قصة مختالفة شوية على داكشي الي موالفين تقرااو ..كتيير من الدراما والتشويق والغموض واكيييييد الرومانسية ....عشق حب جنوووون وشوية ديال العطرية الي هوما ليبيتيز...حيت مكاينش شي قصة حب
مكيتلقاوش فيها الاجسااد ويتكلمو فيها الجوارح 😍😍😍
قصة بنت من نهار عقلات على راسها وهي تايهة علاش ماحطات يديها مكتزدق ..الحياة لاعبة عليها العشرة معنويا وماديا وعاطفيا
الحياة بحال شي امتحان كدوزو بلا ماتعول ....يا تسايرها بكل صعوباتها وعقباتها وتنجح ، يا تفقد الامل فبداية الطريق وتسقط وتولي حياتك معندها تا معنى عايش فقط باش ياكل ويشرب ويقلب على طرف دالخبز....و شحال منا عايش بدون اي هدف فالحياة كيصرف مكتاب الله بلا مايبذل شي مجهود انه يحسن من حالتو ومستوى عبشو....حيت النجاح ماشي ساهل وماشي ساهل توصل حبت فطريقك لفوق غاتلقا بنادم الي غيبغي يردك لتحت حيت نتا درتي شي حاجة من والو وهوما مادارو والو ....هاد الاشخاص كيجيو فطريقنا بزاف وكنطلاقاوهوم فحياتنا اليومية بزاااف ...بحيت كتكون راسم واحد الهدف وكيجي الي كيقلبك الموازين ومكتبقا عارف راسك من رجليك ولا تا اش باغي 😑😑
البطلة د قصتنا هب وحدة من هاد الناس عايشة حياتها من غير هدف حيت اصلا الحياة ماعطاتها والو ومكتيبن ليها والو ..ماعارفة اصلها من فصلها ...منين عقلات على راسها وهي وحيدة لا عائلة تاخد بيديها لا صحاب يوقفو جنبها ...ومستقبل غامض ومبهم...والمكتوب على الجبين لازم تشوفو العين........
في يوم ممطر وبالضبط فاواخر ايام فصل
الشتاء ....فمدينة فاس ....الجو مغيم والضباب كثيف كأنه كيعلن على يوم ممطر بامتياز.....وعلى بعد كيلومترات على المدينة كاين ميتم ،كيأوي اطفال تخلاو عليهم واليديهوم فضروف غامضة وما عارفين اصلهم وفصلهم ولا حتى الاسباب الي خلاتهوم يكونو فملجأ عوض حضن العائلة الدافئ ...ام حنونة..اب ايلا ضاقت بيك الدنيا كتسند على كتفو ولما لا اخ او اخت نتشارك معاهوم افراحي واحزاني....كل انسان مننا كيبغي لا ضلامت الدنيا فعينيه يرجع للبيت الاهل الي كيكون ملجأ ليك رغم المشاكيل والهموم ....لكن هاد الناس عايشيين بدون اهل كولهوم اخوة يبكيو مع بعض ويضحكو مع بعض ....والسر الي جابهم لتما ربي الي مطلع عليه ....نورسين هي وحدة من هاد الناس فاش بدات تعقل لقات راسها وسط ناس مكتعرفهومش وكبرات معاهوم على اساس هوما عائلتها .....
كانت گالسة فغرفة بوحديتها شادة مذكرتها وقلم الي كتعتابرهوم رفقاء ليها وكل ماقنطات كتگلس تكتب وتخرج كل ما بداخلها من مشاعر وديكشي الي كتحس بيه كتفرغو على ورقة وتنشرو بمساعدة قلم هاكا كترتاح ..على الاقل كاين الي يسمعليها بلا مايعاتبها ..نورسين كتعيش حياة روتينية بين الملجأ والمدرسة لدروس الرقص الي كتعتابرو هواية كترفه فيها على راسها وتنسا واقع حياتها وهكا متبقاش تفكر بزاف فمستقبلها والاسئلة الكتيرة الي كدور فراسها بلا ماتلقا ليها تا جواب.......من انا؟ من اين اتيت؟ ما هدا المكان المضلم .....هل من احد هنا؟ اكيد لا يوجد احد ...ككل يوم اصرخ وابكي و أنادي لاكن دون جدوى لا مجيب...تائهة انا ....ضائعة في هدا العالم...خائفة من المستقبل.....يداي ترتجفان....يا ترى هل أجد من يأخد بيدي؟ هل سيسمعني احد يوما ما؟؟ هل سأقضي حياتي سجينة هاته الجدران أبوح لكتاباتي؟ هل ستستمر المرأة في مشاهدة دمعاتي؟؟ او هل سأضل اشكي للمطر عن معاناتي؟ تائهة انا في بحر آهاااااتي....هل سأضل غارقة في بحر احزاني؟ ام سيأتي يوم لأحد سيراني؟؟هل سأجد من ينقذني؟ اريد ان اتحرر هل سأجد من يحررني؟ الى ذالك الحين تائهة انا
كانت هادي خاطرة من خواطر نورسين الي
كتباتها وهي كتشاهد المطر يتساقط على جدران نافذتها ....والبرق والرعد والجو كئيب كأن السماء كتعلن على غضبها .....نورسين نورسين...وااا نورسين (صوت بنت كيعيط كانت بنت سميتها تنسيم صاحبت نورسين الوحيدة فالملجأ متقاربين فالسن وكيتشاركو نفس الغرفة)
نورسين:(سدات الكتاب وحطات فقلبو الستيلو وناضت) شكاين اصاحبتي مالك فاضحانا تا كتشوفيني مركزة فشي حاجة عاد كتبانلك تزعجيني يخليها قاعدة خخختفوو
تنسيم : نتي على داك العقلية الي عندك مايقد حد يقرب منك اصاحبتي خاصك طلقي شوية مع الجنس الاخر،ونتي ديما سادة الباب والسراجم الي كيبغي يدخل كتصديه ..حتى لين غتبقاي هكا
