ناريمان- اوف جاتني دوخة بهاد لعطر لي دايرة اايات
ايات- بصاح سدي نيفك الى ماعجبكش
ناريمان- مانصحكش بهاد نوع من لعطورا ديري مازوينينش
اسماء- ماشاء الله على دوق ديالك نتي غزال (قلبت وجها) الله يستر على بنادمة اما دراري غير كايشوفو ماقدرو يهضرو)
ايات- شكرا على النصيحة
ناريمات- العفو انا كانفهم فهادشي والى حتاجيتي لشي نصيحة مانبخلش عليك
ايات- (تنهدت) مامحتاجاش خلي نصائحك عندك
ناريمان- هانتي شوفي غير لمكياج لي دايرا ماجايش معاك كاع
ارسلان- ناريمان قلتي فيك دوخة نعسي باش ترتاحي
ناريمان- اه بصح عندك الحق منين نوصلو فيقوني اوكي
اسماء- صبر ياربي صبر .... غير نعسي وهنينا
مارتاحو حتى نعسك ديك لمبجقا .. طريق مكانتش طويلة بزاف دغيا وصلو
ادم- واخيرا وصلنا (نزلو كلهوم الى ناريمان ناعسا)
اسماء- شنو بان ليكم نمشيو ونخليوها ناعسا هنا
ادم- هههههههه فكرة خطيرة
ارسلان- هي نتي افيقي
ناريمان- اووه وصلنا كاع ماحسيت بطريق
اسماء- (شدت فايات وزادو) عرفتي غادي تعجبك هاد الفيلة ولمناضر فجنبها مع جات فراس جبل واااو
ايات- باينا فيها زوينة
ناريمان- ادم فين تعرفتي على ديك خيتي
ارسلان- سميتها ايات
ناريمان- امم حتى سميتها مازويناش
ارسلان- عرفتي دابا اناريمان الغيرة كتاكلك خلايا دماغك .. خففي شوية وماتعيقيش
ناريمان- وشكون قالك انا غيرانا منها
ادم- من لخر شنو بغيتي تعرفي فين تعرفت عليها يات
ناريمان- ااه
ادم- هي كانت نجمة فسماء خطفتها وخبيتها عندي
ناريمان- اممممم باينة
ارسلان- ههههههههه لا حولة ولا قوة الابالله .. بلاتي البنات نحلكوم الباب
اسماء- انا وياك غانباتو فغرفة وحدة اوكي
ايات- وهاديك لمجنونة
اسماء- وحنا مالنا ماصوقناش فيها تنعس حتى فزنقة
ارسلان- هههههه سكتو غاتسمعكوم
اسماء- وتسمع مكانخافش وكانتسنالها غير سبا وغادي نوريها شكانسوا
ايات- ههههههههه شووووو سكتي
ارسلان- (حلهوم الباب)تفضلو البنات
اسماء- فين هوا ادم وديك شنيولة
ايات- راهوما عاد جاين
ارسلان- الحادكة فيكم غادي طيب لينا اليوم
اسماء- انا عفيني الى عولتو عليا غاتباتو بجوع
ناريمان- وحتى انا غادي يتهرسولي ضفاري مانقدرش نطيب
ادم- (قرب لايات) لغزالة ديالي هي لي غاطيب لينا
ارسلان- هي اليوم غادي ناكل حتى نفاجر ههههههه
ايات- ههههههههه
ارسلان- ادم دي لبنات وريهوم بيوتهوم الى بغاو يرتاحو
ادم- اوكي زيدو
ايات- انا بغيت نعرف غير لحمام فين جا
ارسلان- غير سير نتا انا نوصلها ....اجي معايا
ايات- ميرسي (دخلت وخرجت لقاتو فلمطبخ)
ارسلان- هي قوليلي كاتعرفي طيبي
ايات- صراحا ماشي بزاف علمتني ماما الله يرحمها شي اكلات بلحق ماشي ماهرة بحالها
ارسلان- الله يرحمها.. ولي طيبتيه انا غادي ناكلو مكانتشرطش
ايات- هي الى عاونتيني
ارسلان- على راسي وعينيا منها نتعلم منك
ايات- (ضارت عندو وبتاسمت ) وعلاش لا
ارسلان- سحراتو بابتسامتها وبتاسملها حتى هوا
ادم- اوووووف
ادم- خليتهوم مقاتلين على واحد البيت
ايات- ههههههههه خليهوم على راحتهوم ...
ادم- ارسلان كاين شي مايتكال
ارسلان- خصنا نتقداو ثلاجا خاوية
ادم- ادن ياله نتقداو
ارسلان- تسنى نجيب ساروت ديال سيارة
اسماء- فين غادين
ادم- غادي نتقداو (قرب لعندها) ماتخليش ديك سفريطة تقرب من ايات ولا تستفزها
اسماء- كون هاني من هاد الناحية
ارسلان- يالاه زيد اصاحبي
ايات- ادم ماتعطلوش
ادم-(تبسم) واخا احياتي(خرجو)
ناريمان- يا الاهي ثنائي الحب الفاشل
ايات- يا الاهي دخلي سوق راسك
ناريمان- (قربت ليها) ماتحلميش نخليك تفرحي بيه
ايات- ههههه وشنو مصلاحتك من هادشي
ناريمان- امممم حيت ادم ديالي
ايات- عندك شي ملكية عليه شي وثيقة شي حاجة كاتبت انه من املاكك الخاصة
ناريمان- دابا تشوفي غادي يشبع منك ويلوحك كيفما دار مع لي قبلك وغادي يرجع ليا انا نتي غير نزوة عابرة وغادي تفوتي
ايات- كايبانلي نتي مولفة بالشياطا تتتت مسكينة
ناريمان- هههههه دمك خفيف انا غير علمتك باش ماتصدميش فالخر ديري هادي فبالك ماشي نتي الاولى ولا الاخيرة احبيبتي خوديها نصيحة
ايات- خلي نصائحك الغبية عندك ممكن تنفعك شي نهار
ناريمان- اوكي هههههههه اااه نسيت حتى نتي ماساهلاش وقعتي 3 فشباكك وكاتلعبي بيهم كيف بغيتي
ايات- شنو كاتقصدي بكلامك
ناريمان- ادم ارسلان ومصعب خليتيهم كيف المجانين كايتقاتلو عليك
اسماء- اشنو كاتخربقي نتيا
ناريمان- هههههه علاش مافخباركش خطيبك مسيو ارسلان تقاتل مع مصعب على قبل عيون ايات
ايات- (بصراخ) سدي فمك نتي مافاهما والو
اسماء- هادي شنو كاتقول اايات
ايات- ماتفهميش الموضوع غلاط وماتخليهاش تخروض بيناتنا
اسماء- ادن شرحيلي نتى
ايات- اول يوم عندي فاشركة مشيت مع مسيو ارسلان للمصنع وتما تلاقينا مع مصعب بقى كايغازلني بهضرتو وانا ماديتهاش فيه وفالغد سيفطلي بوكي ديال الورد وتصادف مع ادم ومنين شافو بغا يحماق ومشا عند مصعب لدارو باش يتفاهم معاه وانا خفت عليه لايتهور ويقتلو رغبت مسيو ارسلان وقلتلو يتبعو وداكشي لي دار ومنين مشا تقاتلو معاه بجوج انا مايحسابنيش حتى ارسلان غايضارب معاه هادشي لي كاين
اسماء- فهمت شوفي نتيا غادي تكلسي بكرامتك هنا والى غادي نجري عليك بحال كلبة كاتسمعي
ناريمان- كاتهدديني ههههه صافي كملات.. صدقتي هضرتها راها كاتكدب عليك ونهار لي دخل عليكم ادم ولقاكوم معانقين فالمكتب هادشي شنو تسميه
ايات- شنو كاتخربقي ماتصدقيهاش ااسماء
اسماء- (بنفاد صبر) ادن شرحيلي
ايات- نهار لي ضاربو كونت كانضف لمسو ارسلان الجرج وكونت كانبكي وبقيت فيه وعنقني هادشي لي كاين صدقيني مكاين حتى حاجا بيناتنا هوا بحال خويا لاوانا كانبغي ادم فقط
ناريمان- ولاكن
اسماء- (بصراخ) ناريمااااااان غادي نقتلك الى زدتي شي كلمة
ايات- واش صدقتيها
اسماء- انا عارفاك ماشي من هاد نوع .. (دارت شافت فناريمان) اسفيه ينطق بما فيه
ايات- ونتي شكون لي وصلك هاد الهضرة وشكون لي قالك كونا معانقين
ناريمان- انا لي شفتكوم الاولى ومشيت قولتها لادم باش يعرف راسو معامن باغي يتزوج مع وحدا كاتلعب بين الاصحاب ماكفاكش غير واحد .. اسماء سمعيني كيفما خداتلي ادم غادي تاخد منك ارسلان ونتي كاتشوفي وماتقدريش تهضري
اسماء- من فوقتاش ادم كان ليك باش خداتوليك هي
ناريمان- حنى كونا فعلاقا سرية وجات هي خطفاتولي من يدي بحال شي شيطانة
ايات-(بصراخ) صافي سكتيييييي .. ههههههه باش تعرفي راسك ماتسوايش كان غير كايدوز معاك الوقت نزوة عابرة كيما قلتي قبيلة اما انا بغاني فلحلال فهمتى ايوا موتي بسم
ناريمان- غادي تندمي على هاد الهضرة وادم ماعمرك تحلمي بيه
ايات- هاحنا غانشوفو
اسماء- خوي من قدامي مابغيتش نشوف كمارتك حدايا
ناريمان- واخا خليتهالكوم غانمشي لبيتي (مشات)
اسماء- علاش فاش سولتو معامن ضاربتي كدب عليا وقالي شفار
ايات- يمكن مابغاش يخلعك
اسماء- فهمت غادي نخرج شوية درب فيا الهاوا
ايات- خودي راحتك
ارسلان- ادم قولي شنو كاين
ادم- مافهمتش
ارسلان- نهار لي خليت ايات تمشي بحدها قلتيلي شي حد مترصدلها
ادم- احم ماديرش فبالك
ارسلان- غير قولي نقدر نعاونك
ادم- ماعندك فاش تعاوني
ارسلان- الى ماقلتيليش غانعرف بطريقتي
ادم- دبر راسك
ارسلان- (تلفونو كايصوني) وي شنو كاين
جواد- سي ارسلان البنت لي كلفتيني نقلب عليها لقات عائلتها
ارسلان- فهمت
جواد- ولاكن واحد الحاجا ماغاتعجبكش
ارسلان- لي هي
جواد- عائلتها ناس مامزيانينش
ارسلان- اوكي سيقطلي العنوان فمساج
جواد- واخا اسيدي (قطع)
ادم- شنو كاين
ارسلان- والو .. نرجعو لهضرتنا
ادم- من بعد اصاحبي ..
ارسلان- (وقفو فالباب) شوف فيا الى كتاشفت انك مخبي عليا شي حاجة ماغاديش نسامحك والى كانت هادشي كايتعلق بالبنت لي كانبغيها غادي يكون عندي معاك حساب عسير
ادم-(نتر يدي) على اشمن بنت كاتهضر
ارسلان- ايات
ادم-(تصدم) شكون ايات فيهم
ارسلان- لي كانقلب عليها
ادم- ياك قولتي هاديك ختك
ارسلان- (بعصبية)ماشي ختي انا كانبغيها ملى خلاقت وغادي نقلب عليها وغادي نلقاها ولى لقيت عندك شي يد فهاد القضية توقع منى كولشي
ادم- (بتلع ريقو) اشمن علاقا غاتكون عندي وانا مالي ومال هاد ايات ديالك
ارسلان- انا غير علمتك (دخل وخلاه)
ايات- حياتي تعطلتي (شاف فارسلان كايشوف فيه ) طريق كانت بعيدا
ارسلان- فين هوما البنات
ايات- اسماء خرجات وديك البنت فبيتها
ارسلان- اوكي غانشوف اسماء شكادير (خرج كايقلب عليها برا) شكاديري هنا دخلى طاح ضلام
اسماء- بغيت نهضر معاك
ارسلان- ماشي وقتو دخلي
اسماء-(وقفت) علاش كدبتي عليا
ارسلان- شنو كاتخلابقي
اسماء- عنقتيها وداربتي على قبلها .. هادي عماين وحنا مخطوبين ماعمرك درتي شي حاجا على قبلي ولا تقربتي مني
ارسلان-(تنهد) شكون قالك هاد الهضرة
اسماء- ناريمان
ارسلان- فهمت ونتي ماكاتعرفيهاش كيف دايرا ديك المخلوقة
اسماء- حيت انا عارفاها حاولك ماندخلش كلامها لعقلي ولي مابغاش يتسرطلى فاش سولتك قولتيلي داربتي مع شفار
ارسلان- وهاني قولتليك الحقيقة ومن بعد شنو غاديري
اسماء- ماعندي ماندير.. تمنيت شي نهار دير على قبلي شي حاجا حتى انا نحس براسي فكتافي راجل
ارسلان- صافي بلى ماتزيدي فيه يالاه ندخلو
اسماء- نزلت الدمعة من عينها .....(اوكي يالاه ندخلو)
خلاوها ناس زمان حتى واح مالقاتها كيف بغاتها وكل بنت كاتحلم بفارس احلامها وكيف بغاتو يكون مثلا
قالت التايكة :
أنا بغيت راجل يكونو عندو الفلوس بحال البانكة !!
نعيش معاه عيشة زوينة ونلبس غي الماركة !!
يلبس الدجين ويضرب غي اديداس والنايكة !!
مابغيتش نبقا عايشة فالعروبية بغيت نمشي لكازا بلانكا !!
باش نتمتع ونولد وليدات زوينين بحال الملايكة !!
قالت أمال :
مابغيت طومبيل مابغيت أموال !!
بغيت راجل متواضع من بين هاد الرجال !!
شاد طريق الله خاطيه من التخربيق والهبال !!
ماشي داك النوع لي كايذير جيل ويطيح السروال !!
واخا هاد النوع من الذكور قلال !!
ولكن انا بغيتو هاكا باش نعيش مرتاحة البال !!
قالت البتول :
إيوا البنات اش المعمول !!
الفلوس والثروة كاتزول !!
انا بغيت راجل بعقلو ماشي مهبول !!
بغيتو على قد الكلمة ويبغي المعقول !!
يبغيني من قلبو و نمشيو نقراو الفاتحة عند العدول !!
ونعيشو فسعادة وخا نغتداو غي بالعدس ونتعشاو بالفول !!
قالت حليمة :
قالت ليهم انا بغيت راجل لاباس عليه وعندو طاكسي كريمة !!
وعندو والورث وڤيلا ماشي شي خربة قديمة !!
زوينة باردة وفيها الكليمة !!
يكون ميسور وشاد بلاصتو فشي خديمة !!
نديرو خاتم فصبعي ونحكم فيه بحال البهيمة !!
جا دابا الدور على حدهوم :
قالت هي الدنيا فانية وراه تاحاجة مادوم !!
بغيت راجل بسيط واخا يكون يبيع غي الحرور والثووم !!
يصلي صلاتو مايسمع لا لعبد الحليم لا لأم كلثوم !!
انا بغيت راجل يبغيني ماشي بالمشاريع مشغول ومهموم !!
هذا هو الرأي ديالي واش كلامي مفهوووم !!
وقالت عبوش :
يا هاد النسا باركة من الفشوش !!
انا الراجل لي جاني مانرفضوُوش !!
المهم يكون شاد فدينو واخا يكون فقير وماعندوش !!
واخا نعرف نعيش انا وهو غا فشي حُوش !!
واخا غادي نتناقشو المهم مانتفارقوش !!
ادم- اااه راسي كانحس براسي كايحرقنيييي
ايات- نوض سير تنعس باش ترتاح
ادم- ونتي
ايات- غادي نجمع طبلة ونعس حتى انا عيانا
ناريمان- حتى انا غادي نمشي نرتاح عيت تصبحو على خير
ادم- تصبحو على خير .. (مشاو بجوج وكل واحد دخل لغرفتو )
ارسلان- بلاتي نعاونك نتى جيبيلي لماعن وانا نغسلهوم اوكي
ايات- ههههه اوكي واش ديما نتا هاكا حادك
ارسلان- هههههه والى قلتليك ماعمرني غسلت كاس هوا لخر
ايات- هههههههههههه الى بقيتي معايا غادي نعلمك لحداكا
ارسلان-(بصوت خافت) ماكرهتش نبقى معاك لعمر كولو
ايات- قولتي شي حاجا
ارسلان- احم اه قولتليك انا بين يديك غير علميني
ايات- ههههههه انا غانعاونك انا غاندوز ونتا شلل (وقفت حداه وكاتمدلو )
ارسلان- (كايقول فنفسو علاش ياصاحبي درتي فيا حاد الحالة علاش وشاف فيها ) نسيتك مجروحة فصبعك غير خليني نكمل بوحدي
ايات- (شداتلو فيديه ) راه غير جرحا صغيرة وزايدون مكاتحرقنيش
ارسلان- على خاطرك .. فيك نعاس
ايات- شوية ماشي بزاف
ارسلان-(مدليها لفوطة باش تمسح يدها) ادن يالاه نطلعو لسطح تشوفي واحد المنضر رااااائع غادي يعجبك
ايات- اوكيييي (وبتاسماتلو)
طلعو بجوج ويادي المنضر لي شافو اضواو المدينة كاتبان كولها من قوق داك جبل
ايات- وااااااو
ارسلان- (شدليها فيدها وجرها) اجي نوريك هاد جيها
ايات- (كاتشوف فيديه شادين فيها وكايرجفو ) يديك كايرجفو
ارسلان- احم .. هههههه غير منين كانشوف شي منضر زوين يدي كاتبقى ترجف بوحدها
ايات- (ماصدقتش هضرتو) اممممممم
ارسلان- شفتي ديك جيها (دار شاف فيها ) واش بردتي
ايات- تحرك الجو شويا
ارسلان- (حيد لفيستا ديالو وحطهالها على كتافها) ودابا مازالة بردانا
ايات- (هزت راسها بمعنى لا) شكرا
ارسلان- العفو
ايات- والى قلتليك حتى انا بحالك عشت فالخيرية
ارسلان- (فرح وعجبو الحال حيت هي لي جبدت الموضوع) قولتي حتى نتى
ايات- اممممم هادوك ماشي ولديا الحقيقين
ارسلان- اممم فهمت هي حنى بحال بحال كانتشابهو فهاد النقطة
ايات- هههه بصح
ارسلان-وخوك لي عاودتيلي عليه
ايات- حتى هوا ماشي خويا
ارسلان-.. (بتاسم من الداخل) ماشي خوك اممم.. يعنى الى جا عندك شي نهار وقالك كانبغيك عادي
ايات- لا ماشي عادي مستحيل يكون شي حاجا من غير خويا
ارسلان- (جمع ضحكة وتصدم) وعلاش ياك نتوما ماشي خوت
ايات- واخا هكاك كايبقى فنضري خويا واخا شحال هادي ماشفتو .. ومكانضنش واش غادي يعقل عليا ولى غايكون مازال مفكرني..
ارسلان- امممم ديما كاتفكري فيه
ايات- ماعمرو غاب من عقلي حيت هوا اجمل حاجة كانت عندي ولاكن هاد دنيا ماكاتبغيش تشوفني فرحانا غير كانبغي شي واحد كاتاخدو مني
ارسلان- والى كان حتى هوا مازال مفكرك وماعمرك خرجتيلو من بالو
ايات- مكانضنش هوا واعدني انه غادي يقلب عليا ويجي عندي وهادي 12 لعام لي دازت ماعمرو سول فيا
ارسلان- ماعرفتي ضروف لي عاشها هي لي منعاتو
ايات- ممكن ..
ارسلان- وممكن يكون قلب عليك ومالقاكش
ايات- دنيا صغيرة والى درتي فبالك واحد الهدف غادي توصل ليه
ارسلان- اممم فعلان .. يعني مستحيل تبغيه
ايات- مستحيل هههههههه علاش كاتسولني هاد الاسئلة
ارسلان- هههههه حب استطلاع
ايات- انا كانبغي غير ادم وماكرهتوش يخضرلي فعرسي ويفرح لفرحي وهوا لي يقدمني ليه ونحس براسي عندي عائلة
ارسلان-(غمض عينيه وماعجبوش الحال)ونتي متئكدا باغيا تتزوجي بيه
ايات- بزااااف كانبغيه بزاف لقيت فيه عائلتي ولقيت فيه بابا وماما وخوتي عوضلي كولشي ماخلاني محتاجا لحتى حاجا ومعاه بغيت نكمل حياتي
ارسلان- الله يكمل بالخير
ايات- امين وبحال والو نديرو عرس واحد ونفرحو كاملين ههههه
ارسلان- امممم
ايات- شنو هاد الصوت
ارسلان- ماسمعتش
ايات- يمكن غير كايتهئ لي ..
ارسلان- قرب لباب ديال سطح .. اجي تسمعي صوت جاي من لتحت هادي ديك صفريطا كاضحك
ايات- حماقت هادي ..
ارسلان- ههههه .. (بعد لاحضات )
ايات- ماشي هادا صوت ادم
ارسلان- بلاتي امممم هوا هادو مالهوم واش حماقو
ايات- غادي نهبط (هبطت كاتجري)
ارسلان- اجي غير بشوية عليك غادي طيحي (تبعها)
ومنين وصل شافو منضر ياريتهم ماشافوه .. ادم وناريمان عريانين وفوضع مخل بالادب وفديك اللحضة بدات اغنية ماتحاسبنيش لشرين عبد الوهاب https://www.youtube.com/watch?v=mCo6hbLUEV8...
ماقدراتش ايات تستحمل داك لمنضر وبدات كاتغوت وتضرب فيهم بجوج بلى لقاتو حداها هرسات كاع داكشي لي فالغرفة وارسلان كايحاول يهدئها ولاكن معامن تضوبلة قوتها لاضعااااف بقات كاضرب فيهم حتى اغمى عليها
ارسلان- (كاينوض فيها) فيقي .. كانترجاك تفيقي
ناريمان- واش ماتت
ارسلان- تموتي نتى انشاء الله (هزها وداها لغرفة وحدا اخرى ) حياتي فيقي (نزلة الدمعة من عينيه)
ايات- (بدات كاتسترجع الوعي) ديينيي من
ارسلان-(كار عليها بلهفة ) ششنو قلتي
ايات- ديني من هنا
ارسلان- واخا (هزها بكل حب )
ايات- نزلني
ارسلان- غير خليك غادي ن..
ايات- قلتليك نزلني قادرا نمشي على رجلى ...
