شرارة حب غامض الجزء الثاني

من تأليف Ghazal trust
2018

محتوى القصة

رواية شرارة حب غامض

بقينا هاكاك حتى حسينا لاحس ديال البنات اللي كنو بايتن مع الحوالى كينزلو فحالهوم .
سارة : (وهيا كتمتل ) انننن (كتجبد و كاتحرك فالحولي ينوض ) نوووض ....نوووض 
انا درت راسي نااااعسة
سارة : راحنا غنمشيو نوووووض و كتكسل 
الحولي : ( فايق بزز كيشووف وحدة من هنا وحدة من هنا بدوبياس) بقا كايشووف جابلو لاه نعس معانا بجوووج ولقى راسو عريان هههه تقولب ههه... نضنا لبسنا جمعنا قشنا دخلات الخدامة عندنا تاهيا سحابها قضا الغاراض ...هوا فرحان .... خليناه و نزلنا مع البنات اللي طلعو مع الحوالى كالعادة خدينا جوايات كل وحدة بديالها ومشينا ركبنا فالباص داونا لفيلا ماريانا هازا داك الجوا وحاسا بيه تقييل مدكس ..فرحت ..وصلنا ل ماريانا لقينا تما فتاح 
فتاح اهلييين بالحلوييين ...باقيين بنات بنوت ... ولا ... 
سارة: كييتك (صبع ) 
بداو كيدحكو طلعنا لبيتنا نجمعو حوايجنا و هوا يقوليا فتااح ...

فتااح: سندي غير خليك ...بلا ما تمشي راه كاين بلان ااخر غنديك ليه 
سارة : انا غنمشي داروري خاسني نبوانتي فالدار غيتخلعو عليا...
انا : ( تزاد معايا الزايد ) و غنبقا بوحدي ؟؟!!
سارة : باش يالاه تروداي 
فتاح: وصافي ...ياك شتي و جربتي . 
انا: (شديت فتاح) شوووف راه واخا طلعنا مع الحولي راه مادا تا بوسة..(معبسة) 
فتاح : وراه عارف ...توريني فسارة ...مولات الفعايل . 
مشات سارة بقيت انا جابلي فتاح التيلي هضرت معا ماما ...عوت ليها كلشي ،ماما متفتحة و راخية ليا مامسوقاش كاتقولي كبرتي مغانبقاش حاضياك حضي راسك براسك ..مهم بقيت تما عطيت لفتاح حقو فالفلوس بعد ما حسبتهوم كنلقى جوج د المليون ونص ...اوااااه كااااملة ما درنا فيها والو ،صافي من ديك الساعة و انا نتجبد وليت من بلان لباان و الشوافرية غيعواجو باش يديوني و انا كنرتاح غير لفتاح ..وليت جالسة في فيلا ماريانا ديما قليل فبن كنجي للدار نطل عليهوم ....و ليت معروووووفة ف ماريانا و الخدامات كيعرفوني وبيتي مكدور بيه تا عاهرة و تاهما ولاو كيعرفوني مي عمر شي حد ما قرب ليا ولا دا تا بوسة ، وليت لاصياااانة نييييت و طورت و تا وحدة ماديرها بيا وليت كتر من سارة و تا سارة كنخرجو انا وياها فالبلانات و ليت كيجيني داكشي عادي جداا

دار العام و انا هاكاك شبعت كادويات و شريت طوموبيل و لليت كلعب بالفلوس و الحوالى كل مرا مسيفط ليا واحد كادو ..تفاهمنا انا و فتاح رجع كيديني لسهرة كنبوانتي و نسلت كنخرج عندو كيديني لسهرة خرى كنما فيها السهير كاناخد فلوس و كنوجع لسهرتي لخرى كناخد منها تاهيا و القوالب وليت عاطياهم صلية كندرب حتى ل تلاتة...ربعة د السهرات فليلة و مكنتريفولى فالتاوحدة ...التحلوين ولا من اختصاصيوليت عايشة حياتي بيييخيي.
حتا الواحد النهار فيه غيبدا عذابي

