لهيب الحب الجزء التاسع

خرج مهدي بسرعة وقبل دار اتصال بصاحبو الي من حسن الحض لقاه في مراكش على غرض ...دار معاه الوقت ...فهاد الوقت كانت ليالي وحليمة شدو طريق لفاس عيط ليهم غيث طمان عليهم وحتى مهدي ...

دازت تقريبا ساعتين وغيث في دار عند نيار الي هاد الاخير دخل يدوش وخرج تكا فوق ناموسية كيفكر ...حتى وصلت ساعتين تقريبا وجا مهدي ...

غيث : "حل ليه الباب " على سلامة مالك تعطلتي " انتابه لواحد السيد معاه طويل ومكضر وداير لحية " 

مهدي : زيد الحسن تفضل ..

غيث : مرحبا ..

مهدي : هذا صاحبي الحسن فقيه ...دخل دخل ...دخلو بزوج وخلا غيث كيشوف مفهم والو حتى جر مهدي بجنب ودخل هذاك لصالة ..

غيث : شكون هذا ..

مهدي : هذا فقيه غادي يدير ليه رقية شرعية مالك معارفش ولدك مااشي طبيعي وراك شفتي منين سمع الرقية طلقتها بلعاني وشفتي اش وقع ...بغيتي ولدك يولي لباس ويحس بلغلط ديالو ويتوكض خلي سيد يدير خدمتو سي نو را غايمشي ليك عند الله ولا يهبل ...ايوا هاني فهمتك ....خلاه حال فمو ومشا ....

دخل مهدي على السيد الي جاب هو فقيه صاحبو متمكن من القران مزيان وقاري ومتخرج في فاس وخريج جامعة الازهر بمصر ...الخلاصة متمكن ودارس العلم والفقه ...وحتى انه كيدير دروس والفتاء في بعض دول العالم ...

مهدي : دخل تشوفو ..

الحسن : ايه خاص ندخل نهضر معاه نشوف اش كاين ...

مهدي : واخا تفضل ..

دخل لعندو البيت اصلا لاخور كيف دخل مشا حيد حوايجو ونعس ولاو الحوايج كيخنقوه مبقاش كيقدر عليهم ...فور مكيدخل كيحيدهم ويدخل ينعس ...ولا نعاس هو المتنفس الوحيد ليه ....دخل مهدي والفقيه الي غير شافو بان ليه طويييل ومكضر وصحيح بزاف ..

الحسن : على حسب مشرحتي ليا والي شفت هو تبارك الله را صحيح وخا انا مكضر ولكن را صحيح الولد تبارك الله الى قريت عليه يقدر يتصرف شي تصرف ولا ردة فعل ...

مهدي : ودابا اشنو ..

الحسن : غادي نقرا عليه شي ايات بسيطة ونشوف اشنو كاين ...غير خرج نتا وخليني معاه 

مهدي : لا نبقا معاك لا يمشي يدير فيك شي حاجة

الحسن : لا غير سير راني عارف شغلي ..الى بقيتي معايا يقدر يكون ملبوس ويخرج منو ويدخل ليك نتا ..

مهدي : هااا صافي سير منك ليه ..خرج مهدي كلس حدا غيث وبدا يشرح ليه باش يفهم اشنو كاين ...

كحز عليه مهدي ومشا هو حداه حط ايدو على راسو وبدا يتمتم بايات وادعية الي غيييير نطق بيهم حل نيار عينيه على جهدهم ولون عينيه الخضر تقلب وولاو بيضين ...بدا يتحرك بشوية ويتهز ....

نيار : سكت سكت سكت سكت ....

بقا لفقيه يقرا وهذاك كيتجاهد حتى نااااض بوقفتو دفع لفقيه حتى تلاح عالحايط ووخا هكاك مسكتش من القراية ....

الفقيه ": مسكتش من القراية ..

نيار : بدا يشد فراسو ويغوت لربي الي خلقو ...هااااععععع كااااات واااععععععع لااااااااااا الله يغرق ليك شقاااااااف ...وااااالق***...مشا ليزار شدو وشرگووووو وووالو واش سكت لفقيه من القراية ...مشا ليه شنق عليه ...

نيار : عااااار الله صافي وااااصااااافي كتعذبني كتعذبنيييييي اننننن ....وااارحمنيييييي...كنكرهااااااك ...مبقاش صبر دفع الفقيه بجهد الي فيه حتى جا لاصق مع الحايط وهو يسكت ....

في عاد الاثناء كان غيث شاد راسو وعينيه مغرغرين ...

غيث : الله على ولدي امييمتي ياربي كون معاه ياربي ...

مهدي : خلي املك فالله ..

غيث : يارببب ...هاك هضر مع ميار را من صباح وهو يصوني ماعرفت منقوليه ...

مهدي : واخا ...مزال كيهضر وهو يتحل باب بيت وخرج الفقيه ...

مهدي : اش وقع ؟؟؟ 

الفقيه : "خرج شاد جنبو هههه" غادي ضبر ليا فشي رجال يكونو صحاح يشدوه ليا عاد نرجع نقرا عليه ...

مهدي / واخا ولكن هادشي غايطول ...

الفقيه : على حسب كاين من تلاث سوايع حتى لستة على حسب حالتو ..نطلبو من الله يعجل في شفاء ...

دازت تقريبا ساعة بالحساب كان مهدي معيط لربعة من ليكارد عيط ليهم من المعارف ديالو وطبعا كلشي بالفلوس ....اما نيار كيف حبس عليه الفقيه رجع لبلاصتو وتكا ضور وجهو لحايط جاه صذاع رهيب ورجع تكالما ومكيدوي ميتكلم ...

مهدي : سي الحسن 

الحسن : اولدي صافي ...يلاه تبعوني ..

تبعوه حتى لبيت الي فيه نيار رجع ينعس وهاد المرة حس بيه دخل وهو ينوض بوقفتو ..عاد فاق فلول كان معارفش اش كيدير ...

نيار : شكون نتوما !!

الحسن : رتاح اولدي جيت غير نهضر معاك ..

نيار : "بشك " وهادو مالهم اش واقع ؟؟

الحسن : قرب ليه ...ولدي مكاين حتى حاجة بغينا غير نعاونوك صافي قوليا باش كتحس ديرني بحال باك راني صاحب مهدي يعني معندك فاش تشك اولدي ...كيف دايرة صحتك وباش كتحس وعلاش ديما مقندش ..

نيار : ما احم اشنو مقندش ..

الحسن . : زعما غا طالع ليك دم وباغي غا معامن ومقهور...كيضرك راسك ؟؟

نيار : "نسا راسو ورتاح نسبيا " كنحس يراسي بغا يطرطق كتجيني سخانة بزاف معرفتش شي حاجات مكنعرفش علاش كنديرهم ..

الحسن : مزوج اولدي ..

نيار : اه 

الحسن : فينهي مرتك !!

