مباشرة تكلم الجهاز طرجم كلامها لنينا وهي تلفت بشوية وقالت بدموع وملامح حزينة
نينا: ليلو ميها بوبو
الجهاز: واش انا غنبقا هاكا ؟
الطبيبة: بابتسامة ) طبعا لا ... غير تبرا بشرتك وتقوى غادي نديرو ليك عملية التجميل ... غادي يرجع وجهك حسن من الاول ... غير هوا خاص شوية ديال الوقت والصبر... مزال قدامك وقت طويل باش تقوى البشرة وتستحمل عمليات التجميل
نينا: بأسى) شنو ؟ شنو هوا هادشي؟ واش نرجع كيف كنت ؟
الطبيبة: هادي عملية... من بعد وتفهمي... نتي ماتبقايش تشوفي وجهك فالمراية باش ماتمرضيش ... وتبعي الدواء اللي غنعطيك ... ومابقيتيش محتاجة لضمادات ..صافي خلي بشرتك تنفس وممنوع تخرجي فالشمس ...
الطبيبة كتهضر والجهاز كيطرجم ونينا يائسة كتبكي على حالها ... مرضات نفسيتها وكلام الطبيبة دخل ليها من ودن وخرج من ودن ويأسات من الحياة ... بقات كتسمع للجهاز اللي كيحول اللغة بيناتهم حتى سلات الطبيب كلامها وناضت خلاتها بوحدها .
بدات كتحاول تقرب بيدها وتقيس لحمها لاكن ماقدراتش ... كل مرة كتبغي تلمسو كترجع تهبط يدها ... بكات حتى طابت وتألمات حتى عيات ... ناضت بخطى تقيلة يائسة جيهت الطبلة دالمرايا ووقفات فالجنب كتحاول تكحز بشوية وتشوف وجها ... ماقدراتش وفكل مرة كيبان ليها جزء صغير من وجها فالمراية كترجع تهرب وجها وتبدا تبكي على الطبلة مهبطة راسها ... ابدا معندهاش الجرأة والقوة باش تواجه تشوه وجهها ... كل شوية كتردد فجأة تحل الباب موراها وهبطات راسها والشعر عليها
أسلام: نينا!
سمعات صوتو من الباب وبدات كتفتف وترعد فبلاصتها وكتحل وتسد فالمجورة خايفة يشوفها ... دخل للبيت وجاي جيهتها كيشوف فيها بتشكيك بالاخص فاش ماشافش الضمادت على راسها وجاه فضول يشوف وجها ... لاكن قبل ميتكلم ويدورها عندو طاحت يدها على قناع ذهبي اللون مرصع بالاحجار وجميل جدا عندو رسمة عيون لوزية وفم صغير مسدود كيلمع ... عطاتو على وجها بالزربة ومع الحطة دورها عندو وهي تهز راسها فيه وعيونها الزرقاء كتبان كتبري من فتحة العيون اللوزية للقناع
رقبة تحت السيف الجزء 17
محتوى القصة
وصلات طبيبة ... ودخلات معاها غيثة و مروى لبيت نينا ... لقاوها ناعسة والشعر مغطي وجها ... حسات بيهم حلات عينيها بالزربة وغطات وجهها بسرعة وبدات كتغوت وتبكي ... هزات الطبيبة عينيها فيهم بأسى وقالت
الطبيبة: الى سمحتو تخليوني معاها .
حركات غيثة راسها وخرجات كتهضر على أسلام هي ومروى ، حطات الطبيبة يدها بهدوء على كتف نينا وبدات كتحاول تهدءها ... شوية بشوية حتى تهدنات نينا وهزات وجها للطبيبة اللي كتعامل معاها بلطافة وكتهضر بهدوء وتبتاسم فوجها ... واخا مافهماتهاش نينا اش كاتقول لاكن من نبرة صوتها حسات بيها كتهدنها ... بتررد وحذر خلات الطبيبة كشفات على وجها وبدات كتلمس ملامحها بصبعها ، تفتح الباب على غفلة وهي دور نينا وجها بالزربة ... دخلات وحدة من الخادمات هازة جهاز صغير فيدها وقالت للطبيبة
الخادمة: هادا جهاز بعتوه ليك كيطرجم الهضرة ومبرمج للغة ديالها ... بعتاتو ليك مدام مروى .
ابتاسمات الطبيبة وخدات الجهاز وقالت
الطبيبة: صافي ماتخافيش ... كاينة غير انا ونتي
مباشرة تكلم الجهاز طرجم كلامها لنينا وهي تلفت بشوية وقالت بدموع وملامح حزينة
نينا: ليلو ميها بوبو
الجهاز: واش انا غنبقا هاكا ؟
الطبيبة: بابتسامة ) طبعا لا ... غير تبرا بشرتك وتقوى غادي نديرو ليك عملية التجميل ... غادي يرجع وجهك حسن من الاول ... غير هوا خاص شوية ديال الوقت والصبر... مزال قدامك وقت طويل باش تقوى البشرة وتستحمل عمليات التجميل
نينا: بأسى) شنو ؟ شنو هوا هادشي؟ واش نرجع كيف كنت ؟
الطبيبة: هادي عملية... من بعد وتفهمي... نتي ماتبقايش تشوفي وجهك فالمراية باش ماتمرضيش ... وتبعي الدواء اللي غنعطيك ... ومابقيتيش محتاجة لضمادات ..صافي خلي بشرتك تنفس وممنوع تخرجي فالشمس ...
الطبيبة كتهضر والجهاز كيطرجم ونينا يائسة كتبكي على حالها ... مرضات نفسيتها وكلام الطبيبة دخل ليها من ودن وخرج من ودن ويأسات من الحياة ... بقات كتسمع للجهاز اللي كيحول اللغة بيناتهم حتى سلات الطبيب كلامها وناضت خلاتها بوحدها .
بدات كتحاول تقرب بيدها وتقيس لحمها لاكن ماقدراتش ... كل مرة كتبغي تلمسو كترجع تهبط يدها ... بكات حتى طابت وتألمات حتى عيات ... ناضت بخطى تقيلة يائسة جيهت الطبلة دالمرايا ووقفات فالجنب كتحاول تكحز بشوية وتشوف وجها ... ماقدراتش وفكل مرة كيبان ليها جزء صغير من وجها فالمراية كترجع تهرب وجها وتبدا تبكي على الطبلة مهبطة راسها ... ابدا معندهاش الجرأة والقوة باش تواجه تشوه وجهها ... كل شوية كتردد فجأة تحل الباب موراها وهبطات راسها والشعر عليها
أسلام: نينا!
سمعات صوتو من الباب وبدات كتفتف وترعد فبلاصتها وكتحل وتسد فالمجورة خايفة يشوفها ... دخل للبيت وجاي جيهتها كيشوف فيها بتشكيك بالاخص فاش ماشافش الضمادت على راسها وجاه فضول يشوف وجها ... لاكن قبل ميتكلم ويدورها عندو طاحت يدها على قناع ذهبي اللون مرصع بالاحجار وجميل جدا عندو رسمة عيون لوزية وفم صغير مسدود كيلمع ... عطاتو على وجها بالزربة ومع الحطة دورها عندو وهي تهز راسها فيه وعيونها الزرقاء كتبان كتبري من فتحة العيون اللوزية للقناع
التنقل بين الأجزاء