اللقيطة الجزء الثالث

من بعد يومين نتاقلت ايات لدار العجزة لقات تما وضع مزري اكفس من الخيرية لوسخ ونكير ناس لكبار ها لي كاتشكي عليها من هنا ها لي كاتبكي عليها من هنا وهي قلبها طااايب بمشاكلها بقالها غير مشاكل الغير... بقات عايشا تما شي 15 ليوم حتى لواحد النهار المديرة كالسة فدارها مع ختها وعاودتلها على ايات ولضع ديالها اخت المديرة بقات فيها بزاف وقالتلها جيبيهالي تكلس معايا نتي عارفا دابا تقلني لحمل مابقيتش قادرة نشقى جيبيها لعندي منها تكلس معززة مكرمة ومنها تعاوني فشقا دار.. وداكشي ليكان وافقت ايات ومشات كلست عند ديك لمرا ..(اصلا ماعندهاش خيار قالت اللهم نعيش وسط عائلة ولا هاد الوضع لي هي فيه)..ديك لمرا,تكون عندها شي 24 عام وهدا هوا لحمل ديالها الاول ..فالاول كان الوضع طبيعي ومريح ومن بعد ولا شك ولغيرة لان زوج لمرا كان كايهتم بيها بزاف وكايشريلها لحوايج ومهلي فيها فامرتو غارت وخافت على راسها لا تعود مطيرالها راجل ماقدرتش تصبر وسبكت عليها وعاوتاني رجعت للخيرية (ااااه وضع مئساوي كاتبقى فيا هاد البنت كاتلاح من يد ليد بحثا عن دفئ اسري لي مالقاتوش عند حتى شي واحد) من بعد مارجعت بايام معدودة ونتوما عارفين الانسان الى مر من هاد التجارب القاسية غاتبدل نفسيتو واخا يكون مصنوع من الحجر ولات منطوية على نفسها عصبية وماكاتهضر مع حتى شي واحد...حتى لواحد النهار..
سكينة- هاااا والله الى هي ..اياااات ..(مشات لعندها) سلام حبيبة توحشتك مبروك ناجاح
ايات- (ماحاملاش راسها) اممم شكرا اختي ومبروك ليك حتى نتي
سكينة- الله يبارك فيك ..واش حتى نتي جيتي مع باباك باش تجيبو لمساعدات للعجزة
ايات- (بتالعت ريقها) لا رد
شكينة- جبنا ليهم شي حوايج ..وجبنى حتى كسكسو ونتوما شنو جبتو
ايات-(ماقدرتش تصبر لانها كانت صديقة عزيزة عليها نزلو دموع من عينيها) لا رد
سكينة( تخلعت عليها) ختي مالكي كاتبكي ياك لاباس بعدا
ايات- كون شفتي شنو وقعلي اختي (عاودتلها على ما جرالها )
سكينة- مصدومة(اوووه هاد شي كامل عشتيه وانا مافخباريش حشوما عليك راني ختك زعما)
ايات- فناضارك وحدة كانت عايشة فلفشوفش ولفلوس وما بين ليلة وضحاها ولات متشردة شنو غاديري كن كنتي فبلاصتي واش غادي ترضاي
سكينة- صراحة لا
سعيد- (اب سكينة) سكينة ..وها هادي بنتي ايات لاباس عليك فين هوا باباك كاع مابانليش
سكينة- احم احم..(جراتو بعيد وحكاتلو)
عيد- امم بنتي ايات عاودتلي سكينة على ضروفك وبقيتي فيا بزاف
ايات- شكرا على تعاطفك معايا
سعيد- العفو ..اااام ماعرفتش واش غاتقبلي ولا لا ..ولاكن حنى غادي نمشيو فعطلة لسعيدية غاندوزو تما شي يامات الى بغيتي تقدري تمشي معانا ومنها تبدلي لجو وتنساي شوية
سكينة- بصح ابابا شكرا بزاف ...ايات غاتمشي ياك عااافاك اختي بحرى نتوانسو انا وياك
ايات-(فرحانا) صراحا ماخليتيلي مانقول والى رفضت عرضك خاصني لعصا
سعيد - هههه صافي انا غانهضر مع الاضارة ونخرجك تمشي معانا من دابا ..

وداكشي ليكانمشات معاهوم لدار ومن بعد يومين مشاو لسعيدية دوزت لاحضات رائعة مع عائلة سكينة عامو تشوشو تصورو شطحو فسهرات لي كايتقامو فشارع لوهيم قدرات تنسى شوية ورجعت فيها روح حتى لواحد النهار كانت ماشيا هي وسكينة فطريق غايقطعو شانطي باش يمشيو للبحر حتى وقفهوم
شرطي- سلام عليكم واش نتي هي ايات سالمي (والمخابرات ديال هاد لبلاد نمل مكايزكلوهش)
ايات- اه انا هي ياك لاباس
شرطي - تفضلي معانا
ايات- علاش شنو درت علاش غانمشي معاكوم
شرطي- غير تهدني الام ديالك دارت بلاغ منين ساقت لخبار ان لعائلة لي كنتي عندهوم تخلاو عليك وهي كاتقلب عليك دابا باش ترجعك عندها
ايات- (رجعت فيها روح واخيرا غاتلاقا مع امها) واش بصح اسيدي يمكن غير غالط
شرطي- ياك نتي هيا ايات سالمي
ايات- اه هي انا انا ماقادراش نصدق
شرطي- لمهيم بغيتي تمشي معايا دابا للكوميسارية زيدي مابغيتيش راها كاتسناك فمدينة فاس دوزي ععندنا للمخفر نعطيوك لعنوان فين ساكنة
ايات- (فرحانا) واخا اسيدي شكرا
شرطي- العفو
ايات- سكينة واش سمعتي شنو قال
سكينة- اه هههه واخيرا ..زيدي يالاه نمشيو
ايات- فن
سكينة - عند بابا غادي نقولو يعطيك لفلوس باش تركبي وتمشي عند مماك
ايات-(غاطير بالفرحة) ااه واخا يالاه
