عائشة : ااه مهم دكشي اللي قلت لك سمعتو كيهدر عليه .. غير زف ليهم الخبر كاملين .. مالاحظتيهمش كيتبدلو فيهم الالوان و حمد الله حبسو الماكلة اما كون وحلات ليهم ..
سندي : لا ماشفتش فيهم حيتاش مكنتش كنفهم ..
عائشة : اوا كون شفتيهم غاتفهمي .. ولكن حتى واحد مقدر يقول شي حاجة قدامك .. فضلو يخليو حتى يجلسو فاجتماع بوحدهم غير الكبار دالعائلة ..
سندي : هي غايجتامعو دابا ؟؟
عائشة : لا .. فالليل متيكونش اجتماعات عائلية الا فاش تيكون شي خاجة طارئة .. اه نسيت مقلتش لك العرس بعد 15 يوم. .
سندي : 😳😳😳😳 أ أ شنو .. اويلي مالهم على زربة ..
عائشة : اه اه راه خصهم ازربو .. منها يعرسو لك منها يتعرفو عليك الناس اللي ساكنين فهاد ضيعة ..
سندي : (حركت راسي و درت ضحكة صفراء و هي بدات تشرح و انا غيبت كنفكر و نهدر بيني و بين راسي ) .. دابا هاد 15 اليوم خاصني نستاغلها .. منضعيش الوقت و نهرب ميمكنش نبقا هكا .. ضروري نلقا شي حل .. (سهيت حتى لقيت عائشة كدير ليا يديها قدام عينيا .. كتفيقني زعما ) .. ا ا سمحي ليا كنت كنفكر ..
عائشة : اه صراحة عرسك قرب ضروري متكوني كتفكري فيه 😍😍 ..
سندي : اجي شحال دالحرس هنا ..
عائشة : كينين بزاااف من غير رجال د الاغا اللي منتاشرين فكل بلاصة .. ماشي غير فالقصر و انما فالضيعة كلها ..
سندي : اي اي .. متخرجيش من فمك شي حاجة كتفرح .. وا اجي مرة وحدا جيبي ليا شي خبيرة زوينة .. مهم قولي ليا مال هاد ناس تيخدمو بالليل و بالنهار .. اكيد الليل استراحة ..
عائشة : هبيلة نتي ولا .. كاين فوج د صباح و فوج دالليل .. راه قصر الاغا هداا .. و عندو اعداء و خاصو يكون محروس 24/24 .. و الحراس كلهم مسلحين .. يشكو ف شي واحد يتيريو فيه بلا شفقة بلا رحمة ..
سندي : 😳😳😳 اي ضرني قلبي .. عائشة تصبحي على خير .. يصبح و يفتح 😭 ..
#اصبحنا_و_اصبح_الملك_لله
.. فقت ف صباح بلا منعرف شحال ف ساعة و معندي فاش نشوف .. ضرت نشوف عائشة واش حدايا ملقيتهاش امكن فاقت و خرجات لخدمتها .. نضت خديت فوطة و دخلت للدوش دوشت و خرجت كندهن و انا نصاوب شعري سامبل و لبست حوايجي كيف العادة .. صالوبيت بشورط و تيشورت و درت مكياج خفيف و سندالة د صبع بلا كتبري .. بدلت الفاصما لرجلي و عاودت عقمتها و انا نخرج .. مشيت كنقلب على عائشة فين كاينا حيت هي اللي كتفهمني و نافعاني اصلا .. بديت غادا فينما جاب الله و انا نخرج ف علي و فولكان 🙄🙄 .. بغيت ندوز و هو ينطق واحد فيهم ..
...: Merhaba ..
ياااه قال مرحبا 😍😍 تيهدر بالعربية افف الحمد الله (البهلة د سندي معارفاش باللي تواركا تيقولو مرحبا هههههه ) ضارت عندهم و هي ترجع ..
سندي : هيهيهي حتى نتوما كتعرفو العربية .. مهم انا كنقلب على عائشة ..
بجوجهم دقة وحدة : ??? Efendim ..
سندي : ممم تيهدرو فشكل تاني .. مهم عائشة (كنعبر بيدي غير باش يالله نتفاهمو ) ..
هما غير سمعو عائشة فهموني اش بغيت و مشاو معايا ل كوزينة و دخلت اناوياهم و كلشي بدا حال فمو لعدة أسباب ههه طوطوز اللي معايا و اللي مموالفينش يشوفوهم فالكوزينة و تقزيبة ديالي .. اضافة اننا جينا مجموعين ..
سندي : هيهيهي عائشة كنت كنقلب عليك .. (ضرت عند دراري ) شكرا ..
حدرو راسهم بتاسمو ليا و مشاو .. اما عائشة الارض مهزاتهاش فرحانة و كتقلي السم للخدامات الاخرين .. اما دوك خياتي ديال سلطانة و زهرة و سيلين محملونيش بداو يقولو شي هدرة من تحت سنامهم بغاو اطرطقو .. متسوقتش ليهم و انا نخرج ..
خرجنا انا و عائشة مشينا لواحد الجلسة حدا شي غرس دالورد .. صراحة الجو زوين و الكلسة زوينة تاهي ..
سندي : جيبي ليا الفطور لهنا .. و جيبي لك حتى انتي مكيعجبنيش ناكل بوحدي ..
عائشة : لا منقدرش ..
سندي : عائشة .. راه ماشي كل مرة نقولك شي حاجة تقولي لا ميمكنش .. سيري ديري اللي قلت لك و اللي دوا معاك غيلقاني انا ..
.. مشات عائشة تجيب الفطور و انا بقيت كنتمنظر فالمناظر اللي افتقرتها .. من زماااان ماشفتها .. صراحة الجو زوين و المنظر طبيعي و غزال بزااااف .. هزيت عيني لقيت اللي غادي و اللي جاي كيشوف فيا و بانت ليا بنت عبد العزيز رزان كتشوف فيا من بعيد .. ههههه كتشبه ليا شويا .. امكن هي و علي قد قد .. يعني فارق سن اللي بيناتنا ماباينش .. صراحة الجو تيحل الشهية للماكلة بقيت كنتسنا ف عائشة حتى سالو ريوكي .. افف اخيرا هاهي جايا ..
عائشة : هههه ويلي كلشي كيهضر عليك فالكوزينة .. و انا درت راسي باغا نعصر العصير حيت نتي طلبتي مني و بقيت كنتعطل .. لقيت لالة سلطانة و زهرة و سيلين هازين شوكتهم كيقلبو معامن .. سلطانة كدوي على حوايجك و عدم الاحترام ديالك و زهرة ماحاملاكش حيت غاتدي ليها ولدها و سيلين ماحاملاكش على قبل تعامل الاستثنائي د عبد العزيز ليك .. مهم و الخدامات ماحاملينكش حيت جيتي مع علي و فولكان لكوزينة و دوك شوفات للي دارو فيك خصوصا انه عمرهم وصلو عندنا لكوزينة .. المهم قلبتي نظام د دار هههههه ..