في فيلا مارينا...
فقت الصباح كالعادة دوشت نشفت شعري هبت لتحت كنلقا ..الفيلا خاوية ..ديما كتعمر بالبنات ... هاد المرة ..جاو غير شوية !!!الفيلا خاصة يالشيوووخ و الاماراء و النااس اللي لابااااااس عليهوم ...مهم نزلت للكوزينة كنفطر ...جا عندي فتيتيح (فتاح)
فتاح: (كلس معايا فالطبلة كيقصي) هاد الليلة كاين وااااحد لبلان ..نيييت ..مطرطق ..
انا: وايييه ...شفتهوم جايبين البنات بالعرااام ... اينا بلان
فتاح: شي و حدين جاو من الدانمارك ...غنشدو الطريق دابا شوية..
انا : غنشدو الطريق؟؟ فين بالسلامة؟؟!!
فتاح: ...امم .. (كاياكل) ..لمراكش.
انا: ...ااه ..عليها الفيلا خاوية امممم
فتاح: راه كلشي مشا المراكش كاع الشوافرية اللي تما عيطو للبنات مشاو ..
انا :و انتا فين غبرتي ما شتك لا لبارح لا ليوم ..!!؟؟
فتاح :مشيت لكازا( وهو نايض ) تعارضت لخوتنا اللي جاين من الدانمارك فالماطار ...غادين المراكش لشي فيلا تما ديال شي ساحبهم .... لابااس عليهم .
و باش عرفتيهم لابااااس عليهم (كنعيبوا) ..
فتاح: ههه راه جايين ف طيارة خاااصة احبيبة ..و طونوبيلتهم غتوصل غدا ...حيت صيفطوهم للمغرب فالباطو ب سيمانة قبل مايجيو هما و ملي خرجتهوم من المطار مشاو هزو الحديد ديالهم و مشاو لمراكش ..و انا احبيبة قديت البلان باش ندي ليهم التيتيز ...فهمتي (كيشرح و كيستهزا بيا)
انا :....(كنميق ) ..ايوا بزززعط ..انا ماغاداااش اصلا.
فتاح :غتمشي احبيبة ...غير تهناي هه (كيفقصني)
انا: (مطلعا حاجبي) ..دي الحيلويين ديالك..واا نتا غتديني غير انا.!!?
فتاح: هه راه الحلوين ديالي سبقووووني لمراكش فتران...و كراو تما ...و انا غنمشي غنجمعهوم وحدة وحدة ....شتي البنات اللي كيبغيو يخدمو..(كيتعوج عليا)
انا:هههه سير سير قلب عليا 
فتاح: هه داك الصويت الحنين ديالك مكايجوش معاه بحال هاد العبارات...مكيجيوش معاك ...نتي كتجي معاك بحاال ..فتيتيح ..كتعجبيني ملي كتقوليها ... وحبيبا ...و ديك الهجة الشمالية اللي غلبات عليك شوية ......(كيتنز) ..ايوا احبيبة تبغي نديك معايا ولا تبعيني تا نتي فتران ..

انا وفتاح وفتاح و لفنا نهضرو هاكا ...احبيبة اكبيدة ..عادي مابيناتنا تاا علاقة خرى ولا كيعرفني مزيان و تا انا كذلك ..
انا: فتيتييح ...ميك عليا عااافااك راه ماراشقاليش بمرة هاد اليوماين و راني على اعصابي..
فتاح: (كيتنز) ...متلكي احبيبة ..حااملة!!!
انا : (عصبني) اه حاملة حوايجي ..وغادا فحالي(كنفقصو )
فتااح:ههه نوضي نوضي جمعي فاليزتك ...هادي باينا ديك الدورة الشهرية قربات تجيك و دايرة فيك هاد الحالة كاملةههه(كيتنز)
انا: صافي بلا بلا بلا هانا طالعة نجمع باليزتي... 
مشيت جمعتها و خرجنا شدينا الطريق للمراكش ..وصلنا دخلنا مراكش الغزااالة المبهجة ..كنجي ليها كيتفاااجا قلبي ...بديت كنغني ....
فتااح: (مصدووووم) ....(قاطعني)... صوتك واااعر كيدخل فالقلب ...من امتى ونتي كتعرفي تغني !!
انا :من زمااان ..كنغني ملي كترشق ليا ...عرفتي حاسة براسي ماشي هي هاديك ...ديك الدورة الشهرية غتجيني ليوم و لا غدا ...اااووف كدوزها عليا ..
فتاح: شتي ماي ماغاتبقايش بنت ماغاتبقاش تجيك بالحريق ...حتى مرتي قبل منتزوجها كانت كتهلكها و كتوصلها لسبيطار...
انا : ( فشلانا) نااري فوقاش غير نتهنى منها ..
فتاح : ...اجي نهنيك منها(سايق الطوموبيل) ...
انا: ههههه تما بقيتي ..حلم.
فتاح : زعما عمرك درتي هاكا...ولا.. هاكاا .. زعما مادرتيش زلايقة ..
انا: (حشمت)... فتااااح ...سوق وسد فمك...عمر شي واحد دا تا باش ينقي سننو.
فتاح: هههه صافي غير كنضحك معاك ...غني ليا غني صوتك زوين ..
كملنا الطريق و انا كنغني مرة ب فرونسي ..مرة خليجي..كل مرة كيفاش تاوصلنا الفيلا ..