مشاو عند سعيد وقالوهالو وحتى هوا فرح ليها وصلها لمركز شرطة خداو لعنوان ركبها فلكار وعطاها شي باركة ديال لفلوس ..ودعوها ومشاو .. طريق كامل وهي غاطير بالفرحة ومسكينة ماعارفاش اش كايتسناها تماك الله يكون ماها وصافي .. واخيرا وصلات مع 8 طاح ضلام ومابانلها الى طاكسي ركبت فيه وعطاتو لعنوان وقفها امام واحد لعمارة كبيرة وفاخرة
ايات- (واقفة مبلوكية ) ااااش كايتسناني عاود مع هاد ناس .. على الاقل هادي الام لي ولداتني ماغاديش تجري عليا حتى هيا .. اش كانكول راها دارتها من قبل ولاحتني وماحنتش فيا ( قاطع افكارها شخص)
شحص- علامن كاتقلبي البنت
ايات- سلام اسيدي واش هاد العنوان لي فلورقة هوا هدا صحيح ياك
شخص - (شاف لورقة) ااه هوا هدا واش جيتي عند لالة مليكة
ايات- (كاتشوف فطريقة هضرتو مبنت سيفت راجل ولهضرة ولحركات مرا ) احححم اه جيت عندها
شخص - (كايطلع ويهبط فيها ) ايوا يالاه الحبيبة لاله زيدي.. مالكي كاتشوفي فيا كي جيتك
ايات- هاه لا زالو
طالعين فلاسانسور كاتشوف فيه جبد كلوس(احمر شفاه) وكايعكر
ايات- اشنو كادير
شخص- ايوا دابا ولينا فدخول شبوقات ديها فراسك احبيبااااا
ايات- اوييلي اش هاد لعجب
شخص- قولتي شي حاجا
ايات -لا والو
شخص -(كايمدغ لمسكة ويطرطقها) ايوا من الاحسن منين طلعي شوفي بعويناتك وسكتي ولي قالولك ديريه غاتشدي بريكول ومنين تسالس نص دلفلوس ديال لالة مليكة ونص ثاني ليك
ايات - اشنو كاتخربق اسي محمد
شخص- سميتي منال
ايات- منال الله يستر ياربي كترتو
( بغيت نوضح واحد الحاجا الجزء جاي غادي يكونو فيه كلمات ديال زين لي فيك يعني خاسرين وسمحولي )
(ماعرفت شنو نكول واش منال ولا عبد القادر نخليوها منال ولاكن فاش ندكر سميت منال عرفوه شكون عبد القادر هوا منال كايكره لي يعيط ليه بسميتو لحقيقية)
منال- شنو ماعجبتكش
ايات- وانا ماي ومالك..

وصلو للمنزل فتحت ليهم واحد لبنت تكون عندها ديك 20 عام لابسا عريانا مع لحلة ديال الباس عطات ريحة ديال شيشة وشراب
مريم- شوف نقولك اعبد القادر
منال- سميتي منال شحال غانعاودهالك من مرا
مريم - لالة منال سمعني اداك ميخي ردها منين جبتيها راها الى شافتك مليكة غادي تسبك عليك نتا وياها
منال- انا ماجبت حد طلاقيت معاها فلباب
مريم- (شافت فايات) شوفي فيا سيري بالك يالاه مكاندخلوش ناس لي مامعروفينش
ايات-( بنفاد صبر) انا بنت هديك مليكة
مريم- (تبلوكات) كيفاش
منال- سمعتيها شنو قالت ايوا خلينا ندخلو
خلاتهوم يدخلو ومشات عيطات لمليكة وقالتلها شي بنت كاتسناك
مليكة - (خرجة من البيت محيحة ) فين هي هاد لقح..
ايات- (وقفات ) سلام
مليكة- شنو بغيتي ماغانزيدش لبنات عندي لي يكفيني
ايات- انا ايات قالولي لبوليش انك كاتقلبي عليا
مليكة- انا ..هااااه بنتي حبيبتي توحشتك (عنقاتها وكاتبكي دموع تماسيح) توحشتك ابنتي هئ هئ
ايات- (منزاعجة من حركاتها من بعد داكشي لي شافت) اممم لارد
مليكة -تفضلي ابنتي كلسي..مريم اديك لقح احم احم مريم بنتي جيبي لايات تاكل
مريم - واخا ..و ولاكن لكليان راهوم دابا وهوما جاو
مليكة- احم احم( كاتغمزها باش تسكت) كلعيهوم للبرطمة لفوق ( شدت يد ايات) هههه ايوا ابنتي عاوديلي فين كنتي شحال وانا نقلب عليك
ايات- واش نتي لي سيفطتي داك راجل يقلب عليا فلخيرية
مليكة- راجل ؟؟؟؟ اااه اه انا لي سيفطتو (كاتكدب)
دازت ديك ليلة مزيانة عيطة لسكينة طمناتها عليها وكلات ونعسات حتى لصباح حيت كانت عيانا من سفر نخلي دابا ايات هي لي تحكي ليكم
ايات - فقت صباح على ريحت لبخور قالبا دار نضت سولت مليكة على هاد لبخور قالتلي كاتبخر دار باش ربي يسر ليها فخدمتها تفكرت لبارح ديك لهضرة ديال داك منال ومريم ولخرجة ديالها من لبيت وهي كاتسب عرفت شنو هي خدمتها على خر ايامي تكون عندي ام قوادة واش شفتو شي حد عندو زهر كتر مني انا .. كلست نفطر وكلتلها اجي تفطري قالتلي صايمة هم علامن كاتمثلى عليا انا هههه..قوادة كاتصوم وتبخر فدار باقي غير صلات لي مازال ماشفتها كاتصلي ماغانقولهاش ماما حيت ماتستاهلهاش حاولت معاها شحال من مرا باش تقولي سبب لي خلاها ترميني ولاكن ديما كاتهرب..