تسعقة فاش سمعت كلام داك الراجل وكيفاش عارف الماضي ديالي كامل واااه حسيت براسي كانتفرج فشي فيلم مريكاني او هادشي كامل عندنا فالمغرب قاطع افكاري داك الراجل وقالي واش موافقة ولا لا وانا ماشي من لعاكزين قلتليه (لا) بقا كايحاول معايا ويقنعني بحب الوطن والواجب الوطني ...فعلا انا كانبغي بلادي لاكن بغيت نعيش فيه بسلام خليتو كايهضر وهزيت تلفوني وصاكي ماعطاتهوملي ديك البنت حتى شحفتني بغات تحصرني بسبب لحوايج مابغاتش تسلفهملي وانا نخرج بديك لبيجاما وركبت فاول طاكسي بان قبالتي .....
_____________
السائق -(ضار شاف فيها) شنو باغيا امدموزيل....
نورسين-عفوا....
السائق -قلتليك فين باغياني نوصلك...
نورسين-اااه غير سير وبلاتي ونقولك فين توصلني....
بعد دقائق طلبت منو نورسين يوصلها لدارها وغير دخلات لقات لمار دارتلها تحقيق لاكن نورسين جاوبتها بنفس كلام لي قالتلها ستيفانيا انها كانت خدامة فالشركة ومكانتش مساليا طبعا سمعتها لمار اسطوانة على الخوف والقلق لي تقلقاتو عليها لاكن نورسين بسرعة بدلة الموضوع وخلاتها ونعسة فبلاصتها وتغمات وكلام عابد كايدورلها فالراس 20 30 مرة
لمار(كالسا على كورسي قبالة نورسين) يحسابك غادي نتيق بيك هم فين كنتي
نورسين-(خيدت لعطاء على راسها) نعاودليك الاسطوانة من جديد
دخل راكان وبسرعة و تلاحة عليه ستيفانيا وعنقاتو تحت نضرات بويكا لي كان باغي يشنتفها ...خلاها على خاطرها حتى طلقة منو وعاد دخل عند عابد لي كان كالس وشاد سيجارة فيديه وامامو فنجان ديال لقهوة غير شافو طفا سيجارا ووقف وعنقو عناق حار
عابد-كونتي كلتيلي غاتجي قبل بساعة ماشي عوايدك تتعطل على مواعدك
ركان- وصلت حدى لباب وانا نشوف واحد لبنت غزالة خارجة من عندكم حلت الباب وركبت واقيلا شافة سيارتي حمرا يحسابلها طاكسي مابغيتش نحشمها وانا نوصلها فين بغات (جبد لفلوس من جيبو) عطاتني عشرين درهم ...كايبانلي غادي نبدل لخدمة ههههههههههه
عابد-(بعصبية والو .... نوض دابا غاترجع عند ديك البنت لي وصلتيها (رما ليه ميلف) عطيها تسني على هاد الورقة
ركان-ديالاش هاد الورقة
عابد- هدا تعهد خصها تسني عليه انها ماغاتقول لحتى واحد انها طلاقات معانا ولا هضرنا معاها فموضوع المخابرات خاص تبقا محافضا على هاد السر حتى تموت والى وشات بينا هي لولة غاتمشي فيها هادشي مافيهش اللعب
ركان-نتا من الاول مكانش عليك تقولها هادشي
عابد-وشنو نقولها اسي لفاهم عندنا واحد المخبازا ومحتاجينك تخدمي معانا....
ركان- احم لا ماشي هكا لاكن ...
عابد-نوض جمع الوقفة ودير داكشي لي قلتليك...
ركان-(وقف ودارليه تحية عسكرية وخرج) اوكي شاف....
عابد-(شاف فبويكا وضحك) ههههههه هاد الشاب كايعجبني بزاف شفتي كيفاش دارلي التحية العسكرية
بويكا-( وقف ودارليه التحية العسكرية بصوت مرتفع) اوكي شااااااف....
مر داك اليوم مرور الكرام نورسين ماخرجتش من الدار حيت كانت مريضة بزاف اما لمار جات عندها واحد صاحبتها لاكن فاش شافت نورسين ناعسة خرجتها لبرا بحجت انها ماباغياش تكلس فالدار غير باش تخلي صاحبتها ترتاح .... أسد جاتو خدما برا المغرب وخرج ومامعروفش شحال غادي يبقا برا لمغرب عاد باش يرجع ركان كان شاد الميلف ديال نورسين وكايقرا المعلومات ديالها وكان مركز كتر على الصورة اما ستيفانيا كانت كاتهضر مع بويكا فتلفون وكاتغوت عليه لاكن هوا مطنش وكايضحك عليها عابد كان فالمؤسسة بالضبط فالمكتب ديالو ومشغول مع لوراق لي ضايرين بيه ....
____________
اصبحنا واصبح الملك لله فاقة ايات وهي مازالة ففراشها تاصل بيها ياسر وطلب منها طلاقاه وداكشي لي دارت ناضت لبست وتعطرت وخرجت لقاتو كايتسناها حدا الباب
نورسين-(ركبت فسيارة)صبح الخير ....
ياسر-صبح النوووور
نورسين- بلاتي كيفاش عرفتي فين ساكنة
ياسر-(بسخرية)دكية بزاااف تبارك الله ماشي نتي سكرطيرتي يعني ضوسي ديالك عندي
ياسر-هاااااااااااهاهاهاهاهااااااا قسما بالله الى عرفتك غاتصدمي...غير كانضحك معاك
عضت على شفايفها وجمعة شعرها وبدات كاضرب كاضرب فيه وهوا كايمووووت بالضحك عليها وفنفس الوقة كايضحك بقا كايطاكي بيديه حتى تهدات وطلقة منو
نورسين-ماعمرك تضحك مع شي بنت بهاد الطريقة
ياسر- (تنهد) اووه صافي سمحيلي....
ديمارا السيارة وزاد ومرا مرا كايشوف فيها بالجنب ويبتاسم حتى وصلو لدار العجزة ودخلو ستقبلوهم الموضفين بكل فرح قدمولهوم الهداية لي جابو وكلسو مع لعيالات لكبار وفرحوهم شوية لاكن نورسين كانت مرا مرا كاتشوف فواحد لمرا لي كانت كالسة امام واحد السرجم وساهية ومكاتكلم مع حتى واحد قربة ليها وكلست حداها
نورسين-سلام لباس عليك
شافة فيها لاكن ماجاوبتهاش رجعت انضارها للنافدة نور شافتها هكاك بغات تخليها على راحتها بغات تنوض وقالتلها بعد صمت...
نورسين- (رجعت كلسة) لا ماشفتوش فين هوما ولادك الحاجة...
الحاجة- راهوم فالسماء ماتو مشاو عند الله
نورسين- وعندك ولاد خرين كاتسنايهم يجيو
الحاجة-لا ولادي لي كانو عندي قتلوهو كاملين الاه يرحمهم
_______________
****في الزنزانة****
تاثر بزاف فاش سمعت حكاية ديك الحاجة مسكينة قالتلي انها كانت من عائلة غنية بوااف ووكانو عندها جوج ولاد وبنت فواحد النهار كانت هي وراجلها معشين برا وفاش رجعت للدار لقات ولادها مدبوحين هوما ولخدامة لي كانت معاهوم والعساس كدالك تكوات فكبدتها مسكينا كاع ولادها ماتو بلغو الشرطة لاكن قالولهم انها محاولة سرقة فقط اواعدوهم باش يشدو المجرمين لي قتلولها ولادها راجلها مسكين ماستحملش وجاتو سكتا قلبية فاش شاف ان كامل المحاولات لي دار باش يجيب حق ولادو بائة بالفشل ولخيط لي يشدو يلقاه مقطع مرض بزاف ومات بسبب سكتا قلبية اما هي مسكينة جاو عليها خوتو وخداو منخا ماع الاملاك ديال راجلها ولاحوها للزنقة لجئة لعائلتها لاكن حتى هوما مارحموهاش لانها تزوجت براجلها بدون رضاهم بقات عايشا بوحدها وكاتخدم فالقهاوي حتى كبرات وتهدات وجابوها شي محسنين لدار المسنين....مسكينة حكايتها اترت فيا بزااف لدرجت بكيت معاها وقلت فين هي العدالة فهاد لبلاد 3 ديال الاطفال ماتو المجرمين مطلوقين وعايشين حياتهم ضمرو عائلة على قدها بدون ماترمش ليهم عين فلحضة فكرة فكلام داك راجل لي سميتو عابد لاكن بسرعة حيدتو من بالي خرجنا انا وياسر وركبنا فسيارتو لاكن هوا كان فواحد الحالة خلاتني نسولو مالو لاكن صدمني فاش قالي انه طلاقا مع واحد الخدامة كانت كاتخدم عندهم فاش كان صغير وقالي انها بدات كاتعاودلو وفكراتو فالماضي لي مابغاش يتفكرو بلامايحس نزلو الدموع من عينو لاكن بسرعة مسحهم وبدل الموضوع
_______________
نورسين- ياسر وقف فجنب طريق
ياسر-علاش ...
نورسين-كاتبانلي محتاج تهضر وتخوي قلبك
ياسر-(وقف سيارتو جنب طريق) الصمت
نورسين-الى قلتلييك انني عشت فالميتم غادي تصدقني
ياسر-(شاف فيها باستغراب) بصح ماكنتش عارف تخلاو عليك ولديك
ياسر-فاش كنت صغير الاب ديالي قتلوه شي عصابة كانو عندهم معاه حساب ...
نورسين-اوووه مسكين
ياسر-(مسح بيديه على وجهو) مازال نعقل فاش دخلت مور ماما للحمام فاش سمعتها غوتات ولقيتو غارق فدمو ماما كانت مريضة بالسرطان فديك الوقة ماطولتش وماتت موراه وبقينا غير انا وختي صغيرة....
نورسين-الله يرحمهم مساكن والله يخليلك ختك صغيرة .....
ياسر- هههههههه امين واخا راها مشيباني
نورسين-شحال فعمرها
ياسر-15 واخا صغيرة لاكن تشوفيها تعطيها كتر من سنها...
نورسين-تبارك الله ...قولي المجرم لي قتل باباك تشد ياك تحاكم على افعالو
ياسر- (بقا ساكت شوية) لا ....ماتشدش عرفتي علاش ....حيت وراه ناس صحاح ويديهم طويلة يعلم الله شحال قتلو من ارواح على قبل مصالحهم...
نورسين-ولاكن راه مكايناش سيبة فلبلاد مايمكنش مايتشدش ويعيش طليق
ياسر- (تنهد بعصبية) شكون قالك مكايناش السيبة واش غير حيت نتي عايشة حياتك بسلام يحسابك كولشي بحالك شحال من ولاد تيتمو وشحال من مرا ولات ارملة بسبب الاجرام لي فهاد لبلاد وبسبب الفساد والرشوة بابا مامرتاحش فقبرو لان لي قتلو مازال كايتسركل فراحتو كيت لي جات فيه... كانقسم ليك كون شفت وجهو او عرف غير سميتو ماكنتش غانخليه عايش وغانطبق العدالة بيدي وغادي نقتلو كيف قتل باب الله يرحمو ....(تنهد بتعب) سمحيلي غوت فوجهك ديما فاش كانهضر فهاد الموضوع مكانتحكمش فاعصابي...
