مر على رجوعي من مراكش اسبوع ...ها انا ذا عائدة اليه اليوم..... هاد المرة غانستقر فيه غانشوف مستقبلي دراستي جل الانشطة غاتكون فيه ...وخصوصا انشطة...انا من نوع لي عزيز عليه كل ماهو متعلق بالجمعيات المخيمات...فاش كنت في الثانوي كنت كنمشي كل صيف لمخيم كمؤطرة ....اخر مخيم كان من ورا فاش نجحت في الباك في شهر اوت ....هاد المرة غالغي اي حاجة كتعلق بالمخيم ونتفرغ فقط لدراستي وكل مكيتعلق بيها والانشطة لي ممكن تكون داخل الحرم الجامعي ربما ربما وليس اكيد ندخل لشي جمعية كعضوة ...خالتي من السيدات لي عزيز عليهم هاد المجال مشتركة في جوج جمعيات وكانت قالت ليا على واحد الجمعية ثالثة نسيت على اسمها طلبت مني نمشي نحضر معاها لقاءات ولحفلاتهم في وقت فراغي كنفكر ولكن قبل خاصني رسي اموري ونستقر في الكلية ونرتب وقتي ....والاهم ان لحد الان بابا معارفش انني مغاديش نكمل في اشنو بغا هو مغانقراش على تمريض .....اه ماقلتش ليكم وليت عاودت لماما كلشي والحمد لله معارضتنيش من ديما كتقوليا انا فخورة بيك بنت عندها ارادة قوية كتوصل لداكشي لي بغات ولداكشي لي فيه مصلحتها وواعدتني انها غاتوقف معايا وغاتحاول تهضر مع بابا وتوصليه انني تبعت المجال لي بغيت كيف مغادي يوقف معايا رضوان وخالتي وختي راوية هاد الاخيرة لي تفرقت انا وياها بالبكا صحيح انا وياها اكتر من خواتات بل صديقات ولفنا بعضياتنا حتى هيا كانت كتمشي معايا لمخيم ولكن هادي سنة الحياة ولابد منتفرقو وكل تشوف مستقبلها ولكن هذا مكيعنيش نتفرقو بمرة حتى هيا فاش تشد الباك ديالها غاتبع مجال لي بغات والحمد لله بابا معارضهاش فيه يمكن حيت حتى هو كان باغي ليها نفس المجال....ماعرفتش علاش كيقسح معايا انا وياها بينما خويا مروان مكيلقاش معاه مشاكيل بل العكس رغم صغر سنو كيتشاور معاه فالكبيرة وصغيرة احيانا كنشكو واش حنا بناتو 😔......
جيداء : من ناحية مرتبة اكثر من حياتي مكدبتيش...انما طولة وتجريدة ...بلاتي نشوف...طلعتو وهبطتو وهو كيقاد فراسو بمعنى واثق من نفسو اوييي...خااايب...😌
رضوان : 😒
بعد ساعات ديال طريق وصلنا واخيرا لمراكش وصلنا في وقت متاخر كانت شي جوج ديال ليل حيت ماخرجناش من اگادير بكري ....وصلنا العمارة بلاصة طوموبيل وطلعنا خلينا الباگاج حتى لصباح ونطلعوه مابغيناش نفيقو خالتي بتقرقيب ...كانت عطاتني خالتي نسخة ديال ساروت دار شي لي سهل علينا باش ندخلو بدون ماتحس وديجا عيطت ليها فتيليفون بلي غانوصلو معطلين بلى مدير معانا بالها....دخلنا رضوان مشا لصالون ينعس وانا دخلت لبيتي بدلت حوايجي وتكيت فور ماحطيت راسي بقيت كنفكر كيفاش غايكون اول يوم ليا بعد غدا فالكلية وخصوصا غايكون جو جديد عليا ناس جداد وجوه جديدة واش غاندير صحابات ولا لا حتى من هدى لي كنت كنعرف بقات في اگادير دارت البيولوجي حدا دارهم ...لو كان بابا معارضش رغبتي في المجال لي بغيت لوكان انا كنقرا حدا دارنا ولا هاد تمرميدة كلها ولكن ماعليش فيها خير ان شاء الله ...بقيت كنتخبط في افكاري ماعقلتش على راسي حتى غفيت.....
رضوان : اااانا لي كيدار انااا ...سلام عليكم...ورك عالكسيراتور خلاني هازا ايدي كنعبر ...نااااري على ولد خت بابا 🌚...
حدرت راسي وزدت وصلت لباب حطيت رجلي على اول خطوة من مشواري الدراسي اولى خطوات حلمي على الله ملقا صعوبات ولا مشاكيل نتمنى...دخلت هزيت تيليفوني مصورة بيه لومبلوا اطالعت على اوقات ليوم عندي جوج محاضرات وحدة فيها ساعتين ولوخرا تاهيا نفس الشيء كانت عندي البداية في مادة "علوم قانونية" شفت رقم لونفي فين كاينة سميت الله ودخلت ...
