اللقيطة الجزء الثاني

خرجت وسدت الباب بجهد وقلبها كايتغلغل بلفقصة .لقات سي براهيم كايتسناها فالباب شد من عندها لبالزة ديالها اوصلها لدارو
سي براهيم- فاطمة ..فاطمة
فاطمة- هانا مالك كاتغوت ..شكون هاد البنت
سي براهيم- ضيف الله ..اجي معايا لبيت بغيت نهضر معاك
فاطمة- دخلي ابنتي كلسي ..الله يسمعنا خبار الخير
اكرم- سلام
ايات- سلام لاباس
اكرم -انا لاباس واش مسافرة
اشرف- سكتنى وشحال فيك دلاسئلة ..
ايات- الا مامسافراش انا غانكون بحال ختك منهنا لفوق الى بغيتي
اكرم - يعني غاتسكني معانا
اشرف- واش بصح
ايات- اه الى بغيتو
اكرم- انا اه بغيت ونتا ااشرف (عندو 6 سنوات)
اشرف- يكفي غير دوك شعكوكات لي عندنا فدار نزيدوها حتى هي (اشرف عندو 15 لعام)
فاطمة- مرحبا بيك ابنتي عمك براهيم عاودلي على ضروفك وبقيتي فيا كانتمنى تفاهمي مع لولاد
ايات- شكرا اخالتي الله يجعلها فميزان حسناتكوم
فاطمة- امييين هدا اشرف هو لكبير وعندي جوج بنات دابا يجيو وتعرفي عليهم وهاد لقريد لي حداك اكرم اكبر مشاغب غير صبري معاه
ايات- اكيد اخالتي راه انا ختو لكبيرة وغادي يحتارمني ياك ااكرم
اكرم - اممم مااانعرف
سي براهيم- ههههه الى سمعتها تشكاتلي منك راك عارفني منين كانشدك
اكرام- ههه ماتخافش
داز داك نهار مزيان مع العاءلة الجديدة وجاو لبنات وتعرفو عليها عجباتهوم بزاف وتفاهمو
"بعد مرور بضع ايام"
اسماء-بغيت نكبر ونولي بحالك (فعمرها 8)
ايات- هههههه امممم مانبغيكش تولي بحالي نبغيك تولي حسن مني حيت انا ماشي انسانة كاملة كيف كايبانليك
جيهان- طريقة هضرتك كاتفكرني فواحد خالتي الله يرحمها كانت قدك فاش ماتت وكانت هضرتها معقلة بحالك ( فعمرها 14)
ايات- امم شكرا على المدح وكانتمنى نكون بحال خالتك ونموت حتى انا ههههه
جيهان- (تأثرة بكلامها) جيهان خرجي وسدي االباب
اسماء- لا حتى انا بغيت نسمعكوم شغاتكولو
جيهان- حنى غادي نقولو هضرة ديال لكبار
اسماء- وحتى انا كبيرة
جيهان- غادي تنوضي ولى نعاود لماما شنو درتي لبارك
اسماء- اوووف صافي هانا نضت
ايات- علاش سبكتي عليها مسكينة
جيهان- كاتوصل لهضرة ديما فاضحاني مع ماما
ايات - اااه هههههه..
جيهان- كاتبانيلي حزينة ممكن تعاوديلي حسبيني صاحبتك
ايات- ابابتسامة.. شحال فعمرك
جيهان- انا 14 لعام
ايات- هههههه كاتباني كبر منى
جيهان- ههههههه واياه وجاو في لخطاب وسبكت عليهم هههههه
ايات- ههههههههه.. عبرتي مازالة صغيرة
جيهان- ماتهربيش من سؤال علاش نتي حزينة
ايات- امممم ..منين نبدالك
جيهان- شدتلها فيديها..انا غانسمعلك غير عاودي
ايات- انا فاش خلاقيت رماتني الام ليولداتني فواحد ضاية باش نموت وتتهنى مني
حيهان- هااا..اووووه مسكينة كيف قدرت ديرها..احم سمحيلي كملي
ايات- ومن بعد ربي كتبلي عمر طويل ولقاوني واحد جوج رجال فوسط واحد الميكة وداوني لطبيب ومن بعد مابريت داوني للخيرية ..
جيهان- او من بعد تبناوك ياك
ايات- تماما..ياريت لو ماتبناونيش
جيهان- علاش..
ايات- على الاقل كنت غادي نبقى مع اكتر شخص بغاني بصدق
جيهان- شكون هوا
ايات- ملاكي الحارس..
جيهان - مافهمتش
ايات- ههههههههههههههه وحتى انا
جيهان- هههههههههه لاباس راكي كاضحكي واخا داز عليك هادشي كامل
ايات- انا كايبانلي مازال ماداز عليا والو هههههه.. ديمة كانتفكر ماما لي رباتني وهي ليكاتنسيني فهاد شي ليوقاعلي مسكينة كانت كاتحلم نولي دكتورة باش نعالجها حيت كانت مريضة بسرطان وحتى انا كان هداك هوا طموحي ولاكم تجري الرياح في ما لا تشتهي السفن..

جيهان- غمضي عينيك وقوليلها شي حاجا محتاجة تقوليها
ايات- اممممم(غمضت عينيها) ماما فاتو ايام وشهور ..دكرياتك بقات فبال بركين يمكن دموع نساوك ملي نساتك العين لاكن القلب محروق وباقي عليك حزين وسمحلي الى بسبابي دكرك بشر لسان..هادي هي دنية وهادي سنة الحياة كلشي فينا يموت الى دكريات ..حيت الحاضر هو الماضي في المستقبل ..ماعمرني ننساك
جيهان- (عنقتها) الله يرحمها
ايات- امييين ..ونتي عاوديلي على حياتك
جيهان- انا حياتي موملة غادي نعاودليك على مغامراتي
ايات- واخا نسمعليك
جيهان-ﻛﻨﺖ ﻣﺼﺎﺣﺒﺔ ﻣﻊ ﻭﺍﺣﺪ ﺍﻟﻮﻟﺪ ﻭ ﻛﻨﺖ ﻛﺎﻧﺒﻐﻴﻪ ﺑﺰﺍﺍﺍﺍﺍﻑ، ﻭ ﻛﻨﺎ ﻋﺎﻳﺸﻴﻦ ﺍﻟﺤﺐ ﻭ ﺍﻟﺮﻭﻣﺎﻧﺴﻴﺔ ﻭ ﺩﺍﻛﺸﻲ ﺩﻳﺎﻝ ﻋﻴﻂ ﻟﻴﺎ ﺑﺎﻟﻠﻴﻞ ﻧﻌﻴﻂ ﻟﻴﻚ، ﻭ ﻗﻄﻊ ﺍﻧﺖ ﺍﻟﻠﻮﻝ ﻻ ﻗﻄﻌﻲ ﺍﻧﺘﻲ ﺍﻟﻠﻮﻟﺔ ... ﺍﻟﻤﻬﻢ ﻭﺍﺣﺪ ﺍﻟﻨﻬﺎﺭ ﺟﺎ ﻋﻨﺪﻱ ﻣﺤﻤﺪ ﻭ ﻗﺎﻝ ﻟﻴﺎ ﻏﺎﺩﻱ ﻧﺘﺰﻭﺝ ﺑﻮﺍﺣﺪ ﺑﻨﺖ ﺧﺎﻟﺘﻲ ﻭﻏﺎﺩﻱ ﻧﻤﺸﻲ ﻣﻌﺎﻫﺎ ﻟﻔﺮﻧﺴﺎ ...
