاخص منين غادي نبدا .. بشكل عام من صعيب بالنسبة ليا نعبر على مشاعري ...صحيح انني قليل فاش كانتصرف معاك بشكل زوين لاكن انا كانفكر فيك ديما من اول نهار شفتك فيه عرفت شنو هوا الحب...

من داك لوقت وانا كانبغي نشوفك ونتكلم معاك اكتر من اي شخص فالعالم ..انا ديما كانسعا نلفت انتباهك واخا حتى بازعاجك وبصراح فوجهك ..

طلع تنهيدا من قلبو علنت انه صادق فكل حرف خرج من قلبو كمل وهوا كايداعب خصلات شعرها

اسد- مريت من ضروف ومواقف صعيبا لاكن وقفتي معايا وكنتي لقلبي سند ودواء وعالجتي جراحي... بفضلك انا ليوم مازال قادر نوقف على رجلي كلما تفكرت انكي كاتسنايني باش نعيشو ونبنيو اسرة متكونة مني انا ونتي واطفال صغار لي غايشركو دمائنا ...

عضت على شفتها السفلية وتأترات بزاف من كلماتو لي لطالما كانت متشوقا تسمعها من لسانو

هي عارفاه كايبغيها وزاد اكدليها ايهاب فاش متل داك الدور لي خلاه يغير وكايقولو ان الغيرة ترجمة غير مباشرة للحب ..لاكن كانت محتاجة تسمعها من فمو

لمست خدودو بيديها وقربات جبهتها مع جبهتو وغمضت عينيها باش تقول كل ما في خلدها من افكار وكلمات وبراكين من المشاعر المتأججة ..كلمة كانبغيك محتاجة بعض الكلمات باش تسقي وتعطي معنى مبهم لهاد الكلمة لمتكونة من ستة حروف بالدارجة واربع حروف بالفصحة (احبك ) (كانبغيك)

نورسين-فرحت من كل قلبي حيت واخيرا نطقتي وقلتي ديك الكلمة لي نتاضرتها بشوق واخيرا تحقق حلمي وسمعتها قبل مانضفر شيب

بتاسم بمن كلماتها العفوية وكملت هي بهمس

نورسين-رغم كاع المسافات لي بيناتنا الا انني كانأمن بحبك 

رغم ضروفك القاسية واحزانك ..الا انني متأكدا انني غادي نسعدك ...كانواعدك ان فراقنا ماغاديش يكون سوى الموت ..وانني غادي نخليك ملك هاد الزمان ..شحال حبيت حروفك قبل كلماتك ..وشحال تمنيت الحروف تجمع قلوبنا...

لا للحزن ولا للدموع ..ثق بانني عاهدت نفسي نمسح كل دمعة من عينك ..ونخلي من كل دمعة بسمة على شفايفك ..الى كنت كانعيش لحياتي انا دابا غانعيش ليك...

قرب وجهو من وجهها وعينيه كانو على عينيها بينما كانت انفاسو تقيلة رفع يديه وحاوط خصرها وضمعا لعندو ولصق جبينو مع جبينها وغمض عينيه وقال بصوت مثير

أسد-كانبغيك...

بتالعة ريقها بتوتر وارتباك وقالت بنفس الوتيرة المثيرة

نورسين-وانا ...كانبادلك نفس الشعور واكتر كانبغيك

بباطن يديه مررو بين خدها مرورا على جبينها وهوا كايبعد شعرها على عيونها ميل راسو وغمض عينيه وطبع قبلة رقيقة على شفايفها فجئة وبدون سابق اندار

قبلة الشفاه: هي القبلة لي كادلّ على عمق الحب والعشق، وهي التصرف البديل عن قول كلمة "أنا كانبغيك".

وكتبقى أعذب قبلة وأكثرها معنى ولذّة هي هاديك التي تُمنح من دون أن تُطلب، أي كاتجي بشكل عفوي وفي اللحظة المناسبة وكاتشعل بريقاً من الأمل في نفس الحبيبين.

_________

في الونزانة

نورسين- فزمننا هدا تتعدد انواع الحب لاكن باش نحبو بغير صدق او شرف حرام ..او اننا نخليو الحب لعبة يين يدينا نتسلاوي بيها حتى هي حرام

ماعمري دقت طعم الحب الحقيقي لاكن هوا لي سقاني من رحيقو 

الى كانت حياتي احزان فهوا تفوق عليا باحزانو 

كانت كاتجمعنا الاماكن لي كاتفوق الخيال باحلامنا

ربما لانني شعرت بالحب من جيهتو او انني شعرت باحزانو 

وخليت من كلماتنا تغاريد عصافير الحب

من اول لقاء جمعنا عرفتو دائما حزين وكنت دائما باغيا نسعدو ونحاول نغير عالمو نحو عالمي باش نقدر نسعدو بصدق ..

