ضارت شافت عندها و سرطات ريقها و مشات و هو كلس فصالوون...
دخلات لكوزينة بدات كضور فعينيها شهوووة طيبي فيها كتشعل بنقااوة و كلها فالابيض و مطلة على الشاطىء .. جات تعلي كمامها مالقات بو كمام تعلي و دارت بناقس😏 و بدات تقلب فلمجورة
اسد : بسم الله الرحمان الرحيم ... رديها فين كانت هااادي ماااكلة روووبن اش وصلك لثلاااجتوو
لامار : ( حسات براسها فهاد لللحظة اكللخ خلق الله ) هاا !! اااااه عااارفااا عااارفااا غغير جاتني حشومة نطيبو لينا و نخليوه هو بجووع قلت نصابهالووو بالبرقووق تعجبو !!!( اسد غي ربع يدو مخنزر فيها اش كدير لكدوب ) ااا و ولاااا معسلة !! نفورها يااك ... و واااخا تسولو كيف يبغي ياكلها مسكين
اسد : طننزي طنزي ... رديها لبلاصتها رااه ثلاجة ( ضاارت عاد بانت ليها واحد ثلاجة و تبسماات وهي كتلعن حظها للداخل )
اسد : بغيت الحوت .. ( مشا )
لامار : مقققلي و لا مشووي !!! سردين كوااري !!! فففف مشااا
ردات ديك الفخدة لثلاجة و رجعات لثلاجة الاخرى فتحاتها و هي تحل فمها كلشي مرتب و متول فطيسان ديالو و شوكولا على الانواع و باب فيها سطر د قراعي د شرااب حلات واحد لباب لتحت بانوليها الحوت مستفين ببلاستيك غدائي مسكدين منقين هزات وة متوسطة وحطاتها على كونطوار
لامار : مغاتفعني غي خالتي ريييحاااانة كماااال ...
جبدات تيليفونها لي كان مخشي مع صدرها و حلات ليوتيب منقسالو فصوت حسابتها كيسمع و دارت قناة ريحانة كمال كيفية اعداد طبق السمك .. لقات حوتة كتشبه لهاديك لي عندها و لونصات الفيديو وحطاتو كتسمع و دير اش كتقوب شي 3 د سوايع كوزينة ولات بحالا لعبو فيها الخيول د القمماارة🏇🏇🏇 .. فين مكاين شي عجب جبداتو و حالتها ولات حمرة بتحميرة و اسد برا فصالون شاد عندو بيسي كيراجع خدمتو و ساعة دارت 2 دليل ... صايبات داك للحوتة ف لبلا المنظر كيبان كيشششهي زوقاتها بليموون و كروفيت و اعشاب البحر لي لقات تمااا كيف شافت فالفيديو
هزااات داك الحووووتة كتمختر بيهااا و مشات عندو غي شافها حط بيسي و سكد لكلسة
اسد : اخييرا .. نهار تولدات هاد الحوتة و كبرات كاع مخداتش هاد الوقت كامل
لامار : احم احم اوا اللذة فتأني ....
مشات تجيب الفراشط وهو بقا يشوف فيها مستغرب المنظر و دريساج يا سلاام .. جابت الفورشيطات كتجري و كلسات حداه
لامار : تتتفضل ( كلسات كيف كانت توريها داك لبنت ضهرها مستقيم و شدات لفورشيط بليسر و الموس بليمن رد ليها لبال و قلبهوم ليها فيدها
لامار : لا قااتلياااا المووس فليمن
اسد : ( علا فيها حاجبو ) شكون
لامار :ها!؟؟ ااا م ماا ماامااا فاش كنت صغيرة كانت كتعلمني
اسد : حنا مسلمين كناكلو بليمن ...
لامار : هااا اااه و واخا يالاه دوووق ورد عليا الخباار
قطع واحد طريف و دارو ففمو و ملامحووو كيتخربوووو و زير على فمووو سرطهااااا بسيييييييف
لامار : م م ماااالك ز زوينة ياك
اسد : لا زوينة غ غير شوية مسووسة
لامار : هاا بصاح ولاكن درت الملحة العجب
هزات تاهي دوووق وهي تصصصصعق و طارت على كاس د الما شربات و اسد كيضور راااسووو داير ضحكة د خزيت
اسد : واقة كاع الملحة لي لقيتي خويتها هنا
لامار : وااااهي قااتلي قبصة ملح خويت قااابصة 😢😢😢
اسد : شكوون؟؟؟
لامار : اا خ خاالتي خاالتي و صااافي
اسد كتجيه الضحكة على كدووبها لي مكتعرفش تكدبو و جمع جوج صبعانو وراها
اسد : ها قداش قبصة .. غغغي قد هاكا ..
