استاذة الرقص: (كتصفق بيديها) يالله البنات ...كولكوم للوسط غندربو على الرقصة الجماعية ،ومن بعد كل وحدة غدرب على رقصتها الي ختارتها لراسها باش تشارك فالمسابقة ..يالله
تجمعو البنات كولهوم للوسط يبداو التداريب الي منهوم نورسين ...الرقصة الاولة الي كيدربو عليها هي رقصة الدخول غتكون مشتركة ومن بعد عاد كل وحدة غترقص رقصة من اختيارها ودوز امام اللجنة باش ينقطو...نورسين خترات تشطح شرقي ...حيت كتقنو وكتلقا فيه راحتها ..ودربات عليها مزيان ...كتسنا غي امتا تجي المسابقة وناوية تديها نشاءالله ...غتكون فيها جائزة مالية ..وهي نيت فامس الحاجة للفلوس مكاين لاش ضيع هاد الفرصة هداك لاش عازمة على الفوز...
سالاو التداريب ورجعات نورسين للميتم من بعد ماحددو تاريخ المسابقة الي غيكون من بعد يوماين ...غيشارك فيها ازيد من 40 بنت من النادي ديالهوم ونوادي اخرى فالمدينة .....
------------فامريكا-------
على مائدة الفطور:
عايدة:( كتسول الخدامة الي واقفة عند راسها كتكبلها القهوة) سيف مزال مافاق؟
ابراهيم: سيف وجد راسك باش نمشيو لنيويورك ..راه غدا (قاطعو سيف)
سيف: عارف عارف الواليد وجدو راسكوم غنمشيو فالطائرة عيااان ماقاد على طريق(شير ليه بيديه ومشا بتتاقل طالع فالدروج كيبان مسخسخ ..بخالا هاز جبل على كتفو)
ابراهيم: (متبعو بعينيه تا طلع) بففففف ...امتا نتهناو من هاد الكابوس ...يا ربي تلطف بينا وتخفف عليه شوية يااا رب
مشا سيف دوش ولبس حوايجو وشرب دواه توگض شويك وطلعو جوج خدامات جمعوليه حوايج الي غيحتاج...هبط لقا مو وباه واجدين كيتسناو ..خرجو مجموعين....ركبو ف طوموبيل بالشيفور وتبعاتو طوموبيل ديال ليگارد كور ومشاو فاتجاه المطار ...وصلو لقاو الطيارة ديالو الخاصة كتسناه ..طلعو شدو بلايصهوم ..وطارت الطيارة فاتجاه نيويورك ،الي بعيدة ب 6 ساعات بالطائرة بحالا مسافر من بلاد لبلاد ماشي مدينة لمدينة......بعد ساعات حطات الطائرة فنيويورك ...نزلو لقاو سيارة كحلة من نوع ميرسيديس كلاس بشيفور كتسناهوم ..ركبو وتاجهو لدار دعمو نيشان ..الي عبارة عن قصر تاهي جات خارج المدينة بكيلوميترات ...حبسات الطوموبيل امام بوابة الي تفتحات اطوماتيكيا من الداخل ....تمشاو نحو الباب الرئيسي تسدات البوابة ودهلو مرورا بغابة كبيرة فيها اشجار من كل تالانواع ..وغي باش توصل لباب القصر خاصك شي 2 كيلوميتر بحالا مسافر....مشات السيارة حتى وقفو قدام الباب ..لقاو فالاستقبال مريم مرات عمو وبنتها فيروز ...نزل سيف فالاول بلباسو الرسمي ونصاراتو الشمسية وساعتو اليدوية الي كضرب على الشعى
...كيتمشى بنخوة وتقة فالنفس فاتجاه الباب وتبعاتو عايدة وباه ابراهيم..اما مي عيشة تاجهات نيشان لباب اخور باش دخل نيشان للكوزينة تفقد الاحوال وتشوفهوم فين وصلو فالتحضيرات وتوقف عليها بيديها....تمشا سيف سلم على مرت عمو وداز يسلم على فيروز الي غير شافتو بمجرد مانزل من الطوموبيل تحلو عينيها من الفرحة وطارت عليه بتعنيقة بلا ماتشعر...كتبكي وتبوحط دايرة السبة بموت باها ...زعما محتاج الي يواسيها....مي هو عايق بيها خاصها غي الفرصة فين تقرب منو ...من شحال هادا كيعتبرها بحال ختو ريما لا غير وعارف اش كيدور فراسها وبلي معجبة بيه وكتر لما لا نقولو راها مهووسة بيه من صغرها......عنقاتو وكرزات عليه وهو غي مسمر ماحاملش الوضعية...وكون مكانش هاد الضرف ومابغاش يزيد يكمل عليها وباها عاد مات كون صدها بحال كل مرة كتبغي تقرب منو...
سيف غي واقف مكيدير حتى شي ردة فعل ..وكيتسناها تبعد عليه والا غيدير شي جيست مغيعجبهاش..عيا صابر وهي مزال لاسقة فيه بخال العلقة، نابغاتش تفهم راسها وهو من دون تردد شدها من كتفها وبعدها عليه ودخل بلا ماشاف فحتى واحد وخلاها واقفة مسمرة فبلاصتها ...حرگها ككل مرة ...عايدة شافتها هكاك بقا فيها الحال فبلاصتها ومشات شداتها عنقاتها وكتواسيها
عايدة: (كدوز ليها على راسها ) صاف...احبيبة صافي متبكيش..كولشي غيكون كيف بغيتي .غي تهناي (بكل تقة وكتشوف فمريم ) كنوااعدك احبيبة...يالله ندخلو(جراتها ودخلو كولهوم القصر ...هاد الفيلم داز امام مرآى السي ابراهيم ..الي بقا غي كيشوف وكيحاول يفهم اش كيديرو ولاش كيخططو ..حرك راسو يمين وشمال...وتنهد قال لا حول ولا قوة الا بالله ودخل تبعهوم
داز نهار عادي فالتحضيرات ،مريم وعايدة واقفين بيديهوم وحارسين متكون ناقصة حتى خاجة حيت واخا صدقة ديال الربعين ولكن غيحضرو ليها كبار الشخصيات بحكم انا السي اسماعيل كان كان شخصية معروفة ومرموقة ..ومن رجال الاعمال الكبار فامريكا ....هوما كولشي عندهوم بالبروطوكول حتى من الجنازات....تعاشات العشية وتجمعو على مائدة الطعام باستتناء سيف الي ماهبطش يتعشى ومنين دخل لبيتو فاش جا ماعاودش خرج ..
مريم: ( كتاكول وتشوف فعايدة) سيف مغيهبطش ياكول
مريم: (يالله جات دوي وهو يبانليها هابط مع الدروج لابس تيشوت گري وسوال كحل وكويرة كحلة وصبادريل كحلة وهاز كونطاكط وتيليفون فيديه وادي فاتجاه الباب) سيف ....ماغاتعشاش
يالله بغات تزيد دوي وهو يغمز ليها السي ابراهيم زعما سكتي...سقلات وشافت فمريم وفيروز الي كانو متبعينو بعينيهوم وكالعادة مكيفهموش هاد التصرفات الي كيدير ....اش غيفهمو فيه وهو كيدير غي الي فراسو بلا مايتسوق لحتا واحد
شافت عايدة فمريم وكيهضرو غي بالاشارات عرفوها تقلقات من تصرفات سيف
كملو العشا وناض السي ابراهيم طلع يرتاح من عناء السفر والطريق ومريم مشات تشوف اخر التحضيرات مع مي عيشة فالكوزينة...انا عايدة طلعات لبيت فيروز ...دقات ودخلات لقاتها گالسة على ناموسيتها كتشوف فالبوم ديال التصاور ....دخلات گلسات بجنبها وكدوز على ضهرها
فيروز: (شافت فيها ورجعات كدوز فالتصاور) هههه شوفي هادي( كتوريها واحد فوطو فيها هي وسيف مصورينهوم كيلعبو مع واحد العجل فالفيرمة الي عندهوم فالمغرب ....خرجات ابتسامة من قلبها وكأنها كتسترجع دكريات) شوفي هادي انا وسيف (كدوي وفرحانة والدموع محجرين فعينيها) كنا مشينا الفيرمة ديال جدي وشبعنا لعب داك النهار ..كنعقل كان باغي ينطحني هاد العجل وسيف مكانش كيخليني نقرب عليه ....هههه كان كيخاف عليا..(فجأة نشات ديك الابتسامة من على وجهها وتحولات لحزن) سيف ماكانش هكا اخالتي مان حنين .وهادئ، عكس دبا ولا عصبي بحال شي بركان تخاف تقرب عليه
عايدة: (كتشوف فيها وتبتاسم ودوز على ضهرها بحنان) كتبغيه تالهاد الدرجة؟ كنشوفها فعينيك ابنتي....