_________________

كانت وئام مرتابكة اواقفا امام الباب لي من المفروض تخرج منو

قالت ايلا بارتباك

ايلا-تهدني احبيبة وتنفسي بهدوء شئ طبيعي تحسي بالتوتر وتباني بحال شي حمقا

قالة وئام بتوتر فضيع وهي كاتنفس بسرعة

وئام-اويلي واش كانبان حمقا ..واش كانبان حمقا

ضهر براهيم بحلتو الوسيمة وقال بسخرية

برايهم-ايلا زدتي كفستيها عليها

عصرت قبضت يديها على راسو وقالت بغيض

ايلا-اشنو رئيك تلبس تكشيطا وتكون وزيرتها غادي تكون اجمل انثى

ضحك وبان جداب

ايراهيم-اه وغادي نبان احسن منك هاها

قال عمر وهوا كايعنق ايلا بين اكتافو

عمر-حتى شي واحد ليوم مازوين بحال مرتي

غوتات وئام وهي كاضور فوسط الغرفة وفيديها باقة الورد 

وئام-صافي سرقتي الاضواء مني ....مقادراش نتنفس غادي نموووت

رفع عمر حواجبو

عمر-واش لعروسا حماقت

همست ايلا ليه

ايلا-هدا امر طبيعي كايوقاع للعروسا

ضحك عمر وقال

عمر- بحالي وقاعليك نتي فاش بغيتي تهربي من سرجم نهار العرس..لاكني منعتك وكنت قراب نربطك

ضربات رجيه بكعبها

ايلا-كداب...ماتدكرش بحال هاد الامور قدام لعروسا قبل ماتحماق لينا هنا

بتاسم بمكر وقال بصوت عالي

عمر-زواج كايخلع..

جاوبو براهيم وهوا كايتكى على الحيط

براهيم- بصح بصح عندك الحق اعمر

قال محمد وهوا كالس على الكرسي بصمت

محمد-حتى تكون مزوج بعدا عاد هضر

شافت ايلا فوئام لي كانت كاتصنت ليهم بخوف وغوتات 

ايلا-صافي سكتونا نتوما

توجهت عند وئام باغيا تهدئها بينما محمد كايراقب بهدوء ومانطق بحتى حرف

ايلا-ماتصدقيهمش هادو راهوم غير كايخربقو

قال عمر وهوا كايضرب كفو بكف ابراهيم وغمزو

عمر-زواج كابوس...شكون عرف شنو يقدر يوقاع فالمستقبل

كبت براهيم ضحكتو وقالل

براهيم-زواج كايرد لمراه قبيحا

قال عمر بينما محمد كايشوف فيه بانزعاج

عمر-بصح بصح عندك الحق ابراهيم

حط براهيم يدو على كتف وئام وقال باستياء كادب

ابراهيم- زواج كايسجن لمراه..وكايقيدها..وكايرجعها الزوج بحال العبدة تحت يديه كاينا ولا لا اعمر...

تدخل محمد وقال وهوا كايشير لعمر

محمد-ولاكن ماشي هادشي لي كايوقاع مع عمر...كايوقاع معاه العكس ...

ضار عندو عمر بغيض بينما براهيم بدا يضحك بحال لمجنون

وادا بالعروسا كاتجري نحو الباب الخارجي باغيا تهرب 

لاكن وايلا شداتها بصعوبا كاتحاول تقنعها

ايلا-راجلك كايتسناك هدا يوم سعدك

غوتت وئام وهي كاتحاول توصل لمقبض الباب..

وئام-مابغيتش نتزوج مابغيتش لعرس

وادا بعمر وبراهيم طاحو للارض كايموتو بالضحك بينما محمد كايشوف فيهم بغيض وناض عند وئام وبلحلته الرسمية وبصوتو الهادئ قال

محمد-فالجانب الاخر..ياسر لي غادي يطير بالفرحة حيت غايتزوج ببنت بحالك ..ماتخليش هضرت هاد لحماق تأثر على حبك ليه...فالنهاية نتي غادي تعيشي معاه..

وسط صمت قاتل وهوما كايشوفو فيه شعر بالخجل ...فاتوجهت وئام لعندو وطبعت قبلة على خدو بقوة حتى خلات احمر الشفاه الخاص بيها مطبوع على وجنتيه ..وقالت بحماس وهي كاتهز فستانها الابيض

وئام -باغيا نتزوااااج

ضحكو عمر وبراهيم وشادين فكروشهم ..بينما محمد كايبتاسم بلطف وايلا كاتشوف فخوها بلطف حيت قدرات تربي اخ محترم ومربي ورزين فكلامو تماما بحتل خوه اسد

دخلت نورسين بحماس طفولي وقالن بصوت مرتفع

نورسين-سلااااااام....