نيار : ماعرفتش ومبغيتش نعرف مبقيتش كنحملها ..

الحسن : واخا اولدي يكون خير ..وخا نجي حداك ..نقرا عليك ..

نيار : اش غاتقرا ..

الحسن : "جا حداه وبدا كيقرا " 

نيار : صافي صافي صافي صف صف اننننا صافي عفاااك ...بدا كيتركل وهو يغمز لفقيه لهادوك كانو صحاح جاو بربعة شدوه وهو يبدا يتحير ويجذب ليهم ويغوت لربي الي خلقو ..

غيث : مهديييي اش هادشي را بزااف ..

مهدي : بغيتي ولدك ميضيعش ليك صبر اصحبي را ولدي تا انا يهديك الله ..

غيث : يااااربي سلامة ياااااربي ...

في هاد الاثناء كان ميار في الدار ممشاش لخدمتو نهائيا كان كيحس بقلبو مقبوط عليه ...كيعيط ويعيط حتى جاوبو مهدي بزز...

ميار : الوو مالكم اصحبي عااام اش كاين اش واقع ؟؟

مهدي : كالم اولدي مالك انا مهدي باك هاهو حدايا ..

ميار : مالو ..."سمع القران وغوات خوه وهو ينوض بالوقفية " اش اش واقع شكون مال نيار كيغوت ؟؟!!!؟؟؟

مهدي : شش غا تهدن ممالوش ...

ميار : عمي واش كتصطى على ديلمي قووول اش واقع ...

مهدي : واخا غ تهدن ونقوليك ازمر نتا شاعل كي بغيت نقول لدينمك 😡😡😡

ميار : وااااخا واخا هاني غا قوليا خويا مالو ..

مهدي : ....

ميار : غادي نجي فطيارة ليلة نكون عندكم ..مخلاهش يهضر وقطع عليه وناض بوقفتو مشا جمع اش يحتاج وخرج نيشان لمطار يقطع فطيارة من فاس لمراكش ...

الحسن : تيقرا وهادوك شادينو ...

نيار : وااااااسكاااااات ينعل موووك سكت اعععععععع واحد لحضة حتى تقلبو عينيه وهو يتبدل ليه صوت ...لصوت واحد كيدوي بصيغة لجمع ...حنااا مغانخرجوش منو ...حنا مامورين منو وليه غانهبلو ..

الحسن : اش بغيتي فيه اعدو الله ...

نيار : بغينا نهبلوه ولخدمتو نقاطعوه حنا مامورين ..وعلى جنس حوا الي عندو نكرهوه فيه وغير لقتيلة يشوف فيه ...وفي روضة المنسية خبينا ليه ...

الحسن : غادي نفسخوه اعدو الله غادي نقهرك ..خرج حسن ليك ...

الحسن : متخافوش ربي ..كيدرتي تا دخلتي وشكون سلطك عليه ...

نيار : سلطونا عليه وحدا من نسا واحد من رجال ..هما امرونا وبدم المشاش كتبو لينا ..وعند العتبة رشو لينا ...وبسمية مو خدمو لينا ..

الحسن : وتاقي الله اعدو الله وخرج ..

نيار : معندييش فين نمشي ..

الحسن : سير البحر ..

نيار : ماشي ساهل ..

الحسن : انا غانرجعو ساهل ..بدا كيقرا وهو يرجع نيار كيتركل ويطير لسما وينزل وهادوك شادينو وغير سمعو صوت تبدل خافو وهو يطمنهم الحسن ورحع يقرا عليه ايات خاصين حتى صافي هذاكشي تقهر وهو يامرهم يربطوه مع ناموسية وخرجهم وبقا هو معاه مايقارب ستة ساعات اخرين وهو ساد عليه حتى تقطع الحس ...

مهدي : صااافي قتل الفقيه ....ولا الكلوة الي جا معطوب منها قبيلة لصقت فالحايط 😐

اصبح يوم جديد في حياة كل الابطال وهاد المرة في حياة حليمة الي مزالين جراحها كما هما كانت ناعسة فالبيت الفوقاني في دار مهدي مع عبير وسورجان وحتى ليالي باتت تما من جهة مكاينش غيث ومن جهة بغات تبقى معاها شوي ...

حليمة : "حلت عويناتها الي ولاو ذاابلين وهالات سوداء تحت عينيها "بقات كتشوف فسقف وهي تبدا ترجع تفكر من جديد ...رجعت بيها الذاكرة لداكشي الي داز عليها كيف كان معاها فاول لقاء لقاء بصرخة منو وغوات وغضب وعصبية ومن بعد عاشت معاه تحت مسؤوليتو عاونها رجعت تقرا وكيفاش كان كيخاف عليها فاش كتمرض وكيبقا سهران عند راسها ومتبع ادق تفاصيل دواها ...ولمساتو ليها الي وخا صغر سنها قدر يخليها ذووب بلمساتو وتحس بالامان وسط حضنو وكيفاش وكيفاش كان كيحس بالغضب شديد فور مكيشوف شي دري هضر معاها او جمع معاها او قاصها ويكفاش كيولي كيف الثور الى حطيتي قدامو زيف حمر هههع ...وصولا ليلة دخلتهم الي كانت مميزة وقدر يكسبها ويكسب ثقتها وحبها وخلاها تعطيه جسدها يدير فيه مابغا بكل ثقة وامان وحب منها ...حتى لابشع ما مرت بيه والي خلا كاااع هادشي الي فكرت فيه يتضرب فزيرو ..العنف العنف والعنف الشديد وما ادراك مالعنف العنف الي كيقتل كلشي زوين كيدوز فحياتنا ...

واش عرفتو اشنو هي تعنف امراة من شخص بغاتو وكانت كتبحس بالامان من جيهتو ناعيك على انه ماشي لخاطرو ولكن محرد الضرب بحد ذاتو كيقتل كل حاجة فينا كانت زوينة بناتنا ...فمابالك هي الي تحكرت فحياتها وحتى لقات بر الامان جا هو وجمعها بنص وهي مزال صغيرة ...وخرجت مكملتش دراستها الي عالم الله واش مصيرها دبا ...

حليمة : اممم اهى اهى ..."بدات كتبكي حتى تحل الباب وتقول كانت حاسة بيها " 

ليالي : بنتي صباح الخير ...

حليمة : مزال كتبكي ..

ليالي : ششش لا احبيبتي متبقايش تبكي الا دموعك "كلست حداها وحطت ايدها على شعرها كدوز عليه بحنان " 

حليمة : بغيت نمشي فحالي ..

ليالي : وهانتي هنا ماشي فحالك !!

حليمة : لاا بغيت نمشي نبعد مبغيييتش نشوفو الله يخلي ليك ماعز عليك ..."شدت ايدها كتبوسها "

ليالي : استغفر الله ...

