لهيب الحب الجزء 11

بقات كتشووووف فيع بنضرات شك وتعجب ...وحتى هو بقا كيشوووف فيها انما الفرق نضرة حب وعشق وشوق كبيييييير ليها ماكرهش فهاديك لحضة يشدها يخشيها في حضنو وميطلقهاش مكرهش يبقا معنقها ويشم ريحتها الي تحرم منها مدة طويييييلة ...كسر الصمت قدوم ليلى ...

ليلى : خويا نيار دخل لاش واقف ...

نيار : بغيت ندخل ولكن حتى تسالي اختك من الاستجواب ..

ليلى : اشمن استجواب ...

حليمة . : والو ..

ليلى : وادخل ترتاح ليك من مورا العشا غايجيو ناس...

دخلات ليلى وتبعتها حليمة ومن موراهم هو الي تبعها حتى دخلاتو لبيت فين يرتاح يلاه غاتخرج وهو يوقفها بصوتو ...

نيار : شكون الناس !!

حليمة : "ضورت وجهها نص ضورة وكتهضر " جايين عمامي يشوفو با وغايباتو وغذا من مورا لعشا دايرين صدقة ..الى مفهمتيش صدقة هي غايجيو طلبة يقراو القران وغايكونو رجال ويتعشاو ويديرو دعاء ويمشيو ...

نيار : اولا ضوري وجهك وهضري معايا مقاد ثانيا طلبة عارفهم ماشي كيليميني انا ثالثا غادي نبدل حوايجي وغادي نهبط لتحت لصالة فين غايكونو رجال باش يعرفوني ونعرفهم بصفتي راجل بنت خوهم "غمزها " يلاه دابا سيري ...

مجاوباتوش ومشات خرجت هي وبقا هو شحااال كيشوف فيها وفهاد التغييير الجذري لا فشخصيتها ولا من جيهتو هو ...وحالف بحلوفو حتى يرجعها ليه وهداكشي علاش متحكم لاقصى درجة في اعصابو ومخلييها على راحتها ومفرغ الغضب ديالو فاشياء اخرى ومصرفو ضحك على ردها هي وود باش يكسب حبها من جديد...صونا ليه تيليفون ديالو كانت عاليا بنت مهدي كتاصل بيه من امريكا ....

نيار : علوووش زييين ..

عاليا : العشيير صافا !! مبقيتيش عيطتي ليا مني مشيتي اش بقيتي درتي رجعتو !!

نيار : "عاود ليها اشنو طرا " 

عاليا : هههههههههه ونااري مسخوط ودابا عندهم فالبلاد ..

نيار : اش ندييير في الحب والحرب كل شيء مباح ...

عاليا : ههههع ومن يدير ليا عوينة نشوف نيار فلاح ههههه 

نيار : هههه ...عطي لخوك شي حل من غير هادشي 

عاليا .: الحل راه هضرنا عليه فاش كنتي فامريكا وقررتي باش تخليها حتى تشد الباك بنقطة الي بغات ومتاترش عليها ...وتفاهمنا باش تشد ليها لخاطر الي فوق خاطرك ياك هادشي الي قلنا !!

نيار : ايه ...

عاليا : وكاين شي تطور ..

نيار : مبدايا مبقاتش كتخاف مني كيف كانت فلول ..

عاليا : واشنو سبب حيث مبقيتيش كتعصب عليها من والو ياك ..

نيار : ايه ..

عاليا : وبقا على هاد المنوال متستسلمش من اول فرصة ..

نيار : الله يحفضك ليا العشيرة ..

عاليا : واسير خليني نمشي عند الحب ..

نيار : هه سيري اهيا الى قلقك قوليها ليا بربي تنجي نفرشخ مو معنديش ختي الي يقلقها ولد المرا ..

عاليا : يحفضك ليا اخويا لعزيز..

