حياة:(طول الطريق ساكتة حاطة راسها على زاج لوطو وكتفكر فلايام لي دوزاتها معاه واخا كانت مكفسة عليها بزبايلها ولكين مع ذالك عاشت لحظات زوينة معاه)
مروان:(بينما مروان كيحاول قدر لامكان يخبي لبسمة لي كترسم مرة مرة على شفاهو خصوصا بعدما كيتفكر مصائبها لي كانت كطيح على راسو...تفكر نهار حرقات لوطيل ونهار حرقات ليه شعر الشارفة فريسطو نهار لي وكلاتو مقوي جنسي ديال لكلاب ونهار لي بلات ريهام برسالة لمدير ومغاديش يتنسى ليه ليلة لي دهنات ايديها بكريم لبيبان....كيحاول ميببنش ليها الضحكة لي مرسومة على شفاهو كيشوف فطريق ومرة مرة كيدور وجهو لعندها..كسر الصمت لي بيناتهم بسؤال مزلزل:
مروان:حياة...غادي تتوحشيني؟
حياة:(خرجات عينيها فزاج لي قدام عينيها دورات وجها لعندو بشوية ونطقات بصوت شبه مسموع:
حياة:(دخلو لريسطو وبدات ضور فعينيها)وشوف والله مجيعانة واصلا راه شديت معايا شوية ديال ديسير ناكلو فالطريق...
مروان:(غير كيتبسم وجارها وراه دخلو لاسونسير وعفط مروان على زر نزلو الطابق لتحت لي فيه مجموعة مسابح وجلسات رومانسية...حياة غير كدور فعينيها مزال معرفات فين غادي بيها..مرة مرة كترمي عينيها ليدو لي شادها بيها...وكتحس بتبوريشة كدور فمصارنها...تحل لاسونسير وخرجو منو فاتجاه لمسبح المطل على جردة مشتت فيها لورد لحمر وشمع وضواو صغار فكل قنت ميدة محطوطة فلوسط فوقها طباسل ومستلزمات ديالهم ومشتت فوقها لورد وشمع لحمر وفلقنت جوج رجال لابسين لكحل كيعزفو على لكمان...
حياة:(كدور فعينيها وحالة فمها فشي لي كتشوف حاسة براسها فشي فيلم مكسيكي ضارت عند مروان لي كان كيشوف فيها ويتبسم)مروان ..شهاد الشي؟
مروان:(باستغراب)مالك؟
حياة:و...واش جبتيني نصورو شي فيلم...والله منعرف نمتل داكشي كيجي من عند سيدي ربي
مروان:(حابسة الضحكة بززّّ...رجع شدها من ايدها وتوجه بيها لميدة جر ليها لكرسي وجلسها بزز...جر ليها كرسي وتقابل معاها كيجمع فلكمات..بينما حياة ضورات عينيها على الموسيقين لي كانو كيعزفو انغام اسبانية...
مروان:احم..حياة!
حياة:(ضارت لعندو)
مروان:امم...كيفما كتعرفي انا وانتي بدينا كلشي شكلي..حيت بكل بساطة مكانش كدور فبالي شي حاجة سميتها لاستقرار وزواج و...
حياة:(غير كتشوف فيه)
مروان:لي بغيت نقول...(جر لعندو ايدها وزير عليها)بغيت حياتنا تقلب من تخربيقة على لوراق لحاجة رسمية بمعنى كتاشفت بلي منقدرش نعيش بلا مصايبك وزبايلك...معرفتش كنحس بحاجة نقصاني نهار لي مكديري فيه شي كاريتة ...
حياة:(غير مبحلقة فيه عينيها)
مروان:(ناض من لكرسي وتوجه لعندها..نوضها من كرسيها وباسها فخدها)من اليوم نتي حبيبتي الكاريتة.
حياة:هااااا
مروان:هههه خلينا من التكوليخة دابا وفتحي عقلك معايا شوية
حياة:مف...مف..مفهمتش...مع...معرفتش!!