دازت الحصص ليوم زوينة اصلا مزال مابدينا في دروس بشكل رسمي يلاه تعارف الاستاذ بين طلاب ...ولكن من اول طلب منا نديرو بحث خاص لي بيه باش غانبداو اول فصل لينا ....ساليت وخرجت كان عندي غير فالصباح شديت طوبيس وصلت لدار حليت لباب لقيت خالتي كاينة سلمت عليها...دخلت لبيتي بدلت حوايجي وخرجت لعندها وجدنا لغدا .....تغدينا كيف كملنا جمعت الماعن وغسلتهم مشيت گلست حداها قالت ليا غانخرجو نتساراو هاد العشية وغانتعشاو برا وحنا في خضم حديثنا حتى فاجئتني بعرض مكنتش دايرة ليه الحساب نهائيا وخصوصا وانا عاد بديت فالقرايا.....
في وقت متاخر من ليل ناعس في بلاصتو كالعادة لي تاخذها مكان ليه من مدة طويلة...ناس لي ساكنين قدام في ديك البلاصة كلهم كيقولو انه جا من هادي شي تلات سنوات وهو تما وعمرو ما اذاهم ولا قربو ليه كيبان غير من ليل ليل مرة وحدة شافوه كان متكي وجاه واحد ماعرفوش كيفاش حتى خلطو كلو بقا يضرب فيه بوحشية حتى ردو كلو دمايات من تما مبقاوش زعمو يقربو ليه وتما عرفو انه لي حك عليه مايعقلش عليه....معاه الكلب لي مرافقو ديما في الصباح كيضل غابر حتى كيبغي ينعس عاد كيمشي لبلاصتو ...فين كيمشي اش كيدير الله واعلم .....
واحد الشوية حتى بدا كينين كتجيه كوابيس اصوات غوات فجاة تحول الانين لكريز كيطير تالسما وينزل وشاد راسو كانو بغا يغوت يقول شي حاجة والو عدم القدرة على النطق مساعداتوش شوية بدا كيحس بصفيير فودنيه كيسمع غير طوووووط بحال صوت صفارات قوية حتى شد راسو بايديه .....بقا على ديك الحال حتى مبقاش عاقل اش وقع من بعد ....
في ممر من ممرات احد المستشفيات العمومية رجل في الخمسينيات من العمر في حوار مع طبيب المستشفى....
اشنو الحالة ديالو بالضبط ....
الطبيب : هو ملي جابوه لبارح مع شي ربعة الصباح كان فاقد الوعي تماما ولي جابوه بلغونا بلي جاتو كريز في الشارع هو متشرد وعمرهم مشافوه في هاد الحالة كان شخص انطوائي مكيقرب لحد ومكيقرب ليه حد وهادي اول مرة ....كان شخص ساكن تما في ديك المنطقة وهو لي قاليا هادشي كامل....عطيتو مهدئ ودرنا ليه فحوصات وكيف كتعرف هذا مستشفى عمومي على قد الحال مافيهش الاجهزة لي يزيد ياكد شكوكي....
الشخص : وفاش شاك بالضبط
الطبيب : جميع المؤشرات كدل على انه مصاب بصمم مؤقت نتيجة لشي صدمة او شي حاجة تعرض ليها حتى انه فاش رجع لوعيو عاود شد ودنيه بايديه يعني انه كيحس بالم شديد فيهم ....وعلى حسب المعلومات لي جاتني من سيد لي جا معاه فالاسعاف قاليا انه غالبا ايكون ابكم حيت مكيهضرش و ان ديك البلاصة لي فيها مكيدوزوش جيهتو حيت الى فات حتى تعصب مكيعقل على تاحد وفاش جاتو الكريز كانو ناس دايزين فداك الوقت حداه وتاحد مفكر يعتقو حيت خافو تال سيد لي جابو هو لي حن فيه وجا معاه ...... ولكن باش نزيد نتاكد كيخصني كيف قلت ليك مستشفى مجهز وبما انني منخرط في الجمعية ديال متشرد داكشي باش عيطت ليك نشوفو اشنو نديرو معاه...
الشخص : مزيان ملي فكرتي هكا وعيطتي ليا وكن على يقين غانديرو لي فجهدنا باش نعاونوه ...معاودتش رجعت ليه الحالة...
الطبيب : هاد الساعة لا حيت عاطيه مهدئ ...