نورسين:(تنهداات من الاعماق وناضت توجهات لسرجم كتفرج على الشتا كطيح والاشجار كتميل يمين شمال من قوة الريح) اوديي خلي داك الجمل راگد ا تنسيم نني ماعارفاها باش روات(كدوي وتشوف برا) واش انا كرهت حتا انا نعيش قصة حب بحال الي كنشوفو فالافلام والقصص راه ديكشي مكاينش والله، كاين غي الي غيبغي يستغلك جنسيا تحت ما يسمى بالحب يقضي غراضو والله يعاون الله يسلم...غتگولي ماشي كولشي بحال بحال مي الاغلبية كيفكرو هكاك انا بغيت واحد يبغيني لشخصي بسلبياتي وايجابياتي ...يحتارمني ويكون لي سند .اب وام واخ واخت ...يكون عائلتي الي تحرمت منها وبقيت مقطوعة من شجرة(سالت دمعة من عينيها وصوتها ولات فيه غصة حيت حابسة البكية ومشاعرها مأترة) واش كضني ان وحدة عايشة هاد الحياة هكا ماعارفاش ماضيها وخايفة من مستقبلها غتفكر فالحب ؟؟ اكيد لاء ماشي وقتو(مسحات عينيها ودارت ابتسامة زائفة ودارت عند تنسيم الي لقاتها كتشهق بالبكا) هييي لاش كتبكي الحمقة
نورسين:(بعداتها عليها وقالت) ماماك لاواه جداك تي نوضي حايدي عليا شفتك قلبتيها دراما هههه صافي ضحكي
تنسيم:(كتمسح دموعها) الزمر ماتخلي حد يبكي فراحتو تفووو ههههه مهم بغيت نگوليك ماتبقايش تخبي دموعك عيونك كيفضحو الغصة الي فقلبك
نورسين:(تنهداات وخرجات نفس من الاعماق) واخا احبيبة....(طلقات منها وعاد تفكرات بلي كانت كتعيطلها على شي حاجة) اجي بعدا لاش كنتي باغاني وجايا كتعيطي على بعد امتار؟
تنسيم:(كطوي فحوايجها الي خلاتهوم مربولين على النموسية ) اااااه ناري نسيت الزمر نتي طرتي عليا بالعضان والقريص نسيتيني القبلة فين جات .مهم راه كانت باغاك المديرة
نورسين: يا بنت الحرام ويالله قايلاها تلقاها دبا طابت وهي كتسنا ..هاكي طوي معاك تاهادو هانا نمشي نشوفها اش بغات(لاحتلها حوايجها وخرجات)
على ماتوصل نورسين عند المديرة اجي نبرگو فهاد الجوجات شوية 😘 نوصفهوملكم:
نورسين هي بنت ذات جمال طبيعي ..بشرة بيضاء وشنيفات غوز ومنفوخين مم عند الله عينيها زرقين بحال لون السما.... شعرها قهوي مغلوق طبيعي بدون صباغة ...جسمها منحوت كولشي فبلاصتو ...صدر منفوخ ..الكرش مكايناش...وااطرمة وليهونش فبلاصتهم...رلي صورها فاحسن صورة والي شافها كتير انتباهو وميعطيهاش سن 18 سنة ...كتبان انثى ناضجة بمعنى الكلمة والبراءة على وجها بحال شي ملاك...اجتماعية مع الناس ..كضحك فوجه اي واحد ضحكلها مكتبخل على تا واحد من اصدقاءها فالميتم ايلا احتاج شي مساعدة...ماضيها ماعارفة عليه الو من غير ذكريات واحد الليلة ضلماء كتعقل عليها مي الاحدات ماواضحينش..كتفكر خيال مرة كانت هازاها فضهرها مسافة طويلة تا حطاتها قدام مكان ماعاقلاش بالضبط فين الي عاقلة هو داك الخيال كان ديال مرأة باستها بوسة طويلة وطلقات من يديها ومشات ...وكتذكر الخوف الي جاها والدوع الي نطالقو شلال واحساس بانها فقدات شخص عزيز عليها الس فاش كبرات وبقات كتجمع الاحدات استنتجات بالي هاديك يمكن تكون ماماها...سنها كان ديك 3 سنين ونص وهاد الحادت هو الي بقا راسخ فالذهن ديالها حتى كبرات وصلات لسن الرشد...هاد العام عندها الباك..هي مجتهدة فقرايتها وعاطياها حقها ومكرهاتش تولي شي حاجة فالمستقبل تحقق داتها وتكون راسها وتستقل ..نورسين عندها بزاف دالاحلام لا تعد ولا تحصى ...غنتعرفو عليها على طول القصة....هي بنت عفوية مكتنافقش والي فقلبها على لسانها ...اول درس علماتو ليها الحياة هي مادير الثقة فحتا واحد..والناس بالنسبة ليها كولهوم ديباساجي كيجيو ويمشيو..يجيو ويمشيو وحتى واحد مكيدوم ....عزيز عليها
ضحك وتنشط وتجرب كولشي ...وبالنسبة لعلاقتها بالدراري علاقة صداقة لا غير عمرو كان عندها شي حبيب ...ماشي حيت معقدة لا مي تفكيرها مشوش وعدم الثقة فالناس كتولد ليها ديك الخوف الدائم من العلاقات...عكس صديقتها تنسيم صغيرة عليها بعام يالله كتقرا فالسيزيام حتى هي عندها حقها فالزين ...زعرا ولشرة بيضاء وعينيها عسليين... الوحيدة الي تفاهمات معاها فديك الميتم حيت لاخرين كيغيرو منها لسبب هي ماعرفاتوش ...يمكن لبرائتها وجمالها اكيد ماشي لشي حاجة اخرى حيت كولهوم مقطوعين من شجرة وكيشربو من نفس العين كيما كنقولو مسگيين بمغرفة وحدة...مي هادي هي الحياة ضروري تلقا الي يبغيك والي يكرهك وبنادم طوب وحجر كاين الخايب وكاين الزوين وربي كيآتي كل واحد على قد نيتو ومكتعرف الحياة اش مخبيا ليك شكون عرف الغد يكون زوين ربما.....