دخلنا الفيلا كببييييرة كلااااااص و كالعادة نفس الروتين ...لبنات كيبدلو و هابطين و انا جاتني الدم طيحاتي ..جا فتاح هضر مع الخدامة ..
فتاح: طلعيها اختي لشي بيت وخليها تما تنعس.. 
الخادمة: واخا...يلاه اجي معايا نطلعك لبلاستك.. 
مشينا و ماكتابش ليا نسهر مع البنات هاد الليلة دخلت لواحد البيت ...ميلت مورايا الباب ..الخدامة داتني الواحد الجناح من غير الجناح اللي فيه البيوت فين كيبدلو البنات...هاد الجهة كاااام مافيهاش بنادم كيتحرك.. مهم حطيت لافاليز حيت حوايج و لبست بيجاما بشورط قصييير و الفوق ديالو معري و تكيت و جريت ليزار عليا و بقيت كنتوجع غير بوحدي .. جات عندي الخدامة جابتلي قهوة سخونة تسخني ... ونا نسولها؟
انا: ختي خديجة شكون صحاب هاد الفيلا ؟؟ حوالى؟؟ (خدامة سميتها خديجة ) 
خديجة : لا لا مولها باقي شاب جا هوا و صحابو يديفولاو 
انا : اااه كيغانديرو نتفاهمو فالهضرة مع هادو 
خاديجة : نعسي نعسي تا يدوز عليك الحال و فكري كيتفاهمي معاهم 
...مهم خرجات خديجة و خلاتني كنتوجع .... عاطا بضهري لباب كيبان غير ضهري و شعري ....اممممم ..ياربي يفوتني هادشي امممممم (كنفركل ) 
شويا مبقيتش عاقلة حتى كنحس ب شيواحد وااقف عليا و يمكن كااع قاسني فشعري مهم يالله بديت كنحل عيني نشوف ...مالقيت حد ...لالا انا متاكدة شي حد كان كيتحسس ...رجعات خديجة 
خديجة : كي بقيتي ؟!! واش جا عندك شي حد لهنا 
انا: (مستغربة ) لاا ماشت حد 
خديجة : راه تلاقيت دابا بسي اسلام سولني؟!!!
انا: (كنتوجع ) شكون هاد السيك اسلام انا ما بان لي لا اسلام لا سليمان ...اهاه و علاياش سولك ؟!
خديجة : سولني ..قلي شي بنت الفوق حالتها ماشي هيا هاديك ..مالها ..شكون هاديك؟! ..قلت ليه وحدة من البنات عيانا طلعتها ترتاح ..
انا حسييت بشي حد ..احساسي معمرو كدب عليا 
خديجة: واش نجيب ليك شي دوا تشربيه ؟
انا: لالا راه عادي شوية و نولي لاباس واحد تلاتة دسوايع نولي مزياانة ...

دااازت 3 دسوايع رجعات خديجة عندي..لقاتني ناااعسة ..فيقاتني ..بعد ما فقت..
خديجة : كيبقيتي؟ شش...(ماكملاتش هضرتها )
دخلات علينا سارة...
سارة : حووبييي ...توحشتك (تلاحت عليا..البوسان) ...توحشتك مووووت
انا : (غنطير بالفرحة ) مفاجاءة هادي ... احسن مادرتي... 
سارة : عيط ليا فتاح وانا نجي كنجري ..
ههه تعانقنا و تحابينا ...
سارة : مالكي مريضة؟!... قالي فتااح راه عيانا !
انا : راه الوجع ديال الدم و صافي دابا راه فاتني.. شحال فالساعة ..
خديجة : نوضي نوضي ايلا فاتك الحال ...راه العزلة داازت و البنات لتحت ف لابواط سهرانين ..
نضت دوشت و بديت اللبس و نتقاد و سبقاتني سارة للابواط ..
حليت لباليزا لبست واحد لاغوب كحلة و الا ضرب فيها ضو كيبان دوغي مزيرية عليا ميزيان تا لتحت بينات ليا لاطاي و بانت مسعودتي مهزوزةههه ..و من الفوق بحال القلب على صدري و عريانا من لكتاف غطات ليا غير الصدر و خلات لي فيه الفتحة و من تحت فيها فتحة من الجنب طالعة حتا لفخادي لفوووق ..لبست صباط عالي كيشعل و سايبت شعري بوكلي و جمعتو ... مكياج خفيييف جلت شفاري و اصلا عندي كثار و دربتها بتكحيلة بانو العوينات كلوز باارد ..هزيت بوشيطة فيدي خرجت من البيت كانتمايل بكل برااءة ومشيت نتلاقا قدري اللي عمري دربت ليه الحساب ..
وانا نازلة مع الدورة جيت ندور دخلت فواحد الشخص بحال التران ..مع الطالون عالي جيت نطيح ... شدني من خصري ..هزيت عيني جاتني الدوخة مللي شتو نسييت راسي ..بقييت كنشوف فيه و انا مايلة فيديه .... زوييين غزااال كيحمق عمري شت بحال هاد الزين (شتو فيا و لاكن فدراري لا).... واحد لعوينات قهويين و حرشين بشفارهوم طالعين و حجبان عامرين مهزوزين على عويناتو الاتارة كتنبع منهم ..شفايف غوز من عند الله ..ولحية خفيفة على وجهو نازلة ليه على عنقو و صدرو قريب مني عريض و كتاف عامري مفورمي مزياااان ..حسيت ببديه نااااعمة و هو شادني من خصري ..ريحتو ... وااو جابتلي نعاس

