زياد#سمحليا بزاف ماكنتش منتابه.... سمحليا...... ولكن الحمد لله على سلامتك يارب، الحمد لله. كنت خايف تموتي.،، خاصة شهر ونتي مغيبة.
شوي ناض وقالي غانخرج تانعاود نجي#شوي دخلات مي منى، وبا سلام، واحد الراجل تكون عندو ديك 50 تقريبا معاهم.
منى #بنتي الحمد لله على سلامتك..... اه يابنتي وا شنو وقع ليك.
با سلام باس لي راسي #الحمد لله سلامتك.
الرجل #على سلامتك.
مهم شري خرجو، بداو تايزوروني ديما، اسماعيل ماعمرو ماجا، مت بعد اسبوع، خرجت من المستشفى، جا داك زياد دانا معاه، لواحد الفيلا، استقبلاتنا واحد المرأة كانظن، مو.
زياد #نهيلة ⏪سعاد عاودات لي على حياتك وداكشي لي وقع ليك، وانا غادي نعاونك، ونشد بيديك تاتعاودي توقفي على رجليك، وتاواحد فهاد الدنيا مالقيها كيف بغاها، وبدا زياد تايعاود ليها على حياتو مع براءة الله يرحمها.
نهى #الله يرحمها مسكينة، اوا هادي هي الدنيا ولكن الحمد لله.
زياد #المهم كاينة حاجة اخرى، شتي داك السيد لي مع باك سلام ومك منى.
ساكنة مع دار زياد #واخا ساكنين بجوج مي بحال الخوت.،،،،ديعني بيناتنا علاقة احترام.
داز عام آخر، وولات عندي 23 عام، حفظت 20 حزب من القرآن ماشي بزاااااف، ولكن الحمد لله انا فالطريق الصحيح...... خالتي حنان ماين زياد كاتعاملني كتر من بنتها........
هاد السنة قررت نمشي للحج ان شاء الله، وغاندفع الى تقبلت........المهم كنت خدامة اليوم تاعيطات لي خالتي حنان باش نرجع للدار.
مشيت، وجلسنا فالجردة،تانهضرو شوي #
لالة حنان#بنتي نتي بنت معقولة، وماشنا فيك عيب، وعلى هادشي راه بغيت نطلبك لولدي زياد الى قبلتي.
انا حدرت راسي #يكون خير ان شاء الله.
اوا من بعد 3 دالاسابيع، جا با سلام وحياة ووليداتها، ومي منى وخوتي سلمى وسليم، وبا ربيع (الاب الحقيقي).... وختي ليليا ومرات با،،، خوتي الاخرين ماجاوش حيت قاريين .... تجمعو وخطبني زياد من عندهم كاملين....تافقنا نديرو صدقة للفقراء عوض العرس، والعقد يكون من لهنا لاسبوع.
ماخلينا ماشرينا انا وخالتي حنان.. مهم وصل نهار العقد عقدنا، والصدقة دازت، مزيانا........
ووليت مرات زياد، شرعا وقانونا.......... ولينا واحد.
من بعد ٣اشهر من الزواج...... دفعنا انا وزياد الوراق على حساب الحج... مي ماتقبلناش، العام لاخر ان شاء الله.
زياد باقي تايبغي براءة، ماقادرش ينساها، ولكن تايعاملني فوق مزيان..... وكايحاول مايخسرليش خاطري ابدا..... الحب تايجي من بعد.
اليوم فالعشية، طلعت لبيتي، ولقيت زياد ساهي فواحد الصورة، قربت لقيتها صورة براءة،،،، حس بيا قلبها، انا درت راسي ماشتوش،،،،،،وخا حسيت بالغيرة، هذه طبيعة المرأة، قلت لو يهبط يشرب اتاي، هبط سبقني، انا بقيت تانبكي، ماعرفتش وليت حساسة بزاف......
تعطلت، عاود زياد طلع يعيط لي لقاني تانبكي.... قرب لي وعنقني،،،،، سولني #مال قلبي تايبكي.
انا #والو، ازياد والو.
زياد #وشتي الصورة ليكنت هاز، حبيبة ديالي، نتي مراتي وعيني، براءة كنت تانبغيها بصح ولكن راها من الماضي، الله يرحمها، دابا نتي لي فقلبي، والى تفكرتها ماشي معنى ذلك انني ماتانبغيكش.....
والله تاكانحماق عليك.. اوا ضحكي.
انا بتاسمت بخجل، وعنقتو.....
الحمد لله على كل حال.... الحياة كيف ماكتدي منك كاتعطيك، وكل واحد تايجيوه فرص فالحياة،،،،،، ممكن يستاغلهوم ممكن يضيعهم....... ولكن الاهم هو ان الإنسان ماخصوش يفقد الامل فالله، الحمد لله...... انا تعلقت بشي حوايج كانوا ماصالحينش ليا، وكرهت شي حوايج واخا كانوا مزيانين ليا........ انا كتبت لكم باش تعرفوا بلي الحب دالقهاوي والجرادي ماشي حب، هذاك وهم من الشيطان، اللي كايبغيك غايخاف عليك، مايرضاش الناس يهضرو عليك، اللي كايبغيك خاصوا يبغيك حبا في الله بالاول، عاد الحب الانساني.
والحب في ظل الحلال ما أجمله وأروعه.
والعلاقات خارج الحلال يقدرو يديونا لطريق خايبة كيف ماشتو فالقصة........... فقبل ماديري شي حاجي، تفكري الله، تفكري راسك، ولديك، كرامتك..... والى كان عندك هدف حققيه ولكن بطرق يرضاها الله ليباركك..
وغانختم قصتي بآيات فيهم مغزى وبأبيات شعرية.
يقول تعالى #(قل يا عبادي الذين اسرفوا على أنفسهم لا تقنطوا من رحمة الله) #
ويقول جل علاه #(وعسى ان تكرهوا شيئا وهو خير لكم، وعسى ان تحبوا شيئا وهو شر لكم) #
وتقول رابعة العدوية في قصيدة العشق الالهي،مخاطبة الله عز وجل في نفسها.
نهى بائعة الهوى الجزء التاسع و الأخير
محتوى القصة
التنقل بين الأجزاء