----في مكتب المديرة-----
دخلات نورسين من بعد ما دقات واسا‘تأدنات بالدخول
نورسينبابتسامة)صباح الخير ماما نجاة (كتعيطليها ماما حيت مكاينش الي يستاهل هاد الكلمة قد هاد السيدة)
مدام نجاة مرأة فاواخر الخمسينات ...مزالة مصحصحة وشادة فراسها...مديرة لهاد الميتم لمدة طويلة ...كتعتابر دوك الدراري ولادها من صغيرهوم لكبيرهوم...لكن نورسين عندها ليها معزة خاصة..لما لا ونورسين كتحن فيها وتعاودليها وتبكي وتشكي عليها ويكفي انها كتعيط ليها ماما
نورسين: ( طبطباتلها على يديها الي كانت مزال شاداها بالسد لوخرا وهزاتها باستهالها ) عارفة اماما الله يخليك لينا بركة (ناضت عنقاتها وزيرات عليها تا طاحلها الزيف من فوق راسها ...كتعنق وتبوس)
مدام نجاة: اي صافي صافي نوضي عليا خنقتيني ..(بعداتها عليها بالسيف لاسقة فيها كي الگرادة)....الطيف اعصار هدا ...يالله سيري شوفي ماتقدي راه العشية تعاشات ودبا نوريك على الفياق الي كتفيقي تالطناش نهار الحد وزايداها جايا عندي كتگولي صباح الخير..ضسرتي صافي...يالله سيري خليني نشوف شغلي وياااك تجبدي شي صداع مع الدراري برا .
نورسين: (هزات يديها دارتلها تحية عسكرية ) اوكي شاف...علم شاف ههه ...انا اصلا غادة عندي درس دالرقص معنديش الوقت نتصادع مع شي حد دبا ...يالله باي موااااح(بتاسمات ليها ولاحتلها بوسة فالسما وهي متاجهة لباب حلاتها وخرجات سدات الباب وتكات وراه ونزلات دمعة من عينيها حيت حبساتها لداخل ودغيا مسحاتها وكملات طريقها لبيتها.....
تنسيم: هيهيهيهي نتي اصلا من اعداء النجاح مكتقدريش موهبتي في الغناء دونك بلا مانتناقش معاك ..سيري سيري تشطحي ا تسونامي المستقبل ههههه
نورسين: (شيرات عليها بكبط لوجه) بزااف عليك ياك ماگالولك غنولي نشطح مع الجوايقية ولا فالحلاقي...الرقص راه فن فن عرفتي شناهو فن(كدوي بكل اعتزاز) ديكشي متعرفيش ليه نتي
تنسيم: (طلعات فيها وهبطات وقلبات عينيها) يخ الله يستر نتي اخرتك غتولي تشطحي فالكباريات هههه هانا فين گلتهالك
نورسين: انا والله مانزيد معاك الهضرة ماعنديش الخاطر نتلاج معاك(قلبات وجهها كتكمل جميع صاكها)
نورسين كتعتبر الرقص كهواية من صغرها ...و مدام نجاة هي الي كتاشفتها ودخلاتها لدروس الرقص وكتخلصهومليها على حسابها ...وحتى هي دغيا تعلمات الرقص بكل الوانو الشرقي...الغربي..الهيب هوب...الخ ..الي شافها وهي كترقص كيدوخ فيها ....فالرقص كتكون وحدة اخرى كتعبر بكل جوارحها وكتعطيه حقو ...وحتى قوامها الممشوق كيساعدها على ديكشي
-------------في امريكا--------
ف امريكا وبالضبط فمدينة لوس انجلوس مدينة من ولاية كاليفورنيا الي كتعتابر من بين المدن الكبيرة ،الاقتصادية والسياحية، والي كتمتاز بكثافتها السكانية ...شوارعها وازقتها المكتضة....فحي راقي سميتو سانتا مونيكا كيسكنو فيه معضم مشاهير واغنياء لوس انجلوس وفبيت كل مايمكن نقول عليه انه قصر من القصور الملكية ....دايرة بيه غابة وباش توصل لبابو خاصك تسافر ....تصميمو رائع اخر موضيل ومصممو مولاه على ذوقو بكل فن ودقة ...غي من الشوفة من برا غتگولو واش ساكن فيه شي امير ولا شي ملك ....بلا ماتحتاج دخل لداخل تشوف روعة التصاميم والديكورات والاثات ...الي كيبينو قمة غنى وبذخ صاحبه....تحلات الابواب الكبيرة ودخلات سيارة كحلة من نوع بورش بلاميرا كلاس وزاجها كحل مكيبانش شكون راكب لداخل....كملات طريقها لداخل القصر حتى البوابة الرئيسية وقفات ونزل منها راجل فالخمسينات من عمره لاكن فالشوفة يالله تعطيه 40 ومعاه سيدة لابسة لبسة كلاص ودايرة نضاضر ولايحة شال على راسها وسباط طالون كحل والزغيبات حومر خارجين كيبانو شد الراجل الباب وعطا الساروت لشيفور يباركي الطونوبيل ودتوجهو نحو الباب داخلين ...تا طلاقاهوم رئيس الخدم....
