وصلات نورسين للمغرب وكان فاستقبالها عابد وبويكا وستيفانيا كدالك تعانقو وتسالمو....
ستنشقة نورسين عبق رائحة بلادها ومدينتها لي توحشاتها بزااف قتارحت عليها ستيفانيا باش تمشي معاهم يتغداو فدارها لاكن هي عتادرات منهم كاملين وقالتلهم بلي توحشات صاحبتها وبغات تشوفها وخلاوها على راحتها
ركان كان كايشوف فيها بنضرات حنينة حيت فلفترا لي كانو مع بعض كان كايتقرب منها وبدا يحس من جيهتها ببعض المشاعر لاكن هي ماعمرها عارتو اهتمام وديما كاطبق واحد المقولة كاتقوا ((لست حبيبة احد ولا احد حبيبي تركت لكم الهوى وعشقت نفسي♡♡)) ديما كانت كاتقول هاد الجملة فينما كايجبدلها ركان شي موضوع على الحب والعشق كانت كاتجاوبو بهاد الجملة وبانها مكاتهتمش بشي حاجة سميتها الحب والغرام وبلي حياتها راسمالها مخطط لي هوا تسترجع ممتلكات بباها طبعا حكات لركان على قصة حياتها كيفما عاودتها لياسر اواعدها يوقف معاها ويعاونها الى حتاجا للمساعدة ماعمرو صارحها بحقيقة مشاعرو وكتفى انه يبقى فقربها ويكون ليها الحصن والدرع ويحميها الى ان يحن قلبها
وصلها ركان بسيارت بويكا لحد باب الدار اودعاتو وطلعات مع الدريجات توحشاتهم وتوحشات الدكريات البريئة لي دوزتهم فيها وصلات للباب و دقات لاكن حتى واحد ماحل جبدت المفاتيح من صاكها وفتحت الباب ودخلت لاحت شانطتها وصاكها وبدات كاضور بجنون وضحك وتلمس الاشياء والصور وسط الدار لي كانت عبارة عن غرفة كبيرة ومطبخ وحمام
نورسين-هههههههههه صااافي انا ماغاديش نرجع العقد ديالي كان فيه غير 3 سنين وصافي غادي نستاقر غير هنا ....خلكي مني شنو درتي مع داك الشاب لي ديما حارقالي دماغي بيه
لمار-امممم الريحا ديال الطاجين كاتشهي اجي ناكلوه
نورسين-كاتهربي الحمقا حشمتي مني
لمتر-(غطات وجها بيديها) هههههه اااه
نورسين- ااااه وفتلفون محشمتيش
لمار-تلفون ماشي هوا مباشرا
نورسين-ههههههه حمقا ديالي اجي ناكلو فيا جووووووع كان يحسابلي غادي نلقا لماكلة واجدا مايحسابليش بلي صاحبتي هي اعكز بنت على الكرة الارضية
لمار-نتي لي ماقلتيليش راك جاييا اما كون راني ستقبلتك فالمطار اوجدتليك شهيوات لي كاتبغي
تغداو لمار ونورسين وهوما كايضحكو ويلعبو بحال شي بنيتات صغار دوزو داك نهار زوين بزااف ودازو ايام زوينا رتاحت نورسين من داك العالم لي كانت عايشا فيه ودوزات كتر من شهر وبقات على اتصال بعابد وستيفانيا وبويكا وكدالك ركان وبلخصوووووووووص ياسر تقابلات معاه كتر من مرا فاش رجعات للمغرب اولاو اصدقاء مقربين بزاف وبيناتهم تلفونات فنهار وفليل وكل مرا كايعرض عليها لشي مكان ويتحدتو مع بعض وكايدوزو وقت زوين بزاف
لمار دخلها شك فنورسين لي مارجعتش لخدمتها كيف يحسابلها وبدات كاتسول فنورسين امتا غادي ترجعي للخدمة ...
هي اصلا مامحتاجاش تخدم لان عندها سالير محترم كاتخلص من عند الدولة وكدالك وفرات لكتير من لفلوس من لي كانو كايعطييوهم فالمنحة كل شهر لاكن شك واسئلة لمار لكتيرة خلات نورسين تنوض تقلب على خدمة غير باش تسكت لمار وماتبقاش تسولها بزاف ومنها تلاهي راسها وماتبقاش غير كالسا...وفهاد الاثناء نورسين كانت كالسا فواحد المقهى وطلبات عاصير بارد باش تبرد على راسها حيت الشمس حرقتها بكترت ضوران وبعد لحضات صونا تلفونها وجاوبت...
________________
نورسين-الو...لباس
عابد- لاباس اشنو منهار دفنوه مازاروه
نورسين- غير من صوتك عرفتك باغي مني شي حاجة
عابد-تماما اجي عندي للعنوان لي غانسيفطليك فميساج...
نورسين- اوكي واخا (قطعات)
خرجت نورسين من المقهى وشدات طاكسي بعد عناء طويل راكوم عارفين المغرب الى وقفليك طاكسي عرف انك عندك زهر وصلات للعنوان لي سيفطلها عابد ودقات الباب وحلها واحد الشخص...
نورسين-(باستغراب) سلام ....فين هوا عابد
عابد-(خرج من الغرفة) هاهوا كاتقلبي عليا
نورسين-اش هاد المكان لي جايبني ليه كون غير طلاقينا فدار ستيفانيا
عابد- لا مايمكنش
نورسين- وعلاش مايمكنش
عابد-حيت صافي وليتي منا ومن هنا لفوق غادي نبقاو نطلاقاو فالمقر يعني هنا
نورسين-(بحماس) اووووه واااااو بديت نتحمس
عابد-ماتحمسيش بزاف باش ماتصدميش فاللخر..اجي تبعيني
دخلها عابد لواحد الغرفة لي فاش دخلات ليها بقات غير حالا فمها فدوك الاجهزة والحواسيب لكتيرا والمكاتب والطاولات وبعض الموضفين باينا فيهم حتى هوما من المخابرات نباهرات فداك المنضر ...
نورسين-واااااااو هادشي كانشوفو غير فالافلام اعابد
عابد-(بتاسم بسخرية) اجي كلسي هنا بما انكي شربتي عصير فالمقهى بلامانطلبليك وحداخور
نورسين-(تصدمات) عابد كونتي حاضيني ولا مسيفط لي يحضيني
عابد-ياخسارة 3 سنين فيكي ماتعلمتي حتى زفتا ياحصرتاه صيفطناك تقراي فالخارج وتكتاسبي خبرة ونتي غير غاديا وحالا فمك وماداياهاش فلي جاري من حولك...
نورسين-(حكت راسها بغباء) مازال ماولفة اسي عابد
عابد- من هنا لفوق عيطيلي شاف بلا ديك سي عابد اوكي (شاف ركان دخل) هاه هاهوا جا ...دابا نقدرو نبداو....
ركان-(سلم على نورسين) تهانينا صافي منين وصلتي للمقر راكي تمجهدتي
عابد-صافي باراكا من الضحك تعوطو معايا رتاحيتو بما فيه الكفاية وجا وقة الخدمة (سلط الضوء على واحد الشاشة كبيرة) المهمة ديالكم هي كاالتالي
هي منضمة تسعى لقتل المجرمين ؛ لاكن اساليبها فلقتل متوحشة وقاسية .كاضم هاد المنضمة افضل القتلة في العالم ومدربين لمواجهة اي عدو كايئمروهم بالتخلص منه ولكل فرد اسلوب عملو وطريقتو ولقبو الخاص بيه ومع دالك كايشتاركو فالقتل ...وهي منضمة مامعروفش من اشمن بلد لاكن الاعضاء ديالها من مختلف البلدان والقتلة ديالها من مختلف الجنسيات ...
ركان- وشنو المطلوب منا حنايا اشاف
عابد-(شاف فنورسين وشاف فالشاشة) كاين واحد الشاب مغربي مشتبه فيه
نورسين- ادن خصنا نشدوه ونحققو معاه
عابد-(تنهد من الغباء ديال نورسين) ماشاء الله عليك عندك افكار زوينين ايوا صافي سيري شديه وجيبيه لينا وماتنسايش تجيبي معاك شي دليل يتبت ادانته...(بصراخ) واش كاتسطاي عليا
ركان-شاف برد شوية هي راها مازالة جديدا وماعارفا والو
عابد-وديك 3 سنين لي قراتهم فين مشاو
نورسين-صافي اشاف انا غادي نسكت غير ماتعصبش...اوكي
عابد-اوووف نورسين نتي غاتكون المهمة ديالك تتقربي من هاد الشاب وتكسبي ثيقتو ...ركان نتا المهمة ديالك تبقا مراقب حركاتو واحتمال نشوفلك شي خدمة فشركتو
نورسين-( غضبات) اناراه ماشي غبية ولاكن بغيت غير نعرف قصدك من التقرب من هاد الشاب
عابد-سااهلة غادي تقربي منو حتى تكسبي ثقتو وقلبو حتى هوا 💖
نورسين-(ضحكة بسخرية) غادي نعاود نقووول لست حبيبة احد ولا احد حبيبي تركة لكم الهوى وعشقت نفسي😼 (ماجات تكملها حتى نزل عليها بلكتاب على راسها حتى غوتات وبدات تحك راسها بالم) اااااه 🙈علاش ضربتينييييي والله حتى حرام عليك فرقتيلي راسي...🙊
ركان-(ناض لعندها كايطمائن عليها ) واش كاتحرقك بزاف (مجا يكملها حتى نزل عاليه حتى هوا بنفس لكتاب حتى غوت) ااااااااه😵 علاش كاضرب اصاحبي (زادو ضرا وحداخرا) اااااه صافي الى كنتي غادي ترتاح غير ضربني انا وماتقيصش نورسين 😔
عابد-(كلس على الكورسي بغضب) اغبياء حمقى ... سمعيني نتي غادي تقومي بالمهمة ديالك على اكمل وجه وانا ماقلتلكش ولي تبغيه وتغرمي بيه قلتليك خليه يولي يبغيك
عابد- واش نزيدك شي ضربا اخرى باش تقادي معايا حيت على مابانلي ماكفاتش الضربة الاولى...
ركان- شاف من الاحسن تخليني انا نقوم بهاد المهمة وهي خليها بعيدا مابغيتش شي حد يقرب منها
عابد-(شاف فيه بغضب) صافي واخا ماتنساش دوز عند لكوافورا تقادليك شوية دلمكياج لا لكوافورا ماعندها ماديرليك من الاحسن نديك عند دكتور التجميل نزرعليك صدر والارداف ونديرلك ليزر باش نحيدو اللحية ونديرولك عملية زرع الشعر حيت شعرك بدا يخفاف واشنو بانليك نديرلك حصص الحقن ديال الهرمونات الانتوية وعلى الله تطلع كاتشبه لبنات ويقدر روميو يتغرم بجوليت الدكر....شنو بان ليك
عابد-(بتاسم وطبطب على كتفها ) الله يكون معاكوم القضية غادي تاخد شوية دلوقت كونو صبورين...
_________________
نسينا أسد وعائلتو نرجعو عندو نفكركم فيه اخر مرا دكرتو فاش ضرباتو نورسين لمستقبالو وخلاتو كايتوجع هههه
منضر القاعة لكبيرة فمنزل أسد مالك ...وعدد الخدم لكبير ...هاد الليلة مهمة بزااف
كانت وحدا من الخادمات كاتصفف شعر آيلا اختو لي كانت كالسا امام لمراية لكبيرة فغرفتها الواسعة ...دخل أسد وداير يديه فجيوبو وكان لابس ملابس رسمية ومحترمة سوداء وطبعا صدرية اهم شئ باش يثبت فخامته ومدى رجولتو ...وقال بملل وعدم اكترات
أسد-كانتمنى تهتمي مزيان بامور محمد فغيابي(خوه صغير)
آيلا-أسد ماتزيدش فيه محمد راه فعمرو 20 عام ماشي صغير باش تقلق عليه...
أسد-(عقد حواجبو وغمض عينيه بانزعاج) ختي نتي عارفا ان محمد ماشي فطبيعتو هاد لايام وانا خايف لي...
آيلا-(ضارت عندو بفضول) بلاتي فين غادي وهاد لعشية عيد ميلادك
أسد-(بنبرة هادئة)عندي اجتماع
آيلا-(بعتاب) واش غاتخلي ضيوفك لي غايجيو على قبل عيد ميلادك
أسد-(بعدم اكترات) هاد النهار مامختالفش على البارح بانسبة ليا وماكنتش باغي نحتافل بيه على اي حال ...