نورسين- (نزلة الدمعة من عينيها) حتى انا ماعشتش حياتي بسلام كيف قلتي واش لي عاش فميتم غادي يعيش بسلام
ياسر-(شدليها فيديها) سمحيلي عافاك والله ماقصدت ماتقلقيش مني ...انا مستاعد نسمعك كيف سمعتي ليا....
نورسين- (هزت راسها بالموافقة) تولدت فقصر.من والدين اغنياء ومن عائلة نبيلة الجدور مابقا منها غير اسرتي المكونة من بابا وانا وبنت عمي لي كبر مني ب 16 لعام ماتو وليديها وخلاو عندها 3 اشهر ورباها بابا وماما ...عرفتي كانت هي ختي لكبيرة وقدوتي وهي واقرب شخص كنت قريبا ليه من بابا وماما...منين حليت عيني على هاد الدنية وهي فقربي ومعايا ... وليديا كانو كايعتابروها بنتهم لان ولادتي انا جات بعد 18 لعام من زواجهم حتى فقدو الامل انهم يولدو ...كونا عايشين فسعادة فاسرة مكونة من اربع اشخاص بالاضافة لدادا المربية لي كانت عزيزة عليا بزاف (بتاسمة)مازال .نعقل كيفاش كنا كانلعبو فااحديقة ديال الفيلة نجريو ونقزو كانت كاتعاوني فلحفاضا وتمشط شعري كانو ايام راائعة
ماعرفتش كيفاش ختفا هادشي كامل من حياتي...
ياسر- (شدلها فيدها) في عمق كل انسان وجع صامت ... لاكن كيفاش حتى وصلتي للميتم ونتي بنت عائلة غنية بزاااف..
نورسين -قصتي مازالة طويلة ....
نورسين-فاش كانت عندي 11 لعام عائلتي دارت حادثة سير وانا الوحيدة لي بقيت عايشة ماما وبابا ماتو وتم انقادي باعجوبة من وسط السيارة لمحطمة داوني لقسم المستعجلات ومدوزوني للانعاش ومن بعد لغرفة العمليات كلشي يحسابهم مت حيت كونت مضروبة فرجلي ليمنية ويدي وكرشي وعنقي وبالضبط اقرب منطقة من الراس دوزت فالعملية اكتر من 7 ساعات وفالنهاية نجحة الحمد لله بقيت فغيبوبة لمدة 40 يوما وقالولي من بعد ان بنت عمي (سماح) ماعمرها جات عندي تشوفني فالطبيب منين فقة من الغيبوبة فقدت جزا من دكرياتي مابقيتش عاقلة شنو وقاع فالحادت وقالولي ان شاحنة ضربتني لاكن حسيت ان الحقيقة كاع مكاملاش وستغربت لان وليديا مكانوش كايجيو يزوروني كنت كانحاول فكل دقيقة نتدكر الحقيقة رغم انني ستنتجت بالفعل ان وليديا ماتو لاكني كنت كانحاول نقنع نفسي انني على خطئ كانت بنت عمي سماح معايا ورافقتني طول الوقت وخضعت لاعادة تاهيل كانت ديما معايا وكاتدعمني وبعد مدت بسيطة بديت كانرجع داكرتي شوية بشوية كونت خايفا لاكني كنت باغيا نعرف الحقيقة ...فواحد صبح فالمستشفى حليت عيني كانت سماء غايمة فنهار غانخرج من ديك المشفى جاني واحد الصوت فودني وكان صوت ماما وبابا غوت باعلى صوتي وشفتهم ورجعتلي دكرياتي المره واغمى عليا ...دخلت فحالة نفسية حادة بسببها قضيت شهور عند الاطباء النفسين ...كمل العام وانا مازال مابريت مزيان نفسيا وجسديا رجعت للدار وملئة وقتي بالنشاطات الخارجية مسرح موسيقى نوادي رياضة واخرى ثقافية ومعلمين خصوصين كايجيو عندي حتى للدار كنت كانتحجج بانني خصني نعوض لي فاتني من قرايتي لاكن كان غرضي هوا النسيان ماكنتش كانبغي نكلس بوحدي باش مانتفكرش لي جرا وكنت مكانعس الى بالمهدات لاكن حتى هوما مابقاوش كايقضو فيا فواحد نهار فليل مابغاش يجيني نعاس حتى للفجر وبقيت كانفكرفممتلاكاتي وفالواجب ل خلاهلي بابا هزيت لبيسي وبحت فموقع شركتنا واخبارها لاكني لقيت موصيبا االشركة على وشك الانهيار تفكرت خزنة بابا ولي انا الوحيدة لي عارفا الكود يالها وبابا طبعا لقيت عندو شي ضوسيات كتار ولقيت الشيفرا ديال الملف الخاص بالشركة دخلتها وكتاشفة انه كاينين اختلاسات لا يمكن تغطيتها فاموال الشركات والاسوء الشركة عليها دين بمليار ومصلحة الضرائب تابعاها كارتة وصاف فكرت ان السبب هوا انا لانني اهملت كنز بابا وقررت ندخل كان المدير عمي قاسم هوا اليد اليمنى ديال بابا وكان كايتيق فيه بزاف تافقة مهاه باش يعاوني فهاد المشكل وانا بنت 12 لعام حليت بعض المشاكل بالصفقات لي كانت متوقفة حركتها وبالارباح ديالها خلصت الديون لي على الشركة طبعا هادشي كامل كان الحل ديالو فالوتائق لي مخبي بابا فالخزنة هوما لي عاونوني بالاضافة لعمي قاسم الحمد لله الشركة خرجة من الافلاس وجعت لطبيعتها وبعد مرور عام فقة فصباح على صوت تلفوني كان عمي قاسم كايصوني وقالي ان مليار ختفات من البنك خرجت وتوجهت عند مركز التحقيقات وكتاشفة ان الفاعل هي بنت عمي سماح مشيت عندها وسولتها بوضوح علاش خديتي لفلوس وجاوبتني وقالت
انه كان ملكي وانا احق بهاد الملك منك ماما وبابا دياولي ونتي مجرد دخيلة انا لي عندي الحق فهاد الورت وعندي حق بابا لي هوا عمك كان خصك حتى نتي تموتي علاش عشتي فكرت نكمل عليك لاكن فاش خرجتي من الحادث ماكنتيش فحالة تسمح ليك باش تاخدي شي حاجة مصابة جسديا ونفسيا وفالنهاية طفلة مفششة بحالك هربت من واقعها وتخبات لاكن مكانش يحسابلي غادي تخرجي من ديك الحالة وتخلقتي علاقات وبديتي تخدمي ودرتي داكشي لي ماقدرتش عليه انا رغم اني كنت عارفا انكي ادكى مني وعندك كاريزما خليتك ديري لي بغيتي وكان من المخطط انني ناخد كل شئ لان كلشي ملكي انا بوحدي
حبستني بعد هاد الهضرة فواحد الغرفة كانو كايعطيوني لماكلة غير من سرجم بقيت تماك لمدة شهراين قلت الماكلة والتعب اترو عليا لاكن صبرت وكلي امل انني نرجع لحياتي السابقة ونفيق من هاد الحلم المزعج وفواحد نهار جاتني واحد الحلة ديال الاعصاب وبقيت كانغوت ونضرب راسي مع لحيط كانت مرا مرا كاتجيني هاد الحالة بقيت كانضرب فالحيط حتى قصت لمرايا وطاحت للارض ولقيت موراها رسالة ملسقة جبدتها وحليتها بسرعة وكانت وصيت بابا الله يرحمو مكتوب فيها
ابنتنا بما أنك تقرئين الآن هذه الرسالة فنحن على الأغلب لسنا معك، وأنت تلازمين غرفتك لسبب ما، اسمعي، أنت لست مؤهلة بعد لقيادة المجموعة ولا تستحقين العيش بهذا المنزل، أنت لا تملكين الخبرة، ليس لديك مستوى دراسي كافي، ولا زلت صغيرة، إن بقية المجموعة بيدك قد تزدهر بفضل ذكائك والقليل من المساعدة من شخص ما، لكنك لن تقدري على تفادي المؤامرات، أول نفخت هواء ستلقي بك إلى الهاوية، غادري منزلنا، وعندما تكونين قادرة على شراء المجموعة، عودي يا ابنتنا يا فخرنا في المستقبل"
من بعد ماقريت الوصية جبدت كاع حوايجي وغطاء السريري وربطت شي مع شي ولحتو من سرجم وهبطت حتى وصلت للارض ولحسن حضي مالقيتش لعساس وهربت لاكن ماعرفتش فين غانمشي واول مكان خطر فبالي هي لخيرية مشيت ليها وعشت تما حتى درت 18 لعام وستقليت بنفسي ودابا عايشا انا وصاحبتي كارين واحد الغرفة ....شفتي حكايتي كيف دايرا تحولت من الغنى للفقر هههههههه
ياسر-عرفتي حكايتك جاتني ناقصينها شلا خيوط
نورسين-مافهمتش
ياسر-الوصية لي خلاوليك وليديك كادل على انهم كانو عارفين ان حياتهم مهددة بالخطر هدا لاش كتبوها ووضعوها فغرفتك نتي بالدات....
نورسين-( تنهدت) مكانضنش يمكن غير احساسهم
ياسر-(بتاسم) اممم يمكن خليني نوصلك لدارك....
