رقبة تحت السيف الجزء 12

غادين واحد مور واحد ... اسلام الاول وذهب موراه و رياض موراها ... قاطعين نهر هايج بواسطة شجرة مقطوعة طاحت على النهر ... بخطوات تابتة كتمشى ذهب حتى قطعات للضفة اللاخرى وتبعها رياض بنفس الطريقة ... كملو مشيتهم غادين فجأة رمقات عين ذهب شجرة حداها منين دايزة ووقفات ... شوبة غوتات وبدات كتعيط على رياض وسلام تجمعو عليها 

ذهب: اسلام... اسلاااام .. هههه اسلام داز من هنا خلا لينا اشارة شوف هاهيا 

قرب سلام ميحقق : هوا ... هوااا والله تا هوا .. افف حمد لله مزال عايش

رياض: دونك غايكون قريب من هنا ولا سبقنا وداز من هنا ... بلاتي بلاتي هاوا داير لينا سهم منين داز 

سلام: بلهفة ) يالاه نتبعو السهم ... وحطيو مع الشجر اللي والارض يقدر يكون داير لينا اسهم باش نتبعوه 

* هاز أسلام نينيا وعينيها كيتلسقو مرهقة ... واها عيا يمسح ليها الدم ما بغاش يتمسح حتى كرم على الجروح وقطعو الدم بنفسهم ... فاش كتحرك فمها كيبان كبير ... حيت اللحم تفز وفمها تشرك من واحد الجانب والجلدة طارت حدا ودنها حتى بان لعضم ... كتشوف فأسلام اللي غادي كينهج ومتبع الخريطة اللي شاد فيدو ومنين ما داز كيرسم سهم كبير .. فالحجر الشجر فاي بلاصة على امل يتبعوه خوتو ويعرفوه منين داز ... الطريق قدامو طويلة باش يوصل .. ونينا حالتها حرجة لدرجة مكتحسش بالالام لحمها سخون والحرارة طالعة ليها ... 

نينا: اا.. أ .ااه 

اسلام: شووو غير سكتي .. بقاي ساكتة غانوصلو ان شاء الله .. غانوصلو ماتهضريش

رمشات بتتاقل وعينيها كيالسقو ووجها حالتو .. هزات يدها بتتاقل بغات تحطو على حنكها تشوف شنو واقع حيت حاسة بوجها ماشي هوا هاداك وشي حاجة واقعة فيه وبالتخص فمها اللي كتبغي تحلو باش تفرز احساسها . يالاه بغات تقيس وجها وهوا ينزل بسرعة على واحد الركبة هازها فيديها وتكاها على الركبة الاخرى ويدو موسدة راسها .. شد ليها يدها نزلها بشوية كيشوف فيها بشفقة وكيتألم بلاصتها وكتيشوف فوجهها بصعوبة ... عيا طول الطريق هازها .. كيلهت وبزز باش كيهضر ويشرح بواحد اليد 

اسلام : ماتقيسيش مازقع والو ... مكاين والو غير صبري وماتقيسيش وجهك ... عافاك خليك صابرة شوية ...غانوصلو وتشافاي ومايبقا والو ... كنواعدك ... شوفي فعيني غاتفهمي شنو كنقول ليك .. بعدي يدك ماتحاوليش تقيسي فوجهم 

سدات عينيها وبلعات ريقها وتحركات العضمة اللي باينة حدا ودنها .. وير على عينو بانهيار وناض هزها وغادي متبع الخريطة اللي كتبين ليه انه مزال خاصو شهوووور طويلة يالاه يوصل الا بقا غادي بنفس الوتيرة .

* نايضة حرب .. وحرب واشمن حرب ... اثناء سير ذهب و ورياض وسلام خرج فطريقهم سبع جائع ... حيت اقدامهم قتهم لمنطقة خارج الاشجار واللي هي منطقة عايش فيها سبع واولادو وزوجاتو .. هربو وجارو قدر المسطاع وتكركبو مع الهضاب وسط الغابة عاد خرجو فالمنقطقة الخالية من الاشجار و اللي جات عالية جرفها عالي خطير ... وحتى السبع خرج على منطاقتو المعتادة وتبعهم حتى للبلاصة .. وحاصرهم ... او بالاحرى حاصر ذهب ورياض ووقف قدامهم وخلاهم منهم للحافة .. لامفر ... الموت قدامهم والموت موراه ... من غير اسلام اللي فلت للجنب ووقف بعيد كينهج وكايشوف فرياض وذهب غيسكت ليه القلب بالخلعة ... مابيديهم مايديرو ولا قوة لهم يهاجموه .. كيشوفو قدامهم سبع كيوزن قنطار والزيادة ... الوقفة قدامو كتسكت القلب ... كيقرب منهم بحذر ويزأر بصوت مخيف ورياض وذهب كيرجعو باللور .. مد رياض يدو لذهب شد فيها وزير عليها وعينيه فالسبع اللي كل شوية يزيد خلفة ... ومع كل خلفة كيرجعو هما خلفة حتى بقات ليهم خلفة وحدة لسقوط