ايات- اوووووه ولد لحرام
جيهان-ﺃﻧﺎ ﻣﺎﺗﻴﻘﺶ، ﻭ ﻛﺎﻧﻌﻴﻂ ﻟﻴﻪ ﺗﻴﻠﻴﻔﻮﻧﻮ ﻃﺎﻓﻲ ﻭ ﺣﻴﺪ ﺍﻟﻔﺎﻳﺴﺒﻮﻙ ... ﺣﺘﻰ ﻟﻮﺍﺣﺪ ﺍﻟﻨﻬﺎﺭ ﻣﺸﻴﺖ ﺣﺪﺍ ﺩﺍﺭﻫﻢ ﻭ ﺃﻧﺎ ﻧﻠﻘﻰ ﺍﻟﻌﺮﺱ ﺩﻳﺎﻟﻮ ... ﻭ ﻃﺎﻟﻘﻴﻦ ﺩﻳﻚ ﺍﻷﻏﻨﻴﺔ ﺩﻳﺎﻝ : " ﺍﻋﺬﺭﻳﻨﻲ ﻳﻮﻡ ﺯﻓﺎﻓﻚ ﻣﺎﻗﺪﺭﺗﺶ ﺍﻓﺮﺡ ﺯﻳﻬﻢ ﻣﺎ ﺧﻄﺮﺵ ﺍﺑﺪﺍ ﻳﻮﻡ ﻓﻲ ﺑﺎﻟﻲ ﺍﻧﻲ ﺍﺑﻘﻰ ﻭﺍﺣﺪ ﻣﻨﻬﻢ "... ﺻﺎﻓﻲ ﺗﺼﺪﻣﺖ ﻭ ﻣﺸﻴﺖ ﻟﻠﺪﺍﺭ ﻭ ﺩﺧﻠﺖ ﻟﻠﻄﻮﺍﻟﻴﻂ ﻭ ﺑﺪﻳﺖ ﻛﺎﻧﺸﻮﻑ ﻑ ﺍﻟﻤﺮﺍﻳﺔ ﻭ ﻛﺎﻧﺴﺐ ﻭ ﻛﺎﻧﻘﻮﻝ ﺗﻔﻮ ﺣﻨﺎ ﺍﻹﻧﺴﺎﻥ ﻣﺎﻣﺰﻳﺎﻧﻴﻨﺶ ... ﻛﻮﻥ ﻏﻴﺮ ﺗﻌﺎﺷﺮﺕ ﻣﻊ ﺍﻟﺤﻴﻮﺍﻧﺎﺕ ﻭﻻ ﺍﻟﻨﺒﺎﺗﺎﺕ ﻭﻻ ﺍﻟﺠﻨﻮﻥ ... ﻭﻫﻮ ﻳﺨﺮﺝ ﻟﻴﺎ ﻭﺍﺣﺪ ﺍﻟﺠﻦ ﺯﻭﻳﻴﻦ
ايات- اوييليييييي واش بصح
جيهان- بلاتي نكمليك ﻭ ﻗﺎﻝ ﻟﻴﺎ : ﺍﻧﺎ ﻏﺎﺩﻱ ﻧﺴﻴﻚ ﻓﻴﻪ، ﻧﺘﻲ ﺭﺍﻙ ﻛﺎﺗﻌﺠﺒﻨﻲ ﻣﻦ ﺷﺤﺎﻝ ﻫﺎﺩﻱ ﻭ ﺧﺼﻮﺻﺎ ﺻﻮﺗﻚ ﻣﻠﻲ ﻛﺎﺗﻐﻨﻲ ﺃﻡ ﻛﻠﺜﻮﻡ ﻑ ﺍﻟﻄﻮﺍﻟﻴﻂ ... ﺍﻧﺎ ﺗﺨﻠﻌﺖ ﻭ ﻓﺮﺣﺖ ﻓﻨﻔﺲ ﺍﻟﻮﻗﺖ، ﺍﻟﺤﺒﻴﺐ ﺩﻳﺎﻟﻲ ﻳﺎﻻﻩ ﺗﺰﻭﺝ ﻭ ﺩﻏﻴﺎ ﻟﻘﻴﺖ ﻭﺍﺣﺪ ﻛﺎﻳﺒﻐﻴﻨﻲ .. ﺻﺎﻓﻲ ﻣﺎﺑﻴﻨﺘﺶ ﻟﻴﻪ ﺍﻟﺨﻮﻑ ﺩﻳﺎﻟﻲ ﻭ ﻗﻠﺖ ﻟﻴﻪ ﻛﻴﻔﺎﺵ ﻧﺪﻳﺮﻭ ﻭ ﺍﻧﺎ ﺍﻧﺲ ﻭﻧﺘﺎ ﺟﻦ ... ﻗﺎﻝ ﻟﻴﺎ : ﺍﻧﺎ ﻧﻌﻴﺶ ﻣﻌﺎﻙ ﻑ ﺍﻟﻌﺎﻟﻢ ﺩﻳﺎﻟﻚ ﻭﻟﻜﻦ ﺑﺸﺮﻁ، ﻣﺎﺗﺒﻘﺎﻳﺶ ﺗﺪﻭﺷﻲ، ﻭ ﻣﺘﻤﺸﻄﻴﺶ ﺷﻌﺮﻙ ﻭﻣﺎ ﺗﺸﻮﻓﻲ ﺣﺘﻰ ﻓﺸﻲ ﻭﻟﺪ ﻭ ﻟﻜﻦ ﻏﻴﺮ ﺍﻧﺎ ﻟﻲ ﻏﺎﺩﻱ ﻧﺸﻮﻓﻚ ﻫﺎﻛﺎ، ﺍﻟﻨﺎﺱ ﻏﺎﺩﻱ ﻳﺸﻮﻓﻮﻙ ﻋﺎﺩﻳﺔ ... ﻗﻠﺖ ﻟﻴﻪ ﺻﺎﻓﻲ ﻭﺍﺧﺎ ... ﺻﺎﻓﻲ ﺗﺼﺎﺣﺒﻨﺎ،
ايات- لا لا لا ماتقوليهااااااش
جيهان- وابلاتي نكمل..ﻭ ﻋﻄﻴﺘﻮ ﺍﻟﻤﻮﺩﺑﺎﺱ ﺩﻳﺎﻝ ﻓﺎﻳﺴﺒﻮﻙ ﺩﻳﺎﻟﻲ ﻭ ﺣﻴﺪﺕ ﺍﻟﻤﻮﺩﺑﺎﺱ ﺩﻳﺎﻝ ﺍﻟﺒﻮﺭﻃﺎﺑﻞ ﻭ ﺳﻮﻟﺘﻮ ﻭﺍﺵ ﻋﻨﺪﻭ ﺷﻲ ﺧﻮﻩ ﻗﺒﻴﺢ، ﻗﺎﻝ ﻟﻴﺎ ﻋﻨﺪﻱ ﻭﻟﻜﻦ ﻣﺸﻰ ﻟﺮﻭﺳﻴﺎ ... ﺻﺎﻓﻲ ﺗﺼﺎﺣﺒﻨﺎ ﻭ ﺩﻳﺘﻮ ﻟﻤﻮﺭﻭﻛﻮ ﻣﻮﻝ ﻭ ﺗﺼﻮﺭﻧﺎ ﻭ ﺩﺭﻧﺎ ﺃﻭﻝ ﻗﺒﻠﺔ ﻭ ﺗﻌﻨﻴﻘﺔ ... ﺻﺎﻓﻲ ﺗﻄﻮﺭﺍﺕ ﺍﻟﻌﻼﻗﺔ ، ﻭ ﻫﻮ ﻳﻘﻮﻝ ﻟﻴﺎ ﻋﺰﻟﻲ ﻟﻤﻦ ﺑﻐﻴﺘﻴﻨﻲ ﻧﺘﺴﻴﻒ ﻟﻴﻚ ﻭ ﺃﻧﺎ ﻧﻘﻮﻝ ﻟﻴﻪ ﺗﺴﻴﻒ ﺑﺤﺎﻝ ﺗﺎﻣﺮ ﺣﺴﻨﻲ ﻭ ﻫﻮ ﻳﻮﻟﻲ ﺗﺎﻣﺮ ﺣﺴﻨﻲ ...