نورسين-لا مكاين لاش بغيت نتمشا على رجلي شوية
ياسر- واش نتي بيخير
نورسين-اااه انا بيخير(نزلت من سيارة سدت الباب ودارتليه اشارة الوداع وتحركات)
______________
في الزنزانة
تقدر تبتاهج للحياة وتغني ليها وتشوف كل لي من حولك زوين ومميز.... وتقدر تكره الدنية وتكتائب ليها وماتشوف فيها الا كل ماهو ردئ ومحزن وباعت للتشائم . داكشي لي وقاعلي بعد مانزلة من سيارة ياسر تحولة من انسانة نشيطة محبة للحياة لانسانة قلبها عامر بالشكوك تمشيت بين الناس بحطوات بطيئة وكانشوف فملامحهم المختلفة حزن وصرامة وسخرية وسعادة شفة الغيض وشفة الغيرة فوجوه مختلف الناس ...كلام ياسر خلاني نراجع حسباتي ونفكر فبابا وماما واش فعلا كانو حاسين ان حياتهم مهددة بالخطر واش فعلا الحادثة كانت مدبرة واش شي حد كان باغي يقتلنا كاملين علاش وكيفاش حتى مانتابهتش للوصية لهاد الدرجة انا غبية لهاد الدرجة هتمية بحياتي ونسيت وصية بابا ونسية املاكو ورزقو هوا عندو امل فيا انني نرجع الشركة وانا ماعلباليش وعايشا حياتي
تفكرت كلام ديك الحاجة لي شفتها فدار المسنين صورتها مابغاتش تمسح من بالي وصوتها كايتردد فودني فكل مرا تفكرت ولادها لي ماتو تفكرت اب ياسر حتى هوا وستنتجت من هادشي كامل ان المجرمين لي رتاكبو فحقنا اغلاط وسودو عيشتنا هوما عايشين وفرحانين وحنا مازالين عايشين فغيمة كحلة سميتها الماضي تفكرت بابا واحد نهار ماعمرو يتنسالي كلسني على حجرو وقالي (يابنتي خلي هاد لكلام حلقة فودنك الانتقام عدالة الهمجيين) داكساع كنت صغيرة ومافهمتش معنى كلامو لاكن دابا فهمتو مزيان وعرفة ان بابا كان خايف على قلبي لايعمر بالحقد الكراهية ويولي عنوان حياتي هوا الانتقام ...ماعمري فكرة ننتاقم من شي حد من حد حتى بنت عمي سماح لي خداتلي رزقي وحرمتني من دار عائلتي ماعمري فكرت ننتاقم منها وكنت مخلياها منها لله لاكن لامتا غادي نبقا عايشا هاكا لامتا غادي نتحرك وناخد حقي ونعرف شكون لي كان السبب فموت وليديا جا الوقة باش نتحرك ماغاديش نبقا واقفة ونتفرج
غمضة عيني وستنشقة الهواء لي عطاني طاقة جديدة طاقة كولها قوة وحطيت هدف امام عيني نرجع ممتلكات عائلتي ونحقق وصية بابا توجهت لواحد المكان فمدينة فاس جاي فواحد جبل كايطل على المدينة القديمة كاملة كان داك الوقة 2 مور ضهور الدنية كانت خاوية ويوحدي لي فداك المكان وانا كانفكر سمعت صوت راجل من ورايا
___________________
الشخص- مكاتخافيش على راسك فهاد المكان الخطير
ضارت نورسين والخوف تملك قلبها لاكن عينيها طاحو على واحد الشاب غاية فالجمال لابس سروال تجينس ازرق وطريكو اسود وعامل كاسكيط اسود على راسو وكايشوف فيها بغينيه لكحلين ورموشو لي مخلين نضرتو مثيرة بتاسم ابتسامة جانبية وهوا كايشوف فيها خافة منو لاكن ماهضرتش معاه وتخطاتو وبغات تمشي لاكنو شدها من دراعها ومنعها تزيد
الشحص-(ضحك بسخرية) هههههه ماتخافيش ماشي داكشي لي بغيت
نورسين-(بخجل) احم سمحلي فهمتك غلاط
الشخص- انا سميتي ركان تشرفة بمعرفتك انسة نورسين
نورسين-(بابتسامة) حتى انا تشرفة بيك
ركان- ادن ندخل فالموضوع نيشان سي عابد سيفطني عندك باش نعطيك تسني على هاد المعاهدة (جبد واحد الضوسي من تحت جكيطتو)
نورسين-(شداتو من عندو) ولاكن ديالاش هاد المعاهدة
ركان- سي عابد قتارح عليك تنضمي للاستخبارات المغربية لاكن نتي رفضتي طبعا هدا رئيك الشخصي وماعندنا دخل فيه لاكن لازم عليك تسني على هاد المعاهدة فيها قسم انكي ماغاتقولي هاد الموضوع لحتى شي واحد ويبقى سر حتى تموتي وتدفنيه معاك
نورسين- يعني نفهم من كلامك انني مانقول لحتى شي واحد انني لتقيت بيكم او عرفتكم او تكلمت معاكوم ياك
ركان- تماما وبالخصوص العرض لي عرض عليك سي عابد
نورسين- فهمت عطيني ستيلو باش نسني
ركان- تفضلي ...
شدات من عندو ستيلو وقرات التعهد وكان فيه قسم بعدم اخبار احد قراتو وعاوداتو وغمضت عينيها لعدت ثواني قبل ماتسني ومر امام عينيها كلام ياسر وكلام الحاجة وكدالك وصية باباها حطت ستيلو على الورقة لاكن ماسناتش
ركان- واش نتي بيخير
نورسين- اممم واش(حنات راسها على لورقة ورجعة هزاتو) واش ممكن تعطيني فكرة على هاد المؤسسة وطريقة خدمتكم
ركان- احم ...سمحيلي مانقدرش هادشي كايعد من اسرار الدولة كانعتادر
نورسين - لا ماتعتادرش عندك الحق (رجعت حطت القلم على الورقة ورجعت هزاتو) ماغاديش نسني
ركان- كيفاااش وعلاش مايمكنش امدموزيل
نورسين- قول لشاف ديالك بغيت نشفو
ركان- متئكدا
____________
في الزنزانة
تاصل ركان بعابد وجهد للصوت باش نسمع وقالو بغات تشوفك لاكن عابد ضحك باستهزء وقالو قولها بلي ضيعات الفرصة ديالها لاكني خطفتليه التلفون من يديه وتكلمت معاه وقنعتو باش نخليه يطلاقاني باع عليا شبابو غالي وفلخر قبل يطلاقا معايا وعرض عليا نتغدا معاه فواحد المطعم ركبت مع ركان فسيارتو اوصلني عندو للمطعم لقيتو كالس امام الطاولة وفيديه جريدة وقفة عندو وقلتليه السلام عليكم نزل الجريدة ورد عليا السلام بطريقة غير مبالية طلب مني نكلس وكلست حداه
عابد- ديما مرتي كاتبقا تغوت عليا وكاتقولي انني مبدر بزاف وكانضيع لفلوس لاكن ماكدباتش ههعهه حيت كرشي كبيرة كانحاول نقتاصد لاكن مع دالك مكانقدش كايجي تالي ديال شهر كانبدا نتسلف من عند صحابي باش نكمل لي بقا من شهر ....عندي بنتي كاتقرا فالخارج وكل شهر كانسيفطلها لفلوس باش تقرا لاكن مامنها فايدا مقابلالي غير لحوايج ولمكياج فاش كانت هنا كنت حاكمها لاكن سيدة سابة غير بلاتي عليها غير ترجع ونعاودلها ترابي الى ماجابتش معاها الدكتراه غير ماترجعش ...
بلا بلا بلا بلا بلا وكمليها قصة حياتو بعدما جاب النادل الاكل 😧😧😧 (شافها مصدومة فيه وكاتشوف فيه بعينيها كايتسدو بالنعاس)
عابد- على ما كايبانلي خصك شي قيلولة ياك
نورسين- ( تعوطت فجلستها) احم لا لا غير كنت كانسمعليك ...
عابد-نورسين خصك تعرفي ان ففترت التدريب غادي تكوني بعيدا على العالم الخارجي حتى التلفون ماغايكونش عندك...
هزت راسها بمعنى الموافقة وخرجت من المطعم
________________
****في الزنزانة****
خرجت من عند عابد وتوجهت للدار كانت ديك الساع 4 دلعشية رجعت للدار ولقيت لمار مازال مارجعت كانت فداخلي واحد الطاقة بوحدها بدلت حوايجي ولبست بيجامة ديال الدار وعليت علي كمامي وقفة نموسياتنا وخرجت طبالي لبرا وحكيت ديك الارض حكان خرجت فيها كاع ديك الطاقة السلبية تشفة الارض ورجعت ناموسيات ودخلت طبالي ورجعت للمطبخ وجبدت لماعن عاودتهم بلغسيل كاملين ساليتهم وكانت ساعة 6 خرجت للكزار لي من تحت الدار ودخلت الكفتا وصوبت واحد الطاجين بالكفتا وماطيشة وصوبت شليضات عزازين على لمار ريحة المعطر ديال مواد التنضيف تخلطة مع ريحة طاجين دلكفتا ساليت وكلسة كانت ساعة 7 دخلة لمار ولقاتني كالسا فالقنت وكانفكر
_____________
لمار-اللللللله رائحة النضافة مخلطة مع لماكلة اوووه نفسي تحلات للاكل (شافة فنورسين) نور مالكي فين ساهيا
تعشينا ديك الليلة وبقينا قصارين انا ولامار كاتعاودلي على واحد الشاب تعرفت عليه فالجامعة شبعت عليها ضحك حيت السيدة تزعطات فيه نعست وانا معنقاها بغيت نستاغل كل دقيقة باقيالي معاها غفية حتى سمعت اذان الفجر نضت وتوضيت وصليت الفجر وكدالك صلات الاستخارة وستخرت ربي فهادشي لي انا مقدمة ليه واش غادي يكون لصالحي او غير غادي نعدب راسي بلا فايدا طلبت من ربي يعاوني باش نرجع شركة بابا ونكشف حقيقة موتهم وشكون وراء ديك الحادثة لي نجاني الله غير انا باش تضهر الحقيقة على يدي دعيت وبكيت وشكيت على لي خلقني وطلبت منو يعاوني شفت فالساعة كانت 6:00 نضت وجدت فطوري ولبست حوايج الخدمة وانا كارها راسي حيت غانطلاقا مع داك المتعجرف ديال الرئيس اااه ياربي دازو عليا هاد ليوماين بحال لي عاماين خرجت من الدار وستقليت طاكسي ووصلت انا الاولى وكانت الشركة مازالة خاوية والموضفين عاد كايجيو بشوية بشوية .... حطيت اغراضي فالمكتب ديالي وحرصت انني نخبعهم مزيان قالك الديب كادوز عليه غير مرا وحدا مابغيتش يخبعوهملي عاود ونبقا نحماق بالتقلاب عاود طلعت لمكتب الرئيس دقيت الباب لاكن ما من مجيب عرفتو غايكون مكاينش حليت الباب غير بشوية ودخلت لقيت الهاتف الاسلكي مهرس ومشقف فالارض (هرسو فاش كان كايصوني على نمرت ضارهم عقلتوو👌👌) حنيت وجمعت داكشي ولحتو فالقمامة ورتبت الغرفة ومسحت المكتب وانا كانرتب حليت واحد لمجر ولقيت فيه واحد الصورة فيها راجل ومرا وجوج وليدات وبنيتا ملامحو ماتبدلوش بزاف مازال زوين رغم شخصيتو القاسية سمعت خطوات جاين نحو المكتب رجعت التصويرة لمكانها وكملت لمسيح وكان هوا لي حل الباب ودخل بعيونو العسلية النائمة
_______________
نورسين-(تقادت فالوقفة) صبح الخير مسيو
أسد- (بلا مبالات) صبح الخير
داز من حداها وكلس على مكتبو وفتح لابتوب ديالو وشاف فيها كانت واقفة فجنبو
ستيفانيا- (جراتها من يديها ) اجي معايا غادي نوريك لكساوي والاكسسوارات لي عندي ختاري منهم ونمشيو انا وياك عند لكوافورا عرفتي غادي طلعي بحال شي اميرة دابا تشوفي
عابد-(مصدوم) بويكااا هاد ستيفايا الى قتلتها ماتقوليش علاش
بويكا(رفع يديه باستسلام) نتا قتل وانا ندفن
عابد- هههههه حتا نتا غير على سبا ....ولاكن ماخلاتنيش حتى نكمل هضرتي وجراتها
بويكا- شفتي علاش شعري شاب قبل وقتو هي السبب
عابد- هاهاهاهاهاهاها واحد يدير لعقل للتاني ماعندك مادير ....