مروان:امم يعني خاصني نفهمك بطريقتي
حياة:(جمعات حويجباتها باستغراب)
مروان:(طار على شنايفها بقبلة حتى حسات بقلبها غادي يسكت...رجعات ايدها ورا طبلة حتى ضربات شمعة لي كانت فوق طبلة بدات العافية تشعل فلورد لي مشتت وحياة مزال مبنجة من لقبلة لي محطوطة على شنايفها وريحة العافية بدات تشم)
مروان:(بدا كيشم ريحة لعافية شاعلة جمع حجبانو وبعد عليها خرج عينيه وراها من الناااار لي شاعلة فلميدة وبعدها عليها...بدا ماشي جاي معارف شنو يدير ضربها بجرية لعند قنينة لإطفاء لي كانت محطوطة فجنب وبدا يطفي بيها لحريقة لي شعلات وصحاب ريسطو بداو يدخلو لعندهم ملي سمعو صوت زر لاطفاء شعل)
حياة:(واقفة فجنب وحاطة ايدها على فمها...هادي هي شخاصك العريان خاتم امولاي.....كتقلب عينيها يمين وشمال مكدبة راسها بلي هي السبب فهاد الشي ولكين زهرها وعارفها دايما عاطيها بلقفى واخا تعيا تسقم فيه دايما مكوز ليها حتى ملي بغات تعيش لحظة رومانسية بحالها بحال عباد الله حلف زهرها لاتسقم ليها....دورات عينيها لعند مروان لي حط يديه على جنابو كيحاول يشد نفس..حيت شي نهار غادي يتقطع ليه مع هاد المصيبة...دور عينيه لعندها شافها كتاكل ضفارها مشا لعندها وشد بيدها:
مروان:مالك؟
حياة:و..و...والله ماانا...
مروان:(تبسم على جنب)عااااارف عااارف...
حياة:شوف مروان..و...والله م...
مروان:صافي يلاه نساي يمكن غير شمع طاح بوحدو وحرق هاديك الدنيا..يلاه خلينا نمشو(جرها مخرجها من ايدها)
حياة:و...ووالله ماانا...راه بحال مقلت نتا يمكن شمعة طاحة بوحدها
حياة:(غمضات عينيها وقربات فمها ليه...حسات بشيفاهو محطوطين على فمها بشوية كيبوسها بهدوء...سيدة بدا يسخن عليها الحال كتحس برأسها تزيرات حلات عينيها فيه وبعدات)امم...سخون الحال ياك...
مروان:ههههه بلعكس البرد ...الموت ديال البرد خاصني لي يدفيني...
حياة:اه واخا انا نشعل لمدفئة
مروان:(حبس الضحكة..جات تنوض جرها من يدها حتى جلسات فبلاصتها)حياة ...مغاديش نفرض عليك شي حاجة مبغبتيهاش نخلي كلشي للوقت حسن
حياة:(كتشوف فيه مفهمات حتى وزة...شافت متوجه لبيتو...وبدات دور فراسها كلامو وشنو يقصد بيه...ببساطة التكوليخة رجعات ليها من جديد)
حياة:(طلعات لبيتها كتجر رجليها..وقفات حدا بابو باغية دخل تسولو...بقات شحال واقفة حدا الباب باغية تسولو ومقدراش...رجعات لبيتها وبقات ماشية جاية على طول بيتها:
حياة:اويلي على مغاديش يح**انا اختي زربانة..ويلي على زهري لمقود حتى قلت تسقم ليا رجع عطاني بقفاه
سمية:أيوة بيني ليه بلي نتي زربانة وكولي حقك من الحلوة
حياة:اه يعني شنو ندير
سمية:غدا وجدي ليه راسك وتفركسي ولبسي شي حاجة مقزبة راه حلالك هاداك
حياة:عندك الصح...يلاه تلاحي
