عهد : بصح ... دارت علاش خلاتني نزوجها ... رياض كان باغيها وهي كانت باغيا واحد مفلس ... خرج عليا وخرجها الطريق . . . ورياض اللي جا عندي هضر معايا عليها قبل مايمشي للجزيرة ... تما عطيتها ليه
نضال: بلاتي بلاتي . كفاش ! هادشي مكيدخلش للراس
عهد : وشنو اللي كيدخل للراس ؟ العرى والبلية والشمان والتسلكيط اللي كانت كادير وكن ما هوا اللي كان تابعها ولاسقها يعلم الله اش كانت غادير وحنا فدار غفلون
نضال تقادات لي الهضرة .. سكت وناض كايسوط في حين ناض عهد كيتنهد ويعاود لواحد البيت وسرح السجادة وتقابل مع القبلة واقف حال رجليه وكيصلي بخشوع وصوت مرتفع شوية
* ناعسة فاقدة الوعي و السخانة طالعة ليها وبجنبها رياض كيفزك طرف توب قطعو من تيشورط ديالها ويحطو ليها على جبهتها كل شوية .. وجهو مرهق ويائس ... محروق على سلام اللي مات وخايف على ذهب اللي كتموت قدامو ... حس بتخرشيش وناض وقف كيقلب بعينيه خايف من شي حيوان مفترس يخرج ليه مرة اخرى .. يدو كترعد وصدرو كيطلع ويهبط ... تحنى هز ذهب بالزربة عنقها وضمها وبعد شوية كيتخبى ويقلب بعينيه فين يتخبى ويخبيها ... 4 ايام ماكلا ولا طاحت فكرشو نعمة ... وجهو دبال وحتى الشهية مقبوطة ... القلب حزين والعقل غايب .. عطا بضهرو غادي مفزوع هازها بين ييدها هارب من التخرشيش حتى سمع صوت راجل بلغة دنينا وهوا يتلفت بالزربة .. شاف واحد شينوي صمر عندو جسد الافارقة ولابس ملابس بحال العسكر ... رتاح رياض بعدما شافو وشاف رجال اخرين بداو كيبانو وهما اللي كانو كيقبلو عليهم ... جراو عندو وهوا فشل فالارض هاز ذهب ... شدو فيه باش مايطيحش ويديه لاسقين على ذهب مابغاش يطلق منها او يعطيها لشي واحد يهزها من غيرو واخا بقا فيه عرق واحد كيضرب وعلى سبة يقدر يطيح ، طلع فجيب كبيرة للور ديال الغابات وخرجو للشاطىء فين كاين يخت كبير ... دوز يدو على وجه ذهب وعنقها بقوة وهزها كتهلوس وتهضر ناعسة .. يالاح حط رجلو فاليخت وهوا ينزل نور من الفوق كيجري عندو شد عليه ذهب ... فاللحضة اللي شاف فيها رياض باه نازل غرغرو عيني وبغا ينهار ... عنثو بقوة وبدا يبكي بحرقة ونور كيعنق فيه ويعاود
نور : على سلامتكم اولدي على سلامتكم . . . ماتخافش غاتكون مزيانة .. الفريق الطبي معانا ماتخاف( عنقو ) فين سلام ؟
نور : كفااااش !!! فين سلاااام ماتقولش ليا مااات مايمكنش
طاح ليه رياض على ركابيه كيتحسر ويبكي ، تحنى عندو نور عنقو بقوة مصدوم ومغمض عينيه .بقاو هاكاك في حين الفريق الطبي هزو ذهب لداخل ، جلس رياض سخفان .. جابوه ليه الماء يشرب وهوا يدسه تقال .. اما مور شاد راسو حداه وكايديه ويجيبو
نور : لا حولة ولا قوة الا بالله العلي العضيم... لاحولة ولا قوة الا بالله العلي العضيم .. . اش غادير اعهد اخويا دابا .. اااش غاديييير فاش تعرف ولدك مات ... (هز راسو كينهج) غيتسطا مافيهاااش ... غايتسطى وغاتسطى مو حتا هيا ... ياااربي وقف معانا يااربي .
علقو السيروم لرياض اللي تابت كيشوف فبلاصة وحدة وهما دايرين بيه كيعقمو ليه الجروح اللي على كتافو وصدرو ويديه ... انا نور غادي جاي كل مرة يتكى على شي حديدة وكيتلوى بوحدو وكيفكر كفاش يوصلها لخوه و ولواليديه وشنو ممكن يوقع .
* خارج عهد من الغرفة بعد ما دوز وقت وطيل كيصلي ويدعي ومحروق على ولادو واخا مكتبانش على وجهو لاكن القلب ما كيعلم بيه غير الله ... لقا نضال جالس على الفطويات وحداه غيثة كتبكي فصمت ماباغاش تسكت ... فجأة تم جاي فوج كيجري ببياص كيجروه ودوزوه من حداهم .. فيه ذهب كتهلوس وراسلها كيتقلب يمين يسار ... شد عهد فالبياص مخلوع وحط يدو على وجهو
عهد : ذهب ... ذهب .. ذهب بنتي انا باباك ... ذهب
طاحت حداها غيثة اللي هانوها ركابيها قبل ماتوص للبياص وبدات تجبد فيديها باش ينوضوها تشوف بنتها ... دخلو ذهب بسرعة وهز نضال غيثة شاد فيها وعهد كيدوز يدو على وجهو مفقوص من راسو
قبل مايكمل هضرتو تم داخل رياض كامل مجروح وفاصنة على نيفو وحداه نور . . . عهد فهم شي حاجة ماشي هي هاديك من ملامح نور ورياض اللي عينيه حومر وباينة من وجهو انها واقعة شي حاجة .. وثف ليهم عهد خايف ونضال وقف بالزربة كيقلبو بعينيهم على سلام اللي مابانش
عهد : فين سلام ... رياض مالك . . . مالك هاكا .. فين سلام
علق عينيه جيهت الباب وكيسول ونور عينيه مزيرين وشادو من كتافو وبزز باش كيهضر وقيل مايهضر نهار رياض على الفوطوي خلاهم يتأكدو انها فعلا واقعة شي مصيبة ..
نور: مكتاب الله ... قدر الله ومكتاااب عليه ... مكتاب عليه ماعندك مادير اخويا غير صبر ..
رقبة تحت السيف الجزء 13
محتوى القصة
التنقل بين الأجزاء