قصة لهيب الحب

من تأليف Sana mina
2018قصة كاملة

محتوى القصة

رواية لهيب الحب

مغانطولش عليكم غاندوزو نيشان لاولى بارتات القصة ...كالعادة مغانقولش اشنو الموضوع مع الكتابة وبارت تابع بارت غايبان الموضوع حتى تكمل القصة وغايتلخص ليكم الموضوع كلو...ومغانقولش غاتعجبكم بارت مع بارت غادي نشوفو اش كاين هههه 
القصة هادي معندها تا علاقة بماضي ليالي الغيث ..يعني قراوها بلا مضطرو ترجعو ليالي الغيث باش تفهمو

ايتها العيون الخضراء كفاكي بي سحرا ..ايتها العيون الخضراء كفى بك سهما يخترق احشائي ..ليمزق لي وريدي
كفى بك براءة تستقر في احشائي 
ماذا بعد يا عيونه؟! ماذا بعد.
كفى ان تكوني نارا تذيب جليد قلبي ..كفاكي ان تكوني سحرا يسلب عقلي..كفاكي ان تكوني شعرا يحرق مشاعري..
...ماعدت استطيع هذا...
ايتها العيون الخضراء كفاكي ان تكوني كفنا اعشق ان اوضع به ..كفاكي ان تكوني جذابة الى هذا الحد ..ماعاد قلبي يستطيع ان يقاومك ..كفاك اذابة لمشاعري..
كفاكي براءة ..كفاني ان ابقى قتيلة عيونه الخضراء..كفاني اسرا في مقلتيه..
كفاكي جمالا ما عدتاستطيع الاحتمال ..سحرك يقتلني..يعصف بي كما الزوابع يتارجح في وريدي كما الامواج..يقتلني سحرهما ..يقتلني ..
وانت يا صاحب تلك العيون ..من قال اني اريد ان اعيد كرة الحب ..من قال هذا؟فلماذا تسحرني بهذه العيون البريئة 
لماذا تجعل من عيناك الخضراء بندقية قلبي الوديع..
كفاكي سحرا كفاكي جمالا.. كفاني موتا في مروج عيناك ..كفاني وقوفاعلى اطلال عيناك.
رحماكي ايتها العون الخضراء ..
رحماك يا صاحب تلك العيون
كفاكي ان تفعلي بي هذا ؟!
#مقتطف...

في عتمة الليل قريب اذان الفجر ...وليل الغيث (الشتا)خيط من سما والكز السم الموت الصميقلي والسملمولي ديال برد درجة الحرارة تحت الصفر ...كتجري بجلايلها والحموم طاليهم..كتجري ودموعها دايزين على خدها .."كتعيط بصوت شبه مسموع من الخوف " عتقووووني ....اهئ اهئ ...مبغيييتوووش اهئ اهئ علاااش علااش ...شي حد يعاوني ...ليلى ختيييي ...مم مبغيتوش مبغيتوووش اهئ اهئ...
~~~
#فلاش_باك
طفلة فعمر الخمسة عشر سنة ... طفلة مفششة مدللة مخنتة ميمتها...هذا الي كان قبل ميوقع الي وقع وتصدم ديك الطفلة البريئة الي طفولتها بغات تقتل وهي مزال موصلت فين بغات ويلاه قالت بسم الله فحياتها بغات تغتاصب طفولتها وتمرمد وعلاش هادشي باش يتهنى عليها ويشد فليسات صحاح ويتسمى فلان عندو شان والمرشان..ان مناسب مع فلان وعلان وعندو قيمة وسط دوار ...ولكن ....هادشي كامل واش غايدوم ليه واش غايتسكت على هادشي ؟ نتمناو خير وربي كبير ... لابسة تكشيطة فالغوز فيها وريدات كانت فرحانة بيها وسط صحاباتها ناقشة ايدياتها ودايرة فيهم نقيطات فوسط منهم على شكل خمس نقيطات وماقداها فرحة وخصوصا منين دارو ليها وريدة (فغاجو كيقولو ليه وريدة ) فحنيكاتها وغير دارو ليها الخاطر اما حنيكاتها موردين من عند الله ...شهيبة لهيبة هههه وشعرها الذهبي الي مشطاتو ليها مها وخلاتو مطلوق مسرسب ليها بحال الحرير قاصوه ليها بسوشوار باش تبقى غلى خاطرها زعما را درنا ليك بروشينغ بحال العروسة طفلة ...ودارت ليها شوية من لعكر وخا فيمها حميمر ليها المهم متبقاش بلاش باش تبان قدام لبنات راني درت بحال ختي العروسة وراني متميزة من بيناتهم وهي معارفاش را زينة بلاش وعاطية لعين وزينها ضرگ على زين العروسة وخلا الاعين عليها بعمورية فخاضها وكبورية صدرها والمؤخرة البارزة جسد امراة ووجه طفلة من دم سخون خلا انوثتها تبرز بشكل كبير فذاك السن (بنات الفين ولفوق خهههههخخ كيبانو كبر من جدة ) العينين صغيورين شوي وخضرين ..وهادشي خلا العينين منيشين عليها من بعيد وفاتحو شخص كيهمها في امرها والي غايخليها تلقى نفس مصير اختها ...واش غاتلقاه وتعيش نفس خواتاتها ولا غادي تحرر من هاد التخلف وقتل البراءة الي كاينة فهاد المناطق من البلاد ؟؟ 
هي فتاة بريئة طفلة ملامح انوثثها برزت في عمر مبكر خاصة فديك المنطقة بناتها دمهم سخون كيصومو على سن مبكر...جميلة عفوية ...ذكية ..حادگة ...مفششة ...ذات غمازات...محبوبة..بنت العروبية...الحداگة والفياق بكري وتمارة والقراية ...ولكن مهامة بمضهرها نقية ...عاد مزال باغا تكتاشف وتلعب وتعيش وتفرج تاهي فالمسلسلات وتابع هادي وهادي غير فتلفازة معندهاش تيليفون مكتعرفش معنى الفيس بوك غير كتشوف بنات كيقراو معاها كيدخلو ليه وتعلمت منهم ......لكن شاءت الاقدار باش يقتلو ليها هادشي كلو ...
هي جميلة بريئة ...هي حليمة....

#عودة_لنفس_الليلة
~~~~ 
عتقوووني اهئ اهئ واا ...خرجات كتجري وتاج فوق راسها ولمشيطة هبطت ليها بشتا وجهها تطلى حموم الما كلها تجخلطت وخا ملامحها باينين ...عينيها صغيورين حمرين ومنفوخين ..بقات كتجري حتى لمحت ضوء جاي من بعيد وهي كتجري وتشالي وتغوت وماعلى بالهاش راها دخلت وسط شانطي عند بالها باقا في الفدادن. (الاراضي)...حتى سمعت صوت الكلاكسون تيغوت بقا شوي ويخرج ليه العقل وصوت فران تضرب سييك حتى حبس عليها وهي مشعرتش براسها الا وصوت باقي فودنيها وضو غلب على عينيها حتى ضلامت صورة فعينيها والوعي يمشي ليها وطيح مغمى عليها .....
جاي فالطريق مع ولد ختو الي جاي معاه جا من امريكا ولصق فيه يسافر معاه ...وبما انه عندو غراض حتى هو فمراكش جابو معاه وجايين من فاس ...غادين وكيضحكو ويتناقشو ويسولو على دراستو ومرة ينزل عليه لراس مرة يشبع فبوه ومو معيور كل مرة واش ...والحديث بدارجة طبعا وخا هكاك وليديه تيهضرو بيها فدار هي باش تعلمها...
المهدي : ودابا نتا باغي تلصق فيا وجاي معايا ..ولاش زعما...والى لكلبة مك انا جاي باغي نمشي مع شي وحدة داير معاها باغي تدي لخبارات ...
قصي : (ولد اخت مهدي)هههههههه لا والله تا ضلمتيني اخالي هههههه 
مهدي : تهجرو ...
قصي : "في نفسو" ههخخ خالتي سورجان تعلقك من شفارك...
مهدي : "بنص عين " وانا نعلق بوك من ق** طييييط ...تسكت لا...
قصي : صاف هاني 😶..وادير سويگلاص باش مدعقكش شتا وتشوف مزيان الخال ...
مهدي : بنت لمك عور انا...
قصي : انسكت حسن ...
مهدي : هوكاك....كسيرا يلاه خدم سويگلاص معرف اش داكشي خرج ليه وباش تبلا حتى طلق فران تسمع فداك ليل والخلا باعلى صوت....
واااالحفيض الله وااالعالي مولانا شدرت يانا ....تفووو شهاد الزبل فهاد اليالي ...نعلبوك ياك قلت ليك خدم سويگلاص الحبس مال مك مالك....
وااخالي تا مالك را نتا الي كنتي سايق ...
المهدي : هاا 🙄ولمهيم هبط هبط نشوفو ياربي يكون كلب ياربي وخا غا مش ماشي مشكيل ياربي ميكونش غا بنادم ...تفووو (شاف جيهة ولد ختو) شتي نتا مني كانت حاملة بيك مك ونحس تابع ديلمي ...دعيتك الله ..هبط هبط...