الشخص : هممم مهم انا غانمشي نقضي شي شغل وبما انه غايكون اصم فانا غادي نتاصل بواحد الجمعية للي مكلفين فيها من اصدقاء ديالي وجمعية ديالهم اسمها "صمم" هما لحل لوحيد لي غادي يوقف مع هاد الشخص...ولكن رد البال لا يمشي من هنا ...
الطبيب : انا معاك فاي خطوة قمتي بيها،،، انا فانخليه تحت المراقبة ونبقا نعطيه المهدئ حتى لقاو ليه حل ....
الشخص : شكرا بزااف مهم انا ندير اتصال معاهم ونتلاقاو في الجمعية ديالتنا ونهضرو تم...
الطبيب : وعليه .....
يا ترى اشنو سر لي وراك اسي المتشرد ؟!
بنتي جيداء مكتفكريش ديري شي حاجة تشغلي بيها راسك في اوقات الفراغ ...
جيداء : بحالاش اخالتي مثلا !!
خالتي : انا كنعرفك بنت نشيطة عزيز عليك دخلي في نشاطات ،،نتي من ديما كنتي كتشاركي فالمخيمات وحتى كنتي كتفكري انك دخلي لجمعيات كنشوفيك انسانة محبة للخير خاصك غير من تساعدي ...هو بنتي فالصراحة انا ماجيتش وطرحت عليك هاد الموضوع غير هكاك وانما عندي ليك عرض ...
جيداء : عرض !!
خالتي : وي ابنتي عرض ..انا غانقوليك كلشي بالتفصيل ابنتي ...مهم قبل ماتجي عندي يعني فالصيف ونتي كتعرفيني انا من عشقي الجمعيات فور مكيكون عندي فراغ كنمشي لجمعيات لي انا عضوة فيهم ...في ايام الصيف بالضبط في شهر يونيو قررنا انا ومجموعة من صحاباتي نديرو واحد الجمعية خاصة بالناس لي فيهم الصمم وحتى الناس لي عندهم صمم مؤقت يعني كيحتاجو لعلاج ولا لزرع القوقعة وحتى ناس لي عندهم بكم واصلا صمم شامل لهادشي ....حنا كنعاونوهم بمساعدات الناس كاين لي كيتبرع منهم نشريو ليهم دوا او فيزيت طبيب المعالج او كنعاونو ناس لي عندهم صمم دائم انهم يشريو كتوبة وكنجيبو اساتذة لتعليم لغة الاشارة مهم الجمعية المساعدات لي كتجيها كنعانو بيها هاد الفئة ككل فهمتيني...
جيداء : وي فهمتك زوينة هاد الجمعية لي درتو عندها هدف زوين وقليل فاش كنسمع على بحال هاد الجمعيات...
خالتي : دابا عرضي ليك هو ...حنا محتاجين لشي ربعة لبنات لي يعاونو البنات لي تما نتي عندك خبرة فهادشي ديال تواصل مع ناس مهم محتاجاك تكوني من بين ربعة البنات لي بغينا الى بغيتي طوعي انا غانكون فرحانا ابنتي اه باش منساش را كاينين حتى الاطفال....
جيداء : خالتي امم عرضك زوين بزاف من ديما كنت كنفكر ندير هاد الخطوة ملي رسي اموري فالقراية و...
خالتي : بنتي الى مكنتيش تقدري منضغطش عليك انا منبغي غير راحتك راكي بنتي ماشي بنت ختي....
جيداء : ههه لا لا انا موافقة اخالتي انا معاك ...امتا غانبدا نجي...
خالتي : بداي من غدا الى بغيتي فاش تكوني خارجة غاندوز عندك قدام لافاك ونمشيو بزوج منها نعرفك على البنات وصحاباتي لي كاينين تما ومنها نسجلك معانا ونديرو اجراءات التسجيل تفاهمنا...
اكتافيت ليها بالابتسام ...مشينا بدلنا حوايجنا وخرجنا انا وياها تسارينا حتى شبعنا في جامع الفنا خدينا تصور وداتني نقشت صبعي فرحت بزاف بالخرجة دازت زوينة ومع خالتي باقي شبابية مع راسها عشنا لخرجة مزيان....تعشينا طانجية تما ورجعنا ليل كلو ونا نشرب فالما شحفتني ديك طنجية هههه ....صبح الصباح مشيت لفاك كيف عادتي كملت محاضراتي وخرجت لقيتها كتسناني على برا ركبت ومشينا مباشرة لجمعية "صمم " دخلت تعرفت على صحاباتها لي تما وعلى البنات ودراري لي كاينين تم الجمعية جات في واحد الفيلا كبيرة رجعوها مركز لجمعية كاينين اقسام لتعليم لغة الاشارة فرع لاطفال وكاين فرع لكبار حتى هما تعرفت على الجمعية مزيان ...وخدمتي فالجمعية غاتكون غير فاوقات الفراغ كل مرة واش ندير .....وحنا خارجين حتى كتعيط صديقة لخالتي بلغتها بشي حاجة....