ايات- حطنى قادرة نمشي على رجلي
ارسلان- واخا لي بغيتي (منين حل الباب ارسلان لقى ادم كالس فالارض ودايخ )
ادم- (غير شافها وقف) حياتي سمحيلي ماشي لخاطري كانترجاك تسمحيلي
ارسلان- (دفعو ) سير ستر راسك شنو هاد الحالة سير لبس حوايجك
ادم- (شاف فراسو لابس غير شورط قصير ) اوووه ياربي اشنو هادشي لي كايوقعلي
ايات- ارسلان بغيت نمشي
ادم- (نزل عند رجليها وعنقها) ماتمشيش ماشي لخاطري ماعرفتش شنو وقاعلي
ايات- طليق منى طلااااق
ارسلان-(شافها كاتغونت جرو وعطاه ضربة حتى سخفو) زردي (جرها من يدها وخرجو ) ركبي
ايات- ( ضارت وشافت فالباب ) منك الله ياادم منك لله (ركبت )
ارسلان- (ديمارا سيارة وزاد بسرعة ) واش كاتحسي براسك بيخير
ايات- (هزت براسها بمعنى لا)
ارسلان- ماديريش فبالك مايستاهلكش
ايات- (ودموع فعينيها) ماقولتلكش دنيا مكاتبغيش تشوفني فرحانا
ارسلان- (شدلها فيدها) غادي تتجاوزي هاد المرحلة انا متئكد
ايات- غادي يختافي من حياتي حتى هوا بحال لي من قبلو
ارسلان-(مازادش هضر باش يخليها على راحتها حتى وصلو للمدينة) نديك تباتي فداري
ايات- (وعينيها دبلانين) لا ديني لاوطيل
ارسلان- وعلاش ماتمشيش معايا
ايات- كانترجاك بغيت نبقى بوحدي
ارسلان- اوكي سمحيلي بلحق غادي نديك للاوطيل ديالي
ايات- لي بغيتي
وصلها للاوطيل وحجزلها احسن جناح
ايات- شكرا على المساعدتك ليا تقدر تمشي
ارسلان- بغيت نبقى معاك شوية
ايات- كانترجاك بغيت نبقى بوحدي
ارسلان- (دار راسو مكايسمعش وجرها من يدها وعنقها )
ايات-(كادفعو)طلق مني طلق
ارسلان- (متمسك بيها بقوة) بكي .. بكي وخرجي لي فقلبك
ايات- (ستسلمت ليه وتمسكت بيه بقوة) هئ هئ هئ علاش ياربي انا واش مانستاهلش نفرح غير نهار بحال كاع ناس علاااااااش هئ هئ هئ كان كايقولي نتى لي عندي .. كان كايقولي مانقدرش نعيش بلا بيك .. كان كايقولي نتى هي عائلتي .. علاش دار فيا هاكا علاش
ارسلان-(نزلت دمعة من عينيه ومسحها بسرعة ) خانك ياك
ايات- حطمنى
ارسلان- (شدها من شعرها وفربها منو وغمض عينيه وطبع قبلة طوييييلة على شفايفها ااااااه ياقلبي )
ايات- شنو درتي
ارسلان- احم .. هانتوما تعادلتو دابا
ايات- (ضرباتو بصقلا حت دار وجهو ) خرج من هنا خراااااج( دفعاتو حتى خرج) وطاحت فالارض كاتبكي
ارسلان-(على برا كايدق ) سمحيلي ايات .. ماقصدتش ننقص منك انا غير ..
ايات- سير بحالك
ارسلان- ياربي شنو درت..
,ناض وهبط حجز الغرفة لي مقابلة معاها وداك ليلة داخل خارج ماقدرش ينعس وكايحس بتئنيب الضمير اما هي مسكينة من صدمة لصدمة ليل كامل وهي تبكي حتى نعست ...
"في الصباح"
ايات- (ضربت فيها شمس ديال صبح وفاقت) اااه يا الله راسييي يعني ماشي حلم اووووف (سمعت دقان فالباب) شكون
ارسلان- انا حلى
ايات- سير بحالك
ارسلان- غير نهضر معاك ونمشي
ايات- قلتلك سير بحالك (دخلت للحمام وطلقت الماء فلبانيو وتخشات فيه بحوايجها والماء كاينزل عليها )
ارسلان-دازت ساعة ومكاتجاوبش .. عنداك تكون دارت شي حاجا فراسها
نزل كايجري لرسيبسيون وخدا نسخة من المفتاح وطلع كايجري حل الباب دخل ومالقاهاش وبدا يدق فبابا الحمام ويعيط ليها ومكاتجاوبش وبقى يضرب فلباب حتى تحلات ودخل لقاها مخشيا فلبانيو غارقا والفقاعات كايخرجو من نيفها
ارسلان- ايااااات (هزها بسرعة)
ايات- (ستنشقت الهواء وكاتنهش) شكادير هنا خرج
ارسلان- (طاح على الارض) اووه .. حمدتك ياربي وشكرتك
ايات- لاء ....وداخل عليا لوسط الحمام
ارسلان- يحسابني بغيتي تنتاحري
ايات- (تنهدت) طمنتى ادن تقدر تكشي (سمعو دقان فالباب)
ارسلان- (ناض حل الباب ) شكرا .. تقدر تمشي (دخل عندها وجار واحد لحديدة عامرا حوايج)
ايات- شنو هادشي
ارسلان- قولت غادي تكوني محتاجا للملابس
ايات- اوكي حطهوم وسير
ارسلان- لاء مغانمشيش
ايات- واش بغيتي تبقى حاضيني وانا كانبدل لحوايج
ارسلان- اااه.. اوكي غادي نتسناك برا(خرج وسد الباب الى بقات واقفة غير على سبا)
ايات- صبر ياربي صبر (لبست لحوايج لي جابلها .. لبست فستان ابيض فوق الركبة وكمامو قصار ونشفت شعرها وخرجت ) شنو مازال كادير هنا
ارسلان- (وقف) شوفي انا كانعتادر على البارح ماعرفتش شنو وقاعلي
ايات- مزيان كولكوم معارفينش شنو واقعلكوم .. حتى ادم قال نفس الهضرة
ارسلان- على دكر ادم صونا عليا كتر من ميات مرا وماجاوبتوش
ايات- وماتجاوبوش اصلا وعنداك تقولو فين انا
ارسلان- عارف .. على البارح واش سم..
ايات- اه سمحتلك
ارسلان- واش متئكدة
ايات- اممم .. كان عليك دابا توكن مع خطيبتك فالمشفى وطمن عليها
ارسلان- هضرت معاها وكلشئ بيخير
ايات- مزيان (تلفونها كايصوني) ا
ارسلان- شكون كايصوني
ايات- مصعب
ارسلان- (بعصبية ) قطعي عليه ماتجاوبيهش
ايات- (ضد فيه جاوبت) الو بونجوغ.. وي .. بيانسوغ .. انا موال مافطرت .. وعلاش لا .. اوكي باي
ارسلان-(بنفاد صبر) علاش جاوبتيه
ايات- عندي موعد دابا خصني نمشي
ارسلان- فين
ايات- عارض عليا سي مصعب
ارسلان- مغاديش تمشي
ايات- ههههه كملات حيد من قدامي
ارسلان-(سد الباب بيديه) قولتليك ماغاديش تمشي
ايات-بشمن صفة غادي تمنعني
ارسلان- لارد
ايات- حيد من طريقي (دفعاتو وخرجات )
ارسلان-( تلفونو كايصوني) نعام ازفت
ادم- تهدن
ارسلان- شنو بغيتي
ادم- فين هي ايات
ارسلان- كاتسول عليها من بعد داكشي لي درتي
ادم- قولتلك فين هي ايات
ارسلان- انا ماشي المخبر ديالك قلب عليها بنفسك(قطع عليه)
ارسلان منين شافهوم خارجين ركب فسيارتو وتبعهوم وكايكلاكسوني عليه باش يوقف
مصعب- المدير ديالك مورانا
ايات- ماتوقفش كمل طريق
ارسلان- الحاقييييير وقف (كايديرليه اشارة باش يوقف )
مصعب- (شافو من لمرايا)كايبانلى معصب
ايات- خليه يتعصب وحنى مالنا
مصعب - شرف ليا انكي قبلتي تخرجي تفطري معايا
ايات- امممم (دارت ديك ضحكة الصفراء)
ارسلان- اوكي بغيتي غير المشاكل اايات غادي تلقايهوم (كسيرا بجهد وفاتهوم او وقفو فنصف الطريق ونزل من سيارة ومشا عندها حلها الباب)نزلي
ايات- (بنفاد صبر) مغانزلش ولى عندك شي شغال سير تقضيه
مصعب- بعد من البنت جات معايا بخاطرها
ارسلان- (شنق عليه ) بخاضرها ياك (عطاه بونيا طيحو فالارض)
ايات- ارسلاااااان شكادير
ارسلان- (جرها بزز وركبها فسيارتو)
ايات- شنو هادشي لي كادير واش صوقك فيا واش داروك حارس عليا
ارسلان- (معصب كايسوق بسرعة ومكايجاوبهاش)
ايات- جاوبني ماتبقاش ساكت
ارسلان- (عصباتو وغوت عليها) سكتيييييي
ايات- (صدمها فاش غوت مزادتش معاه كلمة وبعد مدة من الصمت) فين غادي بيا
ارسلان- لارد
ايات- راني سولتك
ارسلان- لارد (ودخل فواحد الدرب ديق وصل لواحد الكاراج نزل حل الباب وخرجها بزز منها ودخلها ليه وسد الباب)
ايات- (خافت ) شنو هاد لبلاصا لي جبتيني ليها
ارسلان- دابا غانصفيو هاد المشكل
ايات- (خافت لايديرلها شي حاجا) غير تهدن نحلو كلشئ غير بالعقل
ارسلان- لعقل ....نتي خليتيلي شي عقل
ايات- علاش كادير هاكا شنو بيني وبينك خليني عليك حياتي وانا حرة ندير لي بغيت
ارسلان- (تنهد )حياتك ياك تمشي مع هداك الكلب وحياتك لهاد الدرجة وصلت بيك تفرطي فشرفك معاه
ايات- (ماستحملتش هدرتو وسقلاتو ) مانسمحلكش تطعني فشرفي الحقير
ارسلان-(شاد فوهجو وشر خارجليه من عينو) وعلاش قبلتي تمشي معاه
ايات-(بصراخ) ونتا مالك اش دارك فاش كانهمك
ارسلان-(بصراخ ) كاتهميني
ايات- (بصراخ) ماشي صوقك فيا
ارسلان-(بصراخ) لاء صوقي
ايات- (بصراخ)وعلاش
ارسلان-(بصراخ) حيت نتى ديالى .. (بعد صمت طويل )
ايات- شنو قلتي
ارسلان- (تنهد) كانبغيك..
ايات- (بعد صمت طويل)مايمكنش ..
ارسلان- (قرب ليها وشدلها فيدها) من اول يوم شفتك فيه حبيتك بدون شعور
ايات- وادم راه صاحبك .. قدرتي دير فيه هادشي
ارسلان- هوا لي خدا خاجا ماشي ديالو من الاساس
ايات- مافهمتش
ارسلان- لي خاصك تفهمي هوا انا كانبغيك حتى قبل مانشوفك
ايات- اش كاتخربق (سمعو دقان فالباب بالجهد)
ادم- ارسلاااااااااان .. حل
ايات- شداتو .. ماتحلش
ارسلان- غادي نفرجك فيه انا كونت عافو متبع ل جي بي اس لي فتلفونك وهدا لاش خليتو يجي لهنا
ايات- (كان غادي وشداتو ) شنو كايدورلك فداك الراس
ارسلان- غادي نفرجك فيه دابا (مشا وحل الباب)
ادم- (دخل وكايقلب عليها ) شنو كاديرو هنا
ارسلان- (عطاه ضربا للوجه حتى طاح فالارض ) هادي على لخيانة ديالك(وزادو ضربا حتى خرجليه دم من فمو)
ايات- (كاتجر فيه ) ارسلان طلق منو (كاضرب فيه )
ارسلان- (زادو ضربا) وهادي حيت كدبتي عليا (وزادو ضربة اخرى) وهادي على البنت لي خبيتيها عليا (زادو ضربة اخرى) وهادي على ثقتي فيك (ضربو عاود) وهادي حيت خديتي حاجا ماشي ديالك (بغا يضربو ولادهالو ادم وطيحو للارض)
ادم- (طلع من فوقو) هههههه ماشي ديالى.. هي ماشي ديالك من الاصل (ضربو عاود)
ايات- صافي طلقوو (كاتغوت وتبكي) مالكوم شنو هي هاد الحاجة لي مقاتلين عليها
ادم- خرجي تسنايني فسيارة
ارسلان- علاش خليها تسمع
ادم- (بصراخ) سكوووووت
ارسلان- خفتي ياك خفتي مابغيتيش تخسرها
ايات- فهموني انا مافاهما والو
ادم- نموت ومانخليهالكش
ارسلان- (كايتحداه) غاناخدهالك ونتا كاتشوف بعينيك
ادم- (ماستحملش وعطاه ضربة) زيدي
ايات- طلق منى
ارسلان- طلق منها
ادم- رجع عندو (وضربو حتى طاح وجرها وخرج)
ايات-كاتنتر منو طلق طلقني
ادم- غاتمشي معايا
ايات- مغانمشي معاك لحتى بلاصا
ادم- (جرها بزز ودخلها لسيارة وبسرعة ركب وديمارا بسرعة )
ايات- فين دايني
ادم- لارد
ايات- واش باغين تحمقوني نتوما هاد النهار
ادم- غادي نديك باش تتئكدي انني ماخنتكش
ايات- انا ششفتك بعيني
ادم- غير صبري وغاتشوفي كولشي بعينيك
ايات- نزلني هنا مابغيت نشوف حتى حاجا منك
ادم- لا رد (بقى ساكت ومكايجاوبش حتى وصل للدار) نزلي
ايات- مابقيتش غانعتب ديك دار
ادم- (جرها بزز ودخلها)
ايات- هاااا شنو هادشي
ناريمان- (مربوطة وسادلها فمها) امممممممممم اممممم
ادم- (حيدلها سكوتش من على فمها ) قوليلها الحقيقة
ناريمان- وغادي طلقني
ادم- كانواعدك
ناريمان- انا من غيرتي عليه درتلو مخدر فالعاصير لي حطيتلكوم البارح وانا لي درت كولشي هوا مكانش فوعيو انا لي لي درت كولشي هئ هئ هئ انا لي ضحكت بجهد باش تنتابهيلو
ادم- وشكون لي قالك ديري هادشي
ناريمان- مصعب هوا لي قالي ندير هادشي بغا يفرقكوم باش تكوني ليه وادم يكون ليا
ادم- سمعتيها بودنيك
ايات- مستحيل هادشي.. لاء مستحيل
ناريمان- صدقيني انا لي درت كولشي هوا ماعندو حتى شي دنب كانقسم ليك ماقاسنيش انا لي تحرشت بيه
ايات- (بصراخ) ياربي اشنو هاد لعالم لي عايشين فيه
ادم- تهدني احياتي مكاينش لي غايفرقني عليك حتى نموت
ايات- طلق مني صعيب عليا ننسى لي شفتو بهاد السهولة
ادم- انا ماطلبتش منك تنساي انا غير بغيتك تعرفي انني مستحيل نخونك احياتي مستحيل .....
ناريمان- طلقوني هئ هئ بغيت نمشي بحالي
ايات- نتا لي درتي فيها هاد الحالة
ادم- احم .. اممم
ناريمان- كان باغي يقتلني هئ هئ طلقوني
ادم- وماغاديش نتردد فقتلك الى مابعدتيش علينا
ايات- طلق البنت تمشي بحالها
ادم- مازال ماساليتش معاها .......جعفار
جعفر-نعام اسيدي
ادم- هز عيا هادي وديها فين قلتليك قبيلة
ناريمان-(كاتبكي وتغوت ) لاااا اختي ايات ماتخليوهومش يديوني
ايات- جعفر طلق منها
ادم- جعفر لوح مها فزنقا(شدها من وحهها بعنف ) نشوفك مرا اخرى قريبة منى ولى من خطيبتي مغانرحمكش
ناريمان- كانواعدك مانقربش منك
ادم- وقولي لهداك لي مخدمك عندو حسابي معاه ماسالاش سربي خرجها
جعفر-واخا اسيدي زيدي قدامي
ادم-(شافها طالعا وتبعها ) بلاتي نهضرو شوية
ايات- ماعندي فاش نهضر غادي نجمع حوايجي ونمشي بحالى
ادم- لا مستحيل نخليك تخرجي من هنا
ايات- (كاتجبد لحوايج من الماريو) مابقيتش قادرة نشوفليك فوجهك
ادم- واش ماصدقتينيش راكي سمعتيها شنو قالك
ايات- محتاجة نبقى بوحدي شي يامات ومن بعد يكون الخير
ادم- (شدها من يدها) حياتي بلييييز ماديريش فيا هاكا (حيد ليها لحوايج من يدها ) كلسي غير سمعيني
ايات- انا غانكلس فاوطيل شي يامات محتاجة نبقى بوحدي فهمني كانترجاك
ادم- واش ارسلان قالك شي حاجا
ايات- شنو غايقولي
ادم- مانعرف شي حاجا مثلان مانعرف شي حاجة عليا
ايات- مقالي والو وبغيت غير نعرف شنو هي هاد الحاجة لي كنتو كاتقاتلو عليها قبيلة شنو ديتيليه
ادم- هاه احم اممممم بلى ماديري فبالك وبلى ماتعرفي حسن
ايات- (تنهدت) اوكي حيد من قدامي
ادم- (جبد من جيبو الخاتم ونزل على ركابيه) غانعاود نسولك تقبلي تزوجي بيا
ايات-(تصدمات) (بعد صمت) يمكن كون قدمتيهلي قبل كونت غادي نقبل ولاكن دابا مانقدرش
ادم- حشومة عليك احياتي ماديريش فيا هاكا وماتعاقبينيش على دنب مادرتوش
ايات- فهمني راه ماقادراش ننسى داك المنضر ونتى .. (سكتات) كيفاش غانقبل نتزوج بيك بهاد البساطة كون درتها انا واش غاتقبل .. ماتبقاش ساكت جاوب
ادم- انا حاس بيك او انا مستاعد للعقاب ديالك عاقبيني كيف بغيتي
ايات- لعقاب ديالى هوا انني نمشي من هنا
ادم- نتى راكي غاتقتليني ماشي غاتعاقبييني
ايات- على ما تبرد الجمرة لي فقلبي (شدت شانطا هزتها وخرجت)
ادم-(تابعها) ماتمشيش
ايات- حيد من طريقي
ادم- ادن خليني نوصلك
ايات- (بنفاد صبر) صبر ياربي صبر .. اوكي
ادم- شمن اوطيل نازلة فيه
ايات- الاوطيل ديال ارسلان
ادم- (تعصب ) لا مستحيل غانديك لاوطيل وحداخور
ايات- (تنهدت) ادم ..
ادم- اوكي ولاكن مدة قصيرة وغاترجعي
ايات- انشاء الله ..
وصلها ادم للاوطيل اما ارسلان كانت عندو مهمة اخرى كايقوم بيها
ارسلان-(جبد صورة ) شريف واش عمرك شفتي هاد البنت فهاد الحومة
مول الحانوت- اه سبقلي شفتها تصخرت من عندي شي جوج دلمرات ولاكن اولدي كايبان عليك انسان متقي الله اش بغيتي بناس بحال هادو
ارسلان- انا غير كانسول اوصافي
مول الحانوت- شفتها كاتخرج من دار مليكة وديك مليكة مامزياناش كاتخدم لبنات فلحرام يا اعود بالله
ارسلان- فهمت شكرا الحاج
مول الحانوت- شوف داك الولد لي جاي راه خدام مع ديك مليكة يمكن يفيدك فشي حاجا
منال-(عرفتوه شكون عبد القادر هههه كايمدغ المسكة ويعوج ففمو) عمي الحاج ارامعاك شي كلينيكس (كايطلع ويهبط فارسلان )
ارسلان- بغيت نسولك الى سمحتي
منال- (كاتعوج فمها) ههههه اش بغا زين
ارسلان- (تصدم) احم ترجل فهضرتك مالك
منال- نترجل هاهاهاهااااااي وشكون نتا باش تعلمنى نهضر
ارسلان- اجي معايا واحد الدقيقة (جرو لبعيد)
منال- اي اي غير طلق مني انا فخاطر زوينين ندير كلشي هههااااي
ارسلان- (وراه صورة) كاتعرف هاد البنت
منال- اممم كانعرفها وعلاش كاتسول فيها
ارسلان- سولتك جاوبني على قد سؤال شنو كانت كادير هاد البنت فديك الدر
منال- مانعرف
ارسلان- (جبد لفلوس وبدا يحسب حداه بلعاني) اممم قولتيلي مكاتعرفهاش اوكي
منال-(حوالو عينيه مع لفلوس) شنو بغيني تعرف عليها
ارسلان- (حطليه لفلوس فيديه) كولشي
منال- انا لي عارفا انها بنت الباطرونة مليكة
ارسلان- وشنو اخر
منال- مابقيتش عاقل
ارسلان- شوف دوك رجال لي تماك الى عيطتلهوم غادي يكرفصوك هنا هضر بلى ماتعصبني
منال- (بتلع ريقو بالخلعة) هاه واخا احم .. هاديك البنت لي فصورة سميتها ايات بنت لباطرونة مليكة مكانتش ساكنة معاها حيت على ماسمعت كانت عايشا فالخيرية او منين طلبت منها مليكة والحاجة باش تخدم معاهوم فادعارة ناض دباز ومابغاتش واحد نهار سمعتهوم كايهددوها وبزز عليها مشات مع واحد البنت عند واحد رجل اعمال لاباس عليه ومنين رجعو مكانتش معاهوم ومنين سولتهوم عليها قالولي بقات مع داك الراجل من تما ماشفتها
ارسلان- فهمت تقدر تمشي ....