فيروز: (ضحكات بسخرية) هه ...غي كنبغيه وسكتي؟ سكن قلبي منين كنت قاااد هكا (جمعات صباعها كتوريها) ههه حب الطفولة وباقي لدابا كنموت عليه
سيف: (طلع فيها وهبط وماعارهاش تا اهتمام بحالا مكايناش دار رجع كيشوف فالنافذة) شكرا على اهتمامك ...انا تعشيت برا ممكن تنصارفي ...تصبحي على خير
فيروز: (تحجرو الدموع فعينيها وماحملاتش المعاملة ديالو وهضرتو معاها...ماشافش تافيها ولا فشنو لابسة بحال شي تمتال محركات فيه والو...بقا البلاطو كيترعد فيديها جمعات راسها ودموعها ) تصبح على خير(دارت حلات الباب وحطات ديك البلاطو فالدروج ومشات كتجري لبيتها ودموعها شلال ....تزدحات فوق ناموسيتها كتبكي وتلعن زهرها وتنخصص ...حتى حمارو عينيها بالبكى ونشفو دموعها وناضت كتشوف فالمراية وكدوي مع راسها وكتمسح دموعها) كنواعدك....كنواعدك ا سيف مغتكون لحتى وحدة من غيري ...من اليوم مكاين دموع ..من اليوم كاين غي انا وانت والخطط ديالي ..وهانا غنشوف واش غتستسلم ليا ولا لا (ابتاسمات لمراية بكل ثقة فالنفس وناةضت دخلات لدوش دوشات وخرجات نعسات كتفكر اش غدير حتى داها النعاس....
صباح جديد..ونهار جديد كيعلن بدايتو ....شرقات الشمش وتسللات خيوطها الدهبية لوجه سيف الي كان ناعس على ضهرو صدرو عريان ولابس غي شورط ...حل عينيه بتتاقل ...وخس براسو تقيل وكحرقو...عادة هما كيطراليه فاش كيتقل فالشراب ،حل عينيه بالزز وناض دخل للدوش دوش باش يصحصح شوية وخرج لبس حوايجو وهبط لتحت ...لقا الدنا قايمة والقصر مبدل .. الخدامة غاديين جايين والعمال فكل قنت والديكور مبدل والطبالي فالجردة كولشي مقاد وبلاصة فين غيكونو المسمعين وبلاصت الرجال بوحدها والعيالات بوحدها ...گاع الصالونات مقادين وكولشي على حقو وطريقو .خنزر وزاد خرج للجردة مكيعجبوش الزحام والدنيا مخلطة وبنادم بزاف كيعجبو الهدوء والسكينة ...والدبانة مكتزنزنش...خرج للجردة لواحد البلاصة منعزلة حطوليه الفطور وگلس كيراقب ابتحضيرات من بعيد بلا مايصدعو شي حد...حتى وقف عليه باه
ابراهيم: (ضربلو على ضهرو وگلس) امتا غتمشي لكندا
سيف: مباشرة من بعد ماتسالي هاد الليلة
ابراهيم: اممم ...الله بوصل على خير ومتغبرش مرة مرة التيليفون ..راك عارف ماماك كتبقا مشوشة عليك ونتا كتغبر بالشهورة...وماتنساش موضوعنا
سيف: (كيشرب العصير وكيشوف بغيد) كون هاني الواليد ...نرجع نشاءالله ويكون خير...راهيقد نمشي نيشان المغرب بلا مانجي لهنا...مهم انا باش مكان غنعلمك ،هاحنا على اتصال
ابراهيم: انشاءالله اولدي يكون خير (هز جريدة وتكا راسو على الكرسي دار نضاضرو وبدا يقرا...وسيف كمل فطورو في صمت)
داز النهار عادي تا وصل اليل وبداو الناس كيدخلو غي كبار الشخصيات والقصر قايم قاعد والخدامة فكل مكان كيوقفو على طلبات الضيوف ...مريم وعايدة وفيروز وريما الي جات تاهي باش تحضر للربعين دعمها .. لابسين عبايات بيضاء ومغطيين زيوفا على ريوسهوم وگالسين فالصالون مع مجموعة من النساء الي جاو يحضرو صدقة ...وصوت القرآن مطلوق فارجاء القصر وريحة البخور ووعود القماري كتشمها فين مامشيتي ...الجو عند النساء كيخيم عليه الحزن وتجبدات عليهوم المواجيع بحال اول نهار مات فيه...اما برا كاينين الرجال الي كان فاستقبالهم سيف والسي ابراهيم لابسين جلالب وبلاغي بلونكاسي وكيرحبو بالناس الي جاو مع صوت المديح والدعاء وتلاوة القرآن من الفرقة الي جابوها خصيصا لهاد الغرض.....دازت الليلة عادية تعشاو الناس وسلاو ..كولشي مشا بحالو وخوا القصر من الناسبقاو غي العائلة والمقربين...مريم عيات ومشات تنعس حيت رجعات ليها حالة الحزن وتفكرات ذكرياتها مع راجلها وسنين العشرة الي دوزات معاه ...طلعات لبيتها ودخلات بخطوات تقيلة والدموع فعينيها حتى وقفات امام صورة كبيرة لسي اسماعيل معلقة فالحيط دبيت النعاس شادة فيه النص
مريم: (كدوي وشادة فقلبها ودموعها على خدها) كنتمنا تكون مزيان فين نتا دبا ...فهاد النهار كندعي الله ينزل عليك الرحمة ويغفرليك...وبغيت نگولك انا مزال كنبغيك ومعمري نساك ولا نسا عشرتنا...كنتي شريك حياتي ...اهئ اهئ اهئ...ومزال كنكنليك نفس المودة والاحترام ....واخا ديكشي الي درتي ..مشيتي خنتيني..ومعامن مع خدامة ههه انا كنت عارفاك كانت عندك علاقة بيها من قبل تا ما نتزوج بيك وليني ماتوقعتش تبقا معاها من بعد ماتزوجنا(ضحكات بصخرية) ههه كان الما كيتمشا تحتي وانا ماجايبة خبار...تناسيت ديك القصة ولكن فاش سقت الخبار بلي عندك بنت معاها غي قبل ماتموت بشوية ..ماتصورتش باش حسيت..الخناجر طعنوني فقلبي(مسحات دموعها على خدها) ورغم هادشي انا مسامحاك ومن قلبي وكندعي الله نتلاقاو فالحياة الاخرة ونكملو بجوج..الله يغفرليك..الله يرحمك.الله يرحمك (مشات من قبالت التصويرة حيدات الزيف على راسها وتمات على النموسية بعبايتها كتسترجع ذكرياتها معاه حتى نعسات...اما سيف غي خوات القضية طلع بدل حوايجو ونزل بسرعة سلم عليهوم وخرج ركب فسيارتو وتبعوه ليگارد كور ..غيمشي لكندا عندو شي خدمة كتستلزم حضورو هو بنفسو باش يقوم عليها والمدة غتستغرق 6 اشهر تقريبا....مشا وخلا موراه جو كئيب فالقصر دعمو ..مو كتبكي على فراقو عاود غيمشي مغتشوفو تا تشحف...وباه وفيروز بوحوه خزينة على موت السي اسماعيل ...اما ريما تا هي دخلات فجو الگآبة وكتواسي مها وبنت عمها .....
-------في المغرب------عند نورسين
فقاعة كبيرة بحال شي مسرح كيتوافد جمهور وفير باش يتفرج للعرض ...كتسمع صوت هتافات وتشحيعات بحال ايلا كاين شي ماتش دالملاكمة...الصداع والهرج بزاف فوسط القاعة كاينة منصة للرقص وقبالتها طاولة عليها 4 كراسي للجنة التحكيم
فمكان تغيير الملابس-----
نورسين: (كطل من واحد الشقة تشوف الاوضاع كيدايرة ودايرة ضفرانعا فمها كتغزز فيهوم من شدك التوتر) ناااااري ميمتي ..ويلي لا...اش هاد الناس كولهوم انا غا بوحدي وكنبقى نقفقف زعما غنقد نرقص قدام هاد ميسة دبنادم ....اووووه يا ربييي
تنسيم:( مشات جراتها من يديها) اااجي من الصباح ونتي واقفة تما كتبرگگي ...نعلدينمك شوفي البنات كولشي سالا اللبس ونتي بقاي حاضية الي دخل والي خرج...هاكي (عطاتها حوايج الرقص) شدي لبسي .واش ديما خاصني معاك الطباشير .ايلا ماحزتكش تلبسي هنا تبقاي دوري
نورسين: (عنقاتها بقوة بحالا غتهرب) هاااااح نتينا الحب ديالي ...نتينا العمر راه بلا بيك نضييييع هههه
تنسيم: ههههه..حمقة...انا كون ماكنتش متأكدة منك غتربخي گاع منگولك هاكا ...اصلا تا وحدة فدوك العوجات ماتستاهل تديها هههه
نورسين: (دارت شافت فيها) هيييي سكتي لا تسمعك شي وحدة ونعودو قللبينها مصارعة فعوط مسابقة رقص ههههه
بقاو كيضحكو ونورسين كتبدل . ماعي الا دقائق وبدات المسابقة من بعد تقديم المشاركين ولجنة التحكيم واسماء النوادي الي مشاركين وشروط المسابقة وحتى الجائزة الي غيربحو فالتالي ...بدات المسابقة بالرقصة الجماعية الي دريو عليها من بعد بقات كدوز وحدة بوحدة امام لجنك التحكيم الي كتنقط على كيفية الاداء وحتى الهندام ...وصل دور نورسين الي كانت كتولد فالكواليس وتمشي وتجي تالفة كعادتها ...من بعد ماناداو بسميتها ..تخلعات وبقات تقفقف ماقداتش دخل مون مادفعاتهاش تنسيم للوسط المسرح تما تبقا مضهشرة ...دخلات غي ضرب فيها الضو وسفقو الجمهور ونصارف المقدم وبدات موسيقى شرقية ...نسات نورسين الناس الي قدامها ولجنة التحكيم وبدات تهز مع الايقاع...ودايرة هدف فراسها انها تفوزفالمسابقة لانها فامس الحاجة للجائزة المالية ...رقصات بشغف وبتقة فالنفس ومشا الخوف والتوتر حتى سالات خلات لجنة التحكيم حالة فمها والجمهور كيسفق بحرارة .لقات التحية وخرجات واللجنة دوزات النقط.....سالاو المشاركات وحا وقت اعلان النتائج ...دخلو كولهوم وقفو امام اللجنة فوسط ابمنصة فجو كيحوم عليه التوتر والخوف ...كولشي باغي يربح ..ولكن ديما البقاء للاقوى....استغرق المقدم بضع دقائق كيختابر صبر المتسابقات وكيزيد من توترهم
باش يعلن فالتالي على اسم الرابحة....سميت نورسين تسمعات فالميكرو وسط تشجيعات الجمهور وتسمر نورسين فبلاصتها مادارت تا ردة فعل ...بقات مبلكة عينيها مانتيقاش ان سميتها الي علن عليها المقدم كفائزة ...استغرق الامر منها بزاف باش تستوعب انها ربحات تا شدات الجائزة فيديها الي كانت شيك بقيمة 10000.00 درهم ...تغرغرو عينيها من الفرحة توگضات وشكرات لجنة التحكيم والحاضرين ومشات للڤيستيير لقات تنسيم كتسناها طارت عليها بتعنيقة وكتبوس فيها وطايرة من الفرحة وبقاو كيغنيو ويشطحو بعفوية حتى تكالماولبسو حوايجهم وخرحو رجعو للميتم واخا مان مشا الحال ولمن نورسين كانت واخدة الاذن من الادارة وعارفينها كان عندها مسابقة،دخلو نيشان للبيت بدلو حوايجهوم وتلاحو نعسو معانقين ......
