نهى بائعة الهوى الجزء السابع

اليوم نهار جديد.... فقت على صوت منى وموسى تايتغاوتو، حيت جا سكران بالليل، وضيع فلوسو كاملين، وهما عاد كايتقاتلو مع الزمان، هو خرج وزدح الباب، وهي تعصبات بقات كاتبكي، بقات فيا، يمكن حيت قلبي سامحها واخا عقلي لا، ويمكن بحكم الانسانية، ماعرفتش، لي عرفت هو انني تألمت لألمها، بزاف، بقات كاتبكي، قربت لعندها، وعنقتها، اصلا فهاد اللحظات ماتيعرف الانسان مايدير......... 

من بعد ماتهدنات، حاولت نهضر معاها شوي، قلت لها بلي غادي ندفع للشركة فاش خدامة زهيرة، حيت مليت ومنها نعاون راسي.... قالت لي لي يرحيك ابنتي ديريه،... ......، صافي الغد ليه مشيت مع زهيرة، هضرات مع الشاف، قبلوني دغيا، بلا حتى مايشوف السيفي، كانت شريكة دمطيشة،...... تانبقاو نقادو مطيشة على واحد الحديدات،........ مهم بديت الخدمة وقاديت الوراق باش نبقى نمشي فالترونسبور،.............. دازت 3 اشهر دابا وانا خدامة، ولفت شوي سيدي رحال، وولفت الخدمة تانعاون بها راسي، وتانعطي لمنى شوي، علاقتنا تحسنات على الاول، وحتى موسى ولا خدام، وحاول ينقص شوي من السكرة، المهم ماشيين مع الايام............ 

تعرفت على بزاف دالبنات والولاد ولكن غير فحدود الخدمة، واليوم خرجنا بكري من الخدمة حيت السبت،كانخدمو غير نص نهار، وصلت للدار عمرت اتاي، منى مشات للنادي دالمناسج كاتخدم فيه، سلمى وسليم تايلعبو برا، شوي جا واحد السيد، سول فمي منى. 

قلت# لو ماكايناش ياك لاباس، 

السيد #اش غانقوليك السي موسى طاح عليه السطل وكان عامر بالبغلي (السيما مخلطة مع الكياص والرملة)...... وراه داوه للسبيطار دمحمد الخامس فكازا. 

انا #الله واكبر،،، مسكين، الله ياربي اش هاد المكتاب....... انا غانمشي نقولها لها، الله يرحم ليك الوالدين....

نشيت للنادي، عاودت لمنى اش وقع، طاحت تاتبكي، نوضوها العيالات، لبسات جلابتها...... ومشات للدار البيضاء..... انا بقيت فالدار على حساب سليم وسلمى......

بعد شهر #

هاد الشهر داز كولو معاناة، موسى كانوا مخليينو مرمي فالسبيطار حيت الفلوس والو، وكان عندو نزيف داخلي.........وكانو طالبين عملية مستعجلة والا غايموت........ ناضت منى تاتسلف وتكلف، ولكن مع ذلك ماجمعات والو، عملية ب 10 دالمليون منين تجيبها،.......... دارت الدار فالبيع بثمت طايح، جابت لها 7 دالمليون وكلفطاتها،،،، المهم ماجمعات ديك 10..... دالمليون تاباعت لي فوقها ولي تحتها....... دارو ليه العملية،....... ونجحات لو،........ ... انا خرجت من الخدمة حيت منى كانت كاتظل فالسبيطار وماكاينش اللي يقابل سلمى وسليم......

موسى هادي سيمانا باش خرج، وحيت الضربة جاتو فالراس، ولا انورمال..... غاتيهتر مسكين.... باقي مابرا مزيان........ 

مي منى رجعات للنادي تاتنج ولكن المشكل هو ان السيد لي باعت ليه الدار، بغا دارو...... خرجنا ليه منها، وكرينا واحد الدار، كفس من اللولة.... فواحد الخلا حالتو... ... ولكن هذا هو اللي رخيص....... انا مشيت باش نرجع للخدمة وماقبلونيش قاليك بلاصتي عمرات، وانا ماعرفاش كازا باش نقلب، غير زهيرة لي بدات تاتقلب لي ولكن والو، كاتلقى لي غير القهاوي والباتيسري، وهادوك خاصك تخلص الترونسبور من عندك،...... ولات عيشتنا حالتها، ندمت على النهار اللي قررت نغادر مكناس، اش هاد الحياة، صافي طلع لي كلشي فراسي، حتى ديني بعدت عليه........ 