لامار : ها؟؟؟؟ م مااشي باكية ؟؟؟
اسد : نووضي جمعي هادشي نوضي نووضي الله يعفو عليك
بقات غي كترمش دموع بغاو يهبطووو و حنووكها حمااااارو
لامار : ( ببراءة ) ولاكن فيااااا جوووع
شاف فيها و عوج راسو و ناض فحالو لبيتو طلب من عادل بجيب بيتزااا و تخشاا فسريرو ينعس كيضحك عليها كي ش بنت د 6 سنين بغا تكبر راسها بزز
لامار مشات لصالون كتشوف فديك الحوتة و شادة على حناكها
لامار : مكرهتش شي واحد يشدني دابا ويعصيني هراااوااا يبدا عليااا هاك بلاك هاك بلاااك تايطيبو جنابي و طير مني الخفة لي جابتني لهنااااا جوووع و البرد و كنضور بدو بياس حدا راجل وهو مامعربرينيش لا و زوييينة معاه مجحوووم فداار روووبن قااالك ... دابا اش غاندير اااااش بقا حاطة يدها على حنكها هو يصوني عليه عزيز و مشات كتجري لكوزينة و بقات تشوف موراها واش مكاين حد و جاوبات بالحس
لامار : زممرتووو ... دابا فكني اش ندير راه مشا ينعس و خلاني بوحدي لا غطا لا فراش و نا بقا بدو بياس و مطلعش فيا تاشوووفة و نزيدك دارو مافيهاش لبيبان من غير لباب لكبيرة .. فين غانعس
عزيز : وهاااادي زوينة نعسي فين مكان بحرا يفيق فصبااح يشووفيك عريانة و تحركيه حاولي تنعسي بطريقة مثيرة وبيني كااع مفااتنك راني عارفك لاباس عليك من هاد ناحية خليه يفطر بييك وييهبل على جسدك
لامار : وراه ليل كامل و نا كنضور قدامو عريانة مداهش فيا
عزيز : غايكون غي مبغاش يبين ليك واش كاين شي حد يقاومك... يالاه خليني نمشي نعس تعطل لحال و تشججعي الامااار راك درتي خطوة كبيرة و فكري فالهدف هو تولي الفلوس فيديك داخلة خارجاااا و غاتولي مشهووورة
لامار : مااابغيت والو بغيت غي نرجع لدارنا
عزيز : ( بحدة ) لامار ماتعصبنيش ماشي تاخسرت عليك فلوس و تخليني فنص طريق كنقسم ليك بالرب العالي تنحيييك لا نت لا خووتك راهم فيدي متنسااايش
لامار : عزييييز إلا خووووتي متفقناااش هاكا
عزيز : لي تافقنا عليه هو تجيبي لياا لفلوس لاخرجتي على الاتفاق نخرج تا انا و عارفاني علاش قاد مابقا عندي مانخسر والله تاندمرك بين ليلة و نهار ( قطع عليها )
لامار : الووو .. اااالو ... والله وييييقسلي خوووتي ... اااربي اش هاد الوحلة طحححت فيييهااا ماقادة نرجع و لا نزيد ..
بغات تدور وهي تلقاه واقف موراهاااا تجمداااااات الما طااح ليها فركابي و بدات تسرط فريييقها و ترمش طلعات معاها الحرارة سخفة شداتها
سلات الماكلة و بغات تمشي لعندوو ولاكن مابغاتش تزيد ترخص راسها عليه كتر و نعسات فوق الفوطاي جامعة رجليها عندها من البرد بغات طفي لكليمة معرفاتش منين لحمها و لات زرررقة بالبرد و كلسات كتفكر شوية وهي تنووض خطرة و حدة و كلسااات مقلشة
لامار : اجي اجي .... فاش كنت خايفة من نمر سرسرت بكولشي .... قلت عزوز ... قلت نتا لي جبتيني .. واش مسمعنيش !!! ولا غي مسايرني ؟؟؟؟؟ شي حاجة تمااااا لا .. وحتا فاش كنت كنهضر فتيليفون كان مورايا مسمعش ؟؟؟؟؟؟ اش واقع ...
لامار : اولي ياكما يكون عايق بياا وكيوجد ليا شي مصيدة !؟؟ ... راه سرسرت بوووكلشي شتو محاسبنيش ..اوووووف خاصني لابد نخرج منهنا و نفلت بلححمي هادشي بانلي غايتعقد اكيييد راه تفرررشت ... حتا طريقة باش كيتيق كدوبي مفروشة ..
ناااضت بالحس طلات عليه بانلها ناعس و رجعات خدات صاكها وهي كتمشا على طراف قدامها تاوصلات لباب بغات تحلها والو مكانش منين
لامار : منين كيتحل هااادشي
كاينا غي واحد شاشة كتطلب بصمة
لامار : اااه هادي خصها يدي
حطات يدها و بدات دوز خطوط حمراء و كتابة فيها ERROR
رجعات لبلاصتها بااغيااا تبكي مالقات حيلة هنا انطبقات عليها مقولة دخول لحمام ماشي بحال خروجو ... و لقات راسها تايهة فمتاهة معندهاش منين تخرج و نسات منين دخلات اللهم تواجه مصيرها بخيره و شره و سلام
رجعات تكات فوق داك الكانابي و هي تجيها فكرة و ناضت تاني تقلشااات ااح على افكار لامار ...