____________________
****في الزنزانة****
قبل مانكمل لحكاية طلبت من المحامي يجي عندي وجا بالفعل وتافقت معاه باش نرفع دعوة للاستئناف على الله يكون خير ماكرهتش مانموتش وحتى انا غير انسانة والانسان عندو طابع غريزة البقاء واخا يكون فعمرو ميات عام
جراتني ستيفانيا لغرفتها مع اني كنت مازال باغيا نتكلم مع عابد ونعرف طبيعة المؤسسة لاكن فور رئيتي للفساتين ماقدرتش نقاوم وبديت كانقيس هدا ونحيد هدا وكدالك ستيفانيا كاتقيس وتوريني عندها فورما رشيقا ولي لبساتو كايجي معاها تبارك الله ختاريت فستان فاللون الاحمر الدموي عنقو كول v وكمامو طوال حد المرفقين لاكنو قصير فوق ركابي مابغيتش نلبسو الى ان ديك الحمقة اصرت عليا وعطاتني معاه ليبة فالاسود وحداء بكعب العالي اسود اللون ولاماع وكدالك عطاتني بعض الاكسسوارات وختاريت منها خاتم وسلسلة وقيقة وزوينة ...خلينا لحوايج وخرجنا للصالة لقيت عابد مشا وغير بويكا لي مازال وطلبنا منو يوصلنا لصالون التجميل ...وصلنا مع 7 دلعشية وكان المحل عامر كلسنا شوية كانتسناو ضورنا لاكن الوقة كايجري نضة عند لكوافورا وطلبت منها تصبقني وكدالك هضرت مع لبنت وكانت ضريفة وعطاتني ضورها مسكينة عملتلي شعري سامبل من لفوق وكيرلي من لتحت وكنت حريصة انها تعملي مكياج خفيف واخا ستيفانيا كانت واقفا عند راسي وكاتقولها كتريلها 8:30 خرجنا شدينا طاكسي ورجعنا للدار فتحت ستيفانيا الباب وقبل ماتسدو وقف علينا ركان
_______________
ركان-اووووه اش هاد الجمال غادين لشي حفلة
ستيفانيا -انا لا هي اه (شافة فنورسين) اش كاتسناي دخلي لبسي
نورسين- اه واخا ...قبل مانسا هضرت مع شيفور الشركة وعطيتو عنوان دارك باش يجي لعندي لهنا ياك ماشي مشكل...
ستيفانيا- لا هانيا يالاه غير سيري لبسي حوايجك
دخلت نورسين لغرفة ستيفانيا وركان دخل لصالة وكلس اما ستيفانيا دخلت للمطبخ توجد لعشاء لراسها ونور لبست لفستان لي ختارتو وفهاد اللحضة جا الشيفور وبعض لحضات....
نورسين- (خرجت من الغرفة) هاد شيفور تعطل بزاف ومشا لحال
ركان-(وقف منباهر بجمالها) اااام راه جا قلتلو يمشي
نورسين- وعلاااااااش
ركان-ماتخافيش راني خديت من عندو لعنوان وانا لي غادي نوصلك
نورسين- ماكانش عليك دير هاكا والله
ركان- يالاه نمشيو ساندريلا غادي تعطل على الحفل..
خرجو نورسين وركان وركبو فالسيارة اما في مكان الحفل أسد كان واقف بطقمو الرجالي الاسود الفخم وعيونو العسلية كاتقلب على سكرطيرتو لي تعطلات وفهاد الاثناء شاف الشيفور واقف فالباب مع رجال الامن وخرج عندو
أسد-فين هي البنت لي مشيتي موراها
السائق- راني مشيت امسيو للعنوان لي عطاتني وخرج عندو واحد الشاب وقالي هوا لي غادي يوصلها....
أسد-مزيان (بعد على السائق وقال بصوت خافة) الغبية غادي نوريك على هاد التصرفات صبيانية
ضار باش غادي يرجع للقاعة لاكن عينيه داتو للسيارة لي وقفات ونزل منها شاب وسيم وفتح الباب لواحد البنت غاية في الجمال وكانت نورسين شافها لاكن هي مانتبهتلوش شكرات ركان وتوجهات للداخل وكان أسد صبقها للداخل وتوجه عند مجموعة رجال الاعمال ودار راسو ماشافهاش
اما هي دخلت اوقفة فباب الصالة منباهرا فداك المنضر الاضواء الملونة والاكل والمشروبات الفخمة وسيدات بابجمل الفساتين والمجوهرات الراقية كدالك الرجال باطقم فخمة وتسريحات وعطور ومضاهر تسلب العقول وهي كاتقلب بعويناتها الزرقين بحال السماء شافة أسد واقف بين مجموعة رجال وكايتبادلو الحديت تقدمت عندو وتحنحت وقالت
نورسين- بونسواغ مسيو أسد
أسد-(بدم بارد) على سلامت صاحبة السمو شرفتي واخيرا ...
بغات تبرر موقفها لاكن شخص من الرجال لي كان واقف معاهوم اسد تكلم وقاطعها
أسد-(وجه انضارو للحضور وقال بكل عجرفة) كون مشيتي معاه كونت غانتئكد انكي من دوك لبنات ...
نورسين-(شافت فيه) اشمن بنات كاتقصد
أسد-لبنات لي كايقلبو على لكنوز
نورسين- ااااه فهمت تبارك الله عليك عندك موهبة فالحضية بلحق ماعرفتي لحفلة مازالة طويلة اوو كايبانلي الى ضيعت هاد كنز ساهل بحال هدا لي قفلو مفتوح غادي نكون خاسرا (حطت صبعها على قلبة)واش نسيتي صبح فاش قلتليك غير نلقا مفتاح قفلك غادي نسرق كنزك كامل...(بنضرة مستفزة)عن اذنك غادي نمشي للحمام
دخلت للحمام قادات مكياجها وبكل غرور شافة فلمراية وبتاسمة وطبعة قبلة على يديها ونفختها على لمرايا ( ناري شخصية هاد البنت شحال كاتعجبني )
وقالت كايحسابلو بهاد الكلمات الجارحة غادي نبكي ليه ماشي هادي هي شخصيتي وماكاتعرفنيش مزيان امسيو أسد تاج مالك انا مزيانا مع لي مزيانين وخبيثة مع لخبيثين مازال ندوقك لمرار مورايا امسيو اسد مازال غير نرجع ممتلاكاتي وغادي نوريك هاد الفقيرة لي كاتستهزء بيها شغادير فيك وفشريكتك وفكنزك لي كاتفتاخر بيه....
اما هوا كان شاد كاس ديال الماء فيديه ومزير عليه بغضب وقال بصوت خافت
مازال مكاتعرفينيش مزيان ياصاحبة السمو غادي نخليك تبكي مهما كانت شخصيتك قوية شحال بكيت وجرحت ديال لبنات المدلولات وحتى نتي منهم لاكن نتي خاصك شوية دلوقت على مانتقادليك مزيااان وغادي نقطعليك داك لسان طويل ....
تقدمات عندو يابتسامة عريضة كلها غرور وهوا كدالك بادلها نفس الابتسامة وتحت الاقنعة لي لابسين وجوه عامرا بالمكر وقفو صامتين حتى قربت من اسد واحد البنت زوينة وشعرها اشقر وطويل وبدات تعنق فيه وتبوس
شافت نورسين داك المنضر لي جابلها الردان طبعا حيت هي مكاتحملوش وكحزت شوية وبعدت وليكن عينيها كانو مراقبين كل حركاتو كايبتاسم ليها بعيونو لعسلية المثيرة ...
شافتو فاش خرج واحد المنديل احمر حريري منقوش عليه اسم أسد وعطاهلها وهي كانت غاطير بالفرحة وكاتنقز وهوا كايضحك بغرور علي ديك الهبيلة لي حداه ...اما نورسين كانت كاضحك بسخرية على حركات ديك البنت وكاتشرب عصير البرتقال ومستمتعا بيه ونضرات الاعجاب من بعض الشباب لي كانو فالحفل مابعدوش عليها قرب ليها شاب وتكلم معاها بكل رقة واحترام وعطاها بطاقة شركتو ورقم هاتفو ومدح فجمالها وفستانها ومضهرها ...وكدالك نضرات اسد كانو عليها ومراقبينها وكايقول فنفسو ::صيادة بدات خدمتها:: شافت فيه كدالك بابتسامة مغرورة وقالة فنفسها
::: المتعجرف الحضاي داير خدمتو:::
تقدم لعندها أسد مع ديك البنت وهي ماشافتهمش كان فيديها كاس ديال العصير وبغات ضور وكادخل فديك البنت وتخوا عليها لعاصير
البنت- اااااااه لحقيرااااااا ضيعتيلي كسوتي
نورسين-(تصدمات) سمحيلي ماقصدتش
أسد-فين هوما عينيك نتي
نورسين-راني قلت ماشفتهاش
البنت- اسد ضاعلي لمنديل لي هديتيه ليااا وهاد الحقيرة هي لي ضيعاتو
أسد-صافي ماشي مشكل دابا نعطيك وحداخور
هزت ديك البنت كاس ديال العصير وخواتو عليها عن عمد
نورسين-(بصدمة) اااه شنو درتي
البنت-حتى انا غي ماشفتكش
مورسين-لاكن نتي راه درتيها بلعاني
البنت- اااه بصاااح ايوا جربي نفس الاحساس لي كانحس بيه الحقيرة
ماستحملتش نورسين نعتها بالحقيرة عدة مرات وجمعت معاها بسقلة حتى شافة نجوم وبدات ديك البنت كاتبكي وجا باباها رجل اعمال كبير
الرجل-هييي حتارمي راسك راها بنتي لي كادوي معاها هادي
أسد-(بصراخ) نورسييييين عتادري من الانسة
نورسين-احلم ماغاديش نعتادر منها
أسد-(بغضب) ماغاديش نعاود هضرتي جوج مرات ولا غاتندمي
نورسين-(قربت عند ودنيه وقالت بصوت خافت) طلع لاعلى برج بنيتيه ولوح راسك منو ولا نقولك ختار اجمل حيط فهاد القاعة ونطح راسك معاه تبا لكم جميعا حقير وماتسواش ....