#البداية....
في يوم من الايام ديال الله و في الصباح الباكر جدا وبالطبط يوم الاثنين ...كانت ساعة الربعة ديال صباح والبرررد الكز السم وشتا خيط من سما محبساتش ليل كلو...كيتسمع تقرقيب ولخبيط فالكوزينة وصوت الصفارة ديال لمقراج الي عقلو خرج ...دخلت كتجري طفات عليه وهزات الما طايب خواتو ليه فسطيلة وخرجت مدتها ليه وهي كتقفقف بالبرد ...هز راسو فيها ...راجل في الستينيات من عمرو اب لستة ديال البنات الي اكبر وحدة فيهم فالعمر ديالها تلات وعشرون سنة واصغر وحدة في سن. خمسة عشر سنة ...مرزقوش الله بالولاد وفي كل مرة كيتمنى يرزقو الله بولد ولكن مكيجيبش الله حتى لقا اللوم على مراتو انها هي السباب مكتجيبش ليه الولاد...
جيلالي : خاصك عام من صباح وهو يغوت فين كان عقلك فين ...دفيتيه ؟
فاطيمة : "ودخان كيخرج من فمها" مشيت غير طليت على الضروبة "بقرة " نشوفها يكما غاتولد ...وااه دفيتو دخل توضى غانوجد ليك اتاي ومتاكل ...
جيلالي : لاا مديري والو سير غا خمدي غانفطر فسوق داير مع داك مخويك بغيت نشري شي ثور ولا ضروبة (عجل صغير) عرس الخطية تاع بنتك حياة...
فاطيمة : وايه را ناس غدا غايجيو باش يجيبو الوراق الي غاتسني نتا يلاه نبدا ليوم متنساش اجيلالي ترسل معاهم دجاج على حساب غذا يلاه يتنقا ليوم باش نطيبوه غدا فصباح بكري ...
جيلالي : شوفي غادجاج غانرسلو ليك مع طريبورطور ديال ولد التهامي انا مساليش را وصيت عليه من سوق الي فات غايجيبو ليك كي تبرگ شمش والي خصاتكم را صندوقة هزي منها وحمري لياوجهي وشياخ را غايجيبهم عبد العالي خوك وداكشي ديال لفيجطة غانتكلف بيه انا ونتي تكلفي غا بطياب والعيالات ودجاج ليوم الي غايكون فصدقة واجد بعدا ..
فاطيمة : وااه واجد شوية وتجي تايكة ونصبوه هو ولحم ..ومزال الحال صدقة غاتكون عگب صلاة العشا ..
جيلالي : والمهيم كلشي يكون ناضي غايجيو اهل لعريس بكري شوي قومي بيهم وديك المجوطة تاع بنتك لقا جد بوها مكنززة تاني ومغوبشة نهارها مطلع فيه شمش هضري معاها ولا نهضر معاها نا نيت...لكيدار تاع بوها قالت ليك بغات تقرا طفروه هادو الي قراو...
فاطيمة : ويكون خير يكون خير ..
جيلالي : يلاه دوبي بداي تقضي خالني نتوضى را غايدوي عليا الفجر...دخل يتوضى وهي مشات لكوزينة توجد الي يوجد دايما هذا هو سيستيمهم وسيستيم البادية ككل الفياق مع الفجر ونعاس من ورا العشا يفيقو كل يقضي امورو وشغالو وكل وباش مدهي ومعامن مدهي وفين مدهي ...هادي عائلة من العائلات الي فالبادية الي فاحد دواور التابعة لجهة مراكش وقلعة سراغنة...
..عائلة الحاج الجيلالي الرايس ..اب متسلط الي قالها هي الي تكون خرج على بناتو الكبيرة زوجها بنفس الطريقة الي غايزوج بيها البنت الي عندها ١٦ سنة ونصف مخاوية هي والصغيرة فالبنات والي عندها ١٥ سنة (ليلى، عزيزة، الغالية،مريم، حياة والصغيرة حليمة) والغذ ليه هو عرس الي قبل صغيرة الي اسمها حياة ....والي التحضيرات بدات من دخلو الخطاب لدارهم ومعارفين عليهم والو سوى ان ولدهم مقيم بالخارج او بمفهومهم كيمشي لطاليان ...مع الاسف هذا الي كاين وخا تقدم السنوات والتطور الا ان هادشي باق والاكفس البنت فسن صغير ممنوع دوز فعقد نكاح كيضطرو يا يرشيو او يقراو لفاتحة وتروح حتى توصل سن باش دوز في العقد او يسنيو عقد مؤقت ريتما توصل لسن زواج المسموح بع فالمغرب ....
#هادي_بداية القصة هي هاد البارت الي حتى نوصلو لنفس اليلة الي وقع فيها ما وقع 

باقي على شروق شمس ذاك النهار القليل وكانت الساعة كتشير لستة صباح ...توجهت فاطمة ام البنات لبيت فين ناعسين كان بنادم الي جا من بلاد اخرا من عائلتهم وناعسين مستفين البنات والعيالات فبيت اخور ...دخلت مشات لبناتها نيشان وبدات كتعيط ليهم الي بقاو بلا زواج معاها .. العروسة والصغيرة حليمة ...وتنغز فيهم ينوضو...
فاطمة : ادوك ااه وتگعدو را بغا يدوي الضهر ابنات لحرام ومزلنا مدرنا والو ( شمش باقي مشرقت وبغا يدوي ضهر ههه) ....
حياة : العروسة الي غاتزوج اليوم والي باقي صغيرة ومعارفة من غير شقا والعجينة والطياب وتشطاب الكوري ...خرجوها من عمر صغير من القراية وصلات لسادس وكانت الاعدادية بعيدة عليهم وخرجها باها تيجيها رزقها فالزواج ويرسلها كي رسل لولانيات الي قبلها والي غايرسل حتى الي من وراها باش يتهنى من همهم كيف كيقول ويشد عليهم فلوس صحيحة....ناضت كتحك فعينيها صغيورين وزرقين معيمشين ...تفوهت....وبوجه حزين ومغوبش وخا هكاك تنغصا عليها حتى هي احلامها ، حطت حجرة على قلبها وكمدتها ورضات بنصيبها وخا ترطات تاعيات ...هانا امي ..
فاطمة : نوضي خلاص غاتجي لطيفة باش تحمي ليك الحمام ودخلي تعومي وفركي راسك مزيان را العشوب وداكشي الي غاتحتاجي را دقاتو ليك فاطنة لبارح وشططاتو (غربلاتو ) نوضي تگعدي ..وطلقي ديك سيفة المغوبشة راه الي كاين هو الي كاين وخا طيري لسما راك تعطلتي بغيتي تبقاي ليا هنا تتوصلي لدرهم ( عشرين عام هي درهم ههه) بغيتي تبوري ليا هنا لا نفع لا والو...گرانك را والدين...تگعدي باش تقضي كلشي بكري ...لقاك كتهرنني فشي قنت نزيد بوك ليك يتفاهم معاك ...اييوى لاش ...مشات لبنت لاخرا لقاتها حالا فمها ولايحة الغطا ...اهيا ديك والكبدة والفن (عندها حليمة هي العينين بحكم هي صغيرة ومحبوبة بزاف )..واخر المصران وااا التخت ...نوضي ابنيتي نوضي عاونيني نحطو الفطور را ناس غايجيو نوضي ...وحليييمة ...والزين الصافي والحليب ديال ميمتها نوضي....
حليمة : (باقا مكرشخة مجايبا خبار) 
فاطمة : (غوتت بجهد تا قفز كاع داكشي الي ناعس تم ) وااااااااااحلييييييييماااااو ..نوضي ينعل بوك ابنت لهم نوووضي...
حليمة : (ناضت واقفة ) ههننن هاني امي ...
فاطيمة : يلاه نوضو دغيا جمعو دنيا ونقيو شغل ونتي سيري را لطيفة وختك غايعاونوك وغايجي ولد فضيلة يديك بطوموبيل لعند عايدة لكوافورة ...
حياة : ياك ليوم غير الصداقة امي ...
فاطيمة : ورا غادير ليك داكشي لوجهك باش غذا فالصباح تصايب ليك وتقاد ليك منعرف قالت ليا قوليها تجي ليوم فصباح معرفت اش داكشي غادير ليك...
حليمة : الماسكات امي الماسكات...تنقوليك ليماسك 
فاطمة : ونوضي قضي وسكتي من تنقاز...يلاه ..
ناضت العروسة وحليمة كل توجهت فين قالت ليهم امهم يمشيو وهي بقات مع ضياف الي اصلا ماشي غراب كانو جوج بناتها جاو بولادهم ومعاهم ناسهم مقسمين الي قراب ناعسين فالبيت الكبير والبقية ناعسين في بيوتا اخرين....هي دار كبيييرة قد سخط عامرة بيوت جيهة مفرشة فراس متول على حقو وطريقو ..وجهة فيها بيوت عادية وبيوت نعاس ..الي حاضرين لاعراس البادية غايفهمو وعارفين الاجواء كيفاش كتكون ...كاين البيت الي فيه غا دراري صغار مستفين كي بواطة سردين هههه وبييخير خالقين سعادة ولا اروع من داك الجو العائلي الطفولي الحميمي...
حطو الفطور فكل بيت كاين جوج طوابل مجموع عليها الضياف كيفطرو والبنات كيسربيو ويتقداو من هنا وهنا حتى فطروهم وجمعو دنيا ...وبداو العيالات بيناتهم فضريب والزغاريت ....الي حتى تسمع صوت الكلاكصون كيخبر بقدوم اهل العريس الي جاو وقامو بضيافتهم على اكمل وجه واستقبلوهم بالزهر وتمر والحليب ...وجابو معاهم وراق باش يسنيهم الاب ديال لعروسة والعريس ..كنوع من العقد مؤقت حتى يوصل سن القانوني ديال زواج ويديرو عقد نكاح حقيقي ...فلول جربو رشوة مبغا ليهم تا قاضي وعدول بحكم الفتاة صغيرة بزاف ..حتى توصلو لحل الي هو عقد غايتسنى بيناتهم حيث العريس مزروب بغا يقضي باش يرجع لبرا فين خدام زعما يمكن يكون خدام ويمكن يكون غير كيدور لهيه يجمع زبل ديال طاليان ويشارجي طوموبيل ويجي ولا يخدم فالفلاحة ..هادشي كامل مسولش عليه بات العروسة هو همو غافلوس صداق وشان الي غايدار ليه وسط دوار ...دازت الاجواء هذاك نهار عادية... دازت صداقة وجاو طلبة قراو ما تيسر من القران ودفعو العشا تعشاو وقراو دعاء باركو ليهم ...والغد ليه وصل اليوم الموعود لا بالنسبة لعروسة الي غاتمشي لدار راجلها ولا بالنسبة لختها الي غادي يتحدد مصيرها كيف مصير ختها الي وصلت على مصير خواتاتها السابقات...واش غادي يتحدد ولا الاقدار غادي تساعد هاد البنت ويتحد هادشي كامل ولا غادي تعاني وتعذب ولكن عذاب من نوع اخر ؟....