نيار : اجي خديتي حوايجك من دار ..داك نهار عمي مهدي كيحساب ليه مدخل شي وحدة نقصر معاها ..مبغيتش نقوليه ديالك ونضطر نقوليه راك مشيتي لبارتي هالويين وخليتي ليا شراوطك تم ..

عاليا : هههههه والله تيفهمني غلاط را عمي علي واجرك عالله ..يلاه تلاح ...

قطع معاها وهو كيضحك ...حيد حوايجو ودخل لدوش دوش بما بارد وخرج لاوي عليه فوطة كينشف فذاتو ...ومرة مرة كيفكر فيها وفكيفاش غايرجع يكسبها ليه من جديد ...

كانو كالسين وجال كيهضرو ويضحكو واصواتهم مجهدة كتسمع منيني جاو هما وعيالاتهم وولادهم والدار مسطوكيا ببنادم وهذا هو حال ناس البادية منين تيمرض شي حد ولا كيموت كيجي شعب كلو ...وكتكثف الزيارات ديال الاهل والاحباب وطبعا هالي جا من خاطرو هالي فوق خاطرو هالي جا يتشفا وهاالي جا يبرگك وهالي جا يتلحمس وخاصة منين عرفو دوجود واحد من نساب الرايس والي هو من شخصيات المعروفة فالمغرب والي صنع اسمو فسن صغير ولما لا نتحدث عن المرواني اشهر محامي ...

تم هابط لابس سروال كاطيفة فالبيج وقميجة فالبلومارين حال ليها صدايف الفوقانيين وطاوي كمايمها ومقاد شعرو مطلعو لفوق حيث مبقاش مخليه كثير وطويل باش يرجعو لور وداير ساعة فايدو نوع سواتش حقيقية وماشي تقليد وراش بارفان ديالو وصلاط موكاسان فلون القميجة ...قشعها من بعيد كانت لابسة تشامير فالاسود مطروز بالصم فضوغي طريزات خفاف ومع هي بليقة وشهيبة جاها فريع ولااااكن موصيبة انه هازاه جامعاه عند خصرها وغير نسات مع دعقة ...حضاها وهو يغوبش وعيط ليها ...

نيار : حلييييمة 

حليمة : ضارت جيهة مصدر صوت ..هاا نعام ..

نيار : اجي لهنا ...

حليمة : دخل راه با وعمامي فصالة ..

نيار : انا قلت ليك اجي لهنا ...

حذرت راسها وهي تم جايا عندو ..طلعها وهبطها ...هكا كدخلي عندهم !!

شافت في جنابها ..اه علاش !!

نيار : وكدخلي مزيرة ليا داك لور عندك ..فكي هديك العقدة الي عاقدة فجناب ...بغات تهضر وهو يجرها لصقها مع صدرو وهبط ايديه حل ليها العقدة وهو يحدر راسو جيهة عنقها وهضر فودنها بشوي ...

نيار : مباقيش دخلي هكا مزيرة ومحدك على ذمتي منبغيش هادشي نشوفو ...وياريت متقلقينيش محدي هنا عندكم هاد اليومين ...بغات تهضر وهو يهز راسو وخلاها وزاد دخل لصالة عند رجال ...لقا سلام وهما يوقفو كلهم كيسلمو عليه ويتعرفو ...

ليلى : مالك واقفة دوزي عاونينا نقادو الخبز فطبوگا ...

حليمة : ها اه واخا ...

وصل ليل وكل مشا يركد هالي بقا عندهم فالدار هالي رجع لدوار المجاور حتى يرجعو لغد ليه لصدقة الي دايرين وهالي بات عند ناس لقراب ...كانت ليلى وحليمة وامها كيصايبو فالفراش لناس ومعاهم شي بنات من بنات جيران ...

ليلى : فين هو راجلك ..

حليمة : وشكون شافو ..

ليلى : واش نتي مالك الحمارة مالك ...

حليمة : اشنو !! 