فطرنا انا و عائشة و دوزنا نهار اناوياها فالهدرة و تعاويد و ضحك .. حتى وصل الليل و قلت نرجع لبلاصة دالبارح ولكن هاد المرة مع عائشة باش توري ليا البلايص مزيان .. طلعنا لسطاح تنشوفو و بديت عليها بالاسئلة و هي كتجاوبني و مستحملاني ولكن حتى انا مستحملاها ناري مكتسكتش من الهدرة ههه ولكن ضريفة و فوقما بغيتها كنلقاها .. بقينا هكاك على ضحك و تعاويد ف سطاح حتى طلعو عوتاني دراري و لقاونا .. هنا كتاشفت باللي عادة فيهم يبقاو يطلعو ديك الوقيتة .. انا شفتهم و قلت ل عائشة نهبطو ولكن هي لسقاااااااات يا ربي السلامة بزز باش تحركات .. دزنا سلمنا عليهم و حنا نهبطو .. تلاقيت مع عبد العزيز فالدروج غادي للمكتب ديالو ..
عبد العزيز : سندي تبعيني ..
سندي : واخا ..
مشينا للمكتب و بقات عائشة كتسناني حدا الباب و اناوياه الداخل جابو لينا قهوة تركية .. منكرش باللي بنييينة ..
عبد العزيز : راه بداو فالاصلاحات دالبيت ديالك .. و اليوم غاتنتاقلي لبيت د علي حتى تقاد ديالك ..
سندي : بما انك قلتي علي .. راه كنعتاذر البارح وقع سوء تفاهم .. مو كان كيحاول يعاوني و انا فهمت غلط ..
عبد العزيز : ااه .. كنت عارفاه ميوصلش لداك المستوى .. مهم راه هدرنا انا و اسماعيل الاخ ديالي و قلتها العائلة بعد أسبوعين غادي نزوجوك لفولكان ..
عبد العزيز : اللي بان ليا مناسب هو هذا .. خير الامور عاجل .. مهم البيت اللي كانصلح .. غادي تصلح حتى على هاد الاساس .. لبعد زواج زعما ..
سندي : اه واخا .. مهم انا عيانة .. نخليك نعس ..
عبد العزيز : راه عائشة تديك لبيت د علي ..
سندي : (ابتاسمت و حركت راسي بالإيجاب و خرجت ) ..
#دازت_اسبوع
.. اييه سيمانة دازت و ماكاين حتى تغيير من غير انني غيرت البيت ديالي بعدما تصاوبات .. اكيد ماكنتش مربعة يدي .. كل مرة كنحاول شي محاولة نهرب كنفشل و مكنسلك راسي الا تحصلت غير بأعجوبة .. و شحال من مرة فولكان عتقني مسكين ضريف .. كيحصلوني كيقوليهم كنا خارجين و انا اللي قلت ليها تجي عندي .. المهم مبقيت عارفا شنو ندير .. حتى فولكان فاش هدرنا انا وياه على انفراد و معانا عائشة للترجمة .. قاليا باللي تاحاجة ماغاتكون بز مني .. واخا نتزوجو غايكون طلشي على ورق و الا قدر يعاوني فشي حاجة ماغاديش يبخل عليا ولكن حتى هو ما بيديه حيلة .. الحاصول و ما فيه غرقت تال القاع و ملقيت كيفاش نطلع .. استسلمت امري لله هو اللي بيديه كلشي و بقيت كنتسنا شي معجزة توقع ..
اما ناس فالقصر ماكاين غير جرا كلشي بدا كيوجد للعرس و مشغولين بالتحضيرات .. و انا كتجي عندي وحدة مرة مرة تاخد ليا مقاسات لكسوة العرس .. صراحة مبقيت عارفا اش ندير ولا اش ماندير وليت خاشيا راسي ديما فالبيت بوحدي مع عائشة كتوصل ليا الخبيرات شنو واقع و من بين خبيرات اللي وصلات ليا هي ان زهرة خرجات داكشي اللي كانت مخبياه باش تعطيه لمرت ولدها ولكن قالت ليا عائشة بزز منها و بالدموع تتوجد للعرس ماباغانيش و حتى انا كاعما فرحانة ليه .. و ماكاين اللي كايفاجي عليا من غير المجية اللي كيجي عندي مرة مرة علي و فولكان .. ضريفين تيعتابروني صديقة ديالهم او ختهم و انا فالاصل خت علي .. و عائشة كتبقا معانا على اساس مترجمة ديالي ولكن أنا مكرهتش يبغيها علي كيفما كتبغيه .. تستاهل ضريفة و زوينة بزاف واخا خدامة مكيهمش .. كنظن خاص غير اللي يحل لعلي عينيه باش يشوفها .. المهم انشاء الله يتجمعو هوما و تفك حريرتي حتى انا على خير ..
داز نهار بحال كاع الايام و عبد العزيز تاهو كيجي يهدر معايا و يسولني واش خاصني شيحاجة ولا باغا شي حاجة .. ديما كانجاوب بالنفي و كنبين باللي طايح عليا ضيم ولكن والو مكنحرك فيه حتى شي ساكن ..
هدشي كيضرني فخاطري و كيزيد عليا الاشتياق لكنزة تاهو المهم كلشي تجمع عليا دقة وحدة .. نهار تيدوز عليا بحال العام ..
.. الايام كدوز قدامي و انا ماقادرا ندير والو غير كنشوف .. عيني نشفو من دموع. . عقلي توقف من تفكير .. صافي وليت متأكد ان مصيري هنا و اسلام حفر ليا قبري و سيفطني ليه بدون شفقة او رحمة .. حالتي ولات تشفي العدا مبقيت ناكل ما بقيت نشرب و ضعافيت وليت حالتي حالة .. ولكن فاش بقات 5 ايام للعرس بداو تيعلفو فيا بحال البقرة باش منحشمش بيهم قدام ناس اما حشيان الهدرة منعاودش ليكم .. و هدشي و مكنفهمش غير دكشي اللي كتشرحلي عائشة .. اما كوكنت كنفهم كوراه مت بالفقصة ..
يوماين قبل من الحنة مشينا الحمام ديالهم .. عادات خاصة بالعروس صدموني تقريبا بحالنا .. تحمحمنا بالغنا و الضحك (غير هما اللي كيضحكو ) .. و كالسين على شطيح حتى خرجنا ..