قالتليه دوك لكلمات وخرجت ...الصدمة كانت قوية بالنسبة لأسد ماعمر شي واحد تجرئ يقوليه نصف كلمة من لي قالتلو نورسين عروق وجهو برزو وتسمعو صوت ضراسو وهوما كايتطاحنو ضم قبضة يديه بعصبية وخرج تابعها كايجري فنصف الشارع وهي غير سمعت خطواتو ضارت شافتو وبدات كاتجري باش مايشدهاش وعتها لكعب العالي وحيداتو وهزاتو فيديها وعطاتها لجرا اما هوا كان موراها وكايجري حتى لحقها وشدها من شعرها و لسقها معاه
نورسين-طلق منيييي...
أسد-(بغضب) عمر شي بنت ماتخطات حدودها معايا حتى جيتي نتي اشنيولة وسبيتيني حدا الجميع
نورسين-ماسمعنا حتى شي واحد حيت قلتهالك فودنيك غير بشوية
أسد-سمعيني نقولك الحشرات لي بحالك كاندعس عليهم بلخر ديال صباطي سمعتي
نورسين-وانا مايشرفنيش نخدم مع واحد بحالك ...ااااااااه راك ضريتيني
أسد-وعلاش ماقدمتيهاليش فصبح ولا كنتي باغيا تستاغلي الفرصة باش تصيدي لكنوز وتبدلي شي بشي ام طماعة الحقيرة
نورسين-تماما شفتي هانتا عرفتي علاش بنت زوينة ومثيرة بحالي تقدر طيح ميات راجت غير بصبعي صغير والا كنتي حاكرني يااا شبلي الصغييير (الشبل هو صغير الاسد)
أسد-(زير عليها حتى غوتت) غادي نقطعلك هاد لسان طويل منين تسلطتي عليا منييين
نورسين- صافي طلقني نمشي بحاليييي
أسد-ماغاديش تمشي انا غادي نربيك الى ماعرفوش يربيوك واليديك
مارضاتش فاش جبد واليديها وماجا يكمل هضرتو حتى جمعت معاه للمنطقة الحساسة حتى طاح للارض وبدا كايتألم ويغوت ويسب اما هي بدات كاتجري وتجري ومع الضورة ديال واحد الشارع وهي تدخل فواحد الشخص حتى كانت غاطيح وشدها علات عينيها فيه وغير شافتو عنقاتو
بويكا-نورسين مالكي شنو واقعلك واش تبعك شي حد فين هوا
نورسين-(طلقة منو) انا بيخير شنو كادير نتا هنا سيفطك عابد باش تحضيني
بويكا-احم لا ...ماتفهميش غالاط غير كنت دايز من هنا بالصدفة
بويكا-(حط يدديه على فمو) اوووه يحسن عوانو مسكين جرا عليك
نورسين- اه جرا عليا ولد ل... قولي شنو كادير هنا فهاد الوقة وماتكدبشل
بويكا- كونت فواحد لبواط بلحق ماتقوليهاش لستيفانيا
نورسين- هههه اوكي
___________________
***في الزنزانة***
سبيتو ومرمدتو ههههه وضربتو ونتاقمة من داك المتعجرف لي ديما مشبعني اهانات بما انه اخر يوم غادي نشوف فيه كمارتو لاكني كنت غاااالطا وياريييتني ماضربتو ولا سبيتو وغاتعرفو من بعد علاش
ركبت مع بويكا وطريق كاملا وانا نسول فيه على المؤسسة وكان كايجاوبني على قد السؤال وصلني وودعتو وطلعت لدار ولقيت لمار مازالة فايقا وكاتسناني واول كلمة قالتها (على سلامة ساندريلا فين هوا الامير خليتيه كايقلب عليه) وجاوبتها بسخرية( خليتو كايتئلم وضيعتو فمستقبلو شوف واش يقدر يولد الامراء ولا صافي تقاضاولو) ضحكنا بجوج على هاد الجملة انا عارفة علاياش كانضحك لاكن لمار كاضحك حيت يحسابلها غير دعابة ولا نكتا من عندي مايحسابلهاش راه بصح ضيعتو فمستقبلو هههههههههه اااه ياربي غيير كانتفكرو كانبدا نضحك عاوناتني لمار فجميع دلحوايج وهي كاتبكي ولمسخوطة بكاتني معاها حطاتلي تعشيت انا وياها واخا كان الوقة معطل لاكن هدا هوا اخر يوم غانكلس معاها وخصني نستغلو فكل دقيقة مزالة ليا معاها ....ويعلم اللللله شنو وقاع لداك (المتملك النرجيسي ) بالنسبة للي مافهمش هاد المسطلح شنو كايعني انا نشرحو دابا ...
النرجسية بمختلف تعريفها تعني حب الذّات، والصفة العامّة لهذا المصطلح "الأنانية" حيث أنّ الانسان النرجسي يرى نفسه الأفضل في كل شيء مهما كان، ويضع الآخرين بمكانة أقل منه.
صفات الشخصية النرجسية
: عاشق لنفسه
. الثقة العالية بالنّفس
. يؤمن تماماً بأنّه فريد من نوعه ونادر
. حب الظهور ولفت الأنظار ومركز انتباه الجميع
. الاعتناء الشديد بالمظهر الخارجي
. عشق النجاح والسلطة
، ووهم النجاح كذلك
. الغيرة الشديدة
. استغلالي وانتهازي
. شديد الحساسية
. الافتقار إلى التّعاطف مع الآخرين
هاد الصفات كاملين كاينطابقو على داك المتعجرف لي سميتو أسد هدا لاش غير تسمعوني قلت( المتملك النرجيسي ) عرفوني كانهضر عليه...اووف نبدلو لموضوع مانهضروش عليه بزاف حيت كايجيبلي لخنقة وتقيا وكانمرض...😷
نعست انا ولمار حتى ودن لفجر ماخلينا ماقلنا وعاوداتلي على داك الشاب لي معاها فالجامعة السيدة مزعوووطا هههههه نعست واحد 4ساعات وفقة بكري توادعت مع لمار كانت باغيا توصلني للمطار قالك وانا نتهرب وقلتلها بلي غادي ندوز للشركة ومايصلاحش نديها معايا مافخبارهاش بلي صافي تطردت وحيدت عبئ علي سي عابد ماغايقلبش على لي يكلسلي فبلاصتي الله وحتى انا رتاحيت من وجه داك المتملك النرجيسي...شديت طاكسي لدار ستيفانيا ولقيت عابد وبويكا وركان وحتى ستيفانيا كايوضعو حقائبهم فصندوق السيارة وفهمت ان حتى هوما غايمشيو معانا ركبت معاهوم ونطالقنا للمطار ركبنا والوجهة ديالنا كانت بريطانيا بلاد بويكا وستيفانيا وقالي بلي المؤسسة كاينا تماك دازت ديك الرحلة متعبة وطويلة دخت ورضيت كاع داكشي لي فكرشي محنت ركان لي كان كالس حدايا مسكين ونعستليه على كتفو لموهيم تكرفصت عليه مارتاح مني حتى وصلنا لمطار بريطانيا سالمين والحمد لله ....
رتاحينا شوية فالمطار وكلينا ومن بعد عابد جاه اتصال وقالينا:: وقفو شيفور وصل:: ...وقفنا كاملين وتمشينا حتى للخارج ولقينا واحد الشخص تبارك الرحمان طويل وصحيح فتح لينا الباب وركبت انا الاولى وتسنيتهم يركبو لاكنهم بقاو واقفين تحنا عندي عابد وقالي ::غير سيري نتي حنا من بعد ونلحقوك::: رفضت فالاول وبالاحرا خفت حسيت براسي غادي نترما للمجهول بعد مدة قنعني عابد وركبت مع داك الشخص الضخم البنية... مدة الطريق كانت شي ساعة وستغربت انه مامشاش بينا فالمدينة خرج لواحد المنطقة فيها غير شانطي طويل وشجر مع جنب الطريق مانكدبش عليكم صراحة خفة بزاف لاكن كنت كانحاول نبين القوة والصلابة على ملامحي حتى وصلنا لواحد المكان تعبير ديالي فاش شفتو كان :::واااااااااااو::: كانت واحد البناية كبييييييرة بزاااااف بحال شي قصر وغير الدخلة ديالها كبيرة قطعنا مسافة على رجلينا بين الحدائق والطبيعة الخضراء وبرك الماء لي كايعوم فوسط منها البجع لي عمري شفتو غير فالتلفازة بقيت منباهرا بداك المنضر وفنصف الطريق حتى قربنا باش نوصلو للبوابة الرئيسية وقف هداك السائق ونعتلي بيديه وقالي بالانجليزية هاديك هي الباب ومشا بحالو ....