شعلت فيه العافية منين سمع لهضرة ديال ديك منال ولى عبد القادر وقبل مايركب فسيارة
ارسلان-(عيط لرجالو ) غادي تجبدولي ادم من تحت الارض وتجيبوهلي وعيطلي فاش تلقاه
رجالو- اوكي سييدي
ادم- غادي تبقاي هنا غير فترة وغادي ترجعي
ايات-(غير باش تسكتو) انشاء الله
ادم- (شدها من يدها وباسهوم) كانبغيك احياتي ومانقدرش نعيش بلى بيك
ايات- امممم
ادم- الى قبلتي تتزوجي بيا فاسرع وقت غادي نديرو العقد ونديرلك احسن عرس فالمغرب كانواعدك
ايات- انشاء الله
ادم - كونت كانقول ان حبك ليا غايخليك تسمحيلي على اي حاجة لاكن كونت غالط
ايات- كولشي الى الخيانة عرفت عيونك غدارة وقلبك في المحبة بايعني
علاش يتيق قلبي فيك وانت ديما مخادعني جيتني تترجاني نرجع نسكن في اعدابك من زمان قلبي هاجر مبقاش على احسابك خنتيني مرة وقادر تخوني تاني علاش نرمي قلبي ليك علاش في محبتك نعاني طلبتيني نسى الماضي ونعطيك فرصة جديدة
فين القلب الي يرجع ليك مات هاجر لبلاد بعيدة من بعد الجرح والدموع وسهير
غرقتيني فبحر مواجو كدوب تايها فيه سارحة بخيالي ضحيت على قبلك وعمرني ما نويتك تخون كان قلبي عمى في محبتك ضايع مفتون اختاريت في اهواك نعيش يتيمة وحدانية عمر قلبي مايتيق فيك ولا عمر محبتك تحلى ليا
دوزو ديك لعشيا حتى طاح ضلام وتلفون ديال ايات محطوط حدى ارسلان وهي كاتقيس بعض الاحدية
ارسلان- (شاف تلفونها كايصوني وادم هوا المتصل هز تلفون وشاف فيها وهي ملهية قطع عليه وعطل خدمة GPS شوية وهوا يسيفط ميساج قراه ومسحو ) ماشي غير نتا اسي ادم لي كاتعرف دير تاحراميات (شافها جايا وحط تلفون)
ايات-صافي واخيرا سالينا
ارسلان- اوكي تسناي نخلص ونمشيو (خلصهوم وخرجو) ودابا فين غانمشيو مانسيناش شي حاجا
ايات- صافي كولشي شريناه
ارسلان- ادم يالاه ناكلو لاكلاس (ايس كريم)
ايات- مشا لحال
ارسلان- تشهيتو ماناكلوش
ايات- اممم اوكي انا بغيت الفاني وشكولا
ارسلان- وانا بغيت لفريز وشكولا عرفتي انا غاندير باناشي غانخلط كووووولشي
ايات- ههههههههه غادي تمرض
ارسلان- انا كبير واخا نمرض اما نتى صغيرة الى مرضتي غادي نتعدب معاك وماغاتبغيش تنعسي فليل
ايات- (فجئة وقفات وخلاتو زايد نزت دمعة من عينها)
ارسلان- (كايهضر بوحدو حتى شاف حداه مالقاهاش ودار) ايات مالكي وقفتي خليتيني كانهضر غير بوحدي
ايات- عرفتي هاد لهضرة لي قلتيلي كان كايقولهالي خويا مكانش كايبغيني نمرض منين قولتي نفس الهضرة تفكرتو
ارسلان- (ابتسم) يالاه نمشيو (دار يديه على كتافها وجرها) لي كول الشرف انني فكرتك بخوك
ايات- سولت المديرة عليه وقالتلي تبناه شي حد وداه لامريكة يمكن هدا لاش ما رجعش عندي غايكون عايش فالغربة وموحال واش غايعقل عليا وانا كيف لهبيلة ماكايزولش من بالي
ارسلان- (كايضحك من داخل ) صافي نسايه عليه ياك انا هوا خوك
ايات- اه بصح
ارسلان- هههههه فاش كاتبكي كاضحكيني كون شفتي وجهك كيف ولى
ايات- كيف ولى
ارسلان- كيف ماطيشا ههههههههه كلسي انا غانجيب ليك تشربي (مشا وطول شوة ورجع ) شدها من كتافها وخلعها
ايات- حشومة عليك خلعتيني
ارسلان- ياك انا علمتك ماتخافي من حتى حاجا
ايات- (تصدمت نفس الكلام لي كان كايقولها ارسلان فاش كانو صغار)
ارسلان- مالكي كاتشوفي فيا ياكما غاتبكي عاود .. غادي نضحك عليك
ايات- بغيت نمشي
ارسلان- حتى تكملي لاكلاص ديالك
ايات حنات راسها ومرا مرا كاتشوف فيه وارسلان مراقب حركاتها وداكشي لي بغاه وصلو خلاها تحس انه خوها لي كاتحلم تشوفو كلاو وخرجو او وصلها لحدى دار كانت ديك ساعة 9 مساء
ايات- تعطلت على ادم غادي يتقلق
ارسلان- غادي ندخل معاك اوكي
ايات- اوكي مرحبا بيك وغادي تتعشى معانا (حلت الباب ودخلت هي الاولى
ادم- فين كونتي وعلاش مكاتجاوبينيش
ارسلان-(دخل ) وعليكم السلام
ادم- ارسلان شكادير هنا
ارسلان- قول للعساس ديالك يجيب صخرى لي فسيارة
ايات- انا غانقولهالو(خرجت)
ادم- (جرو) شنو كاتحاول دير
ارسلان- تهدن انا درت داكشي لي مادرتيهش نتا
ايات- (شافتهوم مخاصمين) مالكوم عاود
ادم- غير كونت كانهضر معاه (شاف لاكياس ديال لحوايج) شنو هادشي
ارسلان- برعت ختي اليوم اشنو بغيتينني نعطيك ختي بلى زهاج
ادم- ولاكن انا كونت
ايات- صافي ماشي مشكل اادم
ارسلان- سمعتي تعلم منها شوية ديال الباقة
دازت ديك ليلة مكفسة على ادم وهوا كايشوف فارسلان كايتقرب من ايات ويضحك معاها غير ضد فيه كايستافزو
ارسلان- ايات الله يعطيك صحا والله يعطيني شي مرا بحالك
ايات- ههههههههه شكرا على المجاملة
ادم- (كايهضر غير بشوية) ساليتي نوض سير بحالك
ارسلان- ههههههههههه كون سمعتي نوكتة لي عاودلي كاتقتل بالدحك
ايات- دحكوني معاكوم
ادم- واحد النكتة بايخة بحالو ههههههه
ارسلان- شكرا على لعشا مشى الحال غادي نمشي وغدا انشاء الله غادي ندوز عليك
ادم- وعلاش
ارسلان- ماشي راها ختي
ايات- ههههه اجي مرحبا بيك غادي نتسناك
ارسلان- اوكي يالاه بسلاما اختي (خرج )..
"في منزل مليكة"
الحاجة - لاء مزيان تبارك الله هادشي لي ناقصنا
مريم - هي راها واعدتني واخا غاتزوج بادم غادي تنفد كل لي تطلبوه منها
الحاجة- لاء هاد العرس مستحيل يتم
اسماعيل - مريم خرجي
مريم -خليني معاكوم
اسماعيل - قولتليك خرجي (جرها وسد الباب)
الحاجة -فين هوما هاد لخطط دياولك قتلتيني غير بالهضرة الخاوية
اسماعيل- انا راني موجد كولشي غير رتاحو نتوما غدا ماغايكون لا عرس ولى هم يحزنزن
مليكة- لاياش مخطط
اسماعيل-(بتاسم بمكر) خليها مفاجئة
"في الغد"
ايات-(كاتهدر فتلفون) هههههه المسخوطة غادي تجي ياك غادي نتسناك
جيهان- الى ماحضرتش لختي وصاحبتي لمن غانحضر
ايات- لهلى يخطيك احبيبتي منين تجي غانعرفك على واحد صاحبتي سميتها سكينة غادي تتفاهمو
جيهان- اكيييد كوليلي منين دبرتي عليه ياختي جمالو تركي مين قلتيلي سميتو قلبت عليه فكوكل غزااااال ولاباس عليه شوفي ماتشوفيليش شي صاحبو
ايات- هههههههه ايوا اجي وشوفي بعينيك (سمعت دقان فالباب) جيهان شي حد كايدق بسلاما عليك اختي
جيهان- بسلاما
ايات- اصبار هانا جايا (حلت الباب) ارسلان
ارسلان- دخلو يالاه سربيو
ايات- شنو هادشي
ارسلان- هادو منضمي الاعراس هوما لي غايتكلفو بيك وغايطلعوك اجمل عروس اليوم
ايات- ههههههه لهلى يخطيك عليا اخويا
ارسلان- فين هوا ادم
ايات- خرج قبيلة قالي 5دقايق وغايجي وهادي ساعة ومازال مابان
ارسلان- عنداك يكون بدل رئيو
ايات- هههههههههههه داكساع نديرك نتا هوا لعريس
ارسلان- ههههههههههههه وانا نكره
"في مكان مجهول"
اسماعيل- (كب عليه صطل ديال الماء بارد( هيييي فيق ابنادم)
ادم- (كايحل عينيه بصعوبة) ااااه فين انا
اسماعيل - انتا دابا فضيافتي غادي نتهلى فيك بزاااااااف اصاحبي
ادم- الحاقير ماكفاتكش لعصى ديال داك نهار
اسماعيل- ههههههههههه اووووو هاد المرة نتا لي غادي تتعصى اصاحبي
ادم- طلقوني لاش رابطيني
اسماعيل - (دار اشارة لرجالو ) تكلفو بيه شوية ونرجع
ادم- (كايغوت) طلقونييييييييي
بعد مرور 10 ساعات"في المنزل"
ارسلان-(كايدق) ايات واخا دخلت
ايات- تفضل
ارسلان-( وقف مسحور بجمالها جات عروس غزالة ماشاء الله) جيتي زوينة
ايات- (مقلقة) شكرا ارسلان مازال مجاش ياك
ارسلان- لا مازال خصنا نمشيو لقاعة عمرت بالناس
ايات- ولاكن هوا راه مزال ماجاش
جيهان- يمكن الى دايرليك شي مفاجئة خلينا نمشيو
سكينة- اه بصح كيما قالت جيهان ممكن تكون شي مفاجئة هادي
ارسلان- اشنو مشينا
ايات- واخا الله يستر وصافي
ارسلان- انا سبقتكوم للسيارة
جيهان- اواااو واااو وااااو انا غادي ندوب دابا اش هاد الجمال
سكينة- هههههههههههه هداك راه راجلي حطيت عليه قبل منك
جيهان- ايات ختى حكمي بيناتنا شكون شافتو الاولى
ايات- تصورو مايجيش
سكينة- ماتقوليش هاكا احبيبة غادي يجي ياك هوا كايبغيك مستحيل يغدر بيك
جيهان- يالاه احبيبتي نمشيو راني باغيا نشطح ماقادراش نصبر هههههه
خرجو ولقاو سيارات كاتتسناهوم ركبو ومشاو للقاعة وصلو وادم مابانلو اثر وتوتر والقلق تملك قلب ايات
ايات- هادي 10 دليل علاش مزال ماجاش وحتى تلفونو مطفي منين خرج مع 8 دصبح وهادي لعشرة
جيهان- سكينة شنو غانديرو والى ماجاش
سكينة -شكتي غادي تسمعك
ايات- سمعتكوم (كاتبكي)
سكينة- لا احبيبة ماتبكيش غادي ضيعي لمكياج
لعدول- سي ارسلان مشا الحال خصنى نديرو العقد ونمشيو بحالنا
ارسلان - صبرو علينا غير شوية الله يخليكم
اسماعيل- غادي نصوني وغادي تهضر معاها وغاتقولها مابقيتش باغيك
ادم-(دفل عليه) حلم مستحيل مستحييييييييييييييل
اسماعيل- (عطاهوم اشارة باش يضربوه ) بعد ربع ساعة .. شنو قلتي دابا
ادم- مستحييييييييل خلينا نتفاهمو داكشي لي غاتجيبلكوم ايات انا نجيبولكوم بغيتو املاكو اوراقو شركاتو انا جيبهوملك حتى لبين يديك..
اسماعيل-وشنو لي يضمن لي انك معاغاتغضرش بيا
ادم-انا الى قولت الهضرة مكانرجعش فيها
اسماعيل- ههههههههههههه انا ما عندي بيك غراض ولي غايوقفلي فطريقي غادي يموت
ادم-شوف انا كانعرف على ديك العائلة كول شي وانا عارف أسرارهم كولها انا غانفيدك كتر منها هي
اسماعيل-طززز نتا اصلا فيك غير لهضرة ياك حتى نتا قتلك عائلتك وشنو درتي عايش تحت ضلهوم كيف لعبد
ادم - حتى انا بحالكوم كانتسنى غير الوقت المناسب بش ننتقم لعائلتي حنا عندنا نفس الهدف
اسماعيل-توتوتوتو ماشي نفس الهدف دابا من اخر غادي نهضر معاها أولى لا
ادم -لا مستحيل
اسماعيل-زيدااااان
زيدان-نعام اسيدي
اسماعيل- وريه بفيديو
ادم-(كايشوف لفيديو فيه آيات كالسا وشخص و واقف بعيد عليها وهاز فردي )شنو هادشي لا مايمكنش(كايغوا وكايحاول يحل الربطة)
اسماعيل-بلا ما تعدب رأسك بكلمة مني غاتشوفها
ميتا غارقة قدمها
ادم-مستحيل... نتا كاتحاول تخليني نتا مستحيل تقتلها قبل ماتكمل المهمة وناخد لي بغيتي
اسماعيل-راك مازال مكاتعرفني مزيان...... زيدان عطيه تعليمات ....وقولو ينفد
زيدان- اوكي سيدي .....الو ..... نفد.....(وراه تلفون باش بشوف بعينيه)
ادم-لا .....لااااااا .....كانترجاك مدير لي بغيتي........لاااااااا.......صافي...صافي...اوكي موافق
اسماعيل-زيدان ..... قولو يتسنى....(دون نمرة)الى حاولتي دير شي حركة راك عارف شنو المدير
ادم-( دارلو اللون على ودنيه) كايصوني
ايات-الرسلان هاهوا كايصوني الحمد لله.....
ارسلان-سر بي جنوبي
ايات-الو... حياتي فينك فيه هاد تعطيلة
ادم-.... (صمت)......ايات....
ايات-نعام فينك دابا
ادم-(نموت الدمعة من عينيه).....انا ماغانجيش
ايات-كيفاش .....شنو كاتقول(نزلت الدمعة من عينها)
ادم -مابقيتش باغيك سمحيلي مانصلحلكش
ايات-ادم ماديرش فيا هاكا كانترجاك انا كانبغيك
ادم- وحتى انا كانبغيك ولاكن مانقدرش نتزوج بيك عندي ضروفي
ايات-(بصراخ) ضروف شنو هوما هاد ضروف (خطف ليها تلفون ارسلان)
ارسلان- شنو كاتقول نتا واش حماقيتي
ادم- مادخلش بيناتا ....عطيها تلفون نهضر معاها
ارسلان- واش نتا مريض واش حماقيتي ياك قولتي كاتبغها فين مشا هاد الحب(حيدت ليه تلفون)
ايات- علاش عطيني غير سبب واحد
ادم-(بعد صمت) عائلتك مكاتشرفش اايات نتى بنت ..
ايات- صافي ....(بصراخ)صافي سكت....منين مباغينيش علاش خليتيني حتى لهاد نهار عاد كاتقولها علاش...واش حيت بغيتي ضحك عليا ناس علااااااش فين كنتي لبارح اول بارح علاش درتي فيا هاكا علاش كدبتي عليا
ادم- انا كان كايحسابلي كانبغيك .....ولاكن كتاشفت فاخر لحضة انني غالط
ايات- اخر لحضة .....اخر لحضة ياك .....(كاتبكي) كون قلتيلي هاد لهضرة غير صبح كونت غانتقبلها منك ولاكن نتا شوهتيني وحطمتيني الله ياخد فيك الحق ........الله ياخد فيك الحق هئ هئ هئ
ادم- ماتبكيش علىا انا مانستاهلكش
ايات- (بصراخ)انا مكانبكيش عليك.....انا كانبكي على راسي ...كانبكي على زهري ....كانبكي حيت تقت فيك وسمحت ليك بعد ماخنتيني .....(قكع عليها) ....قطع عليا ......
ارسلان-(حيد ليها تلفون) اري لهنا
ايات-(بصراخ) قطع عليااااااااا هئ هئ هئ هئ
ادم- (معصب ولعروق ديال وخهو كايبانو) علاش قطعتي علاش مازال ماساليت هضرتي
اسماعيل- داكشي لي بغيتك تقولو قلتيه .... نزار تكلف بيه
ادم- (كايضربو) اااااااه غادي نقتلااااك الحقير
اسماعيل- الى بقيتي عايش ...(تلفونو كايصوني) شنو بغيتي
مريم- فينك
اسماعيل - علاش كاتسولي
مريم- اليوم عرس ايات وادم مختفي
اسماعيل- ومن بعد وانا مالي
مريم- ماتقوليش وانا مالي نتا لي خطفتيه
اسماعيل- ومن بعد اه انا فين كاين المشكل
مريم- ايات ختي مسكينة كيف غاتكون دابا مافكرتيش فيها
اسماعيل- انا مكاتهمني لا ايات ولا عبوش
مريم- اسماعيل حرام عليك ماتحرقش قلب ختي كانترجاك
اسماعيل- وانا قلبي محروق على ولدي كيف غاندير نرجعو ها عندك شي فكرة
مريم-(بعد صمت) لا ماعنديش
اسماعيل- ادن شدي فمك وخليكي ساكتة ختك غاتبكي نهار ويوماين وغاتنسا اما ولدنا الى ماجبناش لفلوس ماعمرنا غانشوفوه كون لقيت 100 مليون كون راه دابا فحضني
مريم- ولاكن ايات ماعندها حتى شي دنب فهاد شي
اسماعيل- وحتى ولدي ماعندو حتى شي دنب
مريم- لي خصك تنتاقم منو هي الحاجة ومليكة هوما لي حرمونا من ولدنا
اسماعيل- مازال دور ديالهوم جاي غير بلاتي عليهم ...
وصلو للقاعة وكانت عامرة بالناس وكولشي وقف كايشوف فيهم وكايشوفو فايات لي تخلط ليها المكياج مع دموع وادم شاد فيها فديك لحضة وقف بيهم الزمن .... كولشي واقف وصمت واحد شوية بدات لهضرة كاضور كولشي كايهضر فيهم وعلى حالت ايات المزرية
لعدول-ولدي راه هادي11 ديال ليل واش غاي ديرو العقد ولى نمشيو بحالنا
ارسلان- (جبد لاكارط ديالو) شد بدا شغلك
لعدول- واخا اولدي الله يكمل بالخير
ارسلان- (جرها وكلسها على الكورسي ) كلسي
ايات- شنو كادير
ارسلان- هانتي غاتشوفي ....
لعدول - بالسم الله .....السيد ارسلان بنيس واش قابل تتزوج بالانسة ايات...
ارسلان- اه قابل
لعدول- الانسة ايات اليوسفي واش نتي قابلة تتزوجي بالسيد ارسلان بنيس
ايات- (شافت فيه بصدمة ودارليها اشارة بعينيه باش تطمن ) نعم اقبل
لعدول - تفضلو مضيوعلى العقد هنا .....ومررو لشهود يمضيو على العقد .....من بعد مامضا العروسين وشهود باسم السلطة المقدمة الى اعلنكم زوج وزوجة
تحت تصفيقات الحضور والموسيقى ودقايقية ورقص الحضور وكلامهم لي من تحت لتحت
جيهان- قرصيني ....قرصيني.....ماقادراش نستوعب(شافت فسكينة) هييييي
سكينة- هاه قولتي شي حاجا
جيهان- ياودي لي غاتقرصني نتي خصك لي يقرصك
سكينة- صراحة ارسلان طلع راجل او ولد ناس
جيهان- ولاكن هي كاتبغي ادم
سكينة- نتها زمن ادم ..........ودابا بدا زمن ارسلان
جيهان- عندك الح شوفي ايات مسكينة حالتها حالة ......
سكينة- ماشي ساهلة ولد لحرام بحال هاد نوع خصهوم يتنفاو فشي جزيرة مهجورة
جيهان- شوفي مسكينة دموع واقفين فعينها والله ياختي وفين كان مخبي ليك كل هادشي
ارسلان- واش........ نتي بيخير
ايات- (ماشافتش فيه وهزت براسها بمعنى لا)
ارسلان- (دار اشارة لجعفر باش يجي )
جعفر- نعام اسيدي
ارسلان- خرج عليا هاد ناس لي هنا ماتخلي حتا واحد
جعفر- واخا اسيدي
ارسلان- يالاه ندخلو (عطاها يدو باش تشد فيه ولاكن هي وقفت وماداتهاش فيه ) ايات غير على قبل ناس شديلي فيدي
ايات- (شافت فيه وبعد لحضة شدتليه فيدو وزادو بجوج وخرجو من القاعة وركبو فسيارة وزادو) ديني للاوطيل
ارسلان- لاء غانديك لداري
ايات- مابغيتش ديني للاوطيل
ارسلان- (مابغاش يحكر عليها) واخا لي غيتي
ايات- علاش درتي هاكا
ارسلان- لارد
ايات- جاوبني (بصراخ)
ارسلان-لارد
وصلو للاوطيل
ارسلان- وقف فارسبسيون.....غرفة الى سمحتي
الموضف-واخا اسيدي عقد الزواج من فضلك
ايات-جوج غرف الى سمحتي
ارسلان- (تنهد وعطاه العقد)غرفة بسريرين
الموضف-واخا اسيدي ....تفضل المفاتيح
طلعو للغرفة
ايات-بصراخ....ممكن تجاوبني دابا علاش درتي هاكا
ارسلان-مابغيتوش يشمت فيك ....ومابغيتش الناس ولا صحافة يقولو عليك هرب عليها....
ايات-كمل علاش سكتي...هرب عليها لعريس نهار العرس
ارسلان- انا...
ايات- خرج بغيت نبدل حوايجي
ارسلان-هاه واخا سمحيلي
خرج ارسلان او ايات كلست تبكي وتخوي قلبها ....وبدلت حوايجها وستحمت ولبست بيجاما بيضاء ديال الحرير سروال وسوميج ديالو
ارسلان-كايدق....ايات ساليتي واخا ندخل
ايات- مسحت دموعها ....اه غير دخل...
ارسلان- جات معاك زوينة
ايات-كولو من دوقك نتا لي ختاريتيها
ارسلان-بصحتك ....كونتي كاتبكي
ايات-لا مابكيتش
ارسلان-ماتكدبيش عينيك حومر ومنفوخين
ايلت-شنو بغيتيني ندير ماقدرتش نصبر كان كايقولي غادي غانديرو شهر العسل فكورية الجنوبية وغانعيشو اجمل حياة صدمني فيه هئ هئ....
ارسلان-صافي باراكا من لبكا .....صافي
ايات-ادم كايصوني
ارسلان-جاوبيه
ايات-الو .......ابو .......مكايجاوبش .......الو ادم
البنت-الو لعروسة ديالنا ....كيف داو عررسك
ايات-شكون معايا
البنت-انا حبيبة ادم زوجته المستقبلية
ايات-(قلبها تكوا 💔)ولاش معيطالي سنة بغيتي
البنت-بغيت غير نقوليك ماديريش بخاطرك دابا تنسايه مع الوقت احبيبة
ايات-(تعصبات بدات غير كاتسب فيها ماصبرتش حتى خطفلها تلفون من يدها)
ارسلان- الو .......الو....... (قطعت)
ايات -لا هادا ماشي ادم لي عرفتو وحبيتو مستحيل يكون هوا مستحيييييل 😭😭😭😭😭
ارسلان-(بعصبية)حتى انا مكانش يحسابلي غايدير بحال هاكا كانقصم ليك إلى شديتو غانخليه يركعليك حدا رجليك غادي ندلو غادي نبهدلو على هادشي لي دار
ايات-خاني وسمحتلو ....صدقتو درتو هوا عائلتي لي ماعنديش لقيت فيه كل ماتمنيت راجل ...واب ...واخ وصدر حنين وقلب كبير .......حماني وصاني وفتحلي دارو وماستغلنيش وبغاني ام لولادو شحال... من نهار كانبداو نحلمو بوليداتنا وشنو غانسميوهوم وشنو غانلبسولهوم وشنو غانقريوهوم وكيفاش غادي نربيوهوم .... كان كايقولي غادي نديرليك عرس المغرب كولو يدوي عليه وشهر العسل فكورية الجنوبية .... وكان باغيني نولدليه بنيتا ...... اموت كاتشبهلي 😢😢 يعني هادشي كامل غير كدوب وتمثيل ..... يعني انا منحوسة حتى لهاد درجة ومانستاهلش نعيش فرحانا .....ولى انا لعنة كاتصيب اي واحد قرب ليا ....هاه ....😭😭
ارسلان-(قرب ليها وعنقها) نتي ماشي لعنة ....انتي نعمة من سماء .....تيقي فنفسك ....وكوني قوية ....انشاء الله غادي تفوتي من هاد المحنة وغادي تعيشي ونتي مكتسبة خبرة بالحياة الإنسان كايتعلم من أخطائه .....