وصل نهار دالحنة .. خرجو رجال و بقاو العيالات بوحدهم كيوجدو و عرضو على جيران(نساء فقط ) قالو ليا نقاد حالتي و جابو ليا واحد لباس حمر و بقات معايا عائشة توريني .. لبست داك لباس و غطيت وجهي بشال حمر و جات عندي سلطانة و سيلين هبطوني بالغناء .. حطوني فواحد الكرسي الوسط و انا مكنشوف فتاحد (مغطية وجهي) و تاحد مكيشوف فيا .. شدات ليا وحدة فيهم يدي لطخاتها وشوية دالحنا و دارت فوق منها لويزة و ضورات عليها شريط حمر باش تشد .. هما ماعندمش الحنة بزواق غير كور و عطي العور .. انا بقيت كنبكي تحت داك زيف تا مشات روحي تخرج و هما شاعلين موسيقى كيدورو عليا .. اسحاب ليهم كنبكي غير بالفرحة و مرة مرة كتصبر فيا شيوحدة .. دازت ديك الليلة بحال هكاك .. طلعت فحالي شبعت بكا وشهيق حتى نعست .. فقت عيني مورمين .. كنسمع ناس طالقين موسيقى فرحانين .. انا صبحاات عليا عائشة مع ديك سيدة اللي كاتاخد ليا العبار جابو ليا كسوة دالعرس .. و بغاوني نقيسها من دابا باش الا خاصها شي حاجة يزيدوها ماحد باقي الحال .. وافقت حيتاش اصلا معنديش خيار اخر انا امام الامر الواقع .. بالله لبستها و جيت قدامهم و هو يتحل الباب ..
فولكان : 😍😍😍
.. دخل شافني تقلبو عينيه مسكين .. مازال كاعما خضر عويناتو بينما بدات عائشة تتجري عليه و تخرجو و تقوليه شي هضرة مفهمتهاش و هو مابغاش اتساس كيطل .. اما ديك سيدو اللي جات ميتة بالضحك .. دخلات عائشة و انا نسولها ..
سندي : علاش خرجتيه .. ؟ امكن يكون باغي شي حاجة مهمة ؟
عائشة : وا لا راه ماخصوش يشوف الكسوة دالعرس فال خايب ..
(بيني و بين راسي ) عالله هاد الفال الخايب يقضي شي حاجة هاد نهار ..
قيست الكسوة و جاتني هي هاديك .. قلت لعائشة تجيبلي الفطور كيف العادة لبيتي لينا كاملين ولكن سيدة اللي جات رفضات و هي تمشي بعدما شكرتها .. دخلت دوشت و لبست حوايجي و نشفت شعري لبين ما تجي عائشة و انا نسمع دقان ..
سندي : دخلي ا عائشة ..
.. ولكن مصدقاتش عائشة .. صدق علي .. اخر واحد نتوقعو يجي ..
علي : (كيفرنس حيتاش سمعها قالت عائشة ) ..
بقينا جالسين كنتفاهمو بالإشارات حتى جات عائشة غير شافتو كانت غاطلق صينية كون مانضت شديتها .. كتحماق عليه كتشوفو كيبريو عينيها .. خصوصا فهاد الفترة اللي كنجلسو مجموعين .. بانت ليا سهات فيه و هو حشم و انا نفيقها ..
سندي : احم احن .. حسن نيت فاش جبتي فطور ل ثلاتة د ناس .. واخا مشات ديك سيدة جا علي ..
عائشة : (عقلها ماكاينش هنا ) ااه ..
سندي : وا البشار تجمعي عيقتي .. هو حشم و انتي ماباغاش تحشمي ..
عائشة : افف خلينا خلينا غير نسقيو عويناتنا ..
.. مهم بدات عائشة ترجم و تشرح و بقينا بثلاتة تنفطرو و نضحكو و من بعد جاني الفضول بغيت نعر علاش جا .. سولاتو عائشة و صراحة الجواب ديالو متوقعتوش .. قاليها باللي بغيت نبقا شويا مع ختي الكبيرة قبل متولي عروسة .. حسيت فديك اللحظة بحنين و محبة الاخوة اللي عمرني حسيت بيها .. بلا منشعر نضت عنقتو بجهد و حتى هو نفس الشيء .. بقينا شحال بحال هكاك اصلا كنت محتاجة داك الحضن .. جاتتي البكية و محبستهاش طلقتها و بديت نبكي حتى كنشهق و هو ماسولني ما تاحاجة بقينا هكاك حتى كنسمع ديك الهبيلة د عائشة تاهي كتبكي .. حسيت بيه فهمني و عرفني علاش كنبكي بلا منقول .. شويا و هي دخل رزان خصرات لينا الصورة الجميلة .. جات كتشوف واش خاص شي حاجة و قالت شي حاجة لعلي و خنزرات فينا و هي ضرب الباب و خرجات و حتى هو حط ليا راسي على كتفو شويا و هو ينوض مسح ليا دموعي و باسني فجبهتي قاليا شي كليمات و خرج تبعها .. فاش خرج و انا نضور عند عائشة و هي فهماتني بلا مانطق ..
عائشة : هو قاليك باللي من اليوم غايبقا ديما فجنبك ..
سندي : مسكين .. اه و ديك العقروشة د رزان شقالت ؟؟
عائشة : جات تكب سمها اللفعة الاخرى .. كتشبه لمها .. قالت بغات تشوف ياكما خاصا شيحاجة ولكن باينا ماخاصش راه علي مكلف بيكم .. و هي تقوليه هو ما شاء الله على الاخ الحنون .. منعرف منين خرجات لك هاد ضرافة و فالاخير قالت ليه الا ساليتي من هاد دراما ديالك هبط راه كيقلبو عليك .. و المباقي شفتيه خرجات و ضربات بالباب ..
يالله هزات عائشة المواعين و بغات تخرج بينما جاو شي خدامات و معاهم زهرة جابو الحوايج اللي جابت ليها حماتها و جابو الحوايج حتى ديال فولكان نظرا انهم غايتزوجو و غايبقاو فبيت وحدة .. بدات زهرة كتبلبل و تهدر و تقوليهم فين يحطو .. ماخرجات تا طبخات لينا مخنا ب بلا بلا .. عندها زهر مكنفهمهاش اما والله لا سكت ليها .. غير خرجات هي و دوك لحاسات ديالها و هي ضور عندي عائشة ...
عائشة : اي اي اي يا ربي سلامة .. يخ هاد ختنا قلبها عامر حقد ..
سندي : شكانت كتقول .؟؟
عائشة : قالت شهاد الحالة نهار عرسك و فايقا فهاد الوقت و الفطور وسط البيت و. .. و .. و باللي ناس غايجيو و نتي مزال مالبستيش و باينا ليوم غانتفضحو مع ناس ... المهم هدرة خاويا ..
سندي : اوووووف بحال الا انا راسي خاوي بقات ليا غا هي نعمرو بيها ..
عائشة : رتاحي بينما نجي ..
خرجات هي و بقيت كنتسنا شحال و هي تجي عائشة مع مولات كوافور و هي نيت تعاود تخرج كتجري .. بدات هاديك كتسرح ليا شعري فسقيل عرفاتني مكنفهمش .. سالات ليا تسراح و هي دخل عائشة ..
سندي : فين كنتي ؟؟
عائشة : والو ... غير غير كان واقع مشكل مع صحاب الإضاءة .. جاو شي وحدين صاوبو كلشي حتى سالاو و جاو وحدين خرين و قالو باللي هما اللي مكلفين .. و الاخير اتضح ان اللولين تلفو بالعنوان .. ولكن مضطرين ابقاو معانا حيتاش هما صاوبو و سالاو خدمتهم و الاخرين سيفطوهوم لبلاصة خرا ..
