نهى بائعة الهوى الجزء الثامن

من تأليف نهيلة احسني
2018

محتوى القصة

رواية نهى بائعة الهوى

بعد عام ونصف #
ولات عندي دابا 20 عام، ووليت معروفة، بين ليبار..... بمهارتي في إشباع الرغبات.........، داك السعودي قلت لو بلي تخطبت، وكركبتو، هو بارك لي وقالي نستاهل كل خير.....بعت الدار لي شرالي والطوموبيل ودرت الفلوس فالبنك، ولات عندي 200 مليون فظرف عام ماكاملش، شديت الديبلوم ديالي وبنقطة مزيانا........وريتو لمي منى وقلت لها راه غانخدم فواحد الشركة فطنجة، حيت جبت نقطة مزيانا، وبالفعل مشيت لطنجة، ولكن اكيد ماشي باش نخدم فالشركة، ولكن فاش نكمل خدمتي، بيع الهوى........ تعرفت فطنجة على مسؤولين كبار، واحد فيهم عاوني باش نخدم بداك الديبلوم، ودرت سونطر داللغات الانجليزي والفرنسية، وحيت كانت عندي الارادة راسي لي كان تقيل وتايكره القراي ولاخفيف، الارادة كاتخليك دير لي بغيتي....... مهم وليت تانخدم فالشركة وعجباتهم خدمتي......ولكن مع ذلك الخدمة دالليل، ماتخليتش عليها...... فالاول فاش دخلت لمجال الدعارة دخلت حيت عييت والفقر وكترت الضغوطات، ولكن دابا لا انا فيه وماعنديش سبب معي لي مخليني، فيه... يمكن الغرور لي وليت فيه، ويمكن حللت هاد الحرفة لراسي.......حيت نهار حطيت رجلي فهاد المجال نسيت بلي انا مسلمة. 
كمل حتى هاد العام وهاني ولات عندي 21 عام.
خضيت ابارطومون فمكناس لمي منى ولكن بالكريدي، من الفلوس لي كانتخلص من الشركة....... مابغيتش نشريها بفلوس الحرام. 
ورحلات ليها، هي وسلمى وسليم، حياة ووليداتها وبا سلام تاهما ماناسياهمش ديما مفكراهم....... هاد الايام شديت كونجي وهبطت لمكناس..... كنت خارجة انا وحياة وسلمى ختي ومي منى وانا نتلاقى مع يوسف، كان غادي هو ومراتو وهي حاملة........ شتو ودرت راسي ماشفتوش...... المهم تسارينا ورجعنا، الغد ليه كنت خارجة للحانوت، وانا نتلاقاه عاو، جا عندي سلم عليا، رديت سلام،، وقلت لو مبروك، عليك. 
قالي #شكرا، وقالي سمحليا بزاف، على داكشي لي طرا. 
قلت لو #عادي ماطرا والو، كلشي بالمكتاب 
قالي #علاش حيدتي الحجاب. 
انا #حيت بغيت، عندك شي مشكل، المهم نخليك دابا الله يعاون. 
هو #نهيلة، راه يمكن نصلحوا لي كان. 
انا #ههههه، الحمد لله عاد عرفت علاش الله ماكتبكش ليا، حيت نتا حمار وكلب وغدار، ماحشمتيش ونتا مزوج، تفو عليك. 
مشيت وخليتو بلاكة......