لامار : هااااا .. هادي بانتلي فكرة مزيااانة ... غادي يقول عليا هبيييلة و هاربة من شي سبيطار و غايخرجني .... اصلا مغانخليهش ينعس غايبغي يتفك مني وهاكا تا عزيز نقوولو هو جرا عليا و نضرب عصفورين بحجر واحد ااااح عليك ازويهرة و خلاص
تنفسات مزيان و دارت يدبها فودنها و طلقات وااااااااحد مولاتي غوتة عادل سمعها من برا و طاح على سرير مخلوع كيبزق فصدرو ... سلات الغوتة .يالها و هي كضور عنيها
روبن غير كيشوف فيها و يفتح فمو مافاهم والو و ميقدش يآديها لانو شافها مع اسد اذن ماشي برانية فتالي بدا غي كيصدر الصوت ديالو زعما يهدأها هو عاد مزااااد خوا ليها ركابي
لامار : ل لع لعاااار د دمييمتك غ غي سير تنعس سمحليا عفاااك فيقتتتك و الله منعااود غي سير احبيبي سير شوو كي مزيييون سير سير تنعس .. نيييني يااا مومو ...فخييخو جااااكووو سير يرحم مييييييمتك اهئ اهئ
والو روبن شد معاها زكارة بقااا واقف تما وهي غاتحطهوم فسروالها و اسد ناعس مجايب لدنيا خبار و عادل جا حدا دار كيتسنط كيمشي ويجي مفاهم والو ..
روبن بدااا يقرب ليها وهو فنظرو كيهدأها حيت عرف بلي عندها شي حاجة ولاكن هي عاد مكتزيد تغووووت
لامار : ااااااااي رووووووكااااااان
عادل : واااكوييييو بالحس و رااااعيو لينااا يخليها سلعة خلعتووووناااا شي يتكوااااا👄 وشي يتكوااا 🔥( ومشا فحالو )
لامار : عااار مييييمتك بعععد لييهييييه عاار مييمتك ... يااا سيدي يااربي سمح ليا انا عارفك كتعااقبني حيت درت المسكة فشعر كريييمة باش مطلعش ترقص انا عااااارفا كنت كنضحك على سكايرية و نقولهم نبات معاكم و نا غي كنهز ليهم لبزطام و نلعق ياااربي سمح لياااا انا هرست طالون لسعاد و نا لي خويت جافيل على كوستيم جمال انا لي درت القمل فراس سندس انا مولات كوولشي في نجيني من هااادي و الله تانتووب و نعتكف فالمساااجد و الله تااانحج يا سيدي يااربي .. واااااااروووووكان فيق مجحومك غاياكوووولني فييييق رووووووووووكاااااااان
روبن كيطيحو نعاس و خلاها كتهرنن و مشا وسط دريسينغ د اسد و تكسل نعس حيت بلاصتو المفضلة وهي هاديك بدات كتشد على قلبها و تنفس
لامار :حمد الله حمد الله حمد الله .. اووووف
نزلات على طابلة ومشات كطل بشوووووية بانليها نااااااعس و روبن مكاينش فسلة كتسمع تخرشيش ديالو فدريسينغ
لامار : اولي وحي هاد القيامة كاملة و مافاقش !؟؟؟؟؟؟؟ لا لا اكيد ميت .. اولي غايسبيوها فياااا و الله تايسبيوها فيا و ندخل لحبس اميييتيمتي اش دااااني
مشات بشوية وحطات يدها على نيفو
لامار : كيتنفس حمد الله كتنفس.....
ولاكن .... ولاكن علاش مفاقش غواتي وصل لمدغشقر ... وهو لا ؟؟؟؟مابقيت فاهمة واااالوووووو
سمعات واحد صوووت د روبن وهي تمشي كتجري و تكمشات فوق لفوطاي ..
لامار : لالااا انا منقدش نننعس هناااا غايجي عندي
ناضت تاني لكوزينة كتقلب فين تنعس مخبعة مابان ليها غي واحد بلاكار كبييير خرجات منو سبيراطور " المكنسة الكهربايية " و تخشات هي و خلات لباب مفلجة باش متخنق
لامار : الله على راااااحة ااخيراااا قديت نلقا شي بلاصة فيها لباب .....ولاكن خاصني ندير ريفياي ⏰ باش نوض قبل منو اكيد هادا مكنوضش بكري حيت لاشافني ناعسة فبلاكاااار مابقات لا روسياا لا قندهاااار .. ممم ندير العشرة
دارت ريفاي و حاولت تتغمض عينيها حيت تعطل الحال بزاف و هي باقا مستغرية كيفاش مسمعش غواتها واش نعاسو ثقيل لهاد درجة ... وهاد ليلة هي اااكفس ليلة دوزاتهااا لامار فحياااااتها
وهاوااا جا صبااح جديييد 🌄🌄🌄 شمش بدات تضرب فعينين اسد وهو كيرجع عليه وسادة فتالي لاحها و ناض تكا كيحك فراسو ويرد الداكرة حيت باقا مرجعات هو يتفكر راه معاه لمار فداار و تنهد باقا تبعاه الحرب معاها .. وخصو يراقب اي كلمة قالتها باش يفهم اشمن هدف عندها و عند لي سيفطها.. . ناض بانليه روبن ماكينش فسلة حل دريسينغ هو ينقز عليه و مشاو بجوج لدوش دووشوو و خرج طفا لكليمة د دار لانو نساها لبارح شاعلة ردات دار مجممممدة مع كولها زاج دغيا شدات البرودة و داز لبس سروال كيطمة سلييييم فالكحل و سوفيطمة د سماطي كحلة نايك و خرج كيقلب عليها ...
اسد : فين مشات هاد الصكعة على صباح ...
(شاف لساعة كانت 9) تالباب مغاتعرفش تحلو فين مشات ...
بقا كيقلب عليها دخل لاصال وللو دخل لمكتب مكايناش صالونات مكيناش حمامات والو وتاروبن كيشمشم معاه
اسد : فين مكانت دابا تبعث ...