آيلا-(لوات شفايفه اباستياء) اوووف يالك من طفل غير مبالي(بتاسمات) تهلا فراسك وسوق بحدر
خرج شخص من الحمام ملوي علي نصو تحتاني فوطة غير شافتو آيلا غوتات
آيلا- عمررررررر لبس حوايجك غادي يضربك البرد
عمر- هاه اااه واخا نسيبي فين غادي اليوم عيد ميلادك
أسد-(شاف فيه بنفاد صبر ولوح بيديه وخرج كايهضر) لبس حوايجك اصاحبي تفوووو على منضر
فهاد ثلات سنوات لي فاتو تغيرو بزاف دلحوايج ومنهم آيﻻ لي تزوجات بعمر صديقها القديم ومر على زواجهم عاماين....
نزل أسد مع الدروج وفخامتو تأسر قلوب الخادمات لي خلاو خدمتهم وبقاو يشوفو فيه وفمدى رجولتو وفخامتو واخا يكون مزاجي كاتبقى على ملامحو الجدية ملاك جداب و الوسيم....وهي احد الاسباب لي كاتخلي الخادمات يتسابقو على تنضيف غرفتو واحديتو وملابسو باش يقدرو يشمو رائحة عطرو الفخمة
***في المساء***
توافدو الحضور على الفيلة أسد وستقبلوهم الخدم ودخلوهم للقاعة لي كانت غاية في الروعة اضوء وشموع وعشاء فاخر ومشروبات بمختلف انواعها
بدا الاحتفال بالشخص لي مارحب بيهم ماستقبلهم ...رغم انهم شعرو بالاهانة وكان تصرف أسد غير ملائم وجارح لكبريائهم لاكنهم كملو الاحتفال باليوم المهم ولد الشخص الاسطوري والمعروف سي (ارسلان) المتوفي...
كانت آيلا منحرجة من اسئلة الشباب ولبنات وكلشي كايسقسي فقتاش غادي يجي أسد قربو منها مجموعة البنات بابهى طلاتهم وقالت وحدا بخجل وتردد
البنت- واش أسد صارم دائما هاكا؟ سمعت انه مزاجي ومكايضحكش كااع...
البنت الثانية- واش عندو حبيبة
البنت الثالتة-(وهمست فودن آيلا) شحال من عضلة عندو فصدرو
آيلا- الزينا والاضواء والماكلة وشراب ...يلاه للكوزينة باش تعاونو لخدامات...
البنت الثالتة-واش كاتحاولي تعاقبينا شنو درناليك باش تغضبي هاكا ...
آيلا-(بتاسمة وهي كاتشوف غوجوهم لمستائه) واش شفتو شي حد غضبان و كايضحك هههههه
__________
كانت الجدة مي عيشة كالسة مع النساء المسنات وكاتمدح فحفيدها أسد وكاتوصفولهم فاش كان صغير ...
عمر كان كايضور على الحضور ويدردش معاهوم باش مايسولوش على حضور أسد لي سبب فاحراج كبير للعائلة ومازال مارجعش للدار.... ابراهيم (ولد خالت أسد)لي كان كايضور بين الحضور المملين وكايحاول يلقى المتعة لي هربات منو لان الحفلة كلاسيكية المملة بالنسبة ليه وموسيقى الجاز لي كاثير الغثيان
آيلا- ضيوف كايحسو بالاهانة من تصرفو ...وكايتهامسو الوقت كامل واش ماحسيتيش ؟ وعاد زيد عليها لينات طبخولي راسي بالاسئلة المحرجة عليه شنو كايلبس شنو كياكل شحال عندو دلعضلات فكرشو غادي نموووت بالفقصة
عمر-صافي غادي نتاصل برقم الشركة غير تهدني
_______________
وصل امام شقتها من بعد ماخرج من الشركة بكري ..رن الجرس مرة وحدا وتفاجئ بالباب تحلات بسرعة وطارت عليه عنقاتو وسط تفاجئو ويديها محاوطا على ضهرو لعريض كانت لابسة فستان دموي اللون حريري وكمامو قصار ومنفوش من الاسفل وقالت بحماس
نهال-كل عام وحبيبي بخيييير
كانت الشقة مضلمة ومزينة بالشموع كان المنضر بحال نجوم وسط سما كحلة رائحة العطر كانت تفوح فالارجاح المكان...اما أسد كان هادئ عكسها هي
نهال-غادي تحتافل معايا ياك
دخل الشقة وسط استغرايها من تجاهل سؤالها ..ضار عندها وبصوة خشن قال
أسد-لا ..عائلتي وجدو احتفال على قبلي ...مانقدرش نخليهم جيت غير باش نطمائن عليك...
نهال-ادن غادي تخليني وسط هاد الشموع وتمشي...بغيت نحتافل معاك نتا ماشي مع راسي
أسد-(شاف فيها ببرود) علاياش كاتملمحي امدموزيل نهال...
كانت فالسيارة كالسة فالمقعد الامامي ومغمضا عينيها وركان كالس فمقعد القيادة وكايفكر فالبنت لي كايبغي وكيفاش غادي تحاول تغوي شاب باش يوقاع فحبها مجرد هاد الكلمات كايخليوه يتعصب قاطع افكارو عابد لي ركب فالمقعد لوراني ديال السيارة وفيدو كارطون كبير
ركان-شنو داكشي لي فيديك اشاف
عابد-هادي الطورطا لي غادي دخلها نورسين للفيلة وتما غادي طلاقاي بالشاب لي قلتليك عليه
نورسين- اجي شنو سميتو هاد الشاب وماوريتينيش صورتو باش نعرفو
عابد- الغبي علاش معيطلها العميلة رقم 7 فوسط الشارع
ركان-راه ماسمعنا حد اشاف الشارع خاوي
عابد- الحيوط عندها ودنين بقا ترض البال شوية
ركان-وعلاش ماقلتيلهاش سمية ديال الشاب
عابد- الى عرفات سمية ماغاتبغيش دخل
ركان-مافهمتش وعلاش
عابد-(شاف فيه بغضب) بدل الساعة بخرا حسن ليك
وصلت نورسين لبوابة الرئيسية لي كانو جدرانها مزينين بالاضواء المتلالئة دخلات لاكن فلحضة دخل فيها شخص حتى اختل توازنها بغات تغوت عليه لاكنو زاد بسرعة وماضارش حتى يشوف فيها ولاحضات يديه لي ماسكين فيد بنت بقوة وجارها وقالت بصوت خافت وهي كاتدلك كتفها
نورسين- مالو هاد بنادم تقول نهاية العالم علاش زربا علاش
كانت غادي طيحلها طورطا من يديها شدتها مزيان وقررت تبعهم ودخل حتى هي ....فتح أسد الباب ويديه ماسكين فنهال لي كانت خايفا وكاتحاول تجر يديها من قبضة أسد لي كان معتاصر يديها بقوة ضغطت على كتفو بترجي وتخبات وراء ضهرو لعريض
نهال-اسد خلينا نمشيو من هنا قبل مايشوفنا شي حد....عافاك انا مابغيتكش تعرفني على عائلتك بهاد الطريقة الخايبة.....
دخلت نورسين للفيلة وشافتهم واقفين والبنت كاتهضر وتبكي بينما الشاب واقف ومكايتصنتلهاش وقفها وقالها
أسد-دخلي للحمام ومسحي دموعك...ماغاديش نعرفك على عائلتي ونتي كاتبكي...
نهال-(مسحت دموعها) اوكي فين هوا الحمام
أسد-(اشار باصبعو لليسار ) ماتعطليش غادي نتسناك
طلقت من دراعو ومسحت دموعها وتوجهت للحمام اما نورسين كانت حاضياهوم ملور وكاطبق داكشي لي قراتو فطريقة التجسس تسللت مور اسد لي كان عاطي بالضهر وحطت الطورطا فالباب وحلت باب الحمام ودخلت لقات نهال كاتبكي وشهيقها كايعلى شوية بشوية ...يتالعات ريقها وهي كاتراقبها وقالت
نورسين-واش نتي بيخير؟؟
نهال-(مسحت دموعها) اه انا بيخير شكرا على سؤالك
نورسين- مزيان ...انا غادي نمشي
شداتها نهال من يديها بترجي ونورسين وضارت تشوفها
نهال-ختي عاونيني...
نورسين- ولاكن كيفاااش....
بعد 10 دقائق عيا أسد من الانتضار وبغا يقتاحم الحمام لاكنو تفاجئ منها فاش خرجت نهال وكانت جامعا شعرها للاعلى ملوية على راسها شال على شكل عمامة وحانيا راسها...ماداهاش فيها ...وشدها من يدها وجرها دخلها للقاعة وتمشا بين الحضور وجارها موراه خطواتها كانت متعرجة ....طلع فالدروج وداير يد فجيب ويد شادا فيها وكاع الحضور نتابهولهم وقف وقال بصوت مرتفع
أسد-واخيييرا جا وقت الحمااس الحفلة كانت مملة بزااااف ياكو
محمد لي كان واقف مقابل معاه بقا غير حال فمو ومافاهم والو وماشي غير هوا بل كولشي لي فالقاعة العائلة كاتسائل والحضور بداو كايتهامسو
على البنت لي واقفا من وراه....
أسد-(بصوت هادئ) اولا شكرا على الحضور فعيد ميلادي...وشكرا لكاع الناس لي جابولي هدايا وهنئوني....فهاد النهار وبهاد المناسبة وفحضوركوم بغيت نعلن عن خبر هاام....(بتاسم ابتسامة جانبية كلها تحدي وقال) غادي نعرفكم على خطيبتي
شهقت جداتو مي عيشة ودارت يديها على فمها وكدالك آيلا لي بقات مسمرا اما عمر بتاسم وضكاااك عكس محمد واكرام لي بقاو غير مصدومين من طريقة كلامو حيت ماشي هادو هوما الاصول وماشي هي عاداتنا كمجتمع مغربي البنت مكاتعتابر خطيبتك حتى كاتمشي تطلب يديها من دار وليديها
وسط همسات الحضور وتفاجئهم نترت يديها منو وسط استغرابو وونزلة حتى وقفت امامو ويديها على العمامة لي على راسها وكاتزول فيها وقالت
هييي اش كاتقول نتا اشمن خطيي....
علات عينيها وكانت الصمدة لكبيرة ليهم بجوج ضربت فقلوبهم بحال البرق وتوقف عندهم الزمن للحضات اواحد كايحدق بعيون التاني بدهشة🙈🙈🙊🙊🙉🙉
فصل 12
قالو بجوج فدقا
أسد /نورسين-- هدا نتا !!!؟ // هادي نتي؟!!!!
توسعو دوك لعينين العسلين وهوا كايشوف فعينيها زرقين لكريسطالين لي كان واضح عليهم الخوف ...شافت علي يمينها وعلى يسارها طريق كلها عامرا بقاليها غير دروج شافت فيهم وشافت فنضرات أسد وطلعت كاتسبك بطريقة جنونية تدارك نفسو وتوكض فاش شافها هربات وفلحضة تبعها وطلع كايجري وكايخلف بدل الدرجة جوج وبدل جوج تلاتا بقا ملاحقها حتى طلعات للسطع ومابقالها فين تهرب بغات تسد الباب لاكنو وضع رجليه باش ماتسدش هي كادفع وهوا كايدفع ويغوت ويسب
نورسين-(دارت يديها على ودنيها باش تتاصل بعابد وركان)واش كاتسمعوني
عابد-كانسمعك تكلمي
نورسين- واش هداك الشاب لي قلتي هوا أسد تاج مالك
عابد-احم احم هواا صراحااا....اااه
نورسين-(ضربت بكعبها على الارض بزعف) وعلاش ماقلتيهاليش علاااااااش
عابد- كون قلتهالك ماغاتبغيش تنفدي المهمة
نورسين- (بصراخ)الله ياخدني ونرتاااح هدا راه اكبر عدو عندييييي
ركان- نورسين خرجي من تما حالا ....
عابد-(ضربو على راسو) سكتنا ابنادم الى خرجتي من تما غادي نتفاهم معاك وغادي تعاقبي على عصيانك انا غير علمتك (قطع عليها)
فهاد اللحضة دخل أسد دفع الباب بقوة وتغلب عليها وهي هربات منو حتى وصلات لحد الصور وبغات تنقز لاكنو عالي بزااف 3 طوابق قلبها كايضرب وتشوف فيه وترجع الطل وتقلب على مسلك يهربها لاكنو كان واقف بهدوء وبتاسم ابتسامة كلها مكر حشا يديه فجيابو ووقف بطريقة جنتلمانية وقال بكل ثقة وبصوت عالي
نورسين- انا اصلا ماجيتش على قبلك انا جيت باش نوصل لكاطو لي طلبتوه من المخبزة ...