اشرقت شمس نفس اليوم لكن هاد المرة في المدينة وبالضبط فمدينة مراكش الحمراء ...تسللت اشعتها من بين الستائر ليلامس شعاعها على وجهه الوسيم ورجولته الطاغية ...كمش عينيه من شعا الي دخل والي دعقو حتى هز ايديه وغطا وجهو بدراعو ...بقا مدة بسيطة عاد حل عينيه الي تجبدو بالنعاس وشفارو الي تخبلو بالعمش هههه كيف لا وهو بايت مقصر فاحد نوادي الليلية بمراكش "برج العرب" حتى لاش من وقت حتى بغا يصبح الصباح عاد تم داخل يتمايل وخا هكاك شاد فراسو كبف دخل مشا نيشان لبيت ونعس بحوايجو الي خرج بيهم ...حتى ضرباتو الفيقة دابا ...يلاه بغا يتهز وهو يصوني ليه تيليفون دور وجهو ناحيتو يشوف شكون المتصل ...
ابتاسم ابتسامة خفيفة وجاوب....الووو الحب العمر ،تاج الراس ...
المتصل : ايييه القلب الكبيدة الحبينينو وداكشي راني حفضتو عطيني الجديد يهديك الله...
هو : ههههههههه والحوبينينو الجديد ديما كاين غانتي خاص تحلي دوك العوينات الساطة وتحني علينا...
صبغ صبغ من هادشي كلو مجايش ...
اممم نجي نشوف عويناتي باش كنشوف ...
ههههه ...لوحي شي بوسة...
الله يمسخك ...وتا متجيش ...طييييط طيييط
ههههههههههههه ...اياياي ههههه ...بقا كيضحك عليها ومن اقل كلمة كتحشم ...جمع الوقفة دوز على شعرو بايديه ذهابا وايابا حتى تفوه وتوجه نيشان لدوش وقف عند البينوار طلق الما حتى بدا يسخن وحيد حوايجو كلهم بقا عريان ودخل دوش ..وهو تحت رشاشة كيدوش ويغسل فشعرو...كمل ودار باندوش كيدوزها على ذاتو بالليفة ...حتى حس بشوية الحريق ..غمض عينيه وحلهم هبطهم نيشان لمكان فين حس ...فكرشو...لمح اثار قميش تلاتة ضفار دايرين خط حتى وصلو لصرتو المكسوة بالشعر مرورا بعضلاتو سداسية ..اثار ضفار ديال انثى...
هو : شييت .."كيحاول يتفكر ولكن والو تاحاجة معقل عليها مع شراب"...فاك ..اش وقع منين جا هادشي ...حاول يتفكر ولكن دون نتيجة ورجع كمل تدواش وخرج لوا عليه فوطة وهز فوطة كيمسح بيها شعرو وينشفو ...حك سنانو ورش ديودورون وخرج وقف قدام الماريو يلاه اختار قميجة فلبلومارين وسروال فالاسود والملابس تحتية...رجع قاد شعرو بجيل رجعو لور...داز لمجر ساعات ديالو هز ساعة سواتش كلاسيك لبسها ورش بارفان ...لبس مونطو تروا كار فالاسود ...وتوجه لكوزينة قاد كافي قاصحة بدون سكر ...وشعل سيجارة (نفس حركاته ) هز تيليفونو ودخل الايميل ديالو يلاه كيقرا حتى صونا ليه تيليفون من جديد....
الوليييد....
ماسي وليد هادي انا...
اححح زين ديال خوخيتو...
توحشت خوخيتو ديالي انا 😢
الله على خوخيتو ...تانا توحشت بنتي ..نجي ليوم ولا غذا ؟...
زي دابا...
هههههه نزي دابا ..همم عرفتي اشنو غادي تنعسي ليوم وتفيقي تلقايني حداك ...
الاءح بغيت دابا اهئ اهئ....
نجيب ليك هيلو كيتي الكبيييرة ومعاها دوريتوس الي كتعجبك ...
هننن 😢
ونزيدك طابليت فاللون الغوز الي كيعجبك...
هننن صافي 😍
هههه اححح على الطميميعة احح يلاه لوحي لخوخيتو شي بوسة...مزال كتنعسي حدا داك راس طنگ...
من بعيد : سمعتك اراس الغربال تتجي لمك...
هههههههه واخا اساط تنجي هههه شوفي فاش نجي غاتنعسي حدايا انااا الزين ديال خويختو تفاهمنا؟؟
هي : اوكاااي مواااح ...هاك بابيتو...
هو : واش مزال مغاتحشم شفتك ماشي فالمكتب سهرتي ليوم تاني ديما ليلة لحد تتكفسها ...ناس يسهرو سبت ونتا لحد ولعفو ياولدي لعفوو...
هو : باش عرفتيها...
هو : سولت عليك فيصل بغيتو فشي غراض وقاليا مزال مجيتي 
هو : واش نديرو القوق تيكون نهار الاحد ...
هو : نيااار 😒
نيار : ههههعع 
غيث : اداك نمس تفرق من داك معتز را مغاديش يدوز هادشي بخير الله يرضي عليك لا تخلينيش نتقلق كثر 
نيار : الولييد خدمتي كنديرها يهديك الله شمن نتفرق ولا منتفرق مال معتز اشنو فهاد البلاد تيخلعني ويخلعك...تا متكونش عارفني ...
غيث : لا حول ولا قوة الا بالله ..هذا الله شهمتيني...
نيار : طلق طلق ..سير خليني نخدم على قوقي اا بغيت نقول ولادي ...غذا انا عندكم اديوس الوليد.. 

قطع الاتصال و.حط الفنجان وهز شكارة ديالو الي فيها وراق الخدمة والماك ديالو ....وخرج هبط من العمارة فين ساكن الي جات فحي راقي فگيليز..حل سيارة رينج فالاسود حط شكارة وركب دار سانتير وركب تيليفون برونشاه مع سيارة دوز الخط لفيصل محامي صاحبو ومعاه فمكتب ديال لمحاماة ....نيار الي فاتح ولي فور مخدا دكتوراه ديالو فالقانون ..اصبح من اشهر المحامين المعروفين ...في الجنايات ...وفاتح اكبر مكتب ديال لمحاماة وهو فسن 28 سنة قدر يدير بلاصتو مع اشهر المحامين وكيف سبق وذكرت اختصاصو القضايا الجنائية اي كل ماليها علاقة بجرائم القتل والغموض ...عندو نيشان مكيتساهلش ومفيش ياما ارحميني الى شك كيكون شكو فمحلو ...طبعو جدي وقاصح حتى انه احيانا عنيف عصبي كتر من باه مع عائلتو احن شخص ومع شي حد اخور عرفو فيه دغل ويل باه وقفارت على مو الي ولداتو ههههه .... ولكن هو مع الحق مكبغيش ضلم نهائيا ...عادل وحقاني ...وتيطييير مع طيور خخهه ...باقي تفاصيل شخصيتو غاتبدا ضهر شوي بشوي مع كل حدث وكل مرة .... "نيار المرواني " 
نيار : ساط ..شووف سمع بلا تهرنين تنجي وهرنن عليا ..قووليا لملف ديال داك معتز الحماري واجد...(شي وحدة تغمض لاميمة عينيها 😹😹)
فيصل : سي موجود ...دغيا طلق راسك عندنا اجتماع دابا مع المحامين لاخرين على قبل داك العجب الي خرج لينا من جنب نشوفو شي تطور فقضيتو...
نيار : هاني فطريق ...بلاتي بغيت نسولك...واش لبارح فاش كنا سهرانين معقلتش اش وقع..واش طرات شلعبة كنت مع شي ق**??
فيصل : كنت كفس منك اصاحبي غا تهنى..
نيار : هاد لق** وتقول ياخويا واش لقاك حسن مني..هذا الله ..قو** هاني جاي...قطع عليه وكسيرا زاد فسرعة نيشان ..توجه لمكتب ديالو والي هو عبارة عن مبنى فيه مكتب كبير ديال المحاماة فيه اكبر المحامين وحتى الي بغاو يتخرجو كيعاونهم وكيجيبهم يسطاجيو عندو ويستافدو بدون ميحرث عليهم كيف مولفين المحامين لاخرين الي كيبغي يسطاجي عندو فوقت ميستافد كيصدق كيحرث عليه .......
وصل المبنى فين كاين المكتب ...صف السيارة فالبارك ديال المبنى ...خرج من بعد ماهز شكارة والماك ...يلاه سد سيارة بالكونطاكت وهو يصوني تيليفونو ...جاوب بالكيت وهو غادي..
نيار : الو ...
صوت انثوي : هيلو..نيار المرواني..
نيار : "شاف شاشة تيليفون لقا نمرة بريفي " يس شكون معايا..
هي : هنن معاك الي كانت معاك ودارت ليك علامة باش تفكرها ... هههههه ..
نيار : اوكاي ..يور نايم بليز...
هي : حتى تجي لبرج العرب تاني والى تصادفت معاك نعرفك شكون انا ههههههه بااي..
نيار : "بتعجب " باي..الله يستر...دخل سانسور وطلع نيشان المكتب لقا فيصل فانتضارو...مع الملف الي طلب...عشيييري جاب ليا الملف علا سلاااامتك اخيتي وعلا سلااامتك...
فيصل : نعل مك بنت ليك زبيدة هنا ..
نيار : تعاودي ياختي تجبدي مي نحط ليك *** قدامك تلعب بيهم البيي ...شقلتي العشير...
فيصل : قلت شد زمر وعطي لدلمي تيساع هاد نهار غاتخرج علينا نتا وفووت عليك داك خينا..را...مزال كاعما كمل خبط نيار فوق المكتب تا قفز وهز فيه عينيه الي تحولو يحال جغمة ديال دم ولون الاخضر مشعشع وسطهم بشوفات شيطانية...الى بنت ليك ق** ديك ساعة عاد نتفرق عليه...ولكن انا راجل على شماتة الي قالها لزا** بوه ...وبربي يا انا يا هو يا يقتلني يا ندخلو لحبس وحدا فجوج...ودابا جوج كلمات انا لي عطي لديلمي تيساع هاد نهار ولا ندير لمك الي ميعجبك ...دور تق** من خنشوشي هاد ساعة...
فيصل : "تزير مبغاش يزيد حيث عارفو كيفاش داير لا تنيرفا."اسيدي هذا الله هاني مق^** خرج وخلاه مزال على نفس تخنزيرتو...
نيار : يا نيار يا معتز ...يا مقتول يا مسجون...دابا نشوفو شكون غايغلب اولد الكلبة ...😡😡