ايات-انا كولي خطئ وجودي ... وحياتي كولها خطئ
ارسلان- 😔(شدلها فيدها).....انا ....
ايات- انتا انسان طيب و كانشكرك بزاف على انقادك الموقف ...كيفما كاتشوف حنى عايشين وسط مجتمع كايخاف من هضرة الناس وانا اولهم حيت تاديت بزاف منهوم .....
ارسلان- ازمة وغادوز ...كوني قوية
ايات-(كاتبكي) انا راني تحطمت اشمن قوة كاتهضر عليها انا انتهيت ........
ارسلان-ممكن مع الوقت تلقاي لي يحبك بجد
ايات-مابقيت غانتيق فحتاشي واحد مابغيت حتى شي راجل فحياتي ادم الوحيد لي بغيت وماعمري غانبغي شي حد
ارسلان-عطي فرصة لراسك ..... الرجال ماشي كلهم بحال بحال ....
ايات-فنضري كلهوم بحال بحال .....
ارسلان-خصكي ضاروري تتجاوزي هاد الفترة بادن الله ......بعد كل ليل مضلم صباح مشرق ....
ايات-بصح بغيت نتجاوز هاد الفترة بغيت نكون قوية لي داز عليا ماشي ساهل والاتي اعضم حاولت ننهي حياتي شحال من مرة ولاكن دابا هاد لمشاكل ولاو كايزيدوني عزيمة وإصرار على المضي قدما .....
ارسلان-انا عندي ماجستر فعلم النفس كنت باغي نكون دكتور نفسي ولاكن ضروف ماسمحتش ونقدر نعاونك ونوقف بجنبك حتى تتجاوزي هاد الفترة...
ايات-دكتور نفسي ....وحتا انا كنت كانحلم نكون دكتورة ولاكن الضروف ماسمحتش ....
ارسلان- ادم ديري يديك فيدي حتى ترتاحي ومن بعد تقدري ديري اي حاجا كونتي كاتحلمي بيها وانا غانعاونك .....
ايات-نتا عاونتيني بما فيه الكفاية باراكا وقف غير هنا .... بغيت ننزل ونكمل طريقي على رجلي .... انا بغاني الله هاكا ابتلاني وخاصني نصبر حتى يفاجيها الله عليا وماغانزيدكش حتى انت همي وقررت مابقيت غانعتامد حتى على شي حد غادي نوقف على رجلي ... وغادي نكمل طريقي وادم صفحة من حياتي تطويها صحيح انه غدرني ولاكن حيت بغيتو من قلبي غانقوليه الله يسمحلك كيما درت مع لي ضلموني قبل منو خليتهوم منهوم لله الى سمحلهوم انا مسامحاهوم.......(شدتله فيديه)ارسلان خسنى نسرعو فاجرأت ديال الطلاق....
ارسلان-من بعد ونهضرو فهاد الموضوع يتم مني قولتي حنا مزوجين غير بالأوراق ... او ...
ايات-اه غير بالأوراق وبغيت نطلقو بسرعة باش تكمل زواجك مع أسماء مابغيتهاش الخط فنفس الموقف بحالي او حاول تشرحلها انك غير عاونتيني او.......
ارسلان-انا واسماء فسخنا الخطوبة ...
ايات-كيفاش فقااش مافخباريش
ارسلان- انا مكانبغيهاش ومابغيتش نضلمها معايا ونجرجرها كتر حاولت نبغيها ولاكن ماقدرتش .... .
ايات-على الأقل نتا كونتي واضح معاها ..... ماشي بحال ادم...كان يكفيه يقولي غير كلمة مكانبغيكش وكنت غانختافي من حياتو للابد .....
ارسلان-(مسح ليها دموعها) نعسي دابا ورتاحي ...انا غانبق فجنبك
ايات-ماغايجينش نعاس غير كانحط راسي كانتفكر لي داز عليا هاد نهار
ارسلان- (غطاها)غمضي عينيك ....يالاه
ايات-شكرا بزاف على كولشي كانحس بيك ملاكي الحارس.....
ارسلان-(تبسم) ادن خليني نكون ملاكك الحارس اوكي يالاه غمضي عينيك .....
دازت ديك اليلة صعبة بزاف على ايات طبيعي اي بنت فبلاصتها غادي تحس بنفس الاحساس ..... شحال صعيب تكون كاتيق فشي حد وفالاخر يغضرك ...لاء وفنهار العرس هادي صعيبة بزااف
عجبا لهده الدنيا تجمعنا ونحن لا نعرف بعضنا البعض ثم تفرقتنا بعدما صرنا اقرب الناس الى بعض
اللقيطة الجزء السادس
محتوى القصة
ايات- دخلت عند ارسلان كاتجري( عافاك سير تبعو خايفا لايدير شي حاجا)
ارسلان - ماعندو مايدير غير غايشبعو عصا وغايرجع
ايات- ياك بكل بساطة
ارسلان- اه انا اصلان لبارح كونت شاد راسي غير بزز والى مشيت تبعتو غانصدقو قاتلينو حيت انا براسي مغانرحموش
ايات- ياربي معامن طحت انا
ارسلان- ماعرفتيش فين غايطلاقاه
ايات- سمعتو كايقولو بقا فدار ماتخرجش واش غادي تمشي
ارسلان- اوووف صافي واخا
ايات- نمشي معاك
ارسلان- مكاين لاش خليك هنا وجدي للاجتماع
ايات- كلف شي وحدا اخرى انا غانمشي معاك
ارسلان- صبر ياربي غاتبقاي فسيارة مغاتحركيش منها
ايات- صافي واخا
شدو طريق بجوج لدار مصعب ومنين وصلو سمعو صداع
ارسلان- اجي فين غاديا
ايات - غادي ندخل نشوف راني خايفا عليه
ارسلان- واخا جيبيلي تلفوني من سيارة
ايات- واش هدا وقت تلفون
ارسلان- سربي
ايات- صبرك يارب (دخلت لسيارة سد عليها الباب وقفلو من الخارج ) ارسلاااااان حل حل الباب قولتليك حاااااااال
ارسلان- كاتمشي غير بتحراميات
ادم- شنو قلتي عاودها .. (ونزل كايضرب فيه )
ارسلان- ادم تهدن ماتوسخش فيه يدك
ادم- غادي نقتلو الى ماتفرقش عليها
مصعب-(فمو عامر دم) وحتى سميتها زوينا بحالها
ارسلان- (عصباتو هاد الجملة) ونزل عليه كايضرب يضرب يضرب والى ادم لي كايفك
ادم- طلق منو غاتقتلو طلااااق اصاحبي طلاق
ارسلان- تعاود تجبد سميتها على فمك نردمو ليك
مصعب- ههههههه هاد ايات ماساهلاش ياك ما حتى نتا طحتي فشباكها ههههههههههه
ارسلان- شاف فادم كايشوف فيه.. حقييييير (ونزل عليه بضرب حتى سخفو مابقاش قادر يهز الراس)
ادم- صافي باراكا زيد نمشيو
ارسلان- حسابك معايا مزال مانتسالى (دفل عليه وخرج)لقاو ايات غادي تحماق بلغوات
ادم- لاش جبتيها معاك
ارسلان- مابغاتش تفك مني وسديت عليها فسيارة
ادم- عبرتي (حل الباب )
ايات- (نقزت عليه وعنقاتو) دم فوجهك (وكاتبكي) واش ماتقصح
ادم- طلعي
ايات- (شافت فارسلان فيديه دم) ارسلان يديك كاتنزف
ارسلان- ماشي دم ديالي هدا
ايات- اويلي قتلتو مات لا ياربي هئ هئ هئ
ادم- ماماتش مازال عايش غير سخفان
ايات- (دخلت كاتسبك لعند مصعب)
ادم-- اجي لهنا (تبعوها بجوج )
ايات- عيطو للاسعاف
ارسلان- زيدي تمشي
ايات- راه غادي يموت
مصعب- (حل عينيه وضحك) هههههههههه انا بيخير الغزالة
ارسلان- (بعدها وبغى يضربو) دابا غير ترحم على راسك
ايات- جراتو .. صافي غير خليه يالاه نمشيو زيد عافاك كانترجاك هئ هئ (ادم كايشوف فارسلان ولهف ديالو عليها وشحال ضرب فيه على قبلها وهوا ماشي من داك نوع لي كايبغي صداع .. خرجو من عندو وطريق كاملة وهي تبكي حتى وصلو للشركة
ايات- حياتي خليني نجي معاك غير نضفليك الجرح
ادم- كلتليك سيري لخدمتك
ايات- عافاك احياتي ماتقلقش مني
ادم-(بعصبية) سيري اايات خليني عليك دابا
ارسلان- يالاه عندنا مايدار
ايات- (شافت فيه وعينيها منفوخين بالبكى) لي بغيتي (مخلاهاش تكمل هضرتها ومشا)
ارسلان-يالاه اايات
دخلو وكل واحد كلس فتكتبو حتى دقت عليه ايات
ارسلان- تفضل
ايات- بغيت نضفليك لجرحة
ارسلان- مكاين لاش (ماداتهاش فهضرتو فزكت الفوطة وبدات تمسحليه يديه من الدم وهوا كايشوف فيها بشوق باغي يحضنها باغي يقولها انا هوا ارسلان لي عاودتيلي عله ولاكن ماقادرش خايف لاتعتابرو مجرد اخ وهوا لي مكايعتابرهاش ختو كايشوفها كاي بنت وماشي نضرت الاخت )
ايات- عندك دم حتى فوجهك
ارسلان- احم .. اممم بصح مالاحضتش
ايات- غادي نمسحو ليك
ارسلان- اااه (كايشوف فعينيها دبلانين وشفايفها لقراب منو غمض عينيه حيت مابقاش قادر يستحمل جمالها وخايف يتهور حتى فيقاتو بكلامها )
ايات- صافي ساليت
ارسلان- ميرسي
ايات- كانعتادر على لي وقاع
ارسلان- نتي ماعندك حتى شي دنب هداك لحيوان كان خاصو يتربا
ايات- (نزلت دمعة من عينها وبدات تبكي )
ارسلان- ماتبكيش (ماقدرش يصبر وناض عندها وعنقها بكل شوق وغمض عينيه مستمتع بريحة شعرها ) ماتبكيش صافي
ايات- كانحس براسي انا سبب فهادشي لي وقاع ونتوما تئديتو بسببي
ارسلان- (زير عليها وبتسم) نتي مادرتي والو
ادم- (دخل عليهم وشاف لمنضر وكيف ارسلان معنق حبيبتو ومستمتع ومارضاش )احم احم .. واش جيت فوقت غير مناسب
ايات- (قفزات فاش سمعات صوتو) لا غير
ارسلان- كانت كاتبكي او (ماخلاهش يكمل هضرتو وجرها من يدها وخرجها وداها لمكتبو) شنو هادشي لي كاديري
ايات- راك فهمتي غلاط بلاتي نشرحليك
ادم- اشنو غاتشرحي ها تعناق ها لورد شنو مزال عاود
ايات- غير سمعني
ادم- (بصراخ) شنو غادي نسمع...
ارسلان- (دخل عليهم) ماتغوتش عليها
ادم- نتا بضبط ماتدخلش
ايات- راه نتا لي ماخليتينيش نضفليك الجرح وقبل ما تدخل علينا كونت كانضفليه الجرح ديالو
ارسلان- فاش شفتها كاتبكي بقات فيا وعنقتها هادشي لي كاين
ايات- عافاك ماتفهمش الموضوع غلاط
ارسلان- وهداك الحيوان ديال مصعب هوا لي منو لافوت انا كونت معاها فاش طلاقيناه هي ماهضرتش معاه وماعطاتوش وقت اصلا بقا غير هوا لي كاينبح بحال الكلب
ادم- امممم مزيان .. بغيت نبقا بوحدي
ايات- حياتي خليني نضف ليك الدم
ادم- ايات خرجي (خرج ارسلان)
ايات- حياتي باركة من هاد الغيرة زايدة
ادم-انا لا اغار فقط انا اتمزق وجعا حينما يقتربون منكي
ايات- حياتي انا كانبغيك غير نتا ابى من ابى وكره من كره نتا مكاتيقش فيا
ادم- لا كانتيق فيك
ايات- كون كنتي كاتيق فيا خاصك تعرف ان لي فقلبي هوا نتا فقط وارسلان صديقك وصديقي وطبيعي الى شافني كانبكي غادي نبقى فيه ماتلومش ارسلان حيت لا هوا ولا انا عندنا دنب فهادشي .... كلب مايسواش قدر يدير فينا هاد الحالة .. خليني ننضفليك الجرح كانترجاك
ادم- (تنهد باسلها يدها) واخا (وهي كاتنضفليه الجرح دخلت عليهم واحد خيتي)
ناريمان- (كاتعوج فلهضرة) حياتي قالولي شافوك مضروب واش نتا بيخير
ادم-( شاف فايات وشاف فيها) انا بيخير..... تقدري تمشي
ناريمات- قربت ليه وكلست على المكتب ولابسة واحد مولاتي ميبي قصيرة وصدرها نصفو عريات) حتى نطمن عليك عاد نمشي بلاتي نشوف الجرج(بغات تقيصو ودفعلها يدها)
ادم- ااااام غير سيري انا مزيان وماتبقايش تدخلي فوقما قالهالك عقلك
ناريمان-(شافت فايات ودارتليها حركة بيديها باش تخرج )مالكي كاتشوفي فيا خرجي
ايات- اها وشكون نتي بسلاما باش تقوليلي خرجي
ناريمان- انا خطيبتو
ايات- اها سي ادم شحال عندك من خطيبة
ادم- اااااه احم ماتيقيهاش غير كاتكدب
ناريمان- كانكدب ياكما حتى نتي خطيبتو هههههههههه
ادم- (بصراخ) خرجي قلتلي خرجي
ناريمان- غير بشوية عليك لايطرطقليك شي عرق فدماغ
ادم- تحركي
ناريمان- هاهي خارحا (خرجت ولتخت الباب)
.. ادم- حياتي ماتصدقيهاش هاديك راها
ايات- صافي غير سكت دابا هاحنا معادلين ماتحاسبني مانحاسبك (خرجات ولتخت الباب) قالك خطيبتو يخطبوه جنون انشاء الله (دخلت لمكتبها ولتخت الباب سمعها ارسلان وخرج)
ارسلان- مال هاد الباب شدارليك
ايات- قالك خطيبتو
ارسلان- شكون هوا
ايات- واحد البنت معوجة سميتها ناريمان دخلت علينا كاتعوج وتبحلس وفاش سولتها شكون نتي قالتلي خطيبتو
ارسلان- ههههههههههههههههههههه وهوا شنو قال
ايات- كاضحك عليا اش غايقول بقى غير كايشوف
ارسلان- هههههه هاديك راها واحد لمساليا كاع الموضفين دازت عليهم ماتخليهاش تستفزك
ايات- اصلا باين غير من شكلها مامزياناش .. عصبتني بنت لحرام
ارسلان- ههههههه كوميدية هادي ههههه
ايات- غير ضحك جات معاك اه مابقيتش شفت اسماء من البارح
ارسلان- وحتى انا
اسماء- (حلت الباب) حياتي قالولي شافوك مضروب
ايات- عمرك طويل عاد سولتو عليك
اسماء- يسول فيك الخير احبيبة ماشي بحال شي ناس .. قولولي شنو وقاع
ارسلان- دابزت انا او واحد شفار
اسماء- اويلي شفار
ارسلان-(دخلها لمكتبو) اه شفار
ايات- شحال فيهم دلكدوب هاد رجال يا لاطيف...
مصعب- ااااه غير بشوية
عادل- ماصدقتش ان ادم وارسلان دارو فيك هاد الحالة
مصعب- جاو عندي بحال شي كلاب مصعورين
عادل- علاش شنو درتي
مصعب- ههههههههههههه واحد البنت عمر عيني مشافت بحالها يا صاحببي سحرتني من النضرة الاولى
عادل- اممم وهوما ضربوك على قبلها
مصعب- اه ههههه هادشي غير حيت صيفطت ليها الورد
عادل- وشنو علاقتهوم بيها
مصعب- خطيبت ادم وسكرتيرةارسلان بلحق مازال ماشافو والو
عادل- بعد على صداع راك عارف داك جوج يمحيوك فلمحت بصر
مصعب- الى حطيت شي بنت فدماغي مانمشي حتى نوصلها
عادل- الله يهديك مغايجيك موراها غير لمشاكيل
مصعب- دابا تشوف الى مخليتهاش تجي كاتسبك لعندي راني ماشي راجل(صوني فالباب ) عادل حل الباب وسير
عادل- اوكي
مصعب- ناريمااااااااااان عاش من شافك
ناريمان- اش فكرك فيا اسي مصعب
مصعب- حشومة تقولي هاد الهضرك راكي ديما فلبال
ناريمان- شنو بغيتي
مصعب- ادم
ناريمان- مالي ياكما نتا لي ضاربتي معاه
مصعب - اه انا
ناريمان- وعلاش شنو بيناتكوم
مصعب- عندو حاجا انا باغيها
ناريمان- لي هي
مصعب- واحد البنت سميتها ايات سكرتيرة ارسلان
ناريمان- اممم عرفتها عاد خدمت مكاملاش سيمانة
مصعب- هاديك بغيتك تفارقيهم باي طريقة
ناريمان-هههههههههه وشنو مصلاحتي فهادشي
مصعب- طلبي لي بغيتي وانا نفدليك
ناريمان- مشات والى فكرتي تاخد حاجتك وتخوي بيا مغانخليكش تفرح بيها واضح
مصعب- هههههههه قوية مع راسك واش انا عمرني خدلتك
ناريمان- وماتقدرش ديرها حيت ماشي فصالحك
مصعب- شنو دابا تافقنا
ناريمان- تافقنا
"بعد مرور اسبوع "
ارسلان-(كايتمشاو فشركة) فين غاندوزو هاد الويك اند
ادم- ماعنديش شي فكرة باغي نخرج ايات ولاكن فين مانعرف
ارسلان- شنو بانليك فلفيلة ديال جبل
ادم- اه فكرة زوينة
ناريمان- وحتى انا ماعارفاش فين غاندوز هاد الويك اند ديوني معاكوم فينما كنتو غادين
ادم- حنا مغادين فين
ناريمان- سمعتكوم كاتهدرو على لفيلة ديال جبل
اسماء-(وقفت هي وايات) لفيلة لي فجبل عادي نمشيو ليها احياتي هاد لويك اند
ارسلان- مانعرف
اسماء- عفاك احياتي عافاااااااااك ايات هضري مع ادم
ايات-( شافت فناريمان) لارد
ارسلان- شنو قلتي ادم نمشيو
ادم- امممم اوكي
ناريمان- حتى انا غانمشي معاكوم (كولهوم شافو فيها) ههه انا غادي نمشي نوجد راسي
اسماء- ماتقولوليش غادي تمشي معانا هاد سليحفانا
ارسلان- راكي سمعتيها شنو قالت
ايات- خليها تمشي الى بغات
اسماء -راكي ماكاتعرفيهاش هاديك راها اكبر حقيرة
ادم- صافي دبراسها مانعطيوهاش لوقت والى تعطلت غير شوية غانمشيو ونخليوها
اسماء- غانمشيو دابا
ادم- ليوم جمعة نباتو تما ندوزو السبت والاحد فلعشيا نجيو بحالنا
اسماء- اه بصح اجي نمشيو بلامانقولوهالها والى عيطت لينا نقولولها تعطلتي ومشينا
ادم- هههه فكرة زوينة يالاه زيدو
ايات- بلاتي والى بغينا نبدلو حوايجنا كيف غانديرو ضاروري ندوزو لدار نجمعو حوايجنا
اسماء- مكاين لاش كولشي تماك متوفر لحوايج لماكلة كولشي
ارسلان- ايوا زيدو يالاه
ناريمان- بلاتي..... غادين بلا بيا (ضارو كولهوم معبسين)
اسماء- دكر الكلب او وجد زرواطة
ناريمان- شنو قلتي احبيبا
اسماء- والو احبيبا زيدي غانتعطلو
ناريمان- هههه واخا يالاه
ادم- ناري على لصقى
ارسلان- ماعندنا مانديرو غادي نستحملوها
ركبو كاملين فسيارة وحدا ونطالقو لبنات لور وشباب لقدام...
ناريمان- اوف جاتني دوخة بهاد لعطر لي دايرة اايات
ايات- بصاح سدي نيفك الى ماعجبكش
ناريمان- مانصحكش بهاد نوع من لعطورا ديري مازوينينش
اسماء- ماشاء الله على دوق ديالك نتي غزال (قلبت وجها) الله يستر على بنادمة اما دراري غير كايشوفو ماقدرو يهضرو)
ايات- شكرا على النصيحة
ناريمات- العفو انا كانفهم فهادشي والى حتاجيتي لشي نصيحة مانبخلش عليك
ايات- (تنهدت) مامحتاجاش خلي نصائحك عندك
ناريمان- هانتي شوفي غير لمكياج لي دايرا ماجايش معاك كاع
ارسلان- ناريمان قلتي فيك دوخة نعسي باش ترتاحي
ناريمان- اه بصح عندك الحق منين نوصلو فيقوني اوكي
اسماء- صبر ياربي صبر .... غير نعسي وهنينا
مارتاحو حتى نعسك ديك لمبجقا .. طريق مكانتش طويلة بزاف دغيا وصلو
ادم- واخيرا وصلنا (نزلو كلهوم الى ناريمان ناعسا)
اسماء- شنو بان ليكم نمشيو ونخليوها ناعسا هنا
ادم- هههههههه فكرة خطيرة
ارسلان- هي نتي افيقي
ناريمان- اووه وصلنا كاع ماحسيت بطريق
اسماء- (شدت فايات وزادو) عرفتي غادي تعجبك هاد الفيلة ولمناضر فجنبها مع جات فراس جبل واااو
ايات- باينا فيها زوينة
ناريمان- ادم فين تعرفتي على ديك خيتي
ارسلان- سميتها ايات
ناريمان- امم حتى سميتها مازويناش
ارسلان- عرفتي دابا اناريمان الغيرة كتاكلك خلايا دماغك .. خففي شوية وماتعيقيش
ناريمان- وشكون قالك انا غيرانا منها
ادم- من لخر شنو بغيتي تعرفي فين تعرفت عليها يات
ناريمان- ااه
ادم- هي كانت نجمة فسماء خطفتها وخبيتها عندي
ناريمان- اممممم باينة
ارسلان- ههههههههه لا حولة ولا قوة الابالله .. بلاتي البنات نحلكوم الباب
اسماء- انا وياك غانباتو فغرفة وحدة اوكي
ايات- وهاديك لمجنونة
اسماء- وحنا مالنا ماصوقناش فيها تنعس حتى فزنقة
ارسلان- هههههه سكتو غاتسمعكوم
اسماء- وتسمع مكانخافش وكانتسنالها غير سبا وغادي نوريها شكانسوا
ايات- ههههههههه شووووو سكتي
ارسلان- (حلهوم الباب)تفضلو البنات
اسماء- فين هوا ادم وديك شنيولة
ايات- راهوما عاد جاين
ارسلان- الحادكة فيكم غادي طيب لينا اليوم
اسماء- انا عفيني الى عولتو عليا غاتباتو بجوع
ناريمان- وحتى انا غادي يتهرسولي ضفاري مانقدرش نطيب
ادم- (قرب لايات) لغزالة ديالي هي لي غاطيب لينا
ارسلان- هي اليوم غادي ناكل حتى نفاجر ههههههه
ايات- ههههههههه
ارسلان- ادم دي لبنات وريهوم بيوتهوم الى بغاو يرتاحو
ادم- اوكي زيدو
ايات- انا بغيت نعرف غير لحمام فين جا
ارسلان- غير سير نتا انا نوصلها ....اجي معايا
ايات- ميرسي (دخلت وخرجت لقاتو فلمطبخ)
ارسلان- هي قوليلي كاتعرفي طيبي
ايات- صراحا ماشي بزاف علمتني ماما الله يرحمها شي اكلات بلحق ماشي ماهرة بحالها
ارسلان- الله يرحمها.. ولي طيبتيه انا غادي ناكلو مكانتشرطش
ايات- هي الى عاونتيني
ارسلان- على راسي وعينيا منها نتعلم منك
ايات- (ضارت عندو وبتاسمت ) وعلاش لا
ارسلان- سحراتو بابتسامتها وبتاسملها حتى هوا
ادم- اوووووف
ادم- خليتهوم مقاتلين على واحد البيت
ايات- ههههههههه خليهوم على راحتهوم ...
