جراتها ذهب لواحد البيت صغير وبدات دير ليها الاشارت باش تحط القرد ... حطاتو ورجع نقز تعلق فيها .. بدات كدوز يدها عليه بحنان عاد نزل ومشا كايدور فالبيت ويكتاشف
طلعات ذهب لقاتهم مجموعين كاملين خاشيين ريوسهم وسط السلوكة وتكات على ركابيها
ذهب : شنو واقع ؟ واش مابغاش يخدم ؟
سلام : لا ... سيري ديري لينا شي لعيبة ناكلوها
رياض: هز راسو) ااه .. شغاناكلو؟؟
هز إسلام راسو كيقاد الكاسكيطة ويتنهد واخلين مع المقود .. شوية وهوا يحل عينيه وطلع بالزربة لفوق فين كانت جالسة نينا .. شاف الصاك ديالها مرمي تما ومشا هزو لقاه تقيل .. طل عليه لقا فيه الديسير والبنان ... يالاه خشا يدو يجبد و هوا يسمع
نينا: بغضب ) هوطااااا ميمي لالالا كوكي 😡😠
تلفت شافها طالعة عندو على ركابيها ويديها مع الدروج خايفة وكتغوت على . . وصلات عندو ونترات الصاك وخرجات فيه عينيها
أسلام : هااكي هاااكي عنداك تموتي ... بغيت نعطيه ليك مالك على حالتك !! غاناكلو ليك!!! (رجع خرج عينيه) اجي بعدا نتي اش كاديري هنا؟ ياك جريت عليك اش جيتي كديري هنا
جرها من دراعها داها وجابها كيزعف عليها ومخرج فيها عينيه ... كانت لابسة شورط قصير وديباردور من حوايج ذهب القدام اللي تنساو فداك اليخت وكانت مطلعة حوايجها تنشرهم وهي تحصلو هاز ليها صاكها ... دراعها تا بغات تبكي ورجع جرها من دفيرتها اللي مدلية على صدرها فالجنب بالجهد
اسلام: ادوي 😠 تابعاني هاااه (كيديها ويجيبها من دفيرتها )
بقات ساكتة ساكتة ساكتة كنصبر حتى طلقات دموعها ودارت يديها على وجها وبدات كتبكي وتنخصص .. شاف راسو بكاها وقصحها من شعرها وهوا يجمع يدو وخرج فيها عينيه ونزل خلاها واقفة كتبكي بوحدها .. ماهي غير 5 دقايق ومارضاتش تزل عندهم حتى طلع سلام شافها هاكاك وقرب منها
سلام: مالكي كتبكي ؟ شكون ضربك؟!!!
بحنان بغا يشد ليها فيدها وهي تنترها ليه وقلبات وجها
نينا: الاااميتووووو الاااااميتوووو 😭😭😭
سلام: ريااااض ...ريااااض ... اجي واحد الدقيقة
طلع رياض كيجري شافها كتبكي وقال
رياض: شواقع ؟؟؟
سلام : مانعرف ! (عاود قرب منها ) واش باغا ترجعي بحالك ؟ غنصايبو اليخت ونرجعو ماتخافيش
نترات يدو كتبكي : الاااا مييييتو ... نوووونو 😭
رياض : باستغراب) اش درتي ليها؟
سلام: والو! شفتها كتبكي سولتها متفهمتش مالها
رياض: قالت ليك الله ياخد فيك الحق وغتبقا دعي فيك ديما حتى تموت !
رياض: بابتسامة مستفزة) و سخني رقبتك من دابا ... حيت الموس حافي احبيبتي وغايعدبك بزاف
تنترات منو كتنهج معصبة ونضرات الشر فعينيها .. اما هوا وقف هاز راسو بابتسامة كيطلع ويهبط فيها وستافزها ... نفرات من مناخرها ومشات خلات واقف
رياض: مزالة غالطة احبيبة ... داك الراس يا اما يرطاب .. يا اما يتهرس .