دازت الايام عادية وروتينية..بين القراية والبريباراسيون والامتحانات والتوجاد للوطني لنورسين والجهوي لتنسيم...مرو الايام ودازو الامتحانات ودازت عليهوم بالمراجعة والخدمة .. ولكن تعبهوم مامشاش هباء منتورا...نورسين نجحات وجابت الباك ب حسن جدا وحتى تنسيم جابت معدل زوين الي يمكنها دوز الوطني العام الجاي بارتياح...فنهاية السنة الدراسية دارولهوم حفلة فالميتم كتشجيع ليهوم وتحفيزهم على الخدمة والجد والمثابرة..شدو العطلة وجا الصيف....
فاحد امسيات فصل الصيف ...گالسة نورسين فالجردة هاربة من حر الصهد الي لداخل ..گالسة فالعشب فالارض وكتشوف فضوء القمر وهواء خفيف كيلعب بشعرها وهازة قلم ومذكرتها كالعادة يمكن حاها الالهام وبغات تكتب شي خاطرة من خواطرها يالله غتحط الستيلو على الورقة حتى كتسمع شي حد جاي تلفتات لقات المديرة جاية عندها بخطوات بطيئة..حتى گلسات حداها
المديرة: (دارتلها شال على ضهرها) ديري هادا راه محرك البرد
نورسين: (شافت فيها وعجبها الحال من اهتمامها بيها وعمرها مابخلات عليها بحتى حاجة وحاسباها بحال بنتها) شكرا اماما نجاة😍
المديرة: (تغرغرو عينيها بالدموع وشداتليها فوجهها دوراتها باش تشوف فيها تا جات عينيها فعينيها) نورسين نتي وحدة من بناتي وانا مغنتخلاش عليك...راه شفتلك دار فين غتسكني غنتكلف انا بكراتها حتى تقدي براسك ولا يدي مول الامانة امانتو...غتسكني مع بنات ختاريتهوم ضرييفين وديال العشرة الي مغنخافش عليك معاهوم وانا عارفاك بعقلك ابنتي وتقتي فيك كبيرة...غنعطيك شي بركة من عندي زيادة على ديكشي الي غيعطيوك ادارة الميتم قدي بيه على ماتلقاي خدمة الي تعيشك ...ونوصيك على قرايتك متخلايش عليها ...وتاباقي ماضربيلو حسبة
بقاو معانقين مدة والمديرة كتمسحليها على شعرها مدة عاد دخلو
دازت سيمانة طايرة ونورسين غي كتوجد باش غتخرج من دارها الي أواتها سنين من عمرها وجا النهار المشؤوم بالتسبة ليها الي غتخلا على حضن دافئ وعائلتها وناس وقفوبحنبها ومحيط جمعها من البرد من بعد ماتخخلاو عليها واليديها البيولوجيين..وهاهي الحياة كتعاود تلعب معاها نفس اللعبة ديال هادي 14 عام ..نفس الاحساسراودها من جديد تماما بحال داك اليلة الي كضل تخيلها صوت بكاءها وصراخها وامراة كتبكي وهي كتبعد شوية بشوية ...احساس اليتم رجع ليها من جديد...قتاحم ف‘قلبها وكيقطع شوية بشوية
كانت كتجمع حوايجها والدموع فعينيها ماباغاش تبكي وماباغا تا حد يشوفها كتبكي ...وتنسيم الي گالسة مقابلة معاها وكتنخصص وتشهق بصوت عالي دايرة گنازة غي بوحدها
نورسين: (عيات صابرة وخلات ديك الساك الي كتجمع ومشات عندها گلسات حداها وكتمسح ليها دموعها بيديها) ياك واعدتيني مغتبكيش؟ هادي هي غتبقاي قوية ؟ واش هادشي الي تافقنا عليه
تنسيم: (كتشهق) اهئ اهئ اهى....انا...اهئ اهئ انا مانقدش نصبر على فراقك (شدات فيديها كترجاها) عافااااك اختي ديني معاااك...الله يخليك ....اهئ اهئ نتي هي عائلتي شنو غنبقا ندير هنا بلا بيك
نورسين: (كتسكت فيها) صافي احبيبة ...عافاك متزيديش عليا الله يخليك ...خليني فاش راني عافااك....انا وعدتك ووعد الحر دين عليه غير تخرجي من هنا غتلقايني كنتسناك ويلاصتك حدا يلاصتي ونعاودو نشركو بيت واحد .واكيد من هنا لتما مغاديش نساك وديما غنبقا نجي عندك نزورك وعام اصاحبتي دغيا كيطير...واصااافي ضحكي بليييز ماتخلينيش نمشي مشوشة عليك
تنسيم: (مسحات دموعها وشافت فيها بحزن) ممكن نعنقك؟
نورسين: (حلات دراعها) اكيد الحمقة احي
تلاحت عليها عنقاتها وبكاو بجوج تا تفشو وناضت عاوناتها فجميع حوايجها ...سالات وهزات باليزتها وعاوناتها تنسيم فالباليزة التانية وخرجات من بعد ما دارت تشوف فالغرفة ..وبقات تشوف ركن بركن وقنت بقنت بحالا كتودعها لاخر مرة ...غمضات عينيها وحلاتهوم كتحاول تمسح الذكريات ديالها فهاد الغرفة تنهدات وسدات الباب وجرات باليزتها وخرجات...توادعات مع اادراري الي تما بالبكا والدموع كانت عندهوم گنازة ديك النهار كولشي كيبكي من الدراري للادارة للعساس للفام دميناج...نورسين بعفويتها وبرائتها كانت عزيزة على كولشي من الطبيعي يديرو عليها هاد الحالة فاش بغات تمشي ...توادعات معاهوم وسلمات عليهوم فرد فرد وباست تنسيم وواعداتها تحوفي بديكشي الي قالتلها وهزات باليزاتها وجراتهوم وخرجات غادة مع الطريق وخلات كولشي كيبكي موراها وخارجة وكتشوف فكل زاوية من الميتم وشريط دكرياتها تماك كيرجع شوية بشوية...هنا كانت كضحك... هنا كانت كتلعب....وتحت هاد الشجرة كان كيعحبها تگلس تقابل مع الگمرة وتكتب خواطرها....وفوق هاد الكرسي كانو كيگلسو يغتيو ويشطحو ويضحكو ....وهاد القنت كيشهد على مدابزاتها مع الدراري والعصازاليكانت كتعطيهوم ...وهادشي شوية من بزاف . غادية وكذكر ختى وصلات لسيارة المديرة الي فضلات تكلف توصلعا بنفسها وترصيها فحياتها الجديدة....دارت الشوانط فالكوفر سداتو ودارت شافت اخر شوفة فالميتم ..مسحات دموعها وركبات فالطووبيل وزادت...الطريق كولها وهي كتخمم فالمستقبل والي جاي حتى توقفات
الطوموبيل امام حي من الاحياء الشعبية فمدينة فاس نزلو هي والمديرة جبدو الشوانط جروهوم ودخلو فواخد الدرب ضيق حتى وصلو امام دار فيها جوج طبقات دخلو لاول ايطاج ونورسين غي كتشوف بعينيها ودور فيهوم في صمت...حلات لباب ودخلو للدار .كانت مكونة من تلاتة البيوت وكوزينة وطواليط ..وكانو جوج بنات كل وحدة شادة غرفة والغرفة التالتة هي الي غتشد نورسين وغيشاركو الكوزينة رالطواليط ....سمعوهوم دخلو وجاو يتعرفو على البنت الجديدة استقبلوها بحفاوة ورخبو بيها وتعرفات عليهوم وعلى سمياتهم...نورة و نرجس هادو كانو سمياتهم ..بنات من ملامحهم باينة عليهم الطيبوبة واخلاق عالية جايين لمدينة فاس غي باش يكملو قرايتهم فالجامعة يعني وضعيتهم ماشي بحال نورسين مقطوعة من شجرة ...بقاو گالسين شوية وناضت المديرة ودعات نورسين واستأذنات ..وناضت توصلها لباب
نورسين: شمرا بزاف اماما نجاة...لهلا يخطيك عليا
المديرة: (كطبطب على ضهرها ) هادشي اقل مايمكنلي ندير ابنتي ...كنتمنا ليك مسيرة موفقة ومتنسايش ديكشي الي گتلك
نورسين: (كطمنها) كوني هانية ..انا من غدا غنبدا نقلب على خدمة ويكون خير نشاءالله
المديرة: (كتودعها) الله يديرلك خير ابنتي ويبعد عليك ولاد الحرام ..هاحنا على اتصال باش مكان علميني…
سلمات عليها وتمناتلها التوفيق ووصات عليها البنات وخرجات..رحعات نورسين عند البنات كملات الهضرة معاهوم فاطار التعارف ..وحتى هما ماقصروش فحقها وضايفوها وحسنو الضيافة
داز النهار عند نورسين مختالف ،حيت مزال ماتعودات على حياتها الجديدة وهاد التغيير المفاجئ لي طرا بين ليلة وضحاها...دخلات لبيتها دارت دورك شرفية وگلسات على حافة السرير من بعد مادخلات شناطيها وسدات الباب وحيدات صندالتها وحطات راسها ومشاااات نعساات ترتاح شوية من بعد يوم عصيب الي ضرات فيه نفسيتها بزاف....غطسات فنوم عميق حتى سمعات الدقان فباب بيتها كانت نرجس جات تنوضها تعشى حيت ماكلات والو من ديك كاس داتاي والحلوة ديال الصباح ...ماقداتش نورسين تنوض ...ماساعفوهاش الاعضاء ديالها كولشي فاشل عليها ماقداش تزعزع من بلاصتها من بعد عدة محاولات نرجس باش تفيقها ماقضات والو فيها السيدة كتجرب الموت ماشي ناعسة....