مشا لكوزينة حط فنجان فالعصارة د القهوة و تاجه لثلاجة هو يشوف روبن مشا لجيهة بلاكااار و تبعو كيبان ليه طرف د شال لي كان ملوي عليها خارج من تحت لباب و علا حاجبووو و بدا يجبدوو تاسلتو كامل
اسد : هذا ديالها !؟؟؟ .
بعد روبن و فتح لباب وهو يتصدم ... كانت ناااعسة تما و فمها محلوول و شعرها كامل منفوووش و لحمها زررررقة بالبرد و غي بدو بيااااس
اسد : اش كااادير هاادي هنا !!!!!!!
حادا فلحمها جااااامدة و بدا يزعزعها تافاقت مخلوعة و ضربات رااسها مع حيط د بلاكاار و بدات تحك فضربة بصوت ناعس ...
لامار : ااااي راااسي
اسد : اش كديري نت هنا !؟ واش بعقلك كاين شي واحد كاينعس فالبلاكار
لامار بدات غي كتشوف فيهم تحشيمة ميل نافصون سواسونت سانك و عنيها مدعمشين و فيها لبرددد و نيفها تروووح و اسد عطاها يدو شدات فيها خرجها من تماا
لامار : ( بعصبية ) راااه داااك للل( شافت روبن واقف و طلعات كلسات على كونطوار و رطبات الصوت ) داك نميير مسكين داك المزيييون جا عندي بليل و مالقيتش شي بلاصة نتخبع فيها عندها لبااب منغير بلاكااار وداني نعاس تم
طيرات عليه كاع لبزق و مسح فسوفيطمة ديالوو داير معاه جرعة كبيرة د صبررر و بدات ترعد
اسد : ( كيطلع معاها و يهبط و لاح عليها داك الشال ) فين حوايجك
لامار : تسرقوو عاد غانمشي نشري جداد
شاااف فيها شحال و مشا لبلاكار ديالو و جاب ليها سورفيط ديالو
اسد : قضي بيها و خا كبيرة غي ماتموتيليش هنا باقي محتاجك ( مشا لعصارة يجبد فنجالو وجد )
لامار : ( كتشوف فديك سيرفيط و رجعات شافت فيه ) فاش محتاجني ( كان عاطيها بضهر ) وااا فاش محتاجني ... علااااش كتجاهلني راه معاك كنهضر ... ( كتشوف فروبن ) وبعد غي هاد روووبيني ولامعرفت اش سميتو منهنا نخرج نلبس
اسد كيشرب قهوتو وعاطي بضهر كيشوف من زاج
لامار : هذا مالو !! ورووكاان .. واااازمر .. وااا ايخااان ... ععع !!!! و و واش مكتسمعنيش .. را غي كنضحك
روبن شافها كتحاول تحدثو و مشا كيقمش ليه فرجلو و دار عندها
اسد : باقيا هنا
لامار : ( شعطها ) هاء !!!!!
اسد : تحرركي تلبسي بلا متقفقي عليا
لامار : و واااحيد هداااك باااش نخرج
اسد : روووبن يالاه ..
خرج هو و تبعو روبن عاد رتاحت
لامار : واش مكيسمعش !!.؟؟؟؟؟؟؟؟ من قبيلة و نا نهضر مابقيت فاهمة فهاد سيد والو ..
مشات لواحد بيت بانلها خاوي فيه غي شي روايض معلقين معرفاتهم ديالاش و شي جدوعا د شجر بيت على شكل غابة ... لبسات فيه داك سورفيت سروال طوييييييييييل بدات تطوي ليه رجلين و جيهة سمطة عقداتليه سيووور ولاكن مههرووول عليها و لبسات الفوقي ديالو علات ليه سنسلة تادخلات كاملة و رجعات خرجات راسها و طوات العنق و يدين بقاو طوال طوااتهتم تالدراع ولاكن دفااااتها سخووونة وهي كتحس برعدة
لامار : ويلي على حاااااالة يشوفني عزووز يعلقني من طرمتي قالي عري صدقت العرربي ... اناري نموت و نعرف واش مكيسمعش !؟ ولاكن كي كيدير يهضر معايا لاكان مكيسمعش ... نمشي نسوولوو عاد نبرد ويلي ليها ليها
تخشات فديك الكيطمة سخيخنة وخرجات عندو كان كالس فصالون كيشرب الكافي و شاد قدامو بيسي لقات محمد يالاه حط ليه بلاطو ديال فطورو حيت بانليه ماخرجش ..جابو ليه لدار ... طلع فيها عينو شافها جايا كتمشي كي شسدي بطريق و شد ضحكة
لامار : ش شووكرا
اسد : جات معاك ( شاد ضحكة )
لامار : وو و واخا نسولك
حط الكافي و بقا يتسنا اش تقول حيت من لبارح كيتسنها تنطق شي كلمة يعرف هذفها شنو هو ... لي عارف هو انها باغا تغريه كيف قرا شفايفها لبارح فجردة .. ولاكن علاااش ....بغا يفهم علاش قاصداه
اسد : سولي
لامار : ( بدات تعصررر حيت حوضورو كيجيب الرعب و خا لامار قوييفزة و مكتخاف من والو ولاكن فاش حط لكافي و شاف عندها توتراات ) اا .. ل ل لبارح .. لبااارح داك روبيني " روبن زعما " جا عندي و غووت بجججهد بزااف و شحال عيطت ليك وتا قبيلة فكوزينة كنت كنهضر معاك ومكتجاوبنيش واش كاين شي اوقات كاديكونيكطا فيهم ولا شنو ؟!