ليلى : وانووووضي شوفي راجلك وشوفيه غايبغي يطلع ينعس ...

حليمة : راه ولا عارف فين كاين البيت اش ليا بيه ..

ليلى : اش ليك بييه ..وا بزاف بزااف واخا ممسوقاش ليه متنسايهش را ضيف عندنا هادي هي تربية الي تربيتي تكرمي ضيف وتقومي بالواجب ديالو هااا ...

حليمة : هاانا غاديا نشوفو ..

خلاتها ومشات طلعت لفوق باش تشوفو دقت مجاوبهاش وهي تحل ودخلت ملقاتوش فالبيت وهي تهبط كانت لابسة كاب طويل على شكل بينوار محلول مغطية تشامير الي مخلاهاش تبقا لابساه وحدو ...خرجت قدام الباب كتقلب عليه ملقاتوش يلاه بغات ضور وهي تقشع الكوري شاعل فيه ضو ..

حليمة : اوه اش داه لكوري ...جمعت ايديها وهي تخرج ومشات ديريكت لكوري دخلت كطل حتى لقاتو كيكمي وكيشوف فواحد العجيل باقي صغير واحد اخور يلاه تزاد كيرضع ومقابلو ...حتى سمع شي حد دخل وهو يضور لقاها هي واقفة كتشوف ...

نيار : شوفي شحال زوينين ...اجي اجي تشوفي ...

حليمة : بقات كتشوف فيهم وفيه ...

نيار : تت اجي متخافيش ...

كانت خاشية ايدها فجيب لكاب وهي تم جايا حتى قربت لعندو ..

نيار : شوفي كيفاش كيتخش فيها باغي باي وسيلة يرضع...

حليمة : همم اه ..عرفتي اشنو سميت هذاك العجيل ..

نيار : مسمياه !! 

حليمة : هههه اه ..

نيار : اشنو سميتو ..

حليمة : ههههههنم 

نيار : !!

حليمة : "حتى بعدت منو وهي تنطق " اسمو نيار ههههههه 

نيار : ياك لمك دابا انا عجل !! ياك ..شكرا بزاف " دار براسو تقلق وهي تجمع ضحكة ...بقات حاضياه غادي وهي ضور شافت فالعجل حتى حست بايديه محاوطين خصرها من لور حتى استقرو فكرشها وطوا ايديه زيرهم عليها وخشا راسو فعنقها حتى غمضت عينيها ..

نيار : اش ندير لمك دابا ...امم انا عجل هاا ..

حليمة : "بدات تقفقف " غغ غ احم غير ضحكت ..

نيار :لا هضري بصح ...ضورها جيهتو وهي حادرة راسها وفمها كيترعد ...هز ليها راسها شاف فيها هزت عينيها فيه بقا كيشوف فيها وهي كتشوف فيه حتى تخدرت ومحستش بيه امتا حط شفايفو على شفايفها كيبوس بطريقة حنينة...وايدبه كيتساراو وفنفس الوقت كيهبطو فالكاب الي طاااح وبقات غير بتشامير ...حط ايديه على مؤخرتها وجرها ليه اكثر حتى هزت ايدها حطتهم على صدرو ...كان فقط صوت انفاسهم الي كيتسمع فالكوري ...تنهيدتو بدات كتعلى حتى دفعها جيهة الحايط وزاد فوتيرة تقبيل ....

نيار : اممم توح امننن توحشتكككك اكثر مكتصوري هنن ...كيبوس ويهضر اما هي مشات ونسات راسها ...حتى ...

اصبح يوم جديد هاد المرة حل عينيه على اجمل صوت وهو صوت العصافير حاطة على شرجم ...حل عينيه لمغربشين والمجبدين بالنعاس ...بقا شحال حتى تفكر ليلة امس كيفاش مشات معاه وانساجمت ونسات راسها لواحد اللحضة ..ابتاسم ولكن سرعان ما اختفات الابتسامة من على وجهو فور ما تفكر انها دفعاتو قالت ليه يطلع ينعس را فراشو واجد ومشات كتجري ومنعيتش معاه فبيت واحد ...