غمضات ذهب عينيها هي ورياض وعارفين باللي مكاينش مخلوق بشري يقدر يتقاتل مع سبع جاءع ويربح المعركة مهما كان هاد المخلوق فملك الله . . . فجأة سمعو زءير قوي من الاسد وفتحو عينيهم لقاو سلام اللي معلق على ضهرو بكامل قوتو ولاسق عليه وشاد بيدو على شعرو والاسد كيزأر ويتنفض ويتهز ويتحط .. بوصت مرتفع كيغوت سلام و يتعصب

سلام : هربووو.. هربوووووو حيدو من تماااا .. حيدوووو
جر رياض ذهب من يدها وهي كتشطح بالخلعة وبعدها على الخافة ، بدا كيقلب على حل باش يفك سلام وفنفس الوقت يتفكو من السبع ، كيجري فبلاصتو ويقرب من السبع اللي غادي كيزاء ويتهز حتى وصل للحافة ، طايحة ذهب على ركابيها كتغوت بحال الحمقى . كتشوف خوها بينو وبين الموت خلفة ... كتغوت باعلى صوت بحال المجنونة وبدون شعور ناضت كتجري جيهت السبع كتغوت وتنقز ... الى طلق سلام من السبع غايطيح فالارض وغايفرسو هوا الاول فدام عينيهم ... شحال قدو يبقا لاسق فيه وكيتهز ويتحط معاه ... اخرتها موت ... لا سلاح باش يقاومو ولا حتى ي حاجة يدافعو بيها على نفسهم ... الجرف كيطل على البحر .. والبحر خطير وهايج وكامل حجر خارجين منو بحال المسامر ... كن طاحو فيه كن تشتتو فوق الحجر اللي تحت الماء بشوية ... بدات تضرب فراسها وتغوت بهستيرية ورياض كيهد على السبع بواحد العصى ... حرب مميتة خلات السبع يندافع بارتباك كيحاول يتخلص من الكتلة اللي لاسقة عليه لسقة .. اندافع نحو الجرف كتحاك ويطيح وينوض حتى زلق هوا واسلام بجوج وهبطو فالهاوية لملاقات مصيرهم .

جرات جيهتو ذهب بصرخة قوية بغات تلاح موراه وهوا يجرها رياض شدها مع الارض كتفركل وتغوت وتبكي

× طاح أسلام على ركابيه ونينا فيديه .. مابقاتش ليه قوة يهزها .. حطها وشد على جيهت قلبو كيتعصر وصدرو كيطلع وينزل بسرعة بحال الى الروح غتخرج ليه ... حط جبهتو على الارض مزير على سنانو معارفش هاد الالام اللي اللي كيحس بيها نتيجة ماذا؟ ... بدا كيتصارع بوحدو ويلهت .. مرة يهز راسو مرة حطو ماقادرش يتنفس .. تكا على ضهرو كيشوف فالشجر الداير بيه وانين نينة حداه ... كيغمض عينيه ويحلها و ضفارو مغروسة فصدرو ... بدون ادراك غوت بصوت مرتفع وبأعلى صوت حتى طارو الطيور

أسلام : سلاااااااااااااااااااااااااااااااااااااااام..

حل عينيه كينهج وعاد درك الصرخة اللي صرخ واسم سلام باش عيط .. خرج عينيه مخلوع وهوا كيتقطع ويتعصر بحال الى كايموت ونينا ميلة راسها جيهتو كاتشوف فيه بنضرة خوف وماقدرش يتحرك ... بصعوبة قال مرة اخرى وهوا كيحاول ينوض وكيفشل

اسلام : .... سلااام ... ااااااه... سلاااام... ااااااه

فشل فالنهوض ورجع تكى على راسو بقوة وغوت مرة اخرى وهوا كيتقطع

اسلام: سلاااااااااااااااااااااااااااام

الصداء كيتعاود وفنفس الوقت هيليو كوبتر كادور فالسماء... ومباشرة فوق راسو وبعيدة كنبان بحال الدبانة ... بدا أسلام كايغيب على الوعي وعينيه كايتسدو كايتسدو وكيتألم ويدو على صدرو كترهى شيءا فشيءا وماكيتسمع فودنو غير صوت الهيلي كوبتر

×ذهب: سلاااااااااااااام ااااعىء اهىء اهىء واسلااااااااااااااااااام اهىء اهىء ... وسلااااااااااااااام اااهىء اهىء
بحات حنجرتها بالصراخ ورياض حادر راسو شاد يديها ورجليها وكيكمدها فقلبو وهي كتغوت بغات تسطى ... بكترة الصراخ والحفير فالارض طاحت طيحة وحدة فاقدة الوعي وبدات كتنفض فبلاصتها وهي غايبة ...


مستشفى ب ءستراليا

فعرفة الانعاش المضلمة ناعس أسلام عريان مغطي حتى للنص بتوب ازرق و والاكسيجين على نيفو والسلوكة على صدرو وبجنابو الات كتيرة دايرة بيه .