ايات- لا نتي مجنونة بلوراق تامر حسني
جيهان- ههههه ﺍﻧﺎ ﻓﺮﺣﺖ ﺍﻟﺤﻠﻢ ﺩﻳﺎﻟﻲ ﻏﺎﺩﻱ ﻳﺘﺤﻘﻖ ... ﺻﺎﻓﻲ ﻓﻘﻨﺎ ﺍﻟﺼﺒﺎﺡ ﻣﺸﻴﻨﺎ ﺩﺭﻧﺎ ﻻ ﻣﺎﺭﺵ ﻑ ﻋﻴﻦ ﺍﻟﺬﺋﺎﺏ ﻭﺟﻴﻨﺎ ﻟﻠﺪﺍﺭ ﻭ ﺑﻘﻴﻨﺎ ﺷﻲ ﺳﻴﻤﺎﻧﺔ ... ﺷﻮﻳﺔ ﺑﺪﺍ ﻛﺎﻳﻄﻠﻊ ﻟﻴﺎ ﻓﺮﺍﺳﻲ ﻭﻗﺮﺏ ﻋﻴﺪ ﺍﻟﺤﺐ ﻭ ﻣﺎﻋﻨﺪﻳﺶ ﺑﺎﺵ ﻧﺸﺮﻱ ﻟﻴﻪ ﺍﻟﻜﺎﺩﻭ ﻭ ﻭﻟﻴﺖ ﺑﺎﻏﺔ ﻏﻴﺮ ﻛﻴﻔﺎﺵ ﻧﺘﻔﻚ ﻣﻨﻮ ... ﻛﻨﺖ ﺗﻨﺪﻱ ﻣﻌﺎﻳﺎ ﻭﺍﺣﺪ ﺻﺎﺣﺒﺘﻲ ﻣﺘﺪﻳﻨﺔ ﻭ ﺣﺎﻓﻀﺔ 60 ﺣﺰﺏ، ﻛﺎﻥ ﻛﺎﻳﺨﺎﻑ ﻣﻨﻬﺎ ﻭ ﺃﻧﺎ ﻧﺪﻳﺮ ﻣﻌﺎﻫﺎ ﻭﺍﺣﺪ ﺍﻟﺨﻄﺔ ... ﻛﺎﻥ ﻧﻬﺎﺭ ﺍﻟﺴﺒﺖ ﻗﻠﺖ ﻟﻴﻪ ﻧﻤﺸﻴﻮ ﻟﻠﺴﻴﻨﻤﺎ " ﻣﻴﻐﺎﺭﺍﻣﺎ ..." ﻣﺶﻳﻨﺎ ﺩﺧﻠﻨﺎ، ﻭ ﺗﻔﺮﺟﻨﺎ .
ايات- جن كايتفرج فسينما هههههه
جيهان- ﺷﻮﻳﺔ ﻗﻠﺖ ﻟﻴﻪ ﻧﻤﺸﻲ ﻟﻠﻄﻮﺍﻟﻴﻂ ﻭ ﺃﻧﺎ ﻧﻌﻴﻂ ﻟﻬﺎﺩﻳﻚ ﺻﺎﺣﺒﺘﻲ ﺍﻟﻤﺘﺪﻳﻨﺔ ﻗﻠﺖ ﻟﻴﻪ ﻣﻦ ﻫﻨﺎ ﻧﺺ ﺳﺎﻋﺔ ﺁﺟﻲ ﻋﻨﺪﻱ ﻟﻤﻴﻐﺎﺭﺍﻣﺎ . ﺻﺎﻓﻲ ﺳﺎﻻ ﺍﻟﻔﻴﻠﻢ، ﺧﺮﺟﻨﺎ، ﻳﺎﻻﻩ ﻭﺻﻠﻨﺎ ﺣﺪﺍ ﺍﻟﺒﺎﺏ ﻭ ﻫﻲ ﺗﺒﺎﻥ ﻟﻴﻨﺎ ﺻﺎﺣﺒﺘﻨﺎ ﺟﺎﻳﺔ ﻭ ﻫﻮ ﻳﺘﺨﻠﻊ ﻭ ﻗﺎﻝ ﻟﻴﺎ ﻧﺎﺍﺍﺭﻱ ﻣﺎﺑﻐﻴﺘﻬﺎﺵ ﺗﺸﻮﻭﻓﻨﻲ، ﻭﺃﻧﺎ ﻧﻘﻮﻝ ﻟﻴﻪ ﺗﺤﻮﻝ ﻟﺴﺮﺍﻕ ﺍﻟﺰﻳﺖ ﻭ ﻫﻮ ﺗﺤﻮﻝ ﻟﻴﻪ ﻭ ﺃﻧﺎ ﻧﻌﻔﻂ ﻋﻠﻴﻪ ...ههههههههههههههههه
ايات- (حالة فمها ) اويلي قتلتي جن
جيهان-ااه ههههههههههه.. ﺣﺘﻰ ﺍﻟﻤﺮﺓ ﺍﻟﺠﺎﻳﺔ ﻭﻧﻌﺎﻭﺩ ﻟﻴﻜﻢ ﺍﻟﻘﺼﺔ ﺩﻳﺎﻟﻲ ﻣﻊ ﺧﻮﻩ ﻟﻲ ﺟﺎ ﻟﻴﺎ ﻣﻦ ﺭﻭﺳﻴﺎ ﺑﺎﺵ ﻳﻨﺘﺎﻗﻢ ..هههههههههههههههه
ايات- ههههههههههههههههههههه كدابا يحسابني بصح هههههههههههه الله يعطيك ماتاكلي اخخخخ ماقديتش نوقف من ضحك ههههههههههه
جيهان- هههههههه ضحكتك ياك كل مرة نعاودليك حاجة باش نسيك فلماضي
ايات-ابتسمة.. شكرا بزاف اختي..