كيف سالا الاجتماع الي دارو مع هيئة المحامين ..شعل تيليفون وبداو رسائلي كيجيوه لا فايمايل ولا لواتس ولا ميساجات عادية وحتى رسائل العلبة صوتية...شيك عليهم وجمع الوقفة..ضار جيهة فيصل...
نيار : تشش ايه ...انا غانمشي نضرب حتى ل الكترو بلانيت ناخذ واحد طابليت من تم ونتقدا من كارفور وندوز لدار ناخذ شي حاجة ونشد طريق لافران ...غانبقى شي ايام تما ..اي جديد راك عارف...
فيصل : الي عارف هو ندمت على نهار الي عرفتك فيه...
نيار : عارف الكبدة عارف ...يلاه سي يو سون برو...خلاه كيحنزز وخرج وهو ميت عليه بالضحك...حتى وصل لسانسور يلاه بغا يدخل وهي تم جايا واحد البنت جميلة المضهر والوجه ..سمراء اللون وقوام ممشوق...بغات دخل وهي تشوفو حتى هو بغا يدخل حلت فيه فمها ..سهات فطولتو ورجولتو وابتسامتو الي مخلطة بتخنزيرة كيبتاسم ومطلع حاجبو...كيبان شخصية ...شافها غادخل...وهو يرجع وعطاها طريق
نيار : تفضلي اختي ....
هي : "بابتسامة خجولة " ههه شكرا ولكن نتا الي سبقتي...
نيار : "رد ليها الابتسامة" ههه ماشي مشكيل ..الى كنتي هابطة ندخلو بجوج...
هي : سيي هابطة ..فسح ليها طريق دخلت وتبعها هو...خشا وجهو فتيليفون كيبقشش فيه وهي ساهية فيه...حتى هز راسو وشاف فيها وهي مردتش البال كشوف فيها وكيضحك ويحرك راسو يمين وشمال ...حتى قفزها صوت الباب الي تحل...ضارت لقاتو خرج وهي باقا ساهية ههه ...انا هو نزل فالبارك مشا لطوموبيل وركب ديمارا نيشان تقدا داكشي الي خاصو وداز لدار خدا ما بغا وهبط شد طريق نيشان لافران..
......
واقف قدام الشرجم ديال كوزينة من بعد ما عدل ليه كاس كابوتشينو من الماشين...كيشرب ويتمنضر فثلج الي كيطيح ...بعينيه السوداوين شاب وسيم ولا يقل وسامة عن توامه ...حنين طبع مسالم هذا لا ينفي انه عصبي كاي رجل ..الا انه كيتعصب فوقت الصحيح ..نفس طولة خوه نفس الصحة وتجريدة نفس نضرة الا ان الفرق ان هذا عينيه فيهم نوع من الحنية ولاخور فيهم نوع من تحدي وصلابة ...مشعرش حتى حس بايدين محاوطين خصرو ..من عطرها ابتاسم ..
ميار : حبيبت روحي .."باس راسها" توحشتك من صباح لدابا...
ليالي : وليدي الحنين...ههه شفتي نتا غير من صباح وملي كتخليني نتا وخوك نتا كتمشي لفاس وهو مراكش وكتخليوني غا وحدي ...
ميار : "بغمزة " معاك الوليد ممخليكش بلاش الحب ..تي تي ههههعع..
ليالي : الله يمسخك..اش كدير...مديرش لميمتك واحد كاس حتى هي ...
ميار : ندير لعشيرتي هي الي متعاود...اه باش منساش دوا معايا ميار را شد طريق جايك الزين الصافي جايك الي كيعرف ليك خهههههع..
ليالي : بصح ..شيطان مقالهاش ليا بقا كيطنز عليا تيجي لمو...مزال كتهضر وهي تم جايا الوزغة الصغيرة ختهم الي اصبح فعمرها ست سنوات...يوووپييي نيييياااار زااااي هههه 😍
ميار : "هزها لعندو" اوپااا جاااي شوفي مكاين نعاس حداه غاتبقاي تنعسي حدايا..
لين : الاااءح غانعس حداه ...
ميار : غايشبع فيك تصرفيق وبوسان وعضان وديك ساعة جي تهرنني عليا ...سيري دابا نفكرك...
ليالي : اجي هنا متجي عندو ميجي عندك نعسي حدا ماماتك ياك...
لين : لاااااءح حدا نيار..
ليالي وميار : "فدقة " دنوبك على راسك ...
نقز غيث من بعيد ...افوتو عليكم زين ديال باباها...تعالي القوقة ديالي تعالي ابنتي تعالي ...غاتنعسي حدا خوك ليوم ...مكاين نعاس حدايا انا ومك....حيث ..
ليالي : غيييييث 😐
غيث : حيث وصاني نيار نحضيك تيجي باش ميطيركش هاد نمس كيف قال ...
ميار : نمس 😐
لين : هههننن اوكاي بابا...باسها فحناكها وحطها ...قرب حدا ليالي....بهمس...
غيث : علاش تزنگتي تاني ...را كاين داكشي ليوم كاين غا "ضرب ليها راسها بشوي" غا تهناي ...طلقي شي بوسة قبل منخرج...
ليالي : "شافت فميا.ر لقاتو حابس ضحكة" واااهيااا ناااري والعفووو...مشات وخلاتو ...ضار جيهة ميار ...مك ممزياناش..مبغاتش دير مساج لحاج ريفي...
ميار : اشنو ههههههههه 
غيث : ضهري اولدي ضهري ضاربني لبرد مشكيت عليك ...احم 

تعالت الزغاريت ...دخلو العيالات لداخل فساحة ديال دار جامعينهم شطيح ورديح ...وبرا كاينة خزانة فيها رجال وشياخ ...كل مدهي كل كيجري...السرباية خدامين ...الشياخ كيشطحو وسط رجال ...شيخة كتهز والحزام تاع الموزون ضاير على ليهونش..كتمشي وسط رباعة وتهز البوط ( تنقوول اش كاين هههههع) وكل يعلق من جيه هالي سكران ريوگو دازو وهي تتهز قدامو بوجها المصبغ بشيرلي والعكر حمر وشعر يا اما زعر او لا كحل ....ولكوامنجي كيغني ويخدم ...
اما لداخل مجموعات العيالات هالي تتباهى بدهبها ولويز ضاير على عنقها وهالي معكرة وسنانها صفرين بالسواك ههههه وهالي واشمة يا فوسط جبهتها يا فذقنها كنوع من زينة ...ومكحلة العينين وهالي دايرة نقيشة فايديها وهالي مشارجيا ايديها ورجليها بنقش وهالي دايرة ليهم طلية ....والي لابسة تكشيطة حرير الدودة كيف مكيسميوها وكنسميوها تاحنا...وسط ضريب وزغاريت ...كانت الام كتلقا تهاني ومرة دخل تشطح وترحب بضياف وخاصة نساب جداد اهل العريس الي كالس مع رجالة ومدهي تاهو مع شياخ....مع نسيبو ونسيب نسيبو الي جابو (خال لعروسة) حيث هو الي جابو ووراه فين يخطب ...العروسة كانت بابهى حلة بطلةبريئة جدا نضرا لصغر سنها..بارزة وكتشوف فناس الي كيشوفو طلتها وتزيين الي مزينة...وفجهة اخرا كانت اختها صغيرة...كتشطح مع البنات فتقادة ديالها وكتشالي بايديها المزينين بالحنة ..بزينها الي كيلفت..والي لفت انتباه عيالات من المعروضين وخلاهم يفتحو الهضرة عليها....
شفتي ديك البنت تبااارك الله وصلاة عالنبي حمقتني ياختي...
شكون ؟ 
ياديك الي شعرها مذهب را لابسة قفطان الي فيه الوريدات فالفنيدي ( الغوز هو الفنيدي 🤣🤣) 
اااه هديك حليمة بنت فاطيمة هذيك خت لعروسة ...هي الصغيرة ..
تبااارك الله مخلاتش ليا العقل شوفي على ايدين شحال زينين ...
ايييه بنات فاطيمة كلهم زينات وشوفي جوج بناتو بقات غير هي ...درك تاهي متبقاش يجوجوها وهانا وعلمي عليها..
غاااطير غانطيرها انا..
ضارت شافت فيها ...لمن ؟
اويلي احادة نسيتي خويا علال ياك ماشي را كنقلبو ليه تي نسيتي ولا..
حادة : اه اييييه ولكن اخديجة علال خوك را كبير عليها هي باقي صغيرة ...
خديجة : ماكبيرشاااي اويلي عندو ربعين عام احادة وبدار راهنها فالدار البيضا وعندو حانوت ديال عطار كيبيع ويشري وغالي مبغاتو...
حادة : وهداي عليا الراي وشوار ديال مها وباها سيري را فاطيمة قدامك وهضري معاها ...انا ميحساب ليا بغيتي ليه قد عمرها...
خديجة : وهاهي فراسك...اش دااب نهضر مع مها...
حادة : ودرية را طير را زينة وعاطية لعين كتر من خواتاتها بحال والو تبع هادي را كانو بغاوها لهذا الي خدات العروسة ولكن سبقو هادي حيث كبر منها ...را مها قدامك بغيت تهضري معاها دابا هضري بغيت من بعد انتي تعرفي...
خديجة : هي دابا نوض شكنتسنى...
من بعد هاد الحديث الي دار كلو ناضت خديجة لعند ام العروسة فاطيمة وجرتها فقنتة وبداو الحديث ...اما حليمة فمدهية فشطيح مرة مرة تجذب بشعرها وتهز كتافها وضحك وتشالي بايديها المحنيين وضحك حتى يتسدو ليها عويناتها وغافلة على الاعين الي كتشوف فيها وحدة مبتاسمة ولوخرا ضرصة العقل بانت ليها ....