رئيس الخدم:مرحبا سي ابراهيم تفضلو
ابراهيم: (زاد وهو كيدوي مع الرئيس) شكرا ....سيف كاين؟
رئيس الخدم: (هاز المذكرة ديالو وتابعو من اللور وهما غادين داخلين للقصر) لاء اموسيو خرج الصباح بكري يجري شوية ويرجع تبغيوهوم يحطو الفطور ولا تايرجع موسيو سيف؟
عايدة : (هي مرت ابراهيم)ههه لا ماعييتش مي هانتا كتشوف هاد الولد عندك شحال كنضرب ديال الطريق باش نشوفو وفينما نحي مانلقاهش ...اما هو گاع مامسوق ايلا ماجيت انا مايجيش هو صدق من قال: قلبي على ولدي انكسر وهو قلبه علي من حجر
ابراهيم:( ضحك عليها) واخلاااص امدام راه كبر وراكس عارفة الخدمة ديالو وحجم المسؤولية الي عندو ...ولدك كبر الالة ومابقاش ولد صغير تحكمي فيه وتشديه حداك ... وزايدون ماتزيريش عليه راكي عارفاه كيداير معصب غي بوحدو هضرة جوج كينوض يعربط وانا مابقيت قاد على صداعكم ونخدم اربيط بيناتكم رخفي عليه شوية....اه وهاهو غايجي مانسمعكش كدوي تاني على الزواج وعروسة وديك التخربيق ديالك صافي خليه على خاطرو راك عارفة اش داز عليه...واش صافي؟ تافقنا؟
عايدة: (طلقات منو وكلسات كتستارح وحيدات زيفها وتسرحات على الفوطوي) بفففف صافي درتيليا محاضرة ...بلا ماتبقى كل مرة تفكرني بديك الموضوع صاف هانا غنرخف عليه ولكن غي مؤقتا ....منخليهش غي غادي هكاك
ابراهيم: (بخيبة امل) بشااااخ لمن كتعاود زابورك اداوود ..صاف بيناتكم ديري الي بغيتي الالة يالله غا ضحكيلي ونتي دغيا كتعقديها
ابراهيم: (زاد قرب) مالنا كنسرقو وزايدون دوي على راسك (كيهضر ويشوف فراسو ويدور فعينيه) انا بعدا باااقي شباب هاهاهاها
عايدة: (كطلع وتهبط فيه) والله يستر بنادم كيشرف ويهرف ..بفف دبا كحز خليني نسرح العيا على مايجي ديك المجلي دولدك
كحز عليها وشد جورنال يقراه وهي سرحات رجليها وترخات كترتاح .....سي ابراهيم ومدام عايدة واخا كبرو باقيين شباب وعايشين الحب حيت تجوحو على حب من بعد قصة عسق دامت لسنوات ...ومزال كيكنو لبعضياتهم نفس الخب والاحترام والتقدير ...عندهم جوج دراري سيف عندو 28 عام هو الكبير و ريما عندها 20 عام بنت زوينة وانيقة مقابلة غي الموضة واللباس والخروج والزهو والنشاط سالات القراية فاش شدات الباك مابغاتش تكمل دخلها باها تخدم فاحدى الشركات ديالو ..لكن دون جدوى كتجي غي تبوانطي وتخرج...وعلاش غتخدم وهي كولشي موفر ليها وعائلتها كيلعبوبالفلوس لعب عايشين فنيويورك وكيملكو عدة شركات دالازياء...دالتصدير والاستيراد...دالقماش ...وزيد وزيد ....ولكن سيف خدمتو بوحدها ...عندو مناجم الماس فكندا ...الفلوس عندو ما كتعد ما كتحصى....عندو قصور واراضي وشركات فسميتو...سيارات وباطويات وطائرات خاصة ...باختصار عايش الرفاهية بكل انواعها...هاد الخدمة ورتها من جدو كمل على ما بداه ...عكس باه الي خلا ليه كولشي ومابغاش يدخل فتجارة الالماس فيها صداع الراس واخا مربحة ..لكن خلا كولشي لولدو ..الي زاد طور من ديكشي وبالعقل والذكاء ديالو رجع من اشهر تجار الالماس وكيملك مناجم ديالها.....
بقات مدام عايدة مسترخية وسي ابراهيم كيقلب صفحات الجرائد ...ختا تسمع صوت سيارة ضربات الفران بالجهد فباب القصر.....
مدام عايدة: (حلات عينيها) يااا لطيييف سمع على فران ضرب ...هاد ولدك غيسطيني والله
ابراهيم: (حط الجريدة وشاف فيها) وصافي ا مدام رخفي شوية بلا ماتشادو على والو راك عارفاه عصبي غي خليه على خاطرو ...مابقاش ولد صغير ونتي غي تابعااه
عايدة: (ميقت فيه ورمشات عينيها) وصافي بلا متبدا فالمحاضرات ديالك ....صافي هاهو دخل قلب الموضوع
دخل سيف هاز صاكو الرياضي وكيتمشى بشوية عرقان وعروقو باينين ومن الشوفة كتجيك الهيبة منو ..من ملامحو الرجولية الي ديما معصبة ومخنزر وقليل فاش كيطلق البشرة....دخل نيشان شاف جيهت الصالون بانولو واليديه ومشا عندهم
سيف: (متاجه عند وعنقها) اهلا الواليدة نهار كبير هدا...مرحبا
عايدة: (كتبوس وتعنق فيه) الله يا وليدي توحشتك ...من جنازة عمك ماشفناك ...واش ايلا ماجيتش نشوفك نتا حرام واش تجي
سيف: (طلق منها ومشا يسلم على باه ) بففف الواليدة نفس الاسطوانة كل خطرة تگوليهالي ....(عنق باباه وتسالم معاه ورحب بيه ورجع كيشوف فمو) وصافي الواليدة بلا ماتبداي الله يحفضك
ابراهيم: (شاف ف سيف ) يالله البطل نمشيو لبيرو احسن
سيف" درتيليا التشويق الواليد ...ههه زيد الله يسمعنا خير
ابراهيم: (بابتسامة) خير خير نشاءالله تفضل
مشاو للمكتب الي جاي غي فالطابق السفلي من القصر ...دخلو وسدو الباب گلسو مقابلين مع الشرفة كيطلو على برا ...دخلولهم قهو كحلة وخرجو)
ابراهيم: (شاف فولدو وهضر) شوف اولدي ...عمك قبل مايموت الله يرحمو الوصية ديالو كانت هي نقلب على بنتو ونجيبها تعيش هنا ...راه ديجا دويت معاك فهاد الموضوع
سيف: كيشرب القهوة ويشوف فيه ) اه الواليد فخباري عندو بنت فالمغرب من واحد العلاقة غير شرعية وعرفها فاش كان على فراش الموت....ولكن الواليد شكون قالنا ان ديك الرسالة الي توصل بيها صحيحة وماشي شي واحد كدب عليه
ابراهيم: لا...لا مكنضنش اولدي فالرسالة الي سيفطات مامات البنت دمرات فيها اشياء عارفهوم غي عمك وديك المرا..وهو بيديه اكدليا هاد الشي قبل مايموت ...وكون متصابوش الحال مريض وطايح الفراش كان غيمشي يقلب عليها هو بيديه مي مول الامانة دا امانتو الله يرحمو فهاد النهار
سيف: اميييين ....ومراتو وبنتو عارفين هادشي؟
ابراهيم: اه عارفين (تنهد) مهم هدا موضوع اخر غي خلي ديك الجمل راگد
سيف: (حط الكاس وضحك وتكا راسو على الكرسي ) ههه اكيد فاش عرفو قامت القيامة ....مرت عمي وبنتها وانا عارفهوم
ابراهيم: اودي دبا الي كيهمني دبا نفذ وصية خويا وهوما دبا نلقاولهم شي حل من بعد ..خلينا ندوزو غي 40 ديالو على خاطرنا عاد نعاود نجبد معاهوم الموضوع ..وهدا لاش جيت عندك اولدي
سيف: اش المطلوب مني دبا؟؟
ابراهيم: (بجدية) بغيتك اولدي نتا تكلف تقلب عليها
سيف: (ناض گلس)هممم ماشي شي حاجة صعيبة عطيني غي المعلومات الي عندك نصيفط واحد من رجالي يحبدوها فين ماكانت
ابراهيم: (تنهد ودوا معصب) سييييف واش انا حفاتليا نصيفط واحد من الرجال يقلب عليها ؟ انا بغيتك نتا تكلف بيديك وتوقف على هادشي ...انا عارفك اولدي طبعك خايب ومعصب غا بوحدك..ولكن انا اول مرة نطلب منك شي حاجة ديما مخليك على خاطرك ومعمري دهلت فحياتك...مي هاد الطلب لا كانت عزيز عليك غي شوية نفذوليا ...هكا غيبقا بالي مرتاح...