مرو بضعة ايام والوضع مستقر وايات رجعت ليها الحياة مرة ثانة تحسنت فدراستها والامتحالانات قربو وهي وجيهان كايحفضو للامتحانات جيهان عندها الثالثة اعدادي وايات عندها الباك منين كايتحشاو فلبيت ماكايخرجوش
ايات- هههههههههه نتي مسخوطة
جيهان-ههههههههههههههه
فاطمة-دخلت عليهم .. تبارك الله على ليكايحفضو الى كنتو غاتبقاو ضحكو نوضو عاونوني فلكوزينة ومنها ضحكوني معاكوم
ايات- اهاه واخا اخالتي نعاونك علاش لا
جيهان-ولحفاضة
فاطمة - انوضي يالغشاشة منين كنتي كاضحكي مابانتليكش لحفاضة
ايات- شنو ندير اخالتيى فاش نعاونك ماما الله يرحمها علماتني كاع شغال دار وحتى طياب
فاطمة -تبارك الله عليك اجي طيبي نتي لوبية ونتي عجني
جيهان- علاش ديمة انا كاتعطيني الحاجة صعيبة
ايات- غير سيري نتي انا نطيب وندوز نعجن
جيهان- اويلي يا نحفضو بجوج يانشقاو بجوج هههه
ايات- ياك كانكوليك نتي مسخوطة
فاطمة - احم بنتي ايات بغيييت نقولك شي هضرة
ايات- الله يسمعنا خبار الخير
فاطمة- اشرف كايتشكالي منك بزاف وكايقولي كاتحكري عليه بزاف
جيهان- ونتي كاتنيقي داك لمبوحط ديالك شي نهار غادي نقتلو كون شفتي شكايديرلها مسكينة وهي كاتصبر ليه
ايات- جيهان صافي
جيهان- مكاينش صافي انا كانقول غير الحق
فاطمة- لموهيم مانبغيهش يتشكى منك مرة اخرى (خرجت من الكوزينة)
ايات- واخا اخالتي( بدات تبكي)
جيهان- اااخ هبيلة اترت فيك هاد لهضرة ..
ايات- ام لا غير تفكرت لمتحانات وصافي
جيهان - امممم باينة واصافي ضحكي..واضحكي
ايات صافي هانا ضحكت
جيهان- نعاودليك شي مغعامرة من مغامراتي
ايات - هههههه لا الى مكانش فيها جنون
جيهان- انعاودليك واحد نهار واح البنت كانت كاتقرا معايا في سابعة و جالسين فحصة ديال الطبيعيات في الباياصات ههههههههههه و الاستاد خرج و ناضت هيا لعند شي بنات كاتجمع معاهم المهم انا بقيت جالسة معا واحد الدري كان صديييييقنا و قلت ليه هادي دابا لي مشات شنو ندير فيها قالي ستني نجيبها من شعرها ههههههههههههههههه
المهم ناض وقف وراها هيا ما شافتوش وانا نعيط ليها قلت لها سميرة شدي هيا حسابلها رميت لها شي حاجة ههههههههه و اللاوعي ديالها مدت يديها و جمعتها قبل ما تدور تشوف شنو و ما غيييييييير يدها جات ف ز* داك الدري ههههههههههههههههه شبراتو مزيااااااااان كاتبان لي صفااااااااااااااارت و هوا شد لها يدها و جرها و قالها زيدي تجلسي و عمرنا ما جبدنا ديك الهدرة معاه و حتا هو عمل فحال يلا ما وقع والو و هيا بقات عليا عرفتي عامل فحال يلا جمعتي 10 دالستيلويات ههههههههههههه و قد هاكدا و. و. و هههههههههههههههههههههههههههههههه
ايات-ههههههههههههههههههههههه وسخوطا مسخوطااااااا نتي ههههههههههه اااه حناكي كايحرقوني بضحك بلاتي نعاودليك حتى انا نههه انا واحد المره جات عندنا واحد البنت ضيفة واحتاجت للبيسي ايوا اعطيتوليها والبنات مشات هدرات مع شي حد وصيفطليها شي فيديويات نتاع xxx ايوا لغد ليه كالسه انا والواليد تخيلو الواااااااليد كنهدرو مع واحد بنت عمي وهي تصيفطلينا شي فيديويات ديال واحد العرس وفاش كيتصيفطو كيدخلوا لواحد الدوسي ايوا فاش حليتو وبركت على الفيديو ناااااااااااري يا لطيف فشلت وهو مرك وتلفت مالقيت ماندير وانا نطفيه ههههههههههه ومشا قال للواليده راه بنتك عندها المسخ فداك البيسي من تما حلفت عمر البيسي نعطيه لشي وحده واخا تكون مي...