وصل ليل تعشاو وبقاو صالة مجموعين حتى لتش من وقت مجموعين كيهضرو ويضحكو ويتناقشو ...في جو حميمي عائلي ،،العائلة الصغيرة ...عائلة المرواني الي بدات تكبر واسم المرواني يزيد يتعرف اكثر واكثر ...وهذا لا من الاب ولا من ولادو الي صيتهم واصل ...
ليالي : "بهمس" بنتي لحبيبة نوضي تنعسي فبيتك ...
لين : "عينيها كيتسدو وهي كتقاوم مبغاتش تنعس" ومتكية على صدر ميار ..نمم لاء تيزي خوخيتو...
ميار : خوخيتو مزال معطل شوية غير سيري غاتفيقي تلقاي راسك ناعسة حداه...
لين : مبقاتش جاويتهم مشااات ...
ليالي : هههه هزها اولدي الله يرضي عليك ...
ميار : راسها بحال راس طنك ديال ولدك هههههه
هزها بين دراعو طلعها لبيتها الي كلو الوان وردية ورسومات كارتون...حطها فبلاصتها وغطاها وباسها...وطفا ضو خلا غير ضو خفيييف حيث كتخاف باليل...متعود فينما يجي يا تبات معاه يا مع خوه من نهار تزادت هما الي رباوها وقامو بيها ولدابا قايمين بيها فالعطلة كتمشي عند واحد فيهم هي ضو عينيهم دايرينها بنتهم وياويل الي قلقها نهارو مطلع فيه شمش وخاصة "نيار" هذاك يميك ولا يتفاهم اما هو والو عنيف عصبي ميبرد تايبرد غدايدو...
هبط لتحت غادي فاتجاه الصالة عندهم حتى كيبان ليه باب ديال لفيلا تحل وشي سيارة دخلت عرفو هو ...مشا حتى لباب تسناه تا هبط وسلم عاى العساس يلاه غايحل بساروت حتى تحل عليه الباب وقفز...
ميار : راس طاروووووو.... برووو...
نيار : رااااس الغربااال خويييااا...خلعتيني ينعل مك ..."عطاه ببونيا تا ضار لجيهة لاخرا" 
ميار : احح اويليتي قبيح ااه..."رجع ليه البونية" 
نيار : "شد في فمو " معليكش وليتي شديد العشير..."تعانقو" افين زين كاين شي قوق ولا لبرقوق...
ميار : كاين بوك ومك راهم لداخل دخل تسلم اعنيبة تفوو..زيد زيد ...
نيار : بلاتي زيد بشوووية عليك ..
ميار : غاتقتل مك بالخلعة المسخوط..
نيار : "تيهضر بالحس " زيدي الولية زيدي ازبيدة..مالك خواف اث*** 
ميار : ينعل مك باقي تقول زبيدة نطير لحبك ق^**
نيار : دابا نتا شديد..بقاو غادين تيتسحتو بشوي تيدخلو لصالة يلاه غايغوت حتى سمعو وشافوه ...
مقنتها مع الفوطوي...
نيار : ههههخخهع ويلي ويلي...
ميار : "دوميتور اساط خليهم ...اهيا وناااري واش تيحشم..
غيث : لمك مالك وليتي سقرامة شفتك عزيز عليك تجهليني را حقوقي الحاجة 
ليالي : "رعدة هازاها خايفة يشوفها واحد فولادها" والهبيل نتا مالك تصوطى ليك المخ درك يدخل شي حد 😳(الى كبرو الرجالة كتزيد رغبتهم فالممارسة ههه اما النساء فكتقل رغبتهم علاش كنشوفو راجل كيف تموت مرتو اغلبهم بسرعة البرق كيتزوج ...مضحك ههه ولكن حقيقة ) 
غيث : مكاااين حد ولدك را طلع ختو وغايبقى لفوق الى هبط غانحسو بيه ولاخور مزال ميوصل ..وزايدون مغانخدموش هنا عندنا بيتنا...
ميار ونيار : حابسين ضحكة معرفو يرجعو لور ولا يبقاو الى رجعو غايتسمع حسهم والى بقاو غاينفاجرو الوغ ليهم الله ههههه....
غيث : والزين وشوفي من حالي ...
ليالي : انا مزااوكة ندير الي بغيتي غا بعد تيجي نيار نسلمو عليه ...يلاه ازين وغاطلق شي بوسة...والعفووو ...
ههههههههههههههههههههههههههههههههههههههههه 
ميار : تهههه نعل حبك الحبس قلت لمك دير الحس وتقووول يا خويا واش تحشم ..
ضارو غيث وليالي الي ولا وجهها مطيشة عزفت سمعرهم وهي كتحشم من ولادها بزاف وكتحتارمهم وخا مابيناتهمش اسرار هي وولادها ...
ليالي : هححم ولديبيي حبيبي هههه 😅..
نيار : الوليييييدااا زيد بوس باباك...مشا كيجري عندها عنقها وخشاها فيه كيبوس في راسها وايديها...توحشتك اميمتي..
ليالي : حتى انا اولدي الله يرضي عليك...دغيا وصلتي جاي طاير تاني الله يهديك..
نيار : واش بغيتيني ندير منقدرش منجريش...شاف باه وباس ليه راسو...الولييد زيد بوس باباك..
غيث : ضربو لوسط كرشو حتى تزوا..لمك انا والي صالح تبوس ليا راسي...خاص مك ماتش تكردن ..
نيار : بغيتي تبات تاني تغوت بعضامك خلينا نجمعو رضى نصدقو مساخيط..
غيث : 😒
نيار : فين الكبدة فين هي التخت ..
ميار : كابرت فالنعاس تاعيات ونعست...
نيار : هحح على شحيمة..يلاه كملو اش تديرو غانطلع ...
ليالي : "وحلت ليها الهضرة " هححنكم اش اويلي عاد جيتي بقا نشوفوك...
نيار : غذا فالصباح تلقايني عند وجهك بغيت نمشي نعس عيان من طريق ....ونيت من من نتوما كملو كملو اهانيا داكشي كلنا دزنا منو على باش جبتكم نتي والوليد ...
غيث : الله يمسخ مك الذيب مبقيتي تحشم 😳
ميار : مسخوط الوليدين هذا 🤦🏻‍♂️
نيار : ههههههع تصبحو على خير ...خلا كلشي مشرع عينيه كيشوفو فيه هاد الصنديد الي معندوش الفرانات والزيت مقادي ليهم غا جيب يا قول وفم ماشي جيب يا فم وقول ...

بعد اسبوع من مرور حفل الزفاف الي دارو لبنتهم والي سناو لوراق ومشات راحت مع راجلها بالفم وقراو الفاتحة اما قانونا فمزال متزوجت...ريتما توصل لسن القانوني ...يعني تغصبت طفولتها الي هما اعتابروها سالات فور ما بلغت وبداتها العادة الشهرية تما سالات طفولتها وجا وقت تستغل ديك العادة شهرية باش تولد ولادها خههه (مشاكييل) ...
گالسة فلبيت الي فيه تلفازة كتفرج في (حب للايجار) حالا فمها وساهية حتى طارت ونزلت على اثر صوت غوات مها الي قفزها تا شهقت..
فاطيمة : اديك نمسة نوضي اجي تبعيني..
حليمة : خلعتيني امي ..فين ؟
فاطيمة : تبعيني بغاك باك..
حليمة : بغا يديني لسوووق 😍... تبعتها كتجري لبيت فين كاين باها ..ومشات تجري تخشات ليه تحت باطو...
جيلالي : هههه تعالي الكبدة تعالي ازين ديال باها...
حليمة : غاتديني لسوق..
جيلالي : ندي الشحيمة لسوق ونشري ليها طايب وهاري ونشري ليها لبلوط وحلوة المگانة وزيد شتاني خور..
حليمة : بغيت الحلوة المعسلة 😍
جيلالي : نشريها لبنتي...ولكن تالسوق جاي ليوم غاتمشي مع مك تغسليك وتلبسك جايين عندنا شي ناس بغاو يشوفوك..
حليمة : "عاقت "علاش 😰 غاديرو ليا بحال حياة 😢
جيلالي : والكبيدة را هادشي الي كاين اش غاتبقاي ديري اللهم تستري وتولدي ولادك ابنيتي ...اش غاينفعك لا قراية لا ...
حليمة : اهئ با علاش ياك قلتي ليا غا قراي ابنيتي ياك اهئ 
جيلالي : وهاد ناس الي جاو ابنيتي وشارينك بالغالي ردوهم را عيب تردي الناس الي باغينك الحلال ...والسيد الله يعمر ليه الدار جا عندي وهضرنا ومفيه ميتعاب بدارو وميخصك معاه تا خير...
حليمة : لا مبغيتش ابا الله يخليك..اهئ اهئ
جيلالي : غانتقلق من بنيتي ...نتي سيري مع مك وديك ساعة لينا هضرة ..سيري الله يرضي عليك...ناضت ودموعها دايزين على خدها ...كتفكر فطموحها الي بنات ورغم صغر سنها الا انها طموحاتها كانت كبيرة وخا صغيرة فسن فبعض الاحيان هضرتها كبيرة..مشات وهي حزينة الوجه لبيت الي كانت فيه ..جمعت رجليها ودارت راسها بينهم وطلقت العنان لدموعها الي مزگاوش ..ومحبسوش اليوم كلو الي حتى وصل اليوم فين غايجي عريس الغفلة...وفي داك النهار كانت اختها الكبيرة ليلى معاها جات زيارة وتصادفت مع وجود الخطاب الي جاو...دخلت عندها لبيت فين كانت كالسة بقميصها فالابيض ..وشعرها المطلوق ..حادرة راسها وكتشوف فنقطة فارغة بحزن ..معندها متقول سوى تحط حجرة على قلبها كيف حطوها خواتها الي سبقوها وتستسلم لقدرها والى رفضت غايقولو عندها شي حاجة ولا ضاحك عليها شي حد ولا ولا..وتكتر الهضرة ويصدق باها قاتلها ...ولا متبري منها ولا يحبسها عمرها تشوف شمش ...مع الاسف...كسلت حداها وحطت ايديها على ضهرها كطبطب عليها...
ليلى : مالك ختي الحبيبة..
شافت فيها ورجعت هبطت راسها..
حليمة : لارد ..
ليلى: ثيقي بيا دزت من نفس احساسك يمكن مبينتش فداك الوقت ولكن نفس احساسك تماما ومزال كنبكي دم على زواجي ..يكدب عليك الكداب الي يقوليك تزوجي تهناي ..تزوجت وانا صغيرة قدك ..وعشت معاه مزيان...ولكن محدي كنكبر وحدو كيزيد يبعد ويقلب على ماصغر مني ...
حليمة : نقزت تاعييت خرجت عيني حتى عييت ووالو اهئ اههئ انا معارفا والو فين غاديا...بغيت نقرا بغيت نولي بحال منى ( منى بنت جيرانهم قرات وتخرجت طبيبة ) علاش مالها باش حسن مننا ..سنانها خارجين وعورة و اهئ اهى...
ليلى : ههههه ضحكيتيني احبيبتي يعطيك الخير...ماعرفت مندير ليك ملقيت ليك جهد اختي من غير ربي يدير ليك تاويل ديال لخير..."عنقتها" وهزت عينيها كتشوف بعيد وكتهضر...يكون خير اختي يكون خير...