كتاشفت مع الايام لي دوزت تماك ان خدمت القح.. عند مليكة بحال أي خدمة فالمغريب كاين لكروب ديال النص نهار لول كاين الكروب ديال النص نهار لخر ......... وكاينين جوج د الماركات كاينا الماركا لي كاتجي تبقى ناشرة رجليها تما كاتسنى غا شي بناي ولا شي مول الكروصة ديال ديسير .. وكاين ماركة خرى لي كاتصييد،ضحية فطريطوار ولا شي،قهوة و كاتجيبو عند امليكة ....... ولكن غالبا فالصباح كايجيو هدوك لي خدامين رسميين.. داك الصباح شفت فيه أنواع كاينا لي جات بالنقاب .. كاينة لي جات بالجلابة وزيف كاينين عيالات رجال مزوجين ...... ملي كايدخلو القح... كل وحدة كاتحاول تبيين أش،هزة و بلي عندها فورمة حسن من لخرين وكاتحول تطييح الضحايا بزاااااف حيت ليكاتضر عشرة د الباصات فنهار ماشي هي لي كاتضرب غا جوج و حتى مليكة لي مابنتش ليها فيها المرقة كاتسوسها كاتقول ليها سير ضبري على الضحية على برا وجي مرحبابيك ....هادشي كامل لاحضتو غير منين كونت كانطلع لدار لفوق نجيب شي حاجة حيت مليكة كانت فارزاني عليهم وماباغيانيش نتخالط معاهوم شحال من مرا كاتنوض دباز بحال واحد النهار واحد راجل جاي باش ي.. وهوا يلقى مرتو تماك شبعها عصا وباش بغطيو على لغوات كايطلقو لموسيقى على جهد وناس مساكن ديما كايتشكاو للبوليس ولاكن فهاد لبلاد غير يكون عندك لفلوس وماتخاف من حتى حاجا لموهيم كونت كانحتاقر دوك ناس وحتى ديك مليكة وماكرهتش نخرج من تما ولاكن فين غانمشي قولت مهما انها مبعداني على داك لعالم الى انها كاتبغيني وماباغيانيش نطيح فداك لمستنقع ديك مريم كانت ساكنة معانا ماكونتش عاطياها لوقت واخا كانت كاتحاول تقرب مني مرا مرا اما داك منال الله يستر كايدخل بحوايج رجال وغير كايتجمعو لقح.. كايخرج مراة اشمنك يا مكياج اشمنك يا عرا لموهيم مدبر على راسو حيت كايجيو كليان مخصوص ليه ومليكة ماقادراش تفرط فيه حيت كايدخل ليها لفلوس حتى لواحد نهااااااار ..

مريم- شكاديري
ايات- (ماحاملاهاش) والو غير كالسا
مريم- امممم مزيان (صمت لمدة دقيقة) احم نصحك نصيحة
ايات- خليها عندك
مريم- وقحة مع راسك
ايات- (جات نايضة وشدتها مريم) طلقي مني
مريم - كلسي تسمعي شغانقولك
ايات- هانا كانسمعك
مريم- واش مليكة مكالتلكش شكون انا
ايات- اه كالتلي نتي قح..... وخدامة معاها
مريم- هههههههههههة ماكدبتش ..وماكالتلكش انني بنتها يعني ختك
ايات- كيفاش ختي
مريم- هههههههههه مكاترضاش بيا حيت انا قح.. واخا مكاينش لفرق بيناتنا انا قح.. وهيا قوادة مع دالك مكاترضاش تكول لناس انني بنتها
ايات- مافهمت والو
مريم- احسن ماتفهميش
ايات- يعني دابا نتي ختي وشكون هوا ببانا
مريم - قصة طويلة بزاف
ايات عاوديلي انا كانسمعك
مريم - شوفي هدا ماشي لوقت باش نعاودليك ..جمعي حوايجك وسييري رجعي فين كنتي انا نعطيك لفلوس باش تمشي الى مكانش عندك
ايات- انا اختي ماعندي فين نمشي مضطرا نكلس هنا
مريم- راه معارفاش اش كايتسناك اايات
ايات- مافهمتش
مريم- (بنفاد صبر) مصرة تخرجي مني لهضرة ..شوفي صبح سمعت مليكة كاتهضر مع الحاجا وناوين عليك
ايات- شكون لحاجة وعلايش ناوين
مريم- اووووف لا اله الا الله ديري داكشي لي فلتليك وسيري بحالك ماغانزيدكش هدرا كتر من هادي
ايات- شوفي راني مكانتخلعش الى كان نعاس فزنقا نعستو والى كانت لخيرية دخلتلها وكلست مع ناس وفلخر كايجريو عليا بحال شي حيوانة انا مغانمشيش حتى نشوف شي حل لراسي على الاقل نضبر على شي خدمة باش نعيش
مريم- اوكي خلي حتى يوقعلك لي وقعلي
ايات- علاش شنو وقعلك
مريم- انا يا لالة عندي عشرين عام وفاش كانت عندي 17 مليكة ولحاجة باعوني لواحد زعيم عصابة دلمخضرات تكرفس عليا حتى حملت منو ورماني ورجعت بكرشي لعندها وفاش ولدت مليكة لي هيا ماماك باعتلي ولدي ب50 مليون مازالة لجمرة ديال ولدي فقلبي وماعمرها تطفا (كاتبكي) حرمتني حتى من شوفتو هئ هئ
ايات- (مصدومة) ااه واش هادي ام هادي راها شيطان
مريم- شيطان مبري منها هادي فاتت شياطين اخبت انسانة على الارض غير طاحت ترابي من كرشي كانو لكليان كايتسناو شدات لفلوس وعطاتهوم لولد مازال بدمو
ايات- مقادراش نستوعب هاد شي
مريم- فلعشيا غادي تجي لحاجة وتخباي فشي قنت وسمعي شغايقولو وعلاياش عوالين
ايات-همممم
بقات ايات كالسا على جمر كاتسنا شنو غايدي يوقاع فلعشية وشكون هي هاد الحاجة وشنو باغين منها حتى جات لوقيتا لمعلوما (هاد الحاجة من بعد غادي تعرفو شكون هيا)..