خرجت من لافاك ركبت في طوبيس ....وصلت لدار كيف حليت الباب يلاه غاندخل حتى عيطات ليا خالتي نهبط عندها كتسناني لتحت ضروري مخاص نمشي معاها امكن لجمعية ...هبطت وزدنا هاد المرة طريق غير طريق الجمعية قالت ليا غانمشيو لمستشفى "المامونية" سولتها ياكما واقعة شي حاجة لكن طمنتني بلي الجمعية لي اتاصلات بيهم البارح هضرت معاهم وقالو ليها انو جاتهم حالة كتعاني من مرض لي مسؤلة عليه جمعية خالتي ....وصلنا وهبطنا على الفور دخلت معاها بقينا غادين حتى تلاقينا بالسيد لي هضر معاها على ديك الحالة سلمت عليه ودانا لغرفة لي فيها ...غير هو حل الباب ودخلنا حليت فمي على مصراعيه ...هييييييه هذا داك الشخص لي لقيت فالمحطة ولكن اللي خلاني نحل فمي كانت حاجة اخرى
كيف تحل الباب وبانت الحالة لي علاش جيت انا وخالتي حليت فمي كان داك الشخص لي فالمحطة ولكن هاد المرة كان هااادئ متكي فداك البياص البالي غير بوحدو عندو بنية ضخمة وحالتو تشفي مكتبانش بنيتو قدام حالتو دابا ....كيشوف في الفراغ ...كان بتياب جديدة على مافهمنا ان داك سيد لي فالجمعية تكلف وجاب ليه ثياب جديدة ولبسوهم ليه اما هو كان مكيتحركش بطبيعة الحال مع المهدئ لي عطاوه.....قاطع سرحاني دخول الطبيب لي مشرف عليه....سلم علينا وتعرف علينا وشرح لينا حالتو بما اننا من جمعية لي غاتولي مسؤلة على حالتو لي فهمنا انو مكيهضرش يعني ابكم وانه معرض لصمم وهادشي ميبان ويتاكد منو حتى نديوه لمستشفى مجهز باجهزة لي غاتخلينا نتاكدو من حالتو وبما ان جمعيتنا كتساعد الناس لي عندهم الصمم وعدم القدرة على النطق فاتكلفنا وقررنا ناخذوه على الفور المستشفى كبير ومجهز على نفقتنا......
اليوم هو يوم سبت ليوم معندي حتى حصة وليوم كان غايجي رضوان لكن فاخر لحضة اجلها حتى لغدا بيدما رتب شي امور لهيه فاگادير.....غادي نمشي انا الجمعية خالتي غاتقضي شي غراض وغاتلحق عليا تما ....بدلت حوايجي وجدت راسي من روتينياتي ديال الخروج ....سديت الباب وقبطت طاكسي حتى لجمعية ...كيف وصلت لقيت شي بنات تما كيهزو فشي كراطن ديال المساعدات كانو كتار مشيت عاونتهم كنسجل اشنو لي دخل وشحال جا من مساعدة ليوم....بقينا شي ساعتين وحنا كنسجلو ورتبو فيهم في المستودع حتى جات خالتي سلمت عليا مشات المكتب دازت نص ساعة حتى تمت خارجة ....
جيداء : بلاتي بلاتي خالتي واش غاتمشي عند ديك الحالة لي تكلفتو بيها...
خالتي : وي هيا هديك...
جيداء : عفاك نمشي معاك...
خالتي : ولكن نتي خاصك تبقاي تعاونيهم فهادشي لي باقي من بعد ونديك معايا ...
جيداء : كملت قبيلة معاهم مبقا عندي مندير بليز ديني معاك ...شفت فيها وعينيا كيلمعو ...
خالتي : واخة يلاه دغيا....
هزيت صاكي ومشيت طايرة لقيتها ركبت ....غير ركبت انا حداها ديمارات ومباشرة لمستشفى....غير وصلنا دخلنا ديريكت لعند طبيب لي اشرف على حالة داك الشاب ....فعلا شي لي كان شاك فيه الطبيب لاخور هو لي كان .....
خالتي : دكتور انور...والعلاج لي غايساعدو اشنو هو...
د.انور: مدام فاطمة منخبيش عليك هو لان تحت تاثير المهدئ دابا هو كالم حاولنا نهضرو معاه كيشوفينا وكيحدر راسو مرة وحدة لي هضر مع واحد الفرملية بالاشارة بمعنى انه بغا يدخل المرحاض فقط مكيتواصلش معانا بزاف وهذا كيخصو طبيب نفسي لي يساعدو انه يتواصل اكثر ونعرفو اشنو صدمة لي خلاتو يفقد نطق وحتى سبب الكريز لي كتجيه ودرنا ليه فحص شامل تبين لينا ان بنيتو سليمة تماما فقط عدم القدرة على نطق وحتى انه كيعاني من اضطربات في سمع .....هو كيسمع حيت فاش كنهضر معاه كيهز فينا عينيه ولكن المشكيل انه مرة مرة كيشد ودنيه بواحد الطريقة ....بمعنى انه كيشعر بالم فتلك المنطقة .....