جرها من يديها وزاد وهي كانت كاتحاول تتفك منو لاكنو اكتر قوة منها هبطها جارها مع دروج لاكن هي سئمت من جرو ليها وطبقة احدى الحركات القتالية لي تعلماتلهم فالمؤسسة وشلات حركاتو ولسقاتو مع لحيط ( كم انتي قوية)
نورسين-(قربات من ودنيه وقالت) شوف انا غادي نطلق منك وغادي نمشي بحالي ماشفتيني ماشفتك اوكي وبلا مشاكل الله يخليك
بحركة مراوغة تقلب السحر على الساحر وشدها من يديها بجوج وشل حركتها وقال بسخرية
أسد-قوية مع راسك هاه انا راه مازال مانسيتش الضربة لي عطيتيني ماعرفتش واش تشقات الارض وبلعاتك حيت قلبت عليك و كونت باغي نردليك الصاع صاعين لاكن ختافيتي ...وبما ان الله جابك حتى لمابين يديا مستحييييل عرفتي شنو هي مستحيل ...مستحييييييل نخليك تخرجي من هنا...
تضايقة من نفسو لي كاترتاطم بعنقها ودفعاتو وبهمس قالت
نورسين-سااااهلا قولهم انه سوء فهم وغادي يتحل المشكل كامل
أسد-(بتاسم بسخرية) نتي راكي ماعارفاش عائلتي من اشمن نوع هوما كايتسناوني غير نخطئ باش يفكروني باخطائي خصوصا جداتي لي كاتحاول بجهدها تشوفني مهزوم باش تلعب ضور السيدة الحكيمة وتبدا تنطق بالسخافات بحال جملتها الشهيرة ( نتا واخا كبرتي اوليتي راجل لاكن فعيني مازال مومو ) كانكرها فاش كاتصغرني وانا غير قبيلة شفت فيها بتحدي قبل مانعلن علاقتي بسكرطيرتي
نورسين-هاكااااااك.. ادن هوا تحدي بينك وبين جداتك الصعيبة ..اولااا حيت كاتكره الخسارة هدا لاش ماباغيش تبين الحقيقة
قرب منها بضعة خطوات ونضراتو ليها كانت تنافسية
أسد- انا مكانخسرش ابدا....وزيد عليها باغي نلقن نهال درس فالشجاعة وعدم التردد ...غادي نسالي معاها....
نورسين-اشنو قلتيييي ... واش حماقيتي
أسد-ضعفها وترددها خلاوني نشعر بالخزي ...وضعاتني فموقف محرج ..غير حيت هي جبانة ...ماتخافيش انا ماغاديش نسالي معاها فخطرا ...كيف شفتي هي سلمتني ليك بمحض اراضتها وغادي نخليها تندم على فعلتها
دفعاتو وتقدمت نحو السرير وكلست وكاتشوف فالارض بحيرة وقالت
نورسين- مزياان...فهمت ...ودابا شنو باغي مني ندير
قرب منها وتحنا عندها شي لي خلاها ترجع بالخلف بارتباك من نضراتو الغامضة ...حط يد على السرير ويد مسك بيها دقنها ورفعو باش يتسناليه يمتالك انضارها ....شاف فيها بتحدي وقال ...
أسد-"بغيتك تكوني ملكي لمدة شهر كامل "
_______________________
توسعت عينها الرقاء باستغراب ودهول وهي
كاتراقب ملامحو الجدابة لي ستفراتها ومدى روعة دقنه الملتحي وشافت فربطة عنقو المتدليه شداتها وجراتها لعندها وسط نضرات الفضول لي عتلات وجهو الجداب والجميل ..نضرة ليه بنضرة قبول للتحدي وقالت بلهجة ساخرة
دخل محمد للغرفة ببطئ ولقا نورسين كالسا على السرير وكاتشوف فحوض الاسماك وتخلعات فاش شافتو
نورسين-شكون نتا...
محمد-(قرب منها بضع خطوات وكلس على السرير ) انا محمد الاخ صغير ديال خطيبك ...تسببتو بضجة كبيرة هاد نهار
وقفت ومشات كاتحاول تحل الباب
نورسين- انا ماعمري غادي نعاون شي حد طول حياتي هدا وعد مني ...(زفرت فاش مابغاش يتحل الباب) هداك خوك حبسني هنا انا خصني نرجع لدار دابا مشا لحال
محمد-خويا شخص عنيد بزاف لدالك كانصحك تبقاي كالسا حتى يرجع بينما حل المشاكل لي لتحت
نورسين-علاش...شنو واقع لتحت..
محمد - من جيها الصحافة ومن جيها العائلة والاقارب...(شاف فيها) ادن نتي ماشي نهال
نورسين-(شافت فيه بابتسامة فخر) انا نورسين المالكي...لاكن نتا لمفروض تعرفني باسم نهال كيفاش عرفتي
محمد-(بادلها بنفس الابتسامة وهمس باسمها) نورسين المالكي ...حيت سبقلي تعرفت على نهال الحقيقية...
نورسين- ودابا نهال ديالكوم هربات وانا لي كانتلام هنا ...هوا راه ناوي يحبسني هنا لمدة شهر..سمحلي نقوليك خوك مغتر بنفسو بزاف كايبغي نفسو وكايعشقها لدرجت غادي يتزوج بيها عن قريب...
شاف فيها وبدا يضحك رغما عنه شافت فيه باستياء وكملات كلامها
نورسين-بغيت نمشي بحالي شنو ندير فكر معايا
محمد-شكون قاليك انكي غادي تحبسي تافقي مع خويا بانكي ماغاديش تهربي وغادي يخليك ديري لي بغيتي
خرج من دار وخلاها غادي تنفاجر من الغيض والسخط وعيون الحضور عليها تمالكت نفسها وطلعت مع ضروج شافتها آيلا وحسات انها غادي دير شي حاجة لخطيبة اسد وتبعتها وصلت للرواق فتحت باب غرفت أسد بقوة لاكن مالقات حتى واحد شداتها آيلا من دراعها وكاتترجاها
آيلا-جداتي عافاك تمالكي اعصابك
ضارت عندها بغضب وغوتات
مي عيشة-اكيد غادي يكون جاب لينا شي بنت زنقا طامعا بفلوسو ...هوا مكايبغيش يتصنتلي وماكايديش على هضرتي وماكايحتارمنيش اآيلا علااش؟ راه حشمني قدام عباد الله ...علاش مقالهالناش قبل ونمشيو نخطبوهالو على سنة الله ورسوله بحالنا بحال كاع الناس ...واش حنا ماشي عائلتو ....
سكتات آيلا وشافت فكلام جداتها الحقيقة طلقت من دراعها وكملت مي عيشة البحت ديالها على نورسين فتحت باب غرفت محمد ولقاتهوم كالسين بجوج فالارض وكايتبادلو الحديت
سكتات نورسين وهي كاتشوف فنضرات الجدة بارتباك فضيع وعينيها كايرجفو بالخوف اوقفة وكدالك محمد وقف امام نورسين وقال بصوت هادئ
محمد-جدا تهدني عافاك
مي عيشة-(قربت منها وهي كاتفحص شكلها ) انا ماغاديش نقبل علاقتكم مهما كااان
ماقدرتش نورسين تجاوبها لان الجدا عندها الحق باش تغضب بشأن علاقة حفيدها لي خبعها عليها ...مي عيشة من النوع المتسلط لي كاتبغي تختار لعرايسات لحفادها بنفسها
آيلا-ماشي مشكل تشرفت بمعريفتك رغم ان ضهورك كان مفاجئ لاكن بلاما توتري ...حنا مسالمين
وبالنسبة لجداتي دابا تتقبلك مع لوقت لهدا ديري لي فجهدك باش تكسبي رضاها
بتاسمت نورسين وبادلتها آيلا نفس الابتسامة وخرجت وخلاتهوم شدات فكتف محمد وقالتلو فودنو
نورسين-هاد البنت صبقلي شفتها فالشركة ...
محمد-آيلا ..هي الة الفضائح غير تتفكر فين شافتك وماغاتخلي لمن تقولها
نورسين-الة فضائح ؟؟؟؟
محمد-طبعا غير غادي تتفكرك وغاتي تعرفك نهال لمزورا
نورسين-فين هوا خوك. خلاني تحت رحمت عائلتو وهرب
محمد-علاش شفتو قبيلة فاش خرج ماعرفتوش فين مشا علاش واش بغيتي شي حاجة...
نورسين-بغيت تلفون
مخمد-علاش
نورسين-بغيت نطمئن صاحبتي ونعلمها باش ماتسنانيش...
عطاها تلفون وشداتو منو وهي تتفاجئ باسم (دَوْكَس) طالع على التلفون
نورسين- اسم غريب اممم.... دَوْكَس كايتاصل بيك...
بسرعة خدا منها تلفون وجاوب...
محمد-الو خويا...كيفاش نخبع عليها تلفونات...شنو كاين صوتك كايخلع
شافت فيه بدهول وهوا كايهضر مع خوه سالا هضرتو وشاف فيها وبتاسم
محمد- المتملك النرجيسي ..حدرني دابا باش مانعطيكش التلفون
نورسين-(شهقت بغيض) كيفاش ...هداك ل...
بغات تسبو لاكن تفكرات خوه صغير وعتادرات....
محمد-سمحيلي بزاف حيت مانقدرش نعاونك
نورسين-صافي ماشي مشكل...
_________________
سالا من خدمتو فالشركة وناض من الكورسي باش يخرج وتفاجئ من ياسر وهوا داخل عليه ونضراتو غامضة
أسد-ماشي خليتك فالدار قبيلة اشنو كادير هنا
ياسر-(بقلق) شنو داك تخربيق لي قلتي قبيلة قدام كولشي كيفاش نورسين هي خطيبتك كيفاش قدرتي تخون نهال
أسد-(تكا على المكتب وربع يديه ) اكيد ماجيتيش باش تعاتبني على خيانتي لنهال ...لاكن بسبب خيانتي ليك..اولا كدبت
ياسر-(ستغرب من نضرات أسد الخاوية من اي شعور بالدنب) فعلا انا معصب منك ...حيت ستغبيتي طيبة نورسين ورغمتيها تمتل انها خطيبتك
أسد-(بصراخ) علاش كادافع عليها هي راها نتاحلات شخصية نهال وخصها تتعاقب...و بما انك مابغيتيش تقولي على مكانها وكنتي مخبيها عليا حتى شفتك نتا وياها هاهوا ربي جابها حتى لعندي وبرجليها دخلت لداري
ياسر-(بثقة) هي ماشي من داك النوع باش نتناحل شخصية اي احد
أسد-(بغضب) وكيفاش عرفتي عليها هادشي كامل ونتا بحرا شفتيها هادي مكاملاش شهر هاه تقدر تقولي فين كانت هاد المدة كاملة
ياسر- ماعرفتش ومابغيتش نعرف حياتها هاديك تمشي فين بغات لموهيم انها رجعات وتاصلات بيا وتقابلنا وحينا صداقتنا من جديد وشنو نقول عليك نتا لي كاتعرفها غير بالسمية كيفاش كاتتاهمها
أسد- هاد البنت سبباتلي المشاكل بزاف وهاد لمرا زادت فيه كتر من لقياص
ياسر -ادن نتا باغي تضرب عصفرين بحجر واحد حيت ديما عاجبك راسك ...نهال وضعاتك فموقف محرج ...لهدا ستخدمتي نورسين باش تنقد نفسك وفنفس الوقت تحقق انتقامك من نورسين ونهال فدقا كاينا ولا لا...
عمر-كايبانلي من شكلك انكي انسانة لاطيفة لاكن لسانك خطييييير....
آيلا-كانتمنى ماتقلقيش من جداتي حيت ماكلساتش معانا ... راه غير مزالة مقلقة من أسد
عمر-(وهوا كايشوف فرجليها) امم واش نتي عارضة ازياء
نورسين-لا
ابراهيم-من الاحسن تولي عارضة لان جسمك جداب 😍
هبطات نورسين كسوتها باحراج حيت مامولفاش هاد النوع من الملابس الفاضحة حست بيها آيلا محرجة من كلمات ابراهيم وعطاتو ضربا لصدر مع غوتا
آيلا-براهييييييييم
ابراهيم- اااااااه علاش كايعجبك ضربيني علاااش
تنهد محمد من سخافة حديت عائلتو حشم حدا نورسين حيت واخا عائلتو اغنياء لاكنهم فالحقيقة مجموعة من الحماق ...شوية تفاجئ من أسد داخل هوا وياسر لي كان كايقلب بعينيه على شخص حتى طاحت انضارو على نورسين لي كانت كالسا بتوتر شافت فيه بنضرة سريعة ورجعت شافت فآيلا والجميع مكانتش مهتما بشوفتو عكسو هوا بينما أسد كان كايبتاسم بسخرية
ياسر-نور....نهال ...بغيت نهضر معاك ...