وصلو ناس الي جاو يخطبو ووصل عريس المنتضر الي في قد باها واكثر يمكن ...رجل كبير عليها فسن ..جات خديجة اختو الي تكلمت مع ام حليمة نهار العرس عليها ... ومعاه سيدة مسنة شادينها بايديهم ..دخلو واستقبلوهم بالترحيب وضيافة على حقها وطريقها...
فاطمة : مرحبااا واهلا وسهلا مرحبااا..
الضياف : ترحب بيك الجنة ..
الجيلالي : مرحبا نهار كبير هذا...
ام العريس : " سيدة مسنة بالكاد كتهضر" لهلا يخطيك الحا الحاج...
خديجة : ترحب بيكم جنة الحاج..ايوا فين العروسة هههه فين داك الزين...
جيلالي : ههه موجودة الله اودي..فاطيمة نابي عليها ( عيطي ليها ) ...مرحبا مرحبا اييه هههه ..
دخلت عليها لقات معاها اختها وهي باقا بوجهها الحزين ..نوضتها بنتير ..مشات ديك الام الي كانت تقول عليها الكبدة وتفششها ولات كتحمر فيها العين باش تكعد وتوكض راسها زعما را وصلت وقت الحد ديري دارك ..ولكن معامن شكون هذا لواحد كبر منها ؟ ميف داير طبعو اش كيدير فحياتو الشخصية ؟ واش لهاد درجة صافي غا عطار وقايم براسو صافي لبقها ليه خافوها توصل سطاش لعام ولا سبعطاش وتبقى ليهم تم ...قالت ليها تبعها وتبعتها معاها ختها ليلى الي مسكتاتش من جوج كلمات " يكون خير " اش وراها اش كتقصد....دخلت البنت البريئة الطفلة الجميلة الي زينها خطف الي جاو ومن بينهم العريس الي حل فمو...رجل كبير مابهيش فالزين ...وقف حتى جات وكلست حادرة راسها من بعد ماسلمت على العيالات وكلست ..هضرو وطلبوهامن باها وتفاهمو على العرس من هنا لجوج سيمانات تقرا لفاتحة ...تافقو وياركو لبعضياتنم اما هي غا ساكتة البكية مزيرتها وختها كتشوف فيها ...حتى نطق باها ..."سير اولدي تفاهمو نتا وياها وقوليها اش بغيتي " ...نوضي ابنتي لصالة لهيه وهضرو....ناضت ومشات هي وياه وهو تابعها حادر راسو حتى دخلو البيت وكلست وهو كلس كيشوف فيها وهي حادرة راسها...
علاال : احم اسميتك حليمة...
حليمة : لا رد.
علاال : ههه حشمانة ههه جات معاك تبارك الله ...انا سميتي علال..موجز فالقانون ومجابش الله خدمة وعندي حانوت ديال لعطارة فكازا...والبقية كنضن عارفاها..ونتي طبعا اسمك حليمة ..وخا حشمانة ماشي مشكيل...المهيم انا الي طلبت من باك باش نفاردو هنا فالبيت ...انا وخا هكاك انسان واعي وقاري وعارف كلشي ...وبغيت قبل منبداو كيخصني نقوليك بالي عندي مشكيل صغييير وبسيط وان شاء الله غايتحل وهو الي عطلني على زواج وتعكس ليا كلشي ولكن الحمد لله بديت كنتشافى منو وهادشي الي شجعني نقلب على باش نخطب...
حليمة : كتشوف فيه مفاهمة والو اش كيقصد غير كتسمع وصافي...
علال : يمكن مفهمتينيش وعندك الحق وحدة فسنك مغاديش تفهم ...انا كان عندي مشكيل فنعاس ...
حليمة : مفهمتش ☹️..
علال : ههه غانفهمك ..كيف كيقولو بدارجة او بلغة الشوافة متقف ..فهمتي...
حليمة : لا مفهمتش....
علال : هههه ماشي مشكيل مهم كان عندي مشكيل وبدا كيتحل ان شاء الله غايكون خير ومشكيل اخور هو انني كنطيح يعني كنصرع ...يعني الى وقع مشكيل تكوني عارفة ...وانا را داوي مع الوليد وعارف وسول وعارفني شاد طريق الله وهادي غير مسالة وقت ان شاء الله وكلشي بيخير المهم انك مغايخصك معايا تا خير والي بغيتيها نوفرها ليك وعندي داري عاد كنبني فيها دقة دقة في كازا ىقريب تكمل ان شاء الله را شافها الوليد ديالك حيث هو معرفة قبل كاع منفكر نتناسب معاه وكيف كتعرفي ختي خديجة الي عجبتيها وبغاتك وصراحة عندها الحق ...احم كلشي فيك زين تبارك الله......
بقا كيشرح ليها ويهضر معاها وهي وخا فهمت ومافهمت مهم عرفت انه عندو مشكيل والفم الي يناقش مكاينش وخا قافزة خوفا من باها الى فات تا قال اه معندها مدير الى هربت يقتلها ولا يحبسها كيف قالت ختها...هاد الاخيرة الي سمعت لهضرتو من ورا لباب وحطت ايدها على فمها من هول الصدمة...صدمة تلقاتها وسمعتها وخا ختها مفهمتش الا هي فهمت لانها كبيرة وعارفة وفاهمة كلشي وهاد المشكيل الي فيه وكيفاش غاتعيش ختها الي باقا صغيرة ومعارفة والو وتزوج بواحد قد باها ولا من هادشي كامل عندو تتقاف وكيصرع 

...كيفاش غاتعامل معاه وهي طفلة اش هادشي غاتلاح ليه ...وعاد ختو الي كتبان من وجهها شوية واعرة ومو الي مسنة وساكنة معاه كيفاش غادير علاش هذاك زين كلو وديك الطفلة تمشي لهادشي كامل ...وخا هي طاحت فراجل كيسكر عارفة مشاكل زواج كيفاش تغصبت تاهي ....من صدمة ما سمعت فمها شهق ..كيفاش اشنو ..كنطيح بالرياح ...وعندي مشكيل فنعاس ؟؟ ...الله ياربي ياختي وفين غادية ...ياربي والهرب حسن ليك وكيغاديري ...اشنو المعمول ..وبا علاش مرفضوش علااش ...الا حليمة الي منسمحش ليها طيح فهادشي حليمة كيف مكان الحال كتقرا مزيان وذكية وباغا توصل ...ياربي اش ندير وكيفاش نعاونها ياربي انا الي عارفة ...
اصبح يوم جديد بعد مرور اسبوع على مجيئو لافران ...طلت شميشة على عينيه ...يلاه بدا كيتحرك حتى حس بشي حاجة فوق منو حل عينيه بشوية وهو يبتاسم ..كانت الملاك ناعسة على صدرو محاوطاه بايدها صغيييورة وناااعسة وداير لايد لاخرا دايرة صبعها في فمها ...باسها فراسها بشوييي وهزها حطها فبلاصتو وناض هو كان ناعس بسروال سورفيت ولفوق عريان..كتافو عراض ناهيك على طول قامتو الي فايت باه لا هو لا خوه...وصدر عريض ومورم عضلات...مشا نيشان لدوش دوش وخرج لاوي عليه فوطة من تحت ...شاف فبلاصتو لقاها باقي ناعسة مشا هز حوايجو ورجع لدوش لبسهم وخرج من بعد مارجع شعرو لور وتقاد ولبس ساعتو وهز بورطابلو وصاكو ..ومشا لعندها باسها في راسها بلا ميفيقها باش متبكيش حيث غايمشي ...وهبط لقاهم بداو يفطرو...
نيار : صباح الخير...
الكل : صباح نور..
ليالي : وليدي صافي غاتمشي 😢
نيار : الخدمة اميمتي راكي عارفة وعاد راني اجلت شحال من جلسة كلفت غير فيصل ينوب عليا فيهم وكان بعض الجلسات حاول مع القضاة ياجلوهم لمواعيد الي غانكون فيهم ..وعاد واحد الملف ديال واحد ااقضية خاصني نوقف عليها بنفسي ...هديك مستحيل نخليها لفيصل...
غيث : نيااار الله يرضي عليك اولدي تصنط...
نيار : "تمالك اعصابو "الولييبد را هضرنا...
ليالي : اش كاين ؟؟
غيث : مكاين والو مكاين والو انا خارج تعطلت على لخدمة...سلام عليكم...خبط سربيتة فوق طابلة بجهد وخرج...
ليالي : اش واقع انيار مالكم..
نيار : والو الزين غير واحد مكيحملوش مبغانيش نتكلف بيه وصافي مهيم...كبي لولدك شي كاس تاع القهوة...
ميار : قرب حدا خوه ونطق بهمس..خويا رد بالك من هداك انا ماشي شغلي ولكن راك نصي ثاني ...
نيار : طبطب عليه ..عارف اخويا ولكن خدمتي ونتا اكثر واحد عارفني وحاس بيا منقدرش ترفضها والا غانتسمى خواف...ومعتز بناني مغايخلعنيش...مهم ...مزال كيهضر وهو يصوني تيليفونو....
نيار : عمي مهدييي عشيري وعميمي ...
مهدي : الجن لباس ...
نيار : الى كان شمهروش بيخير انا لباس ..
مهدي : يعطي لبوك ضربة ...شوف داكشي الي وصيتك عليه وجدتيه دوك العقود...
نيار : سييي واجدين ولكن من هنا لاخر فشهر دوز لمراكش لعندي خاصك تحضر ...
مهدي : واااخا رسليا هدوك بعدا ومن تما لتما يحن الله...
نيار : نضيييك يلاه خلصني 🤓..
مهدي : يخلصك الله ..يلاه سلم على دار ...
نيار : اوكاي ..."قطع وعاود صونا تيليفونو جاوب بلا ميشوف اش نسيتي ...
المتصلة : نيار المرواني...
نيار : وي هو شكون معايا ...
المتصلة : مولات العلامة ههههه اتاصلت بيك باش نقوليك توحشتك بزاااف..
نيار : يتوحشك الخير ...مبغيتيش تقولي شكون ..سي نو لا بقيتي بهاد الاتصالات ديال الافلام الي خرجو عليك انا غانخرج عليك اش بان ليك...
هي : نريييي قاصح ههه لا بغيتي تعرفني غذا مع نص ليل غانكون في "برج العرب" انا غانجي عندك بلا متقلب عليا ...بااي...
نيار : الله يستر...
ميار : هههههه هي تاني..
نيار : المراهقات مني كيتفرجو كيبغيو يطبقو يلاه انا نوض...هو هذا ناض سلم عليهم وخرج توجه لسيارتو يلاه غايحل لباب وهو يجيه ميساج من نمرة غريبة ...حلو وهو يقراه "هههههخخ الشماتة شقربك ل معتز بناني سير لعب مع الي قدك وفوتك عليك الي فوقك احسن ليك اولد القتالة هههه" ...ملامح وجهو تغيرات من ابتسامة لغليان وجهو مبقاش كيتفسر عينيه ولاو حمريييين دم بغا ينقز منهم فمو تزير ولا بيض كمش فتيليفون وهو يهزو تا هزو ولاحو ردخو حتى تشتت...
نيار : هاااااااااعععععععع الى بقات فمك الولد الق** راني زا** وشماااااااااااتااااا فاااااااااكيووو الا مي ازا** الا هياااا ...ههععععع ينعل ديلمك ينعلهااا ونااااري غانقتل لق** تمك الى مغرقت مك راني شماتة غانعذبك غانعذبااااااك ...😡😡😡😡😡😡😡😡😡😡حس بيه خوه من لداخل تقبط ليه قلبو وخرج جا كيجري لعندو ...ميار / مالك اش واقع ؟؟؟
نيار : طلق من ديلمي حيد من قدامي ..مشا جمع تيليفون هز منو لاكارط سيم وركب فسيارة عفط عفطة وحدة حتى تهزت طوموبيل ودارت الغبارية وراها....خلاه كيشوف ومخلوع عليه فنفس الوقت ...ياربي السلامة ...