...مشا الوجع و مشا العبا و مشا كلشي ماي شتو..
جمعت الوقفة و نفخت ريشي ...جيت نهضر تفكرت بلي هو من الدانمارك ..وحلت ..و بقيت ساكتة كنشووف ردة الفعل ديالو ..
هو: (ساهي فيا ) ... ديزولي واش لاباس ...
انا : (كيهضر الداريجة ) ..لالا ...اا.. سافا وزت خليتو واقف ... هبطت لابواط مشيت جاست حدا سارة .. لقيت صحاب السهرة شباب باقين صغار ..كان كيحسابلي شوراف .. 
سارة: اووو ...جيتي واااعرة ..
بقينا جالسين شوية و دخل داك البوكوص 
سارة : نااااري ياختي ..هادا بنادم ولا مالاك ..من الصباح و البنات غادين جايين عليه و هوا ولا هو هنا ..
انا : راه جايين من الدانمارك شبعاانين تييتييز 
جاس مقبل معايا شاد تيليفون و كيخربق فيه ...وكل مرة كيهز عينو فيا .. وانا دايرة راسي ممسوقاش ...تلقو خليجي نضت طلقت شعري كنشطح وسط البنات .. كندور فشعري... كنشششوف فيه بنص عيين حاضياه وكنشطع بشويا ..كان لابس تيشورط زرق مغلووق محلولة على صدرو و كان داير كورميط فعنقو بيض و فيدو حتى هيا ..و لابس سروال و سبرديلة اديداس و ساعة باااينة فيها كتسوا الملاين و شعرو ماشطو اللور رطب ....مهم شطحت وهوا الوقت حاامل حاضيني ..جلست شويا هوا يجي عندي صاحبو جلس حدايا ...
جا صاحبو كيحاول يتحرش بيا و انا كنحاول نتفاداه ..لاخور جالس حاضي الفيلم حاني راسو على تيلي و عينيه فيا و كاياكل فشنايفو بكل بورودة ... وانا كل مرة كنوض لطواليط باش نغبر على لاخور اللي لاصقني هربت للطواليت دخلت ...سكنت تما ...كيغاندير نبعدهاد الزبل عليا تفوو تاهوا بنت ليه غير انا ...الزمر ...سارة حسات بيا مامرتاحاش .. خرجت من بعد ما جلست ساعة فالطوليط .... كنلقى سارة لوات عليه ههههه... ماشي على البوكوص ...على صاحبو لي لاسق فيا... 
ههههه تهنييبت ورجعت لبلاصتي حدا سارة ... 
سارة : هانا غنهنيك منو ليوم نسكر باباه و نطلعو ينعس ...
انا: ههه عبرتي عليه ..نزيت عيني نشوف لبوكوص لقيتو طار ...ماكاينش .. تفو ..وهي تبسال السهرة ملي مشا .. سولت سارة.، واش طلع معاه شي بنت ؟!!
سارة : ولله مارديت البال بانو ليا واحد الجوج كل واحط كطلع وحدة مي هوا مارضيتش ليه البال ..بقيت ملهيا مع هاد الخطية 
حتى هاد الخطية زوييين ماشي مغريبي 
بقينا سالات السهرة... كل واحد طلع وحدة 
انا : سارة انا غنطلع البيت تهلاي فالخطية ههه بون نوي ..
سارة : هه بون نوي حبي ..
بعدما طلعت سالات السهرة هبط البوكوس دارب دويرة فالبواط لقا سارة جارا لاخور و البنات اللي بقو كيحاولو يتيرو نتيباهو ... كان بحال ايلا كيقلب على شي حد .
انا دخلت لبيتي حيت كسوتي لبست سوميج دو نوي فالغوز بااارد بالشبكة فالابيض من على السدر و بينوارها مقزبين وكانقول مع راسي الله على رااحة ماتفكيت غير بستة و ستين كشيفة و انا كانشوف فالمرايا و عاطا بضهري للباب ... شوية تفتح الباب على غفلة ...البوكووص !!؟ دخل وسد مراه الباب !!!؟ انا (مصدووومة)...

دخل و سد الباب و انا مصدوورومة ......!!!! 
هوا : كايشوووف فيا (تكا على الناموسيا بجنب و كيطلع و يهبط فيا ...
انا : (كنتفتف) ...ككك ك ك ..ككتقلب على شي حاجة اخويا ؟!!!( دخل معايا السهد و الخلعة شداتني وتزيرت) مشيت فيها صافي .. 
هوا : اولا ..انا ماشي خوك ..تانيا كنقلب عليك .. 
انا: (تخلطو عليا العرارم ) شش فاا علاا... (تخربقت تا كلما ما بغات تسكد ) ....اوففف ..وووو علاش كتقلب عليا ...!! (اش هاد اليلة الكحلة) 
هوا : ونتي علاش جايا هنا ...كتعرفيي تشطحي تبارك الله عليك ( وهو كايهضر كان متكي على سوتياناتي بيديه كنت لايحاهم فوق الناموسية وجا ترما فوقهوم)
شويا رد بالو لسونينات وشدهوم بقى كيبحلق فيهم
هوا : عندك الدووق(ماكايدحك ما والو غير تانز عليا ) ...
انا: هييي (باتسامة صفرة ) ششكرا اخويا..
هوا (نايض جيهتي و سوتيانات فيديه) قلت ليييك ماشي خوك (حااااس براسو و كيقرب مني بشوية و انا كنرجع باللور ) انا سميتي اسلام( و عينيه فيا وكنحس بالنفس ديالو انا عيني فلارض و سخانا طلعات معيايا ..قلبي كيضرب)
اسلام:(مقرب ليا بزاف تا لصقت مع الحيط) ...ماعنديش مع هاد اللون(هاز السوتيامات لي فيديه و معلقهوم قدام عيني (اللون اصفر)
اسلام: ..والاكن...الى...شتهوم عليك يقدرو يعجبوني...(ابتسامة ساخرة)
انا:...حت حت حتى انا ماعنديش معاهوم ..(كندخل و نخرج فالهضرة)..
:قرب من عنقي بزااااف نفسو كتصوط فودني حرقاتني ..
اسلام:(كيستنشق ريحتي)...ريحتك زوينة..بحاللك...
دورت وجهي كانحاول بعد و كنترعد ...(يا سيدي ياربي فكني ..هادي و التوبة ..تمنيت كون درت ربحت جافيل هاد اللحضة)
قرب بشوية و دار يدو على خصري...باسنى بشوية فحنكي و هو كيقرب لفمي ..(انااا الي جيت برجلي لهنا...و هوا فبالو بلي انا بحالي بحال العاهرات اللي معايا..وجايا لهاد الفيلا برجليا على لفساد نيت)..
وهو اكيقرب مني مابقالي فين نزيد الحيط ودخلت فيه...وهو كيقرب من فمي ....شوية....داق طاق طاق..(الدقان فالباب )...هوا بقا فبلاصتو دور وجهو شوية جيهت كتفو..
اسلام : ...شكوون ...
الشخص: ااا..اانا جديجة سسسمح ليا السي اسلام ..هانا مشيت..
انا: لالا..تاخديجة تسنااي(بديت كنتسلت منو..