خالتي : اممم ممكن نشوفوه....
د.انور : طبعا تفضلي معايا....
هاد المرة كان في غرفة زوينة على لي كان فيها من قبل في المستشفى لاخور ....دخلنا عندو ...نفس الوضعية نفس النضرة ....شفناه شوية وخرجت خالتي تهضر مع طبيب انا استغليت الفرصة وقربت ليه....
اممم انا سميتي جيداء ونتا.؟؟؟ ممكن تعرفني بسميتك!؟ مبغيتيش ياك هممم واخة ماشي مشكيل منضغطش عليك خليت ليك راحة...يلاه دورت راسي باش نمشي حتى شدني من ايدي...ضرت بزربة شفت فيه اول مرة غانشوفو كيحرك فايديه نعث ليا بالاشارة بمعنى 📝 بغيت ورقة وستيلو...حدرت راسي بزربة في صاك جبدت ليه مدكرة وستيلو .....شدهم بقا يكتب يكتب يكتب وعاود عطاها ليا....قريتها
جيداء : اسميتك سعد و لكن .....
نضرته الصارمة ..نضرته القاتلة....نضرة تحمل ورائها الكثير ..ياا ترى من انت ومن اين اتيت وماهيا حكايتك...اشنو سر لي وراك اشنو لي خلاك تفقد اهم الحواس لدى الانسان اشنو لي خلاك توصل لهاد الحالة وجهك هيئتك كيدلو على انك ماشي في بلاصتك لي فيها نتا دابا شكلك كيقول ماتستاهلش كتبان ولد ناس وخا ملامحك مزال مواضحينش مع اللحية الكثيفة وشعر المخربق والكثيف وموسخ "مغوفل" لهادشي كلو جاني فضول نعرف من انت ؟ لكن كلشي تلاشى فور ما قريت اش كتبتي ليا...
جيداء : سعد ولكن علاش نبقاو بعاد عليك حنا مابغينا ليك غير الخير بغينا نعاونوك ....خدا من عندي المذكرة بالجهد حتى قفزت ...كيكتب يكتب بعصبية ..عطاني نقرا....
جيداء : مافهمتش علاش ..عطينا فرصة نعاونوك ماربما....قاطعني ناض من بلاصتو بالجهد حتى قفزت ..كيشوف فيا بنضرات كتخلع ..لساني تصرط ماعرفت باش تبليت تميت راجعة بلور حتى جرني بجهد من دراعي ورك عليه بزاف تادخلو ايديه فيه محسيت بوالو مع الخلعة سيطرت عليا وليت كنرجف شاف فيا بنضرات نارية خلعتني حتى طولتو هزيت راسي حتى بغا يعواج ومع انا قصيرة شوية كنشوف فيه بنضرات بريئة هز ايدو تالسما غمضت عيني كندعي في نفسي ميصرقنيش الى فات تادارها خريطة دارنا تلف ليا...مدار والو بقيت كنتسنى حتى حليت عيني بشوي شفت فيه ....دار ليا باشارة ... 👉انا قلت ليك بعدو مني هياا بعدو مني ...انا فهمتها حيت عاود نفس الاشارة جوج مرات...تلق مني ودفعني حتى طحت ...رجع لبلاصة فين كان ...هزيت صاكي ووقفت كنشوفيه...بغيت نقرب ناخذ مذكرتي ...هز راسو شاف فيا بنفس تخنزيرة ...سمحت في مدكرة وخرجت من الشومبر ...بانت ليا خالتي جايا هيا وطبيب ....
خالتي : مالك ابنتي وجهك صفر ...
انا : مم مماليش كنت كنتسناك ...
خالتي : اه هضرت مع طبيب مهم هو غايتابعو على نفقتنا وغانجيبو ليه طبيب نفسي ...
خالتي : لا يلاه حتى لغدا ورجع عندو حيت غايجي عندو طبيب النفسي ....
انا : اوكي يلاه....