سلمتليه كولشي صاكي دلحوايج والساعة لي كانت فيدي ونضراتي الشمسية ماعرفتش علاش ماناقشتوش ولا على الاقل نسولو لاكني انصعة لطلبو بسهولة وكانه شئ عادي
دخلت ووضعت اول قدم في ارض مصيري وعلى نطاق عيشي الجديد فاش دخلت بقيت كانتجول بعيني فداك العالم الغريب لي دخلت ليه ونتابهت لواحد البنت واقفا وهازا لافة مكتوب عليها اسمي توجهت عندها باش نعرف شنو القصة مور ديك لافتة لي عليها سميتي مشيت موراها وقلتلها ( سلام واش كاتقلبي عليا) وضارت لعندي وقالت(واش نتي هي نورسين) جاوبتها اه انا هي قالتلي ( انا المرشدة ديالك هنا تبعيني) مشيت موراها ودخلاتني لواحد الغرفة ديال تغير الملابس عطاتني ملابس المؤسسة الرياضية اوراتني خزانتي الخاصة بديت كانبدل حوايجي ولبنت كانت واقفا مور الباب وفاش ساليت وصلتني لواحد الغرفة ومشات بحالها منبعد ماقالتلي غادي ترجع تجي بعد نصف ساعة يعني داك الوقت لي عندي حرة فيه ندير لي بغيت دخلت للغرفة ولقيتها غرفة مزدوجة لشخصين يعني عندي رفيقة السكني حليت الخزانة ولقيتها خاوية وستنتجت انها مازال ماوصلات وكانت الغرفة مرتبا وكل حاجة فبلاصتها يعني ماسبقش دخل ليها شي حد كلست ورتاحيت شوية وخرجت لقيت ديك البنت قدام الغرفة خرجت معاها وتوجهنا لمقهى المؤسسة وحنا كانتغداو قالتلي على قوانين المدرسة واول قاعدة قالتلي (لا وجود للماضي والتاريخ ... القاعدة الثانية شريك سكنت يعد رفيق وشريك فكل شئ واهم قاعدة كن انت وعش انت)
مشات البنت من بعد ماسالينا لغدا ودرت جولة حول المؤسسة وحفضتها مزيان باقي ساعتاين ونطلاقا مع رفيقة سكني كانت المؤسسة كبيرة بزاف وفيها حديقة كبيرة وملاعب وجناح لسكان الطلاب ومبنى دراسي من خمس طوابق وعاد مبنى الادارة والمكتبة والنوادي وسوق ومنزل نباتات زجاجي
وشريت بعض احتياجاتي اليومية لانه مابقالي والو خداولي كولشي فالباب و بالكارط لي عطاني عابد قبل مانركب مع السائق خديت لي بغيت ورجعت للغرفة نشوف شريكتي ونتعرف عليها غير فتحت الباب وكانت الصدمة الكبييييرة
__________________
نورسين- ركااااان شنو كادير وسط غرفتي
ركان- جيت نشوفك شنو درتي
نورسين- ااه مزيان كانتسمنا شريكتي فالغرفة باش تجي
ركان- صافي مكاين لاش تستناي هاهوا جا وصل هههه
نورسين- اشنو كاتقول نتا كيفاش لا مايمكننننش
ركان- اممم ممكن انا هوا شريكك
نورسين- مايمكنش نسكنو انا وياك فنفس الغرفة نتا راك ولد وانا بنت واش نسيتي
ركان-(تلاح على السرير) لا مانسيتش غادي نعيشو انا وياك هنا حتا تسالي تدريب ديالك
نورسين- (بقلق) لا مايمكنش انا غادي نمشي للادارة يشوفولي شي حل مايمكنش نسكن انا وراجل فنفس الغرفة لاااا مستحيل اولا غادي نعييط لسي عابد هوا لي غادي يحلي هاد المشكل
ركان- لا راكي فهمتيني غلاط واش قلبتي فالغرفة مزيان
نورسين- اه قلبت مزيان علاش
ركان- لا مكانضنش( ناض وجبد واحد لكتاب من خزانة الكتب وتحلات باب ) هانتي هاهي غرفتكي نتي غاتنعسي لداخل وانا هنا يعني مانشوفك ماتشوفيني وحتى انا بامكتني نشد عليا غير بهاد الزر غادي ينزل صور وماغاتشوفيني ماغانشوفك
نورسين- واااااو ومالهوم على هاد التعقيدات كاملة
ركان- كايبغيو يعودو الطلاب على الحاجة الغريبة باش دائما مايصدقوش داكشي لي كايشوفو ويتوقعو المزيد فهمتي دابا
نورسين- اوووه ماعرفة مانقول والله واش حتى نتا اول مرا غادي تجي لهاد المؤسسة
ركان- انا قريت هنا وتخرجت لاكن كان ضروري نرجع باش نكون مع شريكتي ونعلمها داكشي لي تعلمت
نورسين-(بتاسمة) كانتمنا نتفاهمو
ركان- اكيد غادي نتفاهمو اشريكتي ههههه
نورسين- قالتلي المرشدة ان القاعدة الأساسية لهذه المدرسة هي «كن أنت وعش أنت»، أي تتمحور حول الفرد، لكن هنا حنايا جوج والكل هنا ثنائيات وشركاء، إذا الطريقة السليمة و الصحيحة للاستمرار هنا هو أن نكون كيانا واحدا من دابا لفوق . خصنا ننساجمو بشكل من الأشكال...
ركان-(تعوط فالكلسة) تبارك الله مكاضيعيش وقتك..
نورسين-طببعا واش حكرتيني...
ركان - لا لا ممتاااز ادن خليني نعطيك معلومات على المؤسسة ...تبنات قبل 10سنوات، وكاتصنف على أنها أشهر وأكثر مدرسة مصداقية في عالم التحري، يعني أي شخص يتخرج منها كايتعتابر محقق محترف ويتم الاعتراف بموهبته، وكايولي عندو الحق في الدخول إلى المواقع السرية والحصول على المعلومات مهما كان مستوى سريتها، لكن الى قام احد الخريجين باستعمال سلطته بشكل سلبي كايتم إنهاء فترة حياته من قبل المنضمة،
لكن التخرج ماشي بالأمر الساهل نتاسبات لهاد المدرسة خلال العشر سنوات الماضية 3500 طالب فقط، %1 منهم تخرج بعد ثلاث سنوات من الدراسة، أي ماعمرو سقط أبدا وهوما من احسن الطلاب وفي مجموع المتخرجين باحتساب النخبة %10 فقط تم تخرجهم أي 350 شخصا في عشر سنوات، كيفما كاتعرفي المدارس العادية كايصول رقم التخرج منها إلى 300 طالب سنويا بينما هاد المدرسة كايتخرجو منها 350 في عشر سنوات، كيف جاك هادشي
نورسين-واااو راااائع
ركان- هذا غير أن %20 من الطلاب المنتسبين سنويا كاينساحبون بعد شهرين أو ثلاث، وكاينين لي فقدو حياتهم هنا على ما أضن 10 أو 15 طالبا، زيد عليها المدرسة كاتعمل على تنمية القدرات بكل الأشكال حتى بأصعب التمارين والتدريبات، بلاما تهتم بإرهاق طلابها، وهي كاتسمح بالغياب وكاتقول «الذي لا يستطيع فل يهرب كالجبناء وحسب» هكذا كادوز الأمور هنا"،
____________________
في الزنزانة
بعدما سالينا الحديت على المؤسسة والقوانين كلسنا انا وياه وتعرفنا مزيان على بعضياتنا ركان شاب طيب القلب زيد عليها وسيييم وعندو ضحكا زوينا بزاف 😊ههههه تعشينا وكل واحد توجه للغرفة ديالو ونعسنا وفالصبح نضنا وفطرنا ولبسنا الزي المخصص للمؤسسة وخرجنا وتوجهنا للقسم لي غادي نتعرفو فيه على المدرسين والمدربين وعرفت من بعد ان 14 ديال المعلمين او المدربين طبعا تعرفت غير على اسمائهم اما شخصيا ماشفتهمش وقالولنا ان كل معلم غادي ندوزو معاه عدة اسابيع عاد ننتاقلو للاستاد الثاني
أستاذ الرياضة (جوني) وأستاذة الإيتيكيت واللياقة والبريستيج (ليندا )أستاذة اللغات( جينفير) وأستاذ المبارزة (كيم) أستاذ اختراق الحواسيب والأنظمة الأمنية( كريستوفر) أستاذة التدريب على الأسلحة (كارلا) استاذة الرقص (سارة) أستاذ تعليم القيادة (سفيان) استادة علم الطعام والتغدية (جوليا) استاد المسرح والتمتيل(جون) والقائمة مازالة طويلة
... توجهنا عند اول استادة فاش دخلنا عندها لقيناها هازا جوج مواس كبار فيديها ماستغربتش حيت شكل الغرفة كان بحال مطبخ فيه بلاكارات ولكيسان ولغطروا وزيد زيد ستقبلتنا كانت شابة فمقتبل شبابها وقالت لينا انها استادة الطبخ ستغربت وقلتلها
كيفاش الطبخ اش هاد الغباء اش دخل الطبخ فلقرايا وهي تغوت عليا وماخلاتليش بالهضرة وقالتلي
(الغباء هوا لي قلتيه دابا امدموزيل اووه خاصكوم شي درس متقن باش تعلمو تقدرو الاشياء على كل حال انا ماشي استادة الطبخ لاكني اختصاصية فالطبخ اما بالنسبة للتعليم عندي ليكم لي يكفيكم باش تحماقو بسبب الدراسة ماشي غير فالطبخ فقط حتى فالمخدرات والكحوليات والسموم والعقاقير وكل هدا كايدخل فتخصصي الطبخ او بعبارة اخرى علم الطعام والتغدية لي الاساس ديالو هوا الطبخ بما انكم طلعتولي الدم فاول لقاء غاتخرجو للساحة وغاتجريو حتى نمل انا
شفت فركان لي كان كايشوف فيا بنفاد صبر وعرفت انني كحلتها عتادرت منو غير بعيني وفهمني سلمنا امرنا لله وخرجنا للساحة وبدينا نجريو وهي واقفا عند راسنا جرينا لمدة 20 دقيقة لاكن مازال ماشفيناش غليلها وطلبت منا بصوتها المزعج نديرو حركات الضغط باليديه تقطعت فيا الحم بالجرا ساعتاين وهي مدوزا علينا العداب الاليم من بعد ختفات الاستادة وستغلينا الفرصة رتاحينا وكلينا وهي ترجع لينا بحال البرق وجراتنا معاها لواحد الغابة موجودة فمنطقة بعيدة بزاف على السكن والمباني الدراسة وقالت لينا
غادي نجمعو لحطب ونقطعوه باش نديرو شي حمام سخون بالطبع ماغاديش نجبركوم على الخدمة الى كنتو ماباغينش تستحمو
طبعا بعد ديك تمارة ديال الرياضة وليت حالتي بالعرق وماكرهتش شي حمام شفت فركان لي دارلي اشارة بعينيه باش نبدا نجمع معاهوم وداكشي لي درت بدينا فالخدمة وجمعنا الحطب وقطعناه وستغرق منا داكشي ساعتاين وكانت الساعة 9 دلليل دخلنا كل واحد لحمام سترخيت ورتاحيييت الحمد لله بعد يوم شاق
دازو عدت اسابيع فالمؤسسة والحياة كانت عادية صراحة ركان كان افضل شريك ماكنتش غغانلقا حسن منو كانبانو متكاملين وجهتان لعملة واحدة انسان محترم بزااف اما هاديك الاستادة حاجة خراااا اول اختبار داروه لينا هوا اختبار كشف الكدب و ماعمرني عرفت معنى التعب حتى لاقاني الله بيها مايمكنش ليا نوصف حتى مفاصلي لي عانات من الالم ماكانتش كافيا للتعبير عن التعب لي حسيت بيه فالايام الاولى مابين الاجهاد والتوتر الدهني زيد عليها جسمي المكسور لعدة قطع لاكن مع دالك ستمتعت وحسيت انني فالمكان المناسب عالم للاقوياء فقط دوزت عدت شهور مابين الميدان الرياضي والطبخ والاعشاب والسموم ماغاديش تصدقوني الى قلت ليكم انني زرت اربع جبال وعدة سهول وكتاشفنا وديان فسياق الانشطة المتعددة صيد والقنص والتجارب الكميائية والحسابات الفزيائية والمعادلات الرياضية مافارقناش الميكروسكوب والمنضار والمكبرة وعينينا خرجو معاهوم مارتاحش دماغي من التفكير وحفض المصطلحات نقولو انه مابقاش بزاف ونوليو اطباء اعشاب مبتدئين سوا سموم ام مخدرات او اعشاب طبية ديك الاستادة كانت دايرا كامل جهدها معانا داء ودواء ديك لمرا سبحان الله ههه
اصعب جزء عانينا منو هوا الحصص الرياضية والفنون القتالية كونا كانمارسوهم كل نهارر لمدة ساعتين وفكل يوم كنا كانقومو بنشاط مثلا الرقص تعلمت رقصة السالسا ورقصة الرومبا ورقصة الطانكو رقصة التشا تشا ورقصة السامبا طبعا ماشي كانتقنهم لان نزطط راسي هههههه كدالك تعلم الرماية بالمسدس كان واحد الاستاد ديال الرماية صعيب بزاف ماتعلمت نصيب الاهداف حتى كنت تعاقبت من عندو شي 20 مرا كدالك استادة لبريستيج بفضلها تعلمت بزاف دلحوايج بحال المشية لموزونة ونضبط لمشية بالطالون وتعلمت انواع وماركات الملابس الفاخرة وكيفاش نختار افضل الملابس والمكياج كدالك الكلسا وطريقة الهضرة بحال الناس الراقية تعلمت اللغة الانجليزية اوليت كانهضر بيها بطلاقا تااامة هي والفرنسية وشوية من الاسبانية وتعلمت طريقة اختراق الحواسب والانضمة الامنية اهم حاجة كانو كايخليوني نركز عليها هي حصة المسرح والتمتيل وليت ممتلة بارعة نبكي ونضحك فنفس اللحضة وتعلمت نكدب ونخلي لي كدبت عليه يصدقني و مايشكش فيا فواحد النهار مازال نعقل عليه كنت على المسرح كانادي واحد الضور قلت فيه
مهما طال الليل يا امي سيأتي الفجر...