سيف: (شاف فيه غمض عينو وحلهوم بحالا كيكالمي راسو باش ميتعصبش من بعد الهضرة الي گالو باه) بففف...مالنا على هاد الهضرة الواليد اكيد عزيز عليا نتا با وفوق راسي نهزك..مهم انا غنتكلف مي ماشي دبا غنمشي لكندا من بعد 40 ديال عمي نيشان مغنرجع تال من دبا 6 اشهر ...ديك الساعة عاد يمكنلي نمشي نقلب عليها
ابراهيم: (تكلم بارتياح) ماشي مشكيل خدمتك هي الاولى اولدي ...المهم هو انك وافقتي وماخصرتيلياش خاطري
سيف: (تحنا على يديه باسها) الله اودي الواليد نتا فوق راسي الله يخليك لينا ....مهم دبا عندك شي معلومات على هاد البنت؟
ابراهيم: (طبطب على رجليه) هاكا نبغيك البطل...معلوم عندي معلومات ..من خلال ماجا فالرسالة...البنت دبا عايشة فميتم ..مدينة فاس فعمرها شي 18 عام ..سميتها نور ولا نورسين ..مهم بخال هكا..عرفتي شنو انا غنعطيك الرسالة قراها بنفسك ....
سيف: اوكي...وديك مها الي سمحات فيها عارف قصتها مع عمي..تبغي نقلبو عليها تا هي؟
ابراهيم: (بحزن )لا اولدي للاسف عمك ماعاودلي والو على قصتهم و دبا خلينا نلقاو البنت الي من لحمنا ودمنا عاد نشوفو قصة ماماها ...واخا؟
سيف: الي بغيتي الواليد .... (شاف فيه وغمزو) اش بانليك فشي طرح ديال الشطرنج ؟ توحشتك تشرشمني فاللعب
ابراهيم: (ضحك بصوت عالي) هاهاها فكرتيني ...معمري شفت شي واحد ديما خاسر وكيبغي مزال يلعب ههه
ابراهيم: (شاف فيه بتمعن وهضر بجدية) الحمدالله الي رجعاتلك الضحكة من بعد مكانت تمحات اولدي
سيف : (سكت من الضحك ورجعت علامة الحزن وملامح الجدية من جديد ،طبطب على رجل باه وناض) الوقت غيغير كولشي الواليد ...كنواعدك (خرج بلا مايتلفت موراه)
خرج ساخط عينو مطرطقين وعروقو خارجين بحالا شاف شيطان قدامو ...كيتمشى بخطوات مسرعة ..طافي الضو ..كيدخل فاي واحد جا قدامو ....طلع فالدروج وغادي فالكولوار عينيه معميين مكيشوف تا حاجة قبالتو ...دخل البيت وزدح الباب ...ودار يديه على راسو زير عليه وكينهج ويطلع النفس بصعوبة ...كيمشي ويجي وشاد فراسو وحمار وعروقو بانو ....وكيدور فبلاصتو ..كيجيه شي صداع وشي طنين فودنيه وداز واحد الشريط من الذكريات ....بنت اية فالجمال كتشطح سكرانة دايرين بيها دراري كولها ومنين كيقيص فيها وهي كضحك وعاجبها الحال .....كمل التزيار على راسو وكينهج ...شوية ودازتلو لقطة فراسو ديال نفس البنت واقفين هو وياها على جرف عالي كيتناقشو ويدابزو حتى كيتسمع صوتها غوتات.....طاح الارض وشاد فراسو كيحاول ميذكرش ) اااااه ....هنهنهن (كيزير على راسو وكيحاول يمحي دماغو من ديك اللقطات الي كدوز وراسو الي عاطيه الصداع ....دخل فصراع بين الواقع والحاضر...شي حاجة كان كيحاول يتناساها وجا باه بهضرتو قلب عليه المواجييييع....ناض بهيستيرية لبلاصة فين كيبدل ..مشا البلاكار جبد شي كينات ...توجه بصرعة لكونطوار خوا الما وشربهوم ...وشد فراسو وبقا غادي جاي بنفس الوضعية ديال قبيلة ...عينيه حمارو ومشا بعصبية جبد كاس وقرعة دالشراااب وجلس كيشرب كاس ورا التاني و گارو تابع گارو حتى عمر الراس مزيان وتقال وتكالما ..ناض دخل لڤيستيير بدا حوايجو وخرج صاعر توجه للگراج تحت الارض مستفين فيه طوموبيلات من كل الانواع ..الرياضية والكلاص ...ختار سيارة من نوع فيراري فالكحل حلها ركب وديمارا بسرعة تا تحكو الروايض مع الارض
عايدة: كانت متكية فبيتها كتستارح وكانت الساعة شي 6 دالغشية ناضت مفجوعة من صوت الطوموبيل الي كيهز البدن) يا لطيف (ناضت مخلوعة كطل من السرجم ودايرة يديها على قلبها ) يا ربي تحفضو...اش هاد الولد باغي يطيحلي الما فالركابي يالله كان مزيان اش طرالو تاني مغيرتاح حتى يسكتليا قلبي) خرجات كتجري فاتجاه الجردة لقات ابراهيم گالس كيخدم شي حاجة فالبيسي...وقفات عليه ودارت يديها على جنبها) اش گولتيلو تاني؟ شنوهو هاد الموضوع المهم الي خلاه يخرج هاكا طافي الضو.... ممكن نعرف ايلا تكرمتي وتواضعتي؟