مليكة- مريم فين هي لبنت
مريم- راها لفوق ناعسا
مليكة-مزيان ماتخليهاش تهبط ..حلي لباب شي حد كايدق
مريم- واخا (حلت الباب) سلام الحاجة
الحاجة- سلام ابنتي لباس عليك
مريم- حمدولاه
مليكة- مرحبا بيك الحاجة تفضلي كلسي
الحاجة- ايوا فين غبورك الى ماجيتش انا مانشوفكش
مليكة - ايوا راكي عارفا لخدما مكاتساليش ..مريم ديري شي براد داتاي
الحاجة - ماجيتش باش نشرب اتاي..فين هيا لبنت
مليكة - مالكي مزروبا راها كاينا
الحاجة - متاكدا منها مزالة بنت
مليكة- واش انا عمري عطيتك سلعا مغشوشة
الحاجة - مابغيتهاش تبقى بنت سيفطيها لشي كليان يكون بوكو لعاقا ولي جاك منها بصحتك بيه
مليكة- مافهمتش
الحاجة - ديري لي قالتليك عليه بلا ماتسولي (وقفت) منين تسالي لمهمت عيطيلي
مليكة-شنو كايضورلك فداك دماغ
الحاجة- (بابتسامة خبيثة) صفقة العمر امليكة غانطلعو للقمة املوكتي
مليكة- (كاضحك) عارفا داك دماغ عندك خطير لموهيم عطيني شويا دلوقت نفنعها
الحاجة-سربي راسك والى مابغاتش انا نسيفطليك شي رجال بسيف عليها غاتولي ملكنا
مليكة- كاتقصدي اغتصاب جماعي لا لا مامتافقينش
الحاجة- الى وقفتلي فشغلي غير تعول عليها مغانرحمهاش
مليكة- صافي انا غانقنعها بسرعة ماتخافيش
الحاجة- خليتلك راحة بسلامة
مليكة- بسلامة ....مريم
مريم -نعام
مليكة- انا غانخرج نوصل لحاجة ردي لبال لدار
مريم- واخا
(وطبعا هاد لهضرة غير تهديد حيت هوما عندهوم لغاراد يخلعوها باش طيعهوم مكاين لا ربعا ولا خمسة )
وفهاد الاثناء ايات مخشيا تحت طبلة ديال صالون سمعت كولشي ودموعها شلال
مريم- ايات ايات فينك (سمعت لبكا فصالون ) ايات خرجي احبيبتي خرجي
ايات- هئ هئ هئ .. علاش ياربي انا علااااااش هئهئ
مؤيم- ماشي هدا وقت لبكا جمعتليك حوايجك هاكي هاد لباراكا شدي ..واشديييي
ايات--فين غادي نمشي .. ماعندي حتى واحد
مليكة- وماعندك فين تمشي هنا غاتبقاي
مريم- مامشيتيش مع لحاجا
مليكة- وصلتها غير للباب ماشي لمريخ(شافت فايات) دابا عرفتي كلشي ياك
ايات- (ناضت وكاتغوت عليها) واش نتي بنادما لحتيني فاش خلاقيت ودابا باغيا تاجري فيا
مليكة- مزيان منين سمعتي بودنيك وفرتي عليا شرح
ايات- اشنو غادي تشرحي اشنو هئ هئ
مليكة- شوفي وفري علياديك لهضرا لخاويا انا قتلت لانسانية فقلبي منين كنت فسنك او وليت من فصيلت شياطين .. بصراخ( مريااااااااااام)
امريم- نعام
مليكة- هادشي لي درتي غادي نتحاسب معاك من بعد دخلي لبنت للبيت وشرحيلها شنو خصها دير وعطيها لكينة تشربها
ايات- انو كاتخربقي اشمن كينة علاش كاتهضري
مليكة- كينة ديال منع الحمل مبغيتش تحصلي بحال هاد لغبية
مريم-(بصراخ) صافي باراكا سكتي
مليكة- نسكت ههههه..وراكوم سمعتوها شنو كالت ونتي امريم عارفا لحاجة كي دايرا اولا
ايات- غير حلمي انا ماغانديرش داكشي لي فبالك
مليكة- ملخر تفضلي واحد ولا ربعا
ايات -مافهمتش
مليكة- لا فهمتي وكاتبهلي عليا تفضلي تنعسب مع واحد بلخاطر ولا ربعا فدقا وبلغصب
مريم- خلي انا نمشي فبلاصتها
مليكة- غاتمشيو نتي وياها وسماعيل هوا لي غايديكوم عند واحد لكليان لباس عليه ..ونتي اااا ايات عندك هاد ليلة تفكري شنو بغيتي واش واحد ولا ربعا(خلاتهوم ومشات)
مريم- سمعيني ماتبكيش راها غير كاتخلعك
ايات- هئ هئ شنو غاندير دابا
مريم -دابا مايمكلكش تهربي غاتكون وصات دراري يحضيوك
ايات - وشنو لحل انا مابغيتش نفرط فشرفي
مريم - ماعندكش شي حل اخر ..انا سمعتها فاش كانت كاتهضر معاها فتلفون لبارح اووو
ايات- وشنو
مريم- سمعيني وركزي معايا كاين واحد رجل اعمال غني بزاف كان مساعد رئيس عصابة الكابوني لي هوا باك
ايات- مافهمتش وفين هوا هاد بابا
مريم - انا غانعاودليك بما انكي ختي خاصك تعرفي هاد شي بابا مات قتلوه ركزي معايا وحاولي تفهميني مزيان ..