وفالزاجة واقف غيثة لابسة عباية باج وفولار ... ام اسلام توأم سلام ... كتشوف فيه ويدها على صدرها كتبكي و اخرى على الزاج حاطاها وكتأمل منضرو وهوا ناءم ماعاقلش على راسو ... شاب فالعشرينات من عمرو دو بينة جسدية قوية ... تلات بيه فممستشفى وفغرفة الخطر وحتى من النفس دالبشر ماخصهاش تسرح فالغرفة عندو .
موراها مباشرة على أريكة دالجلد بيضاء جالس عهد بدجين وتيشورط كحلة ... يديه بجوج تحت فكو وساهي كيخمم ... تنهد وناض بهدوء حط وقف موراها وحط يدو على كتفها .. ميلات راسها وشهقات متتالية كطلع من صدرها وبعدات يدو على كتفها ورجعات كتشوف فيه ... تكلم بصوت غليض هادىءوهوا كيحرك راسو وقال

عهد : غايكون مزيان ان شاء الله ... غايكون مزيان

وقف عليه طبيب بلبسة زرقاء : مسيو سقراط ... المريضة طلعناها من غرفة العمليات

تلفت عهد وقال ببرود : كي بقات حالتها

الطبيب: مع الاسف .. صعيب ترجع كي كانت ... حالت وجها سيءة جدا مسيو سقراط ... قدرنا نحيدو ليها طرف من فخدها ولسقناه ليها على العضمة ... لاكن واخا عالجنا الجروح ... غادي تبقا معيبة ومشوهة
قلب عهد وجهو جيهت الزواج وتنهد في حين مشا الطبيب ... فنفس الوقت جا راجل من ملامحو باين عليه كبير بسروال توب وقميجة بيضاء ... طويل بحال طولة دعهد لاكن نحيف عليه شوية واخا بحكم كبر سنو .وغم ذلك و وشعرو الابيض مزال كتبان على وجهو ملامح الصرامة وكيتمشى بالزربة .. وقف بملامح صارمة حدا غيثة وعهد وقال

نضال : مزال مالقيتو ذهب ورياض وسلام؟

تلفت عهد ببرودة وقال : مزال ...

مارضش عليه نضال ووقف حدا الزاج كيشوف .. حط يدو على كتف غيثة وهي تلفت عندو بعينيها الحومر وفمهت المرتجف كتبكي فصمت وحطات راسها على صدرو .. طبطب عليها وقال بهدوء

نضال : غادي نلقاوهم ماتخافيش... ان شاء الله غايكونو بيخير ... وكلشي هادشي غايتنسا

قالت بصوت مبحوح مرتجف : هادي اربع ايام وهوا على هاد الحال ... واش غايبقا هاكا ! فين ولادي فييين ... يعلم الله اش واقع ليهم

نضال : كلشي غايكون مزيان ... كريز جاتو داكشي علاش هوا ناعس بحال هاكا... دابا يصح ابنتي دابا يصح ... لطف الله هزوه فالوقت المناسب

هزات راسها ورجعات جيهت الزاج كتشوف فولدها .. تكلم نضال بصوت هادىء واخا باين على ملاكحو العصبية والغضب وقال

نضال : عهد . . . . اجي معايا بغيتك

مشا هاز راسو ويديه فالجيب وعهد غادي موراه كيشوف فالارض وساهي .. جلسو على فوطويات وسط المستشفى الخاوي من الناس والهادىء .. شبك نضال صبعانو وقال بهدوء

نضال : عاود ليا شنو وقع ... كفاش حتى لقيتوه فهاد الحال

تنهد عهد وهز راسو كيمسح على وجهو وقال

عهد : من نعار تقطعات عليا خبارهم فالجزيرة وحنا كنقلبو ... أسلام لقيناه غايب .. وحداه بنت وجهها مشوه ... مازال ماعرفنا البنت شكون وشنو كادير معاه ... جاتو كريز نتيجة الضغط اللي طلع ليه والسكر اللي هبط ليه فدقة وحدة ... دابا المشكل ...(هبط راسو يتنهد) المشكل ... المشكل واخا يبرى غيبقا عندو مشكل دالقلب .

نضال : رتاحيتي ولا مزال ؟ ها واحد مرض بالقلب ... يعلم الله لاخر باش غيمرض .. وذهب واش تجي صحيحة ولا حتى هي نسمعو عليها شي خبار ما هياش الله يستر ... زيد حتى رياض تزرف فيها .. مو غاتسطى وباه غايخرج ليه العقل فديك الجزيرة بالتقلاب ... على الله ترتاح دابا ويبرد ليك القلب ... الحيوانات اللي ربيتي واللي ديتي لديك الجزيرة تعيش فيها فاللخر غيبداو بولادك .. انا كنوصيك ا عهد ...نسكت ليك على كلشي الا الدراري تمشي توقع ليهم شي حاجة

هز راسو ببرود و الهم مخيم على وجهو وقال
عهد : ذهب زوجتها لرياض .. بلا خبارها

يتبع

استغفرو معايا بنية الشفاء العاجل والدعاء ، انا مريضة و عندي فوبية من المرض وكنخاف منو بزاف وكايجيني الوسواس كيزيد يمرضني 😢 محتاجة دعوة من القلب