موسى ولا مزعزع ورجع كايسكر كتر من الاول، وفالليل تايبداو يتغاوتو هو ومي منى، هادي ماشي حياة، وللمرة الثانية غانهرب من الواقع، مع الصباح مشيت عند زهيرة، عاودت لها كلشي، وقلت لها تلقى لي شي بنات نكري معاهم فكازا، باش نقلب على شي خدمة تما نيت، حيت مابقيتش قادة على الصداع....... 

دازت شهر اخر، مابقيتش قادة الصداع ديما وموسى تايجي سكران، حاول يتبسل عليا، مي منى غير تاتبكي قهرها الزمان، ولات حالتها....... 

هاد النهار جات عندي زهيرة، قالت لي بلي لقات لي شي بنات يايعرفو شي بنت كاتقلب على شي حد يكري معاها..... فرحت، وليت باغا غير نهرب من الواقع لي انا فيه. 

جمعت حوايجي، وقلت لمنى بلي بغيت نمشي نسكن فكازا باش نخدم، مامنعاتنيش، ماعرفتش علاش واقلة حيت عارفةطبعي كيف داير، ولا حيت بغاتني نعاونها،....... 

المهم سلمت عليهم وطلعت لكازا، مع زهيرة، تسنيتها حدا الباب دالمعمل، تاخرجات وراتني البنات، اصلا كنت تانعرفهم سابقا، حيت كنت خدام معاهم.......شكرتها.... داوني معاهم، وراوني البنت اللي غانسكن معاها فواحد البيت، يعني زميلتي فالشومبر، كانت ظريفة بزاف، اسمها هاجر، عندها 22 عام، دايرة الماستر، انجليزية.... عائلتها ساكنين مابين كازا والسطات، مهم من عائشة متوسطة، باها عسكري فالصحراء،ومها ربة بيت، عندها خوها كبر منها كاين ففرنسا تايقرا الطب، وختها اخرى خدامة معلمة، ومزوجة فالرباط.......... هي بنت مازويناش بزاف، بحالي وصافي، ولكن طويلة، ورقيقة، طاي مانكان...... حلمها تمشي تقري فامريكا، عاودت لها على راسي، ولكن غير داكشي السطحي ماشي حياتي كاملة، يعني غير بلي شادة الباك، وجيت باش نقلب على خدمة، قالت لي نتسجل فلافاك معاها ونبقى نخدم...... فكرت فالموضوع حيت بغيت نحسن حياتي، المهم داز النهار عادي. 

الغد ليه خرجت تانقلب على الخدمة، والو......من بعد اسبوع لقيت واحد الريسطورون، كانو تايقلبو على سرباية فيه، وقبلوني حيت الحال بدا تايسخن والسياح فهاد الوقت تايبداو يجيو، واخا الخلصة يالاه غادي تخلص لي الكرا وتوكلني، انا وهاجر مفاهمين بزاف...... دازت 3 اسابيع وانا ساكنة فكازا،،،،، اليوم خرجت من الخدمة مع 8..... ماكانوش بزاف دالزبناء، وانا فالطريق عيط لي با سلام قالي بلي حياة ولدات 2 وليدات، فرحت بزاف، باركت لهم قلت لو راه مانقدرش نجي حيت خدامة....... وقلت لو غادي نجي من بعد. 

المهم ولفت الخدمة فالريسطو، ودرت اصدقاء.

من بعد شهر من العمل، جات عندي زهيرة، قالت لي بلي موسى تشد فالحبس بتهمة القتل العمد،،،،، تصدمت بقات فيا مي منى وولادو، ولكن ماعندي ماندير، عطيتلها شي فلوس توصلهم لها وقلت لها تقولها دابا ندوز عندهم.

ولكن فهاد الشهر تبدلو شي حوايج...... تعرفت على واحد السيد فداك الريسطو، بغاني للزواج، مالقيتش مانقوليه كيفاش غانقولو بلي انا ماشي عذراء فمجتمع يعتبر البكرة رمزا للعفة، كيفاش غانقولو، بلي انا ماعنديش با وماعرفاش، بزاف دالحوايج خلاوني نرفض الزواج، ماقديتش نقول الحقيقة........ الناس لي تايجيو عندنا للريسطو لاباس عليهم، وواحد السيد كبير، مي ماشي بزاف ديك 50 عام....... ولا تايجي ديما،،،،، وديما مدور معايا، تال واحد النهار كنت خارجة، هو يتبعني، قالي يامات معايا هاد الليلة ونخلصك مزيان، غوت عليه، وسبيتو وقالي والله تايندمني، الغد ليه، فالريسطو، جا عاود، جلس هو والمدير دالريسطو، واحد الشوي عيطو لي، قالي المدير بلي انا مطرودة، بدون سبب، بقيت كانبكي، بقا لي غير نبوس ليه رجليه، خرجت منهارة، هو يتعرض لي داك الشارف عاود، طلب مني نفس الحاجة، وقالي الى قبلت غانرجع لخدمتي، دفلت لو على وجهو، وزدت بحالي.....