.. بقينا فالبيت تنتقادو حتى ساليت مكياج و شعر درت مشيطة زوينة بضفرات و قلت لعائشة تاهي تصاوب و تلبس شي حاجة زوينة .. لبست لاغوب دالعرس و دورات ليا عائشة واحد سينتة حمراء على كرشي و عقداتها قالت من عاداتهم .. انا شي نهار غايسطيوني العادات .. لبسات عائشة واحد الكسوة زوينة عطيتها ليها و مع صوبات شعرها و مكياج معرفتهاش جات كتحمق ..
طاحت ضلمة و ناس بداو كيجيو .. و الدبكة كتسمع عندنا تال الفوق و الموسيقى.. خرجات الكوافورة بعدما وجدات العروسة و بقات سندي و عائشة وحدة كتمدح فالاخرى حتى دخل عليهم علي و فولكان .. كل واحد فين حوالو عينيه و كيفاش كيشوف .. خصوصا علي اللي عجباتو عائشة بدرجة كبييييرة و معرفهاش حتى هدرات .. زاد تصدم ولكن مقدرش اخفي الاعجاب ديالو و بقاو هكاك مسحورين ببعضياتهم .. اما سندي بقات غير حادرة عينيها حتى قالت ليها عائشة باللي هادي هي الوقيتة فاش خاصها تهبط .. هبطو مجموعين و كلشي كيشوفيهم و جات تبارك الله تتحمق و اللي شافها تتعجبو .. هبطات التحت جلسات فطبلة دالعدول و جلس حداها فولكان و قبالتهم علي و عائشة (شاهدان ) و جاو صحاب دبكة حداهم نوضوها شطيح .. يالله بغا يبدا العدول فديك بلا بلا ديالهم و هو يتقطع الضو .. و ولا كلشي مضلم مكيبان وااالو .. هنا بدا الجرا و الدفيع و الغوات و كل واحد منين كيهدر .. و ضلااااااام لدرجة مكيبان والو تقطع ضو ف كلشي حتى حاجة ممضوية .. بقاو شي 10 دقايق بحال هكاك عاد رجعوه اللي مكلفين بالضو ..
غير تشعل الضو و كلشي رجع لبلاصتو و لكن الصدمة هي ان العروسة ماكايناش .. عبد العزيز تعصب صيفت رجالو يقلبو عليها فينما كانت يالله بغاو يمشيو و هما يسمعو سوط د طونوبيل حدا الباب .. كلشي مشا كيجري يشوف لقاوها ديمارات و فيها شيواحد و الكسوة خارجة من الباب .. صافي تأكدو عرفوها العروسة .. بدا يغوت عبد العزيز يوجدو طونوبيل يلحقو عليها .. تعطلو شويا ولكن مع ذلك لحقو عليها (عبد العزيز و رجالو كاملين و معاهم رجال العائلة) و بدات كتبان ليهم بقاو غاديين موراها ولكن حسو بيها بدات كتزعزع ف طريق .. قالو امكن مع ضلام عادي ولكن صدمة هي ان طونوبيل كانت غادا بسرعة كبيرة و دخلات فواحد الجبل فالطريق و مع سرعة كانت كبيرة و طونوبيل سخونة شعلات فيها العافية و مع ليصانص تفركعات .. غير شاف عبد العزيز داك المنضر و حبسو طونوبيل هو و رجالو تصدمو .. كلشي بقا مستف مصدوم تاحد ما قدر يقرب .. عرفو باللي صافي اللي فطونوبيل ماااات .. سيفط عبد العزيز واحد من رجالو يطل .. و رجع لقا باللي طونوبيل شاعلا فيها العافيا و اللي فيها كاملو محروق .. رجعو فحالهم و ردو العرس جنازة و ملقاو ميدفنو .. طونوبيل بقا فيها غير رماد و الداخل ديالها كلها رماااد ..
#صبح_صباح
كنفيق مقدرتش نحل عيني و مافاهما والو و راسي كيدرني و معقلتش اش وقع .. ضارب ضو فعيني ماقادراش نحلهم .. بزز باش حليتهم و انا نتصدم 😳😳😳😳 ..
سندي : إ إ إسلام .. 😳😳😳😳
.. سندي بقات كتشوف فإسلام مصدومة مافاهما والو و كتحس براسها بحال الا كتحلم .. حيتاش اخر حاجة عاقلة عليها هي فاش تقطع ضو البارح .. بقات كتسد عينيها و تحلهم واش نيت بصح ولا غير كتحلم ..
إسلام : صباح الخير .. 😊
سندي : لا هدشي بصح يمكن (كتحاول تنوض ) شكادير هنا (كضور عينيها و هي تقرص راسها ) أي اي مكنحلمش ( جمعات ضحكة و هي تخنزر ) .. اش جابك عندي ؟؟ 😡😡 ياك صافي طلقتيني و بعتيني رخيصة .. لاش تابعني ؟؟
اسلام : سكتي بلا هدرة خليني نشبع شوفات .. راني توحشتك ..
سندي : اشمن شوفات ولا خرا .. سير عطيني تيساع .. واش مالك مريض .. ميسحابش لك تبيعني و تشريني فوقتما عجبك .. و زيد فبالك انا ماشي هي سندي اللي كنتي كتعرف ..
اسلام : حبسي بلا متزيدي هدرة .. راكي بديتي تخوري عوتاني .. و زيدي فبالك انا مابعتكش 😡
سندي : شوف نقولك .. هاد الهدرة متجيش تسكتني بيها .. زيد فبالك حاجة خرا انا مبقيتش كنبغيك .. و ماشي غير هدشي .. انا كنكرهك .. بعدما خليتيني انا حسيت براسي تولدت من جديد .. و انت ماكاينش فمخططاتي اللي رسمت للمستقبل ديالي ..
اسلام : سندي (غوت ) بلا متعصبيني غاتسكتي تخليني نهدر ولا والله تاندير فيك يديا ..
سندي : بأشمن حق دير فيا يديك .. شكااتجيني ؟؟؟ متنساش راسك (كتشير بصبعها ) اللي كيجمع بيناتنا هي كنزز .. (طار عليها باسها فمها باش يسكتها و هي تحبسو ) ..
سندي : (كتمسح) متخلينيش نقرف منك كثر من هكا .. سندي اللي كنتي كتعرف ماتت انا وحدة اخرى .. و انتوما اللي قتلتوها .. و دابا اللي نطولوه نقصروه .. الا باغي تكفر على ذنبك خليني ندي بنتي و نعيشو هانيين و مغانحرمكش منهاا و فوقتما بغيتيها غاتلقاها ..