شافت فيه باستغراب ورجعت شافت فأسد لي كان متكي على الحيط وكايشوف فيها مباشرة وناضت بارتباك من جيهت محمد لي كان حتى هوا باغي ينوض لانه حس بلي شي مدابزا غاتبدا بين هاد جوج ومن جيها ابتسامت أسد الساخرة مقابل نضرة ياسر الغاضبة ....شدلها محمد فيديها وقالها
محمد-واش عارفا انكي غاديا للجحيم برجليك...
نورسين-(تحنات عندو) مافهمتش شنو بغيتي تقصد ...
فصل 13
ناضت نورسين امام نضرات التحدي لي فعيون أسد ودازت من قبالتو وخرجت مع ياسر للحديقة باش يهضرو ...تردد بزاف ياسر قبل مايهضر وحدق فعيونها لمدة طويلة وسط استغرابها
نورسين- ياسر واش نتا بيخير
ياسر -نورسين هداك راه صاحبي وانا كانعرفو كتر منك هوا راه كايستاغلك باش ينتاقم من خطيبتو وجداتو وحتى نتي حاطك فلائحة
نورسين-(تنهدت وغمضت عينيها)فخباري
ياسر- ومازالة كالسا فدارو
نورسين-وشنو كاتوقع مني ندير...انا ماشي من داك النوع لي كايتسبب فالمشاكل ويهرب...لهدا انا غادي نتعاقب وبئرادتي وهاد العقاب ماشي خطير لدرجت تخليك تجي لهنا ...
فالمقر كانو كايتصنتو على الجهاز تصنت لي عند نورسين ومتبعين معاها فكل كلمة قالتها قرار انها تكلس ففيلة أسد ماشي قرارها بل عابد وستيفانيا وبويكا لي بززو عليها تقبل العرض وتمتل ضور الخوف والعجز والارتباك امام أسد وتمتل ضور لعروسة زوينة ولمئدبة امام عائلتو باش تكسب ثقتهوم وقلوبهوم ...
بويكا-(بغيض) سكتينا خلينا نسمعو شكايقولو
ستيفانيا-بنادم لمحساد يا لاطيف منو
عابد-سكتو سكتو خلينا نسمعو ...
ستيفانيا- دوك العائلة عندو مسطين والله كاع مكايشبهولو هوا زوييين ورزييين ورجولة اااح اقلبي
تصدم من ردت فعل أسد سحب يديه بسرعة وببرودا بينما أسد كان كايتصرف ببرودة وغموض باش يخفف عليه بادر وعنقو عناق طفيف وقال
أسد-فقط يد الاصدقاء يمكن ان تنزعة الشوكة العميقة بداخل القلب....هادو كلمات ماما الله يرحمها
ياسر- راه نتا لي غرزتي شوكة فقلبي... كوني خليتك تعنقني هدا مكايعنيش انني سامحتك ...نتا قتارفتي دنب عضيم فحقي...دنب مايمكنش للصداقة تغفرو بسهولة ...نتا حرمتيني من سعادتي بعدر انه لمصلاحتي...على اشمن مصلاحة كاتهضر ماقلتيليش حتى السبب لي خلاك تبعدها عليا....
أسد-(بنبرا جليدية) من بعد كاع هاد سنسن مازال مابغيني تشكرني...انا درت لي عليا فقط لمصلاحتك
عتاصر ياسر قبضة يدو وتمالك نفسو باش مايزيدش يضربو وقال ببرودا...
ياسر-مازال كاتكرر نفس الجملة....نفس الجملة لمصلاحتك علاش ماتقوليش السبب فعلتك لي ضمرتني ...بغيت نعرف وعندي الحق نعرف السبب ...قولي شنو هوا السبب وريحني وريح راسك
أسد- مانقدرش نقولك سمحلي بزاف
ياسر-حتى بعد موتها ماباغيش تقولي....تفو شحال كانكرهك ....
تراجع للخلف بدون وعي وركب فسيارتو وزاد مع طريق...وخلى أسد وسط الشارع لمضلم بحال قلبو بصوت ضعيف همس وقال
أسد-سمحليا بزااف اصاحبي كرهك ليا احسن من انك تتألم بسبيي
____________
في منتصف الليل رجع أسد للدار لي كانت ملئة بالاضواء الملونة ...ملابس العمل الفوضوية ربطة عنقه لمفكوكة ولمدلية على صدرو ...عينيه نعسانة ..والحزن يعانق ملامحو ...نزل شخص من السلالم بسرعة ومخلوع لاكن الرئية مكانتش واضحة بالنسبة لاسد ماقدرش يعرف الشخص لي قبالتو حتى قرب ليه
محمد- دوكس من قبيلة وانا نتسناك ترجع (شاف فيه بدهشة) واش دابزتو شنو وقاع قولي
أسد (بتاسم ببلدة ورفع يدو ببطئ ومسح على راس محمد) محمد سير تنعس
تمشى أسد بتمايل وسط قلق محمد وطلع فدروج بصعوبة وبتثاقل ...بقوة التعب كان غادي يطيح جرى عندو محمد وعاونو على الوقوف قال محمد وهوا كايراقب ملامح أسد وسولو
محمد- أسد واش شربتي دواء ديالك
دخلو للغرفة بصعوبة وعاونو كلس على سرير وقال قبل مايخرج من الغرفة
محمد- غادي نمشي نجيبلك دواء ديالك ونرجع
سد باب غرفة أسد وتوجه لغرفة نورسين لي كان فيها ضو مازال مشعول وعرفها انها مازال فايقا ...ضق فالباب بخفة باش مايفيقش لوخرين ...وفتحتلو هي باستغراب وفضول وهي كاتشوف فكاس دلماء لي هازو فيديه
فتحت الباب ببطئ ولقاتو كالس على السرير وعينيه على الارض ويديه مور عنقو ...عينيه العسلية الهادئة حزينة ...حس بدخولها ورفع انضارو لعندها ...وقال ببرود بنضرات غامضة
أسد- اشنو كاديري فغرفتي
نورسين-(لوات شفايفها وهمست بصوت خافت) الرد المتوقع ( سعلت بلعاني وهي كاتتقدم لعندو وفيديها كاس دلماء) انا رئيسة الاطفاء قالولي ان شي عافية شاعلة هنا ...
أسد-(بسخرية) ادن يارئيسة الاطفاء شنو جيتي تطفي
قربت منو وحطت الكاس على الارض وركعت قدامو وبابتسامة جانبية بينما هوا كان كالس على سريرو ورجليه متباعدين وكايشوف فيها باستغراب تمسكات بيديه وسط انضارو ..وحطتها على صدرو ...شاف فالمكان لي وضعت يديه عليها وشاف فيها كاينتاضر الاجابة ...همست بابتسامة دافئة كافية تخلي عينيه لعسلية تتوسع بدهول من اجابتها لقصيرة
نورسين- جيت باش نطفي الجزن لي فقلبك
غمض عينيه بهدوء وتنهد بضيق وفتح عينيه ببطئ وانضارو على عيونها الزرقاء ..كان كايتمعن فعيونها البريئة ...شافت فيه شوفة سريعة ولاحضت الاستياء لي بادي عليه
أسد-(همس بصوت غير مسموع) نتا...نتا لي غرزتي الشوكة فقلبي
نورسين-( باستغراب) هاه ...
أسد- والو صافي خرجي
شافت فيه بتسائل من كلامو وبتاسمات فجاة وقفات ودفعات راسو غير بشوية حتى ستلقى على السرير بسيف عليه وغطاتو
نورسين- بسلاما تصبح على خير
فتحات الباب وهي تتفاجئ بالجدة مي عيشة كاتشوف فيها بامعان وغضب ...تصدمت نورسين من شوفتها قبالتها وفهاد الوقة وفهاد المكان بالضبط ...شاف فيها اسد وقال
أسد-علاش مازالة واقفة
ضارت عندو بخوف شي لي خلاه يستغرب من ملامحها لي كايبان علهم الخوف وزيد عليها مازالة متمسكا بقبضة الباب ويديها كايترعدو سولها شنو كاين لاكن ماجاوباتوش وقف وتوجه عندها وفتح الباب اكتر باش يشوف شكون الشخص لي كاتشوف فيه وادا به كايشوف فجداتو لي كان على وجهها ملامح الغضب وعدم الرضى وقالت وهي باركا على سنانها بعصبية
جرات يد نورسين وخرجاتها معاها ...لاكنها تفاجئة بأسد مسك يديها وجرها لعندو بقوة لدرجة انها صطادمات بصدرو ...شاف فجداتو بتحدي وقال ويديه شادة فكتف نورسين لي كانت مصدومة وماعارفاش شغادير
أسد - ماغاديش نقدر ننعس مزيان وهي مكايناش فجنبي
قربات منها مي عيشة وباغيا تسقلها لاكن أسد شد يدها بلطف بينما نورسين غمضت عينيها كاتسنا الصفعة
أسد-تو تو لا ماغانخليحش ضربيها
غوتت وهي كاتراقب الدعر لي على وجه نورسين وقالت لاسد
مي عيشة-واش عاجبك هادشي ...واش باغي تعصيني...
حاولت نورسين تبتاعد عليه لاكن هوا واصل عنادو ودفعها للداخل وحاصر الباب بيديه مارضاتش بسبب تحكمو الدائم فيها ودفعاتو بغات تخرج وقالت
نورسين- خليني نمشي بحالي مابغيتش ندخل فالمشاكلك
أسد- فات الفوت نتي صبقليك تدخلتي فمشاكلي
مي عيشة-(شافت فيه بغضب) قليل ترابي (ومشات وخلاتهم)....
سد الباب وضار عندها مربع يديه وشاف فيها مباشرة بنضرة سخرية وقال
أسد-اشنو دابا امدموزيل نهال...
نورسين-حيد من طريقي خليني نخرج...
أسد-كيفاش غادي يطاوعك قلبك تخلي حبيبك ينعس بوحدو ليلة
نورسين-اولا انا ماشي حبيبتك ...ثانيا...
قاطعها بصوتو الساخر وهوا كايقرب منها شوية بشوية
أسد-اممم مابيكش زوينة ماشي كيف كان يحسابلي..
شعورها كان كارتي بينما كانت كاتتراجع للخلف لا اراديا وبحركات وبطيئة متناغمة مع خطوات تقدمو كانت عينيها كاترجف بينما هوا مستمتع بالمنضر وشاف فرجليها لي كايرجعو للخلف وقال
أسد- واش خفتي...
نورسين-لا ابدا
أسد-(بتاسم بمكر) ادن علاش كاتنفسي بصعوبة
نورسين- هاكاك رشقتلي...
أسد-(دار يديه بجيوبو مع ابتسامة جانبية) مزيان غادي ننعس دابا
نورسين- (تمتمت بكلمات مامفهوماش وقالت) حتى انا غاديا
أسد-(كايتفوه وهوا على سريرو) طريق السلامة سدي الباب وراك
هزات لوسادة لي كانت على الكنبة ورماتها على وجهو بعصبية وخرجة وسط نضرات أسد لي حط لوسادة لي ضرباتو بيها تحت راسو ونعس
___________________
في الغد
كانو الكل مجتامعين فالبوابة الرئيسية عمر كان واقف بملل قدام سيارتو ولابس بدلة رسمية سوداء ابراهيم كان لابس حتى هوا بدلة محترمة وانيقة لبسها بسيف عليه ولكرافاطا مضايقاه اما زين كان واقف امام الباب ولابس بدلة رسمية فاخرة وفاللون الاسود القاتم واخيرا غير نوع ملابسو ومالبسش الصدرية كتفى غير بالقميص ابيض وربطة عنق زرقاء قاتمة شعرو مرفوع للفوق والجيل لي تبتو جا بحال شي امير وسيم الجدة مي عيشة كانت لابسة جلابة فاللون الترابي مع خياطة فاسية ملائمة لسنها اما محمد مازال ماولفش بالملابس الرسمية وحتى هوا بززو عليه يلبسها بحالو بحال ابراهم وصاحبة الضل الطويل ايلا كانت لابسا فستان فاللون الدهبي لامع قصير وكاتشوف فعائلتها واحد بواحد وتتحقق ملي ناقصين
آيلا-نتا راك خطيبها زعما طلع شوفها شكادير تقدر تكون تلفتلها شي حاجة وكاتقلب عليها...