سمية:وطلقينا جي خلاص راه مبقى والو للعرس
حياة:صافي انشاء الله يلاه بسلامة
سمية:بسلامة
حياة:(حلف النعاس ميجيها هاديك ليلة باتت تخطط وتفصل الشي لي غادي توجدو غدا باش طيحو فشبكة وتأكل حقها من لحلوة...نعسات بعد تفكير طويل...وعلى اشعة الشمس لي بدات تدخل عليها حلات عينيها وبدات تحك فشعكاكتها لواقفة ..لبسات حوايجها وغسلات حالتها ونزلات توجد لفطور شافتو واقف على الشرجم كيشرب القهوة وكيهضر فتيلي..دخلات لكوزية وجدات لفطور وجلسات تسناه :
مروان:صباح الخير(باسها فخدها)
حياة:صباح النور
مروان:امم فيا الجوع
حياة:بصحة
مروان:(بداو يفطرو فصمت)اليوم غادي نتعطل شوية عندنا الخدمة بزااف
حياة:(عجبها الحال هادي هي فرصتها باش توجد امورها بشوية)الله يسر ليكم
مروان:امينّّ(ناض من بلاصتو)متسناينيش لغدا
حياة:واخا(ضربها ببوسة لحنك وخرج لخدمة..شدات حياة نفس ورجعاتو... جمعات الطبلة وبدات تنقي فدار وتغسل كل قنت فيها ..طلعات لبيتو جمعاتو ...لبسات الناموسية بفراش حمر رشات لورد فوق لفراش وشتاتو حتى فلبيت حطات شميعات صغيرين فكل قنت وبدات نازلة بلورد مع الدروج حتى لباب وحطات شمعات صغيرين حمر قدام الباب...وجدات لعشا وحطات كلشي فوق الميدة لي حلقاات عليها حتى هي وطلعات تجري لبيتها ضرباتها بتدويشة نشفات شعرها ودهنات داتها بكريم لبسات شوميز حمر ساتان قصير ودارت فوقو بينوار ديالو فيه ريش وكلو شبكة حطات عكر حمر وطلقات شعرها ورشات من ريحتها. .صونات عليه عرفاتو جاي فطريق...نزلات تجري تحل الشبكة ديال لباب...حلات لباب ديال الدار ودروات عينها فزنقة مبان ليها حد مشات تجري حلات باب الشبكة ورداتو بشوية يلاه جات تدخل لقات لباب تسد عليها حلات عينيها على جهدهم:
حياة:ويلي ويلي ويلي على فضيحتك احياة ويلي على شوهتك ابنت فاطمة مشيت فيها اسيدي ربي...(بقات واقفة عند لباب بريشها وعكرها لحمر تقول خارجة من شي فيلم مصري...كتعض فضفارها و.موجدة راسها لشي لي غادي تسمعو من عند مروان)
حياة:(بقات لاصقة على الباب كتعض فضفارها وكتسنى مروان يجي.غير حسات بصوت لوطو ديالو حبسات قدام شبكة...حسات برعدة طالعة من صبع رجلها الصغير..)
مروان:(حاط راسو على تيلي وتوجه لمدخل لامامي للدار...هز راسو وتصدم من الشيخة ريشة لي واقفة قدامو كلها حمرة وكتقلب فعينيها بحال شي نعامة هاربة من صيادها...توجه لعندها مصدوم كيطلع فيها ويهبط:
مروان:ح...حياة شهاد الشي؟
حياة:...و..و...والله حتى نشرح ليك....ر...
مروان:(شاف يمين وشمال وحل لباب بساروت وجرها من دراعها دخلها لدار)شهاد الحالة لي دايرة فراسك؟وشنو كديري برا!!
مروان:حياة...والله احبيبة مقصدتش نغوت عليك...اصلا ملي شفت هادشي لي موجدة ندمت على كل كلمة خرجت من فمي.