جيهان- ههههههههههه متعاويداااااا دايماااان ههههههههههههه
ايات- والله ماتقتيش ماشي انا ليدخلت لفيديوهات
جيهان- ااااااه خخخخخخخخخخ تيقتك
ايات- نيتك ناقصة هههههههه
جيهان -انا ولا نتي هههه..عقلتي على كوكو gogo
ايات-شكون هوا هاد كوكو gogo
جيهان - انا غانغنيلك ونتي عقلي
ايات- اوكي
جيهان- تيرا تيرا تريا..رايت الحقيقة خلف البصر.. رسمت الحروف بعمق الحجر انرت طريق ووجدت اليقين ..رفعت الجباه والهمم ..ازلت الغابار عن وجه الحنين ايقضت الرئ ودممة...دراغون بول توتو توتورورو دراغون بول توتوتوتوتورورورو
ايات- ااااه هههههه عرفتو كونت كانجي من المدرسة كانجري كانلقى ماما موجدالي كاسكروط كانلوح شانطة وندخل نشدق ونتفرج
جيهان-ههههه واياااه
ايات- انا عندي اغنية وحداخرة عزيزة عليا ديال ابطال دجتل عرفتيها عندي معاها دكريات
جيهان- اه عرفتها .. لا تبكي يا صغيري لا انضر نحو السماء من قلبك الحريري لا لاتقطع الرجاء
ايات- ان الامل جهد عمل والجهد لا يضيع الامل جهدن عمل ..ههههههه غير كانسمعها كانتفكر دكريات الطفولة
جيهان- هههههه وكونان حتى هوا هداك لقزام ويلي كونت كانحمااااق عليه بداك لبابيون باش كايبدل صوت كونت معجبة بيه ههههه
ايات- ههههههه ما كاينش شي بنت صابرة على حبيبها فحال "ران" كاتسنى في كونان يرجع سينشي من 1996 الى 2016 ..ههههههههههههه
جيهان- ههههههههههههههههههه اول مرة غاتكولي شي حاجة كادحك
ايات- ياك ههههههههههه الحمد لله بعدا مانكونش بحالك نشيطية مع راسك
جيهان- حنى لبنات خطاااار والله ﺑﺈﺳﻢ ﺍﻟﻠﻪ ﻣﺎ ﺷﺎﺀ ﺍﻟﻠﻪ علينا ﻫﻬﻬﻬﻬﻬﻪ ﻛﺎنﻬﺪﺭﻭ ﻛﺎﻣﻠﻴﻦ
ﻭ نﻀﺤﻜﻮ ﻛﺎﻣﻠﻴﻦ ﻭ نﻐﻮﺗﻮ ﻛﺎﻣﻠﻴﻦ ﻭ نﻔﻬﻤﻮ ﻛﺎﻣﻠﻴﻦ .. !!ﻟﺪﺭﺟﺔ ﺃﻥ ﺍﺑﻠﻴﺲ ﻛﺎﻳﺪﻭﺥ ﻣﺎﻛﺎﻳﻌﺮﻑ ﻟﺸﻜﻮﻥ ﻳﻮﺳﻮﺱ ﻭ ﺷﻜﻮﻥ ﻳﺨﻠﻲﻟﻜﻦ ﻓﻐﺎﻟﺐ ﺍﻷﺣﻴﺎﻥ ﻛﺎﻳﺠﻠﺲ ﻏﻴﺮ ﻳﺴﺘﺎﻓﺬ ﻭ ﻳﻤﺸﻲ
ايات - ههههههه كايناااااااااااااااا
طاح الحك وصاب غطاه هاد جوج بنات كايقتلوني بضحك بالخصوص جيهان لعفريتة واخا مازالة صغيرة قافزة ومطورة ماشاء الله كاتبان كلر من سنها لا فلعقل ولا فالجسم عكس ايات لي مهدنة وقلبها طيب ودريويشة ولاكن لي يكلس حدى جيهان غير يقطع لوراق هههههه مستشفى المجانين
شوفي عطاوني انشاء استاد ديال العربية على اليتيم وغادي يدخلو لينا فالفرض ماعرفت مانكتب فيه
ايات- صافي سالينا يالاه ندخلو لبيت ونكتبو ليك
جيهان- واش بصاااااح غادي تكتبيه ليا شكرا بزاااااف اختي
ايات - من بعد ما دخلو للغرفة.. اري ورقة
جيهان- هاكي غادي نمشي نجيب واحد لكتاب من عند صاحبتي ونرجع ماغانتعطلش
ايات- واخا سيري
مشات جيهان وكلست ايات ماتكتب انشاء اليتيم ابدعت فيه لانها حكات على واقعها الحالي
اشرف- شكاديري
ايات- كانكتب
اشرف- كاتكتبي رسالة لصاحبك
ايات- كون تحشم وحتارمني راني كبر منك
اشرف اممم واخا اري نشوف ..
ايات- كولتليك سير تلعب
اشرف -مابغيتيش(خطف ليها الورقة وهرب)
هرب وهي تابعاه حتى زلق وطاح تهرس
اشرف- اااااااااااااااااه اااااي رجلييي
فاطمة- ولدي ولدي حبيبي اش درتي ليه
ايات- مصدومة (والله ما انا اخالتي راه طاح بوحدو)
اشرف- هي ليدفعتني
فاطمة - بصراخ..اجي هزي معايا واري شي شال نربطليه رجلو
ايات..واخا ..والله ما انا اخالتي
فاطمة- شوفي هدا اخر تحدير عندي تزيدي غلطة غادي نجري عليك من دار وداكساع شوفي فين تمشي
ماقدرتش تتحمل دوك الكلمات الجارحة ولاكن سرطاتهوم حيت ماعندها علامن تحط راس داز داك نهار مشحون ونضرات فاطمة كادخل لقلبها بحال سيف ومكاين غير جيهان لي مرا مرا كاتلطف الجو بنكتها البايخة..

مرو بضعة ايام والوضع ولا متوتر فدار فاطمة ولات غير كاتغوت عليها وتنكر والى غلطة كاتوبخها بقصوة باختصار كانت كاتلمحلها باش تمشي بحالها ولاكن هي مسكينة كانت كاتجاهلها لانها مابغاتش ترجع للخيرية ..لكي تعيش عليك ان تتقن فن التجاهل باحتراف..وداكشي ليدارت حتى هي صعيب تكون عايش عالة على شي شخص ولاكن الضروف بنت لحرام كاديرها
في صباح احد الايام
فاطمة- اديك لبنت لبسي حوايجك وخرجي تسخري
ايات- واخا اخالتي
سي براهيم- غيلا اجي انا خارج شنو نجيبلك فيدي
فاطمة- اليوم جمعة غير سير تكلس رتاحلك شوية ليوم دخل دوش باش تمشي تصلي وهي ليغاتسخر
سي براهيم- الالة غير قولي ليعندك انا نتسخر
فاطمة- راسك قاسح
ادم- مالك على صباح كاضور دوختيني ريح شوية راه راسي كايضرني
ارسلان-وجد لفطور
ادم- مانعرف شوف ديك طاطاك غاتكون متبعة شي مسلسل ومخليانا بجوع
ارسلان- رقية ..رقية
رقية- نعام اسيدي
ارسلان- فين هوا لفطور
رقية- خمسة دقايق يكون عندك
ارسلان- سربي طلقي راسك جيبيه لجردة ليوم الجو زوين
رقية- واخة سمحلي اسيدي
ادم- مالك معصب اصاحبي اليوم راك ماشي هوا هداك
ارسلان -كانفكر وراسي مخربق شريكة وحالت الوليد غير مكاتزيد وتدهور
ادم- اممم نشوفلك شي قوقة تريحك هاد ليلة
ارسلان - الله يهديك راسك عامر بتخربيق اشمن قوقة ولا خوخة
ادم- غير دحكنى معاك
ارسلان- جعفر ..زجعفر
جعفر - هانا اسيدي
ارسلان(كايكتب فالورقة) شد غاتمشي لهاد العنوان وتقلب على هاد سمية الى لقيتيها علمني
ادم- (خطف ليه لورقة) ايات شكون هاد البنت
ارسلان- جعفر شكاتسنا
جعفر- واخا اسيدي
ادم- ماجاوبتينيش شكون هاد البنت
ارسلان- واش خاصك تعرف كولشي
ادم- ياك واخا كاتخبع اسيدي برافو
ارسلان- بقالك غير تبكي ..واش الى عرفتي شكون غادي ترتاح
ادم- طبعا غادي نرتاح
ارسلان- هادي واحد ..ماعرفتش كيفاش غانوصفهالك واش ختي واش بنتي واش عائلتي فالماضي..