☀☀ صباح جديد☀☀
صباح جديد لعله يهدينا أمل..و يمحي خيبات الأمس.. صباح جديد يرسم على ثغرنا إبتسامة تفاؤل تملئ أعماقنا فرح...
فاقت نورسين بكري كالعادة كتفيق خاصرة فالصباح...دخلات الحمام غسلات وجهها وقضات حاجتها وخرجات لبسات حوايحها طلات على الدار لقات السقيل يمكن البنات مزال مافاقوش ولا خرجو الصباح بكري ....هزات صاكهاوسدات باب الدار وخرجات بلا فطور من عادتها مكتفطرش كتصبح الشهية عندها مسدودة ....مشات ديريكت للمكتبة تيرات واخد 20 نسخة من السيڤي ديالها ناوية تفرقهوم فين ماجاب الله باش تلقا خدمة الي تقد تعيشها هاد المدة ....خرجات من المكتبة من بعد ماطبعات وتوجهات لسونطر ڤيل تما كاينين گاع المكاتب وليزاجونس الي نمكن يدخلوها تخدم واخا معندهاش ديبلوم فاش ماجاب الله معندهاش مشكيل ...بقات كتحط دوك ليسيڤي فين ماجات عينيها فشي بيرو وطلعات للحي الصناعي حطات فگاع الشركات لي تما على امل يعيطلها شي حد ...عيات بالتقلاب والدوران تا طابو رجليها وجاتها الدوخة ديال الجوع وفرعاتها الشمش...قررات دخل تاكول فواحد المحلبة وتستارح شوية.
..دخلات كلات علاش قدات وخرجات كملات التقلاب تا تعاشات العشية ومابقالها فين تزيد عيات ورجعات للدار لقات البنات گالسين كيتهاودو سلمات عليهوم وگلسات معاهوم..وبقاو كيسولوها على شنو عوالة دير ..وعاوداتلهم كولشي منين جات وشكون هي وختى شنو دارت اليوم ...بقات فيهوم واترات فيهوم قصتها واخا مابينوليها والو...عرضو عليها يد المساعدة وانها تقد تعول عليهوم فاش مابغات ...شكراتهوم وقلبوها ضحك مع بعضاتهم ختى نساو راسهوم شافو الساعة لقاو 10 دالليل وكرشهوم كتصفر بالجووع ناضو نيشان للكوزينة تعاونو فتوجاد العشا فجو من الضحك ....نسات نورسين فيه شوية من احزانها ومشاكلها واخا غي جوج سوايع ماتفكرش فالقادم راها الخير والبركة...وجدو الماكلة وحطو الطابلة كلاو وسالاو وناضو جمعو الروينة ودخلات كل وحدة لبيتها ...نورسين باقي بالها مشوش ومحدها مزال مارصاتش راسها مغادبش ترتاح.يالله غسلات سنانها وبغات طفي الضو وتنعس حتى تدق عليها الباب ودخلات نرجس
فاقت نورسين على الصوت التيليفون كيصوني عند راسها كانت 9 دالصباح..حلات عين وعين لا تفتفات عليه وقرباتو لوجهها لقات نمرة غريبة وجاوبات
نورسين:الو...سلام عليكم
المتكلم: واش مادموزيل نورسين هادي؟
نورسين: وي هي هادي..شكون معايا؟
المتكلم: معاك نوردين من شركة******دفعتي السيڤي ديالك البارح لعرض عمل...بغيت نقولك خاصك تجي لواحد المقابلة اليوم بالعشية راه محتاجين ريسيبسيونيست
نورسين: (سمعات عمل ومقابلة ناضت توگضات وگلسات) اه...اه اسيدي واخا اليوم بالعشية نكون فالموعد
المتكلم: انشاءالله بونجوغني مادموزيل
نورسين: ميغسي .اڤو اوسي...وتقطع الخط
ناضت كطير غسلات وجهها وخرجات لقات البنات مكاينينش سافرو الصباح بكري دخلات الكوزينة شربات كاس حليب ولبسات حوايجها وخرجات تكمل التقلاب بيد مايجي وقت المقابلة...يالله غادة فالطريق وجاها اتثال اخر من مكتب اخر كان تا هو على ود مقابلة فرحات ...حيت حسات ان القضية ساهلة وبدات كضحك ليها الحياة من بعد ماكانت قالبة عليها الشعر للور
كان موعد هاد المقابلة قبل ديال العشبة هداك لاش اضرات تمشي ليها عي الاولى ..شدات طاكسي وتاجهات للعنوان...دخلات نعتوليها البيرو المقصود..دقات ودخلات لقات بنت فمكتب گالسة دايرة الزيف استأذنات منها وگلسات
نورسين: (بتوتر كتشوف فيها وكتلعب بيديها) لاء امدام
السيدة: هممم معرفتش شكون درج السيڤي ديالك مابين الضواسة انا طالبة وحدة يكون عندعا على الاقل شي ديبلوم باش تخدم اما الباك ماخدامش ابنتي هاكي(مدات ليها السيڤي ) منقدرش نقبلك هنا ..سيري تا تكملي قرايتك واحي مرحبا...مع السلامة
نورسين: (شدات من عندها الورقة بخيبة امل وجاتها غصة فقلبها وناضت بلا ماتبين) شكرا امدام
خرجات وسدات الباب وراها ومسحات دمعة خرجات هاربة من بين عينيها فغفلة منها وزادت خرجات مع الباب ...بقات غادا غي ساهية فالطريق حتى حسات بالجوووع ودخلات لواحد المطعم خدات سندويش كلاتو ماعرفت حتى طعمو كيداير الشدق كدوز فيه عام باش تساليه كديه يمين وشمال حمقاتو ففمها مسكين...ماعرفاتش شحال داز دالوقت وهي كتاكول ومرفوعة للسما السابعة عقلها مغيب غي كتفكر وهضرة ديك المرا كتلعب فودنيها....خاصك على الاقل ديبلوم باش تخدمي..على الاقل ديبلوم باش تخدمي......