بقا اسلام كيسمع و مصدوم من طريقة باش ولات كتهدر سندي و المعاملة ديالها ليه بحال الا مكتعرفوش نهائيا .. تبدلات 380 درجة خلاها كتعبر على خاطرها حتى سالات و محبسهاش .. بغاها تخرج كاع اللي فخاطرها باش يعرف احساسها و يعرف كيفاش يتعامل معاها .. و حتى هي مقصراتش من جيهتو ماخلات غا اللي نسات و حتى اللي نسات كاتجيبو الهدرة و تفكرو و تقولو حتى هو .. مع انه كيتجرح من كلامها حيتاش ظلماتو الا انه خلاها و محبسهاش و بالنسبة ليه هي عندها الحق فكل كلمة قالتها ليه الا فكلمة وحدة غير نطقاتها و هو يتهز إسلام و تحط إسلام آخر و الكلمات بقات كدور ليه فدماغو و يتعاودو 《انت ماشي راجل .. انت شماتة .. بزاف عليك تكون راجل .. رجلة خليها لماليها .. كنشمأز من راسي فاش كنتفكر باللي كنت كنبغي شي واحد بحالك 》
.. بدات سندي كتخرج فالهضرة و كاع داكشي اللي جمعات خواتو و زادت فيه كاع .. قالت اللي خصو يتقال و اللي مخصوش و إسلام صبر عليها حتى مقدرش اصبر و هو يهز يديه حتى السما و هو يهبط على وجها .. تجمعات و قطعات حسها .. عاد عاقت شكانت كتقول .. حسات براسها زادت فيه ولكن مندماتش .. بقات ساكتة حتى كتحس بشي حاجة كتهبط من حدا فمها .. مسحاتو لقاتو دم ، متخلعات ما بكات ما غوتات ماقالت ليه علاش .. عرفات اش دار .. بغات تنوض ..
اسلام : سيري غسلي وجهك و رجعي .. و الا درتي اللي فراسك انا اللي غانهز بنتي و عمرك مزال ما تشميها حيتاش زدتي فيه و حكمتي عليا بلا متسمعيني ولا تقولي علاش .. مشا عقلك ديريكت الخايب .. مهم بلا منطول دخلي لدوش غسلي و نهدرو ...
دخلات سندي للدوش قضات حاجتها اصلا كانت مزيرة غير حابساها و غسلات وجها و بدات كتشوف فالمراية فمها .. و الدقة اللي حمرات ليها نص دوجها و هي تسها بدات كتفكر و تسول راسها غير بينها و بين مخها .. اه علاش اسلام عطاني بدم بارد و ماشي من عادتو ؟؟ كيفاش رجعت؟ شكون رجعني ؟ كيفاش .. و كيفاش .. و كيفاش .. ؟ .. و الاجوبة دياال كاع هدشي كينين غير عندو .. ميكونش هو اللي رجعني ودار هاديشي كامل على قبلي ؟؟ منكونش ظلمتو و هو برئ ؟؟؟!!! .. اشمن برئ 😡😡 فيقي ا سندي باراكا من البهلان .. شفتك نسيتي كلشي و نسيتي طلاق و نسيتي شحال من حاجة .. ولكن باش ميبقاوش عندي جوج ريوس غانخرج نتواجه معاه و نشوف شغايقول .. الا عندو اصلا ميقول ...
لا لا لا لا 😡😡 علاش نتحاول معاه شكون كيكون .. ماغانعطيهش ديك الفرصة فاش يبدا يكدب .. 😏😏 افففف الا مسمعتوش غادي يدي ليا بنتي (هي راها باغا تسمع ليه ولكن كرامتها ما خلاتهاش ) .. صاف انا غانسمع ليه غير على قبل بنتي و صاف اما انا ممسوقاش ليه 😤😤 ..
بقات سندي غارقة عوتاني فتفكير من حاجة لحاجة و نساااااات راسها واش معطلة و كتحاول تقنع راسها و تريح ضميرها و تبت كبرياءها بحل وسط يرضي جميع الأنا ديالها حتى فزعها إسلام كيدق عليها اسحاب ليه سخفات ..
سندي : هانا خارجة 😏 .. اففف
(جبدات واحد بوماضا دارتها فجنب د فمها باش ميتنفخش ليها و خرجات )
اسلام : (بينو و بين راسو ) غي بلاتي على دين موك والله تانخرج منك هادشي كامل اللي قلتي 😇 ..
.. خرجات سندي من الحمام (دوش-طواليت) دافعا كبير و منفخة من اسلام ، مشات جلسات فواحد الفوطوووي قدامو ..
سندي: واخا ا سيدي هاني كنسمع ..
اسلام : 😡 صبرت عليك بزاف .. ولكن دابا انا اللي غانقول جوج كلمات اللي عندي و نزيد فحالي .. و ديك ساع نشوفو شكون عندو الحق و شكون الظاالم و ممزيانش فينا ..
سندي : أش (قاطعها ) ..
إسلام : تزيدي كلمة والله منضمن لك راسي .. قسمت ليك فمي بالله منعقل عليك .. (غوت ) كثرت الفشوش مغاتنفعنا بوالو .. انا عارف راسي اش درت و حقك دالهدرة قلتيه و زدتي عليه .. و صبرت عليك واخا ماشي من عادتي .. اوا دابا تركني تركني قبل منزدح طاسيلتك مع الحيط و خليني ندوي و فاش نسالي و تسمعي ديك ساع بغيتي تبقاي بقاي مبغيتيش سيري مغاديش نشدك .. و كنزة نلقاو ليها حل ..
.. سندي شافت المعقول و القضية حامضة و هي تركن و بدا يجيها الفضول شغايكون واقع .. بدات تساءل بعينيها 🤔🤔 ..
اسلام : غانبدا نعاود من الاول و متقاطعينيش(كيسوط ) .. هادشي كامل بدا فاش جا باك .. من بعد كنت باغي نرجعو فحالنا خرج لينا عيد ميلاد بنتك من جنب .. انا كنت عارف عبد العزيز مراقبنا ولكن كنت كنظن انا مراقب تحركاتو ولكن هو كان سابقني (كيعبر بيديه و يسوط ) ..كيفما تيقول شحال قدك تحضي اللي حاضيك .. المهم عبد العزيز عارف التحركات ديالنا كاملين و فالحفلة دخل رجالو ضمن اللجنة تنظيمية و دار غاز تيطرتق بالتوقيت .. و هاد الغاز تيخلي كلشي يفقد الوعي لمدة محددة .. و هو يتفرج عن بعد ..(كهدر منفخ من سندي ) ..بقا كيتسنا حتى تفرقع الغاز و تأكد انا كلشي طاح و جا هز كنزة و مشا .. كان خاصو يلعبها دماغ و ينعس كلشي حيتاش رجالي ضايرين بكاع البلايص ..
سندي : باش عرفتي تفاصيل .. أ
إسلام : متقاطعينيش .. (معصب ) تفاصيل شفتهوم فكاميرات المراقبة .. باش نعرف نسبة ذكاء د عبد العزيز و نعرف نتعامل معاه .. فاش بقيت واحد الليلة فالمكتب هادشي اللي بقيت كندرس و نحلل .. عبد العزيز خاص شيواحد ميتعاندش معاه باش ماياخدش الحذر ديالو منو .. و داكشي اللي درت بينت الاستسلام باش نخدم على خاطري و بلا منتعاند مع تاواحد و حد ميتسابق معايا ولا يخصر ليا مخططاتي ..