ادم- ارسلان كاين شي مايتكال
ارسلان- خصنا نتقداو ثلاجا خاوية
ادم- ادن ياله نتقداو
ارسلان- تسنى نجيب ساروت ديال سيارة
اسماء- فين غادين
ادم- غادي نتقداو (قرب لعندها) ماتخليش ديك سفريطة تقرب من ايات ولا تستفزها
اسماء- كون هاني من هاد الناحية
ارسلان- يالاه زيد اصاحبي
ايات- ادم ماتعطلوش
ادم-(تبسم) واخا احياتي(خرجو)
ناريمان- يا الاهي ثنائي الحب الفاشل
ايات- يا الاهي دخلي سوق راسك
ناريمان- (قربت ليها) ماتحلميش نخليك تفرحي بيه
ايات- ههههه وشنو مصلاحتك من هادشي
ناريمان- امممم حيت ادم ديالي
ايات- عندك شي ملكية عليه شي وثيقة شي حاجة كاتبت انه من املاكك الخاصة
ناريمان- دابا تشوفي غادي يشبع منك ويلوحك كيفما دار مع لي قبلك وغادي يرجع ليا انا نتي غير نزوة عابرة وغادي تفوتي
ايات- كايبانلي نتي مولفة بالشياطا تتتت مسكينة
ناريمان- هههههه دمك خفيف انا غير علمتك باش ماتصدميش فالخر ديري هادي فبالك ماشي نتي الاولى ولا الاخيرة احبيبتي خوديها نصيحة
ايات- خلي نصائحك الغبية عندك ممكن تنفعك شي نهار
ناريمان- اوكي هههههههه اااه نسيت حتى نتي ماساهلاش وقعتي 3 فشباكك وكاتلعبي بيهم كيف بغيتي
ايات- شنو كاتقصدي بكلامك
ناريمان- ادم ارسلان ومصعب خليتيهم كيف المجانين كايتقاتلو عليك
اسماء- اشنو كاتخربقي نتيا
ناريمان- هههههه علاش مافخباركش خطيبك مسيو ارسلان تقاتل مع مصعب على قبل عيون ايات
ايات- (بصراخ) سدي فمك نتي مافاهما والو
اسماء- هادي شنو كاتقول اايات
ايات- ماتفهميش الموضوع غلاط وماتخليهاش تخروض بيناتنا
اسماء- ادن شرحيلي نتى
ايات- اول يوم عندي فاشركة مشيت مع مسيو ارسلان للمصنع وتما تلاقينا مع مصعب بقى كايغازلني بهضرتو وانا ماديتهاش فيه وفالغد سيفطلي بوكي ديال الورد وتصادف مع ادم ومنين شافو بغا يحماق ومشا عند مصعب لدارو باش يتفاهم معاه وانا خفت عليه لايتهور ويقتلو رغبت مسيو ارسلان وقلتلو يتبعو وداكشي لي دار ومنين مشا تقاتلو معاه بجوج انا مايحسابنيش حتى ارسلان غايضارب معاه هادشي لي كاين
اسماء- فهمت شوفي نتيا غادي تكلسي بكرامتك هنا والى غادي نجري عليك بحال كلبة كاتسمعي
ناريمان- كاتهدديني ههههه صافي كملات.. صدقتي هضرتها راها كاتكدب عليك ونهار لي دخل عليكم ادم ولقاكوم معانقين فالمكتب هادشي شنو تسميه
ايات- شنو كاتخربقي ماتصدقيهاش ااسماء
اسماء- (بنفاد صبر) ادن شرحيلي
ايات- نهار لي ضاربو كونت كانضف لمسو ارسلان الجرج وكونت كانبكي وبقيت فيه وعنقني هادشي لي كاين صدقيني مكاين حتى حاجا بيناتنا هوا بحال خويا لاوانا كانبغي ادم فقط
ناريمان- ولاكن
اسماء- (بصراخ) ناريمااااااان غادي نقتلك الى زدتي شي كلمة
ايات- واش صدقتيها
اسماء- انا عارفاك ماشي من هاد نوع .. (دارت شافت فناريمان) اسفيه ينطق بما فيه
ايات- ونتي شكون لي وصلك هاد الهضرة وشكون لي قالك كونا معانقين
ناريمان- انا لي شفتكوم الاولى ومشيت قولتها لادم باش يعرف راسو معامن باغي يتزوج مع وحدا كاتلعب بين الاصحاب ماكفاكش غير واحد .. اسماء سمعيني كيفما خداتلي ادم غادي تاخد منك ارسلان ونتي كاتشوفي وماتقدريش تهضري
اسماء- من فوقتاش ادم كان ليك باش خداتوليك هي
ناريمان- حنى كونا فعلاقا سرية وجات هي خطفاتولي من يدي بحال شي شيطانة
ايات-(بصراخ) صافي سكتيييييي .. ههههههه باش تعرفي راسك ماتسوايش كان غير كايدوز معاك الوقت نزوة عابرة كيما قلتي قبيلة اما انا بغاني فلحلال فهمتى ايوا موتي بسم
ناريمان- غادي تندمي على هاد الهضرة وادم ماعمرك تحلمي بيه
ايات- هاحنا غانشوفو
اسماء- خوي من قدامي مابغيتش نشوف كمارتك حدايا
ناريمان- واخا خليتهالكوم غانمشي لبيتي (مشات)
اسماء- علاش فاش سولتو معامن ضاربتي كدب عليا وقالي شفار
ايات- يمكن مابغاش يخلعك
اسماء- فهمت غادي نخرج شوية درب فيا الهاوا
ايات- خودي راحتك
ارسلان- ادم قولي شنو كاين
ادم- مافهمتش
ارسلان- نهار لي خليت ايات تمشي بحدها قلتيلي شي حد مترصدلها
ادم- احم ماديرش فبالك
ارسلان- غير قولي نقدر نعاونك
ادم- ماعندك فاش تعاوني
ارسلان- الى ماقلتيليش غانعرف بطريقتي
ادم- دبر راسك
ارسلان- (تلفونو كايصوني) وي شنو كاين
جواد- سي ارسلان البنت لي كلفتيني نقلب عليها لقات عائلتها
ارسلان- فهمت
جواد- ولاكن واحد الحاجا ماغاتعجبكش
ارسلان- لي هي
جواد- عائلتها ناس مامزيانينش
ارسلان- اوكي سيقطلي العنوان فمساج
جواد- واخا اسيدي (قطع)
ادم- شنو كاين
ارسلان- والو .. نرجعو لهضرتنا
ادم- من بعد اصاحبي ..
ارسلان- (وقفو فالباب) شوف فيا الى كتاشفت انك مخبي عليا شي حاجة ماغاديش نسامحك والى كانت هادشي كايتعلق بالبنت لي كانبغيها غادي يكون عندي معاك حساب عسير
ادم-(نتر يدي) على اشمن بنت كاتهضر
ارسلان- ايات
ادم-(تصدم) شكون ايات فيهم
ارسلان- لي كانقلب عليها
ادم- ياك قولتي هاديك ختك
ارسلان- (بعصبية)ماشي ختي انا كانبغيها ملى خلاقت وغادي نقلب عليها وغادي نلقاها ولى لقيت عندك شي يد فهاد القضية توقع منى كولشي
ادم- (بتلع ريقو) اشمن علاقا غاتكون عندي وانا مالي ومال هاد ايات ديالك
ارسلان- انا غير علمتك (دخل وخلاه)
ايات- حياتي تعطلتي (شاف فارسلان كايشوف فيه ) طريق كانت بعيدا
ارسلان- فين هوما البنات
ايات- اسماء خرجات وديك البنت فبيتها
ارسلان- اوكي غانشوف اسماء شكادير (خرج كايقلب عليها برا) شكاديري هنا دخلى طاح ضلام
اسماء- بغيت نهضر معاك
ارسلان- ماشي وقتو دخلي
اسماء-(وقفت) علاش كدبتي عليا
ارسلان- شنو كاتخلابقي
اسماء- عنقتيها وداربتي على قبلها .. هادي عماين وحنا مخطوبين ماعمرك درتي شي حاجا على قبلي ولا تقربتي مني
ارسلان-(تنهد) شكون قالك هاد الهضرة
اسماء- ناريمان
ارسلان- فهمت ونتي ماكاتعرفيهاش كيف دايرا ديك المخلوقة
اسماء- حيت انا عارفاها حاولك ماندخلش كلامها لعقلي ولي مابغاش يتسرطلى فاش سولتك قولتيلي داربتي مع شفار
ارسلان- وهاني قولتليك الحقيقة ومن بعد شنو غاديري
اسماء- ماعندي ماندير.. تمنيت شي نهار دير على قبلي شي حاجا حتى انا نحس براسي فكتافي راجل
ارسلان- صافي بلى ماتزيدي فيه يالاه ندخلو
اسماء- نزلت الدمعة من عينها .....(اوكي يالاه ندخلو)
خلاوها ناس زمان حتى واح مالقاتها كيف بغاتها وكل بنت كاتحلم بفارس احلامها وكيف بغاتو يكون مثلا
قالت التايكة :
أنا بغيت راجل يكونو عندو الفلوس بحال البانكة !!
نعيش معاه عيشة زوينة ونلبس غي الماركة !!
يلبس الدجين ويضرب غي اديداس والنايكة !!
مابغيتش نبقا عايشة فالعروبية بغيت نمشي لكازا بلانكا !!
باش نتمتع ونولد وليدات زوينين بحال الملايكة !!
قالت أمال :
مابغيت طومبيل مابغيت أموال !!
بغيت راجل متواضع من بين هاد الرجال !!
شاد طريق الله خاطيه من التخربيق والهبال !!
ماشي داك النوع لي كايذير جيل ويطيح السروال !!
واخا هاد النوع من الذكور قلال !!
ولكن انا بغيتو هاكا باش نعيش مرتاحة البال !!
قالت البتول :
إيوا البنات اش المعمول !!
الفلوس والثروة كاتزول !!
انا بغيت راجل بعقلو ماشي مهبول !!
بغيتو على قد الكلمة ويبغي المعقول !!
يبغيني من قلبو و نمشيو نقراو الفاتحة عند العدول !!
ونعيشو فسعادة وخا نغتداو غي بالعدس ونتعشاو بالفول !!
قالت حليمة :
قالت ليهم انا بغيت راجل لاباس عليه وعندو طاكسي كريمة !!
وعندو والورث وڤيلا ماشي شي خربة قديمة !!
زوينة باردة وفيها الكليمة !!
يكون ميسور وشاد بلاصتو فشي خديمة !!
نديرو خاتم فصبعي ونحكم فيه بحال البهيمة !!
جا دابا الدور على حدهوم :
قالت هي الدنيا فانية وراه تاحاجة مادوم !!
بغيت راجل بسيط واخا يكون يبيع غي الحرور والثووم !!
يصلي صلاتو مايسمع لا لعبد الحليم لا لأم كلثوم !!
انا بغيت راجل يبغيني ماشي بالمشاريع مشغول ومهموم !!
هذا هو الرأي ديالي واش كلامي مفهوووم !!
وقالت عبوش :
يا هاد النسا باركة من الفشوش !!
انا الراجل لي جاني مانرفضوُوش !!
المهم يكون شاد فدينو واخا يكون فقير وماعندوش !!
واخا نعرف نعيش انا وهو غا فشي حُوش !!
واخا غادي نتناقشو المهم مانتفارقوش !!
ادم- اااه راسي كانحس براسي كايحرقنيييي
ايات- نوض سير تنعس باش ترتاح
ادم- ونتي
ايات- غادي نجمع طبلة ونعس حتى انا عيانا
ناريمان- حتى انا غادي نمشي نرتاح عيت تصبحو على خير
ادم- تصبحو على خير .. (مشاو بجوج وكل واحد دخل لغرفتو )
ارسلان- بلاتي نعاونك نتى جيبيلي لماعن وانا نغسلهوم اوكي
ايات- ههههه اوكي واش ديما نتا هاكا حادك
ارسلان- هههههه والى قلتليك ماعمرني غسلت كاس هوا لخر
ايات- هههههههههههه الى بقيتي معايا غادي نعلمك لحداكا
ارسلان-(بصوت خافت) ماكرهتش نبقى معاك لعمر كولو
ايات- قولتي شي حاجا
ارسلان- احم اه قولتليك انا بين يديك غير علميني
ايات- ههههههه انا غانعاونك انا غاندوز ونتا شلل (وقفت حداه وكاتمدلو )
ارسلان- (كايقول فنفسو علاش ياصاحبي درتي فيا حاد الحالة علاش وشاف فيها ) نسيتك مجروحة فصبعك غير خليني نكمل بوحدي
ايات- (شداتلو فيديه ) راه غير جرحا صغيرة وزايدون مكاتحرقنيش
ارسلان- على خاطرك .. فيك نعاس
ايات- شوية ماشي بزاف
ارسلان-(مدليها لفوطة باش تمسح يدها) ادن يالاه نطلعو لسطح تشوفي واحد المنضر رااااائع غادي يعجبك
ايات- اوكيييي (وبتاسماتلو)
طلعو بجوج ويادي المنضر لي شافو اضواو المدينة كاتبان كولها من قوق داك جبل
ايات- وااااااو
ارسلان- (شدليها فيدها وجرها) اجي نوريك هاد جيها
ايات- (كاتشوف فيديه شادين فيها وكايرجفو ) يديك كايرجفو
ارسلان- احم .. هههههه غير منين كانشوف شي منضر زوين يدي كاتبقى ترجف بوحدها
ايات- (ماصدقتش هضرتو) اممممممم
ارسلان- شفتي ديك جيها (دار شاف فيها ) واش بردتي
ايات- تحرك الجو شويا
ارسلان- (حيد لفيستا ديالو وحطهالها على كتافها) ودابا مازالة بردانا
ايات- (هزت راسها بمعنى لا) شكرا
ارسلان- العفو
ايات- والى قلتليك حتى انا بحالك عشت فالخيرية
ارسلان- (فرح وعجبو الحال حيت هي لي جبدت الموضوع) قولتي حتى نتى
ايات- اممممم هادوك ماشي ولديا الحقيقين
ارسلان- اممم فهمت هي حنى بحال بحال كانتشابهو فهاد النقطة
ايات- هههه بصح
ارسلان-وخوك لي عاودتيلي عليه
ايات- حتى هوا ماشي خويا
ارسلان-.. (بتاسم من الداخل) ماشي خوك اممم.. يعنى الى جا عندك شي نهار وقالك كانبغيك عادي
ايات- لا ماشي عادي مستحيل يكون شي حاجا من غير خويا
ارسلان- (جمع ضحكة وتصدم) وعلاش ياك نتوما ماشي خوت
ايات- واخا هكاك كايبقى فنضري خويا واخا شحال هادي ماشفتو .. ومكانضنش واش غادي يعقل عليا ولى غايكون مازال مفكرني..
ارسلان- امممم ديما كاتفكري فيه
ايات- ماعمرو غاب من عقلي حيت هوا اجمل حاجة كانت عندي ولاكن هاد دنيا ماكاتبغيش تشوفني فرحانا غير كانبغي شي واحد كاتاخدو مني
ارسلان- والى كان حتى هوا مازال مفكرك وماعمرك خرجتيلو من بالو
ايات- مكانضنش هوا واعدني انه غادي يقلب عليا ويجي عندي وهادي 12 لعام لي دازت ماعمرو سول فيا
ارسلان- ماعرفتي ضروف لي عاشها هي لي منعاتو
ايات- ممكن ..
ارسلان- وممكن يكون قلب عليك ومالقاكش
ايات- دنيا صغيرة والى درتي فبالك واحد الهدف غادي توصل ليه
ارسلان- اممم فعلان .. يعني مستحيل تبغيه
ايات- مستحيل هههههههه علاش كاتسولني هاد الاسئلة
ارسلان- هههههه حب استطلاع
ايات- انا كانبغي غير ادم وماكرهتوش يخضرلي فعرسي ويفرح لفرحي وهوا لي يقدمني ليه ونحس براسي عندي عائلة
ارسلان-(غمض عينيه وماعجبوش الحال)ونتي متئكدا باغيا تتزوجي بيه
ايات- بزااااف كانبغيه بزاف لقيت فيه عائلتي ولقيت فيه بابا وماما وخوتي عوضلي كولشي ماخلاني محتاجا لحتى حاجا ومعاه بغيت نكمل حياتي
ارسلان- الله يكمل بالخير
ايات- امين وبحال والو نديرو عرس واحد ونفرحو كاملين ههههه
ارسلان- امممم
ايات- شنو هاد الصوت
ارسلان- ماسمعتش
ايات- يمكن غير كايتهئ لي ..
ارسلان- قرب لباب ديال سطح .. اجي تسمعي صوت جاي من لتحت هادي ديك صفريطا كاضحك
ايات- حماقت هادي ..
ارسلان- ههههه .. (بعد لاحضات )
ايات- ماشي هادا صوت ادم
ارسلان- بلاتي امممم هوا هادو مالهوم واش حماقو
ايات- غادي نهبط (هبطت كاتجري)
ارسلان- اجي غير بشوية عليك غادي طيحي (تبعها)
ومنين وصل شافو منضر ياريتهم ماشافوه .. ادم وناريمان عريانين وفوضع مخل بالادب وفديك اللحضة بدات اغنية ماتحاسبنيش لشرين عبد الوهاب https://www.youtube.com/watch?v=mCo6hbLUEV8...
ماقدراتش ايات تستحمل داك لمنضر وبدات كاتغوت وتضرب فيهم بجوج بلى لقاتو حداها هرسات كاع داكشي لي فالغرفة وارسلان كايحاول يهدئها ولاكن معامن تضوبلة قوتها لاضعااااف بقات كاضرب فيهم حتى اغمى عليها
ارسلان- (كاينوض فيها) فيقي .. كانترجاك تفيقي
ناريمان- واش ماتت
ارسلان- تموتي نتى انشاء الله (هزها وداها لغرفة وحدا اخرى ) حياتي فيقي (نزلة الدمعة من عينيه)
ايات- (بدات كاتسترجع الوعي) ديينيي من
ارسلان-(كار عليها بلهفة ) ششنو قلتي
ايات- ديني من هنا
ارسلان- واخا (هزها بكل حب )
ايات- نزلني
ارسلان- غير خليك غادي ن..
ايات- قلتليك نزلني قادرا نمشي على رجلى ...
ايات- حطنى قادرة نمشي على رجلي
ارسلان- واخا لي بغيتي (منين حل الباب ارسلان لقى ادم كالس فالارض ودايخ )
ادم- (غير شافها وقف) حياتي سمحيلي ماشي لخاطري كانترجاك تسمحيلي
ارسلان- (دفعو ) سير ستر راسك شنو هاد الحالة سير لبس حوايجك
ادم- (شاف فراسو لابس غير شورط قصير ) اوووه ياربي اشنو هادشي لي كايوقعلي
ايات- ارسلان بغيت نمشي
ادم- (نزل عند رجليها وعنقها) ماتمشيش ماشي لخاطري ماعرفتش شنو وقاعلي
ايات- طليق منى طلااااق
ارسلان-(شافها كاتغونت جرو وعطاه ضربة حتى سخفو) زردي (جرها من يدها وخرجو ) ركبي
ايات- ( ضارت وشافت فالباب ) منك الله ياادم منك لله (ركبت )
ارسلان- (ديمارا سيارة وزاد بسرعة ) واش كاتحسي براسك بيخير
ايات- (هزت براسها بمعنى لا)
ارسلان- ماديريش فبالك مايستاهلكش
ايات- (ودموع فعينيها) ماقولتلكش دنيا مكاتبغيش تشوفني فرحانا
ارسلان- (شدلها فيدها) غادي تتجاوزي هاد المرحلة انا متئكد
ايات- غادي يختافي من حياتي حتى هوا بحال لي من قبلو
ارسلان-(مازادش هضر باش يخليها على راحتها حتى وصلو للمدينة) نديك تباتي فداري
ايات- (وعينيها دبلانين) لا ديني لاوطيل
ارسلان- وعلاش ماتمشيش معايا
ايات- كانترجاك بغيت نبقى بوحدي
ارسلان- اوكي سمحيلي بلحق غادي نديك للاوطيل ديالي
ايات- لي بغيتي
وصلها للاوطيل وحجزلها احسن جناح
ايات- شكرا على المساعدتك ليا تقدر تمشي
ارسلان- بغيت نبقى معاك شوية
ايات- كانترجاك بغيت نبقى بوحدي
ارسلان- (دار راسو مكايسمعش وجرها من يدها وعنقها )
ايات-(كادفعو)طلق مني طلق
ارسلان- (متمسك بيها بقوة) بكي .. بكي وخرجي لي فقلبك
ايات- (ستسلمت ليه وتمسكت بيه بقوة) هئ هئ هئ علاش ياربي انا واش مانستاهلش نفرح غير نهار بحال كاع ناس علاااااااش هئ هئ هئ كان كايقولي نتى لي عندي .. كان كايقولي مانقدرش نعيش بلا بيك .. كان كايقولي نتى هي عائلتي .. علاش دار فيا هاكا علاش
ارسلان-(نزلت دمعة من عينيه ومسحها بسرعة ) خانك ياك
ايات- حطمنى
ارسلان- (شدها من شعرها وفربها منو وغمض عينيه وطبع قبلة طوييييلة على شفايفها ااااااه ياقلبي )
ايات- شنو درتي
ارسلان- احم .. هانتوما تعادلتو دابا
ايات- (ضرباتو بصقلا حت دار وجهو ) خرج من هنا خراااااج( دفعاتو حتى خرج) وطاحت فالارض كاتبكي
ارسلان-(على برا كايدق ) سمحيلي ايات .. ماقصدتش ننقص منك انا غير ..
ايات- سير بحالك
ارسلان- ياربي شنو درت..
,ناض وهبط حجز الغرفة لي مقابلة معاها وداك ليلة داخل خارج ماقدرش ينعس وكايحس بتئنيب الضمير اما هي مسكينة من صدمة لصدمة ليل كامل وهي تبكي حتى نعست ...