اسد ضور عينو اااعدى حاجو؟ة عندووو لي يفكرووو فإعاقتوو كرززز على سنانو و ناض مشاا لاصال وهي متبعا ليه العين
لامار : هااء !!! قلت شي حاجة ماشي هي هاديك
طلع فوق طابي غولون و شعلها كيجري و كيتفكر
الاولاد : واااا الصمك وااااالصمك ههههههه واااامكيسمعش واااامكيسمعش ( فهاد للوقيتة اسد كان غي كيشوف كيضحكو عليه ةهو كيتخيل كيقولو عليه هاكاك حيت فبداية اعاقتو مكانش تعلم لقراءة الشفايف )
عبد الصمد : غاادي تبرا اولدي غاادي تبرا و الله ياخد الحق فلي دار فيك هادشي ...
اسد عاد مكيزيد يجري فوق طااابي و دخاان خاارج ليه من ودنوو بالاعصااب
اسد : بااا الحاج كيبقيتي شوية
عبد الصمد : اولدي كنت كنتسنااك كح كح .. حل داك الكوفر اولدي و تما شي وراق جيبهوم ليا
اسد : هادو اباا ؟
عبد صمد : هاادووك
جابهم ليه
عبد الصمد : هاد وراق فيهم ملكية ديالك كح كح ن نتا عارف اولدي ماعندي حد فهاد دنيا و المرحومة خلاتني بوحدي لا ولاد لا بنات .. و غي نتا لي عندي رزقني الله بيك .. د دابا ا انا حاس براسي مبقاليش كححح .. كح فهاد الحياة بزااف اولدي .. هاد وراق فيهم بلي كولشي ولا ديالك شركة و حتا الاوطيل وهاد دار و طموبيلات تهلا فيهم اولدي ره فنيت عليهم عممري كح كح انا بغيت غي نشوفك شي حاجة فالمستقبل شد فقرايتك و متسمحش فيها
عبد الصمد : شحال مطال غايجي شي نهار و نموت اولدي و نا حاس بلي ساعتي قربات .. سييسر دير العملية اولدي الى خرجات لاولى فاشلة تانية غاتنجح متيأسش سسر عالج راسك متبقاش هاكا يائس
اسد : عفاك غي نسا هاد المضوع انا لي بغاني يبغيني هاكا ابا و نتا باركا من هاد الكلام وونوض نديرو شي ماتش كيف ديمااا
اسد عاد مكتزيد الوتيرة ديالووو فجري و عينيه حماارووووو
عند لامار ..
لمار : انا ماقلت وااالوو ... علاش تعصب !؟ بدا كيفيفري ليها تيليفون مع سوتيام و مشات لكوزينة
لامار : الو
عزيز : اش درتي
لانار : مادرت ماافورت باقي متقربش مني موارني تا سن ابيض
عزيز : مهم باقا فدارو
لامار : اااه باااقا
عزيز : ولاش كتقوليها بحالا معاجبك حال خاصك تفرحي
لتمار : فررررح نتا اما انا مغانجني غا خلا دار بويا ... ااجي بعدااا .. هاد سيد فشكككل بزاااف
عزيز : هو اصلا فشكل .. شنو لي جاك غريب فيه
لامار : مععرفتش كنهضر معاه مكيردش علياا بحالا مكيسمعنيش غير لاكنت كنشوف فيه
عزيز : وراه مكيسمعش اصلا
لامار : شنوو !!!!!!!!
عزيز : رااه مكيسممعش صمك معارفاش هاادشي ولاشنو
لامار : ( شدات على فمها ) وشكووون غايقووولهااليا اولي واش كتهضر بصح دابا هادا بطولتو و قامتو و زينووو مكيسمعش ؟؟ واش خلوق ولا كيفاش
عزيز : متبحثيش بزاف باش متجيبيها فراسك و ديما تدكري نت فديك دار باش تخلي روكان يبغيك و نهار يبغيك تدددكري مزيان بلي خصك تسوووسيه و كنتمنى هادشي يكون فأقرب وقت حيت راني مزير واااش كتسمعيني .. الووو .. لمااار
لمار : الووو صدمتيني و الله
عزيز : دابا كلامي ما شديتي منو غي صموكية ...واش حنا فصدمة دابا سيري قومي بواااجبك بغيت نعيط المرا الجايا و تقوليلي راه كيبغيك مفهوم ولا راك عارفا اش غاندير .. انا عطيتك وعد غانتهلا فمصروف داركم على ماترجعي لكن لا درتي هاه و لا هاه و الله تانتهلا بالبياااان سمعتي
لامار لسانها تربط بقات غي ساكتة هو قطع وهي حطات تيليفون و بقات كتشوف فمنحى واحد
لامار : هاد الفلوس كااملة و داك الفورمة و هاد الترف لي عايش فيه .. و مكيسمعش ؟ مكدبوش لي قالو حتا زين ماخطاتو لووولا ... مسكييين عليها ديما مغوبش ؟ هااااا داكشي علاش كان كيشوف لفمي يمكن كيقرا شنايف !؟؟؟؟ طرررر ونا كيحسابتي عجبوه شنااايفي ..