من بعد داكشي لي وقع خرجت من ديك الخدمة، وبقيت كانفكر شحال، وقررت السقوط الى الهاوية......هاجر وصل لها الصيف ومشات لدارهم ولكن بقات كارية معايا. 

انا من بعد قراري،لي الليل كامل وانا نفكر فيه...... فقت الصباح مشيت للحمام، خرجت مشيت لواحد المحل خديت منو كسوة كحلة قصيرة بزاف معرية من الظهر، كانت غالية، ولكن ماهمنيش حيت فنظري من هنا للقدام غادي نولي وحدة اخرى وغانبدا نلعب بالفلوس، مافكرت لا فالله لا فوالو حيت هادشي مناش دزت، اعتابرتو ظلم من الله، والقدر،.... صافي وليت وحدة اخرى،....

مشيت لواحد الصالو قاديت حجباني وشعري درتو ديكرادي، ودارت لي البابيليز، ماكيت، ماوصل الليل تاكملت كلشي......... وصلات العشرة، لبست جلابتي، ودرت الحجاب من فوق راسي، وخرجت، شديت طاكسي حتى لعين الذياب. وهبطت، مشيت لواحد الريسطو تما حدا البحر، دخلت لو، مشيت للطواليط حيدت الحجاب، وحيدت الجلابة ودرتهم فالصاك، وخرجت من داك الريسطو، بقيت غادة فالشارع، حتى وقف عليا واحد خينا باللوطو ديالو،.كان باقي صغير، تكون عندو ديك 30. 

الشاب #الزين مالك غادا بوحدك، طلعي نوصلك. (شت فيه، حسيت باحساس فشكل،داك الاحساس ملي كاتكون باغي دير شي ذنب، وعارف العواقب، ترددت بزاف)...... بتاسمت ليه، وطلعت. 

الشاب #اوا فين كنتي غادة. 

انا#للبلاصة لكنتي غادي لها. 

هو #اوا انا كنت غادي لداري. 

انا #اوا ديني معاك... وغمزتو. 

هو #انا فؤاد، اشنو سميتك احبيبة. 

انا #نهى، سميتي نهى. 

هو #متشرفين. 

انا #الشرف ليا.

وصلنا لدارو، دفلت معاه لبيتو، بدون مقدمات، زول حوايجو........... 

#########صبح الصباح #######

فقت لقيت فؤاد ناض دخل يدوش، نضت لبست كسوتي، هو خرج شاف فيا، قالي كصبحتي، بتاسمت ليه،....... قالي ندخل ندوش الى بغيت قلت لو لا غانمشي تال داري. 

عطاني 1000 درهم، وقبلني، طلب مني النمرة،....... عطيتها لو،. وخرجت مشيت بحالي، دزت لواحد المحل خضيت ملابس داخلية، ومشيت للدوش، دوشت، ولبست داكشي لي شريت، وعاودت لبست ديك الجلابة..... ودرت الفولار، ومشيت لبيتي،..... وليت كلا ليلة كانخرج بحال هكاك، ولكن الفلوس اللي كنت كانشد ماشي داكشي لي كنت متوقعة...... 

دازت شهرين دابا وانا فالحرفة، وليت كانمشي للبار، ولكن لحد الآن ماعمرني، شربت او كميت،،، حيت انا باغا نجمع الفلوس باش نحسن حياتي ماشيين نردها كفس، تعرفت على شي بنات فالبار....... وداوني معاهم عند واحد المرأة، عندها واحد الفيلا، قالولي بلي عتدها غانضرب الفلوس دبصح، حيت كايجيو عندها الخليجيين.... وفعلا داكشي لي كاين، وليت عزيزة على الحاجة (هكدا كانو يقولولها) حيت مافياش الخدايم، لي قالت لي كانديرو، وليت كانمشي مع الخليجيين،ليلة وحدة تانضرب فيها الملاين، هاد الخدمة... صعيبة تاهي عندها قواعد كيف تاتقول الحاجة:اول حاجة ماتبغيش شي ولد المرأة...... حيت القلب ماصالحش فهاد المجال. 