و جريت عند خديجة حليت الباب..
انا : جيبتي فوقتك ...(خرجت بعتها شوية على البيت) ...سيري الله يسهل عليك دنيا و اخرة ايلاما فكيني الله يفك وحايلك
خديجة: (كانت مرا كبيرة دايا و جايبة فالضومين)...مالكي صفرة ...شكايديري عند السي اسلام ؟!!
انا :هوا ياخالتي جا برجليه تا دخل عليا ...شوفي انا راه عمري نعست مع شي حد..(باغا نبكي)
خديجة: امممم راه بااينة فيك....شوفي البنت كاتكون بحال الوردة فالبداية ديالها ملي كيبدى يجر منها هادا وهادا وهاداك كدبل (ملي كتولي تفسد معا الرجال) ...و انتي مازالا وردة ..نصيحة..خليك وريدة راه ربي عطاك واحد الجمال ويلا لعبو ليك فيه ماغايبقة فيك والو..
انا : كنبكي ...شنو ندير قولي ليا ....
خديجة : فتاح صيفط ليك هاد الكينة دالوجع لقاها عند وحدة من البنات..صحابليه باقي فيك الوجع...(و هيا تغمزني و ابتاسمات)
وانا ..رجعات لي الضحكة فهمت شنو قصدات ..خديت الكينة و رجعت البيت ..و دخلت و سديت الباب
دخلت البيييت ....هوا: جاالس مشبح فوق واحد الفوطوي كايتسناني ..انا بديت نمثل ...حطيت علبة الكينة باش تبان ليه..
اسلام: (نايض عوتاني كان لابس شورط بيجامة رمادي رطب ديال القطن فوق الركبة و كان لايح عليه واحد قاميحة و باتطوفة كحلة ..ويليييي انا كنحاول مانشوفش جيهتو ...مثيير بززاااف كنحاول ماتدير تا حركة لفت ليه النضر ..ناض ....حيد القاميجة وجاي عندي ... انا هزيت القرعة دلما بزربة خويتها فالكاس قبل ما يوصل ليا ..كنحل فالعلبة ...هوا واقف شافني و قف تكا على واحد الحط مربع يديه و كيراقبني شكاندير ... انا شربت الكينة و كنتفتف واخا مافياش الوخع شربتها بزز مني ..و البكيا شاداني..
اسلام: ...مالكي ياك لاباس؟!!
انا عيانا شويا...!!
اسلام : (مطلع حاجبو)...باش بالسلامة!؟
انا :فيا ليغيكل وكاضرني كرشي 
اسلام :(سااااخط بينو وبين راسو) ...اممم مالقات فوقاش تجي ...عليها جالسة توجعي من الصباح... 
انا ساكتة و غير كنسمع ماكانشوفش جيهتو..
اسلام: عالعمووم (طلعات ليه القردة) ....اللا سينديان ...تصبحي على خير ..(تم خارج..) 
تلفت جيهتو مصدوومة كيفاش عرف سميتي !!! انا شتو عطاني بالضهر خاارج ...قشعت واحد الوشم تحت عنقو و بين كتافو العراض مكتوبة{كنزة} بالخط العربي و مزوقة ..