شافت فالساعة قبالتها لقات موعد المقابلة التانية قرب...بقات كدوي بينها وبين راسها...تمشي؟ مانمشيش؟ لاش غنمشي غيقولي نفس الهضرة ديال ديك المرا خاصني ضروري شي ديبلوم الباك ماكافيش...ولكن ايلا مامشيتش وضيعت عليا هاد الفرصة؟ ياااااربي راسي غينفجر ...بقات كدي وتجيب بينها وبين راسها حتى قررات تمشي والي ليها ليها...توكلات على الله وشدات الطريق فطاكسي للعنوان ...يالله دخلات لقات بنادم بزاف واقف عند الباب كيتسن شي حاجة عكس الشركة ديال الصباح كانت غي بوحدها...بقات كدوي مع راسها
نورسين: ناري متقولش ليا هاد هاجوج وماجوح كامل حاي يدوز المقابلة...هههه يا الاهي راه واخا نحلمها بالكولور مغيقبلونيش (ضحكات بسخرية) هههه لالة زينها وزادعا نور الحمام
بقات كدي وتجيب فالعضرة تا فيقعا صوت واخد البنت تكون عندها شي 23 عام انيقة ولابسة مزيان وكدوي اغلبية بالفرونسي
البنت: مادموزيل فاش يمكنلي نعاونك..معاك سمر موضفة الاستقبال هنا
نورسين: (استدركات الموقف من بعد ماكانت مبلقة عينيها كطلع وتهبط فيها) اه متشرفين امدموزيل انا حيت على ود المقابلة
البنت: اه وي مرحبا...احي معايا....جراتها لغيسيبسيون عطاتها واخد الفورميلار تعمرها وعطاتها نمرة تسنا نوبتها...دارت ديكشي الي قالتلها وشكراتها وهزات ديك الورقة والنمرة ديالعا ومشات تسنا مع خوتها ...حتى طابت بالگلاس عاد وصلات نوبتها من بعد مابدات القضية تخوا شوية...هزات ساكها من بعد ماناداو سميتها دقات ‘دخلات لقات واحد راجل شارف گالس فوق البيرو راسو شايب مي مزال مهلي فراسو ...يالله علا راسو تخلو عينيه وبقا كيدير شي شوفات ماهوماش
المدير: (تكا على الكرسي وهاز ستيلو فيديه كيلعب بيه) ليلة حمراء نكونو فيها غي انا وياك الراس فالراس،بنت زوينة بحالك وعامرة انوثة علاش ماتستغلش هادشي لصالحها؟ اش قلتي الغزالة؟
نورسين: (عينيها حمارو من شدة الغضب ..ماحملاتش هضرتو وزاد طعن فشرفها ورخصها...تعقلو اش دارت للبنت قدام باب الليسي...عقلتو ياك؟ تماما هادشي الي دارت لهاد الشارف فوسط مكتب ديالو...ناضت فوق الكرسي وطلعات فوق المكتب هزات كاس دالقهوة كان محطوط على الطبلة عطاتو بيه للوجه وكتغوت وتسب وتشتتليه ديك الشي الي على البيرو كولو والي جا حداها كضربو بيه)يالزامل...يالشارف الهارف...الينعلدينمك...وجهك شوف كيداير تشوفك الغنم ماترعاش هاك(شيرات عليه بشي ملفات وهو ماعرف باش تبلا غي كيطاكي على راسو من هاد الوحش الي خرج قدامو) طامع فيا انا؟ بزاااف عليك هاااك شد باش تعقل عليها تفووووو عليك وعلى الي ولدك ...كنحيرو غي مع الشراف ...سير قرانك راهوم فالحج ونتا گالس تسلگط هنا(شداتو شنقات عليه) ولكن الي فيه ڤيس التقحبين عمرو يخيد منو(سمعو الموضفين الصداع ودخلو لقاوها فوق المكتب وشانقة عليه شندلاتو بالمعقول وخبشاتو فوجهو مشاو نيشان كيفرقو ويحاولو يحيدوها منو وهي كتسب وتغوت خمات السوق تما تا جاو السيكيريتي خرحوها بزز وكون بقات تما كون قتلاتو ..ولكن ماتهنات تا دارتلو شوهة عالمية وسط الشركة وكولشي ساق خبارو من الناس الي خدامين تما دبا غيولي يحشم تايدوز بينهوم
خرجات نورسين على باب الشركة كتقاد فحوايجها وشعرها الي تشعكك وكتسب وتنفض حوايجها ...كان نيت خاصها فين تبرد الفقصة ديالها وجابلها ربي ديك الشارف فطريقها فدات فيه القديم والجديد...بقات غادة فالطريق كدوي بوحدها بحال الحمقة والي داز كيبقا يشوف فيها
نورسين: هه والله يلا گالك نعسي معايا ...تنعس معاك جنية نشاءالله بغيتلك السيدا يا الزامل..بقات غادا كتسب حتى وصلات لواحد الجردة عاد گلسات من بعد مابردات عاد طلعات معاها بلي ضاعتلعا تاني فرصة انها تخدم ورجع وجهها كئيب وقلباتها بكا....هكاك هي ديما قد ماهي قوية قد ماهي ضعيفة ...واخا تخرج المخالب ديالها بحال اللبوءة ولكن سرعان مكتولي شبل صغير وهادئ لا يخرك ساكنا...بقات شحال كتبكي تا تفشات وناضت مسحات دموعها ودخلات للدار دارت ماتاكول ونعسات بكري من بعد نهار متعب.....
بعد منتصف اليل ناعسة نورسين وكتقلب وعرقانة كدوي بوحدها...عرقانة وباغا تفيق وماقاداش وكتقول كلمات مامفهومينش باينة كتشوف شي كابوس...حتى فاقت مع غوتة تسمع الصدى ديالها فالبيت وفاقت مرعوبة وكتنهج وكتنفس بصعوبة
نورسين: (شعلات الضو) اعوذ بالله من الشيطان الرجيم....اعوذ بالله من الشيطان الرجيم(وكتلهت) يالطيف...يالطيف ..اللهم اجعلو خير (شربات الما وتهدنات شوية وطفات الضو ورجعات تكات جمعات رجليها عندها وجرات الغطا عليها وباقا خايفة كترجف وتفكر الحلامة..كانت كتجري وتابعينها مجموعة من الكلاب فغابة كبيرة وبالحفا ولابسة غي كسوة يالله ساترة الربع فجسمها غاديين تابعينها وهي هاربة حتى تعكلات وطاخت ونقضو عليها دوك الكلاب كينهجو فلحمها وهي كتشوف .حتى فاقت هماك مخلوعة كتنهج..بقات هكاك كترعد تا بدات تشرق الشمس ويطلع الصباح عاد نعسات.....
دازو اليام عند نورسين غي فالتقلاب على خدمة والو مالقات تاحاجة كضل تقلب النهار وماطال تا كترجع للدار مسهوتة غي كتاكول وتنعس..من بعد قررات تقلب فالمحلبات والمخبزات اما حتى ديك الباك مانفعها بوالو وگاع الشركات كيطلبو ليها ليديبلوم ولا التجربة ولا طيح فشي مدير عينو زايغة يطلب ليها شرفها گاااع...دارت على گاع المحلبات وابمخبزات كولشي عامر والي شاد شي بلاصة راه كارز عليها بسنانو الخدمة صعابت فهاد الزمان بكشيفة باش تلقاها ولا لقيتيها خاصك تربطها باش متهربش...كولشي كيگولها سيري تانعيطوليك ايلا خوات شي بلاصة خلي نمرتك ....حتى لقات واخد البلاصة خاوية فواخد المخبزة ...بدات معاهوم الخدمة واخا فيها تمارة ويقد تخدم بعض المرات تاباليل ايلا كانت شي كومونض كبيرة ...كانت كتعيا بزاف وكتوثل للدار ماحاساش برجليها بالوقوف طول النهار ..حتى ركابيها مابقاوش كيقدو يهزوها وديما كتشكي بالحريق فضهرها وراسها والدوخة الي كتجيها بسباب الطونسيون الي كيطيح بسباب تمارة وقلة الماكلة....بقات صابرة فيها حتى لواخد النهار كانت خدامة بالليل وبقات لوحدها هي والمعلم فقط.....داز منتصف اليل وبانلو فيها البلان ..اصلا كتعجبو من نهار دخلات تخدم تما تيراتو بجمالها وانوثتها وطايتها وبياض بشرتها كان كيتسنا غي الفرصة فين ينقض عليها وهاهي جات تالبين يديه ...عيطليعا دخل عندو لبيرو ....مشات على نيتها دخلات گلسات ..وبقا كيشوف فيها شوفات ديال الشهوة ويعض على شنافتو ، يالله سدات الباب وجات تگلس تا كان ناض هو طرق بالساروت ورجع فاتجاهها كيقرب بخطوات بطيئة وعينيه كيگولوليها ااااح طحتي بين يدي مكاينش الي يفكك هاد اليلة...هي شافتو جتي نحوها وكيشوف فيها دوك الشوفات ناضت من فوق الكرسي كتبلع فريقها وكضور فعينيها واش كاين شي بلاصة منين تهرب حيت عرفات النقصود ديالو واش ناوي يدير ...بقا غادي جيهتها كيقرب ويقرب حتى وصل عندها...شدلها فشعرها وكيلعب بيه ويشوف فعينيها شوفة شهوة
المعلم: اممم...شنو الغزالة ..كيفاش دبا هاد الزين كامل ومندوقوش الحلوة
نورسين: (كتشوف فيه بخوف ...اول مرة تحط فهاد الموقف بقات غي مسمرة فبلاصتها ومشمأزة من لمساتو....شافت فيه بترجي...وكتحيدلو يدو من شعرها) بعد مني عافاك...الله يخليييك
المعلم: (مزال كيلعب ليها فشعرها ويعض على شنافتو..شوية داز كيقيص ليها فوجها ويطلع ويهبط من صدرها حتى لرجليها ..نضراتو بحال شي وحش ممكن ينقد عليها فاي وقت...قرب لوجها وبالصبط لشنايفها باغي يبوسها) همممم باينة فيك حلوة القطيطة (بغا يقرب ليها يبوسها وهي تبعد عليه وتسلتات بين يديه وكطليو يبعد منها ساعة معامن كدوي وحش وخرج نيابو ...تبعها قدام الباب ونقض عليها كيقطع ليها حوايجها وهي كتغوت ونكاينش الي يسمعها ولا يسيق خبارها ...بقا كيحاول يبوسها وهي كتسلت منو ودفعو عليها ..مي مابغاش يطلق منها حاكمها بقوة عيات تصدو والو مافادتها قوتها فحتى حاجة...حتى شافت واخد الڤاااز ديال الورد فوق البيرو ....بقات جاراه وهو تابعها كتقاومو ودفعو وضرب فيه حتى وصلو حدا البيرو ..مدات يديها وهزات الڤاز وعلى غفلة منو هزاتو عطاتو بيه للراس بكل قوتها ...طاح الارض مغيب وطاح معاه الڤاز من يديها وبقات مسمرة فبلاصتها كتلهت وعينيها حومر وكتنفس بصعوبة...حتى وعات على راسها اش دارت ..لثات الدم خارج من راسو من بعد مارجعات لعقلها وطاحت على ركابيها من شدة الصدمة ودايرة يديها على فمها وكتبكي وتشهق
نورسين: اويلييييي اش درت انا؟ قتلتو؟ واش قتلتو؟ اهئ اهئ اهئ (زعمات وقربات منو بشوية مدات يديها جيهت عنقو كتقيسلو النبض تشوفو واش مزال عايش...تا خرجو عينيها فاش حسات بنبضو وشافت يمين وشمال وناضت بسرعة من بعد ماهزات الساروت من جيبو ومشات كتجري جيهت الباب حلاتو وخرجات...كتبكي وتجري وتعتر فخوايجها وتستر راسها حيت قطعليها حوايجها ...بقات غادة فالشارع كتجري وتبمي بهيستيريا كتبانليها غي الضبابة والضلام واليل والزنقة خاوية تا حد مكيدور ...شافت طامسي دايز شيرات ليه وطلعات بلا ماتسناه حتى يسولها فين...مسخات دموعها ونعتات ليه الدار ...بقا غادي وكيتسائل بينو وبين راسو اش هاد الحالة خارجة بيها هاد البنت وشكون الي تكرفس عليها هكا بقا كيسول فيها وهي گاع مكاتجاوب غي كتبكي وتغطي فصدرها ....يالله وصلات للدار لاحتليه الصرف وخرجات كتجري مكتشوفش قدامها دخلات للدار سدات الباب وطاحت حداه انهارت من قوة الخلعة والخوف وهادشي الي طراليها ...اول مرة تعرض للتحرش الجنسي ومحاولة اغتصاب ..على شوية كون مالطف الله كانت غضيع فشرافها الي هو الي باقي ليها مامشاش ..جمعات رجليها عندها وكتبكي بحرقة وهيستيرية وتفكر الموقف الي تعرضات ليه وتقيص فلحمها وكتشمأز حيت كان كيقيص فيها ديك الوحش ..بقات مكونة حدا الباب حتى بردات وناضت بالسيف كتجر فرجليها خطوات تقال تا طاحت فوق ناموسيتها ونعسات بسباطها ....