مهما طال الضلم يا امي سيأتي الحق...
مهما طال الحصار يا امي يأتي يوم التحرر...
والى دالك الوقت يا امي سابقى كشجرة الزيتون شامخة عالية الجبين لا تركع للعدو سابقى متشبثة بأضي سأبقى صامدة يا أمي...صامدة لاخر رمق...
كملة هاد الجملة وانا نشوف الاستادة وعابد داخل وكايضحاااااك غير شفتو لحت الورقة من يدي ومشيت عندو كانجري وعنقتو توحشتو بزااف كان معايا راكان وحتى هوا ناض عندو وعنقو بحرارة كانت على ملامحو اثر الفخر والاعتزاز وعبر لينا شحال هوا مفتاخر بينا ومن المستوى لي ولصلنا ليه وحقا ماكدبش قرينا مزيان كاااع جهدي درتو وقال لينا بلي غادي ندوزو اول اختبار خارج المؤسسة فرحت بزاف حيت واخيرا غادي نخرجو من المؤسسة وفنفس الوقت خايفا من لي غادي نواجهو فهاد الاختبار المجهول ...
دوز معانا داك النهار وكان ممتع بزاف ودخلنا لواحد القسم حنا وبعض الطلاب كان انسان اخر غير عابد لي تعرفت عليه فالمغرب رزين وكلامو موزون وضابط اللغة الانجليزية وعطانا اهم القواعد لتكويل عملاء مخابراتين ولي بقيت عاقلا عليهم مزيان واولهم
كيف تكشف عما يتوفر لك من اللغات لتشجيع الناس على التحدث بطلاقة أمامك
.لا تكتب بكلمة واحدة بلغتك الأصلية عندما تكون في البلاد الأجنبية
.الذين يزودونك بمعلومات دعهم يرحلون عنك بعيداً.
يجب اخفاء المعلومات الجديدة التي يمكن الحصول عليها بواسطة وسائل عادية المظهر
.حينما تقوم بإحراق الرسائل السرية أو الأوراق الضرورية يجب سحق رمادها حتى لا يستطيع فحصها بالميكروسكوب
.لا تتكلم بابهام و غموض،
و لا تتصرف تصرفاً غامضاً، كن عادياً.
تجنب كل ما يكشف بسرعة عن شخصيتك ولا تتعجل أن تخترع شيئاً عن نفسك،وتذكر مقولة (تاليران) عندما كان يقول لمبعوثيه السياسيين (اياكم والحماسة)ثق أنك تسير الى مدى بعيد حينما تترك ببطء وهي الإصرار والمثابرة للبقاء في صورة مخفية.
حينما تبحث عن مكان حاول ان تبحث عن غرفة أو طابق لها اكثر من مدخل واحد.
لا تكثر من الشراب إلى الحد الذي يفقدك وعيك و لاتصادق إلا النساء اللاتي يثق بهن.
لا تقبل أي شيء كما هو ولا تنظر بسرعة الى صداقة عاجلة، او الى خصومة ظاهرة
، يجب أن تدقق بعناية في تقدير الأشياء
.يجب أن تتعلم تحويل الكلمات الى شيفرة و اعادة الشيفرة الى الكلمات.
يجب أن تكون قادراً على صيانة الجهاز اللاسلكي و إصلاحه.
عليه أن يعرف كيف يستخدم ثلاثة انواع مختلفة من المتفجرات شديدة الانفجارات
.عليه ان يعرف كيف ينظم حركة مقاومة من لا شيء وان يكون قادراً على تدريب العملاء الذين يستخدمهم
.عليه ان يكون قادراً في الدفاع عن نفسه دون سلاح.
يجب ان تتوافر فيه بدرجة كبيرة من الحاسة السادسة للأمن.
بعد ماعطانا هاد المعلومات كلس بكل افتخار وبدا يعاود لينا على ايام التدريب ديالو وكيفاش كان انسان دكي ورزين ياحبييبي كنت شاكة فكلامو وانه غير كايزيد فيه وبدا علينا
علموني الاستفادة من الشمس في السير نهاراً وكيفية الاستفادة من هبوب الريح و حركة الأشجار و الأغصان في السير ليلا
ً .دربوني على كيفية معرفة الرقم، وخطوط الطول، والدرجات و خط الاستواء ومستوى المياه و مراصد المدافع.
علموني أنواع الموانع الطبيعية ،المرتفات والمنخفضات ، العوارض الاصطناعية ،الخنادق والأرصفة.دربوني على محرك الطلقة ومنتهى ارتفاع خط النار.
دربوني على معرفة المواقع المستحكمة وانواع الحصون المشيدة عليها وطبيعة الأراضي المحيطة بها والمواضع القابلة لاخفاء الطيارات.
تعلمت كيفية التمييز بين الطيارة الموجودة على سطح الأرض في العداء وبين الطيارة الموضوعة داخل الوكر.
بلا بلا بلا بلا بلا بلا ماكايساليش من الهضرة هاد الراجل جاني نعاس وانا كانتصنت على مغامراتو المراطونية وكنت غادي نحماق ونعرف شنو هوا هاد الاختبار لي غادي نقومو بيه خارج المؤسسة وبعد عنااااء طوييييل تسالات الحصة وخرجو الطلاب وبقينا غير حنا ومشيت عنو بحماس وسولتو على هاد الاختبار لي غادي نقومو بيه خارج المؤسسة وقالي
________________________
عابد- واش متحمسة لهاد الدرجة
نورسين- ضروري غادي نتحمس من نهار دخلت للمؤسسة ماخرجتش ماكرهتش نضور ونتسارا فلنضن
ركان- وحتى انا والله ماكرهت عينا اصاحبي والله بغينا نفوجو شوية
عابد-(دار رجل على رجل وبتاسم) صافي بقيتو فيا غادي ندوي مع الادارة وغادي نئجلو الاختبار حتى لغدا ودابا غادي نخرجو نطلاقاااااااااااااااو امممم ااااايواا
مشا عابد جاب الموافقة وخرجهم وركبو فسيارتو وفطريق كانت نورسين كاتشوف المناضر لي جنب طريق وفاش وصلو لمدينة لندن مدينة الضباب ...سحر دافئ في شتاءاتها الرمادية... وعشق غائم في شوارعها الضبابية ونورسين كانت كاشوف بعويناتها زرقين وتبتاسم وعلى ملامحها اثار الاجاب وصلو لحديقة (ريجينت بارك) وكانو تماك بويكا واستفانيا كالسين وكايتسناوهوم غير شافتهم ستيفانيا طارت عند نورسين وعنقتها توحشو بعضياتهم بزاف كلسو شوية تماك ومن بعد عرضات عليهم ستيفانيا لدارها لي فلندن ومشاو معاها تغداو ودوزو وقت ممتع وخرجو فلعشية تنزهو فمدينة لندن لكبيرة والمزدحمة ومانساتش نورسين صاحبتها لمار تاصلات بيها وطمنات على احوالها ودراستها عاتبتها لامار بزاف على تلفونها لي كان ديما مطفي وقدرت تقنعها بسبب اختبار الاقناع بالكدب جرباتو عليها وقتانعات لمار بسهولة ههههه تمشاو فالشوارع ومراكز التسوق والحدائق والمطاعم دوزو وقت زوين بزاف وجا لوقت باش يرجعو للمؤسسة وداكشي لي كان رجعو باتو فالمؤسسة وفالغد رجع موراهم عابد على قبل الاختبار
______________________
في الزنزانة
تعبت داك النهار ودوزتو من اجمل نهورا من نهار حطيت رجلي فبريطانيا غير رجعنا تلاحيت على ناموسيتي ومافقت حتى لصبح فاش دخل علينا عابد كايفيق فينا فطرنا ولبسنا حوايجنا وخرجا ماشي غير بوحدنا كانو معانا بعض الطلاب لي مشاو معانا خرجو بينا لواحد لخلا الدبانة مكاضورش فيه والصدمة هي فاش غاتحل واحد البوابة كبيييرة غانشوفو راسنا داخلين للسجن كولنا تسائلنا وستغربنا واش هدا هوا الاختبار وقالولنا بلي نقدرو نسميوه درس كتر من اختبار شنو دارو فرقونا كل شركاء بوحدهوم وعطاونا عرااام ديال ضوسيات ديال مختلف المجرمين والجرائم لي رتاكبو وطلبو منا نختارو بعض الملفات غير بعشوائية وداكشي لي درنا ختارينا 3 ديال الملفات ومن بعد قالولنا بلي غادي نديرو مقابلة مع المجرمين لي فالملفات الصدمة كانت قوية ...قابلنا المجرم الاول وكان مجرم خطير وعاودلينا على المافيا لي كان خدام معاها وطريقة خدمتهم وكيفاش كانو كايقتلو لي كايقرر يخرج من المافيا سالينا مع هادا ومشينا عند الثاني ونفس الشئ تكلمنا معاه وحتى هوا عاودلينا كولشي واخا كان جرائمهم مكتوبين فضوسيات ديالهم لاكن ماشي بحال فاش تسمع الحكاية منهم بالضبط وصلنا للتالت ولي لقصة ديالو خلاتي مصدومة وماعمرها تنسالي حكايتو كان سميتو (كاران) هندي الاصل ومسلم الديانة ستجوبناه وحكالينا حكايتو لي غانحكيهالكم على لسانو ولي سميت حكايتو (السم القاتل)
__________________________
كولنا بشر وكلنا كانمتالكو قوة للدفاع عن نفوسنا وتقدر تختالف الاساليب لي كانتاخدوها فالدفاع عن النفس مابين قوة طبيعية وقوة فتاكة يمكن يدفع التمن ديالها الطرف الثاني وممكن تادي بحياتك للهلاك واحتمال كبير للموت انا سميتي (كاران) غادي نحكيلكوم حكايتي وكانتمنا ماتحكموش عليا بسوء وكونو واقعين وصادقين مع نفوسكم وماتمتلوش ضور الانسانية لان الزمان كايخلينا نديرو اي شئ بدون تفكير وكلشي باش نقدرو نعيشو يعني نكونو مرتاحين فحياتنا ونقدرو نعسو شبعانين وحتى واحد مايقدر يغلط فينا والكل يطلب قربنا ورضانا ماغاديش تفهمو كلامي حتى تسمعو قصتي