"في الصباح"
ايات- (ضربت فيها شمس ديال صبح وفاقت) اااه يا الله راسييي يعني ماشي حلم اووووف (سمعت دقان فالباب) شكون
ارسلان- انا حلى
ايات- سير بحالك
ارسلان- غير نهضر معاك ونمشي
ايات- قلتلك سير بحالك (دخلت للحمام وطلقت الماء فلبانيو وتخشات فيه بحوايجها والماء كاينزل عليها )
ارسلان-دازت ساعة ومكاتجاوبش .. عنداك تكون دارت شي حاجا فراسها
نزل كايجري لرسيبسيون وخدا نسخة من المفتاح وطلع كايجري حل الباب دخل ومالقاهاش وبدا يدق فبابا الحمام ويعيط ليها ومكاتجاوبش وبقى يضرب فلباب حتى تحلات ودخل لقاها مخشيا فلبانيو غارقا والفقاعات كايخرجو من نيفها
ارسلان- ايااااات (هزها بسرعة)
ايات- (ستنشقت الهواء وكاتنهش) شكادير هنا خرج
ارسلان- (طاح على الارض) اووه .. حمدتك ياربي وشكرتك
ايات- لاء ....وداخل عليا لوسط الحمام
ارسلان- يحسابني بغيتي تنتاحري
ايات- (تنهدت) طمنتى ادن تقدر تكشي (سمعو دقان فالباب)
ارسلان- (ناض حل الباب ) شكرا .. تقدر تمشي (دخل عندها وجار واحد لحديدة عامرا حوايج)
ايات- شنو هادشي
ارسلان- قولت غادي تكوني محتاجا للملابس
ايات- اوكي حطهوم وسير
ارسلان- لاء مغانمشيش
ايات- واش بغيتي تبقى حاضيني وانا كانبدل لحوايج
ارسلان- اااه.. اوكي غادي نتسناك برا(خرج وسد الباب الى بقات واقفة غير على سبا)
ايات- صبر ياربي صبر (لبست لحوايج لي جابلها .. لبست فستان ابيض فوق الركبة وكمامو قصار ونشفت شعرها وخرجت ) شنو مازال كادير هنا
ارسلان- (وقف) شوفي انا كانعتادر على البارح ماعرفتش شنو وقاعلي
ايات- مزيان كولكوم معارفينش شنو واقعلكوم .. حتى ادم قال نفس الهضرة
ارسلان- على دكر ادم صونا عليا كتر من ميات مرا وماجاوبتوش
ايات- وماتجاوبوش اصلا وعنداك تقولو فين انا
ارسلان- عارف .. على البارح واش سم..
ايات- اه سمحتلك
ارسلان- واش متئكدة
ايات- اممم .. كان عليك دابا توكن مع خطيبتك فالمشفى وطمن عليها
ارسلان- هضرت معاها وكلشئ بيخير
ايات- مزيان (تلفونها كايصوني) ا
ارسلان- شكون كايصوني
ايات- مصعب
ارسلان- (بعصبية ) قطعي عليه ماتجاوبيهش
ايات- (ضد فيه جاوبت) الو بونجوغ.. وي .. بيانسوغ .. انا موال مافطرت .. وعلاش لا .. اوكي باي
ارسلان-(بنفاد صبر) علاش جاوبتيه
ايات- عندي موعد دابا خصني نمشي
ارسلان- فين
ايات- عارض عليا سي مصعب
ارسلان- مغاديش تمشي
ايات- ههههه كملات حيد من قدامي
ارسلان-(سد الباب بيديه) قولتليك ماغاديش تمشي
ايات-بشمن صفة غادي تمنعني
ارسلان- لارد
ايات- حيد من طريقي (دفعاتو وخرجات )
ارسلان-( تلفونو كايصوني) نعام ازفت
ادم- تهدن
ارسلان- شنو بغيتي
ادم- فين هي ايات
ارسلان- كاتسول عليها من بعد داكشي لي درتي
ادم- قولتلك فين هي ايات
ارسلان- انا ماشي المخبر ديالك قلب عليها بنفسك(قطع عليه)
هبط ولقاها كالسا ومشا بغى يمشي عندها وشاف مصعب متجه عندها
مصعب- مدموزيل صافا
ايات- صافا ونتا
مصعب- بيخير منين شفتك .. نمشيو
ايات- اوكي
ارسلان منين شافهوم خارجين ركب فسيارتو وتبعهوم وكايكلاكسوني عليه باش يوقف
مصعب- المدير ديالك مورانا
ايات- ماتوقفش كمل طريق
ارسلان- الحاقييييير وقف (كايديرليه اشارة باش يوقف )
مصعب- (شافو من لمرايا)كايبانلى معصب
ايات- خليه يتعصب وحنى مالنا
مصعب - شرف ليا انكي قبلتي تخرجي تفطري معايا
ايات- امممم (دارت ديك ضحكة الصفراء)
ارسلان- اوكي بغيتي غير المشاكل اايات غادي تلقايهوم (كسيرا بجهد وفاتهوم او وقفو فنصف الطريق ونزل من سيارة ومشا عندها حلها الباب)نزلي
ايات- (بنفاد صبر) مغانزلش ولى عندك شي شغال سير تقضيه
مصعب- بعد من البنت جات معايا بخاطرها
ارسلان- (شنق عليه ) بخاضرها ياك (عطاه بونيا طيحو فالارض)
ايات- ارسلاااااان شكادير
ارسلان- (جرها بزز وركبها فسيارتو)
ايات- شنو هادشي لي كادير واش صوقك فيا واش داروك حارس عليا
ارسلان- (معصب كايسوق بسرعة ومكايجاوبهاش)
ايات- جاوبني ماتبقاش ساكت
ارسلان- (عصباتو وغوت عليها) سكتيييييي
ايات- (صدمها فاش غوت مزادتش معاه كلمة وبعد مدة من الصمت) فين غادي بيا
ارسلان- لارد
ايات- راني سولتك
ارسلان- لارد (ودخل فواحد الدرب ديق وصل لواحد الكاراج نزل حل الباب وخرجها بزز منها ودخلها ليه وسد الباب)
ايات- (خافت ) شنو هاد لبلاصا لي جبتيني ليها
ارسلان- دابا غانصفيو هاد المشكل
ايات- (خافت لايديرلها شي حاجا) غير تهدن نحلو كلشئ غير بالعقل
ارسلان- لعقل ....نتي خليتيلي شي عقل
ايات- علاش كادير هاكا شنو بيني وبينك خليني عليك حياتي وانا حرة ندير لي بغيت
ارسلان- (تنهد )حياتك ياك تمشي مع هداك الكلب وحياتك لهاد الدرجة وصلت بيك تفرطي فشرفك معاه
ايات- (ماستحملتش هدرتو وسقلاتو ) مانسمحلكش تطعني فشرفي الحقير
ارسلان-(شاد فوهجو وشر خارجليه من عينو) وعلاش قبلتي تمشي معاه
ايات-(بصراخ) ونتا مالك اش دارك فاش كانهمك
ارسلان-(بصراخ ) كاتهميني
ايات- (بصراخ) ماشي صوقك فيا
ارسلان-(بصراخ) لاء صوقي
ايات- (بصراخ)وعلاش
ارسلان-(بصراخ) حيت نتى ديالى .. (بعد صمت طويل )
ايات- شنو قلتي
ارسلان- (تنهد) كانبغيك..
ايات- (بعد صمت طويل)مايمكنش ..
ارسلان- (قرب ليها وشدلها فيدها) من اول يوم شفتك فيه حبيتك بدون شعور
ايات- وادم راه صاحبك .. قدرتي دير فيه هادشي
ارسلان- هوا لي خدا خاجا ماشي ديالو من الاساس
ايات- مافهمتش
ارسلان- لي خاصك تفهمي هوا انا كانبغيك حتى قبل مانشوفك
ايات- اش كاتخربق (سمعو دقان فالباب بالجهد)
ادم- ارسلاااااااااان .. حل
ايات- شداتو .. ماتحلش
ارسلان- غادي نفرجك فيه انا كونت عافو متبع ل جي بي اس لي فتلفونك وهدا لاش خليتو يجي لهنا
ايات- (كان غادي وشداتو ) شنو كايدورلك فداك الراس
ارسلان- غادي نفرجك فيه دابا (مشا وحل الباب)
ادم- (دخل وكايقلب عليها ) شنو كاديرو هنا
ارسلان- (عطاه ضربا للوجه حتى طاح فالارض ) هادي على لخيانة ديالك(وزادو ضربا حتى خرجليه دم من فمو)
ايات- (كاتجر فيه ) ارسلان طلق منو (كاضرب فيه )
ارسلان- (زادو ضربا) وهادي حيت كدبتي عليا (وزادو ضربة اخرى) وهادي على البنت لي خبيتيها عليا (زادو ضربة اخرى) وهادي على ثقتي فيك (ضربو عاود) وهادي حيت خديتي حاجا ماشي ديالك (بغا يضربو ولادهالو ادم وطيحو للارض)
ادم- (طلع من فوقو) هههههه ماشي ديالى.. هي ماشي ديالك من الاصل (ضربو عاود)
ايات- صافي طلقوو (كاتغوت وتبكي) مالكوم شنو هي هاد الحاجة لي مقاتلين عليها
ادم- خرجي تسنايني فسيارة
ارسلان- علاش خليها تسمع
ادم- (بصراخ) سكوووووت
ارسلان- خفتي ياك خفتي مابغيتيش تخسرها
ايات- فهموني انا مافاهما والو
ادم- نموت ومانخليهالكش
ارسلان- (كايتحداه) غاناخدهالك ونتا كاتشوف بعينيك
ادم- (ماستحملش وعطاه ضربة) زيدي
ايات- طلق منى
ارسلان- طلق منها
ادم- رجع عندو (وضربو حتى طاح وجرها وخرج)
ايات-كاتنتر منو طلق طلقني
ادم- غاتمشي معايا
ايات- مغانمشي معاك لحتى بلاصا
ادم- (جرها بزز ودخلها لسيارة وبسرعة ركب وديمارا بسرعة )
ايات- فين دايني
ادم- لارد
ايات- واش باغين تحمقوني نتوما هاد النهار
ادم- غادي نديك باش تتئكدي انني ماخنتكش
ايات- انا ششفتك بعيني
ادم- غير صبري وغاتشوفي كولشي بعينيك
ايات- نزلني هنا مابغيت نشوف حتى حاجا منك
ادم- لا رد (بقى ساكت ومكايجاوبش حتى وصل للدار) نزلي
ايات- مابقيتش غانعتب ديك دار
ادم- (جرها بزز ودخلها)
ايات- هاااا شنو هادشي
ناريمان- (مربوطة وسادلها فمها) امممممممممم اممممم
ادم- (حيدلها سكوتش من على فمها ) قوليلها الحقيقة
ناريمان- وغادي طلقني
ادم- كانواعدك
ناريمان- انا من غيرتي عليه درتلو مخدر فالعاصير لي حطيتلكوم البارح وانا لي درت كولشي هوا مكانش فوعيو انا لي لي درت كولشي هئ هئ هئ انا لي ضحكت بجهد باش تنتابهيلو
ادم- وشكون لي قالك ديري هادشي
ناريمان- مصعب هوا لي قالي ندير هادشي بغا يفرقكوم باش تكوني ليه وادم يكون ليا
ادم- سمعتيها بودنيك
ايات- مستحيل هادشي.. لاء مستحيل
ناريمان- صدقيني انا لي درت كولشي هوا ماعندو حتى شي دنب كانقسم ليك ماقاسنيش انا لي تحرشت بيه
ايات- (بصراخ) ياربي اشنو هاد لعالم لي عايشين فيه
ادم- تهدني احياتي مكاينش لي غايفرقني عليك حتى نموت
ايات- طلق مني صعيب عليا ننسى لي شفتو بهاد السهولة
ادم- انا ماطلبتش منك تنساي انا غير بغيتك تعرفي انني مستحيل نخونك احياتي مستحيل .....
ناريمان- طلقوني هئ هئ بغيت نمشي بحالي
ايات- نتا لي درتي فيها هاد الحالة
ادم- احم .. اممم
ناريمان- كان باغي يقتلني هئ هئ طلقوني
ادم- وماغاديش نتردد فقتلك الى مابعدتيش علينا
ايات- طلق البنت تمشي بحالها
ادم- مازال ماساليتش معاها .......جعفار
جعفر-نعام اسيدي
ادم- هز عيا هادي وديها فين قلتليك قبيلة
ناريمان-(كاتبكي وتغوت ) لاااا اختي ايات ماتخليوهومش يديوني
ايات- جعفر طلق منها
ادم- جعفر لوح مها فزنقا(شدها من وحهها بعنف ) نشوفك مرا اخرى قريبة منى ولى من خطيبتي مغانرحمكش
ناريمان- كانواعدك مانقربش منك
ادم- وقولي لهداك لي مخدمك عندو حسابي معاه ماسالاش سربي خرجها
جعفر-واخا اسيدي زيدي قدامي
ادم-(شافها طالعا وتبعها ) بلاتي نهضرو شوية
ايات- ماعندي فاش نهضر غادي نجمع حوايجي ونمشي بحالى
ادم- لا مستحيل نخليك تخرجي من هنا
ايات- (كاتجبد لحوايج من الماريو) مابقيتش قادرة نشوفليك فوجهك
ادم- واش ماصدقتينيش راكي سمعتيها شنو قالك
ايات- محتاجة نبقى بوحدي شي يامات ومن بعد يكون الخير
ادم- (شدها من يدها) حياتي بلييييز ماديريش فيا هاكا (حيد ليها لحوايج من يدها ) كلسي غير سمعيني
ايات- انا غانكلس فاوطيل شي يامات محتاجة نبقى بوحدي فهمني كانترجاك
ادم- واش ارسلان قالك شي حاجا
ايات- شنو غايقولي
ادم- مانعرف شي حاجا مثلان مانعرف شي حاجة عليا
ايات- مقالي والو وبغيت غير نعرف شنو هي هاد الحاجة لي كنتو كاتقاتلو عليها قبيلة شنو ديتيليه
ادم- هاه احم اممممم بلى ماديري فبالك وبلى ماتعرفي حسن
ايات- (تنهدت) اوكي حيد من قدامي
ادم- (جبد من جيبو الخاتم ونزل على ركابيه) غانعاود نسولك تقبلي تزوجي بيا
ايات-(تصدمات) (بعد صمت) يمكن كون قدمتيهلي قبل كونت غادي نقبل ولاكن دابا مانقدرش
ادم- حشومة عليك احياتي ماديريش فيا هاكا وماتعاقبينيش على دنب مادرتوش
ايات- فهمني راه ماقادراش ننسى داك المنضر ونتى .. (سكتات) كيفاش غانقبل نتزوج بيك بهاد البساطة كون درتها انا واش غاتقبل .. ماتبقاش ساكت جاوب
ادم- انا حاس بيك او انا مستاعد للعقاب ديالك عاقبيني كيف بغيتي
ايات- لعقاب ديالى هوا انني نمشي من هنا
ادم- نتى راكي غاتقتليني ماشي غاتعاقبييني
ايات- على ما تبرد الجمرة لي فقلبي (شدت شانطا هزتها وخرجت)
ادم-(تابعها) ماتمشيش
ايات- حيد من طريقي
ادم- ادن خليني نوصلك
ايات- (بنفاد صبر) صبر ياربي صبر .. اوكي
ادم- شمن اوطيل نازلة فيه
ايات- الاوطيل ديال ارسلان
ادم- (تعصب ) لا مستحيل غانديك لاوطيل وحداخور
ايات- (تنهدت) ادم ..
ادم- اوكي ولاكن مدة قصيرة وغاترجعي
ايات- انشاء الله ..
وصلها ادم للاوطيل اما ارسلان كانت عندو مهمة اخرى كايقوم بيها
ارسلان-(جبد صورة ) شريف واش عمرك شفتي هاد البنت فهاد الحومة
مول الحانوت- اه سبقلي شفتها تصخرت من عندي شي جوج دلمرات ولاكن اولدي كايبان عليك انسان متقي الله اش بغيتي بناس بحال هادو
ارسلان- انا غير كانسول اوصافي
مول الحانوت- شفتها كاتخرج من دار مليكة وديك مليكة مامزياناش كاتخدم لبنات فلحرام يا اعود بالله
ارسلان- فهمت شكرا الحاج
مول الحانوت- شوف داك الولد لي جاي راه خدام مع ديك مليكة يمكن يفيدك فشي حاجا
منال-(عرفتوه شكون عبد القادر هههه كايمدغ المسكة ويعوج ففمو) عمي الحاج ارامعاك شي كلينيكس (كايطلع ويهبط فارسلان )
ارسلان- بغيت نسولك الى سمحتي
منال- (كاتعوج فمها) ههههه اش بغا زين
ارسلان- (تصدم) احم ترجل فهضرتك مالك
منال- نترجل هاهاهاهااااااي وشكون نتا باش تعلمنى نهضر
ارسلان- اجي معايا واحد الدقيقة (جرو لبعيد)
منال- اي اي غير طلق مني انا فخاطر زوينين ندير كلشي هههااااي
ارسلان- (وراه صورة) كاتعرف هاد البنت
منال- اممم كانعرفها وعلاش كاتسول فيها
ارسلان- سولتك جاوبني على قد سؤال شنو كانت كادير هاد البنت فديك الدر
منال- مانعرف
ارسلان- (جبد لفلوس وبدا يحسب حداه بلعاني) اممم قولتيلي مكاتعرفهاش اوكي
منال-(حوالو عينيه مع لفلوس) شنو بغيني تعرف عليها
ارسلان- (حطليه لفلوس فيديه) كولشي
منال- انا لي عارفا انها بنت الباطرونة مليكة
ارسلان- وشنو اخر
منال- مابقيتش عاقل
ارسلان- شوف دوك رجال لي تماك الى عيطتلهوم غادي يكرفصوك هنا هضر بلى ماتعصبني
منال- (بتلع ريقو بالخلعة) هاه واخا احم .. هاديك البنت لي فصورة سميتها ايات بنت لباطرونة مليكة مكانتش ساكنة معاها حيت على ماسمعت كانت عايشا فالخيرية او منين طلبت منها مليكة والحاجة باش تخدم معاهوم فادعارة ناض دباز ومابغاتش واحد نهار سمعتهوم كايهددوها وبزز عليها مشات مع واحد البنت عند واحد رجل اعمال لاباس عليه ومنين رجعو مكانتش معاهوم ومنين سولتهوم عليها قالولي بقات مع داك الراجل من تما ماشفتها
ارسلان- فهمت تقدر تمشي ....
شعلت فيه العافية منين سمع لهضرة ديال ديك منال ولى عبد القادر وقبل مايركب فسيارة
ارسلان-(عيط لرجالو ) غادي تجبدولي ادم من تحت الارض وتجيبوهلي وعيطلي فاش تلقاه
رجالو- اوكي سييدي
ادم- غادي تبقاي هنا غير فترة وغادي ترجعي
ايات-(غير باش تسكتو) انشاء الله
ادم- (شدها من يدها وباسهوم) كانبغيك احياتي ومانقدرش نعيش بلى بيك
ايات- امممم
ادم- الى قبلتي تتزوجي بيا فاسرع وقت غادي نديرو العقد ونديرلك احسن عرس فالمغرب كانواعدك
ايات- انشاء الله
ادم - كونت كانقول ان حبك ليا غايخليك تسمحيلي على اي حاجة لاكن كونت غالط
ايات- كولشي الى الخيانة عرفت عيونك غدارة وقلبك في المحبة بايعني
علاش يتيق قلبي فيك وانت ديما مخادعني جيتني تترجاني نرجع نسكن في اعدابك من زمان قلبي هاجر مبقاش على احسابك خنتيني مرة وقادر تخوني تاني علاش نرمي قلبي ليك علاش في محبتك نعاني طلبتيني نسى الماضي ونعطيك فرصة جديدة
فين القلب الي يرجع ليك مات هاجر لبلاد بعيدة من بعد الجرح والدموع وسهير
غرقتيني فبحر مواجو كدوب تايها فيه سارحة بخيالي ضحيت على قبلك وعمرني ما نويتك تخون كان قلبي عمى في محبتك ضايع مفتون اختاريت في اهواك نعيش يتيمة وحدانية عمر قلبي مايتيق فيك ولا عمر محبتك تحلى ليا
ادم- فهمت يعني نتى ماصدقتينيش
ايات- ماتقبلتهاش واخا نسامحك واعمرني مغانسا لي قاتلني ونك تجاوبتي معاها وعطيتيها كولشي نعستي معاها كانكم مزوجين اوو.....
ادم- صافي سكتي .. صافي غادي نخليك ترتاحي دابا شوية ونرجع عندك
جرحاتو بكلامها وخرج معصب ومكايشوفش قدامو حتى وقفو عليه اربعة رجال
ادم- شنو بغيتو
عصام- سي ادم تفضل معانا
ادم- فين بسلاما
عصام- بغاك سي ادم
ادم- اوكي فين هوا دابا
عصام- زيد معانا
ادم- طلق مني (طلقو منو وزاد معاهوم ركبو فسيارة حتى وصلو لنفس الكاراج لي تقاتلو فيه ودخلوه)
ارسلان- (كالس على الكورسي داير رجل على رجل ومربع يديه) خرجو كاملين
عصام- واخا اسيدي .. تحركو
ارسلان- (وقف وقرب عندو)
ادم- شنو بغيتي مني
ارسلان- غادي نعطيك فرصة تشرحلي لي كاين
ادم- شنو غادي نشرحليك
ارسلان- مابقى عندك ماتخبي انا عرفت كولشي على ايات
ادم-(تصدم) امممم مزيان ومنين عرفتي برافو شنو غادي نشرحليك
ارسلان- (شنق عليه) مسيتيها
ادم- (تنتر منو) وفاش كايهمك نلمسها اولا لا
ارسلان- صيفطوها عندك باش ت..
ادم- كمل علاش سكتي اه سيفطوها عندي باش ن.. (وسكت)
ارسلان- قولي ماقصتيهاش
ادم- لارد
ارسلان-(بصلاخ) هضاااار
ادم- ماقصتهاش عاودتلي على ضوروفها وبقات فيا وماقديتش نقيسها وطلبت منها تبقى معايا باش نحميها من داك المستنقع .. وطبعا ماكونتش عارفها هي نفس البنت لي كاتقلب عليها حتى عاودتلي نفس الكلام لي عاودتيلي عليها وبحت وقلبت وعرفت انها نفس البنت
ارسلان- وعلاش ماقولتيهاليش
ادم- حيت كونت وقعت فحبها ..
ارسلان-(ضرب يديه مع الصيط بالاعصاب) علاش علاش منين عرفتيها مان عليك تقولهالي علاش درتي فيا هاكا
ادم- انا لمحت ليك بغيت نقولهاليك ولاكن فاش عرفتك مكاتعتابرهاش ختك وانك كاتبغيها ماقديتش نقولهالك باش مانخسرهاش ..