سندي : 😳😳
اسلام : اول حاجة نتي مقلت ليه والو باش متأثريش عليا و نبدل الراي ديالي و حتى باش ابان فيا تخليت عليك و عبد العزيز ميحسش بشي حاجة و تخصري ليا كلشي قلت حسن متعرفيش تا الاخير إظافة الى المشكل د كنزة .. كنقول منزيدش نشطنك اللي فيك يكفيك .. عيطت لعبد العزيز قلت ليه انا موافق (بد تيبرد و يهدر عادي ) الوليد حس بيا مخبي شي حاجة و جا عندي .. عاودت ليه كلشي و شرحت ليه و هو عاود لمريم .. خليتك تمشي مع عبد العزيز ولكن سيفط اللي يراقبك و تبقاي تحت عينيهم .. بقيت كنتسنا امتا يوصلتي خبر د شي حفلة تماك ولا شي حاجة باش نبدا تطبيق .. تسنيت و بشويا عليا درست اي حاجة باش ميوقع حتى خطأ .. وصلوني تفاصيل دحفلة دالعرس و وجدت كلشي .. باختصار و بلا منطول و نزيد ندقق كثر وصل نهار دالعرس و سيفط رجال اللي يصاوبو ضو ..
سندي : (كدور الهدرة فراسها ) يعني دوك اللي قالو تلفو على العنوان من عندك 😳😳 ..
.. إسلام : بالضبط .. انا عرفت باللي تماك فالليل تيكون مضلم .. يعني غيزيدو ضو فالقصر بسبب الحفلة و غايخصهوم رجال اللي يكونو مكلفين .. سيفط رجالي يتكلفو بيه و يتحكمو فيه باش الا عطيتهم الاشارة ينفذو و حتى يزيدو كاميرا مراقبة باش نراقب كلشي و نعرف شواقع و نعطي تعليمات ..(وقف و بدا يشرح بيديه و يمشي و يجي) تسنيتك حتى هبطتي للحفلة و جلستي و سيفط واحد كيضرب الطبل حداك .. كان كلشي بالوقت .. تقطع ضو ، بدا صداع .. مول طبل كان مكلف باش يدير ليك منوم (عن طريق شم ) ويهزك باش متغوتيش و تفضحينا .. و وحدين خرين مكلفين يقلبو على وراقك اللي كنت عطيت لعبد العزيز (البطاقة و باسبور .. )و يحيدو كميرات مراقبة حيتاش سالينا ، الرجال درسو القصر كامل و تعرفو على اي قنت فالقصر .. و واحد منهم تاهو سيفطو يلفت انتباههم فاش يشعل ضو هدا للجزء الاخير من الخطة ..
سندي : بلاتي بلاتي مفهمتش ..
إسلام : الله اصبرني 😡😡 سكتي باش تفهمي .. فاش غانقول كلشي غايوضاح السيناريو كامل و غاطلع معاك الفهامة .. مهم داز كلشي كيفما خطط ليه هزك مول طبل و بقا كيتسنا حتى عطيتو اشارة يجي عندي بعدما واحد من رجال ديالي ديمارا حدا الباب (😉غمز ليها باش تفهم و تربط كلشي ببعضو ) .. عرفت عبد العزيز غيعيط على رجالو كاملين و يخوا الباب اللور .. بالضبط دكشي اللي وقع خوا الباب اللور جابوك ليا انتي وراقك و ديماريت (الباب اللور خاص بالخدم ).. في اتجاه المطار فطريق اخرى بعيدة على القصر و فضلت تبقاي ناعسا حيتاش الا فقتي غتشوشيني بالاسئلة و انا خطتي مزال ماساليتها .. و تركيز دياالي كامل خاصني نحطو معاها ..
سندي : اوا و طونوبيل اللي ديمارات حدا الباب؟؟
إسلام : ااه انا تعمدت هاد القضية .. خليت طونوبيل اوتوماتيكية حدا الباب و واحد من رجالي اللي ذكرت سابقا ركبها و ديمارا بجهد باش يلفت الانتباه و يسمعوه و خلا توب بيض خارج من طونوبيل .. بهكا يتأكدو كثر باللبدي انتي .. و خلا ضووء خفيف فطونوبيل باش يشوفو بأنه كاين شخص واحد فسيارة و يزيدو يتأكدو و يتبتو شك ديالهم حيتاش بيناتهم نتي اكثر وحدة عندها دوافع باش تهرب اضافة الى نتي اللي غبرتي من الحفلة .. داكشي اللي وقع ديمارات طونوبيل بأقصى سرعة باش نكملو تنفيد باقي الخطة و اللي هي يخرج هو من سيارة و يحط مونيكة بديلة و يخدم طونوبيل بأقصى سرعة و يسيفطها (اوتوماتيكية ) .. و بالفعل تخبا هو بين شجار و حيتاش الليل مكانش كيبان و بقا مراقب شغايوقع .. لحق عبد العزيز على طونوبيل و هو يسحاب ليه وصل عليها .. ولكن كلشي كان مخدوم .. و بدات طونوبيل كتميل نظرا انه تاواحد مكيتحكم فالفولون و هوما كانو كيظنو بسبب سرعة زائدة .. مهم بقاو تابعينها حتى دخلات فواحد جبل .. و طرطقات عاد حبسو و بداو اتفرجو من بعيد مصدومين.. شعلات العافيا و تحرقات كاملا .. هادشي كنت مخطط ليه كامل و قصدت تحرق و انا تعمدت طونوبيل تشعل فيها العافية بوتيرة سريعة .. المهم هادشي باش يحيدوك من بالهم و يقولو راكي متي قدامهم و ممنهاش شك ..
سندي : 😳😳 اوووه .. و .. وو .. دابا انا ميتة ؟!
اسلام : اه .. بالنسبة ليهم انتي ميتة و تهنيتي منهم .. و حتى العالم الخارجي خاصك تعيشي بيه بإسم جديد .. و انا تكلفت بهادشي .. درت ليك كلشي جديد غاتلقايه فهاد المجر (شير بصبعو ) ..
سندي : لا ميمكنش 😍😍 كيفاش ههههههههه دابا انا تفكيت من عبد العزيز و كلشي 😍😍😍 ياااااااي ميمكنش .. افف اخيرا انا حرة بلا حتى حاجة و بلا قيود ولا عادات ولا تقاليد 😍😍😍😍😍.. (كتنقز و طارت على اسلام عنقاتو بالفرحة ولكن هو متجاوبش معاها و بعد عليها ) ..
سندي : 😒 مالك ..؟
اسلام : كنت باغيك تعرفي الحقيقة و عرفتيها دابا نخليك على راحتك و باش متقرفيش من راسك كثر من هكا .. (ناض خرج و ضرب بالباب ) ..
.. خرج اسلام و هو يوقف مورا الباب ..
اسلام : ههه باش تعلمي تبداي تسبقي الهضرة و تخربقي .. غانعدبك شويا عاد غانسمح لك .. ممم لا لا غير اجي رغبيني شوية و نسمح لك 😂😂 (مشا للبيرو ) ..