واقف أسلام بوحدو على راس نينا وهي مكمشة كتشوف فيه بحدر وجامعة يديها ورجليها .. مد يدو لدفيرة جرها منها بالسم وكارو على سنانو حتى غوتات وشدات ليه فيدو باش مايجرش وبدات كتبكي فصمت وتردد بصوت خافت وراسها عوج
نينا: الااا ميتو اهننننهن.. الا ميتو ماااني
بدا كيجر جرات خفاف ويعضر تحت سنانو ويضحك
أسلام: انا ضحكي عليا يا البرهوشة؟ جيت نشرب بغيتي تلسقي فيا بنت ليك غير انا ! وليت فين ما ندور نلقاك بحال الجن (جرها ) ادوي ... اش قربك لذهب .. باغا تصاحبي معاها ! انا نوريك الصحاب يا البرهوش
بدا كيجرعا من شعرها بحركات بطيىءة كيسممها وهي تابعاه براسها وشادة ليه فيدو .. سمع صوت حتي وهوا يجمع يدو وناض وقف ببرود كيشوف فيها مغزف عليها وماكرهش يرفسها ، شافتها ذهب مكمشة كتبكي ومخبية وجها وقالت
قال وهوا كيقلب فالحوتات : سيري قابلي صنارتك ولا غنعلق فيها ونخلي القرش يجي ياكلك ... سيري بعدي مني ماتطلعيش ليا الدم هاد الصباح
تم جاي جيهتو رياض كيتفوه لقاهم مدابزين وقال
رياض: ايييه ! الناس صبحو كيصيدو الحوت ... الجوع ومايدير اوليدي يا أسلام
اسلام : حيد هاد خيتي من حدايا ... ولا غنشويها بلاصت هاد الحوت
رياض: فافا بالو (جرها)
نينا: نترات يديها ) هوطا ميمي ناااني .. ناااني 😠
رياض: أسلام ... ميك على البنت مالك حاط عليها ؟
أسلام : اش حاط عليها ؟
رياض: كاتقول الحوت ديالها هي صيداتو ونتا خديتيه ليها
أسلام: ببرودة ) وا تيق بهاد القردة .
رياض: مشا كيهضر) ميك على البنت اش باغي منها
مشا رياض هوا يتلفت أسلام جرها من الدفرة وقال
أسلام : انا خديت ليك الخوت الكدابة؟ هاه؟ غنبقا نجرك من هاد القرون حتى يطيرو
جاتها البكية وهي دفع يدو بغضب وخرجات فيه عينيها
نينا : هوطا ميمي ناني بالو بو ااا ني ماما 😠
أسلام: هز المقلة) غتمشي ولا نعطيك بهاد المقلة للوجه .. اه الحوت ديالك وخديتو ليك يالاه شريه من حدايا سيري شوفي قردك يال القردة يا النصابة ...
وقف رياض على ذهب فبيت النعاس وهي ناعسة .. تكى حداها كيتأمل ملامحها بابتسامة ... دوز يدو على جبهتها بعد ليها الشعر وهي تفتح عينيها بشوية فيه ... شافتو وهي تنوض بالزربة مخرجة عينيها
تحت الماء الازرق الفاتح داخل ضوء الشمس مضوي عمق البحر ... تسوطات نينا سادة فمها وحالة عينيها كتكتاشف البحر من بعد ما جرى عليها أسلام ... غادية بحال شي حوتة كضرب بيديها وتشوف .. بان ليها صخر وربيع واسماك ملونة ومشات جيهتهم كتكتاشف ... بقات كادور قاطعة النفس وتحوم بين الصغر والربيع ومع الدورة ديال واحد الصخرة خرجات فوجه بشري كيخلع وحلات فمها غوتات تحت الماء مفزوعة حتى تخنقات وبدات كضرب بيديها هاربة لفوق وعينيها خارجين بالخلعة والتنفس اللي اللي دخل بلاصتو الماء
رقبة تحت السيف الجزء التاسع
محتوى القصة
التنقل بين الأجزاء