الله...فلت منها ...نضت كنجمع حوايجي ..غدا نخرج من هاد الفيلا ..جمعت باليزتي و مشيت النعس كانت الستة دالصباح ...وااالو مابغاش يجيني النعاس ..كنسترجع الاحداث اللي و قعات ...اوووف عقلي مشوش . بقيت هاكاك تا داني النعس ..
صبح الحال، و تا واحد ماجا فيقني ولا دق عليا ...اوييلي !!!!الوحدة؟؟جبت عليها بشخرة تالوحدة ...شوية و دخلات سارة..
سارة:(عاد فاقت )...الزين خرجتها ليك من خونا لبارح ههه
انا : وراه انا اللي خرجات مني..(عاوت ليها كلشي ..و هيا غا حاللة فمها و كتشوف ...
نضت للحمام نغسل وجهي .. هزيت عيني هالمرايا ونا نشووف واحد السنييلة ديال الدهب كنت صاوبتها شحااال هااادي و كاتبا فيها سنديان بالعربية....(امممم تفكرت كيفاش اسلام عرف سميتي ...مللي كان واف خاشيني فالحيط البارح..) بقيت ساهية فالمرايا كنبتاسم وانا كنتفكر البوسة فحنكي اول مرة نتباااس ههه 
فقت من السهوة ..خرجت جمعت حوايجي وجمعت شعري سفنجة ..لبست شورط مقزززب حتا لتنية و كلاكيطة و دفاري طوال ..بودي غوز واسع مايل على كتفي ...
سارة :فين غادة ؟!
انا : بحالي ..منزيد هنا تا دقيقة ..باراكة عليا اختي غير الحوالى منونخين ..شداني لشي دانمارك ولا الزمر ..كون حسابيل كاع منعتب هنا..
سارة: اوك ..مهم انا غنبقى ..الفلوس دايرة اختي غير خليني ..
انا نزلت جارة باليزتي لا ماكياج لاوالو زين طابيعي خرجت للجردة فين كاينين طونوبيلات ... فتاح واقف كيتسنا البنات اللي جاب يرجعهوم ..
فتاح: وا فين ..(كيضحك )
انا : (سااااخطااا) ديني فحالي ..
فتاح :غنديك الواحد الفيلا فيها السهرة ..
انا: يلاه غير سربي!
جات خديجة فيدها جوا..
خديجة : هاكي اكراميتك..
شديتها ..
فتاح : مالكي عيانا ..(كيسولني)
انا : رااه لبارح...( قاطعني)
صونا ليه التيليفون ..
فتاح : الزين ماعندك زههر ...غتكلسي هنا احبيبة ... و رسمية من لفوق ..
انا: لا لا لا غنمشي .. (كنحيح)
خديجة: شوفي حتى لامتى غتبقاى هاكا ... حللي داك الدمااغ وعرفي كيفاش تصرفي ...وتوكضي شوية ونقصي من الخفة و الزربة ديالك.
فتاح: راه قالت ليك الصح ..هاهيا سارة ..مكتهربش من الامر الواقع و كتسيير الامور كيما هيا باغا ..ماشي كيما هما باغيين.
انا: (كندورها فراسي) ...اووووف وكنفض فراسي ونشتف على الارض ..
مهم درت راجعة للفيلة زت جوج خلفات ..هزيت راسي لفوق.... ا(خرجو عيني ) ...اسلام واقف فالبالكون د بيتو كيطل على الجردة الكبيرة و على الطونوبيلان... واقف متكي بيديه على الدورة دلبالكون و تيليفون فيديه.. وكايشوف فداكشي كااع اللي طرا بيني و بين فتاح و خديجة...

رجعت البيت .. سديت عليا ... غلدا جايا كنفكر كينديير....طاق طاق طاق..الدقان فالباب.. (تهزيت بالخلعة )..
سندي ...حلي حلي..انا خاديجة..
اووفخلعتيني (حليت الباب).. 
خاديجة:راه لبنات جاو و دازو فالعزلة و دابا راهوم فلابيسين... سربي راسك هبطي راكي رسمية هنا و عارفة الخدمة و كتخلصي على كل نعار نتي فيه هنا...
انا: اوووف هانا هابطة ..مغنعوم ما والوو..
خديجك:هبطي جلسي يشوف المحاسب د الفيلا من بعد غبري .. 
انا : اووك.. يخ ..
مهم لبست ضربت عليهم دو بياس فالكحل خطييير و كاش مايو خفييف تا لفخادي .. و كلاكيطة كحلة .. جمعت سفنجة فشعري ..هزيت الساك د لابيسين درت فيه لكريمات دياولي و نزلت ...
كنلقى ...هه(ابتسامة ساخرة بيني و بين راسي) ...دنيا زاهية فلابيسين و الزدحة و الشطيح ...سرحت عيني ...مكلقاااهش..ماعرفت فين غاطس ...مشيت تجبدت حدى سارة و هاداك لي كان معاها لبارح (لي كان لاسقني تا هواا بوقوص) 
الكراسا (رولاكس) مستفين و مفرشين ب فوطاات بيضين...تسرحت ...درت نضاضر بديت ندهم فالزيت ..
سارة: هههه رجعتي ..مالكي ..ماشي هي هاديك 
انا : (كندهن و سااكتة)..خليني عليك ..
سارة : هههه (راشقة ليها عجبها الركوص و لاوية عليه) ...
انا سديت عيني و تسرحت و دارة طربوش على وجهي من الشمس..(الكراسة فين جالسين مستفين و دايرين بلابيسين ...سارة دايرة كتكيكي معا لاخور سميتو ياسين هادو طلعو مغاربة عايشين فالدانمارك و هو مجبد حداها و انا من حداها من الجهة لخرى و ماحدايا حد الكراسى خاااويين جهتي ....رخييت عضامي و جهي مغطي بطربوش من الشمس ...بقيت هكاك شحال و كنفكر فديك كنزة لي شفت فضهر اسلام !!!