حياة:(مبقاتش قادرة تصبر ...ناضت من بلاصتها وحطات ايدها على لباب كتحسب عند عشرة باش تحل ليه...غمضات عينيها وحلات لباب لقاتو واقف حاني راسو ...بدا يطلع راسو بلعرض البطيء رسم ليها بسمة وجر ليها ايدها)
حياة:(حسات بفمو على ايدها باسها بكل حنية ...سيدة تبورشات شوية طيح بين ايديه)
مروان:هادشي كلو موجداه ليا؟
حياة :(حنات راسها وتبسمات)
مروان:وينو على لي كيحشم...والله معارف واش نتي حياة لي كنعرف اولا وحدة أخر
حياة:(جمعات حجبانها)علاش مالي؟
مروان::معرفتش....هاد الضرافات والتواشا لي دايرة للدار جاتني عجب..لاش كتخطي(غمزها)
حياة:(تكونسات معرفت باش تجاوب)ع...ع...علاش مفهمتيش لاش هادشي كلو
مروان:ايوة لورد لحمر وكيطرد الشياطين وهاد الريش لي لابسة ولعكر لحمر لي طالية لاش؟
حياة:م...م...و...والو غير عجبني نبدل لوك..
مروان:اممم..عرفتي شنو...(جبدها من ايديها وحطها على كتفو)ليلة نطرد الشياطين منك كتباني ليا فيك المس
حياة:نزلني...م...مروان نزلني
مروان:نتي لي قلبتي على تور لي فيا لابسة ليا لحمر ياك ميصحابك غادي تفلتي من بين ايديا
حياة:غير خلينا نتفاهمو...
مروان: (دخلها لبيتو لي كانت وجداتو مخلات فيه قنت مقاداتو..حطها على الناموسية وبداو عينيهم كيهضرو بوحدهم باينة كيغادوز هاد ليلة عندهم...يلاه جا يقرب ليها نطقات بصوت حنين)
حياة:صبر.....طفي الضو
مروان:وعلاش؟
حياة:لبايرات من شحال هادي كيتسناو هاد اللحضة والله لا كانت ليهم...طفي الضو
مروان:(طفا ضو بصبعو وخشا راسو فعنقها )
حياة:(بدات تجبد ففراشها وتحل عينيها بشوية شافت ايدو محاوطها بيها حيداتها من عليها وناضت كتململ يمين وشمال كتحس بلحريق لتحت منها شمشرها بلمعقول ...دخلات طواليط قضات حاجتها ودوشات لبسات حوايجها ونزلات لكوزينة توجد لفطور بسيف كتحرك من لألم لي كتحس بيه:
حياة:احح على متوحش...قلنا ندوقو الحلوة صدقنا تشمشرنا...اي اميمتي
مروان؟(نازل كينشف شعرو)مال تيتيز كيهضر بوحدو
حياة:(تبسمات)صباح الخير...والو غير كنت كنغني
مروان:(قرب منها وحاوطها بين ايديها)مالك كتباني عيانة
مروان:هاد البشار كلو شاد بلاصتو وساكت...بلما منفكرك بالشوهة لي درتي ليا المرة لي فاتت
حياة:وصافي غير حط ايدك على فمي حتى الى غوت ميسمع حد صوتي
مروان؟اللهم طولك ياروح...(بدأت طائرة تتحرك وحياة غير مخرجة عينيها صابرة وساكتة ..لوقت لي جات تغوت فيه سبقاتها ايد مروان لي تحطات فوق فمها وخلاها عاضا ليه يدو حتى شدات الطيارة التوزان ديالها فسما عاد حيدات فمها من ايدو...لي خلات سنانها مصورين فيه)
حياة:ن..ن..ناري سمحلي طيرت منك لحمة
مروان.أيوة الله يعطينا وجهك ويعطي ديلمي انا عقل لي قبلت نتزوج بيك من نهار لول
مروان:(شاف فيها ودور وجهو لجهة لاخرى كيتسناها تحزرو...تسينيتي احنيني تماك ...دورات حياة وجها لشرجم وبقات كتشوف فلغيوم حتى حسات براسو على كتفها تبسمات وشافت فيه بطرف عينها...حطات راسها على راسو وستسلمو لتعب الطريق طويلة....)