حليمة : "هضرت بكل جدية ولاول مرة كتهضر ."الى عزاز عليك ولادك حلفتك بيهم ديني فحالي الله يرحم ليك ما عز عليك ..

ليالي : شافتها جدية .."وخا فين بغيتي تمشي لداركم !؟

حليمة : غاد نمشي عند ختي ليلى ..فاش هضرت معاها لبارح قالت ليا جي عفاااك اماما عفااااك ا اهى ...

ليالي : "شافت تاعيات وهي " واخا يكون خير ارتاحي هاد الايام وغانديك عندها ولكن بشرط ..

حليمة : !! 

ليالي : غادي نكونو على تواصل عمرك تقطعي عليا ...

حليمة : عمري نقاطعك والى درتها ربي مغايكملش عليا نتي راك ميمتي الي منلقاش فحالها والي ميمتي بصح ولاحتني ..

ليالي : عارفة ابنتي راك روحي حتى نتي بحالك بحال لين وميار وني...

حليمة : مبغيييييييتش نسمع سميتو عفاااك اهى اهى كنتخلع الله يوحم ليك الوليدين ..

ليالي: واخا صافي ابنتي صافي غا تهدني ...يلاه واحد شوية ومجيب ليك الفطور ودواك تشربيه سيري غسلي حالتك احبيبتي ..

من بعد ما خرج من عندو الراقي هذيك الليلة ...طلب من هادوك يهزوه ويحطوه فوق ناموسية حيث مني كمل معاه تهز حتى تهز وهو يتقلب طاح ناعس مجايبش الخبار عاد سكت الراقي وخلاه ينعس ...

مهدي : امضرا ..

الحسن .: الحمد لله ولكن غدا غادي نرجع عندو ولا هو را غيابغي يجي عندي راسو الى بغا غانبقا معاه سيمانة تانتاكد مزيان مهم على سلامتو ...

غيث : الحمد لله ...ياكما محنك ...

المهدي : بحرا بان ليك 😒😒

الحسن : ههه لا اولدي راني مولف ...نصيحة هاد الدار ديما تطلق فيها رقية ..

بقا يهضر معاهم وهو يمشي وصلو مهدي حيث كان وصل وقت متاخر من ليل ...

بقا نااعس اليل كلو وتقول واش فاق حتى صبح الصباح واول محل عينيه لقا في جبنو باه عند راسو ومهدي وميار ...

نيار : "بقا كيشووووف فيهم " 

غيث : صباح الخير ولدي كيف صبحتي ...

نيار : الحمد لله ...ضار كيقلب عليها بعينيه ..

ميار : مالك اخويا بيك شي حاجة !! 

مهدي : مالك !!

نيار : فينهيا حليمة !!!! 

مهدي : ماتت 🙄

نيار : ناض مفزوع ...اشنو !!! فين حلييييمة ..

غيث : "ضار جيهة مهدي ." تا مال ديلمك كطير ...ولدي تهدن ...نوض دوش ونهضرو ..مكاين والو غا هاد الكيدار هبيل مالك معارفوش ..

ميار : وتقول واش توب العميم ...

مهدي : لاش نتوب اولد المجوطة ..راه عارف اش دابر ...

نيار : اش داير ااااش مالها فينهيا ..

مهدي : واش صافا با..."تفكر اش قاليه الراقي بالي بعض الافعال الي كتكون نتيجة عن غير قصد مكيكونش عاقل ولا عارف اش دار " هااا والو سير دوش وتوكض وخرج عندنا وتعرف مالها ...

نيار : فييييين هي ...ناض كيعيط عليها كان لابس شورط قصير وتيشرت لبسوه ليه غا هما ...ناض خرج من البيت وكيعيط بسميتها ..حلييمة ..

تبعوه وهو يشدو ميار وقادو معاه ونطق ...

ميار : نيييااااااار كااالم حليمة مكااايناااش اصحبي مشات لفااس ...

غيث : ميااار 

ميار : صاافي الوليد قوليه اش كاين ...

نيار : واااخا هاني كالم مهدن غير قولو اش كاين ...

مهدي : وخا اجي معايا لصالة ونهضرو ..

نيار : اوكاي ...تبعوه وتبعو غيث وميار وكلسو فصالة عاودو ليه كلشي من طاق طاق تلاخر ..

نيار : "شاد راسو بين ايديه " انااا حماااار حماااار ...يااااااربي اش درت فحياتي اش درت...

غيث : وداكشي الي شفتي هذاك ...

نيار : هذاكشي عاقل عليه مزيان اشنو شفت الوليد انا عارفها اش كتسوا وخا صعيبة عليا نتقلل شي حد يقيسها وكنت غانتصرف تصرف اخور...غاناخذ تسجيلات وغادي نزيدهم على دلائل الي كنجمع حتى نغرق زا**** بوه تالودن ...

غيث : واش نتا مزاااال مباغيش تفرق عالنم واش ساخي بروحك هاااا 😡😡😡

نيار : بربييييي لا بقات فيه اناااا مغاندييير والو غادي نخدم بسمات حتى نجمع لكلبة مو جمعة وحدا ... خرج عليا ومزال زايد فيه دمر ليا عائلتي شتتنا ومزال زايد فيه ...ومزال نعرف شكون دار ليا داك العجب بربي لا بقات فشي زا*** 

غيث : هذااا الله هذااا الله ...

ميار : واخا سير بعدا دوش ولبس واجي تفطر ..

نيار : "كيشوف فلارض وعينيه مرمشوش " حليييمة 

ميار : الوليد سير تفطر باش تشد طريق ...

مشا غيث وبقا مهدي وميار..

ميار : توكض مع راسك وفكر اش دير معاها ..

مهدي : صعيييب 

نيار : الق*** الي صعيب ..غانرجعها كون هاني 

مهدي : نتا وخا ديلمك يسكنك شمهروش فمك خاسر كي الزمان ..يعطيك غبارة ...نوض قودعليا ينعل القواد بوك 😡

مر اسبوع بالتمام على كل حدث وقع بعد شفاء نيار بالتدريج تبع مع الراقي فكل حصة كان كيمشي كان كيحس براحة وقرر انه يتشافى باش يرجع نيار القديم الي جبل ميهزو ريح وبشا يكمل انتقامو لكن هاد المرك بالحس حتى يضرب ليه الضربة القاضية ..وباش يحاول يرجع حليمة ليه الي توحشها حتى فات القياس ولا فصباح يشوف صورتها وبليل ..رجع غيث 

لفاس فين باقية ليالي مع حليمة ... اضطر انه يهضر مع ليالي ويعاود ليها كلشي الي جرا بالتفصيل كيف مكان الحال ولدها هذاك فلول تقهرت وشحال عاتباتو انه مقاليها والو بكات وتقهرت مصبرت حتى رجعت هضرت مع ولدها عاد تنفست ...