...و انا سااااهية سرحت يدي (كنتجبد ) ....كنقيس شي حد حدايا ...!!!!
دورت و جهي...اسلام مكسل حدايا .... و ساد عينيه ....اويييلي على زهري المكوز ... كل مرة منين خارج ليا ... انا كنهضر غير بيني و بين راسي و هوا مراهش فهاد العالم جا حدايا و ضرب الطم..
انا ...كنوض غير بشوية ... بلا مايحس ...
سارة : فين غدا ...(فضحاتني بنت العاهرة لخرى) ...
سمعها هو يحل عينيه ...بقا كيشوف...
اسلام :(يسخر مني) ..ياكما ناويا تهبطي تعومي ...
انا: (حماريت ) ...لا ورجعت جلست ...سكات ..كلامو قليييل ..و قاصح ..من غير سارة و ياسين هما اللي كيكي كي كي...
بقينا هاكا تا حد ماكايهضر مع لاخور ... 
ونا نوض ...خزرر فيا اسلام .. 
انا :... للطاوليت ...ياكما تمشي معايا... (ولليت كنعطي لموا)
وهوا اصلا واخد عليا نضرة بللي انا غير عاهرة
...مشيت ...ورجعت مالقيتوش ... وهيا تبسال الجلسة ... واخا خايفة منوا ... و مكنبغيهش يخرج فيا ... و كانخاف منو ... مللي كيخوي من حدايا كنمل و كايطير لي ...
طلعت ليتي و كنقول معا راسي...
انا: عارفاه مكيحس بتا حاجة من جيهتي ... وتابعني غير حتى يقضي غاراضو .. وانا بانسبة ليه غير وحدة ..قح...، وهادشي هوا اللي محملتش انا عقلي مبرزط و هوا مكيحدش منو ... ما كيضحك ما تا حاجة ..من غير الضحكة الصفرة ... شخصيتو قوية الى ابعد الحدووود وليت كنشوفو كنتخلع .. وصلات الربعة..
جا فتاح و عيط ليا فتيلي و انا فبيتي ... 
فتاح: الو سندي... لبسي وهبطي ..انا لتحت ... غانديك عند اليخ فلان ...
انا : واش مكيناش السهرة هنا ليوم..
فتاح: موول الفيلا ماباغي بنات و صحابو غيمشيو لااكادير يتساراو...
انا : اوك انا نجمع باليزتي و نجي..
فتاح: غير خلي الباليزة راه غتبقاي هنا ... غنمشي غير نضربو هاد البلان و نردك

انا: صافي هانا جايا ... لبست دردبت مع الدروج و مشيت مطلع فالطونوبيل و اسلام حاضيني من البالمون ..ماشفناهش...قلعنا...
انا : فتاح شكون مول الفيلا (مجمعة انا وياه) 
فتاح (وهو كيعود ليا كلشي)... هو اسلام ... عايش هو باه فالدانمارك ... لاباااس عليهم ... باه عندو المعمل ديال السلاح فجميع انواع الدول و حتى فالمغرب ... كيصدرو السلاح ... واسلام مقابل شغالاتو و شغالات باه ... ااه... شوفي ...ساوي معاه راه عندو واحد الكاراكطير فشكل ...كينفاعل دغيا و عصابي ...داكشي علاش ما فيهش الهضرة بزااف ...غير نتي متصنطحيش معاه وصافي .. 
انا: ايييه .. هاهاها (كنستهزا) شناهواا... راه كيتسناني تا تمشي مني ليغيقل ...هاداك راه باغي يغتاصبني ... هه و السلاح من الفوق...
فتاح : راه كيسحتبليه مرا ... اما هوا راه كاع مغيدور بيك راه تاهوا عزبز عليه راسو.. انا راه كنعرفو منيين و منيين و كنعرف باه تاهوا... شوفي كيديري توصلي ليه الميساج بلي باقة بنت ..بلا ماقوليها مباشرة...يقدر ميتيقش ...
وحنا غادين و كنتعاودو...
مهم مشيت دوزت السهرة ...راجعين بحالنا ... دخلنا الفيلا نزلت طالعة فالدروج ... كنخرج فاسلام و كنتعكل عاوتاني ...شدني تا وقفت ... لابسة و مقادا ... و جايا من السهرة ... طلع و هبط فيا ... 
اسلام : بقاي تشوفي قدامك شوية... مرا جاية مغنشدكش ...غنخليك تكركلي مع الدروج...باش تعلمي تهزي معاك صندلة بلا مين تكوني راجعة من شي سهرة(عاقد حجبانو)
مارضيييييتش ...و بديت كنسوط من خنافري كي الرابوز... مالقيت منقول زاد و خلاني ..كان عريان لابس غير الشورط و كيتسركل فالفيلا كي سحت الليل ...
طلعت البيت ساخطة عالوضعية ...كيفاش غنوصل ليه انا بنت وهو ا كيشوف عليا غير فعايل الباطرونات .....بكترة ماكانخاف منو و و كنفكر فيه وعاجبني بزااااف ... وليت كنحس بحال ايلا كنبغيه ... اواااه علا كنبغيه ... لالا حيدي هاد الفكرة من بالك و باا ما تحلمي كتر من القياس....