حياة:(على صوت مروان فاقت حياة كتحك فعينها)
مروان:على سلامتنا راه وصلنا
حياة:بصاح ياااه دغيا وصلنا
مروان:زيدي زيدي نزلي...راه بقينا غير بجوج هنا(جرات صاكها وميكتها فيها ديسير ولخبز معمر كتاكلو فطريق ...شافت فسما وستنشقات ريحة لبلاد نزلات تجري من الطيارة وضربتها بركعة فوسط الساحة الخاصة بتوقف الطائرات...مروان غير كيقلب وجهو يمين وشمال فضحاتو بالمعقول تركع وتخنن تقول كانت غوانتنامو...جرها من دراعها وخرجها من المطار في اتجاه التاكسي لي كيتسناهم...وصلات حياة للحومة لقات البشار واقف بتعارجو وزغارتو والدنيا مقلوبة فلحومة تقول لملك زايرهم...
سمية:(كتدفع فلبشار باش توصلها طارت عليها تعنق و تبوس )توحشتك الطحبة
حياة:مشتي انا...(جاتها الحاجة تجري وجارا وراها صالح)
الحاجة:جرادة الحومة جات...
حياة:جدة توحشتك(بدات تسالم على عائلتها واحد واحد وناس الحومة كيزورز منها تقول كانت فمكة)
حياة:(دخلات لدار بزغارات وتعارج على راسها..جلسات فصالة هي مروان وبداو الناس كلها يجي يسلم عليهم ..مروان حس بتعب مبقاش قادر يصبر داه سي محمد لبيت فين يرتاح...بينما حياة بدات تفوح على بنات الحي بحال معرت فين كانت...بدات الدار تخوا ولعيا بدا يسيطر عليها...
حياة:مي انا نمشي نرتاح
فاطمه:واخا ابنتي دخلي لبيتي ترتاحي فيه
حياة:لا غادي نمشي لعند راجلي حشومة بقا غير بوحدو(يلاه جات تنوض وهي تسمع )
فاطمه:اجلسي اهاديك الهايجة ايوة شوفو التربية كيدايرة...والله يامك ياداك لبيت لي فيه راجلك مدخليه متقربيه حتى ترجعو لداركم
حياة:(مشات كتحك رجليها فلارض دخلات لبيت مها كدور عينيها ...معجبهاش الحال..غادي تبقا هي و مروان بحال لبرانين الحلوة غادي تقطع عليها حتى ترجع لاسبانيا..حطات راسها على لمخدة ونعسات )
حياة:بفف والله لا فلتو هاد ليلة مبقيتش قادر نصبر..
سمية:ياربي السلامة عندك دودة عفريتة الله يستر .
حياة:ودابا تشوفي(بداو لبنات يغسلو فماعن وسعدية كطيب بعد ساعات طويلة سالا السبوع وتفرقات جوقة كلشي طاح مهدود الى حياة الدودة لي فيها مخلاتها مهنية..دخلات لبيت مها ضرباتها بتدويشة لبسات حوايجها وقاضات الحالة وخرجات تسلل لبيت مروان..يلاه حطات ايدها على لباب حسات بشي يد شاداها:
فاطمه:(كتهضر بشوية)والله متغبري من خليقتي هاد ليلة والله حتى نطهر باباك نشوف هاد الدودة فين غادي توصلك
حياة:(شافت فيها ورجعات كتجر رجليها ضربات باب البيت حتى تململ من بلاصتو وحيت عارفة راسها مكفساها سدات عليها طواليط وجلسات تسنى ففاطمة تنعس باش تخرج حتى هي تنعس حيت غادي تجيبها فجلدها)
«بعد اسبوع»(فقاعة فوسط الحومة شي ماشي شي جاي أصوات التعارج والنقفاات كيتسمع من بعيد..فوسط القاعة الدنيا مقلوبة بالشطيح والرديح كلشي محيح وناشط..دخلات سمية مكمشة بيدها فحمزة لابسة لخضر وحمزة ضارب كوستيم فلگري كيلمع ومرجع شعرو لور بحال فروج الدوار...جلساتهم النقافة خديجة ومن لا يعرفها مدات سمية ايدها لنقاشة وحياة باركة تنقز وتلوي فلمسعودة حالفة تخرجها ....ضاربة ليك سومو وطالقة سالف..بينما مروان غير كيتغدد عليها كيشوفها كيكتلوى وحالف يوريها نجوم ليل ...غمزها من بيعد تجي لعندو وتبعاتو لهايجة كتمدغ لمسكة :
مروان:ايوة الله ينعل لي مايحشم واش معرفاش بلي نتي مرات الراجل
حياة:وراه عشيرتي امروان..