يوم جديد ضاف فحياة نورسين ..ياترى واش غيكون بحال خوتو ولا غتبقى فيه ويشوف من حالها ويحن فيها شوية
ناضت حلات عينيها شافت فالسقف ..ورجعات ليها اللقطة الي كان كيحاول يغتاصبها ديك الشارف ...فاقت مفجوعة وناضت من بلاصتها شافت فحالتها لقات حوايجها مقطعين وشعرها منتوف وحالتها حالة، مشات كتجري الحمام حيدات دوك الحوايج لاحتهم وطلقات الدوش ودخلات تحت منو وبثات كتحك فداتها بالجهالة باغا تمحي الاثر ديال دوك اللمسات زعما وكارزة سنانها وكتحك وتعاود حتى طيبات لحمها وشللات وخرجات لبسات حوايجها ومشات تاحهات للمراية كتشوف فيها وكتقيص فوجها وفنيفها وفمها بخالا كتقلب على شي حاجة تافالها فوجها
نورسين: (كدوي مع راسها)دباليتي انورسين، شوفي عينيك كي رجعو شوفي بشرتك بهاتت، مال وجهك شاحب؟ شنو مزال ماخداتش منك الدنيا؟ شنو باقي غتعيشيه؟ (ضحكات بسخرية) ههه هادي غي البداية مزال ماشفت وااالو حيت اليلة الكحلة كتبان من العصر....
حيدات من قبالت المراية ومشات گلسات فوق الفراش ساهية كتفكر فديكشي الي طرا والي جاي ...شنو غدير دبا لا خدمة لا مستقبل مقاد وحتى الفلوس الي عندها ماغيدوموش ،مابقالهوم والو ويساليو وغتبقا محنسرة وتا خدمة مقادة مالقاتهاش ..بقات كدي وتحيب فدماغها حتى عيات من التفكير سلمات امرها لخالقها وناضت وجدات الفطور كلات وسعلات التلفزة وبقات كتفرج
داز شهر عليها وهي غي فالدار مكتخرج مكدرج ماباغا تشوف تا حد كتشوف ضو الشمس ايلا خرجات تسخر ..نفسيتها تعبانة بزاف كانت باغا غي تكالما وترتاح وترتب افكارها..ولكن الفلوس الي عندها بداو ينقصو يالله يقدوها دوز سيمانة ...عيات وقررات تنوض تاني تقلب على خدمة فاش مكان تاني والا غتخرج تسعا....دوزات 3 يام وعي كتقلب والو مالقاتش حتى فقدات الامل فخطرة ..وطاحتلها الفكرة ديال انها طلع لكازا طونطي لاشونس ولكن سرعان ماتغاضات على الفكرة فاش عرفات بلي مدينة كبيرة ومغتزطش فيها وهاد الوحوش الي نا كاينين تما بالضوبل ..وزيد عليها حتى الدار هنا المديرة دالميتم هازة عليها الكرى...بقات هكاك فحيرة من امرها دماغها حفا بالتفكير ..حريق الراس مكيمشيش من قوة ما بالها ديما مشغول ..دازت الايام وباقي الحال على ماهو ..الجديد هو انها تسالات ليها الفلوس وايلا زادت غي نهار مغتلقا باش تشري الخبز ...فكرات انها طلب المساعدة من المديرة ولكن مابغاتش تزيد تقل عليها الي عليها راها دارتو وشرطها الوحيد كان هو نورسين دبر على خدمة مي تجري الرياح بما لا تشتهي السفن
خرجات واخد الصباح تسخر من المدينة وفحيبها 100 درهم هي الي باقا مشات شرات الي خاصها وراجعة فالطريق مهمومة ختى دازت من حدا واحد الافتة كبيرة وتار انتباهها واحد الاعلان ....ملهى ليلي طالبين راقصة باليل تكون كتقن الرقص الشرقي...وقفات كتقرا وتعاود ...شحال عاد زعمات تجبد التيليفون وتقيد العنوان، رجعات التيلسفون لساك وكملات طريقها وغادة وكدور تشوف ديك الافتة..وصلات للدار دخلات حطات السخرة فالكوزينة ومشات دوشات وخرجات گلسات حدا المراية كتمشط شعرها دايراه جنب وكدي وتحيب فيه المشطة وساهية مع المراية كتفكر بينها وبين راسها
نورسين: معنديش شي حل اخر...واشنو فيها راقصة؟ ياك كنت كنتعلم الرقص ونشطح بشغف ..نزعم زعما..راه غي غنشطح ماشي غنبيع لحمي....واشنو هي تشطحي عريانة حدا الرجال ؟ راه كتليعي لحمك نيت؟ نو واخا نموت مانفرطش فشرفي (حطات المشطة من يديها وناضت تاجهات لماريو كتقلب ماتلبس وتمشي وتجي تالفة ماعارفة مادير ...هاد الحركة فكراتها فشي حد فاش كتكون تالفة كتحي ن‘تنقدها شكون يا ترى؟ اكييييد تنسيم ....طاحت فبالها ،ابتاسمات ببراءة ولبسات حوايجها وخرجات شدات الطريق للميتم ،وصلات دخلات مع الباب حسات براحة وكأنها رجعات ليها الحياة من جديد..وصلات للساحة فين كيكونو مجموعين الدراري وبانتليها تنسيم مشادة مع واحد الولد شانقة عليه...تاجهات لعندهوم ووقفات موراها
تنسيم:(سمعات صوت نورسين دارت بالزربة وطلقات من الدري) نورسيييييييييييييين!! (جات كتجري طارت عليها كانت غطيحها كتعنق فيها من قوة الفرحة غتخنقها) الحمارة عاد تفكرتيني ؟ فين غبرتي هادشي كولو
نورسين: (بعداتها عليها) احي نگلسو وندويو...وباركة من التنقاز والهضرة بزاف ،المهم هو انني جيت دبا
جراتها ومشاو گليو تحت واحد الشجرة بعيدة على الانضار وعلى الدراري
نورسين: كتاااار من 3 اشهر .انا بعدا دازو عليا بحال عام ...والحياة برا مافيها مايتشاف اختي
بقات كتعاودليها اش داز عليها من نهار خرجات من الميتم حتى اليوم .ولوخرا متبعاها مرة ضحك مرة تحزن مرة تشهق من الصدمة حتى سالات ليها المعاودة فديك الاعلان الي شافت بخصوص الرقص
تنسيم: وغتمشي تخدمي راقصة؟
نورسين: (تنهدات) ااااخ ...ماعنديش شي حل اخر اختي
تنسيم: واش غيقولو عليك الناس؟
نورسين: (ضحكات بسخرية) هه الناس؟ طاعت الله اش زادوني هاد الناس؟ واش فاش مانلقا مناكول غيعطف شي حد عليا ؟ ولا منين كنت غنتغتاصب حاما عليا شي حد؟ ولا بلاتي فين كانو هاد الناس فاش كنت نضل نقلب على الخدمة وماواكلاش النهار كامل وكنرجع لدار رحلي طايبين؟ اودييي خليني ساكتة راه لا تبعنا بنادم معمرنا نطفروه ..المهم من دبا لفوق غنشوف اش مسلكني ماشي اش مسلك الناس....دبا انا قررت نخدم تما والي بغا يطرا يطرا
تنسيم: (بجدية) نورسين عنداك تغرك حياة اليل وتمشي للهاوية احبيبة
نورسين: (دارت شافت فيها ) ماتخافيش احبيبة عارفة راسي اش كندير نتي غي دعي معايا الله يبعد عليا ولاد الحرام
تنسيم : (عنقاتها وباستها) الله يسهل عليك احبيبة وينقي طريقك من الشوك ويبعد عليك اي واحد كيفكر يآديك
نورسين: (باستها) شكرا احبيبة ...يالله نوض نمشي بدا يضلام الحال..ونيت باغا ندوز عند المديرة نسلم عليها
نورسين: اااه خسارة كنت باغا نشوفها مهم ماشي مشكيل مرة اخرى يالله (ناضت) انا مشيت باي
تنسيم: بسلامة تهلاي فراسك ومتغبريش عافاك ..انا راه قريب ندير تيليفون نبقا نعيطلك فيه ...موااااح عليك
خرجات نورسين من الميتم من بعد ماكان ضلام الحال شدات طاكسي بالسيف باش لقاتها وتوجهات لسونطر ڤيل نزلات وقصدات العنوان الي عندها مكتوب فالتيلي...لقات راسها امام افخم الفنادق ف مدينة فاس واقفين حداه جوج رجال كل واحد من جهة مبودرين ولابسين نضارات كحلين وكيشوفو غا فالسما...الباب ديال الاوطيل كيدور وهي متبعاه بعينيها مازعماتش دخل سدات عينيها وحلاتهوم ووزادت خطوة حتى كان وقفها صوت واحد من ليگاردكور