ادم- بلاتي بلاتي ..احم هادشي خصو طولت البال شرحلي مزيان
ارسلان- فاش كنت فلميتم جابوها عندها 3 اشهر وانا كان عندي 10 سنين كانت بحال شي ملاك صغيور (كايبتاسم ويشوف فسماء) المديرة دارة قرعة شكون يسميها وجات في انا وسميتها ايات .. حيت كانو جوج بنات فلميتم سميتهوم اية وسميتها هي ايات باش منين نعيط ليها تفهمني وتجي عندي كانو رموشها كبار فاش كاضحك كايسدولها عينيها كونت كانموت عليها بضحك تعلقت بيها بزاف حطوها معايا فلغرفة باش تكون ختي حيت تما ليمجموع فشي بيت كايتسماو خوت ..فاش كانت كاتمرض كنت كانبقى فايق معاها ليل كامل وفصبح كناكل لعصى من عند الاستاد حيت كانعس فلقيسم ههههه..بدات كاتكبر وعلمتها دير اول خطوة واول كلمة قالتها هي "اسا" يعني ارسلان كانت مكاتفرقش مني ..ومكاتبغيش تنعس الى ماغنيتلهاش واحد الاغنية مازال كانتفكرها لدابا "لا تبكي يا صغيري" ماتنعسش الى ماغنيتهالهاش بداتواحد لمرة شافت واحد لبنيتة عندها دمية خداتهالها وبدات تلعب بيها ومنين شافتها البنت حيدتهالها وضرباتها شفتها وبقات فيا مشيت هرست قلوشة ديالي وهزيت دوك دريهمات ليجمعتهوم وشريتلها وحدا غير من الخوردة"قديمة" جبتها وصبنتها باش تزول منها ريحة البال وعطيتهالها ماتصورش شحال فرحات نعست داك ليلة وهي معنقاها هههه وسماتها "لالي"
ادم- امم هههه هاد شي كامل ...وااااو رمنسي من صغرك
ارسلان- اشمن رمنسي كلتليك راها كانت ختى
ادم- فهمت..ولي مافهمتش علاش كاتقلب عليها ..كاين شي سبب
ارسلان- هاه..لا ..غير بغيت نطمن على احوالها وصافي ..بحال اختى فهمتي
ادم- امم هههههه ..لا هادشي مافيهش ختى
ارسلا- صافي باركة من ضحك..شوف شحال فساعة تعطلتي نوض سير لشركة
ادم- واخا ونتا
ارسلان- شوية ونخلط عليك
ادم- واخا .. بسلامة ..أأأأ..ابو ايات
ارسلان- لا حول ولا قوة الا بالله سير لخدمتك سير
ادم- صاااافي هاهوا غادي
نرجعو عند سي براهيم مشا يتسخر ومالقاش ليبغى فدرب ضطر يمشي للمارشي بعيد شوية على الدار وهوا راجع من سوق وقدر الله ما شاء فعل ضرباتو سيارة جاية بسرعة على الفور قتلاتو .. تجمعو ناس عيطو للاسعاف ماجات حتى دازت ساعة وهوا طايح فالارض ودمياتو كايشرشرو وجاو لبوليس داو سي براهيم الله يرحمو للمشفى وعيطو على عائلتو وصلولهوم خبر وفاتو..هاد الخبر ليكان بحال شي صاعقة نزلت عليهم كاملين
كل العباد الى الفناء سبيلها ......فالعيش زيف والحياة غرور
والناس في قفص الحياة ودائع......لا امير يبقى ولا مأمور
حكم المنية في الخلائق نافد.....هيهات ليس لحكمها تغيير
نمضي الى اجالنا في لحضة ....وبمثلها تحت التراب نصير

ديك لعشية كانت العائلة كلها فالمشفى لبكى ونواح..وكلشي قلبو مكسور بالاخص ايات من بعد مالقات كتف تسند راسها عليه خداتو الموت مرة اخرى ..الله ما اعطى والله ما اخد..ولي ماعارفاهش ايات لحد الان لقلوب معمرة عليها وحاقدة لدرجة كبيرة كانها هي لي قتلاتو من بعد مارجعو العائلة من مستودع الاموات وهوما محملين معاهوم جثة سي براهيم الله يرحمو كانت ايات كاتحاول تواسي صديقتها جيهان ولولاد كدالك على فراق بباهم منين شافوه محمل وخارجين بيه للمقبرة حتى واحد ماستحمل هاد المشهد القاسي لى اكيد كل واحد كايقرى هاد القصة غادي يتفكر شخص عزيز عليه نهار كانو داينه للمقبرة وعاش نفس هاد المشهد القاسي على كل واحد فينا ..والله يرحم حميع موتى المسلمين ..دفنو المرحوم من بعد صلات العصر ودار عمرات بالناس طاح ضلام لي مشا بحالو مشا ولي مازال راه كالس كايتعشى اما ايات وجيهان كالسين وسط الناس وكايبكيو
جيهان- دابا عاد حسيت بيك اختى هئ هئ شحال صعيب تفقد شي حد عزيز عليك
ايات- صبري احبيبتي غير صبري ودعي معاه
فاطمة-( كاتشوووف فيها من بعيد بشر وناضت لعندها ) نتي شنو مازالة كاديري هنا
ايات- مافهمتش اخالتي شنو بغيتي تقولي
فاطمة- (بصراخ)قولتليك شنو ماوال مكلسك هنااااا..نتي سباب نتي
ايت- (ودموع فعينيها) علاش اخالتي كاتكولي هاد الهضرة انا شنو درت هداك قضاء الله وقدرو
فاطمة- نتي شيطانة ..نتي لعنة نزلت علينا..نتي ليقتلتيه ..نتي سبااااااب
جيهان- نعلي شيطان اماما شكاتقولي
فاطمة- سكتي نتي ..كون مششيتي نتي ..نتي ليكنتي غاتموتي ..نتي ماشي هوا..الله ياخد فيك لحق يتمتيلي ولادي الله ياخد فيك الحاااااااق هئ هئ