.. خرج اسلام و بقات سندي كتولول بوحدها فالبيت على شدارت و الهدرة اللي خرجات و قالت و هو مادار والو .. بالعكس ضحا براسو على قبلها و مقدر افرط فحتى وحدة فيهم .. بقات شحال غادا جايا و تتربط الاحداث اللي وقع و ترد سيناريو اللور و اي حاجة وقعات بالهدرة د إسلام لقاتو كان داير مجهود كبير بلش يبقا قوي قدامها و ميبينش و فنفس الوقت يفكر فالخطة .. المهم حسات براسها رتاكبات اكبر خطأ فحياتها جيهت اسلام .. بقات غادا جايا فالبيت كتفكر و هي طيح عينيها على المجر اللي قاليها اسلام فيه وراقك جداد ، مشات حلاتو و هي تجبدهم و لقات باسبور و كارط ناسيونال جديدة ولكن ماشي بجنسية مغربية .. بدل ليها كلشي و ولات سميتها ميليسا مارتين Melissa MARTINE..
بقات ساهيا كتشوف فيهم و تجبد كلشي و هي تفكر بنتها للي شحال هادي ماشافتها .. و قبل متمشي قررات شحال من حاجة .. من بينهم انها من اليوم غاتولي انسانة ناضجة و عارفة مسؤوليتها فكلشي و متبقاش طايشة .. و اول شخص غاتبدا معاه هي كنزة .. غاتعوضها على اللي فات و تولي تديها فيها و تجلس معاها و متبقاش مخلياها غير مع مي فطومة او تلوحها لمها ..
.. تفكرات مها و حتى هي قررات تبدا معاها صفحة جديدة و ينساو الماضي .. ولكن بقا ليها شخص واحد معرفاتش كيفاش تبدا معاه .. اللي هو اسلام .. بدات كتفكر كتفكر كتفكر و فالأخير لقات نقطة ضعف ديالو ..
.. ناضت دخلات للدوش و شافت راسها فالمرايا .. ركزات فراسها شحال عاد لاخظات بأنه هي ماجاتش ب بيجاما جات بكسوة دالعرس .. يعني شيواحد بدل ليها و يمكن يكون إسلام 😍 .. بقات كتحلم غا بوحدها و هي هادشي فاش حادكة .. دماغها ديما غادي بعييييييد و تيفوت توقعات، فغالب الاحيان كيخرج عليها .. بحال القضية د إسلام ..
.. دخلات لجاكوزي كتخمخم و تغسل حتى سالات .. نشفات و لبسات و هي تخرج و قررات اول بلاصة و بدون تردد هي عند كنزة و عمرها تفرط فيها ..
داكشي اللي دارت مشات لجناح كنزة اللي لقاتها كتقرا مع استاذ ديالها خااااص .. غير شافتها و جلسات شحال كتمنظر فيها بلا متقرب ليها ..
سندي : (بعدما شبعات فيها شوفات و بنبرة حزينة و كترعد ) كن ننزة 😢 ..
غير سمعاتها كنزة و هي ضور مصدومة حيتاش ديما كتسول عليها إسلام و تيقوليها مسافرة مازال ماغاتجي .. المهم طاااارت عليها كتنقز و سندي كتعنق فيها و تبوس و تبكي بطريقة عمرها ما تعاملات بيها من قبل و بدات كنزة كتقوليها شي هدرة كتخليها تزيد تبكي ..
.. شداتها سندي عنقاتها و بدات تتلعب ليها بشعرها حتى سكتات ..
سندي : لا انا سافرت بسبب شي شغل جاني على غفلة هكاك علاش مودعتكش .. ماكانش يسحاب ليا غانتعطل .. ولكن من اليوم عمرني نتفارق معاك و غانبقاو ديما مجموووعين و تاحاجة ماغاتفرقنا (باستها فجبهتها ) ..
.. ناضت سندي و خدات بنتها بعدما طلبات الاذن من الاستاذ ديالها و هي تقوليها يالله نشوفو مامي مريم .. بقاو غاديين كيضحكو و كيتعاودو حتى وصلو الجناح د مريم و كنزة عاجبها الحاااال بزاف مع سندي .. دخلات سندي بلا مادق بغات دير ليها مفاجأأأأة .. غير دخلات و بغات تغوت مريم .. يسحاب ليها الخدامة دخلات بلا إذن ..
.. مشات سندي هي و كنزة عند مريم اللي مزيرة فوق ناموسية و دموووع شلال من عينيها .. و سندي غير شادة راسها بزز باش ماتبكيش و طيح على مها تسكتها باش متعيقش كنزة حيتاش قااافزة ..
كنزة : مالك ا مامي كتبكي ☹
سندي : مامي غير فرحانة فاش رجعت من سفر ا بنتي ..
.. حدرات سندي عند مها عنقاتها بشويا ..
سندي : (فودنيها ) ماما ماكاين لاش تعتاذري انتي مادرتي والو .. و بلا متبقاي تبكي من اليوم نبداو صفحة جديدة و ننساو كلشي ..
.. وقفات و تمات غادة حدا الباب بعدما باست كنزة جداها و هي توقف شادة فبنتها ..
سندي : يالله ا ماما نوضي لبسي و تقادي نتجمعو مجموعين على الفطور .. فيناهو بابا يحيى ؟
مريم : 😢 (باقي كدمع ممتيقاش ) فالج ج ج ..ر..ر..ردة ..
سندي : واصافي ا ماما ديري اللي قلت لك .. هاحنا انا و كنزة سبقناك ..
.. حركات ليها مريم راسها لفوق و لتحت ، ابتاسمات ليها سندي و خرجو في اتجاه جردة يشوفو يحيى و تسلم عليه تاهو .. لقاتو مع فتاح .. شافت كنزة جدها و مشات كتجري عندو و تعيط .. ضار يهزها بانت ليه سندي معاها و هو يحشم حيتاش حتى هو كان عارف و خبا عليها .. حدر عند كنزة هزها و بقا حادر راسو حشمان منها(سندي زعما ) ..
سندي : (هزات ليه راسو و بقات شادة فوجهو ) .. راني انا اللي خاصني نحشم منكم حيتاش وقفتو معايا و مخليتونيش بوحدي و بقيتي مساند ماما و مفرطيش فبنتي .. انا فحياتي عمرني ماحسيت باللي عندي اب حتى تعرفت عليك .. بصح ماولدتينيش ولكن الابوة ماكاتقاسش بمعيار البيولوجي .. تتقاس بالروحي .. و انت برهنتي ليا انك انت اللي تستاهل نحطك فمقام الاب بالنسبة ليا و تاواحد اخر ..
.. كلماات دسندي مخلات ل يحيى ميقول من غير يعنقها و يبقاو ساكتين .. بقا جامعا شحال حتى فيقهم فتاح اللي حتى هو توحش سندي و بغا يسلم معاها .. راه مدوزش معاها القليل ..
سندي : يالله نفطرو مجموعين ..
يحيى : منظنش واش مريم تهبط ..
سندي : غادي تهبط غير كون هاني (كيتمشاو و شادة فبنتها ) ..
يحيى : هدرتي معاها ؟؟
سندي : هههه و شكون قالي انت هنا من غيرها
يحيى : اااه .. اسحابلي واش اسلام ..