ارسلان- فهمت انا ممنون ليك ...حيت حميتيها وحافضتي عليها وماقربتيلهاش
ادم- انا حافضتت عليها وبغيتها فلحلال ماشي فالحرام
ارسلان- ولاكن خنتيها
ادم- ماخنتهاش داكشي دلبارح ناؤيمان ومصعب كانو متافقين وشربتني شي حاجا ومابقيتش كانتحكم فراسي وهادشي قالتولها ناريمان بفمها
ارسلان- مستحيل تسامحك
ادم- سامحتني ولاكن بغات تبقى فترة بوحدها باش ترتاح
ارسلان- (ماعجبش الحال) ماعمرني كان يحسابلي غادي نوصلو لهاد الحالة
ادم- ولى حتى انا ولاكن الحب عماني
ارسلان- واحد فينا خاصو يتنازل
ادم- انا عمري مغانتنازل
ارسلان- (ابتلع الغصة فقلبو) ادن انا لي غانتنازل وحتى صداقتنى مغاتبقاش كيف كانت حنى دابا كاتجمعنى الخدمة فقط
ادم- فهمت
ارسلان- كانتمنى تحافض عليها وديرها فعينيك والى غلطتى معاها ماغاديش نرحمك(خلاه وخرج ركب فسيارتو ومشى)
خرج مسكين وقلبو طايب من جيهتين الاولى فقد البنت لي كايبغي ومن جيهة فقد صديق العمر وهادشي لي مخليه يتعدب كتر مشا ديك اليلة وشرب مزياااان حتى مابقاش عاقل على راسو فين ومشا للاوطيل عند ايات
ايات- كالسا وشاعلة تلفاز كاتفرج ختى سمعت دقان .. و(شكون)
ارسلان- روم سيرفس
ايات- ماطلبت حتى حاجا
ارسلان- بغيت ناخد لفوطات
ايات- هادشي لي ناقصني غير لفوطات(دخلت للحمام هزت الفوطات وخرجت حلت الباب وطاح على الارض حيت كان متكي على الباب) ارسلان شكادير هنا .. اوووف شربتي اوووف ريحتك كاتكسر
ارسلان- (وقف على رجليه ومشا لناموسية وتلاح ونعس )
ايات- ارسلان- نوض سير لغرفتك هادي راها غرفتي (ناعس ماداهاش فيها) مشات جابت كاس ديال الماء بارد وكباتو عليه
ارسلان- هااااااا شنو هادشي
ايات- خرج من بيتي
ارسلان- اه واخا(ناض ودخل للحمام وسد عليه )
ايات- ماشي تما لباب هنا
ارسلان- (طلق الماء بالجهد حيد حوايجو وتحشا فالبانيو )
ايات- (جابت دوبل ديال ساروت وحلت الباب لقاتو ناعس وسط الماء ) شنو غاندير مع هادا عاوتاني
ارسلان- بغيت ندوش
ايات- لاء كملات
ارسلان- ديريلي شامبان
ايات- منك لله يا ارسلان (دارتليه شامبان فشعرو وغسلاتلو بحال شي وليد صغير محنها حيت تقيل هههههه )
ارسلان- نشفيلي شعري (نشفاتلو شعرو )ايوا خرجي بغيت نبدل حوايجي
ايات- فهادي توكدتي
ارسلان- الى بغيتي تبقاي ماعنديش مشكل انا عاااااادي عندي ههههههههههه
ايات- استغفر الله العضيم(خرجت وسدت الباب)
ارسلان- لبس وخرج وتلاح على ناموسية عاود
ايات- هاااااي نوض سير بحالك لبيتك
ارسلان- هادا هوا بيتي نتي لي سيري بحالك
ايات- مجنووووون
ارسلان- راني سمعتك (غمض عينيه حتى صبح صباح حل عينيه واول ماشاف كانت ايات ناعسة على الفتوي توكد لراسو )شكاندير انا هنا (بدا كايتفكر شوية بشوية ) ناريييي على تحشيمة تفووووو ( ناض غير بشوية وقرب ليها وكلس فالارض كايشوف فيها) ابتسم.. نفس نعسة مزالة عندك نفس ضحكة نفس شعر تفس العينين ماتبدلتيش (حط يديه غير بشوية على خدها ) علاش ماشي انا .. علاش ماتبغينيش انا .. حبك ليه خلاكي تسامحيه بهاد السهولة واخا خانك .. انا ماعمري نخونك .. انا ماعمري نشوف غيرك انا كانبغيك كتر منو .. (شافها كاتحرك وناض بسرعة خرج وسد الباب باش ماتشوفوش )..
ايات- (حلت عينها غير بشوية شافت فنموسية ) الحمد لله مشى (ناضت دخلت وخدات دوش وخرجت ولبست حوايجها تمكيجت وتعطرت (دقان فلباب) شكون
ادم- انا حلي
ايات- اووف الحمد لله منين مشا قبل مايجي هدا ....ادم غير سير ماغاديش نحليك
ادم- ايااات حلي
ايات- كولتلك لا
ادم- بغيت غير نهضر معاك
ايات- ماعندي فاش نهضر معاك
ادم- غادي نهبط نجيب ساروت ونحل الباب
ايات-(حلت الباب بعصبية) واش ماباغيش تفرق مني
ادم- لا ماغاديش نتفرق منك
ايات- سربي ختاصر خاصني نمشي للشركة تعطلت
ادم- مابقيتيش غاتمشي لديك الشركة
ايات- اها وعلاش باسلاما
ادم- مابغيتش ماغاديش تخدمي مابغيتكش تبقاي قريبة من ارسلان
ايات- وعلاش
ادم- هاكاك
ايات- عطيني سبب
ادم- مكاين حتى شي سبب
ايات- مزيان ادن حيد من طريقي
ادم-(شد الباب بيديه) فهميني واش ممكن ديري شي حاجا بلى ماتسولى علاش
ايات- لا مايمكنش (دفعتليه يديه وخرجت)
ادم- بلاتي خليني نوصلك
ايات- سي ارسلان خلالي شيفور ديالو هوا لي غايوصلني غير هني راسك
ادم- عاوتاني ارسلان ......(جرها من يدها) غادي نوصلك يعني غادي نوصلك
"في الشركة"
اسماء- ولاكن علاش شنو درتليك
ارسلان- شوفي انا مامستاعدش لزواج حاليا وبلى مانبقى مجرجرك معايا انا مكانبغيكش تقبلي هاد لهضرة
اسماء- عاماين لي ضيعت معاك ودابا بهاد السهولة باغي تفسخ الخطوبة
ارسلان- هادي عماين وانا كانقولك انا مكانبغيكش ......شوفي سمحيلي بزاف حنى مامكتابينش لبعضياتنا
اسماء- كاتبغي وحدا اخرى
ارسلان- لا مكانبغي حتى وحدة فهاد الساعة انا مامساليش لهاد شي
اسماء- ايات ياك
ارسلان- شنو كاتخربقي
اسماء- انا راني ماشي حمارة فينما كاتكون حداك كاتبقى تشوف فيها بطريقة ماشي طبيعية ديك النضرة عمري شفتها فيك ومنين جات ايات تبدلتي عليا وليتي خاصك غير فوقاش تفك مني
ارسلان- ايات خطيبت صاحبي كيفاش غادي نبغيها
اسماء- ماتحاولش تخبي عينيك فاضحينك(حيدت الخاتم وحطاتو على المكتب) حتى انا مابغيتكش .. ولاكن ماغانفلتهالكش اارسلان كيفما ضحكتي عليا غادي يجي نهار لي نضحك عليك عقل على هضرتي (خرجات وتلاقات مع ايات داخلا خرجات بلى ماتهضر معاها)
ايات- اسماء.. هادي مالها
ارسلان- خرج ومنين شاف ايات رجع دخل وسد الباب .. بعد 5دقايق رجع حل الباب ...... ماعمري شفت شي سكرتيرة كاتجي مور لمدير ديالها لمفروض نتي تسبقيني
ايات- سمحلي ماغاديش تعاود
ارسلان- احسن طلبيلي قهوتي (دخل وزدح الباب بجهد وبعد مرور 20 دقيقة ) تخول
ايات- (حطاتلو القهوة ) تبغي شي حاجا
ارسلان- تقدري تمشي .. بلاتي .. اناااا كانعتادر على البارح ماكنتش فوعي
ايات- ماشي مشكل
ارسلان- مزيان تقدري تمشي (خرجات)
دازو ديك الايام خايبة على كل واحد فيهم اسماء كاتحس بالشمتة حيت تخلى عليها ارسلان وطبعا هاد الخبر دار بلبالة فشركة وبين العائلتين لا اب ارسلان ولا اب اسماء تقبلو هاد التغير اووقاع خصام حاد بين العائلتين اما ارسلان كان كايتفادا يحتك مع ايات بزاف محاولاتا منو انه ينساها اما ادم لغيرة مازاة شاعلة فقلبو ومامطمنش عليها وهي قريبة منو كترت الشك ولخصام هي مكاتنازلش او هوا كتر منها هي مازالة شاكنة فالاوطيل اما ارسلان خدا كونجي لمدة 15 ليوم وفهاد المدة تحسنت علاقت ادم وايات شوية ورجعت معاه لدار بعد صراع طويل
ادم- ااااااه واخيرا رجعت في الروح احياتي ماتصوريش هاد المدة لي عشتها بعيد عليك كانت بحال الكابوس بالنسبة ليا
ايات- (تبسمة ) كانتمنى مانتفارقوش مرى اخرى احياتي
ادم- (عنقها ) مكاينش لي غاييفرقني عليك من غير الموت اعمري
ايات- الله ينجيك ويحفضك ليا
ادم- (نزل على ركابيه وجبد الخاتم) وهاد المرة واش تقبلي بيا زوجك واب لولادنا ورفيقك كل العمر
ايات- (نزلت الدمعة من عينها بالفرحة) اه قالبة
ادم- ( ركب ليها لخاتم او وقف وعنقها وبقى يدور بيها يدور يدور يدور وبجهد قال ) انا فرحااااااااااااااااااااان
ايات- هههههههههه (وصوت مرتفع) وانا فرحانااااااااااااااااااااااا ههههههه
ادم- هههههه اشنو بانليك نديرو العقد والعرس الاسبوع الجاي
ايات- بهاد السرعة
ادم- مابقيتش قادر نصبر ولو دقيقة بلى بيك بغيتك تكوني حلالي لي بوحدي
ايات- (تبسمة) وحتى انا مابقيتش قادرة نصبر
ادم- ادن تافقنا
ايات- ادم مابغيتش لعرس بغيت غير حفلة صغيرة فيها غير المقربين عشيا فقط
ادم- وعلاش مانديروش عرس يسمعو بيه لي فلمغرب كامل
ايات- ههههههه ماشي حتى لهاد الدرجة
ادم- لي بغيتي احياتي لموهيم تكوني فرحانا ويعجبك الحال ....
دازو ديكل15ليوم طويلة على ارسلان وتوحش يشوف ايات يوم دخل من لكونجي للخدمة
ارسلان-(فتح الباب ) بونجوغ
ايات-(وقفت) بنجوغ مسيو على سلامتك
ارسلان- ميرسي جيبيلي تقرير ديال هاد 15 ليوم لي كونت غايب فيهوم
ايات- اوكي مسيو خرجات جابت الملفات ودخلت) هاهوما امسيو (وحطت من فوق منهوم برية
ارسلان- شنو هادي
ايات- فتحها وشوف
ارسلان- (تصدم فاش شافها ) مبروك عليكم الله يكمل بالخير
ايات- امين ميرسي .. صراحة ماكرهتش تتصاح مع ادم صحبة ديالكوم ماشي ديال عام ولى عماين ماخصكومش تبقاو هاكا نتوما راكوم فمتابة الخوت
ارسلان- (ابتسم بحرقة اووقف ) قولتيلي داك نهار ماكرهتيش خوك ارسلان هوا لي يقدمك لعريسك
ايات- امممم ماكرهتش
ارسلان- خليني انا نكون فبلاصتو بما اننا عندنا نفس الاسم خليني نكون انا هوا الاخ ديالك
ايات- (فرحات) واش كاتهضر بصح يعني غادي تتصالحو نتا وادم
ارسلان- انا اه شوفيه هوا شنو رئيو
ايات- اكيد غادي يقبل مكاينش شي نهار لي مكايهضرش عليك
ارسلان- بلخير ولى بالشر
ايات- بالخير طبعا
ارسلان- الله يكمل بالخير
ايات- شكرا فرحتيني بزاف (خرجت)
ارسلان- قلبي يعاند عقلي .. الله يصبرني
بعد مدة طاحت عليها فكرة كيفاش غاتخليهم يتصالحو سيفطت ميساج لارسلان وقالتلو طلع لعندي لسطح كانتسناك ونفس الميساج سيفطاتو لادم
ارسلان- (طلع لعندها ) علاش طلبتي تشوفيني هنا
ايات- اجي (جراتو من يديه )
ارسلان- ادم ..
ادم- شنو كاديري اايات
ايات- (وقفت وسطهوم) بغيت نعرف شنو هوا هاد الشئ لي كونتو كاتخاصمو عليه داك نهار
ادم-كولتليك ماتبقايش تجبدي هاد الموضوع
ايات- ارسلان هوا مابغاش شرحلي نتا
ارسلان- الى مقالش هوا حتى انا مغانقولش
ايات- اوكي على خاطركوم انا غادي نهبط ونتوما غاتبقاو هنا وبغيتكوم تهبطو ونتوما مصالحين اوكي
ادم- ايات باراكا من لحماق
ايات- ادم تعلم تتنازل شوية .. كانتمنى تتصالحو .. (هبكات)
ادم- (كايشوف فيه ) هدر مالك ساكت
ارسلان- مبروك عليكم والله يكمل بالخير
ادم- هههههههه قالتهالك .. قولي من قلبك والى غير نفاق
ارسلان- نفاق لا غير
ادم- ههههههه كاتعجبني فيك صراحتك
ارسلان- ماعمرني غانفرحليك حيت غضرتي بيا ومع دالك تنازلت وخليتهاليك ماتخيلش باش كانحس بغيتك تجرب نفس الاحساس
ادم- (ضحك باستهزاء) فرح ولا ماتفرحش شغلك هداك وايات غادي تولي مرتي دخل هاد الهدرة لعقلك
ارسلان-حاولت ندخلها ومابغاتش
ادم- (شنق عليه ) ماتخلينيش نقتلك هنا
ارسلان- ههههه الى درتيها انا غانوت ونتا غاتحبس وايات غاتبقى ارملة قبل ماتتزوج هههههههههههه
ادم- (طلق منو) حقير
ارسلان- ماشي احقر منك
ادم- شنو بغيتي دابا
ارسلان- ايات
ادم- ياك تنازلتي عليها
ارسلان- عقلي تنازل وقلبي مابغاش
ادم- ادن تفرج غير من بعيد كيف غانخلي قلبك حتى هوا يقتانع فاش غاتشوفها وهي مرتي وام ولادي
ارسلان- بصحتك اسيدي ااااه ماقولتلكش انا لي غانقدمهاليك فالعرس يعني غانكون بمثابت خوها
ادم- ههههه مزيان باش نشوفك ونتى محطم قدامي
ارسلان- ماتفرحش بزاف تقدر تقلب عليك هاد الفرحة (خرج وخلاه واقف )
ادم- الحقير ..
ايات-(شافتو دخل وقفاتو) شنو تصالحتو
ارسلان- (ابتسم) اه تصالحنا
ايات- الحمد لله (دخل ادم معصب) حياتي فرحت حيت تصالحتو
ادم- (شاف فارسلان كايستفزو بتعبير وجهو ) اه تصالحنا وماعمرنا غانتخاصمو ياك اارسلان
ارسلان- اه اكييييد (دخل وزدح الباب بجهد)
ايات- فرحتوني بزاف
ادم- نتي لي طلبتي منو يقدمك ليا نهار العرس
ايات- اااااا امممم اه انا طلبتها منو علاش
ادم- غير سولت انا غانمشي دابا ماتحتكيش بيه بزاف
ارسلان- ايات وجدي راسك غادي نخرجو
ادم- فين
ارسلان- مسيو ادم كاندخلك فشغلك ادن مادخليش فشغلي
ايات- (شافت لقدية حامضة) اه واخا امسيو انا غانوجد راسي (جرا ادم لبرا) ادم سير نتا دابا اوكي
ادم- (معصب) اوكي كيفما قلتليك ماتحتكيش بيه وغير تسالى عيطيلي نوصلك
ايات- صافي كون هاني
ارسلان- كانتسناك
ايات- اوكي يالاه (خرجو تحت نضرات ادم لي مترقبهوم وارسلان كايستفزو بحركاتو بلعاني وضد فيه)
ايات- فين غادين امسيو
ارسلان- حيدي ديك مسيو راحنى خرجنا من شركة
ايات- اه اوكي
ارسلان- عارض عليك ماشي انا فبلاصت خوك ارسلان عارض عليك بصفتي خوك
ايات- (تبسمات) امم شكرا .. احم بغيت نعرف واش ديك لهضرة لي قلتيلي داك نهار فالكااراج بصح .. يعني انك كاتبغيني
ارسلان- ااااا لا
ايات- يعني مكاين والو من ديك لهضرة
ارسلان- لا والو غير هنيلي راسك راه غير كونت مقلق وصافي
ايات- مزيان دابا عاد رتاحيت
داها داك نهار وشرالها كاع داكشي لي كاتحتاجو اي عروس ملابس اكسسسوارات احدية قفاطن تكاشط مكياج شرالها كولشي وكانه هوا لي غادي يتزوج بيها
ايات- (لبست تكشيطة وخرجت) كيف جيتك
ارسلان- (غمض عينيه ) خايبااااااا حيديها
ايات- شحال من تكشيطا قيست ماعجباتك حتى وحدا
ارسلان- بلاتي نشوفلك .. اممممم.. شوفي هادي واااو غاتجي عليك
ايات- ولى لبستها وماعجباتكش
ارسلان- غاتقيسي وحداخرا هههههه
ايات- ههههه حرام عليك كاديرلي التعديب النفسي
ارسلان- غدا العرس وداك ادم ماشرالك والو لعجب ماشي من طبعو
ايات- كونا مخلين هاد نهار هوا لي غادي نتقداو فيه لي بغينا
ارسلان- امممم ايوا ولحنة وفوقاش
ايات- غادي نشركها مع العرس
ارسلان- مزيان يالاه سيري قيسيها
ايات- اوووووووه عييييييت
ارسلان- (دفعها ودوز الخامية ) سربي مازال تابعنا شلا حوايج..
دوزو ديك لعشيا حتى طاح ضلام وتلفون ديال ايات محطوط حدى ارسلان وهي كاتقيس بعض الاحدية
ارسلان- (شاف تلفونها كايصوني وادم هوا المتصل هز تلفون وشاف فيها وهي ملهية قطع عليه وعطل خدمة GPS شوية وهوا يسيفط ميساج قراه ومسحو ) ماشي غير نتا اسي ادم لي كاتعرف دير تاحراميات (شافها جايا وحط تلفون)
ايات-صافي واخيرا سالينا
ارسلان- اوكي تسناي نخلص ونمشيو (خلصهوم وخرجو) ودابا فين غانمشيو مانسيناش شي حاجا
ايات- صافي كولشي شريناه
ارسلان- ادم يالاه ناكلو لاكلاس (ايس كريم)
ايات- مشا لحال
ارسلان- تشهيتو ماناكلوش
ايات- اممم اوكي انا بغيت الفاني وشكولا
ارسلان- وانا بغيت لفريز وشكولا عرفتي انا غاندير باناشي غانخلط كووووولشي
ايات- ههههههههه غادي تمرض
ارسلان- انا كبير واخا نمرض اما نتى صغيرة الى مرضتي غادي نتعدب معاك وماغاتبغيش تنعسي فليل
ايات- (فجئة وقفات وخلاتو زايد نزت دمعة من عينها)
ارسلان- (كايهضر بوحدو حتى شاف حداه مالقاهاش ودار) ايات مالكي وقفتي خليتيني كانهضر غير بوحدي
ايات- عرفتي هاد لهضرة لي قلتيلي كان كايقولهالي خويا مكانش كايبغيني نمرض منين قولتي نفس الهضرة تفكرتو
ارسلان- (ابتسم) يالاه نمشيو (دار يديه على كتافها وجرها) لي كول الشرف انني فكرتك بخوك
ايات- سولت المديرة عليه وقالتلي تبناه شي حد وداه لامريكة يمكن هدا لاش ما رجعش عندي غايكون عايش فالغربة وموحال واش غايعقل عليا وانا كيف لهبيلة ماكايزولش من بالي
ارسلان- (كايضحك من داخل ) صافي نسايه عليه ياك انا هوا خوك
ايات- اه بصح
ارسلان- هههههه فاش كاتبكي كاضحكيني كون شفتي وجهك كيف ولى
ايات- كيف ولى
ارسلان- كيف ماطيشا ههههههههه كلسي انا غانجيب ليك تشربي (مشا وطول شوة ورجع ) شدها من كتافها وخلعها
ايات- حشومة عليك خلعتيني
ارسلان- ياك انا علمتك ماتخافي من حتى حاجا
ايات- (تصدمت نفس الكلام لي كان كايقولها ارسلان فاش كانو صغار)
ارسلان- مالكي كاتشوفي فيا ياكما غاتبكي عاود .. غادي نضحك عليك
ايات- بغيت نمشي
ارسلان- حتى تكملي لاكلاص ديالك
ايات حنات راسها ومرا مرا كاتشوف فيه وارسلان مراقب حركاتها وداكشي لي بغاه وصلو خلاها تحس انه خوها لي كاتحلم تشوفو كلاو وخرجو او وصلها لحدى دار كانت ديك ساعة 9 مساء
ايات- تعطلت على ادم غادي يتقلق
ارسلان- غادي ندخل معاك اوكي
ايات- اوكي مرحبا بيك وغادي تتعشى معانا (حلت الباب ودخلت هي الاولى
ادم- فين كونتي وعلاش مكاتجاوبينيش
ارسلان-(دخل ) وعليكم السلام
ادم- ارسلان شكادير هنا
ارسلان- قول للعساس ديالك يجيب صخرى لي فسيارة
ايات- انا غانقولهالو(خرجت)
ادم- (جرو) شنو كاتحاول دير
ارسلان- تهدن انا درت داكشي لي مادرتيهش نتا
ايات- (شافتهوم مخاصمين) مالكوم عاود
ادم- غير كونت كانهضر معاه (شاف لاكياس ديال لحوايج) شنو هادشي
ارسلان- برعت ختي اليوم اشنو بغيتينني نعطيك ختي بلى زهاج
ادم- ولاكن انا كونت
ايات- صافي ماشي مشكل اادم
ارسلان- سمعتي تعلم منها شوية ديال الباقة
دازت ديك ليلة مكفسة على ادم وهوا كايشوف فارسلان كايتقرب من ايات ويضحك معاها غير ضد فيه كايستافزو
ارسلان- ايات الله يعطيك صحا والله يعطيني شي مرا بحالك
ايات- ههههههههه شكرا على المجاملة
ادم- (كايهضر غير بشوية) ساليتي نوض سير بحالك
ارسلان- ههههههههههه كون سمعتي نوكتة لي عاودلي كاتقتل بالدحك
ايات- دحكوني معاكوم
ادم- واحد النكتة بايخة بحالو ههههههه
ارسلان- شكرا على لعشا مشى الحال غادي نمشي وغدا انشاء الله غادي ندوز عليك
ادم- وعلاش
ارسلان- ماشي راها ختي
ايات- ههههه اجي مرحبا بيك غادي نتسناك
ارسلان- اوكي يالاه بسلاما اختي (خرج )..