ايات- (طاحت فالارض كاتبكي) هئ هئ اااااه ياربي علاش مامتش انا علاااااش ياربي علااااااش
فاطمة- (جراتها من يديها بقسوة لعند الباب ولاحتها) كابغيتش نشوف وجهك ..مابغيتش نشوفك ..الله ياخدك ..الله ياخدك ويهنينا منك منهار شفتك والمصائب وحدة ورا لخرى
جيهان- ( كاتدفعها باش تخرج)حرام عليك اماما اشنو دارتليك لبنت
فاطمة- سكتي ..دخلي يالاااااه (دخلتها وسدت الباب)
ايات-(كادق فالباب بجهد وتغوت وتبكي ) خالتييييييييييي خالتي خليني غير لصبح ..خالتي حرام عليك ليل هدا ..اخالتيييييي (كلست فالباب وتبكي مسكسنة)
فاطمة- (حلت الباب ورمات عليها هوايجها وكتوبها) شدي لوسخ ديالك
ايات- ( جاها لحرف ديال لكتاب فراسها وفلقها) اااااه ..هئ هئ(كاتبوسلها فيدها( خالتي الله يخليلك لي عزيز عليك خليني غير لصبح ونمشي بحالي الله يخليك)
فاطمة- (دفعاتها حتى طاحت) لي عزيز عليا نتي ليقتلتيه (زدحت الباب بجهد)
ناضت مسكينة كاتمسح دموع مخلطين بالدم وتجمع حوايجها لمشتتين فالارض ..كاتشوف دنية خاوية حتى واحد ماكايضور من غير لمشاش وسكايرية الخوف نتابها ديك ليلة لكحلة عمرها ماتنسالها ولو عاشت الف سنة منين كاتلقى شي حبل قصير تشبت بيه وفجئة كايتقطع كاتلقى راسك طايح فالهاوية لا حنين لا رحيم من غير سيدي ربي هو الحينن بعبادو ..الخوف والحزن فقلب ايات كاتقلب غير على شي بلاصة تخبى فيها والو بقات كاتمشى حتى وصلت لدار باها كادق ودق ودق والو ما من مجيب تقول ميتين حتى كاتسمع خطوات وراها وقلبها كايضرب بلخلعة
العساس- شكون بغيتي
ايات- ناس لي ساكنين هنا
العساس- اه شفتو قبيلة مخرج مرتو واقيلة شدها لوجه غادي تولد
ايات- اه شكرا
العساس- اختي مالك خارجة فهاد اليلي واش ماخفتيش شي حد يتعدى عليك
ايات- (كاتخبع الخوف ديالها) انا كنت مسافرة وطران دار روطار فطريق او وصلت معطلة
العساس- اه كانشوف دم فراسك ياكما شي حد تعرضليك
ايات- لا رد
العساس- اجي الى بغيتي باتي فالعشا ديالي نا غانبات فايق اليوم عندي شي سيارات مجهدين غانبات حاضيهوم
ايات- (خافت) لا لا مكاين لاش
العساس- لي بغيتي انا غير خفت عليك راكي بحال ختي صغيرة مانبغيش يوقعليك شي حاجا
ايات-( بحالي حست شوية باراحة لهاد الشاب ولاكن ماعندهاش بديل) اممم واخا وسمحلي
العساس- العفو..يالاه زيدي معايا
تمشاو بجوج لبلاصة مابعيداش بزاف هوا فلقدام وهي تابعاه ملور بحدر وخايفة باتت داك ليلة تماك وداك العساس طلع ولد الناس حتى هوا مسكين وفصباح فاصت بكري ودعات العساس وشكراتو ومشات لباب ديال الدار كاتسنا باها يجي ..وهاهوا جا

حسن- ايات شنو كاديري هنا
ايات- كيف كاتشوف كانخلص ضريبة الحباة
حسن- مافهمتش
ايات- سمعت بلي مراتك ولدات
حسن- اه الحمد لله فكها ربي على خير
ايات- على سلامتها ..شنو تزادلك
حسن- (كايبتاسم) ولد واخيرا وليت اب
ايات-(شافت فيه ) على سلامتك منين وليتي اب
حسن- (جمع ضحكة) امم حتى نتي راكي بنتي
ايات- منين خرجت من عندك بغيتك تكمل الخير ليدرتي فيا
حسن- شنو هوا واش بغيتي لفلوس
ايات- لا بغيتك تردني منين جبتيني
حسن- الخيرية ياك بغيت نديك ليها ديك المرة ومابغيتيش
ايات- وهانا جيت دابا كانطلبك تديني ليها
حسن -واخا لي بغيتي
ركبت معاه فسيارة وكاتشوف فطريق وتفكر فحياتها كيف ولات من بنت مفششة لبنت بايتة فشارع وكاتشوف فحسن مافكرش حتى يسولها فين كانت هاد المدة كاملة بحالي دوك 12 لعام ماعمرو رباها بتالعت غصتو فقلبها كيف مكان الحال عادراه على الاقل هوا رباها وقراها ودار فيها خير حتى كبية ماقادراش تكرهو حيت واحد النهار كان هوا الاب لي صانها وحماها كل مكاتحس بيه من جيهتو هو الحقد
حسن- واش نتي..كاتكرهيني
ايات-(تنهدت ) ياريت كون قدرت نكرهك ..
حسن -سمحيلي بزاف كون كانت المرحومة عايشة مكانتش غاتلوحك كيف درت انا
ايات- (كاتشوف فطريق) كول واحد يخلصو الله
حسن- سمحيلي بزاف
ايات- لا رد
وصلو للخيرية وقفت حدى الباب كاتشوف فيها وقلبها كايضرب
حسن- يالله ابنتي زيدي دخلي
ايات- (دخل فيها شي شخص) ( بعصبية) شوف قدامك ابنادم
جعفر- سمحيلي اختي ماشفتكش
ايات- بسيف ماتشوفنيش ونتا داير بحال سلوم البلادية
حسن- شووو صافي سكتي ..سمحلينا اسيدي
ارسلان- جعفر ..جعفر..الو
جعفر- سمحلي اسدي غير واحد سوء تفاهم
ارسلان- شنو درتي لقيتي العنوان عطاوهلك
جعفر- لا مابغاوش ..