نيار : امتا ثيقي فيا امتا ترجعي ليا امتا ...واحد شوية حس بصداع رهيييب فراسو وصدرو مخنوق ...ناض من لفراش طل على ساعة كانت تمنية ديال صباح وصوت لفروج كيقوقع كان فطبقة الفوقانية وحدو فيها مخلاو حد ينعس تما ...كان ناعس غير ببوكسر حيث صهد ووخا طالق لاكليم نعستو هي نعستو ...حك شعرو ذهابا وايابا وناض ...حتى سمع باب البيت كيدق ...

حليمة : نيار ..

نيار : عيوني ..دخلي ميحتاجش دقي ...

حلت الباب بشوي مشافتوش حتى دخلت حادرة راسها وهي تهز عينيها شافت فيه وهي تشرعهم حتى بغاو يطيحو وجهها تزنك ولات غاتفتف ...وخاصة انه زاد عراض وعضلاتو تورمو اكثر وفورمتو مبقاتش كيف خلاتها اخر مرة ...

حليمة : انن مننن احم ...صباح الخير ..😳

نيار : صباح الورد ..مالك ..

حليمة : مم مماليش احم ..ها دوش واجد الى بغيتي دوشي ...

نيار :"بدا كيكحب " كحكح واخا ...

حليمة : "لاحضت حالتو "ضاربك البرد !!

نيار : "بفرحة انها نوعا ما مهتمة بيه " لا لا ماديريش فبالك ...

حليمة : اه واخا مهم هادوش واجد دوش وهبط تفطر ...حدرت راسها وخرجت مكتهضر متكلم قلبها كيضرب ماعرفتش اشنو داك الاحساس ...حتى تصاطحت مع ختها عند دروج ...

حليمة : اااا خلعتيني ...

ليلى : سم الله عليك مالك مال وجهك مزنك ..

حليمة : والو والو مماليش خلاتها وزادت مشات دخلت لكوزينة تدي ماتبقى من لفطور ريتما يهبط هو ...مكاملاش نص ساعة دغيا هبط ...هابط لابس سروال سورفيت فالكري وقبية ديالو وداير لقب وخاشي ايديه في جيابو ...حناكو حمرين وكيكحب ...دخل لصالة ..

نيار : الحاج صباح الخير ..

جيلالي : صباح نور ولدي ..

نيار : كي صبحتي ليوم ..

جيلالي : ونحمد الله اولدي ..مالك هاد الصباح معاجبنيش واش مريض اولدي ..

نيار : لا لا ماشي شي حاجة عادي ..كحكح ...مزال كيهضر وهي دخل هازا صينية القهوة ولحليب ...حطتها وهي تبدا تكب فالقهوة مخلطة لباها ...عطاتها ليه وكبت ليه هو قهوة كحلة وحدها ..

جيلالي : خلطيها ليه ابنتي لاش عطيتيها ليه كحلة ..

حليمة : لا ابا هو كيبغي يبدا بالقهوة كحلة فصباح مكيشربش لمخلطة "نساات راسها " 

نيار : "عينيه حمرين وراسو مزير عليه ولكن هذا مننعوش انه يبتاسم فور مسمعها اش قالت " 

جيلالي : اه ايوا لا هكاك صافي ..

كبت ليه قهوتو بدون سكر وعطاتها ليه وحطت ليه مالد وطاب من لفطور ...بدا كيفطر وهو يحس براسو ما هواش استاذن وخرج على برا باش يكمي كارو عالله وعسا يتنفس عليه راسو ولكن غير مزاد والكحبة بدات تجاهد عليه وحس بشوية البرد ....