سندي : بابا بلا متفكرني فإسلام .. قبل ميعاود ليا كلشي ماخليت غا اللي نسيت و دابا هو تقلق مني .. 😔
يحيى : ههه غير كوني هانيا .. اسلام كان متوقع هادشي .. غير كيتفشش عليك باغيك ديري ليه الخاطر .. و اصلا نتي عارفا نقطة ضعف ديالو 😉 ..
.. دخلو كيهدرو للدار و معاهم فتاح جلسو ف طبلة و الفطور بدا تيتحط كيفما آمراتهم سندي فاش هبطات قبل متخرج لجردة .. جلسو كاملين إلا مريم و اسلام .. عرفات سندي باللي قودات سوايع مع اسلام و خاصها تمشي تفك حريرتها ..
يحيى : انا نمشي نعيط على اسلام ..
سندي : (ناضت ) لا غير خليك انا نمشي عندو .. انت غير تسنى ماما حتى تجي .. (ضارت شافت كنزة ) يالله ا ماما نجيبو باباك .. 😉 (غمزات ليحيى ) ..
《كنزة البنات هي نقطة ضعف د إسلام 😂😂 ماشي داكشي لاش مشا عقلكم 🔞 يا معشر سافلات 》
.. مشات سندي طلعات عند اسلام اللي طاب و هو كيتسناها تجي .. ولكن هي موجدة ليه اللي تسكتو .. طالعة عندو هي و بنتها بشويا تاوصلو الباب و هما يدقو .. عرفها هي و مشا قاد الجلسة و جمع ضحكة و خنزر .. دار راسو مشغول ..
اسلام : مم دخل ..
.. حلات الباب بشويا و هو تعمد ميهزش العين .. زعما اللي دخل يقول جوج هدرات اللي عندو و يضرب الباب (يخرج) .. ولكن وقع دكشي اللي ماكانش فالحسبان ههههههه .. طارت كنزة كتغوت بابي بابي .. و هو تصدم ماعرف باش تبلا واش يضحك ولا يخنزر ولا اش .. مشات كنزة عند باها و جلسات على رجليه .. هو متحركش بقا كيفما هو جالس .
كنزة : كان مزيان ولكن ماكملناش حيت جات ماما و سلمت عليها و داتني .. توحشتها بزاف بحالك .. كيفما كنتي كتقوليا .. سلمتي عليها انت ؟
.. سندي بلعاني جابت كنزة من غير انها نقطة ضعف ديالها .. ولكن حتى فيها الهدرة و الاسئلة و طلبات بزااف ..
اسلام : كنزة بنتي فطرتي ؟
كنزة : بابا 😒 سلمتي على ماما ولا مزال ؟؟
سندي : (نقزات ) مازال 🙈😈
كنزة : و شكاتسناو .. نوض نوض سلم عليها ..
.. ناض اسلام عند سندي عنقها و هي تزير عليه ..
سندي : (فودنيه ) سمح ليا بزاف ا حياتي مكنتش باغا نجرحك .. و ديك الهدرة كنت كنقولها غير باش نبرد على راسي و نطفي العافية اللي فقلبي باش نكرهك ولكن والو .. سمحلي الهدرة ماخرجااتش ليا من خاطري بزز مني ..
كنزة : مم واخا .. يمكن تكون مامي ميري (زعما مريم ) هبطات ..
اسلام : واخا ا بابا سيري شوفي ..
.. خرجات كنزة و هي تهز سندي عينيها فإسلام و بقات كتشوف فيه حتى دمعو ليها ..
اسلام : (كيمسح ليها ) و هادو علاش ؟؟
سندي : توحشتك بزااااف 😢😢 .. و كنت كنقول صاف عمرنا نتلاقاو .. و حياتي ضاعت .. و انت مشيت.. (حط صبعو على فمها باش تسكت زعما ) ..
اسلام : ششش كلشي داز و فات و حنا دابا مجموعين ..
.. ابتاسمات ليه و بقاو كيشوفو شحال فبعضياهم حتى دخلو فعالم القبل الفرنسية و الايطالية و الهولاندية .. جميع اشكال القبل .. هزها علقها فيه و بقاو منساجمين و تمشاو في اتجاه الفوتوي تكاها و تكا عليها .. سخنو الطرح و دخلو فالمسكي .. بدا اسلام يقلع فالتيشورت و كيحل صمتة و هو تيبوس شرك الفم مع الحناك مع العنق .. مابقا عارف فين يشد .. تلف و بدا يخلص فيها القديم و جديد .. ولكن هي بدات تحس بالمعقول و هي تحبسو ..
سندي : (كتنفس بجهد .. دفعاتو و ناضت كتجري عند الباب و كضحك ) .. تال هنا و باراكا .. متنساش باللي حنا ممزوجينش و انا مكيجينيش هدشي حلو فاش كيكون فالحرام ..
اسلام : (نفس تاعو تاهو بغات تخرج و كيهدر بزز ) دوزي تجلسي ا سندي بلا ضحك .. يالله كنتي بعقلك ..
سندي : (حلات الباب ) مكنضحكش ا حبيبي .. مهم اللي عندي قلتو .. (خرجات و سدات الباب ..
اسلام : افف افف متوقعتهاش دير ليا هكا .. واخا اليوم نرضك و ديك ساع نشوف فين غاتهربي و شغاتقولي ..
.. خرجات سندي قادات حالتها و مسخات وجها ، حتى شعرها عاودات جمعاتو حيتاش اسلام خلطها كلها و هبطات باش تفطر .. وصلات و هي تغمز ليحيى زعما تصالحو .. و حتى اسلام سد صمطو و لبس حوايجو و قاد حالو و هبط تبعا .. جلس قدامها و غير كيشوفو فبعطياتهم تيبقا يتحلف عليها و هي كضحك ..
إسلام : الوليد .. عيط على العدول يجي بالعشية ..
يحيى : لاش زربان هههه ؟؟
إسلام : خاصنا نسربيو نرجعو فحالنا ..
يحيى : اه بصح .. مم ولكن راه غايكون عندنا مشكل ديال الوراق جداد د سندي (قاطعو ) ..
اسلام : كلشي وجدتو غير كون هاني (ضار عند سندي ) .. شفتي سميتك جديدة ؟؟
سندي : ميليسا ههه زوينا 😋
اسلام : دكشي غير فالوراق .. حنا ديما غانعيطو لك بسميتك الحقيقية ..
سندي : واخا 😋
يحيى : الا كلشي موجود العدول العشية يكون عندكم ..
.. باقي تيهدرو و هي تقاطعهم الخدامة جايبة ظرف فيديها عطاتو لإسلام حيتاش جاي بسميتو .. غير قرا منين جا و هو يتصدم ..
إسلام : 😳
يحيى : شداكشي ؟؟ ياك لاباس ؟!
إسلام : هادي جايا من تركيا و عبد العزيز اللي مسيفطها ..
شرارة حب غامض الجزء العاشر
محتوى القصة
التنقل بين الأجزاء