مشا طاااير بسرعة كبيرة ...خرج قبط طريق لوطوروت نيشان لمراكش بقا يطحن فطريق بسرعة خيالية وغير لطف الله اما يتكور بطوموبيل يتقلب فشي جبل من جبال الي تم ولا شي خلا ...غادي معاقلش على راسو عينيه شرانيين ...مشربن فاير كيبان ليه شخص واحد واحلف بحلوفو تيصفيها ليه يصفيها ليه ولكن ماشي دابا بشوية بشوية وخا هكاك حاسب فراسو الى زرب غايندم...حاجة الي غاتبردو هي سرعة الي ماشي بيها ويفرغ الغضب ديالو في لبوكس الي كيمشي ليه من ليل ليل يتريني فور مكيسالي من اشغالو ...والحاجة لاخرا هي الي دار دابا قبل ميشد لوطوروت انحارف على طريق ووقف فواحد تلك عالية من تلال الي فجبال طريق افران ...فرانا بجهد ..
نيار : "شد فالفولون بايديه وزير عليه حتى بغا يطيرو ..كيتنفس بجهد " همم همم ..خرج من سيارة ...مشا حتى لراس ديال تلة وبقا كيشوف بعينين نارية...تفكر "ولد القتالة " عض على سنانو بجهد حتى تنفخ ليه فمو وتزير الفك ديالو وعروق راسو خرجو...بقا كيتنفس وتنفس كيتصاعد 
نيار : اناااا غانقتل ديلمك انااا غانحي مك غابالكهل يا ولد لقح** الى مكرفست زا** الي ولدك راني ولد لقتالة نييييت ...هاااااااااااععععع ولد لقا**** ياربيييييي ياربيييييي فففففف فففففففف ععععععععععععع ....اوففففف...بقا كيغوت ويضرب حتى حس براسو كلو ولا عرقان وخرج شوي من الغضب الي فيه...كن كان قدامو كن رد مو كفتة وميشعرش وميبردش.....وخصوصا انه جبد ليه مو وهو اي حاجة كتخص عائلتو محرمة انك تجبديها بسوء ولا حتى تنقصي منهم وخاصة مو ....رجع لسيارة وديمارا طريق كلها وهو منير لي حتى وصل فلعشية ...داز طلع لدار بطل حوايجو وخرج نيشان لنادي الي كيتريني فيه ...دخل وهو مغوبش وخنزر مكيشوفش الي حداه حتى من لكرتش ديالو مجاوبوش منين هضر معاه ...خلاه على راحتو حيث عارفو ...ميهضرش معاه حتى يمشي يتريني ويخرج غدايدو فلبوكس ..حتى كيولي وجهو حمررر وعروقاتو شلال عاد كيتنفس ....بقا مايقارب ساعتين ونصف وهو كيخبط فداك صاك ويغوت ..
نيار : بربييييييي لا نهايتك على ايدي يا انا مقتول ياناا معذب ومرمي فالحباسات كي الكلب ...القتال الي ولد زا*** بوك اولد لق** الكلب بربي تنعلق دينمك من قل*** الى مخليييييتك تغوت وتندب كي العيالات. راني ماشي نيار المرواني ...عقل علييييها المرييييوا هااععععع ...بقا هكاك الي حتى كمل وطاح تشبح فلارض صدرو كيطلع وينزل بجهد ...حتى شاف خيال شخص واقف عند راسو كان الكوتش كيمد ليه قرعة الما ...هزها خواها عليه باردة بزاف وشرب منها ...حيد لقفازات والباندا الي كان لاوي عليه...وحيد المايو الي كان لابس بقا عريان صدرو المنفوخ ولعرق الي هابط منو حتى لصق لي زغب على بعضياتو....
الكوتش : ياك مكاين باس...
نيار : لا رد ...مشا لبس حوايجو وهز صاكو وخرج نيشان لدار دخل حيد حوايجو كاملين ودخل دوش ...كمل وخرج لاوي عليه فوطة ...كان قبل ميدخل لدار وصا على تيليفون جديد ومشا حتى خداه ...حيدو من كارطونة دار فيه سيم ديالو كيف شعلو وصلوه ميساجات العلبة صوتية ومنهم ميساجات خوه ميار الي بقا مشطون عليه (قلب توام ) مبغاش يشطنو عليه رسليه ميساج الاطمئنان ودوز اتصال لفيصل...
نيار : غذا غاتحرك معايا لشركة ديال داك زا** ديال معتز...
فيصل : هو مكيكونش فيها كيكون فالقابضة الي كاينة فكازا...
نيار : مبغيتش القح** تمو هو بغيت المسؤل الي فهادي الي هنا عندي بيه غراض ...
فيصل : وناااري ناااري غاتخرج علينا ...
نيار : هاد الولية هادي هاد الق*** الخوافة تفووو على ديلمك سير غا قو*** 
فيصل : واخ...مخلاهش يكمل ...قطع عليه ولاح تيليفون وتلاح فوق ناموسية كيفكر ويفكر ...حتى طاح فبالو ديك خيتي الي كترسليه وتعيط لي شكون هي واش بغات ...وقرر يتهدن ويتكالما بزز منو باش ميتهورش ويمشي دقة بدقة حتى يوصل لمبتغاه ويشفي غليلو ...ويشوف حتى ديك خيتي شكون هي ما ربما تكون من لكلاب ديال معتز بناني ...الي ولا من مجرد قضية الي خاص يحلها لعدو ديالو ....