كانت فالكوزينة كل من حليمة وليلى وامهم كيوجد فالغذا وكيعاونو فالعيالات الي جابو باش يديرو لعشا لطلبة الي غايجيو ...دازت مدة وهي تمشي حليمة لصالة دخلت لقات غير باها ...وهو ملقاتوش قاليها بلي قبيللة حس براسو ماهواش وخرج ومبقاش رجع ...رجعت عندهم لكوزينة وهي مرة مرة كطل لا يكون دخل ولكن والو حتى سولتها عليه ليلى وهي طلع لفوق تسوف واش كاين حلت البيت لقاتو مغطي وكيتهز ويتحط بتبوريشة ...ومكيجاوبش ...

حليمة : نيار ..مجاوبهاش كتسمع غير انين تبوريشة الي فيه ...واحد لحضة تفكرت فاش مرضت وكيفاش كان كيهتم بيها وكيتشغل بالو فعلا عليها ...قربت ليه اكثر وهي تقيص راسو لقاتو طايب بسخانة وعينيه مغمضين وانينو غير مكيزيد...هبطت كتجري لتحت قالتها لمها وهي تعطيها طاسة فيها ثلج وكمادات بينما مشا الي يجيب ليه دوا ...

فاطيمة : ديريهم ليه فسدرو وفجبهتو ...باش تهبط ليه بينما جا دوا ابنتي ...طلعت كتجري حتى لعندو ..دارتهم فثلج وعصرتهم وحطت ليه وحدا فوق جبهتو ووحدة دارتها في صدرو بلكشيفة باش حطتها حتى بدا كيهضر بصوت ممفهومش ولكن سمعت شي تشاش وغير سميتها الي كيذكر ...

وصل ليل وهو مزالو لفوق فالبيت ناعس وسخانة كتطحن فيه عيا يكابر ولكن غلباتو سخانة والمرض واستسلم ...حلت الباب بشوي كطل براسها بان ليها ناااعس مجبد قد سخط فديك ناموسية ومكمكم في الفراش ناااعس ....

حليمة : نيار ...

نيار : لا رد ناااعس ..

قربت بشوي حداه ...كطل عليه وكتعيط بسميتو ..ومجاوبهاش ...حتى جات لعندو هزت عليه لغطا لقات وجهو حمررر وفمو ولا حمرر حتى هو بكترت سخانة ...

حليمة : نياار كتسمعني !!

نيار : هننمم امم حلييمة كنب...اممم 

حليمة : نياار واش شوية ..

نيار : اممم ...

حليمة : تقدر تنوض تاكل باش تشرب دوا ..

نيار : اممم ...

حليمة : تت ...

بقا هذاك ليل كلو وهي سخانة تتحط فيه وتهز ويتمتم ويهيتر ...جاو طلبة كيقراو وتعشاو وخرجو ناس وهو بقا ناعس وسخانة كتطحن فيه وهي مزكاتش كل مرة تجي طل عليه ولا تبقا معاه شوي ولكنادات محبساتش منهم ...شرب دوا وهو معاقلش كاع اش كيجرا ليه غايب عن الوعي ....

ليلى / امضرا كيف بقا ..

حليمة : مزال فيه سخانة ولكن نقصت شوي دابا ..

ليلى : بقاي معاه متخليهش ...

حليمة : واخا ..

ليلى : الى صبح صباح ومنزلتش غانقول لشي حد فدراري يمشي يجيب طبيب...

حليمة : الى بغاو طوموبيل نعيهم طوموبيلتو يمشي يجبوه دابا نيت ...

ليلى : غير بقاي معاه نتي متخليهش وصافي ...دابا هو محتاجك حيث نتي مرتو ونتي هنا اقرب ليه ...كوني معاه ونساي اش بيناتكم واش جرا وبقاي معاه ..تفكري اش كان كيدير معاك ...