اما حليمة فكتسنى غير تبرا شوي وترجع لعند ختها وبينما جابو ليها انتقال لمدينة الداخلة اضطرت انها تقدم شهادة طبية لهاد الايام كاملة الي غاتغيب والي عطاها ليها طبيب فاش كانت في مراكش ...بدات كتسحن شوي بشوي ولكن نفسية باقي في الحضيض حقدت بالبيان عليه وفينما تسمع سميتو تقفز حتى مبقاوش قدرو يجبدوه...

كانت ليالي فالكوزينة هي وسورجان كانت كتشرب فدواها وسورجان مقابلة لخدامة كتوريها اش دير فالغذا حتى صونا تيليفونها ..

ليالي : هذا نيار انا غانخرج نهضر معاه برا "خرجت حتى لجردة وجاوباتو " 

نيار : الوليدة حبيبتي كيف صبحتي ..

ليالي : الحمد لله اولدي ونتا ؟ 

نيار :الحمد لله الى نتوما بخير ...

ليالي : الحمد لله اولدي ياك باك كتهضر معاه ديما اولدي وعاد البارح تاني كان معاك دغيا توحشتيه هههه 

نيار : نتوما نتي وهي ...

ليالي : ولدي ماشي دابا وقتو ..

نيار : توحشتها اميمتي بزاف وعارف راسي غالط فحقها مكنتش عارف اش كندير ...وتادابا مغاندير والو بغيت غير نسول عليها وصافي ..

ليالي : هي بيييخير ...ولكن اولدي بلا منقوليك نهار جبتها من عندك حلفت تنديها ومنقدرش نرجعها ليك صعيب بزاف هي بنت ناس غير خليها عليك ..

نيار : مييمتي حسي بيا ...مكنتش واعي وخا شفتها فداك الوضع كنت متيق انها متخونيش ولكن كانو شي حاجات اقوى مني كيخليوني ندير ليها هكاك ثيقي بيا مكنتش واعي حتى عادو ليا كلشي انا حمار وكلب ...

ليالي : الله يهديك اولدي الله يهديك انا عارفاك ولكن هي مبغاتكش حلفتني بولادي نرجعها فحالها ..

نيار : اشنووو !!! مترجعش ...

ليالي : خليها عليك هاد الايام ميك عليها خليها ناسيا ويكون خير ..

نيار : نطلبك طليبة اميمتي مترجعيهاش فوجهي الله يخليك ..رحميني وقبلي ..

ليالي : امر اولدي مالك ..

نيار : غادي نعاود نعيط ليك بريفي وقولي ليها تحاوب فبلاصتك بلي نتي ممسالياش وعطيني نسمع غير صوتها الله يخليك ...

ليالي : "بعد صمت"وخا قطع ....داكشي الي كان قطع وهي تمشي لعندها كانت كالسة في جردة ..

ليالي : اربي ابنتي جاوبي معرفتش شكون نجيب غير دوايا بزربة ونجي عفا بنتي ..

حليمة : واخا ماما ..عطاتها تليفون وهي تجاوب ..

حليمة : الو ..شكون 

نيار : "غمض عينيه قلبو بدا يضرب فتسعين فور مسمع صوتها " 

حليمة : الو شكون واش عمي غيث ..

نيار : "مصبرش " حليييمتي ..

حليمة : 😳😳 قطعت وهي تلوح تيليفون فلارض ...

اليوم وفي المكتب ..كان مهدي ونيار مشغولين ...مهدي بقا معاه باش يتعاونو على كيفاش حتى دخل معتز لدارو ...مبغاش يخليه فهادشي وحدو فضل يعاونو وميخليهش فوسط هاد الحرب ..

كالسين فمكتب نيار الي مدة وهو كان غايب عليه ..

مهدي : "شاف في ساعتو " تت شفتو تعطل هاد الزمر عندك ..

نيار : "بشوفة حااادة كيلعب فلحيتو بصبعو " هاهو غايدخل ..

مكملهاش وهو يدق سمح ليه بالدخول ودخل شخص طويل القامة ومكضر وصحيح من احد رجال ديالو والي كلفو يجيب ليه كاع تسجيلات وكل من هي طلبها منو ...كان جايب معاه ملف عامر وراق وفلاشة صغيرة ( USB) ...

نيار : هادشي كلشي الي قلت ليك تاااحاجة مناقصة ...

هو : تاحاجة اسي المرواني ..

نيار : عزيز متاكد راك عارفني شغلي يكون ناااضي ...

عزيز : كون هاني الشاف ..

نيار : صافي مزيان تقدر تمشي منين نبغيك غانعيط ليك ووجد راسك نتا ودراري واخاا ..

عزيز : واخا ..

خرج هو وضار نيار جهة الماك ديالو دخل الفلاشة ...

مهدي : وشوف الوراق بعدا عاد شوف تسجيل ..

نيار : حليمة قبل كل شيء ..

مهدي : مزينك مال هادشي مقلتيش مني كنتي تعصي فيها تالدابا ...خنزر فيه نيار تخنزيرة ديال لقتيلة ..

نيار : بلا...

مهدي : صافي غا سكت عرفناك ..يلاه خدم داكشي طلقنا خلينا نشوفو ...

شعل الفلاشة وهو يخدم تصوير كان كاع ديال 

البارطمات الي حداه ومنهم شارع ديال الموبل الي ساكن فيه هو وباعتبار المكان من ارقى الاماكن فمراكش فدايرين فيه الكاميرات حتى الى مكانوش فتيكونو ديال لفيلات مسيطرين تما...بقا يتفرج هو وياه حتى وصلو لواحد اللقطة فيها سيارة سوداء كلها خرج منها معتز والي صدمو حتى خرج عينيه كان العساس الي كان بالنسبة ليه فحال باه هاهو قدامو كيغدر فيه ...

نيار : شرار بدا يطلع ليه " ولد لق*** الغدااار ..

مهدي : وييلي على الكلب ..حولو غبر ليه ساس ..

مجاوبوش نيار بقا مركز حتى وصل لقطة فاش حل ليه الباب كان من كاميرا البارطما الي مقابلة معاه بارطما ديالو ودخل ..العساس ديالهم عندو سوارت العمارة كيخليوهم ليه في حالة سافرو ووقع مشكيل وهما مكانوش وطبعا العساس حتى كيكون ثقة ..

نيار : "كيهضر وعاض على سنانو " زاااااا**ولد لق*** "تفكر" ...فواحد اللقطة كان موگض فيها ورجعت بيه ذاكرة ...

حليمة : اهى اهى رحمني والله كيحساب ليا نتا حيث شميت ريحتك اهى اهى ...

نيار : "بجنون الفقصة الي ركبو فيه منين شاف شريط ماض بوقفتو غوت غوتة زلزلت المكتب وشتت كاع داكشي الي قدامو... " اعععععع ينعل ديييييينموووو الزاااااا****واعععع بربي لا بقااات فيه ...

بغا يخرج وهو يشدو مهدي ...