انا كنت عايش وسط عائلة بسيطة متكونة من ام واب وجوج خوت ولادو انا لولد لكبير فيهم كونا عايشين فدار جدي لي كان رافض كون لواليد يستاقبل بنفسو ويدير دارو..... وفنفس دار جدي لكبيرة كان عايش معانا عمي وولادو هي الدار كانت كبيرة فيها ساحة فالوسط وتلاتا ديال ضيور ملاسقين وداير عليهم السور دار عايشين فيها حنا ودار عايش فيها عمي وولادو ودار عايش فيها جدي وقبل مايموت جدي كونا كاناكلو مجموعين وكانعسو مجموعين لاكن فاش مات كل واحد ستقل بنفسو وسد عليه باب دارو جدي كان شيخ القرية لانو كان حافض كتاب الله كامل وكانو الناس كايحتارموه بزاااف,,,,, انا كنت عارف مزيان ان المنصب ديالو غادي يورتو لواليد كونو لكبير ومور لواليد انا كوني لكبير فالاحفاد
لاكن عمي كان انسان متسلط عكس الواليد لي كانت شخصيتو ضعيفة وهاد النقطة بالدات ستاغلها عمي وسيطر على الواليد مسكين هوا تولا منصب جدي لي خلا المحلات لكبار وخلا للواليد مهمت الاعتناء بالحيوانات لي كان مربيهم جدي الله يرحمو كانت فديك الدار ساحة كبييييرة ستاغلها جدي ودار فيها مختلف انواع الحيونات كان عندنا اسد ولبوئة وجوج اشبال والتعابين السامة والعقارب وسحليات وكلاب كبيرة بوليسية كدالك الابقار والجواميس والخرفان وانواع من الطيور بحال نسور وانواع اخرى وهاد الحيوانات كاملين وصانا جدي قبل مايموت باش نعتانيو بيها مزيان كان داير فديك الساحة بحال شكل ديال محمية صغيرة كانو كايتوافدو عليها السياح وكان كايطلع منها مبالع محترمة بيها باش بنا وكون ثروته لكبيرة والواليد هوا لي كان متولي الاعتناء بهاد الحيوانات المفترسة عكس عمي المتسلط والاناني كانت كاتبقا فقلبي حزة كبيرة على لواليد لمسكين وفنفس الوقت كان عندي حقد دفين على عمي وولادو لي دايرلهم لقيمة عكسنا حنا
الواليد كان كايدينا معاه باش نعاونوه فتنضيف اماكن الحيوانات واطعامهم باش يولفونا واحيانا كان الواليد كايكون عيان وخاص لي يخدم فبلاصتو هدا لاش كنا كانمشيو معاه وفاش كانو كايشوفوني كانو كايتصرفو بعدوانية وشحال مرا نصبت بجروح وشحال من مرا عضوني لحنوشا وشحال من مرا وصلت للموت بسبب بسبب اللسعات ديال التعابين والعقارب لاكن الحمد لله ماوقاعلي والو عمر مكان تربية الحيوانات طموحي ولا كانت الشئ لي كانحلم بيه امنياتي كانت منحصرا تحت مسمى شيخ القبيلة رغم جبروت وضلم عمي كنت مستسلم وكانتسنا وقت اعلان الحرب واخا هكاك كان من الضرروري نعاون لواليد مسكين كان كايبقا فيا ضعيف البنية والشخصية كونت ديما كانقولو مايبقاش ساكت ونوقفو هاد عمي عند حدو لاكنو كان كايخاف منو وكايغوت عليا باش ماندخلش بيناتهم كان الحقد كايكبر فقلبي نهار بعد نهار حتى لواحد النهار الواليد طلب مني نوصل لحليب لي حلباتو لواليدة من البقرة وقالي نوصلو لدار عمي وانا داخل كانسمع عمي كايقول لولادو ان كاع لي خلاه جدي غادي ياخدو غير هوا بوحدو ويورتو لولادو وقالهم بلي غادي ياخد الورت والدار بالخاطر او بالقوة واهم حاجة وصاهم عليها وقالهم باش يتقربو منا ويكسبو ثقتنا وبعدها نكشفولهم الحقيقة ونجريو عليهم من الدار هوا وولادو
خرجت من عندهم بلامانعطيهم لحليب وفطريق هرقتو للكلاب يشربوه هوما حسن من دوك المخلوقات لي سميتهم عمي وولادو ورفعت سلاح التحدي وكنت واثق من انني انا لي غادي نربح فالخر مشت لبيتي وكلست نفكر ونقلب على شي حل وكان الحل المناسب ليا ولعائلتي انني نتخلص منهم كولهم وخاص الورقة الرابحة تبقا فيدي فالاخير كنت محتار شوية وتفكرت سلاح ...هاد السلاح لي كانمتالكو انا بوحدي سلاح قاتل غادي نقولكم عليه من بعد
فالغد جاعندي واحد من ولاد عمي وطلب مني نخرج معاه نضورو اوافقة بسرعة وسولتو فين باغي نمشيو قالي للارض ديال جدي لي كانت بعيدة ومكايضورش فيها بنادم وافقة وخرجنا وصلنا وكلسنا شوية وبدا يقولي ان باه عندو الاحقية وهوا لي من حقو ياخد الدار وبدا كايهضر ويخربق عليا ناض من حدايا ووقف من مورايا وطار عليا خنقني وقالي نتا حجرة طحتي بيناتنا وخاصك تموت فديك اللحضة جاتني واحد القوة عجيبة بقيت كانتعافر معاه حتى جريتو لعندي وقلبتو وقلت لازمني نقلب السحر على الساحر ونديه لباه كاندار وتفكرت سلاحي لي كانملكو غير انا عضيتو من ركبتو وماهيي غير ثواني وطاااح
سلاحي هوا جرعات كبيرة من سم الثعابين اكتسبها جسمي وبقا محافض عليها لدرجة مكاينش فرق بيني وبين الثعبان عرفت ان جسمي ولا مسمم من واحد المرا مشيت ضيف عند خالتي وهي مسكينة اكرمتني وجابتلي عصير وعطاتولي شربت منو شوية وحطيتو لاكن بنتها الصغيرا هزاتو وشربات داكشي لي بقا مورايا وماهي الى دقائق وطاحت البنت وبانو عليها اعراض لونها ولا ازرق وبدات كاترجف فكرتني باعراضي القديمة فاش كان كايعضني شي تعبان هزو البنت للمستشفى بالفعل كانو اعراضها ناتجين عن التسمم وعطاوها مضاضات حيوية وسولهم الدكتور واش كيمتالكو شي تعابين فالدار وجاوبوهم بالنفي وحدرهم ان نوعية السم لي موجودا بيها 5mL كافية باش تقتل بقرة كبيرة ....بقات البنت مسكينة فالانعاش لمدة اسبوع
رجعو لضيورهم وحاولو يحلو اللغز لاكن حتى واحد ماشك فيا وتما عرفت انني حامل السم فداخلي واول ضحية ليا كان ولد عمي خليتو تماك ورجعت لداري وبعد يوماين وهوما يقلبو وحتى انا كنت كانقلب معاهوم وكنت كانتضاهر بالقلق من بعد البحت لقاوه وكان بدا يتحلل وطلق رائحة كريهة داوه للمستشفى وداروليه التشريح ولقاو سبب موتو هوا السم وعتابرو الامر طبيعي بما انه مات فلخلى توقعو ان شي تعبان هوا لي عضو وحتى واحد ماشك فيا ...اما عمي كان غادي يحماق على ولدو لي مات وتوعدتهم بالمزيييد من الانتقام واحد دخلتو لقفص الاسد وسديت عليه حتى فتارسوه وعاود شحال وهوما يقلبو عليه حتى لقاو ساعتو مليوحا فالقفص وكتاشفو ان الاسد هوا لي قتلو وعاود ماشكوش فيا قتلتهم واحد بواحد حتى بقالي جوج واحد نهار جا عندي واحد وطلب مني نخرجو ووافقة ومشينا لفيلة خالو هوا يقاولي بانه عاق بيا اني انا لي قتلت خوتو وبلي خوه لاخور مشا يجيب البوليس باش يشدوني بدينا كانضابو انا وياه وتغلبت عليه فاش عضيتو وانا باغي نهرب جا خوه لي بلغ عليا بقيت كاندابز معاه ولمسخوط عاق بيا وماخلانيش نعضو وكان عندي حل واحد لحتو فالمسبح وبسرعة قطعت سلك الانارة ولحتو فالمسبح وتكهرب ومات وهربت داك نهار والبوليس كانو كايقلبو عليا وقالبين الدنية عمي غير ساق لخبار جاتو سكتا قلبية ولواليد دخل فغيبوبة فاش عرف انني المجرم لي قتلهم واول حاجة درتها غبت واحد المدة وصوبت جواز سفر مزور وصافرت بيه من الهند لبريطانيا وغير وصلت لمطار بريطانيا شدوني البوليس بسبب جواز السفر لمزور ومن بعد كتاشفو انني متابع من طرف الشرطة الهندية وعرفو انني قاتل 6 ارواح ومن داك النهار وانا هنا محبوس وغادي نبقا محبوس حتى نموت انا طمعت فالمال ودرت المستحليل باش نحصل عليه ونسيت ان حتا حاجة مكاتصير الى باراضة الله خسرت كولشي حلمت بيه وكنت باغيه ونسيت المثل لي كايقول ان الطمع طاعون
_____________________________
في الزنزانة
صدمتني قصة هاد الشاب الهندي وكيفما قال هوا الطمع طاعووون ستافدت من قصتو بزااف واول حاجة ماتحاولش تاخد حقك بالعنف والى كان ربي مكتبلك شي حاجة غادي توصل ليها بقدرتو تفكرت شركة بابا لي ستولات عليها بنت عمي وخداتلي حقي وقلت بلي ماخصنيش نغلط نفس الغلطة لي دار داك الشاب الهندي لي سميتو كاران وناخد منها حقي منها غير بالعقل وبشوية
دازو ايام وشهور ودازو شحال من سنين وكملت 3سنوات فالمؤسسة اولى اسمي (العميلة رقم 7) وجا وقت التخرج والحمد لله تخرجت ودارو لينا حفل كبييير وفرحنا فيه ونشطنا وشطحنا وتوحشت ريحت بلادي وتوحشت صاحبتي حبيبتي ودعنا اصدقائنا الطلاب لي ولفناهم تلتسنين عشنا معاهم ماشي ساهلا ورجعنا للمغرب انا وركان وكان فاستقبالنا عابد وبويكا وستيفانيا....كونت فرحاااانا وماعارفاش ان الكارتة لكبيرة هي فاش غانرجع للمغرب وغانطلقى صفعة من الطراز الرفيع ...
العميلة رقم 7 الجزء الثاني
محتوى القصة
التنقل بين الأجزاء