حليمة : مع الاسف كنتفكر غير لعصا .."بحزن " 

ليلى : واااتانتيييي نساي هداكشي دابا قالليه غير هو وصافي ...بقاي تعفري حتى يمشي عليك بمرة وديك ساعة غني ضلموه يااه على ...خلاتها كتبرقق فعينيها وخرجت من البيت ...بقات ليل كلو وهي منعستش مشافتو مقابلاه مرة تنزل سخانة ومرة تلىطلع الي مولا لباس حتى بغا يغفر ليها وليه الله .....

صبح الصباح وهي مزال فايقة وهو بقا ناعس ...كانت وصلت شي ستة صباح ...بدا يحل عينيه شوي بوشي حتى ضار شاف فيها لقاها كتجمع فداكشي الي حداه ..

نيار : بصوت غليض وغالب عليه العيا ..صب احم صباح الخير ...

ضارت شافت فيه وهي تبتاسم ...صباح الخير كيف صبحتي ..

نيار : كحكح احم صافا الحمد لله ...واش كنتي بايتة هنا ليل كلو ...

حليمة : اه علاش !!

نيار : "بفرحة في قلبو " منعستيش ..

حليمة : تت لا ..كانت سخانة كطلع ليك وتهبط وقالت ليا ليلى الى مهبطتش نديوك لعدن طبيب ..

نيار : همم يعني بقيتي مقابلاني ليل كلو ..

حليمة : وييي ..

حليمة : انا غانهبط نجيب ليك متفطر..فيك مينوض !! 

نيار : همم شوية انوض نغسل وجهي ونحك سناني ونهبط لتحت ..

حليمة : لا بلاش خليك مزال عيان انجيب ليك لفطور ...

يار : "ثاوب وتشبح مزيااان " امممممم تت لاء بغيت فطور خاص ..

حليمة : اشنو بغيتي نوجدو ليك ..

نيار : نتي توحديه ليا زعما ..

حليمة : همم اه عادي ...

نيار : اجي قربي نقوليك اش بغيت بالضبط ..

قربت على نيتها وسبحااان الله ولله الحمد تيندب عليها شي كلاخ فالوقت المناسب لنيار هههه قربت عندو ...

نيار : اجي قربي مزيان را عياان ومفيا ميهضر مجهد..

حليمة : واغير قول كنسمعك...كتهضر معاه وهو يغفلها وجرها خشاها تحت من. حتى غوتت بالخلعة ودهشة حيث معرفاتوش كيف دار خشها تحتو ...واااععععع ...

نيار : "ضور ليها ايدها ورا ضهرها ...

حليمة : خنقتييييني اهى اهى نوووض ...

نيار : كنبغيك ..

حليمة : وااا ولد ناااس تخنقت اهننن 

نيار : كنموت عليك ..

حليمة :وخا ونوض ...

ونيار : اري شي بوسة ..

حليمة : لااا ...

نيار : غدا غانرجعو فحالنا براكة عليك ..

حليمة : لا مغاانمشيييش ...

نيار : غادي نمشي ونخليك ...

حليمة : سييييير ..

نيار . : الى مشيت غانجيب شي وحدة اخرا ونتزوج بيها ونخليك ..

حليمة : اشنوو ...وانا غانمشي عند لڤيتيغينيغ ونتزوج بيه ..

صافي هنا بركت عالبولة الحمرا شعلت وشن طن فن والله يامك كن مكان كيبغيك تيخلطك ...عقد غوباشتو وهو يخنزر فيها واااحد مولاتي تخنزيرة حتى هبطت عينيها بالخوف ...

نيار : والله يامك ثم مك يا حتى نخلي دلمو غادي عريان هاد المرة ...بلا تاحاجة ..احمم ااااه راسيييي اففف دوخة ....

حليمة هنا هزت عينيها وشرعتهم فيه ...هاااا نتااا الي درتي ليه ديك الحالة 😡😡😡

نيار : غا شفتو جاه صهد وانا نعاونو يبرد على راسو مدرت ليه والو ...

لقد اشتقت اليك اكثر من اي شيء ...