مهدي : نياااااااار سكااات كاالم ...هادشي مغايفيدكش تفكر اش قررتي ياك قلتي غادي تنتاقم بسكات بغيتي ضيع كلشي هاااا شوف فيااا ...فكر فراسك فكر فيها هي ياك باغي ترجعها لمن غاتخليها هااا

نيار : "باقي كينهج " وراه هادشي الي مرضني هااادشي كانت كتناجي فيا ومرحمتهاااش حتى وليت بالنسبة ليها اكثر واحد كتموت منو علاش هادشي على قبل قح*** دمرونا ومزالين ...

مهدي : حتى دابا موقع والو غير تكالما الى بقيتي هكا غادي تزيد تصعب عليك انك ترجعها ليك ..حاول اولدي ضبط اعصابك حيث العصبية مغاتفيدك بوالو ...تهدن الله يرضي عليك ..

نيار : "تزدح فوق الكرسي وحط راسو لور كيتنفس " يكوون خير يكون خير ...

حليمة ليا ومغاتكون غير ليا انا ...طال زمان ولا قصار ومهما كانت ضروف...

مهدي : ايوى هادشي الي تقول تا نوضتي تسونامي عاد نطقتي هاد الهضرة ...شي نهار دير فجدري سكار على اخر يامي ..

تمر الايام والايام ويزداد فيها الشوق والانتظار ...وها هي اسبوعين اخرى دازت من حياتهم فهاد الاسبوعين الي طال فيها الشوق والانتضار وللوم على الي وقع والحزن وانتظار بفارغ الصبر انها ترجع عنده ختها كيف واعدتها ليالي ...كانت كتسنى غير ترسى امورها وتديها عند ختها بطلب منها وهاهو وصل اليوم الي غادي تقرر انها تحجز ليها فطيارة معاها هي وغيث الي بغا يمشي معاهم حتى يسلمو الامانة الي كانت عندهم نهار جات .....لختها ويهضرو معاهم ....

ليالي : "دخلت عندها البيت لقاتها كالسة كتخمم وسارحة كيف ولات عادتها وهالعار غير تبقا فهاد الحالة ومتبقاش تجيها الكوابيس " بنتي صباح الخير ورباح كيف صبحتي ..

حليمة : "بابتسامة خفيفة والغمازات مزينين وجهها " الحمد لله احبيبتي ..

ليالي : تهبطي تفطري معانا !! 

حليمة : "بعد تفكير " همم واخا 🙂

ابتاسمت ليها ليالي وخرجت هبطت وهي ناضت جمعت البيت ولبست عليها كاب فالكري فوق بيجامة فالاسود ولابسة بانطوفة قطنية فرجليها على شكل مشيشة وشعرها جامعاه اسفنجة مهملة ووجيهها مزينگ ...هبطت مع دروج حتى كتسمع صوت مالوف عرفاتو شكون هو ولما لا وهو المصف الثاني ديال صاحب دعوتها ...كان ميار الي جا لعندهم بحكم ان مو باقية في فاس 

كان الكل الا مهدي الي كان مزال فمراكش مع نيار ...

غيث : اش خبار الخدمة اولدي فين وصلتو ...

ميار : هاحنا غادين ولله الحمد ياك قاليك عمي مهدي على سفر ديال دبي ؟ 

غيث : وي فراسي انا مضغوط بالخدمة ..سير نتا وياه وني...."حبس منين شافها نازلة " احم 

ميار : ضار شاف شكون جاي وهي تبان ليه هابطة حنيكاتها بغاو يطرطقو كيف ديما ومهبطة رويسها .." ختي حليمة صباح الخير ..

حليمة : "ابتاسمت ليه "صباح الخير خويا ميار ..

ميار : صافا صافا ختي هههه 

حليمة : صافا "بابتسامة خجل " 

ميار : "شاف في باه " را جبت ليكم لبيي ديال طيارة ..

غيث .: امتا ..

ميار : غذا مع سبعة صباح كيف قلتي ليا ولكن غادي دير روطار يعني العشرة تقلع ..وعندكم روتور نهار تنين في صباح ...درجة رجال الاعمال 

غيث : مزيان حيث غدا الاحد مخدامش ( البنات الي غاتجيهم عجب علاش طيارة حيث من فاس لداخلة را جايا ليومين ديال طريق " 

ليالي : بنتي فطري ..

سورجان : حبيبتي تبغي تخرجي مع عبير ؟؟

عبير : اه احليمة اجي نخرجو ونفوجك مزيان قبل متمشي عفاك 😞

حليمة : "حذرت راسها ونطقت بشوي " وااخا ...

عبير : يلاه فطري انا نطلع لفوق نبدل ونتسناك وصلي عليا نجبد ليك متلبسي اووكااي ..

بقات حليمة حتى فطرت وهي طلع لعند عبير اما البقية فبقاو من بعد ماطلعت شي كيشوف فشي حتى نطق ميار ..

ميار : في خبارو غاتمشي ؟؟

غيث : في خبارو طلبات من ليالي تمشي ولكن على غذا مفخباروش ..

ليالي : عنداك تقولها ليه ..

ميار : وعلاش الوليدة حشومة عليك خليه يجرب فرصتو معاها ..

ليالي : واش هي كتبات تحلم وتقفز فليل وغير كتسمع سميتو رعب دنيا ودين كيجيها ...

ميار : وخااا الوليدة ولكن راه خاص يعرف احسن من ميعرفش ويصدق قالب دنيا نتي معارفاش ولدك كيفاش داير ...

غيث : البنت اميار كتسمع غير سميتو كتولي تقفقف كتبغي تجنن مبقااااتش بغاتو واش غانبغيوه ليها بزز ...بغيتيها تهرب ...

ليالي : عيييت معاها ..ولكن راني حضرت ليها فليل كتبات تغوت وخايفة ...ولا كتكون كالسة ساهية حتى كتبدا تقفز ...هاد الايام تكالمات ..خليها ..تبقى مع اختها وديك ساعة يكون خير ...تاحاجة مكتجي بزز اولدي كلشي بشوية ...

ميار : بفففف ...وتاهو حالتو ميعلم بيها غير الله ...حتى هو مكانش لخاطرو ...حتى خدمتو مبقاش كيديرها كلشي تخربق ليه ...

ليالي : "بحزن " الله ياخذ الحق فالي كان حيلة وسباب ...

في البيت ديالها فين كتنعس كانت كالسة وعبير عند الماريو كتجبد فالحوايج وتستف وتقلب حتى جبدت ليها تريكو صوفي عريض فالبيج وسروال سليم كحل ومعاه شال ديال صوف فلون السروالو كحل ..

عبير : همم هادو ايجيوك روعة ..اصلا نتي شهيبة يجيك لبيج مطرطق ..

حليمة : غير ساهية حتى قفزتها منين حطت عليها ايدها ...ها !! 

عبير : ههههه فيييين غطستي ..مهم سيري لبسي هادو ..