"في منزل مليكة"
الحاجة - لاء مزيان تبارك الله هادشي لي ناقصنا
مريم - هي راها واعدتني واخا غاتزوج بادم غادي تنفد كل لي تطلبوه منها
الحاجة- لاء هاد العرس مستحيل يتم
اسماعيل - مريم خرجي
مريم -خليني معاكوم
اسماعيل - قولتليك خرجي (جرها وسد الباب)
الحاجة -فين هوما هاد لخطط دياولك قتلتيني غير بالهضرة الخاوية
اسماعيل- انا راني موجد كولشي غير رتاحو نتوما غدا ماغايكون لا عرس ولى هم يحزنزن
مليكة- لاياش مخطط
اسماعيل-(بتاسم بمكر) خليها مفاجئة
"في الغد"
ايات-(كاتهدر فتلفون) هههههه المسخوطة غادي تجي ياك غادي نتسناك
جيهان- الى ماحضرتش لختي وصاحبتي لمن غانحضر
ايات- لهلى يخطيك احبيبتي منين تجي غانعرفك على واحد صاحبتي سميتها سكينة غادي تتفاهمو
جيهان- اكيييد كوليلي منين دبرتي عليه ياختي جمالو تركي مين قلتيلي سميتو قلبت عليه فكوكل غزااااال ولاباس عليه شوفي ماتشوفيليش شي صاحبو
ايات- هههههههه ايوا اجي وشوفي بعينيك (سمعت دقان فالباب) جيهان شي حد كايدق بسلاما عليك اختي
جيهان- بسلاما
ايات- اصبار هانا جايا (حلت الباب) ارسلان
ارسلان- دخلو يالاه سربيو
ايات- شنو هادشي
ارسلان- هادو منضمي الاعراس هوما لي غايتكلفو بيك وغايطلعوك اجمل عروس اليوم
ايات- ههههههه لهلى يخطيك عليا اخويا
ارسلان- فين هوا ادم
ايات- خرج قبيلة قالي 5دقايق وغايجي وهادي ساعة ومازال مابان
ارسلان- عنداك يكون بدل رئيو
ايات- هههههههههههه داكساع نديرك نتا هوا لعريس
ارسلان- ههههههههههههه وانا نكره
"في مكان مجهول"
اسماعيل- (كب عليه صطل ديال الماء بارد( هيييي فيق ابنادم)
ادم- (كايحل عينيه بصعوبة) ااااه فين انا
اسماعيل - انتا دابا فضيافتي غادي نتهلى فيك بزاااااااف اصاحبي
ادم- الحاقير ماكفاتكش لعصى ديال داك نهار
اسماعيل- ههههههههههه اووووو هاد المرة نتا لي غادي تتعصى اصاحبي
ادم- طلقوني لاش رابطيني
اسماعيل - (دار اشارة لرجالو ) تكلفو بيه شوية ونرجع
ادم- (كايغوت) طلقونييييييييي
بعد مرور 10 ساعات"في المنزل"
ارسلان-(كايدق) ايات واخا دخلت
ايات- تفضل
ارسلان-( وقف مسحور بجمالها جات عروس غزالة ماشاء الله) جيتي زوينة
ايات- (مقلقة) شكرا ارسلان مازال مجاش ياك
ارسلان- لا مازال خصنا نمشيو لقاعة عمرت بالناس
ايات- ولاكن هوا راه مزال ماجاش
جيهان- يمكن الى دايرليك شي مفاجئة خلينا نمشيو
سكينة- اه بصح كيما قالت جيهان ممكن تكون شي مفاجئة هادي
ارسلان- اشنو مشينا
ايات- واخا الله يستر وصافي
ارسلان- انا سبقتكوم للسيارة
جيهان- اواااو واااو وااااو انا غادي ندوب دابا اش هاد الجمال
سكينة- هههههههههههه هداك راه راجلي حطيت عليه قبل منك
جيهان- ايات ختى حكمي بيناتنا شكون شافتو الاولى
ايات- تصورو مايجيش
سكينة- ماتقوليش هاكا احبيبة غادي يجي ياك هوا كايبغيك مستحيل يغدر بيك
جيهان- يالاه احبيبتي نمشيو راني باغيا نشطح ماقادراش نصبر هههههه
خرجو ولقاو سيارات كاتتسناهوم ركبو ومشاو للقاعة وصلو وادم مابانلو اثر وتوتر والقلق تملك قلب ايات
ايات- هادي 10 دليل علاش مزال ماجاش وحتى تلفونو مطفي منين خرج مع 8 دصبح وهادي لعشرة
جيهان- سكينة شنو غانديرو والى ماجاش
سكينة -شكتي غادي تسمعك
ايات- سمعتكوم (كاتبكي)
سكينة- لا احبيبة ماتبكيش غادي ضيعي لمكياج
لعدول- سي ارسلان مشا الحال خصنى نديرو العقد ونمشيو بحالنا
ارسلان - صبرو علينا غير شوية الله يخليكم
اسماعيل- غادي نصوني وغادي تهضر معاها وغاتقولها مابقيتش باغيك
ادم-(دفل عليه) حلم مستحيل مستحييييييييييييييل
اسماعيل- (عطاهوم اشارة باش يضربوه ) بعد ربع ساعة .. شنو قلتي دابا
ادم- مستحييييييييل خلينا نتفاهمو داكشي لي غاتجيبلكوم ايات انا نجيبولكوم بغيتو املاكو اوراقو شركاتو انا جيبهوملك حتى لبين يديك..
اسماعيل-وشنو لي يضمن لي انك معاغاتغضرش بيا
ادم-انا الى قولت الهضرة مكانرجعش فيها
اسماعيل- ههههههههههههه انا ما عندي بيك غراض ولي غايوقفلي فطريقي غادي يموت
ادم-شوف انا كانعرف على ديك العائلة كول شي وانا عارف أسرارهم كولها انا غانفيدك كتر منها هي
اسماعيل-طززز نتا اصلا فيك غير لهضرة ياك حتى نتا قتلك عائلتك وشنو درتي عايش تحت ضلهوم كيف لعبد
ادم - حتى انا بحالكوم كانتسنى غير الوقت المناسب بش ننتقم لعائلتي حنا عندنا نفس الهدف
اسماعيل-توتوتوتو ماشي نفس الهدف دابا من اخر غادي نهضر معاها أولى لا
ادم -لا مستحيل
اسماعيل-زيدااااان
زيدان-نعام اسيدي
اسماعيل- وريه بفيديو
ادم-(كايشوف لفيديو فيه آيات كالسا وشخص و واقف بعيد عليها وهاز فردي )شنو هادشي لا مايمكنش(كايغوا وكايحاول يحل الربطة)
اسماعيل-بلا ما تعدب رأسك بكلمة مني غاتشوفها
ميتا غارقة قدمها
ادم-مستحيل... نتا كاتحاول تخليني نتا مستحيل تقتلها قبل ماتكمل المهمة وناخد لي بغيتي
اسماعيل-راك مازال مكاتعرفني مزيان...... زيدان عطيه تعليمات ....وقولو ينفد
زيدان- اوكي سيدي .....الو ..... نفد.....(وراه تلفون باش بشوف بعينيه)
ادم-لا .....لااااااا .....كانترجاك مدير لي بغيتي........لاااااااا.......صافي...صافي...اوكي موافق
اسماعيل-زيدان ..... قولو يتسنى....(دون نمرة)الى حاولتي دير شي حركة راك عارف شنو المدير
ادم-( دارلو اللون على ودنيه) كايصوني
ايات-الرسلان هاهوا كايصوني الحمد لله.....
ارسلان-سر بي جنوبي
ايات-الو... حياتي فينك فيه هاد تعطيلة
ادم-.... (صمت)......ايات....
ايات-نعام فينك دابا
ادم-(نموت الدمعة من عينيه).....انا ماغانجيش
ايات-كيفاش .....شنو كاتقول(نزلت الدمعة من عينها)
ادم -مابقيتش باغيك سمحيلي مانصلحلكش
ايات-ادم ماديرش فيا هاكا كانترجاك انا كانبغيك
ادم- وحتى انا كانبغيك ولاكن مانقدرش نتزوج بيك عندي ضروفي
ايات-(بصراخ) ضروف شنو هوما هاد ضروف (خطف ليها تلفون ارسلان)
ارسلان- شنو كاتقول نتا واش حماقيتي
ادم- مادخلش بيناتا ....عطيها تلفون نهضر معاها
ارسلان- واش نتا مريض واش حماقيتي ياك قولتي كاتبغها فين مشا هاد الحب(حيدت ليه تلفون)
ايات- علاش عطيني غير سبب واحد
ادم-(بعد صمت) عائلتك مكاتشرفش اايات نتى بنت ..
ايات- صافي ....(بصراخ)صافي سكت....منين مباغينيش علاش خليتيني حتى لهاد نهار عاد كاتقولها علاش...واش حيت بغيتي ضحك عليا ناس علااااااش فين كنتي لبارح اول بارح علاش درتي فيا هاكا علاش كدبتي عليا
ادم- انا كان كايحسابلي كانبغيك .....ولاكن كتاشفت فاخر لحضة انني غالط
ايات- اخر لحضة .....اخر لحضة ياك .....(كاتبكي) كون قلتيلي هاد لهضرة غير صبح كونت غانتقبلها منك ولاكن نتا شوهتيني وحطمتيني الله ياخد فيك الحق ........الله ياخد فيك الحق هئ هئ هئ
ادم- ماتبكيش علىا انا مانستاهلكش
ايات- (بصراخ)انا مكانبكيش عليك.....انا كانبكي على راسي ...كانبكي على زهري ....كانبكي حيت تقت فيك وسمحت ليك بعد ماخنتيني .....(قكع عليها) ....قطع عليا ......
ارسلان-(حيد ليها تلفون) اري لهنا
ايات-(بصراخ) قطع عليااااااااا هئ هئ هئ هئ
ادم- (معصب ولعروق ديال وخهو كايبانو) علاش قطعتي علاش مازال ماساليت هضرتي
اسماعيل- داكشي لي بغيتك تقولو قلتيه .... نزار تكلف بيه
ادم- (كايضربو) اااااااه غادي نقتلااااك الحقير
اسماعيل- الى بقيتي عايش ...(تلفونو كايصوني) شنو بغيتي
مريم- فينك
اسماعيل - علاش كاتسولي
مريم- اليوم عرس ايات وادم مختفي
اسماعيل- ومن بعد وانا مالي
مريم- ماتقوليش وانا مالي نتا لي خطفتيه
اسماعيل- ومن بعد اه انا فين كاين المشكل
مريم- ايات ختي مسكينة كيف غاتكون دابا مافكرتيش فيها
اسماعيل- انا مكاتهمني لا ايات ولا عبوش
مريم- اسماعيل حرام عليك ماتحرقش قلب ختي كانترجاك
اسماعيل- وانا قلبي محروق على ولدي كيف غاندير نرجعو ها عندك شي فكرة
مريم-(بعد صمت) لا ماعنديش
اسماعيل- ادن شدي فمك وخليكي ساكتة ختك غاتبكي نهار ويوماين وغاتنسا اما ولدنا الى ماجبناش لفلوس ماعمرنا غانشوفوه كون لقيت 100 مليون كون راه دابا فحضني
مريم- ولاكن ايات ماعندها حتى شي دنب فهاد شي
اسماعيل- وحتى ولدي ماعندو حتى شي دنب
مريم- لي خصك تنتاقم منو هي الحاجة ومليكة هوما لي حرمونا من ولدنا
اسماعيل- مازال دور ديالهوم جاي غير بلاتي عليهم ...
جيهان- (كاتبكي) صافي احبيبة مايستاهلكش ماديريش فراسك هاد لحالة
ايات- (كاتبكي بحرقة ) ماقادراش نستوعب هادشي داز على راسي بزاف دلمشاكل وستملتهوم الى هادا
ارسلان- (جرها من يدها وخرجها) زيدي
ايات- بلاتييي طلق منييي
جيهان- خويا ارسلان فين غادي بيها.....(كاتجري)
سكينة- ارسلان بلاتي..(كاتجري)
وصلو للقاعة وكانت عامرة بالناس وكولشي وقف كايشوف فيهم وكايشوفو فايات لي تخلط ليها المكياج مع دموع وادم شاد فيها فديك لحضة وقف بيهم الزمن .... كولشي واقف وصمت واحد شوية بدات لهضرة كاضور كولشي كايهضر فيهم وعلى حالت ايات المزرية
لعدول-ولدي راه هادي11 ديال ليل واش غاي ديرو العقد ولى نمشيو بحالنا
ارسلان- (جبد لاكارط ديالو) شد بدا شغلك
لعدول- واخا اولدي الله يكمل بالخير
ارسلان- (جرها وكلسها على الكورسي ) كلسي
ايات- شنو كادير
ارسلان- هانتي غاتشوفي ....
لعدول - بالسم الله .....السيد ارسلان بنيس واش قابل تتزوج بالانسة ايات...
ارسلان- اه قابل
لعدول- الانسة ايات اليوسفي واش نتي قابلة تتزوجي بالسيد ارسلان بنيس
ايات- (شافت فيه بصدمة ودارليها اشارة بعينيه باش تطمن ) نعم اقبل
لعدول - تفضلو مضيوعلى العقد هنا .....ومررو لشهود يمضيو على العقد .....من بعد مامضا العروسين وشهود باسم السلطة المقدمة الى اعلنكم زوج وزوجة
تحت تصفيقات الحضور والموسيقى ودقايقية ورقص الحضور وكلامهم لي من تحت لتحت
جيهان- قرصيني ....قرصيني.....ماقادراش نستوعب(شافت فسكينة) هييييي
سكينة- هاه قولتي شي حاجا
جيهان- ياودي لي غاتقرصني نتي خصك لي يقرصك
سكينة- صراحة ارسلان طلع راجل او ولد ناس
جيهان- ولاكن هي كاتبغي ادم
سكينة- نتها زمن ادم ..........ودابا بدا زمن ارسلان
جيهان- عندك الح شوفي ايات مسكينة حالتها حالة ......
سكينة- ماشي ساهلة ولد لحرام بحال هاد نوع خصهوم يتنفاو فشي جزيرة مهجورة
جيهان- شوفي مسكينة دموع واقفين فعينها والله ياختي وفين كان مخبي ليك كل هادشي
ارسلان- واش........ نتي بيخير
ايات- (ماشافتش فيه وهزت براسها بمعنى لا)
ارسلان- (دار اشارة لجعفر باش يجي )
جعفر- نعام اسيدي
ارسلان- خرج عليا هاد ناس لي هنا ماتخلي حتا واحد
جعفر- واخا اسيدي
ارسلان- يالاه ندخلو (عطاها يدو باش تشد فيه ولاكن هي وقفت وماداتهاش فيه ) ايات غير على قبل ناس شديلي فيدي
ايات- (شافت فيه وبعد لحضة شدتليه فيدو وزادو بجوج وخرجو من القاعة وركبو فسيارة وزادو) ديني للاوطيل
ارسلان- لاء غانديك لداري
ايات- مابغيتش ديني للاوطيل
ارسلان- (مابغاش يحكر عليها) واخا لي غيتي
ايات- علاش درتي هاكا
ارسلان- لارد
ايات- جاوبني (بصراخ)
ارسلان-لارد
وصلو للاوطيل
ارسلان- وقف فارسبسيون.....غرفة الى سمحتي
الموضف-واخا اسيدي عقد الزواج من فضلك
ايات-جوج غرف الى سمحتي
ارسلان- (تنهد وعطاه العقد)غرفة بسريرين
الموضف-واخا اسيدي ....تفضل المفاتيح
طلعو للغرفة
ايات-بصراخ....ممكن تجاوبني دابا علاش درتي هاكا
ارسلان-مابغيتوش يشمت فيك ....ومابغيتش الناس ولا صحافة يقولو عليك هرب عليها....
ايات-كمل علاش سكتي...هرب عليها لعريس نهار العرس
ارسلان- انا...
ايات- خرج بغيت نبدل حوايجي
ارسلان-هاه واخا سمحيلي
خرج ارسلان او ايات كلست تبكي وتخوي قلبها ....وبدلت حوايجها وستحمت ولبست بيجاما بيضاء ديال الحرير سروال وسوميج ديالو
ارسلان-كايدق....ايات ساليتي واخا ندخل
ايات- مسحت دموعها ....اه غير دخل...
ارسلان- جات معاك زوينة
ايات-كولو من دوقك نتا لي ختاريتيها
ارسلان-بصحتك ....كونتي كاتبكي
ايات-لا مابكيتش
ارسلان-ماتكدبيش عينيك حومر ومنفوخين
ايلت-شنو بغيتيني ندير ماقدرتش نصبر كان كايقولي غادي غانديرو شهر العسل فكورية الجنوبية وغانعيشو اجمل حياة صدمني فيه هئ هئ....
ارسلان-صافي باراكا من لبكا .....صافي
ايات-ادم كايصوني
ارسلان-جاوبيه
ايات-الو .......ابو .......مكايجاوبش .......الو ادم
البنت-الو لعروسة ديالنا ....كيف داو عررسك
ايات-شكون معايا
البنت-انا حبيبة ادم زوجته المستقبلية
ايات-(قلبها تكوا 💔)ولاش معيطالي سنة بغيتي
البنت-بغيت غير نقوليك ماديريش بخاطرك دابا تنسايه مع الوقت احبيبة
ايات-(تعصبات بدات غير كاتسب فيها ماصبرتش حتى خطفلها تلفون من يدها)
ارسلان- الو .......الو....... (قطعت)
ايات -لا هادا ماشي ادم لي عرفتو وحبيتو مستحيل يكون هوا مستحيييييل 😭😭😭😭😭
ارسلان-(بعصبية)حتى انا مكانش يحسابلي غايدير بحال هاكا كانقصم ليك إلى شديتو غانخليه يركعليك حدا رجليك غادي ندلو غادي نبهدلو على هادشي لي دار
ايات-خاني وسمحتلو ....صدقتو درتو هوا عائلتي لي ماعنديش لقيت فيه كل ماتمنيت راجل ...واب ...واخ وصدر حنين وقلب كبير .......حماني وصاني وفتحلي دارو وماستغلنيش وبغاني ام لولادو شحال... من نهار كانبداو نحلمو بوليداتنا وشنو غانسميوهوم وشنو غانلبسولهوم وشنو غانقريوهوم وكيفاش غادي نربيوهوم .... كان كايقولي غادي نديرليك عرس المغرب كولو يدوي عليه وشهر العسل فكورية الجنوبية .... وكان باغيني نولدليه بنيتا ...... اموت كاتشبهلي 😢😢 يعني هادشي كامل غير كدوب وتمثيل ..... يعني انا منحوسة حتى لهاد درجة ومانستاهلش نعيش فرحانا .....ولى انا لعنة كاتصيب اي واحد قرب ليا ....هاه ....😭😭
ارسلان-(قرب ليها وعنقها) نتي ماشي لعنة ....انتي نعمة من سماء .....تيقي فنفسك ....وكوني قوية ....انشاء الله غادي تفوتي من هاد المحنة وغادي تعيشي ونتي مكتسبة خبرة بالحياة الإنسان كايتعلم من أخطائه .....
ايات-انا كولي خطئ وجودي ... وحياتي كولها خطئ
ارسلان- 😔(شدلها فيدها).....انا ....
ايات- انتا انسان طيب و كانشكرك بزاف على انقادك الموقف ...كيفما كاتشوف حنى عايشين وسط مجتمع كايخاف من هضرة الناس وانا اولهم حيت تاديت بزاف منهوم .....
ارسلان- ازمة وغادوز ...كوني قوية
ايات-(كاتبكي) انا راني تحطمت اشمن قوة كاتهضر عليها انا انتهيت ........
ارسلان-ممكن مع الوقت تلقاي لي يحبك بجد
ايات-مابقيت غانتيق فحتاشي واحد مابغيت حتى شي راجل فحياتي ادم الوحيد لي بغيت وماعمري غانبغي شي حد
ارسلان-عطي فرصة لراسك ..... الرجال ماشي كلهم بحال بحال ....
ايات-فنضري كلهوم بحال بحال .....
ارسلان-خصكي ضاروري تتجاوزي هاد الفترة بادن الله ......بعد كل ليل مضلم صباح مشرق ....
ايات-بصح بغيت نتجاوز هاد الفترة بغيت نكون قوية لي داز عليا ماشي ساهل والاتي اعضم حاولت ننهي حياتي شحال من مرة ولاكن دابا هاد لمشاكل ولاو كايزيدوني عزيمة وإصرار على المضي قدما .....
ارسلان-انا عندي ماجستر فعلم النفس كنت باغي نكون دكتور نفسي ولاكن ضروف ماسمحتش ونقدر نعاونك ونوقف بجنبك حتى تتجاوزي هاد الفترة...
ايات-دكتور نفسي ....وحتا انا كنت كانحلم نكون دكتورة ولاكن الضروف ماسمحتش ....
ارسلان- ادم ديري يديك فيدي حتى ترتاحي ومن بعد تقدري ديري اي حاجا كونتي كاتحلمي بيها وانا غانعاونك .....
ايات-نتا عاونتيني بما فيه الكفاية باراكا وقف غير هنا .... بغيت ننزل ونكمل طريقي على رجلي .... انا بغاني الله هاكا ابتلاني وخاصني نصبر حتى يفاجيها الله عليا وماغانزيدكش حتى انت همي وقررت مابقيت غانعتامد حتى على شي حد غادي نوقف على رجلي ... وغادي نكمل طريقي وادم صفحة من حياتي تطويها صحيح انه غدرني ولاكن حيت بغيتو من قلبي غانقوليه الله يسمحلك كيما درت مع لي ضلموني قبل منو خليتهوم منهوم لله الى سمحلهوم انا مسامحاهوم.......(شدتله فيديه)ارسلان خسنى نسرعو فاجرأت ديال الطلاق....
ارسلان-من بعد ونهضرو فهاد الموضوع يتم مني قولتي حنا مزوجين غير بالأوراق ... او ...
ايات-اه غير بالأوراق وبغيت نطلقو بسرعة باش تكمل زواجك مع أسماء مابغيتهاش الخط فنفس الموقف بحالي او حاول تشرحلها انك غير عاونتيني او.......
ارسلان-انا واسماء فسخنا الخطوبة ...
ايات-كيفاش فقااش مافخباريش
ارسلان- انا مكانبغيهاش ومابغيتش نضلمها معايا ونجرجرها كتر حاولت نبغيها ولاكن ماقدرتش .... .
ايات-على الأقل نتا كونتي واضح معاها ..... ماشي بحال ادم...كان يكفيه يقولي غير كلمة مكانبغيكش وكنت غانختافي من حياتو للابد .....
ارسلان-(مسح ليها دموعها) نعسي دابا ورتاحي ...انا غانبق فجنبك
ايات-ماغايجينش نعاس غير كانحط راسي كانتفكر لي داز عليا هاد نهار
ارسلان- (غطاها)غمضي عينيك ....يالاه
ايات-شكرا بزاف على كولشي كانحس بيك ملاكي الحارس.....
ارسلان-(تبسم) ادن خليني نكون ملاكك الحارس اوكي يالاه غمضي عينيك .....
دازت ديك اليلة صعبة بزاف على ايات طبيعي اي بنت فبلاصتها غادي تحس بنفس الاحساس ..... شحال صعيب تكون كاتيق فشي حد وفالاخر يغضرك ...لاء وفنهار العرس هادي صعيبة بزااف
عجبا لهده الدنيا تجمعنا ونحن لا نعرف بعضنا البعض ثم تفرقتنا بعدما صرنا اقرب الناس الى بعض
نهاية الفصل الأول
يتبع
التنقل بين الأجزاء