ابراهيم: (حيد النضارات ديالو وحط البيسي وشاف فيها باستفهام) كدوي على سيف؟؟ ماگولتلو تا حاجة دوينا عادي...(شاف فيها مزال طالالها قنديشة) گلسي امدام ...تكالماي ...اجي ترتاحي
ابراهيم: ضرك راسك؟ ههه دوينا الالة غي فموضوع بنت خويا الي وصاني نقلب عليها فالمغرب...مي هو وافق يقلب عليها ...جو بونص با كان معصب على هادشي(شوية وتفكر الهضرة الي گاليه فالتالي عاد فهم البلان...تنهد وشاف فيها كيطبطب على كتافها) مهم نساي هو ديما هاكا ..رخفي شوية على راسك ...كتعصبي على والو ..حاولي شوية انا راه مزال محتاجك ...(ضحك معاها وغمزها)
عايدة : (بتاسمت وحشمات هبطات راسها وتفكرات شي حاجة وعاودات شافت فيه) دبا سيف وافق يقلب على ديك اللقيطة؟
ابراهيم: (تعصب من هضرتها طلق من يديها ودوا من تحت سنانو) عاااييييدة اش هاد الهضرة ؟ هاديك راه بنت خويا من لحمي ودمي ..مانعاودش نسمعك كدوي عليها بهاد الطريقة)
عايدة: (علات قنوفتها لسما مارضاتش حيت قصح معاها الهضرة) بففف انا بعدا معتارفة ببنت وحدة الي عند سي اسماعيل الله يرحمو هي فيروز من غيرها مكاين والو ...وهاديك الي كتگول عليها بنت خوك ماعارفين لا اصلها ولا فصلها و ومامتأكدينش حتى واش بصاح من عائلتنا...هاد الثقة الي فيك وهاد الطيبوبة هي الي كتخرج عليك وطيحك فمشاكيل
ابراهيم: (بأسف) شي مرات مكنبقاش نعرفك اعايدة كتولي وحدة اخرى مكنتيش هكا ..ماشي هادي هي الي بغيت .. .علاش رجعتي هكا مافقلبكش الرحمة؟
عايدة: (تنهدات) ماتبدل فيا والو غي كيجيبلك الله.مهم انا مافيا الي يطبخ معاك فالهضرة در الي بغيتي ...انا عيانة وخاصني نرتاح...(ناضت تمت غادة ورجعات شافت فيه) اه ماتنساش تحسب خطواتك مزيان لا تمشي تندم حين لا ينفع الندم(خلاتو ومشات)
ابراهيم: (كيشوف فيها غادا) عارف راسي اش كندير (رجع حل البيسي ودار نضاضرو وكمل خدمتو)
اما مدام عايدة دخلات للقصر توجهات الكوزينة دخلات وكولشي وقف كيسلم عليها وهي داخلة هازة نيفها فالسما...طبيعتها هكا عزيز عليها البروطوكول مكتعرفش شنو هو التواضع بحكم انها تربات فالفشوش وكبرات فيه وعاشت فيه اصلها من مدينة الرباط كتنتمي لعائلة غنية...تعرفات على السي ابراهيم فاش كانت مزال كتقرا الهندسة ورا الباك ....كان حتى السي ابراهيم طالب معاها فنفس المدرسة تما تعارفو وعاشو قصة حب انتهت بالزواج ومشاو يعيشو فامريكا من بعد ماقرر سي ابراهيم يشد الفروع ديال الشركات ديالهوم الي فامريكا بالضبط فنيويورك ..بقاو عايشيين فيها ولدو ولادهوم وتما قراو وتما بقاو مستقرين...لكن سيف فضل انه يستقل براسو فلوس انجلوس بعيد عليهوم بشي 6 ساعات دالطريق ) توجهات نيشان لعند رئيسة الخدم...سميتها عيشة كانت معاهوم فنيويورك ولكن فاش قرر سيف يمشي يعيش بوحدو سيفطاتها معاه باش ترد ليه البال حيت هي الي مربياه...مشات سلمات عليها وگلسات حداها) مي عيشة كيبقيتي شوية؟
مي عيشة: (الابتسامة على وجهها ..امرأة بشوشة شعرها شايب وعلى وجهها نور سبحان الله) لاباس امدام ...هدا من فضلكم ...نتمناولكم الصحيحة والسلامة نتي وسي ابراهيم مغرقينا من خيركوم الله يطول فعمركم
عايدة: (سدات عينيها وحلاتهم بالتقالة كتعبير على الشكر) گوليلي امي عيشة ....سيف كيداير فهاد المدة ؟ باقي كتجيه ديك الحالة؟؟
مي عيشة: (تنهدات وكدوي بالتقالة) ايييه على ولدي سيف مكانش هكا الله ياخود الحق فالي كان سباب ....ماعرفتش واش مزال كتجيه الحالة ولا لا وليني الاعصاب باقي معصب مكيعمرش الدار بزاف ...بعض المرات كيدهل عادي تاكنشوفو خرج ساخط وكيسوط مكيرجع تالغد ليه
عايدة: همممم . ومكتجي عندو تا شي وحدة؟
مي عيشة: (ضحكات بسخرية) ههه الله يالالة واش كضني ان سيف غيعاود يشوف فشي وحدة من بعد ديكشي الي طرالو ....راه مابقاش يحمل الشعرة فالبنات ولا عدواني وقاصح معاهوم انا الي كنشوفو فاش كتجبدليه شي وحدة...شوفي غي بنت عمو وختو كيكايتعامل معاهوم بحال عديانو ماشي عائلتو ...