تحركنا من تما مباشرة لدار خدينا قبل اكل جاهز حيت مبقاش وقت لي نوجدو فيه لغدا ...دخلنا لدار..تغديت قبل منبدل حويتجي جمعت الطبلة ...خالتي دخلت دوش وتنعس فالعشية غاترجع لجمعية تاني اما انا غانبقى باش راجع شوية ...دخلت لبيتي بديت كنحيد فحوايجي لبست بيجامة بيتوتية حد ركبة نص كم ...مشيت لدوش حكيت سناني وغسلت وجهي ...خرجت من دوش مشيت قدام لمري كنمشط فشعري جمعتو كعكة مهملة حطيت المشطه هزيت عيني فالمري جات مباشرة في دراعي ....ناااري مصورين فيه صباع وبلاصتهم زرررقة قصتها طرت لسما ونزلت ...وناااري هذا ماشي بنادم اميييمتي نخرج عند خالتي اش نقوليها الى شافتها ميييمتي ...مشيت بجرا بدلت بيجامة ولبست وحدة اخرى نفس ستيل غير هيا بكمايميها ...مشيت بكوزينة درت طابلية وبديت نغسل في الماعن ...محيدش من بالي صورتو تخنزيرة ديالو شخصية صعيبة بزاف علاش كيتصرف هكا علاش وعلاش اجيداء تستسلمي علاش خرجتي كنتي تبقاي حتى تعرفي منو ولكن را كان غايخلطني اففف ...بقيت كنغسل في الماعن حتى لواحد لحضة حبست وهزيت راسي كنشوف في الفراغ بعينين عازمتين على تنفيذ لي فبالي وليلة نبالي ....
في صباح اليوم الموالي ...كيف عاهدناه واخذ نفس الوضعية اما ناعس او كيشوف فالفراغ...انما...هاد المرة گالس عاطي بوجهو لجيهة الشرجم كيخمم او مديها فهمو او شاغل بالو شي حاجة ...العلم عند الله....قاطع تفكيرو دخول طبيب ومعاه شخص اخور ..دور وجهو شافيهم ورجع لوضعية فين كان....
د.انور : دكتور نبيل الملف ديالو عندك انا استدعيتك وشرحت ليك حالتو بالضبط انا مهمتي انني نتابع حالتو الجسدية ونتا مهمتك تابع حالتو النفسية وبيني وبينك حالة هاد الشخص اتارت فضولي شي حاجة كتقوليا انه ماشي ديال هاد الحالة ديال تشرد (تنهد) نتمنى يسمع منك او يقوليك شي حاجة العلاج النفسي هو لي يقدر يساعدو باش يتجاوز هاد الازمة لي فيها نقوليك ازمة لان فعلا عندو صدمة شي لي خلاه يفقد النطق وفاي لحضة معرض لصمم مهم نتا كلشي عندك في الملف ...
د.نبيل : من نهار جا لهنا مابقاتش رجعت ليه الكريز؟؟
د.انور : لا لحد الان مرجعتش
د.نبيل : همم اوكي انا نحاول معاه ليوم عالاقل نعرف اول خطوة من ردت فعلو واش غايتجاوب معايا من اول حصة مهم كلشي بايدو هو....
استاذن طبيب لاخور وبقا الطبيب نفسي معاه ...شافو كيفاش گالس گلس حتا هو بنفس وضعيتو ووجهو كيشوف القدام...بقا شي خمسة دقايق حتى نطق...
د.نبيل : منضر زويين ...(شاف فيه ورجع شاف قدامو) ....من ديما كيعجبني نتقاد مع مع شي نافذة ولكن كيعجبني نطل من نافذة تكون في بناية شاااهقة شغوف بالاماكن العالية الارتفاع كنحس براسي بحال الى طاير ...نتا اشنو كيعجبك...
الصمت....
د.نبيل : اممم ماشي مشكيل من بعد وتقوليا ...دابا اشنو سميتك كنيتك ...
د.نبيل : هممم سعد ...لا غير ...وياريت تهضر مع طبيب يخليني نخرج في حال سبيلي ....
علاش تخرج مزال ليك شحال من فحص حتى تعالج تماما ...شاف فيه بتخنزيرة....
د.نبيل : شوف انا غانجيك صريح انا فبلاصتك منضيعش حياتي فتشرد نتا كيبان عليك ولد ناس ماشي ديال حياة التشرد نتا باقي شاب انا نفرزك من بين مية شخص انا قبل مندير طب نفسي كنت شاب كنفهم ناس من نضراتهم كنعرف اش هما وكيفاش داير طبعهم وهادشي لي لاحضتو فيك من خلال نضراتك نتا شاب مزال يلاه قال بسم الله في الحياة ومدام كتكتب ومن خطك كيدل على انك شاب مثقف وواعي نصيحة مني مضيعش حياتك على حاجة مكتسواش ...غير نطق اخر جملة شاف فيه بنضرة نارية شد من عندو الدكرة كتب فيها بزربة ولاحها ليه...