بعد مرور عدة ايام...في الصالة الكبيرة مجموعين ناس رجال مع الطلبة كيقراو القران ...صدقة دايرها على ود عرس بنتو الي بقات ليه هاهي تهنى منها وهاهو الجيلالي الرايس جوج بناتو كلهم وها اعتبارو وشانو عالي فالقبيلة ...وخا عارف هاد العريس لاخر عندو مشاكيل الا انه زوجها ليه ...اش وقع ليه وكيفاش وافق بهاد سهولة عليه وفرحان بيه ...ايييه لانه عندو الفلوس وعندو دار وعندو الي يعيشها ملكة كيف قال هو ومداريش ومعارفش را غايعيشها فالجحيم ...طفولتها غاتقتل واحلامها ضاعت مستقبالها الي رسمت كلو تبخر...
هي فالصالة جنبها خواتاتها الي فيهم كتكحل وتقاد وتعكر والي مضاربة مع حزام تكشطتها ..والي كتقلب على بلغتها ..والي كترضع فولدها ..والي كتسول على شيحاجة ..
اما هي فاملي كملت ليها الكوافورة خلاتها فالبيت حتى يخرجوها وسط العيالات ..ممخالطينش العرس ومكاينش عرس غير قعدة خفيفة تحت طلب العريس الي مكبغيش يتخالط ...ومبغاش ضرب وشطيح ....مقنتة فبلاصتها حتى تخرج مع خواتاتها لعند لعيالات...الرجال قراو الفاتحة وكيف العادة تا قاضي مبغا يدوزها ليهم فالعقد فاضطر يجيب عقد نسخة تبقا عند باها ونسخة عند العريس ...عقد كيديروه منهم. راسهم ريتما توصل لسن القانوني ويعقد عليها...عيات معاه ليلى اختها الكبيرة باش يتسنى حتى توصل لسن عالاقل غير ووالو لا حياة لمن تنادي...
~~~~رجوع بالذاكرة....
جيلالي : واش بغيتيها توصل 17 عام وتاحد ميبقى يقبل عليها..
ليلى : اابا را غايبقى خاطبها حتى توصل لسن الزواج ابا ...نتا عارف حليمة ماشي كيفنا ...حنا خرجنا راسنا من القراية ...هي لا بغات تقرا وذكية ...معليش ابا غير قوليه يصبر ...وزايدون را عندو مشكيل ابا راه متقف يعني راك عارف
جيلالي : ااايه عارف ورا بدا يتعالج وغادي مزيان....وهذاك العريس لا فلتناه مشينا خلا را عندو الخير والخمير غير دار الي باني فدار بيضا را تحنت ...اجي شفتك نتي درتي ولادك ومبقيتيش تمرگي وتناقشي معايا فقلة الحيا هااا...
ليلى : سمح ليا ابا 😞...
~~~عودة...
ليلى من بعد مالبست حوايجها...تقابلت معاهم وقالت ليهم بالي غاتخرج باش تشوف واش كلشي واجد باش يخرجوها...شافت في ختها بحزن وخرجت ...وهي فطريقها..سمعت صوت شي هضرة ديال شي حد وصوت نسوي ..قربت لمصدر صوت...وهي تسمع ومزال ما خرجت من صدمة العريس الي عندو مشكيل فمشكيل زادتها صدمة ماسمعت...طلت عليهم وهما عند بالهم مضرگين ومستغلين انشغال ناس والعيالات...كانو هما بجوجات خديجة اخت العريس ومعاها مراة لخرا...
خديجة : واش متاكدة مغايشوفنا حد ؟ طلقينا دغيا ..شوفي كيف ديري رشي هنا وهنا وانا غانتسنى حتى يخرجو من لبيت يديو العروسة 
المراة : ايه انا غانرش متخافيش حاولي تجيبي شي حاجة من حوايجها ديال لتحت...
خديجة : ياك انعيمة متيقنة غاتولي كي لخدامة ياك .؟؟
نعيمة : وايه على حنا كنكدبو غير جيبي ومتخميش غاتولي كي لكلبة تحت رجليكم...
خديجة : مزيااان...يلاه يلاه قضي انا غانحضي ...
ليلى : "قلبها بدا يضرب بجهد حتى بغا يخرج" سمعتها بغات تخرج وهي تمشي كتجري لبيت لي فيه حليمة وجرتها من وسط منهم بداعي خاصها تبقى بوحدها باش ميتخالطوش معاها وتبقى بخاطرها...بقات جاراها حتى دخلتها لبيت بوحدها ووجهها صفر...
ليلى : شوووفيييي غادي تسمعيييني اش غانقوليك نتي غاتهربي من هنا متبقايش ضوري هنا انااا غانعاونك سمعتييي
حليمة : اويلي على غانهرب با غايقتلني اهئ اهئ
ليلى : والى مشيتي غاتقتلي تقتلي اللهم طلبي زهرك سمعتيييني ...
حليمة : كيفاش غانديرو...
ليلى : نتي غير بقاي هنا انا عارفة اش غاندير غير تسمعي الغوات خرجي لبرا متشوفيش قدامك غاتمشي لبيت الي فيه لباب ديال دار من لور وتم غاتخرجي غاطيري لحدا دار سي لمعطي غاتبقاي تم شوية وتحركي جري لشانطي غاتلقاي طوموبيل واقفة وشاعلة ضو ..غانوصي عادل ولد لوسي يديك ...وديك ساعة غانهضر معاك ونقوليك اش ديري ..
حليمة : مفهمتش كيفاش اش واقع ...
ليلى : ديييري اش قلت ليك ...
حليمة : منقدرش خاايفة يقتلني باااا اهئ اهئ...
ليلى : "معرفت باش تقنعها ملقات غير حل واحد" فراسك هذا الي غاتزوجي بيه كل نهار غايسلخك وكل نهار غايزيدك دير العجب المعجب ..كل نهار غايضربك ضرب الي عمرك مشفتيه...وعاد غايقتلك "حيث حليمة عمرهم ضربوها مكتعرفش ضرب " وزادتها حتى القتل ...كملت ليها الباهية...ودابا دييير اش قلت ليك...
حليمة : وخااا 😰...

بقات هي فالبيت ومشات ليلى طايرة خرجت على برا ..هزت تيليفون عيطت لعادل ولد لوسها وصاتو اش يدير وتافقت معاه ...وهي مشات نيشان لواحد البيت مجموع فيه القش الي مليه حتى شي استفاذة كيقولو ليه "بيت صابون" وهو را مفيه لا صابون لا والو غير لقش وزبل المهيم يكون وصافي ...هزت واحد البيدو ديال ليصانص خواتو عليهم حتى مخلات ...
ليلى : سمح ليا ابا ولكن نتا الي درتي هادشي وجيتي تالاخر وغاتخورها...بغيتي ترسل بنتك لجحيم داخل مفقود والخارج مولود ...اللهم هكا ولا نصدقو كلنا شي هبيل شي قاتل راسو من تحت زمر وسحر ..هزت وقيدة شعلتها ولاحتها حتى شعلت لعافية ودارت #لهيب الي وصل سخونيتو ليها حتى دارت ايديها على وجهها من حر لهيب الي وصلها تسنات برهة وهي تمشي تجري بقات تغوت بلعاني وتقول ما غوت...
ليلى : وااااااواااو عتقوووو روووح واااااااواو وباااا واااابااا والعافية ويييييييو ويو ...
رجال سمعو الغوات وناضو كيجريو والعيالات حتى هما شي كيجري وكيطل غير خرج باها لقا لهيب ديال لعافية خارج من البيت ومشكيل قريب الكوري الى فات تاوصلو غايتحرق تا هو بالبقر الي فيه والبهايم والحالة...مشا كيجري...
جيلالي : سلااامة سلامة سلامة ياربي والحفيض الله...جاو رجال كيتجاراو شي مشا يجيب الما شي كيجري شي كيغوت ومنهم العيالات والنساب جداد وحتى لقدام كلشي كيغوت والحالة حالة استنفار وقعات...
اما حليمة الي كانت فالبيت غير سمعت الغوات مشات حلت الباب بان ليها صداع وناس كتجري مشات حتى هي كتجري وصلت لبيت الي قالت ليها عندهم فيه باب صغير ديال برا ولكن مسدود معرفتش باش تحلو وهي تفكر كاين ساروت حدا لحايط الي فيه بيت صابون والكوري....
حليمة : اهئ اهئ ياربي غايقتلني اش ندييير ياربييي ...بقات كتفكر وهي ديرها فايد الله الي ليها ليها...مشات كتجري دخلت وسط الناس بتاجها وداخلت استغلت انهم مشغولين وكيطفيو فالعافية وميكنش تخرج قدامهم قربات حدا الكوري الي معلق فالحايط ديالو ساروت ...العافية مقدروش يسيطرو عليها مع كان حتى تبن محطوط تما حدا بيت صابون والكوري ومضربة ديال لقطن الي شدت فيها العافية حتى ترفع لهيب وكانت هي حداه ...
باها مداهاش فيها كان خايف من الكوري لا توصلو العافية ...قشعها علال ومشا كيجري باش يحيدها وهو يطير عليها لهيب حتى تحرقت من ايدها وغوتت لربي الي خلقها ...
حليمة : ااااااه ايدييييييي 
ليلى : حلييييمة ختيييي اهئ...
مشا كيجري حتى لعندها هزها بجهد حتى طاحو بجوج هي من حر الحرقة الي فايدها محستش بيه كتر محست بخوف رهيب وهي كتشوف فيه كيشوف فيها وهي مخلوعة منو اكثر كتقفقف ناضت وقفت ووقف هو...
علال : سيييري دخلي اش خرجك ...هي بالخوف طارت ونزلت ومحاساش بايديها الي تحرقت طلقات منو وهي مرعوبة ومشات كتجري معارفاش فين غادية هو ناض مشا كيطفي فالعافية وخرجت كتجري وتهضر..والحموم ديال لعافية طلا ليها جلايلها ووجهها ...
حليمة : اهئ اهئ مب مبغيتوش غايقتلني غايقتلني ...كتجري ومحستش براسها حتى خرجت لبرا شافتها ختها ليلى وخلاتها كتجري احسن ملي تاحد مداها فيها عباد الله في رعب خايفة وباها ومها خايفين على البهايم ......بقات كتجري وهي في حالة هلع وكتهيتر كتفكر شوفاتو ليها شافت فعينيه شي حاجة كتخلع ...عينيه الي تبدل لونهم للون غريب بحال ماشي عينيه ...عينيه الي خلعوها معرفت راسها اشنوداكشي ...مشات كتحري ونسات اش قالت ليها ختها حتى دخلت وسط الفدادن ( الاراضي) ووسط ضلام والكلاب كينبحو من بعيد وقريب وهي كتجري حتى بان ليها ضو ديالشي طوموبيل معرفتش بالي راها وصط شانطي دخلت ...بقات طوموبيل كتكلاكصوني وتفراني حتى ضربت عليها فران مجهد تسمع صوتو فداك الخلا ...اما هي غابت عن الوعي قبل متعرف اشنو طرا .....
فرانا طوموبيل بجهد خرجو بجوج كيتحاراو ويشوفو اش ضربو ...
مهدي : سير دير لفاركود فطوموبيل دغيا ...ياربي ياربي تلطف...غير شعل قصي الفار كود بانت ليه فتاة طاحة ومغمى عليها معرف واش واقع ليها سوى دم خارج ليها من منخرها....
مهدي : ناااري 
قصي : خالي عيط لومبيلونص..
مهدي : غادي تعطل اش نديرو ...عيط عيط ...
قصي : خاص نعيطو ليها غاطيح فمشاكيل الى ديتيها نتا وتخاف تطرا ليها شي حاجة هما يعرفو ليها...
مهدي : غير زيد عاوني نهزوها نطيرو را قربنا لمراكش لومبيلونص ديال هنا ماشي بحال عندكم غاتعطس تلقاها عند خنشوشك زيد الحبس عاوني...انا غانتحمل لمسؤلية...

يتبع

التنقل بين الأجزاء

صفحة القصة
سيتم تشغيل صندوق التعليقات بعد لحظات
معظم التعليقات تم إخفاءها بواسطة الفيسبوك، نحاول بكل الوسائل المتاحة إستعادتها في أقرب وقت ممكن.