الراجل: (طلعها وهبطها) ااه راقصة ماشي من هاد الباب غدخلي من لهييه(شيرلها جهة واخد الباب جايا على الجنب كتهبط ليها بالدروج باينة حايا فشي گاڤ) غدخلي وتمشي على يدك دليمين غتلقاي مكتب المدير ديال الفندق والكباري تما
نورسين: (هبطات راسها حشمانة) واخا شكرا(مشات فاتجاه داك الباب حلاتو ودخلات وقصدات المكتب الي گالها عليه دقات واستأذنات ودخلات...لقات راجل فالاربعينيات شاد سيگار فيديه وكيقلب بين الاوراق..شافها دخلات وتحلو عينيه فيها ..بهراتو بجمالها من الشوفة الاولى شحال وهو ساهي فيها عاد قاليها تگلس
المدير:(مزال ماحيدش عينو من عليها يمكن عجباتو تا هو بخال لوخرين) اميد جيتي على الاعلان ؟ اشنو سميتك
نورسين: سمستي نورسين
المدير: هممم سمية زوينة بحال مولاتها..شحال عندك من عام وواش عندك تجربة فالرقص؟
نورسين: عندي دبا 19 عام تقريبا ..وماعمري خدمت فهاد المجال..انا ديحا كنت كندرب على الرقص فواحد النادي وكنت جيت انا الاولى فمسابقة الرقص الي دارت هاد العام وها هي شهادة التقدير(جبدات دديك الورقك الي كانو عطاوها مع الشيك وحطاتهالو فوق البيرو)
المدير: ( كيشوف فديك الورقة ويشوف فيها من بعد رجعها ليها) انا ايلا عجبتيني فرقصك ماعندها فاش تفيدك هاد الورقة
هزات صاكها وناضت تبعاتو ..هو خارج كيميل وكرشو سابقاه حل الباب وخرجو تاجهو لداخل الملهى قين كاين طبالي وكراسة مجموعين وفالجنب بار فيه ڤيترينا عامرة شراب ..ابمكان مضلم فيه اضواء خافتة وكاينة منصة عليها الااات موسيقية ومساحة كبيرة للع‘غناء او ابرقص، زاد قدامها تا وصلو للمنصة وعيط على واحد الراجل جا عندهوم
المدير: (كيشوف فنورسين) هادا هو استاذ الرقص ودبا غطلعي نطلقولك موسيقى وفرجينا...يالله
نورسين: (حشمات من الموقف وانها غتشطح حدا جوج رجال ...حتى طلعات معاها بلي غدا غتشطح قدااام عشراات الرجال الي غيكونو كيتفرجو فيها ..وقبلات بالعرض) واخا (حطات ساكها وطلعات المنصة واخا مالابساش حوايج الرقص مي الاستاذ غيحكم غي من الحركات باش يعرفها واش متمكنة ولا لا...طلقولها الموسيقى ..وبدات تشطح وتلوي فطرمتها نسات داك الجوج الي حداها وحطات فبالها انها باغا تنجح فهاد الاختبار حيت اخر فرصة عندها هي هادي ولا ضيعاتها غي تمشي تكب الما على كرشها...سالات الرقص الي كانت مركزة فيه بزايد ..حبسات الموسيقى وحبسات تا نورسين معاها ..دارت شافت فالشارف والي معاه لقاتهوم حالين فمهم فيها ..توجهات عند المدير وهزات ساكها وكتسنااه يدوي)
المدير: (كيصفق) تباركالله عليك معمري شفت شي وحدة كتشطح بحال هكدا ..انا بعدا بهرتيني ...رائعة...رائعة..اولا السي يونس(يونس هو الاستاذ دالرقص)
يونس: (باعجاااب) هادي السي مالك غتجيبليك الكليان من المغرب كولو ههه ماشي غي فاس ...
نورسين: (حشمانة دوي وماعرفاتش كيدير تجبدليه الموضوع)كيما كتعرف اسيدي انا جيت باغا خدمة والرقص كان هوايتي و...و...ايلا سمحتي مبغيتش نتخلط مع الكليان بحال بنات اليل...
المدير: همممم..هي باقا بنت؟ انا الي عندي مهم هو تنشطيليا الكليان ويمشي فرحان والشي لاخور كاين الي يديرو..صافي تافقنا..غدا نشةاءالله خاصك تكوني هنا فهاد لوقيتة لابغيتي دربي وتقادي راسك على ماتبدا السهرك
فرحات نورسين خيت قبل شرطها ..وناضت وقفات سلمات عليه بزربة وخرجات من النلهى شدات طاكسي ورجعات للدار من بعد مادخلات معاها ماتاكول..كلات وبدلات حوايحها ودخلات تنعس...وككل مرة قبل ماتسد عينيها كتستعرض شريط ذكرياتها وحياتها فين غادا....خايفة ومترددة...مقتانعة ومامقتانعاش من هاد الخطوة الي دارت ..انها تقرر تولي راقصة فملهى ليلي قرار ماشي ساهل ..ربما تندم عليه فالتالي وربما تمشي فديك الطريق عادي....نضرة المجتمع للبنت الي خدامة فالملهى فشكل ..مغاديش يقولو هاد السيدة ربما غي كتشطح لا غير مي بمجرد مكدخلي لتما كتسماي عاهرة وكتكلاصاي فالكتاب ديالهوم واخا دخلي غي تعشاي ولا تجمعي مع صحابك تنشطو ودوزو وقت زوين غادي ينويوها فيك خايبة ...نورسين من ديما مكتحملش الي يطعنها فشرفها ولكن دبا عطاتهوم طعم منين يصطادوها ....وضروري مغتعرض لمضايقات وهي عارفة هادشي ومستعدة ....داتها عينيها ومشات
اصبحنا واصبح الملك لله------يوم جديد------
فاقت نورسين ...فطرات وخملات الدار مزيان .وجدات غداتها تغدات ودارت قيلولة بغات ترتاح حيت غتسهر اليل..فاقت تالستة دالعشية القيلولة تحولات لغيبوبة .ناضت دخلات نيشان للدوش دوشات وقادات راسها ..خزجات نشفات شعرها لبسات حوايجها عاديين ومشات فاتجاه الملهى...وصلها الطاكسي هاد المرة خدا بابو دخلات ..نيشان تاجهات لمكتب المدير من بعد ماستأذنات دخلات عندو ...نفس الشوفات دالبارح ..مصدوم بحالا اول مرة غيشوفها ...هاد الشارف الهارف باينة عينو زايغة بلا قياس..من بعد داك الهضرة الي لا علاقة ديالو والمدح والمجاملات الي مكتحملهومش نورسين كدير غي ضحكة الصفرا باش كتسايس معاه واخيرا داها يوريها الڤيستيير فين كاين...دخلات ودخل معاها كيوريها مكان اللباس وفين تبدل وقالها بالي الكوافورة غتجي تقادلها فاش تقرب تبدا السهرة ...وبلي غتشطح فقط نصف ساعة هاديك هي مدة الخدمة خيت كيتين فقرات اخرى كيدوزو وكيبداو بالرقص هو الاول...خرج من بعد ماطيبها بالهضرة ...حطات ساكها وبدات كدير دورة شرفية على الغرفة ..فلاتها قنت بقنت مشات لمكان الحوايج دوزات يديها ..كولشي مقزب ...ختارت لبسة فالابيض عبارة على دو بياس ...سوتيانات عامرة بالهدب ومستورة شوية من الصدر وسايتها دالرقص تاهي فتفس الشكل ..لبساتها وشافت راسها فالمراية حشمات من راسها...هي موالفة تشطح بديك اللباس ولكن دبا غير دبا غيكونو ناس كيتفرجو فيها وفالجسد ديالها ...ماكملاتش الشوفة فالمراية باش متراجعش دغيا گلسات فوق واحد الكرسي حداه مراية وادوات التجميل كتسنا الكوافورة تجي ..شي نصف ساعة عاد وصلات .دخلات تعرفر على بعضياتهم وبدات تصوب ليها ...طلعاتها قرطاسة
الكوافورة: (باعجاب) هممم وااااو اول مرة السي مالك يجيب شي وحدة بحالك..عرف يختار هاد المرة...ناري عنداك غي نعينك...مشاءالله نتي مامحتاجاش ماكياج جمالك طبيعي تباركالله