عايدة: ( تنهدات بخزن) ياااربي اش هاد المكتوب ...الله ياخد الحق الله ياخد الحق
مي عيشة: (طبطابتلها على يديها كتواسيها) ماتخافيش الالة ابنتي الوقت كيشفي كل جراح مع المدة غيولي كيف كان
مي عيشة: (بجدية وحزم) وايااااك...واياااك ابنتي تجبديلو موضوع النسا دبا خليه على راحتو ولا غتجبدي النحل على راسك راه فاش كيتعلق الامربالبنات كيفقد السيطرة على راسو وكيولي واحد اخور (بعصبية وكارزة على سنانها) من بعد مادارت ديك الشي داك الموسخة (تراجعات على داكشي الي كانت غتگول) ...استغفر الله...استغفر الله ....خليني ساكتة بلا مانغلط
عايدة: صافي صافي ماتفكرينيش ...(ناضت) ايلا كان واجد العشا حطوه لسي ابراهيم انا تا سيف ماعرفتو فين زاد...وانا ماخصنيش گوليلهم يطلعوليا شي كاس دالحليب لبيتي وشي كينة دالراس
مريم: (مرات اسماعيل خو الس ابراهيم الي مات) اهلا ..لاباس احبيبة ونتوما كيوصلتو..وكيلقيتو سيف لباس عليه؟
عايدة: لباس ..لباس راكي عارفاه بلا ماانعاود ليك
مريم: اممم مادويتيش معاه فالموضوع
عايدة: مالقيت كيندير امريم الوقت غير مناسب ...وهو معصب غي بوحدو خفت نگوليه شي حاجة يتعصب عليا وترجع ليه الحالة تاني
مريم: بففف ...ياربي دبا اش غنديرو مع هادي ؟ راه فارعاليا راسي خصوصا منين مات باها ولات طبيعتها خاسرة ومحاملة حد وغي سميت سيف الي على فمها
عايدة: مشكييلة هادي... ديك بنتك تاهي گوليلها تصبر شوية ..عيقات والله گوليها تقل وترزن تا نخاولو نقنعوه بيها تا نشوف شي طريقة ...ماتنسايش بالي هو ماعمرو واعدها بشي حاجة وشحال وهي قدامو ومهتمة بيه قبل حتى ماي تعرف على ...(قلبات الهضرة مابغاتش تكمل) مهم انا مغنقبل بحتى وحدة دخل لدار ولدي من غير بنتك كوني هانية مغنقبل بحتى عروسة لبني من غير فيروز غي نعسي على جنب الراحة
مريم: انشاءالله يكون خير احبيبة...امتا غاتجيو؟
عايدة: اكيد غنجيو قبل صدقة د الربعين دالسي اسماعيل الله يرحمو
مريم: انشاءالله ....راني كنوجد ليها الله يجيبكم على خير...غيجي معاكوم سيف؟
عايدة: اكيييد غايجي ...اااه نسيت ماگوتلكش راه باه كلفو ينزل المغرب يقلب على ديك اللقيطة
غادي بسرعة فالطريق كيشوف غي الضبابة وسايگ بالجهالة وكيضوبل الي جا فطريقو ...خرج برا المدينة وتوقف عند واحد الحافة عالية كطل على بحر...مكان مخيف كيتسمع فيه غي صوت ارتطام الامواج بالحجر ..ضلام حالك والدنيا خاوية.نزل من الطووبيل خلا ضواو شاعلين زاد لاعلى الجرف وطاح على ركابيه وفرق يديه بحال غيعنق شي حد وطلق غوتة خارجة من الاعماق حتى تسمع الصدى ديالها بعيد ...غوت مرة وجوج وتلاتة بحالا كيخوي ديك الشحنة السالبة الي فالداخل ديالو وماباغي يتفكر تا حاجة من ديكشي الي مرسخ فداكرتو ...بقا كيشوف فالسما وضوء القمر ساطع ومنعكس على وجهو الي كيبرز عينيه الزرقة كتلمع مع لمعان الدموع الي محجرة فيهوم...من عادتو يجي لهاد المكان كيفش غضبو وكيخرج ديكشي الي فقلبو بلا مايشوفو تا حد مكيبغيش يبان ضعيف قدام شي حد ...كرامتو وغرورو وعزة نفسو مكيسمحو ليه ....وزيد عليهوم حتى طبعو القاسي ..الي كولشي كيعطيه قيمة وميقد حد يقرب عليه ...هضرتو قليلة مع الناس وحتى فالخدمة كيعطي الاوامر غي من بعيد وعندو نائبين ديالو كيقومو بكولشي باوامر منو ومتبعين معاه الخدمة فكل بقاع العالم وكولشي دايرليه حساب ومعروف مع اسماء الشخصيات المهمة فالعالم ...واسمو بالنسبة للبعض كافي باش يقلق راحتهوم ويخليهوم خايفين من مواجهتو او انهم يسمعو عليه شي خبار فعالم الاعمال ...وحياتو الشخصية الي مكيعرف عليها تا حد شي حاجة من غير عائلتو المقربة ...وماشي حيت هو بغا يگولهوم ولكن جات ضروف خلاتو يعلن استسلامو قدامهوم فلحضة ضعف منو ...مي مابخلوش عليه ووقفو بجنبو ومزال واقفين حتى يتجاوز هاد المحنة....بقا لساعات فديك البلاصة مسمر كيشوف فالبحر والهوا كيضرب فشعرو وصوت البحر وارتطام الامواج كيدخل لودنيه بحال شي سمفونية كتري الاعصاب....حتى برد وتكالما وناض ديمارا الطوموبيل ودخل للدار لقا كولشي ناعس طلع نيشان لبيتو كانت الساعة تشير الى منتصف الليل دخل دوش وخرج لبس شورط وتلاح فوق ناموسيتو نعس على كرشو وداتو عينيه .........
في المغرب------نرجعو عند نورسين----
فاقت نورسين مدگدگة حيت طولات البارح فصف الرقص كاينة عندهوم مسابقة خاصها تخدم مزيان ودرب باش تنجح....ناضت كتجبد شعرها طالع فالسما ...حالة عين وسادة لوخرا وكتحك فيهوم باش يطير منها النعاس...من طبيعتها كتفيق خاسرة ...غادة سادة عينيها وكتوفتت تا دخلات فواحد الكرسي ضربات رجلها فيه تا طلع معاها الضو...وبقات كتشطح شطحة الهنود الحمر
نورسين: ( كتنقز من خر الضربة الي فيقاتعا من بعد ماكانت غادة ناعسة) وااااااع نعلطبنمك بالزامل ...علاش ضاربني تفووو ااااح ...اااامي ...باينة هاد النهار غيطلع زين وطريقو مكتخرجش اااتفو(هزات الكرسي ضرباتو فالارض زعما كترجعليه الضربة ) هااااح حووو فيك الزامل باش تعاود ضربني مرة اخرى نعلدينمك(دارت موراها من بعد ماسالات السبان فالكرسي وشافت تنسيم الي فايقة حالة عينيها ومسمرة فبلاصتها وداز الفيلم كولو قبالت عينيها) مالنا ؟ لاش كتشوفي فيا هكا؟ نوضي تانتي دبا نن....