حليمة : ياكما قصير ..

عبير . : ههه لا متخافيش مقصيرش ..

خدات من عندها الحوايج ودخلت لطواليط لبستهم وخرجت قادت ليها ضفيرة فشعرها ودارت ليها شال وعطاتها بوط فالبيج لبستهم ولبست فوق منهم مونطو فالاسود مفتوح من القدام ...رشت ليها شوية البارفان وهما يهبطو بزوج ...بغات تخرج معاهم ليالي ولكن فضلت تخليها تخرج مع بنت الي قريبة من سنها وعاد معاهم شيفور يعني هي فالامان ...هما خرجو ومشاو نهار كلو وهما كيضورو حتى وصل ليل ...

ليالي : تت تعطلو ..

سورجان : متخافيش هاهما شوي ويدخلو عيطت ليا عبير ...

ليالي : اووك صافي ..

مزالين كيهضرو حتى سمعو صوتهم كانو وصلو لدار ...دخلت حليمة وجهها صفر ..كلست حداهم 

سورجان : على سلامة الزين كن ماعيطت كنتي متجيني حتى لصباح عاد ..

عبير : لا اماما را تعطلنا حيث حليمة مرضات مبغيناش نشغلوكم ...

ليالي : "شافت فيها وكتقيص ليها في وجهها " اويلي !!بنتي مالك اشنو بيك ..ضراك شي حاجة !! 

حليمة : شادة كرشها ..والو كنحس بمعدتي ضراني بزاف ودوخة ..

ليالي : "بشك " وايلي ..وماالك شادة كرشك ..

حليمة : كنحس بشوية الوجع هنا " وراتها فوق الرحم ديالها " 

ليالي : تت وديك ساعة اعبير سيرو لسبيطار علاش جيتو ..

عبير : وراه غير دابا وبغيت نديها مخلاتنيش قالت ليا منين كتجيها ليغيگل كدير ليها هكا ...

ليالي : متاكدة ..

حليمة : اه متاكدة ..

ليالي : واخا انشوف شي دوا نعطيه ليك ..

حليمة : لا مكنشربش دوا غانتقياه فاش كتبغي تجيني مكنشربوش ..

ليالي : واشنو كديري 

حليمة : كندير كوكا والخزاما كانت كتبخهم ليا ماما وكنولي لباس ..

ليالي : الفنيد احسن ليك من داكشي ..

حليمة : لاا غادي نرجعو الى كانت فيا كنرجع دوا شحال من مرة جربتها ..

سورجان : وخا غانقولها لحياة تصايبو ليك دابا ...عيطت لخدامة قالت ليها توجد ليها اشنو بغات وفالحين وجداتو ليها كاس كبير ..شداتو وتكات عليه دقة وحدة ...

ليالي : الى عيانة سيري تكاي ...

حليمة : وخا ...طلعت لفوق لبيت دخلت بدلت حوايجها ...ودخلت لطواليط قلبت لا تكون ليغيگل جاتها ولكن ملقات والو ...خرجت تكات فوق ناموسية ...بقات كتفكر حتى داز سيناريو قدامها ...

حليمة : عفاااك رحمني قتلني لبرررد...اهى اهى رحمنيييي اهى اهى ...

نيار : دفعها حتى جات لارض ...الق** غا ق*** حيدييي عليا ايديك الموسخة ...

حليمة : اممم اهى اهى ...عفاااك مضربنييييي ..."بقات تفكر فضرب الي كان كيضربها ببزيم صمطة " 

شدت راسها كتسد فودنيها باش متفكرش غواتها والبرد والكز الي كانت فيه وني عريانا ...كتنيييين باش يتسمعش ليها غواتها في راسها وهي كتناجيه وكطلب فيه ومرحمهاش ...امممم اهى اهى امممنننن ...عفااااك اهى اهى ...بقات تبكي وتنين حتى حست بوجعة خفيفة شدتها ثاني تحت كرشها ...مسحت دموعها بقات تمسد فيها حتى ترخااات ونعست ....وفي الجيهة لاخرا كان حتى هو متكي فوق الفرطوي شاد تيليفونو وكيتفرج فتصاورها...

نيار : شحااال توحشتك اعمري ...

اصبح يوم جديد ...مع الصباح بكريييي صونا المنبه وناضت فيقت غيث الي حتى هو ناض وبدلو حوايجهم ...

ليالي : انا نمشي عندها نشوفها ونتا كلمل لباسك وهبط لتحت حتى لحقو عليك ..

غيث : واخا احبيبتي متعطلوش را مبقاش الوقت ..

ليالي : وخا احبيبي ...

خرجت من البيت ودخلت لعندها لقاتها فايقة وكتلبس وتقاد وعلى وجهها ابتسامة ...حتى هزت راسها فيها ...

ليالي : صباح الخير بنتي ...واجدة ..

حليمة : صباح نووور هههه واجدة نمشيو ؟؟ 

ليالي : "شافت فرحتها وبقا فيها الحال وخا هكاك كانت متمنية انه يكون ولو امل بسيط انهم يرجعو ولكن ...مع الاسف ..." فرحانة ابنتي ؟؟ 

حليمة : غانمشي عند ختي واخيرا ههه ...مشات عنقتها وضورت ايديها على ضهرها ...غانتوحشك اماما ليالي معمرني غانساك ...

ليالي : "عينيها غرغرو بالدموع " احم ..حطت ايدها على شعرها الذهبي ..حتى انا ابنتي ..اجي ياك غانشوفك وحنا على تواصل علاش غاتوحشيني هااا ...

حليمة : انا عمري مغانساك وعمري مغانقطع عليك ..والله 😢

فهاد اللحضة مقدرتش ليالي تكتم دموعها وهي تنهار وبدات كتبكي ...

ليالي : نتي جوهرة ابنتي والي ضيعك ميستاهلش ..اهى اهى ..

حليمة : ماما متبكيش عفاك ..نتي مريضة ..

غيث : ليالي يلاه را غايفوت الحال ...

ليالي : مسحت دموعها ..يلاه ابنتي نمشيو ...غير خلي الفاليز شيفور غايطلع دابا يجيبهم ...اري ايدك ..

حليمة : عفاك را قبل متجي كنت صايبت كوكا والخزامة درتهم في تيرموس وخليتهم فالكوزينة ...

ليالي : وخا نهبطو وغاتجيبها ليك حياة ..

حليمة : اووك ..شدت فيها وهما يهبطو بزوج كانت ساعة قريبة لشي تمنية ونص كيخصهم يكونو قبل بساعة ونص او ساعتين ...طلع شيفور جاب لفاليز ودخلهم لطموبيل وركب ديمارا مشاو نيشان لمطار فاس ...دغيا كانو فيه ....

غيث : ساعة وغادي ندخلو ..

ليالي : واخا احبيبي ...

غيث :خودو شي حاجة ...بنما جيت ..