شافو فيها كاملين وسط صمت قاتل وتطفى حماسها وقالت

نورشيت-واش دخلت للغرفة الخطئ

قال عمر لبراهيم وهوما ماوجهين لعندها

عمر-انا نقتلها ونتا دفنها تافقنا

قال براهيم وهوا كايعلي كمامة

براهيم-تافقنااا...

تراجعت للخلف وقال بتوتر

نورسبن-واش تعطلت

اشار عمر باصبعو وئام وقال

عمر-لعروسا مابغاتش تتزوج بلا ماتحضريلهاش حماقت نسكينا

شهقت نورسين بخوف

نورسين-وئام واش بصح وليتي مجنونا

رفعت وئام حواجبها وقالت ..

وئام-ماتيقيهش كايكب

شافت فعمر وقتلت باستياء طفولي

نورسين-كاتكدب

بتاسم وهوا كايطبطب على راسها وقال

عمر-اه كانكدب

ضحك براهيم وقال بحماس

ابراهيم-كلنا كانكدبو

شافو فيه بنضرة قاتلة بتالع ريقو بتوتر وبتاسم بارتباك

ابراهيم-راه غير كانضحك معاكوم

دخل اسد للغرفة وقطع الصمت وقال

اسد-عندنا عرس كايتسنانا ...اشنو مزال كاتسناو هنا

قال محمد وهوا كايشوف فربطة عنق اسد لمرخية وستغرب

محمد-اسد ..قالينا ياسر انك ماكنتيش معاه فين كنتي

قفزات نورسين وشهقت وسط الصمت رفعت ايلا حواجبها بشك وبتاسمت بمكر

ايلا-فين كنتي ااسد

قال براهيم وهوا كايقرب من اسد وكايغمزو

ابراهيم-الخطيب والخطيبة ختفاو فنفس الوقت وبانو فنفس الوقت ...اشنو واقع...؟ فين كنتو ..؟ شنو درتو..؟

شاف اسد فنورسين بنضرة فاحصة ولقى الخجل على وجهها الفاتن وقال لبراهيم بغيض وعاقد حواجبو

اسد-سكت قبل مانطبع صفعة يدي فوجهك 

وكمل كلامو بجدية 

اسد-زيدو يالاه لعريس كايتسنانا

صفق براهيم بحماس مشا وهوا داير يديه على كتاف عمر معنقو بينما ايلا قربات من نورسين وتقبطات بيديها وقالت بابتسامة ماكرة

ايلا-علاش لعكار ديالك تمسح درنا انا وياك نفس لعكار ديالي مزال وديالك تمسح ...اشنو كايعني هادشي

بدات نورسين كاتكح بتصنع باغيا تتهرب منها وغير شافت لمار مشات كاتجري لعندها

نورسين-لماااااااار انا جايا تسنايني

وقفت ايلا وربعات يديها وكاتبتاسم

ايلا-عصافير الحب هه

بينما محمد كان خرج مور اسد بهدوء وقفو وقال

محمد-اسد

ضار لعندو وقال

اسد_اشنو كاين امحمد ..

بتاسم محمد وقال

محمد-واش نتا فرحان

سكت اسد مستغرب وجاوبو 

اسد-ونتا واش فرحان

محمد-لمار عتارفتلي لبارح انها كاتبغيني ...كما ان عائلتي معايا ..بالطبع سعيد

بتاسم اسد بحنية وقال وهوا كايمسح على شعر محمد وخربقو

اسد-مدام الاخ الاصغر سعيد...فالاخ الاكبر غادي يكون سعيد حتى هوا

محمد-انا محضوض بزاف حيت عندي اخ بحالك

عنقو اسد بقوة وقال

اسد-لو كانو واليدينا هنا كانو غادي يكونو فخورين بيك بزاف ..لو كانو كاينين كنت غانقولهوم شوفو خويا صغير ..سعيد وقوي ...تعلم من ألمو لي خلا منو انسان قوي...خويا صغير ماستستلمش ...نتا اقوى من توقعاتي 

عنقو محمد حتى هوا وهمس

محمد-انا قوي فاش كاتكون معايا اخويا 

اسد-لا نتا قوي بوجودو او بدوني

بتاسم محمد ببراية وفخر

محمد-اه انا قوي ...

طلق منو اسد وخربق شعر محمد عن عمد وكايضحك

اسد-يااه نمشيو ...

يتبع في الجزء الأخير