المهم ساليت الكوونجي ورجعت بحالي لطنجة......ولات كاتشدني الدوخة، وناضو لي شي حبوب فصحتي وغي تانرد، ماعرفتش اش واقع لي، شي مرات تاطيح لي الظلمة على عيني، حتى لهاد النهار كنت خدامة حتى سخفت....هزوني للسبيطار، قالولي عندك ورم، وصعيب يتحيد، وبلي خاصني نمشي لفرنسا ندير عملية تما. 
انهاريت واش هذا عقاب من الله، نستاهل كل ماطرا ليا، ماقلت لمالين الدار والو، من غير انني غانمشي لفرنسا على وديت الخدمة خديت كونجي، من الشركة، والمدير وافق حيت اصلا كنت دايرة معاه علاقة........ من بعد شهرين طلعت الوراق،دياولي، ومشيت.
حددت موعد مع طبيب تما..... باش ندير العملية.. 
نهار العملية، دخلت وانا تانفكر فحياتي لي دازت واش نقدر نعيش من بعد ولالا....شوف على حياة، ماعطاتني والو وكلشي غادي معايا بالمقلوب. 
واخا تقادات فهاد العامين ولكن تقادات بالحرام. 
دخلت وانا تانشهد، دارولي البنج، من بعد فقت، جسمي تقيل عليا، جا الطبيب عندي..... تايبتاسم انا ماعقلت على والو، هضر معايا بالعربية حيت كان مغربي #على سلامتك، العملية نجحات، وزولنا الورم. 
انا تفكرت او استرجعت الوعي ديالي. بتاسمت بتثاقل.......من بعد شهر، رجعت بحالي للمغرب. 
ورجعت للشركة هاد العملية كلفاتني داكشي لي كان عندي كامل، وفلوس الكرامة مشاو كاملين تقريبا وخا على الصحة،رجعت، وقررت من بعد نهبط لكازا، رشقات لي، بالفعل هبطت، ومشيت عند الحاجة، عاودت لها اش وقعلي، هي باقا كيف ماكانت، انا واخا الموت لي رجعت منها مازال ماهداني الله، رجعت للحرفة، ولكن قبل كان عاجبني داكشي، ولكن دابا رجعت على وديت نجمع الفلوس عاود ولكن ماعجبنيش الحال حي حسيت ان الدنيا عطاتني فرصة اخرى باش نتوب وانا مازال ماتبت...... مشيت للدار لي فيها البيت فاش كريت او مرة،لقيت وحدة من البنات، لي باقا، الخرينات تزوجو، وهاجر، قالولي شدات الماستر ودفعات لشي مدرسة فامريكا، وغاتمشي من بعد شهرين....... طلبت من ديك البنت نمرتها، والحمد لله كانت عندها، اتاصلت بها وفرحات دازت معايا نتلاقاو هنا فكازا فواحد القهوة. 
المهم رجعت عند الحاجة حيت وليت ساكنة معاها غير بيد مانلقى شي دار. 
وجدت راسي، لبست سروال كحل سليم، وبودي طويل من اللور وقصير من القدام، بالغوز بيبي، وصباط عالي فالكحل، شعر صاوبتو بوكلي.... ومشيت، جلست فالقهو واحد الشوي وقفات طوموبيل بيضاء، قدام القهوة....... وهبطات منها هاجر وواحد الشاب واعر، سمر وملامحو كحلين، كانظن خطيبها. 
المهم دخلات سلمات عليا. 
هاجر #توحشتك بزاف اوا غبرتي اصاحبتي، والناس زيانو بزاف، ولكن علاش حيدتي الحجاب. 
انا #ههههه تا انا توحشتك بزاف، اوا غير حيدتو وصافي...... 
عاجر#ااااء، سمحليا هذا خويا اسماعيل، لي كان كايقرا الطب ففرانسا، عقلتي كنت عاودت ليك عليه. 
انا مديت لو يدي #اه متشرفين اخويا..... 
اسماعيل #الشرف ليا، هاجر المهم انا غانمشي نتلاقى مع صاحبي، خودو راحتم. 
مشى اوا وجلسنا انا وهاجر ماعودتش لها بلي وليت عاهرة، حيت هاذي ماشي حاج يفتاخرو بها الناس، عاودت لها على الديبلوم والخدمة دالشركات وصافي، وهي تخطبات وغاتمشي هي وخطيبها من بعد مايديرو العقد لامريكا، كان تايقرا معاها وغايكملو بجوج تما، فديك ليكول.
المهم دوزنا عشية مزيانا، وتفارقنا. 
رجع خوها، داها، انا مابغيتهومش يوصلوني لذلك خضيت طاكسي

الغد ليه #مشيت دفعت لواحد الشركة، وهضرت مع واحد السيد من المعارف،باش يقبلوني، وبالفعل تقبلت.... وفبوسط زوين من الفوق، سكنت فواحد الابارطومون دالحاجة.... مهم كراتها لي ولكن بثمن قليل. 
قررت نبعد على حياة الليل.......