د.نبيل : (انا بغيييييت نبقا بوحدي يا ريت تخرج وتسد الباب وراك) .....صافي صافي من بعد ورجع عندك تهدن دابا مهم وقت لي احتاجيتيني غاتلقاني فقط بلغ دكتور انور يلاه خليت ليك راحة اه فكر فاشنو قلت ليك ....خرج وخلاه سارح في خيالو هاد المرة رجع تكا حط راسو عالمخدة وسرح في افكارو ....
........
كيف حليت عيني نضت درت روتينياتي وخرجت لقيت خالتي مشات لجمعية وانا بقيت ليوم غادي يجي رضوان هضرت معاه البارح فليل وطلبت منو كيف يجي يتاصل بيا نشوفو ...نعم فكرت ان رضوان لي يعاوني باش نعرفو اشنو سر لي ورا "سعد "بما انه طبيب مختص في الامراض العصبية هو لي يقدر يعالجو مدام كيعاني فاضطربات السمعية وكتجيه كريز كنفضل ان رضوان هو لي يتكلف بيه عيطت ليه البارح فليل وشرحت ليه حالتو مارفضش بالعكس حتى انه اصر فور مايجي يشوفو في اقرب وقت قبل ميتخرج من المستشفى ...املي الوحيد هو رضوان وعلى الله يكون خير
وصلت لبلاصة فين درت مع رضوان نتلاقاو كان كوفي في المدينة فيه فوق وتحت حطيت رجلي عند الباب طليت هنا وهنا داخل الكوفي حتى لمحتو گالس كيخربق فتيليفونو هز راسو لمحني،، شير ليا بايدو ...
رضوان : وي ان شاء الله عاد لقيتيني كنقلب على شقة فين نسكن اتاصلا بواحد الصديق هنا قاليا كاينة شقة مفروشة موجودة كنت ديجا موصيه من قبل ....انشوف الوضع هنا الى غانبقا
هنا مدة طويلة فغادي نضطر نشري دار واخة بيني وبينك انا ولفت المصحة في اگادير واصدقائي تما ...
جيداء : وصحاباتك خههههههههه
رضوان : هاها حامضة ...
انا : مم ما علينا ...نتا تعرف الى شفتي ان مصلاحتك تكمل هنا وتقري في لافاك هنا وتخدم في المستشفى الجامعي مزيانة ونقطة تحول في حياتك توكل على الله اصلا من ديما ونتا كنتي كطمح لهاد القضية وجات تالبين ايديك مضيعهاش ..
رضوان : وي داكشي ايوى نشوفو اصلا ماجيت حتى كملت اغلب مواعيد عمليات لي عندي ولي مزال عليها الحال دوزت ملفاتهم لزميل ديالي حتى هو كان متابعهم معايا بالتفصيل يعني خليتهم فايدي امينة واثق فيه...
..احم امم قولي ليا كيفاش قضية هذاك السييد لي هضرتي ليا عليه ...
جيداء : شرحت ليه كلشي من اول لقاء لينا حتى لاخر لقاء فاش دفعني على الحايط...محسيت حتى خبط الطابلة بجهد تاقفزت وسميت الله...
رضوان : 😡😡 واش هبلتي نتي ولا اش داك تقربي ليه معارفاش تا اشنو ممكن تكون ردت الفعل ديالو ياك سمعتي بنفسك قالو انو عنيف الى قرب ليه شي حد قالوها ولا لا...افف اجيداء واش هاد ( ضرب ليا راسي ) قصوحية دمخك متحيدش مكتوبيش...
جيداء : ورا واخة هكاك تجاوب معايا وقاليا سميتو يعني را تواصل معايا واخة دفعني غير حيت اصريت عليه نعرف علاش بغانا نبعدو منو...
رضوان : شيء طبيعي يقوليك بعدي منو بحال هاد النوع كيفضلو تيقار الانطوائية تجاوبهم بسرعة شبه مستحيل كيخصك شحال بففففف مهم انكمل شي شغال ليوم فلعشية ندوز نسلم على خالتي فاطمة ونهضر معاها نمشيو انا وياك عندو ...حالتو جابت ليا لفضول اكثر ....
رضوان : اتسكتي لا نطير لمك الفك سفلي ...انا غانهضر معاها ونتكلف بيه عالاقل باش متعطيوش لفلوس نقص عليكم انا تكاليف ...
جيداء : الله يجعلها في ميزااان حسناتك الله ...هز كاس بغا يشير عليا ...صاف صاف هاني 😷...