أسد-علاش ختاريتيني غير انا لي نعيطلها...شوفي محمد ولا براهيم ماشي ضروري انا...
آيلا-(دفعات ضهرو لعريض للداخل وقالت) خويا نتا عندك نقص فالرمنسية اكيد هي غاتكون كاتسناك ....يالاه وماتنساش تعطيها المفاجئة
تنهد بملل ودخل للدار كايقلب عليها طلع مع ضروج وتوجه لغرفتها لواسعة ...لقا الباب مفتوح ونورسين واقفا امام لمراية لكبيرة لمعلقة على الحائط كانت كاتبان بحال الاميرات بفستانها الاسود المرصع بالألئ الشفافة قصير ومنفوش واصل حد الركبة ...وشعرها الاسود الطويل مطلوق على ضهرها لعريان بسبب سنسلة ديال الفستان العالقة لانه بعيد على يديها كانت كاتحاول تسدو بسرعة وارتباك وعارفا راسها تعطلات عليهم بينما أسد كان واقف وراها بشموخ ومتكي على الباب ويديه فجيوبو وكايشوف فيها بوقار وهدوئ...قالت بعجلة بلاماضور وتشوف شكون واقف وراها...
نورسين-آيلا ختي عافاك اجي سديلي سنسلة ...
تقدم لعندها بهدوء ووقف وراها وتقابلت انضارو مع ضهرها العاري المثير كان مكايفرق بيناتهم سوى الفراغ ...مسك السحاب وطلعو حتى تسد بهدوء ...ضارت علندو بسرعة ورتاطمات بصدرو لعريض وطلاقات عيونو العسلية مع عيونها الزرقاء
شافت فيه بادهشة مخلطة مع الاستغراب بسبب تصرفو اللطيف بان انسان ودود واخا عارفاه لعوب خرج واحد الشوية وخلاها كاتشوف فالفراغ ومامصدقاش و ماهي الا لحضات ورجع اسد وبين يديه عقد من الالماس كانت كاتشوف فيه بدهشة ودهول .....بتاسم ابتسامة جانبية وقال بكل جنتلمانية
أسد-ضوري باش نلبسوليك ....
ضارت بتوتر وهي كاتشوف فالمرأة وعينيها على عيونو وضع العقد على صدرها بينما هي رفعت شعرها باش تساعدو(انا كايبانلي بلي نتي لي غادي طيحي فشباكو اختي مااشي هوا والمهمة ديالك حاليا 0/0 هوا ربحان صراحتا😟) نزلات عينيها عليه ورخات شعرها على اكتافها وضارت عندو .... بصوت رخم وخشن كايدل على مدى رجولتو وفخامتو
أسد-هاد العقد عطاتولي آيلا ..وقالتلي نعطيهلك سربي خرجي انا غانتسناك....(خرج)
نورسين-(شافت فلمرايا وحطت يدها على قلبها) اااه قلبي الصغير لا يتحمل ...بلاتي نورسين تفكري هدا عدوك عندااااك ثم عندااااك تحسي بشي حاجة من جيهتو كل الاحاسيس خصها تكون عبارة عن الكره في الكره...اوكي
وقف فالباب كايشوف فيها وعلامات الاستفهام على وجهو تكلم الشي لي خلا نورسين تقفز بالخلعة
نورسين-(رتابكات وهي كاتشوف فهاد الشخص الغريب وكاتقول فنفسها اشنو وقاع فالعالم باش يتصرف معايا بلطف هاكا )حم احم واخا
(انا غادي نقولك هدا ما يسمى هدوء قبلة العاصفة تقبلي مروري 😘)
نزلو من الدروج حتى وصلو لبرا لاكن كولشي ختافا مشاو وخلاوهم بتاسم بسخرية وقال...
أسد- هاديك آيلا كانت مخططا لهاد شي ....
خلاها مسمرا فبراصتها ومشا لسيارتو البيضاء ...فكرة انها وحيدة معاه بوحدها كاتخلع...بتالعت ريقها بتوتر وضغطت على حقيبتها الانثوية البيضاء لاحض أسد انها ماتحركاتش حتى سانتيم من مكانها وعيطلها باستهزاء...
توجه لعندها وشاف فيها مباشرة وعلى راسو قرون الشيطان ياعودو بالله 😈...
أسد-نتي نهااال...ماشي نورسين...فهمتي؟!
نورسين- لاااا انا نورسين المالكي وبسيييف عليك...
باراكا ماتعصبني وتعاملني بحال شي خدامة عندك
شدها من دراعها بقوة وجرها عندو لدرجة صطادمات بصدرو ولاحض فعينيها زرقين الغضب وقال وهوا بارك على سنانو
أسد-ماتستافزينييش كتر من هاكا...
دفعها بقوة للخلف شي لي خلها تفقد توازنها بسبب كعبها العالي وحتى كانت غادي طيح وشدها من يديها شخص
كان لابس بدلة رسمية على جسدو العملاق شاف فاسد بغضب و ازدراء بينما نورسين كانت متمسكا بطرف من كوستيمو ....
فصل 14
تواضع يا إنسان ..و نسى الكبرانية..فينما وصلتي راك عريان..و خليك من العدوانية...نفخو فيك بلا قياسو سحابلك عايق و قافز...تكايس على راسك وعلى لي معاك ... راك غير بنادم بحالك بحال من والاك...
فجهاز التصنت لي فودنيها كان عابد وستيفانيا كايرغبوها ويترجاوها باش ماتنفاعلش وتبقا مسيطرا على اعصابها وتكمل تمتيلية البنت البريئة غمضت عينيها وفتحتهم بنفاد صبر ...
حست من نضرات أسد بشي حاجة ماشي هي هاديك ضارت تشوف شكون موراها وكان هوا بعيونو رمادية يديه لي كاتزير على كتفها قصحتها ولاحضات نضرات اللوم لي كانت متوجها نحو أسد لي كان واقف بهدوء...بعدات عليه اوقفة فالمنتصف بيناتهم بتوتر ...واحد بحال الاسد الهائج وكايتسنا غير الوقت باش ينقض ...والاخر فهد هادئ لاينوي الافتراس حتى...
ياسر-(بغضب) علاش كاتعاملها هاكاااااا
قرب من اسد ونيران الغضب كاتفجر فشرينو بينما أسد كان مكتافي بالابتسامة كلها سخرية وقفت نورسن بيناتهم وماخلاتش ياسر يقرب من أسد وقالت بنبرة حادة
نورسين- عافاكوم مادابزوش بسببي
أسد(بنبرة قاسية وجليدية)وشكون نتي بسلاما باش يدابزو جوج دصحاب على قبلك ...نتي مجرد قدارة غادي نمحيها من بعد شهر
تفاجئة نورسين من كلماتو القاسية ضمت قبضة يديها بغضب باش غادي تردليه جواب لي يلائمو لاكن عابد كان كايرغبها ويترجاها باش تسكت ...مر من قدامها خيال ياسر بسرعة وشنق عليه بعنف
ياسر-ماتهضرش معاها بهاد الطريقة وشنو كايحسابلك راسك هاااااااااااه
أسد- دفعو بكل عنف وشاف فيه بنضرة حاقدة وقال....نهال هي كولشي فحياتي ...وماعمرك تشك فاخلاصي ليها فهتي المرض
تمسكت نورسين بكتف أسد بغات باش تهدنو لاكنو دفعها بقوة وشدها ياسر من دراعها باش ماطيحش شاف فيها أسد باكراهية وضار وطلع فالدروج ديال باب القصر وهوا كايقاد فكرفاطتو لي ترخات كايتمشا بكل ثقة وهوا واضع يديه فجيابو ...ضار ياسر عند نورسين لي كانت شادة فطرف من فستانها لقصير ومصدوما بسبب معاملتو السيئة معاها... بقات فيه بزاف وقال وهوا شاد فكتفها
ياسر- اداك بزاف هداك لحقير
نورسين-(حيدت يديه من على كتفها وشافت فيه باستغراب) هدا هوا مقدار قوة صداقتكم ...برود لوم غضب واتهامات ...من ديما الصديق كايكون دواء وماشي داء اشنو واقعلكم
بتاسم بدفئ وودخلو لساحة الرقص ...الضيوف والزوار معمرين لمكان الموسيقى لكلاسيكية واحيانا طربية مسيطرا على داك المكان الراقي .... بزاف ديال نساء الانيقات والرجال الوسيمين بالبدلات الرسمية تفرق عليها ياسر ومشا عند بعض الاصدقاء قتارح عليها تمشي معاه لاكنها رفضات بقات كالسا ومرا يجي عندها محمد ويتحدتو ومرا براهيم هداك الولد كوميدي بزاف وغير كايوقف حداها كاتبدا تضحك ...مرو بضع دقائق حتى تفاجئات بعمر جرها من يديها
عمر- نورسيين ماشفتيش ايلا
نورسين- لا ماشفتهاش منين دخلت للحفل مابانتليش علاش واش واقعا شي حاجة
عمر- صراحة تخاصمنا انا وياهاحيت تلاقيت بحبيبتي السابقة لي كنت كانعرفها قبل مانتزوج بايلا ومنين شافتها تعصباش وماعرفتهاش فين مشات
نورسين- ناااري قفرتيها الزغبي
عمر- كانترجاك تعاونيني نقلب عليها
نورسسين- اوكي صافي انا نعاونك
طلعت فالدروج كاتقلب على ايلا لاكن حتى واحد مكاين فالطابق العلوي ...داز من قدامها أسد وتجاهل وجودها كيف العادة نزل من ضروج وهي كانت كاتشوف فيه لدرجة نسات لاش طلعات توكدات وقالت مع راسها
نورسين- عنداك غير يكون كايقلب على آيلا حتى هوا...مشات ولحقت عليه وشدت فكتفو وقالت) فين غادي
أسد-(ستغرب من سؤالها وقال وهوا كايحيد يديها من على كتفو ) كانقلب على آيلا من قبيلة وهي غابرا....
شهقت بخوف ونزلت بسرعة ونسات انها كبرات على هاد الحركات ...اختل توازنها حتى كانت غاطيح لاكنو شدها من يديها وسحبها عندو حتى تقابلو عيونهم وقال بصوت مبحوح كايدل على غضبو وانزعاجو بينما يد كانت محاصرا خصرها الرشيق ويد متمسكا بدراعها ...
أسد-نتابهي لخطواتك الحمقا
نورسين-(توازنت وتعوطت وبعدت يديه عليها وقالت باستياء طفولي بينما هوا عاقد حواجبو)
ديها فسوق راسك اوكي...
نزلت من ضروج بعجلت وسط استغرابو لاكن سرعان ماتدارك الامر ووضع يديه فجيوبو ونزل ببرودا من على ضروج ...لاكن هي ماستسلمتش وكملات البحت ديالها على آيلا دخلات وسط زحام وكاتصطادم باكتاف الناس وتعتادر وفلحضة حلت فمها بصدمة فاش شافت آيلا واقفا مع شاب وسيم وكاتلعب باصابعها بربطت عنقو ...لسبب ما بدات نورسين كاضحك بقوة لانها عاقت بالخطة لي دارت آيلا باش تنتاقم من راجلها عمر ...قرب منها شخص ودييه فجيوبو وكايراقب حركاتها بامعان
ياسر-واش الضحك هيوايتك المفضلة
ضارت عندو بسرعة والابتسامة على وجهها حط يديه على شعرها وداعب خصلاتو الاسوداء الامعة باصابعو شافت فيه بعينيها لغارقة بالضحك ويديها الناعمة كانت كاتمسح دموع من عينيها الزرقاء الواسعة لي ولات براقة بسبب انعكاس اضواء القاعة لكبيرة ....وضع يديه على صدرو وتنفس
بصعوبة وكايراقب نبضات قلبو لي تسارعت فجئة بتالع ريقو وعدل وقفتو وقال بارتباك
شاف فيها ورجع شاف فياسر لي كان بحال شي بركان غادي ينفاجر وجرها من يديها بلامايزيد حتى كلمة...
ياسر-اجي بلاتي بلاتي ...