بقات ترمش فعينيها وتشوف فيه بنضرات فشكل ...بعينيها صغيورين زرقاوتين ...وحتى هو بقا مركز فيها شوفة تاه غعينيها الي كيسحروه وفي غمازاتها الي كيتلفوه عالعقل ...

نيار / كنعجبك !!

حليمة : "بطنز"اممم بزاااف ..

نيار . : اجي نديرو واحد ..

حليمة : نديرو زمر ..بدات دفع فيه حتى حيد من فوقها عاد تنفست ...خنقها ...

نيار : منمشي تندير معاك واحد طرح هانا فين قلتها ليك ...بغات تهضر وهو يجمع لوقفة ومشا خلاها كتشوف ...حدرت راسها ومشات حيدت ليه لفراش الي كان ناعس فيه ...داتو يتصبن من لمرض وهبطت لتحت كانت امها وختها كيوجدو فالفطور ...

ليلى : امضرا كيف بقا ..

حليمة : راه فاق شوية ...

ليلى : هاكي دي ليه لفطور ...

حليمة : واخا ...هزت البلاطو الي فيه لفطور وطلعاتو لفوق لبيت لقاتو مزال مخرج سمعت صوت رشاشة فدوش ...يلاه بغات تخرج حتى تزادحت مع صدرو الي مزال كيقطر بالما ...هزت عينها فيه اول مرة كتلاحض شفايفو الحمرييين وخاصة انهم يلاه خرجو من دوش مزال سخان ...وعينيه الحمرين ولون الاخضر عطا شعا عليهم وشفار لملصقين على بعضياتهم ...بالما ...هبطت عينيها لصدرو الي نازل معاه قطيرات الماء وزغب لصق مع بعضياتو بالما...كيطلع وينزل هو من ريحتها الي كيشم وهي من المنضر ديالو الي كيفتن ...قلبها بدا يضرب ....

قاطع سهوتهم صوت شي حد كيهضر طالع فدروج ...دفعها ودخل سد البيت ...

نيار : طلعها وهبطها عاود تاني لبسات تشامير اخور ولكن هاد المرة رجلين عريانين بحكم دايرة ليه فتيحات فجناب وهو يغوبش وبحال بغا يبدا يصعر غير صبر راسو ....

نيار : اش هادشي عاوتاني 

حليمة : شافت راسها وعرفت اشنو قصد ..غير احم ...

نيار : غير اش البارح مزيرة وليوم رجلين عريانين وغدا حطيهم كلهم ياك ...قرب ليها اكثر ...حليييمة الى بقيتي بهاد تصرفات را مغانبقاش كنضلمك تفاهمنا ...ضور راسو لجهة لاخرا وبدا كينشف فذاتو ...

حليمة : مهم ها فطورك وانا غانمشي حتى لمراكش ...حبس من تنشاف وهو يضور وجهو وشاف فيها واحد المدة ...

نيار : فين غاديا بسلامة !!!

حليمة : عندي منقضي فمراكش شي وراق خاصيني على ود سليكسيون ديال لكلية ...

نيار : واخا انا لبس ونديك ...

حليمة : لاا كاينة طوموبيلة با ...

نيار : وشكون غايديك ..

حليمة : انا ...

نيار : ايهاااي ناس دارو لبيرمي ...

حليمة : اه درتو ..

نيار : وكتسوقي بيها مولفة ..

حليمة : لا مني خديتو مسقتهاش ..

نيار : ناوية لمك دفعي سيلكسيون ديال لكلية مع الحايط !! زيدي قدامي زيييدي ..

حليمة : غايوصلني ولد عمي ..

نيار : ولد عمك 😡😡 اش كنبان ليك انا اااا مريوة ولا اشنو !؟

خليمة : قلبها بدا يضرب عرفت راسها زادت فيه واحد شوي ....لا نييييت ....لا بزاااف ....ولد عمك اههههه

#يتبع