كلسات على واحد كرسي فكوزينة و جمعات عندها رجليها
لامار : انا من هادشي كامل بغيت غي نرجع لداارناااا .. ولاكن عزيييز مغايخلي ليا دار نرجع ليها ويلا بقيت هنا اكيد هادا مغايخلي ليا رجلين نرجع بيهم لدارنا .. وزعما علاش مفكرش يعالج راسو !؟؟؟ ياك عندو هاد الهير كامل و ابراي غلات عليه !؟ بلااا منفكر فيه بزاف لانصدق طايحا فيه قبل مايطيح فيا هو وخا بانلي غانطيح غافلمصايب .. نوض نتككعد نمشي بعدا نطلب منو غي نشري حوااايج هاد ريالات فصاك كياكلوني اصلا خصني الحطة باش نطيحو ونبان نيت رووسية
مشات بجيهتو لقاتو نزل على طابي غولون عرقاااان و كيمسح فعنقو و دراعو بواحد فوطة صغيييرة كحلة منقوش عليها روكان ...بقات غي كتشووف فيه كيفاش ولا كيلمع بالعررض و عروقو خارجين فيديها
لامار : ( سرطات ريقها وققفات قدامو وهو علا فيها عينيه )
اسد : اش بغيتي تاني
لامار : ااه ل لا لا والو ..غير بغيت نمشي نشري حوايج
اسد : عاقد عليك و نا مفخباريش
لامار : ؟؟
اسد : وعلاش جايا كطلبيها مني را لباب
لامار : رااه مكنعرفش نحلها
اسد : يعني ديجا مجربة تحليها ...
بقات غي كتبرقق بعينيها
ناض اسد دار البصمة ديالو و فتحها وهي بقات غي كتشووف فيه
اسد : يالاه خرجي
بقات غي كترمش فيه هي لي صمااكت فهاد اللحظة حتا سد لبااب بججهد و تلتخات خللعهااا تا قفزهااا
لامار : ص صاافي صافي .. بلا منديرونجيك كتر ( دخلات و كلسات ومشا موراها )
اسد : خرجي و عادل برا يوصلك
لاماار : وواش بصح
اسد : بنتليك كنضحك
وقفات بحماس
لامار : اوووكي صاافي شكككرااا
مشات كتجري لباب وهي توقف مصدووومة و مطرطقة عينيها 😱😱😱 وهو وقف موراها و شافت عندو حمررررة
اسد : ااه .. راه كتبين لي براااا
لامار : هااا .. يي .. و اووكي اووكي
بدا يسد يحرك فراسو حركاتها كيضحكوه و مكيبغيش يبين رجووولة و داكشي فتح ليها لباب و تبسمات ليه و مشات وهو هز تيليفون
اسد : عادل .. غاتجي عندك لبنت د لبارح وصلها فين بغات و رد لبااال مزيان واش تبان فيها شي حاجة غريبة و كيفاش غاتخلص ويلا عيط ليها شي واحد سمع اش كيقولو مفهووم ...
وصلات لمار عند عادل لي بقا يطلع فيها وييهبط بداك تهرويلة لي لابسة
لامار : اشنو شتك غي كتحنزز .. هااانا دخلت عندو قطع لي راااسي !؟؟؟؟ ولبست حواايجووو كاااع
عادل بغا يهضر مالقا مايقووول هو يومي ليها تزيد و مشات معفرة لحدا طمووبيل وعادل دخل وهي بقات وااقفة معععفرة كتشوف فضفرانها
لامار : اااحم اااحم
عادل : رركبي
لامار : حلل لياا لباب
عادل : ( تحت سنانو ) لا صاااافي هادشي لي بقالي لي خلاه هوو جي كمليه نت
لامار : اااش كتببركم اطيااااب العنب
ناض بلهلا يطريه ليه فتح ليها لباب لورانية و ركبات و مشااو خرجو على ديك المنطقة تاوصلو لموول وهوما غي ساكيتين حد عادل كيشوف فيها فمرايا ويحسد اسد على هاااد الخيير لي بات معاه خصوصي ملي فتحات جاكيت تتنفس حيت جاها الصهد و صدر مطراااسي والفرقة وااااضحة و بوييوض منفوخ .. وصلوو لموول و نزلات و نزل مورااها و دخلات كتقلب فالحوااايج تهز و تحط على عادل وهو تابعها موكل امرو الله غبراااتووو بشراااوط وكاع ناس كيشوفو فيهم وكيشفقو على عادل كيحسابتهم رااجلها .. و دخلات لواحد لكوان و خلاتو هو شاد شرااوط كيسووط كتقيس و تلوح عليه من لفوق اش حيدات و ترجع تمد ليه يدها من تحت ريدو يمد ليها بياسة اخخخرى ويلا مصدقتش هي هاديك كضربو بيها لرااس تاعجباتها واحد لبسة تبقااا بيها سالوبيط كحل مفضفض و باارد خرجات تاني لكوان د بيجامات و اكسيسورات و مكيااج و ملابس داخلية و مايواات لبحر زهجااات بالمعقول تاولا عادل سليب مخشي لي فعنقووو وسوتيامات مجرورين معاه 3 دسوايع عاد شبعات ومشات تخلص وديك المرا دلاكيس كاتشوف مع الكم الهااااااائل لي محطوط حداها وهي معففرة .. خلصات تاخوات ديك بزطام كاااااامل مخلات تاباش تقضي و جمعو دوك لي حوايج ف لي صااك و خلات عادل واحل فيهم و سبقاتو لطوموبيل
عند روكان ..