خرجها جارها امام انضار الجميع و حتى وصلو للسيارة وركبها بسيف عليها وركب حتى هوا وكسيرا بسرعة
نورسين-سي أسد...خفف السرعة رجاء
ماداهاش فيها وكانها مكايناش لانه كان كايسوق بسرعة جنونية بتالعت ريقها بتوتر وهي كاتراقب السيارة لي كانت كاتراوغ السيارات بسرعة خيالية لدرجة مابقاتش كاتشوف طريق بوضوح لان السرعة كانت انتحارية
نورسين-سمعني انا مازال ماتزوجتش لحد الان وزيد عليها كانخطط نسافر حول العالم كيفاش غاندير هادشي كامل الى مت فهاد السن....
وقف السيارة فجئة حتى تسمع صوت الجر العجلات مع الارض بقوة شي لي خلا نورسين تغوت وهي مغمضا عينيها كون مكانش حزام الامان كون خرجات من جاج سيارة الامامي ....قال بصوت هادئ لاكنو عامر بالغضب
أسد-خرجي
نورسين-(شافت فيه باستغراب) شنو قلتي
أسد- (بصراخ) خرجيييي من سيارتيييي
نورسين؛(بصوت مرتعش) فخباري انها سيارتك ولاكن واش غادي تسمح فيا وسط طريق
قرب منها وفتح باب السيارة وشاف فيها بشر وعلا حواجبو بخبث وكايتسناها تخرج
نورسين-(بتالعت الغصة) صافي لي بغيتي
نزلت من سيارة وشافت فالطريق الخاوية قبل ماتسد الباب شافت فيه لاكنو مابادلهاش النضرة سدت الباب ونطالق بسرعة حتى خلى دخان موراه
نورسين -هاد الحقير النرجيسي المغرور كانكرهو ....
_________________
*******في الزنزانة*****
حطني هداك المتملك النجرسي فوسط طريق ومشا تصورو مالتافتش حتى يشوف فيا ولا كاااع نقولو يتنادم معاه لحال ويرجع مورايا...كانت ديك طريق خاوية ومع جنبها بعض المخازن ماعرفتهمش ديالاش وفالجنب تاني غير لخلا اواحد لمزراعة كبييرة لاكن بعيدا وانا واقفا كانتسنا دوز شي سيارة لي توصلني بقيت كانتئمل فديك الطبيعة لخلابة حتى شفت مجموعة من الخيول كاتجري وحدا وراء الثانية فرحانين حيت واخيرا خرجوهم من الاسطبل لي كان حابسهم بقيت كانشوف فالحركات ديال دوك الاحصنة وشفت فساعتي كانت الساعة 4 مور لعاصر وحتى شي سيارة مادازت تفكرت جهاز التصنت لي كنت ناسياه وعملت اتصال مع عابد وقلتليه يجي يوصلني مكان لاش نعطيه العنوان حيت هوما اصلا مراقبين تحركاتي وكايسمعو كل كلمة قلتها...كلست تماك على واحد الحجرا كانتسنا عابد لاكنو تعطل عليا شوية كايبانولي جوج رجال خارجين من واحد المخزن ماديتهاش فيهم وبعدت انضاري عليهم حتى تفاجئة بواحد قرب مني وقالي
________________________
الشخص- اشنو كايدير زين بوحدو هنا
نورسين-(بارتباك) ماشي سوقت ديها فراسك وبعد مني
الشخص الثاني- مال زين مقلق ...اجي يالاه نوصلوكي معانا
نورسين - لا شكرا مكاين لاش
وقف الشخص الاول من وراها وتفحص كامل جسمها فستانها الاسود لقصير مع الكعب العالي وكدالك شعرها الاسود لامع لمطلوق على ضهرها بشكل مثير خلى داك الشخص يبتاسم بمكر وبدا يصفر بطريقة كادل على اعجابو بيها شاف فصاحبو وغمزو ودار حركة بيديه وقال
الشخص الاول- واو واو واو قرطاسا مع راسك بشحال حنا بجوج
نورسين-(بغضب) مافهمتش شنو كاتقصد
الشخص الثاني- بغا يقولك بشحال كاتخدمي للواحد يعني (&&&) لليلة
الشخص- لاكن لحوايج لي لابسا ديال بنات زنقا شوفي غادي تمشي معانا بلخاطر ولا بسيف عليك
______________________
بغاو يديوني معاهوم بزز مني واحد شدني من يد وتاني شدني من يد وبداو جاريني وانا كانغوت باش يطلقوني ماستحملتش حركاتهم وضحكاتهم المقرفة وكلماتهم الساقطة وقررت انني ماغاديش نستسلم ببساطة حيت انا ماشي ضعيفة كيف يحسابلهم ...بديت نطبق داكشيي لي تعلمت ليه بعض الحركات القتالية البوليسية حيدت طالوني ولحتو ودرت حركة للاستعداد للقتال لاكن هوما شافو فيا بدهشة مامصدقينش عينيهم وشويا بداو يضحكو بهستيريا وقالي واحد منهم ( واش باغيا ضاربي) جاوبتو( الى ضطرت غادي نقتلكم ومانخليكمش تقيصوني) بداو يضحكو بجوج وتقدم عندي واحد وعطاني بسقلة حتى ضار وجهي تما البركان لي هايج فقلبي وكاع الاعصاب والفقصة لي كنت كاتماها فقلبي بسبب داك النرجيسي خرجتها فيهم هوما ماكانوش بشي بنية قوية فيهم غير طولة وصحة الله يجيب بقيت نضرب فيهم ويردولي ضرب حتى انا تسخسخت داك نهار لاكني ماستسلمتش ليهم ببساطة نطيح ونوض لقيت واحد لعود مليوح فلارض هزيتو وبديت كانشحط فيهم حتى تهرس فلحضة واحد منهم نساحب ودخل للمخزن لقريب منا وتاني بقا كايضارب معايا ويسبني بكلمات ساقطة كان يحسابني بلي الشخص الاول نساحب لاكني كنت غالطا ماكملش دقيقة وشفتو خارج وفيدييه جنوي كبير ومتوجه عنديي ووقف قبالتي وعلى وجهو ابتسامة الانتصار بدا يقرب مني وانا نبعد هوا يقرب وانا نبعد عيني كانت غير على الشفرة الحادة ديال داك الموس غفلني وعطاني ضربة ليدي حتى بدا يسيل منها الدم بغزارة بقيت شادا فيها وكانترقب الضربة التانية فين غاتجيني هز الموس حتى لسما باش غاينزل عليا لاكن صاحبو لي كان معاه شدليه يديه وقالو بلي الضربة لي خدات كافياها وقالو خلينا نهربو بحالنا لاكن داك الشخص مارضش عليه وتم جاي عندي فاش شفتو انا بديت نجري باقصى سرعة عندي وبلحفا وهوا تابعني بحال ضلي وكانطلب من الله توقاع شي معجزة او ينقدني شي حد ....فلحضا سمعت لغوات وداك والخطوات لي كانو تابغيني مابقاوش ضرت مورايا لقيت بويكا شاد واحد وبارك عليه بركبتو للارض والتاني كايجري موراه ركان حتى قرب منو وضربو بالصاعق الكهربائي حتى طاح للارض ودارليه لمينوط فيديه طحت للارض وكانتنفس بسرعة قرب مني عابد وشدني من يدي ونوضني وكلسني على واحد الحجرة ومشا كايجري للسارة جبد قرعة دلماء وجا عندي عطاني شربت وتفحص الضربة لي جاتني فيدي ماكاملاش 20 دقيقة حتى كانت سيارة الاسعاف وسيارة الشرطة واقفين طلعو دوك المجرمين لسيارة الشرطة وانا طلعوني للاسعاف
وصلنا للمستشفى العسكري وغرزولي الضربة لي فيدي وعطاوني بغض المسكنات للالم وبعض لبومضات للكدمات لي فجسمي كولي وليت مزرقا سيوا وجهي لي كنت مانطاكي عليه بيدي وكاع يديا زراقت سالاو الاطباء شغالهم وجبدت من صاكي صغير واحد لفيست رقيق كونت هازاه معاها حيت قلت احتمال يتغير الجو لبستو وغطيت بيه مكان الجرح والكدمات دخلت للحمام وغسلت حالتي ونضفت شعري من لغبرا ودالك فستاني الاسود لي تحول للون الابيض نضفتو وقاديت حالتي كانه عمر شي حاجة ماوقاعتلي حليت الباب باش نخرج ولقيت فوجهي ركان عابد بويكا وستيفانيا
___________________________
عابد-على سلامتك ابنتي باش كاتحسي دابا
نورسين- (بغضب ) لارد
ستيفانيا- واش كنتي باغيا تخرجي انورسين لا ماتقوليهاش خصك ترتاحي
نورسين-(الغضب على وجهها) لارد
بويكا-ختي باش كاتحسي كاتبانيلي ماشي هي هاديك
ركان-(شدها من دراعها وبغا يدخلها) اجي معايا ترتاحي لداخل
شافت فيهم واحد بواحد ودموع الغضب والحكرة على وجهها نترت يديها بقوة من ركان وغوتت بقوة عليهم كاملين
نورسين-(شافت فستيفانيا لي كان باين الخوف على وجهها وقالت ) مازالة باغيا تاخدي بلاصتي هم اجي خوديها وتمتعيلي فالنضر لداك الشاب الوسيم الحقير النرجيسي (حنات راسها ستيفانيا بأسف وهزت راسها بمعنى لا ضحكت نورسين بسخرية وناضت من الارض ) كانقسم ليك غادي ننتاقم من داك لحقييير هوا السبب فالكابوس لي عشتو اليوم 😢 هئ هئ
بويكا- ختي عافاكي هادشي لي باغييا ديري ماشي فمصلاحتنا
نورسين- بلعكس دابا عاد تقوا فيا الحقد من جيهتو وغادي نتبع كامل حركاتو حتى نطيحو فشباكي ونخليه يتعدب هئ هئ هئ
ركان- ماتبكيش كانترجاك انا كانعرفك اقوية مايستاهلش تبكي عليه
نورسين- انا مكانبكيش عليه اركان كانبكي على راسي حكرني ولد لحرام عيت من تمتيل هئ هئ هئ غادي نضمرو هئ هئ
عابد- كانترجاااااك حافضي على هدوئك معاه وكملي على تمتيلك هادي اول مهمة عندك وخاصك تبتيلي بانكي قد الثقة لي وضعت فيك
نورسين- (مسحت دموعها وتنهدت بتعب) اوكي غادي نكمل فهاد تمتيلية السخيفة وكانتمنا مانقتلوش قبل ماتنتاهيى المهمة
عابد- انا كانعرفك بعقلك ومايمكنش ديري حاجة بحال هادي انا تايق فيك ابنتي (صونا تلفونو وناض يجاوب و قربات منها ستيفانيا)
ستيفانيا- ختي سمحيلي انا عاد عرفتك علاش كاتكرهي داك الرجل الى حتاجيتي شي حد يعاونك عليه غير قوليهالي والله حتا نعاونك انا نحفرليه قبرو
عابد-جريمة قتل والضحية راجل كبير فالسن خصنا نتحركو دابا لمسرح الجريمة
عابد- اوكي شاف
نورسين- حتى انا غادي نمشي معاكوم
عابد- ماتنسايش نتي عميلة سرية وماشي محققة باش تتدخلي فهادشي وزيد عليها نتي مريضة وخصك ترتاحي
نورسين- انا بيخير ديوني معاكم واخا نشوف غير من بعيد
عابد-(شاف فركان) ركان بقا معاها مابغيتهاش تخرج من هنا
نورسين- ولاكن ولاكن اشاف بلاتي ماتمشيوش
خرجو وخلاوها مع ركان بسرعة ودعاتو وقالتلو بلي غادي ترجع لفيلة اسد وخرجات من المستشفى اوقفة سيارة طاكسي...
_________________________
بالنسبة ليه هوا يوم هادئ كيف غييرو ...فمكتبو لكبير الحس مقطوع مكاين لاصوت ولا حركة سوى صوت اصابعو لي كاتنقر على لوحة المفاتيح لي على المكتب ... هدوء يعم المكان والسلام يطفي الاسترخاء.... حتى دفعات الباب برجليها بقوة لدرجة رتاطمات مع لحيط ,,,وقالت بصراخ
نورسين- مئكد بلي نسيتي انك خليتيني بوحدي فنصف الطريق ...ونتا كالس هنا فمكتبك بكل برودة دم (كمل خدمتو كانها مكايناش وعمرها دخلات لعندو) علاش ساكت هاكا جااااوبني واش عارف انني تمشيت على رجلي طريق كاملة باش قدرت نوصل لمحطة طوبيس
بتاسم أسد ابتسامة جانبية كلها سخرية وهوا كايمرر اصابعو على خصلات شعرو الاسود وشاف فيها
أسد- فالمرا جاية غادي نكون حريص باش ماتوصليش حتى للمحطة
أسد-غادي نبقا نعصبك حتى ديري عقلك وتنزلي من تما....