مروان:دوزي تجلسي لانصدق مصمكك
حياة:غير هاد الشطيحة ونجلس
مروان:(خرج فيها عينيه)حياااااة
عويشة:(مقابلاهم)تي شوفي ليك السيدة طلع كيغير عليها
هنية:بنت لحرام طاحت على فروج بكمونتو
عويشة:كيتي انا هاداك راجل لي عندي بحال لحجل ميسول ميتسوق بارك على ديلمي غير بلح**
هنية:ايوة لي عطى ز••لهلا يفكو انا طلقت وتهنيت
عويشة:ببف سكتي سكتي خلينا نشوفو بنت فاطمة هي لي طلعات ليها
الحاجة:(واقفة على راس صالح)سد السروال
صالح:شمن سروال؟
الحاجة:سلسلة السروال محلولة لمن حالها؟ا..دوي..شكون هاد القح**لي كنتي حال ليها سروال؟
صالح:الحاجة الله يهديك راني غير نسيتها ملي دخلت لطواليط
الحاجة:كتكدب الشارف الهارف..هضر مع من كنتي
صالح:ياربي صبرك..
الحاجة:(شنقات عليه حتى جراتو برا القاعة حلفات فيه يقول ليها السبب لي خلات سلسلة السروال مفتوحة)
مروان:حياة راه هضرنا معاك جلسي لارض
حياة:عاافاك عاااافك امروان غير هاد الشطحة
مروان:لا هي لا جلسي لارض
حياة:(خرجات عينيها فيه ضربات رجلها مع لارض ومشات جلسات حدا جوق...مربعة ايديها وكتشوف فلبشر محيحين ضورات عينيها لمروان شافتو واقف مع شي رجال...نزلات عنيها الواحد لاشتراك ديال السلوك فيهم شي ازرار هزاتو بين ايديها وبدات تلعب بلازرار حتى طفا الضو وجوق مرة وحدة تسمع غير لغوات وعينين لبشار كيبانو فضلمة...)
سمية:(شعلو ليها تيلي بدات تقلب على حياة بين لبشار ملي مشافتها عرفاتها مولات الفعلة ضربتها بغوت وحدة تسمع فلقاعة كلها:
سمية:حياااااااااااة والله لابقات فيك المدودة.
حياة:'(هازة قفطانها وهربات من القاعة ضربتها بجربة لدارهم بدات تنهج وشادة فقلبها...)واش نتوما مزال تابعيني ...(جلسات فصوفة ونطقاات)نهاية غادي تكون بلساني.انا حياة البايرة لي عشتو معاها واحد الشهر ديال الكوارث والمصائب ..مخليت مدرت باش نصيد هاد العريس لي حاولت معاه بجميع الطرق اني نجيبو ..حرقت خريت دابزت تناتفت ومع دالك متفاكيت حتى ديت سيد رجال..من هادشي كلو قبل ميدمغ ديلمي من هنا لشوية نوضي تقعدي قلبي على.راسك وشتي لعريس والله لاديتيه الى ما خرجتي تقبلي عليه ايوة بقاي جالسة كتسنايه....
مروان:(كيدق عليها بجهد)حياة حلي حلي
سمية:احلي الله يعطيك مصيبة الخرايا تفو على ديلمك حتى فنهاري مخليتيني نفرح هئ هئ هئ
حياة:واغا خليونا نتفاهمو...
مروان:حلي قلت ليك حلي.....
الكاتبة:(الى هنا تنتهي قصة حياة البايرة ...لي صيدات عريسها بعد طول انتضار..ولكين منضمنش ليكم بلي مصائبها غادي توقف هنا...الله يعين مروان وصافي....نشوفكم فقصة جديدة وتهلاو ليا فراسكم...)
كيف تصطادين عريسا الجزء العاشر و الأخير
محتوى القصة
التنقل بين الأجزاء