مريم- شحال هادي لكابوني لي هوا باك كان كايمتالك وكر لدعارة كان انيق وزوين طلاقا مع مليكة لي كانت داك ساع غير قح.. تغرمو بعضياتهوم وتزوجو ولات هي خداما معاه يعني قوادة قدرو يتوسعو فخدمتهوم دارو فروع لبيوت دعارة فكل مدينة لكابوني كون عصابة مابقاتش كافياه بيوت دعارا ودخل فتجارات المخدرات ولاسلحة ولات سميتو كاتخلع كل من يسمعها ولي كايخرج عن طوعو كايتقتل باسوء طرق وكانت طريقتهوم فلقتل انهم كايطيرو راس ديال ضحية ويعلقوها فباب عائلتو ولجسم كايحرقوه ويلوحوه فلخلا لبوليس كايموتو بلخلعة منو حيت قتل ربعا دلمحقيقين وجوج شرطين مكان كايقد عليه حتى شي حد حتى لواحد نهار واحد سيد جا عندو وطلب يدخل معاهوم فلعصابة وقبلو لكابوني كان سميتو بوشتا قدر يكسب ثقة ديالو او ولا هوا اليد اليمنى ديالو وتزوج بالحاجة عرفتيها شكون هاد الحاجا ولدتلو ولد وداك لولد ختفى غير ولادتو فضروف غامضة وبوشتا كان شاك فلكابوني هوا لي خطفليه لولد كتر لحقد فقلبو وقرر ينتاقم منو مشا وتفاهم مع اعداك لكابوني او ولى كايوصلهوم لمعلومات عليه حتى لواحد نهار عيطوليه وقالوليه ان مرتو كاتخونو مع واحداخور وعطاوه لعنوان وبقوت لي كان كايبغي مليكة مرتو مشا والشر مالي عينيه وفاش وصل للباب خرج من سيارة بدا رصاص كايضرب فيه ماخلاو فيه حتى بلاصة ماضربوهاش برصاص ومات دارو ليه جنازة كبيرة وفخمة على قد مستواه وفديك ليلة تولدتي نتي لان مليكة فاش ساقت لخبار ديال موت لكابوني تزاد عليها لحال وشدها لوجع وتولدي نتي وبعد مرور 40 يوم ختافيتي فضروف غامضة..مملكة الكابوني نهارة بين ليلة وضحاها لمافيا سيطرت على جميع بيوت دعارة وجراو على مليكة وطابعا بوشتا خدا حقو من المملكة وقلبها شركات ومصانع واوطيلات وبعد على عالم الاجرام من بعد لقى ولدو وسبك على لحاجا .. تعاونت الحاجة ومليكة ودارو دار دعارة خاص بيهم ومن بعد كل وحدا دارت دارها بحدها ولحقد مالي قلبهوم على بوشتا وباغين ينتاقمو منو عن طريقك نتي
ايات- عن طريقي انا
مريم- اه نتي وهدا لي غايصيفطوك عند اليد ليمنى ديال ولد بوشتا وغادخلي بيناتهوم ومن بعد غاتلقات تعليمات من لحاجة هي لي غاتقولك شنو غاديري
ايات- ااه ياربي
مريم- هدا لاش فصبح كولتلك هربي
ايات- باش غانعرف نتي ماعاودتيليش
مريم- انا كونت باغياك تمشي بلا ماتعرفي هاد ناس على حقيقتهوم ولاكن نتي قصحتي راسك وخليتك تسمعي بودنيك
ايات- شوفيلي شي حل خرجيني من هما انا مستحيل نفرط فشرفي واخا نموت
مريم- غدا غانمشيو عند دوك رجال
ايات- انا مغانمشيش
مريم- غير سمعيني بعدا..غادي ندخل انا لبيت مع لول وغانخليلك تاني تمسكني عليه وبكي وعاوديلو على حياتك وزيدي فيخرات فيها يحن قلبو ومايقيسكش وفيها يكون ولد لحرام اووو
ايات- لا لا لا لا انا غانهرب
مريم- مانصحكش فات لفوت اختي ولحاجا عندها رجال نزوقا يجيبوك يجيبوك واخا تخباي تحت لارض نتي راكي طعحتي فعصابا اختي مافقلبهوم لا شفاقا ولا رحما ايات فكري الى خدمتي عقلك تقدري تقلبي سحر على ساحر
ايات-و كيف غاندير وانا شنو غادي نربح من هادسي كامل
مريم- بلعقل غير بلعقل ولايام غاتعلمك دابا قصحي قلبك وماتنسايش بنت من نتي ولد لقاضي قاضي او ولد سعاي سعاي انا غانبقى متبعا تحروكاتك والى حتاجيتي لمساعدة غادي نساعدك كانضن فهمتيني
ايات- لا
مريم- اااه .. هاد لمملكة ديال لبوشتاوي غادي تولي ملكك
ايات- كاضحكي عليا ياك كيف غانديرلها
مريم- كولتليك الايام جايا وغاتجيبلك مفاجئات غير صبري ..

شحال صعيب تشوف ناس لي كنتي مشتاق تشوفهم ومنين كاطلاقاهم كاتصدم بالواقع لانك كنتي راسم ليهم صورة فدهنك مغايرة على واقعهم ..ووقالو ناس زمان..مانبيعوش لي يشرينا ومانكرهوش لي يبغينا..ومانغدروش لي يتيق فينا الحمد لله هكدا تربينا ..هكدا تربات ايات على هاد المثل القديم لي كانت امها امينة الله يدكرها بخير كاتوصيها دير لخير مع ناس وتعلم تسامح وداكشي لي دارت واخا عاشت فضروف صعبة فطفولتها منين سمعت ان امها الحقيقية كاتقلب عليها عدرتها وقالت ممكن غير ضروفها مكانش يحسابها ان حتى لي ولدتها من كرشها ماغاتحنش فيها من غير لي خلقها هو الاحن بعيبادو..يالي ماتفكرني حتى تبغي حاجتك غير تكمش وخليك فبلاصتك ودرك عليا كمارتك ..رسالت مريم لايات كانت واضحا بنسبة ليا اما هي واش فهمتها اولا لا ماعرفتش نخليلكوم ايات هي تحكي
ايات- تلقيت صدمة ماعمري تلقيتها فحياتي انا انسانا منحوسا لعنة من سما انا مكانش خاصني نعيش بغيت نموت ونرتاح علاش لي كانوضع فيه املي كايضيع فرمشت عين واش انا مانستاهلش
الكاتبة- علاش تستاهلي اختي غير صبري لي جاي احلى واجمل
ايات- انا كايبانلي لي جاي اسوء اختي ابتسام نتي لي عارفا انا شحال قاصيت منين ماتت ماما الله يرحمها وعشتي معايا كاع احزاني وشفتي كيف ناس كايلوحوني من واحد لواحد وكاين لي رماني لزنقا وشفتي شحال من مرا حاولت ننتاحر
الكاتبة- خلي املك فالله كبير ولهضرا لي كالتلك مريم ممكن تكون فصالحك
ايات- مريم فنضرك نتيق فيها الى كانت لي ولداتني كاتستاغلني وباغياني نفرط فشرفي عاد نتيق فمريم وشنو لي يضمنلي انها مكاتحاولش تستاغلني حتى هي وكاتمسكن باش تمكن
الكاتبة- نخليو ليام هي لي تورينا شنو جاي صافي مسحي دموعك
ايات- انا كانواعد نفسي انني غانتبدل وغانكون انسانة جديدة مكاتعرفش رحما غانتشيطن معاهوم وغانوريهم لوجه ثاني غانتاقم منهوم واحد بواحد ولي اداني غانرديه صاع صاعين دابا تشوفي ..داابا تشوفو كاملين..