نورسين-هادي هي شخصيتي سعيدا ومرحة ...وهادشي لي كايعصب امتالك الكئيبين..لهدا انا وياك ماعمرنا نتافقو واخا طلاقا سما مع الارض ... كانكرهك وكاتكرهني
أسد- اوكي على الاقل كانتافقو على هاد القضية شعور متبادل ...صدقيني
نورسين-(سكتت لواحد اللحضة ...تنهدت بغضب ونزلت من على السلم حتى وصلت للارض وقالت..)كانعتادر اوكي...كانعتادر حيت تدخلت فشؤن غيري وتعاطفت مع نهال وفكيتها من شخص مريض بحب الدات بحالك
أسد-(خرج سيجارة من جيبو وشعلها ونفخ عليها الدخان وقال ) غادي نمشيو لدار زيدي
نورسين-(بغضب)لا ماغاديش نمشي...
أسد-قرب عندهاا حتى رتاطمات مع لخيط ...حست بالخنقة منو وضات لقات لحيط موراها وقال بنرة غاصبة) مازال ماخلاقش لي يتجرء ويقولي لا...
أسد-(طلق منها ودفعها مع لحيط حتى طاحت على الارض وجات كالسا على مؤخرتها وشدت فدراعها فلمكان ديال ضربة وتأوهت بالم وقال وهوا كايشوف فيها بنضرة دنيئة ) غبية مكلخة واش نسيتي انكي ماعندكش مؤهلات باش ترفضي اوامري....
نورسين-ماتفتاخر بجبروتك على الفقراء امتالي ... شخصيتك خايبة ومثيرة للغثيان...
أسد-ماطلبتش منك تحللي شخصيتي...
نورسين-واخا هكاك ماغانمشيش معاك...
أسد- غادي تمشي بزز منك ...
نورسين-وريني شطارتك ...
تحنا عندها وسط استغرابها وسحبها من دراعها حتى وقفات وفرمشة عين لقات راسها فوق كتافو ... خدات نصف دقيقة باش تستوعب انها فوق كتفو وفلحضة داخل السيارة خرجت من صدمتها فاش كسيرا وبعد على الشركة وبسبب خيالها الواسع غوتات
بقات تقول وتعاود فهاد الجملة طول طريق وهي كاتغوت حتى وقف أسد السيارة ولقات راسها لاصقا مع الزجاج الامامي ديال السيارة حيت مادارتش حزام السلامة اما هوا غوت باعلى صوتو
أسد-سكتييييييي....( شاف فيها ولقاها شادا فيديها وكاتتألم حيت تقاستلها اليد لي فيها لغراز وشد فيديها) وااش تقصحتي فيديك ...
نورسين-(غوتت وسحبت يديها وقالت) ماتلمسنيييش ...ماتقيسنيش( حيدت شعر من على وجهها وشافت فيه بكره وزادتو صدمة على صدمة وقال)
ياااا اسد على قل عتادر منها اضعف الايماااان مالك عاجبك راسك هاكا وابزاف على هادشي بسيف غادي تكرهك البنت ونتا داير بحال شي وحش اووف سمحولي راه عصبني والله ...نكملو ...
نورسين-(شدات من عندو لمنديل) شكرا على كرمك بلا هاد المنديل لي قدمتيلي كونت غادي نموت ...
شافت فيه وتفاجئت منو لمس جبهتها ودفعها بلطف حتى تكات على الكرسي وكمل القيادة بهدوء مرو دقائق ولاحض الهدوء وصوتها مقطوع وقف السيارة امام باب الفيلة وشاف فيها كانت ناعسا تنهد بسخرية وبتاسم ابتسامة مجهول معناها
أسد- عيات بقوت لغوات بحال لمجانين اكيد غادي تنعس بعد كاع هاد لحيحا لي دارت ...(شاف فجبهتها) ماشي شي ضربا كبيييرة غير صغيرة زعما تكون كاتقصحها... اووف مكايهمنيش
خرج من سيارة وتمشى حتى للباب الرئيسية وتوقف فجئة وتفكر بلي نسا المجنونة فالسيارة ناعسا ورجع موراها حل الباب وعيط بسميتها لاكن ماسمعاتوش هزها من كتفها حتى حست بيه وفاقت
أسد-خرجي راحنا وصلنا ...
قال هاد الجملة ودار يديه فجيابو وزاد مع طريق حتى وصل للباب ركب المفتاح فالباب وماحسش بيها موراه وضار كايقلب عليها وهوا يشوفها وكانت المسكينة طايحة فالارض ومغمى عليها امام باب السيارة بلامايشعر جرا لعندها وتحنى هز راسها حطو على ركبتو وكايحاول يفيق فيها بضربات طفيفة على وجهها لاكن هي كانت غايبة عن الوعي تماما...
شاف فرجليها وكان كعب من حدائها مكسور ومازالة بنفس الملابس لي مشات بيهم للحفل حس بشعور خايب مابقاش حس بيه ملي ماتت الام ديالو وضع يد من وراء ضهرها ويد لملمت رجليها وهزها وتمشا نحو المنزل لكبير ونورسين بين يديه طلع بيها للفوق متجاهل نضرات الخدم لي قتلهم لفضول فتح الباب ديال الغرفة غير برجليه ودخلها وحط جسدها الرشيق على سريرها وجا خارج لاكن شي حاجة وقفاتو تنهد ورجع ضار لعندها وقرب منها حيدلها الحداء من رجليها وتلمس رجليها لي كانت سخونة تخلع عليها وقرب من راسها ووضع يديه على راسها وكانت حرارتها مرتفعة بزااف
تردد واش يحيد لها لفيست ولا لا لاكن فلخر سند ضهرها على صدرو وحيدلها لفيست لاكن تما كانت المفاجئة والصدمة لكبيرة.... الفاصمة لي كانت مضورة على يديها ولكدمات لي لي فيديها صدماتو وضع جسمها على سرير بلطف وضورها على جنبها وتبع اثار الكدمات فتح السحابة ديال فستانها غير بشوية وكايشوف فالكدمات لي كاتضهر وحدا مور وحدا كل مافتح سنسلة حتى تعرا ضهرها كامل وكلو كان مزرق وقف ودار يديه على فمو وكايتنفس بصعوبة ومامصدقش لي كايشوف بعينيه ثارت انتباهو ديك الفاصمة وجاب مقص وحلها غير بشوية وزااادتو صدمة على صدمة 6 غرزات وحدا مور وحدا متابعين طاح للارض على ركابية باصدمة ويديه على فمو ومامصدقش لي كايشوفو بين عينيه البنت غير صبح هوا لي سدلها سحابة ديال لفستان وضهرها كان عادي وخالي من الكدمات شاف فاالجرحة لي فجبهتها بسبب توقفو المفاجئ بالسيارة احساسو فديك اللحضة مايتوصفش بلكلام ...
فصل 15
ناض من على الارض بسرعة ودخل للحمام لي فوسط الغرفة وعمر الماء فواحد الاناء وهز فوطة صغيرا وقرب لعندها وكلس حداها
أسد-(شاف فيها بنضرات ندمانة )اشنو وقع ليها هادي شكون لي تعدا عليها هاكا...
هز لفوطة لي فزكها بالماء وحطها على جبهتها وهوا كايئمل ملامحها نعسانة ولمريضة رموشها لي كانو نازلين على خدودها خلاوه يحس بنبضات فقلبو كاتسارع قرب لعندها كتر حتى تلاقات انضارو بشفايفها لوردية وتحسس نفسها وطمئن انها مزالة كاتنفس واخا بصعوبة مسح على راسها ويديها ورجليها بالماء البارد لاكن الحرارة مانزلتش بلعكس كاتزيد ترتافع وقف وبقا يضور فالغرفة وماعرفش شغايدير حتى العائلة مكاينينش وكلهم مازالين فالحفل كاينين غير الخدم لي مكايبغيش يحتك بيهم خرج بسسرعة وتوجه لغرفتو حل الدرج لي كان عامر بالادوية ديالو لي كايستعملها هوا ...وزعهم كاملين فالارض وبسرعة كايقرا محتويات كل علبة وكانت فقط وحدا واخا ماشي مختصة بالحرارة لاكن عندها مفعول وتقدر تنزل الحرارة هز ديك العلبة ولفاصمة وخلا العلب لخرين مشتتين فالارض وخرج بسرعة ودخل لغرفة نورسين لي لقاها مرمية فالارض تخلع عليها ومشا هزها ووضعها على السرير وقبل مايتحرك شدت فيه وكانت كاتمتم بصوت خافت
نورسين- ما...ما....الما....
مافهمش شنو كاتقول وقرب عندها وكانت ودنو قريب من شفايفها وسمعها كاتقول الماء بسرعة ناض وعمر كاس ديال الماء وخلط معاه خافض الحرارة لي جاب من غرفتو ورفع راسها بيديه وشربها ورجع حط راسها على لوسادة بلطف و هز لفوطة لفازكا وحطالها على راسها وهز الفاصمة وغطالها مكان الجرح ...
كلس امامها وكايتئمل فملامحها وعيونها وشفايفها ورموشها وقال بهمس
أسد- سمحيلي هم.... سمحيلي حيت مانقدرش نقولك هاد الكلمة ونتي فوعيك كبريائي اللعين ....مكايخلينيش كانترجاك تسامحيني (مرر اصابعو على خصلات شعرها وبتاسم) ونتي ناعسة كاتباني زوينة بزاف لاول مرا غادي نشوف عينيك هادئين ديما كانشوفهم خارجين فيا(بتاسم بلطف) ... عنيدة وقوية ولسانك طويل هديتيني والله مافهمتش علاش مقادرش نكرهك واخا ضربتيني وسبيتيني وتدخلتي فمشاكلي (مسح وجهو بيديه وتنهد) عرفتي مابغيتش هاد شهر يسالي وماكرهتش نزيدك شهر وحداخر واخا عارفك ماكرهتيش تقتليني وكاتكرهيني ولاكن انا عادرك بسيف تكرهي واحد بحالي قلبو عامر بالحقد والكراهية ((((والانتقام)))) ماقادرش نفرح فحياتي واخا عندي فلووس وشركات ... كانحسدك على حياتك الهانية واخا ماعارفش عليك بزاف ديال الامور حدي كانعرف سميتك ولاكن كانواعدك غادي نعرف عليك كولشي (بتاسم) عرفتي كاتشبهي لماما بزااف حتى هي كانت زوينة بزاف بحالك وشعرها كحل وطويل بحال شعرك وكان لسانها طويل بحال لسانك وفاش كانت كاضحك كايصغارو عينيها بحالك واخا مكانشوفكش كاضحكي بزاف يمكن حيت انا السبب دخلت لحياتك بحال شي عاصفة ورونتها سمحيلي كانترجاك ...ستحمليني واخا غير هاد المدة لي بقاتلينا مع بعض انا هاكا وهادي هي شخصيتي من نهار قتلولي واليديا تقلبت حياتي اوليت هاكا كيف كاتشوفي كيف قلتيلي قبيلة رجل ثلج يمشي تحت الشمس ولا يدوب هوا انا عارف راسي ههه ...(لمس جبهتها) الحمد لله حرارتك نزلات نخليك ترتاحي...
قبل ماينوض تفاجئ بيد نورسين الدافئة تمسكات بيه بتالع ريقو وهوا كايشوف فملامحها تعبانة رجع كلس فجنبها ووضع يديه الثانية على يديها لي متمسكا بيه
نورسين-(كاتحلم) ماتقيصووونننش ...(كاتنفس بسرعة) لا ...لا ....لاااا... لا بعدو مني لا لا
تفاجئ أسد من تصرف نورسين وهي فحضنو هز يديه باش غادي يضمها لعندو حتى هوا لاكن بسرعة سحب يديه وماقدرش يضمها بحالها هي لي معنقاه
أسد- نورسين واش نتي بيخير
بسرعة غير سمعت صوتو فتحت عينيها وبعدت عليه بقوة وشافت فيه بنضرات كلها كراهية وقالت
نورسين-شنو كادير نتا هنا ....
أسد-(وقف ودار يديه فجيابو اوقف حدا سرجم كايطل)تهدني راه اغمى عليكي وهزيتك وطلعتك لغرفتك بقيتي فيا ودرت فيك خير وهزيتك ...ماكفانيش حريق الراس لي دايراهلي زدتيني حتى حريق ضهر ....ضهري تهرس خصني شي حصة ديال المساج...