ثاني حاجة #اللي طلبها منك الكليان ديريها، ماكاين لا حلال لا حرام. 

ثالث حاجة #كاينين كليان مميزين، وهادو ماخصكش تخسر لهم الخاطر نهائيا، والضربة معاهم كاتكون صحيحة...... والكليان المميز، من خلال مافهمت، تايكون مريض نفسيا، با اما مازوشي او سادي.........

المهم دازت شهرين على هاد الخدمة وقررت نكري دار اخرى، مابغيتش نبقى مع هاجر اصلا هي ماغاترضاش تسكن مع وحدة خارجة الطريق. 

هاد السيمانا طلعت عند مي منى، تقضيت لهم مزيان، ومشيت نطل عليهم، قلت لها تكري شي دار اخرى، وقلت لها بلي وليت خدامة فواحد الشركة اخرى وتانتخلص مزيان وغادي نبدا نخلص لها الكرا، وفعلا لقينل واحد الدار، انتقلات ليها، ومنين رجعت مشيت عند الحاجة قلت لها غانطلع لمكناس نطل على با سلام، وحياة، تاهما تقضيت لهم، ومشيت لعندهم، شفتهم وشفت الوليدات، ماحسيت بوالو فمكناس، الماضي تناسيتو، مهم دوزت سيمانا ورجعت، كنت جت معايا الباك، دفعت بيه لواحد المدرسة خاصة دلانفورماتيك والكونطابيليتي.....درت الديبلوم دلانفورماتيك، وليت كانقرا بالنهار،كطالبة وبالليل، تانولي بائعة هوى، ودخلت لمركز تانتعلم الرقص الشرقي........وفعلا تعلما الرقص بل وليت ماهرة،،،، ماشي حيت تايعجبني الرقص وانما حيت هو واحد من المهارات اللي خص يكونو عندك فالسيفي باش نكون بنت الليل..... بامتياز..وبالفعل وليت بنت الليل بامتياز، تانعرف الكليان غير من عينيه، والاغلبية اللي تانمشي معاهم، تايعاودو يطلبوني، وشحال من واحد فيهم طلبني للزواج، ولكن مازال ماوصلت لداكشي لي بغيت باش نتزوج........ 

رجعت تانخدم بوحدي من بعد مادرت كليان دياولي، وبديت تانهضر مع الخليجيين فالفايس، دبرت على واحد قالي، غايجي للمغرب، بديت تانهضر معاه على اساس انا بنت عادية،وبلي تانقرا فكازا وبلي با ومي ماتوا، وانا خدامة وتانقرا فنفس الوقت، وساكنة فدار لي خلاولي واليديا ، مهم تيقني ، المهم، ملي قرب يجي، علمني بأسبوع قبل، مشيت انا عند واحد الطبيبة، دارت لي بكرة اصطناعية، نهار وصل داك السعودي، عيط لي مشيت تلاقيت معاه، عجبتو، وحتى انا حاولت نغريه بكل الاساليب، عرض عليا تعشينا، من بعد قالي واش عمري مشيت لشي بار، جاوبتو لا ولكن ماكرهتش نمشي، داني على اساس ماعمرني مشيت وانا اغلب لي بار لي هن مشيت لهم، درت راسي تانشرب، وهو شرب مزيان، وملي سالا كان كاو، داني معاه للدار اللي شاري هنا فكازا.....كانت فكاليفورنيا...... المهم دخلنا...... مشينا لبيتو،........ . فالصباح فقت تانبكي،......فاق مخلوع، . قالي #اييييش بيك يا روحي،.

انا (ببكاء)#فقدت عذريتي....... وبقيت تانبكي بالجهد،

هو #ليش انتي بعدك عذراء 

انا #نعم...... البارح ثملت ماكنت واعية. 

هو #خلاص، لاتبكي، راح عوضك.... ياروحي لاتبكي. 

انا بقيت تانبكي،مهم هو ناض دوش، وانا جمعت داك الفراش، باش يتغسل، يعني من أثار الدم..... كنت خايفة يعيق بيا، ولكن الحمد لله مادا ماجاب. 

من بعد ما خرج فطرنا وانا تانبكي بلعاني، قالي بلي هو ماغايتخلاش عليا...... وقرر يشري لي دار، وبالفعل من بعد شهر شرالي دار فحي راقي....... ودوز لي البيرمي، وشرا لي طوموبيل،.... من بعد مدة رجع بحالو، ولكن واعدني يرجع فالصيف يتزوج بيا، وبدا كايرسلي الفلوس كلا شهر...........

يتبع