سلمات عليها ومشات وخلات نورسين كتسنا لداخل ومخيم عليها التوتر والقلق ..جاتها الخلعة الي ماجاتهاش تا فالباك..بقات كتسنا على اعصابها تا جا واحد الولد عيطليها تخرج من بعد ماقدموها.سمعات سميتها خرجات من وراء الكواليس دخلات نيشان للمنصة ضربها الضو فعينيها تا عماها ...دوزات عينيها على المكان ماشي مي كان البارح تبدل ...الطبالي عامرين بالناس وكاينين حتى البنات وسط الدراري...الكراسة فبلاصتهوم ...الكونطوار عامر گالسين عليهوم بنات المعري فيهوم كتر من المغطي ...الشراب ميتسربى بكل انواعو وريخت الگارو والدخان دالشيشة مالي المكان . الضبابة طالعة ...والاضواء خافتة كيبانلك بنادم مضلم ...المنصة الوحيدة الي فيها الضو...بقات كتبرگگ وتساري عينيها تا سمعات بنادم كيسفق زعما بداااي....طلقات ابموسيقى وتشجعات وبدات تشطح...الي دوين هو انها فاش كتبذا ترقص كتنسا الضروف والمكان وكتعطيه حقو ...بقات غادة مع الريتم كتهز مع دقات الدربوكة يمين شمال وتلوي فطرمتها وتحلون فحركاتها حتى حبسات الموسيقى وحبسات معاها انفاس كل الحاضرين الي بثاو مبهورين فيها وفرقصها وجمالها سكراتهوم وجابتلهومالكاو قبل تا مايدوزيو فالشراااب ...فاش سالات كولشي وقف كيسفق ويصفر ويهتف بسميتها ...الشي الي زاد من توترها ماعرفات باش تبلات دغيا عطات التحية وخرجات كتجري رجعات للكواليس ماقداتش تبقا واقفة كتشوف فيهوم ...خلات كولشي حال فمو معجبين برقصها ....بدلات حوايجها يالله سالات وهو يدخل المدير فرحان غيطير مع الطيور
المدير: تباركالله عليك ...كنت متوقع انك غتبهريهوم كنت متأكد غتعجبيهوم وضني ماخابش...نتي هدية عطاهالي ربي ..حوهرة نادرة مغاديش نفرط فيها (كيدوي بحماس) انا حاس بيك غتزيدي بهال الملهى للقدام من بعد مكان بدا يفقد بريقو
نورسين: (كتشوف فيه بتعجب هي اصلا ماهامهاش هادشي المهم هو تخلص وتلقا مناش تعيش اما هاد الهضرة ديال تزيد بالملهى للقدام مكتحرك فيها والو ..يزيد ولا يوقف مكيهمهاش الامر...بضحكة صفرا) انشاءالله السي مالك ..نكون عن حسن ضنكم
خرج وخلاها تجمع حوايجها سالات وخرجات شدات طاكسي مع 2 داليل نيشان للدار غي دخلات تلاحت على النموسية تنعس تهدات هاد المرة مافكرات فوالو ..طاحت كاو
دازو الايام عند نورسين عادية من الملهى للدار ...كتخدم من نيتها ودايرة جهدها ...الكليان بدا كيزيد فالملهى تشهر وكولشي عرف بالي كاينة راقصة جديدة وجيدة فالرقص وزوييينة ولا الي جا مكيسخاش بيها فاش تمشي ويعاود يجي مرة اخرى ويحيب صحابو وشي كيگولها لشي حتى ولا الملهى كيعمر على آخرو وولا خاصك لابغيتي تسهر فيك تريزيرڤي من قبل ...ماعمرو كان هكا من بعد مكان كيبقا خاوي ولا دبا من اشهر الملاهي فالمدينة وهادشي كولو بفضل نورسين الي جلبات الكليان ...نهار على نهار نفس الكم دالناس ...الفلوس داخلة بالجهد والسي مالك غيخرى بالفرحة ..نورسين ماسايقة خبار لهادشي واخا كتشوف العدد كيتزاد نهار على نهار مكتدي مكتجييب ..الخاجة الي ولات كتقلقها هي كتعرض لمضايقات من طرف الكليان عادشي كيعصبها وممخليهاش فراحتها وختى مالك ماشي مرة ماشي جوج كيلوح ليها المعاني بالي شي كليان بغاها تمشي عندو سي نورمال بنت جميلة وكتشطح باختراف وكيتفرجو فيها وهوما منغمييين يطمعو فيها ...هادشي تكرر بزاف دالمرات وولات فشدليا نقطع ليك مع السي مالك ....شاف الفلوس وتخلو عينيه ولا باغي يربح متر على ضهرها ونسا شرطها النهار الاول بالي ماتخطالطش بالكليان ..ولكن الشارف الهارف هو براسو كتعجبو وماكرههاش ليه قبل اي واحد ....باش متخصرش الخدمة وتبقا مشردة تاني بقات كتسايس معاه فكل مرة جبدليها الموضوع ..مافيها الي يتشاد معاه وماعليها غي تصبر .....
بعد مرور شهرين-------------
فالصباح الباكر ،فالمغرب وبالضبط فمطار فاس سايس...نزلات الطائرة الخاصة ديال سيف...تحل الباب وخرج منها بكامل اناقتو لابس سروال جينز زرق وتيشورط بيضة وصبادريل فالبيض وداير نضارات شمسية و لابس طريكو زايدو من الفوق فالاسود...خرج ضرباتو الهوا وتحركو معاه خصلات من شعرو ،شاف يمين شمال واستنشق نسيم الصباح الباكر سارازعينو فالمكان ونزل مع الدروج كيتمشى بمشيتو الرجولية...هبط لقا شيفور كيتسنااه حليه الباب ركب وزاد بيه لعنوان عارفو الشيفور ... من عادتو كيلقا كولشي واجد ليه هو يكفي انه يحدد وجهة السفر ديالو والباقي على ابناس الي خدامين عندو مكيفكر لحتى حاجة كولشي كيتوفر ليه بمجرد كلمة منو ...بقاو غاديين فالطريق وصل للاوطيل نزل لقا واحد من موضفين الاوطيل فاستقبالو معاه السيد الي غيرافقو حتى الجناح ديالو ...رحب بيه الموضف و دخل معاه حتى الدروج ركب فالاسونسور حتى لباب الجناح حلوليه المرافق وحطليه الشانطة وخرج...دخل نيشان مكلفش راسو يشوف حتى الغرفة كيدايرة حيت ه‘عارفهوم مغيديزوش شي حاجة الي تزعجو كيبغي كولشي يكون متول وعلى حقو وطريقو هداك لاش ديما كيختروليه احسن مكاين ولا دارو غلطة صغيرة ولا ماعجباتوس البلاصة غتكون العواقب وخيمة على المسؤول...حيد الطريكو وجبد التيلي من جيبو ومشا گلس مقابل مع النافذة ودوز نمرة.....
سيف: عارف دوك الاماكن دياولك..راك عارفني معنديش مع ديكشي
ياسين: واخلاص اصاحبي ..مهم اليوم انا الي غنحكم ونتا مغتعتارضش
سيف: (باستسلام) اوكي يالله سي يو
ياسين : بسلامة(قطع)
ياسين هو صديق سيف منين كانو صغار بحال خوه تقريبا..حتى ياسين عايش فالطايلاند ومكيعمرش المغرب وديما على اتصال ب سيف عارفين تحركات بعضياتهوم وكيتشاركو اسرارهوم وتا هو جابتو الصدفة للمغرب هاد الفترة...
قطع معاه سيف وناض دخل للدوش وخرج لبس شورط ونعس ....غير رتاح شوية،ناض مورا الظهر نيشان ...كلا ولبس حوايجو ..تيشرت كحلة وگاط فالاكحل مع تجينز زرق وزاد جاكيط كوير كحلة ودار ساعتو اليدوية وهز طيليفون وخرج لباب الاوطيل لقا السائق كيتسناه فالطوموبيل ..ركب وزاد فاتجاه الميتم الي كانت فيه نورسين..بلا شك عرفتو دبا بلي نورسين هي بنت عمو الي كلفو باه يقلب عليها ....وعرفها كاينة فميتم من الرسالة الي سيفطات مها لباها السي اسماعيل قبل مايموت.....
تائهة أنا الجزء الثاني
محتوى القصة
التنقل بين الأجزاء