دوز صباح قدام بيسي هو وروبن حيت دخلو مستثمرين جداد و كان كيتحدث معاهم .. تاسلا و ناض لبس شورط بيض و سوفيطمة بيضة و دار نضااضر وهز روبن فووق كتافو وجا خارج هو تبانليه جايااا من زااج و لابسة الكحل لي جاها طوووب و بانليه عادل موراها جاااي مثثثثقل مسكين فتح ليهم الباب وهي غي كتبتسم
لامار : انا جيييييت
طلع معاها و هبط و خرج خلاها غي ياابسة كتشوف فيه عادل جاتو ضحكة خنزرات فيه عاد جمعها
حط ليها دوك لي صاااك و جا يمشي و هي تخلي لباب محلولة حيت مكتعرفش تحلها واسد هبط كلس حدا لبحر و جا عادل عندو قاليه اش دارو و لاكن مااستفد وااالو ....
لامار كان فيها موت د جووع حيت مفطراتش و دخلات فبلاطو د فطورو لي مقاسش منوو كلات تااعمرات لكريشة و استغلات الوقت تمشي لطواليط حيت مكاينش لان معندهاش لباب صباح كامل وهي شااادها تامشا .. عاود دارت مكيااااج جديييد و مشطات شعرها مطلووق على كتااافها و عولات تمشي تقرررب منووو
تاجهات للباب و سداتها دارت اطلالة اخيرة على راسها و هي كتدكر اللقطات لي كانت ديرر قدام هاد زاجة و بدات تضرب فراسها على غبائها و نزلات كتمختر غي وصلات لرملة حيدات صباط هزاتو فيدها وبدات كتقلب بعينيها عليه و هي مدرقة راسها بيدها من شمش تابان ليها روووبن فالارض وهو كالس على واحد كرسي عاد ابتسمات
لامار : نت راه خصك ليوووم طييحيه ليووووم الامار ...
مشات لجيهتو كتمختر ووقفات حداااه
لامار : ممكن نكلس
اسد : على نت عند الممكن فالقاموس
لامار : ( كلسات وردات شعرها بيدها لور ) عندك الحق كون حتا قلتيلي لا .. كنت غاانكلس
شاف فيها و رجع تاني لتيليفون و هي كتفقص من البروووود لي عطااه الله ..
تاكيجي محمد
محمد : سيدي jet ski وااجدة
اسد : واخا ( ناض )
لامار : يااااااه كتتتحمقققني ررركبني معاك عفااااك
اسد كيحيد تيشورط ديالو مداهاش فيها و كيزيد يربط سيور د شورط ديالو وهي كتبحلق فالوشام لي عندو لتحت تارد ليها لباب
اسد : باغا تركبي ف jet ski ولا ف ف شي حاجة اخرى
لامار : ها !! ااا فف فييه .. ب بغيت نق ل ف jet ski
حيدات الفيست لي كانت فوقها و ضارت عندو كتومي ليه يهبط ليها السنسلة د لبسة وهي كضحك بلعاني و شادة شعرها عندها لجنب حسابتها غايفتح ليها .. اما هو ووما بعينيه لمحمد يفتح ليها و قرب محمد كيفتح ليها سنسلة د اللبسة و ضاارت عندووو كضحك وهي تجمعها و طرطقات عينيها لقات غي محمد اما اسد زااااد و روبن تابعو
لامار : ش شكاااديرر نتااا .. ططلق
حيدات كسواتها راسها بقات غي بدو بياس كوحل و تبعاتو كتجري و كلشي كيشوف فيها البيااااض د الجسم مع دو بياس كوووحل و الجسم مشدووود و الكرش مساانطريااااا و المؤخرة كتلعب الباليه وصلو حدا الموطور و ركب هو و موالف روبن يلسق ليه فضهرو وهي بقات واقفة ووما ليه تطلع .. وهي كديرليه لعينيها زعما روبن
اسد : اجي قداامي مغايقيسكش
ضحكات تابانت ضرسة العققل لي مزال كتكبر ليها و مشات قداامو و دارت يديها على الكيدون عينيها كيلمعوو بالفرحة و تاهو شد معاها هي قدامو و روبن لور و ناااس متبعيينهم ما لبنات مكرهوش يشدوها يقددووهااا لان اووول مرررة يشوفوه مع شي بنت و كيسولو شكون هاد المحظووظة و غي كيعايرو فيها شو كيدايرة رغم انها مافيها مايتعييب لاحت عليه شعرها تاعوراتوو ورجع دوزو قدامها وهي كديريهاليه بالعاااني و ديماارا مشا طااايررر و بدات كتغووووت بججهد بالفرررحة و الحمااااس وجسمها كامل كيلتسق و يحتك مع الجسم ديالووو و عريانين بجوج ...يعني كو كان شي واحد اخر كو قلبها و كواها مع الحوت ... واخا اسد داير فيهااا مااامسوووقش لانو عارف هدفها هووو تغريه و ماباغيش يحقق ليها هدفها رغم انو فداخلو اعجااب كبير لجسدها المنحوووت تماما كيف كيعجبو ..... متحكم فراسو وهي كتقرب ليه بضهرها العريان وهو كيبعد باش مايحققش هذفهااا ... و الما كيطير عليهم لامار كانت فقمة السعادة نساات تاعلاش جااات غي عايشا ديك اللحظة لانها من عشاااق السرررعة و المخااطر شي ساعة د المكانة هوما كيخططو وسط لبحر و ناس كاملة كتفرررج عليهم ما عادل خلاص مابقا عارف ما يقدم و لا مايوخر