"في الغد"
مليكة- مريم وجدتو راسكوم
مريم- اه
مليكة- مابغيتش شي خطا تفتهمنا .. سماعيل عيط لسيد وتفاهم معاه
سماعيل - واخا الالة.. ها هوا كايصوني توت توت توت
شخص- الو
سماعيل-الو لعشير صافا
شخص- صافا حمد لله فين غبورك
اسماعيل- غير فدنيا وصاف ..سمعني عندي واحد جوج بنات ناوي نقصرو ليلا الى بغيتي
شخص- اووو اامم صراحا مافياش الى بغيتي نتا اجي ها دار اما انا عفيني
سماعيل- مايكونش راسك قاصك واخا غير كلس معاها حشوما نخليو لبنت تبقى فزنقا
شخص- اووف صافي..صافي غير اجي
سماعيل- يتوب عليك العشير عمري نساهاليك طوط طوط
كليكة- شنو درتي بغى
اسماعيل- اه بغى
مليكة- مزيان لخطة غاديا مزيان
الحاجة- (كاتشوف فايات) شوفي نتي الى درتي شي خطا راكي عارفا شكايتسناك
ايات- كاتشوف فيها بقرف..لا رد
مليكة- هههه ولاوه الحاجا راها بنتي زعما وفيها دمي اكيد ماغادير والو ياك ابنتي
ايات- نفس شوفا ..لا رد
الحاجة- يالاه سيرو ..سربيو شكاتسناو ..وسماعيل رد لبال..

سماعيل- واخا الالة(شاف فمريم وبتاسم وكدالك هي بادلاتو نفس الابتسامة)
طريق كاملة وايات تبكي ومريم تصبر فيها كان طاح ضلام وطريق بعيدة شوية وكاتمنا يديرو شي كسيدا وتموت وماتوصلش ..لموهيم وصلو قدام واحد لفيلة فخمة او وقفو نزل سماعيل وحل لباب لايات باش تخرج
سماعيل- خرجي كاتسناي نعرضو عليك
مريم - يالاه اختي خرجي
ايات- ماخارجاش
سماعيل- (جرها من يديها بزز) غاتخرجي وبزز منك
ايات- ااااه طلق مني الله ياخد فيك لحق
مريم- صافي هنيونا ايات تهدني شويا بلا ماتفضحينا
ايات- نتوما راه فاضحكون سدي ربي
سماعيل- مريم انا داخل دخليها معاك الى بقيت هنا غانسدق داربها
ايات- نتا ضربني يالاه اجي ..اجي ارويجل القواد ..الله يلكيها ليكم تفو
اسماعيل- اللهم طولك ياروح
مريم- صافي اختي سكتي ديري داكشي لي كلتليك تمسكني عليه يمكن مايقيسكش
ايات- الله ياخد فيكم الحق
اسماعسل- (كايدق فلباب) سلام العشير هانا جيت
ادم- مرحبا شتك غير بوحدك
اسماعيل - هاهوما عاد داخلين ..لبنات زيدو ماتحشموش
مريم- سلام عليكم
ادم -وعليكم سلام( وكايشوف فايات ) دخلو تفضلو ماتبقاوش فلباب
مريم- شفتي باينا فيه ولد ناس
ايات- ولاد ناس مكايديروش لقصاير
مريم- شووو سكتي غايسمعك
سهرا كاملا وادم ماحيدش عينو على ايات اما سماعيل ومريم سكرو ودخلو للبيت وبقات ايات هي وادم كالسين فصالة وغير ساكتين
ادم- مالكي ساكتا كاتبانيلي معصبا
ايات- احم فين هوا لحمام
ادم- سيري طول على يديك ليمن غاتلقاي لباب لولة لا ثانية هي لحمام
ايات- شافت فيه وناضت....لارد
دازت نصف ساعة وهي مازال مارجعت
ادم - هادي مالها تعطلات .....نوض نشوفها لاتكون سخفانة ولا شي حاجة
ناض او وقف قدام لباب كايتسنت وكايسمعها كاتبكي وبدا يدك
ادم- طق طق طق..واش نتي بيخير ..واش كاتسمعيني ..مامزيانش تبكي فلحمام.. خرجي..(تعصب ) خرجي ولا غانهرس لباب سربي
ايات- (حلت لباب بعصبية) بلا ماتهرسو غايتقام عليك غالي (خلاتو ومشات)
ادم- (تبعها) علاش كنتي كاتبكي فلحمام
ايات- لارد
ادم- ممكن نعاونك الى عاودتيلي
ايات-(تفكرت لهضرة ديال مريم) زعما الى عاودتليك غادي تعاوني
ادم- وعلاش لا
ايات- واخا(عاودتلو كلشي ملي خلاقت حتى وصلت عند مها لحقيقية ومنين وصلت لعند مها عاودتلو غير نصف )
ادم- اوووه او من بعد
ايات- هربت من عند ماما حيت بغيت نحافض على شرفي ومشيت عند واحد صاحبتي كانعرفها سكناتني عندها شي يامات وفلخر قالتلي خاصك تنوضي تخدمي هلى راسك وجابتني لعندك نتا
ادم- هاد لبنت لي لداخل هي لي مسكناك معاها ..وعلى مافهمت وانا هو اول واحد غاتجي لعندو ياك
ايات- تماما
ادم- وهدا لاش كنتي كاتبكي فلحمام مابغيتينيش نقيسك
ايات- هئ هئ هئ
ادم- (تاثر بقصتها) من بعد ما عاودتيلي على قصتك الى قصت فيك راني وحش ماشي بنادم .. بقيتي فيا بزاف والله ومابغيتش بنت شريفا بحالك وباغيا تحافض على راسها ..مايمكنش ليا اخليك توقعي فهاد لمستنقع ولموسخ
ايات- ماعنديش خيار اخر
ادم- اممم اوووف ..ماعرفتش واش غادي تبغي ولاكن ..يعني ..ممكن تكلسي معايا فدار وانا كانواعدك مكاينش لي يقيسك ولا لي يقرب منك كانواعدك.. غير حيت جيتيني ضريفا وبقيتي فيا ومابغيتكش ضيعي
ايات- ولاكن كيف غاندير نسكن مع راجل فنفس دار
ادم- انا اصلا مكانعمرش دار بحكم خدمتي كانجي ليها مرامرا وحتى منين نجي ماتخافيش مني انا قلتليك كون بغيت ندير معاك شي حاجا غانديرها ولاكن قصتك المتني بزاف ونتي تعرفي انا مديتلك يد لمساعدة بغيتي تبقاي هنا ونقلبليك على شي خدما شريفا ونتي تختاري ..