تنسيم: (غي كتشوف وترمش 20 مرة فالتانية) سملحمرحيم...الله يستر الله يستر نصبح على جنية ومانصبح عليك نتيا....واش تهوطرتي؟ واش نتي بنادم طبيعي صابحة تعايري مع كرسي؟
نورسين: وا هو ضربني
تنسيم: انا والله مانزيد معاك فالهضرة حايدي من قبالتي (ناضت دازت فيها ودخلات للطواليط)
نورسين: (بقات متبعا ليها العين تا دخلات عاد طلعات معاها راها سبقاتها للطواليط ...وتحلو عينيها ومشات كتجري للباب كدق) واااا ديك بنت القحبة....والشيخة..وابوعبيد الشرقي....واتلات سيدي بنور ....الله يعطيك بوگليب انا فايقة الاولى ونتي داخلة قبل مني(كدق) وا حليي ديلمو ولا نفرعو
تنسيم: (كضحك عليها من الداخل) هههههه وا خورتك تخويرة سانك سانك باش تعلمي تفيقي مواگضة فالصباح(قضات حاجتها وحلات الباب باش تخرج لقات نورسين واقفة فيها كارزة على سنانها وكتڤيبري فيها البولة )
نورسين :( (دفعاتها تخرج دغيا دخلات وسدات الباب وهبطات سروالها تبول كانت غتفرگع) عندك الزهر مزيراني البولة اما كون درنا شي طريح هاد الصباح
تنسيم: (كضحك) يا ربي السلامة هاد البنت مكتسالاش....واخرجي دغيا راه مشا الخال المدرسة
تنسيم: (سمعاتها كدوي غا بوحدها) واااانوووووور ...ايلا ساليتي من الهضرة مع راسك خرجي راه سالاو الفطور
نورسين: (سمعاتها تحلو عينيها تاني غسلات سنانها بزربة ووجهها ومشطات شعكاتها و خرجات كتجري وكتمشي وتجي فالبيت من الماريو لبلاكار الكتوبة للطبلة للمراية تالفة وموضرة ماعرفات اش دير
تنسيم: (كتشوف فيها ومتبعاها بعينيها كتحاول تفهم اش ناوية دير ...هزات راسها يمين شمال)لا حول ولا قوة الا بالله( مشات عندها جراتها ..گلساتها غا بشوية على طرف الناموسية وتبتاتها بحال شي ولد صغير) گلسي هنا تنوضي نتفاهم معاك(مشات هزاتلها حوايجها وجابتلها كتوباتها وجاكيطها والصباط حطاتهوملها قدامها ولوخرا غي ساقلة مبلقة فيها عينيها) هاكي ها شنو تلبسي ...وهادي سميتها شكارتك(حطاتهالها حداها وهزات الجاكيط) وهادي جاكيطتك(هزات ليبوط) وهادو غتلبسيهوم حيت الشتا...مفهوم؟ واااش مفهوم
نورسين: (كتبحلق فيها مافاهماش اش كتحاول دير عاد طلعات معاها بلي داياها على قد عقلها ونفاجرات بالضحك وضرباتها بداك الجاكيط) ههههههههه الله يمسخك ...دايرياليا بحال واد صغير ..اجي لبسني حسن
تنسيم:هههههه وراه لا مادرتلكش هكا ...غتبقاي دوريلي هنا ...يالله طلقي راسك هانا سابقاك
خرجات تنسيم وبقات نورسين كتلبس ...سالات وهزات شانطتها وخرجات بخطوات مسرعة دازت على تنسيم الي كانت كتفطر جراتها وخرجو كيجريو
تنسيم: (غاديين كيجريو) وا غي بشوية اصاخبتي مالك مزروبة
نورسين: (كتجر فيها ) زيدي زبدي اصاحبتي راه عندي فرض فالماط على الصباح ....بففف
مشاو كيجريو لحقو الطرونسبور غيتحرك ...ركبو فآخر لخضة ومشاو.....الطرونسبور خاص بالميتم كينقل غي الدراري الي فيه بحكم جاي بعيد على المدينة وضر‘ري خاص المواصلات باش يقدو يمشيو المدينة ..وصلو المدرسة دخلو تفارقو فالباب نورسين دهلات دوز فرض وتنسيم مشات عندها حصة دالرياضة الي غيديروعا فالقاعة المغطاة حيت تلشتا برا ....داز الصباح عادي ..نورسين دوزات الفرض مزيان ...حيت هي اصلا متفوقة فدراستها وكتجيب نقط عالية ومواضبة فالمدرسة ومعروفة بحسن السلوك
خرجات قبل تنسيم بقات كتسناها فالباب باش يرجعو بجوج لحسن الحض عندهوم تقريبا نفس التوقيت كيمشيو بحوج ويجيو بجوج...وهي كتسنا قدام الباب ...كيدوزو مجموعة ديال البنات كيميقو فيها ويطلعو ويهبطو ويبثاو يتغامزو ...تصرفاتهم كلها كدل على انهم غايرين منها ...بنت غاية فالجمال وقراية..يعني عندها ديكشي الي معندهومش هوما ...عاطية العين وكولشي كيحماق عليها وكتلقا مدح واعجاب من الجميع الشي الي كيتير الغيرة ديال دوك البنات
بنت1: شوفي كيدايرة ...وحاسبة فراسها شي حاجة
بنت 2 : ههههه ما عندها ماتحسب فراسها راها غي ملقطة عايشة غي فالخيرية تعيا طير كتبقا بنت الحرام
قصة تائهة أنا
محتوى القصة
التنقل بين الأجزاء