عادل : لي فهم يففهمني
محمد : دخوول سوق راسك اصاحبي
عادل : انا بغيت غي نفهم شكون هاد القملة لي معرفتها منين طاااحت
محمد : وحنا فين كندخلو ليه فحياااتو باش نعرفو اصلا شكون لي غايتعامل معاها هاكا لامكنتش حبيبتو
عادل : اصلا كيبحث عليها بزاف و كلف مخبارات تجيب خباارهااا بحالا مكيعرفهاش برررربي لاتما شي حاجة ماااشي هي هاديك
اسد رجع للشط و نزلات كطير بالفرحة هو حدو كيبتسم مغووبش ( تخيلوه مبتسم مغوبش ) على حركاتها العفويين لي كيضحكووه و جا محمد كيجري جاب ليهم لفووطااات و اسد بدا ينشف فشعروو وهي كتمسح فعنقهاا و هبطات راسها كتنشف فشعرهاا طويييل و طلعات طلعة وحدة بشعرها ترد لور تااترش عليه كااامل و نفض عليها الفوطة معصب و مشاا لبلاصتو يكلس و تبعاتو كضحك بديك الطاااي و شمس ضاربة فيها و دايرا بيسينغ فسرتها حلاقتو كتلمع
شوية كيوقف عليهم يونس و طلعات لامار عينيها كتشوف فيها و تاهو كيشوف ويقول فين شفت هاد خيتي رد ليه لبال اسد
اسد : يوونس .. كلس
يونس : ( مد يدو بلباقة للمار ل تعفراات و سلمات ) صبااح الجمااال ... شكون هاد الأميرة ا اسد
اسد : بنت خالد فهري
يونس : ( عاااد تفكرهاا وعلا حجباانو و كلس ) هااا متشرفييين ببنت سي خالد فهري كيداير باباك صافا
لامار : يسول فيك الخير راه لاباس
يونس : كيداير مع الخدمة شووية فين راه دابا
لامار : اا اااه لا بااس لااباس ... فين رااه ؟؟؟ م مععررفتش حيت بابا كتحرك بزاااف
يونس : هااكدااك مزيان بلغي ليه سلاامي
لامار : ك كت كتعرفوو
يونس : وشكون مغايعرفووش ... ( كيشوف عند اسد بمعنى اش واقع ) .
لامار سرطات ريقها فاش يونس طلع كيعرف المسمى ابيها و ناضت قبل ماتفضح
لامار : ا .. اانا نممشي نعوووم نخليكم ..
يوونس : تفضلي
حطات الفوطة و مشات كتمختر و يونس متبع ليها العين تاضربو اسد برجلو
اسد : خليك معانا
يونس : اش واااقع
اسد : بغات تلعب .. و بغيت نوريها اللعب
يونس : ؟؟؟
اسد بدا يعاود ليه
يونس : نوو ... ولاكن سير واجهها ودوي معاها
اسد : لا لا خليها تا تسرسررر غي بشوية عليها مزربانينش ..اصلا مكنعرفش نتعامل مع العيلات .ولا نحقق معاهم حيت نقدر نجمع معها بشي ضربة ديريكت لروضة
يونس : ويلا ماقالت والو كتبان فيها دكية
اسد : هههه والله الى ضحكتني لا خصك تشوف دكاااء لي عطهااا الله اااكلخ واحد عرفتو هو هاد المخلوووقة ( لامار كيشوفو فيها كتعوووم بعيدة على لبشار لان المضياقات تابعينها )
يونس : زعما لي اختارها عرف يختار .. هي الحيدة لي غتقن عنصر الاغراء كون معرفنهاش كدابة كنت غانطيح طيحة مايفكوني لا اطباء لا شرفة
اسد : وسارة
يونس : متجبدهاليش سطاااتني هاديك واحد البرود عطها الله كاتشوفني كل نهار كنتشوا حداها بغيت منها غير كلمة زوينة وهي غي خوويا خووويااا ماعرفاش الى من الصغررر و نا كنتسطاااا عليهااا
اسد : جيهااا ديركت
يونس : تانهز راسي بعدااا و نخرج من ديك دار .. و نصارحها و نهزها تاهي من تمااا ..خلينا من سارة .. انا لي بغيت نفهم شكووون مسيفط هاد البنت ... شكون عندو عدااوة معاك
اسد : لي عندهم عداوة معايا كتار .. ولاكن ماشي هادشي لي شاغلني .. لي شاغلني اش غاتستفد الى غرااتني
يونس : ربماا طمع ... مدام قلتي كتنتمى لاسرة فقيرة
اسد : مكنصنش هادشي دايراه بوحدها .. باين شي حد دافعها .. زيد ان الاب متوفي و تا الخوت صغار دونك هدا لي وكلها غايكون لقا الساحة خاوية ليه و اكيد استغل وضعها المادي حيت هي غي راقصة كباريه ...
فهاد الصفحة كاين الجزء الثالث للقصة , إلا كنتي كاتقلب(ي) على الفصل الثالث (الموسم الثالث) شوف(ي) حبيبي الأصم الموسم الثالث
حبيبي الأصم الجزء الثالث
محتوى القصة
التنقل بين الأجزاء