وافقت ايات انها تكلس معاه واخا كانت خايفا لا يديرلها بحال لي دارولها ناس لحرين من قبل "وفصبح "

مريم - صبح الخير
اسماعيل- صبح لخبر
ادم - صبح الخير
سماعيل -شكرا العشير على سهرا نعاودوها مرا اخرا
ادم- نشاء الله
مريم- فين هي ايات
ادم- غير سيرو نتوما لبنت عجبنتي وغاتبقى معايا مزال
اسماعيل - شحال دلوقت
ادم- شحال مابغيت (وغمزو)
اسماعيل - هههه صافي
ايات- خرجات من لغرفة ..صبح لخير
اسماعيل- (جرها ) شوفي نتي عنداك تفكري تعاوديلو شي حاجا عتابري راسك ميتا
ايات- طلق مني الحيوان ولا غانشوهك هنا
ادم- مالكوم مشيتو لتما
ايات- كونت كانهضر معاه على حوايجي بغيت نمشي نجيبهوم
ادم- مكاين لاش ..يالاه اسماعيل دي لبنت وسير عندي مايدار
اسماعيل- ههههه مكاضيعش لوقت
ادم- سير الله يعفو عليك
مريم- ايات شنو دار معاك شيي حاجا
ايات- هزت راسها بمعنى لا
مريم- الحمد لله..يالله بسلاما عليكم
من بعد ماخرجو مريم وسماعيل دخل ادم لبس حوايجو وخرج عند ايات
ادم- سمحيلي عيطولي من الخدمة خاصني نمشي قلبي فثلاجة او وجدي لراسك لفطور
ايات- (مبلوكيا فبلاصتها وكاتقول فنفسها) ماشاء الله على زين علاش مالاحضتوش لبارح ناري عطرو دوخني
ادم- واش كاتسمعيني
ايات- هاه أأه سمعتك
ادم- تبسم حتى بانتلو ضرست لعقل .. يالاه خليتك فلعشيا وجدي راسك وتسنايني
ايات- (سارحا فعينيه) هاه واخا..احم احم..و(من بعد ماخرج) كايبانلي هوا لي خاصو يخاف مني ويلي ويلي ويلي على زين فيه اما ريحتو تغلغلت فدماغي كايبانلي انا لي غانغتاصبو ههههه..اويلي وليت كانهضر بوحدي بحال شي حمقا هههه..نشوفو شنو فهاد ثلاجة ..ووااااااو ساكن بوحدو وثلاجتو غاطيح ماشاء الله.. ندير دويرة فهاد لفيلة عاد نهبط نفطر ..طلعت لطابق لفوق وااو هادشي مجهاااد فناضاركوم فاش غايكون خدام هاد شاب دخلت لبيتو داير بحال شي متحف وااو.. ااه كرشي كاتغرغر نهبط ناكل .. ونوجد لغدا .. وجدت لغدا على حقو وطريقو صوبت طاجيد دلحم بلبرقوق طياب فهاد لكوزينا جاني صعيب بقد ماهيا كبيرة بزاف امم رحت طاجين كاتشهي (سمعت لباب كاتحل ) شكون غايكون جا هوا كالي غايجي فلعشيا (هزت لمقلو وتخبات مور لباب )
ادم -امم ريحا كاتشهي (نزلت عليه) ااااااااااه ..اه راسي
ايات- (حالا فمها بصدما) والله مايحسابني نتا كولتي غاتجي فلعشيا يحسابلي شي شفار سمحلي سمحلي ماقصدتش
ادم- اااه ..ههههه ..اي راي ماعرفت نضحك ولا نبكي
ايات- بلاتي نشوفليك راسك واش مامجروحش ( شافت غير من بعيد ) لا لا الحمد لله مكاينش دم
ادم- واش عندك عينين ديال نسر
ايات-مافهمتش
ادم- كيف درتي شفتي جرحا ونتي بعيدا عليا بخمسا ميتر
ايات- قربت شوية بشوية حتى وصلت عندو وغوتت.. هاااا دم والله الى دم ويلي ويلي شدرت اجي نديرلك تحميرة باش يوقف دم
ادم- اهاه حليلي راسي وعمريه بشرمولا
ايات- (مارضاتش وبدات تبكي) سمحلي ماقصدتش
ادم -غير كانضحك معاك ماتقلقيش..