نورسين-لاء شكرا على كرمك ...ماتفتاخرش براسك بزاف اسي حتى كون شافني لعساس غادي يهزني ويعاوني...
أسد-بلعكس خاصني نفتاخر حيت هاد القضية من احدى انجازاتي باش نهز بنت سخفانا ونعاونها حاجا ماشي بهاد السهولة
نورسين- اه بصاااح انجاز عضيم تستاهل تصفيقات عليه ...ببساطة كان بامكانك تخليني تماك حتى نفيق راسي مجرد فكرت انني كنت بين يديك كاتجيبلي الغثيان وكانبغي نرد ...
نتابهات لراسها وشافت فيديها عريانة ومكان الجرح والكدمات باينين فهاد اللحضة ضار أسد لعندها وبسرعة هي تداركة الامر وغطات راسها بليزار وشافت فيه كلس على لكنبة ودار رجل على رجل وشاف فيها بنضرات غامضة...
نورسين-(ضحكت بسخرية) اكيد قلتي واخا نخليها وحدها فطريق هي صيادة دلكنوز وغادي تقدر تسلك راسها... اسيي انا بنت شريفة الحمد لله (قاطعها)
أسد-انا ماقلتش هاكا...
نورسين-ادن انا شنو درتليك جريتيني من وسط لحفلة بدون سبب ...واش دنبي انني طلبت منك تخفف السرعة
أسد- ماشي هكاك انا كنت معصب ونتي ستفزيتيني ...هدا لاش...
نورسين- دابا هاحنا معادلين انا درتلك مشكلة ونتا نتاقمتي مني شر انتقام مكانضنش كاينا شي حاجة لي غادي تشفي غليلك كتر من هادشي لي وقاعلي صافي خليني نمشي بحالي مابقيتش قادرا نشوف فوجهك....
أسد-(وقف فجئة ودار يديه فجيابو وعطاها بضهر) نتي ماغاديش تتحركي من هنا ابدا ...
نورسين-مسكين واثق من نفسك بزااف...بغيت نعرف واحد الحاجة كيفاش عائلتك قبلو نكلس عندهم بلامايشوفو عائلتي ولا يعرفو شكون انا ولا منيني اصلي ...علاما كايبانلي عائلتكم عندهم عقلية غربية باش يقبلو تكلس معاهم بنت غريبة ...شنو قلتيلهم هاه.... باش قنعتيهم
أسد-(ضار عندها وكلو ثقة فالنفس) قولتلهم بلي نتي يتيمة وماعندكش عائلة ومقطوعا من شجرة هدا لاش ماسولوش فعائلتك
نورسين-(توسعو عينيها باصدمة وضحكت بسخرية) هاهاها اصلا ماكدبتيش هادي هي الحقيقة
أسد-(بدهشة) هاه....وااش بصح نتي يتيمة...
نورسين-اممم كون كانو عندي عائلة ماكنتيش غادي تستاغلني هاكا ماشي الفقر لي خلاني عاجزة امامك بل العائلة والسند لي غادي يدافع عليا ماعنديش ...
أسد-واش ماتفرجتيش فالاخبار غادي تهب عاصفة فلمدينة من دابا شوية...
ضارت وشافتو هوا أسد كايشوف فيها بنفس ديك النضرة الفارغة...ترددت لاكن قالت..
نورسين-هدا لاش خاصني نخرج دابا...
أسد-(نزل من دروج ومربع يديه وقرب منها)... دابا عاد عرفتك حمقا بالمعقول (طاحت عينيه على العلبة لي فيديها وشاف فعينيها) قوليلي شنو سبب هاد التهور...
سكتت...مجاوبش...ماباغياش تجاوبو...عطاتو بالضهر وحطت يديها على مقبض الباب البارد باش تحل الباب ...لاكنو سد الباب بيديه وهوا من وراها ..وكان مكايفرقش بيناتهم سوى فراغ بسيط ...كان موراها بالضبط ...غمضت عينيها بنفاد صبر..وكانت قادرة تشم ريحة عطرو الفريدة ...وانفاسو لقريبة منها خلات بعض خصلات شعرها تطلع وتنزل تناغما مع انفاسو شهيق وزفير...قال بصوت مبحوح وخشن ولي كايدل على هدوئو..
أسد-ماتخافيش كاع مامعصب ...ولاكن ماغانخليكش تخرجي حتى تقوليلي فين بالضبط...
ضارت لعندو وحست بالشجاعة باش تخبرو وجها لوجه حتى لو كان الفاصل بيناتهم بعض سنتيمات فقط...بما انه كان طويل عليها رفعت انضارها لعينيه العسلية لي كانت كاتئمل مدى جمال عيونها الزرقاء...هوا مابعدش ولو انش واحد وكايتئملها وهي كانت مشغولة فحاجة اهم من قربو ليها
صطادمات انفاسو مع وجهها بسبب الغوتا وبسرعة عطاتو العلبة دفعها وحل الباب وخرج وخلاها وسط دوامة من الاسئلة ماعندهمش حل بالنسبة ليها ...انا غادي نقولك يمكن القلب بدا يحن ااااه ياقلبي كايقولو ان البنت عندما تحب تفضحها الغيرة والشاب عندما يحب يفضحه الاهتمام... ❤❤
______________________
فديك الليلة الرعدية ..المطر يعانق زجاج النوافد ويروي ازهار الحدائق ويعلن رطوبته في الارجائ معلنا اقتراب فصل الشتاء ...هبت رياح غربية معتدلة السرعة تنشط في مدينة فاس ....وتسببت فاغلاق الناس سراجمهم وبيبانهم الحديدية وخايفين لاتئديهم ديك الرياح لي ماجاتش بالخير....
عائلة اسد كانو كالسين مجموعين فغرفة المعيشة لكبيرة ولمتعددة الاثاث والديكور الراقي.. عم الصمت زواية الغرفة وتكلم محمد بنبرة كلها قلق وهوا كايطل من سرجم
محمد-من المفروض ان أسد يكون وصل دابا...علاش تعطل هاد الوقت كامل ...وقفت آيلا وقربت منو اوضعت يديها على كتفو وبتاسمة
آيلا-ماتخافش ...اكيد هوا غادي يرجع لينا...
مكانتش متئكدا من كلامها حيت حتى هي تقلقات عليه .بينما نورسين كانت كالسا على الكنبة وكاتقرا رواية بوليسية وماداياهاش فهاد العالم وقالت بينها وبين نفسها وبصوت خافت..
نورسين-مافهمتش علاش مقلقين عليه هداك راه الرجل الخارق 😏
حست بالندم من كلماتها فاش شافت الخوف على وجوه عائلتو الجدة مي عيشة لي كانت ديما كاتعاتبو هاهي دابا رافضا تشرب دواها حتى يرجع حفيدها خالتو مريم (ام ابراهيم)لي جات قبل يوم هي الوحيدة لي كالسا بهدوء وقالت بسخرية
نورسين-دابا عاد عرفت منين ورت هاد برودة الدم ...
ابراهيم كان ناعس بهدوء بحال الاطفال ..عمر كان خايف على مي عيشة لي رفضت تاكل دواها همست بصوت خافت
نورسين-ماعرفتش علاش خايفين عليه لهاد الدرجة
حطات لكتاب على وجه براهيم لي كان ناعس وتوجهت لواحد النافدة وحلتها بيديها وبسرعة دفعتها الرياح لجاية ...حاولت تسدها بيديها لاكن الرياح تغلبت عليها حتى تفاجئت بيدين موراها دفعو سرجم وتسد ضارت لقاتو عمر لي بتاسم بسخرية على ضعفها ...بتالعت ريقها بخجل وشافت فمي عيشة لي بدات كاتبكي على حفيدها حدرت عينيها بتعب وفجئة شي حاجة دخلتلها فعينيها وخرجت للدروج كاتحك فعينيها وكاتحاول تزول ديك الخشة لي خلات عينيها تدمع ... كلست فالدروج ...شافتها آيلا وقربت عندها وكلست حداها ومسحت على شعر نورسين بلطف شي لي خلاها تستغرب من تصرفها..
آيلا-ماتخافيش غادي يرجع بيخير وعلى خير...
ماقدرتش تجاوبها وبتالعت ريقها ومسحت دموع لي كانت سبابهم خشة
آيلا-عافاك ماتبكيش هداك راه خويا وانا عارفاه قوي وغادي يرجع
نورسين- لا انا مكانبكيش
آيلا--(بتاسمة) ماتحشميش هوا خطيبك طبيعي تخافي عليه
نورسين- هاه ....ااااه بصح خايفا عليه بزاف
آيلا-مسحي دموعك ويالاه ندخلو البرد عليك هنا...
نورسين-سمحيلي انا غادي نطلع لغرفتي ...
طلعت لغرفتها وكلست على الارضية الباردة وتفكرت عائلتها وتمنات كون كانو مازالين عايشين ويخافو عليها حتى هي شعرت بالدنب حيت الجميع كانو لطيفين معاها بينما هي قابلتهم بالسوء
سمعت اصواتهم فالاسفل وسارعة فالنزول لقات أسد واقف وجداه معنقاه...نزلت اوقفت امامهم كاملين حسو بالطمئنينة من بعد رجوعو قربت كتر ولاحضت ان ملابسو كاتقطر بالماء على الارضية وشعرو فازك
نورسين-أسد...نتا فازك...
عطاها نضرات باردا وحيد لفيست ديالو ولاحو على الاريكة كانو فرحانين لدرجة ملاحضوش حوايجو لفازكين لي لاحضتهم نورسين غوتت مي عيشة وهي شادا وجهو بين يديها وقالت
مي عيشة-ولدييي غادي تمرض الى بقيتي هاكا ...
نفسها نضرات عدم الاكترات ماتبدلاتش رغم ان الجميع كانو فانتضارو بلهفة هز لفيست ديالو وبغا يطلع لغرفتو ..لاكن يد محمد تمسكات بيه وضار عندو أسد باستغراب
محمد-فين كنتي هاد المدة كاملة ...وعلاش نتا فازك
أسد-(تنهد بملل) انا ديما كانتعطل...اشنو لي تغير دابا...اما حوايجي تلفت سوارت سيارتي وضطريت نمشي على رجلي باش لقيت سيارة طاكسي...
سالا هضرتو وداز من حدا نورسين وهوا كايشوف فيها بنضرات مامفهومينش بعد 20 دقيقة طلعات نورسين فادروج متوجهة لغرفة أسد كانت معصبة وباغيا تعاتبو لانه تصرف ببرود مع عائلتو واخا ماشي صوقها لاكن هي عزيز عليها تحشي راسها فكلشي فتحت الباب بقوة وكدالك فمها حيت كانت باغيا تغوت لاكنه تفاجئة بصدرو لعريان وكان كايشوف فيها باستغراب ومافاهم والو كان لابس فقط فوطا على خصرو لي كانت قرابا طيح 😉ههه كان واقف امام خزانت ملابسو وعاد خرج من الحمام وكايشوف فيها ..بقوة الصدمة نورسين ماتحركاتش وبقات واقفا وشادا فقبضة الباب وحالا فمها ماقدراتش تهضر كانت بحال شي صنم من الاصنام لي عندنا فلكروب ...تنهد بسخرية وهوا كايشوف فوجهها لي ولا حمر ..قرب لعندها كتر وجرها دخلات ودفع الباب برجليه حتى تسدات..باغي يستمتع فازعاجها😉...تجمدت كتر وهي كاتشوف فيه قرب منها وعلى وجهو ابتسامة ساخرة كلما قرب كتر بعدت هي كتر بتالعت ريقها بصعوبة قرب وجهو من وجهها ...وقال بصوت خافت وساخر...
أسد- واش قلتي لجدا بلي راكي تبعتيني..تو تو تو ...غادي تعصب بزاااااف...
ضحك اسد ...ولاول مرا غادي تشوفو كايضحك ...ماقدرتش تمنع نفسها من شوفت صف اسنانو البراقة ...وهوا كايضحك ياااالها من ضحكة فاتنة 😍 عيناه كانت كضوء القمر يضئ بحيرة تمشا نحو الكنبة وهز لفيست ديالو وخرج منها علبة الدواء ورجع قرب منها ووقف بنفس الوقفة وهوا قرييب منها ...
أسد-شدي دواك
نورسين-(عينيها فالارض) شكرا ...تعطلتي بازاف تقول مشتي تجيبو من لموزنبيق الشقيقة...
العميلة رقم 7 الجزء الثالث
محتوى القصة
التنقل بين الأجزاء