ارسلان- (بعصبية)شوف كيف دير ضور لفلوس خلص شي واحد يقلبليك على العنوان
جعفر- وداكشي ليدرت حتى انا منهنا شي يامات غادي يعطيوني العنوان
ارسلان- امم مزيان
الحاج- مالك كاتغوت
ارسلان-والو الحاج غير مع رجال دياولي وصافي
الحاج- امم مزيان خفف شوية من العصبية راه غاتخلص ضريبت الاعصاب من صحتك
ارسلان- ههه .. اجي كلس غير بشوية عليك
الحاج- شنو درتو فالمناقصة
ارسلان- دوك ناس صعاب ومطيحين تمان بزاف وصعيب نربحوها
الحاج -يكون خير اولدي خاص غير تحرك لفلوس من تحت طبلة
ارسلان- هداك هوا نهار لي مايحلموش بيه .. ونسى عليك داك العالم
الحاج- هههههههه داك العالم هوا لي وصلك لهاد المستوى لي نتا فيه اولدي ماتنساش
ارسلان- فهمتك شنو بغيتي تقول نتى دابا ديها غير فصحتك وداك العالم خليه لي انا
الحاج- هههه الله يعاونك هدا ماغانقولك
"في الخيرية"
المديرة- (مقلقة) هادي ماشي خدمة اسي حسن نهار ديتي هاد البنت واعدتيني انك تهلا فيها
حسن- اه ولاكن..
ايات- قاطعاتو..دابا الالة لمديرة واش غادي تقبليني هنا ولا نمشي نضبر على راسي
حسن- شووووو سكتي ..
المديرة - شحال فعمرك دابا
ايات-باقيلي شهراين ونكمل 18
المديرة- ونتي عارفة القانون ديار الخيرية فسن 18 كانخرجو دراري
ايات- اه عارفة
المديرة - واخا غادي نخليك تكلسي معانا هاد شهراين ونيت لمتيحانات باقيلهوم 15 ليوم منها تحفضي مزيان
حسن- شكرا...شكرا الالة ..نخليكم دابا
المديرة - بسلامة..شفتو رحان بحال الى كان غير على سبة
ايات- ماشي راه اليوم تزادلو ولد
المديرة - دابا عاد فهمت
ايات- أأأ...بغيت نسولك الى سمحتى
المديرة -تفضلي
ايات- ارسلان ماعندكش عليه شي خبار فين يكون دابا
المديرة- من بعد مامشيتي يجوج سيمانات واحد الراجل تبناه
ايات - اااه فهمت وماعندكش عليه شي خبار دابا ماعمرو مارجع يسول فيا
المديرة- لا على ماسمعت الشخص لي تبناه داه لامريكة
ايات- اهاه ..فهمت
المديرة - فكرتيني..شي حد جا كايسول عليك قبيلة هوا خرج ونتي دخلتي
ايات -انا سول فيا انا ..وكيداير هدا لي سول فيا وشنو سميتو
المديرة- قالي سميتو جعفر ..واحد راجل طويل وسمر وصحيح
ايات- مكانعرف حتى واحد بهاد المواصفات
المديرة- يمكن غير تشابه فالاسماء
ايات- يمكن..
مشى حسن كايجري وفرحان بحالي حيد جبل من فوق راسو مشاااا وشرا لفطور لمرتوووو ماشي راها نفيسا
فالو ناس زمان... شحال من فم يهضر بلاما يفهم ..وشحال من واحد ضلم بلاما يخمم....وشال من قلب غارق فالهم بلاما يتكلم .. وشحال من واحد يضحك ومن داخلو يتألم...

(مرحبا متتبعي القصة غادي نختاصر ليكم بعض المشاهد من هاد القصة لانها مازالة طويلة شوية الى جيت نكتب كلشي باتفاصيل غادي ناخد وقت كتير وانا باغيا نساليها دغيا باش تقولولي رئيكم في فيها ..لى بغيت نضيف ايضا ان جزء بسيط من هاد القصة حقيقي والجزء الاخر من من نسج خيالي فقط امممم صافي هادشي ليبغيت نقول نرجعو للقصة)
ايات كلست فالخيرية تقريبا شهر وكانت الامتحانات على الابواب تقريبا ايات كرست كل وقتها فلحفاضا واملها انها تنجح وتاخد الباك باش تقلب على شي خديما تهزها من هاد الوضع وصل وقت لموحد دوزت مزيان تبارك الله عليها ومن بعد 15 ليوم ضهرو النتائج والحمد لله نجحت وجات هي الثانية فالمؤسسة ..الانسان فاش كايوضع واحد الهدف قدام عينيه ولابد مايوصليه ..رجع جعفر لعند لعساس لي عطاه الرشوة باش يقلبليه بين الملفات على اسم ايات والعنوان ديالها وعطاه العنوان ..الى انه العساس مكانش عارف ان ايات رجعات للخيرية لان المديرة ماصوبتلهاش ملف جديد بما انها غادي تكلس غير شهراين خلات الموضوع هاكاك خدا جعفر العنوان ومشا لدار ديال حسان دق خرجاتليه اسية مرت حسن سولها على ايات قالتلو انها مشات وعطاتو عنوان سي براهيم الله يرحمو مشا لعندهوم وهضرات معاه جيهان وقالتلو انها نتاقلت من عندهوم واحتمال تكون رجعت للخيرية فكر جعفر وقال ان ايات مارجعتش للخيرية لانه من تما جاب العنوان وكون كانت رجعت كان لعساس غايقولهالو نقل جعفر الخبر لارسلان لي تئكد ان ايات حاليا كاتعيش ضروف صعبةكاتعيش ضروف صعبة
المديرة- سلام بنتي شكاديري هنا
ايات- كالسا كانتشمش
المديرة اها مزيان..اااا بغيت نقولك شي هضرة
ايات- (عارفة مور هاد الكلمة كاتجيها موصيبا ) الله يسمعنا خبار الخير
المديرة- كيما كاتشوفي جات بعد غدا العطلة وكلشي غايمشي عند عائلتو ونتي خاصك ضبري فين تمشي
ايات- اممم فهمت .. ولاكن انا ماعندي فين نمشي لو كنتي تصبري عليا نقلب على شي خدمة ونكري شي بيت ديري فيا هاد الخير لوجه الله
المديرة- فكرت حتى انا فهاد الموضوع ومستحيل نخليك هنا هادو قوانين المؤسسة
ايات- وشنو ندير نمشي نتلاح لزنقة
المديرة- لا حاشا انا فكرت اوووو قلت الى بغيتي تمشي تكلسي فدار العجزة تقابليهم وهانتي عايشا معاهوم حتى تلقاي شي حل
ايات- (ماعندهاش خيار اخر) واخا..

يتبع