هاد السيمانا كان العرس دهاجر، عرضات عليا، قاديت حالتي ومشيت، مهم داز زوين، كانت غير حفلة بسيطة ماشي شي عرس، مابغاوش يكترو عليهم، فاش بغيت نرجع، وصلني اسماعيل، وقالي بلي عجبتو وبغا يخطبني من واليديا..... مهم تبادلنا النوامر...... وبدينا تانهضرو، ولا تايعجبني، او الاصح تانبغيه،مهم علاقتنا كملات عام. 
يعني دابا ولات عندي 22 عام.
اليوم هبطت انا وسعاد صاحبتي(خدامة معايا فالشركة) للرباط بحكم اسماعيل فاتح الكابيني ديالو تما، ومع شرا دار تما، وتايفرشها قاليك على ذوقي....... باش يجي يخطبني من الدار......المهم وصلنا سعاد مشات لدارهم كاينة فالرباط، وانا تلاقيت مع اسماعيل، تغدينا فواحد المطعم واعر...... وطلب مني الزواج وافقت وتافقنا على النهار اللي يجي فيه للدار... ولكن بقات حاجة وحدة هي كيفاش نقولو الحقيقة دحياتي، حيت لحد الآن مازال ماعودت لو والو. 
بقيت ساهية تانفكر، شوي تفارقت معاه، ومشيت لعند سعاد صاحبتي، حيت ماعندي فين نبات ومايمكنش لي نبات فدار اسماعيل... ..وكانت قالت لي نجي نبات عندهم 
استقبلوني عائلتها، تعشينا، ونضنا نعسو، مابغاش النعاس يجيني، كانفكر واش غايقبلني اسماعيل كيف ما انا،.
انا #سعاد سعاد ، فيقي اختي عافاك، وانا تانبكي. 
سعاد ، #امممممم، نعام ضراتك شي حاجة. 
انا #فيقي اختي عافاك فيقي. 
سعاد (😱مخلوعة) مالكي باسم الله عليك، لاش كاتبكي،
انا #سمعيني (عاودت لها على حياتي كاملة، من الاول تال الاخير).
هي،، تأثرات وبقات كاتبكي #،هادشي كامل داز عليك. اختي 
انا #ختي دابا اش غانقول لاسماعيل. 
هي #هادشي مكتاب ونتي ماعندك ماديري، ولكن الى كان تايبغيك غايتفهمك، والماضي داز، واصلا الى بغيتو تزوجو خص علاقتكم تبنى على الثقة، يعني ضروري تعاودي ليه. 
انا #اه اختي عندك الحق، خايفة نفقدو تاهو، غادي نحماق هاد المرة. 
سعاد #يكون خير... ان شاء الله. 
مهم رجعنا تكينا، متقدرتش نعس وحتى سعاد والو... ماجاهاش النعاس، اذن الفجر نضنا صلينا بجوج، وقررت من هاد اللحظة ندير الحجاب....... صلينا، وبكيت لله، بزاف، دعيتلو يعاوني بزاف. 
صبح الصباح،،،،،، صونيت على اسماعيل قتلو يجي نتلاقاو. لبست، جلابة دسعاد، ودرت لفولار. 
وطلبت من سعاد تمشي معايا، وخرجنا بجوج تلاقيناه، فواحد القهوة عائلية، سلم عليا وعلى سعاد من اليد. 
شافني دايرة الحجاب، عجبو الحال.
مهم جلسنا انا وهو فطبلة وسعاد فطبلة اخرى، 
نهى #المهم عيطت ليك باش نعاود ليك شي حاجة، مادام باغي تزوج بيا، خاصك تعرف كلشي. 
هو#اش كاين خلعتيني. 
انا بديت كانعاود ليه من الاول حتى للاخير....... بقى تايشوف فيا........
اسماعيل #امتى كنتي باغا تقولي ليا هادشي. 
انا غير تانبكي وحادرة راسي. 
اسماعيل#مهم ابنت الناس الله يعاونك دابا، والله يسهل عليك فشب حد غيري. وناض مشا، انا بقيت غير تانبكي...جات عندي سعاد..... نضت بسرعة، بغيت نهرب من ديك البلاصة،بقيت غادة بالزربة وعيني عامرين بالدموع..... ماتنشوف والو قدامي...... 

سعاد ⏪#نهى، نهى تسناي اصاحبتي،،،، نهى ااااااا....... طاخ

يتبع

التنقل بين الأجزاء

صفحة القصة
سيتم تشغيل صندوق التعليقات بعد لحظات
معظم التعليقات تم إخفاءها بواسطة الفيسبوك، نحاول بكل الوسائل المتاحة إستعادتها في أقرب وقت ممكن.