ادم-جيبي علبة الاسعفات الاولية من لمجر لفوقاني راهوا
ايات- واخا (وحانيا راسها للارض جبدتها وجبدت منه لفاصما ودوا )
ادم- اراي انا غانصوب راسي بلامانعدبك
ايات- غير خليني انا انصوبهالبك
نضفاتلو لجرج وغطاتو وهيا حادرا راسها وحشمانا حيت ماعمرها قربت لشي راجل بحال دابا اما ادم ماحيدش عينو عليها سحراتو بجمالها
ادم- (كايقول فنفسوويشوف فيها) استغفر الله العضيم ياربي صبرني هاد الجمال كلو غايكلس معايا فنفس دار وا..قاطعت افكارو ايات
ايات- صافي ساليت
ادم- احم شكرا .. فيا جوع
ايات- ام راني صوبت طاجين الى بغيتي تغدا معايا
ادم- جيبي حطي ندوق ونحكم واش حادكا ولا لا
ايات- هادشي فيه لحكام سير شوفلك فين تغدا
ادم- حشوما عليك حليتيلي راسي بلمقلة ومانستاهلش منك حتى لقمة من داك طاجين غير من ريحتو باينا زوين
ايات- واخا غادي نكفر على دنبي ونخليك تغدا معايا واخر مرا تدخل بديك طريقا بقا تصوني ولا دير شي حركة (حطت لغدا ) تفضل كول بسم الله
ادم - بسم الله..امممم الله يعطيك صحا شي نهار غانطيب ليك انا وتشوفي حداكتي ولاكن مانوصليكش
ايات- شكرا على المجاملة
ادم- هههه خفت الى قلتليك مازوينش ناكل شي دقا خرا
ايات- مصر تحسسني انني غالطا مع انك نتا لي غلطتي
ادم- انااا
ايات- ااه كولتيلي غاتجي فلعشيا اش جابك دابا
ادم- هاه ..احم احم ..أأأ نن..نسيت شييي ..واه نسيت شي وراق
ايات- اها وراق ..وشوف عنداك داك دماغ ديالك يكولك دير شي حاجا راني عندي لحزام الاسود فلكراتي
ادم- هاحنا ولينا فتخصار لهضرا عاود (صونا تلفون) بلاتي نجاوب ونتفاهم معاك
ايات- هممم خلعتيني
ادم- الو ارسلان ..راني فدار
ارسلان- هاني جاي عندك
ادم- لا لا لا بلاش ..ااااا ..بغيت نقول هانا جاي دابا بلا ماتعدب راسك
ارسلان- شي حااجا تماك (سمع شي حاجا تقرقبات ) ادم ماشي بوحدك ياك
ادم- هاه احم .. هادي غير لخداما
ايات- انا خداما
ادم- شووووو غاتفضحيني..ارسلان حسب 5 دقايق نكون عندك
ارسلان- يالاه طير لجتماع مابقالو والو ويبدا
ادم- واخا (قطع)
ايات- (كاتشوف فيه وساهيا)غير سمعت سميت ارسلان قلبي بدا يضرب
ادم- شنو هوا
ايات- هاه والو والو غير سير
ادم- بسلاما بلاما تسنايني فلعشيا
ايات- صافي واخا..

مليكة- هاد البنت صدقت ماساهلاش قدرت تقنعو يخليها معاه برافو عليها
الحاجة - مريم بلغيها انها دير لمستحيل باش تدخل لفيلة بوشتا ومن تما غاتبدا لخطة ديالنا
مريم- واخا..
مليكة- لموهيم دابا هو ان لخطة غاديا مزيان
"في الشركة"
من بعد ماخرجو من الاجتماه
ارسلان- قولتيلي لخداما
ادم- اه لخدامة
ارسلان- اامم مزيان اجي تعشا معايا ليوم
ادم- اممم مانقدرش عندي شي شغال
ارسلان- دني نشوف هاد شغال ماكرهتش نتعرف عليه
ادم- ههههههه
ارسلان- ازمطت اشعيبيا هههه
ادم- غير واحد لبنت من لمعريفا جات لعندي بغات تقلبب على خدمة وصاف ومابغيتش نخليها بوحدهاد
ارسلان- شنو لمستوا ديراسي ديالها
ادم- ماعرفتش ماسولتهاس
ارسلان- سكرطيرة ديالي مشات تولد ليوم جيبها تشد بلاصتها ومنين ترجع حنان شوفلها شي حاجا داك ساع
ادم- واش كاتهضر بنيتك
ارسلان- لا غير كانضحك
ادم- هههه صافي حتى نشوف الى بغات
ارسلان- اجي مال راسك
ادم- غير ضربتو مع لباب ديال سيارة
ارسلان - ايوا رد لبال

"في المساء"
وصل ادم لدار وقبل مايفتح لباب تفكر لمقلة وخاف دق فلباب باش هي لي تحل
ايات- سلام على سلامتك
ادم- (بابتسامة عريضة طويلة) الله يسلمك جبت معايا لعشا
ايات- ارا نشد عليك
ادم- لا بلاما تعدبي راسك ..جعفر دخل دوك لحوايج
جعفر- (دخل لميكات ) سلام الالة(طلع معاها شوفا) سبقلي شفتك فشي بلاصا
ايات- وحتا انا
جعفر- اه عقلت فلخيرية
ادم- واش كاتعرفو بعضياتكون
جاوبو بجوج- لا
ادم- فهم لقضية بلخصوص فاش تفكر سمية ايات ولقصة لي عاودتلو على حياتها جر جعفر لبرا’’’’’اجي معايا
جعفر- نعام اسيدي
ادم- فين قلتي شفتيها
جعفر- فلخيرية فاش مشيت نقلب على ديك لبنت لي سميتها ايات لي وصاني عليها سي ارسلان
ادم- حكيلي من الاول
جعفر- من بعد مامشيت للخيرية خديت لعوان ولاكن خرجت عندي واح لمرا وقالتلي مابقاتش ساكنة تما وعطاتني عنوان اخر ومشيت ليه لقيت فداك دار كنازة سولت واحد لبنت صغيرة وقالتلي نتاقلات وغالبا غاتكون رجعات للخيرية ومن بعد ايام رجعت للخيرية قالولي انها داوها لدار العجزة وليوم مشيت لدار لعند دوك ناش لي خرجوها من دار لعجزة قالولي ان مها لحقيقية قلبت عليها ولقاتها ورجعت لفاس ليوم وغدا غانقلب على مها
ادم- فهمت وقلتي هاد شي لارسلان
جعفر- لا مازال ماقلتلو لكماتلا
ادم- صافي بلا ماتقولو نتا انا لي غانقولهالو تفاهمنا نتا غير سكت
جعفر- واخا لي بغيتي
ادم- صافي سير..

يتبع