دردشنا شوية حتى استاذنت باش نمشي لجمعية عند خالتي اصر يوصلني ...حطني ومشا هو يقضي شغلو ويرتب امورو بيدما سالا يلحق علينا لحمعية باش يهضر مع خالتي ويتكلف هو بالحالة ديال سعد بدون مقابل منها تكون مساعدة لجمعية ....كنت عارفة ان رضوان مغايرفضش ليا طلبي عارفة واخة هو مغامر وهبيل متعطيهش طبيب ولكن هو انسان طيب حنون هو اعز شخص عندي فالعائلة انا وياه اصدقاء بزاف مكنتفارقوش فاش كنت في اگادير من ديما تايعاود ليا اسرارو حتى انه احب بنت لكن ضروف منعاتو باش يصارحها ولا يرتابط بيها هو لحد الان في عمرو 32 عام عيات معاه عمتي يتزوج لكن كان رافض او كيقوليا انا ماجل الفكرة حتى يشبع من البنات وشفتو شي شبيع ماشبع ...على الله يكون رضوان هو فاتحة خير في حالة سعد الايام الجاية غاتورينا اش مخبية
الييوم يوم الاثنين بداية الاسبوع ...بداية يوم لا نعرف ماذا يحمل لنا لا نعرف ماذا يخبأ ماذا ماذاا .....لدي احساس ان شيئا ما سيحدث لا اعرف ان كان خير ام شر فالله هو الذي يعلم بذالك ان كان شر فابعده عني وان كان خير فذالك ما اريد على كل الحمد لله على كل حال...
قاطع تفكيري دخول البروف لاستئناف المحاضرة الثانية عندي فيها تلاتة السوايع ....كانت محاضرة مهمة وخصوصا ان هاد المادة كتبغي تركيز اكثر بالنسبة ليا انا شخصيا ....فور منخرج غالقا رضوان كيتسناني للتوجه لمستشفى ليه فيها السيد سعد اااه كل ما كيمر يوم الا وكنزيد نتشوق ونعرف اشنو مخبي اشنو بيك...ماعرفتش كيفاش نوصف لاول مرة فحياتي كيثير فضولي شخص كيضرني في خاطري شكلو ماعرفتش اش نوصف ليكم بالمعنى ديالنا "بقا فيا" بزاف كل مكنتفكر حالتو كيفاش اول مرة شفتو بلباسو البالي كيفاش داير مقطع وموسخ وكيفاش داخل سوق راسو شاد تيقارو وناس لي تيقولو عليه انه مكيطلبش مكيدخل فحد مامستغلش حالتو في التسول او السرقة سنين وهو فديك البلاصة معمرهم لاحضو فيه حاجة كتير لشبوهات معمرو تعدى على شي حد فقط لا غير لي كيجبدو وكل هذا وميتيرش فضول اي شخص...انا قررت والحمد لله كلقى فجنبي خالتي ورضوان هاد الاخير لي تكلف بحالتو وهضر مع خالتي الشي لي فرحها واصر انو يقدم مساعدتو لا بل انه ايضا انضم لجمعية هادشي كامل تافق هو وخالتي فيه لبارح فاش رجع عندنا لدار وزارنا....ليوم غاتكون بداية ديال اول خطوة لي تافقنا نخطيوها مبغاونيش نتشغل اكثر بهاد الحالة بحكم قرايتي نديها فيها لكن عنادي ( اش كتجيك جنة اختي ؟ ) واصراري خلاهم يستسلمو شي لي خلا رضوان يبدا يشك انه كاينة شي حاجة لكن لحد الساعة ميك وليوم فاش نخرج انمشيو انا وياه لمستشفى باش يهضر مع طبيب ويخجر هاد المرة ماعرفتش اشنو غادي يتصرف معاه ....
كملت المحاضرة الي عطيتها كل اهتمامي وخا بالي مشغول لكن هذا مكيعنيش انني منركزش منساش ان هدفي الاول علاش جيت لهنا هو نكمل قرايتي ونوصل لاشنو بغيت في المجال لي تحديت فيه بابا لي مزال لحد الان ماعارفش انني كنتابع في هاد المجال على الله يكون خير فور مايعرف لكن وعد ماما ليا خلاني نرتاح نسبيا....خرجت لقيت رضوان كيتسناني ....اتاجهنا ديريكت لمستشفى فين كاين سعد ....دخل لعند طبيب هضر معاه وتافق معاه لكن مسالة ان سعد يقبل يمشي مع رضوان ويتكفل بيه كتبقى رهينة باقناع رضوان ليه ...وهذا لي غانشوفو دابا ...انا كنتسناه يخرج من عند سعد لي سمح طبيب لرضوان يدخل عندو وطلب منو يخليه يهضر معاه بينو وبينو ....دابا جايا لشي ساعة الا ربع وهو داخل لعندو بقيت كنتسنا اشنو غايدير وكيفاش غا ....ملي يخرج نعرف كلشي...وانا فخضم تفكيري حتى تحل لباب وتحلو معاه عينيا على مصراعيهما ...ولكن علااش 😳 !!!!
صمم العشق الجزء الثاني
محتوى القصة
التنقل بين الأجزاء