وانا منفكر ..و كنبدل حوايجي ... طاحت عليا فكرة... تفكرت فاش قرب مني وباسني و قالي ريحت زوينة ... وانا نبتاسم بتيسامة شرييييرة (ناويا على خزيت)... لبست بيجامة تعمدت تكون كحلة و بانطوفة ..و هزيت الريحة اللي مولفا ندير والي شم فيا... وخرجت كنتسلت الفيلا طافي فيها الضو ..من غير بولات خفاااااااااف فجنب السقف ...نزلت كنتختل بالحس ...كنقلب عليه بقيت كنضور فالفيلا و كنقلب عليه بلا ميحس بيا شي حد... نزلت كنقلب ...كنقلب ..كنقلب ...وانا نضرب عليه فالجردة الكبيييييرة و الضواو خفاف فالارض وهوا كالس فرولاكس شاد الكاس ..و كيهدر مع واحد من الخدم .. 
طلعت كنجري لبيتو حليت الباب ودخلت ... وااااااو على بيت قداااااش كبيييير بقيت كنشوف الضو طافي و قنات البيت فيه تريات مركبين فيهم الشمع مشعول هههه البيت داير بالشمع بحال شي زاوية (كنتنز)....
الريدويات كيدايرين نازلين تا الارض و السراجم كبار و البيت داير بالزاج تقريبان كامل و مغطي بالريدوات ...شفت الدوش كبيير داير غير بالزاج كيبين من داخل البيت ..و الناموسية كبيييييرة مدورة ماشي مربعة و مفرشة بحمر باااارد و الفراش مكمش فيها ..باينا كان ناعس ونزل وخلاه هاكاك الرويحة تما واااعرة
ملي شفت وساليت...شديت ريحتي و جلست نرش ...هههههه رشيت فالبلاصة فين كان ناعس.. و فالريدوات .. ماخليت تا بلاصة ...الدوش ..الفراش و ..انا كرش كنسمع شي حد جاي ...جريت للبالكوم وتخبيت فالقنت و كنطل من مور الريدو ...اسلام !!!!مشيت فيها ..جيت برجلي تا لعندو ..(جاتني البولة بالخلعة)...
اسلام: ..حل الباب ..دخل ..بقا مصمر ..درباتو الريحح لنيفو ..(انا حاضياه ومزيرة) ..بقا مصمر ماتحركش و هوا كيهضر بوحدو..
اسلام:.... هاد الريحة!... الريحة.... فين شميتها؟!! ...سبقليا شميتها ....فييين ...فييين..... 
انا : منين غنخرج ؟!!! ويلي على حصلة ...
اسلام: كيفكر و كيسترجع الداكرة... اوووف ..فين شميتها ..فيييييين (تعصب) ..دخل الفراش ينعس...شم الريحة فيهم...رجع جلس بالزبة. ..جالس متكي على فخادو ويدو على لحيتو و كيقول..

اسلام : لا وااالو ...هاد الريحة فايت شميتها ... (راسوا ضورو،بغا يعرف) ... خرج من البيت كيفكر ...
و انا نخرج من البالكون ... و حليت الباب و خرجت عكس للتجاه اللي مشا فيه هوا ... بقيت ..غاادا... اووووفف قلبي بغا يسكت ...ناريييي .. و كندحك بوحدي ... يلا مطيحتك فالشبكة مانتسماش انا سنديان ... وغادة كنفكر دايخة بالخلعة و صلت الجناح فين جالسة انا... مع الدورة دالكولوار ...كنخرج فيه دربت راسي مع سدرو تا رعفت ..و سال الدم من نيفي ..
اسلام : نااااااريي( طلع ليه الطونسيو بالصعرة) ...نتي عاوتاني... كيخزر فيا...
انا حانيا راسي و شادة نيفي ... سس سس س ..سمح ليا .. (هزيت راسي نقوليه سمح ليا ... 
اسلام : (هاز ليا راسي ) مالك ياك ااباس ...امم (بقيت فيه) ..رعفتي ...شتي ..كاقوليك حلي عينيك..جارني لبيتو...
بقا جارني .. دخلني لبيتو و عيني كيبكيو بديك الضربة... دخلني جلسني و انا شادة الرية مخبياها... باش ميشوفهاش ... جلست فوق الناموسي ... ريحتي كتعط عط تما ...هههه 
مهم جلست و نيني كيسيل شاداه بيدي .. 
اسلام: ..(كيشوف باش يمسح ليا نيفي).... شوفي خليك هاكا (هاز ليا راسي) بقاي هازا راسك .. انا جاي ..
ناض كيقلب فالبيت فواحد المجر ... عاطيني بضهرو..
انا: (دربت جوج رشات بالريحة بالخف فعنقي بلا مايعيق ..وخشيتها تحت المخدة..ههه(اللي فيا ما مهنيني ..مكنحشمش..
مهم ...لقا الدوا.و قطن ...تم جاي ...كيتبودر عليا .. انا كنتمسكن .. ولاكن كليتها تا دخت..واصلا مين كنشوفو كندوخ..
اسلام: (تحنا قدامي حركابيه وانا جالسة فالناموسية ..كيمسح ليا نيفي.) ...كي بقيتي شوية ..(كنحدر راسي ).. لالا خليك هازة راسك باش يتقطع الدم ...
انا :اااي نيفي ... بشوية... قصحتيني ...
اسلام: اللي سمعك كتهضري يقول ماعرفت اش كندير ليك(كيمسحليا ) ..
انا: (بديت كنتبعكك) ...نتا اخويا للي دخلتي فيا اما انا كنت جايا لبيتي ..
اسلام: !!!(مطلع حاجبو)... نعام احبيبة ..هادي داري ... ندور فين ما بغيت .. نتي اللي خارجة فهاد الليل ... فين كنتي ؟
انا:.... ااي .. كنت طالعة من الكوزينة ..احح.....جابلي الله بحال ايلا دخلت فشي حيط!!!؟ (باغا نعصبو)

يتبع

التنقل بين الأجزاء

صفحة القصة
سيتم تشغيل صندوق التعليقات بعد لحظات
معظم التعليقات تم إخفاءها بواسطة الفيسبوك، نحاول بكل الوسائل المتاحة إستعادتها في أقرب وقت ممكن.