ليالي : فين غادي ..

غيث : غانمشي نكمي ونرجع بب ..

خلاهم بزوجات فالكافي ديال لمطار خداو فطور ليهم وهي تفكر حليمة التيرموس الي جابت ..

حليمة : اه نسيت خاصني نشرب كنحس بالوجع كيشدني ..

ليالي : واش متاكدة ليغيكل ابنتي ..

حليمة : اه هي ماشي بزاف كتجيني بالوجع ولكن فينما كنحس بيه هادشي الي كندير ..

ليالي : واخا احبيبتي ...

خدات تيرموس الي كان باقي فيها الخليط ديال لخزاما وكوكا ...باقين سخان ..شربتهم حتى كملت تيرموس ...وهي تحس بشي حاجة مزيرة عليها من لتحت بحال بغات تخرج...

حليمة : اممم ..بغيت نمشي لطواليط ...

ليالي : مالك !! 

حليمة : والو غير بغيت ندير شي حاجة ...

ليالي : وجهك صفر بزاف ..راك خلعتيني عليك ..

حليمة : غانمشي ندير شي حاجة خفت تجيني وانا فطيارة ..

ليالي : وخا يلاه نوضي نمشيو بزوج غايجي غيث وميلقاناش ...

ناضت معاها لطواليط دخلت دارت فوطة صحية ..مرة مرة كتغمض عينيها من الوجع حتى خرجت وهما يخرجو بزوج لقاو غيث كيتسناهم مشاو عندو ...خرجو من الكافي وزادو لبلاصة فين كيدخلو لممر المؤدي لبلاصة فين كيعطيو لبيي ولباسبورات ...كان غادي سابقهم وليالي وراه ...حتى وقفت حليمة شدت في كرشها وهي تغوت لربي الي خلقه حتى ضار كلشي جيهتها ....

ضارو بزوج جيهتها بصدمة لداكشي الي شافو قدامهم ...غيث ماعرف باش تبلى ولا غا كيشوف اما ليالي بصدمة حطت ايدها على فمها الي حلاتو وقلبها تهز تالسما ...ورجليها فشلو عليها مقدرتش حتى تحرك جيهتها ...

حليمة : مم مماااا ماماااا كرشيييي اااااااا اهى اهى ...من صدمتهم الي شافوه معرفو اشنو داكشي ...كان دم نازل ليها بكثرة تحت منها ودايرة ايدها تحت منها ودموعها دايزين بحر الالم الي كتحس بيه ...بقات تغوت حتى جا غيث لعندها كيجري ...

غيث : "شافها بغات طيح " ششش تت لا لا بنتي توكضي ..مشا ليها كيجري حتى لعندها شدها هزها بين دراعو هكاك ..ضار جيهة ليالي لقاها مزال مصدومة ...

غيث : "غوت حتى قفزت " لياااااالي توكضي توكضيييييي ...

ليالي : هااا ..حلييييمة بنتي مااالها ...

غيث : "كيغوت " والمرض شي حد يعي لومبيلونص ..

حليمة : ااااااا اهى اهى كرشيييي اهى اهى مااااااماااا بزااااف ...شي حاجة بغات تخرج مني اهى اهى ...

ليالي : شش ابنتي غا صبري احبيبتي هاحنا غانديوك ...

جاو شي بوليس كيجريو لعندو ...عيطو الاسعاف كاع الناس الي فالمطار ضارو كيضوفو فيهم شي كيتحسر وشي كيشوف وشي هاز تيليفون وكيعيط حتى هو الاسعاف ...

غيث : هازها بين دراعو كيف نميلة ..بنتي الله يرضي عليك توكضي ..ضار جيهة ليالي .. هضر معاها بشوي...مالها واش كلات شي حاجة ..

ليالي : كتبكيييي ..ماعرفتش ياررربي ميكونش الي فبالي ياربي اهى اهى ..

غيث : "باستفسار " اشنو الي فبالك ..اش كاين ..

ليالي : يقدر ..مزالت كتهضر دخلت لومبيلونص ديال لمطار ودخلو النقالة حطوها و داروها فيها وهزوها كيجريو لومبيلونص ..خرج غيث وليالي كيجريو كان شيفور واقف كيتسناهم غير بانو ليه حل الباب ركبو وتبعوهم كيجريو ...

بعد اقل من ساعة كانو في الكلينيك دخلوها لمستعجلات كيجريو ...بقا غيث وليالي ..كيتسناو حتى لحق عليهم ميار ... ....

ميار : ياك لباس ..

غيث : ماعرفتش امهدي ماعرفتش .."عاود ليه اش جرا " 

مهدي : ياربي سلامة ...

ميار : قلتوها لراجلها ..

ليالي : لا مقلناهاش ..

ميار: انا غانعيط ليه ..

ليالي : مياار ..

ميار : عيقتو الوليدة بزاف اوه وخا يكون هتلير راه باقية على ذمتو خاصو يعرف ..حشوما عليكم وابزاف هادشي...طلع ليه دم وخرج لبرا ...بقات هي حادرة راسها حتى طبطب ليها غيث على ايدها ...ساعة وهما كيتسناوه حتى خرج عندهم طبيب ...

غيث : امضرا ادكتور ..

طبيب : لحقناها فاخر لحضة وقع ليها نزيف حاد كانت على شوي توقع ليها شي حاجة خايبة الله يستر ...ولكن مع الاسف ..

ليالي : "بخوف " اشنو !!! 😰...

طبيب : مقدرناش لحقو الجنين 

غيث : الجنين !! ضار شاف في ليالي ..

ليالي : "طاحت على طولتها فوق الكرسي وشدت راسها " الله ياربيييي ...

طبيب : كان يلاه فشهرو اللول مزال مكامل ولكن وخا هكاك مكانش نمو ديالو غايكون مزيان كن بقا كان مغايصبرش ليها او يوقع ليه شي تشوه خلقي ...

غيث : الله اكبر ..وهي دابا ..

طبيب : هي دابا حالتها مستقرة عطيناها دم الي ضاع منها عوضناه ليها وان شاء الله تفيق ...دابا غانتسناوها غير تفيق ان شاء الله ...الله يجيب شفاء ...

ليالي : الله ياربي وفين كان مخبي هادشي يااااربي...اهى اهى ...جلس حداها غيث كيبوس ليها فراسها ويطبطب عليها ...

بقاو معاها هذاك نهار كلو حتى وصل ليل ...وصلات عليهم سورجان وبنتها الي كيف ساقو الخبار قالوها لمهدي ولحقو عليهم ...بقاو معاهم نهار كلو حتى وصل ليل ...كانو كالسين فالكلوار ...حتى سمعو صوت الغوات ...

ليالي : هاهو جااااا ياربيييي اهى اهى ..اش غانقولييييه ..

غيث : غايكون ميار شرح ليه ...

مزال كيهضر حتى وقف عليهم كينهج وعينيه حمرييييييين بجهد ومخنزر تخنزيرة ولو مكانوش واليديه كن خلطهم ....كيتنفس بجهد بحال شي ثور ...

نيار : كنتو غاتديوها بلا خباري وولديييي مشااا ...اش درت فحياتي اناااا هااا ااااااش درت ...

غيث : نيار ... ولدي تهدن وغير بشوية راك فالكلينيك...

نيار : بشوية علااااش بشوية ..واش ماشي ولدكم انا هااا ...غاا بلاتي ...

عبير بان ليها حالتو متعجبش تخشات فامها من الخلعة ...

ليالي : لا رد غير كتبكيييي...

نيار : وعلاااااااش اربييي علاااااااش ...وااععععععععع واربييييييييي واربييييي اش درت ااااااش درت ...كلشي مشااا مني كلشيييي حتى ولدي الي معرفتو واش كاين مزلت مفرحتش بيه مشاااا ...وااعععععععع ...

مهدي : ولدييييي تكالما ..ميار شد خوك اصحبي كتفرج فيه ...بغا يشدو ميار وهو يدفعو ..هز ايدو تالسما وجمعها على شكل بونية وخبطها مع الحايط حتى جا فرتيتو فلارض ...

دازت يومين وهي باقي مفاقت ..مخلاوهمش يدخلو عندها ...حتى ...

و الغرفة الي ولات شبه معتادة عليها فور مكتحل عويناتها ...هاهي ثاني غاتحل عليها عينيها من بعد يومين وهي ناعسة ...وهادي المرة الثالثة ...كانو دايرين ليها مصل ديال القوة ..تحت عينيها ولا قهوي وفمها ولا بيض ...كانت عند راسها الممرضة ...

حليمة : اممم ...كتبغي تهضر وحلقها ناشف ..

الممرضة : "شافتها " صباح الخير احبيبة ...على سلامتك ..خاصاك شي حاجة ..

حليمة : ب بغيت نشرب ..

الممرضة : وخا تسناي نعيط لطبيب ونعطيك تشربي ...

خرجت الممرضة من عندها كيف خرجت كان نيار كالس فوق الكرسي وداير ايدو على فمو وساااهي وحداه ليالي الي كان باين عليها العيا وهي مريضة ...شافها خارجة كتجري وهو ينوض من الكرسي واعتارض طريقها ...

نيار : اش واقع !! 

الممرضة : المريضة فاقت وخاصني نمشي نعيط لطبيب ...

نيار : "بفرحة " فاقت هههه وخا سيري سمحي ليا ...مشت هي وضار جيهة مو بالفرحة عنقها وباس ايدها ...

هههه فاقت اميمتي ..

ليالي : هه على سلامتها اولدي...

نيار : بغيت نمشي نشوفها ...

ليالي : مم معرفتش ...

نيار : الولييييدة ويااااك !! 

ليالي : واخا حتى يشوفها طبيب وديك ساعة دخل شوفها ....

نيار : باس ليها راسها ..الله يخليك ليا احبيبتي...بعد دقائ من بعد ما دخل عندها طبيب خرج عندهم وفي وجهو علامة الفرحة ..

الطبيب ..: على سلامتها..دابا ولات مزيانة وامورها مزيانة غاتبقا عندنا حتى نديرو ليها تحاليل وترتاح عاد يمكن ليها تخرج ...

نيار : نقدر ندخل نشوفها ...

طبيب : ايه اولدي تقدر ...

نيار : الوليدة انا غاندخل عندها دعي معايا ...

ليالي : الله يسر ليك والله يرضي عليك اولدي..

كانت مغمضة عينيها وبحال غلبها النعاس حتى غفات ...حتى دخل كيتمشى بشوية وكيطل عليها وقلبو كيزدح ...بانت ليه من بعيد مجبدة ومغطية ...وخا في مستشفى ريحتها مخفاتش على انف ديالو شم ريحتها حتى غمض عينيه...بقا كيقرب بشوية حتى وصل لعندها ...كانت مغمضة عينيها وعلى وجهها ملامح العيا بكثرة ...لون شاحب عينيها دخلو ...

وصل لعندها وجر كرسي بشوية حتى استقر بالقرب مها وكلس ...

نيار : "عينيه حمرين " خدا ايدها بشوية ...كيتسناها تفيق ويشوف ردة الفعل ديالها ساعاك مفاقتش ...الشي الي خلاه يتشجع وياخد ايدها يخشي وجهو وسطها ويشم ريحتها الي توحشها ..

نيار : حبيبة قلبي ...عارف راسي ضلمتك واذيتك بزاااف واي حاجة متشفعش ليا عارف راسي عصبي وكنبقا راجل وخا زدت فلادوز وعذبتك وهنتك وضربتك احبيبتي ولكن ثيقي بيا مكنتش لخاطري ...فيقي ونشرح لمرتي حبيبتي كلشي انا ثايق فيك وعارفك اش كتسواي ...فيقي احياتي وخاصمي عليا ...فيقي وديري عليا كلاخك وهبالك فيقي فقصيني ...عايريني وضربيني ديري الي عجبك ...

والولد الي ضاع مننا نعوضوه ان شاء الله غانديرو ربعة من وراه وانا غانكون معاك فالحلوة والمرة ...نتي معارفاش مكانتك عندي معارفاش اشنو كتعني ليا نتي هي الصفحة البيضاء الي حلات حياتي نتي نورتيها ليا بهبالك وضحكتك اعينيا ...كنبغييييييك بزاااف وتوحشتك بزااااف ...

كان شاد ايديها كيهضر ويبوس فيهم حتى حس بيهم كيترعدو ليه بين ايديه ...هز راسو لقاها كتبكي ودموعها محابسينش ...

نيار : حليمتي ...ششش ...بغا يمسح ليها دموعها وهي تكحز بحال خافت ...تت متخافيش احبيبتي...

حليمة : الى كنتي كتبغيييني...خليني نمشي فحالي ... خليييني عليك ...مبقيتش بغيتك مبقييييتش ...الى رجعت ليك نموت ...بحساتي وحياة ولدك الي مشا خليييني ...خليني نمشي بمرة ...

نيار : حلييييمة ...

حليمة : نموووت ومنرجعش ليك ...مسحت دموعها وشافت فيه ولاول مرة كتهضر وعينيها الزرقين جاحضين ....الى سميتك راجل دير نفس وبعد مني بمرة ...

نيار : "غمض عينيه بالم كلشي الا رجولتو زير بجهددد على ايديه على شكل قبضة عض في فمو حتى تنفخت الشفة تحتانية ديالو وبدا كيتنفس بجهد ...مدة ...حتى نطق بزز منو " و و وخااا ابنت الناس ..هذا كلامك لاخر ..كوني هانية عطيتك حريتك ابنت ناس ...الله يعاونك 

نهاية الفصل الأول

يتبع